သတင်း

စစ်တွေ၌ စစ်တပ် အင်အားဖြည့်တင်းပြီး မွတ်ဆလင်ရွာများမှ စစ်မှုထမ်းခေါ်ယူမှု တိုးမြှင့်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၆ ရက်။   စစ်တပ် ထိန်းချုပ်ထားသည့် ရခိုင်ပြည်၊ စစ်တွေမြို့တွင် စစ်တပ်က အင်အား ရာချီ ထပ်မံဖြည့်တင်း ထားပြီး မွတ်ဆလင် ကျေးရွာများမှ လူငယ်များကိုပါ စစ်မှုထမ်းရန် စစ်တပ်က အတင်းအဓမ္မ ဖိအားပေး ညွှန်ကြားထားကြောင်း ဒေသခံ စစ်ရေး သတင်းအရင်းအမြစ်များက ပြောသည်။   စစ်တွေမြို့ရှိ စစ်အုပ်စုတပ် စခန်းများနှင့် ရှေ့တန်းတပ်ရင်းများသို့ ရေကြောင်းမှတစ်ဆင့် စစ်အင်အား ၈၀၀ ခန့် ပို့ဆောင်ခဲ့ပြီး မြို့အခြေစိုက် ခမရ (၃၅၄)၊ ခလရ (၃၄၄) နှင့် ခလရ (၂၃၂) တပ်ရင်းများတွင် အင်အားများ ဖြန့်ခွဲ ထားသည်။   စစ်တွေ့ ဒေသခံတစ်ဦးက “အခု စစ်အင်အား တစ်ထောင်နီးပါးစစ်တွေကိုရောက်တယ် ရန်ကုန်မြို့ကနေ စစ် သင်္ဘော၊ ကုန်တင်သင်္ဘောတွေနဲ့ လက်နက်ခဲယမ်းနဲ့အတူ ပို့ထားတာပါ။ စစ်တွေ ဒေသခံတွေ အကုန်မြင်တွေ့ နေရတာပဲ။ တမြို့လုံး စစ်သားတွေပဲ မြင်ရတယ်” ဟု ပြောသည်။   ထို့ပြင် စစ်တွေမြို့၊ အောင်မင်္ဂလာရပ်ကွက်နှင့် ဆက်စပ်နေသော မွတ်ဆလင် ရပ်ကွက် ၅ ခုမှ လူငယ်များကို ပြည်သူ့စစ် စစ်သင်တန်းတက်ရောက်ရန် အိမ်ထောင်စုတစ်စုလျှင် တစ်ဦးနှုန်းဖြင့် အတင်းအဓမ္မ ခေါ်ဆောင် လျက်ရှိသည်။   စစ်တွေ ဒေသခံ စစ်ရေး သတင်းအရင်းအမြစ် အမျိုးသားတစ်ဦးက “စစ်တွေမြို့ပြင်က မွတ်ဆလင်ရွာတွေက စစ်မှုထမ်းတပ်သားတွေပေးနေရပါပြီ။ တချို့ထွက်ပြေးနေကြတယ်။ ညဘက် ဝင်ဖမ်းတာတွေရှိတယ်။ အောင် မင်္ဂလာ ရက်ကွက်နဲ့ ရက်ကွက် ၅ ခုကလည်း တစ်လကို မွတ်ဆလင် ၂၀ ပေးရမယ်လို့သိထားတယ်” ဟု ပြော သည်။   မွတ်ဆလင် စစ်မှုထမ်းများ ခေါ်ယူသည့် အစီအစဉ်ကို ပြီးခဲ့သည့် ဇူလိုင်လ ၂၉ ရက်နေ့က ရခိုင်ပြည် လုံခြုံရေးနှင့် နယ်စပ်ရေးရာဝန်ကြီး၊ ဒေသကွပ်ကဲမှုစစ်ဌာနချုပ် (ဒကစ) မှူးနှင့် မွတ်ဆလင် ရပ်ကွက်လူကြီး ၂၂ ဦးတို့ အစည်း အဝေးပြုလုပ်၍ ဆုံးဖြတ်ခဲ့ခြင်း ဖြစ်သည်ဟု နီးစပ်သူများ၏ ပြောပြချက်အရ သိရသည်။   လက်ရှိတွင် အောင်မင်္ဂလာရပ်ကွက် အပြင် သဲချောင်း၊ ဘုမေ၊ သက္ကယ်ပြင် စသည့် မွတ်ဆလင် ကျေးရွာများ တွင်လည်း ဒကစ ပြည်သူ့စစ်တာဝန်ခံ၏ လက်မှတ်ဖြင့် စစ်မှုထမ်း ဆင့်ခေါ်စာများ ထုတ်ပြန်ထားသည်။   စစ်အုပ်စုတပ်သည် စစ်တွေမြို့ကို ကာကွယ်ရန်အတွက် မွတ်ဆလင် လူငယ်များကို စစ်မှုထမ်းသင်တန်း ဆက် တိုက်ခေါ်ယူနေခြင်းဖြစ်ပြီး သင်တန်းသားများအတွက် လစဉ်ကြေးများကိုလည်း အတင်းအဓမ္မ ကောက်ခံလျက် ရှိသည်ဟု ဆိုသည်။   စစ်အုပ်စုတပ်သည် စစ်မှုထမ်းဥပဒေ စတင်အတည်ပြုသည့် ၂၀၂၄ ခုနှစ်မှစ၍ စစ်တွေမြို့နယ်ရှိ မွတ်ဆလင်များ ကို ရန်ဖန်ရံခါ ခေါ်ယူခဲ့ပြီး ယခင်ကလည်း ရပ်ကွက်တစ်ခုလျှင် လူ ၃၀ အထိ ခေါ်ယူခဲ့ဖူးသည်။   ထို့ပြင် ပါဒလိတ်တပ်ရင်း၊ ဒကစ အနီးရှိ နာရီကန်တပ်ရင်းနှင့် ရေချမ်းပြင်အနီးရှိ တပ်ရင်းများသို့ စစ်ကားများ ဖြင့် အင်အားများ ပို့ဆောင်ဖြန့်ကြက်ထားသည့်အပြင် ရွှေမင်းဂံ ရေတပ်အနီးတွင်လည်း စစ်ရေယာဉ် အများ အပြား နေရာချထားသည်။   လက်ရှိတွင် တိုက်ပွဲများ ဖြစ်ပွားခြင်း မရှိသေးသော်လည်း စစ်အုပ်စုတပ်၏ စစ်ရေယာဉ်များမှ လက်နက်ကြီး များ ပစ်ခတ်မှုရှိနေသည်ဟု စစ်တွေဒေသခံများက ပြောသည်။   ပြီးခဲ့သည့် ဇူလိုင်လအတွင်းက စစ်တွေမြို့နယ်၊ ရေချမ်းပြင်ကျေးရွာအနီးသို့ အာရက္ခတပ်တော် (AA) က ချဉ်း ကပ် ထိုးစစ်ဆင် တိုက်ခိုက်ခဲ့ပြီးနောက် စစ်အုပ်စုတပ်ဘက်က အင်အား အလုံးအရင်း ထပ်မံ ဖြည့်တင်းလာခြင်း ဖြစ်သဖြင့် နှစ်ဖက် စစ်ရေးအခြေအနေ ပိုမို တင်းမာလျက်ရှိသည်။   #AA #စစ်တွေ #မွတ်ဆလင် #စစ်တပ် ဓာတ်ပုံ - Crd

စစ်တွေ၌ စစ်တပ် အင်အားဖြည့်တင်းပြီး မွတ်ဆလင်ရွာများမှ စစ်မှုထမ်းခေါ်ယူမှု တိုးမြှင့်

စစ်တွေ၌ စစ်တပ် အင်အားဖြည့်တင်းပြီး မွတ်ဆလင်ရွာများမှ စစ်မှုထမ်းခေါ်ယူမှု တိုးမြှင့် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၆ ရက်။ စစ်တပ်…

