သတင်း

PSLF/TNLA နှင့် စစ်ကောင်စီ တွေ့ဆုံမှု သဘောတူညီမှုမရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၂ ရက်။   တအာင်းအမျိုးသား လွတ်မြောက်ရေးတပ်မတော် PSLF/TNLA နှင့် စစ်ကောင်စီတို့ တရုတ်နိုင်ငံ ကူမင်းမြို့တွင် တွေ့ဆုံဆွေးခဲ့ကြပြီး တစ်စုံတစ်ရာ သဘောတူညီမှု မရရှိဘဲ ဩဂုတ်လအတွင်း ထပ်မံ တွေ့ဆုံဆွေးနွေးရန် သဘောတူညီခဲ့ ကြသည် ဟု PSLF/ TNLA က ထုတ်ပြန်သည်။   တရုတ်နိုင်ငံ၏ ကြားဝင်စီစဉ်မှုဖြင့် ဧပြီလ ၂၈ ရက်နှင့် ၂၉ ရက်နေ့ တို့တွင် တွေ့ဆုံဆွေးနွေးခဲ့ကြပြီး ထိုဆွေးနွေးမှု အတွင်း စစ်ကောင်စီဖက်က PSLF/TNLA အား နောင်ချို၊ ကျောက်မဲ၊ သီပေါ၊ မိုးကုတ်၊မိုးမိတ် စသည့် ဒေသများ မှ ပလောင်ကိုယ်ပိုင်အုပ်ချုပ်ခွင့်ရဒေသ ဖြစ်သည့် နမ့်ဆန်နှင့် မန်တုံမြို့နယ်အတွင်းသို့ ပြန်လည် ဆုတ်ခွာပေးရန် တောင်းဆိုခဲ့သည်ဟု PSLF/TNLA က ဆိုသည်။   ထိုသို့တောင်းဆိုမှုကို PSLF/TNLA ကိုယ်စားလှယ်များက သဘောမတူနိုင်သဖြင့် နှစ်ဖက်အပြန်အလှန်ဆွေးနွေးမှု ထပ်ဆင့်မတိုးနိုင်သေးဘဲ နှစ်ဖက်အပစ်အခတ်ရပ်စဲနိုင်ရန်အတွက် လာမည့်ဩဂုတ်လတွင် ထပ်မံတွေ့ဆုံရန် သဘောတူခဲ့ကြပါသည်ဟု ထုတ်ပြန်ချက်ထဲတွင် ရေးသားထားသည်။   ထို့အပြင် လေကြောင်းမှ ဗုံးကြဲခြင်း၊ လက်နက်ကြီးများပစ်ခတ်ခြင်း၊ ဒရုန်းများဖြင့် တိုက်ခိုက်ခြင်း၊ ထိုးစစ်ဆင် ခြင်းစသည့် ပစ်ခတ်တိုက်ခိုက်မှုများအားလုံးရပ်တန့်ရန်၊ တရုတ်-မြန်မာနယ်စပ်ကုန်သွယ်ရေး လမ်းကြောင်း ပြန်လည်ဖွင့်လှစ်နိုင်ရန်၊ ဒေသတည်ငြိမ်အေးချမ်းရန်နှင့် ကိုးကန့်တပ်ဖွဲ့ MNDAA ကဲ့သို့ တဆင့်တိုးအပစ်ခတ် ရပ်စဲရေးပြုလုပ်နိုင်ရန်အတွက် တရုတ်နိုင်ငံအထူးကိုယ်စားလှယ် မစ္စတာတိန့်ရှီကျွင်းမှ ကမကထပြု အလေး ထားကြိုးပမ်းပြီး နှစ်ဖက်တွေ့ဆုံမှုများ အလျင်အမြန်တိုးတက်လာစေရန် ဆောင်ရွက်ခဲ့ပါသည်ဟု PSLF/TNLA က ပြောသည်။   ၂ ရက်တာ ပြုလုပ်ခဲ့သည့် တွေ့ဆုံဆွေးနွေးပွဲကို PSLF/TNLA ဒုတိယဗိုလ်ချုပ်ကြီး တားဂျုတ်ဂျားဦးဆောင်သည့် ကိုယ်စားလှယ်များနှင့်  စစ်ကောင်စီဖက်က ဒုတိယဗိုလ်ချုပ်ကြီးကိုကိုဦး ဦးဆောင်သည့် ကိုယ်စားလှယ်အဖွဲ့တို့ တွေ့ဆုံဆွေးနွေးခဲ့ ကြသည်ဟု ဆိုသည်။

