NMG Doh – Page 201 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Apr 21

လွိုင်ကော်ထောင်မှ နိုင်ကျဉ်း လွတ်မြောက်ခြင်း မရှိ

လွိုင်ကော်ထောင်မှ နိုင်ကျဉ်း လွတ်မြောက်ခြင်း မရှိ

Apr 21

ထိုင်းနယ်စပ် ကုန်သွယ်ရေး လမ်းကြောင်းပေါ်ရှိ ဗျူဟာ စခန်းအား KNU သိမ်းပိုက်၊ ဗျူဟာမှူး အသေဖမ်းမိ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၁ ရက်။ ထိုင်း - မြန်မာ နယ်စပ် ထားဝယ်အနီး ထီးခီး- မေတ္တာ နယ်စပ်လမ်းရှိ အခိုင်အမာ တပ်စွဲထားသည့် စစ်ကောင်စီ၏ ထီးထဗျူဟာစခန်းကို ပြည်သူ့ ကာကွယ် ရေး ပူးပေါင်းတပ်ဖွဲ့များက တိုက်ခိုက်သိမ်းပိုက် လိုက်ပြီး ဗျူဟာမှူးကိုလည်း အသေမိခဲ့သည်ဟု KNU တပ်မဟာ ၄ မြိတ် - ထားဝယ်ခရိုင် တာဝန်ရှိသူက အတည်ပြု ပြောသည်။ နယ်စပ်မျဥ်းနှင့် ၆ မိုင်ခန့်ကွာဝေးပြီး စစ်ကောင်စီတပ် အင်အား ၁၀၀ ကျော်ရှိသည့် ထီးထဗျူဟာစခန်းကုန်းကို ကရင်အမျိုးသား လွတ်မြောက်ရေး တပ်မတော် KNLA နှင့် ပြည်သူ့ကာကွယ်ရေး ပူးပေါင်းတပ်များက ဧပြီလ ၁၂ ရက်နေ့မှ စတင်တိုက်ခိုက်ခဲ့ခြင်း ဖြစ်သည်။ ထို့နောက် တစ်ပတ်အကြာ ဧပြီလ ၁၉ ရက်နေ့၊ ညနေ ၄နာရီကျော်တွင် အပြီးသတ် သိမ်းပိုက်နိုင်ခဲ့ခြင်း ဖြစ် သည်။ KNU တပ်မဟာ ၄ မြိတ် - ထား ဝယ်ခရိုင်၏ အတွင်းရေးမှူး ပဒိုအယ်နားက “တိုက်ပွဲစဖြစ်ပြီ ဆိုကတည်းက တောက်လျှောက် လေယာဥ်နဲ့ ဗုံးလာကြဲတယ်၊ တစ်ရက်ကို လေးငါးကြိမ် လောက်ကြဲတာ၊ ဟယ်လီကော်ပတာ နဲ့ စစ်ကူလည်း လာပို့သေးတယ်” ဟု ပြောသည်။ စတင်တိုက်ခိုက်ခဲ့ပြီး ၅ ရက်အကြာ ဧပြီလ ၁၇ ရက်နေ့က ထီးထကျေးရွာအနီးရှိ ပထမစခန်းမှ လက်နက်ကြီး ကုန်းကို စတင်သိမ်းပိုက်ခဲ့ပြီးနောက် ဧပြီလ ၁၉ရက်နေ့တွင် ကျန်ရှိသည့် စခန်းကုန်းနှစ်ခုကို တိုက်ခိုက် သိမ်းပိုက် ခဲ့ခြင်း ဖြစ်သည်ဟု တိုက်ခိုက်ရာတွင်ပါဝင်ခဲ့သူ ပူးပေါင်းတပ်ဖွဲ့ဝင် တစ်ဦးက ဆိုသည်။ ထီးထဗျူဟာစခန်းကုန်း တိုက်ပွဲတွင် ကမ်းရိုးတန်း တိုင်းစစ်ဌာနချုပ် (ကရခ) စစ်ဗျူဟာ (၁) ဗျူဟာမှူးကို အသေ ရရှိထားသည်ဟု ဆိုသည်။ မူလက ဗျူဟာမှူးကို အရှင်ဖမ်းမိခဲ့သော်လည်း စစ်ဆေးမေးမြန်းနေချိန်တွင် အန္တရာယ် ရှိလောက်သည့် အပြုအမူ လုပ်ခဲ့သောကြောင့် လုံခြုံရေး ယူနေသည့် ရဲဘော်က ဗျူဟာမှူးကို ပစ်သတ် ခဲ့ရခြင်း ဖြစ်သည်ဟု ဆိုသည်။ အဆိုပါ စခန်းသိမ်းတိုက်ပွဲအတွင်း ပြည်သူ့ကာကွယ်ရေး ပူးပေါင်းတပ်ဖွဲ့များဘက်မှ တပ်ဖွဲ့ဝင် တစ်ဦးကျဆုံးပြီး ထိခိုက် ဒဏ်ရာရရှိသူများလည်း ရှိနေသည်။ ဖမ်းဆီးမိသည့် စစ်သုံ့ပန်း အရေအတွက်နှင့် သိမ်းဆည်းရရှိသည့် လက်နက်ခဲယမ်း အသေးစိတ်စာရင်းကို KNU/KNLA နှင့် PDF ပူးပေါင်းတပ်ဖွဲ့များဘက်မှ တရားဝင် ထုတ်ပြန်ပေးသွားမည် ဖြစ်ကြောင်း KNU တပ်မဟာ ၄ မြိတ် - ထားဝယ်ခရိုင်၏ အတွင်းရေးမှူး ဆိုသည်။ စခန်းကုန်းကို ကာကွယ်နိုင်ရန်အတွက် ပိတ်ဆို့တိုက်ခိုက်ခံရသည့် အချိန်မှစ၍ ယနေ့ထိတိုင်အောင် စစ်ကောင်စီ မှ Mi-17 ရဟတ်ယာဥ်၊ K-8W ဂျက်ဖိုက်တာနှင့် Y-12 လေယာဥ်များကို အသုံးပြုပြီး နေ့စဥ်နီးပါး ဗုံးများကြဲချ ကာ လေကြောင်း တိုက်ခိုက်မှုများဖြင့် အပြင်းအထန်ကာကွယ်နေရသည့် ကြားမှ စခန်းကုန်းကို လက်လွှတ် လိုက်ရခြင်းဖြစ်သည်။ ထီးထဗျူဟာကုန်းစခန်း သိမ်းပိုက်ခဲ့သည့် ညနေပိုင်းမှာပင် ထီးခီးနယ်စပ်ဂိတ်ရှိ စစ်ကောင်စီစခန်းဘက်မှလည်း ပစ်ခတ်သံများ ထွက်ပေါ်နေခြင်းများကြောင့် ထီးထ၊ ထီးခီးကျေးရွာ အနီးတစ်ဝိုက်မှရွာသားများ ထိုင်းနိုင်ငံနယ် စပ်ဘက်သို့ ထွက်ပြေးတိမ်းရှောင်နေကြရသည် ဟု ရွာသားများက ပြောသည်။ ထီးထဗျူဟာစခန်းကုန်းသည် ထီးခီးနယ်စပ်စခန်းနှင့် ထီးခီး - မေတ္တာနယ် စပ်ကုန်သွယ်ရေး လမ်းအတွက် အ ရေးပါသည့် စခန်းကုန်းတစ်ခုဖြစ်ပြီး ၁၉၉၇ ခုနှစ်ကတည်းက အခိုင်အမာတပ်စွဲထားသည့် စခန်းတစ်ခုဖြစ်သည်။ ပြီးခဲ့သည့် ၂၀၂၄ ခုနစ် ဧပြီလလယ်ပိုင်းကလည်း ထီးထဗျူဟာစခန်းကုန်းကို အင်အားဖြည့်တင်းရန်လာသည့် စစ်ကောင်စီ စစ်ကြောင်းကို KNLA နှင့် ပြည်သူ့ကာကွယ်ရေး ပူးပေါင်းတပ်ဖွဲ့များက တိုက်ခိုက်ခဲ့ရာ စစ်ကောင်စီ ဗိုလ်မှူးတစ်ဦး အပါအဝင် ၅၄ ဦး လက်နက်ချ အညံ့ခံခဲ့ဖူးသေးသည်။ တနင်္သာရီတိုင်းအတွင်း ပြီးခဲ့သည့် ၂၀၂၄ခုနှစ် အစပိုင်းမှ စတင်ပြီး စခန်းသိမ်းတိုက်ပွဲများ ဆက်တိုက်ရှိလာခဲ့ရာ လက်ရှိတွင် စခန်းကြီး၊ စခန်းငယ် စုစုပေါင်း ၁၃ ခုထက် မနည်းကို KNLA နှင့် ပြည်သူ့ကာကွယ်ရေး ပူးပေါင်း တပ်များက သိမ်းပိုက်ထားပြီး စခန်းအချို့ကိုမူ ဖျက်ဆီးထားခဲ့ကြသည်။ တိုက်ခိုက်သိမ်းပိုက်ထားခဲ့သည့် စခန်းများမှာ ကျောက်ထုစခန်း၊ မောထစခန်း၊ ရောင်းမော် ပျူစောထီးစခန်း၊ မင်းသမီးခီးစခန်း၊ ပဲဒက်စခန်း၊ ကျောက်ဆည်ပျူစောထီးစခန်း၊ 1020 တောင်စခန်း၊ အောင်သာရဝစခန်း၊ မိုက်ခရိုဝေ့ဖ် တာဝါတိုင် (ကော့သောင်း-ဘုတ်ပြင်း) စခန်း၊ ရွှေဂူတံတား စစ်ဆေးရေးဂိတ်နှင့် ရေကန်တောင်ပေါ် ရှိ စစ်ကောင်စီ ဆက်သွယ်ရေး မိုက်ခရိုဝေ့စခန်းကုန်းတို့ ဖြစ်ကြသည်။

