NMG Doh – Page 75 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Mar 4

စာရင်းပါပြီး လွတ်မလာသော နိုင်ကျဉ်းများ ရှိနေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၄ ရက်။ လွတ်ငြိမ်းစာရင်းပါသော်လည်း ပြန်လွတ်မလာသေးသည့် နိုင်ငံရေးအကျဉ်းသားများအတွက် မိသားစုဝင်များ က စိုးရိမ်ပူပန်နေကြသည်။ နိုင်ငံတစ်ဝန်းရှိ အကျဉ်းထောင်အသီးသီးတွင် အကြမ်းဖက်မှုတိုက်ဖျက်ရေး ဥပဒေပုဒ်မများဖြင့် ဖမ်းဆီးခံထား ရသူအများအပြားသည် လွတ်ငြိမ်းချမ်းသာခွင့် စာရင်းတွင် အမည်ပါဝင်သော်လည်း လက်ရှိအချိန်အထိ ပြန်လည် လွတ်မြောက်လာခြင်းမရှိသေးသဖြင့် မိသားစုဝင်များက စိုးရိမ်ပူပန်နေကြသည်ဟု မြန်မာနိုင်ငံလုံးဆိုင်ရာ နိုင်ငံရေး အကျဉ်းသားများ ကွန်ရက် (PPNM) က ထုတ်ပြန်ပြောဆိုလိုက်သည်။ မတ်လ ၂ ရက်နေ့တွင် ကျရောက်သည့် တောင်သူလယ်သမားနေ့ကို ဂုဏ်ပြုသောအားဖြင့်ဟုဆိုကာ စစ်ကော် မရှင်က နိုင်ကျဉ်း ၇,၀၀၀ ကျော်ကို လွတ်ငြိမ်းသက်သာခွင့်ပြုခဲ့သော်လည်း အမှန်တကယ် လက်တွေ့တွင် လွတ် မြောက်လာသူမှာ ထက်ဝက်ခန့်သာ ရှိသေးကြောင်း PPNM က ဆိုသည်။ အထူးသဖြင့် ဒိုက်ဦး၊ မြင်းခြံ၊ ပေါင်းတည်၊ မအူပင်၊ အိုးဘိုနှင့် အင်းစိန်အကျဉ်းထောင်တို့တွင် ပုဒ်မ ၅၀-ည နှင့် ၅၂-က တို့ဖြင့် ပြစ်ဒဏ်ကျခံနေရသူအများစုမှာ ပြန်လည်လွတ်မြောက်လာခြင်း မရှိသေးပေ။ ယင်းအခြေအနေနှင့်ပတ်သက်၍ PPNM ဦးဆောင်ကော်မတီဝင် မရောင်နီလင်းက “မနေ့ကတည်းက လွတ်ရ မယ့် ၅၂-က၊ ၅၀-ည တွေကို အခုအချိန်ထိ လွှတ်ပေးတာမျိုး မရှိဘူးပေါ့နော်။ ဗဟိုထောင်တွေမှာကအစ နာ မည် စာရင်းတွေ ပါပြီးတော့မှ ထောင်ထဲကို ပြန်ထည့်ထားတယ်လို့လည်း သိရတယ်။ ကျနော်တို့ ထုတ်ပြန် ထားတဲ့ အတိုင်းဆိုရင် ၃,၈၀၀ ဝန်းကျင်ပဲ ရှိသေးတယ်ပေါ့။ ဒါကို စစ်ကော်မရှင်ဘက်က ၇,၀၀၀ လွှတ်ပေး မယ်လို့ ပြောထားတာဖြစ်တဲ့အတွက် ထက်ဝက်လောက်ပဲ လွှတ်ပေးတဲ့ အခြေအနေမှာ ရှိပါသေးတယ်” ဟု ပြောသည်။ အထူးသဖြင့် ဒိုက်ဦးအကျဉ်းထောင်တွင် လွတ်ငြိမ်းခွင့်စာရင်းဝင် ၂၅၀ ခန့်ရှိသော်လည်း နိုင်ကျဉ်း ၂၀၀ ကျော်မှာ ယနေ့တိုင် အကျဉ်းထောင်အတွင်း ဆက်လက်ပိတ်လှောင်ခံထားရဆဲ ဖြစ်သည်။ ထိုသို့ စာရင်းပါသော်လည်း ပြန်မလွတ်လာသည့်အတွက် မိသားစုဝင်များမှာ သတင်းအမှန်ကို သိရှိနိုင်ရန် စိုးရိမ်တကြီး စောင့်ဆိုင်းနေကြရသည်။ မရောင်နီလင်းက ဆက်လက်၍ “တချို့မိဘတွေကတော့ အရမ်းတွေ စိတ်ပူနေတယ်။ တစ်ချို့မိသားစုဝင်တွေ ဆိုရင် စစ်ကော်မရှင်ဘက်က အတိအလင်း ထုတ်ပြန်ထားရဲ့သားနဲ့၊ သူတို့ဒီအမှုပဲ ရှိရဲ့သားနဲ့၊ ကိုက်ညီရဲ့သားနဲ့ ဘာလို့ လွတ်မလာသေးတာလဲဆိုပြီး စိတ်တွေ အရမ်းပူကြတယ်” ဟု ပြောသည်။ စစ်ကော်မရှင်၏ ထုတ်ပြန်ချက်ထဲတွင် ပုဒ်မ ၅၀-ည နှင့် ၅၂-က တို့ဖြင့် ပြစ်ဒဏ်ကျခံနေရသူ ၇,၃၃၇ ဦးကို လွတ်ငြိမ်းခွင့်ပေးခဲ့ပြီး၊ စစ်ဆေးဆဲအမှု ၉၅၃ မှုမှ တရားခံ ၁,၂၄၈ ဦးကိုလည်း အမှုပိတ်သိမ်းလွှတ်ပေးမည်ဟု ဆိုထားသည်။ သို့သော် PPNM ၏ အချက်အလက်အရ လက်ရှိအချိန်ထိ ၃,၆၁၃ ဦးသာ လွတ်မြောက်သေးသည်ကို တွေ့ရ သည်။ စစ်ကော်မရှင်၏ ယခုလုပ်ရပ်သည် နိုင်ငံတကာ၌ မျက်နှာသာရရန် လုပ်ဆောင်လေ့ရှိသည့် ဟန်ပြ ခြေလှမ်း တစ်ခုသာဖြစ်ကြောင်း ရာမညဖက်ဒရယ်အင်အားစုသစ် (NRFF) ၏ ပြောရေးဆိုခွင့်ရှိသူ နိုင်ပီတာက ထောက်ပြ ဝေဖန်လိုက်သည်။ “ဒါက နိုင်ငံတကာ ဖိအားပေးမှုရော၊ မျက်နှာသာရစေဖို့အတွက်ပါ သူတို့ လုပ်လေ့လုပ်ထ ရှိတာပါ။ ဒီနိုင်ငံရေးအကျဉ်းသားတွေက အစကတည်းက ဖမ်းဆီးခံသင့်တဲ့သူတွေ မဟုတ်ဘူး။ သူတို့ရဲ့ အဓမ္မ မတရား ဖမ်းဆီးထားတဲ့သူတွေ ဖြစ်တယ်။ ဒီကနေပြီးတော့ ပြန်လွှတ်လိုက်တယ်ဆိုတဲ့အပေါ်မှာ ကျေးဇူးတင်စရာ မရှိ ဘူး။ ဒါပေမဲ့ ပြန်လွတ်လာတဲ့သူတွေအတွက်တော့ ဝမ်းသာတယ်။ ကျန်ရှိနေသေးတဲ့သူတွေ လွတ်မြောက်ဖို့ အတွက်လည်း ကျနော်တို့အားလုံး ဝိုင်းဝန်းကြိုးစားဖို့ လိုတယ်” ဟု နိုင်ပီတာက သုံးသပ်ပြောဆိုသည်။ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ နောက်ဆုံးထုတ်ပြန်ချက်အရ အာဏာ သိမ်းပြီးနောက်ပိုင်း ဖမ်းဆီးခံထားရဆဲ နိုင်ငံရေးအကျဉ်းသား ၂၂,၇၇၂ ဦးရှိနေပြီး၊ ၁၁,၅၃၆ ဦးမှာ ထောင်ဒဏ် ချမှတ်ခံထားရဆဲ ဖြစ်သည်။ PPNM ကမူ ပုဒ်မ ၅၀-ည၊ ၅၂-က ဖြင့် ကျခံနေရသူများသာမက အခြားသော နိုင်ငံရေးပုဒ်မများဖြင့် မတရား ဖမ်းဆီးခံထားရသူ အားလုံးကို ခြွင်းချက်မရှိ အမြန်ဆုံးလွှတ်ပေးရန် ဆက်လက်တောင်းဆိုထားသည်။ #PPNM #AAPP #နိုင်ငံရေးအကျဉ်းသား #လွတ်ငြိမ်းခွင့်

