NMG Doh – Page 190 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Sep 10

ဝိုင်းမော်တွင် တိုက်ပွဲပြင်းထန်၊ ကျောင်းအချို့ ပိတ်ထားရ သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၀ ရက်။ ကချင်ပြည်၊ ဝိုင်းမော်မြို့နယ်အတွင်း စစ်ကော်မရှင်တပ်နှင့် ကချင်လွတ်လပ်ရေး တပ်မတော် KIA ပူးပေါင်းတပ် တို့ အကြား တိုက်ပွဲများ ဖြစ်ပွားနေပြီး ကျောင်းအချို့ ပိတ်ထားရသည်ဟု ဒေသခံများက ပြောသည်။ ဝိုင်းမော်မြို့နယ်အတွင်းက တိုက်ပွဲများထဲ စစ်တပ်က လေကြောင်းမှ ဗုံးကြဲတိုက်ခိုက်မှုများ လုပ်နေသည်ဟု ဒေသခံများက ပြောသည်။ ဒေသခံ အမျိုးသား တစ်ဦးက “ဒီလိုလေကြောင်း တိုက်ခိုက်မှုတွေကြောင့် စက်တင်ဘာလ ၉ ရက်နေ့ မနေ့က စပြီး ကျောင်းတချို့ ပိတ်ထား လိုက်ရတယ်။ ဒီနေ့လည်း ကျနော်တို့က ကလေးတွေကို စိုးရိမ်လို့ ကျောင်းမပို့ ဘူး။ အခြေနေကို ဆက်စောင့်ကြည့်နေတုန်းဗျ။ မနေ့ကဆို တနေကုန်နီးပါးပဲ အသံတွေ ကြားနေရတာ” ဟု ပြော သည်။ ကျောင်းသားမိဘများ ကလေးများအတွက် စိုးရိမ်ပြီး ကျောင်းမပို့ဘဲ အခြေအနေကို ဆက်ပြီး စောင့်ကြည့်နေကြ သည်ဟု ဆိုသည်။ စက်တင်ဘာ ၉ ရက်နေ့တွင် ဝိုင်းမော်မြို့နယ်ထဲ စစ်တပ်က လေယာဉ်ဖြင့် ဗုံးကြဲခဲ့သည့်အပြင် လမြန်ကျေးရွာနှင့် နမ့်ဝါကျေးရွာ ပတ်ဝန်းကျင်ကိုလည်း မြောက်ပိုင်းတိုင်း စစ်ဌာနချုပ် (မပခ) ဘက်ကနေပါ လက်နက်ကြီးများဖြင့် ဆက်တိုက် လှမ်းပစ်နေသည်ဟု ဆိုသည်။ ထို့အပြင် ဖားကန့်မြို့နယ်ထဲတွင်လည်း စက်တင်ဘာလ ၉ ရက်နေ့က စစ်ကော်မရှင်တပ်၏ လက်နက်ကြီးဖြင့် ပစ်ခတ်မှုတို့ကြောင့် အရပ်သား ၁၀ ဦး ထိမှန်ဒဏ်ရာ ရခဲ့သည်။ ဖားကန့်ဗျူဟာကုန်းမှ ဆိပ်မူကျေးရွာဘက်ခြမ်းကို အကြောင်းမဲ့သက်သက် လက်နက်ကြီး အလုံး (၂၀) ခန့် ပစ်ခဲ့သည်ဟု ဖားကန့်ဒေသခံ တစ်ဦးက ပြောသည်။ ဆိပ်မူကျေးရွာအုပ်စု၊ ဘဇံချောက်ကျေးရွာက အရပ်သားပြည်သူ ၁၀ ဦး ထိမှန်ဒဏ်ရာရခဲ့ပြီး ၄ ဦးမှာ စိုးရိမ်ရ သည်ဟု ဆိုသည်။ အလားတူ စက်တင်ဘာလ ၉ ရက်နေ့၊ နေ့လည် ၂ နာရီအချိန်ခန့်တွင် ဆိပ်မူကျေးရွာ အုပ်စုထဲက ဆန်းကြွယ် ကျေးရွာရှိ ဘုရားကုန်းနေရာဘက်ကို လေယာဉ်ဖြင့် ဗုံးကြဲသွားခဲ့သေးသည်ဟု ဒေသခံများက ပြောသည်။

