သတင်း

ပုဂံ-ညောင်ဦး အရှေ့ဘက်တွင် တိုက်ပွဲဖြစ်၊ စစ်ကောင်စီတပ်ဖွဲ့ ၅ ဦးသေ   သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ မေလ ၂၆ ရက်။   မန္တလေးတိုင်း၊ ပုဂံ - ညောင်ဦး၏ အရှေ့တောင်ဘက်ရှိ ကျေးရွာများထဲသို့ စစ်ကြောင်းထိုး ဝင်ရောက်လာသည့် စစ်ကောင်စီ စစ်ကြောင်း တိုက်ခိုက်ခံရပြီး ၅ ယောက် သေဆုံးသွားသည်ဟု ရွာသားများက ပြောသည်။   စစ်ကောင်စီ လက်အောက်ခံ အင်အား ၅၀ ကျော်ခန့်ပါသည့် စစ်ကြောင်းကို တော်လှန်ရေးတပ်ဖွဲ့ဝင်များက တိုက်ခိုက်ခဲ့ခြင်း ဖြစ်သည်ဟု ရွာသားများက ပြောသည်။   BLack Eagle အဖွဲ့မှ ရဲဘော်ရောင်နီက “စစ်ကောင်စီတပ်ဖွဲ့က ၅ ယောက် သေတယ်။ ၄ ယောက် က ပြင်းထန် ဒဏ်ရာနဲ့ ညောင်ဦးဆေးရုံမှာ တင်ထားရတာကို အတည်ပြုနိုင်ခဲ့တယ်” ဟု ပြောသည်။   ညောင်ဦးမြို့မှ ထွက်ခွာလာသည့် အင်အား ၅၀ ကျော်ခန့်ပါသော စစ်ကောင်စီ လက်အောက်ခံ တပ်ဖွဲ့ဝင်များ သည် နပ္ပလင်၊ ကန်ကြီးကုန်း၊ ချောင်းရှည်နှင့် အနောက်အုံကျေးရွာများကို ဝင်ရောက်ခဲ့ပြီး ဂျိုးကန်ကျေးရွာကို အလာတွင် တော်လှန်‌ရေးတပ်ဖွဲ့ဝင်များက မေလ ၂၀ ရက်နေ့၊ ညနေ ၄ နာရီခွဲ အချိန်ခန့်တွင် တိုက်ခိုက်ခဲ့ခြင်း ဖြစ်သည်ဟု Black Eagle အဖွဲ့ တာဝန်ရှိသူက ပြောသည်။   ပုဂံ-ညောင်ဦးမြို့နယ် အနောက်အုံကျေးရွာသို့ ဝင်ရောက်၍ ရွာသား ၂ ဦးကို ဖမ်းဆီးခေါ်ဆောင်လာရာ ဂျိုးကန် ကျေးရွာအနီး ရောက်ရှိချိန်တွင် စောင့်ဆိုင်းနေသည့် တော်လှန်ရေး တပ်ဖွဲ့များနှင့် ထိတွေ့တိုက်ပွဲဖြစ်ပွားခြင်း ဖြစ်ကြောင်း ဂျိုးကန်ကျေးရွာသားများက ပြောသည်။   မျက်မြင်တွေ့ရှိသူ ဂျိးကန်ရွာသား တစ်ဦးက “တော်လှန်ရေးအဖွဲ့က လက်နက်ကြီးနဲ့ ပစ်တာ အပြန်အလှန် ပစ်ခတ်သံတွေလည်း ကြားရတယ်။ သိပ်တော့ မကြာဘူး။ စစ်သားတွေက ဒဏ်ရာရတဲ့ သူတွေကို တင်ပြီး ဂန့်ဂါရွာဖက် ထွက်သွားတယ်” ဟု ပြောသည်။   မေလ ၂၁ ရက်နေ့တွင် ယခင်နေ့က ဆုတ်ခွာသွားသည့် စစ်ကောင်စီတပ်ဖွဲ့ဝင် ၅၀ ခန့်မှာ ညောင်ဦးနှင့် ဂန့်ဂါကျေး ရွာမှ ပျူစောထီး ၄၀ ခန့်ဖြင့် ပူးပေါင်းကာ ကြအိုကျွန်း၊ ကြအို၊ မြေသန့်တောင် နှင့် ဇက ကျေးရွာများကိုဖြတ်ကာ စစ်ကြောင်းထိုးလာသည်ဟု ဒေသခံများက ပြောသည်။   “ကြအိုကျွန်းနဲ့ ကြအိုရွာကြားမှာ ထိတွေ့မှု ဖြစ်သေးတယ်။ သိပ်တော့ မကြာလိုက်ဘူး။ သူတို့က ဒရုန်းနဲ့ ဗုံးလာ ကြဲတာ အပြီးမှာ ဒရုန်းကို ဝိုင်းပစ်ကြတာ။ ထိသွားတယ်။ ပျက်တော့ မကျဘူး။ လေယာဉ် ၂ စီးပါ ဝဲလာလို့ တပ်ဖျောက် ပြီးဆုတ်ပေးလိုက်ရတယ်” ဟု ရဲဘော်ရောင်နီက ဆက်ပြောသည်။   ပုဂံ - ညောင်ဦးမြို့ အရှေ့တောင်ဘက်မှ ကျေးရွာများသို့ ချောက် - ညောင်ဦး ကားလမ်းအတိုင်း၊ ဂန့်ဂါကျေးရွာ ဘက်မှ စစ်ကြောင်းတစ်ကြောင်း၊ ကျောက်ပန်းတောင်း - ညောင်ဦး ကားလမ်းအတိုင်း ရွှေလှိုင်းကျေးရွာဘက်မှ စစ်ကြောင်း တစ်ကြောင်းနှင့် ပျဉ်းချောင်း - မုန်တိုင် - သံစပ်တောကျေးရွာဘက်မှ စစ်ကြောင်း တစ်ကြောင်း စုစု ပေါင်း စစ်ကြောင်း ၃ ကြောင်း ဖြန့်ခွဲကာ စစ်ကောင်စီတပ်ဖွဲ့များက စစ်ရေး လှုပ်ရှားမှု ရှိနေသည်ဟု ဒေသခံများ က ပြောသည်။   ထိုသို့ စစ်ရေးလှုပ်ရှားမှုများ ရှိလာခြင်းကြောင့် ၎င်းတို့၏ နေရာမှာ ကျဉ်းမြောင်းလာနေကြောင်း၊ ကိုယ်ထူ ကိုယ်ထ လုပ်ကိုင်နေကြရသောကြောင့် လိုအပ်မှု များစွာရှိနေ၍ ပြည်သူများ အနေဖြင့်လည်း တော်လှန်ရေး အဖွဲ့များကို အာရုံစိုက်ပေးကြရန် BLack Eagle အဖွဲ့မှ ရဲဘော်ရောင်နီက မေတ္တာရပ်ခံထားသည်။

