သတင်း

၇ လအတွင်း လူကုန်ကူးမှု အပါအဝင် ဥပဒေချိုးဖောက်မှု ၃၅ မှုကို AA အရေးယူ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၀ ရက်။ ရခိုင်ပြည်အတွင်းမှ လူငယ်များ ပြည်ပသို့ ထွက်ခွာရာတွင် တရုတ်မယားအဖြစ် ရောင်းစားခံရခြင်း အပါအဝင် လူကုန်ကူးခံနေရသည့် ဖြစ်စဉ်များရှိနေပြီး ၇ လတာကာလအတွင်း လူကုန်ကူးမှုနှင့် ပြည်ပအလုပ်အကိုင်ဆိုင်ရာ ဥပဒေချိုးဖောက်သည့် အမှုစုစုပေါင်း ၃၅ မှုကို အရေးယူထားကြောင်း အာရက္ခတပ်တော် (AA) က ထုတ်ပြန် သည်။ အာရက္ခပြည်သူ့တော်လှန်ရေး အစိုးရ၏ အလုပ်သမားနှင့် လူဝင်မှုကြီးကြပ်ရေးဆိုင်ရာဌာန (DLEPS) သည် လူကုန်ကူးမှု တားဆီးနှိမ်နင်းရေးကို လုပ်ဆောင်လျက်ရှိရာ ၂၀၂၆ ခုနှစ်၊ ဇန်နဝါရီလမှ ဇူလိုင်လအထိ ၇ လတာ အတွင်း လူကုန်ကူးမှု အပါအဝင် ပြည်ပအလုပ်အကိုင်ဆိုင်ရာ ဥပဒေချိုးဖောက်မှု အမှု ၃၅ မှုကို အရေးယူခဲ့ပြီး မဟာမိတ် နယ်မြေများရှိ မိတ်ဖက် အဖွဲ့အစည်းများနှင့် ပူးပေါင်း ဆောင်ရွက်လျက်ရှိသည်။ ရက္ခိုင်အမျိုးသားအဖွဲ့ချုပ်/ အာရက္ခတပ်တော် (ULA/AA) က အမျိုးသားကာကွယ်ရေးဆိုင်ရာ အရေးပေါ် ပြဋ္ဌာန်းချက် (NDEP) ကို ၂၀၂၅ ခုနှစ်၊ မတ်လ ၁၈ ရက်မှ စတင်ပြဋ္ဌာန်းခဲ့ပြီးနောက်ပိုင်း အဆိုပါ ပြဋ္ဌာန်းချက်ကို ရှောင်ရှားရန်နှင့် စစ်အုပ်စုတပ်၏ စစ်မှုထမ်းဥပဒေကြောင့် ပြည်သူအချို့သည် လူကုန်ကူး ပွဲစားများနှင့် ချိတ် ဆက်ကာ အာရက္ခပြည် အပြင်ဘက်သို့ ထွက်ခွာနေကြခြင်းဖြစ်သည်။ ရခိုင်လူငယ်တစ်ဦးက “ကျနော်တို့ တောင်ကုတ်၊ ဂွ၊ သံတွဲဘက်က လူငယ်တွေ စစ်မှုထမ်းဖို့ ကြောက်လို့ ထွက် ပြေးကြတာ ရှိတယ်လေ။ ကျောက်ဖြူမှာလည်း ရှိတယ်။ အဲ့ဒါကတော့ လူကုန်ကူးမှုလို့ ပြောလို့မရဘူး။ အခု အဲ့လိုထွက်ပြေးတာတွေကို ဖမ်းမိလို့ အရေးယူတယ်။ ဘယ်မှာဖမ်းထားတယ်ဆိုတာ စုံစမ်းမရတာတွေလည်း ရှိတယ်” ဟု ပြောသည်။ ရခိုင်လူငယ်အများစုသည် ထိုင်းနိုင်ငံသို့ လူကုန်ကူးခံရပြီး ငါးဖမ်းလုပ်ငန်း၊ စိုက်ပျိုးရေးနှင့် ဆောက်လုပ်ရေး လုပ်ငန်းခွင်များ၌ အတင်းအဓမ္မ ခိုင်းစေခံနေရသည့်အပြင် ရှမ်းမြောက်ဒေသ၊ ထိုင်း-မြန်မာနယ်စပ်နှင့် ထိုင်းနိုင်ငံ အတွင်းရှိ အွန်လိုင်းလိမ်လည်မှု (ကျားဖြန့်) လုပ်ငန်းများ၌ ပိတ်လှောင် ခိုင်းစေခံနေရကြောင်း AA ထုတ်ပြန်ချက် တွင် ဖော်ပြထားသည်။ ထို့ပြင် တရုတ်နှင့် ထိုင်း စသည့် အိမ်နီးချင်း နိုင်ငံများသို့ တရားမဝင် နည်းလမ်းများဖြင့် ဝင်ရောက်ရန် ကြိုးစား ချိန်တွင် လူကုန်ကူးဂိုဏ်းများ၏ ရောင်းစားခြင်းကို ခံနေကြရပြီး အထူးသဖြင့် တရုတ်နိုင်ငံသို့ လူကုန်ကူးခံရသူ များသည် တရုတ်မယားအဖြစ် ရောင်းစားခံနေကြရသည်။ ပွဲစားများက “လစာကောင်းသော အလုပ်ရမည်”၊ “ကလေးတစ်ယောက် မွေးပေးလျှင် ဘယ်လောက်ရမည်” ဟု လိမ်လည် စည်းရုံးကာ ဖုန်းများ သိမ်းဆည်း၍ မိသားစုနှင့် ဆက်သွယ်ခွင့် မရဘဲ ပိတ်လှောင်ထားသည့် ဖြစ်စဉ် များလည်း ကြုံတွေ့နေရသည်။ “ငရဲတွင်းသို့ သက်ဆင်းသကဲ့သို့ အဆိုးဝါးဆုံး ကြုံတွေ့နေရသော်လည်း ကျားဖြန့် အပါအဝင် လူကုန်ကူးခံရ သူများမှာ ဘာသာစကား အခက်အခဲများနှင့်အတူ အမှုဖွင့် တိုင်တန်းခွင့် မရဘဲ ရင်ဆိုင်နေကြရသည်” ဟု AA ၏ ထုတ်ပြန်ချက်၌ ရေးသားထားသည်။ ထို့ပြင် တရားမဝင် နယ်စပ်ဖြတ်ကျော်စဉ် သက်ဆိုင်ရာ အာဏာပိုင်များ၏ ဖမ်းဆီးခြင်းကို ခံရသကဲ့သို့ အလုပ် ရှင်များ၏ ရိုက်နှက် နှိပ်စက်မှုများ၊ လုပ်ငန်းခွင်အတွင်း အလုပ်သမား အခွင့်အရေး မရရှိခြင်းနှင့် အသက် အန္တရာယ် ထိခိုက်မှုများကိုပါ ကြုံတွေ့နေကြရသည်။ လက်ရှိတွင် မြန်မာနိုင်ငံ အပါအဝင် အိမ်နီးချင်း ဒေသများ၌ လူကုန်ကူးမှု လုပ်ငန်းများ ဆက်လက် ရှိနေဆဲ ဖြစ် သောကြောင့် အာရက္ခပြည်သူ့တော်လှန်ရေး အစိုးရအနေဖြင့် ယင်းကိစ္စရပ်များကို တားဆီး ကာကွယ် နှိမ်နင်းနိုင် ရေးအတွက် အဟုန်မြှင့် ကြိုးပမ်း ဆောင်ရွက်လျက်ရှိသည်ဟု ဆိုသည်။ (ဓာတ်ပုံ - AA Info Desk/ ပုံဟောင်း) #လူကုန်ကူးမှု #AA #အာရက္ခတပ်တော်

၇ လအတွင်း လူကုန်ကူးမှု အပါအဝင် ဥပဒေချိုးဖောက်မှု ၃၅ မှုကို AA အရေးယူ

၇ လအတွင်း လူကုန်ကူးမှု အပါအဝင် ဥပဒေချိုးဖောက်မှု ၃၅ မှုကို AA အရေးယူ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၀ ရက်။ ရခိုင်ပြည်အတွင်းမှ လူ…

