လေကြောင်းတိုက်ခိုက် – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Tag Archive

Tag: လေကြောင်းတိုက်ခိုက်

သံလွင်မြစ်အနီး ထိုင်းဘက်ကမ်းသို့ ဗုံးကျ၊ နယ်စပ်ဒေသခံများ တိမ်းရှောင်နေရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၀ ရက်။ ကရင်ပြည်၊ ဖာပွန် (မူတြော်) ခရိုင် သံလွင်မြစ်ကမ်းနံဘေး ရှိ KNU ဆေးရုံဝန်းကျင်ကို စစ်အစိုးရတပ်က ယနေ့ နံနက်ပိုင်းတွင် တိုက် လေယာဉ်များဖြင့် ဗုံးကြဲတိုက်ခိုက်ခဲ့ရာ ထိုင်းနိုင်ငံဘက်ခြမ်းသို့ပါ ဗုံးတစ်လုံး ကျရောက် ပေါက်ကွဲခဲ့သဖြင့် နယ်စပ်ဒေသခံများ အရေးပေါ် တိမ်းရှောင်နေရကြောင်း ထိုင်းသတင်းရင်းမြစ်များက ပြောသည်။ ယနေ့ နံနက် ၁၁ နာရီ အချိန်ခန့်တွင် စစ်အစိုးရ လေတပ်မှ လေယာဉ်များဖြင့် ဖာပွန်ခရိုင်အတွင်းရှိ ဆေးရုံ၊ ဆေးခန်းနှင့် ဘုရားကျောင်းများကို ပစ်မှတ်ထား၍ ဗုံး ၁၀ လုံးခန့် ကြဲချခဲ့ခြင်း ဖြစ် သည်။ မြန်မာဘက်ခြမ်းမှ ဒေသတွင်း သတင်းရင်းမြစ် တစ်ဦးက “မနေ့ကလည်း တစ်ခေါက်လာပစ်တယ်။ ဒီနေ့လည်း တစ်ခေါက် ထပ်ပြီး လာပစ်တယ်” ဟု ပြောသည်။ အဆိုပါ တိုက်ခိုက်မှုအတွင်း ဗုံးတစ်လုံးမှာ ထိုင်း-မြန်မာနယ်စပ် သံလွင်မြစ်၏ ထိုင်းဘက်ခြမ်း သဲသောင်ပြင်ပေါ် သို့ ကျရောက်ပေါက်ကွဲခဲ့ပြီး အနီးနားရှိ ထိုင်းဒေသခံနေအိမ် ၁၀ လုံးနီးပါး လက်နက်ကြီးစ ထိမှန်ပျက်စီးခဲ့သည်။ မယ့်စန်လက် (သောလယ်ထ) ကျေးရွာရှိ ဒေသခံတစ်ဦးက “ဗုံးပေါက်ကွဲသံကတော့ တကယ်ကို ကျယ်လောင်ပါတယ်။ ဒုတိယ လှိုင်း၊ တတိယလှိုင်း ဗုံးကြဲမှုတွေ မကြာခင် ထပ်ဖြစ်လာနိုင်တယ်လို့ ခန့်မှန်းထားတဲ့အတွက် ကျနော်တို့ဘက်က ကျန်းမာရေးဌာနအနေနဲ့ အရေးပေါ် အခြေအနေအတွက် အသင့်ပြင် (Standby) စောင့်ဆိုင်းနေကြပါတယ်” ဟု နယ်စပ်အခြေအနေကို ပြောသည်။ မြန်မာလေတပ်၏ ဗုံးကြဲမှုကြောင့် မယ့်စန်လက်ကျေးရွာနှင့် မျက်နှာချင်းဆိုင်ရှိ KNU ၏ အူးမေထဆေးရုံ အဆောက်အအုံ အချို့ ထိခိုက်ပျက်စီးခဲ့ပြီး ထိုင်းဘက်ခြမ်းရှိ မယ်စမ်လက်ကျေးရွာသား အိမ်ထောင်စု ၄၀ ခန့်မှာ လည်း ဘေးလွတ်ရာသို့ အရေးပေါ် ရွှေ့ပြောင်းခဲ့ရသည်။ မယ့်စန်လက်ကျေးရွာလူကြီး နိုင်သုဖပ် နွတ်ချနုန်ခရန် က “ပေါ့ပေါ့ဆဆ မနေကြဖို့နဲ့ အရေးပေါ် တိမ်းရှောင်ကြဖို့ ရွာသားတွေကို အသံချဲ့စက်နဲ့ နှိုးဆော်ခဲ့ရပါတယ်။ သံလွင်မြစ်ကမ်းဘေးက အိမ်ထောင်စု ၄၀ ကို ဟွေ့ကောင် ကတ်ရွာဘက်က ဘေးကင်းတဲ့နေရာဆီ ယာယီရွှေ့ပြောင်းခိုင်းထားပါတယ်” ဟု ထိုင်းသတင်းဌာနများကို ပြောဆိုထားသည်။ လက်ရှိတွင် သောပ်မွေမြို့နယ် အုပ်ချုပ်ရေးမှူးနှင့် ထိုင်းလုံခြုံရေးတပ်ဖွဲ့ဝင်များက နယ်စပ်တစ်လျှောက် အခြေအနေများကို စောင့်ကြည့်စစ်ဆေးလျက်ရှိပြီး ထိုင်းစစ်တပ်ဘက်မှာလည်း လုံခြုံရေး တိုးမြှင့်ထားသည်ဟု ဒေသခံများက ပြောသည်။ လက်ရှိတွင် ထိုင်းဘက်ခြမ်းရှိ ပြည်သူများနှင့် ဝန်ထမ်းများအားလုံး ဘေးကင်းလုံခြုံစွာ ရှိနေကြောင်းနှင့် ၎င်းတို့ ကို အကာအကွယ်ပေးနေသည့် ထိုင်းအထူးစစ်တပ် အဖွဲ့များ ရှိနေသဖြင့် စိုးရိမ်ပူပန်ရန် မလိုကြောင်း လုံခြုံရေး အရာရှိများက ဒေသခံများကို လာရောက် ပြောဆိုခဲ့သည်ဟု နယ်စပ်အခြေအနေနှင့် ပတ်သက်၍ ဒေသခံ သတင်းရင်းမြစ်က ပြောသည်။ ကရင်ပြည်၊ ဖာပွန်ခရိုင်အတွင်း ဧပြီလ ၁၀ ရက်နေ့မှ ၁၆ ရက်နေ့အတွင်း စစ်အစိုးရတပ်၏ လေကြောင်း တိုက် ခိုက်မှုများကြောင့် အရပ်သား ၆ ဦး သေဆုံးပြီး ၁၃ ဦးထက်မနည်း ဒဏ်ရာရရှိခဲ့ကြောင်း KNU တပ်မဟာ ၅ က ထုတ် ပြန်ထားသည်။ ယခုကဲ့သို့ နယ်စပ်စစ်ရေး တင်းမာနေချိန်တွင် ထိုင်းဒုတိယဝန်ကြီးချုပ်နှင့် နိုင်ငံခြားရေးဝန်ကြီး စီဟာဆက်သည် လာမည့် ဧပြီ လ၂၂ ရက်နေ့တွင် မြန်မာနိုင်ငံသို့ သွားရန် အစီအစဉ်ရှိနေသည်။ ဓါတ်ပုံ - Sukanraya S-Boungam #KNUတပ်မဟာ၅ #အူးမေထဆေးရုံ #ဖာပွန်မူတြော်ခရိုင်

