သတင်း

AA ထံ စစ်မှုထမ်းရန် ရောက်လာသည့် အသက်မပြည့်သေးသူ ၃ ဦးကို မိဘထံ ပြန်အပ်   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၁၈ ရက်။   ရခိုင်ပြည်၊ ပုဏ္ဏားကျွန်းမြို့နယ်တွင် အာရက္ခတပ်တော် (AA) ထံ စစ်မှုထမ်းရန် လာရောက် ပူးပေါင်းခဲ့သည့် အသက်မပြည့်သေးသော ကလေးငယ် ၃ ဦးအား AA က မိဘများထံ ပြန်လည် အပ်နှံ ပေးခဲ့သည်။   မိဘများထံ ပြန်လည်အပ်နှံခဲ့သည့် ကလေးငယ်များမှာ ပုဏ္ဏားကျွန်းမြို့နယ်၊ ကြံခင်းကျေးရွာမှ အသက် ၁၃ နှစ် အရွယ်ရှိကြသော မောင်ကျော်ဆန်းဦး၊ မောင်စိုးနိုင်ဦးနှင့် အသက် ၁၄ နှစ်အရွယ် မောင်ဝင်းမင်းသန်းတို့ ဖြစ်ကြသည်။   ၎င်းတို့သည် ပြီးခဲ့သည့် ဩဂုတ်လ ၁၃ ရက်နေ့က မိဘများကို အသိမပေးဘဲ ၎င်းတို့၏ စိတ်ဆန္ဒအတိုင်း AA ထံ စစ်မှုထမ်းရန်အတွက် ကျေးရွာမှ ထွက်ခွာလာခဲ့ကြခြင်း ဖြစ်သည်။   AA နှင့် နီးစပ်သည့် ဒေသခံ အမျိုးသားတစ်ဦးက “ဩဂုတ်လ ၁၃ ရက်နေ့က အေအေဆီဝင်မယ်ဆိုပြီး ရောက် လာတာ။ စစ်မှုထမ်းဖို့ စစ်သားလုပ်ဖို့လာတယ်လို့ ပြောတယ်။ တပ်တော်ရဲ့ စခန်းတစ်ခုရှိတဲ့နေရာကို ရောက် လာကြတာ။ တပ်တော်က ဒီကလေးတွေကို စစ်ဆေးဖို့ တစ်ရက်နှစ်ရက်လောက် ထိန်းသိမ်းထားပြီး အခုလို မိဘတွေဆီ ပြန်အပ်တာ။ အသက်ပြည့်ရင်တော့ တစ်မျိုးပေါ့” ဟု ပြောသည်။   အဆိုပါ ကလေးငယ်များသည် ပညာသင်ကြားရမည့် အရွယ်ဖြစ်သည့်အပြင် တာဝန်ထမ်းဆောင်ရန် အသက် မပြည့်သေးသဖြင့် AA ဘက်မှ မိဘများနှင့် ဆက်သွယ်ကာ ယနေ့ (ဩဂုတ်လ ၁၈ ရက်) နံနက်ပိုင်းတွင် ပြန်လည် လွှဲပြောင်း အပ်နှံခဲ့ခြင်း ဖြစ်သည်။   လက်ရှိတွင် စစ်ရေးအရ အရေးကြီးသည့် ကာလဖြစ်သော်လည်း မိမိစိတ်ဆန္ဒအတိုင်း AA ထံ တာဝန်ထမ်း ဆောင်ရန် လာရောက်ပါက အသက်ပြည့်မီခြင်း ရှိမရှိနှင့် ကျန်းမာရေး အခြေအနေများကို သေချာစွာ စစ်ဆေးပြီး မှသာ လက်ခံမည်ဟု AA ဘက်က ဆိုထားသည်။   ထို့ပြင် ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) ၏ အမျိုးသားကာကွယ်ရေး အရေးပေါ် ပြဋ္ဌာန်းချက် (NDEP) တွင် စစ်မှုထမ်း ခေါ်ယူရာတွင်လည်း တာဝန်ထမ်းဆောင်ရန် အသက်ပြည့်မီမှု၊ ကျန်းမာရေး ကောင်းမွန်မှုနှင့် အခြားလိုအပ်သည့် အချက်အလက်များကို သေချာစွာ စိစစ်ပြီးမှသာ ခေါ်ယူလျက်ရှိကြောင်း  ဖော်ပြထားသည်။   အာရက္ခတပ်တော် (AA) သည် ၎င်းတို့ ထိန်းချုပ်ထားသည့် ရခိုင်ပြည်အတွင်းရှိ မြို့နယ်များနှင့် ချင်းပြည်၊ ပလက် ဝဒေသတို့တွင် အမျိုးသားကာကွယ်ရေးဆိုင်ရာ အရေးပေါ်ပြဋ္ဌာန်းချက် (NDEP) ကို ပြဋ္ဌာန်း၍ အသက် ၁၈ နှစ်မှ ၄၅ နှစ်ကြား အမျိုးသားများနှင့် အသက် ၁၈ နှစ်မှ ၃၅ နှစ်ကြား အမျိုးသမီးများကို စစ်မှုထမ်းရန် ခေါ်ယူ လျက်ရှိသည်။   သို့သော်လည်း အဖွဲ့အစည်း အောက်ခြေအဆင့်တွင် အသက်မပြည့်သေးသူများနှင့် ကိုယ်ဝန်ဆောင်၊ ကလေး မိခင်အချို့ ပါဝင်သွားသည်ဆိုသော စွပ်စွဲချက်များနှင့် ကုလသမဂ္ဂ၏ ကလေးသူငယ်နှင့် လက်နက်ကိုင် ပဋိပက္ခ ဆိုင်ရာ အစီရင်ခံစာများ (UN CAAC) တွင် AA အား ကလေးစစ်သူရဲ သုံးစွဲသည့် အဖွဲ့အဖြစ် ဖော်ပြခံရမှုများ ရှိခဲ့ဖူးသည်။   ပြီးခဲ့သည့် ၂၀၂၅ ခုနှစ်၊ ဖေဖော်ဝါရီလအတွင်းက မောင်တောမြို့နယ်၊ ခုံတိုင်ကျေးရွာမှ ကိုယ်ဝန်ဆောင်တစ်ဦးနှင့် အသက်မပြည့်သေးသည့် ကလေးငယ်နှစ်ဦးအပါအဝင် ကျေးရွာသား ၄၀ နီးပါးကို AA က စစ်မှုထမ်းခေါ်ခဲ့ ကြောင်း ဒေသခံများက ပြောဆိုထားသည်။   အဆိုပါ စွပ်စွဲချက်များနှင့် ပတ်သက်၍ ULA/AA ဘက်ကမူ NDEP စည်းမျဉ်းများအရ အသက်ပြည့်မီသူများနှင့် ကျန်းမာရေး ကောင်းမွန်သူများကိုသာ စိစစ်ခေါ်ယူခြင်းဖြစ်ပြီး ကိုယ်ဝန်ဆောင်နှင့် ကလေးမိခင်များကို အဓမ္မ ခေါ်ယူခြင်း မရှိကြောင်း ၂၀၂၅ ခုနှစ်၊ ဩဂုတ်လတွင် တုံ့ပြန်ထားသည်။   ထို့ပြင် ကလေးစစ်သူရဲ အသုံးပြုမှုကို လုံးဝ လက်မခံသည့် မူဝါဒအတိုင်း အသက်မပြည့်သေးဘဲ မိမိစိတ်ဆန္ဒ အရ သို့မဟုတ် မိဘမသိဘဲ ရောက်ရှိလာသည့် ကလေးငယ်များကို စစ်သားအဖြစ် လက်မခံဘဲ မိဘများထံ ပြန် လည်အပ်နှံပေးလျက်ရှိကြောင်း ရှင်းလင်းထားသည်။   ဓါတ်ပုံ - (ပေးပို့ - Crd)   #AA #ကလေးစစ်သား

AA ထံ စစ်မှုထမ်းရန် ရောက်လာသည့် အသက်မပြည့်သေးသူ ၃ ဦးကို မိဘထံ ပြန်အပ် 

AA ထံ စစ်မှုထမ်းရန် ရောက်လာသည့် အသက်မပြည့်သေးသူ ၃ ဦးကို မိဘထံ ပြန်အပ်  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၈ ရက်။ ရခိုင်ပြည်၊ ပုဏ္ဏား…