  • August 30, 2026
ထားဝယ် ရေနက်ဆိပ်ကမ်း လမ်းကြောင်းကို စစ်အုပ်စု ပြန်လည် ထိန်းချုပ်ရန် ကြိုးပမ်းနေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၀ ရက်။ တနင်္သာရီတိုင်းအတွင်း လက်လွှတ်လိုက်ရသည့် ဆုံးရှုံးနယ်မြေများနှင့် မဟာဗျူဟာကျသည့် ထားဝယ် ရေနက် ဆိပ်ကမ်း စီမံကိန်းရှိရာ လမ်းကြောင်းကို ပြန်လည် ထိန်းချုပ်ရန် စစ်အုပ်စုတပ်က စစ်အင်အား ဖြည့်တင်းမှုများ နှင့် စစ်ရေး ပြင်ဆင်မှုများကို ယခင်ကထက် ပိုမို ပြုလုပ်လာနေကြောင်း ဒေသတွင်း စစ်ရေး သတင်းရင်းမြစ်များ က ပြောသည်။ လက်ရှိတွင် စစ်အုပ်စုတပ်သည် တနင်္သာရီမြို့နယ်နှင့် လယ်မူလား (ပုလော) မြို့နယ်တို့၌ အင်အားဖြည့်တင်းမှု များ ဆက်တိုက် ပြုလုပ်နေပြီး တပ်စွဲထားသည့် နေရာများမှတစ်ဆင့် နယ်မြေ စိုးမိုးနိုင်ရန် ပြင်ဆင်လျက်ရှိသည်။ စစ်တပ်၏ စစ်အင်အား ဖြည့်တင်းနေသည့် အခြေအနေနှင့် ပတ်သက်၍ ဒေသတွင်း စစ်ရေး သတင်းရင်းမြစ် တစ်ဦးက “မင်းသမီခီး ထီးခီးနယ်စပ် သူတို့ ပြန်လိုချင်တယ်။ သူတို့ အဲဒီ ရေနက်ဆိပ်ကမ်းလမ်းကြောင်းကို သူတို့ ပြန်လိုချင်တယ် အဲဒါပဲ။ အဓိက အဲဒီလမ်းကြောင်းက စစ်ကြောင်းထိုးဖို့ အခြေအနေရှိတယ်။ တောင် သုံးလုံးဖက်မှာလည်း မေတ္တာတို့ဖက်မှာ တောင်သုံးလုံးတို့ ပုဂံရည်တို့ အဲဒီဖက်ခြမ်း မှာရှိတယ်။ ပြီးတော့ ဘော် မသီတို့ ပပြင် ပြီးတော့ သရာဘွင် ဟိုးဇဝဲတို့ဖက်မှာ သူတို့ လူစုထားတာပေါ့။ တိုးချဲ့ထားတယ်” ဟု ပြောသည်။ စစ်အုပ်စုတပ် အင်အား ဖြည့်တင်းနေသည့် ဒေသများသည် ကရင်အမျိုးသား အစည်းအရုံး (KNU) တပ်မဟာ ၄ လက်အောက်ခံ တပ်များ လှုပ်ရှားရာ နယ်မြေများ ဖြစ်ပြီး အဆိုပါ ဒေသများတွင် တိုက်ပွဲများလည်း ထိတွေ့မှု ရှိနေသည်။ စစ်အုပ်စုတပ်ဖွဲ့ဝင်များသည် မေတ္တာ၊ ပုလောနှင့် တနင်္သာရီမြို့နယ်အတွင်း တပ်စွဲထားပြီး စစ်ကြောင်းထိုးရန် ပြင်ဆင်နေသဖြင့် အထူးသဖြင့် KNU တပ်ရင်း ၇ နှင့် တပ်ရင်း ၁၁ လှုပ်ရှားရာ လယ်မူလားမြို့နယ်နှင့် တနင်္သာရီ မြို့နယ်တို့တွင် စစ်ရေး တင်းမာကာ တိုက်ပွဲများ ဆက်တိုက် ဖြစ်ပွားလျက်ရှိသည်။ အဆိုပါ စစ်ရေး သတင်းရင်းမြစ်က “တင်းမာတာကတော့ အဲဒီ လယ်မူလားမြို့နယ်ဖက်မှာပေါ့ တပ်ရင်း ၇ ဖက် မှာ တပ်ရင်း ၇ ရယ် တပ်ရင်း ၁၁ ရယ်။ တနင်္သာရီမြို့နယ်နဲ့ လယ်မူလားမြို့နယ်ပေါ့။ တက်လာတာနဲ့ ပစ် တက် လာတာနဲ့ ပစ်တာပဲ။ တိုက်ပွဲကတော့ တပ်ရင်း ၇ ဖက်မှာ ပိုများတယ်။ တပ်ရင်း ၇ တပ်ရင်း ၁၁ တနင်္သာရီမြို့ နယ်ရယ်။ လယ်မူလားမြို့နယ် (ပုလောမြို့နယ်)ရယ် နှစ်ခုတော့ နည်းနည်းများတယ်။ တစ်ရက်နှစ်ရက် တစ်ကြိမ် နှစ်ရက်သုံးရက် တစ်ကြိမ် အဲ့လိုမျိုးပဲ ပုံမှန်ပဲ တစ်ခါတစ်လေလည်း တစ်ရက် နှစ်ကြိမ် သုံးကြိမ်ဖြစ် တာလည်း ရှိတယ်” ဟု ပြောသည်။ စစ်အုပ်စု ခေါင်းဆောင် ဦးမင်းအောင်လှိုင်၏ ရက် ၁၀၀ စီမံချက် ကာလအတွင်းကလည်း စစ်အုပ်စုတပ်သည် တနင်္သာရီတိုင်းအတွင်းရှိ စီးပွားရေးအရ အချက်အခြာကျသော နယ်စပ်ဒေသများနှင့် နိုင်ငံခြား ရင်းနှီးမြှုပ်နှံမှုများ လုပ်ဆောင်ရန် ပြင်ဆင်ထားသည့် ထားဝယ် ရေနက်ဆိပ်ကမ်း စီမံကိန်း လမ်းကြောင်းအတိုင်း လေကြောင်း တိုက်ခိုက်မှုများ အသုံးပြု၍ ပြင်းပြင်းထန်ထန် ထိုးစစ်ဆင်ခဲ့ဖူးသည်။ မြန်မာပြည်တောင်ပိုင်းသို့ စစ်အုပ်စုတပ်က ထိုးစစ်ဆင် တိုက်ခိုက်နေသည့် အခြေအနေနှင့် ပတ်သက်၍ မွန်ပြည် လူ့အခွင့်အရေး ဖောင်ဒေးရှင်း (HURFOM) ပရိုဂရမ် ဒါရိုက်တာ နိုင်အဲမွန်က ယခုကဲ့သို့ သုံးသပ်သည်။ “စစ်အုပ်စုရဲ့ အဓိက ဦးတည်ချက်က ဆုံးရှုံးထားတဲ့ နယ်မြေ လမ်းကြောင်းနဲ့ ဒီ မဟာဗျူဟာကျ ဧရိယာတွေကို ပြန်လည် ရယူဖို့ဖြစ်တယ်။ အထူးသဖြင့် KNU Control ဧရိယာတွေနော် Thai-Burma Border Trade လမ်းကြောင်းတွေပေါ့နော်။ နောက်တစ်ခါ ရေး-ထားဝယ်လမ်းကြောင်းတွေနော် နောက်တနင်္သာရီမှာ ဆိုလို့ရှိ ရင်လည်း Ground Offensive တွေ လက်နက်ကြီး ပစ်ခတ်တာတွေ ဒရုန်းနဲ့ airstrike တွေ ပိုပြီး သုံးလာတာ တွေ့ရတယ်။ ဒီဟာ ထားဝယ်ရေနက်ဆိပ်ကမ်းကို ပြန်ပြီးတော့ ပြန်ယူဖို့ ပြန်ပြီးတော့ အသက်သွင်းဖို့ ဆိုတဲ့ ရေရှည် ရည်မှန်းချက်တွေ နိုင်ငံခြားရင်းနှီးမြှုပ်နှံမှုတွေ ပါဝင်တာကို တွေ့ရတယ်။” ထို့ပြင် စစ်အုပ်စုတပ်သည် တိုက်ပွဲများအတွင်း စစ်ရေးပစ်မှတ်နှင့် အရပ်သားပစ်မှတ် မခွဲခြားဘဲ ပြည်သူများကို လက်နက်ကြီး၊ လေယာဉ်၊ ဒရုန်း၊ ပါရာမော်တာနှင့် ဂျိုင်ရိုကော်ပတာများပါ အသုံးပြု၍ ရည်ရွယ်ချက်ရှိရှိ ပစ်မှတ်ထား တိုက်ခိုက်နေသည်။ နိုင်အဲမွန်က “ကျနော်တို့မြင်တာက အခု အခြေအနေဟာ တိုက်ပွဲဖော်ဆောင်တာ တစ်ခုတည်း မဟုတ်တော့ ဘူးပေါ့နော်။ ဒီ Civilian Protection Crisis ဖြစ်လာတယ်။ ဘယ်လိုမှ အလုံးစုံ အကာအကွယ် မရှိတော့တဲ့ အခြေအ နေတွေ ဖြစ်လာတယ်။ လေကြောင်းတိုက်ခိုက်မှုတွေ မြှင့်လာတယ်။ ရမ်းသမ်းပစ်ခတ်မှုတွေ ပိုလာ တယ်။ မတရား ဖမ်းဆီးမှုတွေ မြှင့်လာတယ်” ဟု ဆက် ပြောသည်။ စစ်အုပ်စုတပ်က ပြန်လည် ထိန်းချုပ်ရန် ကြိုးပမ်းနေသည့် ထားဝယ် ရေနက်ဆိပ်ကမ်း စီမံကိန်း လမ်းကြောင်း အပါအဝင် မဟာဗျူဟာကျ နေရာအများစုကို KNU နှင့် တော်လှန်ရေး ပူးပေါင်းတပ်များက တပ်ဖြန့် နေရာယူ ထားသဖြင့် စစ်အုပ်စုတပ်ဘက်မှ စစ်ကြောင်းထိုး လှုပ်ရှားလာပါက ရှေ့ဆက်၍ တိုက်ပွဲများ ပိုမို ပြင်းထန်လာ နိုင်ကြောင်း စစ်ရေး သတင်းရင်းမြစ်များက သတိပေးထားသည်။ တဘက်တွင်လည်း စစ်အုပ်စုက နိုင်ငံတကာ ထောက်ခံမှု ရရှိစေရန်အတွက် ထားဝယ် ရေနက်စီမံကိန်း လုပ်ငန်းများကို ပြန်လည်လာရောက် လုပ်ဆောင်ရန် ရုရှား အစိုးရအား ဖိတ်ခေါ်ထားသည်။ (ဓာတ်ပုံ - APF/ ပုံဟောင်း) #ထားဝယ်ရေနက်ဆိပ်ကမ်း #KNU #KNLA

