သတင်း

ချင်းညီနောင်က ကျစ်လစ်တဲ့ တပ်မတော် ဖွဲ့စည်းမည် (အင်တာဗျူး)   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။   ချင်းညီနောင်အဖွဲ့ဝင် တပ်ဖွဲ့များက ပြီးခဲ့သည့် ဧပြီလ ၂၆ ရက်နေ့ ကနေ ၂၉ ရက်နေ့အထိ မြေပြင်အစည်းအဝေး တစ်ခုကို ချင်းပြည်နယ် လွတ်မြောက်နယ်မြေတစ်နေရာတွင် ပြုလုပ်ခဲ့ကြသည်။   အဆိုပါ အစည်းအဝေးကို ချင်းညီနောင် အဖွဲ့ဝင် ၆ ဖွဲ့မှ ကိုယ်စားလှယ် ၃၉ ဦးတက်ရောက်ခဲ့ကြပြီး ထိုအစည်း အဝေးတွင် ချင်း တမျိုးသားလုံးကို အကာအကွယ်ပေးနိုင်သည့် ပိုမိုကျစ်လစ်ခိုင်မာသော တပ်မတော်တစ်ရပ် (Standard Army) အဖြစ် တိုးမြှင့်ဖွဲ့စည်းနိုင်ရန် အခြေခံမူများ ချမှတ်ခဲ့သည် ချင်းညီနောင်အဖွဲ့ CB က မေလ ၁၁ ရက်နေ့ (ယမန်နေ့) က ထုတ်ပြန်ထားသည်။   ထို့အပြင် ချင်းအမျိုးသား စည်းလုံးညီညွတ်ရေးနှင့် အနာဂတ်တွင် ချင်းပြည်သူလူထုတရပ်လုံးကို ကိုယ်စားပြု သည့် ချင်းပြည်အစိုးရ ပေါ်ပေါက်နိုင်ရေးအတွက် တန်းတူညီမျှခြင်း၊တရားမျှတခြင်း၊ ကိုယ့်ကြမ္မာ ကိုယ်ဖန်တီး နိုင်ခြင်း၊ အစရှိသော ဒီမိုကရေစီ စံနှုန်းထားများ ပါဝင်သည့် ချင်းညီနောင်၏ Terms of Reference (ToR) အတိုင်း ဆက်လက် အကောင်အထည်ဖော်ဆောင်ရွက်ရန် သဘောတူခဲ့ကြသည်ဟု ဆိုသည်။   ညီနောင်အဖွဲ့ -CB က ဖွဲ့စည်းမည့် ကျစ်လျစ်ခိုင်မာသည့် တပ်မတော်ဆိုတာဘာလဲ။ ဘယ်လိုပုံစံမျိုးလဲ။ ကျစ်လျစ်ခိုင်မာသည့် တပ်မတော် ဖွဲ့စည်းဖို့အပြင် ရှေ့ဆက်လုပ်ဆောင်မည့် ရှေ့လုပ်ငန်းစဉ်တွေက ဘာလဲ ချင်းညီနောင်အဖွဲ့ - CB ပြောရေးဆိုခွင့်ရှိသူ ဆလိုင်းယောမန် ကို သတင်းနှင့် မီဒီယာ ကွန်ရက်က ဆက်သွယ်မေး မြန်းထားသည်။   မေး - ချင်းညီနောင်အဖွဲ့တွေအနေနဲ့ ဒီ မြေပြင် ဆွေးနွေးပွဲကနေ ဘယ်လို ရှေ့လုပ်ငန်းစဉ်တွေကို ချမှတ်နိုင်ခဲ့ ကြသလဲ။ ဘာတွေ ဆက်လုပ်သွားဖို့ ရှိသလဲ။   ဆလိုင်းယောမန် - ကျနော်တို့ ရှေ့လုပ်ငန်းစဉ်တွေမှာတော့ ကျနော်တို့ ဒီ ချင်းညီနောင် အဖွဲ့တွေ ချင်းညီနောင် ထိန်းချုပ်နယ်မြေတွေ ကနေပေါ့နော စစ်ကောင်စီ လုံးဝကင်းစင်သွားအောင်လို့ ဥပမာတော့ တီးတိန် တစ်မြို့ပဲ ကျန်တော့တာပေါ့ ကျနော်တို့ ဒီ ချင်းညီနောင် အဖွဲ့ဝင် ၆ ဖွဲ့ထဲမှာပေါ့နော စစ်ကောင်စီကင်းစင်ဖို့က တီးတိန် တစ်မြို့ ပဲ ကျန်တော့တယ်။ အဲဒါကို ကျနော်တို့ လုပ်သွားမယ်။ ပြီးတဲ့နောက်မှာမှ တခြားအများကြီး ပါပဲ ဆွေးနွေးဖြစ်ကြ တာကတော့ ကျနော်တို့ သုံးရက် လေးရက်လောက် တွေ့ပြီးမှ ဆွေးနွေးတယ်ဆိုတော့နော် ဆွေးနွေးတာတော့ အများကြီးရှိပါတယ်။   မေး - ပြီးတော့ ထုတ်ပြန်ချက်ထဲမှာက ကျစ်လျစ်ခိုင်မာတဲ့ တပ်မတော်တစ်ရပ် ဖွဲ့စည်းသွားမယ်ဆိုပြီး တွေ့ရတယ်။ ဆို တော့ ကျစ်လျစ်ခိုင်မာတဲ့ တပ်မတော်ဆိုတာ ဘာကို ပြောတာလဲ။လက်ရှိပုံစံနဲ့ ဘာကွာသလဲ   ဆလိုင်းယောမန် - ဒီကျစ်လစ်ခိုင်မာတဲ့ တပ်မတော် တစ်ရပ်ဆိုတာက ဥပမာ ကျနော်တို့ ဒီ ၆ ဖွဲ့ကို ၁ ဖွဲ့ပေါင်းလိုက်လို့ရပါတယ်။ အဖြစ်သဘောပေါ့နော။ အပေါ်ယံပဲ လုပ်ကြစတမ်းဆိုရင်ပေါ့လေ။ ကျနော်တို့ အခုစဉ်းစားထားတာ တော့ တစ်ဖွဲ့ချင်းစီ တစ်ဖွဲ့ချင်း ဒီထက် ပိုကျစ်လျစ်ခိုင်မာအောင် ကျနော်တို့ လုပ်ရမယ်။ အဖွဲ့တခုချင်းစီက ကျစ်လျစ်ခိုင်မာတဲ့ အဲလိုဖြစ်လာပြီဆိုမှ ဒါကိုကျနော်တို့ ပြန်ပေါင်းမယ်ဆိုတော့ တစ်ဖွဲ့အတွင်းချင်းစီမှာပဲ တကယ့် chain of command တွေ ethics တွေ discipling ကောင်းတဲ့ဟာဖြစ် အောင် ကျနော်တို့ ဝိုင်းဝန်း တည်ဆောက်ကြမယ်ပေါ့နော။ အဲဒါပြီးမှပဲ ကျနော်တို့ ပြန်ဝိုင်းဝန်းလုပ်ကြမယ် ပေါ့။ အဲလိုမျိုးပါ။   မေး - ကျစ်လျစ်ခိုင်မာတဲ့ တပ်မတော်ဖြစ်အောင် ဘယ်လို ဆက်လုပ်သွားဖို့ရှိသလဲ   ဆလိုင်းယောမန် - ဒီလိုမျိုးပါဝင်တဲ့ အဖွဲ့တွေ တစ်ဖွဲ့ချင်းစီက ကျစ်လျစ်တဲ့ စည်းကမ်းရှိတဲ့ တပ်ဖွဲ့တွေ ဖြစ်လာ အောင် တည်ဆောက် ရင်းနဲ့မှပေါ့နော အဲဒီကနေမှပဲ တစ်ဖြေးဖြေး ပူးပေါင်းလာကြဖို့ပေါ့ အဲဒီ ၆ ဖွဲ့လုံး တစ်ဖွဲ့ ဖြစ်လာအောင် ပူးပေါင်း လာဖို့ပေါ့လေ အဲလိုမျိုးပါ။ ဒီမှာတော့ ကျစ်လျစ်ခိုင်မာတဲ့ တပ်မတော်ဆိုတာ ပြောချင်တာကတော့ နစ်နာခံမှု ကောင်းတယ်။ ဒီ ကျင့်ဝတ်သဘောပေါ့ ethics တွေ ကောင်းကောင်း နားလည်တယ်။ ဒီ Geneva Convention သဘောတွေကအစပေါ့ ပြီးတော့မှ တိုက်ရည်ခိုက်ရည် ရှိရမယ်ပေါ့နော။ စစ်တပ်ဆိုကတည်းက ယူနီဖောင်း ဘယ်လောက်ကောင်းကောင်း လက်နက်ဘယ်လောက် ကောင်းကောင်း အမိန့်နာခံမှု ဘယ်လောက်ရှိရှိ တိုက်ရည် ခိုက်ရည် မရှိရင် အလကားပဲ အဲလိုမျိုးပေါ့ ဆိုတော့ စည်းကမ်းရှိရမယ်။ အမိန့်နာခံမှုကောင်းရမယ်။ ကျင့်ဝတ် သဘောသဘာဝ လုံးဝနားလည်ရမယ်။ လေးစား လိုက်နာရမယ်။ တိုက်ရည် ခိုက်ရည်ကောင်းရမယ်။ ပြီးတော့မှ အင်အားရှိလာမယ်ဆိုတာမျိုးတစ်ခုပေါ့နော။ ကျနော်တို့ ပြည်သူတွေကို ကာကွယ်ဖို့ ကျနော်တို့ရဲ့ ကိုယ့်ကြမ္မာ ကိုယ်ဖန်တီးဖို့ ကောင်းကောင်းအာမခံနိုင်တဲ့ တပ်တစ်တပ်ဖြစ်လာအောင် ကျနော်တို့ အဲလိုမျိုးပေါ့ အဲဒီတပ်မ တော်ဖက်ကိုပေါ့နော အဲလိုမျိုးကို ကျနော်တို့ ဆိုလိုချင်တာပါ။   ချင်းညီနောင် အဖွဲ့ဝင်များမှာ ဇိုမီးဖက်ဒရယ် အစည်းအရုံး (ZFU/ PDF- Zoland)၊ ချင်းအမျိုးသားကောင်စီ - မင်းတပ် (CNC/ CDF – Mindat)၊ ချင်းအမျိုးသားအဖွဲ့ချုပ် (CNO/ CNDF) ၊ မရာနယ်မြေ အုပ်ချုပ်ရေး ကောင်စီ (MTC/ MDF) ၊ ချင်းကာကွယ်ရေးတပ်ဖွဲ့ – ကန်ပက်လက် (CDF- Kampetlet)၊ ချင်းလဲန်းကာ ကွယ်ရေးတပ်ဖွဲ့ - မတူပီ (CDF-Matupi တပ်မဟာ ၁ တို့ ဖြစ်သည်။

