သတင်း

အင်းတော်တိုက်ပွဲတွင် စစ်အုပ်စု စစ်ကြောင်း အထိနာသဖြင့် စစ်ကူပါ ပြန်လှည့်ရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၇ ရက်။ စစ်ကိုင်းနှင့် ကချင်အစပ်ရှိ အင်းတော်မြို့နယ်ထဲက မန္တလေး-မြစ်ကြီးနား ပြည်ထောင်စုလမ်းမကြီး တစ်စိတ် တစ်ပိုင်းကို ထိန်းချုပ်ရန် ကြိုးပမ်းနေသည့် စစ်အုပ်စု စစ်ကြောင်းများ အထိနာနေသဖြင့် ဝန်းသိုနယ်ဘက်သို့ ရောက်ရှိနေသည့် စစ်ကြောင်းမှာပါ စစ်ကူအဖြစ် ပြန်လည်လှည့်လာရကြောင်း စစ်ရေးသတင်းရင်းမြစ်များက ပြောသည်။ ယခုရက်ပိုင်းအတွင်း အင်းတော်မြို့နယ် ပြည်ထောင်စုလမ်းမအတိုင်း ထီးချိုင့်မြို့နယ်အစပ် ကျောင်းကုန်း လမ်း ဆုံကို ဦးတည်နေသည့် စစ်ကြောင်းသည် တော်လှန်ရေးအင်အားစုများ၏ ကြားဖြတ်တိုက်ခိုက်မှုများကြောင့် အပြင်းအထန် အထိနာနေခြင်း ဖြစ်သည်။ ထို့ကြောင့် ဝန်းသိုမြို့နယ်ဘက်သို့ ရောက်ရှိနေသည့် စစ်ကြောင်းမှာလည်း ဝန်းသိုဘက်ကို ဆက်လက် ထိုးစစ် မဆင်နိုင်တော့ဘဲ အဆိုပါ အထိနာနေသည့် စစ်ကြောင်းကို ကူညီရန်အတွက် ပြန်လည် ဆုတ်ခွာလာရခြင်း ဖြစ်သည်။ ဒေသခံ စစ်ရေးသတင်းရင်းမြစ် တစ်ဦးက “စစ်ကြောင်းပြုတ်သွားပြီဆိုတာ အတည်ပြုနိုင်တာတော့ မရှိသေး ဘူး။ စစ်ကြောင်းကတော့ အထိနာနေတယ်လို့တော့ သိရတယ်။ ဝန်းသိုဘက်ကိုရောက်သွားတဲ့ စစ်ကြောင်း တောင်မှပဲ ဝန်းသိုကိုဆက်မထိုးနိုင်ပဲ ဒီစစ်ကြောင်းကိုကူဖို့ ပြန်လှည့်လာရတယ်လို့သိရတယ်” ဟု ပြောသည်။ အောက်တိုဘာလဆန်းပိုင်းမှ စတင်ကာ အင်အား ၇၀၀ ဝန်းကျင်ရှိသည့် စစ်အုပ်စု စစ်ကြောင်းသည် စစ်ကြောင်း နှစ်ကြောင်းခွဲကာ အင်းတော်မြို့နယ်၊ မန္တလေး-မြစ်ကြီးနား လမ်းမကြီးဘေးရှိ ကျေးရွာများကို ရွာစဉ်စစ်ကြောင်း ပတ် ထိုးနေခြင်း ဖြစ်သည်။ အောက်တိုဘာ ၅ ရက်နေ့မှ ၁၈ ရက်နေ့အထိ နှစ်ပတ်အတွင်း အဆိုပါစစ်ကြောင်း နှစ်ကြောင်းသည် အင်းတော် မြို့နယ်အတွင်း ပြည်ထောင်စုလမ်းမကြီးဘေးရှိ ကျေးရွာများကို ထိန်းချုပ်နိုင်ခဲ့သည့်အပြင် ဝန်းသိုမြို့နယ်ရှိ နမ်းခမ်းမြို့နယ်ခွဲကိုပါ ထိန်းချုပ်နိုင်ခဲ့ကြောင်း အောက်တိုဘာ ၂၁ ရက်နေ့စွဲဖြင့် တရားဝင် ထုတ်ပြန်ထားခဲ့ ဖူးသည်။ လက်ရှိ နှစ်ဖက်တိုက်ပွဲအတွင်း စစ်အုပ်စုဘက်မှ အထိနာနေမှုနှင့် ပတ်သက်၍ နောက်ထပ် စစ်ရေးသတင်းရင်း မြစ် တစ်ဦးက ယခုကဲ့သို့ ပြောသည်။ “စစ်ကြောင်းတစ်ကြောင်းလုံး မပြုတ်သေးဘူး။ ကိုယ့်ဘက်က အသာစီးရတာတော့ ဟုတ်တယ်ပေါ့လေနော်။ ခွေးတွေဘက်ကလည်း ပိတ်မိနေတယ်။ အကျအဆုံးတွေကလည်း များနေသေးတယ်။ ဒါပေမဲ့ အကုန် မကုန် သေးဘူးလေ။ တပ်စိတ် ၂ စိတ်ကျော်လောက်ကျန်နေသေးတယ်။ အဲ့တာကို ဆက်တိုက်နေသေးတယ်” ဟု ပြောသည်။ ဒေသတွင်း စစ်ရေးသတင်းရင်းမြစ်များ၏ ပြောဆိုချက်အရ အင်းတော်မြို့နယ်အတွင်း စစ်ကြောင်းထိုးနေသည့် စစ်အုပ်စုဘက်တွင် ထိခိုက်သေဆုံးမှု များပြားနေပြီး သေဆုံးသူများအနက် စစ်မှုထမ်းရန် အတင်းအဓမ္မ စုဆောင်းခံထားရသည့် လူငယ်များလည်း အများအပြား ပါဝင်ကြောင်း သိရသည်။ လက်ရှိတွင် မန္တလေး-မြစ်ကြီးနား ပြည်ထောင်စုလမ်းမကြီးဘေးရှိ နန့်သဲရွာအတွင်း စစ်အုပ်စု တပ်သား ရုပ် အလောင်း ၄၀ ကျော် တွေ့ရှိခဲ့ရပြီး နန့်သဲကျေးရွာ မြောက်ဘက်၊ နောင်မိုးကျေးရွာ ဘုန်းကြီးကျောင်း တစ်ဝိုက် နှင့် သံဘိုကျေးရွာအနီး တစ်ဝိုက်တွင်လည်း ရုပ်အလောင်းများ ထပ်မံ တွေ့ရှိခဲ့ရကြောင်း ဒေသခံများက အတည် ပြု ပြောဆိုသည်။ မြေပြင်စစ်ရေးအခြေအနေအရ စစ်အုပ်စုသည် ကျေးရွာများအတွင်း ဝင်ရောက်ပြီးနောက် ဝန်းသိုနှင့် ကျောင်း ကုန်းဘက်သို့ စစ်ကြောင်းဆက်လက် ထိုးနေသော်လည်း ဝင်ရောက်ခဲ့သည့် ကျေးရွာများတွင် တပ်စွဲထားနိုင်ခြင်း မရှိဘဲ လမ်းကြောင်း တစ်လျှောက်ကိုလည်း အပြည့်အဝ ထိန်းချုပ်နိုင်ခြင်း မရှိသေးကြောင်း တော်လှန်ရေး တပ်ဖွဲ့များနှင့် နီးစပ်သည့် စစ်ရေးသတင်းရင်းမြစ်များက ဆိုသည်။ အင်းတော်မြို့နယ်အတွင်း မဲဇာနှင့် ကျောင်းကုန်းကျေးရွာဘက်သို့ စစ်ကြောင်းထိုးနေသည်မှာ ကြာမြင့်နေပြီ ဖြစ် သော်လည်း ကျောင်းကုန်းအထိ ရောက်ရှိနိုင်ခြင်း မရှိသေးဘဲ လမ်းတစ်လျှောက် တိုက်ပွဲများအတွင်း ထိခိုက် သေဆုံးမှုများ ရှိနေကာ တော်လှန်ရေးတပ်ဖွဲ့များဘက်ကလည်း စစ်သားအချို့ကို ဖမ်းဆီးရမိထားသည်။ ဓာတ်ပုံ – (အင်းတော်မြို့နယ်အတွင်း တိုက်ပွဲဖြစ်ပွားရာ နေရာများတွင် စွန့်ပစ်ခံထားရသည့် စစ်အုပ်စု တပ်ဖွဲ့ဝင် များ၏ ရုပ်အလောင်း အချို့ကို တွေ့ရစဉ်။ / CJ – ပေးပို့) #အင်းတော်တိုက်ပွဲ

