NMG Doh – Page 67 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Jan 22

ထိုင်းနိုင်ငံနှင့် အနီးတဝိုက် သံလိုက်မုန်တိုင်း ရိုက်ခတ်မှုနှင့် နည်းပညာဆိုင်ရာ သတိပေးချက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၂ ရက်။ ထိုင်းနိုင်ငံ အာကာသအေဂျင်စီ (GISTDA) ၏ ထုတ်ပြန်ချက်အရ ပြင်းထန်သော နေမုန်တိုင်း (Solar Storm) များကြောင့် ထိုင်းနိုင်ငံအပါအဝင် အရှေ့တောင်အာရှဒေသတွင် GPS တိကျမှု အားနည်းနိုင်သည့် အန္တရာယ်ရှိနေပါသည်။ အဆိုပါနေမုန်တိုင်းကြောင့် ဖြစ်ပေါ်လာသည့် G4 အဆင့်ရှိ ဘူမိသံလိုက်မုန်တိုင်း (Geomagnetic Storm) များသည် ဇန်နဝါရီလ ၂၁ ရက်မှစတင်ကာ ၃ ရက်ခန့် သက်ရောက်မှု ရှိနေနိုင်ပါသည်။ ဤမုန်တိုင်းသည် လူသားတို့၏ ကျန်းမာရေးနှင့် အိမ်သုံးလျှပ်စစ်ပစ္စည်းများကို ဘေးဥပါဒ် မပေးနိုင်သော်လည်း နည်းပညာစနစ် ၃ ခုအပေါ် ထိခိုက်နိုင်ကြောင်း သတိပေးထားပါသည်။ GPS တည်နေရာပြစနစ်များ ယာယီလွဲမှားနိုင်သဖြင့် မြေတိုင်းလုပ်ငန်း၊ ဒရုန်းမောင်းနှင်ခြင်းနှင့် စိုက်ပျိုးရေးနည်းပညာသုံးသူများ သတိထားရန် သင့်သည်။ လေထုခုခံမှု (Drag) မြင့်တက်လာခြင်းကြောင့် ကမ္ဘာ့ပတ်လမ်းနိမ့်ရှိ ဂြိုဟ်တုများ လမ်းကြောင်းနိမ့်ဆင်းသွားနိုင်သဖြင့် လမ်းကြောင်းပြန်လည်တည့်မတ်ရန် လိုအပ်နိုင်သည်။ လေယာဉ်များအသုံးပြုသည့် ရေဒီယိုဆက်သွယ်ရေးစနစ်များ ပြတ်တောက်နိုင်သဖြင့် လေယာဉ်မှူးများနှင့် လေကြောင်းထိန်းသိမ်းရေးအဖွဲ့များ အထူးဂရုစိုက်ရန် သတိပေးထားသည်။ အဆိုပါဖြစ်စဉ်သည် ထိုင်းနိုင်ငံအပြင် မြန်မာ၊ လာအို၊ ကမ္ဘောဒီးယားနှင့် ဗီယက်နမ်နိုင်ငံများတွင်လည်း သက်ရောက်မှုရှိနေနိုင်သဖြင့် ဒေသတွင်းပြည်သူများအနေဖြင့် နည်းပညာဆိုင်ရာ အဆင်မပြေမှုများကို ကြိုတင်သတိပြုကြရန် လိုအပ်သည်ဟု ဆိုသည်။

ထိုင်းနိုင်ငံနှင့် အနီးတဝိုက် သံလိုက်မုန်တိုင်း ရိုက်ခတ်မှုနှင့် နည်းပညာဆိုင်ရာ သတိပေးချက်

Jan 22

ဂျပန်နိုင်ငံက ကမ္ဘာ့အကြီးဆုံး နျူကလီးယားစက်ရုံကို ပြန်လည်စတင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၂ ရက်။ ဂျပန်နိုင်ငံသည် ၂၀၁၁ ခုနှစ် ဖူကူရှီးမား နျူကလီးယားမတော်တဆမှုအပြီး ပိတ်ထားခဲ့ရသည့် ကမ္ဘာ့အကြီးဆုံး နျူကလီးယားဓာတ်အားပေးစက်ရုံကို ၂၀၂၆ ခုနှစ်၊ ဇန်နဝါရီလ ၂၁ ရက်တွင် ပြန်လည်စတင် လည်ပတ်လိုက်ပြီ ဖြစ်သည်။ တိုကျိုမြို့ အနောက်မြောက်ဘက်ရှိ ကာရှီဝါဇာကီ-ကာရီဝါ (Kashiwazaki-Kariwa) စက်ရုံမှ ဓာတ်ပေါင်းဖိုအမှတ် (၆) ကို စတင်မောင်းနှင်ခဲ့ခြင်း ဖြစ်သည်။ အဆိုပါ ဓာတ်ပေါင်းဖိုအမှတ် (၆) သည် လျှပ်စစ်မီဂါဝပ် ၁,၃၅၆ အထိ ထုတ်လုပ်နိုင်စွမ်းရှိပြီး ၎င်းနှင့်အမျိုးအစားတူ ဓာတ်ပေါင်းဖိုအမှတ် (၇) ကိုလည်း ၂၀၃၀ ပြည့်နှစ်တွင် ပြန်လည်ဖွင့်လှစ်နိုင်ရန် မျှော်မှန်းထားသည်။ ကာရှီဝါဇာကီ-ကာရီဝါ စက်ရုံတွင် ဓာတ်ပေါင်းဖို စုစုပေါင်း ၇ ခုရှိရာ အမှတ် (၁) မှ (၅) အထိမှာ မီဂါဝပ် ၁,၁၀၀ ထုတ်လုပ်နိုင်သည့် ရိုးရိုးရေဆူဓာတ်ပေါင်းဖို (BWR) များဖြစ်ပြီး၊ အမှတ် (၆) နှင့် (၇) မှာမူ ပိုမိုအဆင့်မြင့်သည့် နည်းပညာသုံး ဓာတ်ပေါင်းဖို (ABWR) များ ဖြစ်ကြသည်။ ဖူကူရှီးမားဖြစ်ရပ်ကြောင့် ဂျပန်တစ်နိုင်ငံလုံးရှိ ဓာတ်ပေါင်းဖို ၅၄ ခုစလုံးကို ပိတ်သိမ်းခဲ့သော်လည်း၊ ဘေးကင်းလုံခြုံရေး စံနှုန်းသစ်များ ချမှတ်ကာ ၂၀၂၅ ခုနှစ်အတွင်း၌ ဓာတ်ပေါင်းဖို ၁၅ ခုကို ပြန်လည်လည်ပတ်နိုင်ခဲ့သည်။ လက်ရှိ ဝန်ကြီးချုပ် ဆာနိုင်း တာကာအိချိသည် နျူကလီးယားစွမ်းအင် ပြန်လည်အသုံးပြုရေးကို အားပေးသူတစ်ဦးဖြစ်ပြီး၊ ဂျပန်နိုင်ငံ၏ စွမ်းအင်လိုအပ်ချက်အတွက် နျူကလီးယားစွမ်းအင်မှာ အလွန်အရေးပါသော ကဏ္ဍတွင် ဆက်လက်တည်ရှိနေသည်။ #နျူကလီးယားစက်ရုံ #ဂျပန် #Kashiwazaki #Kariwa #နျူကလီးယားစွမ်းအင်

