သတင်း

အင်းလေးဒေသသို့ စစ်အုပ်စု စစ်ကြောင်းထိုးဝင်ရောက် ဒေသခံများ စိုးရိမ်နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁ ရက်။ ရှမ်းပြည်တောင်ပိုင်း၊ ညောင်ရွှေမြို့နယ်၊ အင်းလေးဒေသသို့ စစ်အုပ်စုတပ်နှင့် လက်အောက်ခံ ရဲ၊ ပျူစောထီး၊ ပအိုဝ်းပြည်သူ့စစ် (PNA) ပူးပေါင်းတပ်ဖွဲ့ အင်အား ၁၃၀ ကျော်ဖြင့် စစ်ကြောင်းထိုး ဝင်ရောက်လာ၍ ဒေသခံ များအကြား စိုးရိမ်မှုများ မြင့်တက်လျက်ရှိသည်။ အဆိုပါ ပူးပေါင်းစစ်ကြောင်းသည် ဩဂုတ်လ ၂၇ ရက်မှ ၂၉ ရက်နေ့အထိ ကျေးရွာများအတွင်း လှည့်လည် စစ်ဆေး ရှာဖွေခဲ့ပြီး လက်ရှိတွင် ကျားတွန်ကျေးရွာ၌ တပ်စွဲထားသဖြင့် ဒေသခံများ ပူပန်နေကြရခြင်း ဖြစ် သည်။ ဟဲယာရွာမတွင် နေထိုင်သည့် အမျိုးသားတစ်ဦးက “သူတို့ ရွာကို လာတဲ့ရက်က သေနတ် ဖောက်တယ်။ မိုးပေါ် ထောင်ပြီး ဖောက်တာ။ ခြောက်တာပေါ့။ ပြီးတော့ စစ်မှုထမ်းရှိတယ် အိမ်တွေ လိုက်စစ်တယ်။ ကျောင်းတက် နေတယ်ဆိုရင် ဘယ်နှစ်ပြီးမလဲ သေချာမေးတယ်။ စာရင်းကောက်တယ်။ နောက်တော့ သူတို့ ကျားတွန်ဖက် တက်သွားတယ်” ဟု ပြောသည်။ ကနဦးတွင် အဆိုပါ ပူးပေါင်းစစ်ကြောင်းသည် ဩဂုတ်လ ၂၇ ရက်နေ့၌ သပြေပင်ကျေးရွာသို့ စစ်ကြောင်းထိုး ဝင်ရောက်ကာ ကျေးရွာအုပ်ချုပ်ရေးမှူးနှင့် သံသယရှိသူများကို ခေါ်ယူစစ်ဆေးခဲ့သည်။ ထို့နောက် ဩဂုတ်လ ၂၈ ရက်နေ့တွင် အသက် ၄၀ အရွယ်ရှိ ရွာခံ ဦးထွန်းဦးကို PDF နှင့် ဆက်စပ်သည်ဟု ဆို ကာ တောင်ကြီးမြို့ရှိ ရပခ စစ်ကြောရေးစခန်းသို့ ဖမ်းဆီးခေါ်ဆောင်သွားခဲ့သည်။ ဩဂုတ်လ ၂၉ ရက်နေ့တွင်မူ စစ်ကြောင်းသည် အင်းလေးကန်ပတ်လမ်း (အနောက်ဘက်ကမ်းလမ်း) အတိုင်း အင်းတိန်ဘက်သို့ ဦးတည်စစ်ချီခဲ့ပြီး အင်းတိန်ကျေးရွာအုပ်စု၊ တောင်ခြေကျေးရွာ ဘုန်းကြီးကျောင်း၌ တပ်စွဲ ခဲ့သည်။ အင်းတိန်အုပ်စုအတွင်း စစ်မှုထမ်း အကျုံးဝင်သည့် အမျိုးသားတစ်ဦးက “PDF ၃၀ ရောက်နေလို့ ပြောပြီး လိုက်ရှာနေကြတယ်။ ရွာတိုင်းဝင်ထွက်ပြီး အဲဒါရှာနေကြတယ်။ စစ်မှုထမ်းတွေ လိုက်စစ်တယ်။ အဓိက စစ်မှု ထမ်းမပါတဲ့လူတွေကို ခြောက်ချင်လို့ လာတယ်လို့ ထင်တယ်” ဟု ပြောသည်။ စစ်ကြောင်းသည် အင်းလေးကန်ပတ်လမ်းအတိုင်း အရှေ့ဘက်ကမ်းသို့ ဆက်လက်ရွှေ့လျားမည်ဟု ပျူစောထီး များနှင့် နီးစပ်သူများထံမှ သိရသဖြင့် အရှေ့ဘက်ကမ်းရှိ ဒေသခံများလည်း အထူးစိုးရိမ်နေကြသည်။ လွန်ခဲ့သည့် ဩဂုတ်လ ၂၅ ရက်နေ့ကလည်း တောင်ခြေကျေးရွာအုပ်စု၊ ကြံ့ပုံ့ငယ်ရွာမှ အသက် ၂၀ ဝန်းကျင် အရွယ် မောင်ပြည့်စုံကို PDF နှင့် ဆက်စပ်သည်ဟု စွပ်စွဲကာ ဖမ်းဆီးခဲ့ပြီး ယနေ့အထိ မိသားစုနှင့် အဆက် အသွယ် ပြတ်တောက်နေသည်။ စစ်အုပ်စုတပ်သည် အင်းလေးကန်အတွင်း PDF များ လက်နက်ချပွဲ ပြုလုပ်ရန် ပြင်ဆင်နေပြီး ပျူစောထီး ခေါင်းဆောင်နှစ်ဦးကို တစ်ဦးလျှင် ကျပ်သိန်းတစ်ထောင်စီ ချီးမြှင့်မည်ဟု ကြေညာထားသည်။ ဓါတ်ပုံ - (ပုံဟောင်း / Crd) #အင်းလေး #ညောင်ရွှေမြို့နယ်

အင်းလေးဒေသသို့ စစ်အုပ်စု စစ်ကြောင်းထိုးဝင်ရောက် ဒေသခံများ စိုးရိမ်နေ

အင်းလေးဒေသသို့ စစ်အုပ်စု စစ်ကြောင်းထိုးဝင်ရောက် ဒေသခံများ စိုးရိမ်နေ သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁ ရက်။ ရှမ်းပြည်တောင်ပိုင်…

