သတင်း

KNU က တနင်္လာရီတိုင်းတွင် နယ်စပ်စခန်းတခု သိမ်းပိုက်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၀ ရက်။   KNLA နှင့် တော်လှန်ရေးပူးပေါင်းတပ်များက KNU တပ်မဟာ ၄ မြိတ်-ထားဝယ်ခရိုင် ထိုင်း-မြန်မာနယ်စပ်ရှိ စစ်ကောင်စီတပ်၏ အမိုနယ်စပ် ရှေ့တန်းစခန်းကို ဇွန်လ ၁၀ ရက်နေ့ (ယနေ့)တွင် တိုက်ခိုက်သိမ်းပိုက်လိုက် သည်ဟု KNU က ထုတ်ပြန်သည်။   အမိုနယ်စပ်စခန်း (ခေါ်)  ပွိုင့် ၂၅၆၆ စခန်းကို KNLA နှင့် ပူးပေါင်းတပ်များက ဇွန်လ ၈ ရက်နေ့က စတင်တိုက်ခိုက်ခဲ့ပြီး ဇွန်လ ၁၀ ရက်နေ့(ယနေ့) တွင် အပြီးသတ် သိမ်းပိုက်နိုင်ခဲ့သည်။   စခန်းသိမ်းတိုက်ပွဲအတွင်း စစ်ကောင်စီတပ်၏ လက်နက်ခဲယမ်းများကိုလည်း သိမ်းယူ ရရှိခဲ့သည်။   အဆိုပါ တပ်စခန်းသည် ၁၉၉၇ က စစ်ကောင်စီက ဝင်ရောက်ကျူးကျော်တပ်စွဲထားသည့် စခန်းဖြစ်သည်ဟု KNU က ဆိုသည်။   ပြီးခဲ့သည့် ဧပြီ ၁၉ ရက်နေ့ကလည်း KNLA နှင့် ပူးပေါင်းတပ်များက ထိုင်း-မြန်မာနယ်စပ်ရှိ စစ်ကောင်စီတပ်၏ ထီးထဗျူဟာတပ်စခန်းကို သိမ်းပိုက်ခဲ့သကဲ့သသို့ မေလ ၉ ရက်နေ့ကလည်းထီးခီးဗျူဟာ စခန်းကို တိုက်ခိုက် သိမ်းပိုက်ခဲ့သည်။   အဆိုပါ တပ်စခန်းများသည် ထိုင်း-မြန်မာနယ်စပ်တွင် တည်ရှိပြီး စစ်ကောင်စီတပ်၏ အလွန်အရေးပါသော တပ်စခန်းများဖြစ်သည်။

KNU က တနင်္သာတိုင်းတွင် နယ်စပ်စခန်းတခု သိမ်းပိုက်

KNU က တနင်္သာတိုင်းတွင် နယ်စပ်စခန်းတခု သိမ်းပိုက် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၁၀ ရက်။ KNLA နှင့် တော်လှန်ရေးပူးပေါင်းတပ်များက K…

  • June 10, 2025
စဉ့်ကူးတွင် လေကြောင်းတိုက်ခိုက်မှုကြောင့် အမျိုးသမီး ၁ ဦးသေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၉ ရက်။   မန္တလေးတိုင်း၊ စဉ့်ကူးမြို့နယ်တွင် စစ်ကောင်စီတပ်၏ လေကြောင်းတိုက်ခိုက်မှုကြောင့် ဒေသခံ အမျိုးသမီး ၁ ဦးသေဆုံးပြီး ၃ ဦး ထိခိုက်ဒဏ်ရာ ရရှိခဲ့သည်ဟု ပြည်သူ့ကာ ကွယ်ရေးအဖွဲ့ ပြင်ဦးလွင်ခရိုင်က မေလ ၉ ရက်နေ့ (ယနေ့) တွင် သတင်းထုတ်ပြန်သည်။   မန္တလေးတိုင်း စဉ့်ကူးမြို့နယ် ကျည်တောက်ပေါက်ရွာထဲက ဆေးရုံးဝင်းထဲကို စစ်ကောင်စီတပ်က ဇွန်လ ၉ ရက်နေ့ နံနက် ၅ နာရီ ၃၁ မိနစ်အချိန်တွင် တံတားဦး လေတပ်မှ ဂျက်ဖိုက်တာ နှင့် ပေါင် ၂၅၀ ဗုံးတစ်လုံး ကြဲချတိုက်ခိုက်ခဲ့ရာ ဒေသခံများ ထိမှန် သေဆုံး ဒဏ်ရာ ရရှိခဲ့ကြသည်ဟု ဆိုသည်   လေကြောင်းတိုက်ခိုက်မှုကြောင့် ဒေသခံ အမျိုးသမီး ၁ ဦးသေဆုံးပြီး ၃ ဦး ဒဏ်ရာရရှိခဲ့သည်။   ဒဏ်ရာ ရရှိခဲ့သည့် အမျိုးသမီး ၃ ဦး အနက် တစ်ဦးမှာ လက်ဖြတ်လိုက်ရပြီး ကျန် ၂ ဦးမှာ ပေါင်ထိမှန် ဒဏ်ရာ ရရှိခဲ့သည်ဟု ပြည်သူ့ကာ ကွယ်ရေးအဖွဲ့ ပြင်ဦးလွင်ခရိုင်၏ ထုတ်ပြန်ချက်အရ သိရသည်။   လူထိမှန်သေဆုံးခဲ့သည့်အပြင် အဆောက်အအုံ ၁ လုံးလည်း ထိမှန် ပျက်စီးခဲ့သည်ဟု ဆိုသည်။

စဉ့်ကူးတွင် လေကြောင်းတိုက်ခိုက်မှုကြောင့် အမျိုးသမီး ၁ ဦးသေ

စဉ့်ကူးတွင် လေကြောင်းတိုက်ခိုက်မှုကြောင့် အမျိုးသမီး ၁ ဦးသေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၉ ရက်။ မန္တလေးတိုင်း၊ စဉ့်ကူးမြို့နယ်တွ…