ဝိုင်းမော်တွင် တိုက်ပွဲပြင်းထန်၊ ကျောင်းအချို့ ပိတ်ထားရ

Sep 10

တိရစ္ဆာန်ရုံဝန်ထမ်း ခြင်္သေ့ကိုက်ခံရ၍ သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၀ ရက်။ ထိုင်းနိုင်ငံ ဘန်ကောက်က အသက် ၅၈ နှစ်အရွယ် Jian ရဲ့ တစ်နေ့တာအလုပ်က ခြင်္သေ့တွေရဲ့ အခြေအနေကို စစ်ဆေးတာ၊ အစာကျွေးတာ၊ သန့်ရှင်းရေးလုပ်တာတွေနဲ့ စတင်ပါတယ်။ တခြားဝန်ထမ်းတွေအတွက် အန္တရာယ်ရှိတဲ့ အချိန်မျိုးမှာတောင် Jian ကတော့ ခြင်္သေ့တွေကို နားလည်အောင် ဆက်ဆံနိုင်ခဲ့တဲ့အတွက် နာမည်ကျော်ကြားခဲ့ပါတယ်။ သူဟာ ခြင်္သေ့တွေနဲ့အတူ ဓါတ်ပုံတွေ ဗီဒီယိုတွေ အများအပြားလည်း ရိုက်ခဲ့ပါတယ်။ စက်တင်ဘာလ ၁၀ ရက်နေ့ မနက်ခင်းမှာတော့ သူ့ရဲ့ တစ်နေ့တာလုပ်ရိုးလုပ်စဉ်အတိုင်း ဘန်ကောက်မြို့က ဆာဖာရီကမ္ဘာ (Safari World) ရဲ့ ခြင်္သေ့လှောင်အိမ်အနားကို ရောက်လာပါတယ်။ လှေကားပေါ်က သူ့လက်ထဲက အစာဘူးကို ပေးလိုက်တဲ့အချိန်မှာ အောက်ဘက်ကို ပစ္စည်းတစ်ခု ပြုတ်ကျသွားခဲ့ပါတယ်။ ပုံမှန်ဆိုရင် အဲဒီလိုအခြေအနေမျိုးမှာ လုံခြုံရေးစည်းမျဉ်းအရ ကားပေါ်ကနေဆင်းပြီး ပစ္စည်းကို ကောက်ယူဖို့ ခွင့်မပြုပါဘူး။ ဒါပေမဲ့ နှစ်ပေါင်း ၃၀ ခြင်္သေ့တွေနဲ့ ရင်းနှီးကျွမ်းဝင်ခဲ့တဲ့ Jian ဟာ သာမန်အတိုင်းပဲ ကားပေါ်ကနေ ဆင်းလိုက်ပါတယ်။ ပစ္စည်းကို ကုန်းကောက်နေတဲ့အချိန်မှာ ခြင်္သေ့တစ်ကောင်က သူ့ဆီကို ခုန်အုပ်လိုက်ပါတယ်။ နောက်ကနေ ထပ်လိုက်လာတဲ့ ခြင်္သေ့သုံးလေးကောင်ကလည်း သူ့ကို ဝိုင်းဝန်းပြီး တိုက်ခိုက်ခဲ့ပါတယ်။ မျက်မြင်တွေ့ရှိခဲ့တဲ့ ဝန်ထမ်းအချို့ကတော့ ခြင်္သေ့တွေက Jian ကို တိုက်ခိုက်နေတယ်လို့ ပထမတော့ မထင်ခဲ့ကြဘူးလို့ ဆိုပါတယ်။ ဒီအထင်အမြင်မှားမှုဟာ ဝန်ထမ်းတွေ ချက်ချင်းဝင်ရောက်ကူညီဖို့ နောက်ကျစေခဲ့ပါတယ်။ နောက်ဆုံးတော့ တိရစ္ဆာန်ရုံဝန်ထမ်းတွေက ခြင်္သေ့တွေကို တွန်းထုတ်ပြီး ဒဏ်ရာပြင်းထန်တဲ့ Jian ကို ဆေးရုံကို အမြန်တင်ပို့ခဲ့ပါတယ်။ နှစ်ပေါင်း ၃၀ လုံးလုံး သူ့ရဲ့ဘဝကို ဒီခြင်္သေ့တွေအတွက် မြှုပ်နှံခဲ့တဲ့ Jian ဟာ ဆေးရုံရောက်တဲ့အခါမှာတော့ အသက်မရှိတော့ပါဘူး။ ရဲတပ်ဖွဲ့ရဲ့ စုံစမ်းစစ်ဆေးမှုမှာ သူဟာ လုံခြုံရေးစည်းမျဉ်းကို ဖောက်ဖျက်ခဲ့တယ်လို့ အတည်ပြုခဲ့ပါတယ်။ #Lion #SafariPark #Thailand #Bangkok #attack

တိရစ္ဆာန်ရုံဝန်ထမ်း ခြင်္သေ့ကိုက်ခံရ၍ သေဆုံး

Sep 10

အစ္စရေးက ကာတာနိုင်ငံ လူနေရပ်ကွက်ကို တိုက်ခိုက် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၀ ရက်။ ကာတာ နိုင်ငံ လူနေ ရပ်ကွက်တွင်ရှိသော ဟားမာ့စ်ခေါင်းဆောင်၏ နေအိမ်ကို အစ္စရေး နိုင်ငံက စက်တင်ဘာ ၉ ရက်နေ့တွင် တိုက်ခိုက်ခဲ့သည်။ ကာတာ လုံခြုံရေး တပ်ဖွဲ့ဝင် တစ်ဦး အပါအဝင် လူ ၆ ဦး သေဆုံးခဲ့သော်လည်း ခေါင်းဆောင်ပိုင်း ပုဂ္ဂိုလ်များ လွတ်မြောက်ခဲ့သည်ဟု ဟားမာ့စ်က ပြောသည်။ ဂါဇာ တိုက်ခိုက်မှုများ ရပ်စဲရန် အမေရိကန်၏ အဆိုပြုချက်အပေါ် ဆွေးနွေးပွဲ ကျင်းပနေသည့် အချိန်တွင် အစ္စရေးက တိုက်ခိုက်ခဲ့ခြင်း ဖြစ်သည်။ ကာတာ ဝန်ကြီးချုပ် Sheikh Mohammed bin Abdulrahman Al-Thani က ၎င်းတို့၏ နိုင်ငံတွင် အစ္စရေး၏ တိုက်ခိုက်မှုများကို တုန့်ပြန်ပိုင်ခွင့်ရှိသည်ဟု ပြောသည်။ ယခု တိုက်ခိုက်မှုနှုင့် ပတ်သက်၍ အမေရိကန်က ၁၀ မိနစ်သာ ကြိုတင်သတိပေးခဲ့သည်ဟု သူက ပြောသည်။ အမေရိကန် သမ္မတ ဒေါ်နယ် ထရန့်က ယခုတိုက်ခိုက်မှုနဲ့ ပတ်သက်၍ အမေရိကန် စစ်တပ်က အသိပေးခဲ့သောကြောင့် ချက်ချင်းပင် ကာတာ နိုင်ငံကို အကြောင်းကြားရန် အမေရိကန် အထူးကိုယ်စားလှယ်ကို ညွှန်ကြားခဲ့သည်ဟု ဆိုသည်။ ယခု တိုက်ခိုက်မှုကြောင့် ကာတာ နိုင်ငံက လက်ခံကျင်းပပေးနေသည့် အစ္စရေးနှင့် ဟားမာ့စ်တို့ အကြား ဂါဇာ အပစ်အခတ်ရပ်စဲရေး ဆွေးနွေးပွဲ ဆက်ဖြစ်မည်မဖြစ်မည်မှာ မရေ မရာ ဖြစ်သွားခဲ့ရသည်။

