သတင်း

ပအိုးဝ်ပြည်သူစစ် အဖွဲ့ ကျေးရွာများ စီးနင်းပြီး နေအိမ်များ မီးရှို့   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၅ ရက်။   စစ်ကော်မရှင်တပ်နှင့် ပအိုဝ်းပြည်သူ့စစ်အဖွဲ့ (PNO/PNA) တို့က ရှမ်းပြည်တောင်ပိုင်း၊ ပအိုဝ်းဒေသ ဆီဆိုင်မြို့နယ်အတွင်းရှိ ကျေးရွာများကို ဝင်ရောက်စီးနင်းကာ နေအိမ်များအား မီးရှို့ဖျက်ဆီးနေသည်။   ပအိုဝ်းအမျိုးသားလွတ်မြောက်ရေးတပ်မတော် (PNLA)က ယမန်နေ့ သြဂုတ်၁၃ရက်တွင် ထုတ်ပြန်သည်။   အင်အား အများအပြားဖြင့် ထိုးစစ်ဆင်လာသော စစ်ကော်မရှင်တပ်နှင့် ပအိုဝ်းပြည်သူ့စစ် စစ်ကြောင်းမှ ဆီဆိုင်မြို့နယ်ထဲက ကျေးရွာ နှစ်ရွာအား အဓိက ပစ်မှတ်ထားပြီး မီးရှို့ဖျက်ဆီးနေသည်ဟု ပအိုဝ်းအမျိုးသား လွတ်မြောက်ရေး တပ်မတော် (PNLA) ပြောခွင့်ရ ဗိုလ်မှူးကြီးခွန်ရိန်းယံက ပြောသည်။   “သူတို့ အခုမီးရှို့တာကတော့ လောလောဆယ် အဆိုးဆုံး ခံနေရတာ ဒီနောင်ထောဝ် ကုလားလမ်းရွာရယ်၊ အဲ့ဒီ ကယန်းပိုင်းကျေးရွာရယ်ပေါ့နော်။ အဲ့ဒီမှာ ဒီနှစ်ရွာကတော့ မီးရှို့ခံရတာ အဆိုးဆုံး ဖြစ်ပါတယ်။ အခု ဒီနေ့အထိ လည်း မီးရှို့ခံနေရတုန်းပဲ ဖြစ်ပါတယ်” ဟု ပြောသည်။   ဆီဆိုင်မြို့နယ်ထဲ စစ်ကြောင်းထိုးဝင်လာသော စစ်တပ်နှင့် ပအိုဝ်းပြည်သူ့စစ်အဖွဲ့တို့ကို ပအိုဝ်း အမျိုးသား လွတ်မြောက်ရေး တပ်မတော် (PNLA) က ခုခံတိုက်ခိုက်နေသည်ဟု ဆိုသည်။   PNLA ၏ သြဂုတ်လ ၁၃ ရက်နေ့ ထုတ်ပြန်ချက်အရ နောင်ထောဝ်ကျေးရွာရှိ ကယန်းပိုင်းရပ်ကွက်နှင့် နောင် ထောဝ်ကုလားလမ်း ကျေးရွာတို့မှ နေအိမ် ၂၄ လုံးထက်မနည်းကိုလည်း စစ်တပ်နှင့် ပအိုဝ်းပြည်သူ့စစ်အဖွဲ့က မီးရှို့ဖျက်ဆီးခံခဲ့ရပြီး စလောင်းထောင်ကျေးရွာမှ အသက် ၃၈ နှစ်အရွယ် အမျိုးသားတစ်ဦးလည်း ပစ်သတ်ခံခဲ့ရ သည်ဟု သိရသည်။   အလားတူ သြဂုတ်လ ၅ ရက်နေ့ မှ ၁၃ ရက်နေ့အထိ တိုက်ပွဲအတွင်း စစ်ကော်မရှင်တပ်နှင့် ပအိုဝ်းပြည်သူ့စစ် အဖွဲ့ဘက်မှ အယောက် ၁၀၀ ကျော် ထိခိုက်မှု သေဆုံးခဲ့မှုများ ရှိသည်ဟု PNLA ၏ ထုတ်ပြန်ချက်က ဆိုသည်။   သြဂုတ်လ ၆ ရက်နေ့မှ စတင်ကာ ထိုးစစ်ဆင်လာခဲ့သော စစ်ကော်မရှင်တပ်နှင့် ပအိုဝ်းပြည်သူ့စစ် ပူးပေါင်းတပ် တို့ကို PNLA အဖွဲ့က ခုခံတိုက်ခိုက်နေသည့်ကြားက အထက်ပါ ကျေးရွာများထဲသို့ ဝင်ရောက်နိုင်ခဲ့ခြင်း ဖြစ်သည် ဟု ဗိုလ်မှူးကြီးခွန်ရိန်းယံက ပြောသည်။   “စစ်ကောင်စီနဲ့ လက်ပါးစေ PNO ပြည်သူ့စစ်တွေက အင်အား ၁၀၀၀ ကျော် သုံးပြီးတော့မှ ထိုးစစ်ဆင်လာ တယ်လို့ ကျနော်တို့ သိရတယ်။ အဲ့ဒါကို ကျနော်တို့က ခုခံခဲ့တယ်ပေါ့နော်။ အင်အား အဆမတန်သုံးပြီး ထိုးစစ် ဆင်လာတဲ့ အခါမှာ ကျေးရွာအတွင်းမှာ သူတို့ ဝင်ရောက်နိုင်သွားတဲ့ အခြေအနေဖြစ်ပါတယ်” ဟု ပြောသည်။   နှစ်ဖက်ကြား တိုက်ပွဲများအပြင် စစ်တပ်နှင့် PNO ပူးပေါင်းအဖွဲ့တို့၏ မီးရှို့ဖျက်ဆီးနေမှုများကြောင့် ဒေသခံ ပြည်သူ ၂,၀၀၀ ကျော်မှာ နေရပ်မှ စွန့်ခွာ၍ ဘေးလွတ်ရာသို့ ထွက်ပြေးနေရသည်ဟု ပအိုဝ်းအမျိုးသား လွတ် မြောက်ရေး တပ်မတော် (PNLA) က ပြောသည်။   လက်ရှိတွင် နေရပ်စွန့်ခွာ ထွက်ပြေးနေရသည့် ဒေသခံ ၂,၀၀၀ ကျော် အတွက် အစားအသောက်၊ ဆေးဝါးနှင့် အမိုးအကာများ အရေးပေါ် လိုအပ်နေသည်ဟု မြေပြင်ရှိ သတင်းအရင်းအမြစ်များက ပြောသည်။   ယခင်ကလည်း ပအိုဝ်းပြည်သူ့စစ်အဖွဲ့ PNO သည် ဆီဆိုင်မြို့နယ်မှ ဒေသခံ ၆၀၀၀ ကျော်ကို ကျေးရွာအတွင်းမှ မောင်းထုတ်ခဲ့ဖူးသည့် အပြင် ဆီဆိုင်မြို့နယ်ထဲက တပူးထိုကျေးရွာကိုလည်း ၂ ကြိမ်တိုင်တိုင် မီးရှို့ခဲ့သဖြင့် နေအိမ် ၂၀ ထက်မနည်း မီးလောင်ပျက်စီးခဲ့သေးသည်။