ဂျပန်နိုင်ငံက ကမ္ဘာ့အကြီးဆုံး နျူကလီးယားစက်ရုံကို ပြန်လည်စတင်

Jan 22

ဂရင်းလန် ကျွန်း ကိစ္စ အမေရိကန် ရုတ်သိမ်းလိုက်သဖြင့် ဥရောပနှင့် တင်းမာမှု လျော့ကျ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၂ ရက်။ သမ္မတ ဒေါ်နယ်ထရန့်သည် ဒိန်းမတ်နိုင်ငံပိုင် ဂရင်းလန်ကျွန်းကို ဝယ်ယူရန် တောင်းဆိုမှုကို လက်လျှော့လိုက်သည့်အပြင်၊ ဥရောပနိုင်ငံများအပေါ် ကောက်ခံရန် ပြင်ဆင်ထားသည့် သွင်းကုန်ခွန် တိုးမြှင့်မည့်အစီအစဉ်ကိုလည်း ပြန်လည်ရုပ်သိမ်းလိုက်သည်။ အဆိုပါ ဆုံးဖြတ်ချက်ကို ဆွစ်ဇာလန်နိုင်ငံ၊ ဒါးဗို့စ်မြို့၌ ကျင်းပနေသည့် ကမ္ဘာ့စီးပွားရေးဖိုရမ် (WEF) မိန့်ခွန်းတွင် ထည့်သွင်းပြောကြားခဲ့ခြင်း ဖြစ်သည်။ ယခင်က သမ္မတထရန့်သည် ဂရင်းလန်ကျွန်းကို ရယူနိုင်ရန်အတွက် ဥရောပနိုင်ငံများအပေါ် ၁၀ ရာခိုင်နှုန်းမှ ၂၅ ရာခိုင်နှုန်းအထိ အခွန်တိုးမြှင့်မည်ဟု ခြိမ်းခြောက်ထားခဲ့သည်။ ၎င်းအခြေအနေကြောင့် ဥရောပသမဂ္ဂ (EU) ဘက်ကလည်း "Bazooka" ဟု အမည်ပေးထားသည့် ပူးပေါင်းတုံ့ပြန်မှုဖြင့် အမေရိကန်အပေါ် စီးပွားရေးအရ ပြန်လည်ပိတ်ဆို့ရန် ပြင်ဆင်ခဲ့ကြသည်။ သို့သော်လည်း သမ္မတထရန့်သည် နေတိုး (NATO) အထွေထွေအတွင်းရေးမှူးချုပ် မာ့ခ် ရုတေးနှင့် တွေ့ဆုံပြီးနောက် အာတိတ်ဒေသလုံခြုံရေးဆိုင်ရာ မူဘောင်သဘောတူညီချက်တစ်ခု ရရှိခဲ့သဖြင့် တင်းမာမှုများ ပြေလျော့သွားခြင်း ဖြစ်သည်။ ဂရင်းလန်ကျွန်းကို အမေရိကန်က ပိုင်ဆိုင်ခွင့်မရတော့သော်လည်း အဆိုပါကျွန်းပေါ်တွင် အမေရိကန်စစ်အခြေစိုက်စခန်းများ တိုးချဲ့တည်ဆောက်ရန် အလားအလာများ ရှိနေပါသည်။ ဤသို့ တင်းမာမှုများ လျော့ကျသွားခြင်းကြောင့် ကမ္ဘာ့စတော့ရှယ်ယာဈေးနှုန်းများလည်း ပြန်လည်မြင့်တက်လာခဲ့သည်။

