NMG Doh – Page 36 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Mar 12

စစ်ပွဲ ၂ လ ကြာမြင့်ပါက ထိုင်းနိုင်ငံ ခရီးသွားလုပ်ငန်းက ဘတ် ဘီလီယံ ၄၀ ဆုံးရှုံးဖွယ်ရှိ သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၁၂ ရက်။ ပင်လယ်ကွေ့ စစ်ပွဲ ၂ လ ကြာမြင့်ခဲ့မည်ဆိုပါက ထိုင်း ခရီးသွားလုပ်ငန်းကဏ္ဍတွင် ဘတ် ဘီလီယံ ၄၀ ကျော် ဆုံးရှုုံးနိုင်ချေရှိသည်ဟု ထိုင်းနိုင်ငံ ခရီးသွားလာရေးနှင့် အားကစား ဝန်ကြီးဌာနက ခန့်မှန်းထားသည်ဟု ဘန်ကောက်ပို့စ် သတင်းစာတွင် ဖော်ပြသည်။ ဝန်ကြီးဌာန၏ အမြဲတမ်း အတွင်းဝန် Natthriya Thaweevong က အဓိက အားဖြင့် အရှေ့အလယ်ပိုင်းနှင့် ဥရောပမှာ ခရီးသွားများကို ဆုံးရှုံရမည်ဖြစ်သည်ဟု ပြောကြားခဲ့သည်။ ဝန်ကြီးဌာနရဲ့ ခန့်မှန်းချက်အရ ပင်လယ်ကွေ့စစ်ပွဲ ရက်သတ္တပတ် ၈ ပတ်ကြာမြင့်ခဲ့ပါက နိုင်ငံခြား ခရီးသွား ၆ သိန်းနီးပါး လျော့နည်းသွားနိုင်ပြီး ဝင်ငွေ ဘတ် ၄၀.၉ ဘီလီယံခန့် ဆုံးရှုံးနိုင်သည်။ ရက်သတ္တပတ် ၄ ပတ် ကြာမြင့်ခဲ့ပါက ခရီးသွား ၃ သိန်းကျော် လျော့နည်းပြီး ဝင်ငွေ ဘတ် ၂၁.၅ ဘီလီယံ လျော့ကျမည်ဖြစ်ပြီး ၃ ပတ်အောက်ဆိုပါက ခရီးသွား ၂ သိန်း ဝင်ငွေ ဘတ် ၁၃.၁ ဘီလီယံ လျော့ကျသွားနိုင်သည်ဟု ခန့်မှန်းထားသည်။ ပင်လယ်ကွေ့ စစ်ပွဲ ဖြစ်ပွားခဲ့သည့် ဖေဖော်ဝါရီ ၂၈ မှ မတ် ၅ အတွင်း ခရီးစဉ် ၄၀၉ ခု ဖျက်သိမ်းခဲ့ရသည်။ လေယာဉ် ဆီဈေးတက်ခြင်းနှင့် လမ်းကြောင်းလွှဲပျံသန်းရခြင်းကြောင့် လေယာဉ်လက်မှတ်ခများ မြင့်တက်လာနိုင်ဖွယ်ရှိနေပြီး ဥရောပတွင် ငွေကြေးဖောင်းပွမှုကြောင့် ခရီးသွားများ၏ သုံးစွဲနိုင်စွမ်း လျော့ကျသွားနိုင်ဖွယ်ရှိနေသည်။ ဆုံးရှုံးမှုများကို ကာမိစေရန် ထိုင်းနိုင်ငံ နိုင်ငံခြား ခရီးသွား လုပ်ငန်း အနေဖြင့် ဥရောပအစား အနီးအနားရှိ မလေးရှား၊ အိန္ဒိယနှင့် တောင်ကိုရီးယား ကဲ့သို့သော ခရီးတို (Short-haul) ဈေးကွက်များကို ပိုမိုဦးစားပေး ဆွဲဆောင်သွားရန် စီစဉ်နေသည်။ အာရှနှင့် အရှေ့တောင်အာရှကို ဥရောပနှင့် ချိတ်ဆက်ပေးမည့် လေကြောင်းဗဟိုချက် (Aviation Hub) အဖြစ် မြှင့်တင်ရန် အခွင့်အရေးတစ်ရပ်အဖြစ်လည်း ကြိုးပမ်းနေသည် ဆိုသည်။ #ထိုင်းခရီးသွားလုပ်ငန်း #အီရန်စစ်ပွဲ

စစ်ပွဲ ၂ လ ကြာမြင့်ပါက ထိုင်းနိုင်ငံ ခရီးသွားလုပ်ငန်းက ဘတ် ဘီလီယံ ၄၀ ဆုံးရှုံးဖွယ်ရှိ

