NMG Doh – Page 10 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Sep 21

ပဲခူး-ရခိုင် အစပ် ရိုးကျော်လမ်း တိုက်ပွဲ၌ တပ်ရင်းမှူး အပါအဝင် စစ်သား အများအပြား သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၁ ရက်။ ရခိုင်ပြည်၊ တောင်ကုတ်မြို့နယ်နှင့် ပဲခူးတိုင်း၊ ပန်းတောင်းမြို့နယ်တို့ကို ဆက်သွယ်ထားသည့် ရိုးကျော်လမ်း တိုက်ပွဲတွင် စစ်အုပ်စုတပ်ဘက်က တပ်ရင်းမှူးအဆင့်ရှိ ဗိုလ်မှူးတစ်ဦး အပါအဝင် စစ်တပ်ဘက်မှ အရာရှိနှင့် တပ်ဖွဲ့ဝင် အများအပြားသေဆုံးခဲ့သည်။ စက်တင်ဘာလ ပထမအပတ်မှစ၍ ၁၉ ရက်နေ့အထိ စစ်အုပ်စုတပ်နှင့် အာရက္ခတပ်တော် (AA) တို့အကြား ရိုးကျော်လမ်းတွင် တိုက်ပွဲများ အပြင်းအထန် ဖြစ်ပွားခဲ့ပြီး ဗိုလ်မှူးတစ်ဦး အပါအဝင် စစ်အုပ်စုတပ်ဘက်မှ အရာရှိနှင့် တပ်ဖွဲ့ဝင်အများအပြား သေဆုံးခဲ့ကြောင်း ဒေသခံ စစ်ရေးသတင်းအရင်းအမြစ်များက ပြောသည်။ ပန်းတောင်းမြို့နယ်ရှိ အမှတ် (၁၆) ကာကွယ်ရေးပစ္စည်းစက်ရုံ (ကပစ ၁၆) ၏ အဓိက ကာကင်းပွိုင့်တစ်ခု ဖြစ် သည့် ၆၆၆ ကုန်းနှင့် ညောင်ကျိုးစခန်းတို့ကို ပြန်လည်ရရှိရေးအတွက် စစ်အုပ်စုတပ်က စက်တင်ဘာလ ပထမ အပတ်မှစ၍ အင်အား ၂၀၀ ကျော်ဖြင့် စစ်ကြောင်းခွဲကာ ထိုးစစ်ဆင်ခဲ့သော်လည်း AA ရဲ့ တန်ပြန်ထိုးစစ်ကြောင့် အထိနာကာ တပ်ပြန်ဆုတ်ခဲ့ရခြင်း ဖြစ်သည်။ အဆိုပါ တိုက်ပွဲအတွင်း ပန်းတောင်းအခြေစိုက် ခလရ (၉၂) မှ တပ်မတော်ကာကွယ်ရေးဦးစီးချုပ်၏ ဂုဏ်ပြု လက်မှတ် ရရှိထားသူ၊ စစ်တက္ကသိုလ် အပတ်စဉ် (၅၂) ဆင်း ဗိုလ်မှူး ဝေကမ္ဘာစိုး သေဆုံးခဲ့သည့်အပြင် ၆၆၆ ကုန်းအနီးရှိ စစ်အုပ်စု၏ ယာယီထောက်ပို့စခန်းတစ်ခုကိုပါ အာရက္ခတပ်တော် (AA) က ထပ်မံ သိမ်းပိုက်ရရှိခဲ့ သည်။ ပဲခူးဒေသခံ စစ်ရေးသတင်းအရင်းအမြစ် အမျိုးသားတစ်ဦးက “၆၆၆ ကုန်းနဲ့ ညောင်ကျိုးစခန်းကို AA ဆီက ပြန်ယူဖို့ စက်တင်ဘာလ အစကတည်းက စစ်တပ်က အင်အား ၂၀၀ လောက်နဲ့ စစ်ကြောင်းခွဲပြီး ထိုးတာ။ ပထမ တော့ စစ်ကြောင်းအားနဲ့ ထိုးနေတာ အခြေအနေကောင်းတယ်ဆိုပေမဲ့ ရက်တာရှည်လာတော့ AA ရဲ့ တန်ပြန် ထိုးစစ်မှာ ဗိုလ်မှူးဝေကမ္ဘာစိုး ကျသွားတယ်။ ညောင်ကျိုးရွာနား တိုက်ပွဲမှာ ကျသွားတာ။ အဲဒါကြောင့် စစ်တပ် က တပ်ဆုတ်လိုက်ရတော့ ၆၆၆ ကုန်းအနီး စစ်တပ် ထောက်ပို့စခန်းကိုပါ AA က ထပ်ရလိုက်တယ်” ဟု ပြော သည်။ ထို့ပြင် အဆိုပါ တိုက်ပွဲများတွင် စစ်အုပ်စုတပ်က စစ်ရေးအတွေ့အကြုံ မရှိသည့် စစ်မှုထမ်းသင်တန်းဆင်း ပြည်သူ့စစ်သစ်များကို ရှေ့တန်းတင်ကာ တိုက်ခိုင်းခဲ့သည့်အတွက် အာရက္ခတပ်တော်၏ ကြိုတင်ပြင်ဆင်ထား သည့် တန်ပြန်တိုက်ခိုက်မှုများကြောင့် စစ်အုပ်စုတပ်ဘက်မှ အကျအဆုံး ပိုမိုများပြားခဲ့ရခြင်း ဖြစ်သည်။ လက်ရှိတွင် ညောင်ကျိုးဘက်သို့ ထိုးစစ်ဆင်လာသည့် စစ်အုပ်စုတပ်သည် လေလာတောင်နှင့် ညောင်ကျိုး ကျေးရွာအကြားတွင် ကြားဖြတ်တိုက်ခိုက်ခံရပြီး တိုက်ပွဲများ ဆက်လက် ဖြစ်ပွားနေသည့်အတွက် ဆင်လန် ကျေးရွာ အထိုင်စခန်းမှ လက်နက်ကြီးနှင့် ဒရုန်းများဖြင့် ပစ်ကူပေးနေရသည်။ တိုက်ပွဲအတွင်း အထိနာသွားသည့် စစ်အုပ်စုတပ်သည် ကပစ (၁၆) ဘက်သို့ တပ်ဆုတ်သွားခဲ့ရပြီး လက်ရှိတွင် အင်အား ပြန်လည်ဖြည့်တင်းကာ တောင်ကုတ်-ပန်းတောင်း လမ်းပေါ်သို့ ထပ်မံတက်ရောက်ရန် ပြင်ဆင်လျက် ရှိကြောင်း မြေပြင်သတင်းရင်းမြစ်က ပြောသည်။ တောင်ကုတ်-ပန်းတောင်း ရိုးကျော်လမ်းပေါ်ရှိ ညောင်ကျိုး ဗျူဟာစခန်းကုန်းကို ၂၀၂၅ ခုနှစ် ဧပြီလ ၂ ရက်တွင် လည်းကောင်း၊ ၆၆၆ ပွိုင့်ကုန်းကို ၂၀၂၅ ခုနှစ် အောက်တိုဘာလ ၁၄ ရက်တွင်လည်းကောင်း အာရက္ခတပ်တော် (AA) က တိုက်ခိုက်သိမ်းပိုက် ထိန်းချုပ်ထားခဲ့ခြင်း ဖြစ်သည်။ ဓါတ်ပုံ - (ပုံဟောင်း / AA) #ပန်းတောင်းမြို့နယ်

