NMG Doh – Page 183 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Oct 1

အမေရိကန်မှာ သောင်းကျန်းနေတဲ့ ရှဉ့်ကလေး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၃၀ ရက်။ လမ်းမတွေဘေးက ဓါတ်ကြိုးတွေပေါ်မှာ သစ်ပင်တွေပေါ်မှာ ခုန်လိုက်ပြေးလိုက် သွားနေတဲ့ အမွှေးဖွားဖွား အကောင်လေးတွေ တွေ့ဘူးမှာပါ။ အဲဒီ ရှဉ့်လေးတွေ တွေ့ရင် ချစ်စနိုးလေး ကြည့်တတ်ကြပါတယ်။ ဒါပေမယ့် အမေရိကန် နိုင်ငံမှာတော့ အဲ့လို ရှဉ့်လေး တစ်ကောင်အတွက် သတိပေးချက်တွေ ထုတ်ပြန်ထားရပါတယ်။ အမေရိကန် ကယ်လီဖိုးနီးယားပြည်နယ် ဆန် ရေဖယ်လ် (San Rafael) နဲ့ လူးကပ်စ် ဗယ်လီ (Lucas Valley) နေရာတွေမှာ ကြော်ညာလေးတွေ ကပ်ထားတာ တွေ့ရပါတယ်။ ကြော်ညာလေးတွေထဲမှာတော့ ဒေါသထွက်နေတဲ့ ရှဉ့်တကောင်က လူတွေကို တိုက်ခိုက်လေ့ရှိနေတာမို့ သတိထားကြဖို့ သတိပေးထားပါတယ်။ လူတွေ မွေးထားခဲ့တယ်လို့ ယုံကြည်ရတဲ့ ရှဉ့်ငယ်လေးတစ်ကောင် ဟာ လူတွေကို လိုက်လိုက် ကိုက်နေလို့ အနည်းဆုံး လူ ၂ ယောက်ကို ဆေးရုံက အရေးပေါ် လူနာခန်းကို ပို့လိုက်ရတယ်လို့ တောရိုင်း တိရစ္ဆာန် ကျွမ်းကျင်သူတွေက ပြောပါတယ်။ အဲဒီ သတိပေးကြော်ငြာထဲမှာက “စိတ်အလွန် ဆိုးနေတဲ့ ရှဉ့်” တကောင်က လူတွေကို တိုက်ခိုက်နေတယ်၊ “အဲဒီရှဉ့်ဟာ ဘယ်ကမှန်းမသိ ထွက်လာပြီး လူတွေကို တိုက်ခိုက်တတ်တယ်” လို့ ရေးထားပါတယ်။ WildCare လို့ခေါ်တဲ့ တောရိုင်း တိရစ္ဆာန် ကယ်ဆယ်ရေး ဌာနက ဆက်သွယ်ရေး ဒါရိုက်တာ အယ်လီဆင် ဟာမန့်စ် (Alison Hermance) ကတော့ လူသားတွေ လက်သပ်မွေးထားတဲ့ ရှဉ့်ဆိုတာ သေချာတယ်လို့ ပြောပါတယ်။

အမေရိကန်မှာ သောင်းကျန်းနေတဲ့ ရှဉ့်ကလေး

Oct 1

မော်လ်ဒိုဗာ ပြည်သူများက ဥရောပနှင့် ပေါင်းရန် မဲပေး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၃၀ ရက်။ မော်လ်ဒိုဗာ ဟု ခေါ်သည့် နိုင်ငံလေးရှိ ပြည်သူများက ရုရှားအပေါ် ကြောက်ရွံ့မှုကို ထင်ထင်ရှားရှား ပြခဲ့ကြသည်။ ဥရောပနဲ့ ယူကရိန်းကြားမှာ ရှိတဲ့ မော်လ်ဒိုဗာ လို့ခေါ်တဲ့ အရှေ့ ဥရောပ နိုင်ငံငယ်လေးတွင် ရွေးကောက်ပွဲ ကျင်းပခဲ့ကြသည်။ နိုင်ငံရေး အင်အားစု နှစ်ခု ရှိနေပြီး လက်ရှိ အာဏာရ PAS ပါတီက ဥရောပနဲ့ ပေါင်းချင်ပြီး အတိုက်အခံများအထဲတွင် ရုရှားဘက်လိုက်လိုသူများ ရှိနေခဲ့သည်။ စက်တင်ဘာ ၂၈ ရက်က ကျင်းပခဲ့သည့် ရွေးကောက်ပွဲ ရလာဒ်များ ယနေ့ ထွက်ပေါ်လာပြီ ဖြစ်သည်။ မော်လ်ဒိုဗာ ပြည်သူများက ဥရောပနဲ့ နီးစပ်ရန် လိုလားသည်ဆိုသည်ကို ပြတ်ပြတ်သားသား ပြသခဲ့ကြသည်။ ရုရှား၏ စွက်ဖက် ဝါဒဖြန့်မှုများ ရှိနေကြောင်း စွပ်စွဲချက်များ ကြားမှပင် ဥရောပ လိုလားသည့် PAS ပါတီက ပါလီမာန်နေရာ အများစုကို အပြတ်အသတ် ဆက်လက် ရယူနိုင်ခဲ့သည်။ ထင်ရှားတဲ့ PAS ပါတီ ကိုယ်စားလှယ် Radu Marian က တော့ သူ၏ Facebook စာမျက်နှာတွင် မော်လ်ဒိုဗာ ၃ - ပူတင် ၀ ဟု တင်ထားခဲ့သည်။