အစ္စရေးက ကာတာနိုင်ငံ လူနေရပ်ကွက်ကို တိုက်ခိုက်

Sep 10

အင်တာနက် သုံးစွဲသူများအား စောင့်ကြည့်ရန် တရုတ်မှ နည်းပညာ ပံ့ပိုး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၀ ရက်။ မြန်မာနိုင်ငံက အင်တာနက် သုံးစွဲသူများ၏ တဦးချင်းလုပ်ဆောင်မှုများနှင့် တည်နေရာကို ရှာဖွေနိုင်သည့် နည်းပညာနဲ့ ပစ္စည်းကိရိယာများကို တရုတ်က ပံ့ပိုးပေးထားသည်ဟု အစီရင်ခံစာ တစ်ခုက ဖော်ပြလိုက်သည်။ တရုတ် အစိုးရနှင့် ပတ်သက်သည့် ကုမ္ပဏီတစ်ခုက စစ်ကော်မရှင်ကို ပံ့ပိုးမှုများ ပေးထားခြင်းဖြစ်သည်ဟု Justice for Myanmar အဖွဲ့၏ “နောက်ယောင်ခံ ပိုးလမ်းမ” ဟု အမည်ပေးထားသည့် အစီရင်ခံစာတွင် ဖော်ပြထားခြင်း ဖြစ်သည်။ Geedge Network အမည်ရှိ တရုတ်ကုမ္ပဏီက အွန်လိုင်း အသုံး ပြုနေသည့် မြန်မာနိုင်ငံမှ ပြည်သူ ၃၃.၄ သန်း၏ အွန်လိုင်း လုပ်ဆောင်မှုများကို မြင်တွေ့ စောင့်ကြည့်နိုင်သည့် စနစ်များ စစ်အုပ်စုကို တပ်ဆင်ပေးခဲ့သည်ဟု ဆိုသည်။ တပ်ဆင်ပေးထားသော တရုတ်ပြည်၏ နာမည်ကျော် စီးပွားရေး လုပ်ငန်းသုံး Great Firewall စနစ်သည် အချိန်နှင့် တပြေးညီ အင်တာနက် သုံးစွဲသူများ၏ တည်နေရာကိုလည်း သိရှိနိုင်သည်ဟု ဆိုသည်။ Geedge ကုမ္ပဏီသည် စစ်ကော်မရှင်ကို ကိရိယာ ပစ္စည်းများ၊ software များ၊ သင်တန်းများနှင့် အခြား ပံ့ပိုးမှုများ ပေးထားသည်ဟု Justice for Myanmar အဖွဲ့က ထုတ်ဖော်ထားသည်။ မကြာသေးမီက Geedge ကုမ္ပဏီ၏အချက်အလက်များ ပေါက်ကြားခဲ့မှု အပေါ် နိုင်ငံတကာ အစိုးရမဟုတ်သော အဖွဲ့များနှင့် လွတ်လပ်သော မီဒီယာ များက ခွဲခြမ်းစိတ်ဖြာ သုံးသပ်ခဲ့ကြရာမှ ယခု အချက်များ သိရခြင်း ဖြစ်သည်ဟု ဆိုသည်။

အင်တာနက် သုံးစွဲသူများအား စောင့်ကြည့်ရန် တရုတ်မှ နည်းပညာ ပံ့ပိုး

Sep 10

နီပေါတွင် ဂျန်ဇီများ ဆန္ဒပြ၊ ဝန်ကြီးချုပ် ရာထူးမှ နှုတ်ထွက် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၀ ရက်။ လူအသေအပျောက်ရှိခဲ့သည့် ဆန္ဒပြပွဲများ နိုင်ငံအနှံ့ ဖြစ်ပွား နေသည့် နီပေါ နိုင်ငံတွင် ဝန်ကြီးချုပ် Sharma Oli နှုတ်ထွက်သွားခဲ့သည်။ နီပေါ နိုင်ငံ မြို့တော် ခတ္တမန္ဒူ တွင် “Gen-Z” (ဂျန်ဇီ) ဟု ခေါ်သော ဆန္ဒပြသူများနှင့် ရဲများ အကြား တိုက်ခိုက်မှုများကြောင့် တနင်္လာနေ့က လူအသေအပျောက်ရှိခဲ့သည်။ အစိုးရက လူမှု ကွန်ရက် ပလက်ဖောင်း ၂၆ ခုကို ပိတ်လိုက်ပြီးနောက်တွင် အဂတိလိုက်စားမှုဆန့်ကျင်ရေး ဆန္ဒ ပြမှုများ ဖြစ်ပွားခဲ့သည်။ ဆန္ဒပြသူများက လွှတ်တော် အဆောက်အဦကို ဝင်ရောက် ဆီးနင်းပြီး မီးရှို့ခဲ့ပြီးနောက် ထိပ်တန်း နိုင်ငံရေး ခေါင်းဆောင်များ၏ နေအိမ်များကိုလည်း မီးရှို့ခဲ့သည်။ ဝန်ကြီးချုပ်ဟောင်း Jhalanath Khanal ၏ အိမ်ကို မီးရှို့ရာ ဇနီးဖြစ်သူသည် အိမ်ထဲတွင် ပိတ်မိနေခဲ့ပြီး မီးလောင်ဒဏ်ရာများ ပြင်းပြင်းထန်ထန် ရသွားခဲ့သည်။ တနင်္လာနေ့က ဆန္ဒပြမှုများတွင် ဆန္ဒပြလူအုပ်များအတွင်းသို့ ရဲများက ရော်ဘာကျည်ဆံများနှင့် ပစ်ခတ်မှုများနှင့် မျက်ရည်ယိုဗုံးများနှင့် တိုက်ခိုက်မှုများကြောင့် ဆန္ဒ ပြသူ ၁၉ ဦး သေဆုံးသွားခဲ့သည်။ နှုတ်ထွက်သွားသည့် ဝန်ကြီးချုပ်က ပြဿနာများ အဖြေရှာနိုင်ရန်နှင့် နိုင်ငံရေး ပြဿနာများကို ဖွဲ့စည်းအုပ်ချုပ်ပုံ အခြေခံ ဥပဒေနဲ့ အညီ ဖြေရှင်းနိုင်ရန် နှုတ်ထွက်ခြင်းဖြစ်သည်ဟု ပြောသည်။ ထို့နောက်တွင် ပိတ်ထားသော လူမှု ကွန်ရက်များကိုလည်း ပြန်ဖွင့်ပေးခဲ့သည်။ အင်္ဂါနေ့တွင် ခတ္တမန္ဒူ အပြင်အပတွင် ရှိသော နေရာ အနှံ့အပြားတွင် ဆန္ဒပြမှုများ ဆက်ဖြစ်နေခဲ့ပြီး ဒုတိယ မြို့တော် Pokhara က ပြည်နယ် လွှတ်တော် အပါအဝင် နေရာအနှံ့က အစိုးရ အဆောက်အဦအများအပြား ဖျက်ဆီးခံခဲ့ရသည်။ ကုလသမဂ္ဂ အဖွဲ့အစည်းများက ဆန္ဒပြသူများ သေဆုံးရမှုနှင့် အင်အား အလွန်အကျွံ သုံးစွဲခဲ့သည်ဆိုသော သတင်းထွက်ပေါ်မှုများ အပေါ် စုံစမ်းစစ်ဆေးမှုများ လုပ်ရန် တောင်းဆိုလိုက်သည်။