အင်းတော်တိုက်ပွဲတွင် စစ်အုပ်စု စစ်ကြောင်း အထိနာသဖြင့် စစ်ကူပါ ပြန်လှည့်ရ

အင်းတော်တိုက်ပွဲတွင် စစ်အုပ်စု စစ်ကြောင်း အထိနာသဖြင့် စစ်ကူပါ ပြန်လှည့်ရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၂၇ ရက်။ စစ်ကိုင်းနှင…

  • October 27, 2026
ပင်လယ်နက်က ဟော်မုဇ် ရေလက်ကြားထက် ပိုမိုအန္တရာယ်များလာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၆ ရက်။ ပင်လယ်နက် (Black Sea) အတွင်း ကုန်သွယ်သင်္ဘောများ တိုက်ခိုက်ခံရမှု ပိုမိုမြင့်တက်လာပြီး ပါရှန်းပင်လယ်ကွေ့ ရေကြောင်းလိုင်းထက် ပိုမိုအန္တရာယ်များသည့် အခြေအနေသို့ ရောက်ရှိနေကြောင်း ရေကြောင်းလုံခြုံရေးအဖွဲ့ အမ်ဘရီ (Ambrey) နှင့် နိုင်ငံတကာရေကြောင်းအဖွဲ့ချုပ် (IMO) တို့၏ အချက်အလက်များကို ကိုးကား၍ ဖိုင်နန်ရှယ်တိုင်းမ် (Financial Times) က ဖော်ပြသည်။ ယခုနှစ်ဆန်းပိုင်းမှစ၍ ပင်လယ်နက်အတွင်း ကုန်တင်သင်္ဘော အစင်း ၅၇၀ နီးပါး တိုက်ခိုက်ခံခဲ့ရသည်။ အနည်းဆုံး သင်္ဘောသား ၄၀ သေဆုံးခဲ့ရာ ဟော်မုဇ် (Hormuz) ရေလက်ကြားတွင် သေဆုံးသူ ၂၄ ဦးထက် ပိုမိုများပြားခဲ့သည်။ ဇူလိုင်လမှ စက်တင်ဘာလအတွင်း သင်္ဘော ၃၈၇ စင်း တိုက်ခိုက်ခံခဲ့ရသည်။ လက်တလော ဖြစ်စဉ်အနေဖြင့် အောက်တိုဘာ ၂၃ ရက်ကလည်း ရိုမေးနီးယားကမ်းလွန်တွင် ကုန်တင်သင်္ဘောတစ်စင်း မီးလောင်နစ်မြုပ်ကာ သင်္ဘောသားတစ်ဦး သေဆုံးခဲ့သည်။ တိုက်ခိုက်မှုများကြောင့် ယူကရိန်း ဩဒက်ဆာ ဆိပ်ကမ်းများသို့ ဝင်ရောက်သည့် သင်္ဘောအရေအတွက် လျော့ကျသွားခဲ့သည်။ ရုရှား၏ ကုန်တင်သင်္ဘောများအပေါ် ပစ်မှတ်ထား တိုက်ခိုက်မှုနှင့် ပတ်သက်၍ ယူကရိန်းက ကုလသမဂ္ဂ လုံခြုံရေးကောင်စီတွင် အရေးပေါ် အစည်းအဝေး ခေါ်ယူဆွေးနွေးခဲ့သည်။ #Blacksea

ပင်လယ်နက်က ဟော်မုဇ် ရေလက်ကြားထက် ပိုမိုအန္တရာယ်များလာ

ပင်လယ်နက်က ဟော်မုဇ် ရေလက်ကြားထက် ပိုမိုအန္တရာယ်များလာ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၂၆ ရက်။ ပင်လယ်နက် (Black Sea) အတွင်း ကု…

  • October 26, 2026

NCA လမ်းကြောင်း တွေ့ဆုံဆွေးနွေးပွဲများ တော်လှန်ရေးအင်အားစုများ လက်မခံ

NCA လမ်းကြောင်း တွေ့ဆုံဆွေးနွေးပွဲများ တော်လှန်ရေးအင်အားစုများ လက်မခံ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၂၃ ရက်။ ၂၀၀၈ ဖွဲ့စည်းပု…