PSLF/TNLA နှင့် စစ်ကောင်စီ တွေ့ဆုံမှု သဘောတူညီမှုမရ

PSLF/TNLA နှင့် စစ်ကောင်စီ တွေ့ဆုံမှု သဘောတူညီမှုမရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ မေလ ၂ ရက်။ တအာင်းအမျိုးသား လွတ်မြောက်ရေးတပ်မတော် PSLF…

  • May 2, 2025
အာဏာသိမ်းကာလအတွင်း ကရင်နီ ပြည်အတွင်း အရပ်သား ၇၅၀ နီးပါး သေဆုံး   သတင်းနှင့် မီဒီယာ ကွန်ရက်။ မေလ ၁ ရက်၊ ၂၀၂၅ ခုနှစ်။   အာဏာသိမ်းချိန်ကစပြီး ကရင်နီပြည်နယ်နှင့် ကယန်းဒေသများအတွင်းက စစ်ရေး၊ နိုင်ငံရေး ပဋိပက္ခများကြောင့် အရပ်သား ၇၄၂ ဦး သေဆုံးခဲ့သည့်အပြင် စစ်ကောင်စီတပ်၏ မတရားဖမ်း ဆီးခြင်း ခံရသူလည်း ၁၆၀ ဦး ရှိသည် ဟု တိုးတက် သော ကရင်နီပြည်သူ့အင်အားစု PKPF က မေလ ၁ ရက် (ယနေ့)တွင် ထုတ် ပြန်သည်။   အဆိုပါ အရေအတွက်သည် ၂၀၂၁ ခုနှစ် ဖေဖော်ဝါရီလ ၁ ရက်နေ့မှ ၂၀၂၅ ခုနှစ် ဧပြီလ ၃၀ ရက်နေ့အထိ ဖြစ် ပြီး ထိုအထဲက အရပ်သား ၁၇၇ ယောက်သည် စစ်ဘေးရှောင်နေရင်း သေဆုံးခဲ့သည်ဟု ဆိုသည်။   ထို့အပြင် တိုက်ပွဲပေါင်း ၁၃၂၃ ကြိမ်ဖြစ်ပွားခဲ့သလို စစ်ကောင်စီတပ်က လေကြောင်းတိုက်ခိုက်မှုပေါင်း ၁၈၇၄ ကြိမ် ပြုပ်လုပ်ခဲ့သည်ဟု PKPF က ထုတ်ပြန်ချက်ထဲမှာ ရေးသားထားသည်။   တိုက်ပွဲအတွင်း KNDF၊ PDF၊ KA ပူးပေါင်းတပ်များဖက်က ၇၄၀ ဦး သေဆုံးခဲ့ပြီး စစ်ကောင်စီတပ်ဖက်က ၃၇၆၀ ဦး သေဆုံးခဲ့သည်။ ထို့အပြင် စစ်ကောင်စီတပ်၏ စစ်ကား ၆၈ စီးနှင့် တိုက်လေယာဉ် ၃ စီးကိုလည်း တော်လှန် ရေး တပ်များက ဖျက်စီးနိုင်ခဲ့သည်ဟု PKPF က ဆိုသည်။   ထို့အပြင် စာသင်ကျောင်း ၂၉ လုံး၊ လူနေအိမ် ၃၀၃၁ လုံး၊ ဆေးရုံ၊ဆေးခန်း ၁၇ လုံးနှင့် ဘာသာရေး အဆောက် အအုံး ၅၇ လုံး ပျက်စီးခဲ့သည်ဟု PKPF က ထုတ်ပြန်ချက်ထဲတွင် ထည့်သွင်းထားသည်။

အာဏာသိမ်းကာလအတွင်း ကရင်နီ ပြည်အတွင်း အရပ်သား ၇၅၀ နီးပါး သေဆုံး

အာဏာသိမ်းကာလအတွင်း ကရင်နီ ပြည်အတွင်း အရပ်သား ၇၅၀ နီးပါး သေဆုံး သတင်းနှင့် မီဒီယာ ကွန်ရက်။မေလ ၁ ရက်၊ ၂၀၂၅ ခုနှစ်။ အာဏာသိမ်းချိန်ကစပြီး ကရင်နီပြည်…

