သတင်း

စစ်မှုထမ်းသင်တန်းဆင်းတစ်ဦး တော်လှန်ရေးနှင့် ပူးပေါင်း   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၂ ရက်။   တနင်္သာရီမြို့နယ်ထဲမှာ ရှေ့တန်းရောက် စစ်မှုထမ်းသင်တန်းဆင်း တစ်ဦး လက်နက်နှင့် အတူ တော်လှန်ရေး ပူးပေါင်းအဖွဲ့ထံ လာရောက်ပူးပေါင်းခဲ့သည်။   မြိတ်ခရိုင်၊ တနင်္သာရီမြို့နယ်၊ သိန်းခွန်းကျေးရွာ ရှေ့တန်းစစ်မျက်နှာပြင်မှ စစ်မှုထမ်း သင်တန်းဆင်း တပ်သား တစ်ဦး လက်နက်နှင့်အတူ ပူးပေါင်း ခိုလှုံလာခဲ့သည်ဟု ပြည်သူ့ကာကွယ်ရေး တပ်မတော်၊ မြိတ်ခရိုင်၊ တပ်ရင်း ၃ မှ တာဝန်ရှိသူက ပြောသည်။   မြိတ်ခရိုင် တပ်ရင်း ၃ မှ တာဝန်ရှိသူတစ်ဦးက “သူ့ဇာတိက ကရင်ပြည်နယ် မြဝတီမြို့ကပါ၊ စစ်ကောင်စီက အဓမ္မဖမ်းဆီးတာကို ခံရပြီး ပလောက်မြို့က အမှတ် ၁၂ တပ်မတော် တန်းမြင့် လေ့ကျင့်ရေး သင်တန်းကျောင်း မှာ စစ်မှုထမ်း အပတ်စဥ် (၈) သင်တန်း တက်ခဲ့ ရတယ်။ သင်တန်းဆင်းပြီး ခမရ - ၄၁၃ တပ်ရင်းကို ရောက်တာ က လပိုင်းပဲသေး ရှိသေးတယ်လို့ ပြောတယ်” ဟု ပြောသည်။   ဘက်ပြောင်းခိုလှုံလာသူမှာ ကော့သောင်းခရိုင် ခမောက်ကြီးမြို့နယ် အခြေစိုက် ခမရ - ၄၃၁ တပ်ရင်းမှ တပ်သား ချစ်ကို ဆိုသူဖြစ်ပြီး မေလ ၁၅ ရက်နေ့က ရှေ့တန်းစစ်မျက်နှာမှ ဆက်သွယ်ကာ ဘက်ပြောင်း ခိုလှုံလာခြင်း ဖြစ် သည်။   ဘက်ပြောင်းခိုလှုံလာစဥ် MA 1 သေနတ် တစ်လက်နှင့် ကျည်ဘောက်သုံးခု ယူဆောင်လာနိုင်ခဲ့သည်ဟု မေလ ၂၀ ရက်နေ့တွင် ပြည်သူ့ကာကွယ်ရေး တပ်မတော်၊ မြိတ်ခရိုင်၊ တပ်ရင်း ၃ က သတင်းထုတ်ပြန်ထားသည်။   ဘက်ပြောင်းခိုလှုံလာသူ ကိုချစ်ကိုအား ယခုရက်သတ္တပတ်အတွင်း ဆုကြေးငွေ ချီးမြှင့်ပေးနိုင်ရန် စီစဥ်နေပြီး ၎င်း၏ ဆန္ဒအတိုင်း ဆက်လက် လုပ်ပေးမည်ဟု ဆိုသည်။   လက်ရှိတွင် လုံခြုံစိတ်ချရသည့်နေရာတွင် စောင့်ရှောက်ပေးထားသည်ဟု မြိတ်ခရိုင် တပ်ရင်း ၃ တာဝန်ရှိသူက က ဆိုသည်။   တနင်္သာရီ - မောတောင်လမ်းပိုင်းရှိ သိန်ခွန်းကျေးရွာ အနီးဝန်းကျင်တွင် စစ်ကောင်စီတပ်နှင့် တော်လှန်ရေး တပ်တို့အကြား နှစ်ဘက်ထိတွေ့တိုက်ပွဲများ ဖြစ်ပွားနေသည်မှာ ငါးလကျော်ခန့် ကြာမြင့်နေပြီး ရှေ့တန်း စစ်မျက်နှာပြင်တွင် စစ်ကောင်စီဘက်မှ စစ်မှုထမ်း သင်တန်းဆင်း အမြောက်အများကို အသုံးပြုနေသည်ဟု မြေပြင် သတင်းအရင်းအမြစ်က ဆိုသည်။   မေလ ၉ ရက်နေ့ကလည်း ဘုတ်ပြင်းအခြေစိုက် ခမရ - ၂၂၄ တပ်ရင်းမှ စစ်မှုထမ်း သင်တန်းဆင်း တပ်သားနှစ်ဦး သိန်ခွန်းစစ်မျက်နှာပြင်မှ ကေအဲန်ယူ တပ်မဟာ ၄ တပ်ရင်း ၁၁ ထံသို့ လက်နက်နှင့်အတူ ဘက်ပြောင်း ခိုလှုံခဲ့သေးသည်။   အလားတူပင် ထားဝယ်ခရိုင် ထားဝယ်မြို့နယ် အရှေ့တောဒေသတွင် စစ်မှုထမ်း သင်တန်းဆင်းနှစ်ဦး ပြည်သူ့ ကာကွယ်ရေးတပ်မတော်၊ ဒေါနတပ်ရင်း၊ တပ်ခွဲ ၇ ထံသို့ လက်နက်နှင့်အတူ ဘက်ပြောင်းခိုလှုံလာခဲ့သည်။

စစ်မှုထမ်းသင်တန်းဆင်းတစ်ဦး တော်လှန်ရေးနှင့် ပူးပေါင်း

စစ်မှုထမ်းသင်တန်းဆင်းတစ်ဦး တော်လှန်ရေးနှင့် ပူးပေါင်း သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၂ ရက်။  တနင်္သာရီမြို့နယ်ထဲမှာ ရှေ့တန်းရောက် စ…