ပုဂံ-ညောင်ဦး အရှေ့ဘက်တွင် တိုက်ပွဲဖြစ်၊ စစ်ကောင်စီတပ်ဖွဲ့ ၅ ဦးသေ

ပုဂံ-ညောင်ဦး အရှေ့ဘက်တွင် တိုက်ပွဲဖြစ်၊ စစ်ကောင်စီတပ်ဖွဲ့ ၅ ဦးသေ သတင်းနှင့်မီဒီယာ ကွန်ရက်။၂၀၂၅ ခုနှစ်၊ မေလ ၂၆ ရက်။  မန္တလေးတိုင်း၊ ပုဂံ - ညောင်ဦ…

  • May 26, 2025
တနင်္သာရီမြို့နယ်အတွင်း တိုက်ပွဲများတွင် စစ်ကောင်စီတပ် ထိခိုက်သေဆုံးမှုရှိ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၆ ရက်။   တနင်္သာရီမြို့နယ်အတွင်း တိုက်ပွဲများ ဖြစ်ပွားနေပြီး စစ်ကောင်စီတပ်ဘက်မှ ထိခိုက် သေဆုံးမှုများရှိသည်ဟု တော်လှန်ရေး ပူးပေါင်းတပ်ဖွဲ့ တာဝန်ရှိသူက ပြောသည်။   တနင်္သာရီတိုင်း မြိတ်ခရိုင်၊ တနင်္သာရီမြို့နယ်ထဲရှိ ဘန်းလမွတ်ကျေးရွာအုပ်စုထဲက ရမ်းဖိုကျေးရွာတွင် အနီးတွင် မေလ ၂၀ ရက်နေ့မှ ယနေ့အချိန်ထိ စစ်ကောင်စီတပ်နှင့် တော်လှန်ရေး ပူးပေါင်းတပ်ဖွဲ့တို့အကြား တိုက်ပွဲများ ဖြစ်ပွား နေပြီး နှစ်ဖက်ကြား တင်းမာနေကြသည်။   မေလ ၂၀ ရက်နေ့၊ နံနက်ပိုင်းက မိနစ် ၃၀ ခန့်အကြာ ဖြစ်ပွားခဲ့သည့် တိုက်ပွဲအတွင်း စစ်ကောင်စီဘက်က ၈ ဦး ထိမှန်သေဆုံးခဲ့သည်ဟု တော်လှန်ရေး ပူးပေါင်းတပ်ဖွဲ့ တာဝန်ရှိသူက ပြောသည်။   ဗိုလ်ခရင်းတပ်ဖွဲ့ မှ တာဝန်ရှိသူတစ်ဦးက “ပစ်ဆိုတာနဲ့ ရေပက်သလို ပစ်ကြတာပဲ။ လောင်ချာတွေနဲ့ ရောပစ်တာ ပဲ။ သူတို့က လမ်းမအတိုင်း ပေါ်တင်ကြီး တက်လာတော့ ထိတာများတယ်။ ဒီဘက်ကတော့ ဘယ်သူမှ မထိဘူး” ဟု ပြောသည်။   တိုက်ပွဲအတွင်း စစ်ကောင်စီဘက်မှ ၈ ဦး ထိမှန် သေဆုံးခဲ့သည့်အပြင် ထိခိုက်ဒဏ်ရာရသူ အချို့လည်း ရှိသည်ဟု ဗိုလ်ခရင်းတပ်ဖွဲ့ မှ တာဝန်ရှိသူက ပြောသည်။   ဇဝဲကျေးရွာ အခြေစိုက် ခမရ - ၅၅၆ တပ်ရင်း၏ အင်အား ၅၀ ကျော်ပါ စစ်ကောင်စီ စစ်ကြောင်းသည် မိုင်းဆွဲ ခံထိပြီးနောက် တောလမ်းအတိုင်း တစ်ဖွဲ့၊ လမ်းမကြီးအတိုင်း တစ်ဖွဲ့ နှစ်ခွဲ၍ ရမ်းဖိုကျေးရွာကို တက်လာစဥ် မေလ ၂၀ ရက်နေ့၊ နံနက် ၉ နာရီခွဲ အချိန်ခန့်၌ တော်လှန်ရေး ပူးပေါင်းအဖွဲ့က စောင့်ကြို တိုက်ခိုက်ခဲ့ ခြင်း ဖြစ်သည်။   ဆွဲမိုင်း (၃) လုံးနှင့် စတိုက်စဥ် ၂ ဦးသေဆုံးခဲ့ပြီး ကျေးရွာအနီးက တိုက်ပွဲ၌ ၆ ဦးသေဆုံးခဲ့သည်ဟု ဗိုလ်ခရင်း တပ်ဖွဲ့မှ တာဝန်ရှိသူက ပြောသည်။   သို့သော် တော်လှန်ရေး ပူးပေါင်းအဖွဲ့ဘက်တွေ ထိခိုက်မှု မရှိဘူးဟုလည်း ဆက်ပြောသည်။   လက်ရှိတွင် ရမ်းဖိုကျေးရွာ အတွင်း၌ စစ်ကောင်စီ စစ်ကြောင်းက စခန်းချထားပြီး အဆိုပါ စစ်ကောင်စီတပ် စစ်ကြောင်း မထိုးခင်ကတည်းကပင် ရမ်းဖိုကျေးရွာမှ ရွာသားများမှာ စစ်ရှောင်နေကြရခြင်း ဖြစ်သည်။   ရမ်းဖိုကျေးရွာထဲက စစ်ကောင်စီ စစ်ကြောင်းသည် ရွာအပြင်ဘက်သို့လည်း နေ့စဉ် လက်နက်ကြီးများဖြင့် ရမ်းသမ်း ပစ်ခတ်နေသည်ဟု မြေပြင် သတင်းအရင်းအမြစ်များက ပြောသည်။