  • May 1, 2025
MNDAA နှင့် စစ်ရေးထိတွေ့မှု တင်းမာမှုများကို တွေ့ဆုံဆွေးနွေးမည်ဟု SSPP ပြော။   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၃၀ ရက်။   ရှမ်းပြည်တိုးတက်ရေးပ်တီ SSPP နှင့် MNDAA တို့ နှစ်ဖက် စစ်ရေးထိတွေ့မှု စစ်ရေးတင်းမာမှုနှင့် ပတ်သက်၍ နှစ်ပါတီ ဗဟိုအဆင့် တွေ့ဆုံဆွေးနွေးမည်ဟု SSPP က ဧပြီလ ၃၀ ရက်နေ့ (ယနေ့) တွင် ထုတ်ပြန်သည်။   ရှမ်းပြည်တိုးတက်ရေးပါတီ SSPP နှင့် ကိုးကန့်တပ် MNDAA တို့ အကြား ဧပြီလ ၂၈ နှင့် ၂၉ ရက် ၂ ရက်တာ အတွင်း စစ်ရေးထိတွေ့မှု ၈ နေရာ နှင့် ရုန်းရင်းဆန်ခတ်ထိုးကြိမ် ဖမ်းဆီးမှု ၂၄ ကြိမ်ရှိခဲ့ပြီး နှစ်ဖက် ရဲဘော်များ ထိခိုက်ဒဏ်ရာရမှု ရှိခဲ့သည်ဟု ဆိုသည်။   ၁၀၂၇ စစ်ဆင်ရေး ဒုတိယပိုင်းကာလမှစ၍ SSPP အုပ်ချုပ်ရေး နယ်မြေအတွင်းသို့ ဝင်ရောက်ဖြတ် သန်းလာခဲ့ ကြသော MNDAA အောက်ခြေတပ်ဖွဲ့များနှင့် SSPP အောက်ခြေတပ်ဖွဲ့များ၏ ဘာသာစကား ပေါက်ကြားမှုအား နည်းခြင်း၊ SSPP နယ်မြေအတွင်းသို့ MNDAA တပ်ဖွဲ့များ ဖြတ်သန်းသွားလာမှုကို MNDAA ဗဟိုမှ တရားဝင် အကြောင်းကြားမှု အားနည်းခြင်းတို့ကြောင့် နှစ်ဖက်အောက်ခြေတပ်များ မကျေမချမ်းမှုမှ စတင်ကာ ၂၀၂၅ ခုနှစ် ဧပြီလ ၂၈၊ ၂၉ ရက်နေ့များတွင် မလိုလားအပ်သော ရုပ်ဆိုးအကျည်းတန်သော ထိပ်တိုက်ဖြစ်ပွား မှုများ ဖြစ်ပွားခဲ့ရသည်ဟု SSPP က ပြောသည်။   အခြားသော သတင်းရင်းမြစ်များအဆိုအရ ကိုးကန့်တပ် MNDAA က SSPP ၏ သီပေါမြို့နယ်ရှိ နမ့်မ ကျောက်မီးသွေးတွင်းတည်ရှိရာ နေရာကိုလည်း အင်အားသုံးဝင်ရောက် သိမ်းဆည်းထားခဲ့သည်။ ယခင် SSPP ဌာနချုပ် ဖြစ်ခဲ့ပြီး အသွင်ပြောင်း ပြည်သူ့စစ်ဌာနချုပ်ဖြစ်သည့် စိန်ကျော့ကိုလည်း MNDAA တပ်ဖွဲ့များက သိမ်းပိုက်ထားခဲ့သည်။   MNDAA နှင့် SSPP တို့သည် UWSP/UWSA ဝ ဦးဆောင်သော ပြည်ထောင်စု နိုင်ငံရေး ဆွေးနွေး ညှိနှိုင်းရေး ကော်မတီ FPNCC အဖွဲ့ဝင်များဖြစ်သည်။

