သတင်း

မကွေးတိုင်းအတွင်း ကျေးရွာတရွာကို စစ်တပ်က ပါရာမော်တာဖြင့် ဗုံးကြဲ၊ အရပ်သား ၁ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၃ ရက်။ မကွေးတိုင်း၊ ပုသိမ်-မုံရွာ လမ်းမကြီးဘေး အရပ်သား ပြည်သူ များ နေထိုင်ရာ ကားဂိတ်ဝန်းကျင်ကို စစ်တပ်က ပါရာမော်တာ ၃ စီးဖြင့် ဗုံးကြဲ တိုက်ခိုက်ခဲ့ရာ အရပ်သား ၁ ဦး သေဆုံးပြီး ၃ ဦး ဒဏ်ရာရရှိခဲ့ကြောင်း မြို့ခံများက ပြောသည်။ သရက်ခရိုင်၊ မင်းတုန်းမြို့နယ်၊ မဲဇလီကျေးရွာရှိ ကားဂိတ်ကို အောက်တိုဘာလ ၁၂ ရက် နေ့လယ် ၁၁ နာရီမှ ၁၂ နာရီအတွင်း ဗုံးကြဲ တိုက်ခိုက်ခံရမှုကြောင့် အသက် ၄၀ အရွယ် ကိုစည်သူ (ခ) ဖိုးထူး သေဆုံးခဲ့ပြီး အရပ်သား ၃ ဦးခန့် မစိုးရိမ်ရသည့် ဒဏ်ရာများ ရရှိခဲ့သည်။ စစ်အုပ်စုတပ်သည် မဲဇလီတံတား တောင်ဘက်ခြမ်း ပုသိမ်-မုံရွာ ကားလမ်းမ အရှေ့ဘက်ခြမ်း တစ်လျှောက်သို့ ဗုံး ၉ လုံး ကြဲချခဲ့ခြင်းဖြစ်ပြီး ယခင် မဲဇလီ ရဲစခန်း ပတ်ဝန်းကျင်ရှိ နေအိမ်များနှင့် ရွာအဝင်ဝတို့လည်း ထိခိုက် ပျက်စီးခဲ့ရသည်။ မင်းတုန်းမြို့နယ်အတွင်း စစ်အုပ်စုတပ်၏ ပါရာမော်တာဖြင့် ဗုံးကြဲတိုက်ခိုက်မှုမှာ တစ်ပတ်အတွင်း နှစ်ကြိမ် မြောက် ဖြစ်ပွားခဲ့ခြင်း ဖြစ်သည်။ ပြီးခဲ့သည့် အောက်တိုဘာလ ၈ ရက်နေ့ကလည်း ကံမ-မင်းတုန်း နယ်စပ်ရှိ စစ်သုံ့ပန်းများကို ထိန်းသိမ်းထားရာ မင်းတုန်းနယ် ချင်းနစ်ကျေးရွာကို စစ်အုပ်စုတပ်က ပါရာမော်တာဖြင့် ဗုံးကြဲခဲ့သဖြင့် ၁၂ နှစ်အရွယ် ကလေး တစ်ဦးနှင့် အဖိုးအိုတစ်ဦး သေဆုံးခဲ့ဖူးသည်။ အသက် ၇၀ အရွယ် ဒေသခံ အမျိုးသားတစ်ဦးက “အခု ဗုံးကြဲခံရတော့ လက်စားချေ တိုက်ခိုက်မှုလို့ စစ်အုပ်စု ထောက်ခံသူတွေက ကြွေးကြော်ကြတယ်။ ကျနော်တို့က ပြေးစရာမရှိ၊ လာရင်လည်း ဘယ်သူဘဲဖြစ်ဖြစ် ပေးရ ကျွေးရတာပါပဲ” ဟု ပြောသည်။ မဲဇလီကျေးရွာကို ဗုံးကြဲပြီးနောက် စစ်တပ်၏ အဆိုပါ ပါရာမော်တာများသည် ကပစ (၁၂) သို့ အပြန်တွင် အနိမ့်မှ ပျံသန်းခဲ့သဖြင့် လယ်ရဲနှင့် မှိုက်ကျေးရွာနေ ပြည်သူများ အထိတ်တလန့် ထွက်ပြေးခဲ့ကြရသည်။ ထို့ပြင် အောက်တိုဘာလ ၄ ရက်နေ့ကလည်း ကံမမြို့နယ်အခြမ်းရှိ ကျောက်ပဒေါင်းကျေးရွာကို စစ်အုပ်စုတပ်က ကာမီကာဇေ ဒရုန်းဖြင့် တိုက်ခိုက်ခဲ့သဖြင့် ခိုင်းနွားတစ်ကောင် သေဆုံးကာ မီးဖိုဆောင်တစ်ခု ထိခိုက် ပျက်စီးခဲ့ ဖူးသည်။ ဓာတ်ပုံ - မကွေးတိုင်းအတွင်း စစ်အုပ်စုတပ်၏ လေကြောင်းတိုက်ခိုက်မှုကြောင့် ပျက်စီးသွားသော အရပ်သား နေအိမ်အချို့။ / Crd

မကွေးတိုင်းအတွင်း ကျေးရွာတရွာကို စစ်တပ်က ပါရာမော်တာဖြင့် ဗုံးကြဲ၊ အရပ်သား ၁ ဦး သေဆုံး

မကွေးတိုင်းအတွင်း ကျေးရွာတရွာကို စစ်တပ်က ပါရာမော်တာဖြင့် ဗုံးကြဲ၊ အရပ်သား ၁ ဦး သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၃ ရက်။ …