  • September 1, 2026
မွန်ပြည်နယ် ကျိုက်မရော၌ အတ္ထရံမြစ်ရေ လျှံ၍ လူ ၃ သောင်းကျော် ရေဘေးသင့် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁ ရက်။ မွန်ပြည်၊ ကျိုက်မရောမြို့နယ်အတွင်း မိုးအဆက်မပြတ် ရွာသွန်းပြီး အတ္ထရံမြစ်ရေ ဆက်တိုက်မြင့်တက်လာမှု ကြောင့် ရပ်ကွက်နှင့် ကျေးရွာပေါင်း ၄၀ အထိ ရေကြီးနစ်မြုပ်နေကာ အိမ်ထောင်စု ၇,၀၀၀ ခန့်မှ လူဦးရေ ၃၂,၀၀၀ ကျော် ရေဘေးသင့်နေကြောင်း ဒေသခံများနှင့် လူမှုကယ်ဆယ်ရေးအဖွဲ့များက ပြောသည်။ ဩဂုတ်လ ၂၄ ရက်နေ့မှစ၍ အတ္ထရံမြစ်ရေ မြင့်တက်လာခြင်းကြောင့် ကျိုက်မရောမြို့ပေါ်ရှိ ရှင်စောပုနှင့် ရန်မျိုးအောင် ရပ်ကွက်များအပြင် ချောင်းနှစ်ခွ၊ ငပြေမ၊ ဦးလေး၊ ရေပူ၊ မယ်ကရို၊ နိတုံ၊ ဘိန်းဗျော၊ ဖနုံ၊ လမုခို၊ ကွမ်းငန်၊ အတ္တရံ၊ လှာကဇိုင်း၊ ဖာသိမ်၊ ကလိုင်းကနိုင် နှင့် ရေပူကော့စပ် အစရှိသည့် အတ္ထရံမြစ်ကမ်းဘေး ကျေးရွာများတွင် ရေကြီးရေလျှံမှု ရေရှည်ဖြစ်ပွားနေခြင်းဖြစ်သည်။ ရေကြီးနစ်မြုပ်မှု တစ်ပတ်ထက်မက ကြာမြင့်လာသည့်အပြင် လက်ရှိတွင် အတ္ထရံမြစ်ရေသည် ကျိုက်မရောမြို့ ၏ စိုးရိမ်ရေအမှတ် ၅၀၀ စင်တီမီတာထက် ကျော်လွန်ကာ ၅၃၈ စင်တီမီတာအထိ ရောက်ရှိနေသဖြင့် ရေကျ သွားခြင်းမရှိဘဲ ရေဘေးသင့်သူ အရေအတွက် ထပ်မံတိုးလာနိုင်သည့် အခြေအနေဖြစ်နေသည်။ ထို့ပြင် ဩဂုတ်လ ၂၄ ရက်နေ့ကလည်း ကျိုက်မရောမြို့ ကျောက်တောင်တောရကျောင်းမှ သက်တော် ၆၈ နှစ် အရွယ် ရဟန်းတစ်ပါး ရေနစ်၍ ပျံလွန်တော်မူခဲ့သည့် ဖြစ်စဉ်လည်း ရှိခဲ့သည်။ ကျိုက်မရော ဒေသခံတစ်ဦးက “မွန်ပြည်နယ်ရဲ့ တခြားမြို့နယ်အများစုမှာတော့ ရေတွေ ပြန်ကျသွားပြီ။ ဒါပေ မဲ့ ကျိုက်မရောမှာတော့ ရေပြန်မကျဘဲ နေ့တိုင်း ရေတိုးလာနေတယ်။ တစ်ပတ်ကျော် ရေမြုပ်နေတာဆိုတော့ သောက်သုံးရေနဲ့ အစားအသောက်၊ ဆေးဝါးတွေ တော်တော်လေး လိုအပ်နေပါပြီ” ဟု ပြောသည်။ လက်ရှိတွင် ရေဘေးသင့်သူအချို့ကို ကျိုက်မရောမြို့ပေါ်တွင် ယာယီဖွင့်လှစ်ထားသည့် ကယ်ဆယ်ရေးစခန်းနှစ်ခု အပါအဝင် ချောင်းနှစ်ခွ၊ ဦးလေး၊ အတ္ထရံ၊ ရေပူကော့စပ်၊ လှာကဇိုင်း၊ ငပြေမ ကျေးရွာများရှိ ဘုန်းတော်ကြီး ကျောင်းများနှင့် နေအိမ်အချို့တို့တွင် ယာယီပြောင်းရွှေ့ နေရာချထားပေးရသည်။ ရေကြီးနစ်မြုပ်မှု အခြေအနေကြောင့် ကျိုက်မရောမြို့နယ်အတွင်းရှိ မြို့ပေါ် စာသင်ကျောင်းများနှင့် ကျေးရွာများ ရှိ စာသင်ကျောင်းပေါင်း ၄၀ နီးပါးကို ယာယီပိတ်ထားရသည်။ လူမှုကယ်ဆယ်ရေးအဖွဲ့ တာဝန်ရှိသူတစ်ဦးက “ကယ်ဆယ်ရေးအဖွဲ့တွေနဲ့ အလှူရှင်တွေက ထမင်းထုပ်နဲ့ သောက်သုံးရေ လာလှူကြတာတော့ ရှိပါတယ်။ ဒါပေမဲ့ ဝေးလံပြီး လမ်းပန်းဆက်သွယ်ရေး ခက်ခဲတဲ့ ရွာတချို့ ဆီကိုတော့ အလှူရှင်တွေ မရောက်နိုင်ကြသေးပါဘူး” ဟု ပြောသည်။ မွန်ပြည်အတွင်း မိုးသည်းထန်စွာ ရွာသွန်းမှုကြောင့် မော်လမြိုင်၊ ဘီးလင်း၊ သံဖြူဇရပ်၊ ကျိုက်ထို၊ ချောင်းဆုံ၊ မုဒုံ၊ ရေး နှင့် ကျိုက်မရော မြို့နယ်များတွင် ရေကြီးရေလျှံမှုများ ဖြစ်ပွားခဲ့သော်လည်း အတ္ထရံမြစ်ရေ အဆက်မပြတ် မြင့်တက်နေသည့် ကျိုက်မရောမြို့နယ်တွင်မူ ရေဘေးဒဏ်ကို အဆိုးရွားဆုံး ဆက်လက်ရင်ဆိုင်နေရဆဲ ဖြစ် သည်။ #ကျိုက်မရော #အတ္ထရံမြစ်ရေ

မွန်ပြည်နယ် ကျိုက်မရော၌ အတ္ထရံမြစ်ရေ လျှံ၍ လူ ၃ သောင်းကျော် ရေဘေးသင့်

မွန်ပြည်နယ် ကျိုက်မရော၌ အတ္ထရံမြစ်ရေ လျှံ၍ လူ ၃ သောင်းကျော် ရေဘေးသင့် သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁ ရက်။ မွန်ပြည်၊ ကျိုက်မရ…