ထားဝယ် ရေနက်ဆိပ်ကမ်း လမ်းကြောင်းကို စစ်အုပ်စု ပြန်လည် ထိန်းချုပ်ရန် ကြိုးပမ်းနေ

ထားဝယ် ရေနက်ဆိပ်ကမ်း လမ်းကြောင်းကို စစ်အုပ်စု ပြန်လည် ထိန်းချုပ်ရန် ကြိုးပမ်းနေ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၀ ရက်။ တနင်္သာရီ…

  • August 30, 2026
လူ့အခွင့်အရေးကာကွယ်စောင့်ရှောက်သူများကို ကာကွယ်ပေးရန် နိုင်ငံတကာသို့ တောင်းဆို သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၀ ရက်။ စစ်အုပ်စု၏ ပစ်မှတ်ထား စောင့်ကြည့်ခြင်း၊ နောက်ယောင်ခံလိုက်ခြင်းနှင့် မတရား ဖမ်းဆီးစစ်ဆေးခြင်းများ ကြားမှ လူ့အခွင့်အရေး ချိုးဖောက်မှုများကို မှတ်တမ်းတင်နေသည့် လူ့အခွင့်အရေး ကာကွယ်စောင့်ရှောက်သူများကို ကူညီ ထောက်ပံ့ပေးရန် ကချင်လူ့အခွင့်အရေး စောင့်ကြည့်ရေးအဖွဲ့ (KHRW) က နိုင်ငံတကာသို့ တောင်းဆိုလိုက် သည်။ အခက်အခဲ အမျိုးမျိုးကြားမှ လူ့အခွင့်အရေး ချိုးဖောက်မှုများကို မှတ်တမ်းတင် ဖော်ထုတ်နေသူများသည် စစ်အုပ်စုတပ်၏ စောင့်ကြည့်မှုများကြောင့် စိတ်ပိုင်းဆိုင်ရာ မလုံခြုံမှု၊ ရုပ်ပိုင်းဆိုင်ရာ ကျန်းမာရေး ပြဿနာ များနှင့် ရင်ဆိုင်နေရပြီး ရှင်သန်ရပ်တည်ရေးအတွက်လည်း ပိုမို ခက်ခဲလာနေခြင်း ဖြစ်သည်။ လက်ရှိ ကြုံတွေ့နေရသည့် အခြေအနေများနှင့် ပတ်သက်၍ KHRW ပြောရေးဆိုခွင့်ရှိသူ ဆိုင်းမိုင်က “အဖက် ဖက်ကနေ ပြီးတော့ သူတို့ကို စောင့်ကြည့်လေ့လာခံရတယ်။ နောက်ယောင်ခံ လိုက်ခံနေရတဲ့ အခြေအနေကြား ကနေပြီးတော့ ဒီလိုလုပ်ငန်းတွေ ဆက်ပြီးလုပ်နေရတဲ့ လူ့အခွင့်အရေး ကာကွယ်စောင့်ရှောက်သူတွေ အနေနဲ့ ရေရှည်မှာရောပေါ့နော် ကျမတို့ စိတ်ပိုင်းဆိုင်ရာ မလုံခြုံမှုတွေများလာတော့ ကျန်းမာရေး အခြေအနေတွေ စိတ်ဒဏ်ရာတွေ ပိုပိုပြီးတော့ ပင်ပန်းနွမ်းနယ်ပြီးတော့ ကျန်းမာရေး ရေရှည်အတွက်ပေါ့နော်။ စိတ်ပင်ပန်းမှု တွေ ဖိစီးမှုတွေ ပိုများလာတဲ့ အနေအထားတွေလည်း ကြုံတွေ့နေရတယ်လို့ ကျမတို့ အနေနဲ့ လုံခြုံရေး စိန်ခေါ်မှုတွေပေါ့နော်။ ဒါမျိုးတွေ ကြုံတွေ့နေရတယ် လို့ မြင်ရတယ်” ဟု ပြောသည်။ ဩဂုတ်လ ၂၇ ရက်တွင် ထုတ်ပြန်သည့် KHRW ၏ “ကြောက်ရွံ့မှုများကြား၌ တိတ်ဆိတ်စွာ ရှင်သန်ရုန်းကန် ခြင်း” အစီရင်ခံစာ၌ ကချင်ပြည်နှင့် ရှမ်းပြည် မြောက်ပိုင်းရှိ လူ့အခွင့်အရေး ကာကွယ်စောင့်ရှောက်သူများ၏ လုံခြုံရေး စိန်ခေါ်မှုများ၊ ခရီးသွားလာရေး အခက်အခဲများနှင့် ရှင်သန်ရပ်တည်ရန် အကူအညီ လိုအပ်ချက်များကို နိုင်ငံတကာသို့ တောင်းဆိုထားသည်။ ကချင်နှင့် ရှမ်းမြောက် နည်းတူ မွန်၊ ကရင်နှင့် တနင်္သာရီတိုင်းတို့တွင်လည်း စစ်အာဏာသိမ်းပြီးနောက်ပိုင်း လူ့အခွင့်အရေး ကာကွယ်စောင့်ရှောက်သူများကို စစ်အုပ်စုတပ်က ပိုမို ပစ်မှတ်ထားလာကြောင်း မွန်လူ့အခွင့် အရေး ဖောင်ဒေးရှင်း HURFOM ပရိုဂရမ် ဒါရိုက်တာ နိုင်အဲမွန်က ထောက်ပြသည်။ “အာဏာသိမ်းပြီး နောက်ပိုင်း လူ့အခွင့်အရေး ကာကွယ် စောင့်ရှောက်သူတွေ သတင်းမှတ်တမ်း တင်သူတွေ CSO ဝန်ထမ်းတွေအတွက် လုံခြုံရေး အခြေအနေက ပိုပြီး ခက်ခဲလာတာတွေ့ရတယ်။ အဓိက အန္တရာယ်တွေ ကတော့ မတရားဖမ်းဆီးတာတွေ စစ်ဆေးမေးမြန်းတာတွေ နောက်တစ်ခါ ညှင်းပန်းနှိပ်စက်တာတွေ စောင့် ကြည့်ခံရတာတွေ ဖုန်းတွေ digital device တွေကို စစ်ဆေးတာ သွားလာခွင့်ကန့်သတ်တာတွေ နောက်တစ်ခါ အွန်လိုင်း လုံခြုံရေး အန္တရာယ်တွေ ပါဝင်တာပေါ့နော်။ မတရားဖမ်းဆီးတာတွေ Target ထားတာ တွေနော် နောက်တစ်ခါ ပျောက်ဆုံးနေတာတွေ အဲ့ဒါတွေပါ ဆက်ပြီးတော့ လိုက်ရှာနေရတာတွေရှိတယ်။” ယခုကဲ့သို့ အခက်အခဲများနှင့် စိန်ခေါ်မှုများ ရှိနေသော်လည်း စစ်အုပ်စု၏ လူ့အခွင့်အရေး ချိုးဖောက်မှုများကို ဆက်လက် မှတ်တမ်းတင်နိုင်ရန် လိုအပ်နေပြီး နိုင်ငံတကာအနေဖြင့် လူ့အခွင့်အရေး ကာကွယ်စောင့်ရှောက် သူများအား ကူညီပံ့ပိုးမှုများကို ဆက်လက် ဆောင်ရွက်ပေးရန် KHRW က တောင်းဆိုထားသည်။ ဆိုင်းမိုင်က “ကျမတို့ရဲ့ ပြည်သူတွေ ကျမတို့ရဲ့ နိုင်ငံထဲက အခုကြုံတွေ့နေရတဲ့ စစ်မက်တွေကြားမှာ ဓားစာခံ ဖြစ်နေတဲ့ လူ့အခွင့်အရေးတွေ ချိုးဖောက်ခံနေရတဲ့ ပြည်သူတွေရဲ့ အခြေအနေတွေကို သတင်းအမှန်တွေ ထုတ်ဖော်ပေးနိုင်ဖို့ မှတ်တမ်းတင်နိုင်ဖို့ နောင်တစ်ချိန်မှာ ကျမတို့ ဒီဟာနဲ့ ပတ်သက်ပြီးတော့ တရားမျှတမှုတွေ ပြန်လည် ရှာဖွေနိုင်ဖို့တွေ လုပ်ဆောင်နေတဲ့ လုပ်ငန်းတွေ ဖြစ်တဲ့အတွက် ဒီဟာကို ပြန်ပြီးတော့ ကျမတို့ရဲ့ တောင်းဆိုချက်တွေကို စဉ်းစားပြီးတော့ ပြန်ပြီးတော့ လက်ခံပြီးတော့ ကူညီပေးစေချင်တယ်လို့ ပြောချင်ပါ တယ်” ဟု ဆက် ပြောသည်။ လက်ရှိ မြန်မာနိုင်ငံအနှံ့တွင် စစ်အုပ်စုတပ်က စစ်ရေးပဋိပက္ခအတွင်း ပြည်သူများကို ကျေးရွာများမှ မောင်းထုတ် ခြင်း၊ ဖမ်းဆီးနှိပ်စက် သတ်ဖြတ်ခြင်း၊ နေအိမ်များကို မီးရှို့ဖျက်ဆီးခြင်း၊ လူသားဒိုင်ခံ ပြုလုပ်ခြင်းနှင့် လူငယ်များ ကို စစ်မှုထမ်းအဖြစ် အတင်းအဓမ္မ ဖမ်းဆီးခြင်း စသည့် လူ့အခွင့်အရေး ချိုးဖောက်မှုများကို ဆက်လက် ပြုလုပ် နေသည်။ ထို့ပြင် ပဋိပက္ခ ပြင်းထန်သည့် ဒေသအချို့တွင် ဖုန်းနှင့် အင်တာနက်လိုင်းများကို ဖြတ်တောက်ကာ သတင်း အချက်အလက် စီးဆင်းမှုကို ပိတ်ဆို့ထားသကဲ့သို့ အင်တာနက် သုံးနိုင်သည့် ဒေသများတွင်လည်း နည်းပညာဖြင့် စောင့်ကြည့် စစ်ဆေးလျက်ရှိသည်။ ထို့ကြောင့် နိုင်ငံတကာ အဖွဲ့အစည်းများအနေဖြင့် အရေးယူ ဆောင်ရွက်မှုများ ထိရောက်စွာ ပြုလုပ်ပေးရန်နှင့် ကူညီထောက်ပံ့မှု ပေးအပ်ရာတွင် ကန့်သတ်ချက်များ ဖြေလျော့၍ ဒေသခံ အဖွဲ့အစည်းများနှင့် တိုက်ရိုက် ချိတ် ဆက် ပံ့ပိုးပေးရန် နယ်မြေခံအဖွဲ့အစည်းများက တောင်းဆိုထားသည်။ ဓာတ်ပုံ - (ပုံဟောင်း / Crd) #HumanRightdefender #HURFOM #KHRW