  • October 13, 2026
တနင်္သာရီတိုင်း ပုလောတွင် စစ်တပ်၏ ကာကင်းစခန်းကို တော်လှန်ရေးတပ်များ သိမ်းပိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၃ ရက်။ တနင်္သာရီတိုင်း၊ ပုလောမြို့နယ်၊ မြိတ်-ထားဝယ် လမ်းမကြီးပေါ်ရှိ စစ်တပ်၏ ကာကင်းစခန်းတစ်ခုကို ကရင်အမျိုးသား လွတ်မြောက်ရေး တပ်မတော် KNLA နှင့် ပြည်သူ့ကာကွယ်ရေး ပူးပေါင်းတပ်များက တိုက်ခိုက် သိမ်းပိုက်ခဲ့သည်။ ပုလောမြို့နယ်၊ မကျည်းကုန်းကျေးရွာအနီးတွင် တပ်စွဲထားသည့် စစ်အုပ်စု ခလရ (၂၈၅) တပ်ရင်း၏ ကာကင်းစခန်းကို အောက်တိုဘာလ ၁၂ ရက် နံနက် ၆ နာရီခွဲအချိန်တွင် KNLA တပ်မဟာ (၄) အထူးတပ်ဖွဲ့၊ ပြည်သူ့ကာကွယ်ရေးတပ်မတော် (PDF) မြိတ်ခရိုင် အမှတ် (၁) တပ်ရင်းတို့ ပူးပေါင်း၍ စတင် တိုက်ခိုက်ခဲ့ခြင်းဖြစ်သည်။ တိုက်ပွဲအတွင်း ပါဝင်ခဲ့သူ ပူးပေါင်းတပ်ဖွဲ့ တာဝန်ရှိသူတစ်ဦးက “တိုက်ပွဲက တော်တော်လေးကြမ်းတယ်၊ စစ်တပ်ဘက်က အင်အားက ၂၅ ယောက်လောက်ရှိတယ်၊ ၆၀ မမ ဗုံးသီးတွေရော ပွိုင့်ဖိုက်နဲ့ပါ ပြန်ပြီး ပစ် ခတ်ခဲ့သေးတာ” ဟု မြေပြင် တိုက်ပွဲအခြေအနေကို ပြောပြသည်။ နှစ်ဖက်တိုက်ပွဲမှာ ၁ နာရီခန့် အပြင်းအထန် ကြာမြင့်ခဲ့ပြီး နံနက် ၇ နာရီခွဲအချိန်တွင် အဆိုပါ ကာကင်းစခန်း တစ်ခုလုံးကို ပူးပေါင်းတပ်များက အပြီးသတ် သိမ်းပိုက်နိုင်ခဲ့သည်။ အဆိုပါ တိုက်ခိုက်မှုကြောင့် စစ်အုပ်စုတပ်ဘက်မှ တပ်ကြပ်ကြီး ၁ ဦးအပါအဝင် မျက်မြင် ၅ ဦး သေဆုံးခဲ့ပြီး ဒဏ်ရာရရှိသူများလည်း ရှိသည်။ ထို့ပြင် တိုက်ပွဲအတွင်းမှ MA-1 ၁ လက်၊ MA-3 ၁ လက်၊ OG ၁ လက်၊ AK ၁ လက် စုစုပေါင်း သေနတ် ၄ လက်၊ ၆၀ မမ စိန်ပြောင်း ၁ ခု၊ ၆၀ မမ ဗုံးသီး ၁၄ လုံး၊ အီနာဂါ ၆ လုံး၊ ကျည်ဘောက် ၆ ခုနှင့် ခဲယမ်းအချို့ကို သိမ်းဆည်းရမိခဲ့ကြောင်း သတင်း ထုတ်ပြန်ထားသည်။ မကျည်းကုန်းကျေးရွာသည် မြိတ်-ထားဝယ် သွား အမှတ် (၈) ပြည်ထောင်စု လမ်းမကြီးပေါ်တွင် တည်ရှိပြီး လက်ရှိတွင် ပုလောမြို့နယ် အနီးဝန်းကျင် နေရာအများအပြားကို ပြည်သူ့ကာကွယ်ရေး ပူးပေါင်းတပ်များက စိုးမိုးထိန်းချုပ်ထားသဖြင့် နှစ်ဖက် ထိတွေ့တိုက်ပွဲများ ဆက်လက် ပြင်းထန်လျက်ရှိသည်။ ဓာတ်ပုံ - (ပုလောမြို့နယ်အတွင်း ကာကင်းစခန်း တိုက်ခိုက်သိမ်းပိုက်အပြီး စစ်အုပ်စုတပ်ထံမှ သိမ်းဆည်းရမိ ခဲ့သော လက်နက်ခဲယမ်းများ။ / Crd) #KNLA #တနင်္သာရီတိုင်း

တနင်္သာရီတိုင်း ပုလောတွင် စစ်တပ်၏ ကာကင်းစခန်းကို တော်လှန်ရေးတပ်များ သိမ်းပိုက်

တနင်္သာရီတိုင်း ပုလောတွင် စစ်တပ်၏ ကာကင်းစခန်းကို တော်လှန်ရေးတပ်များ သိမ်းပိုက် သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၃ ရက်။ တနင်္သ…

