သတင်း

စစ်ကောင်စီက လွိုင်ကော်တွင် တက္ကသိုလ်များ ပြန်ဖွင့်ရန် စီစဉ်

စစ်ကောင်စီက လွိုင်ကော်တွင် တက္ကသိုလ်များ ပြန်ဖွင့်ရန် စီစဉ်

စစ်ကောင်စီက လွိုင်ကော်တွင် တက္ကသိုလ်များ ပြန်ဖွင့်ရန် စီစဉ် သတင်းနှင့် မီဒီယာ ကွန်ရက်၊၂၀၂၅ ခုနှစ်၊ ဇန္နဝါရီလ ၂၃ ရက်။  နယ်မြေလုံခြုံမှု မရှိသေးသည…

  • January 23, 2025
တရုတ် နယ်စပ်ဂိတ်များ ပြန်ဖွင့်၊ မြန်မာနိုင်ငံသားများ ဖြတ်ခွင့်မရသေး

တရုတ် နယ်စပ်ဂိတ်များ ပြန်ဖွင့်၊ မြန်မာနိုင်ငံသားများ ဖြတ်ခွင့်မရသေး

တရုတ် နယ်စပ်ဂိတ်များ ပြန်ဖွင့်၊ မြန်မာနိုင်ငံသားများ ဖြတ်ခွင့်မရသေး သတင်းနှင့်မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၂၃ ရက်။  တရုတ် - မြန်မာ နယ်စ…

  • January 23, 2025
ကမ်းခြေများ မပိတ်သေးသော်လည်း ခရီးသွားနည်းပါးမှုကြောင့် ဟိုတယ်များ ရပ်တည်ရခက်လာ

ကမ်းခြေများ မပိတ်သေးသော်လည်း ခရီးသွားနည်းပါးမှုကြောင့် ဟိုတယ်များ ရပ်တည်ရခက်လာ

ကမ်းခြေများ မပိတ်သေးသော်လည်း ခရီးသွားနည်းပါးမှုကြောင့် ဟိုတယ်များ ရပ်တည်ရခက်လာ ၂၀၂၅ ခုနှစ်၊ ဇန္နဝါရီလ ၂၂ ရက်။သတင်းနှင့် မီဒီယာ ကွန်ရက်။ ဧရာဝတီတိ…

