သတင်း

လုံးခင်းတွင် စစ်တပ်က အရပ်သားများအပေါ် ကျူးလွန်ချိုးဖောက်မှုများ ပြုလုပ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၄ ရက်။     ကချင်ပြည် ဖားကန့်မြို့နယ်၊ လုံးခင်းကျေးရွာအုပ်စုထဲ ဝင်ရောက် တပ်စွဲထားသည့် စစ်ကောင်စီတပ်က လူ့အခွင့် အရေး ချိုးဖောက်မှုများ ဆက်တိုက်လုပ်နေသည်ဟု ဒေသခံများက ပြောသည်။   လုံးခင်းကျေးရွာ အုပ်စုအတွင်း ဇွန်လ ၃ ရက်နေ့က ပေါက်ကွဲမှုဖြစ်ပြီး လူထိခိုက်သေဆုံးမှုများ ရှိခဲ့ သည့်အပြင် ကျောက်စိမ်းလုပ်ကွက်အတွင်းရှိ စက်ယန္တရားများကိုလည်း စစ်ကောင်စီတပ်ဖွဲ့က မီးရှို့ ဖျက်ဆီးခဲ့သည်ဟု ဒေသခံများက ပြောသည်။   ဒေသခံအမျိုးသမီး တစ်ဦးက “ဒီနေ့ နေ့လည် ၁ နာရီကျော်လောက်မှာ စစ်တပ်က ပစ်လိုက်တဲ့ လက်နက်ကြီး ကြောင့် ကုမ္ပဏီက ဝန်ထမ်းတွေ ဒဏ်ရာ ရတာလည်း အများကြီးပဲ၊ သိသလောက်တော့ ၂ ယောက်တော့ သေ တယ်။ တချို့က ပြောတာတော့ လက်နက်ကြီး၊ တချို့ပြောတာကလည်း ဒရုန်း အဲ့လိုမျိုးပြောတယ်။ သေချာ တာက ကုမ္ပဏီထဲက ဒီယမ်းဂိုဒေါင်ပေါ်ကျတာ။ လူသေတာ ထိခိုက်ဒဏ်ရာ ရတာတွေကတော့ confirm ဖြစ် (အတည်ပြုနိုင်) တယ်” ဟု ပြောသည်။   လုံးခင်းကျေးရွာ အုပ်စုအတွင်းရှိ မှော်စီစာကျေးရွာအထက်ဘက်က ဆောင်းချိန်ကျေးရွာထဲက ဓမ္မာရုံအနီးတွင် ဇွန်လ ၃ ရက်နေ့ နေ့လည် ၁ နာရီကျော် ဝန်းကျင်အချိန်ခန့်က ပေါက်ကွဲမှု တစ်ခုဖြစ်ခဲ့သည်။   အဆိုပါ ဓမ္မာရုံအနီးရှိ ကျောက်စိမ်းကုမ္ပဏီတစ်ခုတွင် ဖြစ်ပွားခဲ့သည့် ပေါက်ကွဲမှုအတွက် ကုမ္ပဏီမှ ဝန်ထမ်း နှစ်ဦး သေဆုံးခဲ့ပြီး အယောက် ၂၀ နီးပါး ထိမှန် ဒဏ်ရာ ရရှိခဲ့သည်ဟု ဒေသခံများက ပြောသည်။   အလားတူ မှော်စီစာကျေးရွာအတွင်းရှိ တစ်သုံးလုံး ကျောက်စိမ်းလုပ်ကွက် အတွင်း က စက်ယန္တရားအချို့ကိုလည်း စစ်ကောင်စီ တပ်ဖွဲ့ဝင်များက ဇွန်လ ၃ ရက်နေ့ နံနက်ပိုင်း၌ မီးရှို့ဖျက်ဆီးခဲ့သည်။   ဒေသခံ အမျိုးသား တစ်ဦးက “မနက် ၈ နာရီခွဲကျော်လောက်က ဖြစ်တာ။ ကျနော်တို့ မှော်စီစာက တစ်သုံး လုံး လုပ်ကွက်ထဲက ကားတွေ မီးရှို့ခံရတာဗျ။ ဘက်ဟိုးတစ်စီး၊ မြေသယ်ကားနှစ်စီး၊ ကင်းတဲတစ်လုံးကို စစ်သားတွေက မီးရှို့နေတာလို့ ပြောတယ်။ ဟိုးရက် ၃၁ ရက်နေ့တုန်းကလည်း တစ်ခါရှို့သွားသေးတယ် အဲ့တုန်းက စားဖိုဆောင် အရှို့ခံရတာဗျ” ဟု ပြောသည်။   အလားတူ မှော်စီစာကျေးရွာက ကျောက်စိမ်းလုပ်ကွက် နေရာ သုံး-လေး ခု ခန့်အား စက်ယန္တရားမားအပြင် အဆောက်အအုံအချို့ကို မေလ ၃၁ ရက်နေ့က မီးရှို့ဖျက်ဆီးခဲ့သေးသည်ဟု ဒေသခံများက ပြောသည်။   အင်အားတစ်ရာခန့်ရှိသည့် စစ်ကောင်စီ စစ်ကြောင်းတစ်ကြောင်းက မှော်စီစာကျေးရွာက ဘုရားကုန်းတွင် တပ်စွဲထားခြင်း ဖြစ်သည်။ ဖားကန့်ဒေသကို ပြန်လည်ထိန်းချုပ်နိုင်ရေး ကြိုးပမ်းနေသည့် စစ်ကောင်စီ စစ်ကြောင်းက မေလ ၂၇ ရက်နေ့က စတင်ပြီး လုံးခင်းကျေးရွာအုပ်စုထဲသို့ ဝင်လာခဲ့ခြင်း ဖြစ်သည်။   ထိုသို့ ဝင်လာပြီးနောက် စစ်ကောင်စီတပ်နှင့် ကချင်လွတ်လပ်ရေး တပ်မတော် KIA ပူးပေါင်းအဖွဲ့တို့အကြား တိုက်ပွဲများ ဖြစ်ခဲ့ပြီး ပြည်သူ ၅ ဦးလည်း သေဆုံးခဲ့သည်။   ဓါတ်ပုံ - သင်္ဂဟလူမှုကူညီရေး အသင်း (လုံးခင်းကျေးရွာအုပ်စု)  

လုံးခင်းတွင် စစ်တပ်က အရပ်သားများအပေါ် ကျူးလွန်ချိုးဖောက်မှုများ ပြုလုပ်

လုံးခင်းတွင် စစ်တပ်က အရပ်သားများအပေါ် ကျူးလွန်ချိုးဖောက်မှုများ ပြုလုပ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၄ ရက်။  ကချင်ပြည် ဖားကန့်မ…