  • May 22, 2025
စစ်မှုထမ်းသင်တန်းဆင်းနှစ်ဦး ဘက်ပြောင်းခိုလှုံ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၁ ရက်။   ထားဝယ်ခရိုင်၊ ထားဝယ်မြို့နယ်၊ အရှေ့တောဒေသတွင် စစ်မှုထမ်း သင်တန်းဆင်းနှစ်ဦး တော်လှန်ရေးတပ်ဖွဲ့ထံ  ဘက်ပြောင်းခိုလှုံလာသည်။   ပြည်သူ့ကာကွယ်ရေး တပ်မတော်၊ ဒေါနတပ်ရင်း၊ တပ်ခွဲ ၇ ထံသို့ လက်နက်နှင့်အတူ ဘက်ပြောင်း ခိုလှုံလာခဲ့ သည်ဟု တပ်ခွဲတာဝန်ရှိသူ တစ်ဦးက ပြောသည်။   ဒေါနတပ်ခွဲ ၇ မှ တာဝန်ရှိသူက “သူတို့နှစ်ယောက်ထဲက လက်နက် ယူဆောင်လာတဲ့သူကို ငွေကျပ်သိန်း ၄၀ နဲ့ မပါလာတဲ့ သူကိုတော့ ဆယ်သိန်းကျပ်ကို တပ်ခွဲက အစီအစဥ်နဲ့ လက်ရှိ ချီးမြင့်ပေးထားသေးတယ်” ဟု ပြော သည်။   မေလ ပထမအပတ်ထဲတွင် လက်နက်နှင့်အတူ ထွက်ပြေးလာကာ ဒေါနတပ်ရင်းဆီသို့ ဘက်ပြောင်း ခိုလှုံလာ ခြင်း ဖြစ်သည်။   ထွက်ပြေးလာသူ နှစ်ဦးမှာ ကံပေါက်ဒေသ အခြေစိုက် ခလရ ၂၇၃ တပ်ရင်း စစ်မှုထမ်း သင်တန်း အပတ်စဥ် ၈ မှ တပ်သား ကိုရန်ရှင်းနှင့် မြိတ်အခြေစိုက် ခမရ - ၁၀၁ တပ်ရင်းမှ တပ်သား ကိုသူရဝင်းတို့ ဖြစ်ကြကြောင်း မေလ ၁၆ ရက်နေ့တွင် ပြည်သူ့ကာကွယ်ရေး တပ်မတော်၊ ဒေါနတပ်ရင်း၊ တပ်ခွဲ ၇ မှ သတင်းထုတ်ပြန်ထားသည်။   ထွက်ပြေးလာသူ နှစ်ဦးအနက် တစ်ဦးသည် MA 1 သေနတ်တစ်လက်၊ ကျည်ဘောက် ၂ ခု နှင့် ကျည်ဆန် အတောင့် နှစ်ရာ ယူဆောင်လားခဲ့ကြောင်း ထုတ်ပြန်ချက်တွင် ဖော်ပြထားသည်။   ၎င်းတို့၏ သဘောထားမှာ လွတ်မြောက်နယ်မြေ တစ်ခုတွင် အေးချမ်းစွာ လုပ်ကိုင်စားသောက်ချင်သောကြောင့် မိမိတို့ တပ်ရင်းမှ စီစဥ်လုပ်ကိုင်ပြီး ပို့ဆောင်ပေးသွားမှာ ဖြစ်ကြောင်း ဒေါနတပ်ခွဲ ၇ မှ တာဝန်ရှိသူက ဆိုသည်။   ဘက်ပြောင်း ခိုလှုံလာသူနှစ်ဦးမှာ တနင်္သာရီတိုင်းသားများ မဟုတ်ဘဲ တစ်ဦးမှာ ခရီးသွားလာစဥ် ပဲခူးတိုင်း အတွင်းရှိ စစ်ဆေးရေးဂိတ်တစ်ခု၌ ဖမ်းဆီးခံရကာ စစ်သားစုဆောင်းခံခဲ့ရခြင်း ဖြစ်သည်။   နောက်တစ်ဦးမှာ ထိုင်းနိုင်ငံတွင် ဖမ်းဆီးခံရပြီးနောက်  ရနောင်းမြို့မှ တစ်ဆင့် မြန်မာနိုင်ငံသို့ ပြန်ပို့စဥ် စစ်သားစုဆောင်းခြင်းခံခဲ့ရသူ ဖြစ်သည်။

စစ်မှုထမ်းသင်တန်းဆင်းနှစ်ဦး ဘက်ပြောင်းခိုလှုံ

စစ်မှုထမ်းသင်တန်းဆင်းနှစ်ဦး ဘက်ပြောင်းခိုလှုံ သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၁ ရက်။  ထားဝယ်ခရိုင်၊ ထားဝယ်မြို့နယ်၊ အရှေ့တောဒေသတွင် …