မော်လ်ဒိုဗာ ပြည်သူများက ဥရောပနှင့် ပေါင်းရန် မဲပေး

Oct 1

ကမ္ဘာအနှံ့မှ အမေရိကန် ဗိုလ်ချုပ်များအား ရှောင်တခင် အစည်းအဝေး ဆင့်ခေါ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၃၀ ရက်။ အမေရိကန် စစ်တပ်က မကြုံစဖူး ကမ္ဘာအနှံ့အပြားတွင် တာဝန်ထမ်းဆောင် နေသော ကြယ်တစ်ပွင့် ဗိုလ်ချုပ်နှင့် အထက် အရာရှိကြီးများအား အချိန်တိုအတွင်း အစည်းအဝေး ခေါ်ယူခဲ့သည်။ အစည်းအဝေးကို ဗားဂျီးနီးယား ပြည်နယ် (Viginia) ရှိ မရိန်း တပ်ဖွဲ့ တက္ကသိုလ် (Marine Corps) ၏ ကွမ်တီကို (Quantico) စစ်စခန်းတွင် ပြုလုပ်ခဲ့သည်။ ထူးခြားသည်မှာ ကမ္ဘာအနှံ့ နိုင်ငံပေါင်း ၁၂ နိုင်ငံ ကျော်တွင် တာဝန်ထမ်းဆောင်နေသော စစ်ဗိုလ်ချုပ်များ အားလုံးကို တပတ်အတွင်း အစည်းအဝေး ဆင့်ခေါ်ခဲ့ခြင်း ဖြစ်သည်။ အမေရိကန် စစ်ဌာနချုပ် ပင်တဂွန်က ခေါ်ယူခဲ့သည့် အစည်းအဝေးတွင် ကာကွယ်ရေး ဝန်ကြီး (နာမည်သစ်အရ ဆိုပါက စစ်ဝန်ကြီး) ပိ့တ် ဟက်ဆက်သ် Pete Hegseth သာမက သမ္မတ ဒေါ်နယ်ထရန့်ကလည်း ဗိုလ်ချုပ်များ အားလုံးကို ကိုယ်တိုင်တွေ့ဆုံ စကားပြောခဲ့သည်။ အစည်းအဝေး ကာလမှာ တစ်ရက်သာ ဖြစ်သည်။ တရားဝင် ထုတ်ပြန်ထားသည့် စစ်ဝန်ကြီး၏ မိန့်ခွန်းပါ အကြောင်းအရာများတွင် စစ်သည်တော် စိတ်ဓါတ် ပြန်လည် ထူထောင်ရေး၊ ရုပ်ပိုင်း စိတ်ပိုင်း စံနှုန်း သစ်များ ချမှတ်ရေး နှင့် စစ်ဝန်ကြီးဌာန၏ ဦးစားပေး လုပ်ငန်းစဉ်များကို စစ်ဘက်ခေါင်းဆောင်များအား ရှင်းပြရန် ဖြစ်သည်ဟု ဆိုသည်။ ထိုမျှလောက် များပြားသည့် ဗိုလ်ချုပ်များကို လုံခြုံရေး အန္တရာယ် အဖြစ်ခံပြီး နိုင်ငံရပ်ခြားမှ ရုတ်တရက် ခေါ်ယူခြင်းတွင် အရေးကြီးသည့် လျို့ဝှက်ချက် တစ်စုံတစ်ရာ ရှိနိုင်သည်ဟု သုံးသပ်မှုတွေ ရှိနေသည်။

ကမ္ဘာအနှံ့မှ အမေရိကန် ဗိုလ်ချုပ်များအား ရှောင်တခင် အစည်းအဝေး ဆင့်ခေါ်

Oct 1

ထိုင်းစက်ရုံမှ မြန်မာလုပ်သား ၁,၅၄၀ ဦး ရုတ်တရက် အလုပ်ဖြုတ်ခံရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၁ ရက်။ ထိုင်းနိုင်ငံ၊ ဖတ်ချ်ဘူရီခရိုင်ရှိ Cal-Comp စက်ရုံမှ မြန်မာအလုပ်သမား ၁,၅၄၀ ဦးသည် ကြိုတင် အကြောင်း ကြားခြင်း မရှိဘဲ ရုတ်တရက် အလုပ်ဖြုတ်ခံလိုက်ရကြောင်း အလုပ်သမားများက ပြောသည်။ အလုပ်ဖြုတ်ခံရသူ မြန်မာအလုပ်သမားများသည် ဖတ်ချ်ဘူရီခရိုင်ရှိ Cal-Comp စက်ရုံ၏ CD ရုံမှ ဖြစ်သည်။ ၎င်းတို့သည် အဆိုပါစက်ရုံ၌ အလုပ်ရရန်အတွက် တစ်ဦးလျှင် ဘတ် ၁၉,၀၀၀ ဖြင့် စမတ်ကြေးပေးသွင်းခဲ့ရပြီး သုံးလခန့်အကြာတွင် ရုတ်တရက် အလုပ်ဖြုတ်ခံလိုက်ရခြင်း ဖြစ်သည်။ ရုတ်တရက် အလုပ်ပြုတ်သွားသော မြန်မာအလုပ်သမားများသည် စက်ရုံအနီးတွင် စုဝေးနေကြပြီး ယင်းစုဝေး နေသည့် ရုပ်သံနှင့် ဓာတ်ပုံများမှာ လူမှုကွန်ရက်တွင် ပျံ့နှံ့ခဲ့သည်။ စက်ရုံဘက်မှ ထိုင်းရဲများကို ခေါ်ယူကာ စောင့်ကြည့်နေကြောင်း MHAC မဟာမိတ်အဖွဲ့ တာဝန်ခံ ကိုရဲမင်းက လူမှုကွန်ရက်စာမျက်နှာတွင် ရေးသားဖော်ပြခဲ့သည်။ MHAC မဟာမိတ်အဖွဲ့က အလုပ်သမားများ၏ လက်ရှိအခြေအနေနှင့်ပတ်သက်၍ ထိုင်းဥပဒေအတိုင်း ကူညီဆောင်ရွက်ပေးရန် လုပ်ဆောင်နေကြောင်းလည်း ပြောဆိုခဲ့သည်။

