NMG Doh – Page 188 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Sep 17

တောင်တရုတ် ပင်လယ်တွင် ဖိလစ်ပိုင် သင်္ဘောများအား တရုတ်က ရေ အမြောက်နှင့် ပစ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၇ ရက်။ တောင်တရုတ်ပင်လယ်ရှိ အငြင်းပွားနေသော Scarborough Shoal (စကားဘိုရို ရေတိမ်ပိုင်း) အနီးတွင် တရုတ် ကမ်းခြေစောင့်တပ်ဖွဲ့က ဖိလစ်ပိုင် သင်္ဘောများကို ရေအမြောက်နှင့် ပက်ခဲ့သည်။ လူတစ်ယောက် ဒဏ်ရာရသွားသည့် အင်္ဂါနေ့က ဖြစ်ရပ်ကို ဖိလစ်ပိုင်နိုင်ငံက တရုတ်၏ ရန်လိုမှု ဟု စွပ်စွဲထားသည်။ တရုတ်ဘက်ကတော့ ဖိလစ်ပိုင် သင်္ဘောများက တရားမဝင် ကျူးကျော် ဝင်ရောက်လာခဲ့ခြင်း ဖြစ်သည်ဟု စွပ်စွဲထားသည်။ ဖိလစ်ပိုင် သင်္ဘော ၁၀ စီးဝင်ရောက်လာပြီးမှသာ ရေအမြောက်များနှင့် ပက်ခဲ့သည်ဟုလည်း တရုတ်ဘက်က ပြောသည်။ ဖိလစ်ပိုင် မော်တော်ဘုတ် တစ်စီးသည် တရုတ် သင်္ဘောတစ်စီးကို ဝင်တိုက်ရန် တမင်သက်သက် ကြိုးစားခဲ့သည်ဟုလည်း တရုတ်က ပြောသည်။ ဖိလစ်ပိုင်ဘက်ကတော့ လူသားချင်းစာနာမှု လုပ်ငန်းစဉ်ကို တရုတ်က နှောက်ယှက် ဖျက်စီးခဲ့သည်ဟု ဆိုသည်။ ဤအဖြစ်အပျက်သည် လွန်ခဲ့သည့် အပတ်က အဆိုပါ ရေတိမ်ပိုင်းကို တရုတ်က အမျိုးသား သဘာဝ ထိန်းသိမ်းရေးဇုံ အဖြစ် ပြောင်းလဲရန် အစီအစဉ်ကို အတည်ပြုလိုက်ပြီး နောက်တွင် ဖြစ်ပွားလာခဲ့ခြင်း ဖြစ်သည်။ ထိုနေရာကို အမျိုးသား သဘာဝ ထိန်းသိမ်းရေးဇုန် တည်ဆောက်ခြင်းသည် ဒေသတွင်း တည်ငြိမ်မှုကို ပျက်ပြားစေသည့် တရုတ်၏ နောက်ထပ် အတင်းအကြပ် လုပ်ဆောင်မှု တစ်ခု ဖြစ်သည်ဟု အမေရိကန် နိုင်ငံခြားရေး ဝန်ကြီး မာကို ရူဘီယိုက ပြောသည်။