  • June 4, 2025
ရှမ်းပြည်အတွင်း ရွှေတူးဖော်မှုများကြောင့် ထိုင်းဂေဟ စနစ် ထိခိုက်မည်ကို စိုးရိမ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၂ ရက်။    ရှမ်းပြည် အရှေ့ပိုင်းက ရွှေတူးဖော်မှုများကြောင့် ထိုင်းနိုင်ငံ၏ ဂေဟစနစ်အား ထိခိုက်မည်ကို ထိုင်းအာဏာပိုင် များက စိုးရိမ်နေကြသည်။   UWSA ‘ဝ’ လက်နက်ကိုင်အဖွဲ့များ ထိန်းချုပ်ထားသည့် ရှမ်းပြည် အရှေ့ပိုင်း၊ မိုင်းဆတ်မြို့နယ်ထဲက နမ့်ခုတ် မြစ်၌ ရွှေတူးနေကြခြင်းကြောင့် ပြည်သူများ ဒုက္ခရောက်နေသည်ဟု ရှမ်းလူ့အခွင့်အရေး မဏ္ဍိုင်(SHRF) က ပြောသည်။   SHRF ၏ အဆိုအရ အဆိုပါ ရွှေတူးဖော်မှုကို ထိုင်းနယ်စပ်နှင့် နီးသည့် မိုင်းယွန်းဒေသ ပိန်းခန်းကျေးရွာ၌ ‘ဝ’ တပ်ဖွဲ့က လုံခြုံရေးယူပေးပြီး တရုတ်ကုမ္ပဏီများ တူးဖော်နေကြခြင်း ဖြစ်သည်ဟု SHRF ပြောရေးဆိုခွင့်ရှိသူ ပြောသည်။   ရှမ်းလူ့အခွင့်အရေးမဏ္ဍိုင် ပြောရေးဆိုခွင့်ရှိသူ ယိင်းလျန်းဟန်က “အဓိကတော့ ဖောင်တွေနဲ့တူးတယ်။ ပြီးတော့ စက်ကြီးတွေနဲ့ တောင်တွေကို ဖြိုပြီးတော့ တူးတာတွေလည်း ရှိတယ်။ ရွှေတူးတာကိုတော့ အဓိက လုပ်နေတာ က တရုတ်ကုမ္ပဏီတွေ ဖြစ်ပြီးတော့ UWSA ကတော့ လုံခြုံရေးပေးတာပေါ့” ဟု ပြောသည်။   ထိုသို့ ရွှေတူးဖော်မှုကြောင့် လူထု၏ ကျန်းမာရေးပိုင်းအပြင် သဘာဝ ပတ်ဝန်းကျင်ကိုပါ ထိခိုက်လာနိုင်စေနိုင် သည်ဟု ယိင်းလျန်းဟန်က ဆက်ပြောသည်။   “နောက်ဆက်တွဲ ဆိုးကျိုးတွေတော့ အများကြီးပဲပေါ့နော်။ အခုဆိုရင် ထိုင်းဘက်က လေ့လာချက်အရဆိုရင် ရေ ထဲမှာ အာဆင်းနစ်တွေပါတယ်။ မာကျူရီရော အာဆင်းနစ်ရော ပါတယ်။ စားမိသောက်မိတဲ့ သူတွေကို ကင်ဆာ ဖြစ်စေတယ်။ အခုချိန်မှာ အစာအိမ်ပြဿနာတွေ ဖြစ်နိုင်တယ်။ သွေးထဲ ရောက်သွားမယ် ဆိုရင် သွေးကင်ဆာတွေ ဖြစ်နိုင်တယ်။ ပြီးရင် သဘာဝပတ်ဝန်းကျင်မှာတော့ အပင်တွေ၊ ငါးမျိုးစိတ်တွေ ထိခိုက် တယ်။ မြစ်ကြောင်း ပြောင်းလဲမှုတို့ ရေသယံဇာတဆုံးရှုံးမှုတို့ ဖြစ်နိုင်တာပေါ့နော်။”   ဒေသခံများ၏ အပြောအရ မိုင်းယွန်းမြို့က နမ့်ခုတ်မြစ်တွင် ၂၄ နာရီလုံး မရပ်မနား ရွှေ တူးဖော်နေကြသည်ဟု ဆိုသည်။   တရုတ်ကုမ္ပဏီ ၄ ခုက တရုတ်လူမျိုး အလုပ်သမား ၃၀၀ ခန့်နှင့် မြစ်ကမ်းဘေးတစ်လျှောက်က တောင်ကုန်းများနှင့် မြစ်ထဲ၌ ရွှေဖောင်များနှင့် တူးဖော်နေကြခြင်း ဖြစ်သည်ဟု ဆိုသည်။   အဆိုပါ ရွှေတူးဖော်မှုများမှာ ယခု ၂၀၂၅ ခုနှစ်ထဲတွင် ပို၍ များလာနေသည်ဟု ဆိုသည်။ ထိုင်းနိုင်ငံ၊ Mae Fah Luang University က ဧပြီလ ၃၀ ရက်နေ့တွင် ထိုင်း-မြန်မာ နယ်စပ်ရှိ ချင်းရိုင်း၊ မယ်ဆိုင် နှင့် ချင်းဆန်ခရိုင်ထဲရှိ မြစ်များက ရေနမူနာတို့ကိုယူပြီး စစ်ဆေးမှုများ လုပ်ခဲ့ရာ အာဆင်းနစ် ညစ်ညမ်းမှု တွေ့ရှိ ခဲ့သည်ဟု ထိုင်းသတင်းမီဒီယာများက ဆိုသည်။   မြန်မာနိုင်ငံအတွင်း သတ္တုတူးဖော်ရေး လုပ်ငန်းများကြောင့် ဖြစ်ပေါ်လာသည့် နယ်စပ်မြစ်များထဲက အာဆင်းနစ် ညစ်ညမ်းမှု ပြဿနာကို ဖြေရှင်းပေးရန် ထိုင်းအစိုးရက မြန်မာနိုင်ငံကို တိုက်တွန်းထားကြောင်း Thai Enquirer သတင်းက မေလ ၂၉ ရက်နေ့တွင် ရေးသားဖော်ပြထားသည်။  

ရှမ်းပြည်အတွင်း ရွှေတူးဖော်မှုများကြောင့် ထိုင်းဂေဟ စနစ် ထိခိုက်မည်ကို စိုးရိမ်

ရှမ်းပြည်အတွင်း ရွှေတူးဖော်မှုများကြောင့် ထိုင်းဂေဟ စနစ် ထိခိုက်မည်ကို စိုးရိမ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၂ ရက်။   ရှမ်းပြည် …