Mar 12

ကျားဖြန့် ဂိုဏ်းများကို နှိမ်နင်းရာတွင် Meta ကုမ္ပဏီ ပူးပေါင်းပါဝင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၂ ရက်။ အရှေ့တောင်အာရှအခြေစိုက် အွန်လိုင်းငွေလိမ်ဂိုဏ်း (ကျားဖြန့်) များကို နှိမ်နင်းရန် ထိုင်းဘုရင့်ရဲတပ်ဖွဲ့၊ အမေရိကန် FBI နှင့် နိုင်ငံတကာရဲတပ်ဖွဲ့များ ပူးပေါင်းပြုလုပ်သည့် စစ်ဆင်ရေးတွင် Meta ကုမ္ပဏီက သံသယဖြစ်ဖွယ် အကောင့်ပေါင်း ၁ သိန်းခွဲကျော်ကို ပိတ်သိမ်းခဲ့သည်။ Meta လက်အောက်ရှိ Facebook, Instagram, WhatsApp, Messenger နှင့် Threads အစရှိသည့် Platform များမှတစ်ဆင့် လိမ်လည်မှုများ မခံရစေရန် လုံခြုံရေးစနစ်သစ်များကိုလည်း မိတ်ဆက်ပေးခဲ့သည်။ ၎င်းစနစ်များတွင် Facebook ၌ သံသယဖြစ်ဖွယ် Friend Requests များကို သတိပေးခြင်း၊ WhatsApp အကောင့်ကို ခွင့်ပြုချက်မရှိဘဲ ချိတ်ဆက်ရန် ကြိုးစားမှုကို တားဆီးခြင်းနှင့် Messenger တွင် အလုပ်အကိုင်ကမ်းလှမ်းချက်အတုများကို AI နည်းပညာဖြင့် စစ်ဆေးခြင်းတို့ ပါဝင်သည်။ အဆိုပါ စစ်ဆင်ရေးအတွင်း ထိုင်းရဲတပ်ဖွဲ့က သံသယရှိသူ ၂၁ ဦးကိုလည်း ဖမ်းဆီးအရေးယူထားခဲ့သည်။ #Meta #Scammer #Facebook

ကျားဖြန့် ဂိုဏ်းများကို နှိမ်နင်းရာတွင် Meta ကုမ္ပဏီ ပူးပေါင်းပါဝင်

Mar 12

ကနေဒါ ရေငုပ်သင်္ဘောသစ် စီမံကိန်းတွင် ဗြိတိန်နှင့် နော်ဝေနိုင်ငံတို့ ပါဝင်နိုင်ရန် ကြိုးစား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၂ ရက်။ ကနေဒါရေတပ်၏ အမေရိကန်ဒေါ်လာ ၄၀ ဘီလီယံတန်ဖိုးရှိ ရေငုပ်သင်္ဘောသစ် ၁၂ စင်း တည်ဆောက်ရေးစီမံကိန်း (CPSP) တွင် ဗြိတိန်နှင့် နော်ဝေနိုင်ငံတို့ ပူးပေါင်းပါဝင်လာသည်။ ဗြိတိန်၏ Babcock International ကုမ္ပဏီသည် တောင်ကိုရီးယား၏ Hanwha Ocean နှင့် မဟာမိတ်ဖွဲ့ကာ တင်ဒါဝင်ရောက်ခဲ့ပြီး၊ ဂျာမနီ၏ TKMS ကုမ္ပဏီဘက်တွင်မူ နော်ဝေနိုင်ငံက နည်းပညာပိုင်းဆိုင်ရာ ပူးပေါင်းဆောင်ရွက်လျက်ရှိသည်။ အဆိုပါစီမံကိန်းသည် ကနေဒါနိုင်ငံ၏ ဟောင်းနွမ်းနေပြီဖြစ်သော Victoria-class ရေငုပ်သင်္ဘောများနေရာတွင် ခေတ်မီ ဒီဇယ်-လျှပ်စစ် ရေငုပ်သင်္ဘောများဖြင့် အစားထိုးရန်ဖြစ်သည်။ ကိုရီးယားကုမ္ပဏီများဖြစ်သော Hanwha နှင့် Hyundai တို့က ၎င်းတို့၏ ရေငုပ်သင်္ဘောများကို ဝယ်ယူပါက ကနေဒါထံမှ သံမဏိနှင့် ရေနံစိမ်းများကို ပြန်လည်ဝယ်ယူမည့်အပြင်၊ ဟိုက်ဒရိုဂျင်နှင့် ဂြိုဟ်တုနည်းပညာရပ်ဝန်းများတွင်လည်း ရင်းနှီးမြှုပ်နှံမှုများ ပြန်လည်ပြုလုပ်ပေးမည်ဟု အခွင့်အလမ်းများ ကမ်းလှမ်းထားသည်။ #ကနေဒါရေငုပ်သင်္ဘောသစ်စီမံကိန်း #နော်ဝေ #ဗြိတိန်

ကနေဒါ ရေငုပ်သင်္ဘောသစ် စီမံကိန်းတွင် ဗြိတိန်နှင့် နော်ဝေနိုင်ငံတို့ ပါဝင်နိုင်ရန် ကြိုးစား