လူ့အခွင့်အရေးကာကွယ်စောင့်ရှောက်သူများကို ကာကွယ်ပေးရန် နိုင်ငံတကာသို့ တောင်းဆို

လူ့အခွင့်အရေးကာကွယ်စောင့်ရှောက်သူများကို ကာကွယ်ပေးရန် နိုင်ငံတကာသို့ တောင်းဆို သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၀ ရက်။ စစ်အုပ်စု၏ …

  • August 30, 2026
ကရင်နီ လူငယ်များ ပြည်ပထွက်ခွာမှု ပြည်နယ်တည်ဆောက်ရေးကို ထိခိုက်နိုင်ဟု IEC ပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၃၀ ရက်။ စစ်အာဏာသိမ်းပြီးနောက် ၅ နှစ်အတွင်း ကရင်နီပြည်မှ လူငယ် ၇,၀၀၀ ခန့် ပြည်ပသို့ ထွက်ခွာသွားခဲ့ရာ အဆိုပါ အခြေအနေသည် အနာဂတ် ပြည်နယ် တည်ဆောက်ရေးကို ထိခိုက်လာနိုင်ကြောင်း ကရင်နီပြည် ကြားကာလ အုပ်ချုပ်ရေးကောင်စီ (IEC) က ပြောသည်။ စစ်အုပ်စု၏ အာဏာသိမ်းမှုကြောင့် ဖြစ်ပေါ်လာသည့် စစ်ဘေးဒဏ်၊ စားဝတ်နေရေး ကျပ်တည်းမှုနှင့် ပညာရေး၊ အလုပ်အကိုင် အခွင့်အလမ်း ပျောက်ဆုံးမှုများကြောင့် အသက် ၁၈ နှစ်မှ ၃၅ နှစ်ကြား လူငယ်များ အိမ်နီးချင်း ထိုင်းနိုင်ငံအပါအဝင် စင်ကာပူနှင့် မလေးရှားနိုင်ငံများသို့ ထွက်ခွာနေကြရခြင်း ဖြစ်သည်။ IEC လူငယ်ရေးရာဌာန ဌာနမှူးကြီး ခွန်းသောမတ်စ်က “ပြည်တွင်းစစ်ဒဏ်ကြောင့်ပေါ့နော် ပညာသင်ခွင့်တွေ ကလည်း မလုံခြုံမှုဖြစ်တယ်။ အလုပ်ကိုင် အခွင့်အလမ်းတွေ လည်း မယ်မယ်ရရမရှိတာ ဖြစ်တဲ့အတွက် လူငယ် အများစုက အနာဂတ်လည်း ပျောက်တယ်။ ရည်မှန်းချက်တွေလည်း ပျောက်တယ်။ အဲ့တော့ အလုပ်ကိုင် လည်း စနစ်တကျ မရှိတာဖြစ်တဲ့အတွက် နီးစပ်ရာ တခြားသော နိုင်ငံတွေမှာ တရားမဝင်သော်လည်းကောင်း၊ တရားဝင်သော်လည်းကောင်း ဝမ်းစာဖြေရှင်းနိုင်ဖို့အတွက် သွားရောက်ပြီးတော့ အလုပ်လုပ်ကိုင်ရတယ်လို့ ပြောလို့ရပါတယ်” ဟု သုံးသပ် ပြောဆိုသည်။ ထိုသို့ ထွက်ခွာသွားသူများအနက် အမျိုးသားဦးရေမှာ အမျိုးသမီးထက် ထက်ဝက်ကျော် ပိုမိုများပြားပြီး အများစုမှာ ထိုင်းနိုင်ငံတွင် ရောက်ရှိနေကြသည်။ ထိုင်းနိုင်ငံသို့ ထွက်ခွာခဲ့ရသည့် ကရင်နီလူငယ် အမျိုးသမီးတစ်ဦးက “မိသားစု အခြေအနေကလည်း အဆင်မ ပြေတဲ့ အတွက်ကြောင့်မို့လို့ စားဝတ်နေရေးအတွက် ကလေးရဲ့ ဝေယျာဝစ္စ တစ်ခုခု လုပ်ဖို့အတွက် လုံးဝ မလုံ လောက်ဘူး။ ဆန်တစ်အိတ်တောင်မှ တစ်သိန်းကျော် ဖြစ်နေတဲ့အချိန်မှာ မဖူလုံတဲ့ အနေအထား ရှိတယ်ပေါ့။ အဲ့ဒီကြောင့်မို့လို့ ဒီအနေအထားအတိုင်းဆိုရင် ငါ့မိသားစုကတော့ အဆင်မပြေနိုင်လောက်ဘူးပေါ့နော်။ ငါထိုင်း မှာ သွားရှာရင် ပိုပြီး အဆင်ပြေ နိုင်လောက်မယ် ဆိုတဲ့ အနေအထား ဖြစ်သွားတယ်ပေါ့နော်” ဟု ပြောသည်။ ထို့ပြင် အာဏာသိမ်းမှုနောက်ပိုင်း ပညာသင်ယူနိုင်သည့် လမ်းစများ ပိတ်ပင်ခံလိုက်ရခြင်းနှင့် လူငယ်များ၏ ရည်မှန်းချက်များ ပျောက်ဆုံးသွားရခြင်းကလည်း ပြည်ပထွက်ခွာရန် တွန်းအားဖြစ်စေခဲ့သည်။ အလားတူ အခြား လူငယ်အမျိုးသမီးတစ်ဦးကလည်း “အဓိကကတော့ နိုင်ငံရေးကြောင့်ပေါ့။ အရင်တုန်း ကတော့ သူများနိုင်ငံကို ထွက်မယ်၊ အလုပ်လုပ်မယ် အတွေးမျိုး မရှိခဲ့ဘူးပေါ့နော်။ ဒါပေမဲ့ မိသားစုအတွက် ပြီးရင် နိုင်ငံရေး ဖြစ်ပြီးနောက်ပိုင်း လူငယ်တွေအတွက် အခွင့်အလမ်းမရှိတော့ဘူး။ ပညာရေးလည်း ဆက် သင်လို့ မရတော့ဘူးပေါ့နော်။ အဲ့လိုနဲ့ ထွက်လာဖြစ်လိုက်တယ်” ဟု ပြောသည်။ ယခုကဲ့သို့ လူငယ်အင်အားများစွာ ပြည်ပသို့ ဆက်လက်ထွက်ခွာနေပါက ရေရှည်တွင် ပြည်နယ်နှင့် နိုင်ငံတော် တည်ဆောက်ရေးအတွက် ကြီးမားသည့် ထိခိုက်မှုများ ရှိလာနိုင်ကြောင်း ခွန်းသောမတ်စ်က ထောက်ပြသည်။ “ကျနော်တို့ ပြည်နယ်တည်ဆောက်ရေး ကိစ္စတွေမှာ အနာဂတ်မှာ ဒီလူငယ်တွေရဲ့ ခွန်အားတွေနဲ့ ကျနော်တို့ တည်ဆောက်ရမှာ ဖြစ်တယ်ပေါ့လေ။ ဆိုတော့ အဲ့ဒီလူငယ်တွေက ကျနော်တို့ ပြည်နယ်မှာ ပြည်နယ်လွတ် မြောက်ရေးတွေ၊ နိုင်ငံလွတ်မြောက်ရေးတွေ လုပ်ဆောင်တဲ့အခါမျိုးမှာ သူတို့တွေ မပါဝင်နိုင်တဲ့ အခြေအနေ မျိုးတွေ ဖြစ်လာတဲ့အခါမျိုးမှာ သက်ရောက်မှုတွေ တချို့ရှိတာပေါ့။” ကရင်နီပြည်အတွင်း အလုပ်အကိုင် အခွင့်အလမ်းများ လျော့နည်းလာခြင်းနှင့်အတူ တိုက်ပွဲများကြောင့် လမ်းပန်း ဆက်သွယ်ရေး ခက်ခဲမှုနှင့် ဒေသတွင်း လုံခြုံရေး အခြေအနေများကလည်း ဒေသခံလူငယ်များကို ပြည်ပသို့ ထွက်ခွာရန် တွန်းအားပေးသည့် အဓိက အချက်များတွင် ပါဝင်နေသည်။ ယခုကဲ့သို့ လူငယ်စွမ်းအားစုများ အမြောက်အမြား ထွက်ခွာသွားခြင်းသည် လတ်တလော စားဝတ်နေရေး အဆင်ပြေစေနိုင်သော်လည်း ရေရှည်တွင် ပြည်နယ်၏ လူမှုစီးပွား တိုးတက်ရေးနှင့် ပြန်လည် ထူထောင်ရေး လုပ်ငန်းစဉ်များအတွက် အဓိက လိုအပ်သည့် လူ့စွမ်းအားအရင်းအမြစ် ပြတ်လပ်မှုကို ကြုံတွေ့ရနိုင်ကြောင်း သုံးသပ်မှုများ ရှိနေသည်။ ဓာတ်ပုံ - (ဘန်ကောက်သို့ သွားရောက် အလုပ်လုပ်ကိုက်ကြမည့် ကရင်နီစစ်ရှောင်လူငယ်များ / Refugee man) #IEC #ကရင်နီလူငယ်