တောင်တရုတ် ပင်လယ်တွင် ဖိလစ်ပိုင် သင်္ဘောများအား တရုတ်က ရေ အမြောက်နှင့် ပစ်

Sep 16

အိပ်မက်လည်း ပျက်၊ လူလည်းဆုံး ခဲ့ရတဲ့ နေပြည်တော်က လူငယ်လေးတွေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၆ ရက်။ နေပြည်တော် ကောင်စီ နယ်မြေ၊ ဥတ္တခရိုင် တပ်ကုန်းမြို့နယ်က လူငယ်လေး လေးယောက်ဟာ ထိုင်းနိုင်ငံမှာ အလုပ်လုပ်ဖို့ စက်တင်ဘာလ ၆ ရက်နေ့ ညပိုင်းမှာ မြောက်မြိုက်ရွာကနေ ခရီးစခဲ့ပါတယ်။ သူတို့လေးယောက်ကတော့ အသက် ၂၃ နှစ်အရွယ် ကိုဆန်းဝင်းကျော်နဲ့ အသက် ၂၁ နှစ်အရွယ် ကိုချစ်ဖြိုးကျော်တို့ ညီအစ်ကို နှစ်ယောက်၊ နောက်ထပ် ညီအစ်ကို ဝမ်းကွဲတော်တဲ့ သူ တစ်ယောက်နဲ့ ကိုဆန်းဝင်းကျော်ရဲ့ ဇနီး အသက် ၁၈ နှစ်ပဲ ရှိသေးတဲ့ မပပဝင်းခင်တို့ ဖြစ်ကြပါတယ်။ ညီ အငယ်ဆုံး ချစ်ဖြိုးကျော်ကတော့ Facebook အကောင့်မှာ သူတို့ ခရီးစဉ်အတွက် နှုတ်ဆက်စကားဆိုခဲ့ပါတယ်။ “နှုတ်ဆက်ခဲ့ပါတယ်။ မြောက်မြိုက်ရွာကြီးရေ၊ တစ်နေ့ ပြန်လာမယ်။ ချစ်ရတဲ့ သူငယ်ချင်းတို့ ခဏတော့ မင်းတို့နဲ့ခွဲခွာပြီး သူများနိုင်ငံမှာ လူရာဝင်ဖို့ ငွေအများကြီးရအောင် စီးပွားသွားရှာအုံးမယ်ကွာ” ဆိုပြီး Post မှာ ရေးတင်ထားခဲ့ပါသေးတယ်။ ပွဲစားတွေရဲ့ အကူအညီနဲ့ သူတို့ လေးယောက်ဟာ စက်တင်ဘာလ ၉ ရက်နေ့မှာတော့ ဘုရားသုံးဆူမှာ ရောက်နေပါပြီ။ လူသယ်ပို့တဲ့ ပွဲစားတွေဟာ သူတို့ အပါအဝင် မြန်မာ အလုပ်သမား ၂၂ ဦးကို စက်တင်ဘာ ၉ ရက်နေ့ ညပိုင်းမှာ ထိုင်းနိုင်ငံဘက်ကို တိတ်တိတ်လေး သယ်ဆောင်လာပါတယ်။ သူတို့လှေနောက်မှာ တခြားမြန်မာလူငယ်တွေပါတဲ့ လှေ ၆ စီးလည်း ပါလာတယ်လို့ ဆိုပါတယ်။ ထိုင်းနိုင်ငံက တည်ဆောက်ထားတဲ့ Vajiralongkorn ရေကာတာအတွင်းက ဆည်ကို ဖြတ်ပြီး ထိုင်းနိုင်ငံ Thong Pha Phum ကို လှေနဲ့ ညမှောင်မှောင်မှာ လာခဲ့ကြတာပါ။ Thong Pha Phum ကို မရောက်ခင် ဆည်ထဲမှာပဲ ရေထဲမှာ ပေါလောမျောနေတဲ့ သစ်တုံးကြီးတစ်တုံးကို လှေက ဝင်တိုက်မိပါတယ်။ စက်လှေမှောက်ချိန်မှာတော့ ဝမ်းကွဲ အကိုဖြစ်တဲ့သူက ဝမ်းလျားမှောက်နေတဲ့ လှေကို ခိုရင်း သူ့ ဆွေမျိုးတွေကို ရှာကြည့်ပေမယ့် မတွေ့ဘူးလို့ ဆိုပါတယ်။ နောက်က ပါလာတဲ့ လှေ ၆ စီးက အဲဒီ ဝမ်းကွဲ အကိုနဲ့ တခြား လှေမှောက်ရာမှာပါလာတဲ့သူတွေကို တင်ခေါ်သွားခဲ့ကြပါတယ်။ ဒါပေမယ့် ကိုဆန်းဝင်းကျော်တို့ ညီအစ်ကိုနဲ့ မပပဝင်းခင်တို့ကတော့ ပါမလာကြတော့ပါဘူး။ စက်တင်ဘာလ ၁၂ ရက်နေ့မှာတော့ ထိုင်းနိုင်ငံ ကန်ချနပူရီ ခရိုင် ဆန်ခလဘူရီ ဒေသခံတွေဟာ မြန်မာ ရွှေ့ပြောင်း အလုပ်သမား ၃ ယောက်ရဲ့ အလောင်းတွေကို တွေ့ခဲ့တယ်ဆိုတဲ့အကြောင်း အာဏာပိုင်တွေကို အကြောင်းကြားခဲ့ပါတယ်။ ထိုင်းပရဟိတ အဖွဲ့တစ်ဖွဲ့က တင်ထားတဲ့ သေဆုံးသူတွေရဲ့ ဓါတ်ပုံတွေကို ကြည့်တဲ့အခါမှာတော့ ကိုဆန်းဝင်းကျော်တို့ရဲ့ အကိုကြီး ဖြစ်သူက သေဆုံးသူ သုံးယောက်ဟာ ကိုဆန်းဝင်းကျော်၊ ကိုချစ်ဖြိုးကျော်နဲ့ မပပဝင်းခင်တို့ ဖြစ်တယ်ဆိုတာကို အတည်ပြုနိုင်ခဲ့ပါတော့တယ်။ Facebook အကောင့်မှာ ရွာကို နှုတ်ဆက်သွားခဲ့တဲ့ ကိုချစ်ဖြိုးကျော် တစ်ယောက်ကတော့ သူချစ်တဲ့ မြောက်မြိုက်ရွာကို ဘယ်တော့မှ ပြန်လာနိုင်တော့မှာ မဟုတ်ပါဘူး။