  • June 2, 2025
အာရက္ခ တပ်တော် AA ဖမ်းဆီးထားသော ချင်းလူငယ်များအား ပြန်လွှတ်ပေးရန် CPSC တောင်းဆို   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၂ ရက်။   အာရက္ခတပ်တော် ULA/AA က ဖမ်းထားသည့် ချင်းလူငယ် ၆၀ ကျော်ကို ပြန်လွှတ်ပေးရန် ချင်းနိုင်ငံရေး ဦးဆောင်ကော်မတီ (CPSC) က တောင်းဆိုလိုက်သည်။   အာရက္ခတပ်တော် ULA/AA က ဖမ်းထားသော ချင်းလူငယ်များမှာ မိသားစု စားဝတ်ရေးအတွက် ပြည်မထွက် အလုပ်လုပ်ကိုင်မည့်သူများနှင့် ပညာသင်ရန် သွားကြသည့် အသက်မပြည့်သေးသော ကျောင်းသူ/သားများ ဖြစ်သည်ဟု ချင်းနိုင်ငံရေး ဦးဆောင် ကော်မတီ တာဝန်ရှိသူက ပြောသည်။   ချင်းနိုင်ငံရေး ဦးဆောင် ကော်မတီ (CPSC) ဗဟိုအလုပ်အမှုဆောင် Salai Kyro (ခိုင်လ်ရို) က “အဖမ်းခံရတာက ၂၀၂၃ အောက်တိုဘာကနေ စတယ်။ ၂၀၂၃ အောက်တိုဘာမှာ ကျနော်တို့ ဒီမြေပုံမြို့နယ်ရဲ့ ချင်းရွာတစ်ရွာမှာရှိတဲ့ ဆရာမ တစ်ယောက် အဖမ်းခံရတယ်။ နောက်တစ်ခုကကျတော့ ၂၀၂၄ စက်တင်ဘာမှာ ကျနော်တို့ ပြည်မဘက်ကို သွားမယ်ဆိုတဲ့ စက်လှေတစ်စီးက နောင်တော်ကြီး နောင်တော်ငယ်မှာ အာရက္ခတပ်တော်ရဲ့ ဖမ်းဆီးခြင်းကို ခံရတယ်” ဟု ပြောသည်။   ယခု အဖမ်းခံထားရသော သူများမှာ ရခိုင်ပြည်ထဲက မင်းပြားမြို့နယ်နှင့် မြေပုံမြို့နယ်ထဲက ချင်းလူငယ်များ ဖြစ် ကြပြီး ၂၀၂၃၊ ၂၀၂၄ နှင့် ၂၀၂၅ ခုနှစ်တွေမှာ ဖမ်းဆီးခံရသည့် သူများဖြစ်သည်ဟု ခ Salai Kyro (ခိုင်လ်ရို) က ဆက်ပြောသည်။   “ကျနော်တို့ ဒီ ၂၀၂၅ မှာကျတော့ ဧပြီ-မေ အဲ့အတွင်းမှာကျတော့ တချို့လူတွေကျတော့ ရခိုင်ရိုးမကို ကျော်ပြီး တော့ ပြည်မဘက်ကို သွားမယ့်လူတွေ အဖမ်းခံရတယ်။ နောက်တဖွဲ့ကျတော့ ကျောက်ဖြူမြို့ တဖက် ကမ်းမှာ ရှိတဲ့ သဲချောင်းဖူးဆိပ်ရွာမှာ အဖမ်းခံရတယ်လို့ မြေပြင်က အချက်အလက်အရ ကျနော်တို့ သိရပါတယ် ခင်ဗျ။ ဖမ်းခံရတဲ့ထဲမှာ အသက်အရွယ်အားဖြင့်က ၁၃ နှစ်ကနေ ၄၅ နှစ်အတွင်း အမျိုးသမီးရော ယောက်ကျားလေး ရော ကလေးတွေလည်း ပါတယ်လို့ ကြားရပါတယ်ခင်ဗျ။”   ဖမ်းဆီးခံထားရသော သူများမှာ အသက် ၁၃ နှစ်မှ အသက် ၄၅ နှစ်ကြား အရွယ်များ ဖြစ်သည်ဟု ဆိုသည်။   ရခိုင်ပြည်ထဲက ချင်းကျောင်းသူ/သားများ အပါအဝင် လူငယ် ၆၃ ဦးထက်မနည်းကို AA က ဖမ်းဆီး ထိန်းသိမ်းပြီး စစ်သင်တန်းပေးနေခြင်း ဖြစ်သည်ဟု ချင်းနိုင်ငံရေး ဦးဆောင်ကော်မတီက မေလ ၂၈ ရက်နေ့က ထုတ်ပြန်သည်။   အချက် ၅ ချက်ပါ CPSC ၏ ထုတ်ပြန်ချက်ထဲတွင် ULA/AA ၏ မတ်လ ၁၈ ရက်နေ့က ပြဌာန်းချက်အရ အမျိုးသား ကာကွယ်ရေးဆိုင်ရာ အရေးပေါ် ပြဌာန်းချက် (NDEP) မှာ အများပြည်သူသိအောင် အသေးစိတ် ထုတ်ပြန်ထားခြင်း မရှိကြောင်း၊ အဆိုပါ ပြဌာန်းချက်နှင့် ပတ်သက်၍ ဌာနေချင်းတိုင်းသားများနှင့် ကြိုတင် ညှိနှိုင်းမှုများ လုပ်သင့်သည်ဟုလည်း Salai Kyro (ခိုင်လ်ရို) က ထောက်ပြသည်။   NDEP ပြဌာန်းချက်အရ လူငယ်များအား ရခိုင်ပြည်ထဲမှ မထွက်ခွာရန် မေလ ၂၂ ရက်နေ့ တားမြစ်ချက်က လူ့အခွင့်အရေး စံနှုန်းနှင့် ကင်းကွာနေသည်ဟု ဆိုသည်။   Salai Kyro (ခိုင်လ်ရို) “ဒီဥပဒေ ပြဌာန်းချက် အပေါ်မှာ ကန့်ကွက်တာမျိုး မဟုတ်ဘူးပေါ့လေ။ ဒါကိုရှင်းရှင်း လင်းလင်း သိစေချင်တယ်။ ကျနော်တို့သည် ဒီ NDEP ကို ကန့်ကွက်တာမဟုတ်ဘူး။ ဒါပေမယ့် ဒီ NDEP ရဲ့ ပြဌာန်းချက် မတိုင်ခင်မှာ ကျနော် တို့ ဒီရခိုင်ပြည်နယ်မှာ ရှိနေတဲ့ တခြားတိုင်းရင်းသားတွေနဲ့ အရင်ဆုံး ညှိနှိုင်း သင့်တယ်လို့တော့ ထင်တယ်။ မျိုးနွယ်စုဆိုင်ရာ ULA ရဲ့ မူဝါဒတွေ လူမျိုးစုဆိုင်ရာ မူဝါဒတွေကို လူမျိုးစု နိုင်ငံ ရေး ခေါင်းဆောင် အင်အားစုတွေနဲ့ ဆွေးနွေးညှိနှိုင်းဖို့လိုမယ်လို့ ကျနော်တို့ မြင်တယ်” ဟု ပြောသည်။   အာရက္ခတပ်တော် ULA/AA အနေဖြင့် အာရက္ခနိုင်ငံကို ထူထောင်ရန် ပြင်ဆင်နေခြင်း ဖြစ်သည့်အတွက် ဒေသတွင်းရှိ ပြည်သူများ၊ လူနည်းစု၏ ဆန္ဒသဘောထားများကို အသိအမှတ်ပြုပြီး ကောင်းကျိုးဆိုးကျိုး သက်ရောက်မှုများကို လူထုအား ရှင်းပြရန် လိုအပ်သည်ဟု ဆိုသည်။   ယခုလည်း အသက်မပြည့်သေးသော ကလေးသူငယ်များကို အတင်းအဓမ္မ စစ်မှုထမ်းခိုင်းစေခြင်းမှာ လူ့အခွင့် အရေးအရ War Crimes မြောက်ကြောင်း၊ ULA/AA ၏ အောက်ခြေ တပ်ဖွဲ့ဝင်များ ကျူးလွန်နေမှုတို့ကို ခေါင်းဆောင်များ သိရှိနားလည်ပြီး ဖြေရှင်းပေးရန် တောင်းဆိုထားသည်။   ရခိုင်ပြည်တွင်း ဖြစ်ပွားနေသည့် တိုက်ပွဲများထဲ ပြည်သူအားလုံးမှာ ပညာရေး၊ ကျန်းမာရေး၊ အသက်မွေးဝမ်း ကျောင်း ဆိုင်ရာ အခက်အခဲ အကြပ်အတည်းများနှင့် ရင်ဆိုင်နေရပြီး ရခိုင်ပြည်ထဲက ချင်းလူမျိုးများပါ အလား တူ ခံစားနေကြရသည်ဟု ဆိုသည်။  

အာရက္ခ တပ်တော် AA ဖမ်းဆီးထားသော ချင်းလူငယ်များအား ပြန်လွှတ်ပေးရန် CPSC တောင်းဆို

အာရက္ခ တပ်တော် AA ဖမ်းဆီးထားသော ချင်းလူငယ်များအား ပြန်လွှတ်ပေးရန် CPSC တောင်းဆို သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၂ ရက်။  အာရက္ခတပ်တ…