  • September 1, 2026
ရခိုင်တောင်ပိုင်း မြို့သုံးမြို့သို့ စစ်တပ်က အင်အားဖြည့်တင်း၍ ချဉ်းကပ်လာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁ ရက်။ ရခိုင်ပြည် တောင်ပိုင်းရှိ တောင်ကုတ်၊ သံတွဲနှင့် ဂွ မြို့နယ် သုံးခုသို့ စစ်တပ်က နယ်စပ်တိုင်းဒေသကြီးများမှ တစ်ဆင့် အင်အားအများအပြား ဖြည့်တင်းကာ မြေပြင်၊ ရေကြောင်းနှင့် လေကြောင်းတို့ဖြင့် စစ်ရေးလှုပ်ရှား ချဉ်းကပ်လာနေကြောင်း ဒေသခံ စစ်ရေးသတင်းအရင်းအမြစ်များက ပြောသည်။ စစ်တပ်သည် မကွေး၊ ပဲခူးနှင့် ဧရာဝတီ တိုင်းဒေသကြီးတို့မှတစ်ဆင့် ရခိုင်ရိုးမကို ဖြတ်ကျော်၍ ရခိုင် တောင်ပိုင်းမြို့နယ်များကို မြေပြင်ထိုးစစ်များ၊ လေကြောင်းတိုက်ခိုက်မှုများနှင့် ရေကြောင်းလှုပ်ရှားမှုများကို ပူးတွဲပြုလုပ်ကာ ပြန်လည်ဝင်ရောက်နိုင်ရေး ကြိုးပမ်းလာခြင်းဖြစ်သည်။ လက်ရှိတွင် ရခိုင်-မကွေးနယ်စပ် မင်းတုန်းမြို့နယ်ဘက်မှ စစ်တပ် အင်အား ၈၀၀ ကျော်သည် ရခိုင်ရိုးမသို့ စစ်ကြောင်းထိုးနေသည့်အပြင် ပဲခူးတိုင်း ပဒါန်းလမ်းကြောင်းမှလည်း အင်အား ၄၀၀ ကျော်ဖြင့် စစ်ကြောင်းထိုးလျက်ရှိသည်။ ထို့ပြင် ဧရာဝတီတိုင်း ရေကြည်မြို့ဘက်မှလည်း အင်အား ၆၀၀ ကျော်ဖြင့် ဂွရိုးမပေါ်သို့ ရှေ့ပြေးတပ်စခန်းများ ခိုးဝင်ရောက်ရှိနေကာ ပုသိမ်နှင့် ဝါးခယ်မမြို့များမှတစ်ဆင့် ရေလမ်းအတိုင်း သံတွဲနှင့် ဂွ ပင်လယ်ပြင်သို့ စစ်ရေ ယာဉ် (နေဗီ) ၁၃ စီးအထိ အားဖြည့်ထားသည်။ တောင်ကုတ်မြို့မှ စစ်ရေးသတင်းအရင်းအမြစ်တစ်ဦးက “အေအေက ညမထွက်ရအမိန့်ထုတ်တာ အကြောင်း ရှိတယ်။ အခု နေဗီရော ကင်းထောက်လေယာဉ်တွေရော အများကြီးပဲ သံတွဲနဲ့ ဂွဘက် တက်လာတာ။ တောင် ကုတ်ရိုးပေါ်လမ်းတွေ မလုံခြုံတာတွေ သတိထားနေရတယ်။ အခု ရခိုင်တောင်ပိုင်း မြို့တွေကို ပြန်ယူတော့မယ်၊ ရတော့မယ်ဆိုပြီး စစ်တပ်လော်ဘီတွေ ပေါ်တင်ပြောနေတယ်။ ညဘက် သတိထားနေရပါတယ်” ဟု ပြော သည်။ အဆိုပါ လက်နက်နှင့် အင်အား ဖြည့်တင်းမှုများကြောင့် စစ်အုပ်စုတပ်၏ လေကြောင်းမှ ဗုံးကြဲမှုနှင့် လက်နက် ကြီး ပစ်ကူများ ကျေးရွာများအတွင်း ကျရောက်မည်ကို ဒေသခံပြည်သူများ စိုးရိမ်ပူပန်နေကြပြီး တောင်တန်း များသို့ သွားရောက်ကာ ငါးရှာ၊ ဖားရှာနှင့် တောင်ယာလုပ်ကိုင်သည့် အလုပ်များကို ရပ်တန့်ထားကြရသည်။ ထို့ပြင် ရခိုင်တောင်ပိုင်း မြို့နယ်များ၌ စားနပ်ရိက္ခာနှင့် ဆေးဝါး ပြတ်လပ်မည်ကို ဒေသခံများ အထူးစိုးရိမ်နေကြ သည်။ မကွေး၊ ပဲခူး၊ ဧရာဝတီတို့မှ ရခိုင်ဘက်သို့ ကုန်စည်စီးဆင်းသည့် လမ်းကြောင်းများ ထိန်းချုပ်ပိတ်ဆို့ခံထားရ သဖြင့် ဆန်၊ ဆီ နှင့် ဆေးဝါးအပါအဝင် အခြေခံစားသောက်ကုန်များ စျေးနှုန်းအဆမတန် မြင့်တက်လာနေသည်။ ဒေသခံ အမျိုးသမီးတစ်ဦးက “စစ်တပ်က ရခိုင်တောင်ပိုင်းကို စစ်ကြောင်းထိုးနေတာ၊ ဗုံးကြဲနေတာတွေက စိုးရိမ်ရတာပေါ့။ အရင်ကဆို တချို့လမ်းတွေက မှောင်ခို ဆီတွေ၊ ဆန်တွေအပြင် တခြားကုန်တွေ ဝင်လာသေး တယ်။ အခုက ညမထွက်ရတော့ ဘာမှအဆင်မပြေဘူး။ ပဲခူးနဲ့ မကွေးအပြင် ဧရာဝတီကပါ အခု စစ်ကြောင်း တွေ ရှိနေတယ်” ဟု ပြောသည်။ စစ်အုပ်စုတပ်သည် သံတွဲမြို့ မောင်ရွှေလေးရွာအနီး ပင်လယ်ပြင်၊ ဂွမြို့ ကမ်းခြေများနှင့် ကျိန္တလီ ကမ်းခြေအနီး တို့တွင် စစ်ရေယာဉ်များ ချထားပြီး ကမ်းခြေတစ်လျှောက်ရှိ ကျေးရွာများကို ဒရုန်းများ၊ ကင်းထောက်လေယာဉ် များဖြင့် စောင့်ကြည့်လျက်ရှိသည်။ ဧရာဝတီတိုင်း ရွှေသောင်ယံဘက်တွင် တပ်မ (၁၀၁) စစ်ကြောင်းသည် ရခိုင် ဂွမြို့နယ်ဘက်သို့ ဝင်ရောက်ရန် ကြိုးပမ်းနေကြောင်းလည်း ဆိုသည်။ စစ်ရေးအခြေအနေများကြောင့် အာရက္ခတပ်တော် (AA) က ဂွ၊ သံတွဲနှင့် တောင်ကုတ်မြို့နယ်များတွင် ည ၁၁ နာရီမှ နံနက် ၅ နာရီအထိ သွားလာလှုပ်ရှားမှု မပြုလုပ်ကြရန် ဒေသန္တရအမိန့် ထုတ်ပြန်ထားသည်။ ဓါတ်ပုံ - (ပုံဟောင်း / Crd) #တောင်ကုတ် #သံတွဲ #ဂွ

ရခိုင်တောင်ပိုင်း မြို့သုံးမြို့သို့ စစ်တပ်က အင်အားဖြည့်တင်း၍ ချဉ်းကပ်လာ

ရခိုင်တောင်ပိုင်း မြို့သုံးမြို့သို့ စစ်တပ်က အင်အားဖြည့်တင်း၍ ချဉ်းကပ်လာ သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁ ရက်။ ရခိုင်ပြည် တောင…

  • September 1, 2026
တနင်္သာရီမြစ်ရေ စံချိန်တင်တက်၍ မြို့ပေါ်နှင့် ကျေးရွာ ၃၀ ကျော် ရေမြုပ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁ ရက်။ တနင်္သာရီတိုင်း၊ တနင်္သာရီမြို့တွင် အဆက်မပြတ် မိုးရွာသွန်းမှုကြောင့် တနင်္သာရီမြစ်ရေမှာ စိုးရိမ်ရေအမှတ် ထက် ရှစ်ပေနီးပါးအထိ မြင့်တက်လာခဲ့သဖြင့် မြို့ပေါ်ရပ်ကွက်များနှင့် ကျေးရွာပေါင်း ၃၀ ကျော်ရှိ ဒေသခံ လူဦးရေ ၅,၀၀၀ နီးပါး အရေးပေါ် ရေဘေးလွတ်ရာသို့ တိမ်းရှောင်နေကြရသည်။ ဩဂုတ်လ ၁၈ ရက်နေ့မှစ၍ တဖြည်းဖြည်း မြင့်တက်လာသည့် တနင်္သာရီမြစ်ရေသည် ဩဂုတ်လကုန်ပိုင်းတွင် စိုးရိမ်ရေအမှတ် ၁၇ ပေနှင့် အန္တရာယ်ရေအမှတ် ၂၄ ပေတို့ကို ကျော်လွန်ကာ ၂၅ ပေ ၆ လက်မအထိ ရောက်ရှိ လာခဲ့ခြင်းဖြစ်သည်။ ရေကြီးရေလျှံမှုကြောင့် မြေနိမ့်ပိုင်းကျေးရွာများတွင် ရေအနက် ၆ ပေကျော်အထိ မြင့်တက်နေပြီး တစ်ထပ် နေအိမ်အများစုမှာ အိမ်ခေါင်းမိုးအထိ ရေနစ်မြုပ်နေခြင်း ဖြစ်သည်။ ရေဘေးလွတ်ရာသို့ ရွှေ့ပြောင်းနေရသည့် ပဝရွာ ဒေသခံတစ်ဦးက “ဒီနှစ်က မိုးက တောက်လျှောက်ရွာနေတော့ ရေတက်တာ သာမန်ထက် အများကြီး ပိုမြန်တယ်။ တစ်ထပ်အိမ်ဆို ခေါင်းမိုးပဲ ပေါ်တော့တာဗျ။ နှစ်ထပ် အိမ် တွေတောင် အပေါ်ထပ်အထိ ရေဝင်လာလို့ အရေးပေါ် ရွှေ့နေကြရတယ်။ အစကတော့ စောင့်ကြည့် နေကြတာ အခုတော့ ပြောင်းတာတွေ များလာပြီ။ မိုးကလည်း ဆက်ရွာနေတုန်း မရသေးဘူးဗျ” ဟု ပြောသည်။ လက်ရှိတွင် တနင်္သာရီမြို့ပေါ်ရှိ ချောင်းကြီးနှင့် ချောင်းငယ် ရပ်ကွက်နှစ်ခုစလုံး ရေဝင်ရောက်နေပြီး မြို့၏ သုံးပုံတစ်ပုံခန့် ရေလွှမ်းမိုးခံထားရသည်။ ရေဘေးသင့်ပြည်သူများအတွက် မြို့တော်ခန်းမ၊ ဘုန်းတော်ကြီး ကျောင်းများနှင့် ကုန်းမြင့်ပိုင်းရှိ လွတ်ကင်းသည့် နေရာများတွင် ကယ်ဆယ်ရေးစခန်းများ ဖွင့်လှစ်ပေးထားရ သည်။ မြို့ပေါ်ရပ်ကွက်များနှင့်အတူ တကူ၊ ပဝ၊ မော်တုန်း၊ သကျက်၊ ညောင်ပင်ကွင်း၊ ထုံမခါနှင့် ဆင်ခြေဖုံးကျေးရွာ အုပ်စုတို့ အပါအဝင် ကျေးရွာပေါင်း ၃၀ ကျော်မှ ပြည်သူထောင်ချီ ကုန်းမြင့်ပိုင်းသို့ ပြောင်းရွှေ့နေကြရပြီး အကူအညီများစွာ လိုအပ်နေသည်။ ဒေသခံ ကူညီကယ်ဆယ်ရေး လုပ်ဆောင်နေသူတစ်ဦးက “မြို့ပေါ်ရော ရွာတွေမှာပါ သောက်သုံးရေနဲ့ စားနပ် ရိက္ခာ တော်တော်လေး လိုအပ်နေတာပါ။ အထူးသဖြင့် နည်းနည်းလှမ်းတဲ့ ဝေးတဲ့ ရွာတွေဘက်ဆို ကူညီထောက် ပံ့ရေး အဖွဲ့တွေ လုံးဝ မရောက်သေးဘဲ ပိတ်မိနေတုန်းပဲ” ဟု ပြောသည်။ ထို့ပြင် မြိတ်-တနင်္သာရီ-ကော့သောင်း လမ်းပိုင်းရှိ တနင်္သာရီ-ကော့သောင်း လမ်းမပေါ်တွင် ရေအနက် ၄ ပေ ခန့်ရှိကာ ရေစီးကြမ်းနေသဖြင့် မော်တော်ယာဉ်များ သွားလာ၍မရဘဲ ခရီးသည်များ ပိတ်မိနေကြသည်။ တနင်္သာရီ-မြိတ် လမ်းပိုင်းရှိ အော်ကြီး၊ ဥယျာဉ်ကွင်းနှင့် လယ်တောင်ယာကျေးရွာ လမ်းမများတွင်လည်း ရေ ၁ ပေမှ ၂ ပေခန့်အထိ ရေကျော်နေသဖြင့် ကားကြီးအချို့သာ သွားလာနိုင်တော့ကြောင်း ဆိုသည်။ မြို့တွင်း သွားလာရေးအတွက် ဆိုင်ကယ်နှင့် မော်တော်ယာဉ်များ အသုံးပြု၍ မရတော့ဘဲ လှေများကိုသာ အဓိက အားထားသွားလာနေရသည်။ မြို့ခံများက မြို့တွင်းရှိ ရေများကို ရေစုပ်စက်များဖြင့် အဆက်မပြတ် စုပ်ထုတ်နေ ကြသော်လည်း မိုးဆက်လက် ရွာသွန်းနေဆဲဖြစ်သဖြင့် မြစ်ရေမှာ ဆက်လက်တိုးနေသည့် အခြေအနေတွင် ရှိနေသည်။ ဓါတ်ပုံ - (Tanintharyi Red Cross Branch / Nay Lin Htet) #တနင်္သာရီမြို့ #တနင်္သာရီမြစ်