  • August 19, 2026
ငဝန်မြစ်ရေ ပြန်တက်၍ ဧရာဝတီတိုင်း မြို့နယ် ၅ ခုတွင် ရေဘေးစခန်းများ ထပ်မံ ရွှေ့ပြောင်းရ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၈ ရက်။   ဧရာဝတီတိုင်း၊ လေးမျက်နှာမြို့နယ်တွင် ငဝန်မြစ်ရေကာတာ ကျိုးပေါက်ခဲ့သည်မှာ ၃ ပတ်နီးပါး ကြာမြင့်လာခဲ့ပြီး သော်လည်း မြစ်ရေများ ပြန်လည်မြင့်တက်လာမှုကြောင့် မြို့နယ် ၅ ခု၌ ရေကြီးမှု ပိုမိုဆိုးဝါးလာသည်။   ရေဘေးရှောင်စခန်းများအတွင်းသို့ ရေများ ထပ်မံဝင်ရောက်လာသဖြင့် ဒေသခံများမှာ အမြင့်ပိုင်း တာဘောင် များပေါ်သို့ အရေးပေါ် ဒုတိယအကြိမ် ရွှေ့ပြောင်းနေကြရသည်ဟု ကူညီကယ်ဆယ်ရေးသမားများက ပြော သည်။   ပြီးခဲ့သည့် ဇူလိုင်လ ၃၀ ရက်နေ့က လေးမျက်နှာမြို့နယ်တွင် ငဝန်မြစ်ရေကာတာဘောင် ကျိုးပေါက်ခဲ့ပြီးနောက် လေးမျက်နှာ၊ ဟင်္သာတ၊ ရေကြည်၊ ငါးသိုင်းချောင်းနှင့် ကျုံပျော် စသည့် မြို့နယ်များအတွင်း ရေကြီးနစ်မြုပ်မှု များ ဖြစ်ပွားခဲ့ရာမှ လက်ရှိတွင် ငဝန်မြစ်ရေ ဆက်လက်တိုးလာသဖြင့် ဘေးလွတ်ရာ ခိုလှုံနေသူများပါ ထပ်မံရွှေ့ ပြောင်းနေကြရခြင်း ဖြစ်သည်။   ငါးသိုင်းချောင်းမြို့နယ်မှ ဒေသခံ ကူညီကယ်ဆယ်ရေးသမားတစ်ဦးက "ရေက ပြန်ကျမလိုနဲ့ တရက်ထက် တရက် ပိုတက်လာတာ။ အရင်က ရေလွတ်မယ်ထင်လို့ သွားခိုနေကြတဲ့ ဘုန်းကြီးကျောင်းတွေနဲ့ ကယ်ဆယ်ရေး စခန်းတွေအထိ ရေက ထပ်လိုက်လာတော့ အခု တာဘောင်လို ပိုမြင့်တဲ့ ကုန်းပေါ်တွေကို အရေးပေါ် ဒုတိယ အကြိမ် ပြန်ရွှေ့ပေးနေရတယ်" ဟု ပြောသည်။     ဩဂုတ်လ ၁၇ ရက်နေ့၊ နံနက်ပိုင်း တိုင်းတာချက်များအရ ငါးသိုင်းချောင်းမြို့တွင် မြစ်ရေမှာ စိုးရိမ်ရေမှတ် အထက် ၁၅ စင်တီမီတာခန့် ကျော်လွန်နေပြီး ၁ တောင်ခန့် ထပ်မံမြင့်တက်လာခဲ့သဖြင့် မြို့ပေါ်ရှိ ၁ ထပ်အိမ် များ မြုပ်သည်အထိ ရေပြန်တက်လာနေခြင်း ဖြစ်သည်။   ငါးသိုင်းချောင်းမြို့၊ အောင်ဇေယျလမ်း အပါအဝင် မြို့ပေါ် လမ်းမများပေါ်တွင် မြစ်ပြင်ကဲ့သို့ ရေဖုံးလွှမ်းနေ သဖြင့် သွားလာရေးအတွက် စက်လှေများနှင့် ကားမြင့်များကိုသာ အားထားနေရသည်။   လေးမျက်နှာမြို့နယ်မှ ကယ်ဆယ်ရေး ဆောင်ရွက်နေသူ ဒေသခံတစ်ဦးကလည်း “ရေကြီးတာ နှစ်ပတ်ကျော် လာတော့ ခေါက်ဆွဲခြောက်နဲ့ သောက်ရေသန့်လောက်ပဲ အလှူရတော့တာ။ အခု ရေဘေးသင့်ဒေသခံတွေအတွက် တကယ်ဒုက္ခရောက်ပြီး လိုအပ်နေတာက လဲစရာ အဝတ်အထည်၊ သောက်သုံးရေးအတွက် ဆေးဝါးနဲ့ ချက် ပြုတ်စားဖို့ ကုန်ခြောက်တွေပါ” ဟု ပြောသည်။   ထို့ပြင် ရေကြည်မြို့နယ်၌လည်း မြို့ပေါ် ၄ ရပ်ကွက်နှင့် ကျေးရွာ ၂၇ ရွာတွင် နေအိမ်များ နစ်မြုပ်သည်အထိ ရေကြီးနေခြင်း ဖြစ်သည်။   ရေကြည်မြို့နယ်ထဲက ခိုထောင်နှင့် ငှက်သိုက်ကျေးရွာကြားရှိ ရိုးပေါက်မှတစ်ဆင့် အုပ်ပုံရိုး၊ ချောင်းဖျားနှင့် ထန်းစင်လှ ချောင်းများအတိုင်း ရေများ ဆက်လက်စီးဆင်းနေသဖြင့် သစ်ဖြူပင်၊ ကွင်းပေါက်၊ သပြေတန်း စသည့် ကျေးရွာများအပြင် ဒရယ်ကူနှင့် သာပေါင်းမြို့နယ်ဘက်အထိ ရေများ ဆက်လက်တိုးဝင်နိုင်ကြောင်း သတိပေးထားသည်။   သပွတ်-ဟင်္သာတ-နိဗ္ဗာန်-ခမောက်စု လမ်းပိုင်း၊ ရေကြည်-ဇရပ်လှ ရထားလမ်းပိုင်းနှင့် မယင်းတံတား၊ စာရေး တံတားတို့တွင် ရေများ ခါးလည်အထိ ကျော်လွန်နေသဖြင့် လေးမျက်နှာမြို့နယ်အတွင်းသို့ ငါးသိုင်းချောင်းနှင့် ရေကြည်ဘက်မှ ကူညီရေးယာဉ်များ ဝင်ရောက်ရန် အခက်အခဲဖြစ်ပေါ်နေသည်။   အလားတူ ဒါးကမြစ်ရေ မြင့်တက်လာမှုကြောင့် ကျောင်းကုန်းမြို့နယ်အတွင်း ရွှေကျောင်းကုန်းတံတားအနီး ကားလမ်းပေါ်သို့ ရေများ စတင်ကျော်လာနေပြီး မြို့ပေါ်ရပ်ကွက်များရှိ ဘုန်းတော်ကြီးကျောင်းများတွင် ရေဘေး ကယ်ဆယ်ရေးစခန်းများ စတင်ဖွင့်လှစ်ကာ ရွှေ့ပြောင်းနေရာချထားပေးနေရသည်။   မိုးလေဝသနှင့် ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ ငါးသိုင်းချောင်းမြို့ ငဝန်မြစ်ရေမှာ စိုးရိမ်ရေ မှတ်အထက် ဆက်လက်ရှိနေမည်ဖြစ်သည့်အပြင်၊ မအူပင်မြို့ တိုးမြစ်ရေ၊ ဟင်္သာတနှင့် ဇလွန်မြို့တို့၏ ဧရာဝတီ မြစ်ရေ၊ ဘားအံနှင့် မဒေါက်မြို့တို့တွင်လည်း နောက်တစ်ရက်အတွင်း စိုးရိမ်ရေမှတ်အထက် ဆက်လက်မြင့် တက်နေမည်ဖြစ်ကြောင်း သတိပေးထားသည်။   ဒေသခံများက ငဝန်မြစ်အတွင်းသို့ ဧရာဝတီမြစ်ရေ ဆက်လက်စီးဝင်နေသရွေ့နှင့် လေးမျက်နှာ ရေကာတာ ကျိုးပေါက်သည့်နေရာကို ပိတ်ဆို့နိုင်ခြင်း မရှိသေးသရွေ့ ရေဘေးကာလ ရှည်ကြာနိုင်သဖြင့် ရေဘေးသင့် ပြည်သူများအတွက် အဝတ်အထည်၊ သောက်သုံးရေ၊ ဆေးဝါးနှင့် စားသောက်ကုန် အကူအညီများ ရေရှည် အရေးပေါ် လိုအပ်လျက်ရှိသည်။   ဓါတ်ပုံ - မြန်မာနိုင်ငံ လူမှုကယ်ဆယ်ရေးအဖွဲ့ - မန္တလေးတိုင်းဒေသကြီး ကော်မတီ   #ငဝန်မြစ်ရေကာတာ #ဧရာဝတီတိုင်း #ငဝန်မြစ်

ငဝန်မြစ်ရေ ပြန်တက်၍ ဧရာဝတီတိုင်း မြို့နယ် ၅ ခုတွင် ရေဘေးစခန်းများ ထပ်မံ ရွှေ့ပြောင်းရ