ကရင်နီ လူငယ်များ ပြည်ပထွက်ခွာမှု ပြည်နယ်တည်ဆောက်ရေးကို ထိခိုက်နိုင်ဟု IEC ပြော

ကရင်နီ လူငယ်များ ပြည်ပထွက်ခွာမှု ပြည်နယ်တည်ဆောက်ရေးကို ထိခိုက်နိုင်ဟု IEC ပြော သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၃၀ ရက်။ စစ်အာဏာသိမ်…

  • August 30, 2026
AA က စစ်တွေခရိုင်အတွင်း ငှက်ဖျားနှင့် သွေးလွန်တုပ်ကွေး ရောဂါထိန်းချုပ်ရေး ကွင်းဆင်းကုသ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၈ ရက်။ ရခိုင်ပြည်၊ စစ်တွေခရိုင်အတွင်း အဖျားရောဂါ အဖြစ်များနေသည့် ကျေးရွာ ၃ ရွာနှင့် စစ်ဘေးရှောင်စခန်း ၂ ခုတို့မှ ပြည်သူ ၆၀၀ နီးပါးကို အာရက္ခတပ်တော် (AA) ၏ ကျန်းမာရေးအဖွဲ့က ကွင်းဆင်း၍ ကျန်းမာရေး စစ်ဆေး ကုသမှုများ လုပ်ဆောင်ပေးခဲ့ကြောင်း ဒေသခံများက ပြောသည်။ စစ်တွေခရိုင်အတွင်း အဖျားရောဂါ အဖြစ်များနေသည့် အဆိုပါ ကျေးရွာများနှင့် စစ်ရှောင်စခန်းများမှ ပြည်သူ ၅၉၀ ကျော်ကို ဩဂုတ်လ ၁၇ ရက်နေ့မှ ဩဂုတ်လ ၂၁ ရက်နေ့အထိ ၅ ရက်တိုင်တိုင် အခမဲ့ ဆေးကုသပေးခဲ့ ခြင်း ဖြစ်သည်။ AA နှင့် နီးစပ်သည့် ဆရာဝန်တစ်ဦးက “ငှက်ဖျားနဲ့ သွေးလွန်တုတ်ကွေးကို တတ်နိုင်သလောက် ထိန်းနေတာပါ။ စစ်တွေခရိုင်က ရွာတွေနဲ့ စစ်ရှောင်စခန်းတွေကို ကွင်းဆင်းခဲ့တယ်။ နေရာအတိအကျ ပြောလို့ အဆင်မပြေလို့ ပါ။ ကျနော်တို့ ကျန်းမာရေး အသိပေးတာပါ လုပ်ခဲ့ပါတယ်” ဟု ပြောသည်။ ထိုသို့ ကွင်းဆင်း ဆေးကုသပေးရာတွင် ဆေးဝါး ကုသပေးခြင်းအပြင် ငှက်ဖျားနှင့် သွေးလွန်တုပ်ကွေး ကာကွယ် ရေးဆိုင်ရာ ကျန်းမာရေး အသိပညာပေးခြင်းများကိုပါ ဆောင်ရွက်ပေးခဲ့ပြီး ယခုကဲ့သို့ အခမဲ့ ဆေးကုသပေးမှု များကို စဉ်ဆက်မပြတ် ဆောင်ရွက်ပေးလျက်ရှိသည်။ လက်ရှိ ရခိုင်ပြည်အတွင်း စစ်အုပ်စုတပ်၏ ကုန်းလမ်း၊ ရေလမ်း ပိတ်ဆို့ထားမှုများကြောင့် ဆေးဝါးနှင့် ကျန်းမာ ရေး ထောက်ပံ့ပစ္စည်းများ ပြတ်လပ်နေချိန်တွင် မိုးရာသီ ကာလအတွင်း ကျေးရွာများနှင့် စစ်ဘေးရှောင် စခန်းများ၌ ငှက်ဖျားနှင့် သွေးလွန်တုပ်ကွေး ကူးစက်ရောဂါများ ပိုမိုအဖြစ်များလာနေခြင်း ဖြစ်သည်။ အခမဲ့ ဆေးကုသမှုနေသည့် အပေါ် ရခိုင်ဒေသခံ လူငယ်တစ်ဦးက “အခုလို လမ်းပန်းဆက်သွယ်ရေးတွေ ပိတ်ပြီး ဆေးဝါးဝယ်ဖို့ ခက်ခဲနေတဲ့အချိန်မှာ ရောဂါတွေဖြစ်တော့ တော်တော်လေး ဒုက္ခရောက်ကြရတာပါ။ အခုလို ကျန်းမာရေးအဖွဲ့တွေ ကိုယ်တိုင် ရွာအထိ ဆေးလာကုပေးကြတဲ့အတွက် ဆေးဖိုးဝယ်ယူဖို့ အခက်အခဲရှိနေတဲ့ မိသားစုတွေနဲ့ စစ်ဘေးရှောင်တွေအတွက် အများကြီး အထောက်အကူဖြစ်တာပေါ့။ ရခိုင်က နေရာဒေသတိုင်း ကို သွားဖို့လိုပါတယ်။ အားလုံးက လိုအပ်နေတာပါ” ဟု ပြောသည်။ စစ်တွေခရိုင်အပြင် ရခိုင်ပြည်အတွင်းရှိ အခြားခရိုင်များမှ မြို့နယ်၊ ကျေးရွာများတွင်လည်း ဒေသခံ ပြည်သူများ ကို အခမဲ့ ဆက်လက်ကုသပေးသွားမည် ဖြစ်သည်ဟု ဆိုသည်။ ထို့ပြင် အဖျားရောဂါများ သာမက မျက်စိခွဲစိတ် ကုသခြင်း၊ သွားရောဂါ ဝေဒနာရှင်များအား ကုသပေးခြင်း၊ ကာ ကွယ်ဆေးထိုးပေးခြင်း၊ မိခင်နှင့်ကလေး ကျန်းမာရေး စောင့်ရှောက်မှု လုပ်ငန်းများ၊ ရောဂါကာကွယ် ထိန်းချုပ် ရေး လုပ်ငန်းများနှင့် အထွေထွေ ရောဂါဝေဒနာရှင်များကိုပါ အခြေခံ ဆေးကုသမှုများ အပြည့်အဝ လုပ်ဆောင် ပေးလျက်ရှိသည်။ ဓာတ်ပုံ - (AA Info Desk / AA ကျန်းမာရေးအဖွဲ့က စစ်တွေခရိုင်အတွင်းရှိ ဒေသခံ ပြည်သူများနှင့် စစ်ဘေး ရှောင်များအား အခမဲ့ ကွင်းဆင်း ဆေးကုသပေးနေစဉ်။) #AA #ငှက်ဖျား #သွေးလွန်တုတ်ကွေး

AA က စစ်တွေခရိုင်အတွင်း ငှက်ဖျားနှင့် သွေးလွန်တုပ်ကွေး ရောဂါထိန်းချုပ်ရေး ကွင်းဆင်းကုသ

AA က စစ်တွေခရိုင်အတွင်း ငှက်ဖျားနှင့် သွေးလွန်တုပ်ကွေး ရောဂါထိန်းချုပ်ရေး ကွင်းဆင်းကုသ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက်။ ရခိ…