ပဲခူး-ရခိုင် အစပ် ရိုးကျော်လမ်း တိုက်ပွဲ၌ တပ်ရင်းမှူး အပါအဝင် စစ်သား အများအပြား သေဆုံး

Sep 21

တောင်ကြီး ပတ်စ်ပို့ရုံးတွင် ပွဲစားများအား ရုံးလုပ်ငန်းများ လုပ်ပိုင်ခွင့် ပေးထား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၁ ရက်။ ရှမ်းပြည် တောင်ပိုင်း၊ တောင်ကြီးမြို့ရှိ နိုင်ငံကူးလက်မှတ်ထုတ်ပေးရေးရုံးတွင် ရုံးတာဝန်ခံကိုယ်တိုင် ပွဲစားများ ကို ရုံးအတွင်းနေရာပေးကာ ရုံးဝန်ထမ်းများကဲ့သို့ လုပ်ပိုင်ခွင့်ပေးထားသည့်အပြင် ပြည်သူများထံမှ ငွေကြေးများ ကိုပါ ကောက်ခံခိုင်းနေကြောင်း ပတ်စ်ပို့ သွားရောက်ပြုလုပ်သူများက ပြောသည်။ တောင်ကြီးမြို့ ပတ်စ်ပို့ရုံးတာဝန်ခံ (OC) ဒေါ်ဥမ္မာဆိုသူက ပြီးခဲ့သည့် ဩဂုတ်လအတွင်း ဝန်ထမ်းမလုံလောက်ဟု အကြောင်းပြကာ ပွဲစား ၃၀ ထက်မနည်းကို ရုံးလုပ်ငန်းများ စေခိုင်းထားပြီး ရုံးတာဝန်ခံအခန်း၊ ဓာတ်ပုံရိုက်ခန်း နှင့် စာအုပ်ထုတ်ခန်းတို့တွင် နေရာချထားပေးထားခြင်း ဖြစ်သည်။ ယခုရက်ပိုင်းအတွင်း ပတ်စ်ပို့ရုံးသို့ သွားရောက်ခဲ့သူတစ်ဦးက “တောင်ကြီးရုံးက ပွဲစားလား၊ ဝန်ထမ်းလား တောင် ခွဲမရတော့ဘူး။ အခန်းထဲမှာ လုပ်ပေးနေတာလည်း ပွဲစားတွေ။ အပြင်မှာ လုပ်မလား လိုက်မေးနေတာ လည်း ပွဲစားလို့ ပြောလို့ရတယ်။ ပွဲစားက လုပ်တဲ့သူတွေထက်တောင် များနေတာ။ တိုကင်နဲ့ဆိုတော့ သူတို့ လုပ်ကွက် ဖြစ်နေတာပေါ့” ဟု ပြောသည်။ ထိုသို့ ရုံးအတွင်း နေရာယူထားသည့် ပွဲစားများက ဖောင်ကြေးအဖြစ် ရှမ်းပြည်မြောက်ပိုင်းမှ လာရောက် လျှောက်ထားသူများကို ကျပ် ၇ သောင်းနှင့် ရှမ်းပြည်တောင်ပိုင်း ဒေသခံများကို ကျပ် ၅ သောင်းအသီးသီး ကောက်ခံနေကြကြောင်း ဆိုသည်။ လက်ရှိ စနစ်အရ ပတ်စ်ပို့ (နိုင်ငံကူးလက်မှတ်/စာအုပ်) ပြုလုပ်ရန်အတွက် တိုကင်စနစ်ဖြင့် သတ်မှတ်ထားပြီး တောင် ကြီးရုံးတွင် တစ်ရက်လျှင် လူဦးရေ ၁၅၀ ဝန်းကျင်သာ ပေးဆောင်ရာ၌ အဆိုပါ တိုကင်များကိုလည်း တောင်ကြီးရုံးတွင် တစ်ခုလျှင် ၄ သောင်းခွဲကျပ်နှုန်းဖြင့် ပတ်စ်ပို့ ပြုလုပ်သူများက ဝယ်ယူနေကြရသည်။ အွန်လိုင်းမှ QR စနစ်ဖြင့် တိုကင်ရယူသည့် စနစ်ကို စစ်အုပ်စုက ဖော်ဆောင်ထားသော်လည်း မြေပြင်တွင် ပွဲစားများ၏ စေခိုင်းမှုဖြင့်သာ အဆင်ပြေနေသည့်အတွက် ပွဲစားကြေး အနည်းငယ် ကျဆင်းသွားသည်မှအပ ထူးခြားသည့် ပြောင်းလဲမှု မရှိသေးကြောင်း ပြည်ပသို့ ထွက်ခွာရန် စောင့်ဆိုင်းနေသူများက ဝေဖန်နေကြသည်။ ပတ်စ်ပို့ လျှောက်ထားရာတွင် ကိုယ်တိုင် ပြုလုပ်သူများမှာ အနည်းဆုံး ၃ ရက်ခန့် တန်းစီစောင့်ဆိုင်းရသော် လည်း ပွဲစားနှင့် အပ်သူများမှာမူ တစ်ရက်တည်းဖြင့် ကိစ္စပြီးပြတ်ကြောင်း ဆိုကြသည်။ ပြည်ပသို့ ထွက်ခွာရန် စောင့်ဆိုင်းနေသူတစ်ဦးက “တိုကင်က QR ပေးတယ်။ အဲဒါက ပွဲစားရော၊ ဒီတိုင်း လုပ် တဲ့သူရော တန်းစီရတာ။ ဒါပေမဲ့ ပွဲစားက တန်းစီပြီးတာနဲ့ နောက်ရက် ချိန်းသွားပြီးရင် ကိစ္စပြတ်ပြီ။ ကိုယ် တိုင်လုပ်ရင် လက်ဗွေနှိပ်တာနဲ့ မျက်စိ Scan ဖတ်တာ ထပ်ပြီး သွားရတယ်။ အဲဒါလည်း တော်တော် စောင့်ရ တယ်” ဟု ပြောသည်။ တောင်ကြီး ပတ်စ်ပို့ရုံးတွင် အစအဆုံး ကိုယ်တိုင် လုပ်ဆောင်ပါက ကျပ် ၁ သိန်းဝန်းကျင် ကုန်ကျပြီး ပွဲစားနှင့် အပ်ပါက ကျပ် ၃ သိန်းခွဲခန့် ကုန်ကျသည့်အပြင် စာအုပ်ထုတ်ယူသည့် အခါတွင်လည်း ကျပ် ၁ သောင်း ထပ်မံ ပေးဆောင်ရကြောင်း ပတ်စ်ပို့ ပြုလုပ်ခဲ့သူများက ပြောသည်။ ဓါတ်ပုံ - (ပုံဟောင်း / Crd) #တောင်ကြီး #ပတ်စ်ပို့