တနင်္သာရီမြို့နယ်အတွင်း တိုက်ပွဲများတွင် စစ်ကောင်စီတပ် ထိခိုက်သေဆုံးမှုရှိ

တနင်္သာရီမြို့နယ်အတွင်း တိုက်ပွဲများတွင် စစ်ကောင်စီတပ် ထိခိုက်သေဆုံးမှုရှိ သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၆ ရက်။  တနင်္သာရီမြို့နယ်…

  • May 26, 2025
ဇာတိရွာပြန်လာသော ရဲမှူး မိန်းမအား KNLA ဖမ်းဆီး စစ်ဆေး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၆ ရက်။   သရက်ချောင်းမြို့နယ်ထဲက မင်္ဂလာဆောင်ပွဲသို့ လာသည့် စစ်ကောင်စီ လက်အောက်ခံ ရဲတပ်ဖွဲ့က ရဲမှူး၏ အမျိုးသမီးအား စစ်ဆေးပြီး ခံဝန်ဖြင့် ပြန်လွှတ်ပေးလိုက်သည်။   ဇာတိကျေးရွာက မင်္ဂလာဆောင်ပွဲကို လာသည့် စစ်ကောင်စီ ရဲမှူးမိန်းမအား ကရင်အမျိုးသား အစည်းအရုံး - KNU တပ်မဟာ ၄၊ လက်အောက်ခံ KNLA တပ်ရင်း ၁၂ က ၃ ရက်ကြာ ဖမ်းဆီးပြီး ခံဝန်ဖြင့် ပြန်လွတ်ပေးလိုက် သည်ဟု သရက်ချောင်း ပဲဒက်ကျေးရွာသားများက ပြောသည်။   အသက် ၄၀ ခန့်အရွယ် ပဲဒက်ရွာသားတစ်ဦးက “သူက ထားဝယ်မြို့ပေါ်မှာပဲ သားသမီးတွေကို ကျောင်းထားပြီးနေတာ၊ အခုက သူ့အစ်ကိုရဲ့ သမီး ငွေအပ် မင်္ဂလာပွဲရှိလို့ ခဏပြန်ဆင်းလာတာ၊ သက်ဆိုင်ရာကို အကြောင်းကြားဖို့ နောက်ကျသွားတယ်၊ KNLA က လာဖမ်းခေါ်သွားတာ” ဟု ပြောသည်။   ပဲခူးတိုင်းဒေသကြီးတွင် ရဲမှူးအဖြစ် တာဝန်ထောင်နေသူ၏ ဇနီးဖြစ်သူ အသက် ၅၁ နှစ်အရွယ် ဒေါ်တင်မာချို သည် သမီးဖြစ်သူနှင့် ပဲဒက်ကျေးရွာက ဆွေမျိုးမင်္ဂလာဆောင်ကို လာရောက်စဥ် KNU တပ်မဟာ ၄၊ KNLA တပ်ရင်း ၁၂ တာဝန်ရှိသူများ ဖမ်းဆီသွားခြင်း ဖြစ်သည်။   မေလ ၁၆ ရက်နေ့တွင် ဖမ်းဆီးခဲ့ပြီး မေလ ၂၀ ရက်နေ့တွင် ပြန်လွတ်ပေးခဲ့သည်ဟု ရွာသားများက ပြော သည်။   ဒေါ်တင်မာချိုမှာ ထားဝယ်ခရိုင် သရက်ချောင်းမြို့နယ်၊ ပဲဒက်ကျေးရွာ ဇာတိဖြစ်ပြီး ရဲမှူးတာဝန်ကျသည့် ပဲခူးတိုင်းတွင် လိုက်နေထိုင်ခြင်း မရှိဘဲ ထားဝယ်မြို့ပေါ်တွင် နေထိုင်နေရာမှ ဇာတိရွာမင်္ဂလာ‌ဆောင်ကို လာခဲ့ခြင်း ဖြစ်သည်။   ရဲမှူးမိန်းမနှင့် သမီးဖြစ်သူကို စစ်ကောင်စီနှင့် ပတ်သက်နေဟု ဆိုကာ KNLA တပ်ဖွဲ့က ဖမ်းဆီးစစ်ဆေးခဲ့ပြီး ဒေါ်တင်မာချို၏ ဆွေမျိုးများမှ လာရောက်၍ အာမခံကြောင်း လက်မှတ်ထိုးပေးသဖြင့် ပြန်လွှတ်ပေးလိုက်ခြင်း ဖြစ်သည်ဟု ရွာသားများက ပြောသည်။   ကရင်အမျိုးသား လွတ်မြောက်ရေး တပ်မတော် KNLA တပ်ဖွဲ့က ဒေါ်တင်မာချို တို့ သားအမိ ၂ ဦးကို စစ်ဆေးမှုများ ပြီးစီးသွားပြီ ဖြစ်သောကြောင့် မိမိရပ်ရွာတွင် ပြန်လည်နေထိုင်ရန် ခွင့်ပြုခဲ့သည်ဟု ဆိုသည်။

ဇာတိရွာပြန်လာသော ရဲမှူး မိန်းမအား KNLA ဖမ်းဆီး စစ်ဆေး

ဇာတိရွာပြန်လာသော ရဲမှူး မိန်းမအား KNLA ဖမ်းဆီး စစ်ဆေး သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၆ ရက်။  သရက်ချောင်းမြို့နယ်ထဲက မင်္ဂလာဆောင်ပွဲ…