  • June 2, 2025
ရေကြီးသဖြင့် အိန္ဒိယ-မြန်မာနယ်စပ် စစ်ရှောင်များ အကူအညီအရေးပေါ် လိုအပ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၂ ရက်။   အိန္ဒိယ - မြန်မာနယ်စပ် မီဇိုရမ်ပြည်နယ်ထဲက မြန်မာစစ်ရှောင်များ ရေကြီး၍ အရေးပေါ် အကူအညီများ လိုအပ် နေကြသည်။   မီဇိုရမ်ပြည်နယ်၊ တောင်ဘက်ဆုံး လောင်တလိုင်ခရိုင်၊ တွီဒင်းကျေးရွာ နှင့် ကာကီကျေးရွာထဲ စစ်ရှောင်နေကြသည့် ပလက်ဝမြို့ နယ်က စစ်ဘေးရှောင်များ ရေဘေးကြောင့် အရေးပေါ် အကူအညီများ လိုအပ်နေကြခြင်း ဖြစ်သည်ဟု စစ်ဘေး ရှောင်အရေး ကူညီဆောင်ရွက်ပေးသူများက ပြောသည်။   ပလက်ဝ လူသားချင်းစာနာ ကူညီရေးဌာန တာဝန်ခံ ဆလိုင်းသန်းစိုးက “အခုသူတို့က အခြေခံ စားနပ်ရိက္ခာ လို အပ်တယ်လို့ပြောတယ်။ ပြောချင်တာက ဆန်၊ ဆီ၊ ဆားတွေက အစပေါ့နော်။ ပြီးတော့ ရေသန့်ပေါ့။ ရေက လည်း အဆင်မပြေဘူးလို့ ပြောတယ်။ အခြေခံ ကျန်းမာရေး စောင့်ရှောက်မှုလည်း လိုတယ်လို့ ပြောတယ် ဆေးဝါးတွေပေါ့။ ပြောချင်တာက သူတို့ မိုးရေထဲမှာပဲ နေနေရတဲ့အချိန်မှာ အအေးမိတာတို့ ဘာတို့ ဖျားနာတာ တို့ ရှိတယ်လို့ပြောတယ်။ အဲ့တော့ အခြေခံ ဆေးဝါးတွေ လိုအပ်တယ်။ နောက်ပြီးတော့မှ ယာယီတဲ အနေနဲ့ပဲ ဖြစ်ဖြစ် ထိုးဖို့ အမိုးအကာတွေ လိုအပ်တယ်လို့ ပြောတယ်။ လက်ရှိ အနေထားမှာတော့ အကူအညီပေးမယ့်သူ မရောက်သေးဘူးလို့ ပြောလို့ရပါတယ်” ဟု ပြောသည်။   မိုးအဆက်မပြတ် ရွာသွန်းမှုကြောင့် မေလ ၃၁ ရက်နေ့မှ စတင်၍ ရေကြီးခဲ့ပြီး နေအိမ်၊ အသုံးအဆောင် ပစ္စည်း များ ပျက်စီးကာ စုဆောင်းထားသည့် စားနပ်ရိက္ခာများလည်း ဆုံးရှုံးမှုရှိခဲ့သည်ဟု ပလက်ဝ လူသားချင်းစာနာ ကူညီရေးဌာနမှ ဇွန်လ ၁ ရက်နေ့တွင် ထုတ်ပြန်ထားသည်။   ကုလားတန်မြစ် ရေကြီးမှုကြောင့် ကာကီ စစ်ရှောင်စခန်းတွင် နေအိမ် ၆၉ လုံး၊ တွီဒင်း စစ်ရှောင်စခန်းတွင် အိမ် ခြေ ၁၈ လုံး ပျက်စီးသွားခဲ့ပြီး လူဦးရေ ၆၆၉ ဦး ရေဘေးသင့်ခဲ့သည်ဟု ပလက်ဝ လူသားချင်း စာနာကူညီရေး ဌာန တာဝန်ရှိသူက ပြောသည်။   လက်ရှိ ရေကြီးမှုကြောင့် မြစ်ကမ်းနားတွင် နေထိုင်ကြသည့် စစ်ဘေးရှောင် ပြည်သူများသည် တွီဒင်းကျေးရွာ အတွင်းရှိ နီးစပ်ရာ နေအိမ်များ၊ ကျေးရွာအတွင်းက ခန်းမ နေရာများ၌ အရေးပေါ် ပြောင်းရွှေ့နေကြရသည်ဟု ဆိုသည်။   မိုးအဆက်မပြတ် ရွာသွန်းမှုကြောင့် ကုလားတန်မြစ်ရေသည် ယခင်နှစ်ကထက် ရေကြီးမှု ဖြစ်ပေါ်ခဲ့သည်ဟု ဒေသခံများက ဆိုသည်။   ထို့အပြင် ယခင်နှစ်မှ ထိုနေရာသို့ ပြောင်းရွှေ့လာသော စစ်ဘေးရှောင် နေအိမ်များသည် ရေနစ်မြုပ်မှုဒဏ်ကို ပို၍ခံခဲ့ရသည်ဟု ဆလိုင်းသန်းစိုးက ဆက်ပြောသည်။   “အခုက အရင်နှစ်တွေက ထက်ပိုပြီးမှ ရေတအားကြီးတာ။ ကြီးတဲ့ အခါကျတော့ ဒီနှစ်မှာ တော်တော် အထိ အခိုက်များတယ်လို့ ပြောလို့ရတယ်။ တွီဒင်းကျတော့ အရင်နှစ်တွေမှာ အဲဒီနေရာမှာ မဆောက်ဘူး။ ဒီနှစ်ကျမှပဲ ကွင်းပြင် အရမ်းကောင်းတဲ့ နေရာဖြစ်တော့ သူတို့အပေါ်ပိုင်းမှာ အဆင်မပြေ ဖြစ်တော့ သူတို့ ဆင်းလာတော့ ဒီနှစ်ကျမှပဲ တိုက်တိုက်ဆိုင်ဆိုင်ပေါ့။ နယ်မြေခံတွေ ပြောတဲ့အရဆို အဲဒီနေရာကို ရေမရောက်တာ တော်တော် ကြာပြီလို့ ပြောတယ်။ ရေတအားကြီးမှပဲ ရောက်တယ်လို့ ပြောတော့ တီတွင်းရဲ့ ကိစ္စမှာဆိုရင် ဒီနှစ်မှ ဆင်းလာ ပြီး ဒီနှစ်ကျမှပဲ ရေကြီးတော့ တော်တော်လေး ဖြစ်သွားတာပေါ့။”   ဇွန်လ ၁ ရက်နေ့မှစ၍ ရေအနည်းငယ် ပြန်ကျသွားခဲ့သော်လည်း ဇွန်လ ၂ ရက်နေ့ (ယနေ့) နံနက်ပိုင်းတွင် ရေပြန် တက်လာသောကြောင့် စစ်ရှောင်များက စိုးရိမ်နေကြသည်။   ရာသီဥတု အခြေအနေအရ မိုးအဆက်မပြတ် ဆက်ရွာသွန်းပါက ယခုထက်ပင် ရေထပ်ကြီးနိုင်သည်ဟု ဆိုကြ သည်။   အဆိုပါ ပလက်ဝဒေသမှ စစ်ဘေးရှောင်များသည် ၂၀၂၂ ခုနှစ် ဝန်းကျင်ကတည်းက လောင်တလိုင်ခရိုင်တွင် လာ ရောက် စစ်ရှောင်နေကြသူများ ဖြစ်သည်ဟု ဆိုသည်။   လောင်တလိုင် ခရိုင်မှာ မီဇိုရမ် ပြည်နယ် တောင်ဘက်စွန်းတွင်ရှိပြီး မြန်မာ၊ ဘင်္ဂလားဒေ့ရှ်တို့နှင့် နယ်စပ်ချင်း ထိစပ်လျက် ရှိသည်   မေလ ၃၁ ရက်နေ့တွင်လည်း မိုးသည်းထန်စွာ ရွာသွန်းမှုကြောင့် မြေပြိုပြီး ကျန်ဖိုင်းခရိုင်၊ ဗာဖိုင်းကျေးရွာတွင် စစ်ဘေးရှောင်နေသော ချင်းစစ်ဘေးရှောင် ကိုယ်၀န်ဆောင် အမျိုးသမီး အပါအ၀င် ၃ ဦး သေဆုံးခဲ့သည်ဟု ဒေသတွင်း သတင်း အရင်းအမြစ်များက ဆိုသည်။

ရေကြီးသဖြင့် အိန္ဒိယ-မြန်မာနယ်စပ် စစ်ရှောင်များ အကူအညီအရေးပေါ် လိုအပ်

ရေကြီးသဖြင့် အိန္ဒိယ-မြန်မာနယ်စပ် စစ်ရှောင်များ အကူအညီအရေးပေါ် လိုအပ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၂ ရက်။  အိန္ဒိယ - မြန်မာနယ်စပ…

