သတင်း

သာယာဝတီထောင်တွင် နိုင်ကျဉ်းတစ်ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၃ ရက်။   ပဲခူးတိုင်း၊ သာယာဝတီခရိုင်၊ သာယာဝတီထောင်တွင် နိုင်ငံရေး အကျဉ်းသားတစ်ဦး သေဆုံးသွား သည်။   ရန်ကုန်တိုင်း၊ လှည်းကူးမြို့နယ်၊ လှည်းကူးမြို့မရဲစခန်းတွင် ပုဒ်မ ၅၀-ဈဖြင့် ထောင်ဒဏ် ၁၀ နှစ် ချမှတ်ခံထားရသူ အသက် ၄၈ နှစ်အရွယ် ဦးကျော်စိုးဦး (ခ) ဦးဇော် သေဆုံးခြင်း ဖြစ်သည်ဟု မြန်မာနိုင်ငံလုံးဆိုင်ရာ နိုင်ငံရေး အကျဉ်းသားများကွန်ယက်  PPNM က ထုတ်ပြန်သည်။   ဆေးကုသခွင့် လုံလောက်စွာ မရရှိသဖြင့် သေဆုံးခဲ့ရသည်ဟု ထောင်နှင့် နီးစပ်သူများက ပြောသည်။   မြန်မာနိုင်ငံလုံးဆိုင်ရာ နိုင်ငံရေး အကျဉ်းသားများကွန်ယက် (PPNM) ဦးဆောင် ကော်မတီဝင်ဖြစ်သူ မရောင်နီ လင်းက “မိသားစုနဲ့ ပေးတွေ့လားဆိုတော့ ထောင်ထဲမှာ သူတို့ ထောင်ထဲမှာ သေဆုံးသွားတယ်ပေါ့နော်။ သေဆုံး သွားတော့ ရင်ခွဲရုံကို ပို့တယ်။ နောက်ရက် အသုဘချတယ်ဆိုတော့ မိသားစုနဲ့ ပေးတွေ့တာမျိုးတော့ ရှိခဲ့ပါ တယ်။ မိသားစုကလည်း အပြင်မှာပဲ သဂြိုဟ်ပေးခဲ့တယ်ပေါ့နော်” ဟု ပြောသည်။   ထောင်တွင်း ဆေးကုသခွင့် မရရှိခြင်း၊ ဆေးဝါးမလုံလောက်ခြင်း၊ ပြင်ပဆေးခန်းများသို့ ပြောင်းရွှေ့ ကုသခွင့် မရရှိခြင်း စသည့် အကြောင်းအရာများကြောင့် ဇွန်လ ၁၀ ရက်နေ့၌ နှလုံးရောဂါ၊ သွေးတိုးရောဂါခံများဖြင့် သေဆုံးခဲ့ရခြင်း ဖြစ်သည်။   သာယာတီထောင်တွင် ကျန်းမာရေး စောင့်ရှောက်မှု လုံလောက်စွာ မရရှိသဖြင့် နိုင်ကျဉ်းများ အပါအဝင် အကျဉ်း သား အားလုံးသည် ရောဂါ ဖြစ်ပွားခြင်း၊ ဆေးကုသခွင့် ဆုံးရှုံး၍ ရောဂါအခံများ ပိုမိုဆိုးရွားလာခြင်း၊ သေဆုံးသင့် သည့် အခြေအနေမဟုတ်ဘဲ သေဆုံးရခြင်းများ ကြုံတွေ့နေကြရသည်ဟု မရောင်နီလင်းက ဆက် ပြောသည်။   “သာယာဝတီထောင်က သိတဲ့အတိုင်း ကြမ်းတဲ့ထောင်ပေါ့နော်။ အာဏာရှင်တွေရဲ့ လက်ပါးစေထောင်လို့ ပြော လို့ ရတာပေါ့နော်။ ကြမ်းတမ်းတယ် ပြီးတော့ နာမည်ဆိုးနဲ့ ကျော်ကြားတယ်လို့ ပြောလို့ရပါတယ်။ အဲဒီတော့ သာယာဝတီထောင်မှာ ပြီးခဲ့တဲ့ နှစ်တွေတုန်းကဆိုရင် ကျန်းမာရေးစောင့်ရှောက်မှု လုံလောက်စွာ မရရှိတာ ကြောင့် သေဆုံးခဲ့တာတွေလည်း ရှိတယ်။ ကျနော်တို့ကတော့ စောင့်ကြည့်လေ့လာဆဲပဲ ဖြစ်တယ်ပေါ့နော်။”   မြန်မာတစ်နိုင်ငံလုံးရှိ စစ်ကောင်စီ လက်အောက်ခံ အကျဉ်းထောင်များတွင် ၂၀၂၅ ခုနှစ် ဇန္နဝါရီလ ၁ ရက်နေ့မှ စတင်၍ ဇွန်လ ၆ ရက်နေ့အထိ ‌လုံလောက်သည့် ကျန်းမာရေးစောင့်ရှောက်မှု မရရှိသဖြင့် ထိခိုက်သေဆုံးသည့် နိုင်ကျဉ်းအရေအတွက် ၁၀ ဦးခန့်ထိ ရှိပြီဟု PPNM စာရင်းပြုစုချက်များအရ သိရသည်။

သာယာဝတီထောင်တွင် နိုင်ကျဉ်းတစ်ဦး သေဆုံး

သာယာဝတီထောင်တွင် နိုင်ကျဉ်းတစ်ဦး သေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၁၃ ရက်။  ပဲခူးတိုင်း၊ သာယာဝတီခရိုင်၊ သာယာဝတီထောင်တွင် နိုင်…

