NMG Doh – Page 202 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Aug 12

လကမ္ဘာ၌ လူနေထိုင်နိုင်ရေး မြေမှုန်များကို အုတ်ဖြစ်အောင် လုပ်သော နည်းပညာ တရုတ်တီထွင် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၂ ရက်။ ကမ္ဘာ့နိုင်ငံကြီးများ အကြား လကမ္ဘာပေါ်တွင် လူနေထိုင်နိုင်ရေးကို သူ့ထက်ငါ အပြိုင် ကြိုးစားလျက် ရှိနေကြ သည်။ လကမ္ဘာတွင် လူနေထိုင်ရေးအတွက် ရေ၊ အစားအစာနှင့် အောက်ဆီဂျင်တို့ အပြင် အဆောက်အအုံများ တည် ဆောက်ရေးသည်လည်း အရေးပါလှပေသည်။ အဆောက်အအုံများ ဆောက်လုပ်ရန် ပစ္စည်းများကို ကမ္ဘာမှ သယ်ဆောင်သွားရမည် ဆိုပါက စားစရိတ်ကစ စျေးနှုန်း အလွန်ကြီးမြင့်ပြီး အခေါက်ခေါက် အခါခါ သယ်ရမည် ဖြစ်သဖြင့် အခက်ကြုံနေကြရသည်။ မကြာသေးမီက တရုတ် သိပ္ပံ ပညာရှင်များက နေစွမ်းအင်ကို အသုံးပြု၍ လကမ္ဘာပေါ်က မြေမှုန်များကို အုတ် ဖြစ်အောင် လုပ်သော နည်းပညာကို တီထွင် စမ်းသပ်နိုင်ခဲ့သည်။ တရုတ် ပညာရှင်များက လကမ္ဘာပုံစံ အတုလေး တစ်ခုကို တရုတ်နိုင်ငံ Anhui ပြည်နယ်က Hefei ဒေသတွင် ဖန်တီးလိုက်သည်။ ထို့နောက် တီထွင်ထားသည့် ကိရိယာများဖြင့် နေရောင်ခြည်ကို ဖိုင်ဘာ အလင်းတန်း ကေဘယ်များနှင့် စုစည်း လိုက်ပြီး အပူချိန်မြင့်မားစွာ ထုတ်ယူလိုက်သည်။ အပူချိန် ၁၃၀၀ ဒီဂရီ စင်တီဂရိတ် ရောက်သည့်အခါ လကမ္ဘာ မျက်နှာပြင် နမူနာ လုပ်ထားသည့် သဲမှုန်များအား အပြား မျက်နှာပြင်၊ အကွေးပုံနှင့် ရှုတ်ထွေးသော ဂျီဩမေတြီ ပုံသဏ္ဍာန် အမျိုးမျိုး ရှိသည့် အုတ်ချပ်များအဖြစ် ပြုလုပ်နိုင်ခဲ့ကြသည်။ အဆိုပါ နည်းပညာကို အခြေခံ၍ လကမ္ဘာကို ပစ္စည်းများ သယ်ဆောင်သွားစရာ မလိုဘဲ အဆောက်အအုံများ တည်ဆောက်နိုင်တော့မည် ဖြစ်သဖြင့် လူနေစရာ နေရာများ တည်ဆောက်နိုင်မည့် အလားအလာ ရှိလာပြီဟု တရုတ် သိပ္ပံပညာရှင်များက ပြောသည်။ ဤစမ်းသပ်မှုကို လကမ္ဘာပေါ်တွင်တော့ စမ်းသပ်ခြင်း မပြုရသေးပေ။

လကမ္ဘာ၌ လူနေထိုင်နိုင်ရေး မြေမှုန်များကို အုတ်ဖြစ်အောင် လုပ်သော နည်းပညာ တရုတ်တီထွင်