စာရင်းပါပြီး လွတ်မလာသော နိုင်ကျဉ်းများ ရှိနေ

Mar 4

မြန်မာ နျူကလီးယား ပစ္စည်းနှင့် မူးယစ်ဆေးဝါးများ မှောင်ခို ရောင်းဝယ်သူ ယာကူဇာ ဂိုဏ်းဝင်အား အမေရိကန် တရားရုံးက ထောင်ဒဏ် အနှစ် ၂၀ ချမှတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၄ ရက်။ မြန်မာနိုင်ငံမှ ထွက်ရှိသော ယူရေနီယမ်နှင့် ပလူတိုနီယမ်များကို အီရန်နိုင်ငံသို့ ရောင်းချရန် ကြိုးပမ်းခဲ့သော ဂျပန်ယာကူဇာ (Yakuza) ရာဇဝတ်ဂိုဏ်းဝင်တစ်ဦးအား အမေရိကန်တရားရုံးက မတ်လ ၃ ရက်နေ့တွင် ထောင်ဒဏ် အနှစ် ၂၀ ချမှတ်လိုက်သည်။ အသက် ၆၁ နှစ်အရွယ်ရှိ တရားခံ တာကေးရှီး အီဘီဆာဝါ (Takeshi Ebisawa) သည် နျူကလီးယားပစ္စည်းများ၊ မူးယစ်ဆေးဝါးနှင့် လက်နက်များ မှောင်ခိုရောင်းဝယ်မှုဖြင့် နယူးယောက်တရားရုံးတွင် ပြစ်မှုထင်ရှားစီရင်ခြင်း ခံရခြင်းဖြစ်သည်။ ၎င်းအား အမေရိကန် မူးယစ်ဆေးဝါး တားဆီးနှိမ်နင်းရေးဌာန (DEA) က နှစ်ရှည်လများ စုံစမ်းစစ်ဆေးခဲ့ပြီးနောက် ၂၀၂၂ ခုနှစ်၊ ဧပြီလတွင် ၎င်း၏ ပူးတွဲတရားခံဖြစ်သူ ထိုင်းနိုင်ငံသား ဆုမ်ဖော့ ဆင်ဟာသီရိ (Somphop Singhasiri) နှင့်အတူ မူးယစ်ဆေးဝါးနှင့် လက်နက်မှုများဖြင့် စတင်ဖမ်းဆီး ထိန်းသိမ်းခဲ့ခြင်း ဖြစ်သည်။ စုံစမ်းစစ်ဆေးမှုများအရ အီဘီဆာဝါသည် မြန်မာနိုင်ငံရှိ တိုင်းရင်းသားလက်နက်ကိုင်အဖွဲ့ (EAO) တစ်ခု၏ ထိပ်ပိုင်းခေါင်းဆောင်များနှင့် ရင်းနှီးသော ဆက်ဆံရေးရှိကြောင်း သိရှိရသည်။ ၎င်းသည် အဆိုပါ အဖွဲ့အစည်းများအတွက် လိုအပ်သော မြေပြင်မှ ဝေဟင်ပစ်ဒုံးကျည်များ (Surface-to-air missiles)၊ စက်သေနတ်များနှင့် အခြားစစ်ဘက်သုံး လက်နက်ခဲယမ်းများကို အမေရိကန်နိုင်ငံမှတစ်ဆင့် မှောင်ခိုဝယ်ယူပေးရန် ကြိုးပမ်းခဲ့သည်။ ယင်းလက်နက်များ ဝယ်ယူရန်အတွက် အရင်းအနှီးအဖြစ် မြန်မာနိုင်ငံမှ ထွက်ရှိသည့် ဘိန်းဖြူ (Heroin) နှင့် စိတ်ကြွဆေး (Methamphetamine) တန်ချိန်အမြောက်အမြားကို အမေရိကန်နိုင်ငံအတွင်းသို့ တင်သွင်းရောင်းချရန် ကြံစည်ခဲ့သည်။ ထို့အပြင် ယူရေနီယမ်နှင့် နျူကလီးယားလက်နက် ထုတ်လုပ်နိုင်သည့် ပလူတိုနီယမ် ဒြပ်စင်များကို အီရန်နိုင်ငံသို့ ရောင်းချရန် စီစဉ်ခဲ့သည်။ အဆိုပါ နျူကလီးယား ဒြပ်စင်နမူနာများကို ထိုင်းနိုင်ငံအတွင်း သိမ်းဆည်းထားစဉ် အမေရိကန် အာဏာပိုင်များက ရှာဖွေပုံစံဖြင့် သိမ်းဆည်းရမိခဲ့ခြင်း ဖြစ်သည်။ ဤအမှုအား DEA မှ အေးဂျင့်များက အရပ်ဝတ်ဖြင့် ဟန်ဆောင်စုံစမ်းခဲ့ခြင်းဖြစ်ပြီး၊ အီဘီဆာဝါက ၎င်းတို့အား လက်နက်မှောင်ခိုသမားများဟု ထင်မှတ်ကာ နျူကလီးယား နမူနာများကို ပြသခဲ့ရာမှ ဖမ်းဆီးခံခဲ့ရခြင်းဖြစ်သည်။ တရားခံ အီဘီဆာဝါသည် ၂၀၂၅ ခုနှစ်၊ ဇန်နဝါရီလတွင် ၎င်းအပေါ် စွဲဆိုထားသော စွဲချက်ပေါင်း ၆ ခုလုံးအတွက် ပြစ်မှုကျူးလွန်ကြောင်း ဝန်ခံခဲ့သည်။