  • June 9, 2025
ဒေသခံ ၆ ထောင်ကျော် ဆီဆိုင်မြို့နယ်ထဲမှ မောင်းထုတ်ခံရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၉ ရက်။   ဆီဆိုင်မြို့နယ်ထဲက ဒေသခံ ၆ ထောင်ကျော်ကို ပအိုဝ်း ပြည်သူ့စစ်အဖွဲ့ (PNA) က မောင်းထုတ်နေသည်။   ရှမ်းပြည်တောင်ပိုင်း၊ ပအိုဝ်းကိုယ်ပိုင် အုပ်ချုပ်ခွင့်ရဒေသ၊ ဆီဆိုင်မြို့နယ်တွင် ဒေသခံ ၆ ထောင်ကျော်ကို စစ်ကောင်စီ လက်အောက်ခံ ပအိုဝ်းပြည်သူ့စစ်အဖွဲ့ (PNA) က မောင်းထုတ်နေသည်ဟု မြေပြင်တော်လှန်ရေး တပ်ဖွဲ့ဝင်များက ပြောသည်။   ပအိုဝ်းအမျိုးသား လွတ်မြောက်ရေးတပ်မတော် (PNLA) စစ်ဘက်ဆိုင်ရာ ပြောရေးဆိုခွင့်ရှိသူ ခွန်ရိန်းယံက “သူတို့ ဒီလိုလုပ်တာက တော်လှန်ရေးနဲ့ လူထုကို အဆက်အသွယ် ပြတ်အောင်ပေါ့လေ။ ထိစပ်မှုမရှိအောင် လုပ်ချင်တာပဲ ဖြစ်ပါတယ်” ဟု ပြောသည်။   ဆီဆိုင်မြို့နယ်ရှိ ကျေးရွာအုပ်စု ၂ စုမှ ဒေသခံများအား ဘုရားဖြူကျေးရွာ၊ မွေတော်ဘုရားဝင်း အတွင်းသို့ လာမည့် ဇွန်လ ၁၅ ရက်နေ့ နောက်ဆုံးထား၍ ပြောင်းရွှေ့ကြရန် ညွှန်ကြားထားခြင်း ဖြစ်သည်။   ခွန်ရိန်းယံက “ဒါက ပြည်သူလူထုရဲ့ ရပ်ရွာ ဥစ္စာ စည်းစိမ်ကို ဖျက်ဆီးချင်တဲ့ အတွက် ဒီလိုမျိုး လုပ်တယ်လို့ပဲ မြင်ပါတယ်။ PNO ဆိုတာက ပြည်သူလူထုကျွေးတဲ့ ထမင်းကို စားပြီးတော့မှ ပေါ်ပေါက်လာတဲ့အဖွဲ့ ဖြစ်ပါ တယ်။ သို့ပေမယ့်လည်း လက်ရှိချိန်မှာ ကိုယ်ကျိုးစီးပွားအတွက်နဲ့ ပြည်သူ့စစ်အဖြစ် ခံယူထားတဲ့အဖွဲ့ ဖြစ်တယ် ပေါ့နော်။ အခုတော့ ကိုယ်ကျိုးစီးပွားအတွက်နဲ့ ပြည်သူလူထုကို ပြန်လည်ပြီးတော့မှ မောင်းထုတ်နေတဲ့ အဖွဲ့ ဖြစ်ပြီလို့ ဒေသခံတွေ ပြောတဲ့အတိုင်း ပြောရမှာ ဖြစ်ပါတယ်” ဟု ဆက်ပြောသည်။   လက်ရှိ ထုတ်ပြန်ထားသည့် စာရင်းအရ ကျေးရွာအုပ်စု ၂ စုမှ တပူးထို၊ ကောင်ထို၊ လွယ်ငန်း၊ နောင်ဗို၊ ပင်စက်၊ တောင်ရှေ့၊ နောင်ထော်၊ ကလားလမ်း စသည့်ကျေးရွာများအပြင် ရွာပေါင်း ၁၂ ရွာပါဝင်သည်သည်။   ထို့အပြင် ဒေသခံများအား တောင်ယာ၊ စစ်ဘေးရှောင်စခန်း၊ အခြားရွာများအား သွားခွင့်မပြုသဖြင့် မွေတော် ဘုရားဝင်းအတွင်း၌ ရှိသည့် လူဦးရေနှင့် နေရာထိုင်ခင်း၊ စားနှပ်ရိက္ခာများ မလုံလောက်မည်ကို တွေးပူနေကြရ သည်ဟု ဒေသခံများက ဆိုသည်။   “ဒါက အဲဒီ ကျေးရွာတွေမှာရှိတဲ့ ပြည်သူလူထု အားလုံးကို ဖမ်းပြီးတော့မှ ထောင်ထဲထည့်လိုက်တာနဲ့ အတူတူပဲ ဖြစ်ပါတယ်။ ဒါ PNO အနေနဲ့ ပြန်စဉ်းစားရမှာ ဖြစ်ပါတယ်။ ကိုယ့်အဖွဲ့အစည်းက အစ တည်ထောင် စ ကတည်းက လူထုရဲ့ ထမင်းနဲ့ ကြီးထွားလာတဲ့ အဖွဲ့တွေ ဖြစ်တယ်ပေါ့နော်။ ခုကျတော့ ခရိုနီ နေဝင်းထွန်းရဲ့ အကျိုးစီးပွား ကို ကာကွယ်ရင်းနဲ့ ကိုယ့်ပအိုဝ်းလူထုကို ပြန်မောင်းထုတ်နေရတာ လုပ်ရက်ကြသလား ကိုယ့်ကို ပြန်မေးဖို့ လိုပါတယ်” ဟု ခွန်ရိန်းယံက ဆက်ပြောသည်။   အဆိုပါကျေးရွာများမှာ ယခင်က မကြာခဏ လက်နက်ကြီးနှင့် လေကြောင်းတိုက်ခိုက်မှုများ ကြုံခဲ့ရသော်လည်း ၂၀၂၅ ခုနှစ်အတွင်း စစ်ကောင်စီနှင့် PNA က ပြန်လည် ထိန်းချုပ်နိုင်ပြီး နောက်ပိုင်းတွင် စစ်မှုထမ်းခေါ်ယူခြင်းနှင့် စစ်အသုံးစရိတ်များ ကောက်ခံခြင်းများလည်း ပြုလုပ်လေ့ရှိသည်။   ဆီဆိုင်မြို့နှင့် နီးစပ်သည့် ပင်လောင်းမြို့တွင်လည်း လိုင်စင်မဲ့ မော်တော်ယာဉ်များအား စစ်ကောင်စီနှင့် ပအိုဝ်း ပြည်သူ့စစ်အဖွဲ့တို့က ဖမ်းဆီး၍ တစ်စီးလျှင် ငွေကျပ် သိန်း ၂၀ ဖြင့် ပြန်ရွေးခိုင်းနေသည်ဟုလည်း ဒေသခံများ ကြားတွင် ပြောဆိုနေကြသည်။

ဒေသခံ ၆ ထောင်ကျော် ဆီဆိုင်မြို့နယ်ထဲမှ မောင်းထုတ်ခံရ

ဒေသခံ ၆ ထောင်ကျော် ဆီဆိုင်မြို့နယ်ထဲမှ မောင်းထုတ်ခံရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၉ ရက်။  ဆီဆိုင်မြို့နယ်ထဲက ဒေသခံ ၆ ထောင်ကျော်…