ငဝန်မြစ်ရေ ပြန်တက်၍ ဧရာဝတီတိုင်း မြို့နယ် ၅ ခုတွင် ရေဘေးစခန်းများ ထပ်မံ ရွှေ့ပြောင်းရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၈ ရက်။ ဧရာဝ…

  • August 19, 2026
ကျောက်ဖြူတွင် စစ်တပ်က အင်အားဖြည့်စစ်ကြောင်းထိုးသဖြင့် တိုက်ပွဲများဖြစ်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၈ ရက်။   ရခိုင်ပြည်၊ ကျောက်ဖြူမြို့နယ်ရှိ တောင်မော်ဦး ရေတပ်စခန်းနှင့် အဝတောင်ကျေးရွာ စခန်းတို့မှ စစ်အုပ်စုတပ် သည် အင်အားဖြည့်တင်းကာ စစ်ကြောင်းထိုးလာသဖြင့် အဝတောင်၊ မင်းပြင်နှင့် သိုင်းချောင်းကျေးရွာ အနီး တစ်ဝိုက်တွင် အာရက္ခတပ်တော် (AA) နှင့် ထိတွေ့တိုက်ပွဲများ ဖြစ်ပွားနေသည်။   အဝတောင်စခန်းမှ အင်အား ၁၀၀ နီးပါးဖြင့် မင်းပြင်နှင့် သိုင်းချောင်းဘက်သို့ စစ်ကြောင်းထိုးလာသဖြင့် ဩဂုတ် လ ၁၃ ရက်နေ့မှ ၁၅ ရက်နေ့အထိ တိုက်ပွဲများ ဖြစ်ပွားခဲ့ပြီး လက်ရှိတွင် စစ်ရေးပြန်လည် တင်းမာနေခြင်း ဖြစ် သည်။   အဆိုပါ စစ်ကြောင်းကို အာရက္ခတပ်တော် (AA) က ကြားဖြတ်တိုက်ခိုက်ခဲ့သဖြင့် စစ်အုပ်စုတပ်ဘက်မှ အကျ အဆုံးများစွာဖြင့် နောက်ဆုတ်သွားခဲ့ရသော်လည်း လမ်းခရီးတွင် အင်အားထပ်မံဖြည့်တင်းကာ အဝတောင်စခန်း မှ တပ်ဖွဲ့များနှင့် ပေါင်းစည်းလျက်ရှိသည်။   ဒေသခံ စစ်ရေးသတင်းအရင်းအမြစ် အမျိုးသားတစ်ဦးက “အေအေ ကြားဖြတ်တိုက်လို့ စစ်ကြောင်း နောက် ဆုတ်တာပါ၊ အကျအဆုံးတော့ မသိရဘူး။ မင်းပြင်နဲ့ သိုင်းချောင်းဘက်ကိုလည်း စစ်တပ်စစ်ကြောင်း အခု ရှိသေးတယ်။ အဝတောင်ကျေးရွာ အနီးမှာလဲ ရှိတယ်၊ ပြန်ထိုးဖို့ လုပ်နေတယ်။ အေအေကလည်း ရှေ့ဆက် မတက်ဘဲ ဆိုင်ထားတယ်။ စစ်တပ်က ဒရုန်းတွေ အများကြီးသုံးနေတယ်” ဟု ပြောသည်။   လက်ရှိတွင် စစ်အုပ်စုတပ်သည် တောင်မော်ဦး ရေတပ်စခန်းနှင့် အဝတောင်စခန်းတို့မှ မင်းပြင်နှင့် သိုင်းချောင်း ဘက်သို့ စစ်ကြောင်း ၃ ခုဖြင့် ထိုးစစ်ဆင်လာခြင်း ဖြစ်သည်။   အဆိုပါ စစ်ကြောင်းများသည် AA နှင့် အနီးကပ်တိုက်ပွဲများ ဖြစ်ပွားခဲ့ပြီးနောက် အဝတောင်စခန်းဘက်သို့ ပြန် လည်ဆုတ်ခွာသွားရသော်လည်း ညပိုင်းတွင် လေကြောင်းမှ ဗုံးကြဲတိုက်ခိုက်မှုများ ပြုလုပ်နေသဖြင့် မင်းပြင်နှင့် သိုင်းချောင်းကျေးရွာ အနီးဝန်းကျင်၌ စစ်ရေးတင်းမာမှုများ ဆက်လက် မြင့်တက်နေသည်။   ထို့ပြင် စစ်အုပ်စုတပ်သည် အဝတောင်စခန်း ဝန်းကျင်နေရာများကို လေကြောင်း၊ စစ်ရေယာဉ်၊ ဒရုန်းနှင့် လက် နက်ကြီးများဖြင့် ပစ်ခတ်လျက်ရှိရာ ကျောက်ကလေကျေးရွာ နောက်ကြောဘက်ရှိ တောင်တန်းများနှင့် ကျေးရွာအနီးဝန်းကျင်သို့ ကျရောက်ပေါက်ကွဲခဲ့သည်။   အနီးအနားရှိ ဂန္ဓမာ၊ ဇိုင်ချောင်း၊ ဘားအင်း၊ ကပ်သပြေ၊ ဓာတ်မှန်၊ ငလပွေး စသည့် ကျေးရွာများတွင်လည်း စစ်အုပ်စုတပ်နှင့် AA တို့၏ စစ်ရေးလှုပ်ရှားမှုများ ရှိနေပြီး လက်နက်ကြီး ပစ်ခတ်မှုများနှင့် တိုက်ပွဲငယ်များ ဆက်လက်ဖြစ်ပွားနိုင်သည့် အခြေအနေတွင် ရှိနေသည်။   ဓါတ်ပုံ - AFP   #ကျောက်ဖြူတိုက်ပွဲ

ကျောက်ဖြူတွင် စစ်တပ်က အင်အားဖြည့်စစ်ကြောင်းထိုးသဖြင့် တိုက်ပွဲများဖြစ် 

ကျောက်ဖြူတွင် စစ်တပ်က အင်အားဖြည့်စစ်ကြောင်းထိုးသဖြင့် တိုက်ပွဲများဖြစ်  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၈ ရက်။ ရခိုင်ပြည်၊ က…