  • August 26, 2026
ညောင်တုန်း၌ တာဘောင်ပြိုကျ၍ မြို့ရွာအချို့ ရေစတင်ဝင်ရောက်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၆ ရက်။   ဧရာဝတီတိုင်း၊ ညောင်တုန်းမြို့နယ်အတွင်း ဧရာဝတီ မြစ်ခွဲ တိုးမြစ် တာဘောင်ကျိုးကျပြီး ရေများ ဝင်ရောက်လာသဖြင့် ဒေသခံများ စိုးရိမ်နေကြသည်။   ညောင်တုန်းမြို့နယ် ဂန်ချောင်းအုပ်စု၊ ချောင်းဖျားကျေးရွာရှိ ညောင်တုန်းကျွန်း (ဧရာဝတီ မြစ်ခွဲ) တာမိုင် (၁၁/၆) နှင့် (၁၁/၇) အကြား ဂန်ချောင်းထုံးဝ တာဘောင် ပြိုကျကျိုးပေါက်သွားခဲ့ခြင်း ဖြစ်သည်။   အဆိုပါ တာဘောင်မှာ ဩဂုတ်လ ၂၅ ရက် မနက် ၈ နာရီ ၂၀ မိနစ်အချိန်ခန့်တွင် မြစ်ရေတိုက်စားကာ ပြိုကျ ကျိုးပေါက်ခဲ့သဖြင့် လက်ရှိတွင် မြို့တွင်းနှင့် ရွာများအတွင်းသို့ ရေများ စတင်ဝင်ရောက်လာပြီ ဖြစ်သည်။   မြေပြင်တွေ ကူညီကယ်ဆယ်ရေး လုပ်နေသူ ဒေသခံတစ်ဦးက “ညောင်တုန်းမြို့နယ်၊ ချောင်းကြီးကျေးရွာအုပ်စု ချောင်းဖျားကျေးရွာမှာ ကျနော်တို့ မနေ့က ၂၅ ရက်နေ့ မနက်ပိုင်းက ဒီကာထားတဲ့ ကမ်းထိန်းတာက တခြမ်းပဲ့ ပြိုကျသွားတာပါ။ တာပေ ၁၀၀ ကျော်နီးပါးပေါ့နော် မြစ်ဘက်ကို တခြမ်းပဲ့ ပြိုကျသွားတာ ဖြစ်ပါတယ်။ မြစ်ရေအခြေအနေကလည်း မနေ့ကထက်စာရင် လက်ရှိ ဒီနေ့မှာ တက်လာနိုင်တယ်လို့လည်း ခန့်မှန်းရပါတယ်။ ဒါကို ထိန်းနိုင်ဖို့အတွက် အရံတာတွေ ဆောက်ဖို့ ဒီရေကိုထိန်းနိုင်ဖို့အတွက် အဓိက ဆောင်ရွက်နေကြပါတယ်” ဟု ပြောသည်။   အဆိုပါ တိုးမြစ်ရေကို ကာရံထားသည့် ရေကာတာမှာ လက်ရှိတွင် ပေ ၂၀၀ ဝန်းကျင် ပြိုကျထားပြီး ရေစီး ကြောင်းအရှိန်ကြောင့် ဒေသခံများ ဘေးလွတ်ရာသို့ စိုးရိမ်တကြီး ရွှေ့ပြောင်းနေကြရသည်။   ညောင်တုန်းဒေသခံ ကုန်သည်အမျိုးသားတစ်ဦးက “တာရဲ့ သုံးပုံနှစ်ပုံလောက် ပြိုကျတာ။ အခုအထိ မတားဆီး နိုင်သေးဘူး။ မိုးကလည်း ရွာနေပါသေးတယ်။ မိုးများရင် ဆည်အပေါက်ကို ဘယ်လိုမှ မနိုင်ဘူး။ ဝါးကတုတ် ရိုက်တာ၊ သဲဖို့တာ၊ သဲအိတ်စီတာလောက်နဲ့ မရဘူး။ အဲဒီတာဘောင်သာ အကုန် ကျိုးသွားခဲ့ရင် ညောင်တုန်း၊ မအူပင်၊ ကျိုက်လတ် စတဲ့ မြို့နယ်တွေနဲ့ ရန်ကုန်တိုင်းအတွင်းက ဒေသတွေမှာ ရေကြီးနိုင်တယ်လို့ လူတွေ ပြောနေကြတယ်” ဟု ပြောသည်။   တာကျိုးပေါက်မှုကြောင့် ရေဝင်ရောက်မှုများ ပိုမိုမဖြစ်ပေါ်စေရန် မီးသတ်တပ်ဖွဲ့ဝင်များ၊ သက်ဆိုင်ရာ အဖွဲ့ အစည်းများနှင့် ဒေသခံ ပြည်သူများ ပူးပေါင်း၍ ဝါးကတုတ်ရိုက်ခြင်း၊ သဲဖို့ခြင်းနှင့် သဲအိတ်စီခြင်း လုပ်ငန်းများ ကို ရေအကူအညီမဲ့ တားဆီးရန် ဆောင်ရွက်လျက်ရှိကြောင်း မြန်မာနိုင်ငံ မီးသတ်တပ်ဖွဲ့၏ ထုတ်ပြန်ချက်အရ သိရသည်။   အဆိုပါ ဂန်ချောင်းထုံးဝ တာဘောင်သည် ညောင်တုန်းမြို့နှင့် ၈ မိုင်ခန့်အကွာ ညောင်တုန်းမြို့နယ်နှင့် မအူပင်မြို့ နယ် အကြားတွင် တည်ရှိသည်။   ယခုအခါ ငဝန်မြစ်ရေ မြင့်တက်လာမှုကြောင့် လေးမျက်နှာနှင့် ငသိုင်းချောင်း မြို့နယ်များတွင် ရေကြီးရေလျှံမှု များ ဆက်တိုက် ဖြစ်ပွားခဲ့ပြီးနောက် ရေစီးကြောင်းသည် အောက်ပိုင်းသို့ စီးဆင်းလာကာ ချောင်းဖျားကျေးရွာရှိ တာဘောင်ပါ ကျိုးပေါက်သွားခြင်းဖြစ်သည်။   လက်ရှိတွင် ကူညီကယ်ဆယ်ရေး သမားများက တာဘောင်ပြိုကျသည့် ကျေးရွာ၊ နီးစပ်သည့် ပတ်ဝန်းကျင် ကျေးရွာများ အပြင် ညောင်တုန်းမြို့ပေါ် ရပ်ကွက်အချို့မှ ဒေသခံများကို ဘေးလွတ်ရာသို့ ရွှေ့ပြောင်းပေး လျက်ရှိသည်။       ညောင်တုန်းမြို့နယ်အတွင်း၌ စိုက်ပျိုးပြီးသား စပါးဧက ၃ သောင်းကျော်ရှိပြီး အဆိုပါ တာဘောင် အပြီးသတ် ကျိုးကျသွားပါက စပါးခင်းများ ပျက်စီးမည့်အပြင် ညောင်တုန်း၊ မအူပင်နှင့် ကျိုက်လတ်မြို့နယ်များအထိ ရေကြီးရေလျှံမှုများ ပိုမိုကျယ်ပြန့် လာနိုင်ကြောင်း ဒေသခံများက ပြောဆိုကြသည်။   #ညောင်တုန်း   ဓာတ်ပုံ - Crd

ညောင်တုန်း၌ တာဘောင်ပြိုကျ၍ မြို့ရွာအချို့ ရေစတင်ဝင်ရောက်

ညောင်တုန်း၌ တာဘောင်ပြိုကျ၍ မြို့ရွာအချို့ ရေစတင်ဝင်ရောက် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၆ ရက်။ ဧရာဝတီတိုင်း၊ ညောင်တုန်းမြို့နယ်အ…

  • August 26, 2026
ရခိုင်၌ ဗုံးများမှ ယမ်းအဆိပ်ကြောင့် နွားများသေဆုံး၊ စိုက်ပျိုးရေးနှင့် မွေးမြူရေးပါ ထိခိုက်လာ