သံလွင်မြစ်အနီး ထိုင်းဘက်ကမ်းသို့ ဗုံးကျ၊ နယ်စပ်ဒေသခံများ တိမ်းရှောင်နေရ

စစ်ကိုင်းတိုင်း ကောလင်းအစပ်က ရွှေဖောင်များကို လေကြောင်းမှ တိုက်ခိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၇ ရက်။ စစ်ကိုင်းတိုင်း၊ ကျွန်းလှနှင့် ကောလင်းမြို့နယ် အစပ်ရှိ ရွှေဖောင်များကို စစ်ကော်မရှင်က လေကြောင်းမှ တိုက်ခိုက်ခဲ့သဖြင့် အရပ်သား ၆ ဦး သေဆုံးပြီး ရွှေဖောင် ၁၅ ခု ပျက်စီးခဲ့ရကြောင်း ဒေသခံများက ပြောသည်။ ပြီးခဲ့သည့် မတ်လ ၁၅ ရက်နေ့၊ ညနေ ၃ နာရီခန့်တွင် ဟုမ္မလင်းလေတပ်စခန်းဘက်မှ တက်လာသည့် ဂျက်ဖိုက် တာ တိုက်လေယာဉ် ၂ စီးဖြင့် တော်လှန်ရေး တပ်ဖွဲ့များ ထိန်းချုပ်ထားရာ ကျွန်းလှမြို့နယ်နှင့် ကောလင်းမြို့နယ်အစပ်ရှိ သဖန်းဆိပ်ဆည်အတွင်း ရွှေမျှောလုပ်ငန်း လုပ်ကိုင် နေသည့် ရွှေဖောင်များကို ပစ်မှတ်ထား တိုက်ခိုက်ခဲ့ခြင်း ဖြစ် သည်။ အဆိုပါ လေကြောင်းတိုက်ခိုက်မှုကြောင့် ရွှေဖောင်များပေါ်တွင် အလုပ်လုပ်ကိုင်နေသည့် အရပ်သားလုပ်သား များ အနက် လက်ရှိအချိန်ထိ သေဆုံးသူ ၆ ဦးကို အတည်ပြုထားနိုင်ပြီး ထိခိုက်ဒဏ်ရာရသူများလည်း ရှိနေ ကြောင်း ဒေသခံများက ပြောသည်။ ဖြစ်စဉ်နှင့်ပတ်သက်၍ ဒေသခံအမျိုးသားတစ်ဦးက “ဟုတ်ကဲ့ဗျ။ ရွှေဖောင်တွေတော့ ခဏခဏ ပစ်ခံနေရတာ ပေါ့။ တစ်နေ့ကပစ်တာတော့ ရွှေဖောင် ၁၅ ခု ပျက်စီးသွားတယ်။ သေဆုံး ၆ ဦးလို့ ကြားသိထားရတယ်ဗျ။ အတိအကျတော့ မသိရသေးဘူး” ဟု ပြောသည်။ စစ်ကော်မရှင်တပ်သည် ယခုရက်ပိုင်းအတွင်း မြစ်ချောင်းများနှင့် ဆည်များအတွင်းရှိ ရွှေဖောင်လုပ်ငန်းခွင်များ ကို လေကြောင်းမှ မကြာခဏ တိုက်ခိုက်လျက်ရှိသည်။ ပြီးခဲ့သည့် မတ်လ ၁၀ ရက်နေ့ကလည်း ဗန်းမော်မြို့နယ်၊ စင်းခန်းကျေးရွာရှိ ဧရာဝတီမြစ်ကမ်းတစ်လျှောက် ရွှေဖောင်လုပ်ကွက်များ တိုက်ခိုက်ခံရသဖြင့် ရွှေဖောင်လုပ်သား ၃၀ ကျော် သေဆုံးခဲ့ရသည့် ဖြစ်စဉ်ဖြစ်ပွားခဲ့ သေးသည်။ သဖန်းဆိပ်ဆည်ကိုမူ စစ်ကော်မရှင်က ယခုနှစ် ဇန်နဝါရီလ ၁၄ ရက်နှင့် ဖေဖော်ဝါရီလ ၂၅ ရက်နေ့တို့တွင်လည်း လေကြောင်းမှ ဗုံးကြဲတိုက်ခိုက်မှုများ ပြုလုပ်ခဲ့ဖူးသည်ဟု Infinity Group က ထုတ်ပြန်ထားသည်။ အဆိုပါ သဖန်းဆိပ်ဆည်နှင့် ရေအားလျှပ်စစ်ရုံးအပါအဝင် အနီးဝန်းကျင် ကျေးရွာများကို တော်လှန်ရေး အင်အားစုများက ၂၀၂၅ ခုနှစ် နိုဝင်ဘာလကတည်းက ထိန်းချုပ်ထားခြင်းဖြစ်သည်။ လက်ရှိတွင် ဟုမ္မလင်းလေတပ်နှင့် နီးစပ်သည့် စစ်ကိုင်းတိုင်းအထက်ပိုင်းရှိ ကန့်ဘလူ၊ ကျွန်းလှ၊ ကောလင်း၊ ဝန်းသို၊ ပင်လည်ဘူး၊ ဖောင်းပြင်နှင့် မော်လိုက်မြို့နယ်များအတွင်း နေထိုင်ကြသည့် ပြည်သူများအနေဖြင့် လေကြောင်းတိုက်ခိုက်မှု အန္တရာယ်ကို အထူးသတိပြု နေထိုင်ကြရန် တော်လှန်ရေးအင်အားစုများက သတိပေးချက် ထုတ်ပြန်ထားသည်။ #စစ်ကိုင်တိုင်း #ရွှေဖောင်လုပ်ကွက် #စစ်ကော်မရှင် #ဟုမ္မလင်း #မော်လိုက် #ကျွန်းလှ #ကောလင်း #လေကြောင်းတိုက်ခိုက်