Mar 12

စစ်ပွဲအတွင်း အီရန်က တရုတ်သို့ ရေနံများ ဆက်လက် တင်ပို့နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၂ ရက်။ ဟော်မုဇ်ရေလက်ကြားတွင် ရေနံတင်ပို့မှုလမ်းကြောင်းများ ပြတ်တောက်နေသော်လည်း အီရန်နိုင်ငံသည် ၎င်း၏ အဓိကဝယ်လက်ဖြစ်သော တရုတ်နိုင်ငံသို့ ရေနံစည်ပေါင်း ၁၁.၇ သန်းကျော်ကို ဆက်လက်တင်ပို့နေကြောင်း ဂြိုဟ်တုဓာတ်ပုံမှတ်တမ်းများတွင် တွေ့ရသည်။ အီရန်၏ တိုက်ခိုက်မည်ဆိုသည့် ခြိမ်းခြောက်မှုများကြောင့် ရေနံတင်သင်္ဘောအများစုမှာ တည်နေရာပြစနစ် (Tracking Systems) များကို ပိတ်ထားကြသော်လည်း ဂြိုဟ်တုဓာတ်ပုံများအရ အဆိုပါသင်္ဘောများသည် တရုတ်နိုင်ငံသို့ ဦးတည်မောင်းနှင်နေခြင်း ဖြစ်သည်။ လက်ရှိ တင်ပို့မှုပမာဏမှာ စစ်ပွဲမတိုင်မီကထက် ထက်ဝက်ခန့် လျော့ကျသွားသော်လည်း တရုတ်နိုင်ငံအနေဖြင့် စွမ်းအင်အခက်အခဲအတွက် ကြိုတင်ပြင်ဆင်မှုအဖြစ် ဇန်နဝါရီလအထိ ရေနံစည်ပေါင်း ၁.၂ ဘီလီယံခန့် သိုလှောင်ထားပြီးဖြစ်သည်။ ၎င်းပမာဏမှာ တရုတ်နိုင်ငံအတွက် ၃ လမှ ၄ လစာအထိ လုံလောက်စွာ သုံးစွဲနိုင်မည် ဖြစ်သည်။စစ်ပွဲအတွင်း အီရန်က တရုတ်သို့ ရေနံများ ဆက်လက် တင်ပို့နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၂ ရက်။ ဟော်မုဇ်ရေလက်ကြားတွင် ရေနံတင်ပို့မှုလမ်းကြောင်းများ ပြတ်တောက်နေသော်လည်း အီရန်နိုင်ငံသည် ၎င်း၏ အဓိကဝယ်လက်ဖြစ်သော တရုတ်နိုင်ငံသို့ ရေနံစည်ပေါင်း ၁၁.၇ သန်းကျော်ကို ဆက်လက်တင်ပို့နေကြောင်း ဂြိုဟ်တုဓာတ်ပုံမှတ်တမ်းများတွင် တွေ့ရသည်။ အီရန်၏ တိုက်ခိုက်မည်ဆိုသည့် ခြိမ်းခြောက်မှုများကြောင့် ရေနံတင်သင်္ဘောအများစုမှာ တည်နေရာပြစနစ် (Tracking Systems) များကို ပိတ်ထားကြသော်လည်း ဂြိုဟ်တုဓာတ်ပုံများအရ အဆိုပါသင်္ဘောများသည် တရုတ်နိုင်ငံသို့ ဦးတည်မောင်းနှင်နေခြင်း ဖြစ်သည်။ လက်ရှိ တင်ပို့မှုပမာဏမှာ စစ်ပွဲမတိုင်မီကထက် ထက်ဝက်ခန့် လျော့ကျသွားသော်လည်း တရုတ်နိုင်ငံအနေဖြင့် စွမ်းအင်အခက်အခဲအတွက် ကြိုတင်ပြင်ဆင်မှုအဖြစ် ဇန်နဝါရီလအထိ ရေနံစည်ပေါင်း ၁.