Aug 12

ထိုင်း - ကမ္ဘောဒီးယား နယ်စပ် တင်းမာမှု ဆက်ရှိနေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၂ ရက်။ ထိုင်း - ကမ္ဘောဒီးယား နယ်စပ်တွင် တင်းမာမှုများ ဆက်ရှိနေပြီး ထိုင်းဘက်က ကမ္ဘောဒီးယားကို အပစ်အခတ် ရပ်စဲရေး သဘောတူမှုအား ချိုးဖောက်သည်ဟု စွပ်စွဲ ထားသည်။ ထိုင်းနိုင်ငံ၊ ဆူရင်းခရိုင်ထဲတွင် မြေမြုပ်မိုင်း ပေါက်ကွဲ ပြီးနောက်ပိုင်း ထိုင်းတပ်မတော်က မိမိကိုယ်ကို ကာကွယ် ပိုင်ခွင့်ကို ကျင့်သုံးသွားမည် ဖြစ်ကြောင်းလည်း ကြေညာခဲ့သည်။ ထိုင်းပိုင်နက် နယ်မြေဖြစ်သော ဆူရင်းခရိုင်ထဲတွင် ဩဂုတ်လ ၁၂ ရက် ရက်နေ့၊ နံနက်ပိုင်း ၉ နာရီကျော် အချိန်ခန့်တွင် မြေမြုပ်မိုင်း တစ်လုံး ပေါက်ကွဲခဲ့သည်ဟု ထိုင်းစစ်တပ်က ဆိုသည်။ ထိုင်းစစ်တပ်၏ ပြောရေးဆိုခွင့်ရှိသူ ဗိုလ်ချုပ် Winthai Suvaree ၏ အဆိုအရ Ta Muen Thom ဘုရားမှ ၁ ကီလိုမီတာခန့် ဝေးသည့် နေရာတွင် ထိုင်းဘက်က ပုံမှန် ကင်းလှည့်နေစဉ် မြေမြုပ်မိုင်း ပေါက်ကွဲ ခဲ့ခြင်း ဖြစ်သည်ဟု သိရသည်။ ထိုင်းနိုင်ငံဘက်က ၂၆၁၀ (နှစ်ခြောက်တစ်သုည) အရံရိန်းဂျားတပ်မှ တပ်ခွဲတစ်ခွဲ ကင်းလှည့်နေစဉ် တပ်ကြပ်ကြီး တစ်ဦးက လူသတ်မိုင်းဟုခေါ်သော Anti-personal မိုင်း တစ်လုံးကို နင်းမိခဲ့ခြင်း ဖြစ်သည်။ တပ်ကြပ်ကြီး၏ ဘယ်ဖက် ခြေကျင်းဝပ်တွင် ဒဏ်ရာ အပြင်းအထန် ရသွားပြီး ဆူရင်းရှိ ဆေးရုံတွင် ဆေးကုသမှု ခံနေရသည်ဟု ထိုင်းစစ်တပ်က ပြောသည်။ ထိုသို့ ထိုင်းနယ်မြေအတွင်း မြေမြုပ်မိုင်းထောင်ခြင်းသည် အပစ်အခတ်ရပ်စဲရေး သဘောတူညီချက်ကို ချိုးဖောက်ရုံသာမကဘဲ မြေမြုပ်မိုင်းနှင့် ပတ်သက်သည့် အိုတာဝါ သဘောတူညီချက်ကိုလည်း ဖောက်ဖျက်ခြင်း ဖြစ်သည်ဟု ထိုင်းက ကမ္ဘောဒီးယားကို ပြစ်တင်ထားသည်။ ယခင်ရက်များ အတွင်း၌မူ ထိုင်းစစ်သားများက ဖန်ဂေါ်လီလုံးများနှင့် လောက်လေးဂွတို့ကို အသုံးပြုပြီး ကမ္ဘောဒီးယားဘက်သို့ ပစ်ခတ်ခဲ့သည်ဟုလည်း ကမ္ဘောဒီးယားဘက်က စွပ်စွဲထားသည်။