  • June 9, 2025
တအာင်းပြည် အမြင့်ဆုံး အာဏာပိုင်အဖွဲ့ TLC ကို ဖွဲ့စည်းကြောင်း ကြေညာ သတင်းနှင့် မီဒီယာ ကွန်ရက်။ ၂၀၂၅ ခုနှစ် ၊ဇွန်လ ၉ ရက်။ တအာင်း အမျိုးသား လွတ်မြောက်ရေး တပ်မတော် (TNLA) သိမ်းပိုက်ထားသည့် နယ်မြေများတွင် အုပ်ချုပ်ရေး၊ တရားစီရင်ရေး နှင့် ဥပဒေ ပြုရေး အာဏာများကို ရယူထားမည့် တော်လှန်ရေး ကာလ ဦးဆောင် ကောင်စီ အဖွဲ့ကို ဖွဲ့စည်းလိုက်သည်။ ထိုအဖွဲ့ကို တအာင်းပြည် ကောင်စီ Ta’ang Land Council- TLC ဟု အမည်ပေးထားပြီး ပလောင်ပြည် လွတ်မြောက်ရေး တပ်ဦး PSLF/TNLA ၏ ဥက္ကဌ တားအိုက်ဘုန်းက ဥက္ကဌ အဖြစ် တာဝန်ယူသွားမည် ဖြစ်သည်။ တအာင်းအမျိုးသားများ၏ အဓိက နိုင်ငံရေး ဦးဆောင် အဖွဲ့ သုံးဖွဲ့ ဖြစ်သော တအာင်းအမျိုးသား ပါတီ TPC၊ ပလောင် (တအာင်း)ပြည် လွတ်မြောက်ရေး တပ်ဦး (PSLF/TNLA) နှင့် တအာင်းနိုင်ငံရေး အတိုင်ပင်ခံ ကော်မတီ TPCC တို့ တွေ့ဆုံကာ ဖွဲ့စည်းခဲ့ခြင်း ဖြစ်သည်ဟု ဇွန်လ ၉ ရက် (ယနေ့)တွင် ထုတ်ပြန်သည်။ TPCC ၏ ထုတ်ပြန်ချက်ထဲတွင် တအာင်း ပြည်နယ် ဖွဲ့စည်းပုံအခြေခံ ဥပဒေ ရေးဆွဲရေး ကော်မတီ TSCDC ရေးဆွဲထားသည့် Ta'ang Land Council - TLC ကို တအာင်းပြည်၏ တော်လှန်ရေးကာလတွင် အမြင့်ဆုံး နိုင်ငံရေး အာဏာပိုင်အဖွဲ့ အစည်း အဖြစ် ဖွဲ့စည်း ဆောင်ရွက်ရန် တညီ တညွှတ်တည်း ဆုံးဖြတ်ခဲ့ကြခြင်းဖြစ် သည်ဟု ရေးသားထားသည်။ TNLA က သိမ်းပိုက်ထားသည့် နယ်မြေများကို အခြေခံပြီး ၂၀၂၅ ခုနှစ်တွင် တအာင်းပြည်တော်လှန်ရေးကာလ ပြည်သူ့အစိုးရ တရပ်ကို ဆက်လက်ဖွဲ့စည်းနိုင်ရန် အမြန်ဆုံး ကြိုး ပမ်းဆောင်ရွက်သွားမည်ဖြစ်သည်ဟု TPCC ၏ ထုတ်ပြန်ချက်ထဲတွင် ထည့်သွင်းထားသည်။ လက်ရှိ တအာင်းပြည် ကောင်စီတွင် ဗိုလ်ချုပ်ကြီး တားအိုက်ဘုန်းက ဥက္ကဋ္ဌ အဖြစ် တာဝန်ယူ ဦးဆောင်သွားမည် ဖြစ်ပြီး ဒု-ဥက္ကဋ္ဌ - ၁ အဖြစ် လွေးမိုးခမ်း၊ ဒု-ဥက္ကဋ္ဌ - ၂ အဖြစ် တားအေးမောင်၊ အတွင်းရေးမှူးအဖြစ် လွေးပိုးကမေဲးခြိူဝ်း၊ တွဲဖက်အတွင်းရေးမှူးအဖြစ် ဗိုလ်ကြီး လွေးယေနှင့် အဖွဲ့ဝင်များအဖြစ် ဗိုလ်ချုပ်တားခူလန်း၊ တားအောင်ပေ၊ တားကြာထွန်း၊ လွေးမိုးလှိုင်တို့ ပါဝင်မည် ဖြစ်သည်။

တအာင်းပြည် အမြင့်ဆုံး အာဏာပိုင်အဖွဲ့ TLC ကို ဖွဲ့စည်းကြောင်း ကြေညာ

တအာင်းပြည် အမြင့်ဆုံး အာဏာပိုင်အဖွဲ့ TLC ကို ဖွဲ့စည်းကြောင်း ကြေညာ သတင်းနှင့် မီဒီယာ ကွန်ရက်။၂၀၂၅ ခုနှစ် ၊ဇွန်လ ၉ ရက်။  တအာင်း အမျိုးသား လွတ်မြေ…