  • January 22, 2025
၂၀၂၅ ခုနှစ်တွင် ခက်ခဲကြမ်းတမ်းမှုများ ချုပ်ငြိမ်းပြီး ငြိမ်းချမ်းရေး ရရန် ကရင်နီ ပြည်သူများမျှော်လင့်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန္နဝါရီလ ၂၁ ရက်။   စစ်ရေး ပဋိပက္ခများကြောင့် ကြုံတွေ့နေရသည့် အခက်အခဲ၊ စိန်ခေါ်မှုများနှင့် ဆုံးရှုံးမှုကို ၂၀၂၅ ခုနှစ်တွင် ငြိမ်းချမ်းရေးနှင့်အတူ အဆုံးသတ်နိုင်ရန် မျှော်လင့်သည်ဟု ကရင်နီပြည်သူများက ပြောသည်။   အာဏာသိမ်းချိန်မှစ၍ လက်ရှိအချိန်အထိ စစ်ရေး ပဋိပက္ခများကြောင့် ကရင်နီ ပြည်သူများသည် နေထိုင်စား သောက်ရေး၊ ပညာရေး၊ ကျန်းမာရေး၊ လူမှုရေး အခက်အခဲအပြင် အသက်သေဆုံးနိုင်သည့် ဘေးအန္တရာယ် အမျိုးမျိုးနှင့် ရင်ဆိုင်ကြုံတွေ့နေရပြီး အဆိုပါ ခက်ခဲမှုများကို ၂၀၂၅ ခုနှစ်ထဲတွင် အဆုံးသတ်နိုင်ရန် မျှော်လင့် သည်ဟု ဒီးမော့ဆိုမြို့နယ်ထဲရှိ လွိုင်နန်းဖကျေးရွာနေ CDM ဘက်စုံသားဖွားဆရာမ တစ်ဦးက ပြောသည်။   ၎င်းက “၂၀၂၅မှာ အာဏာရှင် ပြုတ်ကျပီးတော့ အမတို့ လွတ်လပ်ခွင့် အပြည့်အဝ ရရှိချင်တယ်။ လူမှုရေး စီးပွားရေး စားဝတ်နေရေး အဘက်ဘက်ကို လွတ်လွတ်လပ်လပ်နဲ့ လုပ်ချင်တယ်။ လေယာဉ်ကြောက်ရ၊ လက်နက်ကြီး ကြောက်ရ၊ မိုင်းကြောက်ရတဲ့ ဘဝမျိုးကနေ လွတ်မြောက်ချင်တယ်။ အမတို့ CDM လုပ်တယ် ဆိုတာ အာဏာ ရှင်ကို မလိုလားလို့ ပေါ့နော။ ၂၀၂၄ မှာ မစည်းလုံးခဲ့သမျှ စည်းလုံးကြမယ်။ ထိရောက်မှု မရှိခဲ့ သမျှ ထိရောက်မှု ရှိအောင် ဆောင်ရွက်မယ်ဆိုရင် ပြည်သူတွေ ပေးဆပ်ထားတဲ့ အိုးအိမ်တွေ အနစ်နာခံမှုတွေ အားလုံးရဲ့ အသက်တွေ တိကျတဲ့အဖြေ တစ်ခုကို ပေးနိုင်ကြမယ်လို့ ထင်မိတယ်” ဟု ပြောသည်။   ကရင်နီတော်လှန်ရေး ရဲဘော်တစ်ဦးကလည်း ၂၀၂၅ ခုနှစ်တွင် ၎င်း၏ မျှော်လင့်ချက်ကို ယခုကဲ့သို့ ပြောသည်။ သွားသည့်   ကရင်နီတော်လှန်ရေး ရဲဘော်တစ်ဦးက “ရဲဘော်တစ်ယောက်အနေနဲ့ ကျနော်မျှော်လင့်တာကတော့ တစ်ခြား သာမာန် ပြည်သူလိုပါပဲ။ စစ်ကောင်စီ မြန်မြန် ပြုတ်ကျလေ ကောင်းလေပဲ။ ကျနော်လည်း ငြိမ်းချမ်းတဲ့ နိုင်ငံမှာ ငြိမ်းချမ်းတဲ့ ပြည်နယ်မှာ ကိုယ့်ဟာကိုယ် လွတ်လွတ်လပ်လပ် ရှာဖွေ စားသောက် ချင်တယ်” ဟု ပြောသည်။   စစ်အာဏာသိမ်းပြီးနောက် ကရင်နီပြည်ထဲတွင် စစ်ကောင်စီတပ်က စစ်ရေးပစ်မှတ်၊ အရပ်သားပစ်မှတ် မခွဲခြား ဘဲ လက်နက်ကြီးပစ်ခတ်ခြင်း၊ လေကြောင်းဖြင့် ဗုံးကြဲတိုက်ခိုက်ခြင်းများကြောင့် ကလေးငယ်များ၊ ကိုယ်ဝန် ဆောင်မိခင်များ၊ အမျိုးသမီးများ၊ သက်ကြီးရွယ်အိုများ အပါအဝင် လူပေါင်းများစွာ အသက်သေဆုံးခဲ့ရသည်။   စစ်ကောင်စီတပ်၏ လက်နက်ကြီး ပစ်ခတ်မှုနှင့် လေကြောင်းတိုက်ခိုက်မှုများကြောင့် ပညာသင်ယူရာတွင်လည်း စိုးရိမ်စိတ်များကို ဖြစ်ပေါ်စေသည်ဟု ကရင်နီ ကျောင်းသား/သူများက ပြောသည်။ ထို့ကြောင့် ၂၀၂၅ ခုနှစ်တွင် ပညာကို လွတ်လပ်စွာ သင်ယူနိုင်ရန် မျှော်လင့်သည်ဟု ထိုင်း-ကရင်နီ နယ်စပ်ရှိ ဆယ်သဲကောလိပ်တွင် ပညာ သင်ယူနေသည့် ကျောင်းသူတစ်ဦးက ပြောသည်။   “အခုပညာသင်ယူနေတဲ့ အချိန်မှာ ဒီလေယာဉ်တို့ ဒရုန်းသံတို့ ကြားနေရတဲ့ အချိန်မှာဆို ကျမတို့က ကျောင်း တွေပိတ်၊ ကျောင်းတွေ နားလိုက်ရတဲ့ အချိန်တွေ ရှိတာပေါ့နော်။ သူများနိုင်ငံမှာဆိုရင် ကောင်းကောင်း မွန်မွန် နဲ့ ပညာသင်နေရတဲ့ အချိန်မှာ ကျမတို့က တောထဲ၊ ဝါးရုံး ကြားထဲမှာပဲ အဆောင်လေး သေးသေးလေးကို ဆောက်ပြီးတော့ အဖွဲ့လိုက် အစုလိုက် နေနေရတယ်။ ဖြောင့်ဖြောင့်ဖြူးဖြူးနဲ့ မအိပ်ရဘူး။ ပြီးတော့ လေယာဉ် သံကြားပြီဆိုရင် ကိုယ့်ရဲ့ အရေးပေါ် အိတ်လေးကို ယူပြီးတော့ မြောင်းထဲမှာ ပြေးပြီးတော့ ပုန်းနေရတယ်။ ပြီးတော့ ဒီစားဝတ်နေရေး အပိုင်းမှာလည်း အခက်အခဲ ဖြစ်တယ်။ အဲ့ဒါကြောင့်မို ဒီ ၂၀၂၅ တော်လှန်ရေးကို အမြန်ဆုံး ပြီးမြောက်ဖို့ကို ကျမ မျှော်လင့်ထားပါတယ်။ ဒီ ၂၀၂၅ မှာ ငြိမ်းချမ်းရေး တစ်ခုကို ပိုပြီးတော့ မျှော် လင့်ထားတယ်။”   ထို့အပြင် တိုက်ပွဲများကြောင့် ပြည်သူများသည် အိုးအိမ်စွန့်ခွာကာ စစ်ဘေးလွတ်ရာသို့ ထွက်ပြေးတိမ်း ရှောင်နေ ကြရပြီး  အခက်အခဲမျိုးစုံနှင့် ရင်ဆိုင်နေကြရသည့်အတွက် ၂၀၂၅ ခုနှစ်ထဲတွင် တော်လှန်ရေးကို အဆုံးသတ် နိုင်ရန် အားလုံးတွင် တာဝန်ရှိသည်ဟု ဒီးမော့ဆိုမြို့ခံ အမျိုးသားတစ်ဦးက ပြောသည်။   “ပြည်သူလူထု တစ်ယောက်အနေနဲ့ တော်လှန်ရေးကို အဆုံးသတ်ချင်ပြီ။ သို့ပေမဲ့လည်း အဲ့ဒီ အဆုံးသတ်ဟာ ကောင်းတဲ့ အဆုံးသတ် ဖြစ်စေချင်တာပေါ့နော်။ ကျနော်တို့ ထိထိမိမိနဲ့ လုပ်ဆောင် ကြိုးစားမယ်ဆို ဒီတော် လှန်ရေးဟာ ပိုပြီးတော့ မြန်ဆန်စေမယ်။ အဓိက တော်လှန်ရေးဆိုတာ တော်လှန်ရေးလုပ်နေတဲ့ တော်လှန် ရေးသမားပဲ မဟုတ်ဘဲနဲ့ ပြည်သူတွေ အားလုံးရဲ့ တော်လှန်ရေး ဖြစ်တဲ့အခါမှာ ပြည်သူတွေက စိတ်မဝင်စားဘဲ နေလို့မရတော့ဘူး။ ဒီအချိန်မှာ ပိုပြီးတော့ အားစိုက်ရမယ်။ ပြည်သူတွေက ဒီထက်ပိုပိုပြီးတော့ ပါဝင်လုပ် ဆောင်ပေးရင်တော့ ပိုပြီးတော့ ထိရောက် လျင်မြန်လိမ့်မယ်လို့ ပြောချင်တယ်ပေါ့နော်။”   ကရင်နီပြည် ကြားကာလ အုပ်ချုပ်ရေး ကောင်စီ ဥက္ကဋ္ဌ ခူးဦးရယ် က ၂၀၂၅ ခုနှစ်တွင် ခွန်အားသစ်များနှင့်အတူ စွန့်လွတ်မှုကို ပိုမိုဦးတည်ပြီး ညီညွတ်စွာဖြင့် တော်လှန်ရေး ခရီးကို အဆုံးထိ ချီတက်သွားကြရန် ယုံကြည် မျှော် လင့်သည်ဟု နှစ်သစ်မိန့်ခွန်းထဲတွင် ပြောဆိုထားသည်။   ထို့အပြင် ကရင်နီအမျိုးသားများ ကာကွယ်ရေးတပ် KNDF အနေဖြင့်လည်း ၂၀၂၅ ခုနှစ်အတွင်း အောင်ပွဲများ ရရှိနိုင်ရန် ပြင်ဆင်နေပြီး လက်ရှိအချိန်ထိ ယိုင်နဲ့နေပြီ ဖြစ်သော်လည်း မပြိုလဲသေးသည့် စစ်အာဏာရှင်စနစ်ကို အဆုံးသတ်စေရန် အမြန်ဆုံး ဆက်လက် လုပ်ဆောင် ကြိုးစားသွားကြမည်ဟု ကရင်နီ အမျိုးသားများ ကာ ကွယ်ရေးတပ် KNDF ဥက္ကဋ္ဌ ခွန်းဘီထူး က ပြောသည်။