ထိုင်းစက်ရုံမှ မြန်မာလုပ်သား ၁,၅၄၀ ဦး ရုတ်တရက် အလုပ်ဖြုတ်ခံရ  

Oct 1

ကရင်နီ၊ ဒီးမော့ဆို၌ တိုက်ပွဲပြင်းထန်၊ စစ်ရှောင်များ ထပ်မံတိမ်းရှောင်ရန် ခက်ခဲနေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၁ ရက်။ ကရင်နီပြည်၊ ဒီးမော့ဆိုမြို့နယ်ထဲတွင် စစ်ကော်မရှင်တပ်၏ ထိုးစစ်ဆင်မှုများကြောင့် နှစ်ဖက်တိုက်ပွဲများ ဆက်လက်ပြင်းထန်နေပြီး ဒေသခံစစ်ရှောင်ပြည်သူများမှာ စိုးရိမ်ပူပန်မှု မြင့်တက်နေသည်။ ဒီးမော့ဆို - ဖရူဆို လမ်းမကြီးတစ်လျှောက် စစ်ကော်မရှင်တပ်နှင့် ကရင်နီတော်လှန်ရေး ပူးပေါင်းတပ်ဖွဲ့တို့ အကြား တိုက်ပွဲများ ပြင်းထန်နေဆဲဖြစ်ကြောင်း ဒေသခံများက ဆိုသည်။ စစ်ရှောင်ပြည်သူများကမူ လက်ရှိအခြေအနေများကြောင့် နေရာသစ်သို့ ထပ်မံတိမ်းရှောင်ရပါက မလွယ်ကူတော့ကြောင်းနှင့် ပြေးစရာနေရာလည်း မရှိတော့ကြောင်း ဒီးမော့ဆို အနောက်ခြမ်းမှ စစ်ရှောင် အမျိုးသမီးတစ်ဦးက ပြောသည်။ ဒေသခံ စစ်ရှောင်များသည် စစ်ကော်မရှင်တပ်က စစ်ရေးနှင့် အရပ်သား ပစ်မှတ် မခွဲခြားဘဲ လက်နက်ကြီး၊ ဒရုန်းနှင့် လေကြောင်း တိုက်ခိုက်မှုများကို ပိုမိုလုပ်လာမည်ကိုလည်း စိုးရိမ်နေကြသည်။ မြေပြင် စစ်ရေး အခြေအနေကြောင့် ဖရူဆို - ထားလဲ - နန်းဖဲ လမ်းမကြီး အပါအဝင် လမ်းသွယ်များနှင့် လွိုင်ကော် - ဒီးမော့ဆို - ဖရူဆို - ဘောလခဲ လမ်းမကြီးတို့ကိုလည်း စက်တင်ဘာ ၂၃ ရက်နေ့မှစ၍ ယနေ့ အချိန်အထိ ပိတ်ထားဆဲဖြစ်ကြောင်း ဒေသခံများထံမှ သိရသည်။

ကရင်နီ၊ ဒီးမော့ဆို၌ တိုက်ပွဲပြင်းထန်၊ စစ်ရှောင်များ ထပ်မံတိမ်းရှောင်ရန် ခက်ခဲနေ  

Oct 1

ရှမ်းမြောက်၊ ကျောက်မဲတွင် အရပ်သား ၂ ဦး မြေမြှုပ်မိုင်းနင်းမိ၍ သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၁ ရက်။ တိုက်ပွဲများ ဆက်တိုက်ဖြစ်ပွားနေသည့် ရှမ်းပြည် မြောက်ပိုင်း၊ ကျောက်မဲမြို့တွင် အရပ်သား ၂ ဦးသည် မြေမြှုပ်မိုင်းနင်းမိ၍ ပွဲချင်းပြီး သေဆုံးခဲ့ကြောင်း တအာင်းတပ် (TNLA) က သတင်းထုတ်ပြန်သည်။ စက်တင်ဘာလ ၂၉ ရက်နေ့တွင် ကျောက်မဲဒေသခံ အမျိုးသား ၂ ဦးသည် မြေမြုပ်မိုင်းနင်းမိ၍ သေဆုံးခဲ့ခြင်း ဖြစ်သည်။ သေဆုံးသူများအနက် တစ်ဦးမှာ အလောင်းပြာ သွားရောက်စွန့်ပစ်စဉ် မိုင်းနင်းမိခြင်းဖြစ်ပြီး၊ နောက်တစ်ဦးမှာ သုသာန်ကွင်းပြင်တွင် နွားလိုက်ရှာရင်း မိုင်းနင်းမိခဲ့ခြင်းဖြစ်ကြောင်း နီးစပ်သူများက ပြောသည်။ စက်တင်ဘာလအတွင်း ကျောက်မဲမြို့နယ်၌ ယခုကဲ့သို့ မြေမြုပ်မိုင်းနင်းမိသည့် ဖြစ်စဉ်များ ရှိခဲ့ဖူးပြီး စက်တင် ဘာ ၂၁ ရက်နေ့ကလည်း အမျိုးသား ၂ ဦးသည် လမ်းမပေါ်ရှိ မိုင်းကို နင်းမိ၍ သေဆုံးခဲ့ကြောင်း သိရသည်။