  • May 21, 2025
ရဲစခန်းမှူး ငွေယူပြီး လောင်းကစားဝိုင်းခွင့်ပြု   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၁ ရက်။   မြိတ်ခရိုင်၊ ကျွန်းစုမြို့နယ်ရှိ ကံမော်ကျေးရွာတွင် ရဲစခန်းမှူးဆိုသူမှ လိုင်းကြေးကောက်ခံပြီး လူမြင်ကွင်းတွင် လောင်းကစားဝိုင်းများကို ပေါ်ပေါ်ထင်ထင် လုပ်နေသည်ဟု ရွာသားများက ပြောသည်။   ကံမော်ကျေးရွာရှိ ဆေးရုံကြီးနှင့် သူနာပြုအဆောင်ကြားမှ သစ်ပင်ကြီးအောက်တွင် ကံမော်ကျေးရွာ ရဲစခန်းမှူး က လောင်းကစားခွင့်ပေးထားခြင်း ဖြစ်သည်ဟု ဆိုသည်။   အသက် ၄၅ နှစ်အရွယ် ရွာသားတစ်ဦးက “ဆေးရုံကြီးရဲ့ အနောက်ဘက်က သစ်ပင်ကြီးအောက်မှာ နေ့တိုင်းလို လို ဖဲဝိုင်းရှိတယ်။ ဖဲဝိုင်းက ကြေးကြီးတယ်၊ တစ်ခါထိုးရင် လေးငါးသောင်းအနည်းဆုံးပဲ၊ တချို့မိန်းမတွေပါ ဝင် ကစားနေတာ တစ်နေကုန်လုံးလိုလိုပဲ” ဟု ပြောသည်။   ကစားဝိုင်းတွင် လာရောက်၍ ဖဲရိုက်သူများဆီမှ တစ်ဦးလျှင် အနည်းဆုံး ၂သောင်းကျပ် ကောက်ခံသည်ဟု ရွာသားများက ဆိုသည်။   တရားမဝင် လောင်းကစားဝိုင်းကို နေ့စဉ် နံနက် ၉ နာရီမှ စတင်၍ ညဘက်အထိ တစ်နေ့ကုန် ဖွင့်လှစ်ပေးထားပြီး အနည်းဆုံး သိန်းဆယ်ချီမှ သိန်းရာချီသည်အထိ လာရောက် ကစားကြလေ့ရှိနေသည်ဟု ဆိုသည်။   ကံမော်ကျေးရွာအတွင်း ဖဲဝိုင်းနှင့် လောင်းကစား ပြုလုပ်ခြင်းများကို ယခင်က ဖမ်းဆီးခြင်းမျိုးများ ရှိခဲ့သော် လည်း ပြီးခဲ့သည့် တစ်နှစ်ကျော်ခန့်မှ စတင်ပြီး စခန်းမှူးဆိုသူမှ လိုင်းကြေးကောက်ခံကာ ဖဲဝိုင်းကို ပြုလုပ်လာ သည်ဟု ဒေသခံရွာသားတစ်ဦးက ပြောသည်။   ယင်းကဲ့သို့ တာဝန်ရှိသူ ကိုယ်တိုင် တရားမဝင် ဖဲကစားဝိုင်း လုပ်နေခြင်းကြောင့် ကျေးရွာအတွင်းရှိ လူငယ်များ နှင့် အမျိုးသမီးများပါ မကျန် သွားရောက် ကစားနေကြရာ အချို့ဆိုလျှင် စီးပွားပင် ပျက်နေကြသည့် သူများပင် ရှိနေသည် ဟု ဆိုသည်။   ရပ်ရွာအတွင်း အကျင့်စာရိတ္တပိုင်းများ ချို့ယွင်းလာနိုင်နေသဖြင့် စည်းကမ်းပျက် တရားမဝင်သည့် လောင်းကစား ဝိုင်းကို အမြန်ဆုံးဖျက်သိမ်းပေးရန် လိုလားနေကြသည်ဟု ရွာသားများကပြောသည်။   ကံမော်ဆေးရုံကြီး၏ အရှေ့ဘက်တွင် စစ်ကောင်စီ တပ်စခန်းရှိနေပြီး တပ်စခန်းထဲမှ တာဝန်ရှိသူအချို့ကလည်း လောင်းကစားဝိုင်း ဖြစ်မြောက်ရေးတွင် ပါဝင်ပတ်သက်နေသည်ဟု ရွာသားများက ပြောသည်။    

ရဲစခန်းမှူး ငွေယူပြီး လောင်းကစားဝိုင်းခွင့်ပြု

ရဲစခန်းမှူး ငွေယူပြီး လောင်းကစားဝိုင်းခွင့်ပြု သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၁ ရက်။  မြိတ်ခရိုင်၊ ကျွန်းစုမြို့နယ်ရှိ ကံမော်ကျေးရွ…

  • May 21, 2025
ဖမ်းဆီးခံထားရသည့် ပရာဒေါင်းခေါင်းဆောင် ၄ ဦး ပြန်လွတ်ပြီ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၀ ရက်။ လေးပွင့်ကြယ် ကုမ္ပဏီ လုံခြုံရေး တပ်ဖွဲ့ဝင်များ ဖမ်းဆီးခေါ်ဆောင်သွားသည့် ပရာဒေါင်း ခေါင်းဆောင် ၄ ဦး ပြန်လွတ်လာသည်။ မေလ ၂၀ ရက်နေ့(ယနေ့) နေ့လယ် ၂ နာရီ အချိန်တွင် ပြန်လွတ်လာသည်ဟု ဒေသခံများက ပြောသည်။ ပရာဒေါင်းဆွေမျိုးစု ဥက္ကဋ္ဌ ခွန်းအောင်နိုင်စိုး၊ ဒု-ဥက္ကဋ္ဌ ဦးဘမောင်၊ ပရာဒေါင်း ဆွေမျိုးစု လူငယ် အတွင်းရေးမှူး ခွန်းခိုင်မင်းနိုင်နှင့် နာယက ဦးအားဒို တို့ကို မေလ ၁၆ ရက်နေ့က သိကျိတ်ကျေးရွာ၊ ငိန်းကယန်းထန် (ခ) ဦးရွှေအေး နေအိမ်တွင် လေးပွင့်ကြယ်ကုမ္ပဏီ လုံခြုံရေးတပ်ဖွဲ့မှ လာရောက်ဖမ်းဆီး ခေါ်ဆောင်သွားခဲ့ခြင်း ဖြစ်သည်။ ထိုသို့ ဖမ်းဆီးခေါ်ဆောင်သွားသည့်အတွက် ပရာဒေါင်းဆွေမျိုးစုနှင့် ဒေသခံများက ပြန်လွှတ်ပေးရန် တောင်းဆိုမှုများကို ဆက်တိုက်လုပ်ဆောင်ခဲ့ပြီးနောက် မေလ ၂၀ ရက်နေ့ (ယနေ့)တွင် ပြန်လွတ်လာခဲ့ခြင်းဖြစ်သည်။ အဆိုပါ ပရာဒေါင်း ခေါင်းဆောင် ၄ ဦးသည် ပရာဒေါင်း မျိုးနွယ်စုဒေသ၊ မြင်းမထိတောင်တွင် လေးပွင့်ကြယ် ကုမ္ပဏီနှင့် တရုတ်မာစတာဝမ် ကုမ္ပဏီတို့ အကြီးစား သတ္တုတူးဖော်မှုကို ရပ်တန့်ရန် ဦးဆောင်ပြီး ဆန္ဒထုတ်ဖော် တောင်းဆိုခဲ့ရာမှ ဖမ်းဆီးခြင်းခံရခြင်းဖြစ်သည်။ အသေးစိတ်ကို မကြာမှီ ဆက်ပြီးတင်ပေးသွားမည်။

ဖမ်းဆီးခံထားရသည့် ပရာဒေါင်းခေါင်းဆောင် ၄ ဦး ပြန်လွှတ်ပြီ

ဖမ်းဆီးခံထားရသည့် ပရာဒေါင်းခေါင်းဆောင် ၄ ဦး ပြန်လွှတ်ပြီ သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၀ ရက်။ လေးပွင့်ကြယ် ကုမ္ပဏီ  လုံခြုံရေး တပ်…

  • May 20, 2025
ဆန္ဒပြ ပရာဒေါင်းဆွေမျိုးစု ခေါင်းဆောင်များကိစ္စ ကယန်း ပါတီ ဗဟိုကော်မတီနှင့် ဆွေးနွေးမည်

