NMG Doh – Page 181 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Oct 4

AA ကို တရားဝင်အစိုးရအဖြစ် အသိအမှတ်ပြုရန် အရပ်ဘက်အဖွဲ့ ၂၀၂ ဖွဲ့ တောင်းဆို   သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၄ ရက်။ အာရက္ခတပ်တော် (ULA/AA) ကို ရခိုင်ပြည်၏ တရားဝင်အစိုးရအဖြစ် အသိအမှတ်ပြုပေးရန်အတွက် အရပ်ဘက်အဖွဲ့အစည်း ၂၀၂ ဖွဲ့ကျော်က ကုလသမဂ္ဂနှင့် နိုင်ငံတကာ သံအမတ်များကို တောင်းဆိုလိုက်သည်။ ရခိုင် - အမေရိကန် အသိုက်အဝန်း (AAC) အပါအဝင် အိန္ဒိယ၊ ဘင်္ဂလားဒေ့ရှ် နယ်စပ်အခြေစိုက် အရပ်ဘက်အဖွဲ့ ၂၀၂ ဖွဲ့က စက်တင်ဘာ ၂၉ ရက်နေ့တွင် ဤတောင်းဆိုချက်ပါ အိတ်ဖွင့်ပေးစာကို ပူးတွဲထုတ်ပြန်ခဲ့ခြင်းဖြစ်သည်။ AA သည် ရခိုင်ပြည်၏ ၉၃ ရာခိုင်နှုန်းခန့်ကို ထိန်းချုပ်ထားပြီး အုပ်ချုပ်ရေး၊ တရားစီရင်ရေး၊ လုံခြုံရေး၊ ကျန်းမာ ရေး၊ ပညာရေးနှင့် လူမှုဖွံ့ဖြိုးရေးစသည့် ယန္တရားများအ ားလုံးကို လက်တွေ့ အကောင်အထည် ဖော်နေသည် ဟု ထုတ်ပြန်ချက်က ဖော်ပြသည်။ ရခိုင်ပြည်နှင့် ဘင်္ဂလားဒေ့ရှ် နယ်စပ်ဒေသတို့မှ လုံခြုံရေးဆိုင်ရာ ပြဿနာများ ဖြေရှင်းရန်နှင့် လူသားချင်း စာနာမှု အကူအညီများ ပေးနိုင်ရန်အတွက် AA ကို လက်တွေ့အစိုးရအဖြစ် အသိအမှတ်ပြု ဆက်ဆံပေးရန် တောင်းဆိုရခြင်းဖြစ်ကြောင်း သိရသည်။ အိတ်ဖွင့်ပေးစာကို ကုလသမဂ္ဂအပြင် အမေရိကန်၊ EU နှင့် အာဆီယံအဖွဲ့ဝင်နိုင်ငံများသို့ ပေးပို့ခဲ့သည်။