  • August 19, 2026
ဧရာဝတီနှင့် ရခိုင်အစပ် ဒေသကို စစ်တပ် ထိုးစစ်ဆင်၍ တိုက်ပွဲများ ပြင်းထန်နေ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၈ ရက်။   ဧရာဝတီတိုင်း၊ ရေကြည်မြို့နယ်ရှိ အမြောက်တပ် အမတ (၃၄၄) ဝန်းကျင်နှင့် သာပေါင်းမြို့နယ် စက်ဒေါင့်ကြီး ကျေးရွာဘက်တွင် စစ်အုပ်စုတပ်က ထိုးစစ်ဆင်လာ၍ အာရက္ခတပ်တော် (AA) နှင့် ထိတွေ့တိုက်ပွဲများ ပြင်းထန် လျက်ရှိကြောင်း ဒေသတွင်း စစ်ရေးသတင်းအရင်းအမြစ်များက ပြောသည်။   ဩဂုတ်လ ၁၆ ရက်နေ့တွင် ရေကြည်မြို့နယ်၊ ငါးသိုင်းချောင်း-ဂွ လမ်းပေါ်ရှိ အမြောက်တပ် အမတ (၃၄၄) ပတ်ဝန်းကျင်နှင့် သာပေါင်းမြို့နယ်ရှိ စက်ဒေါင့်ကြီး၊ စက်ဒေါင့်လေး၊ ဘုရားကြီး၊ ကျောက်ချောင်း၊ ညောင်ပင် ဆိပ်၊ ကုလားကုန်း၊ သရက်တော စသည့် ကျေးရွာများအနီး၌ တိုက်ပွဲများ ပြင်းထန်နေခြင်း ဖြစ်သည်။   ဒေသခံ စစ်ရေးသတင်းအရင်းအမြစ် အမျိုးသားတစ်ဦးက “ရေကြည်၊ သာပေါင်းမြို့နယ်တွေကနေ ရခိုင်ဂွမြို့ ကို စစ်တပ်က ထိုးစစ်ဆင်နေတာ ဒီရက်ပိုင်း ရပ်မသွားဘူး။ ဂွမြို့နယ်ထဲကို ဝင်မယ့် သာပေါင်းဘက်လမ်း၊ ရေကြည်ဘက်က ငသိုင်းချောင်းလမ်းတွေကနေ စစ်တပ်ထိုးနေတာ။ အဲဒီအချိန်မှာ အေအေက ဖြတ်တိုက်နေလို့ အကျအဆုံး များပါတယ်။ အေအေက တန်ပြန်တိုက်စစ် ပုံစံနဲ့ တိုက်နေတဲ့ အနေအထားပါ” ဟု ပြောသည်။   AA နှင့် ပူးပေါင်းတပ်ဖွဲ့များသည် အမတ (၃၄၄) ပတ်ဝန်းကျင်နှင့် ကာကင်းစခန်းများကို ဝိုင်းဝန်းပိတ်ဆို့ထားပြီး စစ်အုပ်စုတပ်၏ ထိုးစစ်ကို တန်ပြန်ဟန့်တား တိုက်ခိုက်နေသဖြင့် စစ်အုပ်စုတပ်ဘက်မှ အထိနာကာ သာပေါင်းမြို့နယ် စက်ဒေါင့်ကြီးဘက်တွင် ထိခိုက်သေဆုံးနှင့် ဒဏ်ရာရရှိသူများကို ပုသိမ်တပ်နယ်ဘက်သို့ ပို့ဆောင်နေရကြောင်း ဆိုသည်။     စစ်အုပ်စုတပ်သည် ငါးသိုင်းချောင်း-ဂွ လမ်းပေါ်ရှိ အမှတ် (၃၄၄) အမြောက်တပ်ရင်းကို အခြေပြု၍ ဂွဘက်သို့ စစ်ကြောင်းဖောက်ရန်နှင့် လက်လွှတ်ခဲ့ရသည့် ပွိုင့်ကုန်းများကို ပြန်လည်ရရှိရေး အင်အားအလုံးအရင်းဖြင့် ထိုးစစ်ဆင်နေခြင်း ဖြစ်သည်။   အင်းတိုင်အခြေစိုက် အမှတ် (၆၆) ခြေလျင်တပ်မဌာနချုပ် လက်အောက်ခံတပ်များလည်း သာပေါင်းမြို့နယ် စက်ဒေါင့်ကြီးဆိပ်ကမ်းမှတစ်ဆင့် စစ်အင်အား ၁၀၀ ခန့် ထပ်မံဖြည့်တင်းထားသည်။   ထို့ပြင် ငဝန်မြစ်တစ်ဖက်ကမ်းရှိ ရေကြည်နှင့် သာပေါင်းမြို့နယ်အစပ် ကမ္ဘားကြီးနှင့် ညောင်ပင်သာ ဒေသများ ဘက်သို့လည်း စစ်အုပ်စုတပ်က ပြန်လည်စစ်ကြောင်းထိုးနေပြီး ကမ္ဘားကြီးကျေးရွာတွင် တပ်စွဲကာ ရေကြည် - သာပေါင်း - ဂွ လမ်းကြောင်းတစ်လျှောက် စစ်ရေးလှုပ်ရှားမှုများ ပြုလုပ်လျက်ရှိသည်။   တိုက်ပွဲများအတွင်း စစ်အုပ်စုတပ်က လေကြောင်းနှင့် လက်နက်ကြီး ပစ်ကူများကို ဆက်တိုက်အသုံးပြုနေသဖြင့် အမတ (၃၄၄) ဝန်းကျင်နှင့် ငါးသိုင်းချောင်း-ဂွ လမ်းပိုင်းတွင် စစ်ရေးတင်းမာမှု မြင့်တက်နေပြီး ဒေသခံများ၏ အသွားအလာနှင့် လုံခြုံရေးအတွက် စိုးရိမ်ရသည့် အခြေအနေတွင် ရှိနေသည်။   ဧရာဝတီတိုင်း၊ ရေကြည်မြို့နယ်၊ ပုသိမ်-မုံရွာ လမ်းပိုင်းရှိ ပွိုင့် (၁၀၁) အနီးဝန်းကျင်နှင့် သာပေါင်းမြို့နယ်၊ သာ ပေါင်းကလေးကျေးရွာ အနီးဝန်းကျင်ရှိ AA စစ်ကြောင်းများရှိရာ နေရာများသို့ စစ်အုပ်စုတပ်က အင်အား အလုံး အရင်းဖြင့် ထိုးစစ်ဆင်လာ၍ နေရာ ၅ နေရာထက်မနည်း တိုက်ပွဲများ ဆက်တိုက်ဖြစ်ပွားခဲ့ကြောင်း AA က ဩဂုတ်လ ၁၂ ရက်နေ့တွင် သတင်းထုတ်ပြန်ထားသည်။   ဓါတ်ပုံ - (ပုံဟောင်း - Crd)   #ဧရာဝတီတိုင်း #ရေကြည် #သာပေါင်း

ဧရာဝတီနှင့် ရခိုင်အစပ် ဒေသကို စစ်တပ် ထိုးစစ်ဆင်၍ တိုက်ပွဲများ ပြင်းထန်နေ

ဧရာဝတီနှင့် ရခိုင်အစပ် ဒေသကို စစ်တပ် ထိုးစစ်ဆင်၍ တိုက်ပွဲများ ပြင်းထန်နေ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၈ ရက်။ ဧရာဝတီတိုင်း၊ ရေက…

  • August 18, 2026
ရသေ့တောင်ကို စစ်အုပ်စုတပ်က ၂ ရက်ဆက် ဗုံးကြဲ၍ ထိခိုက်ဒဏ်ရာရသူရှိပြီး နေအိမ်များ ပျက်စီး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၈ ရက်။   ရခိုင်ပြည်၊ ရသေ့တောင်မြို့နယ်ရှိ ကျောက်တန်းကျေးရွာနှင့် အောက်ဇီးကိုင်းကျေးရွာတို့ကို စစ်အုပ်စုတပ်က ဩဂုတ်လ ၁၇ ရက်နှင့် ၁၈ ရက်တို့တွင် ၂ ရက်ဆက်တိုက် လေကြောင်းမှ ဗုံးကြဲတိုက်ခိုက်ခဲ့သဖြင့် အရပ်သား ထိခိုက်ဒဏ်ရာရရှိသူရှိကာ နေအိမ်များ ပျက်စီးခဲ့ကြောင်း ဒေသခံများက ပြောသည်။   ဩဂုတ်လ ၁၈ ရက် နံနက် ၉ နာရီခွဲခန့်တွင် ရသေ့တောင်မြို့နယ်၊ ကျောက်တန်းကျေးရွာ ဝန်းကျင်သို့ စစ်အုပ်စု တပ်၏ ဂျက်တိုက်လေယာဉ်အုပ်စု ရောက်ရှိလာပြီး ဗုံးကြဲတိုက်ခိုက်ခဲ့သဖြင့် နေအိမ်အချို့ ပျက်စီးခဲ့ကာ လူထိ ခိုက်မှု အခြေအနေကိုမူ စုံစမ်းနေဆဲဖြစ်သည်။   ဒေသခံ စစ်ရေးသတင်းအရင်းအမြစ်တစ်ဦးက “ရသေ့တောင်မြို့နယ် ကျောက်တန်းကျေးရွာနဲ့ အောက်ဇီးကိုင်း ကျေးရွာကို ကြဲတယ်။ လက်ရှိ ကျောက်တန်းကျေးရွာ အခြေအနေကို မသိရသေး၊ နေအိမ်တွေ ပျက်စီးတယ်လို့ သိရတယ်။ အောက်ဇီးကိုင်းကျေးရွာမှာတော့ တစ်ယောက် ဒဏ်ရာရတယ်။ နေအိမ်တွေ ပျက်စီးတယ်၊ အခုထိ လေယာဉ်တွေ ဝဲနေသေးပါတယ်။ ပြည်သူတွေ ရှောင်တိမ်းရမလားဆိုပြီး စဉ်းစားနေကြတယ်” ဟု ပြောသည်။   ဩဂုတ်လ ၁၇ ရက်နေ့၊ နံနက် ၁၁ နာရီ ၅၀ မိနစ်အချိန်ခန့်ကလည်း အောက်ဇီးကိုင်းကျေးရွာကို စစ်အုပ်စုတပ်က ဂျက်တိုက်လေယာဉ်တစ်စီးဖြင့် ဗုံးကြဲတိုက်ခိုက်ခဲ့သည်။   အဆိုပါ တိုက်ခိုက်မှုကြောင့် အောက်ဇီးကိုင်းကျေးရွာမှ အသက် ၄၈ နှစ်အရွယ် ဒေါ်သန်းမေနုမှာ နဖူး၌ ဗုံးစထိမှန် ဒဏ်ရာရရှိခဲ့ပြီး ဒေသခံများ၏ နေအိမ် ၃ လုံး ပျက်စီးခဲ့ရသည်။   စစ်အုပ်စုတပ်သည် အာရက္ခတပ်တော် (AA) က သိမ်းပိုက်ထိန်းချုပ်ထားသော မြို့ရွာများကို လေကြောင်းမှ ဗုံးကြဲတိုက်ခိုက်မှုများ ဆက်တိုက်ပြုလုပ်နေသဖြင့် အရပ်သား သေဆုံး၊ ဒဏ်ရာရရှိမှုနှင့် အဆောက်အအုံ ပျက်စီး မှုများ မြင့်တက်လျက်ရှိသည်။   ပြီးခဲ့သည့် ဩဂုတ်လ ၁၆ ရက်နေ့ကလည်း သံတွဲမြို့ ပတ်ဝန်းကျင်အနီးတစ်ဝိုက်ကို စစ်အုပ်စုတပ်က ဗုံးကြဲတိုက် ခိုက်ခဲ့သဖြင့် သားအဖ နှစ်ဦး သေဆုံးကာ အရပ်သား ၆ ဦး ထိခိုက်ဒဏ်ရာ ရရှိခဲ့သည်။   ယခု ဩဂုတ်လ ၁ ရက်နေ့မှ ၁၆ ရက်နေ့အထိ လဝက်အတွင်း စစ်အုပ်စုတပ်၏ လေကြောင်းနှင့် လက်နက်ကြီး ပစ်ခတ်မှုများကြောင့် ကလေးနှင့် အမျိုးသမီးများ အပါအဝင် ရခိုင်ပြည်သူ ၃၁ ဦး သေဆုံးပြီး ၃၅ ဦး ဒဏ်ရာရ ရှိထားသည်။   ဓါတ်ပုံ - အာရက္ခတပ်တော် (AA)   #AA #ရသေ့တောင်