အိပ်မက်လည်း ပျက်၊ လူလည်းဆုံး ခဲ့ရတဲ့ နေပြည်တော်က လူငယ်လေးတွေ

Sep 16

ကမ္ဘောဒီးယား နယ်စပ်တွင် မိုင်းနှင့် ပေါက်ကွဲတတ်သော ပစ္စည်း ၂၄၀၀ ကျော်တွေ့ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၆ ရက်။ အပစ်ရပ် သဘောတူညီချက်ရပြီးနောက်တွင် ကမ္ဘောဒီးယား နယ်စပ်တလျောက် မိုင်းနဲ့ မပေါက်ကွဲသေးသည့် ဗုံးသီး စုစုပေါင်း ၂,၄၀၀ ကျော် တွေ့ရှိခဲ့သည်ဟု ထိုင်းနိုင်ငံ မိုင်းလှုပ်ရှားမှု စင်တာ (Thai Mine Action Center) က ပြောသည်။ ထိုင်း-ကမ္ဘောဒီးယား နယ်စပ်က Phu Makua, Chong An Ma နဲ့ Chong Bok ဧရိယာ သုံးခုကို ဩဂုတ်လ ၁၀ ရက်က ၂၃ ရက်အတွင်းနဲ့ ဩဂုတ် ၂၉ ရက်ကနေ စက်တင်ဘာလ ၁၁ ရက်နေ့အထိ ရှင်းလင်းခဲ့ရာမှာ တွေ့ရှိခဲ့ခြင်း ဖြစ်သည်ဟု ထိုင်းစစ်တပ်က ပြောသည်။ လူသတ်မိုင်းဟု ခေါ်သော Anti-personal မိုင်း ၃၄၉ လုံး၊ တင့်ဖျက်မိုင်း ၄ လုံး၊ မပေါက်ကွဲသေးသည့် ဗုံးသီး ၇၅ ခု နှင့် အသုံးမပြုရသေးသည့် ပေါက်ကွဲစေသော ပစ္စည်း ၂၀၄၂ ခု တွေ့ရှိခဲ့သည်ဟု ဆိုသည်။ ယင်း ဒေသသုံးခုသည် ထိုင်း-ကမ္ဘောဒီးယားနယ်စပ်ဖြစ်သော Si Sa Ket ခရိုင်နဲ့ Ubon Ratchathani ခရိုင်များအတွင်းတွင် တည်ရှိသည်။

ကမ္ဘောဒီးယား နယ်စပ်တွင် မိုင်းနှင့် ပေါက်ကွဲတတ်သော ပစ္စည်း ၂၄၀၀ ကျော်တွေ့

Sep 16

ယူကရိန်းလေပိုင်နက်ထဲ မပျံသန်းရ ဇုံ သတ်မှတ်ရန် ပိုလန် အကြံပြု သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၆ ရက်။ မြောက်အတ္တလန်တိတ် စာချုပ်အဖွဲ့ NATO (နေတိုး) အဖွဲ့အနေဖြင့် လေယာဉ်မပျံသန်းရ ဇုံ တစ်ခုကို ယူကရိန်းနိုင်ငံ လေပိုင်နက်ထဲတွင် သတ်မှတ်သင့်သည်ဟု ပိုလန်နိုင်ငံက အကြံပြုလိုက်သည်။ ပိုလန် နိုင်ငံခြားရေး ဝန်ကြီး Radoslaw Sikorski က NATO အဖွဲ့ဝင်နိုင်ငံများအနေဖြင့် မဟာမိတ် နယ်မြေများနှင့် ပြည်သူများအား ရုရှားဒရုန်းရန်မှ ကာကွယ်ရန် ယူကရိန်းလေပိုင်နက်ထဲတွင် လေယာဉ်မပျံသန်းရ ဇုံတစ်ခု သတ်မှတ်သင့်သည်ဟု အကြံပြုလိုက်ခြင်း ဖြစ်သည်။ ပိုလန်နိုင်ငံခြားရေး ဝန်ကြီး၏ အကြံပြုချက်သည် မကြာသေးမီက ရုရှားဒရုန်းများ ပိုလန် လေပိုင်နက်ကို ကျူးကျော်လာခဲ့ခြင်းကြောင့် NATO တိုက်လေယာဉ်များက ပစ်ချလိုက်ပြီးနောက် ထွက်ပေါ်ခဲ့ခြင်း ဖြစ်သည်။ ဤကိစ္စကို ပိုလန် တစ်နိုင်ငံထဲအနေဖြင့် လုပ်၍ မရသော်လည်း နေတိုးနှင့် EU မဟာမိတ်များအနေဖြင့် လုပ်နိုင်သည့် ကိစ္စ ဖြစ်သည်ဟု ဂျာမန် သတင်းစာတစ်စောင်ကို ပိုလန်ဝန်ကြီးက ပြောသည်။ အမေရိကန် သမ္မတ ဂျိုးဘိုင်ဒန် လက်ထက် ၂၀၂၂ ခုနှစ်အတွင်းက NATO မဟာမိတ်များသည် ယူကရိန်းလေပိုင်နက်ကို လေယာဉ်မပျံသန်းရဇုံ သတ်မှတ်ရန် ဆွေးနွေးခဲ့ဘူးသေးသည်။ သို့သော်လည်း ရုရှား တိုက်လေယာဉ်များနှင့် ထိပ်တိုက်ရင်ဆိုင်ရမည်ကို စိုးရိမ်သည့်အတွက် အဆိုပါ အစီအစဉ်ကို ငြင်းပယ်ခဲ့ကြသည်။ ယခုအကြိမ် ပိုလန် ဝန်ကြီး Sikorski ၏ အဆိုပြုချက်မှာ NATO နိုင်ငံများနှင့် ထိစပ်နေသော ယူကရိန်း နယ်စပ်သို့ ချည်းကပ်လာမည့် ရုရှားဒရုန်းများကိုသာ ရည်ရွယ်ထားပုံလည်း ရသည်။