ဂရင်းလန် ကျွန်း ကိစ္စ အမေရိကန် ရုတ်သိမ်းလိုက်သဖြင့် ဥရောပနှင့် တင်းမာမှု လျော့ကျ

Jan 22

စစ်သုံ့ပန်း စခန်း ဗုံးကြဲမှုတွင် ကလေးနှင့် အမျိုးသမီးများ အပါအဝင် ၂၁ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၂ ရက်။ ရခိုင်ပြည်၊ ကျောက်တော်မြို့နယ်အတွင်းရှိ စစ်သုံ့ပန်းစခန်းအား စစ်ကော်မရှင်တပ်မှာ လေကြောင်းမှ ဗုံးကြဲ တိုက်ခိုက်မှုထဲ ကလေးနှင့် အမျိုးသမီးများ အပါအဝင် ၂၁ ဦး သေဆုံးခဲ့သည်ဟု မြေပြင်သတင်းရင်းမြစ်က ပြောသည်။ အာရက္ခတပ်တော် (AA) က ထိန်းသိမ်းထားသည့် စစ်သုံ့ပန်းများနှင့် ၎င်းတို့၏ မိသားစုဝင်များရှိရာ အကျဉ်းစခန်း တစ်ခုကို ဇန္နဝါရီလ ၂၀ ရက် ညက စစ်ကော်မရှင်တပ်က လေကြောင်းမှ ဗုံးကြဲတိုက်ခိုက်ခဲ့ခြင်းကြောင့် ကလေးငယ်များနှင့် အမျိုးသမီး များ အပါအဝင် ၂၁ ဦး သေဆုံးကာ ၃၀ ကျော် ထိခိုက်ဒဏ်ရာရရှိခဲ့သည်။ မြေပြင်အခြေအနေနှင့် ပတ်သက်၍ လုံခြုံရေးအရ အမည်မဖော်လိုသည့် သတင်းရင်းမြစ် တစ်ဦးက “ဗုံးက ည ဘက်ကြီး အဆောင်တွေပေါ် တည့်တည့်ကျတာ။ အသံက တော်တော်ကျယ်တယ်လို့ ပြောတယ်။ အဆောင်ထဲ မှာက ကလေးတွေနဲ့ မိန်းမတွေပဲ ရှိတာလေ။ ကိုယ့်တပ်ကလူတွေ ကိုယ်တိုင် ပြန်ဗုံးကြဲခံရတာဆိုတော့ တော် တော်လေးကို စိတ်မကောင်းစရာပဲ” ဟု ပြောသည်။ ပြီးခဲ့သည့် ဇန်နဝါရီလ ၂၀ ရက်၊ ညနေ ၇ နာရီခွဲအချိန်ခန့်တွင် ကျောက်တော်နှင့် ပုဏ္ဏားကျွန်းမြို့နယ်အစပ်ရှိ ချောင်းတူကျေးရွာအနီးမှ အကျဉ်းစခန်းကို စစ်ကော်မရှင်တပ်က ဂျက်တိုက်လေယာဉ်ဖြင့် ပေါင် ၃၀၀ ဗုံး ၄ လုံး ကြဲချတိုက်ခိုက်ခဲ့ခြင်း ဖြစ်သည်။ အဆိုပါဗုံးများသည် စစ်သုံ့ပန်းများရှိရာ အဆောင်နှင့် ဆေးကုသပေးနေသည့် ဆေးခန်းပေါ်သို့ တည့်တည့် ကျရောက်ပေါက်ကွဲခဲ့ခြင်းဖြစ်သည်။ ထိုဖြစ်စဉ်အတွင်း သေဆုံးသူများမှာ ၂၀၂၄ ခုနှစ်အတွင်းက ကျောက်တော်နှင့် ပုဏ္ဏားကျွန်း တိုက်ပွဲများ၌ AA ထံ လက်နက်ချအလင်းဝင်ခဲ့သည့် အမတ (၃၇၇) နှင့် ခမရ (၅၃၉) တပ်ရင်းတို့မှ တပ်ဖွဲ့ဝင်များနှင့် မိသားစုဝင်များ ဖြစ်ကြသည်။ လက်ရှိတွင် ထိခိုက်ဒဏ်ရာရရှိသူများကို အာရက္ခတပ်တော်က ဆေးကုသမှုပေးလျက်ရှိသော်လည်း ညအချိန် ဖြစ်ပွားခဲ့သည့် ထိုတိုက်ခိုက်မှုကြောင့် အကျဉ်းသားများနှင့် မိသားစုဝင်များမှာ ထိတ်လန့်နေကြဆဲဖြစ်သည်ဟု မြေပြင် သတင်းရင်းမြစ်များက ပြောသည်။ စစ်သုံ့ပန်းမိသားစုဝင် အမျိုးသမီးတစ်ဦးက “တစ်ခါတစ်လေကျရင်တော့ စိတ်နာချင်တယ်ပေါ့နော်။ အစ်မတို့ တတ်နိုင်သလောက်လည်း သူတို့အတွက် ပေးဆပ်ခဲ့ပြီးပြီပေါ့နော်။ ညီမတို့ကို သူတို့က မကယ်ထုတ်ချင်တာ လား။ သူတို့ဒီလို လေကြောင်း တိုက်ခိုက်မှုကို ဘယ်လိုရည်ရွယ်ချက်နဲ့ လုပ်လဲတော့ ညီမတို့ မသိဘူးပေါ့နော်။ သူတို့ အဲ့လိုမျိုး လုပ်ချင်တယ်ဆိုရင် ညီမတို့ဆီမှာတော့ လူမမယ်ကလေးတွေ အများကြီးလည်း ပါသေးတယ် လေ။ ဒီကလေးတွေရဲ့ ရှေ့ရေးလည်း ရှိသေးတယ်” ဟု One Nation News ကို ပြောသည်။ အဆိုပါ တိုက်ခိုက်ခံရသူများနှင့်ပတ်သက်၍ AA က ထုတ်ပြန်ရာတွင် ၎င်းတို့သည် မကြာခင်ကာလအတွင်း ပြန်လည်လွှတ်ပေးရန် စီစဉ်ထားသူများဖြစ်ကြောင်း သိရသည်။ စစ်ကော်မရှင်တပ် အနေဖြင့် ပြန်လည်လွှတ်ပေးရန် စီစဉ်နေသည့် စစ်သုံ့ပန်းမိသားစုဝင်များကို ပစ်မှတ်ထား တိုက်ခိုက်ခဲ့သည်မှာ ယခုတစ်ကြိမ်သည် ပထမဆုံးမဟုတ်ပေ။ ပြီးခဲ့သည့် ၂၀၂၅ ခုနှစ်၊ ဇန်နဝါရီလအတွင်းကလည်း မြောက်ဦးမြို့နယ်၊ ရမ်းချောင်းဖျားကျေးရွာတွင် ပြန်လွှတ် ပေးရန် ပြင်ဆင်နေသည့် စစ်သုံ့ပန်းမိသားစုဝင်များ နေထိုင်ရာနေရာကို စစ်ကောင်စီက ဗုံးကြဲတိုက်ခိုက်ခဲ့သဖြင့် အမျိုးသမီးနှင့် ကလေးငယ် ၂၈ ဦး သေဆုံးခဲ့ရသည့် ဖြစ်စဉ်တစ်ခု ရှိခဲ့ဖူးသည်။ DMG သတင်းဌာန၏ ဖော်ပြချက်အရ ရခိုင်ပြည်အတွင်း နယ်မြေအများစုကို လက်လွှတ်ထားရသည့် စစ်ကော်မရှင်သည် AA ထိန်းချုပ်နယ်မြေရှိ အကျဉ်းစခန်းများကို ပစ်မှတ်ထားတိုက်ခိုက်နေခြင်းမှာ ယခုအကြိမ် အပါအဝင် ၄ ကြိမ်ထက်မနည်း ရှိလာပြီဖြစ်သည်။ ပြီးခဲ့သည့် တစ်နှစ်ကျော်အတွင်း ရခိုင်ရှိ သုံ့ပန်းစခန်း ၄ ခုထက်မနည်း တိုက်ခိုက်ခံရမှုကြောင့် စုစုပေါင်း သေဆုံး သူ ၁၂၀ ကျော်အထိ ရှိလာပြီဖြစ်ကြောင်း ရခိုင်အခြေစိုက် သတင်းဌာနများက ဖော်ပြသည်။ ဓါတ်ပုံ - အာရက္ခမင်းသမီး မီဒီယာ/ONN-One Nation News