ချင်းညီနောင်က ကျစ်လစ်တဲ့ တပ်မတော် ဖွဲ့စည်းမည် (အင်တာဗျူး)

ချင်းညီနောင်က ကျစ်လစ်တဲ့ တပ်မတော် ဖွဲ့စည်းမည် (အင်တာဗျူး) သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။  ချင်းညီနောင်အဖွဲ့ဝင် တပ်ဖွဲ့များက…

  • May 12, 2025
ရှမ်း-ကရင်နီ နယ်စပ် ဧပြီလ အတွင်း လူ ၁၈ ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။   ကရင်နီပြည်နယ်နှင့် ရှမ်း-ကရင်နီနယ်စပ်တွင် ဧပြီလအတွင်း အရပ်သား ၁၈ ယောက် သေဆုံးပြီး ၃၆ ယောက် ထိခိုက်ဒဏ်ရာ ရရှိခဲ့သည်ဟု ကရင်နီ လူ့အခွင့်အရေးအဖွဲ့ KnHRG က မေလ ၁၂ ရက် (ယနေ့) တွင် ထုတ်ပြန် သည်။   သေဆုံးသူများနှင့် ထိခိုက်ဒဏ်ရာ ရရှိသူများသည် စစ်ကောင်စီတပ်၏ လေကြောင်းတိုက်ခိုက်မှုနှင့် လက်နက် ကြီး ပစ်ခတ်မှုတို့အပြင် သဘာဝဘေးဒဏ်ကြောင့် ဖြစ်သည်ဟု ကရင်နီ လူ့အခွင့်အရေး အဖွဲ့ KnHRG က ပြောသည်။   ကရင်နီ လူ့အခွင့်အရေး အဖွဲ့ KnHRG အနေဖြင့် ကရင်နီပြည်နယ် လွိုင်ကော်၊ ဒီးမော့ဆိုမြို့နှင့် ကရင်နီ-ရှမ်းနယ် စပ် ကျေးရွာများတွင် လေကြောင်းနှင့် မြေပြင်မှ တိုက်ခိုက်လာသော အရာများကို မှတ်တမ်းပြုစုထား ခြင်းဖြစ် သည်ဟု ဆိုသည်။   စစ်ကောင်စီတပ်၏ လေကြောင်းတိုက်ခိုက်မှုကြောင့် အမျိုးသား ၃ ဦး၊ အမျိုးသမီး ၁ ဦး နှင့် လသားအရွယ် ကလေး ၁ ဦးအပြင် ကျား/မ ဖော်ပြနိုင်ခြင်း မရှိသူ စုစုပေါင်း ၁၂ ဦးသေဆုံးခဲ့ရပြီး လက်နက်ကြီး ပစ်ခတ်မှု ကြောင့်လည်း အမျိုးသား ၂ ဦး အမျိုးသမီး ၁ ဦး သေဆုံးခဲ့ရသည်ဟု KnHRG က ပြောသည်။   စစ်ကောင်စီ၏ လေကြောင်းတိုက်ခိုက်မှု နှင့် လက်နက်ကြီး ပစ်ခတ်မှုတို့အပြင် သဘာဝဘေးဒဏ်ကြောင့် အမျိုးသား ၁ ဦး၊ ကလေး ၁ ဦး နှင့် အမျိုးသမီး ၁ ဦးတို့လည်း သေဆုံးခဲ့သည်ဟု KnHRG ၏ ထုတ်ပြန်ချက် ထဲမှာ တွေ့ရသည်။   ထို့အပြင် လက်နက်ကြီး ပစ်ခတ်မှုကြောင့် အမျိုးသား ၃ ဦး၊ အမျိုးသမီး ၁ ဦး၊ ကလေး ၁ ဦး၊ လေကြောင်း တိုက်ခိုက်မှုကြောင့် အမျိုးသား ၂ ဦးနှင့် ကျား/မ မသိသူ စုစုပေါင်း  ၂၇ ဦး ထိခိုက်ဒဏ်ရာ ရရှိခဲ့ကြသည့်အပြင် ဒရုန်းတိုက်ခိုက်မှုကြောင့် လည်း အမျိုးသား ၁ ဦးနှင့် ကလေး ၁ ဦး ထိခိုက်ဒဏ်ရာ ရရှိခဲ့ကြသည်ဟု ဆိုသည်။   ထို့အတူ လက်နက်ကြီး နှင့် လေကြောင်းတိုက်ခိုက်မှုကြောင့် အဆောက်အအုံ ၃၉ လုံးလည်း ပျက်စီးခဲ့သည်ဟု KnHRG က ထုတ်ပြန်ချက်ထဲမှာ ရေးသားထားသည်။   စစ်ကောင်စီသည် ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အရှိန်အဟုန် မြင့် ဆောင်ရွက်ရန်နှင့် တည်ငြိမ်အေးချမ်းရေးကို ရှေ့ရှူးပြီး ယာယီ အပစ်ရပ်သက်တမ်းကို မေလ ၅ ရက်နေ့မှ မေလ ၃၁ ရက်နေ့အထိ တစ်လ ထပ်တိုးထားမည်ဟု ထုတ်ပြန်ထားသည်။   ယာယီ အပစ်ရပ် သက်တမ်း တစ်လ ထပ်တိုးမည်ဟု ထုတ်ပြန်ထားသော်လည်း လေကြောင်းတိုက်ခိုက်မှု၊ ဒရုန်းဖြင့် ဗုံးကြဲ တိုက်ခိုက်မှု၊ လက်နက်ကြီး ပစ်ခတ်မှုများကို စစ်ကောင်စီက ပြည်နယ်နှင့် တိုင်းဒေသကြီးများ တွင် နေ့တိုင်း လုပ်ဆောင်နေပြီး တိုက်ပွဲ များလည်း ဆက်လက် ဖြစ်ပွားနေသည်ဟု တော်လှန်ရေး အင်အား စုများက ပြောသည်။