  • October 13, 2026
ရခိုင်ရှိ ပေါက်တောနှင့် မြေပုံကို စစ်အုပ်စုတပ် လေကြောင်းမှ ဗုံးကြဲ၍ ကလေးအပါအဝင် ၉ ဦး သေဆုံး သတင်းနှင့် မီဒီယာကွန်ရက်။ ၂၀၂၆ ခုနှစ်၊ အောက်တိုဘာလ ၁၂ ရက်။ ရခိုင်ပြည်၊ ပေါက်တော (ဝီရဌာနီ) မြို့နယ်နှင့် မြေပုံမြို့နယ်အတွင်းရှိ အရပ်သားများ နေထိုင်ရာ ကျေးရွာများနှင့် မြို့ပေါ် ရပ်ကွက်များကို စစ်အုပ်စုတပ်က လေကြောင်းမှ ဆက်တိုက် ဗုံးကြဲတိုက်ခိုက်ခဲ့သဖြင့် ၆ နှစ်အရွယ် ကလေးနှင့် မိခင် အပါအဝင် အရပ်သား ၉ ဦး သေဆုံးပြီး ၂၂ ဦး ဒဏ်ရာရရှိခဲ့ကြောင်း ဒေသခံများက ပြောသည်။ စစ်အုပ်စုတပ်သည် အောက်တိုဘာလ ၁၀ ရက် ညနေ ၆ နာရီ ၂၀ မိနစ်ခန့်တွင် ပေါက်တောမြို့နယ်၊ ဆင်အိုင် ကျေးရွာအတွင်းသို့ ဂျက်တိုက်လေယာဉ်တစ်စီးဖြင့် ဗုံး ၇ လုံး ကြဲချခဲ့သည်။ အဆိုပါ တိုက်ခိုက်မှုကြောင့် ကျောက်ဖြူ မွတ်ဆလင် IDP စခန်းမှ စစ်ဘေးရှောင်လာသည့် အသက် ၂၈ နှစ်အရွယ် မနီနီနှင့် ၎င်း၏ ၆ နှစ်အရွယ် သားဖြစ်သူ၊ အနောက်ရဲ IDP စခန်းမှ မာမောက်ချော်ရိန် (၂၀ နှစ်) နှင့် အမျိုးသမီးများ အပါအဝင် စုစုပေါင်း အရပ်သား ၈ ဦး သေဆုံးခဲ့ရကာ ၁၇ ဦး ဒဏ်ရာရရှိခဲ့သည်။ ဆင်အိုင်ကျေးရွာ ဖြစ်စဉ်နှင့် ပတ်သက်၍ ပေါက်တောဒေသခံ အမျိုးသားတစ်ဦးက “တိုက်ပွဲဖြစ်နေတာလည်း မဟုတ်ဘူး။ စစ်ဘေးရှောင်တွေရော ရွာသူရွာသားတွေပါ အေးအေးဆေးဆေး ရှိနေကြတုန်း ဂျက်ဖိုက်တာနဲ့ ဗုံးတွေ ဆက်တိုက် ကြဲချသွားတာ။ အသက် ၁၀၀ အရွယ် အဘွားအိုနဲ့ ၆ နှစ်ပဲ ရှိသေးတဲ့ ကလေးလေးပါ မိခင်နဲ့ အတူ ပွဲချင်းပြီး သေသွားရတာ ဖြစ်စဉ်က တကယ်ကို ရင်နာဖို့ကောင်းပါတယ်” ဟု ပြောသည်။ ထို့ပြင် အောက်တိုဘာလ ၁၁ ရက် နေ့လယ် ၂ နာရီ ၁၈ မိနစ်ခန့်တွင် ပေါက်တောမြို့ပေါ်ရှိ အမှတ် (၃) ရပ်ကွက် သို့ စစ်အုပ်စုတပ်၏ Y-12 လေယာဉ်က ဗုံး ၂ လုံး ထပ်မံကြဲချခဲ့သဖြင့် အသက် ၁၁ နှစ် အရွယ် ယောကျ်ားလေး တစ်ဦး အပါအဝင် ၃ ဦး ဗုံးစထိမှန် ဒဏ်ရာများ ရရှိခဲ့သည်။ တစ်ဖက်တွင်လည်း အောက်တိုဘာလ ၁၀ ရက်နေ့၊ ည ၁၁ နာရီခွဲကျော်တွင် မြေပုံမြို့၊ ရွာသစ်ကေရပ်ကွက်သို့ စစ်အုပ်စုတပ်၏ ဂျက်တိုက်လေယာဉ်က ဗုံးကြဲတိုက်ခိုက်ခဲ့ရာ ပြင်းထန်သည့် ပေါက်ကွဲသံနှင့် တုန်ခါမှုကြောင့် အသက် ၅၀ အရွယ် အမျိုးသမီးတစ်ဦး သေဆုံးခဲ့ပြီး၊ နှစ်ဦး ဒဏ်ရာရရှိခဲ့သည်။ ဦးအောင်ဆန်းဝင်းမှာ ဦးခေါင်းနှင့် နောက်ကျောတို့တွင် ပြင်းထန်ဒဏ်ရာ ရရှိခဲ့၍ အသက်အန္တရာယ် စိုးရိမ်နေရသည်။ မြေပုံမြို့ခံ အမျိုးသမီးတစ်ဦးကလည်း “သန်းခေါင်ချိန်ပေါ့ ပြည်သူတွေ အိပ်မောကျနေချိန်မှာ လာကြဲတာပါ။ ဗုံးသံ ကြောက်စရာကြီးနဲ့အတူ အိမ်တွေပါ တုန်ခါသွားတော့ အဘွားတစ်ယောက် နှလုံးရပ်ပြီး ဆုံးသွားတယ်။ ဒဏ်ရာရတဲ့သူတွေလည်း ဆေးကုဖို့ အတော်လေး ခက်ခဲနေကြတယ်” ဟု ပြောသည်။ ဤဗုံးကြဲတိုက်ခိုက်မှုများသည် စစ်တွေနှင့် အနီးရှိ ငပြီကျွန်းတို့တွင် တိုက်ပွဲများ ပြင်းထန်နေချိန်တွင် ဖြစ်ပွားခဲ့ခြင်း ဖြစ်သည်။ အခြားတစ်ဖက် တွင်လည်း တိုက်ပွဲဖြစ်ပွားခြင်း မရှိဘဲ စစ်ဘေးရှောင်များနှင့် အရပ်သားပြည်သူများ ခိုလှုံနေသည့် ကျေးရွာများ ကိုပါ ပစ်မှတ်ထား၍ လေကြောင်းမှ ဆက်တိုက် ဗုံးကြဲတိုက်ခိုက်နေသဖြင့် ဒေသခံပြည်သူများ အသက် အန္တရာယ် အတွက် အထူးစိုးရိမ်နေကြရသည်။ ဓါတ်ပုံ - (အောက်တိုဘာလ ၁၀ ရက် ညနေပိုင်းက ပေါက်တောမြို့နယ်၊ ဆင်အိုင်ကျေးရွာကို စစ်အုပ်စုတပ်က ဂျက်တိုက်လေယာဉ်ဖြင့် ဗုံးကြဲချခဲ့မှုကြောင့် ပျက်စီးသွားသည့် မြင်ကွင်း။ / Arakan Princess Media) #Airstrike

ရခိုင်ရှိ ပေါက်တောနှင့် မြေပုံကို စစ်အုပ်စုတပ် လေကြောင်းမှ ဗုံးကြဲ၍ ကလေးအပါအဝင် ၉ ဦး သေဆုံး

ရခိုင်ရှိ ပေါက်တောနှင့် မြေပုံကို စစ်အုပ်စုတပ် လေကြောင်းမှ ဗုံးကြဲ၍ ကလေးအပါအဝင် ၉ ဦး သေဆုံး သတင်းနှင့် မီဒီယာကွန်ရက်။၂၀၂၆ ခုနှစ်၊ အောက်တိုဘာလ ၁၂ ရက…