နီပေါတွင် ဂျန်ဇီများ ဆန္ဒပြ၊ ဝန်ကြီးချုပ် ရာထူးမှ နှုတ်ထွက်

Sep 9

မဟာမိတ်ဆက်ဆံရေး ခိုင်မာပြီး လူထု ထောက်ခံမှု ရှိမှသာ သိမ်းပိုက်မြို့ရွာများ ရေရှည်ထိန်းနိုင်မည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၉ ရက်။ တော်လှန်ရေး တပ်ဖွဲ့များ အကြားတွင် ပိုမို ခိုင်မာသော မဟာမိတ် ဆက်ဆံရေးနှင့် ပြည်သူများ၏ ထောက်ခံမှုကို ရရှိအောင် လုပ်ဆောင်နိုင်မှသာ သိမ်းပိုက်ထိန်းချုပ်ထားသည့် မြို့ရွာများကို ရေရှည်ထိန်းထားနိုင်မည်ဟု နိုင်ငံတကာ မြန်မာသတင်း BNI သုတေသန လုပ်ငန်းစဉ် က ပြောသည်။ နိုင်ငံတကာ မြန်မာ့သတင်း BNI ၏ မြန်မာ့ငြိမ်းချမ်းရေး စောင့်ကြည့်ရေးအဖွဲ့ BNI-MPM က ဩဂုတ်လ ၂၆ ရက်နေ့က လုပ်ခဲ့သည့် “မြန်မာ့ငြိမ်းချမ်းရေး လုပ်ငန်းစဥ်ကို ပုံဖော်ခြင်း ရည်ညွှန်း အကိုးအကား ၂၀၂၄-၂၀၂၅” စာအုပ်မိတ်ဆက်သည့် အခမ်းအနားတွင် BNI-MPM က ပြောဆိုလိုက်ခြင်း ဖြစ်သည်။ BNI-MPM တာဝန်ခံ ကိုနှင်းကိုဦးက “ စစ်ရေးစစ်ရာက ကိုယ်ကအနိုင်ရတယ် အောင်မြင်မှုတွေရတယ် ဆိုပေမဲ့ ပြည်သူလူထုရဲ့ နှလုံးသားထဲက ထောက်ခံမှု ရရှိရေးကတော့ တော်တော်သိမ်မွေ့တဲ့ လုပ်ငန်းစဉ်တွေ ဖြစ်တယ် ပေါ့နော်။ ဒါကြောင့်မို့လို့ ဒီမြို့သိမ်းဖြစ်စဉ်တွေမှာ အဓိကသိမ်းပိုက်ထားတဲ့မြို့တွေအနေနဲ့ ပြည်သူ လူ ထုရဲ့ မျက်နှာကို ကြည့်ဖို့ ပြည်သူလူထုရဲ့ ထောက်ခံမှုရရှိရေးအတွက် ကြိုးပမ်းမှုကို ဦးတည်သင့် တယ်ပေါ့ နော်။ နောက်တစ်ခုက တော်လှန်ရေး အဖွဲ့ဝင်အချင်းချင်း ပိုခိုင်မာအောင်လုပ်ဖို့ လိုအပ်တယ်ဆို တာမျိုးတွေ တွေ့ရပါ တယ်” ဟုပြောသည်။ ၂၀၂၁ ဖေဖော်ဝါရီလ ၁ ရက်နေ့တွင် စစ်တပ်က အာဏာသိမ်းပြီးနောက် တော်လှန်ရေး အဖွဲ့အစည်းများက စစ်အုပ်စု၏ နယ်မြေအများအပြားကို တိုက်ခိုက်သိမ်းပိုက်ထားသည်။ တိုက်ခိုက် သိမ်းပိုက်ထားသည့် ဒေသများတွင် နယ်မြေ အငြင်းပွားဆိုင်ရာ ကိစ္စရပ်များနှင့် လက်နက်ကိုင် အဖွဲ့အ စည်း အချင်းချင်းကြားတွင် သော်လည်းကောင်း၊ ဒေသခံ ပြည်သူများနှင့် လက်နက်ကိုင် တော်လှန်ရေး အဖွဲ့အ စည်းများကြား၌ သော်လည်းကောင်း မသင့်မြတ်မှု များစွာ ရှိလာခဲ့သည်။ ထိုအခြေအနေ အောက်တွင် တိုက်ခိုက်သိမ်းပိုက်ထားသည့် နယ်မြေများကို ရေရှည်ထိန်းထားနိုင်ရေးမှာ ခက်ခဲ သည်ဟု BNI-MPM က ဆိုသည်။ တစ်ဖက်တွင်လည်း တော်လှန်ရေး အင်အားစုများ အနေဖြင့် ၎င်းတို့သိမ်းပိုက်ထားသည့် မြို့ရွာများကို ရေရှည် ထိန်းထားနိုင်ရန် စစ်ကော်မရှင်တပ်၏ လေကြောင်း တိုက်ခိုက်မှုများသည် ကြီးမားသည့် စိန်ခေါ်မှု တစ်ရပ် အဖြစ်ရှိနေသည်ဟု ကိုနှင်းကိုဦးက ဆက်ပြောသည်။ “အဓိက ဒီမြို့သိမ်းဖြစ်စဉ်တွေကို ကျနော်တို့ ကြည့်လို့ရှိရင် အရင်ဆုံး ကျနော်တို့ သတိထားရမှာက တော်လှန်ရေ အင်အားစုတွေ အနေနဲ့ ထိန်းချုပ် သိမ်းပိုက်ထားတယ်ဆိုတာ တကယ်တမ်းတော့ တစ်ဖက်က ကြည့်ရင်လည်း စိန်ခေါ်မှုအများကြီးရှိတယ်။ ဥပမာ သိမ်းတာကလွယ်တယ် ဒါပေမဲ့ ရေရှည်ထိန်းချုပ် နိုင်ရေးက အများကြီးစိန်ခေါ်မှုရှိတယ်။ အဲ့ဒီထဲမှာမှ စစ်အုပ်စုရဲ့ လေကြောင်းရန်က စိန်ခေါ်မှု အကြီးဆုံး ဖြစ်နေတာပေါ့နော်။” လက်ရှိတွင် စစ်ကော်မရှင်တပ်သည် တော်လှန်ရေးတပ်များ ထိန်းချုပ်သိမ်းပိုက်ထားသည့် ပြည်နယ်နှင့် တိုင်းဒေ သကြီးများရှိ မြို့ရွာများကို လေကြောင်းမှတစ်ဆင့် ဗုံးကြဲတိုက်ခိုက်မှုများကို ဆက်တိုက်လုပ်ဆောင် လျက်ရှိ သည်။ လေကြောင်းတိုက်ခိုက်မှုများကြောင့် ပြည်သူလူထုများ ထိမှန်သေဆုံး ဒဏ်ရာရရှိခြင်း၊ လူနေအဆောက် အအုံ များ၊ ဆေးရုံများ၊ စာသင်ကျောင်များ၊ ဘုန်းကြီးကျောင်းများနှင့် ခရစ်ယာန် ဘုရားကျောင်းများ ထိမှန်ပျက် စီးခဲ့ရသည်။ တော်လှန်ရေးတပ်များထိန်းချုပ်ထားသည့် နယ်မြေအချို့အား ပြန်လည်လက်လွှတ်လိုက်ရသည့် အခြေအနေကို တအာင်းအမျိုးသား လွတ်မြောက်ရေး တပ်မတော် PSLF/TNLA ပြောခွင့်ရ လွေးယေဦးက ဩဂုတ်လ ၅ ရက်နေ့ တွင် လုပ်ခဲ့သည့် အွန်လိုင်းသတင်းစာရှင်းလင်းပွဲတွင် ယခုကဲ့သို့ ပြောသည်။ “အဓိကကတော့ တိုက်ပွဲတွေဖြစ်ပွားနေတဲ့အချိန်မှာ စစ်ကောင်စီသည်တိုက်ပွဲဖြစ်ပွားခြင်းမရှိသည့်နေရာကို အရပ်သားတွေကိုပဲ ရည်ရွယ်ချက်ရှိရှိ ပစ်မှတ်ထားပြီးတော့မှ တိုက်ခိုက်တာ အရပ်သားတွေကို ဗုံးကြဲ တိုက်ခိုက်တာ အရပ်သားတွေ သေကြေတာ ပျက်စီးစေတာ အဲ့လိုမျိုးတွေလုပ်လာတဲ့အတွက်ကြောင့် ကျမတို့ PSLF/TNLA အနေနဲ့ အရပ်သားတွေ ထိခိုက်နစ်နာမှုမရှိအောင် အရပ်သားတွေ ဒီထက်ပိုပြီးတော့မှ သေကြေ ပျက်စီးမှုမရှိအောင်ဆိုပြီမှ ဗဟိုကော်မတီကနေတစ်ဆင့် ဆုံးဖြတ်ချက်ချမှတ်ပြီးတော့မှ ပြန်လည် ဆုတ်ခွာတာ ဖြစ်ပါတယ်။ တစ်ခြားသောအကြောင်းအရာတွေကတော့ မရှိဘူးပေါ့နော်။” ကိုးကန့်တပ်ဖွဲ့ MNDAA က လားရှိုးမြို့ကို ၂၀၂၄ ခုနှစ် ဩဂုတ်လ ၃ ရက်နေ့တွင် သိမ်းပိုက်နိုင်ခဲ့ပြီး တရုတ်၏ ဖိအားကြောင့် ယခုနှစ် ဧပြီလတွင်း စစ်ကော်မရှင်က လားရှိုးမြို့ကို ပြန်လည်ထိန်းချုပ်နိုင်ခဲ့သည်။ ထို့အတူ ယခုနှစ်အတွင်း စစ်ကော်မရှင်တပ်သည် တော်လှန်ရေးတပ်များ ထိန်းချုပ်ထားသည့် ရှမ်းပြည်နယ် မြောက်ပိုင်း နောင်ချိုမြို့ကို ဇူလိုင်လ ၁၅ ရက်နေ့ ၊ ရှမ်းပြည်နယ်တောင်ပိုင်း မိုးဗြဲမြို့နယ်ကို ဇူလိုင်လ ၆ ရက်နေ့ နှင့် ဇူလိုင်လ ၂၂ရက်နေ့၌ မန္တလေးတိုင်းရှိ သပိတ်ကျင်း စသည့်မြို့များကို ပြန်လည်သိမ်းပိုက် နိုင်ခဲ့သည်။ BNI-Myanmar Peace Monitor ၏ မှတ်တမ်းအရ စစ်အာဏာသိမ်းမှု လေးနှစ်တာကာလအတွင်း တော်လှန် ရေး အင်အားစုများက မြို့ပေါင်း ၉၅ မြို့ကို ထိန်းချုပ်နိုင်ခဲ့သည်။ လေးနှစ်ကျော် ကြာမြင့်ပြီ ဖြစ်သည့် နွေဦးတော်လှန်ရေးသည် စစ်ရေးအောင်မြင်မှုများနှင့် နယ်မြေများ စိုးမိုး ထိန်းချုပ်လာနိုင်သည့် အနေအထားများအောက်တွင် ရှိလာနေပြီ ဖြစ်သည်။ အဆိုပါ အနေအထားအောက်မှ တိုင်းရင်းသား လူမျိုးပေါင်းစုံပါဝင်သည့် ဖက်ဒရယ်ဒီမို ကရေစီ ပြည်ထောင်စု ပေါ်ပေါက်ရေးအတွက် အင်းအားစုအားလုံး ပူးပေါင်းပါဝင်မှုနှင့် စုစည်းညီညွှတ်မှုက အထူးလိုအပ်နေသည်ဟု BNI-MPM ၏ “စစ်အုပ်စု၏ ရွေးကောက်ပွဲ အစီအစဉ်၊ ပြည်သူလူထု၏ အကြပ်အတည်းနှင့် နွေဦးတော်လှန်ရေး လမ်းဆုံလမ်းခွ” စာအုပ်တွင် ထည့်သွင်း ဖော်ပြထားသည်။ Photo - Mai A Hein (၂၀၂၄ ခုနှစ် ဇူလိုင်လ ၂၄ ရက်နေ့က တအာင်းအမျိုးသား လွတ်မြောက် ရေးတပ်မတော် (TNLA) ပူးပေါင်းတပ်များက မန္တလေးတိုင်း မိုးကုတ်မြို့အတွင်းသို့ ဝင်ရောက်လာသည်ကို တွေ့ရစဉ်)