ရှမ်းမြောက်၊ ကျောက်မဲတွင် အရပ်သား ၂ ဦး မြေမြှုပ်မိုင်းနင်းမိ၍ သေဆုံး  

Oct 1

မောင်တောတွင် အရိုးစုသာ ကျန်တော့သည့် အရပ်သားအလောင်း ၆ လောင်း တွေ့ရှိ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၁ ရက်။ ရခိုင်ပြည်၊ မောင်တောမြို့နယ်ထဲတွင် အရိုးစုများသာ ကျန်တော့သည့် အရပ်သားအလောင်း ၆ လောင်းကို ရှာဖွေတွေ့ရှိခဲ့ကြောင်း အာရက္ခတပ်တော် (AA) က ထုတ်ပြန်ခဲ့သည်။ AA တပ်ဖွဲ့ဝင်များသည် စက်တင်ဘာလ ၂၈ ရက်နေ့ ညနေ ၃ နာရီခန့်က မောင်တောမြို့နယ်၊ အထက် အင်းချောင်းကျေးရွာအနီးတွင် လုံခြုံရေးဆောင်ရွက်နေစဉ် အရပ်သားများ၏ အလောင်းများကို နေရာ လေးခုတွင် ခွဲခြားတွေ့ရှိခဲ့ခြင်း ဖြစ်သည်။ အဆိုပါ အလောင်းများသည် အထက်အင်းချောင်းရွာအနီး ငှက်ပျောတောအုပ်ထဲမှ တွေ့ရှိခဲ့ခြင်း ဖြစ် ကြောင်း AA က ပြောသည်။ ကနဦးခန့်မှန်းချက်များအရ တွေ့ရှိရသည့် အလောင်းများသည် မောင်တောနယ်စပ် တမန်းသား ကျေးရွာနှင့် ဒုံးညိုကျေးရွာတို့မှ ပျောက်ဆုံးနေသော ရွာသားများ ဖြစ်နိုင်သည်ဟု ဆိုသည်။ အဆိုပါဒေသမှ လူပျောက်တိုင်ကြားမှု ၁၀ ဦးခန့် ရှိထားကြောင်းလည်း သိရသည်။ AA က ARSA အဖွဲ့သည် မောင်တောမြို့နယ်မြောက်ပိုင်း နယ်စပ်ရှိ AA ၏ တပ်စခန်းနှစ်ခုကို သိမ်း ပိုက်ရန် လုပ်ဆောင်နေပြီး၊ ယင်းစခန်းများသို့ သွားရာလမ်းတစ်လျှောက် တွေ့သမျှ မူဆလင် မဟုတ် သော အရပ်သားများကို နှုတ်ပိတ်သည့်အနေဖြင့် ဖမ်းဆီး၊ နှိပ်စက်၊ သတ်ဖြတ်မှုများ လုပ်ဆောင် နေခြင်းဖြစ်ကြောင်း သတိထားရန် ပြောဆိုထားသည်။