စစ်ကိုင်းတိုင်း ကောလင်းအစပ်က ရွှေဖောင်များကို လေကြောင်းမှ တိုက်ခိုက်

ဗန်းမော်-ရွှေကူအကြား မြစ်ကြောင်းရှိ ရွှေဖောင်များကို စစ်ကော်မရှင်ဗုံးကြဲရာ အရပ်သား အချို့ သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၂ ရက်။ ကချင်ပြည်၊ ဗန်းမော်မြို့နယ်နှင့် ရွှေကူမြို့နယ်ကြားရှိ ဧရာဝတီမြစ်ကြောင်းတစ်လျှောက် ရွှေတူးဖော်နေသည့် ရွှေဖောင်များကို စစ်ကော်မရှင်တပ်က ဂျက်လေယာဉ်များဖြင့် အပြင်းအထန် ဗုံးကြဲတိုက်ခိုက်ခဲ့ရာ ရွှေလုပ်သား အချို့ ထိခိုက်သေဆုံးခဲ့သည်။ အဆိုပါ ဖြစ်စဉ်မှာ မတ်လ ၁၀ ရက်နေ့ ညနေပိုင်းက ဖြစ်ပွားခဲ့ခြင်း ဖြစ်သည်။ ဗန်းမော်မြို့နယ် စင်းခန်းတံတားအထက်ဘက်ရှိ နန့်ခုတ်၊ ဘိုတောင်းနှင့် မြလယ်ကျေးရွာများအနီး မြစ်ကြောင်း တစ်လျှောက်တွင် ရွှေတူးဖော်နေသည့် ရွှေဖောင်များကို တံတားဦးလေတပ်မှ တက်လာသည့် ဂျက်လေယာဉ် ၃ စင်းက လိုက်လံ ဗုံးကြဲခဲ့ခြင်းဖြစ်သည်။ လေကြောင်းတိုက်ခိုက်မှုကြောင့် ရွှေဖောင်များနှင့်အတူ ဆီပေပါများပါ မီးလောင်ပေါက်ကွဲခဲ့ပြီး မြစ်အတွင်းရှိ ရွှေဖောင်အစီးရေများစွာ မီးဟုန်းဟုန်းတောက်လောင် ပျက်စီးခဲ့ရသည်။ ဖြစ်စဉ်ကို သိသူ တစ်ဆင့်ခံသတင်းရင်းမြစ် တစ်ဦးက “ကျနော်တို့ ရတဲ့သတင်း အချက်အလက်ကတော့ ၁၀ ရက်နေ့ ညနေမှာ တိုက်လေယာဉ်တွေနဲ့ လာပြီး ဗုံးကြဲသွားတာ။ မျှောဖောင်စက်လှေတွေ မီးလောင်ကုန်ပြီး စက်လှေပေါ်က လူတွေလည်း သေတာတွေများတယ်။ အတိအကျ လူသေစာရင်း မရဘူး။ ပထမအခေါက်မှာ တင် ၃ ယောက်လောက် သေတယ်။ ၈ ယောက်ဒဏ်ရာ ရတယ်။ နောက်ပိုင်းထပ်လာကြဲတာက အခုထိ အချက် အလက် မရဘူးဗျ” ဟု ပြောသည်။ လက်ရှိတွင် သေဆုံးသူ အရေအတွက်ကို အတည်ပြုရန် ကြိုးပမ်းနေဆဲဖြစ်သော်လည်း မြေပြင်သတင်းရင်းမြစ် အချို့၏ အဆိုအရ အနည်းဆုံး ရွှေလုပ်သား ၃၀ ခန့် ထိခိုက်သေဆုံးမှု ရှိခဲ့သည်ဟု ဆိုကြသည်။ ရုပ်အလောင်းများမှာ မီးလောင်ကျွမ်းသွားခြင်းနှင့် ရေထဲမျောပါသွားခြင်းတို့လည်း ရှိနေသည်ဟု တစ်ဆင့်ခံ သတင်းရင်းမြစ်များက ပြောသည်။ အဆိုပါ ကိစ္စနှင့် ပတ်သက်၍ ကချင်လွတ်လပ်ရေးအဖွဲ့ KIO/KIA သတင်းနှင့် ပြန်ကြားရေး တာဝန်ခံ ဗိုလ်မှူးကြီး နော်ဘူကလည်း “နန့်ခုတ်ရွာနဲ့ ဘိုတောင်းရွာကြားမှာ မတ်လ ၁၀ ရက်နေ့ ညနေ ၃ နာရီနဲ့ ၄ နာရီ ဝန်းကျင် လောက်မှာ ဗုံးကြဲတာရှိပါတယ်။ အဲ့ဒီဗုံးကြဲတာက ရွှေတူးဖော်တဲ့နေရာမှာ ကျတာ။ အဲ့ဒီက ရွှေဖောင်တွေ ပျက် စီးသွားတယ်။ သူတို့ရဲ့ ဆီပုံးတွေပေါ့ ဆီပေပါတွေ အကုန်လုံး မီးလောင် ပျက်စီးသွားတယ်။ နောက်ပြည်သူ လူထု ၈ ယောက်အဲ့မှာ ထိခိုက်ဒဏ်ရာ ရပြီးမှ ၂ ယောက်ကတော့ သေဆုံးသွားတယ်” ဟု ပြောသည်။ တိုက်ပွဲဖြစ်ပွားမှု မရှိသည့်အပြင် စစ်ကော်မရှင်စခန်းများလည်း မရှိသလို အဆိုပါနေရာမှာ အရပ်သားများသည် ရွှေတူးဖော်နေသည့် နေရာ ဖြစ်သည်ဟု ဆိုသည်။ ဗန်းမော်မြို့နယ် စင်းခန်းတံတားအထက်ဘက်ရှိ နန့်ခုတ်၊ ဘိုတောင်းနှင့် မြလယ်ကျေးရွာများအနီး မြစ်ကြောင်း တစ်လျှောက်တွင် ရွှေတူးဖော်နေသည့် ရွှေဖောင်များကို ညနေ ၄ နာရီခန့်တွင်တစ်ကြိမ်၊ ညနေပိုင်း ၅ နာရီနှင့် ၆ နာရီကြားတွင် တစ်ကြိမ် လေကြောင်းမှ ဗုံးကြဲခဲ့ခြင်း ဖြစ်သည်။ ဗိုလ်မှူးကြီးနော်ဘူက “နောက် ညနေပိုင်း ၅ နာရီနဲ့ ၅ နာရီကြားမှာလည်း စင်းခန်းအထက်ပေါ့ အဲ့မှာလည်း Y12 နဲ့ ထပ်ပြီး ဗုံးကြဲတာပေါ့နော်။ ဗုံး ၅ လုံးနဲ့ ကြဲတယ်တဲ့။ အဲ့မှာ သေဆုံးတဲ့ဟာတွေတော့ မသိရသေးပါဘူး။ အဲ့မှာက တိုက်ပွဲလည်း မဖြစ်ဘူး။ တိုက်ပွဲ ဖြစ်စရာအကြောင်းလည်း မရှိဘူး။ သူတို့ စစ်ကော်မရှင်တပ်လည်း မရှိဘူး။ စခန်းတွေလည်း အနီးအနားမှာလည်း မရှိဘူး။ KIO/KIA ကို နာမည်တပ်ပြီးမှ ဘာမှမဆိုင်တဲ့ ပြည်သူ လူထုကို ဗုံးကြဲတယ်ဆိုတာကတော့ စစ်ရာဇဝတ်မှုပေါ့နော် မြောက်တဲ့ ကိစ္စပဲ ဖြစ်ပါတယ်” ဟု ဆက် ပြော သည်။ အဆိုပါ ရွှေတူးဖော်ရေးလုပ်ကွက်များမှာ KIA တပ်မဟာ ၁၁ နယ်မြေအတွင်း တည်ရှိပြီး၊ စစ်ကော်မရှင်က KIA ၏ ဝင်ငွေရလမ်းကို ဖြတ်တောက်ရန် ရည်ရွယ်ချက်ရှိရှိ အရပ်သားပစ်မှတ်ကို တိုက်ခိုက်ခြင်းဖြစ်နိုင်ကြောင်း ဒေသခံများက သုံးသပ်ကြသည်။ စစ်ကော်မရှင်သည် ပြီးခဲ့သည့် ဇန်နဝါရီလကလည်း ဗန်းမော်မြို့နယ်ရှိ နာရေးဆုတောင်းပွဲတစ်ခုကို လေကြောင်း မှ ဗုံးကြဲခဲ့ရာ ပြည်သူ ၂၃ ဦးထက်မနည်း သေဆုံးခဲ့ဖူးသည်။ လက်ရှိတွင်လည်း နိုင်ငံတစ်ဝန်း စစ်ရေးအရ အထိနာနေသည့် စစ်ကော်မရှင်တပ်သည် အရပ်သားများရှိရာ နေရာများကို လေကြောင်းမှတစ်ဆင့် အစုလိုက်အပြုံလိုက် သတ်ဖြတ်မှုများကို ဆက်တိုက်လုပ်ဆောင်နေခြင်း ကြောင့် ဒေသခံပြည်သူများမှာ အသက်ဘေးအတွက် စိုးရိမ် ထိတ်လန့်နေကြရသည်။ #ရွှေဖောင်ဗုံးကြဲ #စစ်ကော်မရှင် #လေကြောင်းတိုက်ခိုက်

ဗန်းမော်-ရွှေကူအကြား မြစ်ကြောင်းရှိ ရွှေဖောင်များကို စစ်ကော်မရှင်ဗုံးကြဲရာ အရပ်သား အချို့ သေဆုံး