ရသေ့တောင်ကို စစ်အုပ်စုတပ်က ၂ ရက်ဆက် ဗုံးကြဲ၍ ထိခိုက်ဒဏ်ရာရသူရှိပြီး နေအိမ်များ ပျက်စီး

ရသေ့တောင်ကို စစ်အုပ်စုတပ်က ၂ ရက်ဆက် ဗုံးကြဲ၍ ထိခိုက်ဒဏ်ရာရသူရှိပြီး နေအိမ်များ ပျက်စီး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၈ ရက်။ ရခိ…

  • August 18, 2026
ညောင်ဦး၌ စစ်တပ်က မီးရှို့သဖြင့် အိမ်ခြေ ၃၀ ခန့် မီးလောင်၊ အရပ်သား ၅ ဦး လူသားဒိုင်းအဖြစ် ဖမ်းဆီးခံရ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၈ ရက်။   မန္တလေးတိုင်း၊ ညောင်ဦးမြို့နယ် ကျောက်ပြင်ကန်ကျေးရွာကို စစ်အုပ်စုတပ်က မီးရှို့ဖျက်ဆီးခဲ့သဖြင့် အိမ်ခြေ ၃၀ ခန့် မီးလောင်ပြာကျခဲ့ရပြီး ဒေသခံ အရပ်သား ၅ ဦးကိုလည်း လူသားဒိုင်းအဖြစ် ဖမ်းဆီးခေါ်ဆောင်သွားကြောင်း မြို့ခံများထံမှ သိရသည်။   အင်အား ၈၀ ကျော်ပါသည့် စစ်အုပ်စုတပ် စစ်ကြောင်းသည် ဩဂုတ်လ ၁၅ ရက်နေ့က ဝင်ရောက်လာပြီး ကျေးရွာအတွင်း ညအိပ်စခန်းချ ရပ်နားခဲ့ကြခြင်း ဖြစ်သည်။   ထို့နောက် ဩဂုတ်လ ၁၆ ရက်နေ့၊ နံနက် ၁၀ နာရီအချိန်ခန့်တွင် ပြန်လည်ထွက်ခွာစဉ် ရွာအလယ်ပိုင်းမှစ၍ မီးရှို့ဖျက်ဆီးသွားခဲ့ခြင်း ဖြစ်ကြောင်း ကျောက်ပြင်ကန် ရွာခံများက ဆိုသည်။   ကျောက်ပြင်ကန်ရွာမှ အသက် ၅၀ ခန့်အရွယ် အမျိုးသားတစ်ဦးက "ရွာလယ်ကနေစရှို့တာ။ မနက် ၁၀ နာရီ လောက်ပေါ့၊ တောင်လေကတိုက်နေတော့ လေသင့်တဲ့ဘက်တွေ အကုန်မီးကူးတာပေါ့။ နောက် အိမ်ခြေက လည်းစိပ်တယ်လေ။ ဝက်မွေးပြီး အစာရောင်းတဲ့အိမ်ဆို သိန်း ၅၀၀ ကျော်လောက် ဆုံးရှုံးသွားတယ်။ ဝက်သေ ၂ ကောင်ပဲပြန်ရလိုက်တယ်" ဟု ပြောသည်။   စစ်ကြောင်း စတင်ဝင်ရောက်လာသည့်နေ့က စစ်ရှောင်တစ်ဦးကို ဖမ်းဆီးခဲ့ပြီး၊ ရွာကို မီးရှို့ဖျက်ဆီးကာ ထွက်ခွာ သည့်နေ့တွင်လည်း ထပ်မံ၍ လူငယ် ၄ ဦးကို စစ်ကြောင်းရှေ့မှ လူသားဒိုင်းအဖြစ် ဖမ်းဆီးခေါ်ဆောင်သွားခဲ့ခြင်း ဖြစ်သည်။   ဖမ်းဆီးခံရသူ လူငယ် ၅ ဦးမှာ မိုးဆွေ၊ လမ်းပို၊ သင်္ကြန်၊ သန်းကိုနှင့် ပန်တိ တို့ဖြစ်ကြပြီး အသက် ၂၀ ကျော်မှ ၃၀ နှစ်ဝန်းကျင်အရွယ် အလုပ်လုပ်နိုင်သည့် လူငယ်များဖြစ်ကြကြောင်း ရွာခံများက ဆိုသည်။   အသက် ၆၀ ခန့်အရွယ် အမျိုးသားတစ်ဦးကလည်း "ရွာကို ဇီးစမြင်ရွာဘက်ကနေပြီး စစ်ကြောင်းထိုးလာတာ။ ဂျိုင်ရိုကော်ပတာ ၃ စီးလည်းပါတယ်။ တစီးက ရှေ့ပြေးကင်းထောက်တာလို့ ထင်တယ်။ နောက် ၂ စီးက ရွာစိမ်းစို တောအုပ်ထဲကို ဗုံး ၄ လုံးချသွားတယ်၊ ဘာထိခိုက်မှုမှမရှိပါဘူး" ဟု ပြောသည်။   အဆိုပါ စစ်အုပ်စုတပ် စစ်ကြောင်းသည် ဩဂုတ်လ ၁၃ ရက်နေ့က ညောင်ဦး-ကျောက်ပန်းတောင်း ကားလမ်း ဘေးရှိ ရွှေလှိုင်းကျေးရွာနှင့် ပွဲတိုင်းကျေးရွာ အရှေ့မြောက်ဘက်တွင် ပြည်သူ့ကာကွယ်ရေးတပ်ဖွဲ့များနှင့် တိုက်ပွဲ ရင်ဆိုင်ဖြစ်ပွားခဲ့သေးကြောင်း ဇီးစမြင်ရွာခံများကပြောသည်။   ပွဲတိုင်းကျေးရွာမှ အသက် ၅၀ ကျော်အရွယ် အမျိုးသားတစ်ဦးက "အဲဒီနေ့က တိုက်ပွဲမှာ စစ်တပ်က ၄၀ ကျော် လောက်သေတာ။ စစ်တပ်က အထိနာတော့ ဂျက်လေယာဉ်နဲ့တောင် စစ်ကူလာပြီး စက်သေနတ်နဲ့ ပစ်ကူပေးရ တယ်။ ရွာက အသက် ၅၃ နှစ် အမျိုးသမီးတယောက် စက်သေနတ်မှန်ပြီး သေသွားသေးတယ်" ဟု ပြောသည်။   ထိုတိုက်ပွဲအတွင်း ထိခိုက်ကျဆုံးမှု များပြားခဲ့သည့် စစ်အုပ်စုတပ်သည် စစ်ကား ၂ စီးဖြင့် ရွှေစာရံဇရပ်နှင့် နပ္ပလင်ကျေးရွာသို့ အင်အားများ ထပ်မံဖြည့်တင်းခဲ့ပြီးနောက် ဇီးစမြင်ကျေးရွာတွင် ညအိပ်တပ်စွဲခဲ့ကာ ထိုမှ တစ်ဆင့် ကျောက်ပြင်ကန်ကျေးရွာသို့ ဆက်လက် စစ်ကြောင်းထိုး၍ မီးရှို့ဖျက်ဆီးခဲ့ခြင်း ဖြစ်ကြောင်း ဒေသခံ များက ပြောသည်။   ဓါတ်ပုံ - ပေးပို့   #ညောင်ဦးမြို့နယ် #ကျောက်ပြင်ကန်ရွာ #မန္တလေးတိုင်း