စစ်သုံ့ပန်း စခန်း ဗုံးကြဲမှုတွင် ကလေးနှင့် အမျိုးသမီးများ အပါအဝင် ၂၁ ဦး သေဆုံး

Jan 22

ယခုနှစ် Cobra Gold တွင် ကြည်း၊ ရေ၊ လေ အပြင် အာကာသနှင့် Cyber စစ်ရေး လေ့ကျင့်ခန်းများ ပါဝင်မည်။ မြန်မာနိုင်ငံကို ဖိတ်ကြားခြင်း မရှိ။ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၂ ရက်။ ယခု နှစ် ပြုလုပ်မည့် အမေရိကန် နှင့် ထိုင်းက ဦးဆောင်မည့် ကြည်း၊ ရေ၊ လေ၊ အာကာသ နှင့် Cyber နယ်ပယ်များ ပါဝင်မည့် ၄၅ ကြိမ်မြောက် အကြီးစား ကော်ဘရာ ဂိုး (Cobra Gold) စစ်ရေး လေ့ကျင့်မှုတွင် နိုင်ငံပေါင်း ၃၀ ပါဝင်မည်ဟု သတင်းထုတ်ပြန်သည်။ နိုင်ငံပေါင်း ၃၀ မှ စစ်ဘက်ဆိုင်ရာ ဝန်ထမ်း ၈၀၀၀ ကျော် ပါဝင်မည့် အကြီးစား စစ်လေ့ကျင်းရေးကို ဖေဖော်ဝါရီ ၂၄ ရက်မှ မတ်လ ၆ ရက်နေ့အထိ ပြုလုပ်သွားမည်ဖြစ်သည်။ လေ့ကျင့်ရေးတွင် ပင်တိုင် လေ့ကျင့်ရေး အဖွဲ့ဝင်နိုင်ငံ ၇ နိုင်ငံ အဖြစ် ထိုင်း၊ အမေရိကန်၊ စင်ကာပူ၊ အင်ဒိုနီးရှားဦ၊ ဂျပန်၊ တောင်ကိုရီးယား နှင့် မလေးရှားနိုင်ငံတို့ ပါဝင်မည်ဖြစ်သည်။ အဓိက လုပ်ဆောင်မည့် လေ့ကျင့်ခန်းများတွင် ကွပ်ကဲမှု နှင့် ထိန်းချုပ်ရေး ဆိုင်ရာ လေ့ကျင့်ခန်းများ၊ လူသားချင်း စာနာထောက်ထားမှုနှင့် သဘာဝ ဘေးအန္တရာယ် ကယ်ဆယ်ရေး လုပ်ငန်းများ၊ ကုန်း ရေ နှစ်သွယ် စစ်ဆင်ရေး (Amphibious Landings)များ၊ စစ်မြေပြင် လက်တွေ့ပစ်ခတ်မှုများ၊ ဒရုန်းရန် ကာကွယ်ရေး၊ ဒုံးကျည်ရန် ကာကွယ်ရေးနှင့် အချက်ပြ ထောက်လှမ်းရေး (Signal Intelligence) သင်တန်းများ ပါဝင်မည်ဟု ဆိုသည်။ အပိုဆောင်း လေ့ကျင့်ရေးတွင် တရုတ်၊ အိန္ဒိယ နှင့် ဩစတေးလျ နိုင်ငံတို့ ပါဝင်မည်ဖြစ်သည်။ နောက် ထပ် ၁၀ နိုင်ငံဖြစ်သည့် ဘင်္ဂလားဒေ့ရှ်၊ ကနေဒါ၊ ဖီဂျီ၊ ပြင်သစ်၊ ဗြိတိန်၊ အီတလီ၊ မွန်ဂိုလီးယား၊ နီပေါ၊ နယူးဇီလန် နှင့် ဖိလစ်ပိုင် နိုင်ငံတို့က စီမံကိန်း ရေးဆွဲရေး အဖွဲ့ MPAT တွင် ပါဝင်ကြမည် ဖြစ်သည်။ ကျန် ၁၀ နိုင်ငံ ဖြစ်သည့် ဘရူနိုင်း၊ ဂျာမနီ၊ ဂျော်ဒန်၊ လာအို၊ နယ်သာလန်၊ ပါကစ္စတန်၊ ဆော်ဒီအာရေးဗီးယား၊ တီမောလက်စ်တေ နှင့် ဗီယက်နမ်တို့မှာ လေ့လာသူများအဖြစ် ပါဝင်ကြမည်ဖြစ်သည်။ Cobra Gold စစ်လေ့ကျင့်ခန်းများ မှာ အရှေ့တောင် အာရှတွင် ပြုလုပ်သော သက်တမ်း အရှည်ကြာဆုံး စစ်လေ့ကျင့်ခန်းများ ဖြစ်သည်။ ယခင်က မြန်မာစစ်တပ်ကို အဓိက အိမ်ရှင်ဖြစ်တဲ့ ထိုင်းနဲ့ အမေရိကန် တို့က လေ့လာသူ အဖြစ် ဖိတ်ကြား ခဲ့သည်။ ၂၀၁၃ ခုနှစ်က စတင်၍ မြန်မာနိုင်ငံကို လူသားချင်းစာနာ ထောက်ထားမှုဆိုင်ရာနှင့် သဘာဝ ဘေးအန္တရာယ် ကယ်ဆယ်ရေး လေ့ကျင့်ခန်းများတွင် လေ့လာသူအဖြစ် အမေရိကန်နှင့် ထိုင်းတို့က ဖိတ်ကြားခဲ့သည်။ ၂၀၂၁ ခုနှစ် အာဏာသိမ်းမှု အပြီးတွင် အမေရိကန် ပြည်ထောင်စုက မြန်မာစစ်တပ်နှင့် စစ်ဘက်ဆိုင်ရာ ဆက်ဆံရေး ဖြတ်တောက်လိုက်ပြီးနောက်ပိုင်းမှ စ၍ Cobra Gold စစ်လေ့ကျင့်ခန်းများတွင် မြန်မာနိုင်ငံကို မဖိတ်ကြားတော့ ခြင်း ဖြစ်သည်။

ယခုနှစ် Cobra Gold တွင် ကြည်း၊ ရေ၊ လေ အပြင် အာကာသနှင့် Cyber စစ်ရေး လေ့ကျင့်ခန်းများ ပါဝင်မည်။မြန်မာနိုင်ငံကို ဖိတ်ကြားခြင်း မရှိ။