ဆန္ဒပြ ပရာဒေါင်းဆွေမျိုးစု ခေါင်းဆောင်များကိစ္စ ကယန်း ပါတီ ဗဟိုကော်မတီနှင့် ဆွေးနွေးမည်

ဆန္ဒပြ ပရာဒေါင်းဆွေမျိုးစု ခေါင်းဆောင်များကိစ္စ ကယန်း ပါတီ ဗဟိုကော်မတီနှင့် ဆွေးနွေးမည် သတင်းနှင့် မီဒီယာ ကွန်ရက်။ဋ္၂၀၂၅ ခုနှစ်၊ မေလ ၁၉ ရက်။  လေ…

  • May 19, 2025
ဖမ်းဆီးထားသည့် ဆန္ဒပြ ခေါင်းဆောင်များ ပြန်လွှတ်ပေးရန် ဒေသခံ လူထု တောင်းဆို   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၈ ရက်။   သတ္တု တူးဖော်မှုကို ဆန့်ကျင်သည့် လူထု ခေါင်းဆောင် လေးဦးကို ကယန်းပြည်သစ်ပါတီ ဥက္ကဌပိုင် ကုမ္ပဏီမှ ဖမ်းဆီး သွားသည့်အပေါ် ပြန်လွှတ်ပေးရန် ဖယ်ခုံမြို့နယ်ရှိ ကယန်း လူထုက တောင်းဆိုနေသည်။   သတ္တုတူးဖော်မှုကို ဆန့်ကျင်သည့် ဖမ်းဆီးခံ ပရာဒေါင်း ဆွေမျိုးစု ခေါင်းဆောင် ၄ ဦးအား အမြန်ဆုံး ပြန်လွှတ်ပေးရန် ပရာဒေါင်း လူငယ်များနှင့် ကယန်းအရပ်ဘက်အဖွဲ့အစည်းများမှ တောင်းဆိုလိုက်ခြင်း ဖြစ်သည်။   ဖယ်ခုံမြို့နယ်၊ ကယန်းဒေသ၊ သိကျိတ်ကျေးရွာအုပ်စုရှိ မြင်းမထိတောင်တွင် အကြီးစား ခဲသတ္တု တူးဖော်ရေး လုပ်ငန်း လုပ်ဆောင်နေသည့် လေးပွင့်ကြယ် ကုမ္ပဏီ၏ ဒါရိုက်တာ ကယန်းပြည်သစ်ပါတီ ဥက္ကဌ၏ သားဖြစ်သူ ဦးဒါးဝီနှင့် အဖွဲ့မှ ပရာဒေါင်းမျိုးနွယ်စု ခေါင်းဆောင် ၄ ဦးအား မေလ ၁၆ ရက်နေ့တွင် ဖမ်းဆီးသွားခြင်း ဖြစ်သည်။   ဖမ်းဆီးခံရသည့် ပရာဒေါင်းမျိုးနွယ်စု ဥက္ကဋ္ဌ၏ ညီဖြစ်သူက “ကျနော်တို့ဆွေမျိုးစုကို အလေးမထား၊ ပြည်သူလူ ထုကို အလေးအမထား ခေါင်းဆောင်ကို ဖမ်းသွားတာတော့ စော်ကားတာပဲ။ လက်ထိပ်ပါလာတယ် လက်နက်ပါ တယ်၊ အဲ့ဒါအာဏာနဲ့ ထိန်းချုပ်တာပဲ။ ခေါ်သွားမယ်ဆိုလည်း အေးဆေးဆွေးနွေးပြီး ခေါ်သွားပါ ရပါတယ်။ အခု က လက်ထိပ်ခတ်ပြီး ခေါ်သွားတာတော့ ဆွေးနွေး တိုင်ပင်မူနဲ့ မတူဘဲ အတင်းအဓမ္မ ခေါ်သွားတဲ့ ပုံစံမျိုးလည်း သက်ရောက်ပါတယ်” ဟု ပြောသည်။   သဘာဝပတ်ဝန်းကျင် ထိခိုက်စေသည့် အကြီးစား ခဲသတ္တု တူး ဖော်ရေးကို ဒေသခံများ၏ သဘောတူညီမှု မရှိဘဲ ဖော်ဆောင်နေသည့် လေးပွင့်ကြယ် ကုမ္ပဏီကို ဒေသခံ ပရာဒေါင်း မျိုးနွယ်စု ဆန္ဒထုတ်ဖော်ရန် ဦးဆောင်ကြသည့် ဥက္ကဋ္ဌ ခွန်းအောင်နိုင်စိုး၊ ဒု-ဥက္ကဋ္ဌ ဦးဘမောင်၊ လူငယ် အတွင်းရေးမှူး ခွန်းခိုင်မင်းနိုင် နှင့် နာယက ဦးအားဒို တို့ကို မေလ ၁၆ ရက်နေ့တွင် ကုမ္ပဏီ၏ ဒါရိုက်တာ ဦးဒါးဝီ နှင့် အဖွဲ့မှ ဖမ်းဆီးသွားခြင်း ဖြစ်သည်။   ပရာဒေါင်း မျိုးနွယ်စုဒေသ၊ လေးပွင့်ကြယ် ကုမ္ပဏီနှင့် တရုတ်မာစတာဝမ် ကုမ္ပဏီတို့ ပူးပေါင်း၍ ဒေသခံ ပြည်သူ လူထုနှင့် ဦးစွာ ညှိနှိုင်းမှုမလုပ်ဘဲ အကြီးစား ခဲသတ္ထု တူးဖော်ခြင်းကြောင့် ဒေသခံလူငယ်များနှင့် လူထုများက မေလ ၁ ရက်နေ့မှ စတင်၍ မေလ ၁၆ ရက်နေ့အထိ သိကျိတ်ကျေးရွာအတွင်း ကန့်ကွက် ဆန္ဒပြခဲ့ကြသည်။   ပရာဒေါင်းလူငယ် အမျိုးသမီးတစ်ဦးက “သိကျိတ်ကို ဆင်းလာတာကတော့ ဒါးဝီနဲ့ သူ့ရဲဘော်တွေ ပါတယ် ပေါ့နော်။ အင်အားတော့ မခန့်မှန်း တတ်ဘူးပေါ့နော်။ ဖမ်းခေါ်သွားတဲ့အချိန်မှာကြတော့ သူတို့ကယန်းပြည်သစ် အင်အားကို