  • June 13, 2025
ဖားကန့်တွင် သေနတ်ဒဏ်ရာဖြင့် သေဆုံးနေသော အလောင်း ၃ လောင်းတွေ့   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၃ ရက်။   ကချင်ပြည်၊ ဖားကန့်မြို့နယ်ထဲတွင် သေနတ်ဒဏ်ရာဖြင့် သေဆုံးနေသည့် အမျိုးသား ၃ ဦး၏ အလောင်းများကို တွေ့သည်ဟု ဒေသခံများက ပြောသည်။   သေဆုံးသူများ၏ အလောင်းများကို ဇွန်လ ၁၂ ရက်နေ့၊ နံနက်ပိုင်းတွင် မှော်စီစာကျေးရွာတွင် လာပစ်သွားခြင်း ဖြစ်သည်ဟု ရွာသားများက ပြောသည်။   ဒေသခံ ရွာသားတစ်ဦးက “၁၂ ရက်နေ့၊ ဒီနေ့ မနက်အစောပိုင်းမှာ လာပစ်သွားတာပါဗျ။ သူတို့သုံးယောက်လုံး က ဒေသခံ ရွာခံတွေတော့ မဟုတ်ဘူး။ ဒီပတ်ဝန်းကျင်မှာ နေတာတော့ ကြာပြီ။ လူတိုင်းလည်း သူတို့ကို သိ တယ်။ စျေးတွေမှာ လိုက်အိပ်တယ်၊ ဆိုင်တွေမှာ လိုက်အိပ်တယ် အဲ့လိုမျိုး လိုက်နေတာဗျ။ ဘယ်သူက ပစ်တာ သတ်သွားတာလဲတော့ မပြောတတ်ဘူးနော်ဗျ” ဟု ပြောသည်။   အသတ်ခံလိုက်ရသည့် အမျိုးသား ၃ ဦးမှာ လူလတ်ပိုင်းအရွယ်များ ဖြစ်ကြသည်။   ဇွန်လ ၁၁ ရက်နေ့၊ ညပိုင်းက စစ်ကောင်စီတပ်ဖွဲ့ဝင်များ သွားလာနေသည့်အပြင် သေနတ်သံများလည်း ကြားခဲ့ရသည်ဟု ဒေသခံများက ဆိုသည်။   ထိုသို့ သေနတ်သံများ ကြားရပြီးနောက် နံနက်ပိုင်းတွင် ယခုကဲ့သို့ သေနတ်ဒဏ်ရာများဖြင့် သေဆုံးနေသည့် အလောင်း ၃ လောင်းကို တွေ့ရခြင်း ဖြစ်သည်ဟု ဆိုကြသည်။   အလောင်းများကို သွားကြည့်ခဲ့သူ တစ်ဦးက “မနေ့ကညပိုင်းက ဘုရားကုန်းက စစ်သားတွေ ဆင်းလာတာလည်း တွေ့တဲ့ လူတွေရှိတယ်။ ပြီးတော့ ရွာထဲမှာ လျှောက်သွား လှုပ်ရှားနေတာမျိုးပေါ့လေ ပြောရင်တော့။ ညဘက် ကျတော့ သေနတ်သံတွေလည်း ကြားတယ်။ စစ်သားတွေ သွားလာနေတာ သိတော့ ဘယ်သူမှတော့ အပြင်ထွက် မကြည့်ကြဘူးပေါ့နော်။ စစ်သားတွေက သတ်တာလားဆိုတော့ အဲ့လိုမျိုးလည်း အတိအကျတော့ မပြောတတ် ဘူးနော်” ဟု ပြောသည်။   မည်သူမည်ဝါ မည်သည့် အဖွဲ့အစည်း၊ မည်သည့် လက်နက်ကိုင်အဖွဲ့က သတ်သွားသည်ကို မသိရသေးဘူးဟု ဆိုကြသည်။   သို့သော် စစ်ကောင်စီ စစ်ကြောင်းများ ဖားကန့်မြို့နယ်အတွင်း ဝင်ရောက်လာသည့် အချိန်မှစ၍ ယနေ့အချိန်ထိ နေ့စဉ်နှင့်အမျှ လူ့အခွင့်အရေး ချိုးဖောက်မှုများကို ကျူးလွန်သည်ဟု ဒေသခံများက ပြောသည်။   ထို့အပြင် ဇွန်လ ၁၂ ရက်နေ့တွင်လည်း မှော်စီစာကျေးရွာအနီးရှိ သာယာကုန်း၊ အောင်သာယာနှင့် အခြားသော ကျေးရွာများတွင် စစ်ကောင်စီတပ်ဖွဲ့နှင့် ပြည်သူ့စစ်ပူးပေါင်းအဖွဲ့တို့က လှုပ်ရှားသွားလာနေပြီး ကချင်လွတ်လပ် ရေး တပ်မတော် KIA ပူးပေါင်းတပ်နှင့်လည်း ထိတွေ့မှုများ ရှိနေသည်ဟု ဒေသခံများက ပြောသည်။

ဖားကန့်တွင် သေနတ်ဒဏ်ရာဖြင့် သေဆုံးနေသော အလောင်း ၃ လောင်းတွေ့

ဖားကန့်တွင် သေနတ်ဒဏ်ရာဖြင့် သေဆုံးနေသော အလောင်း ၃ လောင်းတွေ့ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၃ ရက်။  ကချင်ပြည်၊ ဖားကန့်မြို့နယ်ထဲ…

