သတင်း

တနင်္သာရီမြို့နယ်တွင် စစ်တပ် စစ်ကြောင်းထိုး၍ တိုက်ပွဲများ ပြင်းထန်နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၈ ရက်။ တနင်္သာရီတိုင်း၊ တနင်္သာရီမြို့နယ်တွင် စစ်တပ်က တနင်္သာရီမြစ် အောက်ဘက်ခြမ်းသို့ စစ်ကြောင်းထိုးလာ ခြင်းကြောင့် တော်လှန်ရေး ပူးပေါင်းတပ်များနှင့် စစ်ရေး တင်းမာကာ တိုက်ပွဲများ ပြင်းထန်လျက်ရှိသည်။ စစ်တပ်သည် ညောင်ပင်ကွင်းကျေးရွာရှိ ခမရ (၅၆၁) တပ်ရင်းထံ ရိက္ခာပို့ရန် တနင်္သာရီမြစ်ကြောင်း အတိုင်း အင်အားသုံး စစ်ကြောင်းထိုးလာသည့်အပြင် ဒေသခံပြည်သူများကိုလည်း လူသားဒိုင်းအဖြစ် ဖမ်းဆီး ခေါ်ဆောင်လာသောကြောင့် တနင်္သာရီမြစ် အောက်ဘက်ခြမ်းတွင် တော်လှန်ရေး ပူးပေါင်းတပ်များနှင့် စစ်ရေး တင်းမာကာ တိုက်ပွဲများ ပြင်းထန်လျက် ရှိသည်။ ဒေသခံ ပြည်သူတစ်ဦးက “စစ်အုပ်စုတပ်က မြစ်ကြောင်းအတိုင်း ရိက္ခာပို့ဖို့ စစ်ကြောင်းထိုးလာတာ။ လမ်းမှာ တွေ့တဲ့ ပြည်သူတွေကို လူသားဒိုင်းအဖြစ် ဖမ်းခေါ်သွားတော့ ပူးပေါင်းတပ်တွေနဲ့ တိုက်ပွဲတွေ ပြင်းထန်နေ တယ်။ ရွာ ၉ ရွာမက ရွာသားတွေလည်း ဘေးလွတ်ရာကို ကြိုထွက်ပြေးနေကြရတယ်။ ဖမ်းခံရသူတွေထဲမှာ သာမန် ပြည်သူအချို့ ပါသလို စစ်တပ် သတင်းပေး ဒေါက်တိုင်တွေလည်း ပိုများတယ်လို့ ကြားရတယ်” ဟု ပြောသည်။ လက်ရှိ စစ်ရေးနယ်မြေများဖြစ်သည့် ဗောဓိကမ်း၊ ဘန်လင်၊ ဘန်လော၊ ငါးမိုင်၊ ခြောက်မိုင်၊ ကျွဲထိန်းကုန်း၊ ဆင်ခေါင်း၊ သကျက်နှင့် တောင်ဘီးရွာ စသည့် ကျေးရွာ ၉ ရွာထက်မနည်းမှ ဒေသခံများအနေဖြင့် ဘေးလွတ်ရာ ကြိုတင်ရှောင်တိမ်းကြရန် မြိတ်ခရိုင် အမှတ် (၃) တပ်ရင်းက တိုက်တွန်း အသိပေးထားသည်။ ထို့ပြင် မြိတ်မြို့နယ်၊ တုံးဗျောရွာ၌ တပ်စွဲထားသည့် စစ်အုပ်စုတပ်ကိုလည်း KNU လက်အောက်ခံ KNDO တပ်ဖွဲ့ က ဩဂုတ်လ ၂၄ ရက်တွင် ပြောက်ကျားစနစ်ဖြင့် ဝင်ရောက် တိုက်ခိုက်ခဲ့ရာ စစ်အုပ်စုတပ်ဘက်မှ သေနတ်များ နှင့် ခဲယမ်းများ စွန့်ပစ်၍ ထွက်ပြေးသွားခဲ့သဖြင့် သေနတ် ၄ လက်နှင့် ခဲယမ်းအချို့ သိမ်းဆည်းရရှိခဲ့သည်။ တနင်္သာရီမြို့နယ်တွင် စစ်အုပ်စုတပ်၏ စစ်ဆင်ရေးကွပ်ကဲမှုဌာနချုပ် အမှတ် (၁၃) လက်အောက်ခံ ခမရ (၅၅၇)၊ ခမရ (၅၅၈) နှင့် ခမရ (၅၆၁) တပ်ရင်းများ အခြေစိုက်ထားပြီး ညောင်ပင်ကွင်း ခမရ (၅၆၁) သို့ ရိက္ခာပို့သည့် လမ်းကြောင်းအတိုင်း စစ်ကြောင်းထိုးလာခြင်းဖြစ်ရာ ပြီးခဲ့သည့် ၂၀၂၆ ခုနှစ် မေလကလည်း အဆိုပါ လမ်းပိုင်း၌ နှစ်ဖက် တိုက်ပွဲများ ပြင်းထန်စွာ ဖြစ်ပွားခဲ့ဖူးသည်။ စစ်အုပ်စုတပ်၏ စစ်ကြောင်းထိုးလာမှုနှင့်အတူ တနင်္သာရီမြစ်ကြောင်းတစ်လျှောက် စစ်ရေး ပိုမိုတင်းမာလာနိုင် သဖြင့် တိုက်ပွဲများအတွင်း ပြည်သူများ ထိခိုက်မှုမရှိစေရန် လုံခြုံရေး သတိထားကြပါရန် တော်လှန်ရေး ပူးပေါင်းတပ်ဖွဲ့များက နှိုးဆော်ထားသည်။ ဓါတ်ပုံ - (ထားဝယ်ဒေသခံ ပြည်သူ့ကာကွယ်ရေး တပ်ဖွဲ့ဝင်များ / Dawei PDF) #တနင်္သာရီတိုင်း

တနင်္သာရီမြို့နယ်တွင် စစ်တပ် စစ်ကြောင်းထိုး၍ တိုက်ပွဲများ ပြင်းထန်နေ

တနင်္သာရီမြို့နယ်တွင် စစ်တပ် စစ်ကြောင်းထိုး၍ တိုက်ပွဲများ ပြင်းထန်နေ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက်။ တနင်္သာရီတိုင်း၊ တနင်…