ထိုင်းနယ်စပ် ကုန်သွယ်ရေး လမ်းကြောင်းပေါ်ရှိ ဗျူဟာ စခန်းအား KNU သိမ်းပိုက်၊ ဗျူဟာမှူး အသေဖမ်းမိ

Apr 21

ဆန်သည်လာသည့် သားအဖ ဖမ်းခံရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၁ ရက်။ မြိတ်ခရိုင်၊ မြိတ်မြို့နယ်ရှိ စစ်ကောင်စီ၏ ကြေးနန်းတိုင်တံတား စစ်ဆေးရေးဂိတ်တွင် ဆန်အိတ် တင်ဆောင်လာ သည့် သားအဖ ၂ ဦးအား စစ်ကောင်စီ တပ်ဖွဲ့များက ဖမ်းဆီးလိုက်သည်ဟု ရွာသားများက ပြောသည်။ တနင်္သာရီတိုင်း မြိတ်မြို့ရှိ သစ်ခွဲစက်ရုံသို့ သစ်တင်ပို့ပြီးနောက် အပြန်တွင် ကြေးနန်းတိုင်တံတား စစ်ဆေးရေးဂိတ်၌ ဧပြီလ ၁၅ ရက်နေ့ နံနက်ပိုင်းက ဖမ်းဆီးခံရခြင်း ဖြစ် သည်။ အေးသာယာရွာသစ်မှ အသက် ၄၀ ခန့်အရွယ် ရွာသားတစ်ဦးက “မြိတ်က အပြန်ဆိုပေမဲ့ ကြေးနန်းတိုင် စစ် ဆေးရေး ဂိတ်က စစ်ဆေးပြီး လွှတ်လိုက်ပြီးမှ၊ ခုံမော်ရွာရောက်တော့ ပျူစောထီးအဖွဲ့နဲ့ ဆုံပြီး ထပ်အစစ်ခံရ တယ်၊ ဆန်အိတ်တွေပါလာတယ် သွားမရဘူး၊ ပြန်လှည့်ဆိုလို့ မြိတ်ကိုအပြန် ကြေးနန်းတိုင်ဂိတ်က ပြန်ဖမ်း လိုက်တာ” ဟု ပြောသည်။ ဖမ်းဆီးခံရသူများဖြစ်သည့် အသက် ၄၂ နှစ်အရွယ် ကိုမြတ်ကိုကိုနှင့် ဆယ်ကျော်သက်အရွယ် သားဖြစ်သူတို့မှာ မြိတ်ဒေသခံများ ဖြစ်ကြပြီး သစ်လုပ်ငန်းလုပ်ကိုင်နေကာ တနင်္သာရီမြို့နယ်အတွင်းရှိ အေးသာယာရွာသစ်တွင် မိသားစုလိုက် အခြေချ ပြောင်းရွေ့နေထိုင်ကြခြင်း ဖြစ်သည်။ အဖမ်းခံရသည့် သားအဖနှစ်ဦးသည် နှစ်ပေါင်းများစွာကပင် သစ်တင်ပို့သည့် အလုပ်ကို လုပ်ကိုင်နေခြင်းဖြစ်ပြီး စစ်အာဏာ သိမ်းပြီးကာလများနှင့် တိုက်ပွဲများ အကြားတွင်လည်း ပုံမှန်ဖြတ်သန်းသွားလာနေသူများ ဖြစ်ကြ ကြောင်း ရွာသားများက ဆိုသည်။ ဖမ်းဆီးခံရသည့် ကိုမြတ်ကိုကိုတို့ သားအဖ ၂ဦးကို မြိတ်လေတပ်စခန်းကို ခေါ်ဆောင်သွားသည်ဟု သိရှိရပြီး လက်ရှိအချိန်ထိ မိသားစုဝင်များနှင့် တွေ့ဆုံခွင့် မရရှိသေးဘူးဟု ဆိုသည်။ ပြီးခဲ့သည့် မတ်လ ၇ ရက်နေ့ကလည်း ကြေးနန်းတိုင်တံတား စစ်ဆေးရေးဂိတ်တွင် မြိတ်ဘက်မှ တနင်္သာရီ မြို့နယ်၊ မော်တုန်းကျေးရွာများဘက်သို့ ကုန်ပစ္စည်း ပို့ဆောင်နေသည့် ကုန်ကားတစ်စီးနှင့် အမျိုးသားနှစ်ဦး ဖမ်းဆီးခံခဲ့ရပြီး လက်ရှိအချိန်ထိ ပြန်မလွတ်သေးကြောင်း မော်တုန်းရွာသားများက ပြောသည်။ မတ်လအတွင်းမှာပင် ကြေးနန်းတိုင်တံတား စစ်ကောင်စီ စစ်ဆေးရေးဂိတ်တွင် ဆန်အိတ် တင်ဆောင်လာခြင်း ကြောင့် ဖမ်းဆီးခံထားရသည့် ကုန်ကား ၅ စီးထက် မနည်းရှိနေပြီး ကားသမားများပါ ဖမ်းဆီးခံရသည်။ အဆိုပါ ကားသမားများလည်း ယနေ့အချိန်ထိ ပြန်လည်လွတ်မြောက်ခြင်း မရှိသေးဟု နီးစပ်သူများက ပြောသည်။