တောင်ကြီး ပတ်စ်ပို့ရုံးတွင် ပွဲစားများအား ရုံးလုပ်ငန်းများ လုပ်ပိုင်ခွင့် ပေးထား

Sep 21

စစ်ရှိန်မြင့်လာ၍ စစ်တွေ- ပုဏ္ဏားကျွန်း အစပ်ရှိ ဒေသခံထောင်ပေါင်းများစွာ ဘေးလွတ်ရာသို့ ရွှေ့ပြောင်းနေရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၁ ရက်။ ရခိုင်ပြည်၊ စစ်တွေနှင့် ပုဏ္ဏားကျွန်းမြို့နယ် အစပ်တွင် စစ်အုပ်စုတပ်နှင့် အာရက္ခတပ်တော် (AA) တို့အကြား တိုက်ပွဲများ အပြင်းအထန် ဖြစ်ပွားနေပြီး စစ်အုပ်စု၏ လေကြောင်းနှင့် လက်နက်ကြီး တိုက်ခိုက်မှုများကြောင့် ဒေသခံထောင်ပေါင်းများစွာ ဘေးလွတ်ရာသို့ ထွက်ပြေး ရွှေ့ပြောင်းနေကြရသည်။ တိုက်ပွဲများ ပိုမိုပြင်းထန်လာနေသည့်အတွက် ပုဏ္ဏားကျွန်းမြို့နယ် တောင်ပိုင်းရှိ ကျေးရွာ ၁၅ ရွာထက်မနည်းမှ ဒေသခံများကို ဘေးလွတ်ရာသို့ အမြန်ဆုံး ရွှေ့ပြောင်းကြရန် အာရက္ခတပ်တော် (AA) က အိမ်တိုင်ရာရောက် ကွင်းဆင်းကာ သတိပေးနိုးဆော်ထားသည်။ ပြီးခဲ့သည့် စက်တင်ဘာ ဒုတိယအပတ်မှစ၍ စစ်တွေ-ပုဏ္ဏားကျွန်း နယ်စပ်ရှိ စပါးထား၊ ဆားကုန်းပို့၊ ခမောင်း တော ကာကင်းစခန်းနှင့် အမြင့်ကျွန်း တံတားဂိတ်များကို စစ်အုပ်စုတပ်က စစ်ကြောင်းထိုး ထိန်းချုပ်ရန် ကြိုး ပမ်းခဲ့သော်လည်း AA က ပြန်လည် တိုက်ခိုက် သိမ်းပိုက်ခဲ့သည့်အတွက် စစ်အုပ်စုတပ်ဘက်က လက်နက်ကြီးနှင့် လေကြောင်း ပစ်ကူများ သုံးကာ နယ်မြေ ပြန်လည်ရရှိရေး အပြင်းအထန် ထိုးစစ်ဆင်နေခြင်း ဖြစ်သည်။ အဆိုပါ စစ်ရေးအခြေအနေကြောင့် စစ်တွေနှင့် ပုဏ္ဏားကျွန်း အစပ်ရှိ ငှက်ကြီးကျွန်း၊ အလယ်ကျွန်း၊ ပဒေသာ၊ မက္ကာလာကျ၊ ကျွန်းချေ၊ ဆားပြင်ကြီးနှင့် တောင်ပေါက် စသည့် ကျေးရွာများမှ သက်ကြီးရွယ်အိုများနှင့် အပြစ်မဲ့ ပြည်သူများ ပိတ်မိမနေစေရန် အာရက္ခတပ်တော် တာဝန်ရှိသူများက အသိပေး ရွှေ့ပြောင်းခိုင်းနေခြင်း ဖြစ်သည်။ ဒေသခံ စစ်ရေးသတင်းအရင်းအမြစ် အမျိုးသားတစ်ဦးက “စစ်တွေနဲ့ ပုဏ္ဏားကျွန်း အစပ်က ရွာတွေကို စစ်တပ် က လေယာဉ်တွေရော၊ ဒရုန်းတွေပါ သုံးပြီး အုပ်စုလိုက် ဗုံးကြဲနေတာ။ တိုက်ပွဲက ၂ ပတ်ကျော် ပြင်းထန်လာ တာပါ။ ရွာတွေထဲ သက်ကြီးရွယ်အိုတွေနဲ့ ကလေးတွေ ကျန်ခဲ့မှာစိုးလို့ AA က အိမ်တိုင်ရာရောက် လာပြီး ဘေးလွှတ်ရာ ရွှေ့ကြဖို့ အသိပေးနေတာ ဖြစ်ပါတယ်” ဟု ပြောသည်။ လက်ရှိတွင် ငှက်ကြီးကျွန်း၊ အလယ်ကျွန်း၊ မက္ကာလာကျ၊ ကွန်းတောင်၊ ညောင်ရည်ချောင်း၊ ရဲရိုးပြင်နှင့် ဝါဘို အပါအဝင် ကျေးရွာ ၂၀ နီးပါး၏ ကောင်းကင်ယံတွင် စစ်အုပ်စု၏ တိုက်လေယာဉ်များ အဆက်မပြတ် ပျံဝဲနေ သည့်အပြင် ရဟတ်ယာဉ်များ၊ စစ်ရေယာဉ်များနှင့် ဒရုန်းများပါ အသုံးပြု၍ ရွာများအတွင်းသို့ လက်နက်ကြီး များဖြင့် ပစ်ခတ်နေသည့်အတွက် ပြည်သူများမှာ အိုးအိမ်များကို စွန့်ခွာ၍ ဘေးလွှတ်ရာသို့ ရွှေ့ပြောင်းနေ ကြရသည်။ သို့သော်လည်း ဒေသတွင်း၌ သမားရိုးကျ လမ်းကြောင်းအများစု ပိတ်ဆို့ခံထားရခြင်း၊ စစ်အုပ်စုတပ်က မြစ် ကြောင်းနှင့် ကုန်းလမ်း အထွက်ပေါက်များကို လက်နက်ကြီးနှင့် လေကြောင်းမှ စောင့်ကြည့် ပစ်ခတ်နေခြင်း တို့ကြောင့် စစ်ဘေးရှောင်များအတွက် ခရီးလမ်း အန္တရာယ်ကြီးမားလှသည့်အပြင် သယ်ယူပို့ဆောင်ရေး ယာဉ် စရိတ်များ မြင့်တက်နေခြင်း၊ သက်ကြီးရွယ်အိုများနှင့် နာတာရှည်လူနာများကို ရွှေ့ပြောင်းရန် ခက်ခဲခြင်းတို့ ကြောင့် ထွက်ပြေးတိမ်းရှောင်ရာတွင် ကြီးမားသည့် အခက်အခဲများနှင့် ရင်ဆိုင်နေကြရသည်။ ဒေသခံ အမျိုးသမီးတစ်ဦးက “လက်နက်ကြီးသံတွေ၊ လေယာဉ်သံတွေ ကြားရတော့ ဘာမှမယူနိုင်ဘဲ ဗုံးခိုကျင်း ထဲကို ပြေးရတာပါ။ သက်ကြီးရွယ်အိုတွေကို ထမ်းပြေးရတာရော၊ ကလေးတွေနဲ့မို့ လမ်းမှာ စစ်တပ်က လေယာဉ်နဲ့ ဗုံးကြဲမှာရော အရမ်းကြောက်ရတာ။ လမ်းစရိတ်တွေကလည်း အရင်ထက် နှစ်ဆ၊ သုံးဆလောက် ပေးနေရတော့ တော်တော်လေး ဒုက္ခရောက်နေကြရတယ်” ဟု ပြောသည်။ လက်ရှိတွင် စစ်အုပ်စုတပ်သည် ပုဏ္ဏားကျွန်းနှင့် စစ်တွေ နယ်စပ်တစ်လျှောက် စစ်အင်အားနှင့် လက်နက်ကြီး ပစ်အားများကို ဆက်တိုက် ဖြည့်တင်းနေပြီး အရပ်သားပစ်မှတ်များကိုပါ ဦးတည် တိုက်ခိုက်နေသည့်အတွက် ဒေသတွင်း တိုက်ပွဲများ ပိုမိုပြင်းထန်လာနိုင်ဖွယ်ရှိကြောင်း ဒေသခံများနှင့် စစ်ရေးလေ့လာသူများက သုံးသပ် ထားကြသည်။ ဓါတ်ပုံ - (ပုံဟောင်း / ရခိုင်စစ်ရှောင်ပြည်သူများ - Crd) #စစ်တွေ #ပုဏ္ဏားကျွန်း #AA

စစ်ရှိန်မြင့်လာ၍ စစ်တွေ- ပုဏ္ဏားကျွန်း အစပ်ရှိ ဒေသခံထောင်ပေါင်းများစွာ ဘေးလွတ်ရာသို့ ရွှေ့ပြောင်းနေရ