၂ ဘီလီယံခန့် သိုလှောင်ထားပြီးဖြစ်သည်။ ၎င်းပမာဏမှာ တရုတ်နိုင်ငံအတွက် ၃ လမှ ၄ လစာအထိ လုံလောက်စွာ သုံးစွဲနိုင်မည် ဖြစ်သည်။ #အီရန်စစ်ပွဲ #တရုတ်နိုင်ငံ #ရေနံတင်ပို့မှု

စစ်ပွဲအတွင်း အီရန်က တရုတ်သို့ ရေနံများ ဆက်လက် တင်ပို့နေ

Mar 12

နိုင်ငံ ၃၀ ကျော်မှ အရန် ရေနံများ ထုတ်သုံးမည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၂ ရက်။ အရှေ့အလယ်ပိုင်း ပင်လယ်ကွေ့ဒေသ စစ်မက်ဖြစ်ပွားမှုကြောင့် ရေနံဈေးနှုန်းများ အဆမတန် မြင့်တက်လာခြင်းကို လျော့ချနိုင်ရန် အပြည်ပြည်ဆိုင်ရာ စွမ်းအင်အေဂျင်စီ (IEA) အဖွဲ့ဝင် ၃၂ နိုင်ငံက အရေးပေါ် အရန်သိုလှောင်ထားသည့် ရေနံစည်ပေါင်း သန်း ၄၀၀ ကို ထုတ်သုံးရန် သဘောတူညီခဲ့ကြသည်။ ဤပမာဏမှာ အဖွဲ့ဝင်နိုင်ငံများ သိုလှောင်ထားသည့် စုစုပေါင်းပမာဏ၏ သုံးပုံတစ်ပုံခန့်ရှိပြီး IEA သမိုင်းတစ်လျှောက် အများဆုံး စံချိန်တင် ထုတ်ယူမှုဖြစ်သည်။ ပင်လယ်ကွေ့စစ်ပွဲ စတင်ချိန်မှစ၍ ကမ္ဘာ့ရေနံဈေးနှုန်းမှာ ၂၅ ရာခိုင်နှုန်းခန့် မြင့်တက်ခဲ့ပြီး ယခုထုတ်လွှတ်မည့် ပမာဏမှာ ၂၀၂၂ ခုနှစ် ရုရှား-ယူကရိန်းစစ်ပွဲအတွင်း ထုတ်ချခဲ့သည့် ပမာဏထက် နှစ်ဆကျော် ပိုမိုများပြားသည်။ သို့သော်လည်း အဆိုပါပမာဏမှာ ကမ္ဘာတစ်ဝန်း ၃ ရက်မှ ၄ ရက်စာ သုံးစွဲမှုအတွက်သာ လုံလောက်သဖြင့် ရေတိုဖြေရှင်းချက်သာ ဖြစ်နိုင်ကြောင်း ကျွမ်းကျင်သူများက ထောက်ပြကြသည်။ တစ်ဖက်တွင်လည်း အမေရိကန်သမ္မတ ဒေါ်နယ်ထရန့်က ဟော်မုဇ်ရေလက်ကြား (Strait of Hormuz) လုံခြုံရေးအတွက် အီရန်နိုင်ငံ၏ ရေမြုပ်မိုင်းထောင်သည့် သင်္ဘော ၂၈ စီးကို ဖျက်ဆီးနိုင်ခဲ့ပြီ ဖြစ်ကြောင်း ထုတ်ဖော်ပြောကြားခဲ့သည်။ #အရန်ရေနံ #အီရန်စစ်ပွဲ