  • June 2, 2025
ဖက်ဒရယ် ဥပဒေ အကယ်ဒမီ ဒီပလိုမာ လက်မှတ်များပေးအပ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၈ ရက်။ ကချင်လွတ်လပ်ရေးအဖွဲ့ KIO/KIA ထိန်းချုပ်ရာဒေသ ပညာရေးမြို့တော် မိုင်ဂျာယန်တွင် ဖွင့်လှစ်ထားသည့် ဖက်ဒရယ်ဥပဒေ အကယ်ဒမီ၏ ဥပဒေဒီပလိုမာ အပ်နှင်းခြင်း အခမ်းအနားကို ပြုလုပ်ခဲ့ကြောင်း ထုတ်ပြန်ချက်ကို အကယ်ဒမီ၏ လူမှု ကွန်ရက် အကောင့်တွင် ယနေ့ တင်ထားသည်။ ဥပဒေ ဒီပလိုမာ အပ်နှင်းခြင်း အခမ်းအနားကို မေလ ၁၇ ရက်နေ့ က ပြုလုပ်ခဲ့ခြင်းဖြစ်ပြီး အမှတ်စဉ် ၄ မှ အမှတ်စဉ် ၈ အောင်မြင်သူများကို ပေးအပ်ခဲ့ခြင်းဖြစ်သည်။ ယခုပေးအပ်သည့် ဥပဒေဒီပလိုမာသည် ၂၀၂၀ ခုနှစ်မှ ၂၀၂၄ ခုနှစ် ပညာသင်နှစ်တွင် အောင်မြင်သူများကို ပေးအပ်ခဲ့ခြင်းဖြစ်သည်ဟု ဆိုသည်။

ဖက်ဒရယ် ဥပဒေ အကယ်ဒမီ ဒီပလိုမာ လက်မှတ်များပေးအပ်

ဖက်ဒရယ် ဥပဒေ အကယ်ဒမီ ဒီပလိုမာ လက်မှတ်များပေးအပ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၈ ရက်။ ကချင်လွတ်လပ်ရေးအဖွဲ့ KIO/KIA ထိန်းချုပ်ရာဒေသ …

  • May 28, 2025
မင်္ဂလာဆောင် ဗုံးကြဲမှု သတို့သမီးနှင့် အခြား အရပ်သား ၁၂ ဦး သေဆုံး ဟု KNU ထုတ်ပြန်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၇ ရက်။   ပဲခူးတိုင်းအရှေ့ခြမ်းဒေသအတွင်း မင်္ဂလာဆောင် လေကြောင်း ဗုံးကြဲခံရမှု၌ သတို့သမီး အပါအဝင် အရပ်သား ၁၂ ဦး သေဆုံးခဲ့သည်ဟု ကရင်အမျိုးသားအစည်းအရုံး KNU က ထုတ်ပြန် သည်။   ပဲခူးတိုင်းအရှေ့ခြမ်း၊ ကျောက်ကြီးမြို့နယ်ထဲက ကျွန်းကြီးကျေးရွာက မင်္ဂလာဆောင်တွင် သေဆုံးသူ အရပ်သား ၁၂ ဦးထဲ၌ ကလေး ၂ ဦးလည်း ပါဝင်သည်ဟု ကရင်အမျိုးသား အစည်းအရုံး KNU (ဗဟို) က မေလ ၂၆ ရက်နေ့တွင် ထုတ်ပြန်သည်။   ဒေသခံ အမျိုးသား တစ်ဦးက “တိုက်ပွဲလည်း မဖြစ်ဘူး၊ ဘာမှ မဖြစ်ဘဲ လာကြဲသွားတာ လေယာဉ်နဲ့။ အဲ့မှာ စစချင်း သေစာရင်းက ၆ ယောက်နော်၊ နောက်ထပ် နှစ်ထပ်ယောက် ထပ်သေ တယ်။ အဲ့တော့ ပွဲချင်းပြီးက ၈ ယောက် ဖြစ်သွားတယ်။ မင်္ဂလာဆောင်ပွဲလုပ်တဲ့ နေရာမှာတင် သေတာကို ပြောတာပါ။ အဲ့မှာ သေတဲ့ထဲ ကလေးလည်း ပါတယ်။ နောက်ထပ် သေတဲ့ ၄ ယောက်က ဒဏ်ရာ ရတဲ့အထဲက ပြင်းထန်တဲ့ လူနာတွေ ထပ် သေသွားတာပါ။ မင်္ဂလာဆောင်နေရာမှာ သေတဲ့ထဲ သတို့သမီးလည်း ပါတယ်လေ” ဟု ပြောသည်။   ကျွန်းကြီးကျေးရွာ မင်္ဂလာဆောင်ကို စစ်ကောင်စီလေတပ်က မေလ ၂၅ ရက်နေ့၊ နံနက်ပိုင်း အချိန်တွင် လေယာဉ် နှင့် ဗုံးကြဲတိုက်ခိုက်ခဲ့ရာ မင်္ဂလာပွဲ လာသူများ အပါအဝင် ၈ ဦး နေရာမှာတင် သေဆုံးခဲ့ရပြီး ဒဏ်ရာရသူတွေထဲ မှ ၄ ဦး ထပ်မံသေဆုံးခဲ့သည်ဟု KNU ၏ ထုတ်ပြန်ချက်က ဆိုသည်။   ထို့အပြင် KNU ၏ ထုတ်ပြန်ချက်အရ ကလေးငယ် ၁၃ ဦး အပါအဝင် အရပ်သား ၃၇ ဦး ပြင်းထန် ဒဏ်ရာများ ရရှိခဲ့ပြီး အရပ်သား နေအိမ်အချို့နှင့် ကျွန်းကြီးကျေးရွာ အလယ်တန်းကျောင်းဝန်း နေရာများ ပျက်စီးခဲ့သည်ဟု သိရသည်။   ဒေသတွင်း တိုက်ပွဲတစ်စုံတစ်ရာ မဖြစ်ဘဲ စစ်ကောင်စီလေတပ်က အရပ်သားနေရာများကို  ပစ်မှတ်ထားကာ ဗုံးကြဲတိုက်ခိုက်နေခြင်း ဖြစ်သည်ဟု မြေပြင်သတင်းအရင်းအမြစ်များနှင့် ဒေသခံများက ပြောသည်။   မြေပြင် သတင်းအရင်းအမြစ် တစ်ဦးက “ဒီနေရာက အရင်ကလည်း တိုက်ပွဲဖြစ်တာမျိုး မရှိဖူးဘူး။ တမင်လာ ကြဲတယ်လို့ ပြောလို့ရတယ်။ အရပ်သား မင်္ဂလာဆောင်ပါ။ သူတို့ တယ်ရီဂရမ်မှာ ဖြန့်နေသလိုမျိုး KNU ရဲ့ မင်္ဂလာဆောင်၊ PDF တွေရဲ့ မင်္ဂလာဆောင် ဆိုတာ လုံးဝမဟုတ်ပါဘူး။ အခု လာကြဲခံရတဲ့နေရာမှာ တိုက်ပွဲ မဖြစ်တာ နှစ်နှစ်ကျော်နေပါပြီ။ စစ်တပ်လည်း မရှိဘူး” ဟု ပြောသည်။   ကျွန်းကြီးကျေးရွာကို မေလ ၂၅ ရက်နေ့၊ နံနက် ၉ နာရီအချိန်ခန့်တွင် စစ်ကောင်စီတပ်မှ ဂျက်ဖိုက်တာ တစ်စင်း ဖြင့် မင်္ဂလာပွဲကျင်းပသည့် နေရာနှင့် အနီးဝန်းကျင်ကို ဗုံးနှသ်လုံး ကြဲချ တိုက်ခိုက်မှုကြောင့် အရပ်သား ပြည်သူ များ သေဆုံးခဲ့သည့်အပြင် နေအိမ် ၁၁ လုံး၊ ဈေးဆိုင် ၁ ဆိုင်၊ တဲ ၁ လုံးနှင့် စာသင်ကျောင်းခြံ ပါ ပျက်စီးခဲ့ရ သည်ဟု KNU က ဆိုသည်။   ယခု လေကြောင်းမှ တိုက်ခိုက်ခံရသည့် ကျောက်ကြီးမြို့နယ်ထဲက ကျွန်းကြီးကျေးရွာ နေရာသည် KNU တပ်မဟာ (၃) လှုပ်ရှားရာ နေရာဖြစ်ပြီး တိုက်ပွဲမရှိသည်မှာ နှစ်နှစ်ခန့်ရှိပြီဟု ဆိုသည်။   သို့သော် KNU တပ်မဟာ (၃) နယ်မြေထဲက ပဲခူးတိုင်း ရွှေကျင်မြို့နယ်တွင်မူ စစ်ကောင်စီ၏ တပ်စခန်းများကို ကရင် အမျိုးသားအစည်းအရုံး (KNU)၊ ပြည်သူ့ကာကွယ်ရေးတပ်မတော် PDF ပူးပေါင်းတပ်များက ထိုးစစ် ဆင်တိုက်ခိုက်လျှက်ရှိရာ မေလ ပထမပတ်မှ စတင်၍ ယနေ့အချိန်ထိ တိုက်ပွဲများ ပြင်းထန်နေသည်။