မြန်မာ နျူကလီးယား ပစ္စည်းနှင့် မူးယစ်ဆေးဝါးများ မှောင်ခို ရောင်းဝယ်သူ ယာကူဇာ ဂိုဏ်းဝင်အား အမေရိကန် တရားရုံးက ထောင်ဒဏ် အနှစ် ၂၀ ချမှတ်

Mar 4

ရေငုတ်သင်္ဘော အပါအဝင် သင်္ဘော ၁၇ စင်း ဖျက်ဆီးခဲ့ကြောင်း အမေရိကန် ပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၄ ရက်။ အမေရိကန်စစ်တပ်က ဆင်နွှဲလျက်ရှိသော "Operation Epic Fury" (ဒေါမာန်ဟုန် စစ်ဆင်ရေး) အမည်ရှိ အကြီးစား လေကြောင်းနှင့် ရေကြောင်း စစ်ဆင်ရေး ၄ ရက်မြောက်နေ့တွင် ရေငုပ်သင်္ဘော တစ်စင်း အပါအဝင် အီရန်ရေတပ်သင်္ဘော ၁၇ စင်းကို ဖျက်ဆီးနိုင်ခဲ့ကြောင်း သတင်းထုတ်ပြန်ခဲ့သည်။ အမေရိကန် ဗဟိုစစ်ဌာနချုပ် (CENTCOM) တပ်မှူး Admiral Brad Cooper က အမေရိကန် တပ်ဖွဲ့ဝင်များသည် အီရန်နိုင်ငံအတွင်းရှိ စစ်ရေးပစ်မှတ်ပေါင်း ၂,၀၀၀ နီးပါးကို တိုက်ခိုက် ချေမှုန်းနိုင်ခဲ့ကြောင်း အင်္ဂါနေ့တွင် ၎င်း၏ လူမှုမီဒီယာ (X) အကောင့်မှတစ်ဆင့် ကြေညာခဲ့သည်။ ၂၀၂၆ ခုနှစ်၊ ဖေဖော်ဝါရီလ ၂၈ ရက်နေ့တွင် စတင်ခဲ့သည့် ဤစစ်ဆင်ရေးသည် မျိုးဆက်တစ်ခုအတွင်း အရှေ့အလယ်ပိုင်းဒေသ၌ အမေရိကန်၏ အကြီးမားဆုံးသော စစ်အင်အား ဖြည့်တင်းမှု တစ်ရပ်ဖြစ်ပြီး တပ်ဖွဲ့ဝင်အင်အား ၅၀,၀၀၀ ကျော်၊ တိုက်လေယာဉ် ၂၀၀ နှင့် လေယာဉ်တင်သင်္ဘော အုပ်စုအများအပြား ပါဝင်ဆင်နွှဲနေခြင်း ဖြစ်သည်။ ရေတပ်ဗိုလ်ချုပ် Admiral Cooper ၏ ပြောကြားချက်အရ လက်ရှိတွင် အာရေဗျပင်လယ်ကွေ့၊ ဟော်မုဇ်ရေလက်ကြားနှင့် အိုမန်ပင်လယ်ကွေ့တို့၌ အီရန်စစ်သင်္ဘောတစ်စင်းမျှ သွားလာနိုင်ခြင်း မရှိတော့ကြောင်းနှင့် ဗျူဟာမြောက် ရေလမ်းကြောင်းများတွင် အီရန်၏ ရေတပ်အင်အားကို ထိရောက်စွာ ချေမှုန်းနိုင်ခဲ့သည်။ အမေရိကန်နှင့် အစ္စရေး ပူးပေါင်းတပ်ဖွဲ့များသည် အီရန်၏ ဘောလစ်စတစ်ဒုံးကျည်စခန်းများ၊ ဒရုန်းထုတ်လုပ်ရေးစက်ရုံများ၊ ကွပ်ကဲမှုစနစ်များနှင့် လေကြောင်းရန် ကာကွယ်ရေးစနစ်များကို အဓိကထား တိုက်ခိုက်ခဲ့ကြသည်။ ထို့အပြင် အီရန်၏ နျူကလီးယား အစီအစဉ်နှင့် ဆက်စပ်သော နေရာများကိုလည်း ပစ်မှတ်ထား တိုက်ခိုက်ခဲ့သည်ဟု ဆိုသည်။ အဆိုပါ တိုက်ခိုက်မှုများကြောင့် အီရန်နိုင်ငံအတွင်း လူပေါင်း ၇၈၀ ကျော် သေဆုံးခဲ့ကြောင်း အီရန်လခြမ်းနီအဖွဲ့က ခန့်မှန်းထားပြီး၊ အမေရိကန် စစ်သည် ၆ ဦး သေဆုံးခဲ့ကြောင်း ပင်တဂွန် စစ်ဌာနချုပ်က အတည်ပြုခဲ့သည်။ အီရန်ဘက်မှလည်း လက်တုံ့ပြန်သည့် အနေဖြင့် အမေရိကန် စစ်အခြေစိုက်စခန်းများ၊ အစ္စရေးနှင့် အမေရိကန်၏ မဟာမိတ် အာရပ်နိုင်ငံများသို့ ဘောလစ်စတစ်ဒုံးကျည် ၅၀၀ ကျော်နှင့် ဒရုန်း ၂,၀၀၀ ခန့် အသုံးပြုကာ ပစ်ခတ်တိုက်ခိုက်ခဲ့သည်။ ဆော်ဒီအာရေဗီးယားနိုင်ငံ၊ ရီယတ်မြို့တော်ရှိ အမေရိကန် သံရုံးဝင်းအတွင်းရှိ CIA (ဗဟိုထောက်လှမ်းရေးအေဂျင်စီ) စခန်းသည် ဒရုန်းဖြင့် တိုက်ခိုက်ခံခဲ့ရကြောင်း ဝါရှင်တန်ပို့စ် သတင်းစာက ဖော်ပြသည်။ ယင်းသို့ တိုက်ခိုက်မှုများ ပေါ်ပေါက်လာပြီးနောက် အမေရိကန် အစိုးရသည် ဆော်ဒီအာရေးဗီးယား၊ ကူဝိတ်နှင့် လက်ဘနွန်နိုင်ငံတို့ရှိ ၎င်းတို့၏ သံရုံးများကို ယာယီပိတ်သိမ်းခဲ့သည်။