ဆန်သည်လာသည့် သားအဖ ဖမ်းခံရ

Apr 18

ငလျင်ဒဏ်သင့် ပြည်သူများ နောက်ဆက်တွဲ ကျန်းမာရေး ထိခိုက်မှုများ ရှိလာနေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။ ငလျင်ဒဏ် အပြင်းအထန် ခံစားခဲ့ရသော စစ်ကိုင်း၊ မန္တလေးနှင့် နေပြည်တော်တို့တွင် နောက်ဆက်တွဲ ကျန်းမာ ရေး ထိခိုက်မှုများ ရှိလာသည်ဟု ကျန်းမာရေးဝန်ထမ်းများက ပြောသည်။ အထူးသဖြင့် နောက်ဆက်တွဲ ကျန်းမာရေး ထိခိုက်မှုကို အသက် ၅ နှစ်အောက် ကလေးငယ်များ ပိုခံစားနေကြရ သည်ဟု စစ်ကိုင်းမြို့တွင် အခမဲ့ ဆေးကုသပေးနေသော ဆေးခန်းတစ်ခုက အမည်မဖော်လိုသော အမျိုးသမီး ကျန်းမာရေးဝန်ထမ်းတစ်ဦးက ပြောသည်။ “နောက်ဆက်တွဲ အနေနဲ့က အခုလောလောဆယ်ပေါ့နော် ဆေးရုံမှာရော ဆေးခန်းမှာရော တွေ့နေရတာက ကလေးတွေက အန်တယ်။ ရေပြဿနာကြောင့်မို့လို့ ဝမ်းလျောတာ ရှိတယ်။ နောက်တစ်ခုက ကျတော့ အပြင်မှာ အိပ်ရတော့ အပူရှပ်ပြီး ဖျားတာမျိုးပေါ့။ နောက်ပြီးတော့ ပါးတွေ ပါးဆောင်တွေ ယောင်တာမျိုးပေါ့ အဲလိုမျိုးတော့ ရှိတယ်ရှင့်။” ထိုလက္ခဏာများအနက် အော့အန်မှုက အများဆုံး ဖြစ်ပွားနေပြီး ပြင်ပဆေးခန်းတွင် ကုသရန်လည်း ခက်ခဲသော ကလေးများအား ဆေးရုံသို့ လွဲပြောင်းရသည့် အခြေအနေထိ ဖြစ်ပွားနေသည်ဟု ဆက်ပြောသည်။ “အခုအဖြစ်များတာတော့ အန်တာပေါ့နော်။ တစ်ချို့ကကျတော့ အရမ်းအန်ပြီးတော့ ဆေးသောက်တာ လုံးဝ မဝင်လို့ Saline ချိတ်ရတာမျိုးပေါ့။ တစ်နေ့ကဆိုရင် ကလေးတွေ ၆ ယောက်လောက်ပေါ့ ညကိုဆို ၆ ယောက် လောက် ဆေးရုံရောက်သွားတယ်။ အန်တဲ့ case တစ်ခုတည်းကြောင့်မို့လို့ပေါ့ ကလေးတွေက အဲ့လိုမျိုးပေါ့။” လက်ရှိအချိန်တွင် ကလေးငယ်များ သေဆုံးသည်အထိ ဖြစ်ပွားခြင်း မရှိသေးသော်လည်း ဆက်လက် ဖြစ်ပွားမှု များ ရှိနေသည်ဟု မြေပြင်ရှိ လူမှုကူညီရေး အသင်းအဖွဲ့ဝင်များက ဆိုသည်။ ငလျင် လှုပ်ခတ်မှုနောက်ပိုင်း စစ်ကိုင်းမြို့တွင် ဆေးခန်းများနှင့် ဆေးဆိုင်အများစု ပိတ်ထားရသောကြောင့် အခမဲ့ ဖွင့်လှစ်ထားသော ဆေးခန်းများတွင်သာ လာရောက် ပြသမှုများရှိနေသည်ဟု ဆိုသည်။ ထိုဆေးခန်းတွင် စစ်ကိုင်းမြို့နှင့် အနီးနားဝန်းကျင်မှ လာရောက် ပြသကြပြီး တစ်ရက်အတွင်း ကလေးငယ် အယောက် ၅၀ မှ ၆၀ ခန့်အထိ လာရောက်ကုသနေကြသည်ဟု အဆိုပါဆေးခန်း တာဝန်ရှိသူများက ပြောသည်။ လက်ရှိတွင်လည်း လျှပ်စစ်မီးနှင့် ရေ ပုံမှန် မရရှိသေးသောကြောင့် ဆေးကုသမှုအပိုင်းတွင်လည်း အခက်အခဲ များ ရှိနေသည်ဟု ဆိုသည်။ အချိန်ကြာလာသည်နှင့်အမျှ လူမှုကူညီရေး အသင်းအဖွဲ့ဝင်များ၊ ကျန်းမာရေးဝန်ထမ်းများ ခြေကုန်လက်ပန်း ကျမှုများ ရှိလာနေသော်လည်း လူနာများ၏ လိုအပ်ချက်အရ အချိန် အကန့်အသတ်ဖြင့် အခမဲ့ဆေးခန်းများကို ဆက်လက် ဖွင့်လှစ်ထားပေးမည်ဟု ဆိုသည်။ ငလျင်လှုပ်ခတ်ပြီးနောက် ကျန်းမာရေးနှင့် ပတ်သက်ပြီး ဝမ်းပျက်ဝမ်းလျောကဲ့သို့သော နောက်ဆက်တွဲ ကူးစက် ရောဂါများလည်း ဖြစ်ပွားလာနိုင်သောကြောင့် သတိပြုနေထိုင်ကြရန်လည်း ကျန်းမာရေး ပညာရှင်များက သတိပေးထားသည်။