  • August 28, 2026
ပလက်ဝနှင့် ပုဏ္ဏားကျွန်းရှိ အလှကုန်ဆိုင်များကို AA ၏ FDA စစ်ဆေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၈ ရက်။ အာရက္ခတပ်တော် (AA) ထိန်းချုပ်ထားသည့် ချင်းပြည်၊ ပလက်ဝမြို့နယ်နှင့် ရခိုင်ပြည်၊ ပုဏ္ဏားကျွန်းမြို့နယ်တို့ အတွင်းရှိ အလှကုန်ဆိုင်များ၌ သုံးစွဲရန် မသင့်သည့် အလှကုန်များနှင့် သက်တမ်းကုန် ပစ္စည်းများ ရောင်းချနေ သည်ကို တွေ့ရှိရသဖြင့် AA ၏ အစားအသောက်နှင့် ဆေးဝါးကြီးကြပ်ရေးဌာနခွဲ (FDA) က သိမ်းဆည်း အရေး ယူမှုများ ပြုလုပ်ခဲ့သည်။ ဩဂုတ်လ ၁၄ ရက်နေ့က ပလက်ဝမြို့နယ်အတွင်းရှိ အလှကုန်ဆိုင် ၁၂ ဆိုင်ကို AA ၏ FDA မှ ကွင်းဆင်း စစ်ဆေးခဲ့ရာ သုံးစွဲရန် မသင့်သော အလှကုန်များ တွေ့ရှိသည့်ဆိုင် ၈ ဆိုင်နှင့် သက်တမ်းကုန် ပစ္စည်းများ တွေ့ရှိသည့်ဆိုင် ၉ ဆိုင်ကို တွေ့ရှိခဲ့သည်။ အလားတူ ပုဏ္ဏားကျွန်းမြို့နယ်အတွင်း အလှကုန်ဆိုင်များကို ဩဂုတ်လ ၁၁ ရက်က စစ်ဆေးခဲ့ရာတွင်လည်း သုံးစွဲရန် မသင့်သည့် အလှကုန်များ တွေ့ရှိသည့်ဆိုင် ၉ ဆိုင်နှင့် သက်တမ်းကုန် ပစ္စည်းများ တွေ့ရှိသည့်ဆိုင် ၈ ဆိုင် ရှိခဲ့သည်။ ရခိုင်ဒေသခံ အလှကုန် ရောင်းချသည့် ကုန်သည် အမျိုးသမီးတစ်ဦးက “ကျမတို့လည်း သတိထားရပါတယ်။ အခုက ရခိုင်မှာ ပြည်ပက အလှကုန်တွေ ဝင်ရောက်တာရှိတယ်။ အိန္ဒိယ ရှိတယ်၊ ထိုင်း ရှိတယ်၊ နောက် ဘင်္ဂလားဒေ့ရှ် ရှိတယ်။ သက်ဆိုင်ရာ စကားစာအရ သက်တမ်းကို ကြည့်ပြီး သတိထားရပါတယ်။ အလှအပ ကြိုက်တဲ့ အမျိုးသမီးတွေရဲ့ မျက်နှာတွေမှာ တစ်ခုခုဖြစ်သွားရင် တော်တော် စိတ်ထိခိုက်ရမယ်။ ဒါကြောင့် အခုလို စစ်ဆေးပေးတာ ကြိုဆိုပါတယ်” ဟု ပြောဆိုသည်။ ကွင်းဆင်းစစ်ဆေးစဉ် တွေ့ရှိခဲ့သည့် သုံးစွဲရန် မသင့်သော အလှကုန်များနှင့် သက်တမ်းကုန် ပစ္စည်းများကို တပါ တည်း သိမ်းဆည်းခဲ့ပြီး ဆိုင်ပိုင်ရှင်များကို ခံဝန်လက်မှတ် ရေးထိုးစေကာ တားမြစ်ကုန်ပစ္စည်းများကို ထပ်မံ ရောင်းချခြင်း မပြုကြရန် FDA က သတိပေး ပြောဆိုခဲ့သည်။ ယခုနှစ် ဖေဖော်ဝါရီလအတွင်းက အာဆီယံဒေသတွင်း နိုင်ငံများ၏ PMAS (Post-Marketing Alert System) အစီအစဉ်အရ သုံးစွဲရန် မသင့်ဟု တားမြစ်ပိတ်ပင်ထားသည့် ထိုင်း၊ မလေးရှား၊ ဖိလစ်ပိုင်၊ အင်ဒိုနီးရှားနှင့် ဘရူနိုင်းနိုင်ငံထုတ် အလှကုန်ပစ္စည်း ၂၉ မျိုးသည် ရခိုင်ပြည်အတွင်းသို့ နည်းမျိုးစုံဖြင့် ဝင်ရောက်လာနိုင် ကြောင်း ဆိုသည်။ အဆိုပါ တားမြစ် ဓာတုပစ္စည်းများ ပါဝင်သည့် အလှကုန်များကို သုံးစွဲပါက အရေပြား ယားယံခြင်း၊ ရောင်ရမ်း ခြင်း၊ အဖြူအနီကွက်များ ဖြစ်ခြင်း၊ ခန္ဓာကိုယ်အတွင်းသို့ စုပ်ယူ၍ ထုံကျဉ်ခြင်း၊ ကြွက်သား တုန်ခါခြင်း၊ ပင်ပန်း နွမ်းနယ်ခြင်းနှင့် စိတ်ကျရောဂါများ ဖြစ်ပွားနိုင်သည့်အပြင် ရေရှည် သုံးစွဲပါက ကျောက်ကပ် ပျက်စီးသည်အထိ အန္တရာယ် ဖြစ်ပေါ်စေနိုင်ကြောင်း အာရက္ခပြည်သူ့ကျန်းမာရေးဌာန က အသိပေးထားသည်။ ဓါတ်ပုံ - Crd #ပလက်ဝ #ပုဏ္ဏားကျွန်း #AA #FDA

ပလက်ဝနှင့် ပုဏ္ဏားကျွန်းရှိ အလှကုန်ဆိုင်များကို AA ၏ FDA စစ်ဆေး

ပလက်ဝနှင့် ပုဏ္ဏားကျွန်းရှိ အလှကုန်ဆိုင်များကို AA ၏ FDA စစ်ဆေး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက်။ အာရက္ခတပ်တော် (AA) ထိန်းချ…

  • August 28, 2026
မကွေးတိုင်း မင်းလှတွင် စစ်ကြောင်း တိုက်ခိုက်ခံရပြီး စစ်တပ် စစ်ကြောင်းပျက်၊ ၂၀ ကျော် သေဆုံး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၈ ရက်။   မကွေးတိုင်း၊ မင်းတုန်းမြို့နယ်မှ မင်းလှမြို့နယ်ရှိ ရှမ်းတပ်ရဲစခန်းသို့ ဦးတည်လာသည့် စစ်အုပ်စုတပ် စစ်ကြောင်း ကို ပုသိမ်-မုံရွာ လမ်းပိုင်း၌ ဗမာပြည်ကာကွယ်ရေးတပ် (USBA) က ရက်ဆက် တိုက်ခိုက်ခဲ့ရာ စစ်တပ် ဘက်မှ ၂၀ ကျော် သေဆုံး၍ စစ်ကြောင်း ပျက်သွားခဲ့သည်။   ပြီးခဲ့သည့် ဩဂုတ်လ ၂၀ ရက်က မင်းတုန်းမြို့နယ်ဘက်မှ အင်အား ၁၀၀ ဝန်းကျင်ဖြင့် ထွက်ခွာလာသည့် စစ် တပ် စစ်ကြောင်းကို USBA တပ်ဖွဲ့က ဩဂုတ်လ ၂၃ ရက်အထိ ၃ ရက်ဆက်တိုက် ဖြတ်တောက် တိုက်ခိုက်ခဲ့ရာ စစ်အုပ်စုတပ်ဘက်မှ ၂၀ ကျော် သေဆုံးပြီး ၃၀ နီးပါး ဒဏ်ရာရရှိကာ စစ်ကြောင်း ပျက်သွားခဲ့ခြင်းဖြစ်သည်။   ထိုသို့ စစ်ကြောင်း ပျက်သွားသဖြင့် စစ်အုပ်စုတပ်သည် လေကြောင်း၊ လက်နက်ကြီးနှင့် ဒရုန်း ပစ်ကူများရယူ ကာ မင်းတုန်းမြို့နယ်၊ ကျောက်တိုင်ရွာ အထိုင်စခန်းဆီသို့ နောက်ပြန်ဆုတ်ပြေးသွားခဲ့ရပြီး USBA ဘက်မှ ဖောကား ၁ စီး၊ မီးစက် ၁ လုံးနှင့် ခဲယမ်းအချို့ သိမ်းဆည်းရမိခဲ့သည်။   USBA ပြန်ကြားရေးတာဝန်ခံ ကိုသာချိုက “ပုသိမ်-မုံရွာ လမ်းပိုင်းမှာ မင်းတုန်းဘက်ကနေ မင်းလှမြို့နယ် ရှမ်းတပ်ရဲစခန်းဘက်ကို ဦးတည်ပြီး စစ်ကြောင်းထိုးလာတဲ့ စစ်တပ်နဲ့ တိုက်ပွဲဖြစ်ခဲ့တာပါ။ စစ်ကြောင်း ပျက်သွားတော့ လေကြောင်းနဲ့ လက်နက်ကြီး ပစ်ကူယူပြီး ကျောက်တိုင် အထိုင်စခန်းဆီ နောက်ပြန်ဆုတ် ပြေးသွားကြတယ်။ ၂၄ ရက်နေ့မှာတော့ မင်းတုန်းဘက်ကနေ အင်အား ၂၀၀ လောက် ထပ်ဖြည့်ပြီး ဒုတိယအကြိမ် ဆက်ထွက်လာလို့ တိုက်ပွဲတွေ ထပ်ဖြစ်ခဲ့ပါတယ်” ဟု ပြောသည်။     စစ်အုပ်စုတပ်သည် အင်အား ၂၀၀ နီးပါး ထပ်မံဖြည့်တင်း၍ ဒုတိယအကြိမ် စစ်ကြောင်းထိုးလာခဲ့ပြီး ကျောက် တိုင် အထိုင်စခန်းမှ ၈ မိုင်ခန့် ကွာဝေးသည့်၊ ရခိုင်-မကွေး တံခါးပေါက်အဖြစ် စစ်ရေးအရ အရေးပါသော ရှမ်းတပ်ရဲစခန်းအတွင်းသို့ ဩဂုတ်လ ၂၆ ရက်နေ့၊ ညနေပိုင်းတွင် ဝင်ရောက်သွားခဲ့သည်။   အဆိုပါ စစ်ကြောင်း စစ်ကြောင်းထိုးလာစဉ် ဩဂုတ်လ ၂၄ ရက်က ရမ်းသန်းပစ်ခတ်ခဲ့သည့် လက်နက်ကြီး ကျည်ကြောင့် ဥယျာဉ်ပုရွာမှ သီလရှင် ဆရာလေးတစ်ပါး ဦးခေါင်းတွင် ဗုံးစထိမှန် ဒဏ်ရာရရှိခဲ့သလို စစ်ကြောင်း ဖြတ်သန်းရာ ကျေးရွာများမှ ပြည်သူများ၏ နေအိမ်များအတွင်း ဝင်ရောက်မွှေနှောက်ကာ တန်ဖိုးကြီး ပစ္စည်းများကို ခိုးယူသွားခဲ့ကြောင်းဆိုသည်။   မင်းတုန်းမြို့နယ် ဒေသခံ အမျိုးသားတစ်ဦးက “စစ်ကြောင်း ဝင်လာပြီ ပစ်ခတ်တာတွေရှိနေတယ်ဗျ။ လက်နက် ကြီးတွေနဲ့လည်း ရမ်းပစ်တော့ သီလရှင် ဆရာလေးတောင် ထိသွားတယ်။ အခုလည်း ရှမ်းတပ်ရဲစခန်းထဲ ရောက်သွားပြီဆိုတော့ စစ်ကြောင်း ပြန်ထွက်လာမှာကို စိုးရိမ်ပြီး ကြိုတင် ပြင်ဆင်နေကြရတယ်” ဟု ပြော သည်။   ပြီးခဲ့သည့် ဩဂုတ်လ ၁၂ ရက်မှ ၁၅ ရက်အထိကလည်း သရက်မြို့နယ်၊ ကပစ (၁၂) မှ မင်းတုန်းမြို့နယ် အတွင်း သို့ စစ်ကြောင်းထိုးလာသည့် စစ်အုပ်စုတပ်ကို USBA က တိုက်ခိုက်ခဲ့ရာ စစ်အုပ်စုတပ်ဘက်မှ ၇ ဦး သေဆုံးပြီး ၄ ဦး ထိခိုက်ဒဏ်ရာရရှိခဲ့သည့်အပြင် ပဇင်းဒါးကျေးရွာရှိ ပြည်သူ့နေအိမ်များကို စစ်အုပ်စုတပ်က မီးရှို့ဖျက်ဆီးခဲ့ သေးသည်။   လက်ရှိတွင် စစ်ကြောင်း ရှေ့တိုးခြင်းနှင့် နောက်ပြန်ဆုတ်ခြင်းများ ဆက်လက်ရှိလာနိုင်သဖြင့် ပုသိမ်-မုံရွာ လမ်း ပိုင်းနှင့် အနီးဝန်းကျင်ရှိ မိဘပြည်သူများအနေဖြင့် ဘေးကင်းလုံခြုံရေးအတွက် လိုအပ်သည်များ ကြိုတင်ပြင် ဆင်ထားကြရန် USBA က သတိပေး နှိုးဆော်ထားသည်။   ဓါတ်ပုံ - United States of Burma Army   #မင်းလှမြို့နယ်