  • June 13, 2025
မိုးသည်းထန်မှုကြောင့် ရေကြီးမည်ကို ရှမ်းတောင် ဒေသခံများ စိုးရိမ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၃ ရက်။   ရှမ်းပြည်တောင်ပိုင်းတွင် မိုးသည်းထန်မှုကြောင့် ရေကြီးရေလျှံဖြစ်မည်ကို ဒေသခံများ စိုးရိမ်ပူပန်နေကြသည်။   ရှမ်းပြည်တောင်ပိုင်းရှိ၊ တောင်ကြီး၊ ဟိုပုံးနှင့် ညောင်ရွှေမြို့နယ်တို့တွင် မိုးသည်းထန်စွာ ရွာသွန်းမှုကြောင့် ရေကြီး ရေလျှံမှုများ ဖြစ်နေသည့်အပေါ် ဒေသခံများက စိုးရိမ်နေကြခြင်း ဖြစ်သည်။   တောင်ကြီးမြို့ခံ ပျံကျဈေးသည်တစ်ဦးက “မိုးက ရက်ဆက်ဆိုတော့ ဘယ်လိုမှ ဈေးရောင်းလို့ မရဘူး။ ဆိုင်တွေ ကလည်း ပိတ်လို့မရ။ ဒီထက်တက်လာရင်တော့ ငတ်ဖို့ပဲ ရှိတယ်။ မြောင်းလည်း ကောင်းကောင်းမရှိတော့ တခါ တခါရွာရင် ရေက ပြန်ကျဖို့ မလွယ်ဘူး” ဟု ပြောသည်။   ပြီးခဲ့သည့် ရက်သတ္တတစ်ပတ်အတွင်း မိုးနေ့စဉ်ရက်ဆက် ရွာသွန်းမှုကြောင့် ဇွန်လ ၁၂ ရက်နေ့၊ နံနက်ပိုင်းတွင် တောင်ကြီးမြို့၊ City Square အနီးတစ်ဝိုက်ရှိ ပျံကျဈေးဆိုင်ခန်းများနှင့် မြေနိမ့်ပိုင်း ရပ်ကွက်အချို့၌ ရေစတင် ဝင်ရောက်နေပြီး ယခုရေမှတ်ထက် ထပ်တက်လာမည်ကို စိုးရိမ်ပူပန်နေကြခြင်း ဖြစ်သည်။   အလားတူ ညောင်ရွှေမြို့တွင်လည်း ယမန်နေ့ည (ဇွန် ၁၁)၌ ရေမတန်တဆ တက်လာသဖြင့် မင်္ဂလာဈေး အပါ အဝင် မြို့လည်ရပ်၊ မိုင်းလီရပ်ကွက်နှင့် ကျေးရွာဘက်များတွင် ရေစတင်ဝင်ရောက်လာပြီး လက်ရှိ အခြေအနေ အရ ရေအနည်းငယ် ကျသွားသော်လည်း သတိနှင့် နေထိုင်နေရသည်ဟု ဆိုကြသည်။   မင်္လာဈေးရှိ ဈေးသည်တစ်ဦးက “ရေကတော့ မနက်ကပဲ ကျသွားပြီ။ မြောင်းတွေထဲတော့ ရှိနေသေးတယ်။ ၁၆ ရက်နေ့အထိ မိုးကြေညာထားလို့ ဆိုင်ခန်း တော်တော်များများတော့ ပြောင်းမယ် လုပ်နေကြတယ်။ မနှစ်ကထက် မိုးများမယ်ဆိုလို့ လန့်နေကြတာ” ဟု ပြောသည်။   ညောင်ရွှေမြို့နှင့် ၇ မိုင်သာ ကွာဝေးသည့် ရွှေညောင်မြို့တွင်လည်း တာယောချောင်း ရေမြင့်တက်လာမှုကြောင့် ရွှေဘုံသာရပ်ကွက် အပါအဝင် ရေနွေး၊ အောင်သပြေ စသည့်ကျေးရွာများအတွက် အရေးပေါ် ပြင်ဆင်နေရ သည်ဟု ဆိုသည်။   ဇွန်လ ၁၂ ရက်နေ့ အခြေအနေအရ ပအိုဝ်းကိုယ်ပိုင် အုပ်ချုပ်ခွင့်ရဒေသ၊ ဟိုပုံးမြို့နယ်တွင်လည်း မြို့တွင်း ရပ်ကွက် အချို့တွင် လူနေအိမ်များ၌ ရေစတင်ဝင်ရောက်နေပြီဟု ဒေသခံများက ပြောသည်။   ဇွန်လ ၁၀ ရက်နေ့မှ ဇွန်လ ၁၂ ရက်နေ့ အထိ ၃ ရက်တာအတွင်း ညောင်ရွှေမြို့နယ်၊ အင်းလေးကန်ရေပြင်သည် လည်း ၉ လက်မခန့် မြင့်တက်လာပြီး ညောင်ရွှေမြို့သို့ သွားလာမည့်သူများအတွက် သတိဝိရိယ ရှိကြရန် မြေပြင် ကယ်ဆယ်ရေး အဖွဲ့ဝင်များက သတိပေးထားသည်။

မိုးသည်းထန်မှုကြောင့် ရေကြီးမည်ကို ရှမ်းတောင် ဒေသခံများ စိုးရိမ်

မိုးသည်းထန်မှုကြောင့် ရေကြီးမည်ကို ရှမ်းတောင် ဒေသခံများ စိုးရိမ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၁၃ ရက်။  ရှမ်းပြည်တောင်ပိုင်းတွင် …