  • October 12, 2026
တိုက်ပွဲမရှိဘဲ ဝက်လက်ကို စစ်အုပ်စုတပ် ဗုံးကြဲ၍ အရပ်သား ၄ ဦး သေဆုံး သတင်းနှင့် မီဒီယာကွန်ရက်။ ၂၀၂၆ ခုနှစ်၊ အောက်တိုဘာလ ၁၂ ရက်။ စစ်ကိုင်းတိုင်း၊ ဝက်လက်မြို့နယ်တွင် တိုက်ပွဲဖြစ်ပွားခြင်း မရှိဘဲ စစ်အုပ်စုတပ်က လေကြောင်းမှ ဗုံးကြဲ တိုက် ခိုက်ခဲ့သဖြင့် အရပ်သား ၄ ဦး သေဆုံးပြီး ၁၃ ဦး ထိခိုက်ဒဏ်ရာ ရရှိခဲ့ကြောင်း ဝက်လက်မြို့နယ် သတင်းအချက် အလက်ကွန်ရက် (Wetlet Information Network) နှင့် ပြည်သူ့ကာကွယ်ရေးအဖွဲ့ (ပကဖ) တာဝန်ရှိသူတို့က ပြောသည်။ ဝက်လက်မြို့နယ် အနောက်ခြမ်း၊ ရွာသာကြီးနှင့် လှတောကျေးရွာအနီးတစ်ဝိုက်ရှိ မဲကုန်း၊ ဥယျာဉ်မ၊ ရေထွက်နှင့် ကျီးကန်မြောက်ရွာ စသည့် ကျေးရွာ ၄ ရွာကို အောက်တိုဘာလ ၁၂ ရက် နံနက် ၃ နာရီမှ ၄ နာရီခွဲအထိ တစ်နာရီ ခွဲကြာ လေကြောင်းမှ အလစ်အငိုက် ဗုံးကြဲတိုက်ခိုက်ခဲ့ခြင်းဖြစ်သည်။ ဝက်လက်ဒေသအတွင်း စစ်ဘေးတိန်းရှောင်နေရသူ အမျိုးသားတစ်ဦးက “အဲ့လို ဗုံးခိုကျင်းတွေက သိပ်မလုပ် ကြဘူး။ ပကဖတွေဖက်က နည်းနည်းပါးပါး လုပ်တာတော့ ရှိတယ်။ အသံကြားရင် ပြေးပုန်းကြတယ်။ လွတ် ရာရှာပြီးတော့ပေါ့။ အခုတလော ဝက်လက်ဘက်က ဝေဟင် စိပ်တယ်” ဟု ပြောသည်။ စစ်အုပ်စုတပ်က တံတားဦးလေတပ်မှ တက်လာသည့် Y-12 ဗုံးကြဲလေယာဉ်ဖြင့် ဗုံးသီး ၃၅ လုံးအထိ ၁၃ ကြိမ် တိုင်တိုင် ကြဲချတိုက်ခိုက်ခဲ့သဖြင့် အမျိုးသား ၃ ဦး ပွဲချင်းပြီး သေဆုံးခဲ့ပြီး ကျန်တစ်ဦးမှာ ဆေးကုသမှု ခံယူနေ စဉ် အတွင်း ထပ်မံ သေဆုံးခဲ့ရသည်။ သေဆုံးသူ ၄ ဦးလုံးမှာ မဲကုန်းကျေးရွာမှ ဖြစ်သည်။ ထို့ပြင် ရေထွက်ရွာမှ ၄ ဦး၊ ဥယျာဉ်မရွာမှ ၁ ဦးနှင့် ကျီးကန်မြောက်ရွာမှ ၁ ဦးတို့ ဒဏ်ရာရရှိခဲ့သည့်အပြင် ကျန်ရှိသည့် ဒဏ်ရာရရှိသူ ၇ ဦးနှင့် နေအိမ် ပျက်စီးမှု အခြေအနေများကိုမူ လိုက်လံ စုံစမ်းနေဆဲ ဖြစ်သည်။ ဝက်လက်မြို့နယ် သတင်းအချက်အလက်ကွန်ရက်မှ ပြောရေးဆိုခွင့်ရှိသူတစ်ဦးက “ဒီနေ့မနက် Y12 နဲ့ လာကြဲ သွားတာပဲ ရှိတာ။ လောလောဆယ်မှာတော့ လက်နက်ကြီး ပစ်တာ မရှိဘူး။ အရင်နှစ်တွေကတော့ လှတောမှာ အထိုင်ချပြီးတော့မှ လူတွေရှိတဲ့ဖက်ကို လက်နက်ကြီး၊ လက်နက်ငယ် ပစ်တာမျိုးတွေတော့ ရှိတယ်။ လေ ကြောင်း ကာကွယ်ဖို့ကတော့ ပကဖတွေမေးမှ အဆင်ပြေမယ်ဗျာ့။ တချို့ရွာတွေတော့ ရပ်မိရပ်ဖတွေက ဗုံးခို ကျင်း လုပ်ကြဖို့ တိုက်တွန်းတာမျိုးတော့ ရှိပါတယ်” ဟု ပြောသည်။ ဝက်လက်မြို့နယ် အရှေ့ဘက်ခြမ်းတွင် ဧရာဝတီမြစ်အတွင်း ဖြတ်သန်းသွားလာသည့် စစ်အုပ်စု၏ စစ်သင်္ဘော များက မကြာခဏ ပစ်ခတ်လေ့ရှိပြီး မြို့ပေါ်တွင်လည်း စစ်အုပ်စုတပ်များ တပ်စွဲထားသည်။ တစ်ဖက်တွင်လည်း တော်လှန်ရေးအင်အားစုများ အားကောင်းသည့် ဝက်လက်မြို့နယ် အနောက်ဘက်ခြမ်းကို စစ်အုပ်စုတပ်က ဂျက်ဖိုက်တာ၊ Y-12 နှင့် ဆူဆိုက်ဒရုန်းများကို အသုံးပြု၍ လေကြောင်းမှ မကြာခဏ ပစ်မှတ် ထား ဗုံးကြဲနေသဖြင့် ဒေသခံများမှာ လေကြောင်းအန္တရာယ်ကို စိုးရိမ်နေကြရသည်။ ဓါတ်ပုံ - (Wetlet Information Network / Crd) #Airstrike #ဝက်လက်မြို့နယ်

တိုက်ပွဲမရှိဘဲ ဝက်လက်ကို စစ်အုပ်စုတပ် ဗုံးကြဲ၍ အရပ်သား ၄ ဦး သေဆုံး

တိုက်ပွဲမရှိဘဲ ဝက်လက်ကို စစ်အုပ်စုတပ် ဗုံးကြဲ၍ အရပ်သား ၄ ဦး သေဆုံး သတင်းနှင့် မီဒီယာကွန်ရက်။၂၀၂၆ ခုနှစ်၊ အောက်တိုဘာလ ၁၂ ရက်။ စစ်ကိုင်းတိုင်း၊ ဝက…

  • October 12, 2026
စစ်တပ်က ကပစ - ၁၆ အနီး အင်အားဖြည့်တင်းပြီး ခံစစ်ပြင်ဆင်နေ

စစ်တပ်က ကပစ – ၁၆ အနီး အင်အားဖြည့်တင်းပြီး ခံစစ်ပြင်ဆင်နေ

စစ်တပ်က ကပစ - ၁၆ အနီး အင်အားဖြည့်တင်းပြီး ခံစစ်ပြင်ဆင်နေ သတင်းနှင့် မီဒီယာကွန်ရက်။၂၀၂၆ ခုနှစ်၊ အောက်တိုဘာလ ၁၂ ရက်။ ပဲခူးတိုင်းအနောက်ခြမ်း၊ ပန်းတ…