ယူကရိန်းလေပိုင်နက်ထဲ မပျံသန်းရ ဇုံ သတ်မှတ်ရန် ပိုလန် အကြံပြု

Sep 12

ကျောက်တော်မြို့နယ်က ကိုယ်ပိုင်အထက်တန်းကျောင်း ဗုံးကြဲခံရမှု ၂၂ ဦးသေဆုံး သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၂ ရက်။ ရခိုင်ပြည် ကျောက်တော်မြို့နယ်ထဲက ကိုယ်ပိုင် အထက်တန်းကျောင်းကို စစ်ကော်မရှင်တပ်က လေကြောင်းကနေ ဗုံးကြဲတိုက်ခိုက်ခဲ့ရာ သေဆုံးသူ ၂၂ ဦး ရှိသွားပြီဟု ဒေသခံများက ပြောသည်။ စက်တင်ဘာလ ၁၂ ရက်နေ့၊ နံနက်အစောပိုင်း ၁ နာရီခန့်တွင် ကျောက်ဖြူမြို့နယ်ထဲက သရက်တပင်ကျေးရွာရှိ ပညာပန်းခင်းဆိုသည့် ကိုယ်ပိုင် အထက်တန်းကျောင်း ရှေ့တည့်တည့်ကို လေကြောင်းမှ ဗုံးကြဲခဲ့ခြင်း ဖြစ်သည်။ ဒေသခံတစ်ဦးက “တိုက်ပွဲလည်း မဖြစ်ပါဘူး။ အခုဖြစ်သွားတဲ့နေရာက ကျောင်းသားတွေ နေတဲ့ နေရာပါ။ ဒီလို နေရကို ဗုံးကြဲတာက လူမဆန်တဲ့ လုပ်ရပ်လို့ပဲ ပြောရမှာပေါ့ဗျာ။ ကျောင်း တာဝန်ရှိသူ ပြောပြချက်အရ ဆိုရင် ကလေးတွေက အိပ်ခါစပဲ ရှိသေးတယ်။ ကျောင်းသားတွေ စာကျက်ပြီး အိပ်ခါစလေးမှာ ဖြစ်သွားတာ တဲ့။ လေယာဉ်သံတော့ ကြားလိုက်တယ် ပြေးချိန် မရလိုက်ဘူးတဲ့” ဟု ပြောသည်။ လေကြောင်းမှ ပေါင် ၅၀၀ ဗုံး နှစ်လုံး ကျောင်းရှေ့ တည့်တည့်ကို ကြဲသွားခြင်း ဖြစ်သည်ဟု အာရက္ခတပ်တော် ULA/AA က ထုတ်ပြန်ထားသည်။ ဖြစ်ဖြစ်ချင်း၌ သေဆုံးသူ ၁၇ ဦး၊ ဒဏ်ရာ ရသူ အယောက် ၃၀ နီးပါးခဲ့ရာမှ စက်တင်ဘာလ ၁၂ ရက်နေ့၊ နေ့လည် ပိုင်း ၂ နာရီကျော်ခန့်တွင် သေဆုံးသူ ဦးရေ ထပ်တိုးလာကာ ယခုတွင် သေဆုံးသူ ၂၂ ဦး ရှိသွားပြီ ဖြစ်သည်။ ဒေသခံတစ်ဦးက “မြင်ရတွေ့ရတာ တကယ်ကို စိတ်မကောင်းစရာပါ။ လုပ်ရက်လိုက်ကြတာဗျာ။ ဘယ်လိုမှ ခွင့်လွှတ်စရာ အကြောင်းမရှိဘူး။ လူထုလည်း နာရေးရော စိုးရိမ်တာရော အဲ့လိုဖြစ်နေကြတာ။ ဟိုး ပြီးခဲ့ နှစ်ရက်လောက်ကလည်း ကင်းထောက်ပျံသွားတာရှိတယ်။ နောက်ပြီး ဇီးချောင်းဘက်ကို လာပစ်သွားတာ လည်း ရှိနေတော့ ထပ်လာမှာကိုလည်း စိုးရိမ်ကြတာတော့ရှိတယ်” ဟု ပြောသည်။ ဒဏ်ရာရထားသောသူများထဲ၌ အသက်အန္တရာယ် စိုးရိမ်ရသည့် သူများ ရှိနေသေးသည်ဟု ဆိုသည်။ ယခုဖြစ်စဉ်အတွင်း သေဆုံး ဒဏ်ရာ ရသူများထဲ ကျောင်းသား အများစု ပါဝင်သည်ဟု ဆိုသည်။ ကျောင်းသား များမှာ Grade 10၊ Grade 11၊ Grade 12 မှာ ကျောင်းသားများ ဖြစ်သည်ဟု ဆိုသည်။ ထို့အပြင် သေဆုံးဒဏ်ရာ ရသူများထဲ၌ ကိုယ်ပိုင်ကျောင်းအနီးရှိ အရပ်သားနေအိမ်များမှ အရပ်သားပြည်သူများ လည်း ပါသည်ဟု ဆိုကြသည်။ ဗုံးကြဲမှုကြောင့် ပညာပန်းခင်း ကိုယ်ပိုင်ကျောင်းအပြင် အနီးအနားရှိ အခြားကိုယ်ပိုင်ကျောင်း တစ်ကျောင်းလည်း လုံးဝပျက်စီးသွားသည် မြို့ခံများက ပြောသည်။ ကျောက်တော်မြို့နယ်၊ သရက်တပင်ကျေးရွာက ‘ပညာပန်းခင်း’ ကိုယ်ပိုင်အထက်တန်းကျောင်းနှင့် ‘အမြင်သစ်’ ကိုယ်ပိုင်အထက်ကျောင်းတို့ကို တပြိုင်တည်း ပေါင်း ၅၀၀ ဗုံး ၂လုံး ပစ်ခတ်သွားခြင်း ဖြစ်သည်ဟု ရခိုင်တက်ကြွလှုပ်ရှားသူ ကိုဝေဟင်အောင်က ၎င်း၏ လူမှုကွန်ရက် စာမျက်နှာတွေ ရေးသားထားသည်။ ကျောင်းနှစ်ကျောင်းလုံး လုံးဝ ပျက်စီးသွားသည့်အပြင် အနီးအနားပတ်ဝန်းကျင်က အရပ်သား နေအိမ် ၆ဆောင်လည်း လုံးဝပျက်စီးသွားသည်ဟု ဆိုသည်။ ဓါတ်ပုံ - ကိုဝေဟင်အောင်