ငလျင်ဒဏ်သင့် ပြည်သူများ နောက်ဆက်တွဲ ကျန်းမာရေး ထိခိုက်မှုများ ရှိလာနေ

Apr 18

မကွေးထောင် ပစ်ခတ်မှု နိုင်ကျဉ်း နှစ်ဦး သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။ မကွေးတိုင်း၊ မကွေးအကျဉ်းထောင် အနီးတစ်ဝိုက် နေရာများ၌ စစ်ကောင်စီတပ်နှင့် ဒေသတွင်း PDF တို့ ထိတွေ့တိုက်ပွဲ ဖြစ်ပွားခဲ့ပြီး အကျဉ်းဦးစီး ဝန်ထမ်းများ၏ ပစ်ခတ်မှုကြောင့် နိုင်ငံရေး အကျဉ်းသား ၂ ဦး သေဆုံးသည်ဟု ထောင်နှင့် နီးစပ်သူများက ပြောသည်။ စစ်ကောင်စီ လက်အောက်ခံ အကျဉ်းဦးစီးဌာန ဝန်ထမ်းများမှ ထောင်ဗူးဝနှင့် ကင်းမျှော်စင်တို့တွင် နေရာယူ၍ ပစ်ခတ်မှုကြောင့် ထိခိုက်သေဆုံးခဲ့ခြင်း ဖြစ်သည်ဟု မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများ ကွန်ရက် PPNM တာဝန်ရှိသူက ပြောသည်။ PPNM ဦးဆောင်ကော်မတီဝင်ဖြစ်သူ ကိုသိုက်ထွန်းဦးက “ဖြစ်စဉ်က သင်္ကြန်ပိတ်ရက်ဖြစ်တော့ မိသားစုဝင်တွေ ကို အသိပေးအကြောင်းကြားဖို့ ခဲယဉ်းနိုင်လိမ့်မယ်လို့ သုံးသပ်တယ်။ မိသားစုဝင်တွေနဲ့ သတင်းပေးပို့ခဲ့ခြင်း၊ အကြောင်းကြားခဲ့ခြင်း ရှိ/မရှိ ဆိုတာကိုတော့ မသိရသေးပါဘူး။ သေချာတာက ရုံးပိတ်ရက်ဖြစ်တော့ ထောင်ရဲ့ လုပ်ထုံးလုပ်နည်းနဲ့ပဲ သဂြိုဟ်ဖြစ်ဖို့ များပါတယ်။ ဘာလို့လဲဆိုတော့ သူတို့ ပစ်ခတ်မှုကြောင့် သေဆုံးသွားတဲ့ သူတွေကိုတော့ ပြင်ပပြည်သူတွေ သိရှိအောင် ပြမှာမဟုတ်ဘူးပေါ့” ဟု သုံးသပ်သည်။ ဧပြီလ ၁၃ ရက်နေ့ ပစ်ခတ်မှုထဲ ထောင်တွင်း ဓမ္မာရုံ၌ အနားယူနေသည့် စောရွှေအောင် အပါအဝင် နိုင်ကျဉ်း ၂ ဦး သေဆုံးခဲ့ပြီး ၅ ဦးထက်မနည်း ဆေးကုသမှု ခံယူနေကြရသည်။ ထို့အပြင် ၂၀၂၂ ခုနှစ် မတ်လ ၁၄ ရက်နေ့က ဖမ်းခံထားရသည့် တောင်တွင်းကြီးမြို့နယ် ကိုယ်စားပြု၊ အမျိုးသား ဒီမိုကရေစီ အဖွဲ့ချုပ် (NLD) ပါတီ၏ အမတ်ဖြစ်သူ ဦးဝင်းမြင့်လှိုင်မှာလည်း ပစ်ခတ်မှုအတွင်း ထိခိုက်မှုရှိပြီး တိုက်ပိတ်ခံထားရသည်ဟု ဆိုသည်။ စစ်တပ်က အာဏာသိမ်းပြီးနောက်ပိုင်း ထောင်အနီးတစ်ဝိုက်နေများ၌ ထိတွေ့မှု ဖြစ်ပွားပါက ထောင်တံခါးများ ကို သော့ခတ်ထားလေ့ရှိသည်ဟု ကိုသိုက်ထွန်းဦးက ၎င်းကြုံတွေ့ဖူးသည့် အခြေအနေများကို ဝေမျှသည်။ ကိုသိုက်ထွန်းဦးက “အဓိက ဖြစ်တာတော့ သေနတ်ဖောက်ပြီ ဆိုတာနဲ့တင် ကျနော်တို့ ထောင်တံခါး ပိတ်ခဲ့တာ တို့၊ အကျဉ်းသားအားလုံးကို ထောင်ထဲ ဝင်ခိုင်းပြီးမှ ချက်ချင်းပိတ်တာမျိုးတို့ ဒါကို ကျနော်တို့ ကြုံခဲ့ရတဲ့ အခြေအနေတွေ ရှိပါတယ်ဗျာ” ဟု ပြောသည်။ PPNM မှ နိုင်ကျဉ်းထိခိုက်မှု အသေးစိတ် သိရှိရန်အတွက် စုံစမ်းနေဆဲဖြစ်ပြီး ထောင်ဝန်ထမ်း အများစုမှာလည်း ပြင်းပြင်းထန်ထန် ထိခိုက်မှုရှိသည်ဟု ဆိုသည်။ လက်ရှိတွင် စစ်ကောင်စီဖက်မှ သတင်းဖုံးဖိထားပြီး ထောင်တွင်း စုံစမ်းစစ်ဆေးမှု ပြုလုပ်နေကြသည်ဟု အကျဉ်းထောင်နှင့် နီးစပ်သူများကြားတွင် ပြောဆိုနေကြသည်။