  • October 23, 2026
တရုတ်ခဲသတ္တုတွင်းကြောင့် တာချီလိတ် ဒေသခံများ အဆိပ်သင့် အန္တရာယ်ကြုံနေရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၃ ရက်။ ရှမ်းပြည်အရှေ့ပိုင်း၊ တာချီလိတ်မြို့နယ်အတွင်းရှိ တရုတ်နောက်ခံပြု စိန်နော်ခဲသတ္တုတွင်းမှ အသက် အန္တရာယ် ရှိသည့် ဓာတုအဆိပ်ရေများကို ချောင်းအတွင်းသို့ စည်းကမ်းမဲ့ စွန့်ထုတ်နေသဖြင့် နမ့်ဟုတ်မြစ်နှင့် နမ့်တွန် ချောင်းကို အမှီပြုနေရသည့် ဒေသခံ ထောင်ပေါင်းများစွာ ကျန်းမာရေးနှင့် လယ်ယာစိုက်ပျိုးရေးဆိုင်ရာ ဆိုးကျိုး များကို ခံစားနေကြရသည်။ မိုင်းကိုးကျေးရွာအုပ်စုအတွင်းရှိ အဆိုပါ ခဲသတ္တုတွင်းသည် ၂၀၂၁ ခုနှစ်တွင် စစ်အုပ်စု၏ ခွင့်ပြုချက်ဖြင့် စတင် တူးဖော်ခဲ့ခြင်းဖြစ်သည်။ သတ္တုတွင်းမှ စွန့်ပစ်လိုက်သည့် အဆိပ်ရေများသည် မိုးရာသီကာလတွင် အကန့်အသတ်မရှိ ချောင်းအတွင်းသို့ တိုက်ရိုက် စီးဝင်နေသဖြင့် အခါ၊ လားဟူနှင့် ရှမ်းတိုင်းရင်းသား ဒေသခံများမှာ အရေပြားရောဂါများ ကြုံတွေ့ နေရသည့်အပြင် ကိုယ်ဝန်ပျက်ကျခြင်းနှင့် မွေးမြူရေးတိရစ္ဆာန်များ သေဆုံးခြင်းများကိုပါ ဆိုးရွားစွာ ကြုံတွေ့ နေကြရသည်။ ရှမ်းလူ့အခွင့်အရေးမဏ္ဍိုင် (SHRF) ပြောရေးဆိုခွင့်ရှိသူ ယိင်းလျန်းဟန်က “လောလောဆယ်ကတော့ ကြုံနေပြီ ပေါ့နော် ကြုံလာနိုင်တာ မဟုတ်ဘူးရှင့်။ ကြုံနေပြီရှင့် လက်ရှိမှာ အရေပြားယားယံတဲ့ဟာတွေ၊ ကိုယ်ဝန်ပျက် ကျတဲ့ဟာတွေ ကျွဲ နွားသေတာတွေ ဒီလယ်ယာမြေတွေ စိုက်ပျိုးလို့မရတာ ဒါတွေဖြစ်နေပြီရှင့်” ဟု အတည်ပြု ပြောသည်။ ထို့ပြင် သတ္တုတွင်းနယ်မြေအတွင်း စည်းကမ်းမဲ့ အဆိပ်ရေစွန့်ထုတ်မှုများ ပိတ်သိမ်းရန်ထက် သဘာဝပတ်ဝန်း ကျင်နှင့် ပြည်သူ့အသက်အန္တရာယ်ကို ခြိမ်းခြောက်နေသည့် အဆိုပါ သတ္တုတူးဖော်ရေး လုပ်ငန်းတစ်ခုလုံးကို လုံးဝ ရပ်ဆိုင်းပစ်ရန် SHRF က တောင်းဆိုထားသည်။ အဆိုပါ တောင်းဆိုချက်နှင့် ပတ်သက်၍ SHRF ပြောရေးဆိုခွင့်ရှိသူ ယိင်းလျန်းဟန်က “ပစ်စလက်ခတ် စွန့်တာ ဖြစ်ဖြစ် ကျမတို့ကတော့ ကုမ္ပဏီကို အဆိပ်စွန့်တာ ရပ်ဖို့ထက် ကျမတို့ကတော့ ကုမ္ပဏီမှာ ဒီလိုသတ္တုတွင်းနေ တာတွေ ရပ်ဖို့ ကျမတို့ ပိုပြီးတောင်းဆိုချင်ပါတယ်ရှင့်” ဟု ပြတ်ပြတ်သားသား တောင်းဆိုသည်။ အဆိုပါ ခဲသတ္တုတွင်းကို တာချီလိတ်မြို့တွင် ရုံးချုပ်စိုက်ထားသည့် ‘စိန်နော် သတ္တုတူးဖော်ရေး ကုမ္ပဏီ’ က သီးသန့် တူးဖော်နေခြင်းဖြစ်သည်။ ယခင်က ဒါရိုက်တာအဖွဲ့တွင် ‘ဝ’ ပြည် သွေးစည်းညီညွတ်ရေးတပ်မတော် (UWSA) မှ အရာရှိတစ်ဦး ပါဝင်ခဲ့ဖူး ပြီး လက်ရှိတွင် ပြည်တွင်းကုမ္ပဏီအဖြစ် မှတ်ပုံတင်ထားသော်လည်း အမှန်တကယ် စီမံခန့်ခွဲသူနှင့် နည်းပညာ ဝန်ထမ်းများမှာ တရုတ်အမျိုးသားများဖြစ်ကာ ပိုင်ရှင်အစစ်အမှန်မှာ တရုတ်နိုင်ငံမှဖြစ်ကြောင်း SHRF က ဆိုသည်။ ယိင်းလျန်းဟန် “လောလောဆယ်ကတော့ အဓိကကတော့ ကျမတို့ သိတာကတော့ ဒါကထုတ်နေတဲ့ ကုမ္ပဏီက တော့ စိန်နော် ကုမ္ပဏီပေါ့နော်။ ဟို အုပ်ချုပ်ရေးပိုင်းကတော့ စစ်ကောင်စီလည်း ပါတယ်။ တရုတ်တွေ အဓိက ကတော့ တရုတ်တွေပေါ့နော် တရုတ်တွေပါတယ်ပေါ့နော်။ လက်နက်ကိုင် အဖွဲ့အစည်းကတော့ ပါဝင်ပတ်သက် တယ် မပတ်သက်ဘူးဆိုတာကတော့ ကျမတို့ အတိအကျပြောလို့ရမဘူး။ ဒါပေမယ့် အရင်တုန်းက ဒီကုမ္မဏီရဲ့ ဒါရိုက်တာထဲမှာ လက်နက်ကိုင် အဖွဲ့အစည်း UWSA က သူတွေ ပါဝင်နေတာကတော့ ကျမတို့ သိရတယ်ရှင့်” ဟု ပြောသည်။ သတ္တုတွင်းနယ်မြေအတွင်း ၃ မိုင်မှ ၄ မိုင်ခန့်အထိ ရှည်လျားသည့် မြေအောက်ဥမင်များ တူးဖော်ကာ မြန်မာ လုပ်သား ၁၀၀ ခန့်ကို ၈ နာရီတစ်လှည့်စီဖြင့် နေ့ရောညပါ ခိုင်းစေနေပြီး လုံခြုံရေးအတွက် UWSA တပ်ဖွဲ့ဝင် များက စောင့်ကြပ်လျက် ပြင်ပလူများ ဝင်ရောက်ခွင့်ကို တင်းကျပ်စွာ တားမြစ်ထားသည်။ ထို့ပြင် အဆိုပါ ခဲသတ္တုတွင်းမှ တူးဖော်ရရှိသည့် ခဲရိုင်းများကို စစ်အုပ်စု ထိန်းချုပ်ရာ တာချီလိတ်မြို့နယ် အေဒင်ကျေးရွာရှိ UWSA ပိုင် သတ္တုဂိုဒေါင်သို့ ကုန်ကားကြီးများဖြင့် သယ်ဆောင်ပြီးနောက် ထိုင်းနိုင်ငံ မယ်ဆိုင် နယ်စပ်ဂိတ်-၂ မှတစ်ဆင့် ထိုင်း၊ တရုတ်၊ လာအိုနှင့် ကမ္ဘောဒီးယား နိုင်ငံများသို့ ဆက်တိုက် တင်ပို့လျက်ရှိသည်။ ထိုင်းနိုင်ငံ အကောက်ခွန် မှတ်တမ်းများအရ မိုင်းကိုးနယ်မြေမှ ခဲရိုင်းများကို ၂၀၂၃ ခုနှစ် ဇွန်လတွင် စတင်တင် သွင်းခဲ့ပြီး ၂၀၂၅ ခုနှစ် အရောက်တွင် တင်ပို့သည့် ပမာဏမှာ ၅ ဆခန့်အထိ သိသိသာသာ တိုးတက်လာခဲ့သည်။ စစ်အုပ်စု၊ တရုတ်စီးပွားရေးလုပ်ငန်းရှင်များနှင့် လက်နက်ကိုင် အဖွဲ့အစည်းများ၏ စီးပွားရေး အပေးအယူများ ကြောင့် ရှမ်းပြည်အရှေ့ပိုင်းမှ အပြစ်မဲ့ တိုင်းရင်းသား ပြည်သူများ၏ အသက်အန္တရာယ်နှင့် သဘာဝပတ်ဝန်း ကျင်မှာ ဆိုးရွားစွာ ခြိမ်းခြောက်ခံနေရသည်။ ဓာတ်ပုံ – SHRF #ShanState