မင်္ဂလာဆောင် ဗုံးကြဲမှု သတို့သမီးနှင့် အခြား အရပ်သား ၁၂ ဦး သေဆုံး ဟု KNU ထုတ်ပြန်

မင်္ဂလာဆောင် ဗုံးကြဲမှု သတို့သမီးနှင့် အခြား အရပ်သား ၁၂ ဦး သေဆုံး ဟု KNU ထုတ်ပြန် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၇ ရက်။  ပဲခူးတိုင…

  • May 27, 2025
တမူး ပကဖ ရဲဘော် ၁၀ ဦး အသတ်ခံရမှု၊ အမှုမှန် မပေါ်ပေါက်မည်ကို မိသားစုများ စိုးရိမ်။   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၇ ရက်။   တမူး ပကဖ - ရဲဘော် ၁၀ ဦး အသတ်ခံရမှုနှင့် ပတ်သက်၍ အမှုမှန်ပေါ်ပေါက်ရေး ဆောင်ရွက် ပေးရန် မိသားစု ဝင်များနှင့် ဒေသခံများက ဆန္ဒထုတ် ဖော်တောင်းဆိုလိုက်သည်။   စစ်ကိုင်းတိုင်း၊ တမူးခရိုင်ထဲမှ ပြည်သူ့ကာကွယ်ရေး အဖွဲ့ (တမူး-ပကဖ) မှ ရဲဘော် ၁၀ ဦး အသတ်ခံလိုက် ရခြင်း ဖြစ်သည်။ အဆိုပါ ကိစ္စနှင့် ပတ်သက်၍ အမှုမှန်ပေါ်ပေါက်ရေး မေလ ၂၆ ရက်နေ့က ဆန္ဒထုတ်ဖော်ခဲ့ကြ ခြင်း ဖြစ်သည်။   မိသားစုနှင့် နီးစပ်သူ တစ်ဦးက “အဓိကက အမှုမှန်ပေါ်ပေါက်အောင် လုပ်ပေးဖို့ပါ။ အခုက လူ ၁၀ ယောက် အသတ်ခံလိုက်ရတာကို ဒီတိုင်း ထိုင်စောင့်နေရတာမျိုး ဖြစ်နေတယ်။ NUG က ထုတ်ပြန်ထားတာလည်း တွေ့ ပါတယ်။ ကျနော်တို့ ဒေသထဲက လူကြီးတွေလည်း အားလုံးပေါ့နော် ဒီထက်ပိုပြီး အလုပ်လုပ်ပေးဖို့ တောင်းဆို ချင်ပါတယ်။ သိပ်မကြာခင် လူတွေက ဒီသတင်းကိုလည်း မေ့သွားကြတော့မှာ။ နောက်တစ်ခေါက် ထပ်ပြီး မဖြစ်လာနိုင်ဘူးလို့လည်း ဘယ်သူမှ အာမ မခံနိုင်ဘူးလေ” ဟု ပြောသည်။   အသတ်ခံလိုက်ရသည့် ရဲ ဘော်များ၏ ဓါတ်ပုံများကို ကိုင် ဆောင်၍ အမှုမှန်ပေါ်ပေါက်ရေး ဆောင်ရွက်ပေးရန် ဆန္ဒထုတ် ဖော်ကြသည်။   သေဆုံး ပကဖ ရဲဘော်များ၏ အလောင်းများအား မျက်မြင်တွေ့ရှိသူ တစ်ဦးက “ဒီလူတွေက တော်လှန်ရေး ရဲဘော်တွေဆိုတာ တံဆိပ်တွေ ဘာတွေ တွေ့တာနဲ့ သိသာနေတာပဲလေ။ အခုက ဒီလိုမျိုး လုံးဝမလုပ်သင့်ဘူး။ သူတို့ တော်တော်ရက်စက်တယ်၊ ရဲဘော်တွေ နှိပ်စက်ခံရပြီး သေတာ ရစရာကို မရှိဘူး။ ဘယ်သူ ဘယ်ဝါမှန်း တောင် မသိလောက်အောင် ဒဏ်ရာတွေနဲ့။ ခေါင်းတွေကိုလည်း အရိုက်ထားရတယ်၊ နှိပ်စက်ထားတာ တော် တော်ဆိုးတယ်” ဟု ပြောသည်။   မေလ ၁၄ ရက်နေ့ဝန်းကျင်က တမူးမြို့နယ်နှင့် ထိစပ်နေသည့် အိန္ဒိယ-မြန်မာ နှစ်နိုင်ငံနယ်စပ်အနီး တစ်နေရာတွင် တမူး ခရိုင် ပြည်သူ့ကာကွယ်ရေး အဖွဲ့မှ ရဲဘော်များကို အိန္ဒိယနိုင်ငံ၊ အာသံရိုင်ဖယ်တပ်ဖွဲ့က ဖမ်းဆီးခေါ်ဆောင် သွားပြီးနောက် ပစ်ခတ် သတ်ဖြတ်ခဲ့ကြခြင်း ဖြစ်သည်။   အိန္ဒိယ စစ်သားများသည် မြန်မာနယ်နိမိတ်အတွင်းရှိ တမူးပြည်သူ့ကာကွယ်ရေး တပ်ဖွဲ့ဝင်များကို အိန္ဒိယ နယ်နိ မိတ်အတွင်း ဖမ်းခေါ်သွားပြီးနောက် ပစ်သတ်ခဲ့ခြင်းဖြစ်သည်ဟု တမူးခရိုင် - ပကဖအဖွဲ့ တာဝန်ရှိသူက သတင်းမီဒီယာများတွင် ဖြေကြားထားသည်။   အသက် ၁၈ နှစ်မှ ၃၄ နှစ်ကြား တမူးခရိုင် ရဲဘော် ၁၀ ဦး၏ ခန္ဓာကိုယ်တွင် ဓါးဒဏ်ရာဒဏ်ချက်များ အပါအဝင် နှိပ်စက်ညှင်းပမ်းထားသည့် ဒဏ်ရာများ တွေ့ရှိရကြောင်း တမူးခရိုင် ပအဖအဖွဲ့ တာဝန်ရှိသူ၏ ပြောပြချက်အရ သိရသည်။   တမူး ပကဖ - ရဲဘော် ၁၀ ဦး အသတ်ခံရသည့် ကိစ္စနှင့် ပတ်သက်၍ စုံစမ်းအရေးယူပေးရန် အိန္ဒိယအစိုးရကို အမျိုးသား ညီညွတ်ရေး အစိုးရ NUG ၏ နိုင်ငံခြားရေးဝန်ကြီးဌာနကလည်း မေလ ၂၀ ရက်နေ့တွင် ထုတ်ပြန် တောင်းဆိုထားသည်။   တမူးခရိုင်၊ ပြည်သူ့ကာကွယ်ရေး အဖွဲ့မှ ရဲဘော်များမှာ ယာယီ စခန်းရွှေ့ပြောင်းခြင်းနှင့် ပတ်သက်၍ သတင်း ကြိုပေးထားသည့် ကြားမှ ဖမ်းဆီးသတ်ဖြတ်ခံရခြင်း ဖြစ်သည်ဟု NUG ဆိုသည်။   အိန္ဒိယအစိုးရအနဖြင့် အဆိုပါကိစ္စနှင့် ပတ်သက်၍ စုံစမ်းစစ်ဆေးပေးရန်နှင့် အပြစ်ပေးအရေးယူ ဖြေရှင်းပေးရန် NUG၊ နိုင်ငံခြားရေးဝန်ကြီးဌာနက ထုတ်ပြန်တောင်းဆိုထားသည်။ သို့သော် ယနေ့အချိန်ထိ အိန္ဒိယဘက်မှ တစ်စုံတစ်ရာ တုန့်ပြန်လာခြင်းမျိုး မရှိသေးပေ။   အိန္ဒိယနိုင်ငံဘက်က သတင်းဌာနများ၏ အဆိုအရ မေလ ၁၄ ရက်နေ့တွင် အိန္ဒိယ – မြန်မာနယ်စပ်၊ မဏိပူရပြည် နယ်၊ ချန်ဒဲလ် (Chandel) ခရိုင်၌ အာသံ ရိုင်ဖယ်တပ်နှင့် မြန်မာဘက်က လက်နက်ကိုင်အဖွဲ့တို့ကြား ပစ်ခတ်မှု ဖြစ်ခဲ့သည်ဟု ဆိုသည်။   ချန်ဒဲလ်ခရိုင်ထဲက နယူးဆမ်တာကျေးရွာအနီး လက်နက်ကိုင်များ လှုပ်ရှားနေကြောင်း သတင်းအရ မေလ ၁၄ ရက်နေ့တွင် အာသံရိုင်ဖယ် စစ်တပ်က စစ်ဆင်ရေးလုပ်ရာ လူ ၁၀ ဦး သေဆုံးပြီး လက်နက်ခဲယမ်းများ သိမ်း ဆည်းရမိကြောင်း အိန္ဒိယစစ်တပ် အရှေ့ပိုင်းတိုင်းစစ်ဌာနချုပ်က ၎င်းတို့၏ လူမှုကွန်ရက်စာမျက်နှာ၌ ဖော်ပြခဲ့ သည်။   မြန်မာ - အိန္ဒိယနှစ်နိုင်ငံနယ်စပ်ရှိ စစ်ကိုင်းတိုင်း၊ တမူးခရိုင်၊ ကမ္မကြီးကျေးရွာအနီး ယာယီစခန်းပြောင်းရွှေ့ လာသည့် NUG လက်အောက်ခံ ပြည်သူ့ကာကွယ်ရေးအဖွဲ့ (ပကဖ) မှ ရဲဘော်များက မေလ ၁၆ ရက်နေ့တွင် အာသံရိုင်ဖယ်အဖွဲ့က ရုပ်အလောင်းများ လာယူရန် ပြောဆိုပြီးနောက် သွားထုတ်ယူခဲ့ကြခြင်း ဖြစ်သည်။