မဟာမိတ်ဆက်ဆံရေး ခိုင်မာပြီး လူထု ထောက်ခံမှု ရှိမှသာ သိမ်းပိုက်မြို့ရွာများ ရေရှည်ထိန်းနိုင်မည်

Sep 9

တနင်္လာရီတိုင်းအတွင်း နေအိမ် ၄၀ ခန့် စစ်ကော်မရှင် မီးရှို့ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၉ ရက်။ တနင်္သာရီတိုင်း၊ ထားဝယ်ခရိုင်၊ သရက်ချောင်းမြို့နယ်ထဲက ရန်တောင်နှင့် သင်းကျွန်းကျေးရွာရှိ နေအိမ် အလုံးရေ ၄၀ နီးပါးခန့်ကို စစ်ကော်မရှင် စစ်ကြောင်းက မီးရှို့ဖျက်ဆီးခဲ့သည်။ မိုင်းဆွဲ တိုက်ခိုက်ခံရသည့် စစ်ကော်မရှင်တပ် စစ်ကြောင်းမှ ရန်တောင်ကျေးရွာသို့ စက်တင်ဘာလ ၇ ရက်နေ့ နံနက် ၉ နာရီခွဲခန့်က စတင်ဝင်ရောက်လာပြီး နေအိမ်များကို မီးရှို့ဖျက်ဆီးခဲ့ခြင်း ဖြစ်သည်ဟု ရွာသားများက ပြောသည်။ အသက် ၄၀ ခန့်အရွယ် ရန်တောင်ရွာသားတစ်ဦးက “ရွာအလယ်ပိုင်းက လူမရှိတဲ့နေအိမ်တွေ မီးအရှို့ခံရတာ များတယ်။ မျက်စိနဲ့ တွေ့တာတောင် ဆယ်ဆောင်ကျော် ရှိနေတယ်၊ တခြားနေရာတွေမှာလည်း ရှို့ထားသေး တယ်။ တဆက်တည်း ရှိနေတဲ့ သင်းကျွန်းရွာဘက်မှာပါ ရှို့သွားသေးတာ” ဟု ပြောသည်။ အဆိုပါ စစ်ကြောင်းတွင် အင်အား ၁၀၀ ခန့်ပါပြီး သရက်ချောင်းမြို့နယ်ထဲက မိုးရွှေကုန်းကျေးရွာနှင့် အနီးဝန်း ကျင်ကို ခရီးသည်တင်ကား ၈ စီးဖြင့် စစ်ကြောင်းထိုးလာသည်ဟု ရွာသားများက ပြောသည်။ မီးရှို့ဖျက်ဆီးခြင်း မပြုလုပ်မှီ ခရီးသည်တင် ယာဥ်များဖြင့်လာသည့် စစ်ကော်မရှင် တပ်ဖွဲ့ စစ်ကြောင်းကို ပြည်သူ့ ကာကွယ်ရေး တပ်ဖွဲ့များက ရန်တောင်ကျေးရွာ အနီးတွင် မိုင်းဆွဲတိုက်ခိုက်ခဲ့သေးသည်ဟု ရွာသားများက ဆိုသည်။ မိုင်းဆွဲခံရမှုကြောင့် ထိခိုက်မှု အခြေအနေကို မသိရသေးသော်လည်း လက်နက်ကြီး၊ လက်နက်ငယ်များဖြင့် ပစ်ခတ်သံများကို ကြားခဲ့ရသည်ဟု ဆိုသည်။ မီးရှို့ဖျက်ဆီးခြင်း ခံရသည့် နေအိမ်များမှာ ရန်တောင်ကျေးရွာတွင် နေအိမ် ၂၉ ဆောင်ထက် မနည်းရှိပြီး သင်းကျွန်းကျေးရွာတွင် ၈ ဆောင်ရှိသည်ဟု ရွာသားများက ဆိုသည်။ စစ်ကော်မရှင် တပ်ဖွဲ့မှ ရန်တောင်ကျေးရွာနှင့် သင်းကျွန်းကျေးရွာရှိ နေအိမ်များကို မီးရှို့ပြီးနောက်မှာ သရက် နှစ်ခွကျေးရွာဘက်သို့ ထွက်ခွာသွားသည်ဟု ရွာသားများက ပြောသည်။ စစ်ကော်မရှင်တပ် စစ်ကြောင်းက ပြီးခဲ့သည့် ဩဂုတ်လလယ်ပိုင်းကလည်း သရက်ချောင်းမြို့နယ်ထဲရှိ စော်ဖျား၊ မိုးရွှေကုန်း၊ ဥတ္တူစသည့် ကျေးရွာများကို အင်အား အလုံးအရင်းဖြင့် စစ်ကြောင်းထိုးပြီး နေအိမ် ၇၀ ခန့်ကို မီးရှို့ ဖျက်ဆီးခဲ့သေးသည်။