ထန်တလန်ကို စစ်ကောင်စီ ဗုံးကြဲတိုက်ခိုက်၊ အရပ်သား ၆ ဦး သေဆုံး    သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၁၁ ရက်။ ချင်းပြည်၊ ထန်တလန်တွင် စစ်ကော်မရှင်က ပေါင် ၅၀၀ ဗုံးဖြင့် ကြဲချတိုက်ခိုက်ခဲ့ရာ အရပ်သား ၆ ဦး သေဆုံးခဲ့ သည်ဟု ဒေသခံများက ပြောသည်။ ချင်းပြည် အတွင်းရှိ တိုက်ပွဲများတွင် အရာရှိများ အပါအဝင် အင်အားအလုံးအရင်းဖြင့် အထိနာနေသည့် စစ်ကော်မရှင် တပ်သည် အရပ်သားကျေးရွာများကို ပစ်မှတ်ထားကာ လေကြောင်းဖြင့် တိုက်ခိုက်နေပြီး ဖေဖော် ဝါရီ ၁၀ ရက်နေ့က ထန်တလန်မြို့နယ်အတွင်း ဗုံးကြဲမှုကြောင့် အပြစ်မဲ့ပြည်သူ ၆ ဦး သေဆုံးခဲ့ခြင်း ဖြစ်သည်။ CDF ထန်တလန် အဖွဲ့တာဝန်ရှိသူက “အိမ်အသစ်ဆောက်နေတဲ့ နေရာနားမှာ ကျတာ။ သူက ဘောလုံးကွင်း နား ပဲ။ အခုထိတဲ့လူတွေက အိမ်ဆောက်နေတဲ့လူတွေပါ။ ဒဏ်ရာရသူတွေထဲက တစ်ယောက် ထပ်သေသွားတော့ အခုဆိုရင် စုစုပေါင်း ၆ ယောက်အထိ ရှိလာပြီ။ ဒဏ်ရာပြင်းထန်တဲ့ သူတွေလည်း ရှိတယ်” ဟု ပြောသည်။ ဖေဖော်ဝါရီလ ၁၀ ရက်၊ နေ့လယ်ပိုင်းတွင် စစ်ကော်မရှင်တပ်က ထန်တလန်မြို့နယ်၊ တလန်ခွာကျေးရွာရှိ ဘောလုံးကွင်းအနီးသို့ ပေါင် ၅၀၀ ဗုံးများဖြင့် ကြဲချတိုက်ခိုက်ခဲ့ခြင်းဖြစ်သည်။ အဆိုပါ တိုက်ခိုက်မှုကြောင့် ဒေသခံ ၅ ဦးမှာ နေရာတွင်ပင် ပွဲချင်းပြီး သေဆုံးခဲ့ပြီး ဒဏ်ရာရရှိသူများထဲမှ တစ်ဦးမှာ ထပ်မံသေဆုံးသွားခဲ့သဖြင့် စုစုပေါင်း သေဆုံးသူ ၆ ဦး ရှိလာခြင်း ဖြစ်သည်။ ချင်းသတင်းရင်းမြစ်များ၏ အဆိုအရ စစ်ကော်မရှင်တပ်သည် မကြာသေးမီက ဖလမ်းမြို့နယ်ဘက်တွင် ဖြစ်ပွားခဲ့သော တိုက်ပွဲများအတွင်း အရာရှိကြီးများ အပါအဝင် တပ်ဖွဲ့ဝင် ၂၀၀ ကျော်အထိ အကျအဆုံးများကာ စစ်ရေးအရ အရှုံးကြီးနှင့် ရင်ဆိုင်နေရခြင်း ဖြစ်သည်။ ထိုသို့ စစ်မြေပြင်တွင် အထိနာနေခြင်းကြောင့် စစ်ရေးနှင့်မသက်ဆိုင်သည့် အရပ်သားများကို ပစ်မှတ်ထားကာ လေကြောင်းဖြင့် အငြိုးတကြီး လက်စားချေ တိုက်ခိုက်လာခြင်းဖြစ်သည်ဟု ဒေသခံများက ယူဆနေကြသည်။ ထို့ပြင် ချင်းပြည် တောင်ပိုင်းရှိ မင်းတပ်၊ မတူပီနှင့် ကန်ပက်လက်မြို့နယ်များကိုလည်း ပြီးခဲ့သည့် ရက်ပိုင်းကပင် စစ်ကောင်စီက လေကြောင်းမှ အကြိမ်ကြိမ် ဗုံးကြဲတိုက်ခိုက်ခဲ့သည်။ အဆိုပါ တိုက်ခိုက်မှုများအတွင်း မတူပီမြို့တွင် ဆော့ကစားနေသည့် ကလေးငယ်တစ်ဦး သေဆုံးခဲ့ရသည့်အပြင် ဘုရားကျောင်းများနှင့် လူနေအိမ်များစွာလည်း ထိခိုက်ပျက်စီးခဲ့ရသည်။ လက်ရှိတွင် ချင်းပြည် တစ်ဝန်း၌ စစ်ကော်မရှင်က လေကြောင်း အင်အားကို အလွန်အကျွံသုံးကာ တိုက်ခိုက်မှု များ တိုးမြှင့်လုပ်ဆောင်နေသဖြင့် ဒေသခံပြည်သူများမှာ လုံခြုံဘေးကင်းသည့် နေရာများသို့ တိမ်းရှောင်နေ ကြရပြီး လူသားချင်းစာနာမှုဆိုင်ရာ အကူအညီများ ပိုမိုလိုအပ်လျက်ရှိသည်။

ထန်တလန်ကို စစ်ကောင်စီ ဗုံးကြဲတိုက်ခိုက်၊ အရပ်သား ၆ ဦး သေဆုံး   

အင်းတော်မြို့နယ်အတွင်း အရပ်သား ကျေးရွာကို ဗုံးကြဲ၊ မိသားစု ဝင် ၇ ဦး အပါအဝင် ၈ ဦး သေဆုံး သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဖေဖော်ဝါရီလ ၃ ရက်။ စစ်ကိုင်းတိုင်း၊ အင်းတော်မြို့နယ်အတွင်းရှိ ကျေးရွာ တစ်ရွာကို စစ်ကော်မရှင်တပ်က ဂျက်ဖိုက်တာဖြင့် ဗုံးကြဲတိုက်ခိုက်ခဲ့ရာ ၃ နှစ်အရွယ် ကလေးငယ်တစ်ဦးပါသော မိသားစုဝင် ၇ ဦး အပါအဝင် အရပ်သား ၈ ဦး ပွဲချင်းပြီး သေဆုံးခဲ့သည်။ ပြီးခဲ့သည့် ဇန်နဝါရီလ ၂၉ ရက်၊ ည ၉ နာရီဝန်းကျင်တွင် တံတားဦးလေတပ်စခန်းမှ တက်လာသည့် ဂျက်ဖိုက်တာ တစ်စီးက ဗုံးသီး ၃ လုံးဖြင့် မော်လူးမြို့နယ် အတွင်းရှိ လေဘိုကျေးရွာအတွင်းသို့ ပစ်မှတ်ထား ကြဲချတိုက်ခိုက်ခဲ့ခြင်းဖြစ်သည်။ အဆိုပါ တိုက်ခိုက်မှုကြောင့် သေဆုံးခဲ့ရသူ ၈ ဦးအနက် ၇ ဦးမှာ မိသားစုဝင်များဖြစ်ကြပြီး၊ အခြားအရပ်သား ၂ ဦးလည်း ဒဏ်ရာအပြင်းအထန် ရရှိခဲ့သည်။ ဖြစ်စဉ်နှင့်ပတ်သက်၍ ဒေသခံအမျိုးသားတစ်ဦးက “သေဆုံးသူတွေ အကုန်လုံးက အရပ်သားတွေချည်းပဲ။ အဲ့အရပ်သားတွေထဲ ၈ ယောက်ဆုံးတယ်။ ၂ ယောက်ဒဏ်ရာရတယ်။ ၇ ယောက်ကတော့ မိသားစုတစ်စုတည်း ဖြစ်သွားတာပေါ့။ သားတွေသမီးတွေ၊ အဲ့သားသမီးတွေရဲ့ မိန်းမရယ်ကလေးရယ်ပေါ့။ ပြီးတော့ ဘေးအိမ်က တစ်ယောက်ပေါ့လေ” ဟု ပြောသည်။ လေဘိုကျေးရွာသည် ယခင်က တစ်ကြိမ်မျှ လေကြောင်းတိုက်ခိုက်ခံရဖူးခြင်း မရှိသည့်အပြင် ကျေးရွာအတွင်း တော်လှန်ရေးအင်အားစုများ အခြေစိုက်နေထိုင်ခြင်း မရှိဘဲ စစ်ကော်မရှင်တပ်က လေကြောင်းမှ ဗုံးကြဲ တိုက်ခိုက်သွားခြင်းဖြစ်သည်ဟု ဆိုကြသည်။ မော်လူးမြို့နယ်အတွင်း စစ်ကောင်မရှင်တပ်သည် ဇန်နဝါရီလ တစ်လအတွင်း ၃ ကြိမ်တိုင်တိုင် လေကြောင်း တိုက်ခိုက်မှုများ ပြုလုပ်ခဲ့ရာ အရပ်သား ၉ ဦးနှင့် တော်လှန်ရေးတပ်ဖွဲ့ဝင် ၅ ဦး၊ စုစုပေါင်း ၁၄ ဦးအထိ အသက် ဆုံးရှုံးခဲ့ရသည်ဟု ဒေသခံများက ပြောသည်။ ဇန်နဝါရီလ ၂ ရက်နေ့က ပဲခူးကျေးရွာ ပလဖရုံး တိုက်ခိုက်ခံရမှုတွင် ၁၂ တန်းကျောင်းသူတစ်ဦး သေဆုံးခဲ့သလို၊ ဇန်နဝါရီ ၂၁ ရက်နေ့ကလည်း မာန်ဟဲကျေးရွာ ပကဖရုံး တိုက်ခိုက်ခံရမှုကြောင့် KIA နှင့် ကာကွယ်ရေးတပ်ဖွဲ့ဝင် ၅ ဦး ကျဆုံးခဲ့ရသည်။ ဒေသခံအမျိုးသားက “ပစ်တဲ့နေရာတွေကလည်း တစ်လအတွင်းကို ၃ ကြိမ်ဗျာ။ သူတို့က သတင်းတွေ အတိ အကျရတာ။ နေရာတွေကလည်း ပလဖ စခန်း၊ ပကဖစခန်းတွေ နောက်ဆုံးကြဲတဲ့ လေဘိုရွာမှာတော့ တော်လှန်ရေးအင်အားစုတွေ ရွာထဲမနေဘူး။ ဒါကတော့ ရွာကို ဦးတည်ကြဲသွားတာပေါ့” ဟု ပြောသည်။ မော်လူးမြို့သည် မြစ်ကြီးနား–မန္တလေး ဗျူဟာလမ်းမကြီးပေါ်တွင် တည်ရှိပြီး ၂၀၂၃ ခုနှစ်၊ ဒီဇင်ဘာလအတွင်းက တော်လှန်ရေးအင်အားစုများက သိမ်းပိုက်ခဲ့ကာ အမျိုးသားညီညွတ်ရေးအစိုးရ (NUG) ၏ အုပ်ချုပ်ရေးယန္တရား လည်ပတ်နေသည့် မြို့တစ်မြို့ဖြစ်သည်။ စစ်ကော်မရှင်တပ်သည် ၎င်းတို့ လက်လွှတ်ထားရသည့် နယ်မြေများရှိ အရပ်သားပြည်သူများကို ပစ်မှတ်ထား ကာ လေကြောင်းမှ အငြိုးအတေးဖြင့် တိုက်ခိုက်နေခြင်းဖြစ်သည်ဟု ဒေသခံများက ပြောသည်။