  • June 13, 2025
ပုလဲ ဂျက်လေယာဉ် ပျက်ကျမှု အရပ်သား ၄ ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။   စစ်ကိုင်းတိုင်း၊ ပုလဲမြို့နယ်ထဲက တိုက်ပွဲတစ်ခုအတွင်းမှာ စစ်ကောင်စီတပ်၏ ဂျက်ဖိုက်တာ ပစ်ချခံရမှု ဖြစ်စဉ်တွင် အရပ်သား ၄ ဦး သေဆုံးခဲ့သည်။   ပြည်သူ့လွတ်မြောက်ရေး တပ်မတော် (PLA) နှင့် ပူးပေါင်းအဖွဲ့က ဇွန်လ ၁၀ ရက်နေ့က ပစ်ချလိုက်သည့် စစ်ကောင်စီ၏ ဂျက်ဖိုက်တာမှာ ကျေးရွာအတွင်းရှိ နေအိမ်ပေါ် ကျရောက်ပေါက်ကွဲခဲ့ရမှာ ယခုကဲ့သို့ သေဆုံးမှု များ ရှိခဲ့ခြင်း ဖြစ်သည်။   ပုလဲမြို့နယ် ပြည်သူ့အုပ်ချုပ်ရေးအဖွဲ့ တာဝန်ရှိသူ တစ်ဦးက “အရပ်သား ၄ ဦးသေဆုံးတယ်လို့ ကနဦးတော့ သိရ ပါတယ်။ သေချာတော့ မစိစစ်ရသေးပါဘူးဗျ။ ပညာရှင်တွေ ပြောတာကို သိရတဲ့အခြေအနေအရဆိုရင် ဂျက် ဖိုက်တာမှာတော့ မောင်းသူတစ်ယောက်ပဲ ပါတယ်ပေါ့နော်။ မောင်းသူ တစ်ယောက်ကပဲ လေကြောင်း တိုက် ခိုက်မှုတွေ လုပ်တယ် ဒီလိုပဲ သိရတယ်။ အဲ့လိုဆို တော့ ဒီဖိုက်တာပေါ်မှာ တစ်ယောက်ပဲ ပါတယ်လို့ပဲ ယူဆရမှာ ပေါ့နော်။ သူ့ကိုလည်း အပိုင်းအစတွေတော့ တွေ့ပါတယ်။ ဆိုတော့ လေယာဉ်ပျက်ကျမှု ဖြစ်စဉ်မှာ မောင်းသူ လည်း သေဆုံးသွားတယ်လို့ အတည်ပြုလို့ရပါတယ်” ဟု ပြောသည်။   ပုလဲမြို့နယ်၊ ကန့်ဒေါင့်စခန်းသိမ်း တိုက်ပွဲမှာ ပြည်သူ့လွတ်မြောက်ရေး တပ်မတော် - PLA က ပစ်ချခဲ့ခြင်း ဖြစ် သည်ဟု ဇွန်လ ၁၀ ရက်နေ့ သတင်းထုတ်ပြန်ထားသည်။   အွန်လိုင်းပေါ်မှာ တက်လာသည့် သတင်းရုပ်ပုံများနှင့် ရုပ်သံ ဗွီဒီယိုဖိုင်အရ ဂျက်ဖိုက်တာမှာ အိမ်တစ်လုံးပေါ် ကျရောက်ပေါက်ကွဲပြီး မီးလောင်နေခြင်း ဖြစ်သည်။   အဆိုပါ ဖြစ်စဉ်အတွင်း အရပ်သား ၄ ဦးနှင့်အတူ ဂျက်ဖိုက်တာ မောင်းနှင်သူ သေဆုံးခဲ့ခြင်း ဖြစ်သည်။   ယခု ပစ်ချလိုက်သည့် ဂျက်ဖိုက်တာမှာ တံတားဦး လေတပ်က တက်လာပြီး ပုလဲမြို့နယ်ထဲကို လှည့်ပတ်ပစ်ခတ် နေခြင်း ဖြစ်သည်။   ဒေသခံတစ်ဦးက “ဒေသတွင်း တိုက်ပွဲ အခြေအနေတွေကတော့ အရှိန်မြင့်တုန်းပဲ၊ ရှိတုန်းပဲ။ စကခ စစ်ကြောင်း ကလည်း ရှိနေတာဆိုတော့။ ဒီထိုးစစ်အခြေအနေကလည်း မရပ်သေးဘူး။ ဒီအတိုင်းပဲ ဆက်ရှိနေတုန်း။ လေ ကြောင်း တိုက်ခိုက်မှုကလည်း စကခလေယာဉ် ပစ်ခတ်ခံရလို့ ပျက်ကျပြီးနောက် တောက်လျှောက်ပဲ Y12 ရော၊ ဂျက်ဖိုက်တာရော ၅ ကြိမ်လောက် လာပြီးတော့ ပစ်ခတ်တာတွေတော့ ရှိပါတယ်ဗျ။ ဒီနေ့လည်း မိုးတွေ က အရမ်းရွာနေတယ်။ ဒီနေ့တော့ ထပ်လာတော့ မရှိသေးဘူး” ဟု ပြောသည်။   ကန့်ဒေါင်ကျေးရွာ နယ်မြေရဲစခန်းသိမ်း တိုက်ပွဲကို PLA က ဦးဆောင်နေခြင်း ဖြစ်ပြီး ပုလဲမြို့နယ်အတွင်း တိုက်ပွဲ များ ဆက်လက်ဖြစ်နေသည်ဟု မြေပြင် သတင်းအရင်းအမြစ်များက ပြောသည်။   ကန့်ဒေါင့်ကျေးရွာက နယ်မြေရဲစခန်းကို PLA ဦးဆောင်သည့် တော်လှန်ရေးပူးပေါင်းအဖွဲ့က ဇွန်လဆန်းက စတင် ၍ တိုက်ခိုက်နေခြင်းဖြစ်ပြီး စစ်ကောင်စီတပ်ကလည်း နေ့စဉ် လေယောဉ်ဖြင့် ဗုံးကြဲတိုက်ခိုက်နေခြင်း ဖြစ်သည် ဟု ဆိုကြသည်။

ပုလဲ ဂျက်လေယာဉ် ပျက်ကျမှု အရပ်သား ၄ ဦး သေဆုံး 

ပုလဲ ဂျက်လေယာဉ် ပျက်ကျမှု အရပ်သား ၄ ဦး သေဆုံး  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၁၁ ရက်။  စစ်ကိုင်းတိုင်း၊ ပုလဲမြို့နယ်ထဲက တိုက်ပွဲတစ…

  • June 12, 2025
လောင်းလုံးက အသက် ၆၀ ကျော် အလုပ်သမားတစ်ဦး ပျောက်ဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။   လောင်းလုံးမြို့က ကျပန်း အလုပ်သမား တစ်ဦး ၅ ရက်ကြာ ပျောက်ဆုံးနေသည်ဟု မိသားစုဝင်များက ပြောသည်။   တနင်္လာရီတိုင်း ထားဝယ်ခရိုင်၊ လောင်းလုံးမြို့တွင် ဆိုင်ကယ်ဖြင့် အလုပ်သွားသည့် ကျပန်း လုပ်သားတစ်ဦး အဆက်အသွယ် မရဘဲ ပျောက်ဆုံးနေခြင်း ဖြစ်သည်။   ပျောက်ဆုံးနေသူမှာ လောင်းလုံးမြို့ (က) ရပ်ကွက်တွင် နေထိုင်သည့် အသက် ၆၃ နှစ်အရွယ် ဦးကျော်သိန်း ဆိုသူ ဖြစ်သည်။   အသက် ၄၀ ခန့်အရွယ် (က) ရပ်ကွက်သား တစ်ဦးက “ဆိုင်ကယ်နဲ့ ထွက်သွားတာ ဘယ်သွားမယ် ဆိုတာလည်း မပြောခဲ့ဘူး၊ သူဆီပါသွားတဲ့ ဖုန်းကိုဆက်တော့လည်း စက်ပိတ်ထားတယ်လို့ပဲ ပြန်ပြောနေတယ်၊ ထွက်သွားပြီး တဲ့ ညနေပိုင်း ကတည်းက အခုချိန်အထိ အဆက် အသွယ် လုံးဝမရပါဘူး” ဟု ပြောသည်။

လောင်းလုံးက အသက် ၆၀ ကျော် အလုပ်သမားတစ်ဦး ပျောက်ဆုံး 

လောင်းလုံးက အသက် ၆၀ ကျော် အလုပ်သမားတစ်ဦး ပျောက်ဆုံး  သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။  လောင်းလုံးမြို့က ကျပန်း အလုပ်သမား တစ…