ရှမ်း-ကရင်နီ နယ်စပ် ဧပြီလ အတွင်း လူ ၁၈ ဦး သေဆုံး

ရှမ်း-ကရင်နီ နယ်စပ် ဧပြီလ အတွင်း လူ ၁၈ ဦး သေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၁၂ ရက်။ ကရင်နီပြည်နယ်နှင့် ရှမ်း-ကရင်နီနယ်စပ်တွင် ဧပ…

  • May 12, 2025
ကျစ်လျစ်ခိုင်မာသည့် တပ်မတော်တစ်ရပ် ဖွဲ့စည်းသွားမည်ဟု ချင်းညီနောင်အဖွဲ့ ပြော   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၂ ရက်။   ချင်းညီနောင်အဖွဲ့ဝင် တပ်ဖွဲ့များ ပေါင်းစည်းကာ ချင်းပြည်နှင့် ချင်းတမျိုးသားလုံးကို အကာအကွယ်ပေးနိုင်သည့် ပိုမိုကျစ်လစ်ခိုင်မာသော တပ်မတော်တစ်ရပ် (Standard Army) အဖြစ် တိုးမြှင့်ဖွဲ့စည်းနိုင်ရန် အခြေခံမူများ ချမှတ်ခဲ့သည်ဟု ချင်းညီနောင်အဖွဲ့ CB က မေလ ၁၁ ရက်နေ့(ယမန်နေ့) က ထုတ်ပြန်သည်။   ချင်းပြည်နယ်ရှိ လွတ်မြောက်နယ်မြေ တနေရာတွင် ဧပြီလ ၂၆ ရက်မှ ၂၉ ရက်နေ့အထိ ၄ ရက်တာ ပြုလုပ်ခဲ့ သည့် ချင်းညီနောင်အဖွဲ့ ၏ မြေပြင် အစည်းအဝေးတွင် ထိုသို့ ချမှတ်ခဲ့ကြခြင်းဖြစ်သည်။   ထို့အပြင် ချင်းအမျိုးသား စည်းလုံးညီညွတ်ရေးနှင့် အနာဂတ်တွင် ချင်းပြည်သူလူထုတရပ်လုံးကို ကိုယ်စားပြု သည့် ချင်းပြည်အစိုးရ ပေါ်ပေါက်နိုင်ရေးအတွက် တန်းတူညီမျှခြင်း၊တရားမျှတခြင်း၊ ကိုယ့်ကြမ္မာ ကိုယ်ဖန်တီး နိုင်ခြင်း၊ အစရှိသော ဒီမိုကရေစီ စံနှုန်းထားများ ပါဝင်သည့် ချင်းညီနောင်၏ Terms of Reference (ToR) အတိုင်း ဆက်လက် အကောင်အထည်ဖော်ဆောင်ရွက်ရန် သဘောတူခဲ့ကြသည်ဟု ဆိုသည်။   ချင်းနောင်အဖွဲ့၏ ထုတ်ပြန်ချက်ထဲတွင် ပြည်တွင်း မဟာမိတ် ဆက်ဆံရေးနှင့် စပ်လျဉ်း၍ သော် လည်းကောင်း၊ နိုင်ငံတကာ ဆက်ဆံရေးနှင့် စပ်လျဉ်း၍ သော်လည်းကောင်း စစ်ရေး၊ နိုင်ငံရေးနှင့် လူမှု စီးပွား ရေး မူဝါဒများ ရေးဆွဲနိုင်ရေးအတွက် အခြေခံ သဘောတူ ညီချက်များ ချမှတ်ခဲ့ကြသည်ဟု ပါရှိသည်။   အလားတူ ချင်းညီနောင် ထိန်းချုပ်နယ်မြေများအတွင်းရှိ ပြည်သူလူထု၏ အသက်အိုးအိမ် စည်းမိမ်များကို ကာကွယ်သွားမည့်အပြင် ကျန်းမာရေး၊ ပညာရေး၊ စားနပ်ရိက္ခာဖူလုံရေး အစရှိသည့်  ပြည်သူ့ဝန်ဆောင်မှု လုပ်ငန်းများကိုလည်း ထိထိရောက်ရောက် ဝန်ဆောင်မှုပေးနိုင်ရန်အတွက် ပြည်တွင်းပြည်ပရှိ မိဘပြည်သူများ၊ တော်လှန်ရေးအင်အားစုများ၊ နိုင်ငံတကာ အဖွဲ့အစည်းများနှင့်အတူ လက်တွဲ ပူးပေါင်းဆောင်ရွက်နိုင်ရေးအတွက် အခြေခံသဘောတူညီချက်များ ချမှတ်ခဲ့ကြသည်ဟု ချင်းညီနောင်အဖွဲ့က ဆိုသည်။