မကွေးတိုင်း မင်းလှတွင် စစ်ကြောင်း တိုက်ခိုက်ခံရပြီး စစ်တပ် စစ်ကြောင်းပျက်၊ ၂၀ ကျော် သေဆုံး

မကွေးတိုင်း မင်းလှတွင် စစ်ကြောင်း တိုက်ခိုက်ခံရပြီး စစ်တပ် စစ်ကြောင်းပျက်၊ ၂၀ ကျော် သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက်။ …

  • August 28, 2026
ရှမ်းတောင်၌ စစ်တပ်က ဂိတ်ကြေး သိန်း ၁၀၀ အထိ တိုးမြှင့်တောင်းခံ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၇ ရက်။ ရှမ်းပြည်တောင်ပိုင်းမှ အရှေ့ပိုင်းနှင့် မြောက်ပိုင်းဒေသများသို့ ဆက်သွယ်ထားသည့် ပြည်ထောင်စု လမ်းမကြီး တစ်လျှောက်ရှိ လက်ကျန် စစ်ဆေးရေးဂိတ်များတွင် ယခုရက်ပိုင်းအတွင်း စစ်တပ်က ဂိတ်ကြေးများကို ငွေကျပ် သိန်း ၁၀၀ အထိ တိုးမြှင့်ကောက်ခံနေကြောင်း ယာဉ်မောင်းများနှင့် ယာဉ်လိုင်း တာဝန်ရှိသူများက ပြော သည်။ နမ့်စန်မြို့အဝင် ပူးပေါင်းစစ်ဆေးရေးဂိတ်တွင် ကုန်စိမ်းနှင့် လူသုံးကုန်ပစ္စည်းများ သယ်ဆောင်လာသည့် တွဲကား နှင့် ကုန်ကားများကို တရားမဝင် ကုန်စည်အကြောင်းပြ၍ ငွေကြေးတောင်းခံလျက်ရှိသည်။ အဝေးပြေး ယာဉ်မောင်းတစ်ဦးက “မပေးလို့ မရဘူးလေ။ ကားနဲ့ လူနဲ့ လဲမလားမေးလာရင် ပေးရတာပဲဗျာ့။ ဘာလို့လဲဆို မပေးလို့ သူတို့ သိမ်းရင်။ ကျနော်တို့လည်း မစိုက်နိုင်ဘူး။ ခေါက်ကြေးကိုက်အောင် မနည်းလုပ် နေရ တယ်ဗျာ” ဟု ပြောသည်။ အဆိုပါ နမ့်စန် ပူးပေါင်းစစ်ဆေးရေးဂိတ်တွင် စစ်တပ်အပြင် လက်အောက်ခံ ခရိုင်ရဲတပ်ဖွဲ့၊ မြို့နယ်ရဲတပ် ဖွဲ့၊ မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့၊ အထွေထွေအုပ်ချုပ်ရေးဦးစီးဌာနနှင့် အကောက်ခွန်ဦးစီးဌာနတို့ ပါဝင်ပြီး ကုန်ကားတစ်စီးလျှင် ငွေကျပ် ၂ သိန်းမှ အများဆုံး သိန်း ၃၀ အထိ ကောက်ခံနေကြသည်။ ထို့ပြင် နမ့်စန်မြို့နှင့် မိုင် ၂၀ ခန့်သာ ကွာဝေးသည့် တောင်ကြီး-တာချီလိတ် ပြည်ထောင်စု လမ်းမကြီးပေါ်ရှိ မိုင်းပွန်မြို့ စစ်ဆေးရေးဂိတ်တွင်လည်း ယာဉ်တစ်စီးလျှင် ငွေကျပ် ၁၀ သိန်းမှ သိန်း ၁၀၀ အထိ ထပ်မံကောက်ခံ နေသဖြင့် ရရှိသည့် တန်ဆာခနှင့် ဂိတ်ကြေးပေးရန်ပင် မလုံလောက်တော့ကြောင်း ဆိုသည်။ ယာဉ်နောက်လိုက်တစ်ဦးက “ဒီဘက်လမ်းတွေက မိုးတွင်းပျက်တာနဲ့ တိုက်ပွဲဖြစ်တာနဲ့ဆိုတော့ လမ်းကမ ကောင်းဘူး။ တစ်ခေါက် တစ်ခေါက်ဆို ကားအရမ်းနာတယ်။ နှစ်တိုင်း ကားပြင်ရတယ်။ ဒီလို လမ်းကြေးနဲ့ဆို ကျနော်တို့လည်း စဉ်းစားရတော့မယ်” ဟု ပြောသည်။ ပြီးခဲ့သည့် ဇွန်လအတွင်း ရက် ၁၀၀ စီမံကိန်း ဖြေလျှော့မှုအရ ပြည်ထောင်စု လမ်းမကြီးပေါ်ရှိ ဂိတ်များနှင့် တောင်ကြီးမြို့နယ်အတွင်းမှ စစ်ဆေးရေးဂိတ် အများစုကို ဖျက်သိမ်းခဲ့သော်လည်း ယင်းနောက်ပိုင်းမှစ၍ လက်ကျန်ဂိတ်များတွင် ငွေကြေးတောင်းခံသည့် နှုန်းထားများ သိသိသာသာ မြင့်တက်လာခြင်းဖြစ်သည်။ စစ်တပ် အနေဖြင့် ကုန်ဈေးနှုန်းနှင့် ငွေကြေးဖောင်းပွမှုကို ထိန်းချုပ်ရန် တရားမဝင် ကုန်စည်များကို ဖမ်း ဆီးခြင်း ဖြစ်သည်ဟု ဆိုသော်လည်း မြေပြင်တွင် အမှန်တကယ် သိမ်းဆည်းခြင်း မဟုတ်ဘဲ ငွေကြေးတောင်း ခံကာ ပြန်လွှတ်ပေးနေသဖြင့် ကုန်စည်စီးဆင်းမှု ထိခိုက်ပြီး ကုန်ဈေးနှုန်းများ ထပ်မံမြင့်တက်လာနိုင်ကြောင်း ဒေသခံ ကုန်သည်များနှင့် စီးပွားရေးလုပ်ငန်းရှင်များက ဝေဖန်လျက်ရှိသည်။ #ဂိတ်ကြေး