AA ကို တရားဝင်အစိုးရအဖြစ် အသိအမှတ်ပြုရန် အရပ်ဘက်အဖွဲ့ ၂၀၂ ဖွဲ့ တောင်းဆို  

Oct 3

အောင်လအင်ဆန်၏ နောက်ဆုံး နှုတ်ဆက်ပွဲစဉ် ထိုးသတ်မည်    သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၃ ရက်။ MMA ဖိုက်တာ မြန်မာ့စပါးအုံး အောင်လအင်ဆန်၏ ကစားသမားဘဝ နောက်ဆုံးပွဲစဉ်ကို အောက်တိုဘာလ ၄ ရက်နေ့၊ နံနက်ပိုင်းတွင် ထိုင်းနိုင်ငံ၊ ဘန်ကောက်မြို့၌ ကျင်းပမည် ဖြစ်သည်။ အောင်လအင်ဆန်သည် ၎င်း၏ နှုတ်ဆက်ပွဲစဉ်အဖြစ် ဆွီဒင်ဖိုက်တာ ဇဘက်ဇရှန် ကာဒက်စတမ်နှင့် ယှဉ်ပြိုင်ထိုးသတ်မည်ဖြစ်သည်။ အောင်လအင်ဆန်ကို ချစ်ခင်သော ပရိသတ်များမှာ ၎င်း၏ နောက်ဆုံးပွဲစဉ်အတွက် ရင်ခုန်စိတ်လှုပ်ရှား နေကြသည်။ ONE Championship တွင် အောင်လအင်ဆန်သည် စုစုပေါင်း ၁၉ ပွဲကစား ၁၄ ပွဲနိုင် ရလဒ်ကောင်းကို ပိုင်ဆိုင်ထားသူ ဖြစ်သည်။ ၎င်း၏ ပြိုင်ဘက် ကာဒက်စတမ်ကမူ ONE Championship ၌ ၁၁ ပွဲကစား ၇ ပွဲနိုင် ထားသူဖြစ်သည်။ မြန်မာ့စပါးအုံးကို ချစ်ခင်အားပေးသော ပရိသတ်များမှာ ၎င်း၏ နောက်ဆုံးပွဲစဉ်ကို စောင့်ကြည့်ရန် ရင်ခုန် စိတ်လှုပ်ရှားနေကြပြီး အောင်လအင်ဆန်အား အားလုံးအတူတကွ အားပေးကြရန်လည်း တိုက်တွန်းထား ကြောင်း သိရသည်။

အောင်လအင်ဆန်၏ နောက်ဆုံး နှုတ်ဆက်ပွဲစဉ် ထိုးသတ်မည်   

Oct 3

မန္တလေးမြို့လယ်တွင် ရွေးကောက်ပွဲ ဆန့်ကျင်ရေး လှုပ်ရှားမှုများ ဖော်ဆောင်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၃ ရက်။ မန္တလေးမြို့လယ်တွင် စစ်ကော်မရှင်တပ်၏ အတုအယောင် ရွေးကောက်ပွဲကို ဆန့်ကျင်ကန့်ကွက်သည့် မြို့ပေါ် လူထုလှုပ်ရှားမှုများ ဖော်ဆောင်ခဲ့ကြောင်း မန္တလေး သပိတ်ခေါင်းဆောင် ဒေါက်တာ တေဇာဆန်းက ပြောသည်။ ဒေါက်တာ တေဇာဆန်းသည် ယင်းလှုပ်ရှားမှုမြင်ကွင်း ဓာတ်ပုံများကို ၎င်း၏ လူမှုကွန်ရက်စာမျက်နှာတွင် တင်ခဲ့ပြီး စစ်အုပ်စုအပေါ် မန္တလေးပြည်သူများ၏ နာကြည်းချက်မှာ ရင်နှင့်အပြည့်ဖြစ်ကြောင်း ဖော်ပြခဲ့သည်။ ပျူလက်ပါးစေများ သောင်းကျန်းမှုနှင့် စစ်မှုထမ်း ခေါင်းစဉ်ဖြင့် ဖမ်းဆီးငွေညှစ်မှုများကို ကြုံတွေ့နေရသည့် မန္တလေးပြည်သူများသည် စစ်အုပ်စုက လုပ်ဆောင်မည့် အတုအယောင် ရွေးကောက်ပွဲကို ခါးသီးစွာ ဆန့်ကျင် ရွံမုန်းကြသည်ဟုလည်း ၎င်းက ဆိုသည်။ ပြည်သူ့တော်လှန်ရေးတွင် ပြည်သူသာ အဓိက ဖြစ်ကြောင်းနှင့် ပြည်သူလူထု ထောက်ခံ ပါဝင်နေသရွေ့ တော်လှန်ရေးသည် ရှေ့ရှုနေမည် ဖြစ်ကြောင်း တိုက်တွန်းခဲ့သည်။ ထို့အပြင် ပြည်သူများ အားလုံး အနေဖြင့် အာဏာရူး စစ်အုပ်စုကို "ငုံ့မခံဘဲ" ရရာနည်းလမ်း အစုံဖြင့် "တုံ့ပြန်" နေကြရန်လည်း တိုက်တွန်းပြောကြားခဲ့သည်။