Jan 21

မင်္ဂလာဆောင်အိမ်အား ဒရုန်းဗုံးကြဲချ၊ လူငယ်တစ်ဦး ဒဏ်ရာရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၁ ရက်။ မန္တလေးတိုင်းဒေသကြီး၊ ညောင်ဦးတွင် မင်္ဂလာဆောင်ကျင်းပနေသည့် နေအိမ်အား စစ်ကော်မရှင်တပ်က ဒရုန်းဖြင့် ဗုံးကြဲခဲ့ရာ လူငယ်တစ်ဦး ပြင်းထန်ဒဏ်ရာများရရှိခဲ့သည်ဟု မြို့ခံများက ပြောသည်။ ညောင်ဦးမြို့နယ်ရှိ ကျေးရွာတစ်ရွာတွင် မင်္ဂလာပွဲကျင်းပနေစဉ် စစ်ကော်မရှင်တပ်က ဒရုန်းဖြင့် ဗုံးကြဲ တိုက်ခိုက် ခဲ့ခြင်းကြောင့် မင်္ဂလာပွဲ၌ အလုပ်လုပ်ကိုင်နေသည့် လူငယ်တစ်ဦး ပြင်းထန်စွာ ဒဏ်ရာရရှိသွားခြင်း ဖြစ်သည်။ ဖြစ်စဉ်မှာ ဇန်နဝါရီလ ၂၀ ရက်နေ့၊ နံနက် ၇ နာရီခွဲခန့်တွင် ပုဂံမြို့၏ အရှေ့တောင်ဘက်ရှိ ချောင်းရှည်ကျေးရွာ တွင် မင်္ဂလာဆောင်ကျင်းပနေစဉ် နေအိမ်ပေါ်သို့ အရှေ့မြောက်အရပ်မှ ပျံသန်းလာသည့် စစ်ကော်မရှင်တပ်က ဒရုန်း ဗုံးတစ်လုံး ကြဲချခဲ့ခြင်းဖြစ်သည်။ အဆိုပါ ပေါက်ကွဲမှုကြောင့် မင်္ဂလာဆောင်တွင် ဆောင်းဘောက် (Sound System) လိုက်ဖွင့်ပေးနေသည့် လူငယ်တစ်ဦး ထိခိုက်ဒဏ်ရာရရှိခဲ့ပြီး နေအိမ်လည်း ပျက်စီးသွားခဲ့သည်။ ဖြစ်စဉ်နှင့်ပတ်သက်၍ အသက် ၄၀ ကျော်အရွယ် ချောင်းရှည်ရွာသားတစ်ဦးက “မင်္ဂလာဆောင်တွေမှာ sound box လိုက်အငှားဖွင့်တဲ့ ကောင်လေးကတော့ ဒဏ်ရာအတော်လေး များတယ်လို့ ကြားတယ်။ အိမ်ပေါ်တည့် တည့် ကျတာဆိုတော့ အိမ်ကတော့ ပျက်စီးတယ်။ အခုကတော့ အဲ့ဒီကောင်လေး ဆေးရုံမှာပါ” ဟု ပြောသည်။ ချောင်းရှည်ကျေးရွာကို ဗုံးချခဲ့သည့် အဆိုပါ ဒရုန်းသည်ပင် မိနစ်ပိုင်းအကြာတွင် အရှေ့တောင်ဘက်ရှိ ချောင်းဝ ကျေးရွာဘက်သို့ ဆက်လက် ပျံသန်းသွားပြီး ဘောလုံးကွင်းအတွင်း ထပ်မံဗုံးကြဲခဲ့သော်လည်း လူနှင့် အဆောက် အအုံ ထိခိုက်မှု မရှိခဲ့ကြောင်း ဒေသခံများက ဆိုသည်။ ညောင်ဦးနယ်အတွင်း ယခုကဲ့သို့ ကျေးရွာများအား ပစ်မှတ်ထား တိုက်ခိုက်နေမှုသည် ပြီးခဲ့သည့်ရက်ပိုင်း အတွင်း က ဖြစ်ပွားခဲ့သည့် တိုက်ပွဲများနှင့် ဆက်စပ်နိုင်ကြောင်း ယူဆရသည်ဟု ဒေသခံများက ဆိုသည်။ ဇန်နဝါရီလ ၁၈ ရက်နေ့က ညောင်ဦး-ကျောက်ပန်းတောင်း ကားလမ်းဘေးရှိ ထနောင်းဝန်းကျေးရွာအနီးနှင့် ရှော်ပင်ကျေးရွာဘူတာ အရှေ့မြောက်ဘက်တွင် စစ်ကော်မရှင်တပ်နှင့် တော်လှန်ရေးတပ်ဖွဲ့များ အကြား ထိတွေ့ တိုက်ပွဲ ဖြစ်ပွားခဲ့သည်။ အဆိုပါ တိုက်ပွဲအခြေအနေနှင့်ပတ်သက်၍ တော်လှန်ရေးတပ်ဖွဲ့ဝင်များနှင့် နီးစပ်သူတစ်ဦးက “မိုင်းကွင်းထဲ ဝင် လာလို့ မိုင်းဆွဲတိုက်ခဲ့တာ ဂန့်ဂါက ပျူ ၃ ယောက်သေတာကတော့ သေချာတယ်။ လက်နက်တွေလည်း ရလိုက် တယ်။ ထုတ်ပြန်တာတော့ မရှိသေးဘူး” ဟု ပြောသည်။ စစ်ကော်မရှင်တပ်သည် ဇန်နဝါရီလ ၁၇ ရက်နေ့ကလည်း အင်အား ၁၀၀ ခန့်ဖြင့် စစ်ကြောင်းထိုးကာ ဇီးစားမြင် ကျေးရွာရှိ နေအိမ်များကို မီးရှို့ဖျက်ဆီးခဲ့သည်။ လက်ရှိတွင် စစ်ကော်မရှင်တပ်ဖွဲ့ဝင်များသည် နပ္ပလင်ကျေးရွာတွင် တပ်စွဲထားပြီး၊ ရွှေလှိုင်းဒေသတွင် မော်တော် ယာဉ်များနှင့် ခရီးသွား ပြည်သူများကို တင်းတင်းကြပ်ကြပ် စစ်ဆေးမှုများ ပြုလုပ်နေသည့်အတွက် နယ်မြေ အတွင်း စစ်ရေးတင်းမာမှုများ ဆက်လက်ရှိနေကြောင်း မြေပြင်သတင်းရင်းမြစ်က ပြောသည်။