  • October 12, 2026
မလေးရှားပြန်များ အနက် အချို့မှာ နေရပ်မပြန်နိုင်သေးဘဲ စစ်မှုထမ်း စုဆောင်းခံရမည်ကို စိုးရိမ်နေရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၀ ရက်။ မလေးရှားနိုင်ငံ ထိန်းသိမ်းရေးစခန်းများမှ စစ်အုပ်စု၏ စစ်သင်္ဘော ၃ စီးဖြင့် ပြန်လည်ပို့ဆောင်ခံရသည့် မြန်မာ နိုင်ငံသား ၁,၄၇၆ ဦး ရန်ကုန်မြို့သို့ ရောက်ရှိလာသော်လည်း လူအများအပြားမှာ နေရပ်သို့ မပြန်နိုင်သေးဘဲ စစ်မှုထမ်း အတင်းအဓမ္မ စုဆောင်းခံရမည်ကို မိသားစုဝင်များက စိုးရိမ်နေကြရကြောင်း ပြန်လည်ရောက်ရှိလာသူများနှင့် နီးစပ်သူ များက ပြောသည်။ အဆိုပါ ပထမအသုတ် ပြန်လည်ရောက်ရှိလာသူများသည် အောက်တိုဘာလ ၄ ရက်နေ့က ရန်ကုန်၊ သီလဝါ ဆိပ်ကမ်းသို့ ရောက်ရှိခဲ့ခြင်းဖြစ်သည်။ သို့သော် ရန်ကုန်သို့ ရောက်ရှိလာသူများကို ဒစ်ဂျစ်တယ် ကိုယ်ရေးအချက်အလက် UID နံပါတ် (စမတ်ကတ်) ထုတ်ပေးမည်ဟုဆိုကာ သန်လျင်၊ လှိုင်သာယာနှင့် ဒေါပုံမြို့နယ်များရှိ စခန်းများသို့ ခွဲခြားခေါ်ဆောင်ထားပြီး ဖုန်းယူဆောင်ခွင့်နှင့် မိသားစုဝင်များနှင့် လွတ်လပ်စွာ တွေ့ဆုံခွင့်များကို ပိတ်ပင်ထားသည်။ အဆိုပါ ပြန်လည်ရောက်ရှိလာသူများအနက် အချို့ကို အာရက္ခ တပ်တော် (AA) နှင့် တော်လှန်ရေးအဖွဲ့များနှင့် ဆက်စပ်မှု ရှိ၊ မရှိ သံသယဖြင့် စစ်ဆေးနေသဖြင့် မိသားစုဝင်များက အထူးစိုးရိမ်လျက်ရှိကြသည်။ ပြန်လည်ရောက်ရှိလာသူ၏ မိသားစုဝင်တစ်ဦးက “ရန်ကုန်ရောက်တာ ကြာပြီဖြစ်ပေမဲ့ အိမ်ကို ပြန် မရောက် သေးဘူး။ စခန်းတွေမှာ ထိန်းထားပြီး UID ကတ်လုပ်ဖို့ဆိုပြီး ကိုယ်ရေးအချက်အလက်တွေ အကုန်ယူ ထား တယ်။ ဖုန်းလည်း ပေးမကိုင်ဘူး။ မြေပြင်မှာ စစ်ပွဲတွေ ပြင်းထန်နေတော့ သူတို့ကို စစ်တပ်က ပေါ်တာဆွဲ တာမျိုး ဒါမှမဟုတ် စစ်မှုထမ်းဖို့ အဓမ္မ စုဆောင်းမှာကို အရမ်းစိုးရိမ်နေရတယ်” ဟု ပြောသည်။ တစ်ဖက်တွင်လည်း မွန်ပြည်သို့ ပြန်လည်ရောက်ရှိလာသည့် မွန်ဒေသခံ ၁၉၈ ဦးမှာ မိသားစုများနှင့် ပြန်လည် ဆုံတွေ့ခွင့် ရရှိထားသော်လည်း ကိုယ်ရေးအချက်အလက်များ စစ်အုပ်စုထံ ရောက်ရှိသွားသဖြင့် အချိန်မရွေး စစ်မှုထမ်း ခေါ်ဆောင်ခံရမည်ကို စိုးရိမ်နေကြသည်။ ပြန်လည်ပို့ဆောင်ခံရသူနှင့် နီးစပ်သည့် မွန်ဒေသခံတစ်ဦးက “အိမ်ပြန်ရောက်ကြတယ်ဆိုပေမဲ့ စမတ်ကတ် လုပ်ပေးလိုက်တာ ဆိုတော့ ကိုယ်ရေးအချက်အလက်တွေ အကုန်ပေး အာဏာပိုင်းတွေကို ပေးလိုက်ရပြီလေ။ အဲ့တော့ တစ်ယောက်ချင်းရဲ့ အချက်အလက်တွေက သူတို့လက်ထဲ စာရင်းအပြည့်အစုံ ရောက်သွားပြီလေ။ အချိန်မရွေး စစ်မှုထမ်းဖို့ လာခေါ်သွားနိုင်တယ်ဆိုတဲ့ စိုးရိမ်စိတ်နဲ့ပဲ လန့်နေကြတာ” ဟု ပြောသည်။ ယခု ဖြစ်စဉ်နှင့် ပတ်သက်၍ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) နှင့် အာဆီယံ လူ့အခွင့်အရေး ပါလီမန်အမတ်များအဖွဲ့ (APHR) တို့က မြန်မာနိုင်ငံအတွင်း ဘေးကင်းလုံခြုံမှု မရှိသေးဘဲ စစ်ပွဲ များနှင့် စစ်ရာဇဝတ်မှုများ ဖြစ်ပွားနေသဖြင့် မလေးရှားအစိုးရအနေဖြင့် မြန်မာနိုင်ငံသားများ ပြန်လည်ပို့ဆောင် သည့် အစီအစဉ်ကို ချက်ချင်း ဆိုင်းငံ့ပေးရန် တိုက်တွန်းထားသည်။ သို့သော်လည်း မလေးရှား ဝန်ကြီးချုပ် အန်နဝါ ဘင် အီဘရာဟင်က ထိန်းသိမ်းရေးစခန်းများတွင် ကျန်ရှိနေသေး သည့် မြန်မာနိုင်ငံသား ၃,၅၀၀ ခန့်ကို သတ်မှတ်ထားသည့် စည်းမျဉ်းများအတိုင်း ဆက်လက် ပြန်ပို့သွားမည်ဟု အောက်တိုဘာလ ၈ ရက်နေ့ သတင်းစာရှင်းလင်းပွဲတွင် ပြောဆိုထားသည်။ ဓာတ်ပုံ - (မလေးရှားနိုင်ငံ ထိန်းသိမ်းရေးစခန်းများမှ စစ်အုပ်စု၏ စစ်သင်္ဘောများဖြင့် ရန်ကုန် သီလဝါဆိပ် ကမ်းသို့ ပြန်လည်ရောက်ရှိလာသည့် မြန်မာနိုင်ငံသားများ။ / Crd)

မလေးရှားပြန်များ အနက် အချို့မှာ နေရပ်မပြန်နိုင်သေးဘဲ စစ်မှုထမ်း စုဆောင်းခံရမည်ကို စိုးရိမ်နေရ

မလေးရှားပြန်များ အနက် အချို့မှာ နေရပ်မပြန်နိုင်သေးဘဲ စစ်မှုထမ်း စုဆောင်းခံရမည်ကို စိုးရိမ်နေရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၀…