  • May 26, 2025
မိုင်းလားတွင် အခြား လက်နက်ကိုင်အဖွဲ့ကို လက်ခံထားခြင်းမရှိ သတင်းနှင့် မီဒီယာကွန်ရက်။ ၂၀၂၅ ခုနှစ် မေလ ၂၆ ရက်။ အမျိုးသား ဒီမိုကရက်တစ် မဟာမိတ်အဖွဲ့ NDAA (မိုင်းလား) ဒေသတွင် မည်သည့် တော်လှန်ရေးအဖွဲ့အစည်း ကိုမှ လက်မခံထားခြင်းမရှိကြောင်း NDAA က ပြောသည်။ NDAA (မိုင်းလား) ခေါင်းဆောင်များနှင့် စစ်ကောင်စီ ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်တို့ ရှမ်းပြည် အရှေ့ပိုင်း ကျိုင်းတုံရှိ တြိဂံဒေသတိုင်း စစ်ဌာချုပ်၊ ရွှေတြိဂံရိပ်သာတွင် မေလ ၂၅ ရက်နေ့ (ယမန်နေ့) တွေ့ဆုံစဉ်က NDAA ဒု-ဥက္ကဋ္ဌ ဦးစန်ပေ့က ထိုသို့ ပြောဆိုခဲ့သည်ဟု စစ်ကောင်စီပိုင် သတင်းစာများတွင် ဖော်ပြသည်။ “မိမိတို့ ဒေသအတွင်း မည်သည့်လက်နက်ကိုင် အဖွဲ့အစည်းနှင့် မည့်သည့် နိုင်ငံရေး အဖွဲ့အစည်းကိုမျှ လက်ခံ ထားခြင်းမရှိကြောင်း၊ မိမိတို့ အနေဖြင့် ဒေသတွင်းနှင့် နိုင်ငံတော် တည်ငြိမ်ရေး၊ အေးချမ်းရေး လုပ်ငန်းရပ်များ အတွက် ပူးပေါင်းဆောင်ရွက်သွားမည် ဖြစ်ကြောင်း” ဟု စစ်ကောင်စီပိုင် သတင်းစာက NDAA ဒု-ဥက္ကဋ္ဌ ဦးစန်ပေ့ကို ကိုးကား၍ ပြောသည်။ NDAA မိုင်းလားအဖွဲ့သည် မိုင်းလား၊ ဆီလူး၊ နမ့်ပန်း စသည့် ခရိုင် ၃ ခုဖြင့် အုပ်ချုပ်ရေး ယန္တရားများကို လည်ပတ်နေသည့် လက်နက်ကိုင် အဖွဲ့အစည်းဖြစ်သည်။ ငြိမ်းချမ်းရေး သဘောထား ခံယူချက်နှင့် ပတ်သက်၍ NDAA က ၎င်းတို့ အဖွဲ့အစည်း၏ သဘောထားကို ဦးစန်ပေ့က ထည့်သွင်းပြောဆိုခဲ့သည်ဟု စစ်ကောင်စီပိုင် သတင်းစာများက ဖော်ပြထားသည်။ “မိမိတို့ အမျိုးသား ဒီမိုကရက်တစ် မဟာမိတ်အဖွဲ့ NDAA မိုင်းလား ၏ သဘောထား ခံယူချက်အနေဖြင့် နှစ် ၃၀ ကျော် ကျင့်သုံးလာခဲ့သည့်အတိုင်း နိုင်ငံတော်ချ မှတ်ထား သည့် ပြည်ထောင်စု မပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေး၊ အချုပ်အခြာ အာဏာ တည်တံ့ ခိုင်မြဲရေး စသည့် တို့တာဝန်အရေးသုံးပါးအတွက် အဓိက ဆောင်ရွက်လျက်ရှိကြောင်း” ဟု သတင်းစာက ဦးစန်ပေ့ကို ကိုးကား ဖော်ပြသည်။ ထို့အပြင် ဒေသတွင်း လမ်းပန်းဆက်သွယ်ရေး၊ ပညာရေး၊ ကျန်းမာရေး စသည့် ကဏ္ဍများကို ကူညီ လုပ်ဆောင် ပေးရန် NDAA ဒု-ဥက္ကဋ္ဌက စစ်ကောင်စီ ဥက္ကဋ္ဌ ကို ပြောဆိုခဲ့သည်ဟု ဆိုသည်။ အမျိုးသား ဒီမိုကရက်တစ် မဟာမိတ်အဖွဲ့ NDAA (မိုင်းလား) အဖွဲ့သည် မြန်မာပြည်မြောက်ပိုင်းရှိ တိုင်းရင်းသား လက်နက်ကိုင် အဖွဲ့အစည်းများနှင့် ဖွဲ့စည်းထားပြီး UWSA/UWSP ‘ဝ’ ဦးဆောင်သည့် ပြည်ထောာင်စု နိုင်ငံရေး ဆွေးနွေးညှိနှိုင်းရေးကော်မတီ FPNCC အဖွဲ့ဝင်ဖြစ်သည်။ နွေဦးတော်လှန်ရေး စတင်ချိန်မှ လက်ရှိအချိန်ထိ FPNCC အဖွဲ့ဝင် အဖွဲ့အစည်းများဖြစ်သည့် တအန်းအမျိုးသား လွတ်မြောက်ရေး တပ်မတော် PSLF/TNLA ၊ ကချင်လွတ်လပ်ရေး တပ်မတော် KIO/KIA ၊ အာရက္ခတပ်တော် ULA/AA တို့သည် စစ်ကောင်စီနှင့် တိုက်ပွဲ ပြင်းထန်စွာ ဖြစ်ပွားနေသည်မှာ ယနေ့အချိန်အထိဖြစ်သည်။

မိုင်းလားတွင် အခြား လက်နက်ကိုင်အဖွဲ့ကို လက်ခံထားခြင်းမရှိ

မိုင်းလားတွင် အခြား လက်နက်ကိုင်အဖွဲ့ကို လက်ခံထားခြင်းမရှိ သတင်းနှင့် မီဒီယာကွန်ရက်။၂၀၂၅ ခုနှစ် မေလ ၂၆ ရက်။  အမျိုးသား ဒီမိုကရက်တစ် မဟာမိတ်အ…

  • May 26, 2025
ကော့ကရိတ်မြို့ အနီး စစ်ကောင်စီ နယ်စပ် တပ်စခန်းတစ်ခုကို KNU တိုက်ခိုက် သိမ်းပိုက် သတင်းနှင့် မီဒီယာကွန်ရက်။ ၂၀၂၅ ခုနှစ်၊ မေလ ၂၃ ရက်။ ထိုင်းမြန်မာနယ်စပ် ကော့ကရိတ်မြို့နယ် နယ်စပ် အနီး စစ်ကောင်စီ၏ ဘလယ်ဒို တပ်စခန်းကို ကရင်အမျိုးသား အစည်းအရုံး KNU က မေလ ၂၃ ရက် (ယနေ့) ညနေ ၅ နာရီတွင် တိုက်ခိုက်သိမ်းပိုက်လိုက်သည်ဟု KNU က ထုတ်ပြန်သည်။ ဘလယ်ဒို တပ်စခန်းသည် KNU တပ်မဟာ ၆ ဒူးပလာယာခရိုင်၊ ကော့ကရိတ်မြို့နယ်၊ ဘလယ်ဒို ကျေးရွာ အနီးတွင် တည်ရှိသည့် တပ်စခန်းဖြစ်သည်။ အဆိုပါ တပ်စခန်းကို ကရင်အမျိုးသား လွတ်မြောက်ရေးတပ်မတော် KNLA၊ ကရင်အမျိုးသား ကာကွယ်ရေးတပ် KNDO နှင့် ပြည်သူ့ကာကွယ်ရေးတပ် PDF တို့က ပူးပေါင်းတိုက်ခိုက်ခဲ့သည်ဟု KNU က ဆိုသည်။