Sep 21

ကမ္ဘာ့အမွေအနှစ်ဝင် သဘာဝထိန်းသိမ်းရေးနယ်မြေ၌ ခြင်္သေ့ ၁၀ ကောင် အဆိပ်ခတ်ခံရပြီး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၁ ရက်။ တန်ဇန်းနီးယားနိုင်ငံရှိ ကမ္ဘာ့အမွေအနှစ်ဝင် သဘာဝထိန်းသိမ်းရေး နယ်မြေတစ်ခု၌ ခြင်္သေ့ ၁၀ ကောင် အဆိပ်ခတ်ခံရပြီး သေဆုံးခဲ့သည်ဟု သံသယရှိကြောင်း AP သတင်းတွင် ဖော်ပြထားသည်။ တန်ဇန်းနီးယားနိုင်ငံ မြောက်ပိုင်း၊ ကမ္ဘာ့လှည့်ခရီးသွားများ အများဆုံး လာရောက်လေ့ရှိသည့် အင်ဂိုရွန်ဂိုရို (Ngorongoro) သဘာဝထိန်းသိမ်းရေးနယ်မြေအတွင်း၌ သေဆုံးနေသော ခြင်္သေ့ ၁၀ ကောင်ကို ပြီးခဲ့သည့် သောကြာနေ့က တွေ့ရှိခဲ့ခြင်းဖြစ်သည်။ သဘာဝထိန်းသိမ်းရေး အာဏာပိုင်အဖွဲ့၏ ပဏာမ စုံစမ်းစစ်ဆေးချက်များအရ အဆိုပါ ခြင်္သေ့များသည် အဆိပ်မိ၍ သေဆုံးခဲ့ခြင်း ဖြစ်နိုင်ကြောင်း ထုတ်ပြန်ထားသည်။ ဖြစ်စဉ်အမှန်နှင့် ကျူးလွန်သူများကို ဖော်ထုတ်နိုင်ရန် အပြည့်အဝ စုံစမ်းစစ်ဆေးမှုများ စတင်နေပြီဖြစ်သည်။ အာဖရိက အရှေ့ပိုင်းဒေသများ၌ ဒေသခံများနှင့် တောရိုင်းတိရစ္ဆာန်များအကြား ပဋိပက္ခများကြောင့် တောရိုင်းသတ္တဝါများ၏ အသက်အန္တရာယ်မှာ စိန်ခေါ်မှုများနှင့် ရင်ဆိုင်နေရသည်။ တန်ဇန်းနီးယားနိုင်ငံသည် ကမ္ဘာ့တောရိုင်း ခြင်္သေ့ကောင်ရေ အများဆုံး စုဝေးရာ ဒေသတစ်ခု ဖြစ်သည်။ #Ngorongoro

ကမ္ဘာ့အမွေအနှစ်ဝင် သဘာဝထိန်းသိမ်းရေးနယ်မြေ၌ ခြင်္သေ့ ၁၀ ကောင် အဆိပ်ခတ်ခံရပြီး သေဆုံး

Sep 21

ဒွိုင်အင်ထနွန် အမျိုးသားဥယျာဉ်ရှိ အပန်းဖြေစခန်းနှစ်ခု တောင်ကျရေကြောင့် ခေတ္တပိတ်ထား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၁ ရက်။ ထိုင်းနိုင်ငံ၏ အမြင့်ဆုံးတောင်ထိပ်ဖြစ်သော ဒွိုင်အင်ထနွန် တည်ရှိရာ အမျိုးသားဥယျာဉ်အတွင်းရှိ အပန်းဖြေစခန်းနှစ်ခုကို တောင်ကျချောင်းရေ အန္တရာယ်ကြောင့် ခေတ္တပိတ်ထားကြောင်း အမျိုးသား ဥယျာဉ် အာဏပိုင်များက ကြေညာထားသည်။ ပိတ်ထားသည့် နေရာများမှာ ဖာဒေါ့စီယောင် သဘာဝလေ့လာရေးလမ်းကြောင်း (Pha Dok Siao Nature Trail) နှင့် မယ့်ယ ရေတံခွန်တို့ ဖြစ်ကြသည်။ တောင်ကျရေနှင့်အတူ နှုန်းမြေများ စီးဆင်းလာပြီး သစ်သားတံတားများ ပျက်စီးနိုင်ခြင်း၊ ရေစီးသန်သဖြင့် မျောပါသွားနိုင်ခြင်းတို့ကြောင့် ခရီးသွား ပြည်သူများ၏ ဘေးအန္တရာယ်အတွက် အရေးပေါ် ခေတ္တပိတ်ထားရခြင်းဖြစ်ကြောင်း The Nation သတင်းတွင် ဖော်ပြထားသည်။ အဆိုပါ နေရာများကို ရေဘေးအန္တရာယ် ကင်းရှင်းပြီး စိတ်ချရပြီဟု အမျိုးသားဥယျာဉ် တာဝန်ရှိသူများက အတည်ပြုပြီးမှသာ ပြန်လည်ဖွင့်လှစ်ပေးသွားမည်ဖြစ်သည်။ သို့ဖြစ်ပါ၍ ဒွိုင်အင်ထနွန်သို့ သွားရောက်လည်ပတ်မည့် ခရီးသွားများအနေဖြင့် တားမြစ်ထားသည့် နေရာများသို့ သွားရောက်ခြင်း မပြုကြရန်နှင့် ခရီးမထွက်ခွာမီ ဥယျာဉ်၏ တရားဝင် ဖေ့စ်ဘုတ်ခ်စာမျက်နှာ သို့မဟုတ် သတင်းပြန်ကြားရေးဌာနတို့၌ မိုးလေဝသ အခြေအနေများကို ကြိုတင်စုံစမ်းကြရန် မေတ္တာရပ်ခံထားသည်။ #ဒွိုင်အင်ထနွန်အမျိုးသားဥယျာဉ် #doiinthanonnationalpark

ဒွိုင်အင်ထနွန် အမျိုးသားဥယျာဉ်ရှိ အပန်းဖြေစခန်းနှစ်ခု တောင်ကျရေကြောင့် ခေတ္တပိတ်ထား

Sep 21

မြောက်ကိုရီးယားက ပဲ့ထိန်းဒုံးကျည်များ ထပ်မံစမ်းသပ်ပစ်လွှတ် သတင်နှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၁ ရက်။ မြောက်ကိုရီးယားနိုင်ငံသည် အရှေ့ဘက် ပင်လယ်ပြင်သို့ တနင်္ဂနွေနေ့က ခေတ်မီပဲ့ထိန်းဒုံးကျည်ဟု ယူဆရသော ဒုံးကျည်နှစ်စင်းကို ထပ်မံစမ်းသပ်ပစ်လွှတ်လိုက်သည်။ ဂျပန်နှင့် တောင်ကိုရီးယား စစ်ဘက်ဆိုင်ရာ တာဝန်ရှိသူများ၏ ထုတ်ပြန်ချက်အရ အဆိုပါဒုံးကျည်သည် ခရီးအကွာအဝေး ကီလိုမီတာ ၄၄၀ ခန့် ပျံသန်းခဲ့ပြီး အမြင့် ကီလိုမီတာ ၆၀ ခန့်အထိ ရောက်ရှိကာ ဂျပန်နိုင်ငံ၏ သီးသန့်စီးပွားရေးဇုန် (EEZ) ပြင်ပ ပင်လယ်ပြင်သို့ ကျရောက်ခဲ့ကြောင်း သိရသည်။ အဆိုပါ ဒုံးကျည်စမ်းသပ်မှုသည် ကုလသမဂ္ဂ အပြည်ပြည်ဆိုင်ရာ အနုမြူစွမ်းအင် အေဂျင်စီ (IAEA) ၏ နူကလီးယားအစီအစဉ်ဆိုင်ရာ ဆုံးဖြတ်ချက်ကို မြောက်ကိုရီးယား နိုင်ငံခြားရေးဝန်ကြီးဌာနက ငြင်းဆိုလိုက်ပြီး ရက်ပိုင်းအကြာ၌ ထွက်ပေါ်လာခြင်းဖြစ်သည်။ အမေရိကန်သမ္မတ ဒေါ်နယ်ထရမ့်နှင့် မြောက်ကိုရီးယားခေါင်းဆောင် ကင်ဂျုံအွန်တို့ ပြန်လည်တွေ့ဆုံမည်ဆိုသည့် သတင်းများနှင့်အတူ တောင်ကိုရီးယားသမ္မတ လီဂျေးမြောင်းကလည်း နှစ်ဖက်ဆွေးနွေးမှုများ ပြန်လည်စတင်ရန် တိုက်တွန်းနေချိန်၌ အဆိုပါ ဒုံးကျည်ပစ်လွှတ်မှု ပေါ်ပေါက်လာခြင်း ဖြစ်သည်။ သို့သော်လည်း မြောက်ကိုရီးယားခေါင်းဆောင်၏ ညီမဖြစ်သူ ကင်ယိုဂျုံက အမေရိကန်၊ တောင်ကိုရီးယားနှင့် ဂျပန်တို့၏ မကြာသေးမီက ပူးတွဲစစ်ရေးလေ့ကျင့်မှုများကို "စစ်ရေးစမ်းသပ်မှု" အဖြစ် ပြစ်တင်ရှုတ်ချခဲ့သည်။ #မြောက်ကိုရီးယား

မြောက်ကိုရီးယားက ပဲ့ထိန်းဒုံးကျည်များ ထပ်မံစမ်းသပ်ပစ်လွှတ်

Sep 21

ကနေဒါကို ဥရောပသမဂ္ဂ (EU) မိတ်ဖက်အဖွဲ့ဝင် ဖြစ်ရေး ပြင်သစ်သမ္မတ ထောက်ခံ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၂၁ ရက်။ ပြင်သစ်သမ္မတ အီမန်နျူရယ် မက်ခရွန်သည် ကနေဒါနိုင်ငံအား ဥရောပသမဂ္ဂ (EU) ၏ ပထမဦးဆုံး မိတ်ဖက်အဖွဲ့ဝင်နိုင်ငံ (Associate Member) အဖြစ် ပါဝင်လာရေး ကြိုးပမ်းမှုကို အပြည့်အဝ ထောက်ခံကြောင်း ထုတ်ဖော်ပြောကြားလိုက်သည်။ ပြီးခဲ့သည့် တနင်္ဂနွေနေ့က ကနေဒါနိုင်ငံ၌ ပြင်သစ်သမ္မတ မက်ခရွန်နှင့် ကနေဒါဝန်ကြီးချုပ် မာခ် ကာနီ (Mark Carney) တို့ တွေ့ဆုံဆွေးနွေးခဲ့ကြခြင်းဖြစ်သည်။ တွေ့ဆုံမှုအတွင်း နည်းပညာ၊ ကာကွယ်ရေး၊ စွမ်းအင်နှင့် စီးပွားရေးကဏ္ဍတို့၌ နှစ်နိုင်ငံကြား ရင်းနှီးသော မဟာမိတ်ဆက်ဆံရေး ပိုမိုခိုင်မာစေရန် သဘောတူညီခဲ့ကြသည်။ အထူးသဖြင့် အာကာသနည်းပညာနှင့် ကာကွယ်ရေးကဏ္ဍတို့တွင် အခြေခံအဆောက်အအုံများကို ပူးတွဲအသုံးပြုရန်နှင့် စွမ်းအင်၊ ဆက်သွယ်ရေးနှင့် ရာသီဥတုပြောင်းလဲမှုဆိုင်ရာ ကိစ္စရပ်များ၌ ပူးပေါင်းဆောင်ရွက်မှု တိုးမြှင့်သွားမည်ဖြစ်သည်။ အမေရိကန်ပြည်ထောင်စုနှင့် ဆက်ဆံရေး တင်းမာလာချိန်တွင် ကနေဒါနိုင်ငံအနေဖြင့် ဥရောပဘက်သို့ ဦးလှည့်လာခြင်းဖြစ်ပြီး၊ ဥရောပကော်မရှင် ဥက္ကဋ္ဌ အာဆူလာ ဖွန်ဒါ လေယန် ကလည်း ကနေဒါကို EU ၏ မိတ်ဖက်အဖွဲ့ဝင်နိုင်ငံ ဖြစ်လာစေရန် လွန်ခဲ့သည့် ရက်ပိုင်းက အဆိုပြုထားသည်။ ကနေဒါဝန်ကြီးချုပ် မာခ် ကာနီ ကလည်း ဥရောပနှင့် နီးကပ်သော ဆက်ဆံရေး ထူထောင်ခြင်းသည် ကနေဒါနိုင်ငံအတွက် ရွေးချယ်စရာ လမ်းကြောင်းသစ်များ ရရှိစေမည်ဖြစ်သကဲ့သို့ ဘက်ပေါင်းစုံမှ စီးပွားရေးအရ ဖိအားပေး ခြိမ်းခြောက်ခံရမှုများကိုလည်း လျှော့ချနိုင်မည်ဖြစ်ကြောင်း ပြောကြားခဲ့သည်။ #EUAssociateMember