တရုတ်ခဲသတ္တုတွင်းကြောင့် တာချီလိတ် ဒေသခံများ အဆိပ်သင့် အန္တရာယ်ကြုံနေရ

တရုတ်ခဲသတ္တုတွင်းကြောင့် တာချီလိတ် ဒေသခံများ အဆိပ်သင့် အန္တရာယ်ကြုံနေရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၂၃ ရက်။ ရှမ်းပြည်အရှေ့…

  • October 23, 2026
ဗုံးကြဲခံရပြီးနောက် စစ်တွေမြို့လယ်၌ ဈေးများပိတ်ကာ မြို့ခံများ စိုးရိမ်ထိတ်လန့်နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၃ ရက်။ စစ်အုပ်စုတပ်၏ လက်ကျန်ထိန်းချုပ်နယ်မြေ တစ်ခုဖြစ်သည့် ရခိုင်ပြည်၊ စစ်တွေမြို့လယ်ခေါင် လူစည်ကားရာနေရာများ အောက်တိုဘာလ ၂၃ ရက်နေ့၊ နံနက်ပိုင်းတွင် လေကြောင်းမှ ဗုံးကြဲတိုက်ခိုက်ခံရပြီးနောက် မြို့မဈေးကြီး အပါအဝင် ဈေးဆိုင်ခန်းများအားလုံး ပိတ်သိမ်းလိုက်ရပြီး တစ်မြို့လုံး စိုးရိမ်ထိတ်လန့်နေကြသည်။ ယနေ့ နံနက် ၈ နာရီဝန်းကျင်တွင် စစ်အုပ်စုတပ်၏ Y-12 လေယာဉ်နှင့် ဒရုန်းများသည် စစ်တွေမြို့ပေါ်၌ အဆက် မပြတ် ပျံဝဲကာ မောလိပ်ရပ်ကွက်ရှိ ရွှေငါးလမ်းဆုံ လက်ဖက်ရည်ဆိုင်၊ ကသစ်တောရပ်ကွက်နှင့် ကျားရုပ်ဘုန်း တော်ကြီးကျောင်း အပါအဝင် မြို့လယ်ခေါင် ၃ နေရာသို့ ဗုံးကြဲချခဲ့ခြင်းဖြစ်သည်။ အဆိုပါ တိုက်ခိုက်မှုကြောင့် နေရာတွင်ပင် အရပ်သား ၅ ဦး ပွဲချင်းပြီး သေဆုံးခဲ့ကာ ဒဏ်ရာရရှိသူ ၃၇ ဦးအနက် ဆေးရုံအရောက်တွင် ထပ်မံသေဆုံးသူများရှိသဖြင့် လက်ရှိအချိန်အထိ သေဆုံးသူ ၉ ဦးထက်မနည်း ရှိလာနေပြီ ဖြစ်သည်။ စစ်တွေမြို့ခံ အမျိုးသမီးတစ်ဦးက “မနက်က လေယာဉ်သံတွေ၊ ပေါက်ကွဲသံတွေ ကြားတော့ လက်နက်ကြီး ကျ တယ်ပဲထင်တာ။ နောက်မှ လူတွေ တရုန်းရုန်းနဲ့ ဈေးကနေ အိမ်ကို ပြန်ပြေးလာကြတော့မှ မြို့ထဲကို လေယာဉ် နဲ့ ကြဲတာလို့ သိရတာ။ အခုဆို မြို့မဈေးကြီးတွေရော လမ်းမကြီးပေါ်က ဆိုင်တွေပါ အကုန်ပိတ်လိုက်ကြပြီ။ ဘယ်သူမှလည်း အပြင်မထွက်ရဲကြတော့ဘူး” ဟု ပြောသည်။ ထို့ပြင် ဗုံးကြဲခံရသည့် ရွှေငါးလမ်းဆုံနှင့် မောလိပ်ရပ်ကွက်အနီးရှိ ဒေသခံအများအပြားမှာလည်း ထပ်မံ တိုက်ခိုက်ခံရမည်ကို စိုးရိမ်သဖြင့် ဘေးလွတ်ရာ နီးစပ်ရာ ရပ်ကွက်များသို့ ချက်ချင်း တိမ်းရှောင်နေကြရသည်။ အခြားမြို့ခံ အမျိုးသားတစ်ဦးကလည်း “အရင်ကတော့ မြို့ထဲကို လေယာဉ်နဲ့ မကြဲလောက်ဘူးလို့ ထင်ထား ကြတာ။ အခုလို မြို့လယ်ခေါင်ကို ပထမဆုံးအကြိမ် ဗုံးကြဲလိုက်တော့ လူတွေအကုန် ထိတ်လန့်သွားကြတာ ပေါ့။ မြို့ထဲမှာ အခြေအနေတွေက တော်တော်လေး ရုတ်ရုတ်သဲသဲ ဖြစ်သွားတယ်” ဟု ပြောသည်။ တစ်ဆက်တည်းမှာပင် စစ်တွေမြို့၏ အဓိက တပ်စခန်းတစ်ခုဖြစ်သည့် ရွှေမင်းဂံရေတပ်စခန်းကလည်း မြို့အနီး ဝန်းကျင်သို့ လက်နက်ကြီးများဖြင့် တရစပ် ပစ်ခတ်လျက်ရှိသည်။ လက်ရှိတွင် အာရက္ခတပ်တော် (AA) နှင့် စစ်အုပ်စုတပ်တို့အကြား တိုက်ပွဲများသည် စစ်တွေမြို့အခြေစိုက် ဒေသကွပ်ကဲမှုစစ်ဌာနချုပ် (ဒကစ) နှင့် ၄ မိုင်ခန့်အကွာရှိ ပါဒလိတ်၊ တောကန်၊ ကျားမသောက်နှင့် ရွှေမင်းဂံရေတပ် အနီးဝန်းကျင်များအထိ နီးကပ်လာနေသည်။ ထို့ပြင် ပေါက်တော (ဝီရဌာနီ) မြို့နယ်ရှိ ငပြီကျွန်းသို့ စစ်အုပ်စုတပ်က ကမ်းတက်ထိုးစစ်ဆင်ရန် ကြိုးပမ်းနေခြင်း ကြောင့် နှစ်ဖက် တိုက်ပွဲများလည်း ပြင်းထန်လျက်ရှိသည်။ စစ်တွေမြို့သည် ရခိုင်ပြည်မြောက်ပိုင်းတွင် စစ်အုပ်စုတပ်၏ နောက်ဆုံး လက်ကျန် ခံတပ်မြို့ဖြစ်ပြီး တိုက်ပွဲများ မြို့နှင့် နီးကပ်လာသည်နှင့်အမျှ စစ်အုပ်စုတပ်က အရပ်သားပြည်သူများနေထိုင်ရာ မြို့တွင်းနေရာများကိုပါ ပစ်မှတ်ထား တိုက်ခိုက်လာနေသဖြင့် မြို့ခံများအတွက် လုံခြုံရေး အန္တရာယ် ပိုမိုကြီးမားလာနေသည်။ ဓာတ်ပုံ – စစ်တွေမြို့တွင်းတစ်နေရာ / wiki #စစ်တွေ