ကျစ်လျစ်ခိုင်မာသည့် တပ်မတော်တစ်ရပ် ဖွဲ့စည်းသွားမည်ဟု ချင်းညီနောင်အဖွဲ့ ပြော

ကျစ်လျစ်ခိုင်မာသည့် တပ်မတော်တစ်ရပ် ဖွဲ့စည်းသွားမည်ဟု ချင်းညီနောင်အဖွဲ့ ပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၁၂ ရက်။ ချင်းညီနောင်အဖွဲ့…

  • May 12, 2025
ထိုင်း နယ်စပ် ထီးခီး စခန်းကို KNU. ပူးပေါင်းတပ်များ သိမ်းပိုက်   သတင်းနှင့် မီဒီယာကွန်ရက်။ ၂၀၂၅ ခုနှစ်၊ မေလ ၉ ရက်။   ကရင်အမျိုးသား အစည်းအရုံး KNU တပ်မဟာ ၄ မြိတ်-ထားဝယ်ခရိုင်ရှိ စစ်ကောင်စီတပ်၏ ထီးခီးဗျူဟာ တပ်စခန်းကို KNLA နှင့် ပူးပေါင်းတပ်များက မေလ ၉ ရက် (ယနေ့) တွင် တိုက်ခိုက်သိမ်းပိုက်လိုက်သည်။   စစ်ကောင်စီတပ်၏ ထီးခီးဗျူဟာတပ်စခန်း သိမ်းပိုက်ရရှိသည့် အခြေအနေနှင့် ပတ်သက်၍ အမည်မဖော်လို သည့် မြေပြင်သတင်းအရင်းမြစ်တစ်ဦးက ယခုကဲ့သို့ ပြောသည်။   အမည်မဖော်လိုသည့် မြေပြင် သတင်းရင်းမြစ်တစ်ဦးက “ထီးခီး အခု ဒီမနက် ၉ နာရီလောက်မှာ သူတို့ တက်သိမ်း လိုက်တယ်ပေါ့နော။ ဒီ တော်လှန်ရေး တပ်ပေါင်းစုတွေ ပေါင်းပြီးတော့ ဒီမနက် ၉ နာရီကျော် လောက်မှာ အကုန်တက်သိမ်းရခဲ့တယ်ပေါ့နော။ အခုကတော့ ကျနော်တို့ တပ်သားတွေ တက်သိမ်း လိုက်ပြီပေါ့နော။ သူတို့အပေါ်မှာ အလံတော့ထူလိုက်ပြီပေါ့နော။” ဟု ပြောသည်။   ထို့အပြင် လက်နက်ခဲ့ယမ်း အချို့ကိုလည်း သိမ်းယူရရှိခဲ့သည်ဟု အဆိုပါ သတင်းရင်းမြစ်က ပြောသည်။   ထီးခီးဗျူဟာ တပ်စခန်းသိမ်း တိုက်ပွဲအတွင်း စစ်ကောင်စီတပ်က လေကြောင်းတိုက်ခိုက်မှု၊ လက်နက်ကြီး ပစ်ခတ်မှုများကို ပြပြင်းပြင်း ထန်ထန် လုပ်ဆောင်ခဲ့သည်ဟု ဆိုသည်။   ပြီးခဲ့သည့် ဧပြီလ ၁၉ ရက်နေ့ကလည်း စစ်ကောင်စီတပ်၏ ထီးထာဗျူဟာ တပ်စခန်းကို KNLA နှင့် တော်လှန် ရေး ပူးပေါင်းတပ်များက တိုက်ခိုက်သိမ်းပိုက်နိုင်ခဲ့သည်။   ထိုထီးထာဗျူဟာ တပ်စခန်းသည် ယခင်က KNU တပ်မဟာ ၄ မြိတ်-ထားဝယ်ခရိုင်၏ ဗဟိုဌာနချုပ်ဟောင်း နေရာ ဖြစ်ပြီး ယခင် စစ်အာဏာရှင်ဟောင်း ဦးသန်းရွှေလက်ထက် ၁၉၉၇ ခုနှစ်တွင် စစ်တပ်က အပြင်းအထန် ထိုးစစ်ဆင်ကာ တိုက်ခိုက် သိမ်းပိုက်ခဲ့သည်။   အဆိုပါ ထီးထာ ဗျူဟာ စခန်းကို KNU တပ်မဟာ ၄ လက်အောက်ခံ KNLA နှင့် နွေဦးတော်လှန်ရေးမှ ပေါ်ပေါက် လာသည့် တော်လှန်ရေး ပူးပေါင်း တပ်များက ၂၈ နှစ်အကြာ ၂၀၂၅ ခုနှစ် ဧပြီလ ၁၉ ရက်နေ့တွင် ပြန်လည် တိုက် ခိုက်သိမ်းပိုက် ရယူနိုင်ခဲ့ကြသည်။   ထီးထာဗျူဟာစခန်းကို တိုက်ခိုက် သိမ်းပိုက်ရရှိပြီးနောက် စစ်ကောင်စီတပ်၏ ထီးခီးဗျူဟာတပ်စခန်းကို ဆက်လက် တိုက်ခိုက်ခဲ့သည်ဟု သတင်းရင်းမြစ်က ဆက်ပြောသည်။   “စတာကတော့ ဒီ ထီးထာစခန်းပြီးတာပေါ့နော။ ထီးထာ စခန်းသိမ်းပြီး ၁၉ ရက်နေ့ပေါ့နော ၁၉ ရက်နေ့ ထီးထာ စခန်းတက်သိမ်းပြီးတော့ ဒီ ၂၂ ကနေ ပြန်စတယ်။ ဒီ ထီးခီးကို ၂၂ ပြန်စတယ်။ အခုဒီ ၅ လပိုင်း ၉ ရက်နေ့မှာ တက်သိမ်းနိုင်တယ်ပေါ့နော”   တိုက်ပွဲအတွင်း စစ်ကောင်စီတပ်သား အယောက် ၄၀ ထက်မနည်း ထိုင်းနိုင်ငံဖက်သို့ ထွက်ပြေးသွားသည်ဟု သတင်းရင်းမြစ်က ပြောသည်။   ထို့အပြင် ထီးခီးဗျူဟာ တပ်စခန်းသိမ်း တိုက်ပွဲကြောင့် ဒေသခံ ပြည်သူ ၂၀၀ နီးပါးသည် ထိုင်း-မြန်မာနယ်စပ်သို့ ထွက်ပြေးတိမ်း ရှောင် နေကြရပြီး နေထိုင်စားသောက်ရေးနှင့် အကူအညီများလိုအပ်နေသည်ဟု သတင်းရင်း မြစ်က ဆိုသည်။   မေလ ၉ ရက်နေ့ တရက်တည်းတွင် KNU တပ်မဟာ ၄ မြိတ်-ထားဝယ်ခရိုင်ရှိ စစ်ကောင်စီ၏ ထီးခီး ဗျူဟာ တပ်စခန်းကို KNLA နှင့် ပူးပေါင်းတပ်များက သိမ်းပိုက်ရရှိခဲ့သကဲ့သို့ KNU တပ်မဟာ ၇ ဖားအံခရိုင်၊ ပိုင်ကျုံ (တာကရယ်)မြို့နယ်ရှိ စစ်ကောင်စီတပ်၏ လေးပနာဒီ (ခေါ်) တခေါ်ဘီခွီး တပ်စခန်းနှင့် KNU တပ်မဟာ ၃ ညောင် လေးပင်ခရိုင် ရွှေကျင်မြို့နယ်ရှိ စစ်ကောင်စီတပ်၏ ခြေမြန်တပ်ရင်း ခမရ - ၅၉၈ အခြေစိုက် တပ်စခန်းတို့ကို KNLA နှင့် ပူးပေါင်းတပ်များက တိုက်ခိုက်သိမ်းပိုက်နိုင်ခဲ့သည်။