မင်္ဂလာဆောင်အိမ်အား ဒရုန်းဗုံးကြဲချ၊ လူငယ်တစ်ဦး ဒဏ်ရာရ

Jan 21

မြို့သိမ်းတိုက်ပွဲဖြစ်ပွားနေသော်လည်း စစ်ကော်မရှင်က စာသင်ကျောင်း ဖွင့်ခိုင်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၁ ရက်။ ကသာတွင် မြို့သိမ်းတိုက်ပွဲ ပြင်းထန်နေသော်လည်း စစ်ကော်မရှင်က စာသင်ကျောင်းများအား ပြန်ဖွင့်ခိုင်းထားသည်ဟု မြို့ခံများနှင့် တော်လှန်ရေး အင်အားစုများက ပြောသည်။ စစ်ကိုင်းတိုင်းဒေသကြီး၊ ကသာမြို့တွင် တော်လှန်ရေး အင်အားစုများ၏ မြို့သိမ်းတိုက်ပွဲများ ပြင်းထန် နေသော် လည်း စစ်ကော်မရှင်က မြို့ပေါ်ရှိ အခြေခံပညာကျောင်းများကို ဇန်နဝါရီလ ၁၈ ရက်နေ့မှစတင်ကာ အတင်း အကျပ် ပြန်လည်ဖွင့်လှစ်နေကြောင်း ဒေသခံများနှင့် တော်လှန်ရေးအင်အားစုများက ပြောသည်။ ကသာမြို့ပေါ်တွင် အထက်တန်းကျောင်း ၃ ကျောင်းရှိသည့်အနက် အထက (၂) မှာ တိုက်ပွဲအတွင်း မီးလောင် ပျက်စီးသွားခဲ့ပြီး၊ အထက (၁) မှာလည်း ရဲစခန်းအနီးတွင်ရှိသဖြင့် ဖွင့်လှစ်ရန် မဖြစ်နိုင်သော်လည်း၊ စစ်ကော် မရှင်က ကျောင်း ၃ ကျောင်းလုံးကို ပေါင်းစည်းကာ ဘူတာဈေးအနီးရှိ အထက (၃) တွင် စုပေါင်း ဖွင့်လှစ်နေခြင်း ဖြစ်သည်။ ဖြစ်စဉ်နှင့်ပတ်သက်၍ ကသာမြို့ခံ စစ်ဘေးရှောင်တစ်ဦးက “ကျောင်းကဖွင့်နေပြီတဲ့။ အခုက မြို့ထဲက ဘူတာ ဈေးနဲ့နီးတဲ့ အထက ၃ မှာဖွင့်တာ။ အရှေ့ဘက်ကမ်းမှာရှိတဲ့ ရွာတွေကနေ ကြားတဲ့သတင်းပါ။ မြစ်အရှေ့ ဘက် ကမ်းကသူတွေက သိကြတယ်။ သူတို့တွေလည်း အဲ့မှာကျောင်းထားကြတဲ့သူတွေ ရှိလို့” ဟု ပြောသည်။ ကသာမြို့တွင် ပြီးခဲ့သည့် ဒီဇင်ဘာလ ၁၈ ရက်နေ့ကတည်းက မြို့သိမ်းတိုက်ပွဲများ စတင်ခဲ့ခြင်းဖြစ်ပြီး၊ တိုက်ပွဲ များ ခေတ္တငြိမ်သက်နေချိန်တွင် စစ်ကော်မရှင်က Non-CDM ဆရာ၊ ဆရာမများနှင့် ကျောင်းသား ၄၀၀ ဝန်းကျင် ခန့်ကို မြို့တွင်းသို့ ဝင်ရောက်စေကာ ကျောင်းဖွင့်ရန် ပြင်ဆင်ခဲ့ခြင်း ဖြစ်သည်။ သို့သော် ကျောင်းစတင်ဖွင့်လှစ်သည့် ဇန်နဝါရီလ ၁၈ ရက်နေ့မှစ၍ တိုက်ပွဲများမှာ ပြန်လည် ပြင်းထန်လာနေ သည်။ ယခုကဲ့သို့ စစ်ရေးတင်းမာနေသည့် ကြားမှ ကျောင်းများ ပြန်ဖွင့်နေခြင်းမှာ ကျောင်းသားများကို လူသားဒိုင်း အဖြစ် အသုံးချလိုသောကြောင့် ဖြစ်ကြောင်း ကသာမြို့ တော်လှန်ရေးတပ်ဖွဲ့ဝင်တစ်ဦးက ယခုကဲ့သို့ မှတ်ချက် ပေးသည်။ “ဒါကတော့ ရှင်းပါတယ်။ ပြည်သူကို ကြားခံအဖြစ် စစ်ရေးမှာ အခက်တွေ့သွားမလားဆိုပြီး ပြည်သူကို လူသားဒိုင်းအဖြစ် အသုံးချတာပါပဲ” ဟု ၎င်းက ပြောသည်။ တော်လှန်ရေးအင်အားစုများက ကသာမြို့တွင်းရှိ အရပ်သားများ အနေဖြင့် မြို့ကိုစွန့်ခွာကြရန် တိုက်ပွဲ စတင်ချိန် ကတည်းက သတိပေးထားသည်။ လက်ရှိတွင် ကသာမြို့ခံ အများစုမှာ မန္တလေးနှင့် မြစ်ကြီးနားမြို့ အစရှိသည့် မြို့ကြီးများအပြင် ဧရာဝတီမြစ် ကမ်းဘေးရှိ ကျေးရွာများ၊ မိုးညှင်း၊ မိုးကောင်းနှင့် ရှမ်းပြည် မြောက်ပိုင်းရှိ မဘိန်းမြို့များအထိ ဘေးလွတ်ရာသို့ ထွက်ပြေး တိမ်းရှောင်နေကြရခြင်း ဖြစ်သည်။