ရခိုင်၌ ဗုံးများမှ ယမ်းအဆိပ်ကြောင့် နွားများသေဆုံး၊ စိုက်ပျိုးရေးနှင့် မွေးမြူရေးပါ ထိခိုက်လာ

ရခိုင်၌ ဗုံးများမှ ယမ်းအဆိပ်ကြောင့် နွားများသေဆုံး၊ စိုက်ပျိုးရေးနှင့် မွေးမြူရေးပါ ထိခိုက်လာ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၆ ရက်။…

  • August 26, 2026
ရခိုင်ရိုးမနှင့် ပဲခူးတိုင်း အစပ် ကပစ (၁၆) အနီး စစ်တပ်စစ်ကြောင်းကို အာရက္ခတပ်တော် ဖြတ်တောက်တိုက်ခိုက်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၅ ရက်။   နယ်မြေစိုးမိုးရေးနှင့် ပိတ်ဆို့ရေးအတွက် စစ်ကြောင်းထိုးလာသည့် စစ်တပ်စစ်ကြောင်းကို ကာကွယ်ရေးပစ္စည်းစက်ရုံ ကပစ (၁၆) နှင့် ညောင်ကျိုးကျေးရွာ ပတ်ဝန်းကျင်၌ အာရက္ခတပ်တော် (AA) က ဖြတ်တောက်တိုက်ခိုက်သဖြင့် ထိတွေ့တိုက်ပွဲများ အပြင်းအထန် ဖြစ်ပွားလျက်ရှိကြောင်း ဒေသခံ စစ်ရေးသတင်းရင်းမြစ်များက ပြောသည်။   စစ်အုပ်စုတပ်သည် အင်အားဖြည့်တင်းမှုများ ပြုလုပ်ပြီးနောက် ကပစ (၁၆) နှင့် ညောင်ကျိုး ပတ်ဝန်းကျင်သို့ စစ်ကြောင်းထိုး လှုပ်ရှားလာသဖြင့် ဩဂုတ်လ ၂၂ ရက်နေ့မှ ၂၄ ရက်နေ့အထိ အာရက္ခတပ်တော် (AA) နှင့် တိုက်ပွဲများ ဆက်တိုက်ဖြစ်ပွားခဲ့ခြင်း ဖြစ်သည်။   ပဲခူးတိုင်းအနောက်ခြမ်း၊ ပန်းတောင်းမြို့နယ် ရိုးတောင်ကျော်လမ်းပိုင်းရှိ ကပစ (၁၆) မသုန်နှင့် ညောင်ကျိုး ပတ် ဝန်းကျင် ရိုးမတောင်ခြေနှင့် ၅ မိုင်ခန့်သာ ကွာဝေးသည့် နယ်မြေဒေသများတွင် ယခုရက်ပိုင်းအတွင်း တိုက်ပွဲ များ ပိုမိုပြင်းထန်လာနေသည်။   ညောင်ကျိုးနှင့် ကပစ (၁၆) မသုန်ဒေသတို့သည် ရခိုင်ရိုးမ တောင်တန်းပေါ်နှင့် တောင်ခြေတွင် တည်ရှိသည့် ကြားစခန်းများနှင့် ကျေးရွာများဖြစ်သဖြင့် ရခိုင်ရိုးမနှင့် တစ်ဆက်တည်း တည်ရှိကာ နှစ်ဖက်တပ်များ စစ်ရေး လွှမ်းမိုးနိုင်ရန် အပြိုင်အဆိုင် ကြိုးပမ်းနေသည့် နေရာများဖြစ်သည်။   စစ်အုပ်စုတပ်ဘက်မှ လက်နက်ကြီး၊ လေကြောင်းနှင့် ကုန်းကြောင်း အင်အားဖြည့်တင်းမှုများကို ဖြတ်တောက် ရန် အာရက္ခတပ်တော်က ကြိုတင်ပိတ်ဆို့ တိုက်ခိုက်ရာမှ ထိတွေ့တိုက်ပွဲများ ပြင်းထန်လာရခြင်း ဖြစ်သည်။   ပြည်မြို့အခြေစိုက် စစ်ရေးသတင်းရင်းမြစ်တစ်ဦးက “စစ်တပ် စစ်ကြောင်းကို အေအေဖြတ်တိုက်တာလို့ သိရ ပါတယ်။ အရင်ရက်ပိုင်းက ပြည်ကိုရောက်တဲ့ စစ်အင်အားတွေက ပြည်၊ ပန်းတောင်း၊ ဥသျှစ်ပင်ဖက်က ကပစ ၆၊ ညောင်ခြေထောက်တို့ အခြေစိုက်စခန်းနေရာတွေက တဆင့် ရိုးမကိုတက်တာမှာ ဖြစ်ကြတာပါ” ဟု သတင်းနှင့် မီဒီယာ ကွန်ရက်သို့ ပြောသည်။   လက်ရှိတွင် ကပစ (၁၆) ၏ ကာကင်းစခန်း ပွိုင့်အချို့နှင့် ညောင်ကျိုး လေလာတောင် ဝန်းကျင်တို့၌ နှစ်ဖက် ပစ်ခတ်မှုများ ဆက်တိုက် ဖြစ်ပွားနေသည်။   ရခိုင်ပြည်၊ တောင်ကုတ်မြို့နယ်နှင့် ပဲခူးတိုင်း၊ ပန်းတောင်းမြို့နယ်တို့ကို ဆက်သွယ်ထားသည့် ပန်းတောင်း-တောင်ကုတ် ရိုးတောင်ကျော် လမ်းပိုင်းရှိ အာရက္ခတပ်တော် ထိန်းချုပ်ထားသော နေရာများကို စစ်အုပ်စုတပ် စစ်ကြောင်းများက ထိုးစစ်ဆင် ဝင်ရောက်ရန် ကြိုးပမ်းနေပြီး နှစ်ဖက် အထိအခိုက် ကျဆုံးမှု စာရင်းကိုမူ မသိရသေးပေ။   စစ်အုပ်စုတပ်သည် ဩဂုတ်လ ဒုတိယပတ်မှစ၍ ပဲခူးတိုင်း-တောင်ကုတ် ရိုးကျော်လမ်း စစ်မျက်နှာများသို့ ရှေ့တန်းအင်အား တစ်ထောင်နီးပါး ဖြန့်ကြဲကာ စစ်မျက်နှာ ချဲ့ထွင်လာနေသဖြင့် အဆိုပါ တောင်ကြားလမ်း၌ အာရက္ခတပ်တော်နှင့် စစ်အုပ်စုတပ်တို့၏ စစ်ရေးလှုပ်ရှားမှုများ ပိုမို အရှိန်မြင့်တက်လာနေသည်။   ဓာတ်ပုံ - (စစ်အုပ်စုစစ်ကြောင်း - ပုံဟောင်း / Crd)   #ပဲခူးတိုင်း #ရခိုင်ရိုးမ #ကပစ၁၆

ရခိုင်ရိုးမနှင့် ပဲခူးတိုင်း အစပ် ကပစ (၁၆) အနီး စစ်တပ်စစ်ကြောင်းကို အာရက္ခတပ်တော် ဖြတ်တောက်တိုက်ခိုက်

ရခိုင်ရိုးမနှင့် ပဲခူးတိုင်း အစပ် ကပစ (၁၆) အနီး စစ်တပ်စစ်ကြောင်းကို အာရက္ခတပ်တော် ဖြတ်တောက်တိုက်ခိုက် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ…