ထိုင်း – ကမ္ဘောဒီးယား နယ်စပ် တင်းမာမှု ဆက်ရှိနေ

Aug 12

တရုတ် အမေရိကန် ကုန်သွယ်ခွန် သတ်မှတ်ရေး ရက် ၉၀ အချိန် တိုးမြှင့် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၂ ရက်။ တရုတ်နှင့် အမေရိကန် နှစ်နိုင်ငံအကြား ကုန်သွယ်ခွန် အပြန်အလှန် တိုးမြှင့်မည့် ကိစ္စကို နောက်ထပ် ရက်ပေါင်း ၉၀ ရွှေ့ဆိုင်းလိုက်သည်။ အဆိုပါ ရွှေ့ဆိုင်းရန် အမိန့်ကို အခွန်များ တိုးမြှင့်ရန် နာရီပိုင်း အလိုတွင် အမေရိကန် သမ္မတ ဒေါ်နယ် ထရန့်က စီမံခန့်ခွဲမှု အမိန့်အဖြစ် လက်မှတ်ရေးထိုးခဲ့ခြင်း ဖြစ်သည်။ ဤသဘောတူညီချက် မရရှိခဲ့ပါက တရုတ်မှ အမေရိကန်သို့ တင်ပို့သော ကုန်ပစ္စည်းများအပေါ် အမေရိကန်က ကောက်ခံမည့် အခွန်မှာ လက်ရှိ ၃၀ ရာခိုင်နှုန်း မှ ၅၄ ရာခိုင်နှုန်းသို့ တိုးမြှင့်သွားမှာ ဖြစ်သည်။ အလားတူပင် အမေရိကန်မှ တရုတ်သို့ တင်ပို့သော ကုန်ပစ္စည်းများကိုလည်း တရုတ်က ၁၀ ရာခိုင်နှုန်း ကောက်ခံ ရာမှ ၃၄ ရာခိုင်နှုန်းသို့ တိုးမြှင့်သွားမည် ဖြစ်သည်။ သဘောတူညီချက် ရလိုက်သည့်အတွက် နောက်ထပ် ရက်ပေါင်း ၉၀ အတွင်း အမေရိကန်မှ တရုတ်ကို ဝင်နေ သည့် ကုန်ပစ္စည်းများကို တရုတ်က ၁၀ ရာခိုင်နှုန်းသာ အခွန်ကောက်မှာ ဖြစ်သည်။ ထို့အပြင် တရုတ်မှ အမေရိကန်သို့ တင်ပို့သော ပစ္စည်းများကို အမေရိကန်က ၃၀ ရာခိုင်နှုန်း ဆက်လက် အခွန် ကောက်ယူသွားမည် ဖြစ်သည်။

တရုတ် အမေရိကန် ကုန်သွယ်ခွန် သတ်မှတ်ရေး ရက် ၉၀ အချိန် တိုးမြှင့်

Aug 9

ရှေ့တန်းမှ ပြန်ဆုတ်လာသည့် တပ်သားသစ်များအား သတ်ဖြတ်မှုများ ရှိနေ

ရှေ့တန်းမှ ပြန်ဆုတ်လာသည့် တပ်သားသစ်များအား သတ်ဖြတ်မှုများ ရှိနေ

Aug 8

ပထမဆုံး M.B.B.S ဆေးပညာဘွဲ့သင်တန်း ချင်းပြည်တွင် ဖွင့်လှစ်မည်  သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၈ ရက်။ ချင်းပြည်တွင် ဆေးပညာဘွဲ့/ ခွဲစိတ်ပညာဘွဲ့ (M.B.B.S) ပေးနိုင်မည့် သင်တန်းကို ဖွင့်လှစ်သွားမည်ဟု ချင်ပြည် အစိုးရ၏ ကျန်းမာရေးနှင့် အားကစားဝန်ကြီးဌာနက ပြောသည်။ ချင်းပြည်အတွင်း ကြုံနေရသော ကျန်းမာရေးဝန်ထမ်း လိုအပ်ချက်ကို ဖြေရှင်းနိုင်ရေး အဆိုပါ သင်တန်းကို ဖွင့်ရ ခြင်း ဖြစ်သည်ဟု ချင်းပြည် အစိုးရ၏ ကျန်းမာရေးနှင့် အားကစားဝန်ကြီးဌာနက ဩဂုတ်လ ၅ ရက်နေ့တွင် ထုတ်ပြန်သည်။ ၂၀၂၆ ခုနှစ်၊ ဇန္နဝါရီလက စတင်ပြီး Bachelor of Medicine, Bachelor of Surgery (M.B.,B.S) ဆေးပညာဘွဲ့/ခွဲစိတ်ပညာဘွဲ့ သင်တန်းကို ဖွင့်သွားမည် ဖြစ်သည်။ ဒါဟာ ချင်းပြည်မှာ ပထမဆုံး အကြိမ် ဖွင့်တဲ့ သင်တန်းဖြစ်ပြီး ကျောင်းသား အယောက် ၃၀ ပဲ လက်ခံမယ်လို့ ထုတ်ပြန်ချက်က ဆိုပါတယ်။ အဆိုပါ ဆေးပညာဘွဲ့ပေးသည့် သင်တန်းကို ဆေးတက္ကသိုလ် (၁)/University of Medicine (1) ၊ ကြားကာလ တက္ကသိုလ် ကောင်စီ (Interim University Council) တို့ ပူးပေါင်းဖွင့်လှစ်သွားမည်ဟု ထုတ်ပြန်ထားသည်။ သင်တန်းကာလ ၆ နှစ်တွင် သင်ကြားရေးပိုင်းကို သွားမှာဖြစ်ပြီး၊ အလုပ်သင်ကာလ ၁ နှစ်ဖြင့် ပေါင်းပါက သင်တန်းကာလ ၇ နှစ်အကြတွင် ဆေးပညာဘွဲ့ကို ရမှာ ဖြစ်သည်။ အဆိုပါ ဆေးပညာဘွဲ့ သင်တန်းအား လျှောက်ထားချင်သူများအနေဖြင့် ၂၀၂၅ ခုနှစ်၊ စက်တင်ဘာလ ၃၀ ရက်နေ့၊ ညနေ ၄ နာရီအချိန်ထိ လျှောက်ထားနိုင်မှာ ဖြစ်သည်။ လျှောက်ထားမယ့်သူများ အနေဖြင့် ၂၀၂၁ မတိုင်မီ (သို့မဟုတ်) ၂၀၂၁ နောက်ပိုင်း NUG ပညာရေးစနစ်ဖြင့် ၁၀ တန်း (သို့မဟုတ်) ၁၂ တန်း အောင်မြင်ထားသူ၊ ချင်းပြည်အစိုးရ လက်အောက်ရှိ Pre-college ၌ တက်ရောက် နေသူများနှင့် တက်ရောက် ပြီးစီးသူများက လျှောက်ထားနိုင်သည်ဟု ဆိုသည်။ အသေးစိတ်အချက်အလက်နှင့် လျှောက်လွှာကိုမူ ချင်းပြည် အစိုးရ၏ ကျန်းမာရေး နှင့် အားကစား ဝန်ကြီးဌာန Facebook စာမျက်နှာတွင် ရယူနိုင်သည်။