  • October 10, 2026
ထားဝယ်ခရိုင်တွင် စစ်အုပ်စုတပ်က ဈေးဝယ်လာသည့် လူငယ်တစ်ဦးကို ဖမ်းဆီးသတ်ဖြတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၉ ရက်။ တနင်္သာရီတိုင်းဒေသကြီး၊ ထားဝယ်ခရိုင်၊ သရက်ချောင်းမြို့နယ်၊ စုံစင်ဖျားကျေးရွာအနီးတွင် စစ်ကြောင်းထိုး နေသည့် စစ်အုပ်စုတပ်က အပြစ်မဲ့ အရပ်သား လူငယ်တစ်ဦးကို ဖမ်းဆီးပြီး ညှင်းပန်းနှိပ်စက် သတ်ဖြတ်ခဲ့သည်ဟု ကရင်အမျိုးသားအစည်းအရုံး KNU က ပြောသည်။ သေဆုံးသွားသူမှာ သဲချောင်းကြီးကျေးရွာတွင် နေထိုင်သည့် အသက် ၂၁ နှစ်အရွယ် ကိုအောင်ပိုင်ဖြိုး ဖြစ်ပြီး အောက်တိုဘာလ ၆ ရက်နေ့က စုံစင်ဖျားကျေးရွာသို့ ဈေးဝယ်ယူရန် သွားရောက်စဉ် စစ်အုပ်စုတပ်နှင့် တိုးမိကာ ဖမ်းဆီးသတ်ဖြတ် ခဲ့ရခြင်းဖြစ်သည်။ ၎င်းကို ဖမ်းဆီးသတ်ဖြတ်ခဲ့သည့် စစ်ကြောင်းတွင် စစ်အုပ်စုတပ်၏ ခမရ (၄၀၃)၊ ခမရ (၄၀၄) နှင့် ခမရ (၄၀၉) ပူးပေါင်းတပ်များ ပါဝင်ကြောင်း KNU မြိတ်-ထားဝယ်ခရိုင် (တပ်မဟာ ၄) က အောက်တိုဘာလ ၉ ရက်နေ့၌ ထုတ်ပြန်ချက်တွင် ဖော်ပြထားသည်။ အသက် ၄၀ ခန့်အရွယ် ဒေသခံ ရွာသားတစ်ဦးက “အလောင်းကို စုံစင်ဖျားရွာအဝင်က အိမ်တစ်ဆောင်အောက် မှာ မြှုပ်ထားတာတွေ့ရတယ်။ စုံစင်ဖျားမှာ စစ်တပ်ရှိနေတာကို မသိဘဲ ဝင်သွားရာမှာ ဖမ်းခံရတာပါ” ဟု ပြော သည်။ စစ်အုပ်စုတပ်သည် သရက်ချောင်းမြို့နယ်အတွင်း ရေဘေးကယ်ဆယ်ရေး အကြောင်းပြ၍ ဘတ်ဟိုးများ၊ ကရိန်းများနှင့် ဆောက်လုပ်ရေးပစ္စည်းများ တင်ဆောင်လာသည့် မော်တော်ယာဉ်များဖြင့် စစ်ကြောင်းထိုးလျက် ရှိပြီး အောက်တိုဘာလ ၉ ရက် ညနေပိုင်းအထိ စုံစင်ဖျားကျေးရွာနှင့် အနီးဝန်းကျင်ရှိ ဆင်ကျန်း၊ ပိတိုင်ကျေးရွာ များဘက်သို့ စစ်ရေးလှုပ်ရှားနေသည်။ ထို့ပြင် ပြီးခဲ့သည့် အောက်တိုဘာလ ၅ ရက်နေ့ကလည်း သရက်ချောင်းမြို့နယ်၊ ပြင်ဖြူကြီးကျေးရွာတွင် စခန်းချ ထားသည့် စစ်အုပ်စုတပ် စစ်ကြောင်းကို ပြည်သူ့ကာကွယ်ရေးတပ်ဖွဲ့က ချောင်းမြောင်းပစ်ခတ်ခဲ့ပြီးနောက် စစ်အုပ်စုတပ်ဘက်မှ လက်နက်ကြီးများဖြင့် ပြန်လည်ပစ်ခတ်ခဲ့သဖြင့် အသက် ၄၅ နှစ်အရွယ် အမျိုးသမီးတစ်ဦး လက်နက်ကြီးကျည် ထိမှန်သေဆုံးခဲ့ရသည်။ လက်ရှိတွင် သဘာဝဘေးအန္တရာယ် ဆိုးကျိုးများ ကြုံတွေ့နေရသည့် သရက်ချောင်း၊ လောင်းလုံးနှင့် ရေဖြူမြို့ နယ်တို့၌ စစ်အုပ်စုတပ်က စစ်ကြောင်းထိုးနေသည့်အပြင် လေကြောင်းမှလည်း ဗုံးကြဲတိုက်ခိုက်မှုများ ပြုလုပ် လျက်ရှိသည်။ တစ်ဖက်တွင်လည်း ထားဝယ်ဒေသရှိ ကူညီကယ်ဆယ်ရေး လုပ်ငန်းများအတွက် လွတ်လပ်စွာ သွားလာခွင့် မပြုသည့်အပြင် ကူညီထောက်ပံ့မှုများကို ဝင်ရောက်ခွင့်မပြုဘဲ အနှောင့်အယှက်အမျိုးမျိုး ပေးလျက်ရှိကြောင်း ဓဝယ်အမျိုးသားလွတ်မြောက်ရေးတပ်မတော်က ထုတ်ပြန်ထားသည်။ ဓာတ်ပုံ - KNU #KNU

ထားဝယ်ခရိုင်တွင် စစ်အုပ်စုတပ်က ဈေးဝယ်လာသည့် လူငယ်တစ်ဦးကို ဖမ်းဆီးသတ်ဖြတ်

ထားဝယ်ခရိုင်တွင် စစ်အုပ်စုတပ်က ဈေးဝယ်လာသည့် လူငယ်တစ်ဦးကို ဖမ်းဆီးသတ်ဖြတ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၉ ရက်။ တနင်္သာရီတိုင…