ဗုံးကြဲခံရပြီးနောက် စစ်တွေမြို့လယ်၌ ဈေးများပိတ်ကာ မြို့ခံများ စိုးရိမ်ထိတ်လန့်နေ

ဗုံးကြဲခံရပြီးနောက် စစ်တွေမြို့လယ်၌ ဈေးများပိတ်ကာ မြို့ခံများ စိုးရိမ်ထိတ်လန့်နေ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၂၃ ရက်။ စစ်အ…

  • October 23, 2026
ဖားကန့်၌ တိုက်ပွဲမရှိဘဲ စစ်တပ်က လက်နက်ကြီး ရမ်းသမ်းပစ်၍ အရပ်သားများ ထိခိုက်ဒဏ်ရာရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၃ ရက်။ ကချင်ပြည်၊ ဖားကန့်မြို့နယ်အတွင်း တိုက်ပွဲကြီးကြီးမားမား ဖြစ်ပွားခြင်း မရှိဘဲ စစ်အုပ်စုတပ်က လက်နက်ကြီး နှင့် သေနတ်များဖြင့် ရမ်းသမ်းပစ်ခတ်နေသဖြင့် လုံးခင်းကျေးရွာအတွင်း လက်နက်ကြီးနှင့် ဒရုန်းများ ကျရောက် ပေါက်ကွဲကာ အရပ်သား ထိခိုက်ဒဏ်ရာရရှိမှုများ ရှိခဲ့သည်။ လုံးခင်းဒေသ ရပ်ကွက် (၂) အတွင်းသို့ အောက်တိုဘာလ ၂၁ ရက်နေ့က စစ်အုပ်စုတပ်စွဲထားသည့် စစ်တပ်ကုန်း ဘက်မှ ပစ်ခတ်လိုက်သော လက် နက်ကြီး ကျရောက်ပေါက်ကွဲခဲ့၍ ဒေသခံ အရပ်သား ၄ ဦး ဒဏ်ရာရရှိခဲ့ပြီး ၎င်းတို့အနက် ၂ ဦးမှာ ဒဏ်ရာပြင်း ထန်သည်။ ထို့ပြင် အောက်တိုဘာလ ၂၁ ရက် နံနက်အစောပိုင်းကလည်း လုံးခင်း မိုးမလင်းဈေးသို့ သွားသည့် ဈေးသည် အမျိုးသမီးတစ်ဦးကို စစ်အုပ်စုတပ်က သေနတ်ဖြင့် ပစ်ခတ်ခဲ့သဖြင့် ခါးတွင် ကျည်ထိမှန် ဒဏ်ရာရရှိခဲ့သည်။ စစ်အုပ်စုတပ်၏ ရမ်းသမ်းပစ်ခတ်မှုများနှင့် ပတ်သက်၍ လုံးခင်းဒေသခံ အမျိုးသားတစ်ဦးက “ဒီဘက်မှာ တိုက်ပွဲဖြစ်တာ မရှိပါဘူး။ ဒါပေမဲ့ စစ်တပ်ကုန်းပေါ်ကနေ နေ့ရောညပါ လက်နက်ကြီးတွေနဲ့ ရမ်းပစ်နေတာ။ လုံးခင်းရွာထဲက အိမ်တစ်အိမ်ပေါ်လည်း ဒရုန်းကျပေါက်ကွဲသေးတယ်။ ဈေးသွားတဲ့ မိန်းမတစ်ယောက် လည်း သေနတ်နဲ့ ပစ်ခံရလို့ ခါးကျည်ထိသွားတယ်” ဟု ပြောသည်။ လက်ရှိတွင် ဖားကန့်မြို့နယ် လုံးခင်းကျေးရွာအတွင်း စစ်အုပ်စုတပ်က လက်နက်ကြီးများနှင့် ဒရုန်းများကို ဆက် တိုက် ရမ်းသမ်းပစ်ခတ်နေခြင်းကြောင့် ဒေသခံပြည်သူများ စိုးရိမ်ထိတ်လန့်နေကြရသည်။ တစ်ဖက်တွင်လည်း ကချင်ပြည်နှင့် စစ်ကိုင်းတိုင်း အစပ်ဒေသများဖြစ်သည့် ဖားကန့်မြို့နယ် ဆယ်ဇင်းဒေသ အပါအဝင် ဗန်းမော်နှင့် မံစီမြို့နယ်ဘက်တို့တွင် စစ်အုပ်စုတပ်က ထိုးစစ်ဆင်လာနေသဖြင့် ကချင်လွတ်လပ်ရေး တပ်မတော် (KIA) ပူးပေါင်းတပ်များနှင့် တိုက်ပွဲများ ပြင်းထန်လျက်ရှိသည်။ အဆိုပါ မြို့နယ်များတွင် စစ်အုပ်စုတပ်က လေကြောင်းမှ ဗုံးကြဲခြင်းနှင့် လက်နက်ကြီး ပစ်ခတ်ခြင်းများကို အရှိန် မြှင့် လုပ်ဆောင်လာနေသဖြင့် ပြည်သူများအနေဖြင့် အထူးဂရုပြုကြရန် ကချင်လွတ်လပ်ရေးအဖွဲ့ KIO/KIA ပြန်ကြားရေးတာဝန်ခံ ဗိုလ်မှူးကြီး နော်ဘူက သတိပေးထားသည်။ #ဖားကန့်

ဖားကန့်၌ တိုက်ပွဲမရှိဘဲ စစ်တပ်က လက်နက်ကြီး ရမ်းသမ်းပစ်၍ အရပ်သားများ ထိခိုက်ဒဏ်ရာရ

ဖားကန့်၌ တိုက်ပွဲမရှိဘဲ စစ်တပ်က လက်နက်ကြီး ရမ်းသမ်းပစ်၍ အရပ်သားများ ထိခိုက်ဒဏ်ရာရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၂၃ ရက်။ ကချ…

  • October 23, 2026
စစ်တွေအား AA သိမ်းမည်ဆိုသည့် ခန့်မှန်းချက်များကြောင့် NGO နှင့် INGO ဝန်ထမ်းအချို့ ပြောင်းရွှေ့ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၃ ရက်။ ရခိုင်ပြည်၊ စစ်တွေမြို့နယ်အတွင်း အာရက္ခတပ်တော် (AA) က ထိုးစစ်ဆင် စိမ့်ဝင်တိုက်ခိုက်လျက်ရှိပြီး မြို့ကို သိမ်းပိုက်တော့မည်ဆိုသည့် ခန့်မှန်းချက်များကြောင့် နိုင်ငံတကာအဖွဲ့အစည်းများဖြစ်သည့် NGO နှင့် INGO ဝန်ထမ်းအချို့ ရန်ကုန်မြို့သို့ ရွှေ့ပြောင်းလျက်ရှိကြောင်း ဒေသခံများက ပြောသည်။ စစ်တွေမြို့နယ်နှင့် ထိစပ်နေသည့် ပုဏ္ဏားကျွန်း နယ်စပ် ကာကင်းအချို့ကို စစ်အုပ်စုတပ်က ဆုံးရှုံးလာချိန်နှင့် AA ၏ ထိုးစစ်ဆင်မှုများ စစ်တွေမြို့နှင့် နီးကပ်လာချိန်တွင် ယခုကဲ့သို့ ဝန်ထမ်းများ ပြောင်းရွှေ့လာကြခြင်း ဖြစ် သည်။ စစ်တွေ ဒေသခံ အမျိုးသားတစ်ဦးက “လက်ရှိ စစ်တွေက မလုံခြုံတော့ဘူးဆိုတဲ့ သတင်းတွေ၊ မကြာခင် AA က သိမ်းတော့မယ်ဆိုတဲ့ သတင်းတွေကြောင့် NGO/INGO တွေ ထွက်ခွာနေတယ်ဆိုတာ ကြားရတယ်။ အောက်တို ဘာ ဒုတိယအပတ်မှာကတည်းက ထွက်ခွာနေကြပေမဲ့ အခုရက်ပိုင်း လူတွေပြောဆိုတာ ပိုများလာတယ်။ NGO/INGO ရုံးတွေမှာ ဝန်ထမ်းတွေ မရှိတော့ဘူးလို့ သိရတယ်။ တိုက်ပွဲကလည်း စစ်တွေမြို့ထဲအထိ ရောက် လာတော့မယ်လို့ ပြောဆိုနေကြပါတယ်” ဟု ပြောသည်။ ထို့ပြင် ယနေ့ အောက်တိုဘာလ ၂၃ ရက် နံနက်ပိုင်းတွင်လည်း စစ်အုပ်စုတပ်က စစ်တွေမြို့လယ်ခေါင် မောလိပ် ရပ်ကွက်၊ ရွှေငါးလမ်းဆုံနှင့် ကသစ်တောရပ်ကွက် အပါအဝင် လူစည်ကားရာ နေရာများကို Y-12 လေယာဉ်ဖြင့် ဗုံးကြဲတိုက်ခိုက်ခဲ့သဖြင့် အရပ်သား ၉ ဦးထက်မနည်း သေဆုံးပြီး အများအပြား ထိခိုက်ဒဏ်ရာရရှိခဲ့သည်။ ယခုကဲ့သို့ မြို့ပေါ် လူနေရပ်ကွက်များအထိ စစ်အုပ်စုတပ်က လေကြောင်းမှ ဗုံးကြဲတိုက်ခိုက်လာခြင်းကြောင့် မြို့ခံပြည်သူများနှင့် အဖွဲ့အစည်းများအကြား စိုးရိမ်ထိတ်လန့်မှုများ ပိုမိုမြင့်တက်လာပြီး မြို့မှ စွန့်ခွာရန် ပြင်ဆင် နေကြခြင်း ဖြစ်သည်။ ယခုအခါ AA ၏ စစ်တွေမြို့ ထိုးစစ်သည် ဒေသကွပ်ကဲရေးစစ်ဌာနချုပ် (ဒကစ) ကို ဦးတည်နေပြီး စစ်တွေမြို့ နယ် ကံ့ကော်ကျွန်းအနီးရှိ ဝါဘိုကျေးရွာကို AA က အပြီးသတ် ထိန်းချုပ်ထားနိုင်ခဲ့ကာ ရေချမ်းပြင်၊ ကျားမ သောက်၊ အမြင့်ကျွန်း၊ မင်းချောင်းနှင့် ပါဒလိတ် စသည့် နေရာများအပါအဝင် မြို့နယ်အနီးအပါး အနှံ့အပြား၌ တိုက်ပွဲများ ပြင်းထန်လျက်ရှိသည်။ အခြား ဒေသခံ အမျိုးသားတစ်ဦးက “AA က အမြင့်ကျွန်းနဲ့ ကျားမသောက်ဘက်ကို ပိုနီးကပ်လာနေတယ်၊ စစ်တွေမြို့နယ် မြောက်ပိုင်းနဲ့ ငပြီကျွန်းမှာလည်း တိုက်ခိုက်နေတယ်။ စစ်တွေနဲ့ ရေတပ် အဆက်အသွယ် ဖြတ် တောက်မှာကို စစ်တပ်က စိုးရိမ်နေတာကြောင့် ဆတ်ရိုးကျမှာ အင်အားတိုးချဲ့ ချထားတယ်။ ရဲတွေတောင် စစ်တွေက ပြေးနေကြတယ်။ INGO/NGO တွေ၏ ၈၀ ရာခိုင်နှုန်းလောက် စစ်တွေမှာ မရှိတော့ဘူး” ဟု ပြော သည်။ စစ်တွေမြို့၌ အခြေစိုက်ထားသည့် INGO နှင့် NGO ဝန်ထမ်းအချို့သည် ရန်ကုန်မြို့သို့ ကြိုတင် ရွှေ့ပြောင်းရာ တွင် လေယာဉ်လက်မှတ် အခက်အခဲများနှင့်ပါ ကြုံတွေ့ခဲ့ရသည်ဟု ဆိုသည်။ တစ်ဖက်တွင်လည်း စစ်တွေ၊ ပေါက်တောနှင့် ပုဏ္ဏားကျွန်း သုံးမြို့နယ် အစပ်ရှိ ငပြီကျွန်းတွင် စစ်အုပ်စုတပ်က ကြည်း၊ ရေ၊ လေ သုံးမျိုးလုံးဖြင့် အင်အားအလုံးအရင်း ထိုးစစ်ဆင်နေပြီး AA ဘက်ကလည်း တန်ပြန်တိုက်စစ် ဆင်နေသည့်အတွက် နှစ်ဖက် တိုက်ပွဲများ အပြင်းအထန် ဖြစ်ပွားလျက်ရှိသည်။ ဓာတ်ပုံ – (စစ်တွေမြို့တွင်း တစ်နေရာ - ပုံဟောင်း / Crd) #စစ်တွေမြို့

စစ်တွေအား AA သိမ်းမည်ဆိုသည့် ခန့်မှန်းချက်များကြောင့် NGO နှင့် INGO ဝန်ထမ်းအချို့ ပြောင်းရွှေ့