ညောင်ဦး၌ စစ်တပ်က မီးရှို့သဖြင့် အိမ်ခြေ ၃၀ ခန့် မီးလောင်၊ အရပ်သား ၅ ဦး လူသားဒိုင်းအဖြစ် ဖမ်းဆီးခံရ

ညောင်ဦး၌ စစ်တပ်က မီးရှို့သဖြင့် အိမ်ခြေ ၃၀ ခန့် မီးလောင်၊ အရပ်သား ၅ ဦး လူသားဒိုင်းအဖြစ် ဖမ်းဆီးခံရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၈…

  • August 18, 2026
မကွေးတိုင်း၌ စစ်တပ် စစ်ကြောင်းများက ရွာများ မီးရှို့ပြီး ဒေသခံ ၃၀ နီးပါးကို ဖမ်းဆီး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၇ ရက်။   မကွေးတိုင်းအတွင်း စစ်တပ်က လေကြောင်းတိုက်ခိုက်မှုများကို ခပ်စိပ်စိပ် ပြုလုပ်နေသည့်အပြင် မြေပြင်တွင်ပါ အင်အားအများအပြားဖြင့် စစ်ကြောင်းထိုးကာ ကျေးရွာများကို မီးရှို့ဖျက်ဆီးပြီး ဒေသခံ ပြည်သူ ၃၀ နီးပါးကို ဖမ်းဆီးထားကြောင်း ဒေသခံများနှင့် ဒေသတွင်း သတင်းအရင်းအမြစ်များက ပြောသည်။   ဩဂုတ်လ ၁၆ ရက်နေ့၊ နံနက်ပိုင်းမှစ၍ ဆော-ဆိပ်ဖြူ လမ်းပိုင်းအနီး ဆိပ်ဖြူမြို့နယ် အနောက်ခြမ်းရှိ တဲကြီး ကျေးရွာသို့ အမှတ် (၂၁) နှင့် (၂၂) ကာကွယ်ရေးပစ္စည်းစက်ရုံ (ကပစ) ဘက်မှ လာသည့် စစ်တပ်စစ်ကြောင်းက အင်အားအများအပြားဖြင့် ဝင်ရောက်စီးနင်းခဲ့ပြီး လူငယ်များ အပါအဝင် ဒေသခံ ၃၀ နီးပါးကို ဖမ်းဆီးကာ နေအိမ်များကို မီးရှို့ဖျက်ဆီးနေခြင်းဖြစ်သည်။   အဆိုပါ ကပစ စက်ရုံသုံး ယာဉ်တန်းများနှင့် ရဲကွန်မန်ဒို ယာဉ်များ ပြီးခဲ့သည့်လပိုင်းက မိုင်းဆွဲတိုက်ခိုက်ခံခဲ့ရပြီး နောက် စစ်အုပ်စုတပ်က နယ်မြေရှင်းလင်းရေး အကြောင်းပြချက်ဖြင့် ယခုကဲ့သို့ စစ်ကြောင်းထိုး ဖျက်ဆီးနေ ခြင်း ဖြစ်သည်။   ဆိပ်ဖြူမြောက်ပိုင်း ပြည်သူ့ကာကွယ်ရေးတပ်ဖွဲ့ တာဝန်ခံက “စစ်တပ်က ဆော-ဆိပ်ဖြူ လမ်းပိုင်းတစ်လျှောက် ကို ဩဂုတ် ၁၅ ရက်တည်းက အင်အားတွေ စတင်ဖြည့်နေတာပါ။ ကပစ (၂၁)၊ (၂၂) နဲ့ လေကြောင်းရန် ကာ ကွယ်ရေးတပ်တွေဆီက စစ်ကြောင်းထိုးလာတာဖြစ်ပြီး ပြီးခဲ့တဲ့လက ကပစ ယာဉ်တန်းတွေနဲ့ ရဲကွန်မန်ဒိုတွေ မိုင်းဆွဲခံရပြီးတဲ့နောက် အခုလို နယ်မြေရှင်းလင်းရေး ဆိုပြီး ဝင်လာတာပါ” ဟု ပြောသည်။     ဆိပ်ဖြူဒေသခံတစ်ဦးကလည်း “ဩဂုတ် ၁၆ ရက် မနက်ပိုင်းကတည်းက တဲကြီးရွာကို စစ်တပ်စစ်ကြောင်းက ဝင်လာတာပါ။ ရွာထဲက လူငယ်တွေအပါအဝင် ရွာသား ၃၀ နီးပါးကို ဖမ်းထားတယ်၊ ရွာထဲက အိမ်တွေကို လည်း မီးရှို့ဖျက်ဆီးနေကြတာ” ဟု ပြောသည်။   ထို့ပြင် ယောဒေသ ဆောမြို့နယ် သီးကုံးကျေးရွာကိုလည်း ဩဂုတ်လ ၁၅ ရက်နေ့၊ မွန်းလွဲ ၁ နာရီခန့်တွင် စစ်အုပ်စုတပ်က ဒရုန်းဖြင့် ဗုံးသီးချ တိုက်ခိုက်ခဲ့သဖြင့် အသက် ၆၆ နှစ်အရွယ် ဒေါ်မြဝင်း၊ အသက် ၄၆ နှစ် အရွယ် ဒေါ်ဌေးဌေးနှင့် အသက် ၅၀ အရွယ် ဦးနန်းမြိုင်တို့ သေဆုံးခဲ့ရပြီး အခြား အရပ်သားတစ်ဦး ဒဏ်ရာ ရရှိခဲ့ကြောင်း ဒေသခံများက ပြောသည်။   ဆောမြို့နယ် ဒေသခံတစ်ဦးက “ဆောနဲ့ လောင်းရှည်ကြားမှာ စစ်တပ်က တိုက်လေယာဉ်တွေ၊ Y-12 ထောက်ပို့ လေယာဉ်တွေတင် မကဘူး၊ ဒရုန်းတွေနဲ့ပါ နေ့စဉ်နီးပါး ဗုံးကြဲနေတာပါ။ မြေပြင်မှာလည်း လက်နက်ကြီးတွေနဲ့ ရမ်းပစ်တော့ ရွာသားတွေ ဘယ်မှမပြေးဘေး ဘေးလွတ်ရာ တောထဲတွေမှာပဲ ပုန်းနေရတယ်။ အခုက မိုးက လည်း ဆက်တိုက်ရွာ၊ စစ်တပ်ကလည်း စစ်ကြောင်းထိုးတော့ စားစရာလည်း မရှိ၊ မိုးကာတဲလေးတွေနဲ့ ဒုက္ခ ပေါင်းစုံ ရင်ဆိုင်နေရတယ်” ဟု ပြောသည်။   လက်ရှိတွင် စစ်အုပ်စုတပ်သည် ချင်းပြည် တောင်ပိုင်း ကန်ပက်လက်နှင့် မင်းတပ်မြို့နယ်များကို နယ်မြေစိုးမိုးနိုင် ရေးအတွက် မကွေးတိုင်း ယောဒေသမှတစ်ဆင့် တပ်မ (၅၅)၊ (၈၈)၊ (၉၉) နှင့် (၁၀၁) တို့မှ ထုတ်နုတ်အင်အား ၂,၀၀၀ ဝန်းကျင် အသုံးပြုကာ ဆောမြို့သို့ ရှေ့ဆက်ထိုးစစ်ဆင်နေသဖြင့် ဆော-လောင်းရှည် လမ်းပိုင်းတွင် တိုက်ပွဲများ အပြင်းအထန် ဖြစ်ပွားလျက်ရှိသည်။   မကွေးတိုင်းအတွင်း ပြီးခဲ့သည့် ဇူလိုင်လတစ်လတည်း၌ပင် စစ်အုပ်စု၏ လေကြောင်းတိုက်ခိုက်မှုပေါင်း ၃၁၇ ကြိမ်အထိ ရှိခဲ့ပြီး မြို့နယ် ၆ မြို့နယ်မှ ပြည်သူ ၅၀,၈၀၀ ကျော် အိုးအိမ်စွန့်ခွာ ထွက်ပြေးနေရကြောင်း တမာ ဖွံ့ဖြိုးရေး အင်စတီကျု၏ ဩဂုတ်လ ၁၅ ရက်စွဲပါ အစီရင်ခံစာအရ သိရသည်။   စစ်အုပ်စုသည် မကွေးတိုင်းထဲက မြို့နယ် ၁၂ မြို့နယ်၌ လေကြောင်းတိုက်ခိုက်မှု ၂၉၅ ကြိမ်၊ ဒရုန်းဖြင့် တိုက်ခိုက် မှု ၁၃ ကြိမ်၊ ပါရာမော်တာ/ဂျိုင်ရိုကော်ပတာတို့ဖြင့် တိုက်ခိုက်မှု ၉ ကြိမ် စသဖြင့် ဝေဟင်တိုက်ခိုက်မှု စုစုပေါင်း အကြိမ် ၃၁၇ အထိ ပြုလုပ်ခဲ့ခြင်း ဖြစ်သည်။   အလားတူ ဇူလိုင်လအတွင်း မကွေးဒေသရှိ မြို့နယ် ၁၁ မြို့နယ်၌ စစ်အုပ်စုနှင့် တော်လှန်ရေးတပ်ဖွဲ့ အသီးသီးတို့ ကြား ထိတွေ့တိုက်ပွဲ စုစုပေါင်း အကြိမ် ၂၀ ဖြစ်ပွားခဲ့သည်ဟု တမာ ဖွံ့ဖြိုးရေး အင်စတီကျု၏ အစီရင်ခံစာက ဆိုသည်။   လက်ရှိတွင်လည်း မကွေးတိုင်းအတွင်း၌ စစ်တပ်၏ မြေပြင်စစ်ကြောင်းထိုးမှု၊ လေကြောင်းမှ ဗုံးကြဲမှုများအပြင် မိုးကြီးရေလျှံမှုပါ ထပ်မံရင်ဆိုင်နေရသဖြင့် စစ်ဘေးရှောင် ပြည်သူများသည် စားဝတ်နေရေးနှင့် လူသားချင်း စာနာမှုဆိုင်ရာ အကျပ်အတည်းများကို ရင်ဆိုင်နေကြရသည်။   ဓါတ်ပုံ - (ပုံဟောင်း - Crd)   #မကွေးတိုင်း #စစ်တပ် #မီးရှို့