ရေငုပ်သင်္ဘော အပါအဝင် သင်္ဘော ၁၇ စင်း ဖျက်ဆီးခဲ့ကြောင်း အမေရိကန် ပြော

Mar 4

ဗြိတိန်က မြန်မာနိုင်ငံသားများအား ကျောင်းသား ဗီဇာ ထုတ်ပေးမှု ရပ်ဆိုင်းမည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၄ ရက်။ ဗြိတိန်နိုင်ငံသည် မြန်မာနိုင်ငံအပါအဝင် နိုင်ငံလေးခုမှ ကျောင်းသားများအား ပညာသင်ဗီဇာ (Study Visa) ထုတ်ပေးခြင်းကို ၂၀၂၆ ခုနှစ်၊ မတ်လ ၅ ရက်နေ့မှစတင်၍ ရပ်ဆိုင်းတော့မည်ဖြစ်ကြောင်း ကြေညာခဲ့သည်။ ဗြိတိန်အစိုးရသည် မြန်မာ၊ အာဖဂန်နစ္စတန်၊ ကင်မရွန်းနှင့် ဆူဒန်နိုင်ငံတို့မှ ကျောင်းသားများအား ပညာသင်ဗီဇာထုတ်ပေးခြင်းကို ရပ်ဆိုင်းရန် ဆုံးဖြတ်ခဲ့ခြင်းဖြစ်သည်။ အာဖဂန်နစ္စတန်နိုင်ငံသားများအတွက်မူ အလုပ်ဗီဇာ (Work Visa) ထုတ်ပေးခြင်းကိုပါ တစ်ပါတည်း ရပ်ဆိုင်းခဲ့သည်။ ဗြိတိန်ပြည်ထဲရေးဝန်ကြီးဌာန၏ ထုတ်ပြန်ချက်အရ အဆိုပါနိုင်ငံလေးခုမှ ပညာသင်ဗီဇာဖြင့် လာရောက်သူများသည် ဗြိတိန်နိုင်ငံသို့ ရောက်ရှိပြီးနောက် နိုင်ငံရေးခိုလှုံခွင့် (Asylum) လျှောက်ထားမှုနှုန်းမှာ ၂၀၂၁ ခုနှစ်နှင့် ၂၀၂၅ ခုနှစ်အကြား ၄၇၀ ရာခိုင်နှုန်းကျော်အထိ မြင့်တက်လာခဲ့သည်။ ဗြိတိန်နိုင်ငံအတွင်း လူဝင်မှုကြီးကြပ်ရေးနှင့် ပတ်သက်၍ ကန့်ကွက်မှုများ ပြင်းထန်လာခြင်းကြောင့် အစိုးရက ယခုကဲ့သို့ ဗီဇာမူဝါဒကို တင်းကျပ်လိုက်ခြင်း ဖြစ်သည်။ ဗြိတိန်ပြည်ထဲရေးဝန်ကြီး မစ္စ ရှာဘာနာ မာမွတ် (Ms. Shabana Mahmood) က ဗြိတိန်နိုင်ငံအနေဖြင့် စစ်ဘေးရှောင်ပြည်သူများကို အစဉ်တစိုက် ကူညီစောင့်ရှောက်မည်ဖြစ်သော်လည်း ဗီဇာစနစ်ကို အလွဲသုံးစားပြုလုပ်ခြင်းကိုမူ လက်ခံမည်မဟုတ်ကြောင်း ပြောကြားခဲ့သည်။ ထို့အပြင် ဗြိတိန်အစိုးရသည် နိုင်ငံရေးခိုလှုံခွင့် တောင်းခံထားသူများ၏ အဆင့်အတန်း (Refugee Status) ကိုလည်း လပေါင်း ၃၀ လျှင် တစ်ကြိမ် ပြန်လည်စစ်ဆေးမည့် စနစ်သစ်ကို ကျင့်သုံးရန် ပြင်ဆင်လျက်ရှိကြောင်း သိရှိရပါသည်။