တနင်္သာရီမြစ်ရေ စံချိန်တင်တက်၍ မြို့ပေါ်နှင့် ကျေးရွာ ၃၀ ကျော် ရေမြုပ်

တနင်္သာရီမြစ်ရေ စံချိန်တင်တက်၍ မြို့ပေါ်နှင့် ကျေးရွာ ၃၀ ကျော် ရေမြုပ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁ ရက်။ တနင်္သာရီတိုင်း၊…

  • September 1, 2026
ချင်းတောင်ပိုင်း မင်းတပ်တွင် စစ်အုပ်စုက လေကြောင်းမှ ဗုံးကြဲ၍ ကလေးများအပါ ၈ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ ချင်းပြည်၊ မင်းတပ်မြို့နယ်၊ တိုက်နယ်အမှတ် (၂) ရှိ ဝှမ်းခုမ်ကျေးရွာအတွင်းသို့ တိုက်ပွဲဖြစ်ပွားခြင်း မရှိဘဲ စစ်တပ်က ဂျက်ဖိုက်တာ တိုက်လေယာဉ်များဖြင့် ဗုံးများ ကြဲချတိုက်ခိုက်ခဲ့ သဖြင့် သူငယ်တန်း နှင့် ၉ တန်း တက်နေသည့် ကလေးငယ် ၂ ဦးအပါအဝင် စစ်ဘေးရှောင် အရပ်သား ပြည်သူ ၈ ဦး သေဆုံးခဲ့သည်။ ဩဂုတ်လ ၃၀ ရက်နေ့၊ ညနေ ၅ နာရီခွဲဝန်းကျင်တွင် မန္တလေးတိုင်း တံတားဦးလေတပ်မှ တက်လာသည့် စစ်တပ် ၏ ဂျက်ဖိုက်တာ တိုက်လေယာဉ် ၂ စီးသည် စစ်ဘေးရှောင် အရပ်သားများ ခိုလှုံနေသည့် ဝှမ်းခုမ်ကျေးရွာ အတွင်းရှိ နေရာ ၂ ခုသို့ ဖျက်အားပြင်း ပေါင် ၅၀၀ ဗုံးဟု ယူဆရသော ဗုံး ၄ လုံးဖြင့် ၂ ကြိမ်တိုင်တိုင် အကြောင်း မဲ့ ဦးတည် ကြဲချတိုက်ခိုက်ခဲ့ခြင်း ဖြစ်သည်။ မင်းတပ်ဒေသခံတစ်ဦးက “မနေ့ ညနေပိုင်းမှာ ဘာတိုက်ပွဲမှ မရှိဘဲ တံတားဦးက တက်လာတဲ့ ဂျက် ဖိုက်တာ ၂ စီးက ပေါင် ၅၀၀ ဗုံးနဲ့ အကြောင်းမဲ့ လာကြဲတာပါ။ သေသွားတဲ့ ၈ ဦးထဲမှာ KG တန်းနဲ့ ၉ တန်းတက်နေတဲ့ ကလေးနှစ်ဦးအပြင် သက်ကြီးပိုင်း အဖိုးအဖွားတွေလည်း ပါသွားပါတယ်” ဟု ပြောသည်။ ထိုသို့ လေကြောင်းမှ ဗုံးကြဲတိုက်ခိုက်မှုကြောင့် ကျေးရွာအတွင်းရှိ ကလေးငယ်များ၊ သက်ကြီးရွယ်အိုများနှင့် စစ်ဘေးရှောင် ပြည်သူများဖြစ်ကြသည့် အမျိုးသား ၄ ဦး၊ အမျိုးသမီး ၄ ဦး စုစုပေါင်း ၈ ဦး ပွဲချင်းပြီး သေဆုံးခဲ့ ပြီး၊ ပြည်သူ ၁၀ ဦးထက်မနည်း ထိခိုက်ဒဏ်ရာများ ရရှိခဲ့သည်။ ထို့ပြင် အရပ်သားပြည်သူပိုင် နေအိမ် အလုံး ၂၀ ဝန်းကျင်ခန့်လည်း ထိခိုက်ပျက်စီးကာ အချို့နေအိမ်များ မီးလောင်ပြာကျသွားခဲ့သည်။ စစ်အုပ်စုတပ်သည် စစ်ရေးပစ်မှတ် မဟုတ်သည့် အရပ်သားပြည်သူများ နေထိုင်ရာ ကျေးရွာကို ဦးတည် တိုက်ခိုက်ခဲ့ခြင်း ဖြစ်ပြီး ယခုကဲ့သို့ အပြစ်မဲ့ ပြည်သူများ ထိခိုက်သေဆုံးရမှု အပေါ် ပြင်းထန်စွာ ရှုတ်ချကြောင်း မင်းတပ်မြို့နယ်၊ တိုက်နယ် (၂) ပြည်သူ့အုပ်ချုပ်ရေးအဖွဲ့က ဩဂုတ်လ ၃၀ ရက်နေ့တွင် ထုတ်ပြန်ထားသည်။ မင်းတပ် ဒေသခံက “စစ်အုပ်စုက အရပ်သားတွေ နေတဲ့နေရာကို ဘာအကြောင်းမှ မရှိဘဲ ဝင်ကြဲတတ်လို့ အားလုံးလည်း အထူးဂရုစိုက် သွားလာကြဖို့ သတိပေးချင်ပါတယ်” ဟု ဆက် ပြောသည်။ စစ်အုပ်စုတပ်သည် မင်းတပ်မြို့နယ်အပါအဝင် ချင်းတောင်ပိုင်း နယ်မြေများကို ပြန်လည်ထိန်းချုပ်နိုင်ရေး အတွက် ပြီးခဲ့သည့် မေလလယ်မှစ၍ အင်အားထောင်ချီအသုံးပြုကာ အရှိန်အဟုန်မြှင့် ထိုးစစ်ဆင်ခဲ့သော်လည်း ချင်းပူးပေါင်းတပ်များနှင့် မဟာမိတ်တပ်များ၏ ခုခံတိုက်ခိုက်မှုကြောင့် မြေပြင်ထိုးစစ်များ အထိနာပြီး အလုပ် မဖြစ်သည့်အခါ လေကြောင်းတိုက်ခိုက်မှုများကိုသာ ဆက်တိုက် အသုံးပြုလာခြင်း ဖြစ်သည်ဟု တော်လှန်ရေး တပ်ဖွဲ့များဘက်က ပြောသည်။ ချင်းပူးပေါင်းတပ်ဖွဲ့များ (CPU/CPA) ၏ ဩဂုတ်လ ၁ ရက်နေ့ ထုတ်ပြန်ချက်အရ စစ်အုပ်စုတပ်သည် ချင်းတောင်ပိုင်း ထိုးစစ်ကာလအတွင်း မင်းတပ်၊ ကန်ပက်လက် အပါအဝင် ၎င်းတို့ ထိန်းချုပ်ဒေသများကို လေကြောင်းမှ တိုက်ခိုက်မှု အကြိမ်ပေါင်း ၆၀၀ ထက်မနည်း ပြုလုပ်ခဲ့ကြောင်း သိရသည်။ ထို့ပြင် ယခု လေကြောင်းတိုက်ခိုက်ခံရသည့် မင်းတပ်မြို့နယ်၊ အမှတ် (၂) ဝှမ်းခုမ်ကျေးရွာသည် ပြီးခဲ့သည့် ၂၀၂၄ ခုနှစ်၊ ဇူလိုင်လအတွင်းကလည်း တိုက်ပွဲဖြစ်ပွားခြင်း မရှိဘဲ စစ်အုပ်စုတပ်၏ လေကြောင်းမှ ဗုံးကြဲတိုက်ခိုက်မှု ကြောင့် ကလေးငယ် ၂ ဦး အပါအဝင် ပြည်သူ ၃ ဦး သေဆုံးခဲ့ဖူးသည့် ဖြစ်စဉ်လည်း ရှိခဲ့သည်။ ဓါတ်ပုံ - HKl Mindat #မင်းတပ် #ဝှမ်းခုမ်ကျေးရွာ