ပအိုဝ်းပြည်သူ့စစ် အဖွဲ့ ကျေးရွာများ စီးနင်းပြီး နေအိမ်များ မီးရှို့

ပအိုဝ်းပြည်သူ့စစ် အဖွဲ့ ကျေးရွာများ စီးနင်းပြီး နေအိမ်များ မီးရှို့ သတင်းနှင့် မီဒီယာ ကွန်ရက်။​ြ၂၀၂၅ ခုနှစ်၊ ဩဂုတ်လ ၁၅ ရက်။  စစ်ကော်မရှင်တပ်နှင့…

  • August 15, 2025
ရွေးကောက်ပွဲ အတုအယောင်သာ ဖြစ်ဟု အမျိုးသမီးရေးလှုပ်ရှားသူများကပြော

သတင်းနှင့် မီဒီယာ ကွန်ရက်။
၂၀၂၅ ခုနှစ်၊ ဩဂုတ်လ ၁၅ ရက်။ 

စစ်ကော်မရှင်က ကျင်းပရန် ပြင်ဆင်နေသည့် ရွေးကောက်ပွဲသည် ၎င်းတို့ တရားဝင်မှု ရရှိရေးအတွက် ကြိုး ပမ်းသည့် လုပ်ရပ်တစ်ခုသာ ဖြစ်ကြောင်း အမျိုးသမီးအရေး တက်ကြွလှုပ်ရှားသူများက ပြောသည်။

စစ်ကော်မရှင်က ကျင်းပရန် ရည်ရွယ်နေသည့် ရွေးကောက်ပွဲသည် အတုအယောင် လုပ်ရပ်သာ ဖြစ်ကြောင်း ကရင်နီပြည် အတိုင်ပင်ခံ ကောင်စီ (KSCC) ၏ အထွေအထွေ အတွင်းရေးမှူး မော်ဒေးမြာက ပြောသည်။

“ရွေးကောက်ပွဲ လုပ်တယ်ဆိုတာက ဒါဒီမိုကရေစီရဲ့ အခြေခံအကျဆုံး အလေ့အထပဲပေါ့နော်။ ဆိုတော့ တရားမဝင် အာဏာသိမ်းထားတဲ့ စစ်တပ်က ရွေးကောက်ပွဲ လုပ်မယ်ဆိုတော့ နည်းနည်းလေးတော့ ဒီမိုကရေစီ စံနှုန်း မေးခွန်းထုတ်စရာကို ဖြစ်နေတယ်ပေါ့နော်။ ရွေးကောက်ပွဲက ဘယ်လိုပဲ ဟန်ပြလုပ်လုပ်ပေါ့နော် အတု အယောင် ရွေးကောက်ပွဲ ဖြစ်နေအုံးမှာပဲ။ ပြီးတော့ တရားမဝင်တဲ့ ရွေးကောက်ပွဲ ဖြစ်နေအုံးမှာပဲပေါ့နော်။”

ထို့အပြင် ယခုလုပ်ရန် ပြင်ဆင်နေသည့် ရွေးကောက်ပွဲမှာ တရားမဝင် ဟုလည်း လူ့ဘောင်သစ် ဒီမိုကရက် တစ်ပါတီ တွဲဖက် အထွေအထွေ အတွင်းရေးမှူး ဖြစ်သူ ဒေါ်နှင်းနှင်းမွှေးက ပြောသည်။

ဒေါ်နှင်းနှင်းမွှေးက “ဒီရွေးကောက်ပွဲက အတုအယောင် ရွေးကောက်ပွဲ ဖြစ်တယ်။ တရားမဝင် ရွေးကောက်ပွဲ ဖြစ်တယ်။ ဒီမိုကရေစီ စံနှုန်းတွေကို ချိုးဖောက် ဖျက်ဆီးခဲ့တဲ့ သူတွေကနေပြီး ဒီမိုကရေစီ အတုအယောင် အတွက်ကို သူတို့ရဲ့ တရားဝင်မှုအတွက် ကြိုးစားနေတဲ့ ရွေးကောက်ပွဲဖြစ်တယ်” ဟု ပြောသည်။

စစ်ကော်မရှင်က ၎င်းတို့၏ အာဏာတည်မြဲရေး၊ တရားဝင်မှု ရရှိရေးနှင့် နိုင်ငံရေး ထွက်ပေါက်ရရှိရေး အတွက် ကြိုးပမ်းနေသည့် ရွေးကောက်ပွဲသည် စစ်မှန်သည့် ရွေးကောက်ပွဲ ဖြစ်လာမည် မဟုတ်ဘူးဟု တော်လှန်ရေး အင်အားစုများက ပြောသည်။

စစ်ကော်မရှင်အနေဖြင့် ဒီမိုကရေစီ စံနှုန်းမှီသည့် ရွေးကောက်ပွဲကို ကျင်းပနိုင်မည် မဟုတ်ဟု မော်ဒေးမြာက ဆက် ပြောသည်။

“မကြာသေးခင်က သူတို့ ပြဌာန်းလိုက်တဲ့ ရွေးကောက်ပွဲ ဥပဒေအသစ်ဆိုတာကလည်း ကိုယ်တိုင်ပေါ့နော် ကိုယ့်ဟာကိုယ် မလိမ့်တပတ်လုပ်ပြီး ရေးထားတဲ့ ဥပဒေ ဆိုတော့ ဘယ်လိုမှ ဒီမိုကရေစီစံနှုန်းနဲ့ ကိုက်ညီမှာ မဟုတ်ဘူး။ နိုင်ငံတကာက ရွေးကောက်ပွဲနဲ့ပတ်သက်တဲ့စံနှုန်းတွေနဲ့လည်း ကိုက်ညီမှာမဟုတ်ဘူး။ အဲ့အတွက် ကြောင့် ရွေးကောက်ပွဲက ဘယ်လိုပဲ ဟန်ပြလုပ်လုပ်ပေါ့နော် အတုအယောင် ရွေးကောက်ပွဲ ဖြစ်နေ အုံးမှာပဲ။ ပြီးတော့ တရားမဝင်တဲ့ ရွေးကောက်ပွဲ ဖြစ်နေအုံးမှာပဲပေါ့နော်။ ဒီတရားမဝင် အာဏာသိမ်းထားတဲ့ အကြမ်း ဖက်စစ်တပ်က ဘယ်လိုနည်းနဲ့မှ စံနှုန်းမှီတဲ့ ရွေးကောက်ပွဲကို ကျင်းပနိုင်မှာ မဟုတ်ဘူးလို့တော့ ယုံကြည် တယ်ပေါ့နော်။”