ကော့ကရိတ်မြို့ အနီး စစ်ကောင်စီ နယ်စပ် တပ်စခန်းတစ်ခုကို KNU တိုက်ခိုက် သိမ်းပိုက် 

ကော့ကရိတ်မြို့ အနီး စစ်ကောင်စီ နယ်စပ် တပ်စခန်းတစ်ခုကို KNU တိုက်ခိုက် သိမ်းပိုက်  သတင်းနှင့် မီဒီယာကွန်ရက်။ ၂၀၂၅ ခုနှစ်၊ မေလ ၂၃ ရက်။  ထိုင်းမြန်…

  • May 23, 2025
လူထု တောင်းဆိုမှုကြောင့် ပြန်လွှတ်ခဲခြင်းဖြစ်ကြောင်း ပရာဒေါင်း ခေါင်းဆောင်ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၂ ရက်။  ပြည်သူတစ်ရပ်လုံး၏ ပူးပေါင်းမှု၊ ဝိုင်းဝန်း အားပေးထောက်ခံမှု၊ တောင်းဆိုမှုများကြောင့် ပရာဒေါင်း ဆွေမျိုးစု ခေါင်းဆောင် ၄ ဦး ပြန်လွတ်လာခြင်း ဖြစ်သည်ဟု ပြန်လွှတ်လာသူများက ပြောသည်။ လေးပွင့်ကြယ် ကုမ္ပဏီက လုံခြုံရေး တပ်ဖွဲ့ဝင်များ ဖမ်းဆီးသွားသည့် ပရာဒေါင်း ဆွေမျိုးစု ခေါင်းဆောင် ၄ ဦး မေလ ၂၀ ရက်နေ့က ပြန်လွှတ်လာခဲ့သည်။ ဖမ်းဆီး ထိန်းသိမ်းခြင်းခံခဲ့ရသည့် ပရာဒေါင်းလူငယ် အတွင်းရေးမှူး ခွန်းခိုင်မင်းနိုင် က “ကျနော်တို့ လွတ်လာတာ ကတော့ ညှိနှိုင်းသဘောတူညီမှုတွေ ရပြီးမှ လွတ်လာတာမျိုးကတော့ အဓိက မဟုတ်ဘူးပေါ့နော်။ ကျနော်တို့ လွှတ်လာရတဲ့ အဓိက အကြောင်းအရင်းက ပြည်သူလူထု တစ်ရပ်လုံးရဲ့ ပူးပေါင်းဆောင်ရွက်မှုနဲ့ ဝိုင်းဝန်း ထောက်ခံမှုတွေ အားပေးမှုတွေ၊ ဆုတောင်းမေတ္တာတွေပေါ့နော်။ မေတ္တာစေတနာ မှန်တွေကြောင့် ကျနော်တို့ ပြန်လည် လွတ်မြောက်လာတယ်လို့ ကျနော်ပြောချင်ပါတယ်” ဟု ပြောသည်။ ၎င်းတို့ ၄ ဦး ပြန်လွှတ်လာရခြင်းမှာ တစ်စုံတစ်ရာ ညှိနှိုင်းသဘောတူညီမှု ရရှိခြင်းမျိုးကြောင့် မဟုတ်ဘဲ ပြည်သူ တစ်ရပ်လုံး၏ တောင်းဆို ထောက်ခံမှုများ ကြောင့် ဖြစ်သည်ဟု ဆိုသည်။ ၎င်းတို့ ၄ ဦးကို ဒေသခံ ပြည်သူလူထုက ရိုးရာဗုံပလွေများ တီးမှုတ်ကာ ရိုရားဆေးကြော သန့်စင်နည်းဖြင့် သန့်စင်ပေးပြီး ကြိုဆိုခဲ့ကြသည်။ ပရာဒေါင်း ဆွေမျိုးစု ဒေသခံများ၏ ကြိုးစားအားထုတ်မှု သာမက ကယန်း လူထုတစ်ရပ်လုံးနှင့် တရားမျှတမှုကို လေးစား အလေးထားပြီး တောင်းဆိုခဲ့ကြခြင်းကြောင့် ကောင်းမွန်စွာ ပြန်လည်လွှတ်မြောက်လာခြင်းဖြစ်သည် ဟု ဆိုသည်။ ပရာဒေါင်း ဆွေမျိုးစုခေါင်းဆောင် ၄ ဦး ဖမ်းဆီးခံရချိန်၌လေးပွင့်ကြယ် ကုမ္ပဏီ၏ လုံခြုံရေးကင်းတပ် ရဲဘော်များက လက်နက်ဖြင့် ခြိမ်းခြောက်ခဲ့သည့် အခြေအနေကိုလည်း ခွန်းခိုင်မင်းနိုင်က ယခုကဲ့သို့ ပြောသည်။ “ကျနော်တို့ကို လက်ထိပ်နဲ့ ခတ်ပြီးတော့မှ ဖမ်းဆီးတယ်ပေါ့နော်။ ဖမ်းဆီးတဲ့ အချိန်ဆိုလည်း အေးအေးဆေး ဆေး ပြေလည်အောင် ညှိနှိုင်းပြီးမှ ပြောတာ မဟုတ်ဘဲနဲ့ ရုတ်တရက်ကြီး ကျနော်တို့ကို လက်နက်အပြည့်အစုံ တပ်ဆင်ထားတဲ့ ရဲဘော်တွေ (အဓိကကတော့ လေးပွင့်ကြယ် ကုမ္ပဏီရဲ့လုံခြုံရေးတပ်ဖွဲ့လို့ ကျနော် ဆိုလိုချင် တာပေါ့နော်) သူတို့က ကျနော်တို့ကို အတင်းအကြပ် လက်နက်နဲ့ ဖိအားပေးပြီးတော့မှ ဖမ်းဆီး ချုပ်နှောင်ထား တဲ့ဟာမျိုး အဲ့လိုကြုံရတယ်ပေါ့နော်။ လက်နက်နဲ့ ကျနော်တို့ကို ခြိမ်းခြောက်ပြီးတော့ ဖမ်းဆီးချုပ်နှောင်တာ တွေ ဖြစ်တယ်ပေါ့နော်။” ဖယ်ခုံမြို့နယ်၊ ကယန်းဒေသ၊ သိကျိတ်ကျေးရွာအုပ်စုရှိ မြင်းမထိတောင်တွင် လေးပွင့်ကြယ်ကုမ္ပဏီမှ ခဲသတ္တု တူးဖော်မှု လုံးဝရပ်တန့်စေရန်အတွက် ဆက်လက်ကြိုးပမ်းသွားမည်ဟု ပြန်လည် လွှတ်မြောက်လာသူများက ပြောသည်။ ၎င်းတို့အနေဖြင့် ဒေသတွင်း ခဲသတ္ထုတူးဖော်နေမှု ရပ်တန့်သွားရေး ပရာဒေါင်း ဆွေမျိုးစုနှင့်အတူ ဒေသတွင်းရှိ ဆွေမျိုးစု တိုင်းရင်းသား အားလုံးပါဝင်မှုဖြင့် ဆက်လက် ကြိုးစားသွားမည်ဟု ခွန်းခိုင်မင်းနိုင်က ဆက်ပြောသည်။ “ပရာဒေါင်းဆွေမျိုးစု တစ်ခုတည်း မဟုတ်ဘဲနဲ့ ကျနော်တို့ ဒေသမှာရှိတဲ့ ညီအစ်ကို မိသားစုတွေ ဆွေမျိုးစုတွေ မျိုးနွယ်စုတွေ အားလုံးရဲ့ ဝိုင်းဝန်းကူညီပံ့ပိုးမှုတွေ ကြိုးစားအားထုတ်မှုတွေပဲ ဖြစ်တယ်လို့ ကျနော်မြင်တယ်။ ဆိုတော့ မြင်းမထိမှာ ခဲသတ္တုတူးဖော်တာနဲ့ ပတ်သက်ပြီးတော့မှ လေးပွင့်ကြယ် ကုမ္ပဏီအနေနဲ့ ရပ်မှာလား မရပ်ဘူးလား ဆိုတာတော့ ပြည်သူ အားလုံးကပဲ အဖြေပေးလိမ့်မယ်လို့ပဲ ကျနော်ပြောချင်ပါတယ်။” လာမည့် မေလ ၂၆ ရက်နေ့တွင် သိကျိတ်ကျေးရွာ အုပ်စုရှိ မြင်းမထိတောင်တွင် လေးပွင့်ကြယ် ကုမ္ပဏီမှ ခဲသတ္တု တူးဖော်မှုကိစ္စနှင့် ပတ်သက်၍ အပြီးသတ် ဖြေရှင်းနိုင်ရန် လေးပွင့်ကြယ်ကုမ္ပဏီ၊ ကယန်းပြည်သစ်ပါတီ ဗဟိုကော်မတီနှင့် ပရာဒေါင်းဆွေမျိုးစုတို့မှ ကယန်းပြည်သစ်ပါတီ ဗဟိုရုံးချုပ်၌ ဆက်လက် ညှိနှိုင်း ဆွေးနွေး သွားမည်ဟု ဆိုသည်။ လေးပွင့်ကြယ်ကုမ္ပဏီ လုံခြုံရေးတပ်ဖွဲ့မှ ပရာဒေါင်းဆွေမျိုးစု ဥက္ကဋ္ဌ ခွန်းအောင်နိုင်စိုး၊ ဒု-ဥက္ကဋ္ဌ ဦးဘမောင်၊ ပရာဒေါင်း ဆွေမျိုးစု လူငယ် အတွင်းရေးမှူး ခွန်းခိုင်မင်းနိုင်နှင့် နာယက ဦးအားဒို တို့ကို မေလ ၁၆ ရက်နေ့က ဦးရွှေအေး နေအိမ်တွင် လာရောက် ဖမ်းဆီး ခေါ်ဆောင်သွားခဲ့ခြင်း ဖြစ်သည်။ ဖမ်းဆီးခံရပြီးနောက် ၅ ရက်အကြာတွင် ပရာဒေါင်းဆွေမျိုးစု ခေါင်းဆောင် ၄ ဦး ပြန်လည် လွှတ်မြောက်လာခဲ့ သည်။