အင်းတော်မြို့နယ်အတွင်း အရပ်သား ကျေးရွာကို ဗုံးကြဲ၊ မိသားစု ဝင် ၇ ဦး အပါအဝင် ၈ ဦး သေဆုံး

မော်ချီး သတ္တုတွင်း ဗုံးကြဲ၊ အရပ်သား တစ်ဦးသေ သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဇန္နဝါရီလ ၃၁ ရက်။ ကရင်နီ (ကယား) ပြည်၏ အဓိကစီးပွားရေး အချက်အချာဖြစ်သော မော်ချီးခဲသတ္တုတွင်းဒေသကို စစ်တပ်က လေကြောင်းမှတစ်ဆင့် ဗုံးကြဲတိုက်ခိုက်ခဲ့ရာ အရပ်သား ခဲလုပ်သားတစ်ဦး သေဆုံးပြီး ငါးဦးထက်မနည်း ပြင်းထန် ဒဏ်ရာများ ရရှိခဲ့ကြောင်း ဒေသခံများက ပြောသည်။ ဘောလခဲခရိုင်၊ ဖားဆောင်းမြို့နယ်အတွင်းရှိ မော်ချီးဒေသ၊ အမှတ် (၄) ခဲကျင်းနေရာကို ဇန်နဝါရီလ ၃၀ ရက်၊ ညနေ ၄ နာရီခန့်တွင် စစ်ကော်မရှင်တပ်က တိုက်ပွဲဖြစ်ပွားခြင်းမရှိဘဲ လေကြောင်းမှ ဗုံးကြဲတိုက်ခိုက်ခဲ့ခြင်း ဖြစ်သည်။ ယခင်ဖြစ်စဉ်များကဲ့သို့ ကင်းထောက်လေယာဉ်များ ကြိုတင်ပျံသန်းလာခြင်းမရှိဘဲ ရုတ်တရက် ဗုံးကြဲချခဲ့သည့် အပြင် စက်သေနတ်များဖြင့်ပါ အတွဲလိုက် ပစ်ခတ်ခဲ့ခြင်းကြောင့် အလုပ်ခွင်အတွင်းရှိ လုပ်သားများမှာ ဘေးလွတ်ရာသို့ ရှောင်တိမ်းရန် အချိန်မရခဲ့ကြပေ။ ခဲလုပ်ငန်းနှင့် နီးစပ်သူတစ်ဦးက “သေတဲ့ တစ်ယောက်ကတော့ ဟိုဖက်ဒီဖက် ပေါက်သွားတယ်။ ရုတ်တရက်ဆို တော့ ဘယ်သူမှ ထင်မထားဘူးလေ။ အများကြီး ထိကြတယ်။ ကျင်းထဲဝင်ပုန်းချိန်တောင် မရလိုက်ဘူး” ဟု ပြောသည်။ ယမန်နေ့က တိုက်ခိုက်မှုအတွင်း ဗုံးစထိမှန်ခဲ့သူများထဲက တစ်ဦးမှာ သေဆုံးသွားခဲ့ပြီး ကျန်ရှိသည့် ဒဏ်ရာရရှိ သူ ငါးဦးမှာလည်း စိုးရိမ်ရသည့် အခြေအနေဖြင့် ဆေးကုသမှု ခံယူနေရကြောင်း ဒေသခံများက ပြောသည်။ မော်ချီးဒေသသည် စစ်အာဏာသိမ်းပြီးနောက်ပိုင်း စစ်ကော်မရှင်တပ်၏ လေကြောင်းတိုက်ခိုက်မှုကို အကြိမ် ပေါင်း ၂၀ ထက်မနည်း ခံစားခဲ့ရသည့် ဒေသဖြစ်သည်ဟု မြေပြင်သတင်းရင်းမြစ်များက ဆိုသည်။ ပြီးခဲ့သည့် နိုဝင်ဘာလ ၁ ရက်နေ့ကလည်း အမှတ် (၃) နေရာကို လေကြောင်းတိုက်ခိုက်မှုကြောင့် အရပ်သား ၅ ဦး သေဆုံးခဲ့ရသည့် ဖြစ်စဉ်မျိုး ရှိခဲ့ဖူးသည်။ ကရင်နီတော်လှန်ရေး အဖွဲ့ တာဝန်ရှိသူသူများ၏ သုံးသပ်ချက်အရ ဒီဇင်ဘာလ ၂၈ ရက်နေ့မှ စတင်ခဲ့သည့် ရွေးကောက်ပွဲ ကာလအတွင်း စစ်ကော်မရှင်သည် ဘောလခဲမြို့မှတစ်ဆင့် မော်ချီးဒေသကို ပြန်လည် ထိန်းချုပ် နိုင်ရန် စစ်ရေးအရှိန်မြှင့်တင်နေခြင်း ဖြစ်သည်။ လက်ရှိတွင် စစ်ကော်မရှင်တပ်က တော်လှန်ရေးတပ်ဖွဲ့များ သိမ်းပိုက်ထိန်းချုပ်ထားသည့် မော်ချီးဒေသအတွင်း က အရပ်သားပစ်မှတ်များကိုသာ ဦးတည်ပြီး လေကြောင်းဖြင့် ဗုံးကြဲတိုက်ခိုက်နေခြင်းကြောင့် ဒေသခံများနှင့် စစ်ဘေးရှောင်များမှာ လုံခြုံရေးအတွက် စိုးရိမ်နေကြသည်။