ချင်းတောင်ပိုင်း မင်းတပ်တွင် စစ်အုပ်စုက လေကြောင်းမှ ဗုံးကြဲ၍ ကလေးများအပါ ၈ ဦး သေဆုံး

ချင်းတောင်ပိုင်း မင်းတပ်တွင် စစ်အုပ်စုက လေကြောင်းမှ ဗုံးကြဲ၍ ကလေးများအပါ ၈ ဦး သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။ ချင်း…

  • August 31, 2026
ရခိုင်-မကွေး အစပ် မင်းတုန်းတွင် ထွန်စက်များ ချောဆွဲခံရမှုကြောင့် တောင်သူများ စိုးရိမ်ထိတ်လန့် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ မကွေးတိုင်း၊ သရက်ခရိုင်၊ မင်းတုန်းမြို့နယ်၌ လမ်းတွင် ရွှံ့ဗွက်နစ်နေသည့် စစ်အုပ်စုတပ် စစ်ကားများကို ဆွဲထုတ်ရန်အတွက် ဒေသခံ ထွန်စက်ပိုင်ရှင်များကို ချောဆင့်ခေါ်ယူ ခိုင်းစေနေသဖြင့် ထွန်စက်ပိုင်ရှင်များနှင့် တောင်သူများ အသက်အန္တရာယ် စိုးရိမ်ထိတ်လန့်နေကြသည်။ ဩဂုတ်လအတွင်း မိုးအဆက်မပြတ် ရွာသွန်းခဲ့မှုကြောင့် မင်းတုန်း-ငကုန်း ဒေသဖွံ့ဖြိုးရေးလမ်းပိုင်း၌ စစ်သား ၁၀၀ ခန့် လိုက်ပါလာသည့် တရုတ်နိုင်ငံထုတ် ဖောကား ၄ စီး ရွှံ့နွံနစ်သွားခဲ့ရာ အဆိုပါ စစ်ကားများကို ဆွဲထုတ် ရန် စစ်အုပ်စုတပ်က ဒေသခံ ထွန်စက်များကို ချောဆင့်ခေါ်ယူနေခြင်း ဖြစ်သည်။ ထိုသို့ ချောဆွဲခိုင်းစေခံရမှုကြောင့် စစ်တပ်နှင့် တော်လှန်ရေးတပ်ဖွဲ့များအကြား တိုက်ပွဲများအတွင်း ညှပ်မိမည်ကို စိုးရိမ်ရသည့်အပြင် စစ်အုပ်စုတပ်၏ လုံခြုံရေး မကင်းသည့် လုပ်ရပ်များကြောင့် မိုင်းအန္တရာယ်နှင့်လည်း ရင်ဆိုင်နေကြရသည်။ အသက် ၆၀ အရွယ် မင်းတုန်းမြို့ခံတစ်ဦးက “အမှတ် (၃) ရပ်ကွက်က ထွန်စက်ပေါ့။ ကားဆွဲရင်း မိုင်းနင်းမိလို့ ထွန်စက်လည်း ပျက်စီးတယ်၊ လူလည်း မျက်လုံးကန်းသွားတယ်။ ဘာမှမတတ်နိုင်ဘူး။ ခေါ်တော့လည်း မသွား ရင် တစ်ပြစ်၊ သွားတော့လည်း ကိုယ်ဖြစ်ကိုယ်ခံပါပဲ” ဟု ပြောသည်။ လက်ရှိတွင် မင်းတုန်းမြို့နယ်မှတစ်ဆင့် အနောက်ရိုးမပေါ်သို့ စစ်ကြောင်းထိုးရန် စစ်အုပ်စုတပ်သည် အင်အား ၂,၅၀၀ ခန့်၊ မော်တော်ယာဉ် ၁၅၀ ကျော်ခန့်ဖြင့် ရောက်ရှိနေကြောင်း ဒေသခံများက ပြောသည်။ အဆိုပါ စစ်ကြောင်းများသည် မြို့ပေါ်ရှိ ဘုန်းကြီးကျောင်းများ၊ ဓမ္မာရုံများ၊ ဘုရားကြီး၊ စေတီပုထိုးများ၊ ဘောလုံးကွင်းနှင့် မီးသတ်ဦးစီးဌာန ဝင်းအတွင်းတို့၌ အထိုင်ချ တပ်စွဲထားကြသည်။ စစ်အုပ်စုတပ်၏ စစ်ကြောင်းထိုး လှုပ်ရှားမှုများနှင့် အထိုင်ချစခန်းများကြောင့် မင်းတုန်းမြို့နယ် အနောက်ခြမ်းရှိ ကြို့ဝ၊ ကံမနိုင်၊ မြောက်ပြင်နှင့် ပြောင်း၊ ထန်းပင်ကုန်း စသည့် ကျေးရွာများ ပျက်စီးခဲ့ရပြီး သက်ကြီးရွယ်အိုများ၊ အမျိုးသမီးများနှင့် ကလေးငယ်များအပါအဝင် ရွာသားများမှာ မိုးရေထဲတွင် ဘေးလွတ်ရာသို့ တိမ်းရှောင်နေကြ ရသည်။ စစ်ရေးတင်းမာမှုများကြောင့် မင်းတုန်းနယ်နှင့် မင်းလှမြို့နယ် အစပ်ရှိ စစ်အုပ်စုတပ် အထိုင်စခန်းများ ဝန်းကျင်၌ တိုက်ပွဲများ ဆက်တိုက်ဖြစ်ပွားနေပြီး မင်းတုန်း-သရက် နှင့် မင်းတုန်း-မကွေး ခရီးစဉ်မောင်းနှင်သည့် ယာဉ်လိုင်း များ သွားလာ၍ မရတော့ကြောင်း ဒေသခံများက ဆိုသည်။ ပုသိမ်-မုံရွာ လမ်းဘေးကျေးရွာတွင် နေထိုင်သည့် အသက် ၃၅ နှစ်အရွယ် လူငယ်တစ်ဦးက “မင်းတုန်း-ပြည် လမ်းကြောင်းတစ်ခုပဲ ပုသိမ်-မုံရွာ လမ်းပိုင်းက သုံးလို့ရတယ်။ မကွေးသွားချင်ရင်၊ သရက်သွားချင်ရင် ပြည်က ပတ်သွားရတယ်။ မင်းတုန်း-ပြည် လမ်းလည်း ဌာနဆိုင်ရာတွေတော့ မသွားရဲကြဘူး” ဟု ပြောသည်။ ယခုရာသီသည် မင်းတုန်းမြို့နယ်ရှိ တောင်ယာကိုင်းမြေများတွင် ပဲတီစိမ်း၊ မတ်ပဲ၊ မြေပဲခင်းများ ပေါင်းသတ် ရသည့် ရာသီဖြစ်ပြီး ထွန်စက်များ ပုံမှန် လုပ်ကိုင်ရမည့် အချိန်ဖြစ်သော်လည်း ယခုကဲ့သို့ ချောဆွဲခံနေရသဖြင့် စိုက်ပျိုးရေး လုပ်ငန်းများ နှောင့်နှေးကြန့်ကြာမှုများ ကြုံတွေ့နေရသည်။ ပြီးခဲ့သည့် ဇူလိုင်လအတွင်းကလည်း မိုးသည်းထန်စွာ ရွာသွန်းမှုကြောင့် ချောင်းရေလျှံကာ နှမ်းခင်းများ ရေနောက်ပါသွားသည့်အပြင် မိုးများ၍ ပျက်စီးခဲ့သည့် နှမ်းခင်းများစွာ ရှိခဲ့ကြောင်း နှမ်းတောင်သူများက ဆိုသည်။ ဓါတ်ပုံ - Crd #မင်းတုန်းမြို့နယ်