သုံးတယ် ပေါ့နော်။ ဒါပေမဲ့ ကယန်းပြည်သစ် ပါတီ ဗဟိုကော်မတီ အကုန်လုံးက ဒီကိစ္စကို မသိ ဘူး။ တစ်ခုပဲပေါ့နော် ကယန်းပြည်သစ် ဥက္ကဋ္ဌကင်းတပ်က ရှိတဲ့ရဲဘော်တွေကပဲ သူ့တို့ဟာသူတို့ သွားခေါ် လာ ကြတာ ဖြစ်တယ်ပေါ့နော်” ဟု ပြောသည်။   အဆိုပါ ပရာဒေါင်းဆွေမျိုးစု ခေါင်းဆောင် ၄ ဦးအား သိကျိတ်ကျေးရွာရှိ ကယန်းအမျိုးသား ခေါင်းဆောင်ကြီး ငိန်းကယန်းထန် (ခ) ဦးရွှေအေး နေအိမ်တွင် တွေ့ဆုံညှိနှိုင်းရန် အကြောင်းပြချက်ဖြင့် ခေါ်ယူပြီး လက်ထိပ်ခတ် ဖမ်းဆီးခေါ်ဆောင်သွားသည်ဟု ပရာဒေါင်းလူငယ် အမျိုးသမီးက ဆက်ပြောသည်။   “ခေါ်သွားတဲ့ အချိန်ကတော့ ၁၂ နာရီဝန်းကျင်လောက်မှာ ၄ ယောက်လုံးကို တစ်ခါတည်းခေါ်သွားတယ်။ ဒါပေမဲ့ အဓိက ကိုအောင်နိုင်စိုးနဲ့ ခိုင်းမင်းနိုင် ကိုကြတော့ လက်ထိပ်တစ်ဖက်ချင်းစီကို ခတ်ပြီးခေါ်သွားတယ်ပေါ့နော်။ ဒါကတော့ လူငယ်တစ်ယောက် ကိုယ်တိုင်တွေ့တယ်။ သူတို့ခေါ်သွားတဲ့ အချိန်ကတော့ လူငယ်တွေက သပိတ် ဆန္ဒပြနေတဲ့ အချိန်ဖြစ်တယ်။အခြားနေရာမှာရှိနေတဲ့ အချိန်ဖြစ်တယ်။ ဆိုတော့ အဲ့ဒီအချိန်ကို သူတို့ အခွင့် အရေး ယူပြီးတော့မှ ခေါ်သွားတယ်ပေါ့နော်။ ကယန်းပြည်သစ်ရဲ့ ရုံးပဲပေါ့နော် ဦးရွှေအေးရဲ့ နေအိမ်ဟောင်းမှာ သူတို့ခေါ်လာပြီး ညှိနှိုင်းမယ် သူတို့ ပြောတယ်။ ဒါပေမဲ့ အဲ့မှာပဲ သူတို့ ဖမ်းခေါ်သွားတယ်ပေါ့နော်။”   ဖမ်းဆီးသွားသည့် ပရာဒေါင်းဆွေမျိုးစု ခေါင်းဆောင် ၄ ဦးအား တစ်စုံတစ်ရာ ထိခိုက်အောင် မလုပ်ဘဲ အမြန်ဆုံး ပြန်လွှတ်ပေးရန် တောင်းဆိုနေကြသည်။   ပရာဒေါင်းဆွေမျိုးစု ဥက္ကဋ္ဌ၏ ညီဖြစ်သူက “ဖမ်းဆီးထားတဲ့ လူတွေကို ဘာမှမလုပ်ဘဲနဲ့ ပြန်လွှတ်လာပေးဖို့ တောင်းခံချင်ပါတယ်။ တစ်ခုခုသာ ဖြစ်ရင် လူထုလည်း လက်တုန့်ပြန်မယ့် အနေအထားရှိတယ်။ အခုလက်ရှိမှာ မိဘတွေလည်း သားတွေအတွက် စိုးရိမ် စိတ်ပူနေကြ သလို သားသမီးတွေလည်း အဖေတွေ အတွက် စိုးရိမ်ကြ တယ်။ ဒီကိစ္စကို ပြေပြေလည်လည်နဲ့ အကောင်းဆုံး ပြန်ခေါ်လာပေးဖို့ မေတ္တာရပ်ခံပါတယ်” ဟု ပြောသည်။   ပရာဒေါင်းဆွေမျိုးစုမှာ ကယန်းမျိုးနွယ်ထဲက ဖြစ်ပြီး ဖယ်ခုံမြို့နယ်၊ ကယန်းဒေသထဲက သိကျိတ်အုပ်စုအတွင်း၌ အများဆုံး နေထိုင်ကြသည်။   ထို့သို့ ဖမ်းဆီးမှုသည် လူ့အခွင့်အရေး ချိုးဖောက်မှုဖြစ်ပြီး အရပ်သား ပြည်သူများ၏ လုံခြုံရေးအတွက် ကြီးမား‌ သော ခြိမ်းခြောက်မှုကို ဖြစ်စေသည့်အပြင် လူ့ဂုဏ်သိက္ခာနှင့် ဆန့်ကျင်သည့် လုပ်ရပ်ဖြစ်သည်ဟု ကယန်း မျိုးဆက်သစ်လူငယ် (KNGY) နှင့် ကယန်းအမျိုးသမီး အစည်းအရုံး (KyWO) တို့က ဆိုသည်။   ထို့အတူ ဖမ်းဆီးခံရသူများအား မည်သို့သောမ ထိခိုက်မှုမျိုးမှ မရှိစေဘဲ အမြန်ဆုံး ပြန်လည်လွတ်ပေးရန်၊ အပြုသဘော ဆောင်သည့် အပြန်အလှန် ဆွေးနွေးညှိနှိုင်းမှုကို အလေးထား လုပ်ဆောင်ရန်၊ ဒေသခံလူထုများ၏ အသံနှင့် ဒေသတွင်း တည်ငြိမ်အေးချမ်းရေးကို အလေးထား ဆောင်ရွက်ပေးရန်နှင့် အာဏာရှင်ဆန်သော၊ လူ့အခွင့်အရေး နှင့် ဆန်ကျင်သော မည်သည့်လုပ်ရပ်ကိုမှ လက်ခံမည် မဟုတ်ကြောင်း KNGY နှင့် KyWO တို့က ဆိုသည်။