  • August 25, 2026
မောင်တော၌ ဟိန္ဒူများ အစုလိုက်အပြုံလိုက် အသတ်ခံရမှု ၉ နှစ်ပြည့် အခမ်းအနား ကျင်းပ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၅ ရက်။   ရခိုင်ပြည်၊ မောင်တောမြို့နယ်၊ ခမောင်းဆိပ်မြို့၊ ရဲဘောက်ကျာကျေးရွာ၌ ၂၀၁၇ ခုနှစ် ဩဂုတ်လ ၂၅ ရက်နေ့က ဟိန္ဒူဘာသာဝင်များ အစုလိုက်အပြုံလိုက် သတ်ဖြတ်ခံရမှု ၉ နှစ်ပြည့် ဝမ်းနည်းအောက်မေ့ဖွယ် အခမ်းအနားကို ယနေ့တွင် အဆိုပါကျေးရွာ၌ ကျင်းပခဲ့သည်။   အခမ်းအနားတွင် လွန်ခဲ့သည့် ၉ နှစ်က အစုလိုက်အပြုံလိုက် အသတ်ခံခဲ့ရသည့် မိသားစုဝင်များ၊ ဆွေမျိုးများနှင့် ဒေသခံများ ပါဝင်တက်ရောက်ခဲ့ကြပြီး အသက်ဆုံးရှုံးခဲ့ရသူများအတွက် ဆုတောင်းမေတ္တာ ပို့သခြင်း၊ အမျှဝေ ခြင်းနှင့် ဝမ်းနည်းခြင်း အထိမ်းအမှတ် အစီအစဉ်များကို ဆောင်ရွက်ခဲ့ကြသည်။   အာရက္ခတပ်တော် (AA) နှင့် နီးစပ်သည့် ဒေသခံတစ်ဦးက “ဒီကိစ္စတွေကို နိုင်ငံတကာကလည်း သိအောင်၊ မိသား စုတွေကလည်း သတိရတာတွေ ကျင်းပချင်တာတွေရှိလို့ လုပ်ဆောင်တာပါ။ ၂၀၁၇ ခုနှစ်၊ ဩဂုတ် ၂၅ ရက်နေ့ က ဖြစ်ပွားခဲ့တဲ့ ဖြစ်စဉ်ကို စိတ်မကောင်းစွာဖြင့် အမြဲအမှတ်ရနေကြတယ်။ တပ်တော်ကလည်း ဒါထက် ဂရု စိုက်ပြီး လုံခြုံရေးတွေ ပိုလုပ်နေပါတယ်” ဟု ပြောသည်။   အဆိုပါဖြစ်စဉ်အတွင်း သေဆုံးခဲ့သူများကို အောက်မေ့သတိရစေရေး အပါအဝင် ဒေသအတွင်း ARSA အဖွဲ့၏ အကြမ်းဖက် လှုပ်ရှားမှုများ အပါအဝင် အလားတူ သွေးထွက်သံယို ဖြစ်စဉ်များ ထပ်မံမဖြစ်ပွားစေရေးအတွက် ULA/AA တာဝန်ရှိသူများက လုံခြုံရေးဆိုင်ရာ အသိပေးပြောကြားမှုများ ပြုလုပ်ခဲ့ကြသည်။   ထို့ပြင် အဆိုပါ ဝမ်းနည်းဖွယ် ဖြစ်စဉ်ကို အောက်မေ့သတိရစေရန် စိုက်ထူထားသည့် မော်ကွန်းကျောက်တိုင်နှင့် အထိမ်းအမှတ်နေရာများကို အကောင်းဆုံး ပြန်လည်မွမ်းမံ ထိန်းသိမ်းသွားမည်ဖြစ်ပြီး၊ နောင်လာနောက်သား များ သတိပြုနိုင်ရန် သမိုင်းမှတ်တမ်းအဖြစ် ထိန်းသိမ်းထားမည်ဟု ULA/AA တာဝန်ရှိသူများက ဆိုသည်။   မောင်တော ဒေသခံတစ်ဦးကလည်း “ဒီဖြစ်စဉ်က သေဆုံးသွားခဲ့ရတဲ့ မိသားစုတွေအတွက် ဘယ်တော့မှ မေ့လို့ မရနိုင်တဲ့ ဝမ်းနည်းစရာ သမိုင်းဆိုးတစ်ခုပါ။ အဲဒီတုန်းက ရက်ရက်စက်စက် သတ်ဖြတ်ခံခဲ့ရသူတွေကို သတိရ လွမ်းဆွတ်လွန်းလို့ အခုလို ၉ နှစ်ပြည့် အခမ်းအနား ကျင်းပတာ ဖြစ်သလို၊ ဒီဖြစ်ရပ်ဆိုးတွေကို နိုင်ငံတကာက လည်း သတိထားမိအောင် ဆုတောင်းပွဲ လုပ်တာဖြစ်ပါတယ်” ဟု ပြောသည်။   ပြီးခဲ့သည့် ၂၀၂၅ ခုနှစ်နှင့် ၂၀၂၆ ခုနှစ်အတွင်း မောင်တောခရိုင်အတွင်း၌ တိုက်ပွဲများနှင့် နယ်မြေရှင်းလင်းရေးများ ဆက်လက် ဖြစ်ပွားခဲ့သဖြင့် ဒေသခံများအနေဖြင့် လုံခြုံရေးဆိုင်ရာ သတိပေးချက်များကို လိုက်နာကြရန်နှင့် လက်နက်ကိုင် အဖွဲ့အစည်းများ၏ မသင်္ကာဖွယ် လှုပ်ရှားမှုများကို အမြဲမပြတ် စောင့်ကြည့် သတင်းပို့ကြရန် ULA/AA ဘက်က ထပ်မံ တိုက်တွန်းထားသည်။   ဓာတ်ပုံ - Crd   #မောင်တော #ဟိန္ဒူ

မောင်တော၌ ဟိန္ဒူများ အစုလိုက်အပြုံလိုက် အသတ်ခံရမှု ၉ နှစ်ပြည့် အခမ်းအနား ကျင်းပ

မောင်တော၌ ဟိန္ဒူများ အစုလိုက်အပြုံလိုက် အသတ်ခံရမှု ၉ နှစ်ပြည့် အခမ်းအနား ကျင်းပ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၅ ရက်။ ရခိုင်ပြည်…