မော်ချီး သတ္တုတွင်း ဗုံးကြဲ၊ အရပ်သား တစ်ဦးသေ

ယခင်နှစ် လေကြောင်းတိုက်ခိုက်မှုများတွင် ပညာရေး ကဏ္ဍမှ ဆရာ/မ ကျောင်းသူ/သား ၉၆ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၂ ရက်။ မြန်မာနိုင်ငံတွင် စစ်ကော်မရှင်တပ်၏ လေကြောင်းတိုက်ခိုက်မှုများကြောင့် ပြီးခဲ့သည့် ၂၀၂၅ ခုနှစ် တစ်နှစ်တာ အတွင်း၌ ပညာရေးကဏ္ဍမှ ဆရာ၊ ဆရာမများနှင့် ကျောင်းသား၊ ကျောင်းသူ စုစုပေါင်း ၉၆ ဦး သေဆုံးခဲ့ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က ဇန်နဝါရီလ ၂၁ ရက်တွင် ထုတ်ပြန်လိုက် သည်။ သေဆုံးသူများအနက် အသက် ၁၈ နှစ်အောက် ကလေးငယ် ၇၁ ဦးအထိ ပါဝင်နေပြီး အများစုမှာ စစ်ကော်မရှင် ၏ လေကြောင်း ဗုံးကြဲမှုများကြောင့် စာသင်ခန်းအတွင်း၌ပင် အသက်ပေးခဲ့ကြရခြင်းဖြစ်သည်။ အထူးသဖြင့် စစ်ကိုင်းတိုင်းနှင့် ရခိုင်ပြည်တို့မှာ ပညာရေးကဏ္ဍတွင် သေဆုံးမှုအများဆုံးဒေသများ ဖြစ်နေသည်။ ပြီးခဲ့သည့် စက်တင်ဘာလအတွင်းက ရခိုင်ပြည်၊ ကျောက်တော်မြို့နယ်၊ သရက်တပင်ကျေးရွာရှိ ကိုယ်ပိုင် အထက်တန်းကျောင်း နှစ်ကျောင်း ဗုံးကြဲခံရမှုတွင် ကျောင်းသား ၂၀ ကျော် သေဆုံးခဲ့သည့်ဖြစ်စဉ်မှာ ရင်နင့်ဖွယ် ရာ အခြေအနေတစ်ခု ဖြစ်ခဲ့သည်။ ဒေသခံတစ်ဦးက “တိုက်ပွဲလည်း မဖြစ်ပါဘူး။ အခုဖြစ်သွားတဲ့နေရာက ကျောင်းသားတွေ နေတဲ့ နေရာပါ။ ဒီလို နေရကို ဗုံးကြဲတာက လူမဆန်တဲ့ လုပ်ရပ်လို့ပဲ ပြောရမှာပေါ့ဗျာ။ ကျောင်း တာဝန်ရှိသူ ပြောပြချက်အရ ဆိုရင် ကလေးတွေက အိပ်ခါစပဲ ရှိသေးတယ်။ ကျောင်းသားတွေ စာကျက်ပြီး အိပ်ခါစလေးမှာ ဖြစ်သွားတာ တဲ့။ လေယာဉ်သံတော့ ကြားလိုက်တယ် ပြေးချိန် မရလိုက်ဘူးတဲ့” ဟု NMG က ဆက်သွယ်မေးမြန်းချိန် ပြောဆိုခဲ့သည်။ အဆိုပါ ကိုယ်ပိုင်အထက်တန်းကျောင်းကို လေကြောင်းမှ ပေါင် ၅၀၀ ဗုံး နှစ်လုံး ကျောင်းရှေ့ တည့်တည့် ကို ကြဲသွားခြင်းဖြစ်သည်ဟု အာရက္ခတပ်တော် ULA/AA က ထုတ်ပြန်ထားသည်။ ထို့အပြင် အောက်တိုဘာလအတွင်းကလည်း ချင်းပြည်၊ ဟားခါးမြို့နယ်တွင် မူလတန်းကျောင်းတစ်ကျောင်း ဗုံးကြဲခံခဲ့ရပြီး Grade-3 နှင့် Grade-5 ကျောင်းသား၊ ကျောင်းသူလေး နှစ်ဦးမှာလည်း စာသင်ခန်းအတွင်း၌ပင် နေရာတင် သေဆုံးခဲ့ရသည်။ CHRO အမှုဆောင်ဒါရိုက်တာ ဆလိုင်းဇအုပ်လိန်းက “ဒီရက်စက်ကြမ်းကြုတ်မှုတွေဟာ စစ်ကောင်စီရဲ့ လူ့အသက်ကို နယ်ပယ်မဲ့ လျစ်လျူရှုမှုကို နောက်ထပ် သက်သေပြနေတာပဲ။ နိုင်ငံတကာ အသိုက်အဝန်းဟာ ပိုပြီး ဆောင်ရွက်ရပါမယ်” ဟု ပြောသည်။ AAPP ၏ ထုတ်ပြန်ချက်အရ ၂၀၂၁ ခုနှစ် စစ်အာဏာသိမ်းချိန်မှ ယနေ့အထိ ၅ နှစ်တာကာလအတွင်း စစ်ကော်မရှင်တပ်ကြောင့် သေဆုံးခဲ့ရသည့် ပြည်သူစုစုပေါင်း ၇,၇၀၁ ဦး ရှိလာပြီဖြစ်သည်။ ထခ လက်ရှိတွင် တော်လှန်ရေးနယ်မြေများရှိ စာသင်ကျောင်းများသည် စစ်ကော်မရှင်တပ်၏ အဓိက လေကြောင်း ပစ်မှတ်များ ဖြစ်လာနေသဖြင့် ကျောင်းသူ၊ ကျောင်းသားများနှင့် ဆရာ၊ ဆရာမများသည် နေ့စဉ်နှင့်အမျှ စိုးရိမ် ထိတ်လန့်စွာဖြင့် ပညာသင်ကြားနေကြရသည့် အခြေအနေဖြစ်သည်ဟု ဆိုကြသည်။ ဓါတ်ပုံ - Wai Hun Aung

ယခင်နှစ် လေကြောင်းတိုက်ခိုက်မှုများတွင် ပညာရေး ကဏ္ဍမှ ဆရာ/မ ကျောင်းသူ/သား ၉၆ ဦး သေဆုံး