မြို့သိမ်းတိုက်ပွဲဖြစ်ပွားနေသော်လည်း စစ်ကော်မရှင်က စာသင်ကျောင်း ဖွင့်ခိုင်း

Jan 20

ဗန်းမောက်မြို့တဝက်ခန့်ကို စစ်ကော်မရှင်နှင့် ရှမ်းနီတပ်များ ပြန်လည် ထိန်းချုပ် သတင်းနှင့် မီဒီယာ ကွန်ရက်။  ၂၀၂၆ ခုနှစ် ဇန္နဝါရီလ ၂၀ ရက်။ စစ်ကိုင်းတိုင်းဒေသကြီး အထက်ပိုင်းရှိ ဗန်းမောက်မြို့၏ တစ်ဝက်ခန့်ကို စစ်ကော်မရှင်တပ်နှင့် ရှမ်းနီးတပ်မတော် SNA ပူးပေါင်းတပ်များ ပြန်လည်ထိန်းချုပ်ထားပြီဟု မြေပြင် စစ်ရေးသတင်းရင်းမြစ်က ပြောသည်။ တော်လှန်ရေးအင်အားစုများ သိမ်းပိုက်ထားသည့် စစ်ကိုင်းတိုင်းဒေသကြီး အထက်ပိုင်းရှိ ဗန်းမောက်မြို့တွင် စစ်ရေး အခြေအနေ ပြောင်းလဲမှုများရှိလာပြီး၊ စစ်ကော်မရှင်နှင့် SNA ပူးပေါင်းတပ်များက မြို့၏ တစ်ဝက်ခန့်ကို ယခုသတင်းပတ်တွင်း ပြန်လည်ထိန်းချုပ်လိုက်ခြင်း ဖြစ်သည်။ ပြီးခဲ့သည့် ဇန်နဝါရီလ ၁၈ ရက်နေ့တွင် မြို့ပေါ်ရှိ လွှဆင်ကုန်းရပ်ကွက်နှင့် မြနန္ဒာရပ်ကွက်များကို စစ်ကော်မရှင် ဘက်က ပြန်လည်စိုးမိုးနိုင်ခဲ့ကြောင်း စစ်ရေးသတင်းရင်းမြစ်တစ်ဦးက အတည်ပြုသည်။ “ဟုတ်တယ်၊ ဟုတ်တယ်။ မြို့ရဲ့ တစ်ဝက်လောက်ကို ပြန်ထိန်းချုပ်သွားတာ တစ်နေ့တုန်းကပဲ။ သူတို့က ရပ်ကွက်နှစ်ခုကို သိမ်းပိုက်လိုက်တာ။ အဲ့မှာ တစ်ဝက်လောက်က ပါသွားတာပေါ့” ဟု ၎င်းက ပြောသည်။ ဗန်းမောက်မြို့ကို ပြီးခဲ့သည့် ၂၀၂၅ ခုနှစ်၊ စက်တင်ဘာလ ၂၀ ရက်နေ့တွင် တော်လှန်ရေးအင်အားစုများက အပြီး သတ် သိမ်းပိုက်နိုင်ခဲ့ခြင်းဖြစ်သည်။ သို့သော် မြို့ပြင်သို့ ဆုတ်ခွာသွားသည့် စစ်ကော်မရှင်တပ်နှင့် SNA ပူးပေါင်းအဖွဲ့သည် မြို့ကို ပြန်လည်ရရှိရန် လေကြောင်းပစ်ကူများ၊ ဟုမ္မလင်းအခြေစိုက် တပ်မ ၃၃ မှ စစ်ကူများဖြင့် အပြင်းအထန် ကြိုးပမ်းလာခဲ့ရာမှ ယခုကဲ့သို့ မြို့ပေါ်ရပ်ကွက်အချို့ကို ပြန်လည်သိမ်းပိုက်နိုင်ခဲ့ခြင်း ဖြစ်သည်။ အဆိုပါ တိုက်ပွဲအတွင်း လက်နက်ခဲယမ်း မလုံလောက်မှုကြောင့် တော်လှန်ရေးတပ်ဖွဲ့ဝင်အချို့ ဆုတ်ခွာပေးခဲ့ ရသလို၊ မြနန္ဒာရပ်ကွက် တိုက်ပွဲအတွင်း ပြည်သူ့ကာကွယ်ရေး တပ်ဖွဲ့ဝင် (PDF) ရဲဘော် ၃ ဦးကိုလည်း စစ်ကော်မရှင်တပ်က ဖမ်းဆီးသတ်ဖြတ်ခဲ့ကြောင်း မြေပြင်သတင်းရင်းမြစ်က ပြောသည်။ ဗန်းမောက်မြို့သိမ်းတိုက်ပွဲ အပြီး နောက်ဆက်တွဲ စစ်ရေးအခြေအနေနှင့် ပတ်သက်၍ အဆိုပါ သတင်းရင်းမြစ် က ယခုကဲ့သို့ ဆက်လက်ပြောဆိုသည်။ “မြို့သိမ်းပြီးကတည်းက တိုက်ပွဲတွေကလည်း မငြိမ်နေပါဘူး။ ဖြစ်လိုက်၊ ရပ်လိုက်နဲ့ပေါ့။ သူတို့ဘက်ကလည်း ပြန်ပြီး မြို့ကို စစ်ကြောင်းပြန်ထိုးနေတာ။ တိုက်ပွဲက အဲ့ကတည်းကကို မငြိမ်ပါဘူး” ဟု ပြောသည်။ လက်ရှိ တိုက်ပွဲများကြောင့် ဗန်းမောက်မြို့ပေါ် ရပ်ကွက်များအပြင် စက်တော၊ အလယ်ရွာ၊ နားယကာ၊ ကံရွာ၊ ကြောင်လည်၊ ပင်ဟင်းခါး၊ ခမိုးနှင့် မြစ်သေးချင်း ကျေးရွာများမှ ဒေသခံ ၂,၀၀၀ ကျော်သည် ဘေးလွတ်ရာ တောတောင်များ အတွင်းသို့ ထွက်ပြေးတိမ်းရှောင်နေကြရသည်။ ဗန်းမောက်မြို့သည် ကချင်ပြည်နှင့် စစ်ကိုင်းတိုင်းအစပ်တွင် တည်ရှိပြီး ရွှေနှင့် သစ်ကဲ့သို့သော သယံဇာတများ ပေါများသည့်အပြင်၊ စစ်ရေးအရလည်း အလွန်အရေးပါသည့် ဗျူဟာကျသော ဒေသတစ်ခု ဖြစ်သည်။ ဗန်းမောက်မြို့ကို စစ်ကော်မရှင်တပ်က ပြန်လည်စိုးမိုးနိုင်သွားပါက အနီးအနားရှိ အမျိုးသားညီညွတ်ရေး အစိုးရ NUG က ထိန်းချုပ်ထားသည့် အင်းတော်နှင့် ပင်လည်ဘူးမြို့များဆီသို့ စစ်ကြောင်းများ ဆက်လက် ထိုးဖောက် လာနိုင်သည်။ ထို့ကြောင့် ဗန်းမောက်မြို့သည် စစ်ကိုင်းတိုင်းအထက်ပိုင်း စစ်ရေးဗျူဟာအတွက် အဓိကသော့ချက်ဖြစ်ကြောင်း စစ်ရေးနှင့် နိုင်ငံရေး လေ့လာသူများက သုံးသပ်ထားကြသည်။ ဓါတ်ပုံ - Maw Seain Tai Nine News နှင့် (ဗန်းမောက်မြို့ Facebook page - ပုံဟောင်း)