  • August 25, 2026
 ဖားကန့် မှော်ဝမ်းလေးရွာ၌ အလောင်း ၂၀ ကျော် တွေ့ရှိပြီးနောက် စစ်တပ်က ရွာအဝင်အထွက်ပိတ်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၅ ရက်။   ကချင်ပြည်၊ ဖားကန့်မြို့နယ်အတွင်း စစ်အုပ်စုတပ်နှင့် လက်အောက်ခံ ဝါရာဇွပ်ပြည်သူ့စစ်၊ ရှမ်းနီတပ် (SNA) တို့ ရေရှည်တပ်စွဲခဲ့သည့် မှော်ဝမ်းလေးကျေးရွာ၌ နေအိမ်ခြံဝင်းများအတွင်း မြှုပ်နှံထားသည့် ရုပ်အလောင်း ၂၅ လောင်း တွေ့ရှိခဲ့ရပြီးနောက် စစ်တပ်က ကျေးရွာ အဝင်အထွက်ကို ပိတ်လိုက်သည်။   ပြီးခဲ့သည့် ၂၀၂၅ ခုနှစ် မေလနှင့် ဇွန်လဆန်းပိုင်းမှစ၍ စစ်အုပ်စုတပ်နှင့် ဝါရာဇွပ်ပြည်သူ့စစ် ပူးပေါင်းတပ်များ တပ်စွဲထားသည့် အဆိုပါ မှော်ဝမ်းလေးရွာသို့ ယခု ဩဂုတ်လဆန်းပိုင်းတွင် စစ်ဘေးရှောင်နေရသည့် ဒေသခံများ အား ပြန်လည်ဝင်ရောက်နေထိုင်ခွင့်ပြုခဲ့ရာမှ နေအိမ်ခြံဝင်းများအတွင်း သန့်ရှင်းရေးလုပ်ဆောင်စဉ် ၎င်းရုပ် အလောင်းများကို စတင်တူးဖော်တွေ့ရှိခဲ့ခြင်း ဖြစ်သည်။   အဆိုပါ ရုပ်အလောင်းများ တွေ့ရှိရသည့် ဓာတ်ပုံနှင့် သတင်းများ လူမှုကွန်ရက်ပေါ်တွင် ပျံ့နှံ့သွားခဲ့ပြီးနောက် စစ်အုပ်စုတပ်က ကျေးရွာအတွင်းသို့ လူထု ဝင်ထွက်သွားလာခွင့်ကို ဩဂုတ်လ ၂၅ ရက်နေ့တွင် ပိတ်ပင်လိုက် ခြင်း ဖြစ်သည်။   ဖားကန့် ဒေသခံတစ်ဦးက “ရွာထဲမှာ စစ်တပ်နဲ့ တပ်ဖွဲ့တွေက ပြန်နေဖို့ ခွင့်ပြုမိန့်ပေးလိုက်တော့ ရပ်ကျေး အဖွဲ့ တွေနဲ့ ပြည်သူတွေပေါင်းပြီး မိသားစုအလိုက် ပြန်နေဖို့ ခြံရှင်းရေး လုပ်ခဲ့ကြတာပါ။ အဲဒီမှာ မသင်္ကာစရာ မြေပုံ တွေကို တူးဖော်ကြည့်ရင်းကနေ အခုလို အလောင်းတွေကို တွေ့ရတာ။ အလောင်း ၂၅ လောင်းကို အဆင့်ဆင့် တူးဖော်တွေ့ရှိခဲ့ကြတာ ဖြစ်ပါတယ်။ ဒါပေမဲ့ အခု ဒီသတင်းတွေ ပြန့်သွားတော့ စစ်တပ်က ရွာအဝင် အထွက် ကို ပိတ်လိုက်ပြီ” ဟု ပြောသည်။   တွေ့ရှိရသည့် ရုပ်အလောင်းများမှာ မည်သူမည်ဝါဖြစ်ကြောင်း အတည်မပြုနိုင်သေးဘဲ ဖားကန့်ဒေသ၌ ရေခဲ တိုက်နှင့် DNA စစ်ဆေးနိုင်သည့် ကျန်းမာရေးဌာနများ မရှိသဖြင့် တွေ့ရှိသည့် မှတ်တမ်းများ ရယူကာ မီးသင်္ဂြိုဟ်ပေးလိုက်ရကြောင်း ဒေသခံများက ပြောဆိုကြသည်။   အဆိုပါဖြစ်စဉ်နှင့် ပတ်သက်၍ အခြား ဖားကန့်ဒေသခံတစ်ဦးက “စစ်တပ်က နေခဲ့တဲ့ နေရာတွေဆိုတော့ အား လုံးခန့်မှန်းနေတဲ့ ပြည်သူတွေကို ဖမ်းပြီး ရက်ရက်စက်စက် သတ်ထားတာလည်း ဖြစ်နိုင်သလို၊ တော်လှန်ရေး အင်အားစုတွေရဲ့ ဒရုန်း ဒါမှမဟုတ် လက်နက်ကြီး ပစ်ခတ်မှုကြောင့် သေဆုံးသွားတဲ့ သူတို့တပ်ဖွဲ့ ဝင်တွေကို အလောင်းဖျောက် မြှုပ်ထားတာလည်း ဖြစ်နိုင်တယ်” ဟု ပြောသည်။   အဆိုပါ သေဆုံးသူများမှာ ပေါ်တာဆွဲခံရသည့် အရပ်သားများ၊ မပြေးနိုင်ဘဲ ဖမ်းဆီးခံရသည့် ဒေသခံများ သို့မဟုတ် စစ်အုပ်စု၏ ပြည်သူ့စစ် တပ်ဖွဲ့ဝင်များ ဖြစ်နိုင်ကြောင်း သုံးသပ်မှုများ ရှိနေသည်။   ဖားကန့် ဒေသခံတစ်ဦးက “စစ်တပ်နဲ့ ပြည်သူ့စစ် ပူးပေါင်းတပ်တွေ တပ်စွဲထားတဲ့ ကာလအတွင်းမှာ ဒေသခံ တွေကို မတရား ဖမ်းဆီးသတ်ဖြတ်ခဲ့တာလား။ ဒါမှမဟုတ် တိုက်ပွဲတွေအတွင်း သူတို့ဘက်က သေဆုံးသွားတဲ့ အလောင်းတွေကို အများပြည်သူ မသိအောင် မြှုပ်နှံထားတာလည်း ဖြစ်နိုင်ပါ တယ်။ ဘယ်လိုပဲဖြစ်ဖြစ် အိမ်ခြံ ဝင်းတွေထဲအထိ အခုလို ရုပ်အလောင်းတွေ အစုလိုက်အပြုံလိုက် မြှုပ်နှံထားတာဟာ လူမဆန်တဲ့ လုပ်ရပ်ဖြစ် သလို ဒေသခံတွေအတွက်လည်း အတော်ကို ထိတ်လန့်စရာ ပူပန်စရာ ကိစ္စပါ” ဟု ဆက် ပြောသည်။   ဖားကန့်မြို့နယ်အတွင်း စစ်အုပ်စု စစ်ကြောင်းများ ဝင်ရောက်လာပြီးနောက်ပိုင်း ဒေသခံ အရပ်သား ပြည်သူများ ကို ဖမ်းဆီးသတ်ဖြတ်ခြင်း၊ လမ်းသွားလမ်းလာများထံမှ ငွေကြေးနှင့် နေအိမ်များအား ဓားပြတိုက် လုယက်ခြင်း များကို အဓိက ကျူးလွန်နေသည်မှာ စစ်အုပ်စုလက်အောက်ခံ မင်းဇေသန့် ဦးဆောင်သည့် ဝါရာဇွပ် ပြည်သူ့စစ် အဖွဲ့ဖြစ်ကြောင်း ဒေသခံများက ထောက်ပြကြသည်။     ဝါရာဇွပ် ပြည်သူ့စစ်အဖွဲ့သည် ပြီးခဲ့သည့် ဩဂုတ်လ ဒုတိယပတ်အတွင်းကလည်း လီဒိုလမ်းမပေါ်ရှိ နောင်းမီ ကျေးရွာ ဒေသခံ ၄ ဦးကို ဖမ်းဆီးသတ်ဖြတ်ကာ အလောင်းဖျောက်ခဲ့သည့် ဖြစ်စဉ်ဖြစ်ပွားခဲ့သဖြင့် ကချင်လွတ် လပ်ရေးအဖွဲ့ (KIO/KIA) သတင်းနှင့် ပြန်ကြားရေးတာဝန်ခံ ဗိုလ်မှူးကြီးနော်ဘူကလည်း ဝါရာဇွပ် ပြည်သူ့စစ်၏ လုပ်ရပ်များမှာ လူမဆန်သည့် စစ်ရာဇဝတ်မှုများဖြစ်ကြောင်း ဝေဖန်ထားသည်။   လက်ရှိတွင် ဖားကန့်မြို့နယ်အတွင်း လျှပ်စစ်မီးနှင့် အင်တာနက်လိုင်းများ ဖြတ်တောက်ခံထားရဆဲ ဖြစ်သလို၊ ထိပ်တိုက်ရင်ဆိုင် တိုက်ပွဲများ မရှိသေးသော်လည်း စစ်အုပ်စုတပ်က လေကြောင်းမှ ကင်းထောက်ပျံသန်းမှုများ မကြာခဏ ပြုလုပ်နေသဖြင့် ဒေသခံ ပြည်သူများမှာ လေကြောင်းတိုက်ခိုက်မှု အန္တရာယ်ကို စိုးရိမ်ထိတလန့်နေ ကြသည်။   ဓာတ်ပုံ - Naw Tu Aung   #ဖားကန့်

ဖားကန့် မှော်ဝမ်းလေးရွာ၌ အလောင်း ၂၀ ကျော် တွေ့ရှိပြီးနောက် စစ်တပ်က ရွာအဝင်အထွက်ပိတ်

ဖားကန့် မှော်ဝမ်းလေးရွာ၌ အလောင်း ၂၀ ကျော် တွေ့ရှိပြီးနောက် စစ်တပ်က ရွာအဝင်အထွက်ပိတ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၅ ရက်။ ကချင်ပ…