MNDAA နှင့် စစ်ရေးထိတွေ့မှု တင်းမာမှုများကို တွေ့ဆုံဆွေးနွေးမည်ဟု SSPP ပြော။ 

MNDAA နှင့် စစ်ရေးထိတွေ့မှု တင်းမာမှုများကို တွေ့ဆုံဆွေးနွေးမည်ဟု SSPP ပြော။  သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၃၀ ရက်။  ရှမ်းပြည်တိ…

  • April 30, 2025
ဒရုန်း တိုက်ခိုက်မှုကြောင့် ဖယ်ခုံတွင် အရပ်သား ၃ ဦး ဒဏ်ရာရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၈ ရက်။   ရှမ်းပြည်တောင်ပိုင်း၊ ကရင်နီပြည်အစပ်၊ ဖယ်ခုံမြို့နယ်တွင် စစ်ကောင်စီ၏ လက်နက်ကြီးနှင့် ဒရုန်းပစ်ခတ်မှု ကြောင့် အရပ်သား ၃ ဦး ပြင်းထန်ဒဏ်ရာများ ရရှိခဲ့သည်ဟု နီးစပ်သည့် စစ်ဘေးရှောင် သတင်းအရင်းအမြစ် များက ပြောသည်။   ဖယ်ခုံမြို့နယ်၊ မိုးဗြဲမြို့ အနောက်ဘက်ခြမ်းတွင် ခြေကုတ်ယူထားသည့် ခမရ ၄၄၂ တပ်ရင်းမှ တိုက်ပွဲဖြစ်ပွားခြင်း မရှိဘဲ ရည်ရွယ်ချက်ရှိရှိ ပစ်ခတ်ခဲ့ခြင်း ဖြစ်သည်။   စစ်ကောင်စီ၏ ဧပြီလ ၂၆ ရက်နေ့ ပစ်ခတ်မှုအတွင်း ဝါရီကောခူကျေးရွာတွင် နေထိုင်သည့် သားအဖ ၂ ဦးမှာ ဗုံးစထိမှန် ဒဏ်ရာများ ရရှိခဲ့ခြင်း ဖြစ်သည်။   နီးစပ်သည့် စစ်ဘေးရှောင် အမျိုးသမီး တစ်ဦးက “ထိတာက မြို့ထဲမှာ ထိတာပါ။ ညနေ ၄ နာရီလောက် သား အဖ ၂ ယောက်လုံး မြို့တက် ပစ္စည်းသွားဝယ်ရင်း စစ်တပ်က ပစ်တာ။ ဒဏ်ရာတော်တော်ပြင်းတယ်။ မျက်နှာ တွေဆို ရစရာတောင် မရှိဘူး” ဟု ပြောသည်။   အလားတူ ဧပြီလ ၂၅ ရက်နေ့ ည ၇ နာရီဝန်းကျင်ခန့်၌လည်း စစ်ကောင်စီ၏ လက်နက်ကြီး ပစ်ခတ်မှုကြောင့် မိုးဗြဲမြို့၊ ပွဲကုန်း ၁ ရပ်ကွက်တွင် နေထိုင်သည့် အသက် ၇၀ ကျော်အရွယ် ဦးမောင်ရန်မှာလည်း ပြင်းထန် ဒဏ်ရာများ ရရှိခဲ့သေးသည်ဟု ဆိုသည်။   ပုဂ္ဂိုလ်ရေးအရ နီးစပ်သူ တစ်ဦးက “အဘိုးက သေပြီလို့တောင် ထင်နေတာ။ သတိလစ်နေတာ တော်တော် ကြာ တယ်။ ဆေးရုံကြီးမှာ ခွဲစိပ်ရမယ်လို့ ပြောတယ်။ ခြေ၊ လက်တွေလည်း ဖြတ်ရမယ့် အခြေအနေ ရှိတယ် အခန့် မသင့်ရင်ပေါ့” ဟု ပြောသည်။   မိုးဗြဲမြို့ကို တော်လှန်ရေး အင်အားစုများက ပြီးခဲ့သည့်နှစ်မှ စ၍ လက်ရှိချိန်အထိ ထိန်းချုပ်ထားဆဲ ဖြစ်ပြီး စစ်ကောင်စီက ၂၀၂၅ ခုနှစ်အတွင်း ရွေးကောက်ပွဲ ကျင်းပနိုင်ရေးအတွက် အပြင်းအထန် ထိုးစစ်ဆင်လျက်ရှိ သည်။   အလားတူ ဧပြီလ ၂၆ ရက်နေ့တွင်လည်း ကရင်နီပြည်၊ ဖားဆောင်းမြို့နယ်၊ မော်ချီးမြို့တွင် စစ်ကောင်စီ၏ လေကြောင်း ပစ်ခတ်မှုကြောင့် အရပ်သား ၃ ဦး ပြင်းထန်ဒဏ်ရာ ရရှိခဲ့သေးသည်။   စစ်ကောင်စီသည် အပစ်ရပ်စဲရေး ကြေညာထားသော်လည်း ရှမ်းပြည်နယ် တောင်ပိုင်းနှင့် ကရင်နီဒေသများသို့ မကြာခဏ စစ်ကြောင်းထိုးခြင်း၊ နေ့စဉ်ရက်ဆက်  လက်နက်ကြီးနှင့် ဒရုန်းများ ပစ်ခတ်ခြင်း စသည့်လုပ်ရပ်များ ကျူးလွန်လျက်ရှိသည်ဟု မြေပြင်စစ်ရေး သတင်းအရင်းအမြစ်များထံမှ သိရသည်။