မန္တလေးမြို့လယ်တွင် ရွေးကောက်ပွဲ ဆန့်ကျင်ရေး လှုပ်ရှားမှုများ ဖော်ဆောင် 

Oct 3

စက်တင်ဘာအတွင်း ရခိုင်အရပ်သား သေဆုံးမှု ၂၃ ဦးဟု AA ဆို   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၃ ရက်။ ရခိုင်ပြည်နယ်ဒေသများတွင် စက်တင်ဘာလအတွင်း စစ်ကောင်စီတပ်၏ လေကြောင်း ဗုံးကြဲတိုက်ခိုက်မှုများ ကြောင့် အပြစ်မဲ့ အရပ်သားပြည်သူ စုစုပေါင်း ၂၃ ဦး သေဆုံးခဲ့ကြောင်း အာရက္ခတပ်တော် (AA) က အောက်တိုဘာလ ၂ ရက်နေ့တွင် ထုတ်ပြန်ခဲ့သည်။ အဆိုပါ ထုတ်ပြန်ချက်အရ ကျောက်တော်မြို့နယ်သည် သေဆုံးသူ အများဆုံးရှိခဲ့သည့်မြို့ဖြစ်ပြီး စက်တင်ဘာလ ၁၂ ရက်နေ့တွင် သရက်တပင်ရွာရှိ ပညာပန်းခင်းနှင့် အမြင်သစ် ကိုယ်ပိုင်အထက်တန်းကျောင်းကို ဗုံးကြဲတိုက်ခိုက်ခဲ့ရာ ကလေးငယ်များအပါအဝင် အရပ်သား ၂၀ ဦး သေဆုံးကာ ၂၁ ဦး ဒဏ်ရာရရှိခဲ့သည်။ အခြားဖြစ်စဉ်များအနေဖြင့် ပလက်ဝမြို့ကို စက်တင်ဘာ ၂၉ ရက်နေ့ နေ့လယ်ပိုင်းတွင် ဂျက်ဖိုက်တာဖြင့် ၃ ကြိမ် ဗုံးကြဲတိုက်ခိုက်ခဲ့ရာ သေဆုံးသူ ၂ ဦး၊ ဒဏ်ရာရသူ ၂၃ ဦး ရှိခဲ့သည်။ စက်တင်ဘာ ၂၇ ရက် ညပိုင်းတွင်လည်း သံတွဲမြို့ကို ဂျက်ဖိုက်တာဖြင့် ၂ ကြိမ် ဗုံးကြဲတိုက်ခိုက်ခဲ့ရာ သေဆုံးသူ ၁ ဦးနှင့် ဒဏ်ရာရသူ ၅ ဦး ရှိခဲ့ကြောင်း AA ၏ ထုတ်ပြန်ချက်တွင် ဖော်ပြထားသည်။