ရှမ်းတောင်၌ စစ်တပ်က ဂိတ်ကြေး သိန်း ၁၀၀ အထိ တိုးမြှင့်တောင်းခံ

ရှမ်းတောင်၌ စစ်တပ်က ဂိတ်ကြေး သိန်း ၁၀၀ အထိ တိုးမြှင့်တောင်းခံ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၇ ရက်။ ရှမ်းပြည်တောင်ပိုင်းမှ အရှေ့…

  • August 27, 2026
တောင်ကုတ်၌ ညမထွက်ရအမိန့် အာရက္ခတပ်တော် (AA) ထုတ်ပြန်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၇ ရက်။ စစ်အုပ်စုတပ်က ပဲခူးတိုင်းဘက်မှတစ်ဆင့် ပြန်လည်သိမ်းပိုက်ရန် စစ်ကြောင်းထိုး ကြိုးပမ်းနေသည့် ရခိုင်ပြည် တောင်ပိုင်း တောင်ကုတ်မြို့တွင် ည ၁၁ နာရီမှ နံနက် ၅ နာရီအထိ ညမထွက်ရအမိန့်ကို အာရက္ခတပ်တော် (AA) က ထုတ်ပြန်လိုက်ကြောင်း ဒေသခံများက ပြောသည်။   အဆိုပါ ညမထွက်ရအမိန့်ကို ဩဂုတ်လ နောက်ဆုံးပတ်တွင် စတင်ထုတ်ပြန်ခဲ့ခြင်းဖြစ်ပြီး မြို့ပေါ်ရပ်ကွက်များ နှင့် ကျေးရွာများ၌ လော်စပီကာများဖြင့် လိုက်လံကြေညာကာ ညပိုင်း သွားလာမှုကို ကန့်သတ်ထားသကဲ့သို့ AA တပ်ဖွဲ့ဝင်များကလည်း ညပိုင်း ကင်းလှည့်လုံခြုံရေး ယူလျက်ရှိသည်။   ဒေသခံအချို့ တောင်ကုတ်မှတစ်ဆင့် ပြည်မဘက်သို့ ခိုးထွက်နေသည့်ဖြစ်စဉ်များ ရှိနေခြင်း၊ ပြည်မဘက်ရှိ စစ်အုပ်စုတပ် စစ်ဆေးရေးဂိတ်များက ဖမ်းဆီးခြင်း၊ ငွေညှစ်ခြင်းနှင့် စစ်မှုထမ်း စုဆောင်းခြင်းများ ပြုလုပ်နေ ခြင်းအပြင် ပဲခူးနှင့် မကွေးတိုင်းဘက်မှ စစ်အုပ်စုတပ် စစ်ကြောင်းထိုးလာနိုင်သည့် စစ်ရေးအခြေအနေများ ကြောင့် ယခုကဲ့သို့ လုံခြုံရေး တင်းကြပ်လိုက်ခြင်း ဖြစ်သည်။   တောင်ကုတ်ဒေသခံ တစ်ဦးက “တောင်ကုတ်ကနေ ပဲခူးတိုင်းပြည်ဘက်ကို ညဘက် တချို့ခိုး ထွက်တာတွေ ရှိ တယ်။ နောက်ခိုးမှု၊ လုယက်မှုနဲ့ ဓားမြမှုတွေကို ထိန်းချင်တယ် အေအေက၊ နောက်တစ်ခုက အခုရိုးပေါ်ကို စစ် တပ်စစ်ကြောင်းက တက်မယ်ဆိုတဲ့သတင်းတွေရှိတယ်။ ဒါကြောင့် နိုဗာ-၂ စစ်ဒေသ စစ်ဒေသမှူး၏ အမိန့်အရနဲ့ ထုတ်ပြန်တာပါ။ မြို့ပေါ်ရပ်ကွက်တွေနဲ့ ကျေးရွာတွေကို လော်စပီကာတွေနဲ့ ကြေညာထားတယ်” ဟု ပြော သည်။   အဆိုပါ ညမထွက်ရအမိန့်ကို နိုဗာ-၂ စစ်ဒေသ စစ်ဒေသမှူး၏ အမိန့်အရ ထုတ်ပြန်ခြင်းဖြစ်ပြီး ထုတ်ပြန်သည့်နေ့ မှစ၍ ပြန်လည် မရုပ်သိမ်းမီအချိန်အထိ အကျုံးဝင်မည်ဖြစ်သည်။   ရခိုင်ပြည်နယ်တောင်ပိုင်း တောင်ကုတ်မြို့တွင် လုံခြုံရေးအရ အာရက္ခတပ်တော် (AA) က ည ၁၁ နာရီမှ နံနက် ၅ နာရီအထိ ညမထွက်ရအမိန့် ထုတ်ပြန်လိုက်သည်။ အဆိုပါအမိန့်ကို ဩဂုတ်လ နောက်ဆုံးအပတ်တွင် စတင် ထုတ်ပြန်ခဲ့ခြင်းဖြစ်ပြီး မြို့ပေါ်ရပ်ကွက်များနှင့် ကျေးရွာများ၌ လော်စပီကာများဖြင့် လိုက်လံကြေညာခဲ့သည်။   စစ်အုပ်စုတပ်က ပဲခူးတိုင်းဘက်မှတစ်ဆင့် တောင်ကုတ်မြို့ကို ပြည်လည်သိမ်းပိုက်ရန် စစ်ကြောင်းထိုးရန် ပြင်ဆင်နေသည့် သတင်းများ ထွက်ပေါ်နေသလို၊ တောင်ကုတ်မှတစ်ဆင့် ပြည်မဘက်သို့ ညဘက်ခိုးထွက်သူ အချို့ကို စစ်အုပ်စုတပ်ဂိတ်များက ဖမ်းဆီးခြင်း၊ ငွေညှစ်ခြင်းနှင့် စစ်မှုထမ်းရန် အဓမ္မစုဆောင်းခြင်းများရှိနေ သည့် အတွက် ယခုကဲ့သို့ သွားလာမှု ကန့်သတ်လိုက်ခြင်း ဖြစ်သည်။   “တောင်ကုတ်ကနေ ပဲခူးတိုင်း ပြည်ဘက်ကို ညဘက် တချို့ခိုးထွက်တာတွေရှိတယ်။ နောက် ခိုးမှု၊ လုယက်မှုနဲ့ ဓားမြမှုတွေကို AA က ထိန်းချင်တယ်။ နောက်တစ်ခုက အခု ရိုးပေါ်ကို စစ်အုပ်စုတပ် စစ်ကြောင်းတက်မယ် ဆိုတဲ့ သတင်းတွေရှိတယ်။ ဒါကြောင့် နိုဗာ-၂ စစ်ဒေသ စစ်ဒေသမှူးရဲ့ အမိန့်အရ ထုတ်ပြန်တာပါ။ မြို့ပေါ်ရပ် ကွက်တွေနဲ့ ကျေးရွာတွေကို လော်စပီကာတွေနဲ့ ကြေညာထားပါတယ်” ဟု အခြား တောင်ကုတ်ဒေသခံတစ်ဦး က ပြောသည်။   အဆိုပါ ညမထွက်ရအမိန့်ကို နိုဗာ-၂ စစ်ဒေသ စစ်ဒေသမှူး၏ အမိန့်အရ ထုတ်ပြန်ခြင်းဖြစ်ပြီး ပြန်လည် မရုပ် သိမ်းမီ အချိန်ထိ အကျုံးဝင်မည်ဖြစ်သည်။ အမိန့် ထုတ်ပြန်ပြီးနောက် AA က ညပိုင်း ကင်းလှည့်လုံခြုံရေးယူမှု များ ဆောင်ရွက်လျက်ရှိသည်။   ယခုကဲ့သို့ ညပိုင်းသွားလာမှု ကန့်သတ်လိုက်ခြင်းကြောင့် မြို့အတွင်း ညဘက်ဖွင့်လှစ်သည့် စားသောက်ဆိုင်များ၊ ညပိုင်းစီးပွားရေးလုပ်ငန်းများနှင့် ခရီးသည်တင် မော်တော်ယာဉ်များ သွားလာရေးအတွက် အခက်အခဲများ ရှိလာ နိုင်သည်။   တောင်ကုတ်မြို့သည် ရခိုင်ပြည် တောင်ပိုင်းနှင့် မြောက်ပိုင်းဒေသများကို ဆက်သွယ်ပေးထားသည့် အရေးပါ သော လမ်းဆုံမြို့တစ်မြို့ဖြစ်၍ မြို့အဝင်အထွက်များကိုလည်း စစ်ဆေးမှု တင်းကြပ်ထားသည်။   အလားတူ ရခိုင်-ဘင်္ဂလားဒေ့ရှ် နယ်စပ်မြို့ဖြစ်သည့် မောင်တောမြို့တွင်လည်း ARSA၊ RSO နှင့် ARA အဖွဲ့ များ၏ လုံခြုံရေးခြိမ်းခြောက်မှုများကြောင့် မောင်တောခရိုင် အုပ်ချုပ်ရေးဌာနက ဩဂုတ် ၁၁ ရက်တွင် ည မထွက်ရအမိန့် ထုတ်ပြန်ခဲ့ပြီး မြို့တွင်း ကင်းလှည့်ခြင်းနှင့် မြို့အဝင်အထွက်ဂိတ်များကို တင်းကျပ်စွာ စစ်ဆေး လျက်ရှိသည်။   #တောင်ကုတ် #ညမထွက်ရအမိန့်