မောင်တောတွင် အရိုးစုသာ ကျန်တော့သည့် အရပ်သားအလောင်း ၆ လောင်း တွေ့ရှိ  

Sep 30

မရေရာလှသေးတဲ့ အလင်းရောင် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၃၀ ရက်။ ပီတာ ရေးသည်။ "ကျနော်တို့ လမ်းပျောက်နေသလိုဖြစ်နေတယ်။ မျှော်လင့်ချက်တွေ ကုန်ဆုံးပြီလားလို့ တစ်ခါတလေ တွေးမိတယ်…” ထိုင်း-မြန်မာနယ်စပ် ကရင်နီဒုက္ခသည်စခန်း (၁) တွင် ဆယ်စုနှစ်နှစ်ခုကျော်ကြာ ရှင်သန်ခဲ့သူ မောဒူ(အမည်လွဲ)၏ ရင်ထဲမှ ထွက်ကျလာသော ပဲ့တင်သံတစ်ခုဖြစ်သည်။ အမှန်တကယ်မှာ ဤအသံသည် သူ့တစ်ဦးတည်း၏ အသံမဟုတ်။ နှစ်ပေါင်း၄၀ကျော်ကြာ မျိုးဆက်တစ်ဆက်ပြီးတစ်ဆက် "ဒုက္ခသည်"ဟူသော ခေါင်းစဉ်အောက်မှ လူသားတစ်သိန်းနီးပါး၏ စုပေါင်းညည်းတွားသံလည်း ဖြစ်သည်။ သို့သော် ဩဂုတ်လ ၂၆ ရက်နေ့တွင် ထိုအမှောင်ဖုံးလွမ်းထားသော နံရံမှ အက်ကြောင်းတစ်ခု ပေါ်ထွက်လာခဲ့သည်။ ထိုင်းအစိုးရက မြန်မာဒုက္ခသည်များအား တရားဝင် အလုပ်လုပ်ကိုင်ခွင့်ပြုမည့် သမိုင်းဝင်ဆုံးဖြတ်ချက်ကို ချမှတ်လိုက်ခြင်းပင် ဖြစ်သည်။ ဤဆုံးဖြတ်ချက်သည် မြန်မာဒုက္ခသည်များကို စခန်းများမှ ထွက်ခွာရန် ခွင့်ပြု၍ တစ်နှစ်ကြာ အလုပ်လုပ်ခွင့်ပြုမည်ဖြစ်ပြီး၊ ထိုင်းနိုင်ငံတွင်း အလုပ်အကိုင်များကို ရှာဖွေနိုင်ရန် အခွင့်အရေး ဖန်တီးပေးမည်ဖြစ်သည်။ မောဒူက "အခုတော့ ရောင်ခြည်သန်းလာပြီပေါ့နော်" ဟု ဆက်ပြောသည်။ ကနဦးအနေဖြင့် ဒုက္ခသည် ၄၂,၀၀၀ ကျော်ကို အလုပ်လုပ်ခွင့်ပြုမည့် ထိုရောင်ခြည်သည် အမှန်တကယ်ပင် မျှော်လင့်ချက်အလင်းရောင်လော၊ သို့တည်းမဟုတ် မှုန်ဝါးဝါး မျှော်လင့်ချက်တစ်ခုမျှသာလောဆိုသည်မှာ မေးခွန်းထုတ်စရာ ဖြစ်လာသည်။ ချောက်ကမ်းပါးစွန်းသို့ တွန်းပို့ခံလိုက်ရသော ဘဝများ ၁၉၈၈ နောက်ပိုင်းမှစတင်ကာ ပြည်တွင်းစစ်မီးကို ရှောင်တိမ်းလာခဲ့ကြသော မြန်မာဒုက္ခသည်များသည် UNHCR, TBC နှင့် IRC ကဲ့သို့သော နိုင်ငံတကာအဖွဲ့အစည်းများ၏ အကူအညီဖြင့် နှစ်ပေါင်း များစွာ ရပ်တည်လာခဲ့ကြသည်။ သို့သော် ၂၀၂၅ ခုနှစ်အစောပိုင်းတွင် အမေရိကန်၏ အကူအညီများ ရပ်ဆိုင်းလိုက်ခြင်းသည် ၎င်းတို့၏ ကမ္ဘာငယ်လေးကို လဲပြိုသွားစေခဲ့သည်။ တစ်ဦးလျှင် စားနပ်ရိက္ခာထောက်ပံ့မှု ဘတ် ၃၀၀ ကျော်မှ ၇၇ ဘတ်သို့ ထိုးကျသွားခြင်းသည် ကိန်းဂဏန်းတစ်ခုမျှသာမဟုတ်။ မိသားစုတစ်စု၏ ထမင်းနပ်မှန်ရေးနှင့် ကလေးတစ်ယောက်၏ အာဟာရနှင့် အသက်ဆက်မှုကို တိုက်ရိုက်ခြိမ်းခြောက်လိုက်ခြင်း ဖြစ်သည်။ ထိုမျှသာမက၊ ဆေးရုံများ ပိတ်သိမ်းခံရပြီး ဒုက္ခသည်များ၏အိမ်မက် တတိယနိုင်ငံသို့ သွားရောက်ခွင့်လမ်းများ ပိတ်ဆို့သွားချိန်တွင် မျှော်လင့်ချက်ဟူသော နောက်ဆုံးတံတိုင်းကြီး ပြိုကျသွားတော့သည်။ ဒုက္ခသည် စခန်းများအတွင်း ကိုယ့်ကိုယ်ကို အဆုံးစီရင်မှုများပင် ရှိလာခဲ့သည်ဟု အနီးကပ်ရှိနေသူများကပြောသည်။ ကရင်နီအမျိုးသမီးအဖွဲ့ (KNWO) ဥက္ကဌ မော်ဖရေးမြာက "အခု စားနပ်ရိက္ခာဖြတ်တောက်တယ်၊ ကျန်းမာရေးတွေလည်း ဖြတ်လိုက်တဲ့ကိစ္စ၊ ပြီးတော့ အိမ်နီးချင်းနိုင်ငံတွေမှာ အလုပ်အကိုင် အခွင့်အလမ်းမရှိဘူး။ အဲလိုရွေးချယ်စရာတွေကို အဖက်ဖက်က ဆုံးရှုံးနေတော့ လူတွေက စိတ်ဒဏ်ရာတွေနဲ့ နောက်ဆုံးမှာ ကိုယ့်ကိုယ်ကိုယ်အဆုံးစီရင်တဲ့ကိစ္စကို ရွေးချယ်လာကြတယ်လို့ ကျွန်မတို့ သုံးသပ်မိပါတယ်" ဟု ကြေကွဲစွာဆိုသည်။ လွန်ခဲ့သည့် ခြောက်လအတွင်း ကရင်နီဒုက္ခသည်စခန်း(၁)တစ်ခုတည်း၌ပင် မိမိကိုယ်ကို အဆုံးစီရင်ရန် ကြိုးပမ်းမှု သုံးကြိမ်အထိ ရှိခဲ့သည်။ တစ်ချိန်က နှစ်အတော်ကြာမှ တစ်ကြိမ်သာ ကြားရခဲလှသော ထိုဖြစ်ရပ်ဆိုးများသည် ယခုအခါ စခန်းတွင်း ဖြစ်ရိုးဖြစ်စဉ်တစ်ခုလို ဖြစ်လာခဲ့သည်။ ထွက်ပေါက်ရှာရန် စခန်းပြင်ပသို့ တရားမဝင်ထွက်ခွာသူများအတွက်မူ ဖမ်းဆီးခံရခြင်း၊ နယ်နှင်ဒဏ်ပေးခံရခြင်းနှင့် ထောင်ဒဏ်ကျခံရခြင်းဟူသော အန္တရာယ်များက အသင့်စောင့်ကြိုနေသည်။ စခန်းပြင်ထွက် အလုပ်ရှာ တစ်နေ့လျင် ဘတ်၁၅၀မှ၂၅၀အထိ ပျမ်းမျှသာ လုပ်အားခ ရရှိကြသော်လည်း “ထဟန်” ခေါ်ထိုင်းရဲများဖမ်းမိလျှင် လုပ်အားခနှင့် အဆမတန်သော ဒဏ်ငွေများ ပေးဆောင်ကြရသည်။ ဤသို့ဖြင့် စခန်းများသည် ရုပ်ပိုင်းဆိုင်ရာသာမက စိတ်ပိုင်းဆိုင်ရာပါ အကျဉ်းထောင်တစ်ခုအဖြစ်သို့ ပြောင်းလဲသွားခဲ့သည်။ တစ်ဖက်အတွက် လုပ်အား၊ တစ်ဖက်အတွက် ဂုဏ်သိက္ခာ ဤနောက်ဆုံးထွက်သက်ကို ဆွဲဆန့်ပေးလိုက်သော ထိုင်းအစိုးရ၏ ဆုံးဖြတ်ချက်သည် လူသားချင်းစာနာမှုသက်သက်ကြောင့် ပေါ်ပေါက်လာခြင်းမဟုတ်။ ၎င်းသည် ထိုင်းနိုင်ငံ၏ လက်တွေ့ကျသော စီးပွားရေးလိုအပ်ချက်နှင့်လည်း တိုက်ရိုက်ဆက်စပ်နေသည်။ လူဦးရေအိုမင်းလာမှုနှင့် မွေးဖွားနှုန်းကျဆင်းမှုကြောင့် ထိုင်းနိုင်ငံသည် စိုက်ပျိုးရေး၊ ဆောက်လုပ်ရေးမှသည် ဝန်ဆောင်မှုကဏ္ဍအထိ အလုပ်သမားပြတ်လပ်မှုကို ပြင်းထန်စွာ ရင်ဆိုင်နေရသည်။ ထို့အပြင် ယခုနှစ်အတွင်း ထိုင်း-ကမ္ဘောဒီးယားနယ်စပ်ပဋိပက္ခကြောင့် ကမ္ဘောဒီးယားအလုပ်သမား ၄ သိန်းကျော် ပြန်လည်ထွက်ခွာသွားခြင်းက ဤပြဿနာကို ပိုမိုဆိုးရွားစေခဲ့သည်။ ထိုင်းစီးပွားရေးရှင်များအသင်း (ECOT) က ဤကွက်လပ်ကို ဖြည့်ဆည်းရန် ဒုက္ခသည်များကို အလုပ်ခန့်အပ်ရေးကို ထောက်ခံခဲ့သည်။ ဤအခြေအနေတွင် ဒုက္ခသည်များသည် ထိုင်းနိုင်ငံအတွက် အသင့်တော်ဆုံး လူ့စွမ်းအားအရင်းအမြစ် ဖြစ်လာသည်။ ကရင်ငြိမ်းချမ်းရေး အထောက်ကူပြု ကွန်ယက် (KPSN) မှ တာဝန်ရှိသူ နော်ချယ်ရီက "ထိုင်း-ကမ္ဘောဒီးယား ကိစ္စဖြစ်ပြီးနောက်ပိုင်း သူတို့ဆီမှာ အလုပ်သမားလိုအပ်ချက် ရှိလာတယ်။ တစ်ဖက်မှာလည်း ဒုက္ခထဲမှာ နေနေရတဲ့ ကျမတို့ လူမျိုးစုတွေက ကိုယ့်ဂုဏ်သိက္ခာနဲ့ ကိုယ် အလုပ်လုပ်တယ်၊ ကိုယ်ဝင်ငွေရှာနိုင်တယ်ဆိုတဲ့ ခံစားချက်ကို ရရှိမှာဖြစ်တဲ့အတွက် နှစ်ဦးနှစ်ဖက် အကျိုးကျေးဇူးရမှာပါ" ဟု သုံးသပ်သည်။ ဤသည်မှာ တစ်ဖက်အတွက် လိုအပ်နေသော လုပ်အားကို ဖြည့်ဆည်းပြီး၊ တစ်ဖက်အတွက် ဆုံးရှုံးနေသော လူ့ဂုဏ်သိက္ခာကို ပြန်လည်တည်ဆောက်ပေးမည့် "Win-Win" ဟု ဆိုရမည့် “ရှဉ့်လည်းလျှောက်သာ ပျားလည်း စွဲသာ” ခြေလှမ်းတစ်ခု