ပထမဆုံး M.B.B.S ဆေးပညာဘွဲ့သင်တန်း ချင်းပြည်တွင် ဖွင့်လှစ်မည်

Aug 8

KIO ဌာနချုပ် လိုင်ဇာရေကြီးမှုထဲ ကလေးအပါအဝင် ပြည်သူ ၆ ဦး ရေထဲမျှောပါသေဆုံး သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၈ ရက်။ ကချင်လွတ်လပ်ရေး အဖွဲ့ KIO ဌာနချုပ် လိုင်ဇာမြို့ အနီးဝိုက်တွင် ဖြစ်ခဲ့သည့် ရေကြီးရေလျှံမှုထဲ အသက် ၃ နှစ် အရွယ် ကလေးတစ်ဦး အပါအဝင် ပြည်သူ ၆ ဦး ရေထဲမျှောပါ သေဆုံးခဲ့သည်ဟု ဒေသခံများက ပြောသည်။ လိုင်ဇာအနီးဝန်းကျင်တွေ ဖြစ်ခဲ့သည့် ရေကြီးရေလျှံမှုမှာ ဩဂုတ်လ ၄ ရက်နေ့ နံနက်အစောပိုင်းတွင် ဖြစ်ပွားခဲ့ ခြင်း ဖြစ်သည်။ တရုတ် - မြန်မာနယ်စပ်မျဉ်းအနီးရှိ လိုင်ဇာမြို့တွင် ရုတ်တရက် တောင်ကျချောင်းရေများ ကျလာပြီးနောက် မုန်လိုက်ခက်ချောင်းမှာ ချောင်းရေမြင့်တက်ကာ ရေကြီးရေလျှံမှု ဖြစ်ခဲ့ခြင်း ဖြစ်သည်။ လိုင်ဇာဒေသခံ အမျိုးသား တစ်ဦးက “ဂျေယန့်နဲ့ ဖုန်လွမ်ယန်ကြားက အလန့်ဘွမ် (အလန့်တောင်) က ကျောင်း တွေလည်း အဲ့မှာလည်း အကုန်ရေကြီး ပြီး ပျက်ကုန်တယ်။ အရင်တုန်းကလည်း ဖြစ်ခဲ့ဖူးတယ် တစ်ခေါက် ပေါ့။ အခုတစ်ခေါက် ထပ်ဖြစ်တာပေါ့။ တောင်ကျရေကြောင့် ကြီးတာပါ။ လူသေတာက ရေထဲမျှောပြီး ပါ သွားတာ။ ပျက်စီးဆုံးရှုံးမှုက ပြောမပြတတ်အောင် များတယ်” ဟု ပြောသည်။ ရေကြီးရေလျှံမှုထဲ ပြည်သူ ၆ ဦး သေဆုံးသွားသည့်အပြင် စစ်ရှောင်စခန်းက နေအိမ်များ အပါအဝင် လူနေအိမ် အလုံးရေ ၄၆၀ ကျော် ပျက်စီးသွားသည်ဟု KIO က ဆိုသည်။ နေအိမ်များ ပျက်စီးသွားသည့်၊ ရေထဲမျှောပါသွားသည့် ပြည်သူများနှင့် စစ်ရှောင်များကို လက်ရှိတွင် စာသင် ကျောင်းများ၊ ဘုရားကျောင်းများနှင့် ခန်းမဆောင်နေရာများတွင် ယာယီနေထိုင်ရေး စီစဉ်ပေးရသည်ဟု အကူ အညီပေးနေသည့် လိုင်ဇာမြို့ခံ လူငယ်များက ပြောသည်။ လိုင်ဇာမြို့အနီးရှိ ဂျေယန့် စစ်ရှောင်စခန်း အပါအဝင် ဖွန်လွမ်ယန် စစ်ရှောင်စခန်း၊ ဂျာထူကောင့် စစ်ရှောင်စခန်း၊ မုန်ဆိုင်ယန်ကျေးရွာတို့တွင် ရေကြီးရေလျှံမှုများ ဖြစ်ပေါ်ခဲ့သည်။ ဂျေယန့် စစ်ရှောင်စခန်းတွင် ၂၀၁၉ ခုနှစ်စာရင်းအရ စစ်ရှောင်ဦးရေ ၈၈၀၀ ကျော် ရှိသည့် စစ်ရှောင်စခန်းကြီး ဖြစ်သည့်အပြင် ဖွန်လွမ်ယန်နှင့် ဂျာထူကောင့် စစ်ရှောင်စခန်းတို့မှ စစ်ရှောင်ပြည်သူများ အားလုံးသည့် လက်ရှိ တွင် ရေဘေးပါ ထပ်ရှောင်ကြရသည့် ရေဘေးရှောင်ဒုက္ခသည် ဘဝထပ်ရောက်ကုန်ကြသည်။ စစ်ဘေးရှောင် တဖြစ်လဲ ရေဘေးရှောင်များအတွက် အဝတ်အစားများ၊ တစ်ကိုယ်ရေသုံးပစ္စည်း၊ ဆေးဝါး၊ အိမ် အသုံးအဆောင် ပစ္စည်းများ အရေးပေါ် လိုအပ်နေသည့်အပြင် နေစရာ နေရာအတွက် နေအိမ်များ ပြန်ဆောက် ပေးနိုင်ရေး အကူအညီများစွာ လိုအပ်နေသည်ဟု ဆိုကြသည်။ ယခုဖြစ်ခဲ့သည့် ရေကြီးရေလျှံမှုထဲ ပြန်လည်ထူထောင်ရေး ကိစ္စရပ်များအား အမြန်လုပ်ပေးရန် အကူအညီများ လိုအပ်နေသည့်အပြင် ပျက်စီးသွားသော လမ်းတံတားများ ပြန်လည် ပြုပြင်ဖို့လည်း လိုအပ်နေသည်။ စစ်ရှောင်စခန်းများနှင့် ကျေးရွာများထဲက နေအိမ်များအပြင် မုန်လိုင်ခက်တံတား၊ လဂျားယန်တံတားတို့ အပါ အဝင် တံတား ၇ စီးခန့် ပျက်စီးသွားသည်ဟု ဆိုသည်။ ထို့အပြင် လိုင်ဇာမှ စစ်ရှောင်စခန်းများသို့ သွားသည့် လမ်းပိုင်းနေရာများလည်း ပျက်စီးကုန်သည်ဟု ဒေသခံများ က ပြောသည်။