ဖမ်းဆီးထားသည့် ဆန္ဒပြ ခေါင်းဆောင်များ ပြန်လွှတ်ပေးရန် ဒေသခံ လူထု တောင်းဆို 

ဖမ်းဆီးထားသည့် ဆန္ဒပြ ခေါင်းဆောင်များ ပြန်လွှတ်ပေးရန် ဒေသခံ လူထု တောင်းဆို  သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၁၈ ရက်။  သတ္တု တူးဖော်မှု…

  • May 18, 2025
ရပ်ထားသည့် ကားပေါ် လက်နက်ကြီးကျ၊ တစ်ဦးသေ နှစ်ဦး ဒဏ်ရာရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၆ ရက်။   လောင်းလုံးမြို့နယ်အတွင်း ရပ်ထားသည့် ကားပေါ်သို့ လက်နက်ကြီးကျပြီး တစ်ဦးသေ၊ နှစ်ဦးဒဏ်ရာရသည့် ဖြစ်စဉ်တစ်ခု ဖြစ်ပွားခဲ့သည်။   တနင်္သာရီတိုင်း ထားဝယ်ခရိုင်၊ လောင်းလုံးမြို့နယ် အင်းဝန်းကျေးရွာတွင် ရပ်ထားသည့်ကားပေါ် လက်နက်ကြီးကျည် ကျရောက် ပေါက်ကွဲခဲ့မှုကြောင့် အမျိုးသားတစ်ဦး သေဆုံးပြီး နှစ်ဦး ဒဏ်ရာ အပြင်းအထန် ရရှိသွား သည်ဟု ရွာသားများက ပြောသည်။   အသက် ၄၀ ခန့်အရွယ် ရွာသားတစ်ဦးက “သုံးယောက်ထိတဲ့ အထဲမှာ ကိုဗဒင်က လည်ပင်းမှာ ထိသွားတာ ကြောင့် ဆေးရုံကို ပို့တာ လမ်းတစ်လျောက်လုံး သတိမရဘူး။ ရောက်တာနဲ့ ဆုံးသွားတယ်၊ ပစ်တဲ့နေရာကတော့ သေသေချာချာ မသိပါဘူး၊ ဒရုန်းနဲ့လည်း ဗုံးကြဲသေးတယ်၊ တိုက်ပွဲဖြစ်တာလည်း မရှိဘဲနဲ့ ကြဲတာရော ပစ်တာ ရောပဲ” ဟု ပြောသည်။   မေလ ၁၆ ရက်နေ့ (ယနေ့) မွန်းလွဲ ၁၂ နာရီခွဲ အချိန်ခန့်က အင်းဝန်းကျေးရွာထိပ်ရှိ အလူမီနီယံ အလုပ်ရုံရှေ့၌ ရပ်ထားသည့် Vego (ဗွီဂို) ကားပေါ်သို့ လက်နက်ကြီးကျည် ကျရောက်ပေါက်ကွဲခဲ့ခြင်း ဖြစ်သည်။   လက်နက်ကြီးကျည် ကျရောက်ပေါက်ကွဲမှုကြောင့် အလူမီနီယံ အလုပ်ရုံအနီး ကွမ်းယာ ရောင်းနေသူ အင်းဝန်း ရွာသား ကိုနိုင်စိုး၊ ကွမ်းယာဝယ်နေသူ သာယာကုန်းရွာသား ကိုဗဒင်နှင့် သောကြာပြင်ရွာသား အမျိုးသား တစ်ဦး စုစုပေါင်း သုံးဦး ဒဏ်ရာရရှိခဲ့သည်။   ထို့နောက် ကိုဗဒင် ဆိုသူမှာ ဒဏ်ရာပြင်းထန်မှုကြောင့် သေဆုံးသွားသည်ဟု အင်းဝန်းရွာသားများက ပြောသည်။   ဒရုန်းဖြင့် ဗုံးကြဲတိုက်ခိုက်မှုနှင့် လက်နက်ကြီး ပစ်ခတ်မှုများကို  မည်သည့်နေရာမှ ပစ်ခတ်ခဲ့သည်ကို တိတိကျကျ မသိရှိရသော်လည်း အင်းဝန်းကျေးရွာ၏ အနောက်ဖက် ၃ ကီလိုမီတာခန့် အကွာ သဲပုံကျေးရွာရှိ အင်းဝတောင်ပေါ်တွင် စစ်ကောင်စီတပ် ရှိနေပြီး ထားဝယ်မြစ်၏ တစ်ဖက်ကမ်း၌လည်း စစ်ကောင်စီတပ် ရှိနေကြောင်း ရွာသားများက ဆိုသည်။   အလားတူ ထားဝယ်မြို့က နယ်စပ်ရေးရာ ဝန်ကြီးဌာနလက်အောက်ရှိ နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုးတိုး တက်ရေး ဦးစီးဌာန၏ ရုံးဖြစ်သည့် နတလရုံးတွင် တပ်စွဲထားသည့် စစ်ကောင်စီတပ်ဖွဲ့က လက်နက် ကြီးဖြင့် ပစ်ခတ်ခဲ့ခြင်းများ လုပ်နေပြီး ဒရုန်းဖြင့်လည်း ဗုံးချခဲ့သည်ဟု လောင်းလုံးမြို့နယ် ပြည်သူ့ ကာကွယ်ရေး အဖွဲ့၏ တာဝန်ရှိသူက ပြောသည်။   ပြီးခဲ့သည့် ၂၀၂၄ ခုနှစ်၊ ဧပြီလအတွင်းကလည်း သဲပုံတောင်ပေါ်ရှိ စစ်ကောင်စီတပ်မှ ပစ်ခတ်လိုက်သည့် လက်နက်ကြီးကျည် ထိမှန်ခြင်းကြောင့် သာယာကုန်း ရွာသားတစ်ဦး သေဆုံးခဲ့ဖူးသေးသည်။

ရပ်ထားသည့် ကားပေါ် လက်နက်ကြီးကျ၊ တစ်ဦးသေ နှစ်ဦး ဒဏ်ရာရ

ရပ်ထားသည့် ကားပေါ် လက်နက်ကြီးကျ၊ တစ်ဦးသေ နှစ်ဦး ဒဏ်ရာရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၁၆ ရက်။  လောင်းလုံးမြို့နယ်အတွင်း ရပ်ထားသည့် က…