မကွေးတိုင်း၌ စစ်တပ် စစ်ကြောင်းများက ရွာများ မီးရှို့ပြီး ဒေသခံ ၃၀ နီးပါးကို ဖမ်းဆီး

မကွေးတိုင်း၌ စစ်တပ် စစ်ကြောင်းများက ရွာများ မီးရှို့ပြီး ဒေသခံ ၃၀ နီးပါးကို ဖမ်းဆီး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၇ ရက်။ မကွေးတ…

  • August 17, 2026
CDF - Asho တပ်ဦးချုပ်အပါအဝင် ၃ ဦး ကျဆုံးကြောင်း အမိန့်ပြန်တမ်း ထုတ်ပြန်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၇ ရက်။   ချင်းကာကွယ်ရေးတပ် (အရှို) ၏ တပ်ဦးချုပ် (စစ်ဦးစီးချုပ်) အပါအဝင် တပ်ဖွဲ့ဝင် ၃ ဦး တော်လှန်ရေးတာဝန်များ ထမ်းဆောင် ရင်း ကျဆုံးသွားခဲ့သည်။   ချင်းကာကွယ်ရေးတပ် (အရှို) ၏ တပ်ဦးချုပ်  ဆလိုင်းရိုးချင်း၊ ဒုတပ်ကြပ် ဆလိုင်းဖြိုးသီဟဇော်နှင့် ရဲဘော် အောင်လင်းဇော်တို့သည် တော်လှန်ရေးတာဝန် ထမ်းဆောင်ရင်း ကျဆုံးသွားခဲ့ကြောင်း CDF – Asho က ဩ ဂုတ်လ ၁၇ ရက်နေ့တွင် အမိန့်ပြန်တမ်း ထုတ်ပြန်လိုက်သည်။   CDF – Asho ၏ တပ်ဦးချုပ်တာဝန် ထမ်းဆောင်နေသူ ဆလိုင်းရိုးချင်း၊ ဒုတပ်ကြပ် ဆလိုင်းဖြိုးသီဟဇော်နှင့် ရဲဘော် အောင်လင်းဇော်တို့သည် ပြီးခဲ့သည့် ဩဂုတ်လ ၁၄ ရက်နေ့တွင် ပေးအပ်ထားသော တော်လှန်ရေး တာ ဝန်များကို အသက်နှင့်ခန္ဓာ စွန့်လွှတ်ကာ ထမ်းဆောင်ရင်း ကျဆုံးခဲ့ရခြင်းဖြစ်ကြောင်း ယနေ့ ဩဂုတ်လ ၁၇ ရက်စွဲပါ အမိန့်ပြန်တမ်းများတွင် ဖော်ပြထားသည်။   “သူတို့ ခြုံခိုတိုက်ခိုက်ခံရတယ်။ အဲ့မှာ သုံးယောက်ကျတယ်။ တစ်ယောက်က အဖမ်းရတယ်။ တာဝန်နဲ့ သွားရင်းနဲ့ လမ်းမှာ ခြုံခိုတိုက်ခိုက်ခံရတဲ့ အနေအထားလို့ ပြောလို့ရပါတယ်။ ရန်သူဘက်က သတင်းရသွားလို့ပဲ ပြောရမယ် ထင်တယ်" ဟု  CDF-Asho တာဝန်ရှိသူက ပြောသည်။   တပ်ဦးချုပ် ဆလိုင်းရိုးချင်း ကျဆုံးခဲ့ရမှုသည် CDF - Asho နှင့် အရှိုချင်းလူမျိုး အားလုံးအတွက် အစားထိုးမရ နိုင်သော ကြီးမားသည့် ဆုံးရှုံးမှုတစ်ခုဖြစ်ကြောင်းနှင့် ယုံကြည်စွာအပ်နှင်းထားသော တပ်ဦးချုပ်တာဝန်များကို သစ္စာရှိစွာ ထမ်းဆောင်သွားခဲ့သည့်အတွက် များစွာဂုဏ်ယူကြောင်း ထုတ်ပြန်ချက်တွင် ရေးသားထားသည်။   CDF - Asho နှင့် နီးစပ်သည့် တော်လှန်ရေးသမားတစ်ဦးက “လောလောဆယ် ကျနော်တို့ ဆက်သွားမယ်၊ ဆက်တိုက်မယ်။ ဆုံးရှုံးမှုကြီးတယ်၊ စိတ်ထဲ တော်တော်မကောင်းပါဘူး။ ဒီအချိန် ဒါလောက်တော့ ပြောပါ့မယ်” ဟု ပြောသည်။   ကျဆုံးသွားခဲ့သော တပ်ဦးချုပ်နှင့် ရဲဘော်များ၏ ဝိညာဉ်ရှေ့မှောက်တွင် မပြီးပြတ်သေးသည့် တော်လှန်ရေး တာ ဝန်များကို ဆက်လက်ထမ်းဆောင်သွားမည်ဖြစ်ကြောင်း CDF – Asho က ကတိသစ္စာပြုထားပြီး တော်လှန်ရေး တာဝန်များကို ကျေပွန်စွာ ထမ်းဆောင်ခဲ့ပြီးဖြစ်သဖြင့် ငြိမ်းချမ်းစွာ အနားယူနိုင်ပြီဖြစ်ကြောင်းနှင့် ကောင်းရာ သုဂတိလားပါစေကြောင်း လေးစားစွာ ဦးညွှတ်ဆုတောင်းထားသည်။   သို့သော် ယခု ကျဆုံးသွားခဲ့သော တပ်ဦးချုပ်နှင့် ရဲဘော်များသည် မည်သည့်နေရာ၊ မည်သည့်တိုက်ပွဲတွင် ကျဆုံးသွားသည်ကို အတိအကျ ထုတ်ပြန်ဖော်ပြထားခြင်း မရှိပေ။   ချင်းကာကွယ်ရေးတပ် - အရှို (CDF - Asho) သည် မကွေးတိုင်းဒေသကြီး၊ ရခိုင်ပြည်နှင့် ပဲခူးရိုးမ အစပ် နယ်မြေများရှိ မြေပြန့်ချင်း (အရှိုချင်း) လူမျိုးများ မှီတင်းနေထိုင်ရာ ဒေသများတွင် စစ်ရေး လှုပ်ရှားနေသည့် တော်လှန်ရေး လက်နက်ကိုင် တပ်ဖွဲ့တစ်ခု ဖြစ်သည်။   CDF - Asho သည် ငဖဲ၊ ပဒါန်း၊ မင်းဘူးနှင့် သရက် စသည့် ဒေသများတွင် စစ်အုပ်စုတပ်များကို စစ်ရေးအရ တိုက်ခိုက်လျက်ရှိပြီး အမျိုးသားညီညွတ်ရေးအစိုးရ (NUG) လက်အောက်ခံ PDF တပ်ဖွဲ့များနှင့်လည်း နီးကပ်စွာ ပူးပေါင်းဆောင်ရွက်လျက်ရှိသည်။     ထို့ပြင် လက်ရှိ တိုက်ပွဲများ ပြင်းထန်နေသည့် အမ်း - ပဒါန်း လမ်းကြောင်းနှင့် နတ်ရေကန် စစ်မျက်နှာ အပါအဝင် ရခိုင်ရိုးမတစ်လျှောက် စစ်ဆင်ရေးများတွင်လည်း အာရက္ခတပ်တော် (AA) နှင့်အတူ မဟာမိတ်ပြု၍ စစ်အုပ်စု တပ်ကို ဖြတ်တောက် တိုက်ခိုက်လျက်ရှိသည်။   ချင်းအမျိုးသား တော်လှန်ရေးအဖွဲ့အစည်းများနှင့် ချိတ်ဆက်ကာ ရိုးမတစ်လျှောက် စစ်ရေးအရ အရေးပါသော လမ်းကြောင်းများကို စိုးမိုးနိုင်ရေး ပူးပေါင်းစစ်ဆင်မှုများ ပြုလုပ်နေသည့် တပ်ဖွဲ့လည်း ဖြစ်သည်။   ဓါတ်ပုံ - Chin Defence Force – Asho   #CDF_ASHO #ဆလိုင်းရိုးချင်း