ကျောက်တော်မြို့နယ်က ကိုယ်ပိုင်အထက်တန်းကျောင်း ဗုံးကြဲခံရမှု ၂၂ ဦးသေဆုံး

Sep 12

အပူအစပ်စားခြင်းသည် နှလုံးနှင့် ဦးနှောက်အတွက် အထောက်အကူပြုနိုင်သည်ဟု ဆို သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၁ ရက်။ အပူအစပ် စားခြင်းသည် နှလုံးကျန်းမာရေးအတွက် အထောက်အကူပြုနိုင်သည်ဟု တရုတ်နိုင်ငံ စီချွမ်ပြည်နယ်တွင် ပြုလုပ်ခဲ့သည့် သုတေသန တစ်ခုက တွေ့ရှိခဲ့သည်။ သုတေသနသည် လူပေါင်း ၅၄,၀၀၀ ကျော်ကို စောင့်ကြည့်လေ့လာခဲ့ခြင်းဖြစ်ပြီး၊ အပူအစပ်ကို ပုံမှန်စားသုံး သူများသည် နှလုံးနဲ့ ဦးနှောက်ဆိုင်ရာ ရောဂါဝေဒနာများ ဖြစ်ပွားနိုင်ခြေ ပိုနည်းသည်ကို တွေ့ရသည်ဟု Zhonghua Liu Xing Bing Xue Za Zhi ကျန်းမာရေး သိပ္ပံ ဂျာနယ်တွင် ဖော်ပြထား သည်။ တစ်ပတ်တွင် ၆ ရက်မှ ၇ ရက်အထိ အပူအစပ်ကို စားသုံးသူများသည် နှလုံးသွေးကြောကျဉ်းရောဂါနှင့် လေဖြတ်နိုင်ခြေ ပိုနည်းသည်ဟု သုတေသနက ဆိုသည်။ အပူအစပ် စားသုံးမှုများလေလေ ရောဂါဖြစ်နိုင်ခြေ ပိုနည်းလေလေဟုလည်း ဆိုထားသည်။ ငရုတ်သီးမှုန့်ကဲ့သို့ အပူအစပ်အစားအစာများတွေ အဓိကပါဝင်ပစ္စည်းတစ်ခုမှာ Capsaicin (ကပ်ဆိုင်စင်) ဟုခေါ်သော ဓာတ်တစ်မျိုး ဖြစ်သည်။ ထိုဓာတ်သည် လူများ အပူအစပ်စားသည့်အခါ ခံစားရသည့် ပူလောင်သော ခံစားချက်ကို ဖြစ်စေသည်။ ကပ်ဆိုင်စင်ဟာ ခန္ဓာကိုယ်ထဲရှိ အာရုံကြောများနှင့် သွေးကြောနံရံများတွင် ရှိသော အာရုံခံစနစ်ကို လှုံ့ဆော်ပေးသည်။ ထိုသို့ ပုံမှန်လှုံ့ဆော်ပေးသည့်အခါ သွေးကြောများကို ကျယ်စေပြီး သွေးစီးဆင်းမှုကို ကောင်းမွန်စေသည့် Nitric Oxide (နိုက်ထရစ်အောက်ဆိုဒ်) ဓာတ် ထုတ်လုပ်မှုကို တိုးမြှင့်ပေးသည်။ ထိုဖြစ်စဉ်ကြောင့် သွေးပေါင်ချိန်ကို ကျစေပြီး သွေးကြော နံရံများကို ပိုမိုသန်မာစေသည်။ သွေးကြောများ သန်မာပြီး ပျော့ပြောင်းသည့်အခါ နှလုံး၏ အလုပ်ဝန်ကို လျော့ကျစေပြီး ရေရှည်တွင် နှလုံးကျန်းမာရေးအတွက် အထူးအကျိုးပြုသည်ဟု ဆိုသည်။ သို့ဖြစ်ရာ အပူအစပ် စားသုံးခြင်းသည် ခံတွင်းလိုက်ရုံတင်သာမက နှလုံးသွေးကြောစနစ်ကိုပါ ကျန်းမာစေနိုင်သည်ဟု သုတေသီများက ဆိုသည်။