တမူး ပကဖ ရဲဘော် ၁၀ ဦး အသတ်ခံရမှု၊ အမှုမှန် မပေါ်ပေါက်မည်ကို မိသားစုများ စိုးရိမ်။ 

တမူး ပကဖ ရဲဘော် ၁၀ ဦး အသတ်ခံရမှု၊ အမှုမှန် မပေါ်ပေါက်မည်ကို မိသားစုများ စိုးရိမ်။  သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၇ ရက်။ တမူး ပကဖ -…

  • May 27, 2025
လက်နက်ကိုင် အင်အားစုများ မဟာမိတ်စုဖွဲ့ရေး ဆွေးနွေး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၆ ရက်။   မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF နှင့် လူထုတော် လှန်ရေး မဟာ မိတ် အင်အားစု (PRA-Magway) တို့ မေလ ၂၅ ရက်နေ့က ပထမဆုံးအကြိမ် တွေ့ဆုံဆွေးနွေးခဲ့ကြသည်။   ဆွေးနွေးပွဲတွင် ပြန့်ကျဲနေသည့် လက်နက်ကိုင် တော်လှန်ရေး အစုအဖွဲ့များ စုစည်းရေးနှင့် မဟာမိတ်ဆိုင်ရာ စုဖွဲ့တည်ဆောက် ရေးကို ဆွေးနွေးခဲကြသည်ဟု မေလ ၂၆ ရက်နေ့ (ယနေ့) တွင် အသိပေး ထုတ်ပြန်ထားသည်။   တွေ့ဆုံဆွေးနွေးမှုများနှင့် ပတ်သက်၍ အဖွဲ့ ၂ ဖွဲ့၏ ပူးတွဲထုတ်ပြန် ချက်ထဲတွင် “အထူးသဖြင့် ပြန့်ကျဲနေသည့် လက်နက်ကိုင် တော်လှန်ရေး အင်အားစု အဖွဲ့အစည်း အသီးသီးအား စုစည်းရေးနှင့် မဟာမိတ်ဆိုင်ရာ စုဖွဲ့တည်ဆောက်ရေး လုပ်ငန်းစဉ်များ လိုအပ်သည့် အချက်ကို အလေးထား၍ ရင်းနှီးပွင့်လင်းစွာ ဆွေးနွေးခဲ့ ကြကြောင်း ပူးတွဲ သတင်းထုတ်ပြန်အပ်ပါသည်” ဟု ပါရှိသည်။   ထို့အပြင် နွေဦးတော်လှန်ရေး စတင်ချိန်မှ လက်ရှိအချိန်အတွင်း နိုင်ငံရေးဖြစ်ထွန်းမှု အခြေအနေများကိုလည်း သုံးသပ်ခဲ့ကြပြီး စစ်အာဏာရှင် စနစ်တိုက်ဖျက်ရေး၊ နိုင်ငံရေး၊ စစ်ရေး ဆိုင်ရာ လုပ်ငန်းစဉ်များ အားကောင်းလာ စေရေးတို့ အတွက် လက်တလောလုပ်ငန်းစဉ်၊ ရှေ့လုပ်ငန်းစဉ်များကိုလည်း နှစ်ဖက်အပြန်အလှန် ဆွေးနွေး အမြင်ဖလှယ်ခဲ့ကြသည်ဟု ဆိုသည်။   တွေ့ဆုံဆွေးနွေးပွဲကို အွန်လိုင်းမှတစ်ဆင့် ပြုလုပ်ခဲ့ကြပြီး ABSDF ဖက်က ဗဟိုစစ်ကော်မရှင် ဥက္ကဋ္ဌ ရဲဘော်သံခဲ ဦးဆောင်သော ကိုယ်စားလှယ်အဖွဲ့များနှင့် လူထုတော်လှန်ရေး မဟာမိတ် အင်အားစု(PRA-Magway) ဥက္ကဋ္ဌ ဖက်က ရဲဘော် နေမွန် ဦးဆောင်သော ဗဟိုကော်မတီ အဖွဲ့ဝင်များတက်ရောက်ခဲ့ကြသည်ဟု ထုတ်ပြန်ချက်အရ သိရသည်။

လက်နက်ကိုင် အင်အားစုများ မဟာမိတ်စုဖွဲ့ရေး ဆွေးနွေး

လက်နက်ကိုင် အင်အားစုများ မဟာမိတ်စုဖွဲ့ရေး ဆွေးနွေး သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၆ ရက်။ မြန်မာနိုင်ငံလုံးဆိုင်ရာ ကျောင်းသားများ ဒီ…