နိုင်ငံ ၃၀ ကျော်မှ အရန် ရေနံများ ထုတ်သုံးမည်

Mar 12

တရက်တည်း ကုန်သင်္ဘော ၆ စီးထက်မနည်း တိုက်ခံရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၂ ရက်။ အမေရိကန်-အစ္စရေးနှင့် အီရန်တို့အကြား စစ်ပွဲကြောင့် ပင်လယ်ကွေ့ဒေသအတွင်း ကုန်သွယ်ရေးသင်္ဘောများ ပစ်မှတ်ထားတိုက်ခိုက်ခံနေရပြီး ဗုဒ္ဓဟူးနေ့ (မတ်လ ၁၁ ရက်) က သင်္ဘော ၆ စင်းထက်မနည်း ထပ်မံတိုက်ခိုက်ခံခဲ့ရသည်။ စစ်ပွဲစတင်ချိန်မှစ၍ ယခုအထိ တိုက်ခိုက်ခံရသည့် သင်္ဘောစုစုပေါင်း ၁၆ စင်းထက်မနည်း ရှိလာပြီဖြစ်သည်။ အီရတ်နိုင်ငံ၊ ဘာစရာ (Basra) ဆိပ်ကမ်းအနီးတွင် ရေနံတင်သင်္ဘော ၂ စင်း (Safesea Vishnu နှင့် Zefyros) ကို အီရန်ပေါက်ကွဲစေတတ်သော စက်လှေများဖြင့် တိုက်ခိုက်ခဲ့သည်။ သင်္ဘောများ မီးလောင်ကျွမ်းခဲ့ပြီး သင်္ဘောသားတစ်ဦး သေဆုံးကာ အခြားသူများကို အီရတ်ကယ်ဆယ်ရေးအဖွဲ့က ကယ်တင်နိုင်ခဲ့သည်။ ဤတိုက်ခိုက်မှုကြောင့် အီရတ်၏ ရေနံတင်ပို့သည့် ဆိပ်ကမ်းများအားလုံး လုပ်ငန်းလည်ပတ်မှု ရပ်ဆိုင်းလိုက်ရသည်။ ထိုင်းနိုင်ငံအလံတင်ထားသည့် Mayuree Naree အမည်ရှိ ကုန်တင်သင်္ဘောသည် ဟော်မုဇ်ရေလက်ကြားကို ဖြတ်သန်းစဉ် တိုက်ခိုက်ခံခဲ့ရသည်။ အင်ဂျင်ခန်း မီးလောင်ပျက်စီးခဲ့ပြီး သင်္ဘောသား ၃ ဦး ပျောက်ဆုံးနေဆဲဖြစ်သည်။ ကျန်ရှိသော သင်္ဘောသား ၂၀ ဦးကိုမူ ဘေးကင်းစွာ ကယ်ထုတ်နိုင်ခဲ့သည်။ အီရန်တော်လှန်ရေးအစောင့်တပ်က ၎င်းတို့၏ တိုက်လေယာဉ်များဖြင့် တိုက်ခိုက်ခဲ့ခြင်းဖြစ်ကြောင်း ထုတ်ဖော်ပြောကြားခဲ့သည်။ ဂျပန်အလံတင် ကွန်တိန်နာသင်္ဘော (ONE Majesty)၊ ဂရိပိုင် ကုန်တင်သင်္ဘော (Star Gwyneth) နှင့် အခြားကွန်တိန်နာသင်္ဘောတစ်စင်းတို့လည်း အာရပ်စော်ဘွားများပြည်ထောင်စု (UAE) ကမ်းလွန်ပင်လယ်ပြင်တွင် တိုက်ခိုက်ခံခဲ့ရသော်လည်း ထိခိုက်ပျက်စီးမှု အနည်းငယ်သာ ရှိခဲ့သည်ဟု ဆိုသည်။ ကမ္ဘာ့ရေနံသုံးစွဲမှု၏ ငါးပုံတစ်ပုံခန့် ဖြတ်သန်းရာ ဟော်မုဇ်ရေလက်ကြားတွင် သင်္ဘောသွားလာမှုများ လုံးဝရပ်တန့်လုနီးပါး ဖြစ်နေသည်။ အီရန်ဘက်ကလည်း ၎င်းတို့အပေါ် တိုက်ခိုက်မှုများ ဆက်ရှိနေပါက အရှေ့အလယ်ပိုင်းမှ ရေနံတစ်စက်မှ အပြင်သို့ ထွက်ခွာခွင့်မပြုဟု ခြိမ်းခြောက်ထားသည်။ အမေရိကန် သမ္မတဒေါ်နယ်ထရမ့်က အီရန်၏ ရေတပ်မှာ အားနည်းသွားပြီဖြစ်၍ သင်္ဘောကုမ္ပဏီများအနေဖြင့် သတ္တိရှိရှိ ဆက်လက်သွားလာကြရန် တိုက်တွန်းထားပြီး လိုအပ်ပါက အမေရိကန်ရေတပ်က လိုက်ပါစောင့်ရှောက်ပေးမည်ဟု ဆိုသည်။ သို့သော်လည်း အမေရိကန်ရေတပ် တာဝန်ရှိသူများကမူ လက်ရှိတွင် တိုက်ခိုက်ခံရနိုင်ခြေ အလွန်မြင့်မားနေသဖြင့် သင်္ဘောများကို လိုက်ပါစောင့်ရှောက်ပေးရန် ငြင်းဆိုထားသည်ဟု ဆိုသည်။ #လောင်စာဆီ #ထိုင်းသင်္ဘော #အီရန်စစ်ပွဲ #