CDF – Asho တပ်ဦးချုပ်အပါအဝင် ၃ ဦး ကျဆုံးကြောင်း အမိန့်ပြန်တမ်း ထုတ်ပြန်

CDF - Asho တပ်ဦးချုပ်အပါအဝင် ၃ ဦး ကျဆုံးကြောင်း အမိန့်ပြန်တမ်း ထုတ်ပြန် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၇ ရက်။ ချင်းကာကွယ်ရေးတပ် …

  • August 17, 2026
နတ်ရေကန်စစ်မျက်နှာ တိုက်ပွဲပြင်းထန်၊ စစ်တပ်ဘက်က အယောက် ၄၀ ခန့် သေဆုံး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၇ ရက်။   မကွေးတိုင်း၊ ပဒါန်းတပ်နယ်အတွင်းရှိ နတ်ရေကန်စစ်မျက်နှာတွင် စစ်တပ်မှ အင်အားဖြည့်တင်း၍ ထိုးစစ်ဆင် လာသဖြင့် အာရက္ခတပ်တော် (AA) နှင့် တိုက်ပွဲများ ပြင်းထန်နေပြီး စစ်အုပ်စုတပ်ဘက်မှ အရာရှိများအပါအဝင် အကျအဆုံး များပြားနေကြောင်း ဒေသခံ စစ်ရေးသတင်းအရင်းအမြစ်များက ပြောသည်။   စစ်တပ်သည် နတ်ရေကန်လမ်းကြောင်းအား စိုးမိုးနိုင်ရေးနှင့် နတ်ရေကန် ကမ္ဘာလုံးဗျူဟာစခန်းကုန်းတွင် ပိတ်မိ နေသည့် စစ်သည်များကို ဖောက်ထွက်နိုင်ရေးအတွက် အင်အား ၁,၀၀၀ (တစ်ထောင်) နီးပါးဖြင့် အင်အားဖြည့် ထိုးစစ်ဆင်နေခြင်း ဖြစ်သည်။   အဆိုပါ ထိုးစစ်အတွင်း အင်အား ၁၀၀ ကျော်ပါ စစ်ကြောင်းသည် AA ထိန်းချုပ်ထားသော နတ်ရေကန်ဗျူဟာ ကုန်း ဝန်းကျင်သို့ စစ်ကြောင်းထိုးလာသဖြင့် ဩဂုတ်လ ၁၅ ရက်နှင့် ၁၆ ရက်တို့တွင် ဗျူဟာကုန်းနှင့် ၅ မိုင်ခန့် ကွာဝေးသည့် ဂုတ်ကြီးကျေးရွာ ဝန်းကျင်၌ တိုက်ပွဲများ အပြင်းအထန် ဖြစ်ပွားခဲ့သည်။   ပဒါန်းမြို့နယ်မှ စစ်ရေးသတင်းအရင်းအမြစ် အမျိုးသားတစ်ဦးက “နတ်ရေကန် ဗျူဟာကုန်းမှာ စစ်သားတွေ ပိတ်မိနေတာကနေ ဖောက်ထွက်ဖို့ လုပ်လာတာပါ။ အဲ့ဒီနေရာကို စစ်တပ်စစ်ကြောင်းက ရသလိုထိုးနေတော့ အေအေကလည်း ကြားကနေ ဖြတ်တိုက်နေတာ။ ဒီရက်ပိုင်း နတ်ရေကန်ဘက်ကို တောင်ပေါ်လမ်းအတိုင်း တက်လာတာဖြစ်ပါတယ်။ စစ်တပ်အင်အား တစ်ရာကျော်ကို ဂုတ်ကြီးရွာအကျော်မှာ အေအေက ဖြတ်တိုက်လို့ အရာရှိတွေအပါအဝင် အယောက်လေးဆယ် ကျတယ်လို့ သိထားပါတယ်” ဟု ပြောသည်။     လက်ရှိတွင် နတ်ရေကန် စစ်မျက်နှာ၌ အမှတ် (၁၇) စစ်ဆင်ရေးကွပ်ကဲမှုဌာနချုပ် (စကခ-၁၇) နှင့် အမှတ် (၁၀) စစ်ဆင်ရေးကွပ်ကဲမှုဌာနချုပ် (စကခ-၁၀) မှ မြေပြင်တပ်များဖြင့် တပ်ဖြန့်ကျက်ထားပြီး စကခ-၁၀ မှ သင်တန်း ဆင်း တပ်သားသစ်များ အမြောက်အမြား ပါဝင်နေသည်။   ထို့ပြင် နတ်ရေကန်ဗျူဟာ၏ အရှေ့ဘက် တောင်ခြေအနီးရှိ ပဒုံကျေးရွာ၊ ဘုတ်ကျေးရွာ၊ ဇင်းပြွန်းကျေးရွာနှင့် တုံးကြီးကျေးရွာတို့တွင်လည်း စစ်ရေးတင်းမာလျက်ရှိပြီး အချို့နေရာများ၌ ထိတွေ့တိုက်ပွဲများ ဖြစ်ပွားနေသည်။   ဒေသခံတစ်ဦးက “နတ်ရေကန်ဘက်မှာ တိုက်ပွဲတွေ ပြင်းထန်ပြီး စစ်တပ်ဘက်က အထိနာလာတိုင်း အရပ်သား တွေ နေတဲ့နေရာတွေကို လေကြောင်းကနေ လာကြဲတာ။ ဩဂုတ် ၈ ရက်ကလည်း တလိုင်းတောင်ရွာကို ဂျက် ဖိုက်တာနဲ့ ဗုံးကြဲလို့ ရွာသား ၂ ယောက် သေပြီး ၃ ယောက် ဒဏ်ရာရသွားတယ်။ အခုလည်း လေယာဉ်သံ နေ့တိုင်း ကြားနေရတာဆိုတော့ ဘာဖြစ်မလဲဆိုပြီး အမြဲ ရင်တမမနဲ့ စိုးရိမ်နေရတယ်” ဟု ပြောသည်။   တိုက်ပွဲအတွင်း ကျဆုံးသွားသည့် စစ်တပ်ဖွဲ့ဝင် အလောင်းအချို့ကို လေကြောင်းပစ်ကူ၊ စစ်ကြောင်းတပ်ကူများ ဖြင့် ပြန်လည်ဆွဲထုတ်ကာ ပဒါန်းမြို့နယ်၊ ဆုံကုန်းကျေးရွာအနီးရှိ မစခ-၉၀၅ သို့ စစ်ကားများဖြင့် သယ်ဆောင် နေရကြောင်းနှင့် ဇင်းပြွန်း လက်နက်ကြီးအထိုင်စခန်းတွင်လည်း ဒဏ်ရာရ စစ်အုပ်စုတပ်သည်အချို့ ရောက်ရှိ နေကြောင်း မြေပြင်သတင်းရင်းမြစ်က ပြောသည်။   အဆိုပါ နတ်ရေကန် စစ်မျက်နှာသို့ ဆုံကုန်းအခြေစိုက် အမြောက်စခန်းကွပ်ကဲမှုဌာနချုပ် (မစခ-၉၀၅) မှနေ၍ ရိက္ခာ၊ ခဲယမ်းနှင့် စစ်ယာဉ်တန်းများကို ယခုရက်ပိုင်းအတွင်း ဆက်တိုက် ပို့ဆောင်ပေးလျက်ရှိသည်။   ဓါတ်ပုံ - (ပုံဟောင်း - Crd)   #နတ်ရေကန်တိုက်ပွဲ  

နတ်ရေကန်စစ်မျက်နှာ တိုက်ပွဲပြင်းထန်၊ စစ်တပ်ဘက်က အယောက် ၄၀ ခန့် သေဆုံး

နတ်ရေကန်စစ်မျက်နှာ တိုက်ပွဲပြင်းထန်၊ စစ်တပ်ဘက်က အယောက် ၄၀ ခန့် သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၇ ရက်။ မကွေးတိုင်း၊ ပဒါန်းတ…

  • August 17, 2026
×Close