လက်ရှိ အခြေအနေများအရ နိုင်ငံအနှံ့တွင် နယ်မြေအများအပြားကို လက်လွှတ်ဆုံးရှုံးထားပြီး လူထု၏ ထောက် ခံအားပေးမှုများ မရှိတော့သည့် အတွက် ၎င်းတို့ မဖြစ်ဖြစ်အောင် ကျင်းပရန် စီစဉ်နေသည့် ရွေးကောက်ပွဲမှာ တရားမဝင်ဘူးဟု တော်လှန်ရေး အင်အားစုများက ထောက်ပြနေကြသည်။

ထို့အတူ အာဆီယံ၏ ဘုံသဘောတူညီချက် ၅ ချက်ကို အကောင်အထည် မဖော်နိုင်သည့် စစ်ကော်မရှင်ကို အာဆီယံ၊ ကုလသမဂ္ဂနှင့် နိုင်ငံတကာ အဖွဲ့အစည်းများကလည်း အသိအမှတ်ပြုထားခြင်း မရှိဘဲ အာဆီယံ အဖွဲ့ အနေဖြင့် ရွေးကောက်ပွဲကို ဦးစားပေးမည် မဟုတ်ကြောင်း ဇူလိုင်လထဲတွင် တရားဝင် ပြောဆိုထားသည်။

အာဆီယံက စစ်အုပ်စု၏ အမည်ခံ ရွေးကောက်ပွဲသည် “ဦးစားပေးကိစ္စ” မဟုတ်သကဲ့သို့ “မည်သည့် ပြဿနာ ကိုမှ ဖြေရှင်းနိုင်မည် မဟုတ်ဘဲ အခြေအနေများကိုသာ ပိုမိုဆိုးရွားလာစေလိမ့်မည်” ဟု ဇူလိုင်လ ၁၁ ရက်နေ့ တွင် ထုတ်ပြန်ကြေညာခဲ့သည်။

ဓါတ်ပုံ - တပ်မတော်ကာကွယ်ရေး ဦးစီးချုပ်ရုံး

ရွေးကောက်ပွဲ အတုအယောင်သာ ဖြစ်ဟု အမျိုးသမီးရေးလှုပ်ရှားသူများကပြော

ရွေးကောက်ပွဲ အတုအယောင်သာ ဖြစ်ဟု အမျိုးသမီးရေးလှုပ်ရှားသူများကပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၁၅ ရက်။စစ်ကော်မရှင်က ကျင်းပရန် ပြင်…

  • August 15, 2025
စစ်မှုထမ်း စုဆောင်းခံရသူ သေဆုံးပြီး ၆ လကြာမှ နာရေး လုပ်ခွင့်ရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၅ ရက်။   စစ်မှုထမ်း ဥပဒေဖြင့် စုဆောင်းခံရသူ တစ်ဦး သေဆုံးပြီး ၆ လအကြာမှ နာရေးလုပ်ခွင့်ရသည်ဟု မိသားစုနှင့် နီးစပ်သူများက ပြောသည်။   ရှမ်းပြည်၏ မြို့တော်၊ တောင်ကြီးမြို့တွင် စစ်မှုထမ်းဥပဒေဖြင့် စုဆောင်းခံရသူ တစ်ဦးမှာ ရှေ့တန်းစစ်မြေပြင် တွင် သေဆုံးပြီးနောက် ၆ လအကြာမှ မိသားစုဝင်များက သတင်းသိရခြင်း ဖြစ်သည်ဟု နီးစပ်သူများက ပြော သည်။   တောင်ကြီးမြို့၊ လမ်းမတော်ရပ်ကွက်တွင် နေထိုင်သူ အသက် ၃၁ နှစ်အရွယ် ကိုချမ်းမြေ့အောင် (ခ) အောင် အောင် ဆိုသူအား ပြီးခဲ့သည့် ရက်သတ္တတစ်ပတ် ရောက်မှသာ ထွေအုပ်စာရေး မအိ ဆိုသူက အကြောင်းကြား လာသဖြင့် ဩဂုတ်လ ၁၂ ရက်နေ့တွင် နာရေးပြုလုပ်ခဲ့သည်ဟု ဆိုသည်။   သေဆုံးသူနှင့် နီးစပ်သည့် လမ်းမတော်ရပ်ကွက်နေ ပြည်သူတစ်ဦးက “လားရှိုးဘက်မှာ ကျတယ်လို့ ပြောတယ်။ သူ့ကို စစ်မှုထမ်းကြေး လာပေးတော့ သူ့အမေက သူ့သားနဲ့ ဘာမှ မလဲနိုင်ဘူးဆိုပြီး မယူဘူး။ လက်မှတ်လည်း မထိုးဘူး။ အဲ့ဒါကို အတင်းပိုက်ဆံ ထိုးထည့်ပြီး သားကို ခေါ်သွားတာ။ ပိုက်ဆံ မလိုက်နိုင်တာလည်း ပါတာပေါ့” ဟု ပြောသည်။   သေဆုံးသူမှာ စစ်မှုထမ်း အပတ်စဉ် ၁ အတွင်း စုဆောင်းခံခဲ့ရပြီး ရပ်စောက်မြို့၊ ဗထူးတပ်မှ တဆင့် ဟိုပုံးမြို့ တွင် ရပ်တိုသင်တန်းပေးကာ စစ်ကော်မရှင်တပ်က ရှေ့တန်းစစ်မြေပြင်သို့ တိုက်ရိုက် ပို့ဆောင်ခဲ့ခြင်း ဖြစ်သည်။   ကိုချမ်းမြေ့အောင် မသေဆုံးခင်က ရပ်ကွက်မှ စုပေါင်းထည့်ဝင်ကြသည့် စစ်မှုထမ်းကြေး သိန်း ၅၀ ကိုလည်း လမ်းမတော်ရပ်ကွက် အုပ်ချုပ်ရေးမှူးနှင့် စာရေး မအိတို့က လာဘ်ယူထားပြီးနောက် ၎င်း၏ မိသားစုဝင်များကို ကျပ် ၈ သိန်းသာ ပေးခဲ့သည်ဟု ဆိုသည်။   သေဆုံးသူနှင့် ဆွေမျိုးနီးစပ်သူ တစ်ဦးက “ရပ်စောက်ပြီး ဟိုပုံးတန်းရောက်တာ။ နောက်ဆုံး အဆက်အသွယ် ရတာတော့ လားရှိုးမှာ။ အမေရယ် သားတော့ ပြေးနေရပြီဆိုပြီး ဖုန်းကျသွားတာ” ဟု ပြောသည်။   အလားတူ တောင်ကြီးမြို့ရှိ ကျောင်းကြီးစု၊ ရတနာသီရိ၊ ကံသာ၊ စိန်ပန်း၊ ညောင်ဖြူစခန်း၊ ချမ်းမြသာစည် စသည့် ရပ်ကွက်များမှ စစ်မှုထမ်း ဥပဒေဖြင့် စုဆောင်းခံရသူများမှာလည်း သေဆုံးပြီး လပိုင်းခန့်ကြာမှသာ မိသားစုဝင်များက သိရှိခဲ့ရသည်ဟု မြို့နေ စစ်မှုထမ်းအကြုံးဝင်သည့် လူငယ်များက ပြောသည်။   တောင်ကြီးမြို့သည် လက်ရှိတွင် စစ်ကော်မရှင်တပ်က ထိန်းချုပ်ထားပြီး မြို့တွင်း၌ နယ်မြေတည်ငြိမ်နေသော် လည်း စစ်မှုထမ်းအတွက်မူ မကြာခဏ စုဆောင်းခံနေကြရသည်ဟု လွတ်မြောက်နယ်မြေရောက် မြို့ခံလူငယ် များက ပြောဆို သုံးသပ်နေကြသည်။