  • June 9, 2025
ဩဂုတ်လကုန်တွင် စစ်ကောင်စီနှင့်တွေ့မည်ဟု TNLA ပြော   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၉ ရက်။   တရုတ်အစိုးရ၏ ကြားဝင်စီစဉ်မှုဖြင့် စစ်ကောင်စီ နှင့် ဩဂုတ်ကုန်တွင် ထပ်မံတွေ့ဆုံရန် ရှိသည်ဟု တအာင်း အမျိုးသား လွတ်မြောက်ရေး တပ်မတော် PSLF/TNLA တာဝန်ရှိသူက ပြောသည်။   ဩဂုတ်လကုန်၌ ထပ်မံ တွေ့ဆုံရာတွင် လက်ရှိပြည်သူများ ကြုံနေရသည့် အခက်အခဲများ ပြေလည်စေရန် အဓိက တောင်းဆိုသွားမည်ဟု ဆိုသည်။   PSLF/TNLA ၏ ပြန်ကြားရေးတာဝန်ခံ လွေးယေဦးက “ကျမတို့ ဆောင်ရွက်နေတဲ့ ဒီတွေ့ဆုံဆွေးနွေးပွဲကလည်း အဓိကကတော့ ပြည်သူလူထုတွေရဲ့ စားဝတ်နေရေးနဲ့ ပြည်သူလူထုတွေရဲ့ အကြပ်အတည်းကို ဆောင်ရွက်နိုင်ဖို့ ဖြစ်ပါတယ်” ဟု ဇွန်လ ၅ ရက်နေ့တွင် လုပ်သည့် အွန်လိုင်း သတင်းစာရှင်းလင်းပွဲ၌ ပြောသည်။   ‘၁၀၂၇’ စစ်ဆင်ရေး ဒုတိယပိုင်းအပြီးမှ စတင်၍ တရုတ်-မြန်မာ ထိစပ်နေသော နယ်စပ်ကုန်သွယ်ရေး ဂိတ်များ ကို တရုတ်နိုင်ငံက ၂၀၂၄ ခုနှစ် ဇွန်လ ကတည်းက ပိတ်ထားခဲ့သည်မှာ တစ်နှစ်ကျော်ရှိနေပြီ ဖြစ်သည်ဟု ဒေသခံ များက ပြောသည်။   ထိုသို့ နယ်စပ်ဂိတ်များ ပိတ်ဆို့ထားမှုကြောင့် ဒေသခံပြည်သူများ၏ စားဝတ်နေရေးနှင့် စီးပွားရေး အခြေအနေ မှာ ပိုမိုကြပ်တည်း ခက်ခဲလာနေပြီး အဆိုပါကိစ္စရပ်များ ပြေလည်လာစေရန် ဦးစားပေး တောင်းဆိုသွားမည်ဟု လွေးယေဦးက ဆက် ပြောသည်။   “ဆက်လက်ပြီးတော့မှ တွေ့ဆုံမယ် တွေ့ဆုံမှုတွေ ဖြစ်လာမယ် ဆိုရင် ဒီအချက်တွေ အပေါ်မှာပဲ အခြေခံပြီး တော့ ဆောင်ရွက်မှာ ဖြစ်ပါတယ်။ အဓိကကတော့ လူထုတွေရဲ့ အခက်အခဲ အကြပ်အတည်းတွေကို ရင်ဆိုင် ကျော် လွှားနိုင်ဖို့ပဲ ဖြစ်ပါတယ်။”   ဧပြီလ နောက်ဆုံးပတ်တွင် တရုတ်နိုင်ငံ ကူမင်း၌ လုပ်ခဲ့သည့် ဆွေးနွေးပွဲ၌ လေကြောင်းနှင့် ဒရုန်းများဖြင့် ဗုံးကြဲ ခြင်း၊ လက်နက်ကြီးများဖြင့် ပစ်ခတ်ခြင်း၊ စတင်ထိုးစစ်ဆင်ခြင်းများ မပြုလုပ်ဘဲ ရောက်နေသည့် နေရာတွင် ပစ်ခတ်တိုက်ခိုက်မှုများ အားလုံး ရပ်တန့်ရန်၊ တရုတ်-မြန်မာ နယ်စပ် ကုန်သွယ်ရေး လမ်းကြောင်းများ ပြန်လည် ဖွင့်လှစ်နိုင်ရန် TNLA ဘက်က တောင်းဆိုခဲ့သည်ဟု ဆိုသည်။   စစ်ကောင်စီ ဘက်မှလည်း TNLA က သိမ်းပိုက်ထားသည့် နောင်ချို၊ ကျောက်မဲ၊ သီပေါ၊ မိုးကုတ်နှင့် မိုးမိတ်မြို့ တို့ကို ပြန်ပေးပြီး တအာင်း ကိုယ်ပိုင်အုပ်ချုပ်ခွင့်ရဒေသ ဖြစ်သော နမ့်ဆန်နှင့် မန်တုံမြို့နယ်ဘက်သို့ ပြန်လည် ဆုတ်ခွာရန် တောင်းဆိုခဲ့သောကြောင့် ဆွေးနွေးပွဲ အဆုံးသတ်ခဲ့ရသည်။   စစ်ကောင်စီ နှင့် TNLA နှစ်ဖက်လုံးက ငလျင်ထူထောင်ရေး အတွက် အပစ်အခတ် ရပ်စဲရေးကာလကို ဇွန်လကုန် အထိ တစ်လ ထပ်မံ သက်တမ်းတိုးထားကြသော်လည်း စစ်ကောင်စီဘက်မှ နောင်ချို၊ တောင်းခမ်းကျေးရွာတွင် စစ်အင်အား ဖြည့်တင်းခြင်း၊ ထိုးစစ်ဆင်ခြင်း၊ လက်နက်ကြီးဖြင့် ပစ်ခတ်ခြင်း၊ လေကြောင်းမှ ဗုံးကြဲတိုက်ခိုက် ခြင်းနှင့် အဆိပ်ငွေ့ဗုံးများ အသုံးပြု တိုက်ခိုက်ခြင်းများ ရှိနေသည်ဟု လွေးယေဦးက ပြောသည်။   ထို့ကြောင့် နောင်ချို့မြို့နယ်အတွင်း၌ နှစ်ဖက်ကြား တိုက်ပွဲများ ဖြစ်ပွားနေပြီး မြို့ခံအများစုမှလည်း ဘေးလွှတ် ရာသို့ ဇွန်လ ပထမပတ်မှစတင်၍ တိမ်းရှောင်နေကြပြီ ဖြစ်သည်။   ‘၁၀၂၇’ စစ်ဆင်ရေးအတွင်း TNLA က မန္တလေးတိုင်းရှိ မိုးကုတ်မြို့နှင့် ရှမ်းမြောက်ရှိ မိုးမိတ်၊ မိုင်းလုံ၊ မိုင်းငေါ့၊ နောင်ချို၊ ကျောက်မဲ၊ မန်တုံ၊ နမ္မတူ၊ နမ့်ခမ်း၊ နမ့်ဆန်၊ သီပေါ၊ ကွတ်ခိုင် စသည့် မြို့များကို သိမ်းပိုက်ထားသည်။

ဩဂုတ်လကုန်တွင် စစ်ကောင်စီနှင့်တွေ့မည်ဟု TNLA ပြော

ဩဂုတ်လကုန်တွင် စစ်ကောင်စီနှင့်တွေ့မည်ဟု TNLA ပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၉ ရက်။  တရုတ်အစိုးရ၏ ကြားဝင်စီစဉ်မှုဖြင့် စစ်ကောင…