  • August 25, 2026
AA ထိန်းချုပ်ရာ ပလက်ဝ၌ စစ်အုပ်စု လေကြောင်းမှ ဗုံးကြဲမှုကြောင့် ကလေးများအပါ ၅ ဦး သေဆုံး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၄ ရက်   ချင်းပြည်၊ ပလက်ဝမြို့နယ်၊ စိမ်းညင်းဝကျေးရွာကို စစ်အုပ်စုတပ်က ဂျက်ဖိုက်တာ ၂ စီးဖြင့် လေကြောင်းမှ ဗုံးကြဲတိုက်ခိုက်ခဲ့သဖြင့် ကလေးငယ်များ အပါအဝင် ဒေသခံ ၅ ဦး သေဆုံးပြီး ၁၇ ဦး ဒဏ်ရာရရှိခဲ့ကြောင်း ဒေသတွင်း စစ်ရေးသတင်း ရင်းမြစ်များက ပြောသည်။   ယနေ့ ဩဂုတ်လ ၂၄ ရက် နံနက်ပိုင်းတွင် စစ်အုပ်စုတပ်က စိမ်းညင်းဝကျေးရွာသို့ ဂျက်ဖိုက်တာ ၂ စီးဖြင့် နေ့လယ် ၁၁ နာရီ ၉ မိနစ်၊ ၁၁ နာရီ ၁၂ မိနစ်နှင့် ၁၁ နာရီ ၁၆ မိနစ်တို့တွင် ၃ ကြိမ်တိုင်တိုင် ဗုံးများ ကြဲချ တိုက် ခိုက်ခဲ့ခြင်း ဖြစ်သည်။   ရခိုင်ဒေသခံ ကုန်သည် အမျိုးသမီးတစ်ဦးက “ဂျက်ဖိုက်တာ ၂ စီးနဲ ပေါင် ၅၀၀ ဗုံးနှစ်လုံး၊ ပေါင် ၃၀၀ ဗုံး တစ်လုံးနဲ့ ရော့ကတ်သီး ၈ လုံးတို့နဲ့ ကြဲချတိုက်ခိုက်ခဲ့တာပါ၊ ဓမ္မာရုံအဆောင်မှာ ၁ လုံး၊ ရွာအလယ်မှာ ၃ လုံးနဲ့ ရွာအဆုံးမှာ ၁ လုံး ကျရောက်ပေါက်ကွဲခဲ့တာ လူတွေအစုလိုက်သေပြီး ဒဏ်ရာတွေလည်းရခဲ့ကြပါတယ်” ဟု ပြောသည်။   စစ်အုပ်စုတပ် ကြဲချခဲ့သည့် ဗုံးများသည် ကျေးရွာ ဘုန်းတော်ကြီးကျောင်း၊ ဓမ္မာရုံအဆောင်အပါအဝင် ကျေးရွာအလယ်နှင့် ကျေးရွာအနောက်ပိုင်းတို့သို့ ကျရောက် ပေါက်ကွဲခဲ့သည်။   အဆိုပါ ဗုံးကြဲတိုက်ခိုက်မှုကြောင့် အသက် ၇၁ နှစ်အရွယ် ဒေါ်သန္တာဖြူ၊ အသက် ၁၀ နှစ်အရွယ် မောင်မြတ် ကျော်နိုင်၊ အသက် ၄၆ နှစ်အရွယ် ဒေါ်ခိုင်ခိုင်စိုး၊ အသက် ၃၆ နှစ်အရွယ် ဒေါ်မသန်းဝင်းနှင့် အသက် ၁ နှစ်အရွယ် မောင်ထက်မြတ်ကျော်တို့ နေရာတွင်ပင် ပွဲချင်းပြီး သေဆုံးခဲ့ရသည်။   ထို့ပြင် အသက် ၇ နှစ်မှ ၁၃ နှစ်အရွယ် ကလေးငယ် ၈ ဦး အပါအဝင် ဒေသခံ ၁၇ ဦး ဒဏ်ရာရရှိခဲ့သဖြင့် ဘေး လွတ်ရာသို့ ပြောင်းရွှေ့ကာ အရေးပေါ် ဆေးကုသမှု ပေးနေရသည်။   လေကြောင်းမှ တိုက်ခိုက်မှုကြောင့် လူနေအိမ် ၁၉ လုံးအပြင် ဘုန်းတော်ကြီးကျောင်း၊ ဓမ္မာရုံအဆောင်နှင့် ဆွမ်း စားဆောင်တို့ ပျက်စီးသွားခဲ့ပြီး ဆုံးရှုံးမှုတန်ဖိုး ငွေကျပ် သိန်း ၉၀၀ ကျော်အထိ ရှိသည်ဟု ဒေသခံများ ပြောသည်။   ပြီးခဲ့သည့် ဩဂုတ်လ ၁၁ ရက်နေ့ကလည်း ပလက်ဝမြို့ကို စစ်အုပ်စုတပ်က ဂျက်ဖိုက်တာဖြင့် ဗုံးကြဲခဲ့သဖြင့် ဆယ်ကျော်သက် မိန်းကလေးနှစ်ဦး ဒဏ်ရာရရှိခဲ့ပြီး ဩဂုတ်လ ၁၂ ရက်နေ့၊ ညပိုင်းတွင်လည်း ဆမီးမြို့ကို လေကြောင်းမှ ဗုံးကြဲခဲ့သဖြင့် ဆယ်ကျော်သက် မိန်းကလေးတစ်ဦး သေဆုံးကာ ၉ ဦး ဒဏ်ရာရရှိခဲ့သည်။   ဓာတ်ပုံ - (Paletwa Times / Crd)   #ပလက်ဝ

AA ထိန်းချုပ်ရာ ပလက်ဝ၌ စစ်အုပ်စု လေကြောင်းမှ ဗုံးကြဲမှုကြောင့် ကလေးများအပါ ၅ ဦး သေဆုံး

AA ထိန်းချုပ်ရာ ပလက်ဝ၌ စစ်အုပ်စု လေကြောင်းမှ ဗုံးကြဲမှုကြောင့် ကလေးများအပါ ၅ ဦး သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၄ ရက် ချင်…