မကွေးထောင် ပစ်ခတ်မှု နိုင်ကျဉ်း နှစ်ဦး သေဆုံး

Apr 18

နိုင်ငံတကာ အကူအညီများအား စစ်ကောင်စီ အာဏာတည်မြဲရေးအတွက် သုံးစွဲဟု NUG စွပ်စွဲ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။ နိုင်ငံတကာမှ ပေးအပ်သည့် လူသာချင်းစာနာမှု အကူအညီများကို စစ်ကောင်စီက ၎င်း၏အာဏာ တည်မြဲရေး အတွက်သာ အသုံးပြုနေသည်ဟု အမျိုးသား ညီညွှတ်ရေးအစိုးရ (NUG) က ပြောဆိုလိုက်သည်။ မြန်မာနှစ်ဆန်း ၁ ရက်နေ့၊ ဧပြီလ ၁၇ ရက်နေ့က ပြည်သူများထံသို့ နှစ်သစ်ကူး နှုတ်ခွန်းဆက် မိန့်ခွန်းတွင် (NUG) ယာယီသမ္မတ ဒူဝါလရှီးလက ထောက်ပြ ပြောဆိုလိုက်ခြင်း ဖြစ်သည်။ “ကျနော်တို့ လူထုထိခိုက်ခံစားရမှုကို အကြမ်းဖက် စစ်အုပ်စုက ထပ်မံ အသုံးချခွင့် ရသွားတော့ စိတ်မကောင်း စရာ ကောင်းပါတယ်။ ဒါ့အပြင် လူသားစာနာမှု အကူအညီတွေကို စစ်အုပ်စုက လက်နက်သဖွယ် ကိုင်စွဲအသုံးချ နေပါတယ်။ နိုင်ငံတကာက ပေးအပ်တဲ့ လူသားစာနာမှု အကူအညီတွေဟာ လိုအပ်နေတဲ့ လူထုတွေထံ တိုက်ရိုက် ရောက်ရမှာဖြစ်ပါတယ်။ လူထုကိုဘေးဒုက္ခအန္တာရာယ်မျိုးစုံ ကျရောက်အောင်လုပ်နေတဲ့ စစ်တပ်လက်ထဲ လူသားစာနာမှု အကူအညီ အုပ်စု ကိုယ်ကျိုးအတွက် အသုံးချဖို့ ဘယ်လိုနည်းနဲ့မှ ရောက်မသွားရဘူး ဆိုတာ ကျနော်ရှင်းရှင်းပဲ ပြောကြားချင်ပါတယ်။” စစ်ကောင်စီသည် ပြည်သူ့ဘဏ္ဍာဖြင့် ဝယ်ယူဖြည့်တင်းထားသည့် အရင်းအမြစ်များကို ငလျင်ဘေးဒုက္ခ ခံစား နေရသည့် ပြည်သူလူထု ကယ်ဆယ်ရေးတွင် အသုံးမပြုဘဲ လေကြောင်း တိုက်ခိုက်ရေးအတွက် အသုံးပြုနေ သည်ကို လူထုအနေဖြင့် ရှင်းလင်းစွာ မြင်နိုင်ရန် လိုအပ်သည် ဟု ပြောသည်။ ယာယီသမ္မတ ဒူဝါလရှီးလက “တိုင်းပြည်က ငလျင်ဘေးဒဏ်ကြီးကို ကြုံတွေ့ခံစား နေရချိန်မှာ ပြည်သူ အချင်း ချင်း ကူညီဖေးမနေကြချိန်မှာ နိုင်ငံတကာ မိတ်ဆွေများက လူ၊ နည်းပညာနဲ့ စာနာမှု အကူအညီ အထောက်အပံ့ တွေနဲ့ စိတ်ရင်းဖြင့် ကူညီနေကြချိန်မှာ စစ်ကောင်စီကတော့ သူ့အာဏာ တည်မြဲရေးအတွက် ကိုယ်ကျိုးစီးပွား အတွက်သာ ကြည့်နေတယ် ဆိုတာကို ရှင်းရှင်းလင်းလင်း မြင်တွေ့ နေကြရပါတယ်။ တိုင်းပြည်က ငလျင်ဘေး ဒဏ်ကြုံတွေ့ခံစား နေရချိန်မှာတောင် လေကြောင်း တိုက်ခိုက်မှုတွေကို ရပ်တန့်ခြင်း မရှိခဲ့ပါဘူး။ ဒါက ဒုက္ခ ရောက်နေတဲ့ ပြည်သူတွေကို ဒုက္ခအပေါ် ဒုက္ခ ထပ်ပေးတာ ဖြစ်ပါတယ်” ဟု ပြောသည်။ စစ်ကောင်စီက လူသာချင်း စာနာမှု အကူအညီများကို နိုင်ငံရေး လက်နက်သဖွယ် ချုပ်ကိုင်အသုံးချမှု မဖြစ်စေ ရန် အာရှနှင့် နိုင်ငံတကာကို အမျိုးသား ညီညွှတ်ရေး အစိုးရ NUG က သတိပေး တောင်းဆိုထားသည်။ လူသားချင်းစာနာမှု အကူအညီကို ကိုယ်ကျိုးအတွက် အသုံးချခြင်းမျိုး မဖြစ်စေဘဲ ဘေးဒဏ်သင့် လူထု တစ်ရပ် လုံးထံ မျှမျှတတနှင့် အလျင်အမြန် ရောက်ရှိရန် ပြည်တွင်း အဝန်းအဝိုင်းများ၊ နိုင်ငံတကာ မိတ်ဆွေများနှင့် NUG က ကြိုးစားပူးပေါင်း ဆောင်ရွက်နေသည်ဟုလည်း ဆိုသည်။ အလားတူ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကလည်း ငလျင်ဘေးသင့် ပြည်သူများ ပြန်လည် ထူထောင်ရေး လုပ်ငန်းအတွက် အမြန်ဆုံး ဆောင်ရွက်ပေးမည်ဟု မြန်မာနှစ်သစ်ကူး နှစ်ဆန်းတစ်ရက်နေ့ နှုတ်ခွန်းဆက် စကားတွင် ထည့်သွင်း ပြောဆိုခဲ့သည်။ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က “ငလျင်ကြောင့် ပြည်တွင်းတွင် အကူအညီ များစွာ လိုအပ် ခဲ့ပါတယ်။ ပြည်တွင်းပြည်ပ အကူအညီတွေလည်း ဖိတ်ခေါ်ခဲ့သလို ထိုင်းနိုင်ငံမှာကျင်းပတဲ့ ဆဌမ အကြိမ် မြောက် ဘင်းစတက် ထိပ်သီးအစည်းအဝေးကို တက်ရောက်စဉ်မှာလည်း အစည်းအဝေး တက်ရောက်လာတဲ့ နိုင်ငံ ခေါင်းဆောင်များနဲ့ တွေ့ဆုံပြီး မြေငလျင်နဲ့ ပတ်သက်လို့ အကူအညီ တောင်းခံခဲ့ပါတယ်။ ကျနော်တို့ အစိုးရ အနေနဲ့ ငလျင်ဒဏ်ခံဒေသတွေနဲ့ ပြန်လည်တည်ဆောက်ရေးနဲ့ ပြန်လည်ထူထောင်ရေး လုပ်ငန်းတွေကို အမြန်ဆုံး ဆောင်ရွက်ပေးသွားပါမယ်။ မိဘပြည်သူများရဲ့ စုပေါင်းအားနဲ့ ဆောင်ရွက်ရင် ပုံမှန်အခြေအနေကို အမြန်ဆုံး ရောက်ရှိနိုင်မယ်လို့ ယုံကြည်ပါတယ်” ဟု ပြောသည်။ မတ်လ ၂၈ ရက်နေ့က ပြင်းအား ရစ်ချ်တာစကေး ၇ ဒဿမ ၇ အဆင့်ရှိ ငလျင်ဒဏ်ကြောင့် စစ်ကိုင်း၊ မန္တလေး၊ မကွေး၊ ပဲခူးတိုင်းဒေသကြီး၊ နေပြည်တော်၊ ရှမ်းပြည်တို့တွင် လူထုထိခိုက် သေဆုံးမှုနှင့် အဆောက်အအုံ ထိခိုက်ပျက်စီးမှု များပြားခဲ့သည်။ လက်ရှိ အချိန်တွင် ပြန်လည်ထူထောင်ရေး လုပ်ငန်းများ လုပ်ဆောင်ရန်အတွက် လူသားချင်း စာနာထောက်ထား မှု အကူအညီများ အရေးပေါ် လိုအပ်နေဆဲဖြစ်သည်ဟု မြေပြင်ရှိ လူမှုကူညီရေး အသင်းအဖွဲ့များနှင့် ပြည်သူများ က ဆိုသည်။ ဓါတ်ပုံ - The Korea Post/တပ်မတော် ကာကွယ်ရေး ဦးစီးချုပ်ရုံး