လူထု တောင်းဆိုမှုကြောင့် ပြန်လွှတ်ခဲခြင်းဖြစ်ကြောင်း ပရာဒေါင်း ခေါင်းဆောင်ပြော

လူထု တောင်းဆိုမှုကြောင့် ပြန်လွှတ်ခဲခြင်းဖြစ်ကြောင်း ပရာဒေါင်း ခေါင်းဆောင်ပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၂ ရက်။  ပြည်သူတစ်ရပ်လ…

  • May 22, 2025
တနင်္လာရီ မြို့နယ်အတွင်း စစ်ကောင်စီ တပ်ဖွဲ့ ဒရုန်းနှင့် အတိုက်ခံရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၂ ရက်။   မြိတ်ခရိုင် တနင်္သာရီမြို့နယ်အတွင်းရှိ ဘန်းလမွတ်ကျေးရွာအုပ်စု အနီးတွင် လမ်းကင်းချထားသည့် စစ်ကောင်စီ တပ်ဖွဲ့ကို ဒရုန်းဖြင့် တိုက်ခိုက်ခံရပြီး တစ်ဦးသေဆုံးသွားသည်။   ပြည်သူ့ကာကွယ်ရေး တပ်ဖွဲ့က စစ်ကောင်စီတပ်၏ လမ်းကင်းအဖွဲ့အား ဒရုန်းဖြင့် နှစ်ကြိမ်တိုက်ခိုက်ခဲ့ရာ တစ်ဦး သေဆုံးသွားသည်ဟု တနင်္သာရီမြို့နယ်၊ ပကဖ ဇုန် ၅ တောဗုံးကြီးအဖွဲ့ တာဝန်ရှိသူတစ်ဦးက ပြောသည်။   “သေဆုံးသွားတဲ့ သူရဲ့ အလောင်းကို ဇဝဲရွာ အခြေစိုက်တဲ့ ၅၅၆ တပ်ရင်းကို ယူသွားတယ်၊ တိုက်ခိုက်မှုပြီးတဲ့ အချိန်မှာပဲ မော်တုန်းအမြောက်တပ် ၃၀၆ တပ်ရင်းကနေ လက်နက်ကြီးနဲ့ ပစ်တာမျိုးရှိတယ်၊ ထိခိုက်မှုတော့ မရှိပါဘူး။”   မေလ ၂၀ ရက်နေ့၊ မွန်းလွဲ ၁ နာရီနှင့် ညနေ ၄ နာရီခန့်တွင် ဘန်းလမွတ်ကျေးရွာမှ စစ်ကောင်စီ၏ လမ်းကင်း အဖွဲ့များကို ပြည်သူ့ကာကွယ်ရေးအဖွဲ့က ဒရုန်းဖြင့် ဗုံးသီးချ တိုက်ခိုက်ခဲ့ခြင်း ဖြစ်သည်။   မွန်းလွဲ ၁ နာရီက တိုက်ခိုက်ခဲ့မှုအတွင်း စစ်ကောင်စီဘက်မှ ၃ ဦး ထိခိုက်ဒဏ်ရာရရှိခဲ့ပြီး ညနေ ၄ နာရီအချိန် တိုက်ခိုက်မှုတွင် စစ်ကောင်စီတပ်သား တစ်ဦး ပွဲချင်းပြီး သေဆုံးသွားခဲ့ကြောင်း တိုက်ခိုက်ရာ တွင် ပါဝင်ခဲ့သူ တပ်ဖွဲ့ဝင်တစ်ဦးက ဆိုသည်။   တိုက်ခိုက်မှုအတွင်းနှင့် စစ်ကောင်စီ၏ လက်နက်ကြီး ပစ်ခတ်မှုများကြောင့် ပြည်သူ့ကာကွယ်ရေး တပ်ဖွဲ့များ ဘက်မှ ထိခိုက်မှု တစ်စုံတစ်ရာမရှိခဲ့ကြောင်း တောဗုံးကြီးအဖွဲ့ တာဝန်ရှိသူက ပြောသည်။   စစ်ကောင်စီဘက်မှ ဘန်းလမွတ်ကျေးရွာ အလယ်ပိုင်းကို မေလ ၂၀ ရက်နေ့၊ ညနေ ၃ နာရီခွဲအချိန်ခန့်က သေနတ်များ ပစ်ဖောက် ဝင်ရောက်လာခဲ့သောကြောင့် ဘန်းလမွတ်ကျေးရွာသားများ ထွက်ပြေးခဲ့ကြရသေး သည်ဟု ရွာသားများက ဆိုသည်။   ဝင်ရောက်လာသည့် စစ်ကောင်စီတပ်ဖွဲ့က ကျေးရွာအတွင်းမှ ပြန်လည်ထွက်ခွာခါနီး အချိန်တွင် ဘန်းလမွတ် ကျေးရွာသား အသက် ၂၂ နှစ်အရွယ် ကိုခိုင်ဇော်ဟိန်း ဆိုသူကို ဖမ်းဆီးခေါ်ဆောင်သွားပြီး ဆိုင်ကယ်ကိုပါ သိမ်းယူသွားသည်။   ယခုတိုက်ခိုက်ခံရသည့် စစ်ကောင်စီ တပ်ဖွဲ့ဝင်များမှာ မေလ ၂၀ ရက်နေ့၊ နံနက် ၃ နာရီအချိန်ခန့်က ဘန်းလမွတ် ကျေးရွာ အတွင်းသို့ အင်အား ၄၀ ခန့်ဖြင့် လမ်းကင်းချထားခဲ့သူများ ဖြစ်သည်ဟု ရွာသားများက ဆိုသည်။   ဘန်းလမွတ်ကျေးရွာ၏ လမ်းဆုံတွင် လမ်းကင်းချထားသော စစ်ကောင်စီတပ်ဖွဲ့က ခရီးသွားလာနေကြသည့် ဆိုင်ကယ်များကို စစ်ဆေးခြင်းများ လုပ်နေသည်ဟု ရွာသားများက ဆိုသည်။

တနင်္လာရီ မြို့နယ်အတွင်း စစ်ကောင်စီ တပ်ဖွဲ့ ဒရုန်းနှင့် အတိုက်ခံရ

တနင်္လာရီ မြို့နယ်အတွင်း စစ်ကောင်စီ တပ်ဖွဲ့ ဒရုန်းနှင့် အတိုက်ခံရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၂ ရက်။  မြိတ်ခရိုင် တနင်္သာရီမြို့…