ဗြိတိန်က မြန်မာနိုင်ငံသားများအား ကျောင်းသား ဗီဇာ ထုတ်ပေးမှု ရပ်ဆိုင်းမည်

Mar 4

ဂျာမနီနှင့် ပြင်သစ် စစ်ရေး ပြင်ဆင်မှုများ လုပ်ဆောင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၄ ရက်။ အီရန်အစိုးရအနေဖြင့် ဒေသတွင်း တိုက်ခိုက်မှုများကို ရပ်တန့်ခြင်းမရှိပါက အစ္စရေးနှင့် အမေရိကန်တို့၏ စစ်ဆင်ရေးတွင် ဂျာမနီနိုင်ငံက ပါဝင်ရန် အလေးအနက် စဉ်းစားနေကြောင်း အစ္စရေးတပ်မတော်ရေဒီယိုက ထုတ်ပြန်သည်။ ဂျာမနီနိုင်ငံသည် ဗုံးကြဲတိုက်ခိုက်မှုများမှသည် စစ်ဘက်နှင့် လေကြောင်းဆိုင်ရာ အကူအညီများ ပေးအပ်ခြင်းအထိ ပါဝင်နိုင်သော စစ်ရေးစီမံချက်များကို စတင်ရေးဆွဲနေပြီဖြစ်သည်။ ပြင်သစ်သမ္မတ အီမန်နျူရယ် မက်ခရွန်ကလည်း ပြင်သစ်၏ အစွမ်းထက်ဆုံး "Charles de Gaulle" လေယာဉ်တင်သင်္ဘောနှင့် စစ်သင်္ဘောများကို မြေထဲပင်လယ်သို့ စေလွှတ်လိုက်ပြီဟု ကြေညာခဲ့သည်။ ၎င်းသည် ယူအေအီးရှိ ပြင်သစ်စစ်စခန်း တိုက်ခိုက်ခံရမှုအပေါ် တုံ့ပြန်ခြင်းနှင့် မဟာမိတ် ဆိုက်ပရပ်စ်ကျွန်းကို ကာကွယ်ခြင်းအတွက် စစ်အင်အား တိုးချဲ့လိုက်ခြင်းဖြစ်သည်။ သို့သော်လည်း အနောက်အုပ်စုအတွင်း သဘောထားကွဲလွဲမှုများ ရှိနေသည်။ ဗြိတိန်ဝန်ကြီးချုပ် ကီယာ စတာမာက ဗြိတိန်အနေဖြင့် အီရန်အပေါ် စတင်တိုက်ခိုက်သည့် စစ်ဆင်ရေးများတွင် ပါဝင်မည်မဟုတ်ဘဲ ကောင်းကင်ယံကို အသုံးပြုပြီး အစိုးရအပြောင်းအလဲလုပ်ခြင်းကို လက်မခံကြောင်း အတိအလင်း ငြင်းဆိုထားသည်။ တစ်ဖက်တွင်မူ နေတိုး (NATO) အတွင်းရေးမှူးချုပ်က အမေရိကန်၏ ဆုံးဖြတ်ချက်ကို ထောက်ခံပြီး ယခုစစ်ပွဲသည် ဥရောပလုံခြုံရေးအတွက် အရေးကြီးကြောင်း ပြောကြားထားသည်။

ဂျာမနီနှင့် ပြင်သစ် စစ်ရေး ပြင်ဆင်မှုများ လုပ်ဆောင်

Mar 4

ကမ္ဘာအနှံ့ လောင်စာဆီဈေးတက်၊ စတော့ရှယ်ယာ ဈေးများ ကျဆင်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၄ ရက်။ အီရန်စစ်ပွဲ၏ ရိုက်ခတ်မှုကြောင့် ကမ္ဘာ့စီးပွားရေးသည် ယူကရိန်းစစ်ပွဲထက်ပင် ပိုမိုပြင်းထန်သော သက်ရောက်မှုများနှင့် ရင်ဆိုင်နေရသည်။ အီရန်နိုင်ငံက ကာတာနှင့် ဆော်ဒီအာရေးဗီးယားရှိ စွမ်းအင်စက်ရုံများကို တိုက်ခိုက်ခြင်းနှင့် ဟော်မုဇ်ရေလက်ကြားကို ပိတ်ဆို့လိုက်ခြင်းတို့ကြောင့် လောင်စာဆီဈေးနှုန်းများသည် တစ်ညချင်း မြင့်တက်သွားခဲ့သည်။ ဗြိတိန်နိုင်ငံတွင် သဘာဝဓာတ်ငွေ့ဈေးနှုန်းသည် ၂၀၂၂ ခုနှစ်နောက်ပိုင်း အမြင့်ဆုံးသို့ ရောက်ရှိသွားပြီး စနေနေ့က ဈေးနှုန်းထက် နှစ်ဆ မြင့်တက်ခဲ့သည်။ အလားတူ အမေရိကန်တွင် ဓာတ်ဆီတစ်ဂါလန်ဈေးနှုန်း ၁၁ ဆင့် မြင့်တက်ခဲ့ပြီး ဥရောပတွင် ဒီဇယ်ဈေးနှုန်း ၂၇ ရာခိုင်နှုန်းအထိ မြင့်တက်ခဲ့သည်။ ထိုသို့ လောင်စာဆီဈေးနှုန်း မြင့်တက်မှုကြောင့် ကမ္ဘာတစ်ဝန်းရှိ စတော့ရှယ်ယာဈေးကွက်များ ထိုးဆင်းသွားခဲ့ရာ ဂျပန်၊ ဂျာမနီ၊ ပြင်သစ်၊ ဗြိတိန်နှင့် တရုတ်နိုင်ငံတို့တွင် ၃ ရာခိုင်နှုန်းမှ ၇ ရာခိုင်နှုန်းအထိ ကျဆင်းမှုများ ဖြစ်ပေါ်ခဲ့သည်။ ထိုင်းနိုင်ငံတွင်လည်း ဓာတ်ဆီဈေးနှုန်း ရုတ်တရက် ခုန်တက်လာမည်ကို စိုးရိမ်သဖြင့် ပြည်သူများက ဓာတ်ဆီဆိုင်များတွင် အလုအယက် တန်းစီဝယ်ယူနေကြသည်။