နိုင်ငံတကာ အကူအညီများအား စစ်ကောင်စီ အာဏာတည်မြဲရေးအတွက် သုံးစွဲဟု NUG စွပ်စွဲ

Apr 18

နှစ်ဆန်းတစ်ရက် လွတ်ငြိမ်းတွင် နိုင်ငံရေး အကျဉ်းသား ပါဝင်မှု နည်းပါးလွန်းဟု PPNM ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။ စစ်ကောင်စီက မြန်မာနှစ်ဆန်းတစ်ရက်နေ့ လွတ်ငြိမ်းချမ်းသာခွင့် ပေးခဲ့ရာတွင် နိုင်ငံရေး အကျဉ်းသားဦးရေ ပါဝင်မှုနှုန်း အဆမတန် နည်းပါးသည်ဟု ထောင်နှင့် နီးစပ်သူများက ပြောသည်။ ယမန်နေ့ ဧပြီလ ၁၇ ရက်နေ့၊ နံနက်ပိုင်းတွင် အကျဉ်းသားစုစုပေါင်း ၄၈၉၃ ဦးအထိ လွတ်ငြိမ်းချမ်းသာခွင့် ပေးခဲ့ ရာ၌ နိုင်ကျဉ်း ၁၀ ရာခိုင်နှုန်းအောက်သာ ပါဝင်ခဲ့သည်ဟု မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများ ကွန်ရက် PPNM တာဝန်ရှိသူက ပြောသည်။ PPNM ဦးဆောင်ကော်မတီဝင်ဖြစ်သူ ကိုသိုက်ထွန်းဦးက “အဓိကတော့ စစ်ကောင်စီက သံတမာန်ရေးရာဖက်မှာ နည်းနည်းလေး နလန်ပြန်ထလာတယ်လို့ ပြောလို့ ရပေမယ့် စစ်ဖက်ရေးရာမှာတော့ အရှုံးနဲ့ ရင်ဆိုင်နေရဆဲ ဖြစ်တယ်။ ဒီလို အခြေအနေမျိုးမှာ အမှန်တရားကို ချစ်မြတ်နိုးပြီးမှ စစ်အာဏာရှင်စနစ်ကို မကြိုက်လို့ တော် လှန်နေတဲ့ သူတွေကို ပြန်လွှတ်ပေးခြင်းအားဖြင့် သူ့အတွက် အကျိုးမရှိနိုင်ဘူး။ ဒါကို သူယူဆတာ ပါဝင်တယ်။ လက်ရှိ မြေပြင်မှာတောင် ကောင်းကောင်းမထိန်းနိုင်သေးတဲ့ အခြေနေမျိုးမှာ အကျဉ်းထောင်ထဲမှာ ဖမ်းဆီး ထားတဲ့ သူတွေကို ပြန်လွှတ်ပေးဖို့ဟာ သူတို့အတွက် အခက်အခဲများစွာ ဖြစ်နိုင်ပါတယ်။ အထူးသဖြင့် သူတို့ စိုးရိမ်ကြောင့်ကြမှုတွေက သူတို့ကို ပြန်လွှတ်ပေးခြင်းအားဖြင့် စစ်ကောင်စီကို ပြန်တိုက်မှာကို စိုးရိမ်တဲ့အတွက် မလွှတ်ပေးတဲ့ အခြေနေမျိုးလို့ပဲ သုံးသပ်ပါတယ်” ဟု ပြောသည်။ လက်ရှိ ရရှိထားသည့် စာရင်းများအရ သရက်ထောင်တွင် ၂ ဦး၊ သာယာဝတီ အကျဉ်းထောင်တွင် ၂ ဦး၊ တာချီလိတ်ထောင်တွင် ၂ ဦး၊ ဒိုက်ဦးထောင်တွင် ၅ ဦး၊ ရမည်းသင်းထောင်တွင် ၁၅ ဦး၊ မကွေးထောင်တွင် ၁၁ ဦး၊ မိတ္ထီလာထောင်တွင် ၃ ဦး၊ ဘားအံထောင်တွင် ၃ ဦး၊ ပေါင်းတည် ထောင်တွင် ၂ ဦး၊ ထားဝယ်အကျဉ်းထောင်တွင် ၂ ဦး၊ ပြည်အကျဉ်းထောင်တွင် ၉ ဦး၊ ပခုက္ကူအကျဉ်းထောင်တွင် ၅ ဦး ၊ ညောင်ဦးအကျဉ်းထောင်တွင် ၄ ဦး၊ တောင်ငူနှင့် ကလေးထောင်တို့တွင် တစ်ဦးစီ လွတ်မြောက်လာကြသည်ဟု PPNM က ဆိုသည်။ ထို့အပြင် ဧရာတီတိုင်း တစ်တိုင်းလုံးတွင်လည်း ပုသိမ်အကျဉ်းထောင်မှ နိုင်ကျဉ်း တစ်ဦးသာ လွတ်မြောက်လာ ပြီး အခြားထောင်များမှ လွတ်မြောက်လာသည့် စာရင်းများကိုလည်း သတင်းနှင့် မီဒီယာကွန်ရက် သတင်းဌာန အနေဖြင့် စုံစမ်းနေဆဲ ဖြစ်သည်။ “ပြီးခဲ့တဲ့နှစ်ကထက်တောင်မှ နိုင်ကျဉ်းပါတယ်လို့ ပြောလို့ရသေးတယ်။ ပြီးခဲ့တဲ့နှစ်က နိုင်ကျဉ်း သိပ်မတွေ့ရဘူး ပေါ့နော်။ ပါခဲ့ရင်တောင်မှ နည်းတယ်ပေါ့လေ။ ဒီနှစ်လည်း နည်းတာပဲ။ အဲတော့ အာဏာသိမ်းပြီးချိန် အကျဉ်း ထောင်ထဲမှာ လွတ်ငြိမ်းအတွက် စီစဉ်တုန်းကတော့ အခြားရာဇဝတ်အကျဉ်းသား သောင်းဂဏန်းထိကို လွှတ် ပေးခဲ့တယ်။ အဲဒီထဲမှာဆိုရင် သေဒဏ်ကျသူတွေကို လျှော့ရက်တွေအများကြီး ပေးခဲ့တာ နှစ် ၃၀ ကျတဲ့သူတွေ ကိုလည်း ၁၀ နှစ်လောက်အထိ လျှော့ပေးခဲ့တာ အများကြီးပဲပေါ့ ထောင်ခါတဲ့အထိကိုမှ လုပ်ပေးခဲ့တယ်။ အဲ့ဒီ မှာ လွတ်သွားတဲ့ လူဦးရေအစား နိုင်ကျဉ်းတွေ ထည့်ပြီးမှ အခုထိကိုမှ မလွှတ်ပေးတဲ့ အခြေနေကိုတော့ တွေ့ နေရတယ်ဗျာ” ဟု ကိုသိုက်ထွန်းဦးက ဆက်ပြောသည်။ အကျဉ်းထောင်များ၌ နိုင်ကျဉ်း အရေအတွက် များများရှိခြင်းမှာ စစ်ကောင်စီအတွက် နောက်ဆုံးထွက်ပေါက် ဖြစ်နိုင်ချေရှိသဖြင့် လွတ်ငြိမ်းခွင့်၌ ပါဝင်သူ နည်းလာရခြင်း ဖြစ်နိုင်သည်ဟုလည်း နိုင်ကျဉ်းဟောင်းများက သုံးသပ်နေကြသည်။ မတ်လ ၂၈ ရက်နေ့က ဖြစ်ပွားခဲ့သည့် အင်အား ၇.၇ မီတာစကေး ပြင်းအားရှိ မြေငလျင် လှုပ်ခတ်မှုတွင်လည်း မန္တလေးတိုင်း၊ အိုးဘိုအကျဉ်းထောင်တွင် နိုင်ကျဉ်း ၆ ဦးခန့် ထွက်ပြေးခွင့် မရသဖြင့် ထိခိုက်သေဆုံးခဲ့ကြရသည်။

နှစ်ဆန်းတစ်ရက် လွတ်ငြိမ်းတွင် နိုင်ငံရေး အကျဉ်းသား ပါဝင်မှု နည်းပါးလွန်းဟု PPNM ပြော