၂၀၂၅ ခုနှစ်တွင် ခက်ခဲကြမ်းတမ်းမှုများ ချုပ်ငြိမ်းပြီး ငြိမ်းချမ်းရေး ရရန် ကရင်နီ ပြည်သူများမျှော်လင့် 

၂၀၂၅ ခုနှစ်တွင် ခက်ခဲကြမ်းတမ်းမှုများ ချုပ်ငြိမ်းပြီး ငြိမ်းချမ်းရေး ရရန် ကရင်နီ ပြည်သူများမျှော်လင့်  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝ…

  • January 21, 2025
AA ထိန်းချုပ်ထားသည့် မြို့နယ်များကို စစ်ကောင်စီတပ်က နေ့စဉ် ဗုံးကြဲတိုက်ခိုက်

AA ထိန်းချုပ်ထားသည့် မြို့နယ်များကို စစ်ကောင်စီတပ်က နေ့စဉ် ဗုံးကြဲတိုက်ခိုက်

AA ထိန်းချုပ်ထားသည့် မြို့နယ်များကို စစ်ကောင်စီတပ်က နေ့စဉ် ဗုံးကြဲတိုက်ခိုက် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန္နဝါရီလ ၂၁ ရက်။  ရခိုင်ပြ…

  • January 21, 2025
မွန် တော်လှန်ရေး အဖွဲ့ MSRO ကို ဖျက်သိမ်းပြီး မွန်ပြည်လွတ်မြောက်ရေး တပ်မတော် (MLA) နှင့် ပူးပေါင်းမည်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန္နဝါရီလ ၂၁ ရက်။   တော်လှန်ရေးဆိုင်ရာ ကိစ္စရပ်များ ပိုမိုခရီးရောက်စေရန်အတွက် မွန်ပြည်နယ် အခြေပြု တော်လှန်ရေး အဖွဲ့ MSRO ကို ဖျက်သိမ်းပြီး မွန်ပြည်လွတ်မြောက်ရေး တပ်မတော် (MLA) နှင့် ပူးပေါင်းကာ တပ်ဖွဲ့ တစ်ခုတည်းအဖြစ် ဖွဲ့စည်းသွားမည်ဟု အဖွဲ့ တာဝန်ရှိ သူများက ပြောသည်။   MSRO ပြန်ကြားရေး တာဝန်ရှိသူ တစ်ဦးက “၂၀၂၁ နွေဦးတော်လှန်ရေး အစကတည်းက မွန်ပြည်နယ်မှာ အခြေ ပြုပြီးတော့ လှုပ်ရှားနေရတဲ့ တော်လှန်ရေးအင်အားစုတွေက ပုံစံအမျိုးမျိုးနဲ့ ကြံ့ကြံ့ခံပြီးတော့ ဖြတ်သန်း လာ ခဲ့ကြတာ ဖြစ်တယ်။ လက်ရှိ မွန်ပြည်နယ်ရဲ့ တော်လှန်ရေး အခြေအနေအရ ရာမညစစ်ကြောင်း ပေါ်ပေါက် လာပြီးတော့ အနာဂတ်မှာ မွန်တပ်တစ်ခုတည်း ရှိရမယ်ဆိုတဲ့မူကို ကျနော်တို့ လက်ခံလို့ MLA နဲ့ ပြည့်ပြည့်ဝဝ ပူးပေါင်းဖို့ကို ဆောင်ရွက်ခဲ့တာ ဖြစ်တယ်။ လက်ရှိအချိန်ကလည်း ဘုံရန်သူကို ထိထိရောက်ရောက် ချေမှုန်းနိုင် ဖို့ အကောင်းဆုံး အချိန်ဖြစ်တယ်လို့လည်း မြင်တယ်။ အဲ့အတွက်ကြောင့်မို့ MSRO အနေနဲ့ MLA ရဲ့ COC အောက်မှာ အလုံးစုံပူးပေါင်းကြောင်းကို ဆုံးဖြတ်ချက် ချခဲ့ကြတာဖြစ်တယ်” ဟု ပြောသည်။   MSRO ၏ ဇန္နဝါရီလ ၁၉ ရက်နေ့ ထုတ်ပြန်ချက်အရ ၃ နှစ်တာကာလ တော်လှန်ရေး အတွေ့အကြုံများနှင့် လက်ရှိ တော်လှန်ရေး အခြေအနေမျာအား အဖွဲ့အချင်းချင်း အပြန်အလှန် ဆွေးနွေးပြီးနောက် ပိုမိုထိရောက် သည့် နည်းလမ်းများဖြင့် စစ်ကောာင်စီအား ဆက်လက်တော်လှန်သွားမည်ဟု ဖော်ပြထားသည်။   MSRO ပြန်ကြားရေး တာဝန်ရှိသူက “ကျနော်တို့အနေနဲ့ MLA ရဲ့ COC အောက်မှာ အလုံးစုံ ပူးပေါင်းလိုက်တဲ့ အခါ အရင်လို သီးသန့်လှုပ်ရှားတာထက် ပိုပြီးတော့ အရှိန်ပြင်းပြင်းနဲ့ ပိုခရီးရောက်မယ်လို့ ကျနော်တို့ ယုံကြည် တယ်။ အခက်အခဲကတော့ အမြဲတမ်းတွေ့နေရဦးမှာပဲ အမြဲတမ်း ကြုံနေရဦးမှာပဲ။ ကျနော်တို့ တော်လှန်ရေး ကို တော်လှန်ရေးလို လုပ်ပြီးတော့ ရှေ့ဆက်လျှောက်နေဦးမှာပါ” ဟု ဆက်ပြောသည်။   MSRO တပ်ဖွဲ့အား ၂၀၂၁ ခုနှစ် ဒီဇင်ဘာလ ၁ ရက်နေ့တွင် မွန်တိုင်းရင်းသား လူငယ်အမာခံများဖြင့် ဖွဲ့စည်း တည် ထောင်ခဲ့ပြီး ကနဦးကာလများ၌ မြို့ပြ ပြောက်ကျား လှုပ်ရှားမှုဖြင့်သာ စတင်ခဲ့ရသည်။   ထို့နောက် ဒေသခံ တော်လှန်ရေး တပ်ဖွဲ့များ၊ PDF များ၊ တိုင်းရင်းသား လက်နက်ကိုင်တပ်များ (EROs) နှင့် ပူးပေါင်းကာ တော်လှန်ရေး ၃ နှစ်တာ ကာလအတွင်း စစ်ကောင်စီအား တော်လှန်ခဲ့ကြသည်။   လက်ရှိ MLA အဖွဲ့အစည်းတွင် မွန်ပြည် အခြေစိုက် တော်လှန်ရေးအဖွဲ့ ၄ ဖွဲ့ ပူးပေါင်းလျက်ရှိပြီး ရေးမြို့နယ်ဘက် တွင် စစ်ရေးလှုပ်ရှားရန် ရည်ရွယ်သည်ဟု တာဝန်ရှိသူများက ပြောဆိုထားသည်။