အပူအစပ်စားခြင်းသည် နှလုံးနှင့် ဦးနှောက်အတွက် အထောက်အကူပြုနိုင်သည်ဟု ဆို

Sep 12

လိင်တူ ချစ်သူများ အခွင့်အရေးအပြည့်အဝ ရရှိရေးအတွက် ဥပဒေ ဟောင်ကောင်လွှတ်တော် ပယ်ချ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၂ ရက်။ ဟောင်ကောင်ဥပဒေပြုလွှတ်တော်က နိုင်ငံခြားတွင် လက်ထပ်ထားသည့် လိင်တူချစ်သူစုံတွဲများကို တရားဝင် အခွင့်အရေး အချို့ပေးရန် ရည်ရွယ်သည့် ဥပဒေမူကြမ်း တစ်ခုကို ဗုဒ္ဓဟူးနေ့က ပယ်ချလိုက် သည်။ နိုင်ငံခြားတွင် လက်ထပ်ထားသည့် လိင်တူ ချစ်သူ စုံတွဲများကို ဆေးရုံ လူနာစောင့်ခွင့်ကဲ့သို့ အခွင့်အ ရေးများ ပေးရန်အစိုးရက တင်ပြထားသည့် ဥပဒေ မူကြမ်းကို ပယ်ချလိုက်ခြင်းဖြစ်သည်။ ဟောင်ကောင်၏ အမြင့်ဆုံး တရားရုံးက ၂၀၂၃ ခုနှစ်တွင် လိင်တူ ချစ်သူစုံတွဲများကို အပြည့်အဝ အသိအမှတ်ပြုရန် ဆုံးဖြတ်ချက်အရ အစိုးရက ယခုမူကြမ်းကို တင်သွင်းခဲ့ခြင်းဖြစ်သည်။ အဆိုပါ ဥပဒေ မူကြမ်းကို ပီကင်းလိုလားသည့် အမတ်များနှင့် ဘာသာရေး အုပ်စုများက အပြင်းအထန် ကန့်ကွက်ခဲ့ကြသည်။ မဲခွဲ ဆုံးဖြတ်ရာတွင် လိင်တူ ချစ်သူများကို အခွင့်အရေး အပြည့်အဝ ပေးရေး ဥပဒေကြမ်းကို ထောက်ခံမဲ ၁၄ မဲ ကန့်ကွက်မဲ ၇၁ မဲနဲ့ ပယ်ချခဲ့ခြင်း ဖြစ်သည်။

လိင်တူ ချစ်သူများ အခွင့်အရေးအပြည့်အဝ ရရှိရေးအတွက် ဥပဒေ ဟောင်ကောင်လွှတ်တော် ပယ်ချ

Sep 12

ပိုလန်နိုင်ငံက ရုရှား ဒရုန်းများ ပစ်ချ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၂ ရက်။ ပိုလန်နိင်ငံက လေပိုင်နက်ကို ကျူးကျော်လာသည်ဟု ဆိုကာ ရုရှား ဒရုန်းများကို ဗုဒ္ဓဟူးနေ့က ပစ်ချလိုက်သည်။ ပိုလန်သည် ယူကရိန်းစစ်ပွဲ အတွင်း ပထမဆုံး ပစ်ခတ်မှု လုပ်ခဲ့သော နေတိုးအဖွဲ့ဝင် နိုင်ငံ ဖြစ်လာခဲ့သည်။ ဤစစ်ဆင်ရေးအတွင်း ပိုလန်နိုင်ငံက F-16 ဂျက်တိုက်လေယာဉ်များ၊ နယ်သာလန်နိုင်ငံက F-35 များ၊ အီတလီက အေဝက် ထောက်လှမ်းရေး လေယာဉ်များနှင့် NATO အဖွဲ့မှ လေထဲတွင် ဆီဖြည့်ပေးနိုင်သည့် လေယာဉ်များ ပါဝင်ခဲ့သည်။ ရုရှားက ပစ်လွှတ်သည့် ဒရုန်း တစ်စီးသည် ပိုလန်ကျေးရွာတရွာရှိ နှစ်ထပ်အိမ်တစ်အိမ်၏ အပေါ်ထပ်ကို ကျရောက်ခဲ့သည်။ ပိုလန် ဝန်ကြီးချုပ် Donald Tusk (ဒေါ်နယ် တပ်စ်ခ်) က ဒုတိယ ကမ္ဘာစစ်နောက်ပိုင်း စစ်ပဋိပက္ခနှင့် အနီးဆုံးရောက်လာနေသည်ဟု လွှတ်တော်ကို ပြောကြားလိုက်သည်။ မော်စကိုဘက်ကတော့ ဒရုန်းများကို ပိုလန်နိုင်ငံဘက်သို့ ပစ်လွှတ်ခြင်းမျိုး မရှိဟု ပြောသည်။ ရုရှားကာကွယ်ရေး ဝန်ကြီးဌာနက ဒရုန်းများကို ယူကရိန်း အနောက်ပိုင်းရှိ စစ်ရေး အဆောက်အဦများကို တိုက်ခိုက်ရန် လွှတ်တင်ခြင်းသာ ဖြစ်ပြီး ပိုလန်ရှိ ပစ်မှတ်များကို တိုက်ခိုက်ရန် အစီအစဉ် မရှိဟု ဆိုသည်။ ပြင်သစ်၊ ဗြိတိန်၊ ဂျာမဏီနဲ့ ကနေဒါ အပါအဝင် နေတိုးနိုင်ငံများက သံသယရှိဖွယ် ရုရှား၏ ကျူးကျော်မှုကို ရှုတ်ချသည်။ ဆလိုဗေးနီးယား၊ ဒိန်းမတ်၊ ဂရိ၊ ပြင်သစ်နဲ့ ဗြိတိန်နိုင်ငံတွေကတော့ ဒီကိစ္စနှင့် ပတ်သက်ပြီး ကုလသမဂ္ဂ လုံခြုံရေး ကောင်စီကို သောကြာနေ့တွင် အစည်းအဝေး ခေါ်ရန် တောင်းဆိုထားသည်။ ပိုလန်နိုင်ငံအနေဖြင့် ရုရှားက ယူကရိန်းကို အပြင်းအထန် တိုက်ခိုက်နေချိန်တွင် အရာဝတ္ထု ၁၉ ခုက ပိုလန် လေပိုင်နက်ထဲသို့ ဝင်ရောက်လာသောကြောင့် ပစ်ချခဲ့သည်ဟု ပြောသည်။ အနည်းဆုံး ဒရုန်းငါးစီးသည် ယူကရိန်းကို လက်နက် ပို့ဆောင်ရာတွင် နေတိုးက သုံးသည့် Rzeszow လေဆိပ်ကို ဦးတည်ပျံသန်းလာခဲ့သည်ဟု နေတိုး၏ အဆင့်မြင့်အရာရှိတယောက်က AP သတင်းဌာနကို ပြောခဲ့သည်။