ထိုင်း နယ်စပ် ထီးခီး စခန်းကို KNU ပူးပေါင်းတပ်များ သိမ်းပိုက်

ထိုင်း နယ်စပ် ထီးခီး စခန်းကို KNU ပူးပေါင်းတပ်များ သိမ်းပိုက် သတင်းနှင့် မီဒီယာကွန်ရက်။၂၀၂၅ ခုနှစ်၊ မေလ ၉ ရက်။ ကရင်အမျိုးသား အစည်းအရုံး KNU တပ်မ…

  • May 9, 2025
ကျောက်မဲ ပြည်သူ့ ဆေးရုံကို ဗုံးကြဲတိုက်ခိုက်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၆ ရက်။   ရှမ်းမြောက်ရှိ ကျောက်မဲမြို့ပေါ်နှင့် ဆေးရုံကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့သည်ဟု ဒေသခံများက ပြောသည်။   ကျောက်မဲမြို့ကို စစ်ကောင်စီတပ်မှ မေလ ၅ ရက်နေ့ နံနက်ပိုင်းတွင် ဂျက်ဖိုက်တာဖြင့် ဗုံးကြဲ တိုက်ခိုက်ခဲ့ခြင်း ဖြစ်သည်။   “သူတို့က ဆက်တိုက်လာကြဲတယ်။ မနက် ၁၁ နာရီ ကျော်လောက်မှာ နှစ်ခါလာကြဲသွားတာ။ အိမ်ပျက်စီးတာ လည်း ရှိတယ်။ လမ်းပေါ်တွေမှာ ကျတာလည်းရှိတော့ လူတွေက ကြောက်ကြတာပေါ့။ စိုးရိမ်တော့ ဘယ်မှာ နေရမှန်းမသိ လေယာဉ်သံပဲ နားစွင့်နေရတယ်။ လေယာဉ်ကလည်း ဆက်တိုက်ကို ဝဲနေတာ အပေါ်မှာလေ။ ဒီလိုပဲ အခြေအနေကြည့် နားစွင့်ပဲ နေနေကြရတာ” ဟု ကျောက်မဲဒေသခံ အမျိုးသမီး တစ်ဦးက ပြောသည်။   အလားတူ မေလ ၄ ရက်နေ့ကလည်း နောင်ချိုမြို့ပေါ်ရှိ ရပ်ကွက်အချို့နှင့် ကျေးရွာအချို့ကို စစ်တပ်က လေကြောင်းမှ ဗုံးကြဲ တိုက်ခိုက်မှုများ လုပ်နေသည်ဟု ဒေသခံများက ပြောသည်။   တအာင်း အမျိုးသား လွတ်မြောက်ရေး တပ်မတော် TNLA နှင့် စစ်ကောင်စီတို့၏ တရုတ်နိုင်ငံ ကူမင်းဆွေးနွေးပွဲ က သဘောတူညီမှုမရဘဲ ပြီးဆုံးခဲ့ပြီးနောက် ကျောက်မဲ၊ နောင်ချို အပြင် မိုးကုတ်မြို့တို့မှာ လေကြောင်းမှ ဆက်တိုက် ဗုံးကြဲ တိုက်ခိုက်ခံနေရသည်။   ကူမင်းဆွေးနွေးပွဲတွင် စစ်ကောင်စီသည် TNLA က သိမ်းပိုက်ထားသော မြို့များဖြစ်သည့် မိုးကုတ်၊ မိုးမိတ်၊ နောင်ချို၊ သီပေါနှင့် ကျောက်မဲမြို့တို့ကို ပြန်ပေးရန် တောင်းဆိုခဲ့သည်။   အဆိုပါ တွေ့ဆုံဆွေးနွေးပွဲ အပြီးမှာတွင် TNLA က သတင်းစာ ရှင်းလင်းပွဲ တစ်ခု လုပ်ခဲ့သည်။ ထိုသတင်းစာ ရှင်းလင်းပွဲ၌ တောင်းဆိုထားတဲ့ မြို့များ ပြန်ပေးရန် တရုတ်နှင့် စစ်ကောင်စီတို့က TNLA နယ်မြေရှိ လူထုကို ဖြတ်လေးဖြတ်နှင့် ပိတ်ဆို့ထားသည်ဟု ပြောသည်။   TNLA အနေဖြင့် ဖိအား ဘယ်လောက်များများ မြို့များ ပြန်မပေးရရေးအတွက် လုပ်သွားမည်ဟု သတင်း စာရှင်း လင်းပွဲတွင် ပြောဆိုထားသည်။   မိုးကုတ် ဒေသခံ အမျိုးသား တစ်ဦးက “ကျနော်တို့ မိုးကုတ်ကို ဗုံးကြဲနေတာက နေ့တိုင်းလိုလိုပါပဲ။ လေယာဉ် ကလည်း အမြဲဝဲနေတာ။ ဘာပဲဖြစ်ဖြစ် အကောင်းတွေ ဖြစ်လာဖို့ မျှော်လင့်ထားပေမယ့် နေ့တိုင်းတော့ စိုးရိမ်ပြီး သတိနဲ့ နေရတဲ့ အနေအထားမျိုးပေါ့ဗျာ။ ကြောက်လာဆိုရင်တော့ ကြောက်တယ်။ အထူးသဖြင့် ကလေးတွေ အတွက် စိုးရိမ်နေရတာ။ ဘယ်မှလည်း ထပ်ပြီး မရှောင်ချင်တော့ဘူး။ ဒီနေ့အထိတော့ ဒီလိုပဲ အခြေအနေကို စောင့်ကြည့် သတိနဲ့ နေရာတာမျိုးပေါ့ဗျာ” ဟု ပြောသည်။   လက်ရှိတွင် စစ်ကောင်စီတပ်သည် PSLF/TNLA ထိန်းချုပ်ထားသော မြို့နယ်များထဲ စစ်အင်အား ဖြည့်တင်းခြင်း၊ ထိုးစစ်ဆင်ခြင်းနှင့် တိုက်ပွဲဖြစ်ပွားခြင်း မရှိသည့် နေရာများကို လေကြောင်းမှ ဗုံးကြဲတိုက်ခိုက်ခြင်းများ လုပ်နေသည်ဟု ထုတ်ပြန်ထားသည်။   ထို့ကြောင့် မိဘပြည်သူများ အနေဖြင့် စစ်ကောင်စီ၏ ဗုံးကြဲတိုက်ခိုက်မှုများကို ရှောင်ရှားနိုင်ရန် စစ်ရေးသတိ အမြဲရှိရန်လိုအပ်ပြီး လေကြောင်းရန်မှ ကာကွယ်နိုင်ရန် ကာကွယ်ရေးဆိုင်ရာ နည်းလမ်းများကို လိုက်နာဆောင် ရွက်ကြရန် လိုအပ်ကြောင်း PSLF/TNLA က ထုတ်ပြန်ထားသည်။