  • August 30, 2026
ရွှေကူတွင် စစ်အုပ်စု စစ်သင်္ဘောတစ်စီး မီးလောင်၊ လေကြောင်းမှ ကလပ်စတာဗုံးဖြင့် လက်တုံ့ပြန် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၉ ရက် မန္တလေးမှ ဆန်တက်လာသည့် စစ်အုပ်စု၏ စစ်သင်္ဘောများ ကမ်းကပ်ထားသည့် ကချင်ပြည်၊ ရွှေကူမြို့နယ်တွင် တော်လှန်ရေး အင်အားစုများ၏ ဒရုန်းဖြင့် တိုက်ခိုက်မှုကြောင့် စစ်သင်္ဘောတစ်စီး မီးလောင် ပျက်စီးခဲ့ပြီးနောက် စစ်တပ်က ကလပ်စတာ (Cluster) ဗုံးများ အသုံးပြု၍ လေကြောင်းမှ လက်တုံ့ပြန် ဗုံးကြဲတိုက်ခိုက်လျက်ရှိ သည်။ မန္တလေးမြို့မှ ဩဂုတ်လ ၂၁ ရက်တွင် ထွက်ခွာလာသည့် အင်အား ရာနှင့်ချီ ပါဝင်သော စစ်တပ်၏ စစ်သင်္ဘော ရေယာဉ် ၁၄ စီးသည် ဩဂုတ်လ ၂၈ ရက်နေ့ နံနက်ပိုင်းတွင် ရွှေကူမြို့၊ အမှတ် (၃) ဆိပ်ကမ်း သို့ ရောက်ရှိ ကမ်းကပ်ခဲ့ခြင်း ဖြစ်သည်။ အဆိုပါ သင်္ဘောများ ကမ်းကပ်ထားစဉ် ဩဂုတ်လ ၂၈ ရက် ည ၁၁ နာရီခန့်တွင် ကချင်လွတ်လပ်ရေးတပ်မတော် (KIA) နှင့် ပြည်သူ့ကာကွယ်ရေးတပ်မတော် (PDF) ပူးပေါင်းအဖွဲ့များက ကာကွယ်ရေး ဒရုန်းများဖြင့် ဝင်ရောက် တိုက်ခိုက်ခဲ့ခြင်းဖြစ်သည်။ အဆိုပါ တိုက်ခိုက်မှုကြောင့် စစ်သင်္ဘောတစ်စီး မီးလောင် ပျက်စီးခဲ့သည့်အပြင် စစ်တပ်ဘက်မှ စစ်သား တစ်ဦး၊ ရဲတပ်သားတစ်ဦးနှင့် ကုန်တင်စိစစ်ပေးနေသူတစ်ဦး သေဆုံးကာ ၁၄ ဦးထက်မနည်း အပြင်းအထန် ဒဏ်ရာရရှိခဲ့ကြောင်း ဒေသခံ မြေပြင် သတင်းရင်းမြစ်များက ပြောသည်။ ဒေသခံ တော်လှန်ရေး သတင်းရင်းမြစ်တစ်ဦးက “စစ်အုပ်စု စစ်သင်္ဘောတွေ ရွှေကူ အမှတ် (၃) ဆိပ်ကမ်းမှာ ဆိုက်ထားချိန် ဒရုန်းနဲ့ ဝင်ပစ်တာ။ သင်္ဘောတစ်စီး လုံးဝ မီးလောင်သွားတယ်။ သူတို့ဘက်က အထိနာသွားတော့ မြစ်ကမ်းဘေးရွာတွေကို လက်နက်ကြီးတွေနဲ့ ရမ်းသမ်းပစ်သလို လေကြောင်းကနေလည်း ချက်ချင်း လက်တုံ့ ပြန် ဗုံးကြဲတာတွေ လုပ်လာတာ” ဟု ပြောသည်။ သင်္ဘောများ တိုက်ခိုက်ခံရအပြီး ဩဂုတ်လ ၂၈ ရက် ညပိုင်းတွင်ပင် စစ်အုပ်စုတပ်သည် မံစီမြို့နယ်၊ ဟန်ထက် ကျေးရွာရှိ စစ်ဘေးရှောင် စခန်းအနီးသို့ ဂျက်တိုက်လေယာဉ် နှစ်စင်းဖြင့် နိုင်ငံတကာက သုံးစွဲခွင့် ပိတ်ပင်ထား သည့် ကလပ်စတာဗုံး ၄ လုံး ကြဲချခဲ့ရာ ကျေးလက်ကျန်းမာရေး ဆေးခန်းနှင့် မော်တော်ယာဉ် တစ်စီး ပျက်စီးခဲ့ပြီး အရပ်သားတစ်ဦး ဗုံးစထိမှန် ဒဏ်ရာရရှိခဲ့သည်။ တော်လှန်ရေး တပ်ဖွဲ့နှင့် နီးစပ်သူ တစ်ဦးက “စစ်တပ်က ရွှေကူမှာ အထိနာသွားတော့ ဒီဘက် မံစီကို မဲပြီး ဂျက် ဖိုက်တာနှစ်စီးနဲ့ ဗုံးလာကြဲတာ။ ည ၁၁ နာရီလောက်မှာ ဂျက်ဖိုက်တာနှစ်စီး ရှေ့ဆင့်နောက်ဆင့် ရောက် လာပြီး တိုက်နယ်ဆေးရုံကို ဗုံးကြဲသွားတာ” ဟု ပြောသည်။ ထို့ပြင် ဩဂုတ်လ ၂၉ ရက်နေ့တွင်လည်း ရွှေကူမြို့ ဆိပ်ကမ်း၌ ပစ္စည်းများ သယ်ယူချကင်းနေစဉ် ဗုံးကျ ရောက် ပေါက်ကွဲမှုများ ထပ်မံဖြစ်ပွားခဲ့သလို စစ်အုပ်စုတပ်က ဂျက်လေယာဉ်များဖြင့် ဆင့်ပွား ပေါက်ကွဲစေတတ်သည့် ကလပ်စတာဗုံးများကို ဆက်လက် ကြဲချနေကြောင်း ဆိုသည်။ လက်ရှိတွင် စစ်အုပ်စုတပ်သည် ရွှေကူမြို့ပေါ်ရှိ အရပ်သား အိမ်စီးကားများနှင့် ကားဂိတ်အချို့မှ မော်တော် ယာဉ်များကို ချောဆွဲကာ သင်္ဘောပေါ်ပါလာသည့် စစ်လက်နက် ပစ္စည်းများနှင့် စစ်အင်အားများကို ရွှေကူအခြေ စိုက် တပ်ရင်းများအတွင်းသို့ ပို့ဆောင်နေပြီး စင်းခန်းနှင့် ဗန်းမော်ဘက်သို့ ဆက်လက် စစ်ကြောင်းထိုးနိုင်ရန် အင်အားဖြည့်တင်းလျက်ရှိသည်။ စစ်သင်္ဘောများ ရွှေကူမှတစ်ဆင့် ဗန်းမော်ဘက်သို့ ဆက်လက် ဆန်တက်မည်ဖြစ်ရာ မြစ်ကြောင်းတစ်လျှောက် လေကြောင်းတိုက်ခိုက်မှုများနှင့် စစ်ကြောင်းထိုးမှုများ ပိုမို ပြင်းထန်လာနိုင်သဖြင့် စင်းခန်း၊ ဗန်းမော်နှင့် ဧရာဝတီမြစ်ကမ်းဘေး ကျေးရွာများမှ ဒေသခံ ပြည်သူများအနေဖြင့် ဘေးလွတ်ရာသို့ စနစ်တကျ တိမ်းရှောင် ကြရန် တော်လှန်ရေး အင်အားစုများက သတိပေး နှိုးဆော်ထားသည်။ ဓာတ်ပုံ - (Banmaw Scout Team / ဧရာဝတီမြစ်ကြောင်းအတိုင်း ဆန်တက်လာသည့် စစ်အုပ်စုတပ်၏ စစ်သင်္ဘောများအား တွေ့ရစဉ်။) #ရွှေကူတိုက်ပွဲ

ရွှေကူတွင် စစ်အုပ်စု စစ်သင်္ဘောတစ်စီး မီးလောင်၊ လေကြောင်းမှ ကလပ်စတာဗုံးဖြင့် လက်တုံ့ပြန်

ရွှေကူတွင် စစ်အုပ်စု စစ်သင်္ဘောတစ်စီး မီးလောင်၊ လေကြောင်းမှ ကလပ်စတာဗုံးဖြင့် လက်တုံ့ပြန် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၉ ရက် မန…