  • June 12, 2025
MSF ဆေးခန်းမှ ဆရာဝန်များကို စစ်ကောင်စီ ဖမ်းဆီး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။ ဆရာဝန်များ ဖမ်းဆီးခံထားရသဖြင့် ထားဝယ်မြို့က MSF နယ်စည်းမထား ဆရာဝန်များအဖွဲ့က ဖွင့်လှစ်ထားသော မေတ္တာရိပ် ဆေးခန်းဆက်လက် ဖွင့်လှစ်ရန် အခက်အခဲတွေ့နေရသည်ဟု ဒေသခံများက ပြောသည်။ တနင်္သာရီတိုင်းဒေသကြီး၊ ထားဝယ်မြို့ အုန်းတောလမ်းဆုံအနီးရှိ Medecins Sans Frontieres (MSF) နယ်စည်းမထား ဆရာဝန်များရုံးမှ တာဝန်ရှိသူ အဖွဲ့ဝင်များကို စစ်ကောင်စီတပ်ဖွဲ့က ဖမ်းဆီးထားကြောင်း ရုံးအနီး နေထိုင်ကြသူများက ပြောသည်။ MSF ရုံးအဖွဲ့သားတစ်ဦးက “ရုံးပိုင်းမှာ တာဝန်ရှိတဲ့သူတွေ အကုန်လုံးက အဖမ်းခံနေရတယ်။ တချို့က ကြောက် လန့်ပြီး တိမ်းရှောင်နေကြရ တာကြောင့် ရုံးအလုပ်တွေနဲ့ ဆေးဝါး ဖြန့်ဖြူးပေးတာတွေ ရပ်ထားရတယ်။ လက်ရှိ ရုံးမှာ ကျန်နေတဲ့ဆေးတွေ ကုန်ရင်တော့ မေတ္တာရိပ် ဆေးခန်းကိုပိတ်ရမယ့်ပုံစံဖြစ်နေတာပေါ့” ဟု ပြောသည်။ ပြီးခဲ့သည့် မေလကုန်ပိုင်းက နယ်စည်းမထား ဆရာဝန်များအဖွဲ့မှ MSF (ထားဝယ်) စတိုခန်း တာဝန်ရှိသူကို ဖမ်းဆီးခဲ့ပြီးနောက် ဇွန်လဆန်းပိုင်းတွင် တာဝန်ခံ ဆရာဝန်နှင့် ဒု-တာဝန်ခံတို့ကို ထပ်မံ၍ ဖမ်းဆီးသွားခြင်း ဖြစ်သည်။

MSF ဆေးခန်းမှ ဆရာဝန်များကို စစ်ကောင်စီ ဖမ်းဆီး

MSF ဆေးခန်းမှ ဆရာဝန်များကို စစ်ကောင်စီ ဖမ်းဆီး သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၁၁ ရက်။  ဆရာဝန်များ ဖမ်းဆီးခံထားရသဖြင့် ထားဝယ်မြို့က…

  • June 12, 2025
ကော့ကရိတ် မြို့နယ်အတွင်း ဗုံးကြဲမှု ကလေးအပါအဝင် အရပ်သား ၆ ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။   ကရင်ပြည် ကော့ကရိတ် မြို့နယ်အတွင်း ဗုံးကြဲ တိုက်ခိုက်မှုတွင် ကလေးများ အပါအဝင် အရပ်သား ၆ ဦး သေဆုံးခဲ့သည်။   ကရင်ပြည်၊ ကော့ကရိတ်မြို့နယ်ထဲက ပိုင်ရပ်ကျေးရွာအုပ်စုထဲက ကညင်ကတိုက် ကျေးရွာမှ ကလေးများ စာသင်နေကြသည့် နေအိမ်အနီးဝန်းကျင်အား လေကြောင်းမှ ဗုံးကြဲခံခဲ့ရသော ကြောင့် ကလေး ၃ ဦး အပါအဝင် လူကြီးတစ်ဦးက နေရာ၌ပင် သေဆုံးသွားခဲ့ခြင်း ဖြစ်သည်ဟု ဒေသခံများက ပြောသည်။   ဒေသခံ အမျိုးသားတစ်ဦးက “မနေ့က သေတာက ကလေး ၃ ယောက်၊ လူကြီးအမျိုးသား တစ်ယောက် သေ တယ်။ သူတို့က အဲ့ဒီနေရာမှာတင် သေသွားတာ။ ဒဏ်ရာရတဲ့လူတွေကို ဆေးရုံပို့နေတုန်း ဆရာမ တစ်ယောက် ထပ်သေတယ်။ ဒီနေ့ မနက်မှာ တစ်ယောက်ထပ်သေတယ်။ ဆိုတော့ အခုက သေဆုံးက ၆ ဦး ဖြစ်သွားပြီ” ဟု ပြောသည်။   အဆိုပါ ဖြစ်စဉ်မှာ ဇွန်လ ၉ ရက်နေ့ မွန်းလွှဲပိုင်း ၂ နာရီ အချိန်ချိန့်တွင် ဖြစ်ပွားခဲ့ခြင်း ဖြစ်သည်ဟု ဒေသခံများက ပြောသည်။   လေကြောင်း ဗုံးကြဲမှုကြောင့် ကလေးများအပါအဝင် အရပ်သား ၁၁ ဦးရှိရာ ၎င်းတို့အား ဆေးရုံသို့ဆောင်ကာ ဆေးကုသမှု ပေးနေရသည်ဟု ဆိုသည်။ ဒဏ်ရာ ရသူ ၁၁ ဦးအနက် နှစ်ဦးမှာ သေဆုံးသွားပြီ ဖြစ်၍ ကျန် ၉ ဦးမှာ မော်လမြိုင်ဆေးရုံ၌ ဆေးကုသမှု ဆက်လက်ခံယူနေရသည်ဟု ဆိုသည်။   လေကြောင်းမှာ ပစ်ချလိုက်သည့် ဗုံး ကျရောက်ပေါက်ကွဲသော နေအိမ်မှာ ကိုယ်ထူကိုယ်ထကျောင်းပုံစံမျိုးဖြင့် ကလေးများအား စာသင်ကြားပေးနေခြင်း ဖြစ်သည်။   အဆိုပါနေရာ၌ တိုက်ပွဲများ တစ်စုံတစ်ရာ ဖြစ်ပွားနေခြင်းမျိုးလည်း မရှိဘူးဟု ဒေသခံများက ဆိုသည်။   စစ်ရေး သတင်းအရင်းအမြစ် တစ်ဦးက “ကော့ကရိတ်မှာက တိုက်ပွဲဖြစ်တဲ့နေရာကလည်း ဖြစ်တာပဲ၊ မဖြစ်တဲ့ နေရာတွေကလည်း လက်နက်ကြီးရော၊ ဒီလေယာဉ်ရော ဒရုန်းရော ကြောက်နေရတာ။ ကလေးတွေအတွက် စိုးရိမ်လို့ ကျောင်းမှာ စာမသင်ဘဲ အိမ်မှာ သင်နေကြတာ။ အခု အိမ်မှာသင်နေတုန်း ဒီလိုမျိုး ထပ်ဖြစ်တော့ အားလုံး ကြောက်လန့်နေပြီ” ဟု ပြောသည်။   စစ်ကောင်စီတပ်က လေကြောင်းမှ ဗုံးကြဲတိုက်ခိုက်မှုများ ဆက်တိုက် လုပ်နေသောကြောင့် ကျောင်းမတက်ရဲ ကြဘဲ အများစုမှာ နေအိမ်များ၌ ကလေးများကို ခေါ်၍ စာသင်ပေးနေကြခြင်း ဖြစ်သည်။   ကညင်ကတိုက်ကျေးရွာထဲသို့ လေကြောင်းမှ ဗုံးကြဲတိုက်ခိုက်ပြီးနောက် ကျုံဒိုး၊ အုန်းတစ်ပင်၊ အင်းကြီးကျေးရွာ များဘက်သို့လည်း လေကြောင်းမှ ဆက်လက်ဗုံးကြဲ တိုက်ခိုက်ခဲ့သည်ဟု မြေပြင် စစ်ရေး သတင်း အရင်းအမြစ် များက ပြောသည်။   ယခု လေကြောင်းမှ ဗုံးကြဲတိုက်ခိုက်ခံရသည့် ပိုင်ရပ်ကျေးရွာအုပ်စုထဲက ကညင်ကတိုက်ကျေးရွာမှာ ကရင်ပြည် နှင့် မွန်ပြည်အစပ် ကရင်ပြည်ဘက်ခြမ်းထဲတွင် ရှိသည့် ကျေးရွာဖြစ်သည်။