KIO ဌာနချုပ် လိုင်ဇာရေကြီးမှုထဲ ကလေးအပါအဝင် ပြည်သူ ၆ ဦး ရေထဲမျှောပါသေဆုံး

Aug 8

ဝေါလေဒေသတွင် တိုက်ပွဲများ ပြင်းထန်နေ သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၈ ရက်။ ကရင်ပြည်နယ်၊ မြဝတီမြို့တောင်ဘက် ဝေါလေဒေသ၌ တိုက်ပွဲများ ပြင်းထန်နေပြီး စစ်တပ်ကလည်း လေကြောင်း တိုက်ခိုက်မှုများ ဆက်တိုက်လုပ်နေသည်ဟု မြေပြင်သတင်းအရင်းအမြစ်က ပြောသည်။ ထိုင်းနယ်စပ်နှင့် ၃ ကီလိုမီတာသာ ဝေးသော ဝေါလေဒေသတွင် ဩဂုတ်လ ၅ ရက်နေ့နှင့် ဩဂုတ် ၆ ရက်နေ့တို့တွင် တိုက်ပွဲများ ပြင်းထန်လျှက်ရှိသည်။ မြေပြင်တွင် တိုက်ပွဲများ ပြင်းထန်နေသည့်အပြင် ဝေဟင်ထိုးစစ်များလည်း ဆက်တိုက် လုပ်နေသည်ဟု ဆိုသည်။ ဩဂုတ်လ ၆ ရက်နေ့က စစ်ကော်မရှင် လေတပ်က လေယာဉ်နှင့် ဆက်တိုက် ဗုံးကြဲခဲ့သည်ဟု ဆိုသည်။ Y-12 နှင့် Y-8 လေယောဉ်တို့ဖြင့် ဗုံးကြဲတိုက်ခိုက်မှုများကို လုပ်နေသည်ဟု ဆိုသည်။ တိုက်ပွဲထဲ စစ်တပ်က လေကြောင်းမှ ဗုံးကြဲတိုက်ခိုက်နေသည့် အပြင် လက်နက်ခဲယမ်းနှင့် ရိက္ခာများလည်း လေကြောင်းအသုံးပြုပြီး တောက်လျှောက်ချပေးသည်ဟု မြေပြင်သတင်းအရင်းအမြစ်က ပြောသည်။ ကရင်အမျိုးသား လွတ်မြောက်ရေး တပ်မတော် (KNLA) နှင့် ပူးပေါင်းတပ်တို့က ဥကရစ်ထစခန်းကို သိမ်းယူပြီး နောက် ဇူလိုင်လကတည်းက ဝေါလေဗျူဟာကို ဆက်လက်ပိတ်ဆို့ထားခဲ့ခြင်း ဖြစ်သည်။ သို့သော် ဒေသတွင်းရာသီ ဥတု အခြေအနေများကြောင့် တိုက်ပွဲသံများ ခေတ္တ ရပ်တန့်သွားခဲ့ရာမှာ ယခု ဩဂုတ် လဆန်းပိုင်းတွင် တော်လှန်ရေး ပူးပေါင်းတပ်က ပြန်လည် ထိုးစစ်ဆင်လာနေခြင်း ဖြစ်သည်။ အလားတူ ဝေါလေဗျူဟာတွင် ဖြစ်ပွားနေသည့် တိုက်ပွဲအခြေအနေများအား မြန်မာ - ထိုင်း နယ်စပ်၊ ထိုင်းဘက်ခြမ်းရှိ ထိုင်းစစ်တပ်ကလည်း အခြေနှင့် တပြေးညီ စောင့်ကြည့်နေကြသည်ဟု ထိုင်းသတင်းဌာနများ တွင် ဖော်ပြထားသည်။