စစ်သုံ့ပန်း စခန်း ဗုံးကြဲမှုတွင် ကလေးနှင့် အမျိုးသမီးများ အပါအဝင် ၂၁ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၂ ရက်။ ရခိုင်ပြည်၊ ကျောက်တော်မြို့နယ်အတွင်းရှိ စစ်သုံ့ပန်းစခန်းအား စစ်ကော်မရှင်တပ်မှာ လေကြောင်းမှ ဗုံးကြဲ တိုက်ခိုက်မှုထဲ ကလေးနှင့် အမျိုးသမီးများ အပါအဝင် ၂၁ ဦး သေဆုံးခဲ့သည်ဟု မြေပြင်သတင်းရင်းမြစ်က ပြောသည်။ အာရက္ခတပ်တော် (AA) က ထိန်းသိမ်းထားသည့် စစ်သုံ့ပန်းများနှင့် ၎င်းတို့၏ မိသားစုဝင်များရှိရာ အကျဉ်းစခန်း တစ်ခုကို ဇန္နဝါရီလ ၂၀ ရက် ညက စစ်ကော်မရှင်တပ်က လေကြောင်းမှ ဗုံးကြဲတိုက်ခိုက်ခဲ့ခြင်းကြောင့် ကလေးငယ်များနှင့် အမျိုးသမီး များ အပါအဝင် ၂၁ ဦး သေဆုံးကာ ၃၀ ကျော် ထိခိုက်ဒဏ်ရာရရှိခဲ့သည်။ မြေပြင်အခြေအနေနှင့် ပတ်သက်၍ လုံခြုံရေးအရ အမည်မဖော်လိုသည့် သတင်းရင်းမြစ် တစ်ဦးက “ဗုံးက ည ဘက်ကြီး အဆောင်တွေပေါ် တည့်တည့်ကျတာ။ အသံက တော်တော်ကျယ်တယ်လို့ ပြောတယ်။ အဆောင်ထဲ မှာက ကလေးတွေနဲ့ မိန်းမတွေပဲ ရှိတာလေ။ ကိုယ့်တပ်ကလူတွေ ကိုယ်တိုင် ပြန်ဗုံးကြဲခံရတာဆိုတော့ တော် တော်လေးကို စိတ်မကောင်းစရာပဲ” ဟု ပြောသည်။ ပြီးခဲ့သည့် ဇန်နဝါရီလ ၂၀ ရက်၊ ညနေ ၇ နာရီခွဲအချိန်ခန့်တွင် ကျောက်တော်နှင့် ပုဏ္ဏားကျွန်းမြို့နယ်အစပ်ရှိ ချောင်းတူကျေးရွာအနီးမှ အကျဉ်းစခန်းကို စစ်ကော်မရှင်တပ်က ဂျက်တိုက်လေယာဉ်ဖြင့် ပေါင် ၃၀၀ ဗုံး ၄ လုံး ကြဲချတိုက်ခိုက်ခဲ့ခြင်း ဖြစ်သည်။ အဆိုပါဗုံးများသည် စစ်သုံ့ပန်းများရှိရာ အဆောင်နှင့် ဆေးကုသပေးနေသည့် ဆေးခန်းပေါ်သို့ တည့်တည့် ကျရောက်ပေါက်ကွဲခဲ့ခြင်းဖြစ်သည်။ ထိုဖြစ်စဉ်အတွင်း သေဆုံးသူများမှာ ၂၀၂၄ ခုနှစ်အတွင်းက ကျောက်တော်နှင့် ပုဏ္ဏားကျွန်း တိုက်ပွဲများ၌ AA ထံ လက်နက်ချအလင်းဝင်ခဲ့သည့် အမတ (၃၇၇) နှင့် ခမရ (၅၃၉) တပ်ရင်းတို့မှ တပ်ဖွဲ့ဝင်များနှင့် မိသားစုဝင်များ ဖြစ်ကြသည်။ လက်ရှိတွင် ထိခိုက်ဒဏ်ရာရရှိသူများကို အာရက္ခတပ်တော်က ဆေးကုသမှုပေးလျက်ရှိသော်လည်း ညအချိန် ဖြစ်ပွားခဲ့သည့် ထိုတိုက်ခိုက်မှုကြောင့် အကျဉ်းသားများနှင့် မိသားစုဝင်များမှာ ထိတ်လန့်နေကြဆဲဖြစ်သည်ဟု မြေပြင် သတင်းရင်းမြစ်များက ပြောသည်။ စစ်သုံ့ပန်းမိသားစုဝင် အမျိုးသမီးတစ်ဦးက “တစ်ခါတစ်လေကျရင်တော့ စိတ်နာချင်တယ်ပေါ့နော်။ အစ်မတို့ တတ်နိုင်သလောက်လည်း သူတို့အတွက် ပေးဆပ်ခဲ့ပြီးပြီပေါ့နော်။ ညီမတို့ကို သူတို့က မကယ်ထုတ်ချင်တာ လား။ သူတို့ဒီလို လေကြောင်း တိုက်ခိုက်မှုကို ဘယ်လိုရည်ရွယ်ချက်နဲ့ လုပ်လဲတော့ ညီမတို့ မသိဘူးပေါ့နော်။ သူတို့ အဲ့လိုမျိုး လုပ်ချင်တယ်ဆိုရင် ညီမတို့ဆီမှာတော့ လူမမယ်ကလေးတွေ အများကြီးလည်း ပါသေးတယ် လေ။ ဒီကလေးတွေရဲ့ ရှေ့ရေးလည်း ရှိသေးတယ်” ဟု One Nation News ကို ပြောသည်။ အဆိုပါ တိုက်ခိုက်ခံရသူများနှင့်ပတ်သက်၍ AA က ထုတ်ပြန်ရာတွင် ၎င်းတို့သည် မကြာခင်ကာလအတွင်း ပြန်လည်လွှတ်ပေးရန် စီစဉ်ထားသူများဖြစ်ကြောင်း သိရသည်။ စစ်ကော်မရှင်တပ် အနေဖြင့် ပြန်လည်လွှတ်ပေးရန် စီစဉ်နေသည့် စစ်သုံ့ပန်းမိသားစုဝင်များကို ပစ်မှတ်ထား တိုက်ခိုက်ခဲ့သည်မှာ ယခုတစ်ကြိမ်သည် ပထမဆုံးမဟုတ်ပေ။ ပြီးခဲ့သည့် ၂၀၂၅ ခုနှစ်၊ ဇန်နဝါရီလအတွင်းကလည်း မြောက်ဦးမြို့နယ်၊ ရမ်းချောင်းဖျားကျေးရွာတွင် ပြန်လွှတ် ပေးရန် ပြင်ဆင်နေသည့် စစ်သုံ့ပန်းမိသားစုဝင်များ နေထိုင်ရာနေရာကို စစ်ကောင်စီက ဗုံးကြဲတိုက်ခိုက်ခဲ့သဖြင့် အမျိုးသမီးနှင့် ကလေးငယ် ၂၈ ဦး သေဆုံးခဲ့ရသည့် ဖြစ်စဉ်တစ်ခု ရှိခဲ့ဖူးသည်။ DMG သတင်းဌာန၏ ဖော်ပြချက်အရ ရခိုင်ပြည်အတွင်း နယ်မြေအများစုကို လက်လွှတ်ထားရသည့် စစ်ကော်မရှင်သည် AA ထိန်းချုပ်နယ်မြေရှိ အကျဉ်းစခန်းများကို ပစ်မှတ်ထားတိုက်ခိုက်နေခြင်းမှာ ယခုအကြိမ် အပါအဝင် ၄ ကြိမ်ထက်မနည်း ရှိလာပြီဖြစ်သည်။ ပြီးခဲ့သည့် တစ်နှစ်ကျော်အတွင်း ရခိုင်ရှိ သုံ့ပန်းစခန်း ၄ ခုထက်မနည်း တိုက်ခိုက်ခံရမှုကြောင့် စုစုပေါင်း သေဆုံး သူ ၁၂၀ ကျော်အထိ ရှိလာပြီဖြစ်ကြောင်း ရခိုင်အခြေစိုက် သတင်းဌာနများက ဖော်ပြသည်။ ဓါတ်ပုံ - အာရက္ခမင်းသမီး မီဒီယာ/ONN-One Nation News