ကမ္ဘာအနှံ့ လောင်စာဆီဈေးတက်၊ စတော့ရှယ်ယာ ဈေးများ ကျဆင်း

Mar 4

ဆော်ဒီရှိ CIA စခန်း တိုက်ခံရ၊ ဆော်ဒီ၊ ကူဝိတ်နှင့် လက်ဘနွန်ရှိ အမေရိကန် သံရုံးများ ယာယီပိတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၄ ရက်။ ဆော်ဒီအာရေးဗီးယားနိုင်ငံ၊ ရီယတ်မြို့တော်ရှိ အမေရိကန်သံရုံးဝင်းအတွင်း တည်ရှိသော CIA (ဗဟိုထောက်လှမ်းရေးအေဂျင်စီ) စခန်း ဒရုန်းဖြင့် တိုက်ခိုက်ခြင်း ခံခဲ့ရကြောင်း ဝါရှင်တန်ပို့စ်သတင်းစာက ဖော်ပြသည်။ ပြီးခဲ့သည့် တနင်္လာနေ့တွင် အီရန်နိုင်ငံ၏ လက်ချက်ဟု ယူဆရသော ဒရုန်းနှစ်စင်းသည် သံရုံးဝင်းအတွင်း ကျရောက်ပေါက်ကွဲခဲ့သဖြင့် အဆောက်အအုံ၏ အမိုးတစ်စိတ်တစ်ပိုင်း ပြိုကျပျက်စီးကာ မီးခိုးများ ဖုံးလွှမ်းသွားခဲ့သည်။ အမေရိကန်နှင့် ဆော်ဒီအစိုးရတို့သည် သံရုံးဝင်းအတွင်း တိုက်ခိုက်ခံရမှုကို အတည်ပြုသော်လည်း CIA စခန်း ထိမှန်သွားခြင်းကိုမူ လူသိရှင်ကြား ထုတ်ဖော်ပြောကြားခြင်း မရှိပေ။ အဆိုပါ တိုက်ခိုက်မှုများကြောင့် အမေရိကန်အစိုးရသည် ဆော်ဒီအာရေးဗီးယား၊ ကူဝိတ်နှင့် လက်ဘနွန်နိုင်ငံတို့ရှိ ၎င်းတို့၏ သံရုံးများကို ယာယီပိတ်သိမ်းလိုက်ပြီဖြစ်သည်။

ဆော်ဒီရှိ CIA စခန်း တိုက်ခံရ၊ ဆော်ဒီ၊ ကူဝိတ်နှင့် လက်ဘနွန်ရှိ အမေရိကန် သံရုံးများ ယာယီပိတ်