မွန် တော်လှန်ရေး အဖွဲ့ MSRO ကို ဖျက်သိမ်းပြီး မွန်ပြည်လွတ်မြောက်ရေး တပ်မတော် (MLA) နှင့် ပူးပေါင်းမည်

မွန် တော်လှန်ရေး အဖွဲ့ MSRO ကို ဖျက်သိမ်းပြီး မွန်ပြည်လွတ်မြောက်ရေး တပ်မတော် (MLA) နှင့် ပူးပေါင်းမည် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါ…

  • January 21, 2025
စစ်ကောင်စီ၏ လေကြောင်း တိုက်ခိုက်မှုကြောင့် တစ်နှစ်အတွင်း အမျိုးသမီး ၂၅၇ ဦး သေဆုံး 

စစ်ကောင်စီ၏ လေကြောင်း တိုက်ခိုက်မှုကြောင့် တစ်နှစ်အတွင်း အမျိုးသမီး ၂၅၇ ဦး သေဆုံး 

စစ်ကောင်စီ၏ လေကြောင်း တိုက်ခိုက်မှုကြောင့် တစ်နှစ်အတွင်း အမျိုးသမီး ၂၅၇ ဦး သေဆုံး  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၂၀ ရက်။  မြန…

  • January 21, 2025
ပအိုဝ်းဒေသ စစ်ရှောင်များ နေရပ် မပြန်နိုင်သေး၊ အကူအညီများ လိုအပ်။

ပအိုဝ်းဒေသ စစ်ရှောင်များ နေရပ် မပြန်နိုင်သေး၊ အကူအညီများ လိုအပ်။

ပအိုဝ်းဒေသ စစ်ရှောင်များ နေရပ် မပြန်နိုင်သေး၊ အကူအညီများ လိုအပ်။ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၂၀ ရက်။  ရှမ်းပြည်နယ်တောင်ပိုင…