တရက်တည်း ကုန်သင်္ဘော ၆ စီးထက်မနည်း တိုက်ခံရ

Mar 12

စစ်မှန်သည့် ဆွေးနွေးပွဲများ ပေါ်ပေါက်မှသာ ဆွေးနွေးမည်ဟု KIO ပြော၊ စစ်ပွဲများ ရပ်ရန်၊ စစ်ကော်မရှင်နှင့် ဆွေးနွေးရန် တရုတ် တိုက်တွန်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၂ ရက်။ မြန်မာ့ပြည်တွင်းစစ်ကို အမှန်တကယ် အဆုံးသတ်နိုင်မည့် နိုင်ငံရေးဆွေးနွေးပွဲများ ဖြစ်လာမှသာ စစ်ကော်မရှင် နှင့် တွေ့ဆုံမည်ဖြစ်ကြောင်း ကချင်လွတ်လပ်ရေးအဖွဲ့ (KIO/KIA) က တရုတ်အစိုးရ၏ တိုက်တွန်းမှုကို တုံ့ပြန် လိုက်သည်။ ပြီးခဲ့သည့် ဖေဖော်ဝါရီလကုန်ပိုင်းက တရုတ်နိုင်ငံတွင် ပြုလုပ်ခဲ့သည့် KIO ဥက္ကဋ္ဌ ဗိုလ်ချုပ်ကြီး အင်ဘန်လ ဦးဆောင်သည့်အဖွဲ့နှင့် တရုတ်နိုင်ငံ ယူနန်ပြည်နယ် တာဝန်ရှိသူများ၏ တွေ့ဆုံပွဲတွင် တရုတ်ဘက်က စစ်ကော်မရှင်နှင့် နိုင်ငံရေးအရ ဆွေးနွေးရန် အကြံပြုခဲ့ခြင်းဖြစ်သည်။ သို့သော် လက်ရှိအခြေအနေတွင် စစ်ကော်မရှင်ဘက်က ပြည်တွင်းစစ်အဆုံးသတ်ရန် အားထုတ်မှု မရှိသဖြင့် ဆွေးနွေးရန် အဆင်မပြေသေးကြောင်း KIO ဘက်က တုံ့ပြန်ခဲ့သည်။ KIO/KIA သတင်းနှင့် ပြန်ကြားရေးတာဝန်ခံ ဗိုလ်မှူးကြီးနော်ဘူက “အခုလောလောဆယ် အချိန် ကာလမှာက တော့ စစ်ကော်မရှင်ဘက်ကနေ နိုင်ငံရေးဆွေးနွေး တကယ့်မြန်မာနိုင်ငံလုံးနဲ့ဆိုင်တဲ့ မြန်မာ့ပြည်တွင်းစစ် အဆုံး သတ်နိုင်တဲ့ နိုင်ငံရေးဆွေးနွေးပွဲကတော့ အခုချိန်မှာ စစ်ကော်မရှင်ဘက် ကနေ လုပ်မယ့်အလားအလာ ကျနော် တို့လည်း မတွေ့ဘူး။ သူတို့လည်း အဲဒါကို မပြောဘူး။ ဒါကြောင့် ကျနော်တို့လည်း ဆွေးနွေးဖို့ အဆင်မပြေတာ” ဟု ပြောသည်။ KIO ၏ သဘောထားနှင့် ပတ်သက်၍ ဒုတိယ ဗိုလ်ချုပ်ကြီးဂွန်မော်ကလည်း ၎င်း၏ မိန့်ခွန်းတစ်ခုတွင် KIO အနေဖြင့် တစ်ဖွဲ့ချင်းစီ တွေ့ဆုံမှုကို လက်ခံမည်မဟုတ်ကြောင်းနှင့် စစ်ကော်မရှင်အနေဖြင့် အမျိုးသား ညီညွတ် ရေးအစိုးရ (NUG) နှင့် စကားပြောလိုသည့် ဆန္ဒ ရှိ၊ မရှိကိုသာ နေပြည်တော်သို့ မေးမြန်းထားကြောင်း ထည့်သွင်းပြောဆိုထားသည်။ KIO/KIA ၏ သဘောထားကို ကချင်လွတ် လပ်ရေးကောင်စီ (KIC) ဒုဥက္ကဋ္ဌ - ၁ ဒုတိယ ဗိုလ်ချုပ်ကြီး ဂွန်မော်က ပြီးခဲ့သည့် ဖေဖော်ဝါရီလ ၈ ရက်နေ့တွင် အမေရိကန်နိုင်ငံ၊ တက္ကဆက်ပြည်နယ်၌ ကျင်းပသည့် ၆၅ နှစ်မြောက် ကချင်တော်လှန်ရေးနေ့ အခမ်းအနား ဗီဒီယို မိန့်ခွန်းတွင် ထည့်သွင်းပြောဆိုခဲ့ခြင်း ဖြစ်သည်။ လက်ရှိ အနေအထားများအရ စစ်ကော်မရှင်နှင့် တွေ့ဆုံဆွေးနွေးရန် မဖြစ်နိုင်သေးသော်လည်း နိုင်ငံရေးပြောင်း လဲမှုများကို ဖြစ်ပေါ်စေနိုင်သည့် ဆွေးနွေးပွဲများအတွက် KIO/KIA အနေဖြင့် အသင့်ရှိကြောင်း တရုတ်ကိုယ် စားလှယ်များအား ပြောဆိုခဲ့သည်ဟု ဗိုလ်မှူးကြီးနော်ဘူ က ဆက်ပြောသည်။ ဗိုလ်မှူးကြီးနော်ဘူကလည်း “တကယ်လို့ နိုင်ငံရေးအပြောင်းအလဲ ရှိနိုင်လောက်တဲ့ ဆွေးနွေးပွဲဆိုလို့ ရှိရင်တော့ ကျနော်တို့ တက်ဖို့ အဆင်သင့်ဖြစ်ပါတယ်” ဟု ပြောသည်။ တရုတ်အစိုးရက ငြိမ်းချမ်းရေးအတွက် တိုက်တွန်းနေသော်လည်း မြေပြင်တွင်မူ ကချင်ပြည် အတွင်းရှိ မြို့နယ် အများအပြား၌ စစ်ကော်မရှင်၏ လေကြောင်းဗုံးကြဲမှုနှင့် လက်နက်ကြီးပစ်ခတ်မှုများကြောင့် တိုက်ပွဲများမှာ တစ်နေ့ထက်တစ်နေ့ ပိုမိုပြင်းထန်နေဆဲဖြစ်သည်။ စစ်ရေးလေ့လာသူများကမူ စစ်ကော်မရှင်သည် စစ်ရေးအရ အထိနာနေချိန်တွင် တရုတ်ကို ကြားခံ အသုံးချ၍ ထွက်ပေါက်ရှာရန် ကြိုးပမ်းနေခြင်းဖြစ်ကြောင်း သုံးသပ်မှုများလည်း ရှိသည်။ ဓါတ်ပုံ - AFP (ပုံဟောင်း) #KIA #KIO #နိုင်ငံရေးဆွေးနွေးပွဲ #ကချင်လွတ်လပ်ရေးအဖွဲ့ #ကချင်လွတ်လပ်ရေးတပ်မတော်