ရခိုင်-မကွေး အစပ် မင်းတုန်းတွင် ထွန်စက်များ ချောဆွဲခံရမှုကြောင့် တောင်သူများ စိုးရိမ်ထိတ်လန့်

ရခိုင်-မကွေး အစပ် မင်းတုန်းတွင် ထွန်စက်များ ချောဆွဲခံရမှုကြောင့် တောင်သူများ စိုးရိမ်ထိတ်လန့် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။…

  • August 31, 2026
ရခိုင်မြောက်ပိုင်း မောင်တောနယ်စပ်တွင် ကင်းလှည့်နေသည့် AA နှင့် ARSA, RSO ပူးပေါင်းအဖွဲ့ တိုက်ပွဲဖြစ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ ရခိုင်-ဘင်္ဂလားဒေ့ရှ် နယ်စပ်၊ မောင်တောမြို့နယ် တောင်ပိုင်းတွင် လုံခြုံရေးကင်းလှည့်နေသည့် အာရက္ခတပ် တော် (AA) နှင့် နယ်စပ်မှ ခိုးဝင်လာသော ARSA၊ RSO ပူးပေါင်းအဖွဲ့တို့ တိုက်ပွဲဖြစ်ပွားခဲ့ပြီး လက်နက်ကိုင် ၆ ဦးကို အရှင်လက်ရ ဖမ်းဆီးရမိခဲ့ကြောင်း ဒေသခံ စစ်ရေးသတင်းရင်းမြစ်များက ပြောသည်။ မောင်တောမြို့နယ်၊ ကျောက်ပန္ဒူကမ်းခြေနှင့် ဂြင်းတောချောင်းဝကျေးရွာ ပတ်ဝန်းကျင်တို့တွင် ဩဂုတ်လ ၂၉ ရက်နှင့် ၃၀ ရက်နေ့တို့၌ ကင်းလှည့်နေသည့် AA တပ်စိတ်များနှင့် ဘင်္ဂလားဒေ့ရှ်ဘက်မှ ခိုးဝင်လာသော ARSA၊ RSO ပူးပေါင်းအဖွဲ့တို့ ထိတွေ့တိုက်ပွဲဖြစ်ပွားခဲ့ခြင်း ဖြစ်သည်။ ဒေသခံ စစ်ရေးသတင်းရင်းမြစ် အမျိုးသားတစ်ဦးက “နှစ်ရက်ဖြစ်တယ်လို့ သိရတယ်။ ၂၉ ရက်နဲ့ ၃၀ ရက်နေ့ တွေမှာ ဖြစ်တာ။ ARSA၊ RSO အဝင်အထွက် စိပ်နေတာသိလို့ အေအေက ကင်းလှည့်နေတာ။ အခုတည့်တည့် တိုးတာပဲ။ အေအေက အရှင်နဲ့ အသေ ဖမ်းမိတာတွေရှိတယ်။ ထုတ်ပြန်ပါလိမ့်မယ်” ဟု ပြောသည်။ အဆိုပါ တိုက်ပွဲအတွင်းမှ ARSA နှင့် RSO လက်နက်ကိုင် ၆ ဦးကို ဖောက်ခွဲရေးပစ္စည်းများ အပါအဝင် အခြား လက်နက်ခဲယမ်းများနှင့်အတူ အာရက္ခတပ်တော် (AA) က အရှင်လက်ရ ဖမ်းဆီးရမိခဲ့သည်။ လက်ရှိတွင် တိုက်ပွဲဖြစ်ပွားရာ အနီးဝန်းကျင်များကို AA က လိုက်လံရှင်းလင်းလျက်ရှိပြီး နယ်စပ်လုံခြုံရေး အင်အားများကိုလည်း ထပ်မံတိုးမြှင့်ထားသည်။ မောင်တော နယ်စပ်ဒေသတွင် ARSA၊ RSO နှင့် ARA အပါအဝင် အကြမ်းဖက် လက်နက်ကိုင်အဖွဲ့များသည် ဒေသခံ အရပ်သားပြည်သူများအား ခြုံခိုတိုက်ခိုက်ခြင်း၊ ပြန်ပေးဆွဲခြင်းနှင့် ငွေညှစ်ခြင်းများကို မကြာခဏ ပြုလုပ်လေ့ရှိသည်။ ထို့ကြောင့် ဩဂုတ်လ ၉ ရက်နေ့မှစ၍ မောင်တောမြို့နယ်တွင် ညမထွက်ရအမိန့် ထုတ်ပြန်ထားပြီး မြို့တွင်း၊ မြို့ပြင် ဂိတ်ချစစ်ဆေးခြင်းနှင့် ကင်းလှည့်ခြင်းများကို နေ့ရောညပါ ပြုလုပ်ကာ လုံခြုံရေး ပိုမိုတင်းကြပ် ထားသည်။ ဓါတ်ပုံ - (ပုံဟောင်း / Crd) #AA #ARSA #RSO

ရခိုင်မြောက်ပိုင်း မောင်တောနယ်စပ်တွင် ကင်းလှည့်နေသည့် AA နှင့် ARSA, RSO ပူးပေါင်းအဖွဲ့ တိုက်ပွဲဖြစ်

ရခိုင်မြောက်ပိုင်း မောင်တောနယ်စပ်တွင် ကင်းလှည့်နေသည့် AA နှင့် ARSA, RSO ပူးပေါင်းအဖွဲ့ တိုက်ပွဲဖြစ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ …

  • August 31, 2026
ရခိုင်-မကွေး အစပ်တွင် စစ်အုပ်စုတပ် တိုက်ခိုက်ခံရပြီး တပ်ကြပ်အပါအဝင် ၅ ဦး ဖမ်းဆီးရမိ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ ရခိုင်-မကွေး အစပ် မင်းတုန်းမြို့နယ်အတွင်း နယ်မြေ ပြန်လည်ထိန်းချုပ်ရန် အင်အားအလုံးအရင်းဖြင့် စစ်ကြောင်းထိုးလာသည့် စစ်အုပ်စုတပ် ကြားဖြတ်တိုက်ခိုက်ခံရပြီး အထိနာသွားသည့်အပြင် တပ်ကြပ်အဆင့် ပါဝင်သည့် စစ်မှုထမ်း တပ်သား ၅ ဦး စစ်ကြောင်းအတွင်းမှ ထွက်ပြေးရာ တော်လှန်ရေး ပူးပေါင်းတပ်များက ဖမ်းဆီးရမိခဲ့သည်။ စစ်အုပ်စုတပ်သည် မတရား ပေါ်တာဆွဲ ဖမ်းဆီးထားသည့် စစ်မှုထမ်း တပ်သားသစ်များ (ပစ) ကို အဓိက အသုံး ပြုကာ သရက်ခရိုင်၊ မင်းတုန်းမြို့နယ်အတွင်း လက်လွှတ်လိုက်ရသည့် နယ်မြေများကို ပြန်လည်စိုးမိုးနိုင်ရန် အင်အားခွဲ၍ စစ်ကြောင်းထိုးလာခြင်း ဖြစ်သည်။ အင်အား ၂၀၀ ခန့်ပါသည့် အဆိုပါ စစ်ကြောင်းသည် ဩဂုတ်လ ၂၉ ရက်၊ ည ၇ နာရီခန့်တွင် မင်းတုန်းမြို့ အနောက်ခြမ်းသို့ ရောက်ရှိလာပြီး အင်အား ၅၀ ခန့်ဖြင့် ရိက္ခာရှာရန် ထွက်လာစဉ် သရက်ခရိုင် အမှတ် (၄) တပ် ရင်းက အသင့်စောင့်ကြို တိုက်ခိုက်ခဲ့ခြင်းဖြစ်သည်။ ၁၀ မိနစ်ခန့် ကြာမြင့်ခဲ့သည့် တိုက်ပွဲအတွင်း စစ်အုပ်စုတပ် ဘက်မှ အကျအဆုံးများစွာဖြင့် အထိနာကာ ဆုတ်ခွာထွက်ပြေးသွားခဲ့ရသည်။ မင်းတုန်းဒေသခံ တော်လှန်ရေး သတင်းအရင်းအမြစ် အမျိုးသားတစ်ဦးက “ရခိုင်ဘက်ကို စစ်ကြောင်းထိုးဖို့ စစ်အင်အား တစ်ထောင်နီးပါး မင်းတုန်းကို ရောက်နေတာပါ။ အဲဒီကမှတစ်ဆင့် ရိုးမနဲ့ တော်လှန်ရေးတပ်တွေ ရှိတဲ့နေရာကို ခွဲပြီး စစ်ကြောင်းထိုးလာတာဖြစ်လို့ ဒေသခံ တော်လှန်ရေးတပ်တွေနဲ့ ပူးပေါင်းတိုက်ခိုက် နေရတာ ပါ။ အခုဆိုရင် လက်နက်တွေ သိမ်းဆည်းရမိတဲ့အပြင် စစ်ကြောင်းထဲက ထွက်ပြေးလာတဲ့ စစ်တပ်က တပ်ကြပ် အဆင့်၊ ဒုတပ်ကြပ်အဆင့်နဲ့ စစ်မှုထမ်း တပ်သားသစ် နှစ်ဦးကိုပါ ဖမ်းမိထားတယ်” ဟု ပြောသည်။ ထို့ပြင် တိုက်ပွဲအပြီး ဆုတ်ခွာထွက်ပြေးသွားသည့် စစ်အုပ်စုတပ်ကို လိုက်လံ ရှင်းလင်းရာတွင် MA-3 သေနတ် ၁ လက်၊ ၅.၅၆ ကျည် ၉၁ တောင့်၊ ကျည်ဘောက် ၄ ဘောက်၊ လက်ပစ်ဗုံး ၁ လုံး၊ ဖုန်း ၁ လုံးနှင့် စစ်တပ်ဘက်က အလောင်း အချို့ကို သိမ်းဆည်းရမိခဲ့သည်။ စစ်ကြောင်းအတွင်းမှ ထွက်ပြေးလာသည့် တပ်ကြပ် ၁ ဦး၊ ဒုတပ်ကြပ် ၂ ဦးနှင့် စစ်မှုထမ်း တပ်သားသစ် ၂ ဦး၊ စုစုပေါင်း ၅ ဦးကို ထိန်းသိမ်းထားနိုင်ခဲ့ကြောင်း သရက်ခရိုင် အမှတ် (၄) တပ်ရင်းကလည်း ဩဂုတ်လ ၃၀ ရက် နေ့တွင် သတင်းထုတ်ပြန်ထားသည်။ စစ်အုပ်စုတပ်သည် ရခိုင်-မကွေး နယ်စပ်တွင် စစ်ရေး အသာစီးရရှိရေးအတွက် လေကြောင်းလိုင်း၊ လက်နက် ကြီးနှင့် ဒရုန်းများကိုသာမက မတရား စုဆောင်းထားသည့် စစ်မှုထမ်း တပ်သားများကိုပါ အကာအကွယ်အဖြစ် အသုံးပြုနေသော်လည်း မြေပြင်စစ်မဟာဗျူဟာတွင် အထိနာလျက်ရှိနေသည်။ မင်းတုန်းမြို့နယ် အနောက်ဘက် ပဲခူးရိုးမနှင့် အမ်း-မင်းတုန်း လမ်းကြောင်းတစ်လျှောက်တွင် စစ်အုပ်စုတပ်၏ လက်နက်ကြီး ရမ်းသန်းပစ်ခတ်မှုများရှိနေ၍ ဒေသခံ ပြည်သူအချို့ ဘေးလွတ်ရာသို့ ထွက်ပြေးတိမ်းရှောင်နေ ကြရသည်။ ဓာတ်ပုံ - (စစ်ကြောင်းအတွင်းမှ ဖမ်းဆီးရမိသည့် စစ်အုပ်စုတပ်သားများ / Crd) #မင်းတုန်းမြို့နယ် #ရခိုင်မကွေးအစပ်တိုက်ပွဲ

ရခိုင်-မကွေး အစပ်တွင် စစ်အုပ်စုတပ် တိုက်ခိုက်ခံရပြီး တပ်ကြပ်အပါအဝင် ၅ ဦး ဖမ်းဆီးရမိ

ရခိုင်-မကွေး အစပ်တွင် စစ်အုပ်စုတပ် တိုက်ခိုက်ခံရပြီး တပ်ကြပ်အပါအဝင် ၅ ဦး ဖမ်းဆီးရမိ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။ ရခိုင်…