ကော့ကရိတ် မြို့နယ်အတွင်း ဗုံးကြဲမှု ကလေးအပါအဝင် အရပ်သား ၆ ဦး သေဆုံး 

ကော့ကရိတ် မြို့နယ်အတွင်း ဗုံးကြဲမှု ကလေးအပါအဝင် အရပ်သား ၆ ဦး သေဆုံး  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၁၁ ရက်။  ကရင်ပြည် ကော့ကရိတ် မြ…

  • June 11, 2025
ILO ၏ စစ်ကောင်စီအပေါ် အပြင်းထန်ဆုံး အရေးယူမှုကို NUG ကြိုဆို   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။   အပြည်ပြည်ဆိုင်ရာ အလုပ်သမား အဖွဲ့ (ILO) က စစ်ကောင်စီအပေါ်  ပုဒ်မ ၃၃ အရ အရေးယူရန် ဆုံးဖြတ်ချက် ချမှတ်လိုက်ခြင်းသည် သမိုင်းဝင်ခြေလှမ်း ဖြစ်သည်ဟု အမျိုးသားညီညွတ်ရေးအစိုးရ (NUG) က ပြောသည်။   “အကြမ်းဖက်စစ်အုပ်စုကို ILO Convention Article 33 အရ ပြင်းထန်ထိရောက်စွာ အရေးယူရေး ဆုံးဖြတ်ချက် ကို အမျိုးသား ညီညွတ်ရေးအစိုးရ အနေနဲ့ လှိုက်လှဲဝမ်းမြောက်စွာ ကြိုဆိုပါတယ်။ စစ်အုပ်စုကို အခုလို အရေး ယူမှု ဆုံးဖြတ်ချက် ကျလာရေးအတွက် အမျိုးသားညီညွတ်ရေး အစိုးရ အလုပ်သမားဝန်ကြီးဌာန ဦးဆောင်တဲ့ အစိုးရ၊ အလုပ်ရှင်၊ အလုပ်သမား သုံးပွင့်ဆိုင် ကိုယ်စားလှယ်အဖွဲ့ဟာ ၂၀၂၁ ခုနှစ်ကတည်းက လေးနှစ်တာ ကာ လအတွင်း ကြိုးပမ်းဆောင်ရွက်ခဲ့ကြတာ ဖြစ်ပါတယ်” ဟု NUG ၏ ပြည်ထောင်စု ဝန်ကြီးချုပ်ရုံး ပြောရေး ဆိုခွင့်ရှိသူ ဦးနေဘုန်းလတ်က ပြောသည်။   ဦးနေဘုန်းလတ်က ဇွန်လ ၁၀ ရက်နေ့တွင် ပြုလုပ် သည့် နိုင်ငံတကာနှင့် ပြည်သူလူထုများအား သတင်းစကား ပြောကြားခြင်း အစီအစဉ်တွင် ထည့်သွင်းပြောကြား ခဲ့ခြင်း ဖြစ်သည်။   ILO က ဖွဲ့စည်းပုံပါ အပြင်းထန်ဆုံး အရေးယူမှုဖြစ်သည့် ပုဒ်မ ၃၃ အရ အရေးယူရန်ဆုံးဖြတ်ချက် ချလိုက်ခြင်း ဖြစ်သည်။   အဆိုပါ ဆုံးဖြတ်ချက် ချမှတ်နိုင်ရန်အတွက် NUG အနေဖြင့် လေးနှစ်နီးပါးကြာ ကြိုးပမ်းခဲ့သည့် သံတမန်ရေးရာ အောင်မြင်မှု တစ်ခုဖြစ်သည်ဟု ဆိုသည်။   ဆွစ်ဇာလန်နိုင်ငံ၊ ဂျနီဗာမြို့တွင် ကျင်းပခဲ့သည့် ၁၁၃ ကြိမ်မြောက် အပြည်ပြည်ဆိုင်ရာ အလုပ်သမား ညီလာခံ၌ ဇွန်လ ၅ ရက်နေ့တွင် ဤဆုံးဖြတ်ချက်ကို ချမှတ်ခဲ့ခြင်း ဖြစ်သည်။   အပြည်ပြည်ဆိုင်ရာ အလုပ်သမားသမဂ္ဂများ အဖွဲ့ချုပ် (ITUF) ကလည်း ILO ၏ ဆုံးဖြတ်ချက်ကို ကြိုဆိုလိုက် သည်။   ပုဒ်မ ၃၃ သည် ILO ၏ ဖွဲ့စည်းပုံအခြေခံ ဥပဒေတွင် အဖွဲ့ဝင်နိုင်ငံတစ်ခု အပေါ် အရေးယူနိုင်သည့် အပြင်းထန်ဆုံး ပြဋ္ဌာန်းချက်ဖြစ်ပြီး ၂၀၀၀ ပြည့်နှစ် ဦးသန်းရွှေ စစ်အာဏာရှင် လက်ထက်တွင်လည်း အဓမ္မ အလုပ်ခိုင်းစေမှုများ နှင့် ပတ်သက်၍ တစ်ကြိမ် အရေးယူခဲ့ဖူးသည်။   ယခုတစ်ကြိမ် အရေးယူမှုသည် စစ်အာဏာသိမ်းပြီးနောက်ပိုင်း အလုပ်သမား အခွင့်အရေးများ ဆိုးရွားစွာ ချိုးဖောက်ခံနေရမှုနှင့် အရပ်ဘက် အဖွဲ့အစည်းများ အပေါ် ဖိနှိပ်မှုများကြောင့် ဖြစ်သည်ဟု ဆိုသည်။   ယခုဆုံးဖြတ်ချက် အရ ILO အဖွဲ့ဝင်နိုင်ငံများ အနေဖြင့် စစ်ကောင်စီနှင့် ဆက်ဆံရေး၊ အထူးသဖြင့် စစ်ရေးနှင့် ငွေကြေးဆိုင်ရာ ပူးပေါင်းဆောင်ရွက်မှုများကို ထိခိုက်သွားစေမည်ဟု ဦးနေဘုန်းလတ်က ဆက်ပြောသည်။   “ဒီဆုံးဖြတ်ချက်အရ အရေးယူမှုတွေမှာ အဓိကအားဖြင့် ကမ္ဘာ့ အလုပ်သမား အဖွဲ့ ILO အဖွဲ့ဝင် နိုင်ငံ တွေ အနေနဲ့ စစ်ကောင်စီနဲ့ ဆက်ဆံရေး ပူးပေါင်းဆောင်ရွက်မှုတွေကို ပြန်လည်သုံးသပ်ဖို့၊ ပြည်သူလူထု အပေါ်  ဖိနှိပ်အကြမ်းဖက်မှု ဖြစ်စေတဲ့ စစ်ကောင်စီထံ လေယာဉ်ဆီ၊ စစ်လက်နက်ပစ္စည်း၊ ငွေကြေး၊ စီစဉ်မှုတွေ မပြု လုပ်ဖို့ အစရှိတဲ့ စစ်အုပ်စုအပေါ်  တိုက်ရိုက် ပစ်မှတ်ထားတဲ့ ဒဏ်ခတ်အရေးယူမှုတွေ ပါဝင်လာမှာ ဖြစ်ပါ တယ်။”   ၂၀၀၀ ခုနှစ်က အရေးယူခဲ့သော ဆုံးဖြတ်ချက်သည် မြန်မာနိုင်ငံနှင့် စီးပွားရေး ပူးပေါင်းဆောင်ရွက်မှုများကို ပြန်လည် သုံးသပ်ရန်သာ ဖြစ်သော်လည်း ထိုစဉ်ကလည်း စစ်အာဏာရှင်တို့အတွက် များစွာအထိနာစေခဲ့သည်။   ယခုတစ်ကြိမ်ချမှတ်သည့် ဆုံးဖြတ်ချက်သည် ယခင်ကထက် ပိုမိုပြင်းထန်ပြီး စစ်ကောင်စီ၏ ယန္တရားကို တိုက်ရိုက် ထိခိုက်စေမည့် အရေးယူမှုများ ပါဝင်နေသောကြောင့် ပိုမိုထိရောက်နိုင်သည်ဟု လေ့လာသူများက သုံးသပ်ကြသည်။   NUG အစိုးရအနေဖြင့် ဤဆုံးဖြတ်ချက်ကို ကြိုဆိုရုံသာမက အဖွဲ့ဝင်နိုင်ငံများက ယင်းဆုံးဖြတ်ချက်ပါ အချက် များကို လိုက်နာဆောင်ရွက်ရေးအတွက် ဆက်လက်စောင့်ကြည့် တိုက်တွန်းသွားမည်ဟု ဦးနေဘုန်းလတ်က ပြောသည်။   ယခုဆုံးဖြတ်ချက်သည် မြန်မာနိုင်ငံ ဒီမိုကရေစီ ရရှိရေး ကြိုးပမ်းမှုတွင် နိုင်ငံတကာ အသိုင်းအဝိုင်း၏ အားပေး ထောက်ခံမှုကို ပြသလိုက်ခြင်း ဖြစ်ပြီး စစ်ကောင်စီကို နိုင်ငံတကာစင်မြင့်မှ ဖယ်ထုတ်ရန်နှင့် ၎င်းတို့၏ ရာဇဝတ် မှုများအတွက် တာဝန်ခံမှု ရှိလာစေရန် ဖိအားပေးသည့် အရေးပါသော ခြေလှမ်းတစ်ရပ်ဖြစ်သည်ဟု NUG က ဆိုသည်။

ILO ၏ စစ်ကောင်စီအပေါ် အပြင်းထန်ဆုံး အရေးယူမှုကို NUG ကြိုဆို

ILO ၏ စစ်ကောင်စီအပေါ် အပြင်းထန်ဆုံး အရေးယူမှုကို NUG ကြိုဆို သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။  အပြည်ပြည်ဆိုင်ရာ အလုပ်သမား အ…