စက်တင်ဘာအတွင်း ရခိုင်အရပ်သား သေဆုံးမှု ၂၃ ဦးဟု AA ဆို  

Oct 3

ကျောက်မဲတိုက်ပွဲအတွင်း အရပ်သား ၁၅ ဦးထက်မနည်း သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၃ ရက်။ ရှမ်းပြည်မြောက်ပိုင်း၊ ကျောက်မဲမြို့ကို စစ်ကော်မရှင်တပ်ထံ လက်လွှတ်ခဲ့ရသည့် တိုက်ပွဲများအတွင်း အရပ်သားပြည်သူ ၁၅ ဦးထက်မနည်း သေဆုံးခဲ့ကြောင်း ဒေသတွင်း အရပ်ဘက် အဖွဲ့အစည်းများက ပြောသည်။ ကျောက်မဲမြို့သည် ဩဂုတ်လ ၁၆ ရက်နေ့မှ စက်တင်ဘာလ ၁ ရက်နေ့အထိ စစ်တပ်၏ ထိုးစစ်ဆင်မှု အပြင်း အထန် ခံခဲ့ရပြီးနောက် စစ်ကော်မရှင်တပ်က မြို့ကို ပြန်လည်ထိန်းချုပ်ခဲ့ခြင်းဖြစ်သည်။ တိုက်ပွဲကာလအတွင်း စစ်ကော်မရှင်တပ်သည် မြေပြင်ထိုးစစ်အပြင် လေကြောင်း၊ ဒရုန်းနှင့် လက်နက်ကြီး ပစ်ခတ်မှုများကို အလွန်အကျွံ အသုံးပြုခဲ့ကြောင်း တအာင်းတပ် (TNLA) ဘက်က ဆိုသည်။ TNLA ပြောခွင့်ရသူ လွေးယေဦး ကမူ ၎င်းတို့အနေဖြင့် ကျောက်မဲမြို့ကို လက်လွှတ်ခဲ့ရခြင်းသည် အဓိက အားဖြင့် စစ်ကောင်စီ၏ လက်နက်ခဲယမ်းနှင့် တပ်သားအင်အား အလွန်အကျွံသုံးစွဲမှု၊ ပြည်သူ့စစ်မှုထမ်းများကို အသုံးချမှု တို့အပြင် တရုတ်နိုင်ငံ၏ ဖိအားပေးမှုများကြောင့်ဟု ဆိုသည်။ ထို့အပြင် TNLA ဘက်တွင် လက်နက်ခဲယမ်းနှင့် တပ်သားအင်အား ကန့်သတ်ချက်များ ရှိလာခြင်းကြောင့် ဖြစ်ကြောင်း လွေးယေဦးက ပြောသည်။ နောင်ချိုဘက်မှ ထိုးစစ်ဆင်လာသော ခြေမြန်တပ်မ ၁၁၊ ၅၅ နှင့် ရမခ လက်အောက်ခံ စကခ ၁ တပ်ဖွဲ့ဝင်များက ဩဂုတ်လလယ်မှစ၍ ကျောက်မဲမြို့နယ်ထဲက ထန်းတပင်ရွာကို စတိုက်ပြီး ထိုးစစ်ဆင်ခဲ့ခြင်း ဖြစ်သည်။ စက်တင်ဘာလ ၁ ရက်နေ့တွင် စစ်ကောင်စီတပ်သည် မြို့မရဲစခန်းအပါအဝင် ရပ်ကွက် ၉ ခုလုံးကို ပြန်လည် ထိန်းချုပ်ခဲ့သည်။ သို့သော်လည်း ကျောက်မဲ - နမ့်ဆန် အထွက်ရှိ ခမရ ၅၀၆၊ ၅၀၇ နှင့် စကခ ၁ စခန်းများကိုမူ TNLA က ဆက်လက် ထိန်းချုပ်ထားဆဲ ဖြစ်သည်။