  • June 9, 2025
ဖားကန့်၊ လုံးခင်းတွင် လက်နက်ကြီးကြောင့် အရပ်သား ၉ ဦး သေဆုံး   သတင်းနှင့် မီဒီယာ ကွန်ရက်၊   ၂၀၂၅ ခုနှစ် ဇွန်လ ၇ ရက်။   ကချင်ပြည်၊ ဖားကန့်မြို့နယ်၊ လုံးခင်းကျေးရွာအုပ်စုအတွင်းက စစ်ကောင်စီတပ်က လက်နက်ကြီးဖြင့် ပစ်ခတ် တိုက်ခိုက်ခဲ့ရာ ကလေးငယ် ၄ ဦးအပါအဝင် အရပ်သား ၉ ဦး သေဆုံးသွားသည်။   ဇွန်လ ၆ ရက်နေ့၊ ည ၉ နာရီအချိန်က လုံးခင်းကျေးရွာအုပ်စု အတွင်းရှိ ငြိမ်းချမ်းသာယာကျေးရွာက ခွန်ဆာကုန်း ဘုန်းကြီးကျောင်းနား လက်နက်ကြီးကျရောက်ပေါက်ကွဲ ခဲ့ခြင်းဖြစ်သည်။   ဖားကန့်ဒေသခံ အမျိုးသားတစ်ဦးက “ဖြစ်က မနေ့ည ၉ နာရီ ဝန်းကျင်လောက်ပါဗျ။ ငြိမ်းချမ်းသာယာရွာ ခွန်ဆာကုန်း ဘုန်းကြီးကျောင်းနဲ့ ကျေးဇူး တော် ဘုရားကျောင်းကြားမှာလို့ ပြောလို့ရတယ်။ အဲ့နားမှာ ရဲစခန်း လည်း ရှိတယ်။ စစ်ကောင်စီတပ် ရည်ရွယ် ချက်ရှိရှိ ပစ်တာပါဗျာ။ သိသာတယ် အခုပစ်နေတာတွေက ယမ်းသို လှောင်ရုံတွေ၊ ယမ်းဂိုဒေါင်တွေပေါ်ကျတာ။ အဲ့တော့ ဖြစ်ပြီဆို အများကြီးထိတာ။ မနေ့က ညတွင်းချင်း မီးလုံး ဝလောင် သွားတဲ့ မီးကျွမ်းသွားတဲ့ အလောင်း ၉ လောင်းတွေ့တယ်ဗျ” ဟု ပြောသည်။   သေဆုံးသွားသည့် အရပ်သားပြည်သူ ၉ ဦးမှာ မိသားစုတစ်စုတည်းမှ ဖြစ်သည်။ ၉ ဦးအနက် ကလေးငယ် ၄ ဦး၊ အမျိုးသမီး ၃ ဦးလည်း ပါဝင်သည်။   စစ်ကောင်စီတပ်က ပစ်လိုက်သည့် လက်နက်ကြီးမှာ ကျောက်စိမ်းကုမ္ပဏီအတွင်းရှိ ယမ်းသိုလှောင်ရုံနေရာ၌ ကျရောက်ပေါက်ကွဲမှုကြောင့် ပေါက်ကွဲမှု ကြီးမားသည်ဟု ဒေသခံများက ပြောသည်။ အလားတူ အဆိုပါ နေရာ တွင် မြေဩဇာများလည်း သိုလှောင်ထားသည်ဟု ဆိုသည်။   ယခု လက်နက်ကြီး ကျရောက်ပေါက်ကွဲခဲ့သည့် နေရာမှာ လုပ်ငန်းရှင် တစ်ဦး ပိုင်ဆိုင်သည် ယမ်းနှင့်မြေဩဇာ များ သိုလှောင်ထားသည့် နေရာ ဖြစ်သည်ဟု ဆိုသည်။ ကျောက်စိမ်းတူးဖော်ရာတွင် နိုက်ထရိတ်ပါသည့် မြေဩ ဇာများအား ယမ်းအဖြစ် ဖောက်ခွဲရေးအတွက် အသုံးပြုကြခြင်း ဖြစ်သည်။   ဖြစ်စဉ်ကို သွားကြည့်ခဲ့သည့် ဒေသခံအမျိုးသားတစ်ဦးက “ပေနှစ်ဆယ်လောက်ရှိတဲ့ ကျင်းကြီးဖြစ်သွားတယ်။ ချိုင့်ပုံစံမျိုး ဖြစ်သွားတာ။ အိမ်တွေ ၃၀ လောက် ပျက်စီးတယ်။ ပျက်စီးမှုက များတယ်။ အသံကတော့ ၂ ချက် ကြားလိုက်တယ်။ ပြီးတော့ မီးခိုးတွေ တက်လာတာ။ ချက်ချင်းတော့ လူတွေက မသွားရဲဘူး။ ကျနော်တို့ ရောက်တော့ အဲ့ဒီမှာ ကမ္ဘာပျက်နေပြီ လူတွေ။ လူတွေအလောင်းဆို မီးလုံးဝကျွမ်းသွားတာမျိုးဗျ။ ပစ်တဲ့နေရာ ကလည်း ကွက်တိဗျာ” ဟု ပြောသည်။   ဇွန်လ ၃ ရက်နေ့က ဖြစ်ခဲ့သည့် ဖားကန့်မြို့နယ်၊ လုံးခင်းကျေးရွာအုပ်စုထဲက မှော်စီစာကျေးရွာမှာ တင်အောင် ကြိုင် လုပ်ကွက် ပစ်ခတ်ခံရမှုနှင့် ဇွန်လ ၆ ရက်နေ့ ငြိမ်းချမ်းသာယာကျေးရွာက ခွန်ဆာကုန်းပေါက်ကွဲမှု ပုံစံတို့ မှာ တူသည်ဟု ဒေသခံများက ပြောသည်။   အဆိုပါ နေရာနှစ်ခုလုံးအား ပစ်ခတ် ဖောက်ခွဲမှုကို ကျူးလွန်သူများမှာ ယခုတစ်ပတ်လုံး လုံးခင်း၊ မှော်စီစာ၊ ကုဋေမှော်၊ ဆန်ခါတို့၌ နေ့စဉ် မီးလိုက်ရှို့နေကြသည့် စစ်ကောင်စီတပ်နှင့် ပြည်သူ့စစ် ပူးပေါင်းအဖွဲ့တို့ ဖြစ်သည် ဟု ဆို သည်။   ဖားကန့်ဒေသကို ပြန်လည်ထိန်းချုပ်နိုင်ရေး ကြိုးပမ်းနေသည့် စစ်ကောင်စီတပ်က စစ်ကြောင်းများခွဲပြီး မေလ ၂၇ ရက်နေ့က စတင်ပြီး လုံးခင်းကျေးရွာအုပ်စုထဲသို့ ဝင်လာခဲ့ခြင်း ဖြစ်သည်။

ဖားကန့်၊ လုံးခင်းတွင် လက်နက်ကြီးကြောင့် အရပ်သား ၉ ဦး သေဆုံး 

ဖားကန့်၊ လုံးခင်းတွင် လက်နက်ကြီးကြောင့် အရပ်သား ၉ ဦး သေဆုံး  သတင်းနှင့် မီဒီယာ ကွန်ရက်၊၂၀၂၅ ခုနှစ်၊ ဇွန်လ ၇ ရက်။  ကချင်ပြည်၊ ဖားကန့်မြို့နယ်၊ လု…