  • October 10, 2026
တနင်္သာရီတိုင်း ကျွန်းစုတွင် ပျူစောထီးကင်းစခန်း တိုက်ခိုက်ခံရ သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၁၀ ရက်။ တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်၊ ကဘင်ကျေးရွာအုပ်စု၊ မိုင်းတွေးကျေးရွာရှိ ဒေသခံများနှင့် လှေဖြင့် ကူးသန်းသွားလာနေသူများကို ဖမ်းဆီးငွေကြေးညှစ်ထုတ်နေသော ပျူစောထီးကင်းစခန်းတစ်ခုကို ပြည်သူ့ကာကွယ်ရေး ပူးပေါင်းတပ်ဖွဲ့များက ဝင်ရောက် တိုက်ခိုက်ခဲ့သည်။ အဆိုပါ ပျူစောထီးကင်းစခန်းကို ပြည်သူ့ကာကွယ်ရေး ပူးပေါင်းတပ်ဖွဲ့များက တိုက်ခိုက်ခဲ့ခြင်း ဖြစ်သည်ဟု ကျွန်းစုမြို့နယ် ပြည်သူ့ကာကွယ်ရေးအဖွဲ့၏ အောက်တိုဘာလ ၉ ရက်နေ့ ထုတ်ပြန်ချက်အရ သိရသည်။ အောက်တိုဘာလ ၈ ရက်နေ့ နံနက် ၅ နာရီ ၃၀ မိနစ်အချိန်က မိုင်းတွေးကျေးရွာ တံတားဦးတွင် အခိုင်အမာ တည်ဆောက်ထားသော အဆိုပါ ပျူစောထီးကင်းစခန်းကို တော်လှန်ရေး ပူးပေါင်းတပ်များက လက်နက်ကြီး၊ လက်နက်ငယ်များဖြင့် ဝင်ရောက် တိုက်ခိုက်ခဲ့ခြင်းဖြစ်သည်။ နှစ်ဖက် အပြန်အလှန် ပစ်ခတ်မှုများ ဖြစ်ပွားခဲ့ပြီးနောက် တော်လှန်ရေးတပ်ဖွဲ့ဝင်များဘက်က ပြန်လည် ဆုတ်ခွာ ခဲ့ကြသည်။ အဆိုပါ တိုက်ပွဲနှင့် ပတ်သက်၍ ပြည်သူ့ကာကွယ်ရေးတပ်ဖွဲ့ တာဝန်ရှိသူက “တိုက်ပွဲက မိနစ် ၂၀ လောက်ပဲ နှစ်ဘက်အပြန်အလှန်ပစ်ခတ်ကြတာ၊ ပြည်သူ့ကာ ကွယ်ရေးဘက်က အရင်ပြန်ဆုတ်လာခဲ့တယ်။ ပျူစောထီး တွေဘက်က ထိခိုက်မှုကိုတော့ စုံစမ်းနေတုန်းပါပဲ” ဟု ပြောသည်။ တိုက်ခိုက်မှုကို ကျွန်းစုမြို့နယ် ပြည်သူ့ကာကွယ်ရေးအဖွဲ့နှင့် မြိတ်ခရိုင် အမှတ် (၃) တပ်ရင်းတို့ ပူးပေါင်း လုပ်ဆောင်ခဲ့ခြင်း ဖြစ်ပြီး တိုက်ပွဲအတွင်း တော်လှန်ရေး ပူးပေါင်းတပ်ဘက်မှ ထိခိုက်မှု တစ်စုံတစ်ရာ မရှိခဲ့ကြောင်း ဆိုသည်။ မိုင်းတွေးကျေးရွာတွင် ပျူစောထီး ကင်းစခန်းများစွာ ရှိနေပြီး၊ အထူးသဖြင့် တံတားအဖျားတွင် တည်ဆောက် ထားသည့် ကင်းစခန်းများမှာ အနီးဝန်းကျင် ကျေးရွာများမှ စားနပ်ရိက္ခာ လာရောက်ဝယ်ယူသည့် လှေများကို ဖမ်းဆီးကာ ငွေကြေးညှစ်ထုတ်မှုများကို မကြာခဏ လုပ်ဆောင်လေ့ရှိကြောင်း ကျွန်းစုမြို့နယ် ပြည်သူ့ကာကွယ် ရေး အဖွဲ့၏ ပြန်ကြားရေး တာဝန်ရှိသူက ဆိုသည်။ မိုင်းတွေးကျေးရွာရှိ ပျူစောထီးများသည် ရွာတံတားနှင့် ကမ်းစပ်များတွင် ကင်းစခန်းများ ချထားကြပြီး ကုန်တင်လှေများနှင့် ခရီးသည်လှေများ ဖြတ်သန်းသွားလာသည့်အခါ ၎င်းတို့ထံသို့ မဖြစ်မနေ ဝင်ရောက်ကာ လက်မှတ်ထိုးခြင်းနှင့် ငွေကြေးပေးဆောင်ခြင်းများ ပြုလုပ်နေရကြောင်း ဒေသခံများက ပြောသည်။ ဓါတ်ပုံ - Crd #ပျူစောထီး

တနင်္သာရီတိုင်း ကျွန်းစုတွင် ပျူစောထီးကင်းစခန်း တိုက်ခိုက်ခံရ

တနင်္သာရီတိုင်း ကျွန်းစုတွင် ပျူစောထီးကင်းစခန်း တိုက်ခိုက်ခံရ သတင်းနှင့်မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၁၀ ရက်။ တနင်္သာရီတိုင်းဒေသကြီး၊ …