  • May 22, 2025
လောင်းလုံးမှ ဖမ်းဆီးခံ ၉ ဦး ပြန်လွတ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၂ ရက်။   လောင်းလုံးမြို့နယ်ထဲမှ စစ်ကောင်စီတပ်က ဖမ်းဆီးသွားသူ ပြည်သူ ၉ ဦး ပြန်လွတ်လာပြီဟု လွတ်မြောက် လာသူများက ပြောသည်။   ထားဝယ်ခရိုင်၊ လောင်းလုံးမြို့နယ်တွင် စစ်ကောင်စီတပ်၏ စစ်ကြောင်းမှ  ဖမ်းဆီးခေါ်သွားသူ ပြည်သူ ၉ ဦး ကို ပြန်လည်လွှတ်ပေးလိုက်ကြောင်း မြို့ခံများက ပြောသည်။   အသက် ၃၀ ခန့်အရွယ် လွတ်မြောက်လာသူတစ်ဦးက “ရိုက်နှက်တာမျိုးတော့ မရှိပါဘူး။ အစားအသောက် တော့ မစားခဲ့ရဘူး ပြန်လွှတ်ပေးတာကိုပဲ ကျေးဇူးတင်နေရတယ်” ဟု ပြောသည်။   မေလ ၂၀ ရက်နေ့၊ နံနက် ၅ နာရီအချိန်က လောင်းလုံးမြို့နှင့် စမ်းလှန်းကျေးရွာအကြားကို အင်အား ၈၀ ခန့်ဖြင့် စစ်ကြောင်းထိုးလာသည့် စစ်ကောင်စီ စစ်ကြောင်းက ဖမ်းဆီးသွားခြင်း ဖြစ်သည်။   စစ်ကြောင်းထိုးစဉ် လမ်းပေါ်တွင် သွားလာနေကြသည့် လောင်းလုံးမြိုခံပြည်သူ ၉ ဦးကို လောင်းလုံးမြို့နှင့် စမ်းလှန်းကျေးရွာကြားရှိ လက်ခတ်တောင်စခန်းသို့ ဖမ်းဆီးခေါ်ဆောင်သွားကာ ညနေ ၃ နာရီ အချိန်ခန့်တွင် ပြန်လွှတ်ပေးခဲ့ သည်ဟု မိသားစုနှင့် နီးစပ်သူများက ပြောသည်။   စစ်ကောင်စီ စစ်ကြောင်းသည် လက်ခတ်တောင် စစ်ကောင်စီစခန်းရှိ တပ်ဖွဲ့ဝင်များနှင့် ပူးပေါင်း၍ တပ်စွဲထား သည်ဟု ဆိုသည်။   အဆိုပါ စစ်ကြောင်းသည် မေလ ၁၉ ရက်နေ့၊ နံနက်ပိုင်းကလည်း လောင်းလုံးမြို့၏ အရှေ့ဘက် ပြင်းထိန်ကျေးရွာသို့ စစ်ကြောင်းထိုး ဝင်ရောက်ခဲ့ပြီး ရွာအ‌ရှေ့ကျောင်းတွင် တပ်စွဲခဲ့သေးသည်ဟု လောင်းလုံးမြို့နယ် ပြည်သူ့ ကာကွယ်ရေးတပ်ဖွဲ့ဝင် တစ်ဦးက ပြောသည်။   ပြင်းထိန်ကျေးရွာ၌လည်း တပ်စွဲထားချိန်တွင် ရွာသား ရော်ဘာခြစ်သူတစ်ဦးကို ဖမ်းဆီးခဲ့ပြီးနောက်  ပြန်လည် လွှတ်ပေးခဲ့သည်။   ရွာသားများ မွေးမြူထားသည့် ကြက်များကိုလည်း ဖမ်းဆီးပြီး ချက်ပြုတ် စားသောက်သွားကြသေးသည်ဟု ရွာသားများက ပြောသည်။

လောင်းလုံးမှ ဖမ်းဆီးခံ ၉ ဦး ပြန်လွတ်

လောင်းလုံးမှ ဖမ်းဆီးခံ ၉ ဦး ပြန်လွတ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၂ ရက်။  လောင်းလုံးမြို့နယ်ထဲမှ စစ်ကောင်စီတပ်က ဖမ်းဆီးသွားသူ ပြည…

  • May 22, 2025
တနင်္လာရီမြို့နယ်တွင် ဖြတ်တောက်မှုများ တိုးမြှင့်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၂ ရက်။   တနင်္သာရီမြို့နယ်ကို အသား ငါး အပြင် ဆေးဝါးကိုပါ စစ်ကောင်စီက ထပ်မံဖြတ်တောက်လိုက်သည်ဟု ဒေသခံများနှင့် မြေပြင် သတင်းအရင်းအမြစ်များ က ပြောသည်။   မြိတ်ခရိုင်၊ မြိတ်မြို့နယ်၊ ကြေးနန်းတိုင် စစ်ဆေးရေးဂိတ်တွင် တနင်္သာရီမြို့နယ်ဘက်သို့ ဆေးဝါးတင်ဆောင် လာသည့် ကားများ ဖမ်းဆီးခံနေရသည်ဟု ကားသမားများက ပြောသည်။   အသက် ၄၀ ခန့်အရွယ် ကားသမားတစ်ဦးက “တနင်္သာရီဘက်က ရွာတွေမှာ ဆေးဝါးတွေ ဆိုင်တင်ရောင်းချခွင့် ပိတ်ထားတယ်။ အသိတစ်ယောက် ကြေးနန်းတိုင်တံတားမှာပဲ ဆေးထုတ်တွေ အသိမ်းခံနေရတာ နှစ်ခါရှိသွား ပြီ။ တော်သေးတာက လူမဖမ်းလိုက်လို့၊ ဆေး တစ်ကတ် နှစ်ကတ်လောက်တောင်မှ အခန့်မသင့်ရင် သိမ်းချင် သိမ်း လိုက်တာ” ဟု ပြောသည်။   စစ်ကောင်စီက မေလ ၉ ရက်နေ့မှ စတင်၍ အသား၊ ငါးများ သယ်ယူရောင်းချခွင့်ကို ၃ လ ပိတ်ထားခဲ့ပြီးနောက် ယခုရက်ပိုင်း အတွင်း ဆေးဝါး သယ်ယူခွင့်ကိုပါ ၃ လထပ်မံ၍ ပိတ်ထားကြောင်း ကားသမားများက ပြောသည်။   ကြေးနန်းတိုင် စစ်ဆေးရေးဂိတ်တွင် တနင်္သာရီဘက်သို့ သွားလာမည့် ကားများအားလုံးကို တားဆီးပြီး အသား၊ ငါးနှင့် ဆေးဝါးများ ပါမပါကို စစ်ဆေးရှာဖွေလျက်ရှိနေသည်ဟု ဆိုသည်။   တနင်္သာရီမြို့ပေါ်ရှိ ဆေးဆိုင်နှင့် ဆေးခန်းများကိုလည်း စစ်ကောင်စီမှ ၃ လစာ ဆေးဝါး အလုံအလောက် ဝယ်ယူရန် ခိုင်းထားကြောင်း မြို့ခံ အချို့က ပြောသည်။   ထိုသို့ ဝယ်ယူခိုင်းထားပြီးနောက် တနင်္သာရီမြို့ပေါ်ရှိ ဆေးဆိုင်နှင့် ဆေးခန်းများကိုပါ ဆေးဝါးသယ်ယူခွင့် ပိတ်လိုက်တာကြောင့် မြို့နယ် အနီးဝန်းကျင်မှ ရွာသားများမှာ ကျန်းမာရေးအတွက် စိုးရိမ်ပူပန်မှုများ ရှိနေကြ သည်။

တနင်္လာရီမြို့နယ်တွင် ဖြတ်တောက်မှုများ တိုးမြှင့်

တနင်္လာရီမြို့နယ်တွင် ဖြတ်တောက်မှုများ တိုးမြှင့် သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၂ ရက်။  တနင်္သာရီမြို့နယ်ကို အသား ငါး အပြင် ဆေးဝါး…

  • May 22, 2025
×Close