  • June 11, 2025
ဒီးမော့ဆိုတွင် အမျိုးသမီးဟု ယူဆရသော ရုပ်အလောင်း အရိုးစု တွေ့   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇွန်လ ၁၁ ရက်။   ကရင်နီပြည်၊ ဒီးမော့ဆိုမြို့နယ်အတွင်းက အိမ်တစ်အိမ်တွင် အမျိုးသမီးဟု ယူဆရသော လူအရိုးစု (ရုပ်အလောင်း တစ်လောင်း) တွေ့ရှိခဲ့ သည်ဟု ဒေသခံများက ပြောသည်။   အဆိုပါ လူအရိုးစုကို ဇွန်လ ၉ ရက်နေ့တွင် ဒီးမော့ဆိုမြို့နယ်၊ မြို့မ မြောင်းအောက် (ရွှေယောက်) ရပ်ကွက်ရှိ နေအိမ် တစ်လုံးထဲတွင် ကရင်နီပြည်ရဲဌာန (KSP) ကတွေ့ရှိခဲ့သည်ဟု ကူညီကယ်ဆယ်ရေး အဖွဲ့က ပြောသည်။   ကူညီကယ်ဆယ်ရေးလုပ်နေသူတစ်ဦးက “ကျနော်တို့ကိုယ်တိုင် တွေ့ခဲ့တာတော့ မဟုတ်ဘူးပေါ့နော်။ ကျနော် တို့ကိုလာပြီတော့ ချိတ်ဆက်ခဲ့တယ်ပေါ့နော်။ ကျနော်တို့  ၉ ရက်နေ့က တစ်နာရီဝန်းကျင်လောက်ပေါ့ အဲ့ဒါကို ကျနော်တို့ မြောင်းအောက် ရွှေယောက် ရပ်ကွက်လို့တော့ ကျနော်တို့ သိရတယ်ပေါ့နော်။ ဘယ်လောက်ကြာ ပြီလဲဆိုရင် တစ်ပတ် နှစ်ပတ်လောက် ကြာပြီလို့တော့ ကျနော်တို့ ခန့်မှန်းထားတယ်ပေါ့နော်” ဟု ပြောသည်။   ကယ်ဆယ်ရေးအဖွဲ့၏ စစ်ဆေးချက်အရ လူအရိုးစု (ရုပ်အလောင်း) သည် အမျိုးသမီးတစ်ဦး၏ ရုပ်အလောင်း ဖြစ်သည်ဟု ခန့်မှန်းနိုင်ကြောင်း ကူညီကယ်ဆယ်ရေးအဖွဲ့ဝင်က ဆက်ပြောသည်။   “အမျိုးသမီးလို့ ဘာလို့ခန့်မှန်းလို့ရလည်း ဆိုရင် ရုပ်အလောင်းကို ကြည့်ခြင်းအားဖြင့် သူ့ရဲ့အနားမှာရှိတဲ့ အင်္ကျီ က အစပေါ့နော် သူ့ရဲ့ဝတ်စားဆင်ယင်မှု ဆံပင်ပုံစံ ပြီးတော့ သူ့ရဲ့ အရိုးကအစ ကြည့်ပြီးတော့မှ အမျိုးသမီးလို့ ကျနော်တို့ ခန့်မှန်းနိုင်ထားတာတော့ ရှိတယ်ပေါ့။ ပြောရမယ်ဆိုရင် သူ့ရဲ့ ဝတ်စားဆင်ယင်မှုမှာမှာ အင်္ကျီက ဝတ် ထားတယ်။ ဒါပေမဲ့ အောက်ပိုင်းတော့ ဝတ်ထားတာမရှိဘူး။ သူ့ရဲ့ဘေးနားမှာက မိန်းကလေး အသုံးအဆောင် ပစ္စည်းတွေ သူ့ရဲ့ မိန်းကလေးသုံး အိတ်ရှိတယ်၊ ပြီးတော့ အတွင်းခံတွေ အဲ့ဒါတွေကို ကျနော်တို့ ကြည့်ခြင်းအား ဖြင့် ခန့်မှန်းထားတယ်ပေါ့နော်။”   မည်သည့် အကြောင်းကြောင့် သေဆုံးသွားသည်ကိုမူ မသိရသေးဘူးဟု ဆိုသည်။   ကူညီကယ်ဆယ်ရေး အဖွဲ့ဝင်က “ဘာကြောင့် သေဆုံးသွားလဲ ဆိုတာတော့ အခုက တာဝန်ရှိတဲ့ KSP ဖြစ်ဖြစ် ဒီလုပ်ငန်းကို တာဝန်ယူထားတဲ့ လူဖြစ်ဖြစ်ပေါ့နော် အဲ့ဒါကိုပဲ ကျနော်တို့ပြန်လွှဲပြီးတော့ စစ်ဆေးခိုင်းတာမျိုးပဲ လုပ်ထားတာ ရှိတယ်ပေ့ါနော် “ ဟုပြောသည်။   ယခုတွေ့ရှိထားသည့် လူအရိုးစု (ရုပ်အလောင်း) နှင့် ပတ်သက်၍ သက်ဆိုင်ရာ တာဝန်ရှိသူများ စစ်ဆေးပြီးမှသာ အသေးစိတ်ကို သိရမည်ဟု ကူညီကယ်ဆယ်ရေး အဖွဲ့ တာဝန်ရှိသူများက ဆိုသည်။   လက်ရှိ ဒီးမော့ဆိုမြို့နယ်၊ မြို့မ မြောင်းအောက် (ရွှေယောက်) ရပ်ကွက်တွင် ဒေသခံတော်လှန်ရေး တပ်ဖွဲ့များသာ နေထိုင်ပြီ စစ်ကောင်စီတပ်နှင့် နှစ်ဖက်ကြား ထိတွေ့တိုက်ပွဲ ဖြစ်ပွားခြင်း မရှိဟု ဒေသခံများက ပြောသည်။

ဒီးမော့ဆိုတွင် အမျိုးသမီးဟု ယူဆရသော ရုပ်အလောင်း အရိုးစု တွေ့

ဒီးမော့ဆိုတွင် အမျိုးသမီးဟု ယူဆရသော ရုပ်အလောင်း အရိုးစု တွေ့ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇွန်လ ၁၁ ရက်။  ကရင်နီပြည်၊ ဒီးမော့ဆိုမြို့နယ…

  • June 11, 2025
×Close