ကျောက်မဲတိုက်ပွဲအတွင်း အရပ်သား ၁၅ ဦးထက်မနည်း သေဆုံး  

Oct 3

ရွှေဘိုမြို့တွင် လက်နက်ကြီးကျည်ကျရောက်၍ ကိုရင် ၄ ပါး ပျံလွန်၊ ဘုန်းကြီး ၇ ပါး ဒဏ်ရာရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၃ ရက်။ စစ်ကိုင်းတိုင်း၊ ရွှေဘိုမြို့နယ်တွင် စစ်ကော်မရှင်တပ်၏ လက်နက်ကြီး ပစ်ခတ်မှုကြောင့် အသက် ၁၄ နှစ်အရွယ် ကိုရင်ငယ် ၄ ပါး ပျံလွန်တော်မူခဲ့ပြီး ဘုန်းကြီး ၇ ပါး ထိမှန်ဒဏ်ရာ ရရှိခဲ့ကြောင်း ဒေသခံများထံမှ သိရသည်။ အောက်တိုဘာလ ၂ ရက်နေ့ နံနက် ၁၁ နာရီခန့်တွင် ရွှေဘိုမြို့တောင်ဘက် ၁ မိုင်ခန့်အကွာ၌ စစ်ကော်မရှင် တပ် နှင့် ဒေသကာကွယ်ရေးအဖွဲ့များ အကြား တိုက်ပွဲဖြစ်ပွားနေစဉ် လက်နက်ကြီးကျည်သည် သမိုင်းဝင် အောင်မြေ ဘုန်းကြီးကျောင်းအတွင်း ကျရောက် ပေါက်ကွဲခဲ့ခြင်း ဖြစ်သည်။ ပျံလွန်တော်မူခဲ့သော ကိုရင်ငယ်များမှာမှာ ရှင်ဉာဏိက၊ ရှင်ဥတ္တမ၊ ရှင်ဝိမလ တို့အပါအဝင် လေးပါးလုံးမှာ အသက် ၁၄ နှစ် ဝန်းကျင်များ ဖြစ်ကြသည်။ ထို့အပြင် ကျောင်းတိုက်အတွင်းရှိ ဘုန်းကြီး ၇ ပါးမှာလည်း ထိမှန်ဒဏ်ရာများ ရရှိခဲ့သည်။ ရွှေဘိုမြို့အဝင်မုဒ်ဦးမှတစ်ဆင့် ခတဂဏန်းရွာသို့ ဝင်ရောက်လာသော စစ်ကော်မရှင် တပ်ဖွဲ့ဝင်များနှင့် ဒေသကာကွယ်ရေးတပ်ဖွဲ့များ ထိတွေ့တိုက်ပွဲ ဖြစ်ပွားခဲ့ခြင်း ဖြစ်ပြီး၊ ရွှေဘိုမြို့ ကညနတွင် တပ်စွဲထားသည့် စစ်ကော်မရှင်တပ်က ၁၂၀ မမ လက်နက်ကြီးများဖြင့် အဆက်မပြတ် ပစ်ကူပေးနေခဲ့ကြောင်း ဒေသခံများက ပြောသည်။ လက်ရှိတွင် တိုက်ပွဲများကြောင့် ရွှေဘို-မန္တလေး လမ်းပိုင်ကို ယာယီအသုံးမပြုရန် ရွှေဘိုမြို့နယ် သတင်းမှန် ပြန်ကြားရေးအဖွဲ့က ထုတ်ပြန်အသိပေးထားသည်။

ရွှေဘိုမြို့တွင် လက်နက်ကြီးကျည်ကျရောက်၍ ကိုရင် ၄ ပါး ပျံလွန်၊ ဘုန်းကြီး ၇ ပါး ဒဏ်ရာရ  

Oct 2

မင်းသား ဗီဂျေး မဲဆွယ်ပွဲ လူပိ သေဆုံးသူ အများအပြားရှိ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂ ရက်။ အိန္ဒိယ ရုပ်ရှင်တွေ ကြည့်တဲ့ပရိဿတ်တွေကတော့ ထိပ်တန်း မင်းသား ဗီဂျေး (Vijay) ကို သိကြမယ် ထင်ပါတယ်။ သူဟာ ဟိုးအရင် တခေတ်က မင်းသားကြီး အမီတာဘ် ဘာချန် လိုပဲ အိန္ဒိယမင်းသားတွေထဲမှာ နာမည်အကြီးဆုံး ဖြစ်ပြီး နိုင်ငံရေးထဲမှာ ပါဝင်လာတဲ့ မင်းသား ဖြစ်ပါတယ်။ တမီလ် ရုပ်ရှင်လောကရဲ့ အကျော်ကြားဆုံး ကြယ်ပွင့်တွေထဲက တစ်ဦးလည်း ဖြစ်သလို အိန္ဒိယ နိုင်ငံရဲ့ ဝင်ငွေအကောင်းဆုံး ရုပ်ရှင်မင်းသား ဖြစ်ပါတယ်။ သူဟာ တမီးလ်နာဒူး ပြည်နယ်မှာ နိုင်ငံရေး ပါတီ တစ်ခုကို ထူထောင်ထားပါတယ်။ TVK လို့ အတိုကောက်ခေါ်တဲ့ သူ့ပါတီအတွက် မကြာသေးခင်ကတော့ မဲဆွယ်တရားပွဲတွေ ကျင်းပနေခဲ့ပါတယ်။ ရုပ်ရှင်လုပ်ငန်းမှာ ပရိဿတ်အားကောင်းကောင်းရထားတဲ့ Vijay ဟာ သူ့ပရိဿတ်တွေကို သူ့ပါတီရဲ့ အမာခံတွေ အဖြစ်လည်း ပြောင်းလဲနိုင်ခဲ့ပါတယ်။ ဒါပေမယ့် စက်တင်ဘာလ နောက်ဆုံးအပတ်ထဲမှာ လုပ်ခဲ့တဲ့ သူ့ရဲ့ မဲဆွယ် တရားဟောပွဲမှာတော့ တက်ရောက်ကြတဲ့ လူတွေ များလွန်းလို့ လူတွေ ကြပ်သိပ်ပြီး သေဆုံးမှုတွေ ဖြစ်ခဲ့ရပါတယ်။ ထောင်နဲ့ သောင်းနဲ့ ချီတဲ့ပရိဿတ်တွေကြားမှာ လူညပ်ပြီး အနည်းဆုံး လူ ၃၉ ဦး သေဆုံးခဲ့ပါတယ်။ အဲဒီအဖြစ်အပျက် အပြီးမှာတော့ Vijay က သူ့ရဲ့ တရားပွဲတွေကို နှစ်ပတ် ရပ်နားထားမယ်လို့ ကြေညာထားခဲ့ပါတယ်။