တောင်ကုတ်၌ ညမထွက်ရအမိန့် အာရက္ခတပ်တော် (AA) ထုတ်ပြန်

တောင်ကုတ်၌ ညမထွက်ရအမိန့် အာရက္ခတပ်တော် (AA) ထုတ်ပြန် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၇ ရက်။ စစ်အုပ်စုတပ်က ပဲခူးတိုင်းဘက်မှတစ်ဆင့်…

  • August 27, 2026
စစ်တပ်၏ ဓာတုလက်နက် အန္တရာယ် သတိထားရန် အာရက္ခပြည်သူ့ ကျန်းမာရေးဌာန အသိပေး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၇ ရက်။   စစ်အုပ်စုတပ်၏ ဓာတုလက်နက် အန္တရာယ်ကို သတိထားကြရန်နှင့် အဆိပ်သင့် လက္ခဏာများ ရှိ၊ မရှိ စောင့် ကြည့်ကာ ဓာတုအဆိပ်တစ်မျိုးမျိုးနှင့် ထိတွေ့မှုရှိခဲ့ပါက ဆေးရုံ၊ ဆေးခန်းများသို့ အမြန်ဆုံး လာရောက်ပြသ ကြရန် အာရက္ခပြည်သူ့ကျန်းမာရေးဌာနက အသိပေး ထုတ်ပြန်ထားသည်။   ပြီးခဲ့သည့် ရက်ပိုင်းက ရသေ့တောင်မြို့နယ်အတွင်း စစ်အုပ်စုတပ်၏ ဗုံးကြဲတိုက်ခိုက်မှု ခံခဲ့ရသည့် နေရာများနှင့် နွားစားကျက်များ၌ နွားများ ရုတ်တရက် သေဆုံးမှုများ ရှိလာပြီးနောက် ယခုကဲ့သို့ အသိပေး ထုတ်ပြန်လာခြင်း ဖြစ်သည်။   ရသေ့တောင်မြို့ ဒေသခံ အမျိုးသမီးတစ်ဦးက “ရိုးရိုးဗုံးကြဲတာတောင် ကြောက်နေတာကို အခုက ဓာတုဗုံးဆို တော့ ပိုကြောက်သွားတာပေါ့၊ ကျွန်မတို့ပြောသံကြားတာ ရသေ့တောင် ကျောက်တန်းနယ်မှာပါ။ နွားတွေသေ တယ်၊လူတွေလဲ ယားယံသလိုဖြစ်တယ်လို့ ဆိုကြတယ်၊တော်တော် ကြောက်နေကြပြီး လူပြောများနေတယ်။ တပ်တော်ကလည်း အခုကိစ္စ ဂရုစိုက်နေတယ်” ဟု ပြောသည်။   ဓာတုလက်နက်များမှ ထွက်ရှိသည့် အဆိပ်ဓာတ်ငွေ့၊ အရည်နှင့် အမှုန့်များသည် ပတ်ဝန်းကျင်တွင် ပုံစံမျိုးစုံဖြင့် တည်ရှိနေနိုင်ပြီး ခန္ဓာကိုယ်အတွင်းသို့ အဆုတ်၊ အရေပြား၊ မျက်လုံးနှင့် အမြှေးပါးများမှတစ်ဆင့် ဝင်ရောက်နိုင် ကြောင်း၊ ဓာတုအဆိပ်သင့်မှုကြောင့် အရေပြား၊ မျက်စိ၊ အသက်ရှူလမ်းကြောင်း၊ အဆုတ်၊ နှလုံး၊ ဦးနှောက်နှင့် အာရုံကြော၊ အစာအိမ် အူလမ်းကြောင်းနှင့် ကြွက်သားအဖွဲ့အစည်းများကို ထိခိုက်ပျက်စီးစေနိုင်ကြောင်း အာရက္ခတပ်တော် (AA) က ထုတ်ပြန်ထားသည်။   ဓာတုလက်နက် (Chemical Weapons) ဆိုသည်မှာ လူသားများ အထူးပြု ဖန်တီးထားသော အဆိပ် (Man-made Poison) ဖြစ်ပြီး ဓာတ်ငွေ့၊ အရည်၊ အမှုန့်များအဖြစ် ထုတ်လုပ်ကာ အမြောက်ကျည်၊ ဒုံးကျည်၊ လေကြောင်းတိုက်ခိုက်မှုနှင့် ဗုံးသီးများတွင် ထည့်သွင်း ပစ်ခတ်တိုက်ခိုက်လေ့ ရှိသည်။   ထိခိုက်ဒဏ်ရာ မရှိသော်လည်း အဆိပ်သင့် လက္ခဏာရှိသူများ၊ ရရှိထားသည့် ဒဏ်ရာနှင့် မသက်ဆိုင်သည့် ဝေဒနာ ခံစားနေရသူများ၊ ပုံမှန်မဟုတ်သော အနံ့၊ အရည်၊ အငွေ့များနှင့် ထိတွေ့ပြီးနောက် အဆိပ်သင့် လက္ခဏာ များ ပြသလာသူများနှင့် ကျွဲ၊ နွား တိရစ္ဆာန်များ ပုံမှန်မဟုတ်ဘဲ အစုလိုက်အပုံလိုက် သေဆုံးမှုများ ရှိပါက ဓာတု အဆိပ်သင့်မှုဟု ယူဆနိုင်သည်။   AA ထုတ်ပြန်ချက်က “ကြုံတွေ့ရနိုင်သော အဆိပ်သင့်လက္ခဏာများမှာ အဆိပ်နှင့်ထိတွေ့ မိပြီး အစပိုင်းတွင် မျက်ရည်ကျခြင်း၊ မျက်စိစပ်ခြင်း၊ မျက်သားရောင်ခြင်း၊ မျက်ကြည်လွှာပျက်စီးခြင်းနှင့် မျက်စိ ယာယီ မမြင် ရခြင်း၊လည်ခေါင်းနာခြင်း၊ အသံဩခြင်းများ ခံစားရမည် ဖြစ်ပါသည်” ဟု ဆိုသည်။   ထို့ပြင် နာရီပေါင်းများစွာ ကြာမြင့်ပြီးနောက် အရေပြားများ နီရဲနာကျင်လာခြင်း၊ ရောင်ရမ်းခြင်း၊ အရည်ကြည်ဖု များ ထွက်လာခြင်း၊ အနာဖြစ်ပြီး မကျက်ခြင်း၊ အသက်ရှူလမ်းကြောင်း ရောင်ရမ်း၍ ခြောက်ဆိုးခြင်းနှင့် အသက်ရှူရ ခက်ခဲလာခြင်းတို့ ခံစားရလေ့ရှိသည်။   ဓာတုလက်နက်များနှင့် တိုက်ခိုက်ခံရကြောင်း သံသယရှိပါက စိတ်ကို တည်ငြိမ်စွာထားရန်၊ ဓာတုပစ္စည်းများနှင့် ဝေးရာ ဟင်းလင်းပြင်၊ လေတင်ဘက်နှင့် အမြင့်ပိုင်းဘက်၌ နေထိုင်ရန်၊ ဝတ်ဆင်ထားသည့် အဝတ်အစားများကို ချွတ်၍ ပလတ်စတစ်အိတ်တွင် လုံခြုံစွာ ထည့်ထားရန်နှင့် ရေသန့်၊ ဆပ်ပြာတို့ဖြင့် ဆေး-သုတ်-ဆေး (Rinse Wipe Rinse) နည်းစနစ်အတိုင်း ဆေးကြောရန် ညွှန်ကြားထားသည်။ (ဆေး-သုတ်-ဆေး ဆိုသည်မှာ ရေနှင့် ဆေးချ၊ အဝတ်နှင့် သုတ်၊ ရေနှင့် ပြန်ဆေးချခြင်းကို ဆိုလိုသည်။)     အဝတ်အစားများရှိ ခြည်မျှင်များတွင် ဓာတုအဆိပ်များ ခိုအောင်းနေတတ်သဖြင့် အဝတ်အစားများ ဖယ်ရှား လိုက်ခြင်းသည် ဓာတုအဆိပ်များကို ၈၀ ရာခိုင်နှုန်းခန့် ဖယ်ရှားပေးနိုင်ကြောင်းနှင့် မျက်လုံး၌ ထိခိုက်ပါက ရေ သို့မဟုတ် ၀.၉ ရာခိုင်နှုန်း ဆလိုင်း (0.9% Saline) တို့ဖြင့် ဆေးကြောသင့်ကြောင်း ထုတ်ပြန်ချက်တွင် ဖော်ပြ ထားသည်။   ဓါတ်ပုံ - Arakan Princess Media   #ဓာတုလက်နက်