  • August 30, 2026
ရခိုင်တွင် Grade-12 မြန်မာစာအစား ရက္ခိုင်စာပေ သင်ရိုးသစ်နှင့် ရုံးစာရေးသားနည်းများ ထည့်သွင်းသင်ကြား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဩဂုတ်လ ၂၉ ရက်။ ရခိုင်ပြည်တွင် ၁၂ တန်း မြန်မာစာ ဘာသာရပ်ကို ၂၀၂၆-၂၀၂၇ ပညာသင်နှစ်မှ စတင်၍ ရက္ခိုင်စာပေ သင်ရိုးသစ်နှင့် အစားထိုးကာ အစိုးရ ရုံးစာရေးသားနည်းများပါ ထည့်သွင်းသင်ကြားပေးနေကြောင်း ဒေသခံများနှင့် ကျောင်းဆရာအသိုင်းအဝိုင်းက ပြောသည်။ အစားထိုး သင်ကြားပေးသည့် ရက္ခိုင်စာပေ ဘာသာရပ်၌ သဒ္ဒဗေဒ မိတ်ဆက်၊ နရာဓိပတိကျောက်စာ၊ စာစီစာ ကုံး ရေးသားနည်း၊ အနုသာရ ဆုံးမစာနှင့် အစိုးရ ရုံးစာရေးသားနည်းများ ပါဝင်သည်။ ထို့ပြင် ရှေးခေတ် ရက္ခိုင်စာပေ ပညာရှင်များ ရေးသားခဲ့သည့် သမိုင်းမှတ်တမ်းများ၊ ရိုးရာယဉ်ကျေးမှု ဓလေ့များ၊ ကဗျာ၊ ဆောင်းပါး၊ ဝတ္ထုနှင့် သုတ၊ ရသ ဂန္တဝင်မြောက် စာပေများကိုလည်း သင်ယူကြရမည် ဖြစ်သည်။ လက်ရှိတွင် အဆိုပါ သင်ရိုးသစ်ကို မြောက်ဦးနှင့် ကျောက်တော်မြို့တို့၌ စတင်သင်ကြားနေပြီဖြစ်ပြီး ရခိုင် တောင်ပိုင်း မြို့အချို့တွင်မူ စာအုပ်များ ရောက်ရှိပါက သင်ကြားနိုင်မည်ဖြစ်သည်။ ယခုကဲ့သို့ စာပေသင်ကြားပေးနေသည့် ရခိုင်တောင်ပိုင်းမှ ကျောင်းဆရာမတစ်ဦးက “မြန်မာစာ သင်လာတာ ကြာပြီး အခုမှ ရခိုင်စာသင်တော့ ကျောင်းသားရော ဆရာရော ခက်ခဲတယ်။ ဒါပေမယ့် ဘာဖြစ်လဲ ငါ့လူမျိုး ငါ့ပြည်နယ် ငါ့စာလေ ငါ့တို့အနာဂတ် ဒါလုပ်သင့်တယ်လို့ထင်တယ်။ ကျမတို့က ရခိုင်ပြည်က ထွက်သွားပြီး ပြည်မမှာ စာသင်လို့ရပါတယ်၊ အစိုးရဝန်ထမ်း လုပ်ခဲ့တာပါ။ ဒါပေမယ့် အခု ရခိုင်မှာ ရခိုင်ကလေးတွေကို ရခိုင်စာသင်နေတယ်၊ ဒါလောက်ပဲ ပြောပါရစေ” ဟု ပြောသည်။ ယခုကဲ့သို့ ရက္ခိုင်စာပေး သင်ရိုးသစ် အစားထိုးသင်ကြားပေးနေသည့်အပေါ် ဆရာ၊ ဆရာမများနှင့် ကျောင်းသား မိဘများက ကြိုဆိုသည်ဟု ဒေသခံများက ဆိုသည်။ ရခိုင်ကျောင်းဆရာတစ်ဦးကလည်း “ဒီလိုသင်ကြားရတာ ကောင်းပါတယ်၊ အဆင်ပြေတယ်။ ကိုယ့်ဘာသာ စကား၊ ကိုယ့်လူမျိုးရဲ့ အသုံးအနှုန်း တွေ၊ စာတွေဟာ ပျောက်နေတာ နှစ်ပေါင်းကြာခဲ့ပြီ။ အခုလိုလုပ်တာကို ထောက်ခံပါတယ်” ဟု ပြောသည်။ ပြောင်းလဲသင်ကြားသည့် အထက်တန်း ကျောင်းစာ၌ အစိုးရ ရုံးလုပ်ငန်းနှင့် ရုံးစာရေးသားနည်းများ ထည့်သွင်း ထားသဖြင့် လူငယ်များ လုပ်ငန်းခွင်သို့ ဝင်ရောက်ရာတွင် အခြေခံကျွမ်းကျင်မှုများ ရရှိနိုင်သည့်အပြင် ရုံးလုပ်ငန်းများကိုပါ ပိုမိုလွယ်ကူစွာ ဆောင်ရွက်နိုင်မည်ဖြစ်သည်။ ထို့ပြင် ကျောင်းသားများအနေဖြင့် ရုံးစာရေးသားနည်းများနှင့် ရင်းနှီးကျွမ်းဝင်လာပြီး အစိုးရဌာနများနှင့် ဆက် သွယ် ဆောင်ရွက်ရာတွင်လည်း ပိုမို ထိရောက်ကောင်းမွန်သော ဆက်ဆံရေး တည်ဆောက်နိုင်မည်ဟု ကျောင်းဆရာအသိုင်းအဝိုင်းက သုံးသပ်ကြသည်။ ဓါတ်ပုံ - Arakan Princess Media (ဘူးသီးတောင်မြို့နယ်မှ ကျောင်းသူ/သားများ) #ရခိုင်စာပေ

ရခိုင်တွင် Grade-12 မြန်မာစာအစား ရက္ခိုင်စာပေ သင်ရိုးသစ်နှင့် ရုံးစာရေးသားနည်းများ ထည့်သွင်းသင်ကြား

ရခိုင်တွင် Grade-12 မြန်မာစာအစား ရက္ခိုင်စာပေ သင်ရိုးသစ်နှင့် ရုံးစာရေးသားနည်းများ ထည့်သွင်းသင်ကြား သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂…

  • August 30, 2026
မိုးဗြဲအနီး စစ်ကြောင်းထိုးလာ၍ တိုက်ပွဲပြင်းထန်၊ လမ်းပိုင်းများ ဖြတ်သန်းခွင့် အရေးပေါ် ပိတ်ပင်   သတင်းနှင့် မီဒီယာ ကွန်ရက်။ 
၂၀၂၆ ခုနှစ်၊ ဩဂုတ်လ ၂၈ ရက်။   ရှမ်း-ကရင်နီအစပ်၊ မိုးဗြဲမြို့အနီးသို့ စစ်အုပ်စုတပ်က အင်အားအလုံးအရင်းဖြင့် စစ်ကြောင်းထိုး ဝင်ရောက် လာ သောကြောင့် တော်လှန်ရေး ပူးပေါင်းတပ်များနှင့် ထိတွေ့တိုက်ပွဲများ အပြင်းအထန် ဖြစ်ပွားလျက်ရှိပြီး မိုးဗြဲ-နန်းမယ်ခုံ လမ်းပိုင်းအများစုကို ဖြတ်သန်းသွားလာခြင်း မပြုကြရန် မိုးဗြဲ PDF က အရေးပေါ် သတိပေး ထုတ်ပြန်ထားသည်။   စစ်အုပ်စုတပ်နှင့် လက်အောက်ခံ ပအိုဝ်းပြည်သူ့စစ် (PNO) ပူးပေါင်းတပ်များသည် ဩဂုတ်လ ၂၇ ရက်နေ့မှစ၍ မိုးဗြဲမြို့ အနောက်ဘက်ခြမ်း သို့ စစ်ကြောင်းထိုး ဝင်ရောက်လာခြင်းဖြစ်သည်။   ၎င်းတို့သည် လွယ်ယင်းမင်္ဂလာကျေးရွာမှတစ်ဆင့် နန်းမယ်ခုံမြို့၊ ဆင်တောင်ကျေးရွာအထိ ခြေကုပ်ယူကာ မိုးဗြဲ-နန်းမယ်ခုံ လမ်းမကြီးကို အဓိက ထိန်းချုပ်နိုင်ရေး ကြိုးပမ်းနေကြသည်။   ထိုသို့ တိုက်ပွဲများ ဆက်တိုက် ပြင်းထန်နေသဖြင့် လွယ်ဝိုင်း၊ လွယ်ယင်းတောင်ခြေ၊ လီဝိုးနှင့် နန်းမယ်ခုံဘက်သို့ ဆက်သွယ်ထားသည့် မည်သည့်လမ်းကိုမဆို လုံခြုံရေးအရ ဖြတ်သန်းသွားလာခြင်း မပြုကြရန် မိုးဗြဲ-PDF က အသိပေးထားသည်။   “စစ်ကြောင်းက လွယ်ယင်းဘက်ကနေ တက်လာတာ။ လက်နက်ကြီးကော၊ ဒရုန်းတွေပါ သုံးပြီး ပစ်ဝင်လာ တော့ ကုန်းလမ်းကော၊ တောလမ်းတွေပါ မလုံခြုံတော့ဘူး။ တိုက်ပွဲက ခဏခဏ ဖြစ်နေတာဆိုတော့ ခရီးသွား တွေ လမ်းပိုင်းထဲ ပိတ်မိမှာစိုးလို့ ပြည်သူ့ကာကွယ်ရေးတပ်က အရေးပေါ် ပိတ်လိုက်ရတာပါ” ဟု မိုးဗြဲ PDF အဖွဲ့နှင့် နီးစပ်သူတစ်ဦးက ပြောသည်။   အဆိုပါ ဒေသအတွင်းသို့ စစ်အုပ်စုတပ်သည် ပြီးခဲ့သည့် ဇူလိုင်လကတည်းက လက်နက်ကြီးများနှင့် ဒရုန်းများ အသုံးပြုကာ မကြာခဏ ပစ်ခတ်တိုက်ခိုက်ခဲ့သဖြင့် ဒေသခံ တောင်သူအများအပြားမှာ စိုက်ပျိုးထားသည့် သီးနှံများကို စွန့်ပစ်၍ ဘေးလွတ်ရာသို့ ထွက်ပြေးတိမ်းရှောင်ခဲ့ကြရသည်။   မိုးဗြဲဒေသခံ စစ်ဘေးရှောင်တစ်ဦးက “လယ်တဲတွေ၊ စိုက်ခင်းတွေကို အကုန်ပစ်ပြီး ပြေးခဲ့ရတာ။ ဇူလိုင်လ တုန်းက စစ်တပ်က လက်နက်ကြီးနဲ့ လမ်းရမ်းပစ်တော့ ခင်းထားသမျှ သီးနှံတွေလည်း ဘာမှ မသိမ်းနိုင်တော့ ဘူး။ အခု စစ်ကြောင်းက ထပ်ဝင်လာတော့ အိမ်ပြန်ဖို့ဆိုတာ ဝေးရော” ဟု ပြောသည်။   ထို့ပြင် မိုးဗြဲမြို့အတွင်းသို့ နေရပ်ပြန်လာသည့် စစ်ဘေးရှောင် ဒေသခံ ခုနစ်ဦးမှာ စစ်အုပ်စုတပ် ထောင်ထားသည့် မြေမြှုပ်မိုင်း နင်းမိသဖြင့် ဒဏ်ရာ ပြင်းထန်စွာ ရရှိခဲ့သော်လည်း စစ်အုပ်စုတပ်ဘက်က ဆေးကုသပေးခြင်း လုံးဝ မရှိခဲ့ဟု ဆိုသည်။   “နေရပ်ပြန်တဲ့ ဒေသခံတွေ မိုင်းနင်းမိတာတွေ ရှိတယ်။ ဒဏ်ရာ တော်တော်ပြင်းထန်တယ်။ စစ်တပ်က ဘာဆေး ကုသမှုမှ မလုပ်ပေးဘဲ ပစ်ထားတာ။ သူတို့ထောင်ထားတဲ့ မိုင်းတွေကြောင့် နေရပ်ပြန်ချင်တဲ့ စစ်ဘေးရှောင်တွေ ပါ အသက်အန္တရာယ် ပိုစိုးရိမ်နေရတယ်” ဟု မြေပြင် သတင်းအရင်းအမြစ်တစ်ဦးက ဆက်ပြောသည်။   လက်ရှိတွင် စစ်အုပ်စုတပ်သည် အနီးဝန်းကျင်ရှိ ကျေးရွာများအတွင်းသို့ လက်နက်ကြီးများ ဆက်တိုက် ပစ်ခတ် နေဆဲဖြစ်ပြီး မိုးဗြဲနှင့် နန်းမယ်ခုံ အစပ်တွင် စစ်ရေးအခြေအနေ တင်းမာလျက်ရှိသည်။   #မိုးဗြဲတိုက်ပွဲ