ဗန်းမောက်မြို့တဝက်ခန့်ကို စစ်ကော်မရှင်နှင့် ရှမ်းနီတပ်များ ပြန်လည် ထိန်းချုပ်

Jan 20

စစ်ကော်မရှင် သုံ့ပန်းများအပါအဝင် အကျဉ်းသား ၈၀ ခန့် ထောင်ဖောက်ပြေး၊ ဒေသခံများ လုံခြုံရေး စိုးရိမ်နေရ သတင်းနှင့် မီဒီယာကွန်ရက်။  ၂၀၂၆ ခုနှစ်၊ ဇန္နဝါရီလ ၂၀ ရက်။ ကရင်နီပြည်၊ မယ်စဲ့မြို့နယ်ရှိ အကျဉ်းသား ၈၀ ခန့် ထောင်ဖောက်ပြေးမှုကြောင့် ဒေသခံများနှင့် စစ်ဘေးရှောင် များ လုံခြုံရေးစိုးရိမ်နေကြသည်။ မယ်စဲ့မြို့နယ်ရှိ အကျဉ်းထောင်တစ်ခုမှ စစ်သုံ့ပန်းများအပါအဝင် အကျဉ်းသား ၈၀ ဝန်းကျင်သည် လက်နက်များ နှင့် အတူ ထောင်ဖောက်ပြေး လွတ်မြောက်သွားခဲ့သဖြင့် ဒေသခံပြည်သူများနှင့် စစ်ဘေးရှောင်များအကြား လုံခြုံရေးအတွက် စိုးရိမ်ထိတ်လန့်မှုများ ဖြစ်နေကြသည်။ အဆိုပါဖြစ်စဉ်ကြောင့် အမျိုးသမီးများနှင့် ကလေးငယ်များအတွက် ပိုမိုစိုးရိမ်ရကြောင်း ကရင်နီအမျိုးသမီး အစည်းအရုံး (KNWO) ဥက္ကဋ္ဌ မော်ဖရေးမြာက ယခုကဲ့သို့ ပြောသည်။ “အထူးသဖြင့် အမျိုးသမီးတွေ ကလေးတွေက ဥပမာ-ကလေးတွေ စစ်ရှောင်စခန်းကနေ ကျောင်းသွား တက်ရ တာမျိုး၊ စစ်ရှောင်စခန်းကနေ အပြင်ဘက်ကို ရေသွားခပ်တာ၊ ထင်းတွေ သွားရှာတာ အဲ့လိုမျိုး တချို့ကလည်း စားဝတ်နေရေးအတွက် ရုန်းပြီးတော့မှ ရှာဖွေတာမျိုးတွေရှိတယ်။ ဆိုတော့ ဒီလိုမျိုး ကိစ္စတစ်ခုပေါ်လာတဲ့ အခါ မှာ သူတို့လက်နက်လည်း ပါသွားတယ်၊ အဲ့လိုမျိုး ဖြစ်နေတော့ တွေ့တဲ့သူတွေကို သူတို့ သတ်ဖြတ်မှာမျိုး၊ လူ့အခွင့်အရေး ထပ်ချိုးဖောက် ကျူးလွန်မှာမျိုးတွေကို လူထုတွေ၊ အထူးသဖြင့် အမျိုးသမီးတွေက နည်းနည်း ကြောက်လန့်တာမျိုးတွေ ရှိတာပေါ့နော်။” ပြီးခဲ့သည့် ဇန်နဝါရီလ ၁၈ ရက်နေ့က ကရင်နီပြည် ကြားကာလ အုပ်ချုပ်ရေးကောင်စီ (IEC) ၏ တရားရေးဌာန အောက်ရှိ အကျဉ်းထောင် (၂) မှ အကျဉ်းသားများသည် လက်နက် ၉ လက်ကိုပါ ယူဆောင်ကာ ထွက်ပြေးသွားခဲ့ခြင်း ဖြစ်သည်။ ထွက်ပြေးသွားသူများထဲတွင် စစ်ကော်မရှင်တပ်မှ ဖမ်းဆီးရမိထားသည့် စစ်သုံ့ပန်းများ ပါဝင်နေပြီး အရေ အတွက် များပြားခြင်း၊ လက်နက်များ ပါသွားခြင်းတို့ကြောင့် လူ့အခွင့်အရေး ချိုးဖောက်မှုများ ထပ်မံဖြစ်ပွားလာ မည်ကို ဒေသခံများက စိုးရိမ်နေကြခြင်း ဖြစ်သည်။ လက်ရှိတွင် ထွက်ပြေးလွတ်မြောက်သွားသူများကို ပြန်လည်ဖမ်းဆီးနိုင်ခြင်း မရှိသေးသဖြင့် မယ်စဲ့ဒေသခံ များမှာ ညပိုင်းအချိန်များတွင် အထူးသတိထား နေထိုင်နေကြရသည်။ မယ်စဲ့ဒေသခံ အမျိုးသားတစ်ဦးကလည်း ၎င်းတို့၏ စိုးရိမ်မှုနှင့် ပတ်သက်၍ “လက်နက် သေနတ်တွေလည်း ပါတယ်ဆိုတော့ ပိုစိုးရိမ်ရတယ်။ လူက များတယ်ကောနော်။ သူတို့ ထွက်ပြေးပြီးတော့မှ ကျနော်တို့ ရွာသား တွေနား ပြန်ဝင်လာမလား၊ ရန်ပြန်လာရှာမလား၊ တပ်စခန်းအနေနဲ့ သူတို့ ပြန်လာလုပ်မလား၊ တစ်ခါတစ်လေ သူတို့ ဆာငတ်တာတို့ရှိပြီးမှ ကျနော်တို့ ပြည်သူတွေဆီ၊ ရွာသားတွေဆီ ရောက်လာ နိုင်မလားဆိုတဲ့အချက်နဲ့ ပတ်သက်ပြီးတော့ အနည်းအကျဉ်းတော့ စိုးရိမ်ရပါတယ်။ သတိဆိုတာ ပိုတယ်မရှိဘူး ဆိုတဲ့အနေနဲ့တော့ သတိထားပြီး နေကြပါတယ်” ဟု ပြောသည်။ ဤဖြစ်စဉ်နှင့် ပတ်သက်၍ ကရင်နီပြည် ကြားကာလ အုပ်ချုပ်ရေးကောင်စီ (IEC) ၏ ပြည်ထဲရေးဌာနက ဇန်နဝါရီလ ၁၈ ရက်နေ့တွင် ထုတ်ပြန်ချက်တစ်ရပ် ထုတ်ပြန်ခဲ့ပြီး၊ ပြည်သူများ လုံခြုံရေးအတွက် တော်လှန်ရေး ပူးပေါင်းတပ်ဖွဲ့များ၊ ရဲဌာနနှင့် အုပ်ချုပ်ရေးအဖွဲ့များက လုံခြုံရေးအစီအမံများ ချမှတ်ဆောင်ရွက်နေကြောင်း ဆိုသည်။ လူထုအနေဖြင့် သတ်မှတ်ထားသည့် စည်းကမ်းချက်များကို လိုက်နာရန်လည်း တိုက်တွန်းထားသည်။ KNWO ဥက္ကဋ္ဌ မော်ဖရေးမြာက “ဖြစ်နိုင်လို့ရှိရင် အမျိုးသမီး၊ ကလေးတွေက စစ်ရှောင်စခန်းက သတ်မှတ်ထား တဲ့ စည်းကမ်းချက် လမ်းညွှန်မှုနဲ့အညီ လိုက်နာပြီးတော့မှ စခန်းပြင်ပကို မထွက်ဖို့ရယ်၊ အနီးကပ် ကိုယ့်မိသားစု နဲ့ အတူ နေထိုင်ဖို့၊ စားဝတ်နေရေးက ခက်ခဲတာတစ်ပိုင်း ဆိုပေမဲ့ သတ်မှတ်ထားတဲ့ဟာ မလိုက်နာလို့ သွားလာ ရင် အဲ့ဒီရန်သူနဲ့တိုးရင် ကိုယ့်အသက်အန္တရာယ်က ပိုပြီးတော့ ကြီးလာနိုင်တဲ့ အနေအထားမှာ ရှိပါတယ်။ အဓိက ကြားကာလ အုပ်ချုပ်ရေးတွေနဲ့ နယ်မြေဒေသ လုံခြုံရေးတွေ ထုတ်ပြန်ထားတဲ့ ညွှန်ကြားစာတွေကို ဒီအတော အတွင်းမှာ လိုက်နာပြီးတော့မှ ပုံမှန်အတိုင်းကို စိတ်လေးကို တည်တည်ငြိမ်ငြိမ်ရှိပေးဖို့ KNWO ဘက်ကနေ ပြောချင်ပါတယ်” ဟု ပြောသည်။ လက်ရှိတွင် IEC နှင့် ကရင်နီ တော်လှန်ရေးတပ်ဖွဲ့များသည် အခြေအနေကို ပြန်လည်ထိန်းချုပ်နိုင်ရန် စီစဉ်ဆောင် ရွက်နေပြီး၊ ပြည်သူများအနေဖြင့် အွန်လိုင်းပေါ်တွင် ပျံ့နှံ့နေသည့် သတင်းများကြောင့် အလွန်အမင်း စိုးရိမ် ထိတ်လန့်မှု မရှိကြရန်နှင့် တရားဝင် သတင်းအချက်အလက်များကိုသာ စောင့်ကြည့်ကြရန် အသိပေးထားသည်။ ဒေသခံများကမူ ယခုကဲ့သို့သော ဖြစ်စဉ်မျိုး နောက်နောင်ထပ်မံ မဖြစ်ပွားစေရေးအတွက် တာဝန်ရှိသူများ အနေ ဖြင့် ပိုမိုသတိပြု ဂရုစိုက်ကြရန် မျှော်လင့်နေကြသည်။ ဓာတ်ပုံ - Min Tar (ပုံဟောင်း)

စစ်ကော်မရှင် သုံ့ပန်းများအပါအဝင် အကျဉ်းသား ၈၀ ခန့် ထောင်ဖောက်ပြေး၊ဒေသခံများ လုံခြုံရေး စိုးရိမ်နေရ

« Prev 1 … 65 66 67 68 69 … 1,047 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

ဒေါ်နယ်ထရန့်ကို ရှီကျင့်ဖျင် ကော်ဇောနီဖြင့် ကြိုဆို
ထိုင်းနိုင်ငံတွင် အရက် သောက်သုံးရောင်းချမှု အပေါ် ထပ်မံတင်းကြပ်
ဖိလစ်ပိုင် လွှတ်တော်အတွင်းမှ ပစ်ခတ်သံများ ကြားရ
မြစ်ဆုံစီမံကိန်း ပြန်လည် စတင်ခြင်းသည် ဒေသခံများ အတွက် အကျိုး မဖြစ်နိုင်
အဆက်မပြတ်မိုးကြောင့် ရှမ်းအရှေ့ ရော်ဘာခြံလုပ်သားများ အခက်တွေ့

Archives

Archives

×Close