Mar 3

ပင်လယ်ဘူးတွင် သန်းခေါင်ယံ ဗုံးကြဲမှု အရပ်သား အစုအပြုံလိုက် သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၃ ရက်။ စစ်ကိုင်းတိုင်း၊ ပင်လည်ဘူးမြို့နယ်အတွင်း တိုက်ပွဲဖြစ်ပွားခြင်းမရှိဘဲ သန်းခေါင် ယံအချိန်တွင် စစ်ကော်မရှင်က လေကြောင်းမှ ပစ်မှတ်ထားဗုံးကြဲခဲ့သဖြင့် ကလေးငယ်များအပါအဝင် အရပ်သား ၉ ဦး အစုအပြုံလိုက် သေဆုံးခဲ့ရသည်။ မတ်လ ၁ ရက် တစ်ရက်တည်းတွင်ပင် စစ်ကိုင်းနှင့် မကွေးတိုင်းအတွင်း လေကြောင်းနှင့် လက်နက်ကြီး တိုက် ခိုက်မှုများကြောင့် အရပ်သား ၄၀ နီးပါးအထိ သေဆုံးမှု မြင့်တက်ခဲ့ခြင်းဖြစ်သည်။ NUG ထိန်းချုပ်ထားသည့် ပင်လည်ဘူးမြို့ တောင်ဘက် ၁၈ မိုင်ခန့်အကွာရှိ လိပ္ပုတ်ကျေးရွာကို မတ်လ ၁ ရက် ပြည်သူများ အိပ်ပျော်နေသည့် ည ၁၁ နာရီ ၁၅ မိနစ်ဝန်းကျင်တွင် တံတားဦးလေတပ်မှ တက်လာသည့် ဂျက်ဖိုက်တာတစ်စီးက နှစ်ကြိမ် တိုင်တိုင် ဗုံးကြဲတိုက်ခိုက်ခဲ့ခြင်းဖြစ်သည်။ ဗုံးသီးများသည် ရွာလယ်ရှိ လူနေအိမ်များပေါ်သို့ တည့်တည့်ကျရောက်ပေါက်ကွဲခဲ့ခြင်း ဖြစ်သည်ဟု ဒေသခံ သတင်းရင်းမြစ်က ပြောသည်။ “ရွာထဲက လူနေအိမ်တွေပေါ်ကို ဗုံးတည့်တည့် ပစ်ချသွားတာ။ ပြည်သူတွေက ပစ်မယ်လို့လည်း ထင်မထားတဲ့ အချိန်၊ အိပ်ပျော်နေကြတဲ့ အချိန်ဆိုတော့ ဘယ်သူမှ မရှောင်နိုင်ကြဘူး။ ပေါက်ကွဲအားကလည်း ပြင်းလွန်း တော့ ရုပ်အလောင်းအချို့ဆို ပျက်စီးသွားတဲ့အထိ အခြေအနေ ဆိုးရွားခဲ့တယ်။” အဆိုပါတိုက်ခိုက်မှုကြောင့် ၉ ဦး သေဆုံးကာ ၁၄ ဦးထက်မနည်း ဒဏ်ရာရရှိခဲ့ပြီး ဒဏ်ရာရသူများထဲတွင် စိုးရိမ်ရသည့်အခြေအနေရှိသူများ ပါဝင်နေသဖြင့် သေဆုံးသူအရေအတွက် ထပ်မံတိုးလာနိုင်ကြောင်း ဆိုသည်။ ပြည်သူ့ကာကွယ်ရေးတပ်မတော်၊ အမှတ် (၁) စစ်ဒေသကွပ်ကဲရေး အဖွဲ့ဝင်တစ်ဦးက “အခု လေယာဉ်နဲ့ ပစ်ခံ ရတဲ့နေရာက ဘာတိုက်ပွဲမှလည်း မရှိပါဘူးဗျာ။ စစ်ဘက်ရေးရာနဲ့ ဘာပတ်သက်မှုမှ မရှိတဲ့နေရာ၊ အရပ်သား တွေ နေတဲ့နေရာ၊ လူထုကို တမင်ကြောက်အောင် လုပ်နေတာဗျ” ဟု ပြောသည်။ မတ်လ ၁ ရက်နေ့သည် ပင်လည်ဘူးအပြင် မကွေးတိုင်းအတွင်း၌လည်း အစုလိုက်အပြုံလိုက် သတ်ဖြတ်မှုများ ဖြစ်ပွားခဲ့သည်။ ထို့ပြင် မတ်လ ၁ ရက်နေ့ နံနက်ပိုင်းတွင် မကွေးတိုင်း၊ မင်းတုန်းမြို့နယ်ထဲက ကုန်တင်ကားရပ်နားစခန်းတစ်ခုကို စစ်တပ်က လေကြောင်းမှ ဗုံးကြဲခဲ့ရာ အရပ်သား ၂၅ ဦး သေဆုံးပြီး အယောက် ၂၀ ဒဏ်ရာရခဲ့သည်။ မင်းတုန်းအပြင် အောင်လံမြို့နယ်တွင်လည်း စစ်ကော်မရှင်တပ်က လက်နက်ကြီးကျည်ဖြင့် ပစ်ခတ်ခဲ့ရာ အရပ်သား ၅ ဦး ထိမှန်သေဆုံးခဲ့သည်။ ပြီးခဲ့သည့် ဖေဖော်ဝါရီလအတွင်း၌ပင် စစ်ဘေးရှောင်စခန်းများ၊ ဈေးများနှင့် ဘုန်းကြီးကျောင်းများကို ပစ်မှတ် ထားသည့် လေကြောင်းတိုက်ခိုက်မှုကြောင့် အစုလိုက်အပြုံလိုက် သေဆုံးမှု ၅ ခုထက်မနည်း ဖြစ်ပွားခဲ့သည်။ ပင်လည်ဘူးမြို့သည် ၂၀၂၄ ခုနှစ် အောက်တိုဘာလကတည်းက တော်လှန်ရေးအင်အားစုများ အပြီးသတ် ထိန်း ချုပ်ထားသည့် မြို့ဖြစ်ပြီး၊ ယခုကဲ့သို့ ကျေးရွာများကို ပစ်မှတ်ထားတိုက်ခိုက်ခြင်းမှာ နယ်မြေစိုးမိုးမှုဆုံးရှုံးခြင်း အပေါ် အရပ်သားများအား လက်တုံ့ပြန်ခြင်းဖြစ်နိုင်ကြောင်း စစ်ရေးလေ့လာသူများက ဆိုကြသည်။ ယနေ့အထိ ပင်လည်ဘူးမြို့နယ်အတွင်း လေကြောင်းအန္တရာယ်ကြောင့် ဒေသခံများမှာ စိုးရိမ်ထိတ်လန့်နေကြ ရပြီး ဘေးလွတ်သည့် နေရာများတွင် ခိုလှုံနေကြသည်။ #ပင်လည်ဘူးမြို့နယ် #လေကြောင်းတိုက်ခိုက်မှု #စစ်ကိုင်းတိုင်း