မင်းသား ဗီဂျေး မဲဆွယ်ပွဲ လူပိ သေဆုံးသူ အများအပြားရှိ

Oct 2

ဆွီဒင်က ကမ္ဘာတစ်ဝှမ်း လူသားချင်းစာနာမှု အတွက် ဒေါ်လာ ၈ ၂ သန်း ကူမည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂ ရက်။ ဆွီဒင် အစိုးရက ကမ္ဘာတစ်ဝှမ်း အကြပ်အတည်းများအတွက် ဆွီဒင်ခရိုနာ ၇၇၅ သန်းကို အကူအညီ အသစ်အဖြစ် ပံ့ပိုးမည်ဟု စက်တင်ဘာလ ၂၉ ရက်နေ့က ကြေညာသည်။ အဆိုပါ ပမာဏသည် အမေရိကန် ဒေါ်လာ ၈၂ သန်း ကျော်ဖြစ်သည်။ ဦးစားပေး သတ်မှတ်ထားသည့် နိုင်ငံ ဆယ်နိုင်ငံတွင် မြန်မာနိုင်ငံလည်း ပါဝင်သည်။ ဆွီဒင် နိုင်ငံတကာ ဖွံ့ဖြိုးရေး ကော်ပိုရေးရှင်း အေဂျင်စီ (SIDA) ၏ ထုတ်ပြန်ချက်အရ ၂၀၂၅ မကုန်ခင်တွင် မြန်မာနိုင်ငံအတွက် လူသားချင်းစာနာသည့် အကူအညီ အနေဖြင့် ဆွီဒင် ဒေါ်လာ ၂၃ သန်း (အမေရိကန် ဒေါ်လာ ၂ သန်းခွဲလောက်) ပေးအပ်သွားမည်ဟု ဆိုသည်။ ယူကရိန်း အတွက် ရံပုံငွေ လိုအပ်ခြင်းကြောင့် မြန်မာနိုင်ငံအတွက် ပေးနေသည် အကူအညီများကို ၂၀၂၆ ခုနှစ် ဇွန်လကုန်တွင် ဖြတ်တောက်သွားမည် ဖြစ်ကြောင်း ဆွီဒင်နိုင်ငံက စက်တင်ဘာလ ၁၁ ရက်နေ့ကတော့ ထုတ်ပြန်ထားသည်။