  • August 31, 2026
၂၀၂၆ ခုနှစ် ရေမွန်မက်ဂ်ဆေးဆေးဆု AAPP ပူးတွဲတည်ထောင်သူ ဦးဘိုကြည် ရရှိ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၁ ရက်။ အာရှ၏ နိုဘယ်လ်ဆုဟု တင်စားကြသည့် ၂၀၂၆ ခုနှစ် ရေမွန်မက်ဂ်ဆေးဆေးဆု (Ramon Magsaysay Award) ကို နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ ပူးတွဲတည်ထောင်သူ ဦးဘိုကြည် ဆွတ်ခူးရရှိခဲ့ကြောင်း ဆု ရန်ပုံငွေအဖွဲ့က ဩဂုတ်လ ၃၁ ရက်နေ့တွင် ထုတ်ပြန်ကြေညာလိုက်သည်။ ဖိလစ်ပိုင်နိုင်ငံ၏ ၇ ဦးမြောက် သမ္မတ ရေမွန်မက်ဂ်ဆေးဆေး၏ ၁၁၉ နှစ်မြောက် မွေးနေ့နှင့် တိုက်ဆိုင်စွာ မနီလာမြို့မှ တိုက်ရိုက်ထုတ်လွှင့် ကြေညာခဲ့သည့် ယခုနှစ် ဆုရရှိသူ ၃ ဦး၏ စာရင်းတွင် မြန်မာနိုင်ငံမှ ဦးဘိုကြည် အပါအဝင် စင်ကာပူနိုင်ငံမှ Tommy Koh နှင့် ဘင်္ဂလားဒေ့ရှ်နိုင်ငံမှ Runa Khan တို့ ပါဝင်ကြသည်။ ၁၉၅၈ ခုနှစ်မှစတင်၍ ပေးအပ်ခဲ့သည့် အဆိုပါဆုသည် အများပြည်သူအကျိုးအတွက် ရိုးသားဖြောင့်မတ်စွာ သတ္တိရှိရှိ ပေးဆပ်ဆောင်ရွက်ခဲ့ကြသည့် ပုဂ္ဂိုလ်များနှင့် အဖွဲ့အစည်းများကို အသိအမှတ်ပြု ချီးမြှင့်သည့် အာရှ၏ အမြင့်ဆုံးဂုဏ်ပြုဆု ဖြစ်ပါသည်။ ဦးဘိုကြည်က “AAPP အဖွဲ့ဝင်များအားလုံးကို ကျေးဇူးတင်ပါတယ်။ အထူးသဖြင့် ဒီအဖွဲ့ရဲ့ ပူးတွဲတည်ထောင် သူတစ်ဦးဖြစ်ပြီး လွန်ခဲ့တဲ့ ၂၆ နှစ်လုံးလုံး ကျနော်နဲ့အတူ ဆက်လက်လက်တွဲ လုပ်ဆောင်ခဲ့တဲ့ ကိုတိတ်နိုင်ကို အထူးပဲ ကျေးဇူးတင်ပါတယ်။ သူတို့သာ မရှိခဲ့ရင် အခုလိုဆုမျိုး ရရှိဖို့ဆိုတာ ဘယ်လိုမှ ဖြစ်နိုင်မှာ မဟုတ်ပါ ဘူး။ ဒီဆုဟာ ကျနော်တစ်ယောက်တည်း အတွက် မဟုတ်ဘဲ AAPP အဖွဲ့ဝင်များအားလုံးနဲ့ သက်ဆိုင်တဲ့ ဆု ဖြစ်ပါတယ်” ဟု သူ၏ လူမှုကွန်ရက် စာမျက်နှာတွင် ကျေးဇူးတင်စကား ပြောဆိုထားသည်။ ဆုရရှိသူ ဦးဘိုကြည်သည် ၁၉၈၈ ခုနှစ်တွင် ရန်ကုန်ဝိဇ္ဇာနှင့် သိပ္ပံတက္ကသိုလ်၌ ကျောင်းပြီးခါနီးအချိန်တွင် ရှစ်လေးလုံး ဒီမိုကရေစီအရေးတော်ပုံ၌ ပါဝင်ခဲ့မှုကြောင့် ဖမ်းဆီးခံခဲ့ရပြီး ထောင်ဒဏ် စုစုပေါင်း ၇ နှစ် ကျခံခဲ့ရ သူ ဖြစ်သည်။ ထောင်ဒဏ်ကျခံနေရသည့် ခက်ခဲဆိုးရွားသော အခြေအနေများကြားမှ ကွန်ကရစ်ကြမ်းပြင်ပေါ်တွင် အုတ်နီခဲ စဖြင့် ရေးသား၍လည်းကောင်း၊ ထောင်အစောင့်များ မသိစေရန် အဘိဓာန် စာရွက်များကို ဝါးမျိုဖျက်ဆီး၍ လည်းကောင်း အင်္ဂလိပ်စာကို တတ်မြောက်အောင် ကြိုးပမ်းခဲ့သည်။ စစ်အုပ်စုတပ်၏ သတင်းပေးအဖြစ် ဆောင်ရွက်ရန် ကမ်းလှမ်းချက်များကိုလည်း ငြင်းပယ်ခဲ့ပြီး နိုင်ငံရေး အကျဉ်းသားများ အားလုံး လွတ်မြောက်ရေးအတွက် ထောင်ဒဏ်ကို ဆက်လက်ရင်ဆိုင်ခဲ့သည်။ ၁၉၉၈ ခုနှစ်တွင် ဒုတိယအကြိမ် ထောင်မှလွတ်မြောက်လာပြီးနောက် ထိုင်း-မြန်မာနယ်စပ် မဲဆောက်မြို့သို့ ထွက် ပြေးတိမ်းရှောင်ခဲ့ပြီး ၂၀၀၀ ပြည့်နှစ် မတ်လတွင် နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) ကို ပူးတွဲတည်ထောင်ခဲ့သည်။ “မြန်မာနိုင်ငံအတွင်း နိုင်ငံရေးအကျဉ်းသားများ ရှိနေသရေ့ မြန်မာနိုင်ငံသည် လွတ်လပ်မည်မဟုတ်” ဆိုသည့် မူကို ကိုင်စွဲကာ AAPP အဖွဲ့သည် စေတနာ့ဝန်ထမ်းများ၊ မိသားစုများနှင့် ရှေ့နေများ ပါဝင်သည့် ကွန်ရက်ဖြင့် မတရားဖမ်းဆီးခံရသူများနှင့် နိုင်ငံရေးအကျဉ်းသားများကို ကူညီစောင့်ရှောက်ပေးလျက် ရှိသည်။ လက်ရှိတွင် AAPP အဖွဲ့သည် အထူးသဖြင့် ၂၀၂၁ ခုနှစ် ဖေဖော်ဝါရီလ စစ်အာဏာသိမ်းပြီးနောက်ပိုင်း ဖြစ်ပွားခဲ့ သည့် လူ့အခွင့်အရေး ချိုးဖောက်ခံရမှုများနှင့် မတရားဖမ်းဆီးခံရမှုများကို ကမ္ဘာသိအောင် အဓိက မှတ်တမ်းတင် ဖော်ထုတ်ပေးနေသည့် အဖွဲ့အစည်းတစ်ခုအဖြစ် ရပ်တည်လျက် ရှိသည်။ အာရှ၏ နိုဘယ်လ်ဆုဟု တင်စားကြသည့် ရေမွန်မက်ဂ်ဆေးဆေးဆုကို အရင်ကလည်း မြန်မာနိုင်ငံသားများ ဖြစ် ကြသည့် The Nation သတင်းစာ တည်ထောင်သူ ဦးလောရုံ (၁၉၅၉ ခုနှစ်)၊ မဲဆောက်ရှိ မယ်တော်ဆေးခန်း တည်ထောင်သူ ဒေါက်တာ စင်သီယာမောင် (၂၀၀၂ ခုနှစ်)၊ Earth Rights International ပူးတွဲတည်ထောင်သူ ကဆောဝါ (Ka Hsaw Wa) (၂၀၀၉ ခုနှစ်)၊ ကချင်လူမှုအဖွဲ့အစည်း အကူအညီပေးရေး ဦးဆောင်သူ ဒေါ်လဖိုင် ဆန်းရော် (၂၀၁၃ ခုနှစ်)၊ နာရေးကူညီမှုအသင်း (ရန်ကုန်) တည်ထောင်သူ ဦးကျော်သူ (၂၀၁၅ ခုနှစ်) နှင့် Myanmar Now သတင်းဌာန အယ်ဒီတာချုပ် ကိုဆွေဝင်း (၂၀၁၉ ခုနှစ်) တို့ ရရှိထားကြသည်။ ဓါတ်ပုံ - (AAPP / ၂၀၂၆ ခုနှစ် ရေမွန်မက်ဂ်ဆေးဆေးဆု ရရှိသူ AAPP ပူးတွဲတည်ထောင်သူ ဦးဘိုကြည်) #ဦးဘိုကြည် #Ramon_Magsaysay_Award

၂၀၂၆ ခုနှစ် ရေမွန်မက်ဂ်ဆေးဆေးဆု AAPP ပူးတွဲတည်ထောင်သူ ဦးဘိုကြည် ရရှိ

၂၀၂၆ ခုနှစ် ရေမွန်မက်ဂ်ဆေးဆေးဆု AAPP ပူးတွဲတည်ထောင်သူ ဦးဘိုကြည် ရရှိ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၁ ရက်။ အာရှ၏ နိုဘယ်လ်ဆုဟု တင…

  • August 31, 2026
×Close