  • May 26, 2025
ပရာဒေါင်း ခေါင်းဆောင်များ လုံခြုံရေးကို လူထု စိတ်မချ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂၆ ရက်။   မြင်းမထိတောင်တွင် သတ္တုတူးဖော်သည့် ကိစ္စနှင့်ပတ်သက်၍ တွေ့ဆုံဆွေးနွေးမှုများကို အချိန်အကန့်အသတ်မရှိ ရပ်ဆိုင်းပေးရန် ပရာဒေါင်းဆွေးမျိုးစုဖက်က ကယန်းပြည်သစ်ဗဟိုကော်မတီဝင်များထံသို့ အသိပေးတောင်း ဆို လိုက်သည်။   မြင်းမထိတောင်တွင် သတ္တုတူးဖော်သည့် ကိစ္စနှင့်ပတ်သက်၍ မေလ ၂၆ ရက်နေ့(ယနေ့)တွင် လေးပွင့်ကြယ် ကုမ္ပဏီ၊ ကယန်းပြည် သစ် ဗဟိုကော်မတီနှင့် ပရာဒေါင်းဆွေမျိုးစုများ တွေ့ဆုံဆွေးနွေးရန် သဘောတူထားကြ သော်လည်း တွေ့ဆုံ ဆွေးနွေးမှုကို အချိန်အကန့်မရှိ ရပ်ဆိုင်ပေးရန် ပရာဒေါင်းဆွေမျိုးစုများဖက်က ကယန်း ပြည်သစ်ဗဟို ကော်မတီ ဝင်များထံသို့ မေလ ၂၆ ရက်နေ့ (ယနေ့)တွင် စာပေးပို့ တောင်းဆိုလိုက်ခြင်းဖြစ်သည်။   ပရာဒေါင်းဆွေမျိုးစု ဒေသခံတစ်ဦးက “ဒီရက်တွေ့ဆုံဆွေးနွေးမှုက ကျနော်တို့ဖက်က လူထုရဲ့သဘော ထား ဆန္ဒကြောင့် ကျနော်တို့တော့ မတက်ဖြစ်ဘူး။ ရပ်ဆိုင်းပေးဖို့တောင်းဆိုတာက ဆွေမျိုးစုခေါင်း ဆောင်ကိုဖမ်းပြီ းပြန်လွတ်မြောက်တာလည်း ပူပူနွေးနွေးပဲရှိသေးတဲ့အတွက်ကြောင့် လူထုက ဆွေမျိုးစု ခေါင်းဆောင်တွေ အတွက် စိတ်မချ စိတ်ပူ နေသေးတဲ့ သဘောပါ” ဟု ပြောသည်။   မေလ ၂၀ ရက်နေ့က ကယန်းပြည်သစ်ဗဟိုကော်မတီဝင်များ၏ ကြားဝင်စေ့စပ်ပေးခဲ့မှုကြောင့် ပရာဒေါင်း ဆွေမျိုးစုနှင့် လေးပွင့်ကြယ် ကုမ္ပဏီအကြား ပဏာမ သဘောတူညီချက် ၇ ချက်ရရှိခဲ့ပြီး နံပါတ် ၆ အချက်တွင် မေလ ၂၆ ရက်နေ့(ယနေ့)တွင် ကယန်းပြည်သစ် ဗဟိုဌာနချုပ်တွင် ပြန်လည်တွေ့ဆုံဆွေးနွေးရန် သဘောတူညီ ထားကြသည်။   မေလ ၂၀ ရက်နေ့က သဘောတူညီချက်များနှင့်ပတ်သက်၍ ပြန်လည်တွေ့ဆုံဆွေးနွေးမည်ဆိုသည့် အချက်ကိုသာ သိရပြီး ကျန်သဘောတူညီချက်များကို ပရာဒေါင်းဆွေမျိုးစု ခေါင်းဆောင်များနှင့် လေးပွင် ကြယ်ကုမ္ပဏီ၊ ကယန်းပြည်သစ်ဗဟိုကော်မတီဝင်များက တရားဝင်ထုတ်ဖော်ပြောဆိုခြင်း မရှိသေးပေ။ 

မြင်းမထိတောင် သတ္တုတူးဖော်ရေးလုပ်ငန်းသည် ရှမ်းပြည်နယ် တောင်ပိုင်း၊ ဖယ်ခုံမြို့နယ်၊ ကယန်းဒေသ သိကျိတ်ကျေးရွာအုပ်စုတွင် တည်ရှိပြီး လေးပွင့်ကြယ်ကုမ္ပဏီနှင့် တရုတ်မာစတာဝမ်ကုမ္ပဏီတို့က အကြီးစား သတ္တုတူးဖော်မှုများကို လုပ်ဆောင်နေသည်။   သတ္တုတူးဖော်မှုများကို ရပ်တန့်ပေးရန် ဦးဆောင်တောင်းဆိုခဲ့သည့် ပရာဒေါင်းဆွေမျိုးစု ဥက္ကဋ္ဌ ခွန်းအောင်နိုင်စိုး၊ ဒု-ဥက္ကဋ္ဌ ဦးဘမောင်၊ ပရာဒေါင်းဆွေမျိုးစုလူငယ် အတွင်းရေးမှူး ခွန်းခိုင်မင်းနိုင်နှင့် နာယက ဦးအားဒို တို့ကို မေလ ၁၆ ရက်နေ့က သိကျိတ်ကျေးရွာ၊ ငိန်းကယန်းထန် (ခေါ်) ဦးရွှေအေးရဲ့နေအိမ်တွင် လေးပွင့်ကြယ်ကုမ္ပဏီ လုံခြုံရေးတပ်ဖွဲ့က လာရောက်ဖမ်းဆီးခေါ်ဆောင်သွားခဲ့ပြီး ၅ ရက်အကြာ မေလ ၂၀ ရက်နေ့တွင် ကယန်း ပြည်သစ် ဗဟိုကော်မတီဝင်များ၏ ကြားဝင်စေ့စပ်ပေးမှုကြောင့် ပြန်လွှတ်လာခဲ့သည်။။   မြင်းမထိတောင်တွင် အကြီးစားသတ္တုတူးဖော်မှုကြောင့် အိမ်ခြေ ၃၀ ကျော်ရှိသည့် စခန်းကြီးရွာဟောင်းက ဒေသခံများသည် ရွာလုံးကျွတ် ရွှေ့ပြောင်းခဲ့ရသည်ဟု ပရာဒေါင်းဆွေမျိုးစုခေါင်းဆောင်များက ပြောသည်။ ထို့အပြင် အိမ်ခြေ ၃၀ ခန့်ရှိသည် ကုန်းဆုံကျေးရွာ၊ အိမ်ခြေ ၆၀ ကျော်ရှိသည့် စခန်းကြီးရွာသစ်နှင့် အိမ်ခြေ ၄၀၀ ခန့်ရှိသည့် သိကျိတ်ကျေးရွာများကိုလည်း အကြီးစားသတ္တုတူးဖော်မှုကြောင့် ဘေးဥပဒ်ဖြစ်စေနိုင်သည်ဟု ဆိုသည်။   ဒေသခံများ၏ဘဝများ ထိခိုက်ပျက်စီးလာနိုင်သည့် အခြေအနေများကြောင့်  မြင်းမထိတောင်က သတ္တုတူးဖော် မှုများကို ကန့်ကွက်သလို လုံးဝ ရပ်တန့်အောင်လည်း လူထုအားနှင့် ဆက်ပြီး ကြိုးပမ်းသွားမည်ဟု လေးပွင့် ကြယ်ကုမ္ပဏီ လုံခြုံရေးတပ်ဖွဲ့များ၏ ဖမ်းဆီးမှုမှ ပြန်လည်လွတ်မြောက်လာသူများက ပြောသည်။   ဓာတ်ပုံ-ပရာဒေါင်းလူငယ်

ပရာဒေါင်း ခေါင်းဆောင်များ လုံခြုံရေးကို လူထု စိတ်မချ

ပရာဒေါင်း ခေါင်းဆောင်များ လုံခြုံရေးကို လူထု စိတ်မချ သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂၆ ရက်။ မြင်းမထိတောင်တွင် သတ္တုတူးဖော်သည့် ကိစ္စ…

  • May 26, 2025
×Close