ကျောက်မဲ ပြည်သူ့ ဆေးရုံကို ဗုံးကြဲတိုက်ခိုက်

ကျောက်မဲ ပြည်သူ့ ဆေးရုံကို ဗုံးကြဲတိုက်ခိုက် သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၆ ရက်။  ရှမ်းမြောက်ရှိ ကျောက်မဲမြို့ပေါ်နှင့် ဆေးရုံကို …

  • May 6, 2025
တရုတ်ကုမ္ပဏီတစ်ခုက ခဲလုပ်ကွက်အတွက် တစ်အိမ်ကို ငါးသိန်းပေး ပြောင်းရွှေ့ခိုင်း   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၆ ရက်။   တရုတ်နိုင်ငံသားပိုင် ကုမ္ပဏီတစ်ခုက ခဲလုပ်ကွက် တိုးချဲ့ရန် တနင်္သာရီတိုင်း ကျွန်းစုမြို့နယ်အတွင်း တစ်အိမ် ကျပ်ငါးသိန်းပေးကာ ပြောင်းရွှေ့ခိုင်းနေသည်ဟု ရွာသားများက ပြောသည်။   မြိတ်ခရိုင်၊ ကျွန်းစုမြို့နယ်၊ ကျွဲခရံကျေးရွာအုပ်စု၊ ယမုံကျေးရွာတွင် ခဲသတ္တု လုပ်ကွက်တိုးချဲ့ တူးဖော်ရန် အတွက်ဟု ဆိုကာ နေအိမ်များကို တစ်ဆောင်လျှင် ကျပ်ငါးသိန်းစီပေးကာ ပြောင်းရွှေ့ခိုင်းနေသည်ဟု ရွာသား များက ပြောသည်။   အသက် ၄၀ ခန့်အရွယ် ရွာသားတစ်ဦးက “ကုမ္ပဏီမန်နေဂျာက တစ်အိမ်ကို ငါးသိန်းပေးမယ်၊ ဧပြီလအကုန်မှာ အပြီး ဖယ်ရှားရမယ်၊ ကန့်ကွက်တဲ့ အိမ်ကို ဘတ်ဟိုးနဲ့ အပြီး ဖြိုချဖျက်ဆီးပစ်မယ်လို့ ခြိမ်းခြောက်နေတယ်၊ သူတို့ ပေးတဲ့ငွေက မုန့်ဖိုးပေးသလောက်နဲ့ တမင် လုပ်ချင်တာ လုပ်နေတဲ့ သဘောပါပဲ” ဟု ပြောသည်။   ဧပြီလကုန်တွင် အပြီးပြောင်းရွှေ့ ပေးရန်အတွက် ယမုံကျေးရွာ၏ ရွာအဖျားပိုင်းရှိ နေအိမ် ၃၀ ခန့်ကို ပြောဆို ထားသော်လည်း လက်ခံမှုမရှိဘဲ ကန့်ကွက်ငြင်းဆိုသူ များနေသည်ဟု ရွာသားများက ပြောသည်။   တရုတ်နိုင်ငံသားပိုင် ရွှေပင်လယ်ကုမ္ပဏီ၏ မန်နေဂျာဖြစ်သူ ဦးသန်းထိုက်က  စစ်ကောင်စီတပ်၊ ပျူစောထီးများ နှင့် ပူးပေါင်း၍ နေအိမ်တစ်ဆောင်လျှင် ငွေကျပ် ငါးသိန်းစီပေးကာ အဓမ္မ ပြောင်းရွှေ့ခိုင်းထားကြောင်း အသက် ရွာသားများက ပြောသည်။   ပြောင်းရွှေ့ခိုင်းထားသည့် နေအိမ်များမှာ မေလ ၄ ရက်နေ့အထိ ပြောင်းရွှေ့ခြင်း မပြုလုပ်ကြသော်လည်း ကုမ္ပဏီဘက်မှ နေအိမ်များကို တစ်စုံတစ်ရာ ပြုလုပ်ခြင်း မရှိသေးကြောင်း ဆိုသည်။   ပြီးခဲ့သည့် ၂၀၂၄ ခုနှစ်အတွင်းက ယမုံကျေးရွာ၌ ခဲသတ္တုမိုင်းပေါင်း ၃၂၀ ကျော်ရှိခဲ့ပြီး ယခု ၂၀၂၅ ခုနှစ်တွင် ခဲသတ္ထု ရှားပါးလာခြင်းကြောင့် ခဲသတ္တုမိုင်းပေါင်း ၁၅၀ ခန့်သာ ကျန်ရှိတော့သည်ဟု ရွာသားများက ပြော သည်။   ကျွန်းစုမြို့နယ် အပါအဝင် တနင်္သာရီတိုင်း အတွင်းရှိ မြို့နယ်အများစုတွင် စစ်အာဏာ သိမ်းပြီးသည့် နောက်ပိုင်း ခဲသတ္တုလုပ်ကွက် အများအပြား ပေါ်ပေါက်လာပြီး စစ်ကောင်စီတပ်နှင့် ပျူစောထီးအဖွဲ့များကို ငွေကြေးပေးပြီး တူးဖော် လုပ်ကိုင်နေကြခြင်း ဖြစ်သည်ဟု ဆိုသည်။    

တရုတ်ကုမ္ပဏီတစ်ခုက ခဲလုပ်ကွက်အတွက် တစ်အိမ်ကို ငါးသိန်းပေး ပြောင်းရွှေ့ခိုင်း 

တရုတ်ကုမ္ပဏီတစ်ခုက ခဲလုပ်ကွက်အတွက် တစ်အိမ်ကို ငါးသိန်းပေး ပြောင်းရွှေ့ခိုင်း  သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၆ ရက်။  တရုတ်နိုင်ငံသား…