ဆွီဒင်က ကမ္ဘာတစ်ဝှမ်း လူသားချင်းစာနာမှု အတွက် ဒေါ်လာ ၈ ၂ သန်း ကူမည်

Oct 2

ရုရှား၏ တစ္ဆေ သင်္ဘောကို ပြင်သစ် စီးနင်း သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂ ရက်။ ရုရှားနိုင်ငံရဲ့ ရေနံတွေ တင်ဆောင်ပေးနေသည်ဟု သံသယ ရှိသည့် တစ္ဆေသင်္ဘော တစ်စီးကို ပြင်သစ် ရေတပ်က ဝင်ရောက်စီးနင်းပြီး အဆင့်မြင့် သင်္ဘော အရာရှိ နှစ်ဦးကို ထိန်းသိမ်းလိုက်သည်။ ပြင်သစ် အထူးတပ်ဖွဲ့များက နိုင်ငံတကာ ရေပိုင်နက်ထဲတွင် ရုရှားပိုင်ရေနံတွေကို သယ်ပို့နေတယ်လို့ ယူဆရသည့် “တစ္ဆေသင်္ဘော”ကို စီးနင်းခဲ့ခြင်း ဖြစ်သည်။ မကြာသေးခင်က ဒိန်းမတ်နိုင်ငံအပေါ်တွင် ဖြစ်ပွားခဲ့သော ဒရုန်းပျံသန်းမှုတွင် အဆိုပါ သင်္ဘော ပါဝင်ပတ်သက်မှု ရှိသည်ဟု ပြင်သစ်က သံသယ ရှိနေပြီး အဆိုပါ သင်္ဘောသည် “ပြင်းထန်သည့် ရန်လိုမှု” များတွင် ပါဝင် ပါတ်သက်နေသည်ဟု ပြင်သစ် သမ္မတက ပြောသည်။ အဆိုပါ သင်္ဘောသည် ဒိန်းမတ်မှ စက်တင်ဘာ ၂၂ ရက်နှင့် ၂၅ ရက်ကြားတွင် ထွက်ခွာလာခြင်း ဖြစ်သည်ဟု သင်္ဘောစောင့်ကြည့်ရေး အချက်အလက်များကို ကိုးကားပြီး AFP သတင်းဌာနက ထုတ်ပြန်ထားသည်။ ဘီနင် Benin နိုင်ငံ အလံ လွှင့်ထူထားသည့် Boracay (ဘိုရာကေး) အမည်နှင့် သင်္ဘောကို ဥရောပ သမဂ္ဂက အမည်ပျက်စာရင်းတွင် ထည့်သွင်းထားခဲ့သည်။ အခုတော့ ပြင်သစ်ပိုင် Brest မြို့ ရှိ တရားရေး ဝန်ထမ်းများက ပြင်သစ်ရေတပ်၏ စွပ်စွဲချက်များအပေါ် အခြေခံ၍ ဖမ်းဆီးထားသော သင်္ဘောကို တရားစွဲဆိုနိုင်ရန် စုံစမ်းစစ်ဆေးမှုများ လုပ်ဆောင်နေသည်။

ရုရှား၏ တစ္ဆေ သင်္ဘောကို ပြင်သစ် စီးနင်း

« Prev 1 … 179 180 181 182 183 … 1,115 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

မီဒီယာများအတွက် နည်းပညာကုမ္ပဏီကြီးများကို အခွန်ကောက်မည့် ဥပဒေ ဩစတြေးလျ အတည်ပြု — August 21, 2026 8:07 pm
ထိုင်ဝမ် ကာကွယ်ရေးဘတ်ဂျက် စံချိန်တင် အတည်ပြု — August 21, 2026 8:04 pm
အမေရိကန်-တောင်ကိုရီးယား စစ်ရေးလေ့ကျင့်မှု ရုတ်တရက် ရပ်ဆိုင်း — August 21, 2026 8:02 pm

Recent Posts

ရွှေကူ လေကြောင်းတိုက်ခိုက်မှုတွင် ကိုယ်ဝန်ဆောင် အမျိုးသမီးအပါ အရပ်သားများ ဒဏ်ရာရ
သောင်ရင်းမြစ်ရေတက်ပြီး မြဝတီနှင့် မဲဆောက်တွင် ရေကြီးရေလျှံမှုဖြစ်
အင်းလေးရေ မြင့်တက်လာ၍ ကြိုတင်ရွှေ့ပြောင်းမှုများ ပြုလုပ်
မြောင် ဘုန်းကြီးကျောင်း ဥပုသ်နေ့တွင် ဗုံးကြဲခံရ၍ ၁၂ ဦး ထက်မနည်း သေဆုံး
ဂွနှင့်သံတွဲကို စစ်တပ်က လေယာဉ်အုပ်ဖွဲ့ ဗုံးကြဲမှုကြောင့် စစ်ဘေးရှောင်များ ဒဏ်ရာရ

Archives

Archives

×Close