Apr 18

မြန်မာအရေး တရုတ် အကဲဖြတ်မှု မှားယွင်းနေကြောင်း KNDF ခေါင်းဆောင်ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။ တရုတ် အစိုးရသည် မြန်မာပြည်အ‌ရေးနှင့် ပတ်သက်၍ မှားယွင်း အကဲဖြတ်မှုများ ရှိနေပြီး ယင်းအမှားများ အပေါ် အခြေခံ၍ လုပ်ဆောင်နေသည်ဟု ကရင်နီ တော်လှန်ရေး ခေါင်းဆောင်တစ်ဦးက သုံးသပ်ပြောဆို လိုက်သည်။ တရုတ်အစိုးရသည် ရှမ်းမြောက် အပါအဝင် မြန်မာနိုင်ငံ၏ လက်ရှိဖြစ်စဉ်များကို မှားယွင်းစွာ အကဲဖြတ်နေပြီး ပြည်သူလူထု၏ ဆန္ဒနှင့် တိုင်းရင်းသား လက်နက်ကိုင်အဖွဲ့များ၏ အမြင်များကို လျစ်လျူရှုကာ စစ်ကောင်စီ ဘက်မှ ရပ်တည်နေသည်ဟု ကရင်နီ အမျိုးသားများ ကာကွယ်ရေးတပ် (KNDF) ဥက္ကဋ္ဌ ခွန်းဘီထူးက ပြော သည်။ “လက်ရှိ မြန်မာနိုင်ငံရဲ့ ဖြစ်ပေါ်နေတဲ့ အခြေအနေကို အိမ်နီးချင်း တရုတ်နိုင်ငံတို့ကတော့ မှန်ကန်တဲ့ အမြင် မရှိဘူးလို့တော့ သုံးသပ်တာပေါ့။ လူထုတွေရဲ့ သဘောထားပေါ့နော် ပြီးတော့ အင်အားစု အသီးသီးရဲ့ သဘော ထားတွေကို လစ်လျူရှုပြီးမှ အစစအရာရာ မြန်မာနိုင်ငံ တည်ငြိမ်ဖို့ အတွက်ကတော့ စစ်ကောင်စီရှိမှ ရမယ် စစ်ကောင်စီ ဖိနှိပ်နေတာတွေ အားလုံးကတော့ တရားမျှတတယ်ဆိုတဲ့ အမြင်မျိုးနဲ့ပေါ့နော် တရုတ်က စစ်ကောင်စီဖက် ကာပေးနေတဲ့ အနေအထားမျိုး ဖြစ်တယ်ပေါ့နော်။ ဒါက မှားယွင်းတဲ့ လုပ်ငန်းစဉ် ဖြစ်တယ် လို့ ကျနော့် အနေနဲ့ကတော့ မြင်တယ်ပေါ့နော်။” တရုတ်နိုင်ငံ ကူမင်းမြို့တွင် ပြုလုပ်ခဲ့သည့် ဆွေးနွေးပွဲအပြီး လားရှိုးမြို့မှ ကိုးကန့်တပ် (MNDAA) ပြန်လည် ဆုတ်ခွာရခြင်း နောက်ကွယ်တွင်လည်း တရုတ်နိုင်ငံ၏ နိုင်ငံရေး ဖိအားများ ပါဝင်နေကြောင်း ခွန်းဘီထူးက ဆက်ပြောသည်။ “အားလုံး သုံးသပ်သလို အားလုံးပြောနေသလိုပဲ တရုတ်ရဲ့ ဖိအားပေးမှုကြောင့်မို့လို့ အခုလိုမျိုး လက်လွတ်လိုက် ရတယ်။ နောက် ဒီခွင့်ပြုလိုက်ရတဲ့ဟာမျိုး ရှိနေတယ်။" လားရှိုးမြို့မှ ဆုတ်ခွာလိုက်ရသည့် အပေါ်တွင်လည်း ကိုးကန့်တပ် အပေါ် အပြစ်မမြင်ဘဲ မဟာမိတ်အဖြစ် ဆက်လက် ပူးပေါင်းဆောင်ရွက်သွားမည်ဟု ပြောသည်။ ခွန်းဘီထူးက "KNDFအနေနဲ့ ကိုးကန့် MNDAA တို့ရဲ့ လုပ်ရပ်ပေါ်မှာ အပြစ်မမြင်ဘူး။ နောက်ပြီးမှ မဟာမိတ် အနေနဲ့လည်း အမြဲတမ်းမြင်တယ်။ နိုင်ငံအတွက် မိတ်ဖက်အဖွဲ့အနေနဲ့လည်း အမြဲတမ်း မြင်တယ်။ အမြဲတမ်း လည်း အားကိုးတယ်။ ပြီးတော့ တစ်နိုင်ငံလုံး ကိစ္စရပ်တွေမှာလည်းပဲ ကိုးကန့်တွေဖက်က ဆက်ပြီးတော့မှ ပါဝင်မယ်လို့တော့ ကျနော့်အနေနဲ့ ယုံကြည်တယ်ပေါ့နော်” ဟု ပြောသည်။ MNDAA သည် ‘၁၀၂၇ စစ်ဆင်ရေး’ ကာလအတွင်း ၂၀၂၄ ခုနှစ်၊ ဩဂုတ်လတွင် စစ်ကောင်စီ၏ အရှေ့မြောက် ပိုင်းတိုင်း စစ်ဌာနချုပ် အခြေစိုက်ရာ လားရှိုးမြို့ကို သိမ်းပိုက်နိုင်ခဲ့သော်လည်း၊ ယခုအခါ တရုတ်၏ ဖိအားများ ကြောင့် မြို့ပေါ်မှ ဆုတ်ခွာရန် သဘောတူညီထားသည်ဟု မြေပြင် သတင်းအရင်းအမြစ်များက ဆိုသည်။ သို့သော် လားရှိုးမြို့ပြင် ပတ်ပတ်လည်ရှိ ကျေးရွာများတွင် MNDAA ၏ တပ်စွဲမှုများ ဆက်လက်ရှိနေဦးမည်ဟု ဆိုသည်။ လားရှိုးမြို့အား ပြန်လည်ရယူရန် စစ်ကောင်စီက စီစဉ်နေသော်လည်း၊ MNDAA၊ စစ်ကောင်စီနှင့် တရုတ်အစိုးရ တို့ဘက်မှ တရားဝင် ထုတ်ပြန်ခြင်း မရှိသေးပေ။ လားရှိုးမြို့သိမ်းပိုက်ရရှိရေး ကိုးကန့်တပ်နှင့်အတူ KNDF အပြင် အခြားသော မဟာမိတ်တပ်ဖွဲ့ဝင်များ ပူပေါင်းပါဝင် တိုက်ခိုက်ခဲ့ကြခြင်း ဖြစ်သည်။