ဖြစ်လာခဲ့သည်။ မှုန်ဝါးဝါးအလင်းရောင်အောက်မှ ခယောင်းလမ်းကြမ်း "တရားဝင်အလုပ်လုပ်ကိုင်ခွင့်" အလင်းရောင်သည် လက်တွေ့ဘဝတွင် မှုန်ဝါးနေဆဲဖြစ်သည်။ မူဝါဒကို အတည်ပြုပြီးသော်လည်း လက်တွေ့အကောင်အထည်ဖော်မှုမှာ နှေးကွေးနေသည်။ အုန်းဖျံဒုက္ခသည်စခန်းမှ ဒုတိယဥက္ကဌက “မီဒီယာတွေမှာတော့ အလုပ်လုပ်ခွင့်ပြုမယ်လို့ ကြားနေရပေမယ့် ခုထက်ထိ ဘာအဖွဲ့အစည်းတစ်ခုမှ တရားဝင်လာရောက် လုပ်ဆောင်တာတွေ မရှိသေးပါဘူး။ အောက်တိုဘာလ ၁ ရက်နေ့မှာ စတင်မယ်လို့ ကြားပေမယ့် လက်ရှိအချိန်အထိတော့ ဘာမှပြောင်းလဲမှု မရှိသေးဘူး” ဟု ဆိုသည်။ စာရင်းကောက်ယူသည့် အဆင့်မှလွဲ၍ ထူးခြားမှု ကြီးကြီးမားမား မရှိသေးပေ။ အလားတူ ကရင်နီဒုက္ခသည်စခန်းနှစ်ခုတွင်လည်း ထူးမခြားနားဟု စာရင်းကောက်ယူရာတွင် ကူညီပေးသည့်စေတနာ့ဝန်ထမ်းတစ်ဦးကဆိုသည်။ ထိုင်းနိုင်ငံသားများအတွက် သီးသန့်သတ်မှတ်ထားသော အလုပ်အကိုင်များကို လုပ်ကိုင်ခွင့်ရမည် မဟုတ်သလို၊ ရှုပ်ထွေးသော ဗျူရိုကရေစီယန္တရား၊ ဒုက္ခသည်များ၏ အားနည်းချက်ကို အခွင့်ကောင်းယူမည့် သွေးစုပ်ပွဲစားများ၊ နှင့် "ဒုက္ခသည်" အဖြစ်မှ "အလုပ်သမား" အဖြစ်သို့ ကူးပြောင်းရာတွင် UNHCR ၏ အကာအကွယ်အချို့ ဆုံးရှုံးနိုင်ခြေတို့က အသင့်စောင့်ကြိုနေသည်။ "UNHCR က ဒုက္ခသည်အဖြစ်ကနေ ရုပ်သိမ်းလိုက်မလားဆိုတဲ့အပိုင်းကိုတော့ ကျွန်တော်တို့လည်း အတိအကျ မသိရသေးပါဘူး” ဟု အုန်းဖျံဒုက္ခသည်စခန်းမှ ဒုတိယဥက္ကဌက သူ၏စိုးရိမ်မှုကို ဖွင့်ဟသည်။ ယာယီဖြေရှင်းနည်း သို့မဟုတ် ရေရှည်အဖြေ မည်သို့ပင်ဖြစ်စေ၊ ဤဆုံးဖြတ်ချက်သည် မှန်ကန်သောလမ်းကြောင်းပေါ်မှ ပထမဆုံးခြေလှမ်းဖြစ်သည်။ ၎င်းသည် ထိုင်းနိုင်ငံ၏ လူ့အခွင့်အရေးဆိုင်ရာ ပုံရိပ်ကို မြှင့်တင်ပေးသလို၊ ASEAN ဒေသတွင်း ဒုက္ခသည်မူဝါဒများအတွက် စံနမူနာတစ်ခုလည်း ဖြစ်လာနိုင်သည်။ သို့သော် ဤမျှော်လင့်ချက်ကို လက်တွေ့ဘဝရပ်တည်မှုအဖြစ် ပြောင်းလဲနိုင်ရန်မှာမူ ထိုင်းအစိုးရ၏ တိကျသောလုပ်ငန်းစဉ်များ၊ အရပ်ဘက်အဖွဲ့အစည်းများ၏ စောင့်ကြည့်ကူညီမှုနှင့် ဒုက္ခသည်များ၏ ကြိုးစားအားထုတ်မှုတို့ အပေါ်တွင် မူတည်နေသည်။ ဤသည်မှာ ရေရှည်ဖြေရှင်းချက်တစ်ခုလော၊ သို့မဟုတ် ယာယီဖြေရှင်းနည်းတစ်ခုမျှသာလော။ ဤမေးခွန်း၏ အဖြေသည် မြန်မာပြည်၏ ငြိမ်းချမ်းရေးနှင့် တိုက်ရိုက်ဆက်စပ်နေသည်။ မော်ဖရေးမြာကမူ “ကိုယ့်ရဲ့နိုင်ငံရဲ့ အနေအထားအရက အုပ်ချုပ်သူတွေ မကောင်းတဲ့အခါမှာ တစ်ဖက်နေရာ တစ်ဖက်နယ်စပ်ကို ရှောင်ပြီးတော့မှ ရုန်းကန်ရတာဖြစ်တဲ့အတွက်ကြောင့်မို့လို့ ကိုယ့်ရဲ့ပြည်တွင်းနိုင်ငံရေး မငြိမ်းချမ်းနေသ၍ကတော့ ဒီနိုင်ငံတကာ တခြားနိုင်ငံတွေရဲ့ အကူအညီကိုတော့ ပံ့ပိုးပေးဖို့၊ စောင့်ကြည့်ပေးဖို့၊ ကူညီပေးဖို့ အဲ့ဒါကိုတော့ ထပ်ပြီးတော့ ဒုက္ခသည်ကိုယ်စား တောင်းဆိုချင်တယ်။” ဟု တောင်းဆိုလိုက်သည်။ ထိုတောင်းဆိုသံသည် ဆယ်စုနှစ်များစွာကြာ အမှောင်တိုက်ထဲမှ ထွက်ပေါ်လာသည့် အရေးကြီးဆုံးသော ပဲ့တင်သံတစ်ခုပင် ဖြစ်တော့သည်။