စစ်တပ်၏ ဓာတုလက်နက် အန္တရာယ် သတိထားရန် အာရက္ခပြည်သူ့ ကျန်းမာရေးဌာန အသိပေ

စစ်တပ်၏ ဓာတုလက်နက် အန္တရာယ် သတိထားရန် အာရက္ခပြည်သူ့ ကျန်းမာရေးဌာန အသိပေး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၇ ရက်။ စစ်အုပ်စုတပ်၏ ဓာတ…

  • August 27, 2026
စစ်မှုထမ်း အကြောင်းပြ၍ PNA က ငွေညှစ်သဖြင့် တိုင်ကြားသော်လည်း စစ်အုပ်စုက ဖြေရှင်းပေးခြင်းမရှိ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၇ ရက်။   မသမာမှုများရှိပါက တိုင်ကြားနိုင်ကြောင်း စစ်အုပ်စုက ထုတ်ပြန်ထားသော်လည်း ရှမ်းပြည်တောင်ပိုင်း၊ တောင် ကြီးမြို့နယ်တွင် စစ်မှုထမ်း အကြောင်းပြ၍ ပအိုဝ်းပြည်သူ့စစ် (PNA) ၏ အဓမ္မ ဖမ်းဆီးငွေညှစ်ခံရမှုကို ဗဟို စစ်မှုထမ်းဆင့်ခေါ်ရေးအဖွဲ့ထံ လက်တွေ့တိုင်ကြားရာ၌ ဖြေရှင်းပေးခြင်းမရှိဘဲ ငြင်းဆိုခဲ့ကြောင်း ဒေသတွင်း သတင်းအရင်းအမြစ်များက ပြောသည်။   ပြီးခဲ့သည့် ဩဂုတ်လ ၂၀ ရက်နေ့၊ နံနက် ၉ နာရီခန့်က ညောင်ရွှေမြို့နယ်ရှိ ကျေးရွာများမှ တောင်ကြီးမြို့သို့ အလုပ် လုပ်ရန် လာရောက်သည့် လက်သမား အမျိုးသားနှစ်ဦးသည် တောင်ကြီးအတက်လမ်း၊ လွယ်တော် ကျေးရွာအုပ်စု၊ ဇလဲကျေးရွာ ညောင်ပင်အနီးရှိ PNA စစ်ဆေးရေးဂိတ်တွင် ဖမ်းဆီးငွေညှစ်ခြင်း ခံခဲ့ရသည်။   ဖမ်းဆီးရာ၌ ဖုန်းအတွင်း စလော့ဂိမ်းတွေ့ရှိသည်ဟု အကြောင်းပြကာ ငွေကျပ် သိန်း ၃၀ တောင်းခံခဲ့ပြီး မပေးနိုင်ပါက စစ်မှုထမ်းရန် ခေါ်ယူမည်ဟု ခြိမ်းခြောက်ခဲ့ကြောင်း နီးစပ်သည့် လက်သမားများက ပြောသည်။   ထိုဖြစ်စဉ်နှင့် ပတ်သက်၍ ဖမ်းဆီးခံရသူ နှစ်ဦး၏ အလုပ်ရှင်က ဗဟိုစစ်မှုထမ်းဆင့်ခေါ်ရေးအဖွဲ့ (နေပြည်တော်) ထံ ဖုန်းဆက်တိုင်ကြားခဲ့သော်လည်း ၎င်းတို့နှင့် မသက်ဆိုင်ဘဲ ရပ်ကျေး စစ်မှုထမ်းဆင့်ခေါ်ရေးအဖွဲ့နှင့်သာ သက်ဆိုင်သည်ဟုဆိုကာ ငြင်းဆို၍ ဖုန်းချသွားခဲ့ကြောင်း ဆိုသည်။   လက်သမားလောကမှ နီးစပ်သူတစ်ဦးက “အလုပ်လုပ်မလို့ တက်လာတာကို အဲ့ဂိတ်မှာ ဖမ်းသွားတာ။ စစ်မှု ထမ်းဖို့ ဘာညာပြောတော့ သူတို့ သူဌေးက နေပြည်တော်အထိ ဖုန်းဆက်ပေးတာ။ သူလည်း ဆိုင်ရာပိုင်ရာတွေ ရှိတယ်။ ဘာတွေ အဆင်မပြေလဲတော့ မသိဘူး။ ဖုန်းဝင်တာနဲ့ ဟိုက တခါတည်း ငြင်းလွှတ်ပြီး ဖုန်းချသွား တယ်” ဟု ပြောသည်။   ထို့နောက် ဖမ်းဆီးခံရသူများ၏ အလုပ်ရှင်က PNA ဂိတ်သို့ ကိုယ်တိုင်သွားရောက်၍ ငွေကျပ် ၇၀,၀၀၀ ဖြင့် တောင်းဆိုညှိနှိုင်းခဲ့ရပြီးနောက် အဆိုပါ လက်သမားနှစ်ဦး ပြန်လွှတ်မြောက်လာခဲ့ခြင်း ဖြစ်သည်။   PNA နှင့် နီးစပ်သည့် ပအိုဝ်းတိုင်းရင်းသား ပွဲစားတစ်ဦးက “သူတို့တောင်းတာ ၃၀ ဆိုတော့ များတယ်။ ကျနော် လည်း ဒီလောက် မရှိဘူး။ သူလည်း တောင်းပန်ကြည့်တယ်။ နောက်တော့ ၇ သောင်းနဲ့ အဆင်ပြေသွားတယ်လို့ ကြားတယ်။ သူကိုယ်တိုင် ဂိတ်အထိ သွားပေးရတယ်” ဟု ပြောသည်။   ထိုနေ့၌ပင် အဆိုပါ PNA စစ်ဆေးရေးဂိတ်၌ အခြား အမျိုးသား ၆ ဦးလည်း ထပ်မံဖမ်းဆီးခံခဲ့ရပြီး မိသားစုဝင် များက တစ်ဦးလျှင် ငွေကျပ် ၃ သိန်းစီ ပေးဆောင်၍ လာရောက်ထုတ်ယူခဲ့ရကြောင်း ဆိုသည်။   တောင်ကြီးမြို့နယ်သည် ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်း မပါဝင်သော်လည်း ပအိုဝ်းတိုင်းရင်းသား ၄၀ ရာခိုင်နှုန်းကျော် နေထိုင်သည့် ဒေသဖြစ်သဖြင့် မြို့နယ်တစ်ခုလုံးနီးပါးတွင် စစ်အုပ်စုလက်အောက်ခံ PNA အဖွဲ့များ လှုပ်ရှားလျက်ရှိပြီး မကြာခဏဆိုသလို စစ်မှုထမ်းအကြောင်းပြကာ ဖမ်းဆီးခြင်း၊ ပြန်ပေးဆွဲငွေတောင်း ခြင်းနှင့် မင်းမဲ့စရိုက်ဆန်ဆန် ငွေညှစ်မှုများကို ကျူးလွန်လျက်ရှိသည်။   ဓါတ်ပုံ - (ပုံဟောင်း - Crd)   #စစ်မှုထမ်း #PNA