စစ်မှုထမ်း စုဆောင်းခံရသူ သေဆုံးပြီး ၆ လကြာမှ နာရေး လုပ်ခွင့်ရ

စစ်မှုထမ်း စုဆောင်းခံရသူ သေဆုံးပြီး ၆ လကြာမှ နာရေး လုပ်ခွင့်ရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၁၅ ရက်။  စစ်မှုထမ်း ဥပဒေဖြင့် စုဆောင…

  • August 15, 2025
ရခိုင်တွင် အိုးအိမ်စွန့်ခွာ နေထိုင်ရသူ ၆ သိန်းကျော် အကူအညီများ လိုအပ်နေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၅ ရက်။   ရခိုင်ပြည်က တိုက်ပွဲများကြောင့် စစ်ဘေးရှောင်နေရသူများနှင့် သဘာဝဘေး အန္တရာယ်တို့ကြောင့် နေရပ်စွန့်ခွာ ထွက် ပြေးနေရသူ အရေအတွက် ခြောက်သိန်းကျော်အထိ ရှိလာနေသည်ဟု အာရက္ခတပ်တော် AA က ပြောသည်။   အဆိုပါ စစ်ရှောင်များနှင့် ရေဘေးဒုက္ခကြုံနေရသူ ခြောက်သိန်းကျော်အတွက် လူသားချင်းစာနာမှု အကူအညီ များ အရေးပေါ် လိုနေသည်ဟု AA ပြောခွင့်ရ ဦးခိုင်သုခက ပြောသည်။   ဦးခိုင်သုခ က “မြေပြင်မှတ်တမ်းတွေအရ ဘေးဒဏ်အမျိုးမျိုးကြောင့် အာရက္ခပြည်မှာ နေရပ်စွန့်ခွာပြည်သူ စုစုပေါင်း ခြောက် သိန်းကျော် ရှိထားပြီးတော့ အဲ့ဒီအထဲမှာ စစ်ဘေးရှောင် မိသားစုတွေနဲ့ မိုးရာသီ ရေကြီးလို့ ဒုက္ခရောက်ကြရတဲ့ မိသားစုဝင်တွေ ပါဝင်ပါတယ်။ လက်ရှိမှာ ဒုက္ခသည် အများစုဟာ အဆင်ပြေတဲ့ နေရာတွေ မှာ ခိုလှုံနေကြရပါတယ်” ဟု ဩဂုတ်လ ၁၁ ရက်နေ့က လုပ်ခဲ့သည့် သတင်းစာရှင်းလင်းပွဲတွင် ထည့်သွင်း ပြော ဆိုထားသည်။   ရခိုင်ပြည်၌ ဖြစ်နေသည့် စစ်ရေးပဋိပက္ခများ၊ တိုက်ပွဲများနှင့် သဘာဝဘေးဖြစ်သည့် ရေကြီးမှုကြောင့် ဒုက္ခကြုံ နေရသော ပြည်သူများဆီသို့ နိုင်ငံတကာမှ အကူအညီများ မရောက်အောင်လည်း စစ်တပ်က ပိတ်ဆို့ထားသည် ဟု ဦးခိုင်သုခက ပြောသည်။   ထို့အပြင် ရခိုင်ပြည် အလယ်ပိုင်းဒေသများတွင် စားနပ်ရိက္ခာလိုအပ်နေသည့် မိသားစု အရေအတွက်မှာ ယခုနှစ်အတွင်း ၂ ဆနီးပါး မြင့်တက်လာသည်ဟုလည်း ကမ္ဘာ့စားနပ်ရိက္ခာ အစီအစဉ် WFP က ဩဂုတ်လ ၁၂ ရက်နေ့တွင် ထုတ်ပြန်သည်။   အလားတူ ရခိုင်ပြည်၏ မြောက်ပိုင်းဒေသများထဲတွင် စားနပ်ရိက္ခာ မလုံလောက်သောကြောင့် အာဟာရချို့တဲ့မှု များ ပိုဖြစ်လာနိုင်ပြီး ဒေသတွင်းက ပဋိပက္ခဖြစ်ပွားမှုများကြောင့် လူထု၏ အခြေအနေက ပိုဆိုးလာနိုင်သည်ဟု WFP က ဆိုသည်။   နိုင်ငံတကာအနေဖြင့် ဒုက္ခအခက်အခဲများနှင့် ရင်ဆိုင်နေရသည့် ရခိုင်ပြည်သူ ခြောက်သိန်းကျော် အတွက် အကူ အညီပေးလိုပါက AA ၏ လူသားချင်း စာနာထောက်ထားရေးနှင့် ဖွံ့ဖြိုးရေးဆိုင်ရာ ပူးပေါင်းဆောင်ရွက်ရေးရုံး (HDCO) ကို တိုက်ရိုက်ဆက်သွယ်နိုင်သည်ဟု ဦးခိုင်သုခက ပြောသည်။   “တစ်ချိန်တည်းမှာ ကုလသမဂ္ဂ အပါအဝင် နိုင်ငံတကာနဲ့ ပြည်ပ အဖွဲ့အစည်းရဲ့ လူသားချင်းစာနာမှု အကူအညီ တွေကို စစ်ကောင်စီက ပိတ်ထားတဲ့အတွက် ဒုက္ခသည်တွေဟာ လုံလောက်တဲ့ ကူညီထောက်ပံ့မှုမရဘဲ ဖြစ်နေ ကြရပါတယ်။ နိုင်ငံတကာနဲ့ ပြည်ပ ကူညီတဲ့ အဖွဲ့အစည်းတွေ အနေနဲ့ ရခိုင်အမျိုးသားအဖွဲ့ချုပ်က ဖွဲ့စည်းထား တဲ့ လူသားချင်းစာနာမှုနဲ့ ညှိနှိုင်းရေးဆိုင်ရာ ပူးပေါင်းဆောင်ရွက်ရေးရုံး HDCO နဲ့ ချိတ်ဆက်ပြီးတော့ လူသား ချင်းစာနာမှု လုပ်ငန်းတွေကို အခုထက်ပိုပြီး ထိထိရောက်ရောက် လုပ်ဆောင်ပေးဖို့ လိုအပ်ပါကြောင်း အလေး အနက် တိုက်တွန်း ပြောကြားလိုပါတယ်။”   ရေဘေးသင့် ပြည်သူများနှင့် စစ်ဘေးရှောင်များအတွက် စားနပ်ရိက္ခာ၊ အမိုးအကာ၊ မျိုးစပါး၊ ဆေးဝါးနှင့် အမျိုး သမီး လစဉ်သုံး ပစ္စည်းများ အပါအဝင် ကျန်းမာရေး စောင့်ရှောက်မှုများလည်း အရေးပေါ်လိုအပ်နေသည်ဟု ဒေသခံများက ပြောသည်။   HDCO ၏ ဇူလိုင်လ ၂၂ ရက်နေ့ စာရင်းအရ ရခိုင်ပြည်ရှိ ကျေးရွာ ၉၀ မှ အိမ်ထောင်စု ၃,၄၆၁ စုက လူဦးရေ ၁၂,၂၄၉ ဦး ရေဘေးဒဏ်သင့်ခဲ့ပြီး အကူအညီများ လိုအပ်နေသည်။   ဤသို့ လူသားချင်းစာနာမှု အကျပ်အတည်းများ ဖြစ်နေချိန် စစ်ကော်မရှင်တပ်က AA က ထိန်းချုပ်ထားသည့် နယ်မြေများထဲသို့ လေကြောင်းမှ ဗုံးကြဲခြင်းနှင့် လက်နက်ကြီးများဖြင့် ပစ်ခတ်တိုက်ခိုက်ခြင်းများကို ဆက်လက် လုပ်နေသည်ဟု ဒေသခံများနှင့် အကူအညီပေးနေသူများက ပြောသည်။