ဝေါလေဒေသတွင် တိုက်ပွဲများ ပြင်းထန်နေ

Aug 8

ကော်သူးလေအာမီ KTLA က ချုံခိုတိုက်ခိုက်မှုကြောင့် တပ်ဖွဲ့ ၄ ဦး ဒဏ်ရာရဟု KNU ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၈ ရက်။ ထားဝယ်ခရိုင်၊ မေတ္တာ-ထီးခီး နယ်စပ်ကုန်သွယ်ရေးလမ်းပိုင်း၌ ကရင်အမျိုးသား လွတ်မြောက်ရေး တပ်မတော် (KNLA) တပ်ဖွဲ့ဝင်များကို ကော်သူးလေအာမီ (KTLA) တပ်က ချုံခိုတိုက်ခိုက်ခဲ့ရာ တပ်ဖွဲ့ဝင် ၄ ဦး ဒဏ်ရာရရှိခဲ့ သည်ဟု ကရင်အမျိုးသား အစည်းအရုံး (KNU) ဗဟိုက ပြောသည်။ မေတ္တာ - ထီးခီး နယ်စပ်ကုန်သွယ်ရေးလမ်းပိုင်းတွင် ဩဂုတ်လ ၆ ရက်နေ့၊ နံနက် ၁၀ နာရီ အချိန်က ချုံခို တိုက်ခိုက် ခံခဲ့ရခြင်း ဖြစ်သည်ဟု ဆိုသည်။ မေတ္တာ - ထီးခီး လမ်းပိုင်း၌ လုံခြုံရေးယူထားသည့် ကရင်အမျိုးသား လွတ်မြောက်ရေး တပ်မတော် (KNLA) တပ်ဖွဲ့ဝင်တို့ကို ကော်သူးလေအာမီ (KTLA) တပ်က ချုံခိုတိုက်ခိုက်ခဲ့ခြင်း ဖြစ်သည်။ ဗိုလ်စောအယ်ခွီး (ခ) ကော်လားဖိုး ဦးဆောင်သည့် KTLA အဖွဲ့က ခြုံခိုတိုက်ခိုက်ခဲ့သောကြောင့် KNU တပ်မဟာ (၄) က ရဲဘော် ၄ ဦး ထိခိုက်ဒဏ်ရာ ရခဲ့သည်ဟု KNU - မြိတ် ထားဝယ်ခရိုင်၊ ပြည်သူ့ဆက်ဆံရေးနှင့် သတင်းပြန်ကြားရေးကလည်း ဩဂုတ်လ ၇ ရက်နေ့တွင် ထုတ်ပြန်ထားသည်။ ‎KNLA က တပ်ဖွဲ့ဝင်တွေဟာ မေတ္တာမြို့အနီးတစ်ဝိုက်မှာ လုံခြုံရေး ယူဖို့ သွားချိန် လမ်းမှာ ခြုံခိုတိုက်ခိုက်တာကို ခံရတာလို့ ဆိုပါတယ်။ မြိတ် - ထားဝယ်ခရိုင်ထဲက ထိုင်း - မြန်မာနယ်စပ်ရှိ စစ်ကော်မရှင် တပ်စခန်းများကို KNU က သိမ်းပိုက်လိုက်ပြီးနောက် စစ်တပ်က အင်အားဖြည့်တင်းမှုများနှင့်အတူ ဆုံးရှုံးသွားသည့် စခန်းများ ပြန်လည်ရရှိရေး စစ်ကြောင်းများ ဆက်တိုက်ထိုးနေသည်ဟု ဆိုသည်။ အဆိုပါ စစ်ကော်မရှင်တပ်၏ စစ်ကြောင်းလာမှုများကြောင့် KNLA တပ်ဖွဲ့ဝင်များက မေတ္တာ - ထီးခီး လမ်းပိုင်းတလျှောက်၌ လုံခြုံရေးယူချိန် တိုက်ခိုက်ခံရခြင်း ဖြစ်သည်။