  • June 7, 2025
မေလအတွင်း အမျိုးသမီး ၉၂ ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၇ ရက်။   မြန်မာနိုင်ငံတစ်ဝှမ်း၌ မေလအတွင်း စစ်ကောင်စီ၏ လေကြောင်းနှင့် မြေပြင်ထိုးစစ် တိုက်ခိုက်မှုများကြောင့် အသက် ၁၈ နှစ်အောက် မိန်းကလေးငယ်များ အပါအဝင် အမျိုးသမီး ၉၂ ဦး သေဆုံးခဲ့ရသည်ဟု မြန်မာ့ အမျိုးသမီးသမဂ္ဂ (BWU) က ပြောသည်။   မြန်မာနိုင်ငံတစ်ဝှမ်း မေလ အတွင်း သေဆုံးခဲ့သည့် အမျိုးသမီး ၉၂ ဦး အနက် အသက် ၁၈ နှစ်အောက် မိန်းကလေး ၂၉ ဦး ပါဝင်သည်ဟု BWU က ဆိုသည်။   အမျိုးသမီးများ ထိခိုက်သေဆုံးမှု လစဉ်နှင့်အမျှ တိုးလာနေသည့်အပေါ်  မြန်မာ့အမျိုးသမီး သမဂ္ဂ (BWU) ၏ တွဲဖက် အထွေထွေ အတွင်းရေးမှူး - ၂ မယဉ်မျိုးလှိုင် က ယခုကဲ့သို့ ပြောသည်။   “အကြမ်းဖက် တိုက်ခိုက်မှုတွေ မရပ်သရွေ့ကတော့ သေဆုံးမှုတွေက တိုးလာအုံးမယ်ဆိုတာ ပြောချင်တယ်။ အပြစ်မဲ့ပြည်သူကို တိုက်ခိုက်မှုလုပ်တဲ့ထဲမှာ အပြစ်မဲ့ပြည်သူလို့ ပြောရင် ပြည်သူ အများကြီးပဲပေါ့နော်။ ဒီလထဲမှာဆိုလည်း အသက် ၁၈ နှစ်အောက် အမျိုးသမီးတွေကလည်း ပိုတိုးလာတာ တွေ့ရတယ်ပေါ့နော်။ ဆိုတော့ ဒါတွေကလည်း မဖြစ်သင့်ဘူး။”   စစ်ကောင်စီ၏ လေကြောင်း ဗုံကြဲတိုက်ခိုက်မှုကြောင့် အမျိုးသမီး ၈၁ ဦး၊ လက်နက်ကြီး ပစ်ခတ်မှုကြောင့် ၄ ဦး၊ စစ်တပ်၏ သတ်ဖြတ်မှုကြောင့် ၄ ဦး၊ အကျဉ်းထောင်အတွင်း ဆေးကုသခွင့် မရသောမှုကြောင့် ၁ ဦးနှင့် စစ်တပ် ၏ လိင်ပိုင်ဆိုင်ရာ အကြမ်းဖက်ခံရမှုကြောင့် ၂ ဦး စုစုပေါင်းအမျိုးသမီး ၉၂ ဦး အသက်ဆုံးရှုံးခဲ့ရသည်။   ထို့အတူ မေလအတွင်း စစ်တပ်၏ လေကြောင်း ဗုံးကြဲတိုက်ခိုက်မှုကြောင့် အမျိုးသမီး ၇၀ ဦး၊ လက်နက်ကြီး ပစ်ခတ်မှုကြောင့် ၇ ဦး၊ မြေမြုပ်မိုင်းကြောင့် ၃ ဦးနှင့် စစ်တပ်၏ လိင်ပိုင်းဆိုင်ရာ အကြမ်းဖက်မှုကြောင့် ၁ ဦး စုစုပေါင်း အမျိုးသမီး ၈၁ ဦး ထိခိုက်ဒဏ်ရာ ရှိခဲ့သည်။   အမျိုးသမီးများ အပါအဝင် အပြစ်မဲ့ ပြည်သူများအား ပစ်မှတ်ထားသည့် စစ်တပ်၏ လေကြောင်း ဗုံးကြဲတိုက် ခိုက်မှု၊ မြေပြင်မှ တိုက်ခိုက်မှုများအား ရပ်တန့်ပေးရန်နှင့် ကျူးလွန်သူများအား ဥပဒေနှင့်အညီ အရေးယူရမည် ဟု မယဉ်မျိုးလှိုင်က ဆက်ပြောသည်။   “ကျမတို့ အမျိုးသမီးတွေဟာ နည်းမျိုးစုံနဲ့ အကြမ်းဖက် ခံနေရတယ်။ တစ်ပြိုင်နက်တည်းမှာဘဲ ဒီစစ် ပဋိပက္ခ အတွင်းမှာလည်း သေဆုံးမှုနှုန်းကို ကြည့်မယ်ဆိုရင် အမျိုးသမီးတွေက များတယ်လို့ ပြောလို့ရတယ်။ ဘာကြောင့်များလဲ ဆိုရင် ဒီလိုနိုင်ငံရေး မငြိမ်မသက် ဖြစ်နေတဲ့ကာလ အတွင်းမှာ ရပ်ရွာတွေမှာ ကျန်ခဲ့တာက အမျိုးသမီးတွေ ဖြစ်တယ်။ ဆိုတော့ ဒီလို အကြမ်းဖက် တိုက်ခိုက်မှုတွေ ကြားမှာ ကြုံတွေ့ရင်ဆိုင် ခံစားနေရ တာ အမျိုးသမီး အများစု ဖြစ်တယ်။ ဒါကြောင့်မလို့ ဒီလိုမျိုး အကြမ်းဖက်မှုကို ရပ်တန့်ပေးဖို့ ကျမတို့ ပြောချင်ပါတယ်။ ကျူးလွန်တဲ့ သူတွေကိုလည်း ထိရောက်တဲ့ ဥပဒေတွေနဲ့ အရေးယူရမယ်။”   မေလအတွင်း BWU မှ ကောက်ယူထားသည့် စာရင်းအရ အသက်ဆုံးရှံးခဲ့သည့် အမျိုးသမီး ဦးရေသည် စစ်ကိုင်း တိုင်း ဒေသကြီးတွင် ၄၁ ဦး၊ ရခိုင်ပြည်တွင် ၁၆ ဦးနှင့် မန္တလေးတိုင်းဒေသကြီးထဲတွင် ၁၄ ဦး တို့ဖြစ်ပြီး စစ်ကိုင်း တိုင်းဒေသကြီး အတွင်း အမျိုးသမီး သေဆုံးမှု အများဆုံး ဖြစ်သည်။   မြန်မာ့အမျိုးသမီး သမဂ္ဂ (BWU) အနေဖြင့် ပဋိပက္ခကာလအတွင်း မြန်မာအမျိုးသမီးများ၏ ရဲရင့်မှုနှင့် ရှင်သန်မှု များသည် တရားမျှတမှုနှင့် တန်းတူညီမျှမှုအတွက် ထင်ဟပ်သော အသံတစ်ခုအဖြစ် ခိုင်မာစွာ ဆက်လက် ရပ်တည်သွားမည်ဟု ဆိုသည်။

မေလအတွင်း အမျိုးသမီး ၉၂ ဦး သေဆုံး 

မေလအတွင်း အမျိုးသမီး ၉၂ ဦး သေဆုံး  သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၇ ရက်။  မြန်မာနိုင်ငံတစ်ဝှမ်း၌ မေလအတွင်း စစ်ကောင်စီ၏ လေကြောင်းန…