ရခိုင်တွင် အိုးအိမ်စွန့်ခွာ နေထိုင်ရသူ ၆ သိန်းကျော် အကူအညီများ လိုအပ်နေ

ရခိုင်တွင် အိုးအိမ်စွန့်ခွာ နေထိုင်ရသူ ၆ သိန်းကျော် အကူအညီများ လိုအပ်နေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၁၅ ရက်။  ရခိုင်ပြည်က တိုက်…

  • August 15, 2025
ဖားကန့်တွင် ဓါတ်ဆီဈေးတက်၊ ဆိုင်အချို့ပိတ်ထားရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၅ ရက်။   ကချင်ပြည်၊ ကျောက်စိမ်းမြို့တော် ဖားကန့်တွင် စက်သုံးဆီ တစ်ဂါလံကို ကျပ် ၇ သောင်းထိ ဈေးနှုန်းမြင့်တက် လာပြီး ဆိုင်အချို့ ပိတ်ထားရသည်ဟု ဒေသခံများက ပြောသည်။   စစ်ကော်မရှင်တပ် တကျော့ပြန် ဝင်ရောက်လာပြီး နောက်ပိုင်း ဖားကန့်မြို့သို့ ဝင်ရောက်နိုင်သည့် လမ်းပိုင်း များကို ထိန်းချုပ်လာနိုင်သည်နှင့်အတူ စက်သုံးဆီနှင့် အခြေခံစားသောက်ကုန် သယ်ယူခွင့်ကို ကန့်သတ်လိုက် ခြင်း ဖြစ်သည်။   ဒေသခံတစ်ဦးက “လမ်းကြောမှာက ထိန်းချုပ်မှုတွေ ရှိတာပေါ့။ SNA၊ ပြည်သူ့စစ်၊ စစ်ကောင်စီဂိတ်တွေက ထိန်းချုပ်ထားတာ ဟုတ်ပါတယ်။ ကာမိုင်း၊ လဝါး ဟိုးဘက် အင်းတော်ကြီးဒေသဘက်မှာ ဆိုရင် နန့်မွန်း တောင် လုံးတုံဂိတ်ကနေပြီးမှ တားဆီးထားတာ မှန်ပါတယ်” ဟု ပြောသည်။   ဖားကန့်မြို့ကို မေလနောက်ဆုံးပတ်မှ စတင်ကာ စစ်ကောင်စီတပ်နှင့် ရှမ်းနီအမျိုးသား တပ်မတော် SNA ပူးပေါင်းတပ် အင်အား ၆၀၀ ကျော်ဖြင့် စစ်ကြောင်းထိုး ဝင်ရောက်ခဲ့ပြီး မြို့ကို ဝင်ရောက်နိုင်သည့် လမ်းကြောင်း များကို ၎င်းတို့က ထိန်းချုပ်ထားခြင်း ဖြစ်သည်။   ထို့နောက် ဖားကန့်ဒေသတွင်း ကုန်စည်များ ပြတ်လပ်ခြင်း၊ စျေးတက်ခြင်းနှင့် ယခုတွင် စက်သုံးဆီပါ စျေးနှုန်း ထိုးတက်သွားခဲ့ခြင်း ဖြစ်သည်ဟု ဒေသခံများ ပြောသည်။   ယခုကဲ့သို့ ဈေးနှုန်း မတက်ခင်ကာလက စက်သုံးဆီ တစ်ဂါလံကို ကျပ် ၂သောင်းဝန်းကျင်း၊ တစ်လီတာ ၈,၃၀၀ ကျပ်ရှိခဲ့သည်ဟု ဆိုသည်။   လက်ရှိ စက်သုံးဆီ ဈေးနှုန်းအခြေအနေနှင့် ပတ်သက်၍ ဖားကန့်ဒေသခံက “ဈေးနှုန်းကတော့ တစ်မြို့နယ်လုံး တစ်ဂါလံ ဈေးနှုန်းကတော့ တသတ်မတ်တည်း ရောင်းတာမျိုး မဟုတ်ဘူးဗျ။ အခြေအနေ ကြည့်ပြီး ရောင်း တာမျိုးလည်း တွေ့ရတယ်။ တစ်ချို့နေရာတွေကလည်း တစ်ဂါလံ ၅ သောင်း၊ တစ်ချို့က ၇ သောင်း ရောင်းကြ တယ်။ လောလောဆယ်တော့ ဆီမရှိတော့ဘူးလို့ သိရတယ်။ ဆိုင်တွေ အားလုံး ပိတ်ထားကြတယ်တဲ့” ဟု ပြော သည်။   ပြီးခဲ့သည့် ဇူလိုင်လတွင်မူ ဖားကန့်မြို့ကို ဝင်ရောက်နိုင်သည့် လမ်းကြောင်းပေါ်တွင် ရှိနေသော စစ်ကော်မရှင် တပ်နှင့် ရှမ်းနီ အမျိုးသား တပ်မတော် SNA တပ်ဖွဲ့တို့က ဆန်နှင့် အခြား ကုန်စည် သယ်ယူခွင့်ကို တားမြစ်ခဲ့ သဖြင့် ကြက်သား တစ်ပိဿာ ကျပ် ၁ သိန်းထိ စျေးနှုန်း မြင့်တက်ခဲ့သည်။   စစ်တပ်နှင့် SNA တပ်များ ဝင်ရောက်လာသည့် နောက်ပိုင်းမှ စတင်ကာ ဖားကန့်မြို့နယ်ကို တစ်နှစ်ကျော် အကြာ ထိန်းချုပ်နိုင်ခဲ့သည် ကချင်လွတ်လပ်ရေး တပ်မတော် KIA ပူးပေါင်းအဖွဲ့တို့နှင့် မကြာခဏ ထိတွေ့တိုက်ပွဲများ ပြင်းထန်လေ့ ရှိသည်။   လက်ရှိ တင်းမာလာသည့် နှစ်ဖက်ကြားက စစ်ရေးအခြေနေများကြောင့် ဖားကန့်မြို့နယ် အတွင်းရှိ ရှရော်ခ၊ လုံးခင်း၊ ဆိုင်းတောင်၊ မှော်စီစာစသည့် ကျေးရွာများ အပါအဝင် ရွာပေါင်းများစွာက ဒေသခံထောင်နှင့်ချီ ကလည်း ဘေးလွတ်နိုင်သည့် နေရာများဆီ စစ်ဘေးရှောင်နေကြရသည်။   စစ်ကော်မရှင်တပ်သည် မြန်မာနိုင်ငံ တစ်ဝှမ်းရှိ ၎င်းတို့ လက်လွှတ်ထားရသည့် မြို့များကို ပြန်လည် ရယူရေး အရှိန်အဟုန်မြင့် ကြိုးစားလာနေပြီး ကချင်ပြည်တွင် ဖားကန့်မြို့နှင့် ဝိုင်းမော်မြို့တို့ကို ပြန်လည်ရယူနိုင်ရေး ကြိုးစားလျှက်ရှိသည်။   အထူးသဖြင့် စီးပွားရေး၊ စစ်ရေးအပြင် အဘက်ဘက်က အချက်အချာကျသည့် ဖားကန့်မြို့ကို ပြန်လည်ရရှိရေး ကြိုးစားလာနေပြီး ကချင်လွတ်လပ်ရေး တပ်မတော် KIA နှင့် ကာကွယ်ရေး ပူးပေါင်းတပ်များသည်လည်း သိမ်း ပိုက်ထားသည့် ကျေးရွာအချို့နှင့် ဖားကန့်မြို့ကို ဝင်ရောက်နိုင်သည့် လမ်းကြောင်းအချို့ကို ပြန်လည် လက်လွှတ် ထားရသည်။   ဓါတ်ပုံ - MC Saw Lay

ဖားကန့်တွင် ဓါတ်ဆီဈေးတက်၊ ဆိုင်အချို့ပိတ်ထားရ

ဖားကန့်တွင် ဓါတ်ဆီဈေးတက်၊ ဆိုင်အချို့ပိတ်ထားရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၁၅ ရက်။  ကချင်ပြည်၊ ကျောက်စိမ်းမြို့တော် ဖားကန့်တွင်…

  • August 15, 2025
ထိုင်းနိုင်ငံ အိမ်ခြံမြေ ဈေးကွက် အကြပ်အတည်း ရင်ဆိုင်နေရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၄ ရက်။   ထိုင်းနိုင်ငံရဲ့ အိမ်ခြံမြေ ဈေးကွက်မှာ ပြိုကျလု နီး အခြေအနေတွင် ရောက်နေပြီဟု  The Nation သတင်းစာက ရေးသားလိုက်သည်။   ထိုင်းနိုင်ငံရဲ့ အိမ်ခြံမြေ ဈေးကွက်ဟာ သမိုင်းဝင် အကြပ်အတည်းနဲ့ ရင်ဆိုင်နေရပြီး ၂၀၂၅ ခုနှစ်မှာ အိမ်ခြံမြေ ချေးငွေသည် ပထမဆုံးအကြိမ် အနုတ်ပြလာသည်ဟု ဆိုသည်။   Bank of Thailand (ထိုင်းနိုင်ငံတော် ဘဏ်) ပြောရေး ဆိုခွင့်ရှိသူ Chayawadee Chai-anant က အိမ်ခြံမြေ ဈေးကွက်သည် အရင်က ထက်ပိုပြီး ဆိုးလာပုံ ရပြီး ရင်ဆိုင်နေရသော စိမ်ခေါ်မှုများသည် ပြင်းထန်မှုနဲ့ ရှုတ်ထွေးမှု နှစ်ခုစလုံး ရောနေသည်ဟု ဆိုသည်။   ထိုသို့ အကြပ်အတည်း ဖြစ်ရခြင်းသည် ဖောက်သည်များ ဝယ်ယူနိုင်စွမ်း ကျဆင်းလာတာ၊ အိမ်ခြံမြေ ရောင်းလိုအားက သိပ်များနေတာနဲ့ ဘဏ်တွေက ငွေချေးပေးသော အကန့်အသတ်များကို တင်းကြပ်လိုက်တာကြောင့် ဖြစ်သည်ဟု ဆိုသည်။   ဤအကြပ်အတည်းသည် COVID-19 ကာလ ကြုံတွေ့ခဲ့ရသော စီးပွားရေး အခြေအနေထက် ပိုဆိုးနိုင်သည်ဟု The Nation သတင်းစာက ခန့်မှန်းထားပြီး ဈေးနှုန်းနိမ့် (ဘတ် ၃ သန်းအောက်)၊ ဈေးနှုန်း အသင့်အတင့်(ဘတ် ၃ သန်းမှ ၅ သန်း) နဲ့ ဈေးနှုန်းမြင့် (ဘတ် ၅ သန်းအထက်) ကဏ္ဍတွေအားလုံးကို သက်ရောက်မှု ရှိလိမ့်မယ်လို့လည်း ခန့်မှန်းထားသည်။   မည်သည့် ဝင်ငွေ အဆင့်မျိုးကိုမဆို သက်ရောက်မည့် စီးပွားရေး နှေးကွေးမှု ဖြစ်လာမယ့် အချက်ပေးသံ ဖြစ်ပြီး ဆိုးရွားသော အခြေအနေတွေ ဖြစ်ပေါ်လာနိုင်သည်ဟုတ် လို့လည်း ထိုင်းနိုင်ငံက CIMB ဘဏ်က Dr. Amonthep Chawla ကို The Nation သတင်းစာက ကိုးကား ဖော်ပြထားသည်။   အိမ်ယာဆောက်လုပ်ရေး ကုမ္ပဏီများအကြား ဈေးပြိုင် ရောင်းချမှုများကလည်း ငွေချေးစနစ်ရဲ့ တည်ငြိမ်မှုကို ခြိမ်းခြောက်နေသည်ဟုလည်း ၎င်းက ပြောသည်။