တနင်္သာရီတိုင်းအတွင်း နေအိမ် ၄၀ ခန့် စစ်ကော်မရှင် မီးရှို့

Sep 9

IMJA.က NUCC ကို သတင်းမီဒီယာ ဥပဒေ မူဘောင် အကြံပြု သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၉ ရက်။ အနာဂတ်ဖယ်ဒရယ် နိုင်ငံတော်တွင် ပြဌာန်းမည့် သတင်းမီဒီယာ ဥပဒေ မူဘောင်ဆိုင်ရာ အကြံပြုစာတမ်းကို IMJA က NUCC ထံ တင်ပြဆွေးနွေးခဲ့သည်။ လွတ်လပ်သော မြန်မာသတင်းစာဆရာများ အစည်းအရုံး (IMJA) မှ လာမည့် အနာဂတ် ဖယ်ဒရယ် နိုင်ငံတော် တွင် ပြဌာန်းမည့် သတင်းမီဒီယာ ဥပဒေ မူဘောင်ဆိုင်ရာ အကြံပြုစာတမ်းအား အမျိုးသား ညီညွတ်ရေး အတိုင် ပင်ခံကောင်စီ (NUCC)ထံ တင်ပြဆွေးနွေးခဲ့သည်ဟု ထုတ်ပြန်ထားသည်။ လက်ရှိ အာဆီယံနိုင်ငံ အချို့နှင့် အနောက် ဒီမိုကရေစီ နိုင်ငံများ စုစုပေါင်း ၁၁ နိုင်ငံတွင် ပြဌာန်းထားသည့် သတင်းမီဒီယာ လွတ်လပ်ခွင့်ဆိုင်ရာ ဥပဒေများအား ဆွေးနွေးတင်ပြခဲ့ကြခြင်း ဖြစ်သည်။ IMJA ကြားကာလကော်မတီ ယာယီအဖွဲ့ဝင် ကိုမှူးက “လာမယ့် မြန်မာ့နိုင်ငံရေး အခင်းအကျင်းက ဖက်ဒရယ် ယူနစ်တွေ ပေါ်လာတဲ့ အချိန်မှာ ဘယ်လိုပဲ ဖြစ်ဖြစ်ပေါ့လေ။ လက်ရှိချိန်မှာတော့ အားလုံးလည်း သိတဲ့ အတိုင်း ပဲ စစ်ကော်မရှင်က မီဒီယာလွတ်လပ်ခွင့်ဆိုတာ ဘယ်တုန်းကမှလည်း အလေးထားတာ မဟုတ်ဘူး။ အနာဂတ် မှာ ဥပဒေတွေ ဖြတ်သန်းတဲ့အခါ ဒီအချက်တွေကို ဦးစားပေးပြီး ပြဌာန်းဖို့၊ ဒီအချက်တွေက ပါသင့်တယ်။ ဖက် ဒရယ် ဒီမိုကရေစီနိုင်ငံတွေမှာ ပါက်ုပါရမယ့် အချက်တွေဆိုပြီး ဦးစားပေး ပြောခဲ့တာပေါ့လေ။ ဆိုတော့ အဲဒီ အချက်တွေက လက်တွေ့ကျကျ အသုံးဝင်မယ့် အချက်တွေပေါ့နော်” ဟု ပြောသည်။ စက်တင်ဘာလ ၅ ရက်နေ့တွင် ပြုလုပ်ခဲ့သည့် အဆိုပါ အစည်းအဝေး၌ လာမည့် အနာဂတ်တွင် သတင်း အကြောင်းအရာများနှင့် ပတ်သက်၍ တစ်စုံတစ်ရာ အငြင်းပွားမှု ဖြစ်ပေါ်ခဲ့ပါက သတင်းသမားများဖက်မှ အကာအကွယ် ပေးရန်နှင့် နှစ်ဖက် အဖွဲ့အစည်းများကြား ပူးပေါင်းဆောင်ရွက်ရန် အတွက်လည်း ဖြည့်စွက် ဆွေးနွေးခဲ့သည်ဟု ဆိုသည်။ ဆွေးနွေးပွဲအား IMJA က ကြားကာလ ကောင်မတီရှိ ယာယီအဖွဲ့ဝင် ၅ ဦးနှင့် NUCC ဖက်မှ သက်ဆိုင်ရာ နယ်ပယ် အသီးသီးရှိ ခေါင်းဆောင် ၂၀ ဦး စုစုပေါင်း ၂၅ ဦး တက်ရောက်ခဲ့ပြီး IMJA ဖွဲ့စည်းပုံကိုလည်း ရှင်းလင်း တင်ပြခဲ့ကြသည်ဟု ဆိုသည်။ ကိုမှူးက “အဓိကတော့ ကျနော်တို့ တွေ့ဖို့ရှိတယ်။ Stake Holder တွေ၊ လက်ရှိနိုင်ငံရေး အခင်းအကျဉ်းမှာ ပါဝင် နေတဲ့ တခြားသော အဖွဲ့တွေ၊ တိုင်းရားသား လက်နက်ကိုင်တွေနဲ့ တွေ့ပြီး ဒါတွေကို ပြောပြဖို့ ရှိပါတယ်။ ဒီဟာ တွေက မဖြစ်မနေ လုပ်ရမှာတော့ မဟုတ်ဘူး။ ကျနော်တို့တော့ တိုက်တွန်းတာပေါ့လေ။ ဒီအချက်တွေတော့ ကောင်းတယ် ဆိုပြီးတော့လေ။ ဒါပေမယ့် လက်ရှိ အခင်းအကျင်းမှာတော့ သူတို့ ဘယ်လို သုံးသပ်ကြမလဲ ဆို တာတော့ ကျနော်တို့လည်း မပြောတတ်သေးဘူးပေါ့လေ။ ဒါပေမယ့် ဒီဟာက အားလုံးအတွက် အဆင်ပြေစေ မယ့် မူဘောင်တွေကို ကျနော်တို့က ပြတာပေါ့လေ” ဟု ဆက်လက် ရှင်းပြသည်။ IMJA အား ဦးဆောင် ကော်မတီဝင် EC ၁၂ ဦး ဖြင့် ဖွဲ့စည်းထားသော်လည်း အကြောင်းအမျိုးမျိုးကြောင့် မအားလပ်သည့် အဖွဲ့ဝင်များ နုတ်ထွက်သွားသည် ဖြစ်ရာ ၂၀၂၄ ခုနှစ်၊ နိုဝင်ဘာလ ၁ ရင်နေ့၌ ကြားဖြတ် ရွေးကောက်ပွဲ ပြန်လည်ကျင်းပခဲ့သည်။ အဆိုပါ ကော်မတီဝင်များမှာလည်း ဇူလိုင်လ အကုန်တွင် သက်တမ်း ကုန်ဆုံးသွားသဖြင့် လတ်တလော ယာယီ အဖွဲ့ဝင်များဖြင့် လည်ပတ်လျက်ရှိပြီး လာမည့် ရက်ပေါင်း ၁၀၀ အတွင်း ရွေးကောက်ပွဲ ထပ်မံ ကျင်းပသွား မည် ဟု IMJA လက်ရှိ ဦးဆောင် အဖွဲ့ဝင်များက ဆိုသည်။