  • June 7, 2025
လေကြောင်းတိုက်ခိုက်မှုကြောင့် သပိတ်ကျင်းတွင် လူ ၄ ဦး ထိခိုက်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၇ ရက်။   စစ်ကောင်စီရဲ့ လေကြောင်း တိုက်ခိုက်မှုကြောင့် မန္တလေးတိုင်း သပိတ်ကျင်းမြို့နယ် အတွင်းမှ ဘုန်းကြီး တပါး ပျံလွန်တော်မူပြီး အရပ်သား ၄ ဦး ဒဏ်ရာ ရရှိခဲ့သည်ဟု ပြင်ဦးလွင်ခရိုင်- ပကဖ က ထုတ်ပြန်သည်။   သပိတ်ကျင်းမြို့နယ် ကျက်ရိုးပင်ကျေးရွာရှိ ဘုန်းကြီးကျောင်းအား မန္တလေးတိုင်း၊ တံတားဦးလေတပ်မှ ပျံတက်လာသည့် ဂျက်ဖိုက် တာ တိုက်လေယာဉ် တစ်စင်းဖြင့် ဇွန်လ ၅ ရက်နေ့ ညနေ ၅ နာရီခွဲဝန်းကျင်ခန့်တွင် ဗုံးကျဲတိုက်ခိုက်ခဲ့ခြင်း ဖြစ် သည်။   ပြင်ဦးလွင် - ပကဖ သတင်းတာဝန်ခံဖြစ်သူက “ကျနော်တို့ စိုးမိုးထားတဲ့ နယ်မြေ တော့ ဟုတ်တယ်။ ဒါပေမယ့် ကျနော်တို့တပ်တွေက အဲမှာမရှိဘဲနဲ့ အဲဒီနေရာသက်သက်ကို ပြည်သူတွေ သေစေ ချင်လို့ လေကြောင်း တိုက်ခိုက်မှုလုပ်တာဗျာ” ဟု ပြောသည်။   လေကြောင်း တိုက်ခိုက်စဉ်အတွင်း အသက် ၆၇ နှစ်အရွယ် ဘုန်းကြီးတစ်ပါး ပွဲချင်းပြီး ပျံလွန်တော်မူခဲ့ပြီး ဘုန်းကြီးကျောင်းဝင်း အတွင်းရှိ သိမ်ကျောင်းဆောင် တစ်ဆောင် မီးလောင်ပြာကျ ပျက်စီးခဲ့သည်။   ထို့အပြင် အသက် ၂၄ နှစ်အရွယ် အမျိုးသား တစ်ဦး၊ အသက် ၁၆ နှစ်အရွယ် အမျိုးသား တစ်ဦး၊ အသက် ၂၀ အရွယ် အမျိုးသားတစ်ဦး၊ အသက် ၂၉ နှစ်အရွယ် အမျိုးသမီး တစ်ဦး စုစုပေါင်း ၄ ဦးသည်လည်း ပေါင်နှင့် လက်မောင်းနေရာများ၌ ဒဏ်ရာများ ရရှိခဲ့သည်ဟု ဆိုသည်။   “ပြည်သူတွေကတော့ လေကြောင်းလာရင် ပုန်းကြ၊ ခိုကြတာပေါ့ဗျာ့။ လေကြောင်းမလာခင် ပုံမှန် အလုပ်လုပ် ကြတော့ ရှိတာပေါ့။ အခုမြေပြင် အခြေအနေမှာတော့ နေ့တိုင်းတော့ လေယာဉ်ဝဲတာမျိုး ရှိတယ်ဗျာ။ ဒါပေ မယ့် ပစ်တာချတာကြတော့ တချို့ကိစ္စတွေ သတင်းပေးလို့ မရတာမျိုး ရှိတယ်ဗျာ့” ဟု ပြင်ဦးလွင် - ပကဖ သတင်းတာဝန်ခံ ဖြစ်သူက ဆက်ပြောသည်။   မြေပြင်တွင် တိုက်ပွဲဖြစ်ပွားခြင်းမရှိဘဲ စစ်ကောင်စီတပ်က ဗုံးလာကြဲခဲ့ခြင်းဖြစ်ပြီးသည်ဟု ပြင်ဦးလွင် - ပကဖ သတင်းတာဝန်ခံ ဖြစ်သူက ပြောသည်။   အလားတူ ပြီးခဲ့သည့် ဇွန်လ ၁ ရက်နေ့၌လည်း သပိတ်ကျင်းမြို့နယ်၊ ၄ မိုင်ကန်သာအား ပေါင် ၅၀၀ ဗုံး ဖြင့် တိုက် ခိုက်ခဲ့ရာ စာသင်ကျောင်းဆာင် ၂ ဆောင် မီးလောင်ပြာကျ ပျက်စီးခဲ့ဖူးသည်ဟု မြေပြင် အရင်းအမြစ်များ၏ ပြောပြချက်အရ သိရသည်။   စစ်ကောင်စီသည် ဇွန်လ ၁ ရက်နေ့မှ ၃၀ ရက်နေ့အထိ အပစ်ရပ်ထားသော်လည်း အရပ်သားများနေထိုင်ရာ လူနေအိမ်၊ ဘုန်းကြီးကျောင်း၊ စာသင်ကျောင်းများသို့ ပစ်မှတ်ထား တိုက်ခိုက်နေသည်ဟု မြေပြင် သတင်း အရင်းအမြစ်များက ပြောသည်။

လေကြောင်းတိုက်ခိုက်မှုကြောင့် သပိတ်ကျင်းတွင် လူ ၄ ဦး ထိခိုက်

လေကြောင်းတိုက်ခိုက်မှုကြောင့် သပိတ်ကျင်းတွင် လူ ၄ ဦး ထိခိုက် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၇ ရက်။  စစ်ကောင်စီရဲ့ လေကြောင်း တိုက်ခ…