  • May 16, 2025
ငလျင်ဒဏ်သင့် အင်းလေး ပြန်လည်ထူထောင်ရေး အကူအညီလိုအပ်   သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ မေလ ၁၆ ရက်။   ရှမ်းပြည်တောင်ပိုင်းရှိ ညောင်ရွှေမြို့နယ်၊ အင်းလေးဒေသတွင် ငလျင်ကြောင့် ပျက်စီးသွားသော နေအိမ်များကို ကန်ရေ မတက်ခင် အပြီးသတ် ပြန်လည်ဆောက်လုပ်နိုင်ရေး အကူအညီများ လိုအပ်နေကြသည်။   မတ်လ ၂၈ ရက်နေ့က လှုပ်ခတ်ခဲ့သည့် အားပြင်း စစ်ကိုင်းငလျင်ကြောင့် နေအိမ်များ ဆိုးဆိုးရွားရွား ပျက်စီးခဲ့ သည့် နေရာများထဲ အင်းလေးဒေသလည်း ပါဝင်သည်။   အိုင်ဗီနွေဦး (Ivy New Oo) အဖွဲ့မှ စေတနာ့ဝန်ထမ်း တစ်ဦးက “မိုးများမယ် မုန်တိုင်းရှိတာတို့ တောင်ကျရေ တွေ အဝင်များတာ တို့ ဆိုရင်သေချာပေါက် အင်းလေးကန် ရေများတဲ့ အခြမ်းတွေ ရှိလာမယ်ပေါ့လေ ဒါက ရေကြီး တဲ့အပိုင်းက ငလျင် ဘေးထပ်သင့်ထားတဲ့ ဒေသဆိုရင် သေချာပေါက်က ပြန်လည်ထူထောင်ရေး အတွက် အိမ်က အရေးပေါ် အခြေအနေ ဖြစ်နေတယ်။ အိမ်မရှိသေးဘူးဆိုတဲ့ ဒေသခံတွေ အတွက်ကတော့ စိုးရိမ်ရတဲ့ အခြေ အနေလိုမျိုး ဖြစ်တယ်၊ သူတို့နေထိုင်တဲ့ ကိစ္စရပ်မှာလည်း အခက်ခဲတွေ အများကြီး ရှိနိုင်ပါတယ်” ဟု ပြော သည်။   ငလျင် လှုပ်ခတ်ပြီး နှစ်လနီးပါး ကြာမြင့်လာသည်အထိ အင်းလေးဒေသတွင် ပြန်လည် ထူထောင်ရေး လုပ်ငန်း များ မပြီးသေးဘဲ ဆက်လုပ်နေကြရသည်ဟု အကူအညီ ပေးနေသူများက ပြောသည်။   ပြင်ဆင်ပြီး နေထိုင်လို့ရသည့် နေအိမ်များကို ပြန်လည် ပြင်ပေးနေသလို လုံးဝပြိုကျပျက်စီးသွားသည့် အိမ်များကို အသစ်ပြန်ဆောက် ပေးနိုင်ရေးလည်း ဦးစားပေး လုပ်နေရသည်ဟု ဆိုကြသည်။   မိုးရာသီ ရောက်လာတိုင်း တောင်ကျ ချောင်းရေတွေ အင်းလေးကန်ထဲ စီးဝင်မှု များပြားလာပြီး ကန်ရေမျက်နှာ ပြင် မြင့်တက်လာသောကြောင့် ပြန်လည် တည်ဆောက်ရေး လုပ်ငန်းတွေ အမြန်ဆုံးပြီးအောင် လုပ်ဖို့ လိုအပ်နေ တယ်လို့ အကူအညီပေးနေသူများက ပြောသည်။   ညောင်ရွှေ ဒေသခံလူငယ်အဖွဲ့၏ ပြုစုထားသော စာရင်းအရ အင်းလေးဒေသရှိ နန်းသဲ၊ သာလေး၊ ငါးဖယ် ချောင်း၊ ကျွန်းကြီး၊ မင်းချောင်း၊ သပြေပင်၊ အင်းခြံ ကေလာ၊ အင်းတိန်၊ သလဲဦးနှင့် ခေါင်တိုင် ကျေးရွာ အုပ်စု များထဲက ကျေးရွာပေါင်း ၂၀ တွင် အိမ်ခြေ ၁၄၈ ဆောင်က အမြန်ဆုံးပြန်လည် ဆောက်လုပ်ရန် လိုအပ်နေသည် ဟု ဆိုသည်။   အဆိုပါ နေအိမ်များ ပြန်ဆောက်လုပ်ရန်အတွက် သစ်နှင့် ဝါးက အဓိက လိုနေပြီး လုပ်အားအတွက် လူအင်အား မလောက်သည့် အခြေအနေမျိုးလည်း ဖြစ်နေသည်ဟု ဒေသခံများက ဆိုသည်။   အိုင်ဗီနွေဦး (Ivy New Oo) အဖွဲ့က စေတနာ့ဝန်ထမ်းတစ်ဦးက “အိမ်တွေတင်ပဲ မကဘူး။ အခု လောလောဆယ် ကတော့ လမ်း တံတားတို့ ဘုန်းကြီးကျောင်းတို့ ပြီးတော့မှ ရေသန့်နဲ့ ပတ်သက်တဲ့ အကူအညီတွေပေါ့လေ။ အဲ့လိုမျိုးကတော့လေ ကျမတို့ ချိတ်ဆက်ပြီးတော့မှ တစ်ဦးချင်းစီလာတဲ့ ဟာလိုမျိုးတွေပဲ များတယ်။ အဲဒီ ပုံစံ မျိုးနဲ့ပဲ ဆက်သွားနေတယ်။ လောလောဆယ် အခြေအနေက အကူအညီတွေ လုံးဝ မရှိဘူး ဆိုတာထက် တစ်စ တစ်စနဲ့တော့ တဖြည်းဖြည်းချင်း ဆက်သွားနေတဲ့ကာလ ဖြစ်ပါတယ်။”   အင်းလေးကန်ထဲကို နှစ်စဉ် မေလမှ စတင်ပြီး တောင်ကျရေများ စီးဝင်လေ့ရှိပြီး ဇွန်လနှင့် ဇူလိုင်လတွင် ကန်ရေ ပြင်က မြင့်တက်လာလေ့ရှိသောကြောင့် ရေမတက်ခင် အိမ်များ အပြီးဆောက်နိုင်ရေး ဒေသခံများက မျှော်လင့် နေကြသည်။   အခု မေလ တတိယပတ်ထဲမှာလည်း အင်းလေးကန်ရေက ၅ လက်မလောက် တက်နေ ပြီလို့ ဒေသခံတွေက ပြောသည်။   ပအိုဝ်းလူငယ် အစည်းအရုံး PYO ၏ ဧပြီလ ထုတ်ပြန်ချက်အရ ကျေးရွာပေါင်း ၂၅ ရွာက နေအိမ် ၃၂၅၅ လုံး ထိခိုက် ပျက်စီးခဲ့ပြီး လူဦးရေ ၁၆,၀၀၀ ကနေ ၂၀,၀၀၀ ကြား ငလျင်ဘေး ရင်ဆိုင်ခဲ့ရသည်ဟု သိရသည်။ ထို့အပြင် ငလျင်ကြောင့် သေဆုံးသူ အယောက် ၁၀၀ နီးပါးလည်း ရှိခဲ့သည်ဟု PYO ၏ စာရင်းတွင် ဖော်ပြထားသည်။