စစ်မှုထမ်း အကြောင်းပြ၍ PNA က ငွေညှစ်သဖြင့် တိုင်ကြားသော်လည်း စစ်အုပ်စုက ဖြေရှင်းပေးခြင်းမရှိ

စစ်မှုထမ်း အကြောင်းပြ၍ PNA က ငွေညှစ်သဖြင့် တိုင်ကြားသော်လည်း စစ်အုပ်စုက ဖြေရှင်းပေးခြင်းမရှိ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၇ ရက်။ …

  • August 27, 2026
အရပ်သားရွာနှင့် မရာလဲန်း ကာကွယ်ရေးတပ် သင်တန်းကျောင်းကို စစ်တပ်က ဗုံးကြဲ၍ သေဆုံးသူများပြား   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၇ ရက်။   အာရက္ခတပ်တော် (AA) ထိန်းချုပ်ထားသည့် ချင်းပြည်၊ ပလက်ဝမြို့နယ်အတွင်းရှိ ကျေးရွာများနှင့် မရာလဲန်း ကာကွယ်ရေးတပ် MDF စခန်းများကို စစ်အုပ်စုတပ်က ဩဂုတ်လ ၂၄ ရက်မှ ၂၆ ရက်အထိ ၃ ရက်ဆက်တိုက် လေကြောင်းမှ အုပ်စုလိုက် ဗုံးကြဲတိုက် ခိုက်ခဲ့သဖြင့် အရပ်သားများ သေဆုံးခဲ့သည်။   အဆိုပါ လေကြောင်းဗုံကြဲတိုက်ခိုက်မှုထဲတွင် သားမိနှစ်ဦးနှင့် တော်လှန်ရေးရဲဘော်များ အပါအဝင် သေဆုံးသူ နှင့် ထိခိုက်ဒဏ်ရာရရှိသူ ဆယ်နှင့်ချီ ရှိလာကြောင်း ဒေသတွင်း သတင်းအရင်းအမြစ်များက ပြောသည်။   ဒေသခံ စစ်ရေးသတင်းအရင်းအမြစ် အမျိုးသားတစ်ဦးက “မီးဇာကျေးရွာမှာတော့ အရပ်သား သားအမိနှစ် ယောက်သေပြီး MDF စစ်သင်တန်းကျောင်းမှာတော့ သင်တန်းသား ၅ ယောက်သေတယ်လို့ သိရတယ်။ အခု နောက်ပိုင်း စစ်တပ်က ပလက်ဝကိုတော်တော် ဗုံးကြဲတာတွေလုပ်လာတယ်။ ဂျက်ဖိုက်တာတွေ အုပ်စုလိုက်နဲ့ ဗုံးအလုံး အရေအတွက်လည်း များပါတယ်။ မီးဇာကျေးရွာမှာတော့ ပြည်သူတွေပဲရှိတာပါ” ဟု ပြောသည်။   ဩဂုတ်လ ၂၆ ရက် ညနေ ၄ နာရီခွဲခန့်တွင် စစ်အုပ်စုတပ်က ဂျက်ဖိုက်တာ ၅ စီး၊ Y-12 လေယာဉ် ၂ စီးတို့ဖြင့် ပလက်ဝမြို့နယ်၊ မီးဇာကျေးရွာနှင့် အနီးပတ်ဝန်းကျင်ကို ဗုံးအလုံးရေ ၅၀ နီးပါး ကြဲချတိုက်ခိုက်ခဲ့ရာ နေအိမ် တစ်လုံးပေါ် ဗုံးကျရောက်ပေါက်ကွဲသဖြင့် အပြစ်မဲ့ အရပ်သား သားမိနှစ်ဦး သေဆုံးခဲ့ပြီး ၆ ဦးထက်မနည်း ထိခိုက်ဒဏ်ရာ ရရှိခဲ့သည်။   ဒေသခံတစ်ဦးက “စစ်အုပ်စုက AA စခန်းတွေ ရှိတယ်အထင်နဲ့ မီးဇာရွာကို ဂျက်ဖိုက်တာ ၅ စီးနဲ့ ဗုံးအလုံး ၅၀ ကျော်အထိ အကြီးအကျယ် ကြဲချသွားတာပါ။ ရွာထဲက နေအိမ်တွေ ပျက်စီးရုံတင် မဟုတ်ဘဲ သားအမိနှစ် ယောက် သေဆုံးပြီး နောက်ထပ် ဒေသခံ ၆ ယောက်လည်း ဒဏ်ရာရသွားပါတယ်။ ပြီးခဲ့တဲ့ရက်ကလည်း ရွှေလိုက်ဝမှာ ဗုံးကြဲလို့ ထိခိုက်သေဆုံးမှုတွေ ရှိခဲ့တယ်" ဟု ပြောသည်။   ထို့ပြင် အိန္ဒိယ-မြန်မာနယ်စပ် ပလက်ဝမြို့နယ်၊ ရွှေလိုက်ဝကျေးရွာအနီးရှိ ချင်းညီနောင် (CB) ရဲဘော်များ တက် ရောက်နေသည့် မရာလဲန်းကာကွယ်ရေးတပ် (MDF) ၏ စစ်သင်တန်းကျောင်းကိုလည်း ဩဂုတ်လ ၂၅ ရက်နေ့၊ ည ၁၁ နာရီဝန်းကျင်တွင် စစ်အုပ်စုတပ်က လေကြောင်းမှ ဗုံးကြဲတိုက်ခိုက်ခဲ့သဖြင့် သင်တန်းသား ရဲဘော် ၅ ဦး ကျဆုံးကာ ၇ ဦးထက်မနည်း ထိခိုက်ဒဏ်ရာ ရရှိခဲ့သည်။   ဒဏ်ရာရရှိခဲ့သည့် သင်တန်းသား ရဲဘော်များကို လုံခြုံသည့်နေရာသို့ ပြောင်းရွှေ့၍ ဆေးကုသမှု ပေးထား ကြောင်း ဆိုသည်။   စစ်အုပ်စုတပ်သည် ဩဂုတ်လ ၂၄ ရက်နေ့ကလည်း ပလက်ဝမြို့နယ်၊ စိမ်းညှင်းဝကျေးရွာရှိ ကလေးငယ်များ စာသင်နေသည့် ဘုန်းကြီးကျောင်းအနီးသို့ ဂျက်ဖိုက်တာ ၂ စီးဖြင့် ဗုံးကြဲချခဲ့သဖြင့် အရွယ်မရောက်သေးသည့် မူလတန်းကျောင်းသား၊ ကျောင်းသူများ အပါအဝင် အပြစ်မဲ့ အရပ်သား ၅ ဦး သေဆုံးခဲ့ကာ ၁၀ နှစ်အောက် မူလတန်းကလေးငယ် ၈ ဦး အပါအဝင် ၁၇ ဦး ထိခိုက်ဒဏ်ရာ ရရှိခဲ့သည်။   စစ်အုပ်စုတပ်သည် ပြီးခဲ့သည့် ဩဂုတ်လ ၁၁ ရက်နှင့် ၁၂ ရက်နေ့များကလည်း ပလက်ဝမြို့အဝင်နှင့် ဆမီးမြို့ ရပ်ကွက် (၂) တို့ကို လေကြောင်းမှ ဗုံးကြဲတိုက်ခိုက်ခဲ့သဖြင့် မိန်းကလေးငယ်တစ်ဦး သေဆုံးကာ ကျောင်းသူများ အပါအဝင် ၁၁ ဦး ထိခိုက်ဒဏ်ရာရရှိခဲ့သည့် ဖြစ်စဉ်များလည်း ရှိခဲ့သည်။   ဓာတ်ပုံ - (AA Info Desk)   #ပလက်ဝမြို့နယ်

အရပ်သားရွာနှင့် မရာလဲန်း ကာကွယ်ရေးတပ် သင်တန်းကျောင်းကို စစ်တပ်က ဗုံးကြဲ၍ သေဆုံးသူများပြား

အရပ်သားရွာနှင့် မရာလဲန်း ကာကွယ်ရေးတပ် သင်တန်းကျောင်းကို စစ်တပ်က ဗုံးကြဲ၍ သေဆုံးသူများပြား သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၇ ရက်။ …