မိုးဗြဲအနီး စစ်ကြောင်းထိုးလာ၍ တိုက်ပွဲပြင်းထန်၊ လမ်းပိုင်းများ ဖြတ်သန်းခွင့် အရေးပေါ် ပိတ်ပင်

မိုးဗြဲအနီး စစ်ကြောင်းထိုးလာ၍ တိုက်ပွဲပြင်းထန်၊ လမ်းပိုင်းများ ဖြတ်သန်းခွင့် အရေးပေါ် ပိတ်ပင် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက်။…

  • August 28, 2026
စစ်တပ်က ဧရာဝတီတိုင်း ရွှေသောင်ယံတွင် ရေပြင်နှင့် မြေပြင် လှုပ်ရှားမှုများပြားလာ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၈ ရက်။   ဧရာဝတီတိုင်း၊ ရွှေသောင်ယံမြို့နယ်အတွင်း၌ စစ်တပ်က ရေပြင်နှင့် မြေပြင် စစ်အင်အားများ ဖြည့်တင်း ကာ စစ်ရေးလှုပ်ရှားမှုများ ပိုမိုစိပ်လာကြောင်း ဒေသတွင်း စစ်ရေးသတင်းအရင်းအမြစ်များက ပြောသည်။   ရွှေသောင်ယံ ကမ်းခြေနှင့် တစ်ဆက်တည်းရှိသည့် ဘောမိနှင့် မကျည်းစင်ကျေးရွာတို့ကို အာရက္ခတပ်တော် (AA) က စိုးမိုးထိန်းချုပ်ထားသဖြင့် လက်ရှိတွင် စစ်အုပ်စု စစ်ကြောင်းအချို့က ထိုဒေသများသို့ ချဉ်းကပ်ရန် ပြင်ဆင်နေခြင်းဖြစ်သည်။   ဩဂုတ်လ ၂၆ ရက်နှင့် ၂၇ ရက်များတွင် ရွှေသောင်ယံမြို့ကို ဖြတ်သန်း၍ ရခိုင်-ဧရာဝတီ ကမ်းခြေပတ်လမ်း အတိုင်း စစ်အုပ်စုတပ်၏ စစ်ကားအချို့ သွားလာလှုပ်ရှားခဲ့ပြီး မြို့အတွင်းသို့ ပြန်လည်ဝင်ရောက်လာသည့် စစ်ကားအချို့လည်း ရှိကြောင်း ဒေသခံများက ဆိုသည်။   ပုသိမ်မြို့မှ စစ်ရေးသတင်းအရင်းအမြစ် အမျိုးသားတစ်ဦးက “ရွှေသောင်ယံက စစ်အင်အားဟာ အခုရက်ပိုင်း နည်းနည်းလှုပ်လာတယ်။ ရေရော ကုန်းရော အင်အားဖြည့်ထားတာ” ဟု ပြောသည်။   လက်ရှိတွင် စစ်ရေးအခြေအနေ တင်းမာနေသည့် ပုသိမ်-ရွှေသောင်ယံ လမ်းပိုင်း၊ ကမ်းခြေပတ်လမ်းနှင့် ရေပြင် ချောင်းလက်တက်များ၌ စစ်အုပ်စုတပ်သည် စစ်အင်အား ဖြည့်တင်းပြင်ဆင်လျက်ရှိပြီး ပြည်မြို့နှင့် ရန်ကုန်မြို့တို့မှ စစ်ကားများလည်း ထပ်မံရောက်ရှိနေသည်။   ဒေသတွင်း သတင်းရင်းမြစ် တစ်ဦးက “အသွားအလာ အသယ်အပို့နဲ့ စစ်မှုထမ်းတပ်သားတွေကို မြို့အသွား အလာရှိတယ်။ ဧရာဝတီ-ရခိုင်အစပ် တောတောင်တွေကို စစ်ကြောင်းထိုးနေတာပါ။ ရွှေသောင်ယံကမ်းခြေက စစ်သင်္ဘောတွေဟာ ရေလမ်းအတိုင်း ရခိုင် ဂွမြို့နယ်ရှိ ဂွအငူ၊ ကြွေချိုင်ဘက်က ရေလမ်းအတိုင်း ရခိုင်၊ ဂွ ဘက် ကိုသွားဖို့ လုပ်နေတာ” ဟု ဆက် ပြောသည်။   ဧရာဝတီတိုင်း၊ ပုသိမ်ခရိုင်အတွင်းရှိ ရွှေသောင်ယံကမ်းခြေ၊ ဘောမိနှင့် မကျည်းစင်ကျေးရွာတို့သည် တစ်ကြော တည်း တည်ရှိသော နယ်မြေများ ဖြစ်သည်။   ချောင်းသာကမ်းခြေ၏ မြောက်ဘက်ရှိ အဆိုပါ ဘောမိနှင့် မကျည်းစင်ကျေးရွာတို့ကို အာရက္ခတပ်တော် (AA) က ထိန်းချုပ်ထားပြီး ထိုမှတစ်ဆင့် မြောက်ဘက်သို့ ဆက်လက်သွားပါက ရခိုင်ပြည်နယ်၊ ဂွမြို့နယ်အတွင်းရှိ ဂွအငူ၊ ကြွေချိုင်နှင့် ဂွမြို့တို့သို့ ကုန်းလမ်း၊ ရေလမ်း နှစ်မျိုးစလုံးဖြင့် တစ်ဆက်တည်း ရောက်ရှိနိုင်သည်။   စစ်အုပ်စုတပ်၏ မြေပြင်စစ်ကြောင်းများသည် ဂွမြို့နယ်အတွင်းသို့ ဝင်ရောက်နိုင်ရန် ကုန်းလမ်းနှင့် ရေလမ်းတို့မှ နည်းမျိုးစုံဖြင့် ထိုးဖောက်ရန် ကြိုးပမ်းနေရာမှ လက်ရှိတွင် ကမ်းခြေပတ်လမ်းကို အသုံးပြု၍ စစ်အင်အား အလုံး အရင်းဖြင့် စိစစ်လှုပ်ရှားလာခြင်းဖြစ်သည်။   #ဧရာဝတီတိုင်း #ရွှေသောင်ယံမြို့နယ်

စစ်တပ်က ဧရာဝတီတိုင်း ရွှေသောင်ယံတွင် ရေပြင်နှင့် မြေပြင် လှုပ်ရှားမှုများပြားလာ

စစ်တပ်က ဧရာဝတီတိုင်း ရွှေသောင်ယံတွင် ရေပြင်နှင့် မြေပြင် လှုပ်ရှားမှုများပြားလာ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၈ ရက်။ ဧရာဝတီတိုင…

  • August 28, 2026
×Close