ပင်လယ်ဘူးတွင် သန်းခေါင်ယံ ဗုံးကြဲမှု အရပ်သား အစုအပြုံလိုက် သေဆုံး

Mar 3

ဗိုလ်နဂါး လက်နက်ချပြီးနောက် ပုလဲမြို့နယ်အတွင်း စစ်ကြောင်းထိုးသဖြင့် ရွာပေါင်း ၁၂ ရွာခန့်တိမ်းရှောင်နေရ သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၃ ရက်။ စစ်ကိုင်းတိုင်း၊ ပုလဲမြို့နယ်အတွင်းရှိ BNRA ခေါင်းဆောင် ဗိုလ်နဂါး စစ်ကော်မရှင်နှင့် ပူးပေါင်းသွားပြီးနောက်ပိုင်း ဒေသတွင်းထိုးစစ်များ အရှိန်မြင့်လာကာ ရွာပေါင်း ၁၂ ရွာခန့်မှ ဒေသခံများ အစုလိုက်အပြုံလိုက် ဘေးလွတ် ရာသို့ ထွက်ပြေးတိမ်းရှောင်နေကြရသည်။ ပြီးခဲ့သည့် ဖေဖော်ဝါရီလ ၁၉ ရက်နေ့တွင် ဗိုလ်နဂါး စစ်တပ်နှင့် ပူးပေါင်းသွားပြီးနောက်ပိုင်း မြေပြင်၌ အင်အား အလုံးအရင်းဖြင့် ထိုးစစ်ဆင်မှုများ စတင်ခဲ့ခြင်းဖြစ်သည်။ ဒေသခံများ၏ အဆိုအရ စစ်ကော်မရှင်တပ်များသည် ဗိုလ်နဂါးနှင့် BNRA အဖွဲ့ဝင်ဟောင်းများပေးသည့် သတင်း အချက်အလက်များကို အသုံးချကာ တော်လှန်ရေးရဲဘော်များနှင့် ၎င်းတို့၏ မိသားစုဝင်များရှိရာ တည်နေရာများ ကို တိတိကျကျ လိုက်လံရှာဖွေကာ မီးရှို့ဖျက်ဆီးနေသည်ဟုလည်း ဒေသခံများက ပြောသည်။ ပုလဲဒေသခံတစ်ဦးက “အခု စစ်ကြောင်းဝင်လာတာက အရင်ကနဲ့မတူဘူး။ ဘယ်အိမ်က တော်လှန်ရေးလုပ်နေ လဲ၊ ဘယ်သူ့မိသားစုက ဘယ်မှာနေလဲဆိုတာ သူတို့အကုန်သိနေတယ်။ ဗိုလ်နဂါးဆီကရတဲ့ အချက်အလက် တွေနဲ့ အိမ်တွေကို တမင်ရွေးပြီး မီးရှို့နေတာ။ ကျနော်တို့မှာတော့ ကိုယ့်လူယုံက ပြန်လုပ်တာခံလိုက်ရတော့ ဘယ်သူ့ကို ယုံရမှန်းတောင် မသိတော့ဘူး” ဟု ပြောသည်။ ဖေဖော်ဝါရီ ၂၈ ရက်နေ့၊ နေ့လယ်ပိုင်းမှ စတင်ကာ ပုလဲမြို့နယ် မုံသွင်ရွာအနီးတွင် PDF ပူးပေါင်းတပ်များနှင့် စစ်ကော်မရှင်တပ်တို့ကြား တိုက်ပွဲများ ပြင်းထန်ခဲ့သည်။ စစ်ကော်မရှင်ဘက်မှ အကျအဆုံးများပြားခဲ့ခြင်းကြောင့် ဂျက်ဖိုက်တာ (Jet Fighter) ၂ စင်းဖြင့် ဗုံးကြဲတိုက်ခိုက် ခဲ့သည့်အပြင် ညပိုင်းတွင်လည်း ပါရာမော်တာ (Paramotor) များ အသုံးပြု၍ ထပ်မံတိုက်ခိုက်ခဲ့ကြောင်း ဒေသခံများက ပြောသည်။ လက်ရှိတွင် ကန်ပေါက်၊ ကျွန်းဘိုကုန်း၊ ချင်ပြစ် နှင့် မုံသွင် အပါအဝင် ကျေးရွာပေါင်း ၁၂ ရွာကျော်မှ ပြည်သူများ သည် အရေးပေါ် စစ်ဘေးရှောင်နေကြရသည်။ မုံသွင်ရွာအတွင်းရှိ နေအိမ်များနှင့် ဒေသခံများ၏ အဓိက အသက်မွေးဝမ်းကျောင်း ဖြစ်သော လယ်ယာသုံးပစ္စည်းများလည်း မီးရှို့ဖျက်ဆီးခံလိုက်ရသည်။ စစ်ရေးအခြေအနေကို စောင့်ကြည့်နေသည့် PDF တပ်ဖွဲ့ မြေပြင်ရဲဘော်တစ်ဦးက “စစ်တပ်ဘက်က အင်အား တင်မကဘူး၊ သတင်းအချက်အလက်ပါ အသာစီးရအောင် လုပ်ထားတာဆိုတော့ တိုက်ပွဲက တော်တော် တင်းမာ တယ်။ သူတို့က ရွာတွေကို မီးရှို့ပြီး ဒေသခံတွေကိုပေါ့ လူထုကို ကြောက်အောင် လုပ်နေတာ။ ဒါပေမဲ့ ကျနော်တို့ ပူးပေါင်းတပ်တွေဘက်ကလည်း မြေပြင်မှာ အတတ်နိုင်ဆုံး ပြန်ခုခံနေပါတယ်” ဟု ပြောသည်။ ယနေ့ မတ်လ ၃ ရက်နေ့အထိ ပုလဲမြို့နယ်အတွင်း၌ စစ်ရေးအခြေအနေမှာ ဆက်လက်တင်းမာနေဆဲဖြစ်ပြီး၊ ဒေသခံထောင်နှင့်ချီကာ တောတောင်များအတွင်း၌ ခက်ခဲစွာ ခိုလှုံနေကြရသည်။ #ပုလဲတိုက်ပွဲ #စစ်ကိုင်းတိုင်း #ပုလဲမြို့နယ်

ဗိုလ်နဂါး လက်နက်ချပြီးနောက် ပုလဲမြို့နယ်အတွင်း စစ်ကြောင်းထိုးသဖြင့် ရွာပေါင်း ၁၂ ရွာခန့်တိမ်းရှောင်နေရ

« Prev 1 … 73 74 75 76 77 … 1,082 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

စလော့ဂိမ်း သိန်း ၁၅၀ ရှုံးသဖြင့် ယာဉ်မောင်းတစ်ဦး အဆုံးစီရင်
မောင်တောမြို့နယ်အတွင်း ထိုးဖောက်လာသည့် ARSA အဖွဲ့ နှင့် AA တိုက်ပွဲဖြစ်
အီရန် ခေါင်းဆောင်ကြီး အယာတိုလာ ခါမေနီအတွက် ရက်ရှည်ဈာပနအခမ်းအနားများ ပြင်ဆင်
TikTok တိုက်ရိုက်ထုတ်လွှင့်မှုအတွင်း နမ်းခဲ့သည့် အင်ဒိုနီးရှားစုံတွဲတစ်တွဲကို ကြိမ်ဒဏ် ၂၁ ချက်စီ အပြစ်ပေး
တားမြစ်ချက်ကို မလိုက်နာသည့် ရှေးရိုးစွဲ SSPX အဖွဲ့ကို ဗာတီကန် သာသနာ ထုတ်ပယ်

Archives

Archives

×Close