ကော်သူးလေအာမီ KTLA က ချုံခိုတိုက်ခိုက်မှုကြောင့် တပ်ဖွဲ့ ၄ ဦး ဒဏ်ရာရဟု KNU ပြော

Aug 8

သူငယ်ပြန် (အယ်ဇိုင်းမား) ရောဂါ ကာကွယ်ကုသရေး အလားအလာ တွေ့ရှိ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၈ ရက်။ ဟားဗတ် ဆေးကျောင်းမှ ကျောင်းသားများ ဦးဆောင်သည့် သုတေသနအဖွဲ့က အယ်ဇိုင်းမားရောဂါဟု ခေါ်သော သူငယ်ပြန်ရောဂါကို ကာကွယ်ကုသရန် အလားအလာကောင်းများ တွေ့ရှိထားသည်ဟု ပြောဆိုလိုက်သည်။ ၎င်းတို့က အယ်လ်ဇိုင်းမားရောဂါနှင့် လစ်သီယမ် (Lithium) သတ္တုဓါတ်ချို့တဲ့မှု ဆက်စပ်နေသည်ကို တွေ့ရှိခဲ့ကြ ခြင်း ဖြစ်သည်။ သုတေသန အဖွဲ့သည် အယ်လ်ဇိုင်းမားရောဂါ ရင့်နေသူများထံမှ လှူဒါန်းထားခဲ့သည့် ရာနှင့်ချီသော ဦးနှောက် တစ်သျှူးများကို လေ့လာခဲ့ကြသည်။ ထို့နောက်တွင် ကြွက်များနှင့် ထပ်မံ စမ်းသပ်လေ့လာခဲ့ကြသည်။ ၎င်းတို့၏ လေ့လာချက်အရ သူငယ်ပြန်သည့် အယ်လ်ဇိုင်းမားရောဂါသည်များ၏ ဦးနှောက်များတွင် လစ်သီယမ် သတ္တုဓါတ် ချို့တဲ့နေသည်ကို တွေ့ရှိခဲ့ကြသည်။ လစ်သီယမ် သတ္ထုဓါတ်သည် လူသားများ၏ ပတ်ဝန်းကျင်တွင် ရှိနေပြီး သံဓါတ် နှင့် ဗီတာမင် စီ တွင်လည်း ပါဝင်သည်ဟု ဆေးပညာရှင်များက ပြောသည်။ လစ်သီယမ်ဓါတ်ကို ဖြည့်စွက်စာအဖြစ် ပေးခြင်းဖြင့် အယ်လ်ဇိုင်းမားရောဂါ ကာကွယ်ရန်နှင့် ကုသရန် လမ်းစ များ တွေ့ရှိလာပြီဟု ဆေးပညာရှင်များက ယုံကြည်နေကြသည်။ Alzheimer ရောဂါမှာ လတ်တလော မှတ်ဉာဏ်များ ပျောက်ကွယ်သွားပြီး ငယ်စဉ်ဘဝက မှတ်ဉာဏ်များကို ပြန်လည် သတိရသည့် ဖြစ်စဉ် ဖြစ်သည်။

သူငယ်ပြန် (အယ်ဇိုင်းမား) ရောဂါ ကာကွယ်ကုသရေး အလားအလာ တွေ့ရှိ

« Prev 1 … 200 201 202 203 204 … 1,115 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

မီဒီယာများအတွက် နည်းပညာကုမ္ပဏီကြီးများကို အခွန်ကောက်မည့် ဥပဒေ ဩစတြေးလျ အတည်ပြု — August 21, 2026 8:07 pm
ထိုင်ဝမ် ကာကွယ်ရေးဘတ်ဂျက် စံချိန်တင် အတည်ပြု — August 21, 2026 8:04 pm
အမေရိကန်-တောင်ကိုရီးယား စစ်ရေးလေ့ကျင့်မှု ရုတ်တရက် ရပ်ဆိုင်း — August 21, 2026 8:02 pm

Recent Posts

ရွှေကူ လေကြောင်းတိုက်ခိုက်မှုတွင် ကိုယ်ဝန်ဆောင် အမျိုးသမီးအပါ အရပ်သားများ ဒဏ်ရာရ
သောင်ရင်းမြစ်ရေတက်ပြီး မြဝတီနှင့် မဲဆောက်တွင် ရေကြီးရေလျှံမှုဖြစ်
အင်းလေးရေ မြင့်တက်လာ၍ ကြိုတင်ရွှေ့ပြောင်းမှုများ ပြုလုပ်
မြောင် ဘုန်းကြီးကျောင်း ဥပုသ်နေ့တွင် ဗုံးကြဲခံရ၍ ၁၂ ဦး ထက်မနည်း သေဆုံး
ဂွနှင့်သံတွဲကို စစ်တပ်က လေယာဉ်အုပ်ဖွဲ့ ဗုံးကြဲမှုကြောင့် စစ်ဘေးရှောင်များ ဒဏ်ရာရ

Archives

Archives

×Close