  • May 6, 2025
မိုးကုတ်ဗုံးကြဲမှုကြောင့် ဒေသခံ တစ်ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၃ ရက်။   တအာင်းအမျိုးသား လွတ်မြောက်ရေး တပ်မတော် PSLF/TNLA က ထိန်းချုပ်ထားသည့် မိုးကုတ်မြို့ကို စစ်ကောင်စီတပ်က လေကြောင်းမှ ဗုံးကြဲ တိုက်ခိုက်ခဲ့သောကြောင့် ဒေသခံ တစ်ဦး ထိမှန်သေဆုံးခဲ့သည်။   စစ်ကောင်စီတပ်က မိုးကုတ်မြို့နယ်ထဲ လေကြောင်းမှ ဗုံးကြဲတိုက်ခိုက်နေသည်မှာ နှစ်ရက် ဆက်တိုက်ရှိပြီဟု မြို့ခံများက ပြောသည်။   မိုးကုတ်မြို့ခံ အမျိုးသားတစ်ဦးက “၂ ရက်နေ့တုန်းကလည်း ကြဲတယ်၊ ဒီနေ့ ၃ ရက်နေ့ မနက် ၉ နာရီလောက်မှ ထပ်လာကြဲတယ်။ ဒီနေ့ကြဲတာ လူသေတာ၊ ထိခိုက်ဒဏ်ရာ ရတာ ရှိတယ်။ ကျနော်တို့ မိုးကုတ် အနောက်ပိုင်း က ကသဲရပ်ကွက်ထဲ ကျတာ။ ဗုံးစမှန်ပြီး ပန်းရန်ဆရာတစ်ယောက်သေတယ်။ ဒဏ်ရာ ရတာာတော့ ၃ ယောက်၊ နှစ်ယောက်က နည်းနည်းပါးပါး မစိုးရဘူး။ တစ်ယောက်က စိုးရိမ်ရတယ်။ ကျနော်တို့က လူထုဆို တော့ ဘာတတ်နိုင်မှာလဲ ကြောက်ကြောက်နဲ့ နေရတာပေါ့” ဟု ပြောသည်။   မိုးကုတ်မြို့ အနောက်ပိုင်း၊ ကသဲရပ်ကွက်ရှိ အနောက်ကျောင်းကို စစ်ကောင်စီတပ်မှ လေကြောင်းဖြင့် ထပ်မံဗုံးကြဲချမှုကြောင့် ဒေသခံ တစ်ဦး သေဆုံးခဲ့ပြီး တစ်ဦး ထိခိုက်ဒဏ်ရာရရှိခဲ့သည်ဟု PSLF/TNLA က မေလ ၃ ရက်နေ့တွင် ထုတ်ပြန်ထားသည်။   စစ်ကောင်စီတပ်၏ လေကြောင်းမှ ဗုံးကြဲတိုက်ခိုက်မှုထဲ ဒေသခံ သေဆုံးထိခိုက်မှုရှိခဲ့သည့်အပြင် နေအိမ်လည်း ထိမှန်ပျက်စီးခဲ့သည်ဟု PSLF/TNLA က ဆိုသည်။   အလားတူ မေလ ၂ ရက်နေ့၊ ည ၁၁ နာရီခွဲ အချိန်ခန့်တွင်လည်း မိုးကုတ်မြို့ အနောက်ပိုင်းရှိ အုပ်ပြင်ရပ်ကွက်ထဲ စစ်တပ်က လေကြောင်းမှ ပေါင် ၂၅၀ ဗုံး ကြဲချတိုက်ခိုက်ခဲ့သေးသည်။   “မနေ့ကလည်း ကြဲတယ်၊ ဒီနေ့လည်း ထပ်လာကြဲတယ်။ မနေ့ကတော့ လူသေတာတော့ မရှိဘူး။ မနေ့တုန်းက ကြဲတာက မိုးကုတ်အနောက်ပိုင်း အုတ်အင်းရပ်ကွက်ထဲကျတာ။ အဲ့ဒီရပ်ကွက်က ဓမ္မာရုံထဲ တစ်လုံးတယ်။ နောက်ပြီး မိုးကုတ် အရှေ့ပိုင်း ဗမွန်ရွာထဲလည်း တစ်လုံး ကျတယ်။ ဂျက်ဖိုက်တာနဲ့ လာကြဲသွားတာ” ဟု မိုးကုတ်မြို့ခံ အမျိုးသမီးတစ်ဦးက ပြောသည်။   အဆိုပါ ဗုံးကြဲတိုက်ခိုက်ခံရမှုထဲ အုတ်ပြင်ရပ်ကွက်ရှိ ဓမ္မရုံနှင့် ပြည်သူလူထုနေအိမ် (၆)လုံး ထိမှန်ပျက်စီးသွားခဲ့ သည်။   ပြီးခဲ့သည့် ဧပြီလ ၃ဝ ရက်နေ့လည်း မိုးကုတ်မြို့အနောက်ပိုင်း၊ သစ်စိမ့်ကုန်းနှင့် ကျောက်ပုတ်ကျေးရွာကြားတွင် စစ်ကောင်စီတပ်မှ လေကြောင်းဖြင့် ပေါင် ၂၅၀ ဗုံး နှစ်လုံး လာရောက်ကြဲချ တိုက်ခိုက်ခဲ့သေးသည်။   စစ်ကောင်စီတပ်သည် PSLF/TNLA အုပ်ချုပ်သော မြို့နယ်များကို စစ်အင်အား ဖြည့်တင်းခြင်း၊ ထိုးစစ်ဆင်ခြင်းနှင့် တိုက်ပွဲဖြစ်ပွားခြင်း မရှိသည့် နေရာများကို လေကြောင်းမှ ရည်ရွယ်ချက်ရှိရှိ ဗုံးကြဲချခြင်းများ လုပ်နေသည်ဟု PSLF/TNLA က ဆိုသည်။   ထို့ကြောင့် မိဘပြည်သူတို့ အနေဖြင့် စစ်ကောင်စီ၏ ဗုံးကြဲတိုက်ခိုက်မှုများ ရှောင်ရှားနိုင်ရန် စစ်ရေးသတိ အမြဲ ရှိကြရန်နှင့် လေကြောင်းရန် ကာကွယ်ရေးဆိုင်ရာ နည်းလမ်းများ လိုက်နာဆောင်ရွက်ရန် လိုအပ်သည်ဟု PSLF/TNLA က ထုတ်ပြန်ထားသည်။

မိုးကုတ်ဗုံးကြဲမှုကြောင့် ဒေသခံ တစ်ဦး သေဆုံး

မိုးကုတ်ဗုံးကြဲမှုကြောင့် ဒေသခံ တစ်ဦး သေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၃ ရက်။  တအာင်းအမျိုးသား လွတ်မြောက်ရေး တပ်မတော် PSLF/TNLA…