ကနေဒါကို ဥရောပသမဂ္ဂ (EU) မိတ်ဖက်အဖွဲ့ဝင် ဖြစ်ရေး ပြင်သစ်သမ္မတ ထောက်ခံ

Sep 20

ပန်တိုဂျာကို အမှတ်ဖြင့်နိုင်ပြီး ဂျော့ရှုဝါးဗန် UFC ချန်ပီယံခါးပတ် ကာကွယ်

ပန်တိုဂျာကို အမှတ်ဖြင့်နိုင်ပြီး ဂျော့ရှုဝါးဗန် UFC ချန်ပီယံခါးပတ် ကာကွယ်

Sep 20

ညောင်ဦး-ချောက် လမ်းဘေးရှိ ကျေးရွာများ မီးရှို့ခံရပြီး အရပ်သား ထောင်ချီ စစ်ဘေးရှောင်နေရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၉ ရက်။ မန္တလေးတိုင်း၊ ညောင်ဦးမြို့နယ်အတွင်း ညောင်ဦးမြို့နှင့် မြို့နယ်အစပ် စဉ့်ကူရွာကြားရှိ ကျေးရွာများကို စစ်တပ်က ရွာစဉ်လှည့်ကာ စစ်ကြောင်းထိုး မီးရှို့နေသဖြင့် အမျိုးသမီးများ၊ ကလေးငယ်များနှင့် သက်ကြီးရွယ်အိုများ အပါအဝင် အရပ်သား ထောင်ချီ၍ စစ်ဘေးလွတ်ရာသို့ တိမ်းရှောင်နေကြရသည်။ မန္တလေးတိုင်း၊ ညောင်ဦးမြို့နယ်အဆုံးရှိ စဉ့်ကူရွာမှ စတင်ကာ ချောက်-ညောင်ဦး ကားလမ်းဘေး ဘယ်၊ ညာရှိ ကျေးရွာများကို စစ်အုပ်စုတပ်က နေ့စဉ် စစ်ကြောင်းထိုး၍ နေအိမ်များ မီးရှို့ခြင်း၊ ပစ္စည်းများ လုယက်ခြင်းနှင့် ပြည်သူများကို ဖမ်းဆီးခြင်းတို့ ပြုလုပ်နေခြင်းဖြစ်သည်။ မီးလောင်ဖျားမြောက်ရွာမှ အသက် ၅၀ ကျော်အရွယ် အမျိုးသမီးတစ်ဦးက “နေ့စဉ် စစ်ကြောင်းထိုးနေတာ တစ်ပတ်ကျော်သွားပြီ။ နေအိမ်တွေ မီးရှို့၊ သေနတ်နဲ့ပစ်၊ ဒရုန်းနဲ့ဗုံးကြဲ ရွာတိုင်းကို လုပ်နေတာ။ ဗုံးမှန်ပြီး သေကြတယ်၊ တချို့ အဖမ်းခံကြရတယ်။ ပစ္စည်းဆိုတာကတော့ အဝတ်အထည်ကောင်းရင်တောင် ယူသွား ကြတာ” ဟု ပြောသည်။ ပြီးခဲ့သည့် စက်တင်ဘာလ ၁၃ ရက်နေ့က မီးလောင်ဖျားမြောက်ရွာကို စစ်အုပ်စုတပ်က ဒရုန်းဖြင့် ဗုံးချခဲ့သဖြင့် သားအမိ ၃ ဦး အပါအဝင် အမျိုးသမီး ၄ ဦး သေဆုံးခဲ့ပြီး အမျိုးသားတစ်ဦး ဒဏ်ရာရရှိခဲ့သည်။ ထို့ပြင် စက်တင်ဘာလ ၁၄ ရက်နှင့် ၁၅ ရက်တို့တွင် ကျောက်ပြင်ကန်ကျေးရွာကို မီးရှို့ခဲ့သဖြင့် အိမ်ခြေ ၂၀၀ ကျော် မီးလောင်ဆုံးရှုံးခဲ့ရပြီး အသက် ၅၀ ကျော်အရွယ် အမျိုးသား ၂ ဦးကိုလည်း ဖမ်းဆီးခေါ်ဆောင်သွားခဲ့ သည်။ အဆိုပါ စစ်အုပ်စုတပ်သည် ယာတောကြီးကျေးရွာမှ စစ်ရှောင်လာသည့် အမျိုးသမီး ၆ ဦးနှင့် တွေ့ဆုံစဉ် ၎င်းတို့ပါလာသည့် ဖုန်း ၆ လုံးနှင့် အစားအသောက်များကို လုယူသွားခဲ့ကြောင်း ဒေသခံများက ဆိုသည်။ မီးလောင်ဖျားမြောက်ရွာမှ အမျိုးသမီးတစ်ဦးကလည်း “အိမ်တွေကို မီးမရှို့ခင် စိတ်ကြိုက်ပစ္စည်းတွေကို ကားပေါ်တင်ယူသွားတာ။ လိုချင်တာ မရှိတော့ဘူးဆိုမှ မီးရှို့ခဲ့ကြတာ။ နေစရာ၊ ဝတ်စရာ၊ စားစရာ ဘာမှ မရှိတော့ဘူး” ဟု ပြောသည်။ စဉ့်ကူ၊ ပြည်တော်သာ၊ မီးလောင်ဖျားတောင်ရွာ၊ မီးလောင်ဖျားမြောက်ရွာ၊ ရွာသစ်၊ ကြအိုကျွန်း၊ ကြအို၊ မြေသန့်တောင်၊ ဇက၊ မအူပင်နှင့် ပျော်ဘွယ် စသည့် ချောက်-ညောင်ဦး ကားလမ်းဘေးရှိ ကျေးရွာ ၁၁ ရွာမှ ဒေသခံများသည် ဧရာဝတီမြစ် အနောက်ဘက်ကမ်းသို့ စစ်ဘေးတိမ်းရှောင်နေကြရသည်။ အလားတူ ပုဂံမြို့ အရှေ့တောင်ဘက်၊ ကျောက်ပန်းတောင်း-ညောင်ဦး ကားလမ်းကြားရှိ ယာတောကြီး၊ ပျဉ်းချောင်း၊ သဖျင်းကန်၊ မကျီးတိုင်း၊ ကျောက်ကန်၊ ကန်နီပေါက်၊ ရွာလေး၊ ချောင်းဝ၊ အနောက်အုံ၊ ဇီးစမြင်၊ ကျောက်ပြင်ကန်နှင့် မြောင် စသည့် ကျေးရွာ ၁၂ ရွာမှ ပြည်သူများသည် ချောက်ကြိုချောက်ကြားများသို့ စစ်ဘေးတိမ်းရှောင်နေရသည်ဟု ဆိုသည်။ စက်တင်ဘာလ ၁၁ ရက်နေ့မှစ၍ စစ်အုပ်စုတပ်သည် အင်အား ၂၀၀ ကျော်ခန့်ဖြင့် စစ်ကြောင်း ၂ ကြောင်းခွဲကာ ရွာစဉ်လှည့်စစ်ကြောင်းထိုးနေခြင်းဖြစ်ပြီး စက်တင်ဘာလ ၁၇ ရက်နေ့ညက မီးလောင်ဖျား၊ ကြအိုနှင့် ကြအို ကျွန်းကျေးရွာတို့တွင် စခန်းချ၍ သေနတ်များ ပစ်ဖောက်ခဲ့ကြောင်း ဒေသခံများက ပြောသည်။ အဆိုပါ စဉ့်ကူမြို့နယ်နှင့် ညောင်ဦးမြို့နယ်အတွင်းရှိ စစ်ကြောင်းထိုးခံနေရသော ဒေသသည် နိုင်ငံတကာအဆင့် မဟာဗျူဟာမြောက် မြန်မာ-တရုတ် ရေနံနှင့် သဘာဝဓာတ်ငွေ့ပိုက်လိုင်း စွမ်းအင်စီမံကိန်းကြီး ဖြတ်သန်း ဖောက်လုပ်ထားသည့် ဒေသလည်းဖြစ်သည်။ ဓာတ်ပုံ - (စစ်အုပ်စုတပ်၏ မီးရှို့မှုကြောင့် ပျက်စီးသွားသည့် ကျေးရွာတစ်ရွာမှ မြင်ကွင်း။ / Crd) #ညောင်ဦးမြို့နယ်