ငလျင်ဒဏ်သင့် အင်းလေး ပြန်လည်ထူထောင်ရေး အကူအညီလိုအပ်

ငလျင်ဒဏ်သင့် အင်းလေး ပြန်လည်ထူထောင်ရေး အကူအညီလိုအပ် သတင်းနှင့်မီဒီယာ ကွန်ရက်။၂၀၂၅ ခုနှစ်၊ မေလ ၁၆ ရက်။  ရှမ်းပြည်တောင်ပိုင်းရှိ ညောင်ရွှေမြို့နယ်…

  • May 16, 2025
မြိတ်မြို့က ဇနီးမောင်နှံ အပါအဝင် ဆွေမျိုးတော်စပ်သူ အရပ်သား ၄ ဦးကို စစ်ကောင်စီ ဖမ်း   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၆ ရက်။   မြိတ်မြို့က ဇနီးမောင်နှံ နှစ်ဦးအပါအဝင် အရပ်သား ၄ ဦးကို စစ်ကောင်စီတပ်က ဖမ်းဆီးသွားပြီး အဆက် အသွယ် ပြတ်နေသောကြောင့် မိသားစုဝင်များက စိုးရိမ်နေကြသည်။   မြိတ်မြို့၊ အလယ်ကျွန်းနယ်၊ မြေပန်စရာရပ်ကွက်၊ သင်္ကန်းတောလမ်းတွင် အရပ်သား ၄ ဦးကို  စစ်ကောင်စီ တပ်က ဖမ်းဆီးသွားခြင်း ဖြစ်သည်ဟု ရပ်ကွက်သားများက ပြောသည်။   အသက် ၄၀ နှစ်ခန့်အရွယ် ရပ်ကွက်သားတစ်ဦးက “ဒီကနေ့အထိ ဘယ်မှာဖမ်းထားတယ်၊ ဘာကိစ္စနဲ့ ဖမ်းတယ် ဆိုတာကို လုံးဝ အသိမပေးပါဘူး။ သူ့အမျိုးတွေက လိုက် စုံစမ်းနေတာလောက်ပဲ ရတယ်။ ဘာဆိုဘာမှ သဲလွန်စမရဘူး ဖြစ်နေတယ်။ စိတ်ပူနေကြရတာပေါ့” ဟု ပြောသည်။   ၎င်းတို့ ၄ ဦးကို မေလ ၁၂ ရက်နေ့၊ ည ၁၀နာရီခွဲ အချိန်ခန့်က ဖမ်းဆီးသွားခြင်း ဖြစ်ပြီး မေလ ၁၆ ရက်နေ့အထိ အဆက်အသွယ် မရသေးသလို ပြန်လည် လွတ်မြောက်လာခြင်းမျိုးလည်း မရှိသေးဘူးဟု ဆိုကြသည်။   ဖမ်းဆီးခံရသူ ၄ ဦးထဲတွင် ဇနီးမောင်နှံ နှစ်ဦး အပါအဝင် မိန်းမဖြစ်သူ၏ ညီမတော်စပ်သူ တစ်ဦးနှင့် သမီး ဖြစ်သူတို့ပါဝင်သည်ဟု အိမ်နီးချင်းတစ်ဦးက အတည်ပြု ပြောဆိုသည်။   မြိတ်မြို့တွင် စစ်ကောင်စီဘက်မှ ယခုနောက်ပိုင်း ဖမ်းဆီးခြင်းများကို ခပ်စိပ်စိပ် ပြုလုပ်နေပြီး အချို့ကို တော်လှန်ရေး တပ်ဖွဲ့များအား ထောက်ပို့မှုနှင့် ဖမ်းဆီးမှုများ ရှိနေသည့်အပြင် ဖမ်းဆီးခံရသူများထဲမှ အချို့၏ အိမ်များကို ချိပ်ပိတ်ခြင်းမျိုး အထိရှိနေသည်ဟု မြို့ခံများက ဆိုသည်။   ပြီးခဲ့သည့် ဖေဖေါ်ဝါရီလ ၁၉ ရက်နေ့ ညပိုင်းကလည်း မြိတ်မြို့၊ ကလွင်နယ်မြေ၊ ဗန္ဓုလလမ်းထဲရှိ နေအိမ်တစ် ဆောင်မှ ဇနီးမောင်နှံ ၂ ဦးနှင့် ယောက်ကျားဖြစ်သူ၏ ညီမ အပါအဝင် ၃ ဦးကို စစ်ကောင်စီ တပ်ဖွဲ့ဝင်များက ဖမ်းဆီးခေါ်ဆောင် သွားခဲ့သေးသည်ဟု ရပ်ကွက်သားတစ်ဦးက ပြောသည်။   ထိုသို့ ဖမ်းဆီးသွားပြီးနောက် ၁၁ ရက်အကြာတွင် မိန်းမဖြစ်သူကို ပြန်လွှတ်ပေးခဲ့ပြီး မောင်နှမ ၂ ဦးကိုမူအကြမ်းဖက် ထောက်ပံ့မှု ဥပဒေ ၅၀-ည နှင့် ၅၂-ဃ ပုဒ်မ နှစ်ခုဖြင့် မြိတ်မြို့နယ် တရားရုံးတွင် တရားစွဲဆိုထား သည်။    

မြိတ်မြို့က ဇနီးမောင်နှံ အပါအဝင် ဆွေမျိုးတော်စပ်သူ အရပ်သား ၄ ဦးကို စစ်ကောင်စီ ဖမ်း

မြိတ်မြို့က ဇနီးမောင်နှံ အပါအဝင် ဆွေမျိုးတော်စပ်သူ အရပ်သား ၄ ဦးကို စစ်ကောင်စီ ဖမ်း သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၁၆ ရက်။  မြိတ်မြို…

  • May 16, 2025
×Close