ပိုလန်နိုင်ငံက ရုရှား ဒရုန်းများ ပစ်ချ

Sep 11

စစ်ကော်မရှင် ဖိအားကြောင့် ဖောင်တော်ဦး ဘုရားပွဲ ကျင်းပရခြင်း ဖြစ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၁၁ ရက်။ ဖောင်တော်ဦး ဘုရားပွဲ ကျင်းပရခြင်းမှာ စစ်ကော်မရှင် ဖိအားကြောင့် ဖြစ်သည်ဟုဆို ဒေသခံပြည်သူများက ပြောသည်။ ရှမ်းပြည်တောင်ပိုင်း၊ ညောင်ရွှေမြို့နယ်၊ အင်းလေးဒေသတွင် ဖောင်တော်ဦးဘုရား ဒေသစာရီကြွချီ အပူဇော်ခံပွဲ အား စစ်ကော်မရှင် ဦးဆောင်မှုဖြင့် ကျင်းပရန် စတင်ပြင်ဆင်နေပြီဟု ဘုရားအနီး နေထိုင်သူများက ပြောသည်။ စစ်ကော်မရှင် လက်အောက်ခံ ညောင်ရွှေမြို့နယ် ထွေအုပ်၊ ၎င်းတို့ လက်ဝေခံ အင်းအမျိုးသား အဖွဲ့ချုပ်ပါတီ၊ ပအိုဝ်းအမျိုးသား အဖွဲ့ချုပ်ပါတီ (PNO) နှင့် စစ်ကော်မရှင်ခန့် တိုင်းရင်းသားရေးရာ ဝန်ကြီး ဦးအောင်ကြည်ဝင်း တို့မှ ဦးဆောင်၍ ကျင်းပသွားရန် စီစဉ်ထားခြင်း ဖြစ်သည်။ ဒေသတွင်း တက်ကြွလှုပ်ရှားနေသည့် အင်းလေးအမျိုး သမီးသမဂ္ဂအဖွဲ့ (IWU) အတွင်းရေးမှူး မကြိုးကြာက “ဒီမှာတော့ ဖောင်တော်ဦးဘုရားက အရင်လို ပြင်ဆင်လို့ မပြီးသေးဘူးပေါ့နော်။ မတ်လတုန်းက အင်းလေးမှာ လှုပ်ခတ်ခဲ့တဲ့ ငလျင်ဒဏ်ကြောင့် ဘုရားရင်ပြင်နဲ့ ဖောင်တော်ထားတဲ့ အဆောက်အဦး ပျက်စီးသွားခဲ့တယ်ပေါ့။ ဒါပေမယ့် တစ်ကျောင်းလုံး ပျက်စီးသွားတာ မဟုတ်တော့ ဘုရားပွဲက ကျင်းပလို့ ရတယ်ပေါ့။ ဒါပေမယ့် ဘုရား ကြွပါတဲ့ ၂၁ ဌာန တချို့ ဘုရားကျိန်းကျောင်းတွေ ဆိုရင် ပြင်လို့ မပြီးသေးဘူးလို့ သိရတယ်ပေါ့နော်” ဟု ပြော သည်။ ဘုရားပွဲတော် ကျင်းပရခြင်းမှာ စစ်ကော်မရှင်က ရွေးကော်ပွဲအတွက် မဲဆွယ်ခြင်းနှင့် ပွဲကန်ထရိုက်ဆွဲသူများက လောင်းကစားဝိုင်း ကျင်းပရန်အတွက်သာ ဖြစ်သည်ဟု ဆိုသည်။ အင်းလေး PDF ပြန်ကြားရေး တာဝန်ရှိသူ တစ်ဦးက “ရွာတိုင်းရွာတိုင်းမှာ သူတို့ကို ထောက်ခံအားပေးတဲ့ လူနည်းစု ရှိတယ်ပေါ့။ အဲဒီ လူနည်းစုကနေ တက်တက်ကြွကြွ လုပ်ပြီးတော့ သူတို့ကို မထောက်ခံတဲ့ လူများစု ကို အတင်းအကြပ် ခိုင်းစေပြီးတော့ ပြီးတော့ မထွက်မနေရ မပါဝင် မနေရဆိုတဲ့ ပုံစံမျိုးနဲ့ အတင်းအကြပ် လုပ်ခိုင်းတာမျိုးတော့ ကြားနေရတယ်ဗျ” ဟု ပြောသည်။ အင်းလေးဒေသ၌ ပြီးခဲ့သည့် ၂၀၂၄ ခုနှစ် စက်တင်ဘာလက ရေဘေးအပြင် ယခုနှစ် မတ်လတွင်လည်း ငလျင်ဒဏ်ကြောင့် လူနေအိမ် ရာချီ ပျက်စီးခဲ့ရပြီး လူပေါင်း ၁၀၀ ကျော် ထိခိုက်သေဆုံးခဲ့ရသည်။ ထို့အပြင် လက်ရှိ ကာလ၌လည်း ပျက်စီးသွားသည့် နေအိမ်များ ပြန်လည် တည်ဆောက်ရန် မပြီးစီးသေးသည့် အပြင် ခရီးသွား ဧည့်သည်များလည်း မလာရောက်နိုင်သေးသဖြင့် ပွဲတော်ကျင်းပမည် ဆိုပါက ငွေကြေးခက်ခဲမှု ရှိနိုင်သည်ဟု ဒေသခံများက ဆိုသည်။ ဖောင်တော်ဦးဘုရား အနီး သာလေးကျေးရွာအုပ်စုတွင် နေထိုင်သူ တစ်ဦးက “ဘုရားတောင်ဘက်ဆိုင်တွေ ရေကျန်သေးတယ်။ ဒီရက်ပိုင်း မိုးထပ်ရွာတော့ ရေသာထပ်တက်ရင် အားလုံး ဒုက္ခရောက်ကုန်မယ်။ ပွဲဖြစ်လို့ လည်း ပိုက်ဆံရှာရတာ မဟုတ်ဘူး။ ရေမြုပ်နေရင် ရပ်ဝေးက ဧည့်သည်တွေ လာလို့မရဘူး” ဟု ပြောသည်။ အင်းလေးဒေသ၌ စစ်ကော်မရှင်တပ်က စစ်မှုထမ်းကို လစဉ်ခေါ်ယူလေ့ရှိပြီး ယခု ဘုရားပွဲတော် အကြောင်းပြု၍ စစ်မှုထမ်းအတွက် ပေါ်တာ ဆွဲမည်ကို ဒေသခံများက စိုးရိမ်ပူပန်နေကြသည်။ ဖောင်တော်ဦး ဘုရားပွဲအား လာမည့် သီတင်းကျွတ် လဆန်း ၁ ရက် (စက်တင်ဘာလ ၂၂ ရက်နေ့) မှ စတင်၍ သီတင်းကျွတ် လပြည့်ကျော် ၃ ရက် (အောက်တိုဘာလ ၉ ရက်နေ့) အထိ ကျင်းပမည်ဖြစ်ပြီး စစ်ကော်မရှင် လက်အောက်ခံ ပအိုဝ်းပြည်သူ့စစ်အဖွဲ့ (PNA) က လုံခြုံရေး တာဝန်ယူသွားမည်ဟု ဒေသခံများက ပြောသည်။