ညောင်ဦး-ချောက် လမ်းဘေးရှိ ကျေးရွာများ မီးရှို့ခံရပြီး အရပ်သား ထောင်ချီ စစ်ဘေးရှောင်နေရ

« Prev 1 … 8 9 10 11 12 … 1,148 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

ဂျပန်နိုင်ငံက အမြဲတမ်းနေထိုင်ခွင့် လျှောက်ထားခအား အဆ ၂၀ ထိ တိုးမြှင့် — October 1, 2026 6:37 pm
လာအိုနိုင်ငံတွင် တရုတ်စစ်တပ်က စစ်ရေးအထောက်အကူပြု လေကြောင်းစခန်းသစ် ဖွင့်လှစ် — October 1, 2026 6:35 pm
ဗြိတိန် သုတေသနများအား တရုတ်ထောက်လှမ်းရေးများက အသုံးချနေကြောင်း MI5 သတိပေး — October 1, 2026 6:35 pm

Recent Posts

ကချင်နှင့် ရှမ်း-ကချင်အစပ် မြို့နယ် ၆ ခုတွင် KIA နှင့် စစ်အုပ်စုတပ်တို့ တိုက်ပွဲများ ဆက်လက်ပြင်းထန်
ဂျပန်နိုင်ငံက အမြဲတမ်းနေထိုင်ခွင့် လျှောက်ထားခအား အဆ ၂၀ ထိ တိုးမြှင့်
လာအိုနိုင်ငံတွင် တရုတ်စစ်တပ်က စစ်ရေးအထောက်အကူပြု လေကြောင်းစခန်းသစ် ဖွင့်လှစ်
ဗြိတိန် သုတေသနများအား တရုတ်ထောက်လှမ်းရေးများက အသုံးချနေကြောင်း MI5 သတိပေး
ကာလင်နင်ဂရက်ဒေသအား ပိတ်ဆို့ပါက နျူကလီးယားလက်နက်ဖြင့် တုံ့ပြန်မည်ဟု ရုရှား သတိပေး

Archives

Archives

×Close