  • August 27, 2026
ရွှေကူနှင့် ကသာ၌ စစ်တပ်က လေကြောင်းမှ ဗုံးကြဲပြီး လက်နက်ကြီးဖြင့် ပစ်ခတ်၍ အရပ်သားများ သေဆုံး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၆ ရက်။   ကချင်ပြည်နှင့် စစ်ကိုင်းတိုင်း အစပ်ရှိ ရွှေကူနှင့် ကသာမြို့နယ်များတွင် စစ်အုပ်စုတပ်၏ ရေကြောင်းစစ်ကြောင်း လုံခြုံရေးယူပေးသည့် လေကြောင်း ဗုံးကြဲမှုများနှင့် လက်နက်ကြီး ပစ်ခတ်မှုများကြောင့် ကလေးငယ်များ အပါအဝင် အပြစ်မဲ့ အရပ်သားပြည်သူများ ထပ်မံ သေဆုံးခဲ့ရသည်။   မန္တလေးမှ ဧရာဝတီမြစ်ကြောင်းအတိုင်း ဆန်တက်လာသည့် စစ်အုပ်စုတပ်၏ လက်နက်၊ ခဲယမ်းနှင့် ရိက္ခာ တင်ဆောင်လာသော သင်္ဘော ၁၄ စီးပါ စစ်ကြောင်းသည် ဩဂုတ်လ ၂၅ ရက် ညနေပိုင်းတွင် ကသာမြို့သို့ ရောက်ရှိလာခဲ့ပြီး၊ အဆိုပါ သင်္ဘောများ၏ ဘေးကင်းရေးအတွက် လိုက်ပါလာသည့် စစ်အုပ်စု လေကြောင်းနှင့် မြို့အတွင်းရှိ တပ်ရင်းများက အနီးဝန်းကျင် ကျေးရွာများကို ဆက်တိုက် ပစ်ခတ်တိုက်ခိုက်ခဲ့ခြင်း ဖြစ်သည်။   ဩဂုတ်လ ၂၃ ရက်နှင့် ၂၄ ရက်များတွင် ရွှေကူမြို့အနီး ဧရာဝတီမြစ်တစ်ဘက်ကမ်းရှိ ကျွန်းတော်ကျေးရွာ အတွင်းသို့ စစ်အုပ်စုတပ်၏ လက်နက်ကြီး ကျရောက် ပေါက်ကွဲခဲ့၍ ကလေးငယ်တစ်ဦး အပါအဝင် အရပ်သား ၄ ဦး သေဆုံးခဲ့သည်။   ရွှေကူမြို့ခံတစ်ဦးက “စစ်တပ်က လေယာဉ်နဲ့ ဗုံးကြဲနေတော့ နေ့တိုင်းပဲနော်။ ၂၃၊ ၂၄၊ ၂၅ ဆက်တိုက်ကို ကြဲ တာ။ တိုက်ပွဲကလည်း မနေ့ကရော ဒီနေ့ရော ဆက်တိုက်ဖြစ်တယ်။ တိုက်ပွဲက မြို့နားပိုနီးနီးလာတော့ အသံ တွေ ပိုကျယ်လာတယ်။ အသံစုံပဲ ကြားနေရတာ။ လက်နက်ကြီးတွေနဲ့ ရမ်းသမ်းပစ်နေတော့ ရွာတွေထဲ ကျပြီး အပြစ်မဲ့တဲ့ ကလေးတွေပါ သေကုန်ကြရတာ” ဟု ပြောသည်။     ထို့ပြင် ကသာနယ်အတွင်း သင်္ဘောများ ဆိုက်ကပ်စဉ် ကသာနှင့် ထီးချိုင့်အစပ်ရှိ ကလုံကျေးရွာအပြင် ဝက်လက် မြို့နယ် ကမ်းဖြူကျေးရွာများကိုလည်း စစ်အုပ်စု လေယာဉ်များက ဗုံးကြဲတိုက်ခိုက်ခဲ့သဖြင့် အရပ်သား ၁ ဦး သေဆုံးကာ ၂ ဦး ဒဏ်ရာရရှိခဲ့သည်။   ကသာ - ရွှေကူနယ်မြေခံတစ်ဦးက “စစ်တပ်သင်္ဘောတွေ ထွက်လာကတည်းက လေယာဉ်နဲ့ တောက်လျှောက် ဗုံးကြဲတာ။ စေတီပုထိုး၊ ဓမ္မာရုံ ဘာမှလည်း မရှောင်ဘူး၊ မဲမဲမြင်ရာ အကုန်လိုက်ကြဲနေတာ။ မနေ့ညနေကဆို ကသာမှာ သင်္ဘောတွေ ကပ်ထားတော့ တစ်ခွင်လုံး လေယာဉ်သံတွေ၊ ဗုံးသံတွေနဲ့ ဆူညံနေတာပဲ။ စီသော်ရွာက ဓမ္မာရုံဆိုရင်လည်း လေယာဉ်နဲ့ ပစ်သွားလို့ လုံးဝ ပျက်စီးသွားပြီ” ဟု ပြောသည်။   ပြီးခဲ့သည့် ရက်ပိုင်းကလည်း ပလောင်တောင်-တော်လှန်ရွာ လမ်းကြောင်းတွင် သွားလာနေသည့် မော်တော်ယာဉ် တစ်စီးကို စစ်တပ်က ပစ်ခတ်ခဲ့သဖြင့် ကားဆရာတစ်ဦး သေဆုံးခဲ့သေးသည်။   ကသာဒေသခံ တော်လှန်ရေး ရဲဘော်တစ်ဦးက “စစ်တပ်က လက်နက်နဲ့ ရိက္ခာတွေ တင်လာတဲ့ သင်္ဘောတွေ ကသာဆိပ်ကမ်းမှာ ကပ်တုန်း လုံခြုံရေးအတွက်ဆိုပြီး မြစ်ကမ်းဘေးရွာတွေကို လေယာဉ်နဲ့ တောက်လျှောက် ဗုံးကြဲတာ။ အဲ့ဒီမှာ ထိပြီဆိုရင် စစ်ရေးနဲ့ မဆိုင်တဲ့ အရပ်သားတွေပဲ ထိတာဗျ” ဟု ပြောသည်။   လက်ရှိတွင် ရွှေကူမြို့အတွင်း၌ စစ်အုပ်စုတပ်က စစ်သင်္ဘောများ လုံခြုံရေးအတွက် လူ၊ ကားနှင့် ရေမော်တော် များအား အတင်းအဓမ္မ ချောဆွဲနေသလို၊ တိုက်ပွဲ အရှိန်ကြောင့် မြို့ခံများ ဘေးလွတ်ရာသို့ ထွက်ပြေးနေကြ ရသဖြင့် မြို့တွင်း၌ လူသူကင်းမဲ့နေချိန် အခွင့်ကောင်းယူကာ ဓားထောက် လုယက်မှုများပါ ဖြစ်ပွားလျက်ရှိသည်။   ရွှေကူမြို့နယ်အတွင်း ဇွန်လ ၁၁ ရက်မှစ၍ ဖြစ်ပွားခဲ့သော တိုက်ပွဲများနှင့် စစ်အုပ်စုတပ်၏ လေကြောင်း၊ လက် နက်ကြီး ပစ်ခတ်မှုများကြောင့် လက်ရှိအချိန်အထိ အပြစ်မဲ့ အရပ်သား ၁၅ ဦးထက်မနည်း သေဆုံးခဲ့ပြီး ဖြစ် သည်။   အခြေအနေများ ပိုမို ဆိုးရွားလာနိုင်သဖြင့် ဧရာဝတီမြစ်ကမ်းဘေး နေထိုင်ကြသည့် ပြည်သူများအနေဖြင့် လေကြောင်းနှင့် လက်နက်ကြီး အန္တရာယ်မှ ဘေးကင်းစေရန် အမြန်ဆုံး ရှောင်ရှားပေးကြရန် ဒေသတွင်း ပြည်သူ့အုပ်ချုပ်ရေး အဖွဲ့များက သတိပေး ထုတ်ပြန်ထားသည်။   #ရွှေကူတိုက်ပွဲ   ဓာတ်ပုံ - Crd

ရွှေကူနှင့် ကသာ၌ စစ်တပ်က လေကြောင်းမှ ဗုံးကြဲပြီး လက်နက်ကြီးဖြင့် ပစ်ခတ်၍ အရပ်သားများ သေဆုံး

ရွှေကူနှင့် ကသာ၌ စစ်တပ်က လေကြောင်းမှ ဗုံးကြဲပြီး လက်နက်ကြီးဖြင့် ပစ်ခတ်၍ အရပ်သားများ သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၆ ရက်။ …

  • August 26, 2026
×Close