ထိုင်းနိုင်ငံ အိမ်ခြံမြေ ဈေးကွက် အကြပ်အတည်း ရင်ဆိုင်နေရ

ထိုင်းနိုင်ငံ အိမ်ခြံမြေ ဈေးကွက် အကြပ်အတည်း ရင်ဆိုင်နေရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၁၄ ရက်။  ထိုင်းနိုင်ငံရဲ့ အိမ်ခြံမြေ ဈေးကွ…

  • August 14, 2025
မြန်မာမီဒီယာ များမှ ဂျပန် ရင်းနှီးမြှုပ်နှံမှုများ ရုတ်သိမ်း   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၄ ရက်။   မြန်မာ နိုင်ငံ မီဒီယာ လုပ်ငန်းတွင် ရင်းနှီးမြှုပ်နှံထားသော သော ဂျပန် မီဒီယာ ကုမ္ပဏီ သုံးခုသည် ၎င်းတို့၏ ရင်းနှီးမြှုပ်နှံမှုများကို ရုတ်သိမ်းပြီး ထွက်ခွာသွားခဲ့သည်ဟု Justice for Myanmar အဖွဲ့က ထုတ်ပြန်ထားသည်။ အဆိုပါ ကုမ္ပဏီ သုံးခုသည် စစ်အုပ်စုနှင့် နီးစပ်သော စီးပွားရေး သမားဟု လူသိများသော ရွှေသံလွင် (ဦး) ကျော်ဝင်း ထူထောင်ပိုင်ဆိုင်ထားသည့် ရွှေသံလွင် အုပ်စုမှ ရင်းနှီးမြှုပ်နှံမှုများကို ရုတ်သိမ်းလိုက်ခြင်း ဖြစ်သည်။   ရွှေသံလွင် အုပ်စု (STLG) ၏ အစုရှယ်ယာ ၆၀ ရာခိုင်နှုန်းကို ဦးကျော်ဝင်းရဲ့ Dream Vision ကုမ္ပဏီ လိမိတက်က ပိုင်ဆိုင်ထားပြီး ကျန်တဲ့ ၄၀ ရာခိုင်နှုန်းကို ဂျပန် အဖွဲ့အစည်းများ ဖြစ်ကြသည့် ဂျပန် နိုင်ငံတကာ အသံလွှင့် လုပ်ငန်း (JIB)၊ Cool Japan ရံပုံငွေ အဖွဲ့ နဲ့ JICT လို့ ခေါ်တဲ့ ဂျပန်ရဲ့ နိုင်ငံရပ်ခြား  ဖွံ့ဖြိုးရေး ရံပုံငွေ ကော်ပိုရေးရှင်းက ပိုင်ဆိုင်ပါတယ်။   JIB ဟာ ဂျပန်အစိုးရရဲ့ အသံလွှင့်ဌာန ဖြစ်သော NHK က ထောက်ပံ့ထားသည့် အဖွဲ့ဖြစ်ပြီး Cool Japan ရံပုံငွေ အဖွဲ့နဲ့ JICT အဖွဲ့များ၏ ရင်းနှီးမြှုပ်နှံမှု၏ ၉၀ ရာနှုန်းကတော့ ဂျပန် အစိုးရ ရံပုံငွေနဲ့ ချေးငွေများမှ လာခြင်းဖြစ်သည်။   လက်ရှိ စစ်ကော်မရှင် ထိန်းချုပ်ထားသည့် မြန်မာ့အသံ ရေဒီယိုနဲ့ ရုပ်မြင်သံကြား (MRTV) နှင့်ရွှေသံလွင် မီဒီယာတို့၏ ဖက်စပ် လုပ်ငန်း ဖြစ်သော Myanmar International Television (MITV) သည် အင်္ဂလိပ်ဘာသာနဲ့ ထုတ်လွှင့်သော စစ်အုပ်စု၏ ဝါဒဖြန့်ချီရေး ယန္တယားလည်း ဖြစ်သည်။   Justice for Myanmar နှင့် အခြား အဖွဲ့အစည်း ၆ ဖွဲ့ ပူးပေါင်း ဖွဲ့စည်းထားသော Mekong Watch ဟု ခေါ်သည့် အဖွဲ့ကတော့ အဆိုပါ ဂျပန် ကုမ္ပဏီများအား ဘာကြောင့် အခုလို ရင်းနှီးမြှုပ်နှံမှုများကို ရုတ်သိမ်းရသည် ဆိုသည်ကို မေးမြန်းထားသည်ဟု ဆိုသည်။  

မြန်မာမီဒီယာ များမှ ဂျပန် ရင်းနှီးမြှုပ်နှံမှုများ ရုတ်သိမ်း

မြန်မာမီဒီယာ များမှ ဂျပန် ရင်းနှီးမြှုပ်နှံမှုများ ရုတ်သိမ်း သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၁၄ ရက်။  မြန်မာ နိုင်ငံ မီဒီယာ လုပ်ငန…

  • August 14, 2025
၎င်းတို့မပါပဲ အပစ်ရပ် သဘောတူညီမှု မလုပ်ရန် ထရန့်ကို ဥရောပခေါင်းဆောင်များနှင့် ဇယ်လန်းစကီး တောင်းဆို

၎င်းတို့မပါပဲ အပစ်ရပ် သဘောတူညီမှု မလုပ်ရန် ထရန့်ကို ဥရောပခေါင်းဆောင်များနှင့် ဇယ်လန်းစကီး တောင်းဆို