  • August 24, 2026
ဧရာဝတီတိုင်း ရေကြည်၌ မှားယွင်းဗုံးကြဲမိ၍ စစ်တပ်စစ်ကြောင်းမှ ၁၀ ဦးထက်မနည်း သေဆုံး   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၄ ရက်။   ဧရာဝတီတိုင်း၊ ရခိုင်ရိုးမနှင့် တဆက်တည်းရှိသည့် ရေကြည်မြို့နယ်၊ တောင်ခြေသစ်တောကြိုးဝိုင်း အစပ် သုံးတန်ကူးကျေးရွာအနီး တိုက်ပွဲတွင် စစ်အုပ်စုတပ်က လေကြောင်းမှ ဗုံးကြဲရာ၌ ၎င်းတို့စစ်ကြောင်းပေါ်သို့ မှားယွင်းကျရောက်ကာ သေဆုံးဒဏ်ရာရမှုများ ရှိခဲ့ကြောင်း ဒေသခံ စစ်ရေးသတင်းအရင်းအမြစ်များက ပြောသည်။   ပြီးခဲ့သည့် ဩဂုတ်လ ၁၀ ရက်နှင့် ၁၁ ရက်နေ့များတွင် ရေကြည်မြို့နယ်အတွင်းရှိ ရခိုင်ရိုးမ တောင်ကျော်လမ်း အတိုင်း စစ်ကြောင်းထိုးလာသည့် စစ်အုပ်စုတပ်ဖွဲ့များကို အာရက္ခတပ်တော် (AA) က ဖြတ်တိုက်ခဲ့သည်။   အဆိုပါ တိုက်ပွဲအတွင်း စစ်အုပ်စုတပ် ဆုတ်ခွာချိန်၌ လေကြောင်းမှ ဗုံးကြဲစဉ် ၎င်းတို့ စစ်ကြောင်းပေါ်သို့ ဗုံးများ မှားယွင်း ကျရောက်ခဲ့ခြင်း ဖြစ်သည်။   ရေကြည်မြို့ ဒေသခံ သတင်းအရင်းအမြစ် တစ်ဦးက “ဩဂုတ်လ ဒုတိယအပတ်က ရေကြည်ရခိုင်ရိုးမ အစပ် ကမ္ဘာကြီး သုံးတန်ကူးကျေးရွာနဲ့ ချက်ပွိုင့်ကြားတွေမှာ တိုက်ပွဲတွေရှိတယ်။ စစ်တပ်ကကျတယ် အေအေက လည်းထိတယ်။ စစ်တပ်က အကျများလို့ စစ်ကားတွေနဲ့ ပုသိမ်အထိ လူနာတွေသယ်တယ်။ အလောင်း မကောက်နိုင်ဘူးဆိုတာ ကြားရတယ်။ ဟု ပြောသည်။   ထိုစစ်ကြောင်းသည် ရေကြည်မြို့နယ်၊ ကမ္ဘာကြီးကျေးရွာမှ ထွက်ခွာလာသည့် အင်အား ၁၀၀ ပါ စစ်ကြောင်း ဖြစ်ပြီး သုံးတန်ကူးကျေးရွာနှင့် ချက်ပွိုင့်အကြား ရောက်ရှိစဉ် လေကြောင်းပစ်ကူပေးသည့် လေယာဉ် ၂ စီးဖြင့် ဗုံးကြဲတိုက်ခိုက်ခဲ့ခြင်း ဖြစ်သည်။   ၎င်းက “လေကြောင်းကလည်း ပစ်နေတယ်။ ရခိုင်ရိုးမရယ် ဂွမြို့အထိဗုံးကြဲတယ်။ ဒါပေမယ့် ကိုယ့်စစ် ကြောင်းကို ပြန်ထိတယ်ဆိုတာ အခုရက်ပိုင်းမှ စစ်မှုထမ်းတပ်သား သစ်တွေဆီကတဆင့် သတင်းပေါက်ကြား လာတာပါ။ ဆယ်ယောက်ကျော် သေတဲ့အပြင် ဒဏ်ရာရတာတွေလဲ များတယ်လို့သိထားပါတယ်” ဟု ဆက် ပြောသည်။   လေကြောင်းမှ မှားယွင်း ဗုံးကြဲခံရသည့် နေရာသည် ရခိုင်နယ်စပ် တောင်ခြေသစ်တောကြိုးဝိုင်းမှ ၂ မိုင်ခန့်အကွာ AA က ထိန်းချုပ်စိုးမိုးထားသည့် နေရာဖြစ်သည်။ ရေကြည်မြို့နယ် အနောက်ဘက်ခြမ်း ကမ္ဘာကြီးကျေးရွာ အုပ်စုရှိ သုံးတန်ကူးနှင့် စစ်ဆေးရေး ဂိတ်စခန်းများမှာ ရခိုင်ရိုးမတောင်ခြေနှင့် တိုက်ရိုက် ထိစပ်လျက်ရှိသည်။   အဆိုပါ မှားယွင်း ဗုံးကြဲမှုကြောင့် စစ်အုပ်စုတပ်စိတ်အချို့မှာ ထွက်ပြေးရင်း AA ထံ အဖမ်းဆီးခံရမှုများ ရှိခဲ့သလို ဒဏ်ရာရရှိသူများကို ပုသိမ်ဆေးရုံသို့ ပို့ဆောင်စဉ် လမ်းခုလတ်၌ သေဆုံးသူများလည်း ရှိခဲ့သည်။   ထိုသို့ မှားယွင်း ဗုံးကြဲမိပြီးနောက် စစ်အုပ်စုတပ်သည် ငဝန်မြစ် အနောက်ဘက်ကမ်းရှိ ဝါးတောကွင်း၊ ရွာသစ်နှင့် ကမ္ဘားကြီးကျေးရွာများကို ကင်းထောက်လေယာဉ်များ ပျံသန်းပြီးမှ တိုက်လေယာဉ်များဖြင့် ထပ်မံ ဗုံးကြဲတိုက် ခိုက်ခဲ့သည်။   စစ်အုပ်စုတပ်သည် ဝါးတောကွင်း၊ ရွာသစ်နှင့် ကမ္ဘားကြီးကျေးရွာများ၌ ဗုံးထောင်မှုများပါ ပြုလုပ်ထားပြီး ရေကြည်မြို့နယ်ဘက်မှ တစ်ဆင့် စက်ဒေါင့်ကြီးသို့ ဒဏ်ရာရ လူနာများကို ဆက်တိုက် ပြန်လည် သယ်ဆောင် ကာ အင်အားဖြည့်တင်းမှုများ ဆက်လက် ပြုလုပ်လျက်ရှိသည်။   ဓါတ်ပုံ - (ပုံဟောင်း - Crd)   #ရေကြည်မြို့

ဧရာဝတီတိုင်း ရေကြည်၌ မှားယွင်းဗုံးကြဲမိ၍ စစ်တပ်စစ်ကြောင်းမှ ၁၀ ဦးထက်မနည်း သေဆုံး

ဧရာဝတီတိုင်း ရေကြည်၌ မှားယွင်းဗုံးကြဲမိ၍ စစ်တပ်စစ်ကြောင်းမှ ၁၀ ဦးထက်မနည်း သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၄ ရက်။ ဧရာဝတီတို…