စစ်မှန်သည့် ဆွေးနွေးပွဲများ ပေါ်ပေါက်မှသာ ဆွေးနွေးမည်ဟု KIO ပြော၊ စစ်ပွဲများ ရပ်ရန်၊ စစ်ကော်မရှင်နှင့် ဆွေးနွေးရန် တရုတ် တိုက်တွန်း

Mar 11

မြို့နယ်အတွင်း ထိုးစစ်ဆင်နေစဉ် တော်လှန်ရေး ပူးပေါင်းတပ်များက သရက်ချောင်း မြို့မရဲစခန်းကို အလစ်ဝင်တိုက်၊ ဒုရဲအုပ် အပါ ၄ ဦး သေဆုံး သတင်းနှင့်မီဒီယာ ကွန်ရက်။  ၂၀၂၆ ခုနှစ်၊ မတ်လ ၁၁ ရက်။ သရက်ချောင်းမြို့မရဲစခန်းကို တော်လှန်ရေး ပူးပေါင်းတပ်များ အလစ်ငိုက်ဝင်တိုက်ခဲ့ရာ ဒုရဲအုပ် အပါအဝင် ၄ ဦးသေဆုံးသွားသည်။ ထားဝယ်ခရိုင်၊ သရက်ချောင်းမြို့နယ်အတွင်း စစ်ကော်မရှင်၏ ကြည်း၊ ရေ၊ လေ တပ်ဖွဲ့များက အင်အားသုံး ထိုးစစ်ဆင်နေသည့်ကြားမှပင် သရက်ချောင်းမြို့ပေါ်ရှိ မြို့မရဲစခန်းကို တော်လှန်ရေးပူးပေါင်းတပ်ဖွဲ့များက အလစ်ငိုက် ဝင်ရောက်စီးနင်းတိုက်ခိုက်ခဲ့ခြင်း ဖြစ်သည်။ ပြီးခဲ့သည့် မတ်လ ၉ ရက်နေ့တွင် မြိတ်-ထားဝယ် အမှတ် (၈) ပြည်ထောင်စုလမ်းမကြီးပေါ်ရှိ ဝင်းဝစခန်း၊ သရက်နှစ်ခွတံတားနှင့် ရွှေဂူတောင်တံတား စစ်ဆေးရေးဂိတ်များကို KNLA နှင့် PDF ပူးပေါင်းတပ်များက ထိုးစစ်ဆင် တိုက်ခိုက်နေချိန်တွင် မြို့ပေါ်ရှိ ရဲစခန်းကိုပါ ထပ်မံစီးနင်းခဲ့ခြင်းဖြစ်သည်။ အဆိုပါ တိုက်ခိုက်မှုအတွင်း စစ်ကော်မရှင်ဘက်မှ ဒုရဲအုပ်နှင့် ရဲတပ်ကြပ် အပါအဝင် ၄ ဦး သေဆုံးကာ ၈ ဦး ဒဏ်ရာရရှိခဲ့ပြီး ထားဝယ်ခရိုင် PDF အမှတ် (၂) တပ်ရင်းဘက်မှလည်း တပ်ဖွဲ့ဝင်တစ်ဦး သေဆုံးကာ တစ်ဦး ဒဏ်ရာရရှိခဲ့သည်။ တိုက်ပွဲအခြေအနေနှင့် ပတ်သက်၍ ထားဝယ်ခရိုင် အမှတ် (၂) တပ်ရင်းမှ တာဝန်ရှိသူတစ်ဦးက “အလစ်ငိုက် ဝင်ပြီးစီးနင်းတိုက်ခိုက်ခဲ့တာပါ။ တိုက်ပွဲက တစ်နာရီလောက်ပဲ ကြာတယ်။ ခမရ ၄၀၃၊ ၄၀၄၊ ၄၀၅ တပ်ရင်း တွေကလည်း လက်နက်ကြီးတွေနဲ့ ပစ်ကူပေးတယ်၊ စစ်ကူစစ်ကြောင်းတွေလည်း ရောက်လာနေတာကြောင့် တိုက်ခိုက်မှုအပြီးမှာပဲ ပြန်ဆုတ်ခွာလာခဲ့ရတယ်” ဟု ပြောသည်။ လက်ရှိတွင် သရက်ချောင်းမြို့နယ်အတွင်း စစ်ရေးအခြေအနေမှာ အလွန်တင်းမာနေပြီး ထားဝယ်မြို့ဘက်မှ ဆင်းလာသည့် စစ်ကောင်စီစစ်ကြောင်းသည် သရက်ချောင်းမြို့အထက်ပိုင်းရှိ ရှင်မုတ္တထီးကျေးရွာ ဘုန်းကြီး ကျောင်းနှင့် နေအိမ်များတွင် တပ်စွဲထားကြောင်း ဒေသခံများက ပြောသည်။ ထို့ပြင် သရက်ချောင်းမြို့နယ် အောက်ပိုင်းကျေးရွာများကိုလည်း စစ်ကော်မရှင်က ကြည်း၊ ရေ၊ လေ တပ်ဖွဲ့များ အသုံးပြုကာ တန်ပြန်တိုက်ခိုက်မှုများ ပြုလုပ်လျက်ရှိသည်။ ပြည်ထောင်စုလမ်းပိုင်းတစ်လျှောက် တိုက်ပွဲများ ပြင်းထန်နေခြင်းကြောင့် ထားဝယ်မြို့ဘက်မှ စစ်ကော်မရှင် တပ်များ အင်အားအလုံးအရင်းဖြင့် စစ်ကြောင်းထိုးတက်လာနေပြီး ဒေသခံများမှာလည်း ဘေးလွတ်ရာသို့ တိမ်းရှောင်နေကြရသည်။ စစ်ရေးလေ့လာသူများကမူ ယခုကဲ့သို့ မြို့ပေါ်ရဲစခန်းကို ဝင်ရောက်တိုက်ခိုက်ခြင်းမှာ စစ်ကော်မရှင်၏ စစ်ကူ လမ်းကြောင်းများကို နှောင့်ယှက်ရန်နှင့် စစ်မျက်နှာဖြန့်ရန် ရည်ရွယ်ခြင်းဖြစ်နိုင်ကြောင်း သုံးသပ်ထားကြသည်။ #သရက်ချောင်းမြို့မရဲစခန်း #ထားဝယ်

မြို့နယ်အတွင်း ထိုးစစ်ဆင်နေစဉ် တော်လှန်ရေး ပူးပေါင်းတပ်များက သရက်ချောင်း မြို့မရဲစခန်းကို အလစ်ဝင်တိုက်၊ ဒုရဲအုပ် အပါ ၄ ဦး သေဆုံး