စစ်တွေအား AA သိမ်းမည်ဆိုသည့် ခန့်မှန်းချက်များကြောင့် NGO နှင့် INGO ဝန်ထမ်းအချို့ ပြောင်းရွှေ့ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ …

  • October 23, 2026
မကွေးတိုင်း မင်းတုန်း၌ တိုက်ပွဲမရှိဘဲ စစ်တပ်က ဗုံးကြဲသဖြင့် အရပ်သားတစ်ဦး သေ၊ နှစ်ဦး ဒဏ်ရာရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၃ ရက်။ မကွေးတိုင်း၊ သရက်ခရိုင်၊ မင်းတုန်းမြို့နယ် အနောက်တောင်ဘက်ရှိ ကျေးရွာများကို တိုက်ပွဲဖြစ်ပွားခြင်း မရှိဘဲ စစ်အုပ်စုတပ်က စက်တပ်လေထီး (Paramotor) ၃ စီးဖြင့် ဗုံးကြဲတိုက်ခိုက်ခဲ့သဖြင့် အရပ်သားတစ်ဦး သေဆုံး ကာ နှစ်ဦး ဒဏ်ရာရရှိခဲ့ကြောင်း မြို့ခံများက ပြောသည်။ အောက်တိုဘာလ ၂၂ ရက်နေ့ ညနေ ၅ နာရီဝန်းကျင်တွင် မင်းတုန်းမြို့နယ် ရွာသစ်ကျေးရွာနှင့် ငှက်ပျင်းကျေးရွာ တို့ကို စစ်အုပ်စုတပ်က စက်တပ်လေထီးများဖြင့် ဗုံး ၉ လုံး ကြဲချတိုက်ခိုက်ခဲ့ခြင်းဖြစ်သည်။ ထိုသို့ တိုက်ခိုက်မှုကြောင့် တောင်ယာသွားနေသည့် ကြို့ဝကျေးရွာသား အသက် ၂၅ နှစ်အရွယ် မောင်ဖိုးလမင်း သေဆုံးခဲ့ပြီး၊ အသက် ၆၂ နှစ်အရွယ် ဦးကြည်ဝင်းနှင့် အသက် ၄၇ နှစ်အရွယ် ဦးအောင်မြိုင်တို့ ဒဏ်ရာရရှိခဲ့ သည်။ အသက် ၅၀ အရွယ် တောင်သူတစ်ဦးက “မင်းတုန်းတောင်ခြမ်းဘက်ရွာတွေကို နေ့စဉ် ပါရာမော်တာ ၃ စီး ပတ် ဝဲပြီး ပျံနေတာ။ ဘာမှ အလုပ်ဖြောင့်ဖြောင့် မလုပ်ရဲဘူး။ လယ်တွေလည်း ရိတ်ရတော့မယ်၊ ပြည်သူကိုဘဲ မဲနေ တာ ခက်တယ်” ဟု ပြောသည်။ စစ်အုပ်စုတပ်၏ စက်တပ်လေထီးဖြင့် လာရောက်တိုက်ခိုက်မှုကြောင့် လယ်သမားအချို့မှာ ရိတ်သိမ်းလက်စ စပါးခင်းများကို စွန့်ပစ်ကာ ကိုယ်လွတ်ရုံး ထွက်ပြေးနေကြရသည်။ ထို့ပြင် ပုသိမ်-မုံရွာ လမ်းပေါ်ရှိ မဲဇလီကျေးရွာကိုလည်း နှစ်ကြိမ်တိုင် ဗုံးကြဲတိုက်ခိုက်ခဲ့သဖြင့် နှစ်ဦး သေဆုံးခဲ့ ရသည့်အတွက် လမ်းတလျှောက်ရှိ ကျေးရွာများမှာ စိုးရိမ်ထိတ်လန့်နေကြရသည်ဟု ဒေသခံများက ပြောသည်။ ပြီးခဲ့သည့် အောက်တိုဘာလ ၄ ရက်နေ့က ကြို့ဝကျေးရွာတွင် လာရောက်တပ်စွဲထားသည့် စစ်အုပ်စုတပ်နှင့် သရက်ခရိုင် တပ်ရင်း (၄) တို့ တိုက်ပွဲဖြစ်ပွားခဲ့ပြီး စစ်အုပ်စုဘက်မှ သေဆုံးသူများကို ကျေးရွာအနီးတွင် မြှုပ်နှံခဲ့ ကြောင်း အသက် ၄၀ အရွယ် ကြို့ဝရွာသားတစ်ဦးက ပြောသည်။ ထို့ပြင် အောက်တိုဘာလ ၈ ရက်ကလည်း ချင်းနစ်ကျေးရွာကို စစ်အုပ်စုတပ်က ဗုံးကြဲတိုက်ခိုက်ခဲ့သဖြင့် အသက် ၈၃ နှစ်အရွယ် ဦးထွန်းတင်နှင့် အသက် ၁ နှစ်အရွယ် မောင်ဝေယံဦးတို့ သေဆုံးခဲ့ပြီး အရပ်သား ၃ ဦး ဒဏ်ရာရရှိခဲ့သည်။ အဆိုပါဖြစ်စဉ်တွင် နွား ၇ ကောင် သေဆုံးကာ ဆေးခန်းနှင့် နေအိမ်အများအပြား ပျက်စီးခဲ့သည့်အပြင် အောက် တိုဘာလ ၁၂ ရက်ကလည်း မဲဇလီကျေးရွာကို ယခုကဲ့သို့ တိုက်ခိုက်ခဲ့သဖြင့် အရပ်သားတစ်ဦး သေဆုံးခဲ့ရသည်။ ဓာတ်ပုံ – (အနောက်မြောက်တိုင်းစစ်ဌာနချုပ်မှ တက်လာသည့် စက်တပ်လေထီး (Paramotor) တစ်စီးကို ယခုနှစ်ဆန်းပိုင်းက တွေ့ရစဉ်။ - ပုံဟောင်း / အညာပစ်တိုင်းထောင်လေးများ) #မကွေးတိုင်း #မင်းတုန်းမြို့နယ်

မကွေးတိုင်း မင်းတုန်း၌ တိုက်ပွဲမရှိဘဲ စစ်တပ်က ဗုံးကြဲသဖြင့် အရပ်သားတစ်ဦး သေ၊ နှစ်ဦး ဒဏ်ရာရ

မကွေးတိုင်း မင်းတုန်း၌ တိုက်ပွဲမရှိဘဲ စစ်တပ်က ဗုံးကြဲသဖြင့် အရပ်သားတစ်ဦး သေ၊ နှစ်ဦး ဒဏ်ရာရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၂၃ ရက…