IMJA က NUCC ကို သတင်းမီဒီယာ ဥပဒေ မူဘောင် အကြံပြု

Sep 9

စစ်သင်္ဘောယာဉ်တန်းဖြတ်စဉ် ပစ်ခတ်မှုကြောင့် အရပ်သားများ သေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၉ ရက်။ ကချင်ပြည်၊ ဗန်းမော်မြို့မှ စုန်ဆင်းလာသည့် စစ်သင်္ဘော ယာဉ်တန်း ထီးချိုင့်မြို့နယ်ကို ဖြတ်သန်းချိန် စစ်တပ်က လေကြောင်းအပြင် လက်နက်ကြီးဖြင့် ပစ်ခတ်မှုတို့ကြောင့် အရပ်သား ၁၁ ဦး သေဆုံးခဲ့သည်။ ထီးချိုင့်မြို့နယ်ထဲ စစ်သင်္ဘောများ ဝင်လာချိန်တွင် စက်တင်ဘာလ ၆ ရက်နေ့ နှင့် ၇ ရက်နေ့က ဝေဟင်မှ ခြံရံလာသည့် Y 12 ရဟတ်ယာဥ်ဖြင့် လည်းကောင်း၊ မြေပြင်နှင့် စစ်သင်္ဘောများပေါ်မှ လည်းကောင်း လက်နက်ကြီးများဖြင့် ပစ်ခတ်မှုများ ပြုလုပ်ခဲ့ခြင်းဖြစ်သည်။ စစ်ရေး သတင်းအရင်းအမြစ် တစ်ဦးက “ထီးချိုင့်နယ်ထဲ ရောက်တော့ စပြီးပစ်တော့တာပဲ။ တော်တော် အပစ်ခံ ရတယ်။ ထီးချိုင့်နယ်ထဲ ရောက်တာနဲ့ ဆက်တိုက် သင်္ဘောပေါ်ကနေ တဒုန်းဒုန်း တဒိုင်းဒိုင်းနဲ့ စပြီး ပစ်တော့ တာပဲ။ လေယာဥ်တွေနဲ့လည်း ဗုံးကြဲတာ” ဟု ပြောသည်။ သေဆုံးသူများမှာ မောင်းကုန်းကျေးရွာမှ ရွာသား ၅ ဦး၊ ကျောက်မှော်ကျေးရွာမှ ၁ ဦး၊ ဘိုကုန်းကျေးရွာမှ ၃ ဦးနှင့် ဝဲကြီး (ချွန်း) ကျေးရွာမှ ၂ ဦး စုစုပေါင်း ၁၁ ဦး သေဆုံးခဲ့သည်ဟု ထီးချိုင့် တော်လှန်ရေးအဖွဲ့ (Tigyaing Revolution – TR) က သတင်း ထုတ်ပြန်သည်။ သို့သော် သေဆုံးသူများ၏ အသေးစိတ် အချက်အလက်များကိုမူ Tigyaing Revolution က မထုတ်ပြန်သေး ပေ။ ဗန်းမော်မြို့ကို ရောက်ရှိနေသည့် စစ်သင်္ဘောနှင့် သံခွန်သင်္ဘောများပါသည့် စစ်ရေယာဉ်တန်းသည်သည် ဝေဟင် မှ Y 12 အမျိုးအစား ရဟတ်ယာဥ်များ ခြံရံကင်းထောက်စေကာ မြစ်ကြောင်းအတိုင်း စက်တင်ဘာလ ၅ ရက်နေ့၊ နံနက်ပိုင်းမှ စတင်ကာ စုန်ဆင်းလာခဲ့ခြင်း ဖြစ်သည်။ အဆိုပါ စစ်သင်္ဘောအုပ်စုမှာ ထီးချိုင်မြို့နယ် အထက်ဘက်ရှိ ကသာမြို့နယ်၊ ရွှေကူမြို့နယ်တို့ကို ဖြတ်သန်း စုန်ဆင်းလာချိန်တွင်လည်း စစ်ကောင်စီက အလားတူ ပစ်ခတ်တိုက်ခိုက်မှုများ လုပ်ခဲ့သေးသည်။ ကသာမြို့နယ်ဒေသခံ တစ်ဦးက “ကသာနယ်ကတော့ မိုးတားလေးရွာ ဈေးရှေ့ အိမ်တွေလည်းထိတယ်။ တကယ့် လူစည်ကားတဲ့နေရာ အဲ့တကြောလေးပေါ့ အိမ်တွေ ဟိုထိ ဒီထိပေါ့။ ပြီးတော့ ကျန်တဲ့ နေရာတွေ လည်း လေယာဥ် ဗုံးချသွားတာ ရှိတယ်။ ဒါပေမဲ့ ပြည်သူတွေကတော့ အားလုံး သင်္ဘောလာတဲ့ အချိန် ရှောင်နေ ကြတော့ အသေအဆုံး အထိအခိုက်တော့ မရှိဘူး” ဟု ပြောသည်။ ကသာနှင့် ရွှေကူမြို့နယ်ထဲ လေကြောင်းမှ ဗုံးကြဲတိုက်ခိုက်မှု၊ လက်နက်ကြီးဖြင့် ပစ်ခတ်မှုများထဲ အရပ်သား သေဆုံးမှုများမရှိခဲ့သော်လည်း မြစ်ကမ်းဘေးရှိ ကျေးရွာများထဲက နေအိမ်များစွာ ပျက်စီးခဲ့သည်ဟု ဒေသခံများ က ပြောသည်။ စစ်သင်္ဘောများမှာ ပြီးခဲ့သည့် ဇူလိုင်လအတွင်းက မန္တလေးဂေါဝန်ဆိပ်ကမ်းမှ ဗန်းမော်မြို့အထိ ဆန်တက်ခဲ့ချိန် တွင်လည်း ရေယာဉ်တန်းအတွက် စစ်ကော်မရှင်က လမ်းကြောင်းရှင်း လေကြောင်း တိုက်ခိုက်မှု၊ လက်နက်ကြီး ပစ်ခတ်မှုများကြောင့် အရပ်သား ၃၁ ဦး သေဆုံးခဲ့ရသေးသည်။ ထို့အပြင် ဧရာဝတီမြစ်ကမ်းဘေးရှိ ‌ကျေးရွာအချို့သည် ပစ်ခတ်မှုများ အကြား နေအိမ်များစွာ ပျက်ဆီးမှုများရှိခဲ့ သည့်ပြီး ဘာသာရေး အဆောက်အအုံများနှင့် စေတီပုထိုးများပါ လမ်းကြောင်း ရှင်းပစ်ခတ်မှုတို့ကြောင့် ထိမှန် ပျက်စီးခဲ့သေးသည်။ ဓာတ်ပုံ - ချင်းတွင်းမြစ်ကြောင်းပေါ်ရှိ စစ်သင်္ဘောတစ်စီး (ချင်းတွင်းမြစ်ကမ်းဘေး ကျေးရွာများ သပိတ်စစ်ကြောင်း)

စစ်သင်္ဘောယာဉ်တန်းဖြတ်စဉ် ပစ်ခတ်မှုကြောင့် အရပ်သားများ သေဆုံး

« Prev 1 … 188 189 190 191 192 … 1,115 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

မီဒီယာများအတွက် နည်းပညာကုမ္ပဏီကြီးများကို အခွန်ကောက်မည့် ဥပဒေ ဩစတြေးလျ အတည်ပြု — August 21, 2026 8:07 pm
ထိုင်ဝမ် ကာကွယ်ရေးဘတ်ဂျက် စံချိန်တင် အတည်ပြု — August 21, 2026 8:04 pm
အမေရိကန်-တောင်ကိုရီးယား စစ်ရေးလေ့ကျင့်မှု ရုတ်တရက် ရပ်ဆိုင်း — August 21, 2026 8:02 pm

Recent Posts

ရွှေကူ လေကြောင်းတိုက်ခိုက်မှုတွင် ကိုယ်ဝန်ဆောင် အမျိုးသမီးအပါ အရပ်သားများ ဒဏ်ရာရ
သောင်ရင်းမြစ်ရေတက်ပြီး မြဝတီနှင့် မဲဆောက်တွင် ရေကြီးရေလျှံမှုဖြစ်
အင်းလေးရေ မြင့်တက်လာ၍ ကြိုတင်ရွှေ့ပြောင်းမှုများ ပြုလုပ်
မြောင် ဘုန်းကြီးကျောင်း ဥပုသ်နေ့တွင် ဗုံးကြဲခံရ၍ ၁၂ ဦး ထက်မနည်း သေဆုံး
ဂွနှင့်သံတွဲကို စစ်တပ်က လေယာဉ်အုပ်ဖွဲ့ ဗုံးကြဲမှုကြောင့် စစ်ဘေးရှောင်များ ဒဏ်ရာရ

Archives

Archives

×Close