Mar 11

နတ်ရေကန် ဗျူဟာကုန်းကို စစ်ကော်မရှင် အသည်းအသန် ခုခံနေရ သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၁၁ ရက်။ မကွေးတိုင်းနှင့် ရခိုင်ပြည် အဝင်ပေါက်ရှိ စစ်ဗျူဟာအရ အလွန်အရေးပါသည့် ‘နတ်ရေကန်ဗျူဟာကုန်း’ ကို အာရက္ခတပ်တော် (AA) က အပြီးသတ်သိမ်းပိုက်ရန် ထိုးစစ်ဆင်နေသဖြင့် စစ်ကော်မရှင်ဘက်က အင်အား အလုံးအရင်းဖြင့် အသည်းအသန် ခုခံနေရကြောင်း စစ်ရေးသတင်းရင်းမြစ်များက ပြောသည်။ ဗျူဟာကုန်း၏ နောက်ဆုံးခံစစ်စခန်းဖြစ်သော ‘ကြက်ခြံကုန်း’ ကာကင်းကို AA က သိမ်းပိုက်လိုက်နိုင်ပြီးနောက် ဗျူဟာ၏ အဓိကအချက်အချာဖြစ်သည့် ‘ကမ္ဘာလုံး’ ဟု ခေါ်ဆိုကြသော ရေဒါစခန်းဟောင်းဆီသို့ AA က တိုက် ရိုက်ထိုးစစ် စတင်နေပြီ ဖြစ်သည်။ နတ်ရေကန် 'ကမ္ဘာလုံး' ဗျူဟာစခန်းသည် ရခိုင်ရိုးမဘက်မှ မကွေးတိုင်း၊ ပဒါန်းစစ်မျက်နှာသို့ ထိုးဖောက်ဝင် ရောက်မည့် တိုက်စစ်အတွက် အချက်အချာကျသည့်နေရာဖြစ်ပြီး၊ ထိုဗျူဟာကုန်းကို အဓိကကာကွယ်ပေးထား သည့် နောက်ဆုံးကာကင်းစခန်းကို AA က မတ်လ ၃ ရက်တွင် အပြီးသတ်သိမ်းပိုက်ခဲ့ခြင်း ဖြစ်သည်။ ဤဗျူဟာကုန်း မကျရေးအတွက် စစ်ကော်မရှင်သည် တပ်မ (၅) ခုမှ ထုတ်နုတ်အင်အားများအပြင် လေကြောင်း ပစ်ကူနှင့် အမြောက်တပ်များကိုပါ အသုံးပြုကာ ခုခံနေရသည်။ မြေပြင်စစ်ရေးအခြေအနေနှင့် ပတ်သက်၍ မြေပြင်သတင်းရင်းမြစ်က “အခုကတော့ ရိုးမပေါ်မှာ လက်နက်ကြီး သံတွေက တောက်လျှောက်ပဲ။ စစ်တပ်ကတော့ သူ့ရဲ့ နောက်ဆုံးခံတပ်မို့လို့ လေယာဉ်တွေနဲ့ပါ အသည်းအသန် ပစ်ကူပေးနေတာ။ ကြက်ခြံကုန်းလည်း ကျသွားပြီဆိုတော့ ဗျူဟာကုန်းကြီးက ဝိုင်းပတ်ပိတ်ဆို့ခံထားရတဲ့ အနေအထားပဲ” ဟု ပြောသည်။ စစ်ကော်မရှင်သည် ဗျူဟာကုန်းကို စစ်ကူပေးရန် အင်အား ၂၀၀ ခန့်ပါ စစ်ကြောင်း နှစ်ကြောင်းကို စေလွှတ်ခဲ့ သော်လည်း အမ်း-ပဒါန်း လမ်းဟောင်းတစ်လျှောက်တွင် AA ၏ ကြားဖြတ်ဖြတ်တောက် တိုက်ခိုက်ခြင်းကို ခံနေ ရသည်။ စစ်ရေးလေ့လာသူများကမူ နတ်ရေကန်ဗျူဟာသာ ကျဆုံးသွားပါက မကွေးတိုင်းအတွင်းရှိ ကာကွယ်ရေး ပစ္စည်း စက်ရုံ (ကပစ) များ တိုက်ရိုက်ခြိမ်းခြောက်ခံရမည့်အပြင် ပဲခူးနှင့် ဧရာဝတီတိုင်းဘက်အထိ စစ်ရေးဂယက် ရိုက်ခတ်သွားနိုင်ကြောင်း သုံးသပ်ကြသည်။ AA နှင့် နီးစပ်သည့် ဒေသခံတစ်ဦးကလည်း “လမ်းပိုင်းတွေလည်း ပိတ်ထားတော့ ရိက္ခာတွေလည်း အခက်အခဲ ရှိလာနိုင်တယ်။ စစ်တပ်ကတော့ ဗျူဟာကုန်းကို လေကြောင်းကနေပဲ ပစ္စည်းတွေ ချပေးနေတာ တွေ့ရတယ်။ တိုက်ပွဲကတော့ ပိုပြင်းထန်လာမယ့် ပုံပဲ” ဟု ပြောသည်။ လက်ရှိတွင် AA နှင့် ပူးပေါင်းတပ်များသည် နတ်ရေကန်ဗျူဟာကို ပိတ်ဆို့ရုံတင်မကဘဲ အနီးဝန်းကျင် မြို့နယ် များ၌ပါ စစ်မျက်နှာသစ်များ တစ်ပြိုင်နက်တည်းဖွင့်ကာ ထိုးစစ်ကို အရှိန်မြှင့်တင်နေသဖြင့် ရခိုင်ရိုးမတစ်ကြော တွင် တိုက်ပွဲများ ပြင်းထန်နေသည်။

နတ်ရေကန် ဗျူဟာကုန်းကို စစ်ကော်မရှင် အသည်းအသန် ခုခံနေရ

« Prev 1 … 34 35 36 37 38 … 1,047 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

ဒေါ်နယ်ထရန့်ကို ရှီကျင့်ဖျင် ကော်ဇောနီဖြင့် ကြိုဆို
ထိုင်းနိုင်ငံတွင် အရက် သောက်သုံးရောင်းချမှု အပေါ် ထပ်မံတင်းကြပ်
ဖိလစ်ပိုင် လွှတ်တော်အတွင်းမှ ပစ်ခတ်သံများ ကြားရ
မြစ်ဆုံစီမံကိန်း ပြန်လည် စတင်ခြင်းသည် ဒေသခံများ အတွက် အကျိုး မဖြစ်နိုင်
အဆက်မပြတ်မိုးကြောင့် ရှမ်းအရှေ့ ရော်ဘာခြံလုပ်သားများ အခက်တွေ့

Archives

Archives

×Close