  • October 10, 2026
'ဝ' ထက် ကရင်က အခွင့်အရေး ပိုရထားဟု စစ်အုပ်စု ငြိမ်းချမ်းရေး အကြံပေး ဦးအောင်မင်း ပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ အောက်တိုဘာလ ၉ ရက်။ ကရင်တိုင်းရင်းသားများသည် ကရင်ပြည်နယ် ရရှိထားပြီးသား ဖြစ်သဖြင့် ပြည်နယ် မရရှိသေးသည့် “ဝ” တိုင်းရင်းသားများထက် ပိုမိုအဆင့်မြင့်သည့် အခွင့်အရေးကို ရရှိထားသည်ဟု အမျိုးသား စည်းလုံးညီညွတ် ရေးနှင့် ငြိမ်းချမ်းရေး ဖော်ဆောင်မှု ညှိနှိုင်းရေး ကော်မတီ (NSPNC) အကြံပေးအဖွဲ့ ခေါင်းဆောင် ဦးအောင်မင်း က ပြောဆိုလိုက်သည်။ ကရင်ပြည်နယ်၌ ပြုလုပ်ခဲ့သည့် ကရင်ပြည်နယ် ငြိမ်းချမ်းရေးနှင့် ဖွံ့ဖြိုးတိုးတက်ရေး ဖိုရမ် အဖွင့်မိန့်ခွန်းတွင် ဦးအောင်မင်းက ထိုသို့ ထည့်သွင်း ပြောဆိုခဲ့ခြင်းဖြစ်သည်။ ဦးအောင်မင်းက “ဖက်ဒရယ်မှာ အဓိက အချက် ၂ ချက်ပဲ။ အဲဒါ ဘာလဲဆိုရင် Share Rule နဲ့ Self Rule။ Self Rule ဆိုတာက ဥပဒေကို ကိုယ့်ဘာသာကိုယ် ထုတ်တယ်။ Share Rule ဆိုတာကတော့ ရတဲ့ သယံဇာတ အကျိုးခံစားခွင့်ကို ခွဲဝေပြီး မျှတ ခံစားမယ်ပဲ ဖြစ်တယ်။ အဲတော့ ခင်ဗျားတို့ ဒီ Self Rule ကို ပြောလို့ရှိရင် ခင်ဗျားတို့ ကရင်ပြည်နယ်ဟာ ကရင်ပြည်နယ်ဆိုတဲ့ အခွင့်အရေး ရပြီးသားဖြစ်တယ်။ အဲတော့ ဒါကို နှိုင်းယှဉ် ပြီး ပြောမယ်ဆိုရင် ‘ဝ’ တို့ ဘာတို့က ‘ဝ’ ပြည်နယ် တောင်းတယ်။ အဲတော့ ‘ဝ’ ကို ပြည်နယ် ပေးလို့ မရသေး ဘူး။ ခင်ဗျားတို့က ကရင်ပြည်နယ် ရပြီးသားဖြစ်တဲ့အတွက် ခင်ဗျားတို့က အဆင့်မြင့်ပြီးသား ဖြစ်တယ်” ဟု ပြောသည်။ သို့သော် UWSP/UWSA ဦးဆောင်သည့် “ဝ” တိုင်းရင်းသားများမှာ ပြည်နယ်အဆင့် တရားဝင် မရရှိသေးသော် လည်း ဗဟိုအစိုးရ၏ ထိန်းချုပ်မှုအောက်တွင် မဟုတ်ဘဲ ကိုယ်ပိုင်အုပ်ချုပ်ရေး၊ ကိုယ်ပိုင်ဥပဒေ၊ ကိုယ်ပိုင်တရား စီရင်ရေး စသည့် ကိုယ်ပိုင်ပြဋ္ဌာန်းခွင့်များကို နှစ်ပေါင်း ၄၀ နီးပါး အပြည့်အဝ ဖော်ဆောင်ထားနိုင်သည့် အဖွဲ့အစည်း ဖြစ်သည်။ ကရင်တိုင်းရင်းသားများမှာမူ ကရင်ပြည်နယ် ရရှိထားသော်လည်း ဗဟိုအစိုးရ၏ ဝင်ရောက်စွက်ဖက်ထိန်းချုပ်မှု အောက်တွင်သာ ရှိနေသေးသည်။ အဆိုပါ ပြည်နယ်အဆင့်နှင့် ကိုယ်ပိုင်အုပ်ချုပ်ရေး တောင်းဆိုချက်များကို စစ်အုပ်စုဘက်က ၂၀၀၈ ဖွဲ့စည်းပုံ အခြေခံဥပဒေနှင့် NCA လမ်းကြောင်းမှတစ်ဆင့်သာ ဆွေးနွေးဆောင်ရွက်ရမည်ဟု ထိန်းချုပ်ထားသည်။ စစ်အုပ်စုသည် ၂၀၀၈ ဖွဲ့စည်းပုံ အခြေခံဥပဒေနှင့် NCA လမ်းကြောင်းမှတစ်ဆင့် ဒီမိုကရေစီနှင့် ဖက်ဒရယ် ပြည်ထောင်စု တည်ဆောက်မည်ဟု ပြောဆိုကာ တိုင်းရင်းသား လက်နက်ကိုင် အဖွဲ့အစည်းများနှင့် တွေ့ဆုံဆွေးနွေးမှုများ ပြုလုပ်နေသည်။ စစ်အုပ်စု၏ ပြည်ထောင်စု အတိုင်ပင်ခံကောင်စီ အဖွဲ့ဝင် မန်းငြိမ်းမောင်က “တိုင်းရင်းသားတွေရဲ့ အဆိုပြုချက် အပေါ်မှာမှ အစိုးရနဲ့ တပ်မတော်က ဒါကို ညှိနှိုင်းပြီးတော့မှ ဆောင်ရွက်ခဲ့တာပဲ ရှိတယ်။ တနည်းအားဖြင့် ပြော ရင် NCA ဆိုတာ တစ်ပြည်လုံး အပစ်အခတ် ရပ်စဲရေးဆိုတာ ကျနော်တို့ တိုင်းရင်းသားတွေ ဖော်တဲ့ဆေးပဲ။ အဓိက ဖော်တဲ့ဆေးနဲ့ ဆေးညွှန်းတွေက ကျနော်တို့ တိုင်းရင်းသားတွေက ဖော်ခဲ့တဲ့ဆေး။ အခုကျမှ ကိုယ်ဖော် တဲ့ဆေးကို ကိုယ်မစားရဲဘူး ဆိုတော့ ခင်ဗျားတို့ စဉ်းစားကြည့်၊ ဒါကို ကျနော် ပြောချင်တာ” ဟု ပြောသည်။ ထို့ပြင် NSPNC အကြံပေးအဖွဲ့ ခေါင်းဆောင် ဦးအောင်မင်းကလည်း NCA စာချုပ်တွင် ဖက်ဒရယ်စနစ် ပါရှိပြီး ဖြစ်၍ မဖျက်ဆီးသင့်ကြောင်း ဆက်လက် ပြောဆိုသည်။ ၎င်းက “NCA ထဲမှာ ဖက်ဒရယ်စနစ်ကို အခြေခံတဲ့ ပြည်ထောင်စုကြီးကို တည်ဆောက်မယ်ဆိုတာ ပါတယ်။ ဖွဲ့စည်းပုံ အခြေခံဥပဒေထဲမှာ အဲဒီကိစ္စ မပါဘူး။ ဖွဲ့စည်းပုံ အခြေခံဥပဒေထဲမှာ ဘာပါသလဲဆိုရင် ပါတီစုံ ဒီမိုက ရေစီစနစ်ကို ကျင့်သုံးမယ်ဆိုတာပဲ ပါတယ်။ ကျနော်တို့ NCA က ဖက်ဒရယ်စနစ်ကို ကျင့်သုံးတဲ့ အခြေခံ ပြည် ထောင်စုကြီး တည်ဆောက်မယ်ဆိုတဲ့အတွက် ကျနော်တို့ထဲမှာ တိုင်းရင်းသားတွေကို ပေးထားတဲ့ အခွင့်အရေး က ပိုပြီးတော့ များတယ်။ အဲတော့ NCA ကို မဖျက်သင့်ဘူး။ ဖက်ဒရယ်ကို ရအောင် လုပ်ထားပြီးသား ဖြစ်တာ ကို ဘာလို့ ဖျက်မှာလဲ” ဟု ပြောသည်။ သို့သော်လည်း ၂၀၂၁ ခုနှစ် စစ်တပ်က အာဏာသိမ်းပြီးနောက်ပိုင်း NCA စာချုပ်မှာ ပျက်ပြယ်သွားပြီဖြစ်ကြောင်း တိုင်းရင်းသား လက်နက်ကိုင် အဖွဲ့အစည်းများက တုံ့ပြန်ထားကြသည်။ တစ်ဖက်တွင် စစ်အုပ်စုက ငြိမ်းချမ်းရေး ဆွေးနွေးရန် ဖိတ်ခေါ်နေသော်လည်း အခြားတစ်ဖက်တွင် ကရင်ပြည် နယ် အပါအဝင် တိုင်းရင်းသား ဒေသများသို့ စစ်ကြောင်းထိုးခြင်း၊ လေကြောင်းနှင့် ဒရုန်းများဖြင့် ဗုံးကြဲခြင်း၊ နေအိမ်များကို မီးရှို့ဖျက်ဆီးခြင်းနှင့် ဒေသခံများကို ဖမ်းဆီးနှိပ်စက်ခြင်း စသည့် လူ့အခွင့်အရေး ချိုးဖောက်မှု များကို ဆက်တိုက် ကျူးလွန်လျက်ရှိသည်။ #NCA #NSPNC #Karenpeaceforum #Uaungmin #myanmarpeaceprocess

‘ဝ’ ထက် ကရင်က အခွင့်အရေး ပိုရထားဟု စစ်အုပ်စု ငြိမ်းချမ်းရေး အကြံပေး ဦးအောင်မင်း ပြော

'ဝ' ထက် ကရင်က အခွင့်အရေး ပိုရထားဟု စစ်အုပ်စု ငြိမ်းချမ်းရေး အကြံပေး ဦးအောင်မင်း ပြော သတင်းနှင့် မီဒီယာ ကွန်ရက်။၂၀၂၆ ခုနှစ်၊ အောက်တိုဘာလ ၉ ရက်။ က…

  • October 9, 2026
×Close