၎င်းတို့မပါပဲ အပစ်ရပ် သဘောတူညီမှု မလုပ်ရန် ထရန့်ကို ဥရောပခေါင်းဆောင်များနှင့် ဇယ်လန်းစကီး တောင်းဆို သတင်းနှင့် မီဒီယာ ကွန်ရက်။၂၀၂၅ ခုနှစ် ဩဂုတ်လ ၁၄…

  • August 14, 2025
ခင်ပွန်းသည် အနည်းဆုံး ၁၁ ဦးကို သတ်ဖြတ်ခဲ့သူ (စုန်းကဝေ မုဆိုးမဟု ခေါ်ဆိုခံရသူ) တရားစွဲခံရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁၃ ရက်။   အီရန်နိုင်ငံက  Kulthum Akbari (ကူလ်သွမ် အက် ဘာရီ) သည် အသက် ၅၆ နှစ်အရွယ် အမျိုးသမီးကြီး တစ်ဦး ဖြစ်သည်။   အဆိုပါ အမျိုးသမီးကို အီရန်ရှိ လူအချို့က Black Widow (စုန်းကဝေ မုဆိုးမ) ဟု ခေါ်ကြသည်။   လူပေါင်းများစွာကို နှစ်ပေါင်း ၂၀ ကျော်ကာလ အတွင်းမှာ သတ်ဖြတ်ခဲ့ခြင်းနှင့် ထိုသို့ လူသတ်ရာတွင် အသုံးပြု သော နည်းလမ်းများ အပေါ်မူတည်၍ လူများက အဆိုပါ အမျိုးသမီးကို ယခုကဲ့သို့ အမည်ပေးခြင်း ဖြစ်သည်။   Kulthum Akbari သည် နှစ်ပေါင်း ၂၂ နှစ်အတွင်း ခင်ပွန်းသည် အနည်းဆုံး ၁၁ ဦးကို သတ်ဖြတ်ခဲ့သည်ဟု ဆို သည်။   Kulthum Akbari သည် ၎င်း၏ ခင်ပွန်းတစ်ဦးကို ၂၀၀၀ ခုနှစ်က စပြီး သတ်ဖြတ်ခဲ့ခြင်း ဖြစ်သည်။ အဓိက သတ်ဖြတ်ရသည့် အကြောင်းရင်းမှာ ငွေကြေး ရလိုမှု ဖြစ်သည်။   ခင်ပွန်းဖြစ်သူများကို သတ်ဖြတ်သည့် နည်းများတွင် အိပ်ဆေးများ၊ ဆီးချို ရောဂါဆေးများ နှင့် စက်မှု လုပ်ငန်း သုံး အရက်များစသော သေစေတတ်သည့် ဆေးဝါးများနှင့် ဓါတုပစ္စည်းများကို သုံးစွဲစေခဲ့သည့် နည်းများ ပါဝင် သည်။   ဤအဆိပ်များက အသက်ကြီးသူများတွင် ဖြစ်ပွားတတ်သော နှလုံးရောဂါ နှင့် ဆီးချိုနောက်ဆက်တွဲ ရောဂါ လက္ခဏာများနှင့် ဆင်တူသည့်အတွက် သေဆုံးရသည့် အကြောင်းရင်းများကို လူအများက သံသယ မဖြစ်ဘဲ ရှိခဲ့သည်။   အဆိုပါ အမျိုးသမီး၏ အသက်ကြီးကြီး ခင်ပွန်းများသည် သဘာဝ အလျောက် သေဆုံးသွားကြခြင်းသာ ဖြစ်သည်ဟု ပတ်ဝန်းကျင်မှ လူများက ထင်ကြသည့်အတွက် ၎င်းသတ်ဖြတ်မှုများသည် နှစ်ပေါင်း ၂၂ နှစ် တိုင်အောင် ပေါ်ထွက်မလာဘဲ ရှိခဲ့သည်။   ခင်ပွန်းတစ်ဦး သေဆုံးသွားပါက ထိုသူ၏ ပိုင်ဆိုင်မှုများအား သမီးဖြစ်သူ အမည်ဖြင့် လွှဲပြောင်းထားရှိခဲ့သည်ဟု ဆိုသည်။   သို့သော်လည်း ၂၀၂၃ ခုနှစ်တွင် ကွယ်လွန်သွားခဲ့သော Kulthum Akbari ၏ နောက်ဆုံး ခင်ပွန်း Gholamreza Babaei (ဂိုလ်လမ်ရီဇာ ဘာဘာအီ) သေဆုံးသည့် အခါတွင်မူ လူအချို့က သံသယ ရှိလာကြပြီး ကွယ်လွန်သူ၏ သားဖြစ်သူက မဆုတ်မနစ် ကြိုးပမ်းခဲ့သောကြောင့် အမှုမှန် ပေါ်ပေါက်ခဲ့တော့သည်။   ထိုအခါမှ Kulthum Akbari ကို အာဏာပိုင်များက ဖမ်းဆီးခဲ့ရာတွင် သူမက ၎င်းလုပ်ခဲ့သော အဖြစ်အပျက် များကို ဖြောင့်ချက်ပေးခဲ့သည်။   သူမ သတ်ဖြတ်ခဲ့သည့် ခင်ပွန်းသည်များ များပြားသည့်အတွက် ဘယ်နှစ်ဦးဆိုသည်ကို သူမကိုယ်တိုင်ပင် သေချာမသိတော့ဘဲ ရှိခဲ့သည်ဟု ဆိုသည်။   စောင့်ကြည့်သူများက အဆိုပါ အမျိုးသမီးသည် ခင်ပွန်းသည် ၁၅ ဦးခန့်အထိကို သတ်ဖြတ်ခဲ့နိုင်သည်ဟု ခန့်မှန်းကြသည်။   သူမသည် အနည်းဆုံး ခင်ပွန်းသည် ၁၁ ဦး ကို သတ်ဖြတ်ခဲ့မှုဖြင့် အီရန် တော်လှန်ရေး တရားရုံးတွင် တရား စွဲခံခဲ့ရသည်။   တရားရုံးက Kulthum Akbari (ကူလ်သွမ် အက် ဘာရီ) ဆိုသည့် အမျိုးသမီးကို သေဒဏ် ချမှတ်ဖွယ်ရှိနေသည်။

ခင်ပွန်းသည် အနည်းဆုံး ၁၁ ဦးကို သတ်ဖြတ်ခဲ့သူ (စုန်းကဝေ မုဆိုးမဟု ခေါ်ဆိုခံရသူ) တရားစွဲခံရ

ခင်ပွန်းသည် အနည်းဆုံး ၁၁ ဦးကို သတ်ဖြတ်ခဲ့သူ (စုန်းကဝေ မုဆိုးမဟု ခေါ်ဆိုခံရသူ) တရားစွဲခံရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၁၃ ရက်။  …

  • August 13, 2025
×Close