  • May 3, 2025
စစ်တပ်က လမ်းပြအဖြစ် တစ်လ နီးပါး ခေါ်ဆောင်သွားခံရသူ နှစ်ဦး ပြန်လည် လွတ်မြောက်လာ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၃ ရက်။   ရေဖြူမြို့နယ်ထဲက တစ်လ နီးပါးအကြာ စစ်ကောင်စီတပ်၏ လမ်းပြအဖြစ် ဖမ်းဆီးခံရသူ အမျိုးသားနှစ်ဦး ပြန်လွှတ်လာသည်ဟု ရွာသားများက ပြောသည်။   တနင်္သာရီတိုင်း ထားဝယ်ခရိုင်၊ ရေဖြူမြို့နယ်၊ ဇာဒီကျေးရွာအုပ်စုထဲက ကျောက်ထရံကျေးရွာတွင် စစ်ကောင်စီတပ်ဖွဲ့ စစ်ကြောင်း ပြန်ထွက်စဥ် တစ်လနီးပါးကြာ လမ်းပြအဖြစ် ဖမ်းဆီးခံထားရသူ ရွာသားနှစ်ဦးကို ပြန်လွှတ်ပေးခဲ့ခြင်း ဖြစ်သည်ဟု ရွာသားများက ပြောသည်။   အသက် ၅၀ ခန့်အရွယ် ကျောက်ထရံ ရွာသားတစ်ဦးက “နှစ်ယောက်စလုံး ရိုက်နှက်ခံထားရတာမျိုး မရှိဘဲ ပြန်လည် လွတ်မြောက်လာတာပါ၊ စစ်တပ်က လမ်းပြခေါ်ဆောင်တာကို သတင်းပေါက်မှာ စိုးလို့ ပြန်မလွှတ် ပေးဘဲ ထားတဲ့ ပုံစံလို့ပဲ ထင်ပါတယ်” ဟု ပြောသည်။   ဧပြီလ ၇ ရက်နေ့က ကျောက်ထရံရွာသား ဦးသန်းသန်းနှင့် ဖြူနပ်ရွာသား ကိုနိုင်နိုင်တို့မှာ စစ်ကောင်စီ စစ်ကြောင်းနှင့်အတူ ဖမ်းဆီးခေါ်ဆောင်ခြင်း ခံခဲ့သည်။   ထို့နောက် ရက်သတ္တပတ် လေးပတ်နီးပါး အကြာ မောရဝတီရေတပ်တွင် ဖမ်းဆီးထိန်းသိမ်း ခံထားရပြီးနောက် ဧပြီလ ၃၀ ရက်နေ့တွင် ပြန်လည် လွတ်မြောက်လာခြင်း ဖြစ်သည်ဟု နီးစပ်သူ တစ်ဦးက ပြောသည်။   လမ်းပြအဖြစ် ဖမ်းဆီးခေါ်ဆောင်ခြင်း ခံခဲ့ရသူနှစ်ဦးအနက် တစ်ဦးမှာ စျေးရောင်းနေသူဖြစ်ပြီး ကျန်တစ်ဦးမှာ ငါးပိုက် လှေလိုက်သူ ဖြစ်သည်။   စစ်ကောင်စီတပ် စစ်ကြောင်းမှာ မတ်လ ၂၉ ရက်နေ့တွင် ဇာဒီကျေးရွာအုပ်စု အတွင်းရှိ ပယကျေးရွာဘက်မှ ကျောက်ထရံကျေးရွာထဲသို့ စစ်ကြောင်း ထိုးဝင်ရောက်ခဲ့ပြီး ဧပြီလကုန်တွင် အဆိုပါကျေးရွာမှ ပြန်လည် ထွက်ခွာသွားခဲ့ခြင်း ဖြစ်သည်။   ရေဖြူမြို့နယ် ကလိန်အောင် – ကံပေါက်လမ်းတွင်လည်း ဖေဖော်ဝါရီလ ၆ ရက်နေ့က ဖုန်းစစ်ဆေးခံရပြီး မောရဝတီရေတပ်တွင် ဖမ်းဆီးခံရထားသည့် ဖားချောင်းကျေးရွာအုပ်စုထဲမှ ရွာသားတစ်ဦးလည်း မတ်လ ကုန်ပိုင်းတွင် ပြန်လည် လွတ်မြောက်လာခဲ့သေးကြောင်း ရွာသားများက ဆိုသည်။

စစ်တပ်က လမ်းပြအဖြစ် တစ်လ နီးပါး ခေါ်ဆောင်သွားခံရသူ နှစ်ဦး ပြန်လည် လွတ်မြောက်လာ

စစ်တပ်က လမ်းပြအဖြစ် တစ်လ နီးပါး ခေါ်ဆောင်သွားခံရသူ နှစ်ဦး ပြန်လည် လွတ်မြောက်လာ သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၃ ရက်။  ရေဖြူမြို့နယ်ထ…

  • May 3, 2025
အလောင်းလာယူသည့် ပျူစောထီးများ မိုင်းဆွဲ တိုက်ခိုက် ခံရ၊ ခေါင်းဆောင် သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၃ ရက်။   မြိတ်ခရိုင်၊ ကျွန်းစုမြို့နယ်၊ ဝါရစ်ကျေးရွာတွင် စစ်သားတစ်ဦး ရုပ်အလောင်းကို လာယူသည့် ပျူစောထီးများကို မိုင်းဆွဲတိုက်ခိုက်ခံရပြီး ပျူခေါင်းဆောင် သေဆုံးသွားခဲ့သည်။   မိုင်းဆွဲတိုက်ခိုက်ခံရသည့် ပျူးစောထီးအဖွဲ့မှာ ဝါးရစ်ကျေးရွာတွင် မိမိကိုယ်ကို သတ်သေခဲ့သည့် စစ်ကောင်စီ တပ်သား၏ ရုပ်အလောင်းကို လာယူကြခြင်း ဖြစ်သည်။   အဆိုပါ စစ်သားမှာ ဧပြီလ ၃၀ ရက်နေ့ ညနေ ၆ နာရီခန့်က သတ်သေခဲ့ရာ ကမောင်းလှော်ကျေးရွာမှ ပျူစောထီးများ က အလောင်းလာယူရန် ကားတစ်စီးကို ချောဆွဲပြီး ထွက်လာချိန် ပြင်ဝန်းကျေးရွာ ရေတံခွန်အနီး၌ ပြည်သူ့ ကာကွယ်ရေးတပ်ဖွဲ့က မိုင်းဆွဲတိုက်ခိုက်ခဲ့ခြင်း ဖြစ်သည်။   အသက် ၄၀ ခန့်အရွယ် ရွာသားတစ်ဦးက “ကားအရှေ့ပိုင်း တစ်ခုလုံး သုံးမရအောင် ပျက်စီးသွားတယ်၊ ပျူစော ထီးတွေနဲ့ ကားမောင်းသမားလည်း ပြေးတာ ရွာအရောက်ပဲ၊ မိုင်းဆွဲခံရပြီးတာနဲ့ နောက်ထပ် စစ်သားတွေနဲ့ ပျူစောထီးတွေက စစ်ကူထပ်လိုက်သွားသေးတယ်” ဟု ပြောသည်။   မိုင်းဆွဲတိုက်ခိုက်မှုကြောင့် ပျူစောထီးခေါင်းဆောင် ကိုထွန်းဝေ သေဆုံးခဲ့ပြီး ပျူစောထီးအဖွဲ့ဝင် ၄ ဦး ထိခိုက် ဒဏ်ရာရရှိကာ ကားမှာလည်း ပျက်စီးသွားခဲ့သည်ဟု ရွာသားများက ပြောသည်။   သတ်သေသွားသည့် စစ်ကောင်စီတပ်သား၏ ရုပ်အလောင်းကိုမူ မြိတ်မြို့ကို သယ်ဆောင်သွားသည်ဟု ဖြစ်စဉ်ကို သိနေသည့် ရွာသားတစ်ဦးက ပြောသည်။   ပျူစောထီးခေါင်းဆောင် ကိုထွန်းဝေ၏  ရုပ်အလောင်းကိုလည်း မောင်းလှော်ကျေးရွာကို သယ်ဆောင်သွားပြီး အသုဘ အခမ်းအနား ပြုလုပ်ခဲ့ကြသည်ဟု ရွာသားများက ဆိုသည်။   လက်ရှိတွင် ကျွန်းစုမြို့နယ်အတွင်း စစ်ကောင်စီက စစ်ကြောင်းထိုးရန်အတွက် ပြင်ဆင်နေပြီး မောင်းလှော် ကျေးရွာ အနီးတဝိုက်ရှိ အရပ်သားကားများကို ချောဆွဲနေကြောင်း ရွာသားများက ပြောသည်။

အလောင်းလာယူသည့် ပျူစောထီးများ မိုင်းဆွဲ တိုက်ခိုက် ခံရ၊ ခေါင်းဆောင် သေဆုံး

အလောင်းလာယူသည့် ပျူစောထီးများ မိုင်းဆွဲ တိုက်ခိုက် ခံရ၊ ခေါင်းဆောင် သေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၃ ရက်။  မြိတ်ခရိုင်၊ ကျွန်…

  • May 3, 2025
×Close