စစ်ကော်မရှင် ဖိအားကြောင့် ဖောင်တော်ဦး ဘုရားပွဲ ကျင်းပရခြင်း ဖြစ်

« Prev 1 … 186 187 188 189 190 … 1,115 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

မီဒီယာများအတွက် နည်းပညာကုမ္ပဏီကြီးများကို အခွန်ကောက်မည့် ဥပဒေ ဩစတြေးလျ အတည်ပြု — August 21, 2026 8:07 pm
ထိုင်ဝမ် ကာကွယ်ရေးဘတ်ဂျက် စံချိန်တင် အတည်ပြု — August 21, 2026 8:04 pm
အမေရိကန်-တောင်ကိုရီးယား စစ်ရေးလေ့ကျင့်မှု ရုတ်တရက် ရပ်ဆိုင်း — August 21, 2026 8:02 pm

Recent Posts

ရွှေကူ လေကြောင်းတိုက်ခိုက်မှုတွင် ကိုယ်ဝန်ဆောင် အမျိုးသမီးအပါ အရပ်သားများ ဒဏ်ရာရ
သောင်ရင်းမြစ်ရေတက်ပြီး မြဝတီနှင့် မဲဆောက်တွင် ရေကြီးရေလျှံမှုဖြစ်
အင်းလေးရေ မြင့်တက်လာ၍ ကြိုတင်ရွှေ့ပြောင်းမှုများ ပြုလုပ်
မြောင် ဘုန်းကြီးကျောင်း ဥပုသ်နေ့တွင် ဗုံးကြဲခံရ၍ ၁၂ ဦး ထက်မနည်း သေဆုံး
ဂွနှင့်သံတွဲကို စစ်တပ်က လေယာဉ်အုပ်ဖွဲ့ ဗုံးကြဲမှုကြောင့် စစ်ဘေးရှောင်များ ဒဏ်ရာရ

Archives

Archives

×Close