  • January 21, 2025
ကပစ ၂၁ အား ရှော့တိုက်ဒုံးပစ်ခတ်မှု အရာရှိ ၂ ဦး အပါအဝင် တပ်ဖွဲ့ဝင် ၉ ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန္နဝါရီလ ၂၀ ရက်။   မကွေးတိုင်း၊ ဆိပ်ဖြူမြို့နယ် အခြေစိုက် စစ်ကောင်စီ၏ ကာကွယ်ရေးပစ္စည်းစက်ရုံ (ကပစ ၂၁)အား ရှော့တိုက်ဒုံး ပစ်ခတ်ခံရပြီး အရာရှိ ၂ ဦး အပါအဝင် တပ်ဖွဲ့ဝင် ၉ ဦး သေဆုံးသည်ဟု ပစ်ခတ်ခဲ့သည့် အဖွဲ့က ပြောသည်။   Brave Warriors For Myanmar (BMW) ဦးဆောင်သည့် မဟာမိတ်တပ်ပေါင်းစုများက စစ်ဆင်ရေး (Mission 31) ဖော်ဆောင်မှုအတွင်း ၁၀၇ မမ ရှော့တိုက်ဒုံး ၈ လုံးဖြင့် အလစ်ငိုက် ဝင်ရောက်ပစ်ခတ်ခဲ့ခြင်း ဖြစ်သည်။   BWM ပြန်ကြားရေး တာဝန်ရှိသူ တစ်ဦးက “တပ်ထဲက ဖရဲသီးနဲ့ မြေပြင်သတင်းပေါင်းပြီး အတည်ပြုတာပါ။ ရှော့ဒုံးပစ်လိုက်ပြီးတော့ ကပစက်ရုံမှာ နောက်ပေါက်ကွဲတာတွေ ကြားရတာလို့ ထိခိုက်မှုက ဒီထက်ကြီးနိုင်ပါ တယ်။ ကိန်းဂဏန်း အချက်အလက်အရ တိတိကျကျက ဒီလောက်ပဲ အတည်ပြုနိုင်သေးလို့ပါ။ ထပ်ဆင့် ပေါက်ကွဲမှုတွေ တော်တော်များခဲ့တယ်လို့ သတင်းရပါတယ်” ဟု ပြောသည်။   အဆိုပါ စစ်ဆင်ရေးကို ဇန္နဝါရီလ ၁၈ ရက်နေ့၊ ညနေ ၄ နာရီခွဲအချိန်ခန့်တွင် ဖော်ဆောင်ခဲ့ခြင်းဖြစ်ပြီး ရှော့တိုက် ဒုံး ပစ်ခတ်မှုကြောင့် စက်ရုံအမှတ် ၁၀၆၊ ၁၀၉ နှင့် ၂၀၁ တို့အား ထိမှန်ပျက်စီးခဲ့သည်။   ထို့အပြင် ပစ်ခတ်မှုဖြစ်စဉ်အတွင်း အချိန်ကြာမြင့်စွာ မီးလောင်ကျွမ်းမှုကြောင့် ဗုံးသီးများ ယာယီသိုလှောင်ထား သည့် နည်းပညာဆိုင်ရာ သိုလှောင်ခန်း (Technical Store) မှာလည်း ထပ်မံပျက်စီးခဲ့ပြီး စစ်ကောင်စီတပ်ဖွဲ့ဝင် ၈ ဦးမှာလည်း ထိခိုက်ဒဏ်ရာရခဲ့သည်ဟု မြေပြင်အရင်းအမြစ်များက ဆိုကြသည်။   BWM ပြန်ကြားရေး တာဝန်ရှိသူက “စကစဖက်ကတော့ ထုံးစံအတိုင်း လက်နက်ကြီးနဲ့ ရမ်းသမ်း ပြန်ပစ်တယ်။ အနီးအနား လက်လှမ်းမီတဲ့ ရွာတွေ မှာ ရမ်းကားတယ်။ လူဝင်ဆွဲတာတွေ၊ ရိက္ခာစုတာတွေ လုပ်နေတယ် ကြား တယ်။ ပြီးတော့ သူတို့လုပ်နေကြ ပေါ်တာဆွဲတာတွေ လာမှာပေါ့။ နောက်ပိုင်းအခြေအနေတော့ မသိတော့ပါ ဘူး။ စုံစမ်းထားတုန်းပါ” ဟု ဆက်ပြောသည်။   ကပစ ၂၁ မှာ နိုင်ငံတစ်ဝှမ်းရှိ စစ်ရးပစ်မှတ်နေရာများအား လေကြောင်းတိုက်ခိုက်ရာတွင် အသုံးပြုသည့် ပေါင် ၂၅၀၊ ပေါင် ၅၀၀ ဗုံးသီးများ၊ Cluster ဗုံး ခေါ် အတွဲလိုက် ဗုံးသီးများ အပါအဝင် ဗုံးသီးသီးအမျိုးမျိုး တီထွင်ထုတ်လုပ်နေသဖြင့် လေတပ်ဆက်စပ် ပစ်မှတ်အဖြစ် တိုက်ခိုက်ခဲ့ခြင်း ဖြစ်သည်ဟု BWM ထုတ်ပြန်ချက်တွင် ဖော်ပြထားသည်။   အလားတူ ၂၀၂၅ ခုနှစ် ဇန္နဝါရီလ ၄ ရက်နေ့ လွတ်လပ်ရေးနေ့ကလည်း မကွေးတိုင်း၊ တောင်ငူမြို့ လေတပ်စခန်း ဌာနချုပ်အား BWM အဖွဲ့က ရှော့တိုက်ဒုံး ၁၀ လုံးဖြင့် ပစ်ခတ်ခဲ့ရာ K8 တိုက်လေယာဉ် ၂ စီး၏ အရှေ့ပိုင်း ကိုယ်ထည်များ ပျက်စီးခဲ့သေးသည်။

ကပစ ၂၁ အား ရှော့တိုက်ဒုံးပစ်ခတ်မှု အရာရှိ ၂ ဦး အပါအဝင် တပ်ဖွဲ့ဝင် ၉ ဦး သေဆုံး 

ကပစ ၂၁ အား ရှော့တိုက်ဒုံးပစ်ခတ်မှု အရာရှိ ၂ ဦး အပါအဝင် တပ်ဖွဲ့ဝင် ၉ ဦး သေဆုံး  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၂၀ ရက်။  မကွေးတိ…

  • January 20, 2025
×Close