  • June 7, 2025
နှစ်ဘက် အပစ်ရပ် ကြေညာသော်လည်း နောင်ချိုတွင် တိုက်ပွဲများ ပြင်းထန်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၆ ရက်။   အပစ်ရပ်ထားသော်လည်း ရှမ်းမြောက်၊ နောင်ချိုမြို့နယ်တွင် တိုက်ပွဲများ ဆက်လက် ပြင်းထန်နေသည်ဟု တအာင်းအမျိုးသား လွတ်မြောက်ရေး တပ်မတော် PSLF/TNLA ၏ ပြန်ကြားရေးတာဝန်ခံ က ပြောသည်။   မေလအတွင်းနှင့် လက်ရှိဖြစ်ပေါ်နေသော တအာင်းဒေသတွင်းက နိုင်ငံရေး၊ စစ်ရေးအခြေအနေများ အကြောင်း ဇွန်လ ၅ ရက်နေ့တွင် လုပ်သည့် အွန်လိုင်း သတင်းစာရှင်းလင်းပွဲ၌ နောင်ချိုတိုက်ပွဲနှင့် ပတ်သက်၍ PSLF/TNLA တာဝန်ရှိသူများ ပြောဆိုလိုက်ခြင်း ဖြစ်သည်။   PSLF/TNLA ၏ ပြန်ကြားရေးတာဝန်ခံ လွေးယေဦးက “တိုက်ပွဲကတော့ နေ့စဉ်ဖြစ်ပွားနေတာ မဟုတ်သည့်တိုင် ရက်ခြား တိုက်ပွဲကတော့ ဆက်လက် ဖြစ်ပွားတာရှိပါတယ်။ လက်ရှိကတော့ စစ်ရေးစစ်ရာ စစ်ရေးဗျူဟာ ဖြစ်တဲ့ အလျောက် စစ်ကောင်စီဘက်ကတော့ ထိုးစစ်ဆင်လာတာမျိုး ကျမတို့ကလည်း ပြန်လည် ခုခံတိုက်ခိုက် တာမျိုးပေါ့နော်။ တစ်ဖက်နဲ့တစ်ဖက် စစ်ကောင်စီဘက်က ရှေ့တိုးနိုင်တာမျိုးလည်း ရှိသလို ကျမတို့ကလည်း ပြန်လည် ခုခံပြီးတော့မှ ဆောင်ရွက်နိုင်တဲ့ အခြေအနေမျိုးလည်း ရှိတယ်” ဟု ပြောသည်။   စစ်ကောင်စီ နှင့် TNLA နှစ်ဖက်လုံးက ငလျင်ထူထောင်ရေးအတွက် အပစ်ခတ်ရပ်စဲရေးကာလကို ဇွန်လကုန် အထိ တစ်လ ထပ်မံ သက်တမ်းတိုးထားကြခြင်း ဖြစ်သည်။   သို့သော်လည်း နောင်ချို၊ တောင်ခမ်းကျေးရွာတွင် စစ်အင်အား ဖြည့်တင်းခြင်း၊ ထိုးစစ်ဆင်ခြင်း၊ လက်နက်ကြီး ဖြင့် ပစ်ခတ်ခြင်း၊ လေကြောင်းမှ ဗုံးကြဲတိုက်ခိုက်ခြင်းနှင့် အဆိပ်ငွေ့ဗုံးများ အသုံးပြု တိုက်ခိုက်ခြင်းများ ရှိနေ သည်ဟု လွေးယေဦးက ပြောသည်။   စစ်ကောင်စီဘက်မှ ထိုးစစ်ဆင် တိုက်ခိုက်နေသော နောင်ချိုမြို့နယ်ထဲတွင် TNLA ဘက်မှ စစ်ရေးအရ ထိန်းထား နိုင်သော်လည်း ပြည်သူများအနေဖြင့် လုံခြုံရေးကို အထူးဂရုစိုက်ကြရန်လိုသည်ဟု လွေးယေဦးက ပြောသည်။   “လူထုအနေနဲ့ကတော့ လုံခြုံရေးကိစ္စတွေ အထူး ဂရုစိုက်ဖို့တော့ လိုအပ်ပါတယ်။ စစ်ရေး အရကတော့ စိတ်ပူ စရာတော့ မလိုဘူးပေါ့နော်။ တစ်ဖက်နဲ့တစ်ဖက် စစ်ရေးဗျူဟာအရ ဆောင်ရွက်နေတာပဲ ဖြစ်ပါတယ်။”   စစ်ကောင်စီ၏ ထိုးစစ်နှင့် လေကြောင်းမှ တိုက်ခိုက်မှုများ အပြင် တဖက်တွင်လည်း တရုတ်၏ ဖိအားကြောင့် ပိတ်ဆို့မှု ပိုများလာနေပြီး ဒေသခံလူထုမှာ ကုန်ပစ္စည်းရှားပါးမှုနှင့် ကုန်စျေးနှုန်း ကြီးမြင့်မှုဒဏ်တို့ကို ရင်ဆိုင် နေကြရသည်။ တရုတ်အစိုးရ၏ ကြားဝင်စီစဉ်မှုဖြင့် စစ်ကောင်စီ နှင့် TNLA တို့သည် ဩဂုတ်လကုန်တွင် ထပ်မံ တွေ့ဆုံကြမည်ဖြစ်ပြီး လက်ရှိပြည်သူများ ကြုံနေရသည့် အခက်အခဲများ ပြေလည်စေရန် အဓိက တောင်းဆို သွားမည်ဟု ဆိုသည်။   တရုတ်နိုင်ငံက ကြားဝင် စီစဉ်ပေးသည့် စစ်ကောင်စီနှင့် တွေ့ဆုံမှုများကို ဆက်လုပ်ရန်ရှိပြီး တွေ့ဆုံမှုများ၌ ပြည်သူလူထုကို လေကြောင်းတိုက်ခိုက်မှုများ၊ လက်နက်ကြီးနှင့် တိုက်ခိုက်မှုများ မလုပ်ရန် ဆက်လက် တောင်း ဆိုသွားမည်ဟု TNLA တာဝန်ရှိသူက ပြောသည်။   ဧပြီလ နောက်ဆုံးပတ်က တရုတ်နိုင်ငံ ကူမင်းတွင် လုပ်ခဲ့သည့် ဆွေးနွေးပွဲ၌ TNLA က သိမ်းပိုက်ထားသည့် နောင်ချို၊ ကျောက်မဲ၊ သီပေါ၊ မိုးကုတ်နှင့် မိုးမိတ်မြို့များကို ပြန်ပေးရန် စစ်ကောင်စီက တောင်းဆိုခဲ့ရာ TNLA က လက်မခံသည့်အတွက် ဆွေးနွေးပွဲ အဆုံးသတ်ခဲ့သည်။   ထိုဆွေးနွေးပွဲ နောက်ပိုင်းတွင် စစ်ကောင်စီက TNLA ထိန်းချုပ်ထားသည့် နယ်မြေများထဲ ဒရုန်း၊ လက်နက်ကြီး အပြင် လေကြောင်း တိုက်ခိုက်မှု အကြိမ်ရေပေါင်း ၁၀၀၀ ကျော် လုပ်ခဲ့သည်ဟု TNLA က ဆိုသည်။   စစ်ကောင်စီမှ ထိုးစစ်ဆင် တိုက်ခိုက်ခဲ့သောကြောင့် မေလအတွင်း နောင်ချိုမြို့နယ်ထဲ တိုက်ပွဲများ ပြင်းထန်ခဲ့ပြီး လေကြောင်းမှ ၁၂ ကြိမ် ဗုံးကြဲတိုက်ခိုက်ခဲ့သည့် အပြင် လက်နက်ကြီး ၇၇၆ လုံး၊ ဒရုန်းဖြင့် ဗုံး ၃၂၉ လုံးနှင့် အဆိပ်ငွေ့ဗုံး ၁၄၄ လုံး ကြဲခဲ့သည်။   အဆိုပါ တိုက်ခိုက်မှုများထဲ အပြစ်မဲ့ ပြည်သူလူထု ၆ ဦး သေဆုံးခဲ့ရပြီး ၁၄ ဦး ထိခိုက်ဒဏ်ရာရရှိသည့် အပြင် နေအိမ် ၈ လုံးလည်း ဗုံးစထိမှန် ပျက်စီးခဲ့သည်ဟု ဇွန်လ ၄ ရက်နေ့က ထုတ်ပြန်ထားသည်။   ဓါတ်ပုံ - မေလ ၁၈ ရက်နေ့တွင် စစ်တပ်၏ ပစ်ခတ်မှုကြောင့် နောင်ချိုမြို့နယ်၊ အုမ္မတီးကျေးရွာက စစ်ရှောင် တစ်ဦး သေဆုံး

နှစ်ဘက် အပစ်ရပ် ကြေညာသော်လည်း နောင်ချိုတွင် တိုက်ပွဲများ ပြင်းထန်

နှစ်ဘက် အပစ်ရပ် ကြေညာသော်လည်း နောင်ချိုတွင် တိုက်ပွဲများ ပြင်းထန် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၆ ရက်။  အပစ်ရပ်ထားသော်လည်း ရှမ်းမ…

  • June 6, 2025
×Close