မြန်မာအရေး တရုတ် အကဲဖြတ်မှု မှားယွင်းနေကြောင်း KNDF ခေါင်းဆောင်ပြော

Apr 18

မြိတ်အကျဉ်းထောင်မှ လွှတ်ပေးသူများတွင် နိုင်ငံရေး အကျဉ်းသား မပါ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။ မြိတ်ခရိုင်၊ မြိတ်မြို့ရှိ မြိတ်အကျဉ်းထောင်မှ လွတ်မြောက်လာသူများထဲတွင် နိုင်ငံရေး အကျဉ်းသား တစ်ဦးမှ ပါရှိခြင်းမရှိဟု အကျဉ်းဦးစီးနှင့် နီးစပ်သူများက ပြောသည်။ မြိတ်မြို့ရှိ အကျဥ်းထောင်မှ မြန်မာနှစ်ဆန်းတစ်ရက်နေ့က နိုင်ငံတော်စီမံ အုပ်ချုပ်ရေး ကောင်စီ၏ အမိန့် အမှတ် (၃၁/ ၂၀၂၅)အရ အကျဉ်းသားများ လွတ်ငြိမ်းချမ်းသာခွင့်ရရှိခဲ့သော်လည်း နိုင်ငံရေး အကျဥ်းသား တစ်ဦးမျှ ပါဝင်လွတ်မြောက်ခဲ့ခြင်း မရှိကြောင်း အကျဥ်းဦးစီးဌာန တာဝန်ရှိသူတစ်ဦးက ပြောသည်။ မြိတ်အကျဉ်းထောင် ၌ ပြစ်ဒဏ်ကျခံနေသည့် အကျဉ်းသား ၁၄ ဦး၊ အကျဉ်းသူ ၃ ဦးနှင့် မြိတ်မြို့နယ် စန္ဒဝတ် ကျေးရွာအုပ်စု ကျောက်ဖြူတောင်ကျေးရွာ ကျောက်ဖြူတောင် ကျောက်ထုတ်လုပ်ရေး စခန်းမှ အကျဉ်းသား ၁၅ ဦး၊ စုစုပေါင်း ၃၂ ဦးအား ရာဇဝတ်ကျင့်ထုံး ဥပဒေပုဒ်မ ၄၀၁၊ ပုဒ်မခွဲ (၁) အရ လွတ်ငြိမ်းချမ်းသာခွင့် ရရှိ၍ ပြန်လည် လွှတ် ပေးခဲ့ကြသည်။ ကံမော်ကျေးရွာမှ အသက် ၅၀ ခန့်အရွယ် နိုင်ငံရေးအကျဥ်းသား တစ်ဦး၏ ဖခင်ဖြစ်သူက “အရင် လွတ်ငြိမ်းတွေ မှာ မပါတော့ ဒီတပတ်တော့ နိုင်ကျဥ်းတွေလည်း ပါတယ်လို့ ကြားရလို့ အလုပ်တွေ ပစ်ထားပြီး လာစောင့်နေ တာ၊ အခုတော့ နိုင်ကျဥ်းတွေ မပါပြန်ဘူးဗျာ၊ ပင်လယ်ဘက်ကနေ အပြေးအလွှားလာ စောင့်နေရတာ၊ အမှုက နိုင်ငံရေးအမှု ၅၀၅-က နဲ့ မတရားစွပ်စွဲခံနေရတာပါ” ဟု ပြောသည်။ စစ်ကောင်စီမှ ရာဇဝတ်ကျင့်ထုံး ဥပဒေပုဒ်မ ၄၀၁၊ ပုဒ်မခွဲ (၁) အရ ကျခံဖို့ကျန်ရှိသည့် ပြစ်ဒဏ်၏ ခြောက်ပုံ တစ်ပုံကို လွတ်ငြိမ်းချမ်းသာခွင့် ပြုကြောင်း ဧပြီလ ၁၇ ရက်နေ့၊ နံနက်ပိုင်းတွင် ထုတ်ပြန်ခဲ့သည်။ တစ်နိုင်ငံလုံး၌ရှိသည့် အကျဥ်းထောင်များမှ အကျဥ်းသားနှင့် အကျဥ်းသူ ၄၈၉၃ ဦးကို လွတ်ငြိမ်းခွင့်ထဲတွင် ပါဝင်သည်ဟု ထုတ်ပြန်ချက်တွင် ဖေါ်ပြထားသည်။ ထို့အပြင် နိုင်ငံခြားသား အကျဉ်းသား၊ အကျဉ်းသူ ၁၃ ဦးကိုလည်း ပြစ်ဒဏ်လွတ်ငြိမ်းခွင့် ပြုပြီး ပြည်နှင်ဒဏ်ပေး လိုက်ကြောင်း စစ်ကောင်စီက ထုတ်ပြန်ထားသည်။ အလားတူ ထားဝယ်အကျဥ်းထောင်မှ အကျဥ်းသား၊ အကျဥ်းသူ ၂၃ ဦးကို လွှတ်ပေးခဲ့ရာတွင်လည်း နိုင်ငံရေး အကျဉ်းသားတစ်ဦးသာ ပါဝင်ခဲ့ကြောင်း နီးစပ်သူများက ဆိုသည်။ လွတ်မြောက်လာသူ အားလုံးနီးပါးမှာ ခိုးမှု၊ လုယက်မှု အပါဝင် ရာဇဝတ်မှုများနှင့် ထောင်ကျနေကြသူများ ဖြစ်ကြကြောင်း အကျဥ်းသား မိသားစုဝင်တစ်ဦးက ဆိုသည်။ ထားဝယ် အကျဉ်းထောင်မှ လွတ်မြောက်လာသည့် နိုင်ငံရေး အကျဥ်းသား တစ်ဦးမှာ ၅၀၅ - က ပုဒ်မဖြင့် ထောင်ကျခံနေရသည့် ကိုကျော်သူရ‌အောင် ဖြစ်ပြီး လွတ်မြောက်ရက် နီးကပ်နေသူ တစ်ဦးဖြစ်သည်။ နိုင်ကျဉ်း ကိုကျော်သူရအောင်မှာ မေလ အတွင်း၌ လွတ်ရက်စေ့ကာ လွတ်မြောက်တော့မည့် အကျဉ်းသား တစ်ဦး ဖြစ်သည်။ စစ်ကောင်စီက နိုင်ငံတစ်ဝန်းရှိ အကျဥ်းထောင်များမှ အကျဥ်းသား၊ အကျဉ်းသူများကို လွတ်ငြိမ်းခွင့်ပြုရာတွင် နိုင်ငံရေးအကျဥ်းသား ပါဝင်မှု အလွန်နည်းသည့်အပြင် အချို့သော အကျဉ်းထောင်များတွင် နိုင်ငံရေး အကျဉ်းသားများ လုံးဝ မပါဝင်ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဥ်းသားများကွန်ယက် (PPNM) က ထုတ်ပြန်ထားသည်။ ၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်အာဏာသိမ်းပြီးသည့်နောက်မှ ယခုနှစ် ဧပြီလ ၁၁ ရက်နေ့အထိ ၄ နှစ် ကျော် ကာလအတွင်း အာဏာသိမ်းဖြစ်စဉ်နှင့် ဆက်စပ်၍ ဖမ်းဆီးခံရသူ စုစုပေါင်း ၂၉,၀၃၀ ဦးရှိနေပြီး ထို အထဲ မှ ၂၂,၁၉၇ ဦးမှာ ထိန်းသိမ်းခံနေရဆဲ ဖြစ်ကာ ထိန်းသိမ်းခံနေရသူများ အနက်မှ ၁၀,၇၆၉ ဦးမှာ ထောင်ဒဏ် ချမှတ်ခံထားရသည်ဟု နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) ၏ စာရင်းများ အရ သိရသည်။

မြိတ်အကျဉ်းထောင်မှ လွှတ်ပေးသူများတွင် နိုင်ငံရေး အကျဉ်းသား မပါ

« Prev 1 … 199 200 201 202 203 … 1,085 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

အင်းတော်၌ ဆရာမတစ်ဦး အဓမ္မပြုကျင့်ခံရပြီး အကူအညီမဲ့နေ
ဧရာဝတီ-ရခိုင်နယ်စပ်တွင် စစ်တပ်အင်အားဖြည့်တင်းကာ စစ်ဆေးမှုများပြား
ရွှေကူရှိ ဗျူဟာမြောက်နေရာများကို တော်လှန်ရေးတပ်များ ပြန်ထိန်းချုပ်
အိန္ဒိယနှင့် အင်ဒိုနီးရှားတို့ စစ်ရေးနှင့် ကာကွယ်ရေး ပူးပေါင်းဆောင်ရွက်မှု တိုးမြှင့်ရန် သဘောတူ
ထိုင်းနိုင်ငံ၌ ကျင်းပမည့် Tomorrowland ဂီတပွဲတော် လက်မှတ်အားလုံးရောင်းကုန်

Archives

Archives

×Close