မရေရာလှသေးတဲ့ အလင်းရောင်

Sep 29

ရုရှားနှင့် ပေါင်း၍ နျူကလီးယား စွမ်းအင် ထုတ်မည်ဟု စစ်ခေါင်းဆောင်ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၂၉ ရက်။ မြန်မာနိုင်ငံ၏ စွမ်းအင်လိုအပ်ချက်ကို ဖြေရှင်းရန် ရုရှားနိုင်ငံနှင့် ပူးပေါင်း၍ နျူကလီးယား စွမ်းအင် စီမံကိန်းကို အရှိန်အဟုန်ဖြင့် အကောင်အထည် ဖော်သွားမည်ဟု စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ပြော သည်။ စီမံကိန်း၏ ကနဦး ခြေလှမ်းအဖြစ် ခေတ်မီ အငယ်စား နျူကလီးယား ဓာတ်ပေါင်းဖို (SMR) တည်ဆောက်ရေး ပါဝင်ပြီး ထွက်ပေါ်လာမည့် နျူကလီးယားစွမ်းအင်ကို လျှပ်စစ်ဓာတ်အား ထုတ်လုပ်ရေးအပြင် ကျန်းမာရေးနှင့် စိုက်ပျိုးရေးကဏ္ဍများတွင်ပါ အသုံးပြုမည်ဟု ၎င်းက ဆိုသည်။ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က “၂၀၂၂ ခုနှစ်က စပြီး ရုရှားနိုင်ငံနဲ့ ပူးပေါင်းပြီးတော့ အရှိန် အဟုန်နဲ့ တိုးမြှင့်ဆောင်ရွက်နိုင်ဖို့ ကြိုးစားခဲ့မှု၊ ရုရှားနိုင်ငံရဲ့ အဖက်ဖက်က အားဖြည့် ဆောင်ရွက်ပေးမှုတွေ ကြောင့် အခု တိုးတက်မှုများ သိသာစွာ ရရှိလာပြီ ဖြစ်ပါတယ်” ဟု ပြောသည်။ မော်စကိုမြို့ VDNKh ပြပွဲရုံတွင် စက်တင်ဘာလ ၂၅ ရက်နေ့မှ ၂၈ ရက်နေ့အထိ ကျင်းပပြုလုပ်နေသည့် ကမ္ဘာ့ အဏုမြူ သတင်းပတ် ဖိုရမ် ၂၀၂၅ (World Atomic Week Forum 2025) တွင် ပြောကြားခဲ့ခြင်း ဖြစ်သည်။ စီမံကိန်း၏ အဓိက မိတ်ဖက်မှာ ရုရှားနိုင်ငံပိုင် အဏုမြူ စွမ်းအင် ကော်ပိုရေးရှင်း Rosatom ဖြစ်ပြီး ရန်ကုန်မြို့ တွင် နျူကလီးယား နည်းပညာ သတင်းအချက်အလက် စင်တာ ဖွင့်လှစ်ထားခြင်း၊ ပညာတော်သင်များ စေလွှတ် ခြင်း စသည့် ပူးပေါင်းဆောင်ရွက်မှုများ လုပ်ဆောင်လျက်ရှိသည်။ စီမံကိန်း အောင်မြင်ရေးအတွက် ရုရှားနိုင်ငံ နှင့် Rosatom က ဆက်လက် ကူညီပေးရန်လည်း ဗိုလ်ချုပ်မှူးကြီး မင်းအောင်လှိုင်က တောင်းဆို ခဲ့သည်။ “လိုအပ်တဲ့ နျူကလီးယား အခြေခံ အဆောက်အအုံ၊ လူ့စွမ်းအား အရင်းအမြစ်များနဲ့ အခြားလိုအပ်တဲ့ လုပ်ငန်း တွေကို Russia Federation နိုင်ငံနဲ့ Rosatom တို့က တတ်နိုင်သမျှ မြန်မာနိုင်ငံကို ဆက်လက်ကူညီပေးဖို့ ကျနော့် အနေနဲ့ အလေးအနက်ထား မေတ္တာရပ်ခံလိုပါတယ်” ဟု ဗိုလ်ချုပ်မှူးကြီး မင်းအောင်လှိုင်က ပြောသည်။ စစ်ကော်မရှင်၏ နျူကလီးယား ရည်မှန်းချက်သည် ၂၀၀၀ ပြည့်နှစ်များ အစောပိုင်း ကတည်းက စတင်ခဲ့ပြီး ၂၀၂၁ ခုနှစ် စစ်အာဏာသိမ်းပြီး နောက်ပိုင်းတွင် ထိုအစီအစဉ်ကို ရုရှားနိုင်ငံနှင့် အတူ ပြန်လည် အသက်သွင်း လာခဲ့သည်။ သို့သော် အဆိုပါ ကြိုးပမ်းမှုအပေါ် အမျိုးသား ညီညွတ်ရေး အစိုးရ (NUG) က ပြင်းထန်စွာ ကန့်ကွက်ထားသည်။ စစ်ကော်မရှင်သည် ‘ငြိမ်းချမ်းသော ရည်ရွယ်ချက်’ ဟု အကြောင်းပြ နေသော်လည်း အမှန်တကယ်တွင် စစ်ရေး အတွက် နျူကလီးယား နည်းပညာကို ရယူရန် ကြိုးပမ်းနေခြင်း ဖြစ်သည်ဟု NUG က စွပ်စွဲထားသည်။ NUG ပြောရေးဆိုခွင့်ရှိသူ ဦးနေဘုန်းလတ်က စစ်ကော်မရှင်၏ လုပ်ရပ်သည် ပြည်တွင်း ဒီမိုကရေစီ လှုပ်ရှားမှု သာမက ဒေသတွင်းနှင့် နိုင်ငံတကာ တည်ငြိမ်ရေးကိုပါ ခြိမ်းခြောက်နေသည် ဟု ပြောကြားခဲ့ပြီး ၎င်းတို့ လက်ထဲသို့ နျူကလီးယား စွမ်းအင်သုံး လက်နက် ရောက်ရှိသွားပါက ‘မတွေးဝံ့စရာ အခြေအနေ’ ဖြစ်လာနိုင် သည်ဟု ဇွန်လအတွင်းက သတိပေးဆိုခဲ့သည်။ မြန်မာနိုင်ငံသည် ၁၉၅၇ ခုနှစ်မှ စ၍ အပြည်ပြည်ဆိုင်ရာ အဏုမြူ စွမ်းအင်အေဂျင်စီ (IAEA) ၏ အဖွဲ့ဝင်နိုင်ငံ ဖြစ်ပြီး ယခုစီမံကိန်းကိုလည်း အဆိုပါ အေဂျင်စီ၏ လမ်းညွှန်ချက်များနှင့် အညီ အကောင်အထည် ဖော်သွား မည်ဟု ဗိုလ်ချုပ်မှုးကြီး မင်းအောင်လှိုင်က ၎င်း၏ မိန့်ခွန်းတွင် ထည့်သွင်း ပြောကြားခဲ့သည်။

ရုရှားနှင့် ပေါင်း၍ နျူကလီးယား စွမ်းအင် ထုတ်မည်ဟု စစ်ခေါင်းဆောင်ပြော

« Prev 1 … 181 182 183 184 185 … 1,115 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

မီဒီယာများအတွက် နည်းပညာကုမ္ပဏီကြီးများကို အခွန်ကောက်မည့် ဥပဒေ ဩစတြေးလျ အတည်ပြု — August 21, 2026 8:07 pm
ထိုင်ဝမ် ကာကွယ်ရေးဘတ်ဂျက် စံချိန်တင် အတည်ပြု — August 21, 2026 8:04 pm
အမေရိကန်-တောင်ကိုရီးယား စစ်ရေးလေ့ကျင့်မှု ရုတ်တရက် ရပ်ဆိုင်း — August 21, 2026 8:02 pm

Recent Posts

ရွှေကူ လေကြောင်းတိုက်ခိုက်မှုတွင် ကိုယ်ဝန်ဆောင် အမျိုးသမီးအပါ အရပ်သားများ ဒဏ်ရာရ
သောင်ရင်းမြစ်ရေတက်ပြီး မြဝတီနှင့် မဲဆောက်တွင် ရေကြီးရေလျှံမှုဖြစ်
အင်းလေးရေ မြင့်တက်လာ၍ ကြိုတင်ရွှေ့ပြောင်းမှုများ ပြုလုပ်
မြောင် ဘုန်းကြီးကျောင်း ဥပုသ်နေ့တွင် ဗုံးကြဲခံရ၍ ၁၂ ဦး ထက်မနည်း သေဆုံး
ဂွနှင့်သံတွဲကို စစ်တပ်က လေယာဉ်အုပ်ဖွဲ့ ဗုံးကြဲမှုကြောင့် စစ်ဘေးရှောင်များ ဒဏ်ရာရ

Archives

Archives

×Close