  • August 24, 2026
ဒုက္ခသည်ကလေးများ ထိုင်းကျောင်းများတွင် ပညာသင်ခွင့်ရရေး ကရင်အဖွဲ့များ တောင်းဆို   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၄ ရက်။   ထိုင်း-မြန်မာနယ်စပ်ရှိ ဒုက္ခသည်စခန်းများတွင် နေထိုင်နေသည့် ကျောင်းနေအရွယ် ကလေးများကို ကန့်သတ် ချက်များ မထားဘဲ ထိုင်းနိုင်ငံအတွင်း လွတ်လပ်စွာ ပညာသင်ကြားခွင့်ပြုရန် ကရင်အရပ်ဘက် အဖွဲ့အစည်းများ က ထိုင်းအစိုးရထံ မေတ္တာရပ်ခံ တောင်းဆိုလိုက်သည်။   မြန်မာနိုင်ငံ၏ ပြည်တွင်းစစ်ရေး ပဋိပက္ခများကြောင့် ထိုင်းနိုင်ငံအတွင်းသို့ ရောက်ရှိခိုလှုံနေသည့် ဒုက္ခသည် ကလေးငယ်များသည် စခန်းအတွင်း၌သာ ပညာသင်ကြားရမည်ဟု ထိုင်းအစိုးရက မူဝါဒဖြင့် ကန့်သတ်ထားရာ အဆိုပါ ကန့်သတ်ချက်ကို ဖြေလျော့ပေးရန် တောင်းဆိုလိုက်ခြင်း ဖြစ်သည်။   “ပညာရေးနဲ့ ပတ် သက်လာရင် ကျနော်တို့ ပညာရေး လမ်းကြောင်းကို အခွင့်အလမ်းကို ပိတ်ထားတဲ့ တစ်ချို့ ပေါ်လစီတွေ ပြုပြင် ပြောင်းလဲပေးဖို့လည်း Advocate လုပ်ပေးဖို့လည်း ကျနော်တို့ တောင်းဆိုချင်တာပေါ့နော်။”  ဟု ကရင်ဒုက္ခသည်ကော်မတီဆိုင်ရာ ပညာရေးအဖွဲ့ (KRCEE) အတွင်းရေးမှူး စောထူးကပေါ်က ပြောသည်။     “နောက်ပြီးတော့ ဒုက္ခသည်ရဲ့ status ပေါ့နော်။ ဒုက္ခသည် ကျောင်းသူ ကျောင်းသားတွေရဲ့ status ကို တရားဝင်အဖြစ်နဲ့ လက်ခံ ပြီးမှ ဒီကျောင်း တက္ကသိုလ်အဆင့်ထိပေါ့နော် ကျောင်းတက်ခွင့် opportunity တွေပေးဖို့လည်း ကျနော်တို့ တောင်းဆို ချင်တာပေါ့နော်” ဟု စောကထူးပေါ်က ဆက်ပြောသည်။       ထိုင်းအစိုးရ၏ မူဝါဒအရ ဒုက္ခသည်များသည် စခန်းပြင်ပသို့ ထွက်ခွာခွင့်မရှိဘဲ နေထိုင်ရသည့်နည်းတူ ကလေး ငယ်များမှာလည်း စခန်းပြင်ပရှိ ထိုင်းအစိုးရကျောင်းများတွင် တက်ရောက်ခွင့် မရဘဲ အခွင့်အလမ်း ကန့်သတ် ခံထားရသည်ဟု ဆိုသည်။   ယခုနှစ် ၂၀၂၆-၂၀၂၇ ပညာသင်နှစ်အတွင်း တာ့ခ်ခရိုင်၊ ထာ့ဆောင်ယန်းမြို့နယ်ရှိ မယ်လဒုက္ခသည်စခန်းမှ ကလေး ၄၆ ဦးသည် ထိုင်းအစိုးရကျောင်းတွင် တက်ရောက် ပညာသင်ကြားနေစဉ် ၎င်းတို့၏ အထောက် အထားများကို တာဝန်ရှိသူများက စိစစ်ခဲ့သည်။   ထိုသို့ စိစစ်ရာ၌ ဒုက္ခသည်စခန်းမှ ကလေးများဖြစ်နေသဖြင့် အဆိုပါ ကလေး ၄၆ ဦးအနက် ၁၃ ဦးကို ဩဂုတ်လ ဆန်းမှစတင်၍ ကျောင်းရပ်နားရန် ထိုင်းပြည်ထဲရေးဝန်ကြီးဌာန (MOI) က ညွှန်ကြားခဲ့ပြီး ကျန်ရှိသူ ၃၃ ဦးကို လည်း အထောက်အထားများ ဆက်လက် စိစစ်နေသည်။   ကရင်လူ့အခွင့်အရေးအဖွဲ့ (KHRG) ပြောရေးဆိုခွင့်ရှိသူ စောအဲလ်ဘတ်က “ပြောရမယ်ဆိုလို့ရှိရင် ဒုက္ခသည်မှာ လည်း ပညာရေးကျောင်းတွေတော့ ရှိပါတယ်။ သို့ပေသော်ငြားလည်း ကလေးတွေက အပြင် ထွက်ပြီးတော့မှ ပညာသင်ခွင့်ရှိသင့်တဲ့ အနေအထား ရှိရမယ့် အနေအထားမျိုးလည်း ဖြစ်တယ်ပေါ့ နော်။ ဆိုတော့ ဒါကြောင့်မို့ အထူးသဖြင့် ကလေးတွေရဲ့ ပညာသင်ခွင့်ပေါ့နော် နိုင်ငံတကာကလည်း ဒါလေးကို ကြည့်ကြပ်မတ်ပြီးမှ ဒီထက် ပိုကောင်းတဲ့ ပညာသင့်ခွင့် အခွင့်အရေးတွေ access to education ပိုပြီးတော့မှ ကလေးတိုင်း လက်လှမ်းမီလ ာအောင် လုပ်ပေးသင့် တယ်လို့တော့ ကျနော်ပြောချင်ပါတယ်” ဟု ပြောသည်။   ၎င်းက ဆက်လက်၍ “အဓိကကတော့ ကလေးတွေရဲ့ ပညာရေးကတော့ Education Without Border ပေါ့ နော် ကျနော်တို့ ပြောမယ်ဆိုလို့ရှိရင် ပညာသင်ခွင့် ကတော့ အကန့်အသတ် ဘာနဲ့မှ ကန့်သတ်ထားလို့ မရဘူး ပေါ့နော်။ အထူးသဖြင့်ကတော့ အခုလက်ခံထားပြီးမှ ပြန်ပြီးမှ ငြင်းပယ်လိုက်တဲ့ ဆိုတဲ့အပေါ်မှာ ကလေးတွေ ကို ပိုထိခိုက် တယ်ပေါ့နော်။ အထူးသဖြင့် ဒီပညာသင်ခွင့် အခွင့်အရေးပေါ့နော်။ access to education က သူတို့အတွက် ပိုပြီးတော့မှ အဲလိုမျိုး ထိခိုက်တာပေါ့နော်။ နောက်တစ်ခုက အခုဆိုလို့ရှိရင်လကလည်း ပညာ သင်နှစ်ကလည်း သုံးလေးလ လောက်ရှိသွားပြီဆိုတော့ ကလေးတွေက တစ်ခြားကျောင်းပြောင်းဖို့အတွက် အခက်အခဲတစ်ခုဖြစ်သွား တာပေါ့နော်” ဟု ထောက်ပြထားသည်။   လက်ရှိတွင် ကျောင်းရပ်နားခံရသည့် ကျောင်းသူ/သားများ ကျောင်းပြန်တက်နိုင်ရန် မိဘများက ထိုင်းပညာရေး ဌာန (MOE) သို့ အသနားခံစာ ပေးပို့ထားသည်။   အခြားတစ်ဖက်တွင်လည်း ဒုက္ခသည်များကို စခန်းပြင်ပထွက်၍ အလုပ်လုပ်ခွင့်ပြုထားသကဲ့သို့ ကလေးငယ်များ ကိုလည်း စခန်းပြင်ပရှိ ထိုင်းကျောင်းများတွင် ပညာသင်ကြားခွင့် ရရှိစေလိုကြောင်း KRCEE က မျှော်လင့်နေ သည်။   စောထူးကပေါ်က “ဒီ အခု Right to Work နဲ့ ဒုက္ခသည် စခန်းသူ စခန်းသားတွေကို အပြင်မှာ အလုပ်ထွက် လုပ် ဖို့ အခွင့်အလမ်းပေးတဲ့အချိန်မှာ ဒီလိုမျိုး ပြောင်းလဲမှု အခြေအနေမှာ ကျနော်တို့လည်း ဒီပညာရေးဖက် မှာလည်း ပြောင်းလဲမှုတစ်ခုခု အရွေ့တစ်ခုခု အကောင်းဖက်မှာ အရွေ့တစ်ခုခု ရှိဖို့အတွက်လည်း ကျနော်တို့ဖက် မှာလည်း လုပ်တာဖြစ်တာပေါ့နော်။ ဒီထိုင်းအာဏာပိုင်တွေက ကျနော်တို့ ဒီဒုက္ခသည် Document နဲ့ လက် ခံရင်တော့ ပိုကောင်းတယ်” ဟု ပြောသည်။   လက်ရှိတွင် ထိုင်းအစိုးရ၏ မူဝါဒဆိုင်ရာ ကန့်သတ်ချက်များကြောင့် ဒုက္ခသည်စခန်းများမှ ကျောင်းနေအရွယ် ကလေးများမှာ အခြေခံပညာရေးနှင့် အဆင့်မြင့်ပညာရေးကို လွတ်လပ်စွာ သင်ကြားခွင့် မရဘဲ ဖြစ်နေရသဖြင့် မိဘများအကြား ကလေးများ၏ အနာဂတ်အတွက် စိုးရိမ်မှုများ မြင့်တက်လျက်ရှိသည်။   ဓါတ်ပုံ - KRCEE (ပုံဟောင်း)   #Refugee #education #Thailand #KRCEE

ဒုက္ခသည်ကလေးများ ထိုင်းကျောင်းများတွင် ပညာသင်ခွင့်ရရေး ကရင်အဖွဲ့များ တောင်းဆို

ဒုက္ခသည်ကလေးများ ထိုင်းကျောင်းများတွင် ပညာသင်ခွင့်ရရေး ကရင်အဖွဲ့များ တောင်းဆို သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၄ ရက်။ ထိုင်း-မြန်…

  • August 24, 2026
×Close