စစ်သုံ့ပန်း စခန်း ဗုံးကြဲမှုတွင် ကလေးနှင့် အမျိုးသမီးများ အပါအဝင် ၂၁ ဦး သေဆုံး

ကသာတွင် တိုက်ပွဲများ ပြန်လည် ပြင်းထန်၊ စစ်ကော်မရှင်က အဆက်မပြတ် ဗုံးကြဲ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၁၉ ရက်။ စစ်ကိုင်းတိုင်းဒေသကြီး၊ ကသာမြို့တွင် တိုက်ပွဲများ ပြန်လည်ပြင်းထန်လာနေပြီး စစ်ကော်မရှင်တပ်က လေကြောင်းမှ အဆက်မပြတ် ဗုံးကြဲတိုက်ခိုက်နေသည်ဟု မြေပြင်သတင်းရင်းမြစ်က ပြောသည်။ ကသာမြို့တွင် စစ်ကော်မရှင်တပ်နှင့် တော်လှန်ရေး မဟာမိတ် တပ်ပေါင်းစုများအကြား တိုက်ပွဲများ ပြန်လည် ပြင်းထန်နေပြီး စစ်တပ်ဘက်က ဂျက်ဖိုက်တာနှင့် ရဟတ်ယာဉ်များ အပါအဝင် လေကြောင်း အင်အား အလုံး အရင်းဖြင့် အပြင်းအထန် တိုက်ခိုက်နေသည်ဟု စစ်ရေးသတင်းရင်းမြစ်များက ပြောသည်။ မြေပြင်စစ်ရေးသတင်းရင်းမြစ်တစ်ဦးက “မနေ့ကတော့ တော်တော်ဆိုးတယ်။ ဒီနေ့လည်း (သေနတ်သံ) ကြား တော့ကြားရတယ်။ ဒါ‌ပေမဲ့ ဒီနေ့ကတော့ ခပ်ကြဲကြဲပဲ။ မနေ့ကတော့ ခပ်စိပ်စိပ်ကို လေယာဥ်ပျံ Y-12 တွေပျံ တယ်။ ဟက်စကီးဆို နှစ်စီးတွဲတွေပျံတယ်။ ဂျက်ဖိုက်တာတွေပျံတယ်။ တောက်လျှောက်ပေါ့။ အသေကြဲ အသေစော်နေတာ” ဟု ပြောသည်။ ပြီးခဲ့သည့် ဇန်နဝါရီလ ၁၇ ရက် (စနေနေ့) နံနက်ပိုင်းမှ စတင်ကာ ကသာမြို့အခြေစိုက် ခမရ (၃၀၉) တပ်ရင်း အနီးရှိ ဂေါက်ကွင်းနှင့် တပ်ဦးဘုန်းကြီးကျောင်းတစ်ဝိုက်တွင် နှစ်ဖက်တိုက်ပွဲများ ပြန်လည်စတင်ခဲ့ခြင်း ဖြစ်သည်။ ဇန်နဝါရီလ ၁၈ ရက်နေ့ (ယမန်နေ့)ကမူ စစ်ကော်မရှင်တပ်ဘက်က လေကြောင်းတိုက်ခိုက်မှုကို အရှိန်မြှင့်တင်ခဲ့ ကြောင်း စစ်ရေးသတင်းရင်းမြစ်က အတည်ပြုသည်။ ကသာမြို့သိမ်းတိုက်ပွဲမှာ ပြီးခဲ့သည့် ၂၀၂၅ ခုနှစ်၊ ဒီဇင်ဘာလ ၂၈ ရက်နေ့ စစ်ကော်မရှင်၏ ရွေးကောက်ပွဲကာလ တွင် စတင်ခဲ့ခြင်းဖြစ်ပြီး၊ ဇန်နဝါရီလ ၃ ရက်နေ့၌ တိုက်ပွဲအနည်းငယ်ငြိမ်သက်သွားခဲ့သော်လည်း ယခုအခါ ပြန်လည်ပြင်းထန်လာခြင်းဖြစ်သည်။ လက်ရှိတိုက်ပွဲများကြောင့် ခမရ (၃၀၉) အနီးရှိ ရပ်ကွက် (၅)၊ ရပ်ကွက် (၈) နှင့် ရပ်ကွက် (၉) တို့မှ နေအိမ်များစွာ မှာလည်း ထိခိုက်ပျက်စီးမှုများရှိနေသည်။ တိုက်ပွဲများ ပြန်လည် ပြင်းထန်လာမှုကြောင့် မြို့တွင်းသို့ ပစ္စည်းပြန်ယူရန် ပြင်ဆင်နေသည့် စစ်ဘေးရှောင်များ အနေဖြင့် မြို့တွင်းသို့ လုံးဝမဝင်ကြရန် သတိပေးမှုများ ထွက်ပေါ်နေသည်။ မန္တလေးမြို့တွင် စစ်ဘေးရှောင်နေရသည့် ကသာမြို့ခံ အမျိုးသမီးတစ်ဦးက မြို့တွင်းအခြေအနေနှင့်ပတ်သက်၍ ယခုကဲ့သို့ ပြောသည်။ “ကျမတို့ ကသာမြို့နဲ့လည်း အဆက်အသွယ်မရပါဘူး။ ပတ်ဝန်းကျင်ကနေ ကြားတဲ့လူတွေက ပြောပြပေး တာ။ အခြေနေက မကောင်းပါဘူး။ မနေ့တုန်းကလည်း ဗုံးတွေကြဲနေတယ်။ (မြို့ထဲ) မပြန်ခဲ့ကြနဲ့လို့ ပြောခဲ့ တာပဲ” ဟု အဆိုပါ အမျိုးသမီးက ပြောသည်။ ကသာမြို့ခံ အများစုမှာ တိုက်ပွဲစတင်ချိန် ကတည်းက မြစ်ကြီးနား၊ မန္တလေးမြို့ကြီးများအပြင် ဧရာဝတီ မြစ်ကမ်းဘေးရှိ ကျေးရွာများ၊ မိုးညှင်း၊ မိုးကောင်းနှင့် ရှမ်းပြည် မြောက်ပိုင်း မဘိန်းမြို့များအထိ ဖြန့်ကျက် ထွက်ပြေး တိမ်းရှောင်နေကြရသည်။ ကသာမြို့သိမ်းတိုက်ပွဲကို ကချင်လွတ်လပ်ရေး တပ်မတော် (KIA)၊ အမျိုးသား ညီညွတ်ရေး အစိုးရ (NUG) လက်အောက်ခံ ပြည်သူ့ကာကွယ်ရေးတပ် (PDF)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF)၊ ပြည်သူ့လွတ်မြောက်ရေး တပ်မတော် (PLA) နှင့် နွေဦးတော်လှန်ရေး မဟာမိတ်တပ်ပေါင်းစု (SRA) တို့ ပူးပေါင်းကာ တိုက်ခိုက်နေခြင်း ဖြစ်သည်။ စစ်ကော်မရှင်ဘက်ကမူ ဗျူဟာမြောက်သည့် ကသာမြို့ကို လက်မလွှတ်ရရေးအတွက် လေကြောင်းအင်အားကို အလွန်အကျွံသုံးစွဲ၍ ခုခံနေကြောင်း စစ်ရေးလေ့လာသူများနှင့် မြေပြင်သတင်းရင်းမြစ်များက သုံးသပ်ကြသည်။

ကသာတွင် တိုက်ပွဲများ ပြန်လည် ပြင်းထန်၊ စစ်ကော်မရှင်က အဆက်မပြတ် ဗုံးကြဲ

သောကြာနေ့ည ရုပ်သံသတင်း (၁၀-၁၀-၂၅)

သောကြာနေ့ည ရုပ်သံသတင်း (၁၀-၁၀-၂၅)

ဒီကနေ့ အစီအစဉ်ထဲမှာတော့ … မိုးမိတ်မှာ ဗုံးကြဲတိုက်ခိုက်ခဲ့လို့ ကလေးတွေ အပါအဝင် အရပ်သားတွေ အသက်ဆုံးရှုံးခဲ့ရပါတယ်။ မွန်နဲ့ တနင်္သာရီမှာလည်း အရပ်သားတွေ လေကြောင်းတိုက်ခိုက်မှု ခံရပါတယ်။ ဖားကန့်မှာ စစ်ကော်မရှင်က ဘာကြောင့် ညမထွက်ရ အမိန့်ထုတ်လိုက်တာပါလဲ

ထိုင်းရောက် အလုပ်သမားတွေအတွက် ပန်းရောင်ကတ် ပြုလုပ်ရမယ့် နေရာတွေက ဘယ်နေရာတွေလဲ၊ ဘယ်လိုလုပ်ရမှာလဲ။ ယူကရိန်းတိုက်ပွဲမှာ လောင်စာ အရင်းအမြစ်တွေကို ဘာလို့ အပြန်အလှန် တိုက်ခိုက်နေကြတာလဲ။ ယူကေက အိန္ဒိယ နိုင်ငံကို အပေါ့စား ဒုံးကျည်တွေ ရောင်းပေးလိုက်ပါတယ်။

ကမ္ဘာကျော် မုဒိမ်းမှုတစ်ခုမှာ အယူခံဝင်တဲ့သူကို တရားရုံးက ဘယ်လို အမိန့်ချမှတ်လိုက်သလဲ … စတာတွေတင်ဆက်ထားပါတယ်။

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

မြိတ်အကျဉ်းထောင်နှင့် ရဲဘက်စခန်းမှ လွတ်မြောက်သူများတွင် နိုင်ကျဉ်းပါဝင်မှု မရှိ
တနင်္သာရီမြို့နယ်အတွင်း လေယာဉ်ကွင်းဆောက်ရန် လူထု မြေများ သိမ်းယူ
၁၂ နှစ်အရွယ် လေးတန်းကျောင်းသား ဓါးဒဏ်ရာအများအပြားဖြင့် သေဆုံး
မိုးကုတ်တွင် စစ်တပ်က စစ်ကား ၃၀ ခန့်ဖြင့် စစ်အင်အားဖြည့်တင်း
ဖားဆောင်းလမ်းပိုင်းများ ၂ လကြာအထိ စစ်တပ် မဖွင့်နိုင်သေး

Archives

Archives

×Close