  • October 23, 2026
ပဲခူးတိုင်းအနောက်ပိုင်းတွင် လူတစ်ဦးလျှင် ကျပ်တစ်သိန်းအထိ စစ်အုပ်စုက စစ်မှုထမ်းကြေး ကောက်ခံနေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၂၃ ရက်။ ပဲခူးတိုင်းအနောက်ခြမ်း၊ ပြည်ခရိုင်၊ ပန်းတောင်းမြို့နယ်အတွင်း စစ်အုပ်စု၏ အုပ်ချုပ်ရေးအဖွဲ့များက စစ်မှုထမ်း ကြေးကို တစ်ဦးလျှင် ကျပ်သိန်းဂဏန်းအထိ အတင်းအကျပ် တောင်းခံနေသဖြင့် ပြည်သူများ အခက်တွေ့နေကြ ကြောင်း ဒေသခံများက ပြောသည်။ အိမ်ထောင်စုတစ်စုလျှင် စစ်မှုထမ်း အသက်ကန့်သတ်ချက်အတွင်း ပါဝင်သူ တစ်ဦးရှိပါက ကျပ်တစ်သိန်း၊ ၃ ဦးရှိပါက ကျပ် ၃ သိန်းနှင့် စစ်မှုထမ်းအရွယ်မရှိသည့် အဘိုးအဘွား ၂ ဦးတည်း နေထိုင်သော အိမ်များကိုပင် ကျပ် ၃ သောင်းအထိ အုပ်ချုပ်ရေးမှူးနှင့် ရာအိမ်မှူးများက အတင်းအကြပ် ကောက်ခံနေခြင်း ဖြစ်သည်။ အသက် ၄၅ နှစ်အရွယ် ဒေသခံတစ်ဦးက “ဥသျှစ်ပင်နဲ့ ဥသျှစ်ပင်မြောက်ခြမ်း ကျေးရွာတွေ အဆိုးဆုံးပဲ။ တစ် ယောက်ရှိ တစ်သိန်း၊ နှစ်ယောက်ရှိ ၂ သိန်း။ လမ်းပေါ်တော့ အရင်လို ရုတ်ပျက်ဆင်းပျက် မဆွဲတော့ဘူး” ဟု ပြောသည်။ ထိုသို့ စစ်မှုထမ်းကြေး ကောက်ခံမှုကို ဥသျှစ်ပင်နှင့် ဥသျှစ်ပင်မြောက်ဘက်ခြမ်း၊ အနောက်ဘက်ခြမ်းရှိ ဘူး ဘက်၊ ရပ်သာအရှေ့ရွာ၊ ရပ်သာအနောက်ရွာ၊ တလုပ္ပင်၊ ကျွဲရဲ၊ ရေတွင်းလှ၊ တောင်ဘို့ကြီးနှင့် မြေဝါမှန်ကုန်း စသည့် ကျေးရွာများတွင် အများဆုံး ကောက်ခံနေသည့်အပြင် ပန်းတောင်းမြို့နှင့် ကပ်ရက်ရှိ ဒေါင်းမနား၊ မကျီး ထုံးနှင့် စွယ်တော်နတ်မောက် ကျေးရွာများတွင်လည်း ကောက်ခံလျက်ရှိသည်။ အသက် ၅၀ အရွယ် ရာအိမ်မှူးဟောင်းတစ်ဦးက “အရောင်းအဝယ်က ထွေအုပ်ကလုပ်တာ ရွာအုပ်ချုပ်ရေးမှူးနဲ့ မဆိုင်ဘူး။ အသားလွတ် ပေးရတာ။ စစ်မှုထမ်း ပါသွားသူကို နစ်နာကြေးပေးဖို့ဆို တော်သေးတယ်၊ အခုက ထွေအုပ် ချမ်းသာဖို့ ဖြစ်နေတာ” ဟု ရွာအလိုက် လူစားထိုး ကောက်ခံနေမှုနှင့် ပတ်သက်၍ ပြောသည်။ ကျေးရွာ သန်းခေါင်းစာရင်းများနှင့် တိုက်ဆိုင်ကာ စစ်မှုထမ်း ခေါ်ယူခြင်းဖြစ်သဖြင့် မဲပေါက်ပြီး ထွက်ပြေးသူ အချို့၏ မိသားစုများကိုလည်း လူမတွေ့ပါက မိဘကို ထောင်ဒဏ် ၁ နှစ် ချမှတ်မည်ဟု စစ်အုပ်စု၏ အုပ်ချုပ်ရေး အဖွဲ့များက ခြိမ်းခြောက်လျက်ရှိသည်။ ထို့ပြင် ကျောင်းတက်နေဆဲ ကျောင်းသားများကိုလည်း ကျောင်းနားကာ စစ်မှုထမ်းရမည်ဟု ကျေးရွာအုပ်ချုပ် ရေးမှူးများက တရားဝင် ပြောဆိုထားသည်။ ၂၀၂၄ ခုနှစ်က စတင်ခဲ့သည့် ပထမဆုံး စစ်မှုထမ်းအပတ်စဉ်များသည် ၂၀၂၆ ခုနှစ် ဧပြီလတွင် ၂ နှစ်ပြည့်ခဲ့ပြီ ဖြစ် ၍ အစားထိုးရန်အတွက် လူသစ် ပိုမိုစုဆောင်းရန် စစ်အုပ်စုက ညွှန်ကြားထားကြောင်း အုပ်ချုပ်ရေးမှူး တစ်ဦးက ပြောသည်။ စစ်အုပ်စုသည် ၂၀၂၅-၂၀၂၆ ရွေးကောက်ပွဲအပြီးပိုင်း ပြည်သူ့စစ်မှုထမ်းဥပဒေအရဆိုကာ လူဝင်မှုကြီးကြပ်ရေး ဌာန၏ အချက်အလက်များကို အသုံးပြု၍ စစ်မှုထမ်း အကျုံးဝင်သူများကို စာရင်းပြုစု မှတ်ပုံတင်ခိုင်းခြင်း၊ အလှည့်ကျ ဆင့်ခေါ်ခြင်းနှင့် တစ်ဦးထက်ပိုရှိသော အိမ်ထောင်စုများကို ရပ်ကွက်ရုံးများ၌ မဲနှိုက်ခိုင်းခြင်းတို့ကို ပြုလုပ်နေသည်။ ထို့ပြင် ကိုယ်တိုင် မသွားလိုသူများကို လူစားထိုး လဲလှယ်ရန်အတွက် ရပ်ကွက်၊ ကျေးရွာ အလိုက် စစ်မှုထမ်းကြေးများ ကောက်ခံနေခြင်း ဖြစ်သည်။ ဓာတ်ပုံ – (စစ်မှုထမ်းအဖြစ် စုဆောင်းခံထားရသူများကို တွေ့ရစဉ် / ပြည်သူ့စစ်မှုထမ်းများ စုစည်းရာ - တယ်လီ ဂရမ်) #ပဲခူးတိုင်း

ပဲခူးတိုင်းအနောက်ပိုင်းတွင် လူတစ်ဦးလျှင် ကျပ်တစ်သိန်းအထိ စစ်အုပ်စုက စစ်မှုထမ်းကြေး ကောက်ခံနေ

ပဲခူးတိုင်းအနောက်ပိုင်းတွင် လူတစ်ဦးလျှင် ကျပ်တစ်သိန်းအထိ စစ်အုပ်စုက စစ်မှုထမ်းကြေး ကောက်ခံနေ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၂၃ …

  • October 23, 2026
×Close