ဒရုန်း တိုက်ခိုက်မှုကြောင့် ဖယ်ခုံတွင် အရပ်သား ၃ ဦး ဒဏ်ရာရ

ဒရုန်း တိုက်ခိုက်မှုကြောင့် ဖယ်ခုံတွင် အရပ်သား ၃ ဦး ဒဏ်ရာရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၈ ရက်။  ရှမ်းပြည်တောင်ပိုင်း၊ ကရင်နီပြည…

  • April 28, 2025
လားရှိုးအား ပြန်ရယူနိုင်ရေး ကြိုးပမ်းမည်ဟု KNDF ပြော

လားရှိုးအား ပြန်ရယူနိုင်ရေး ကြိုးပမ်းမည်ဟု KNDF ပြော

လားရှိုးအား ပြန်ရယူနိုင်ရေး ကြိုးပမ်းမည်ဟု KNDF ပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၈ ရက်။  တရုတ်၏ ဖိအားကြောင့် လက်လွတ်လိုက်ရသည့်…

  • April 28, 2025
စစ်ကောင်စီက ထိုင်းနိုင်ငံသို့သွားမည့် အလုပ်သမားများအပေါ် ကန့်သတ်မှုများ တိုးမြှင့်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၈ ရက်။   စစ်ကောင်စီက ထိုင်းနိုင်ငံကို သွားကြမည့် နိုင်ငံတစ်ဝှမ်းရှိ အလုပ်သမားများကို ကန့်သတ်မှုများ အဆင့်ဆင့် လုပ်လာနေသည်ဟု အလုပ်သမားအရေး လုပ်ဆောင်နေသူများက ပြောသည်။   လက်ရှိနိုင်ငံရေး အခြေအနေများကြောင့် မြန်မာနိုင်ငံထဲက လူငယ်၊ လူလတ်ပိုင်း အတော်များများမှာ အိမ်နီးချင်း ထိုင်းနိုင်ငံဘက်ကို ထွက်ခွာမှုက တစ်နေ့ထက် တစ်နေ့ ပိုများလာသည်နှင့်အမျှ စစ်ကောင်စီကလည်း ပြည်ပ ထွက်ခွာမှုနှင့်ပတ်သက်၍ ကန့်သတ်မှုများ ပိုလုပ်လာခြင်း ဖြစ်သည်။   ရောင်ခြည်ဦး အလုပ်သမားများအဖွဲ့မှ တာဝန်ခံ ကိုမိုးကျော်က “နှစ်နိုင်ငံ သဘောတူထားတဲ့ အေဂျင်စီတွေ ရှိ တယ်။ အဲဒီ အေဂျင်စီတွေနဲ့ ဒီက DOE ခေါ်တဲ့ List တွေနဲ့ ပေါင်းပြီး တော့မှ ကိန်းဂဏန်းတွေ သတ်မှတ် ကြ တာများတယ်။ အရင်တုန်းကတော့ အလုပ်သမား ဝန်ကြီးဌာနတွေကနေ ဘယ်လောက် ပို့ ဆိုတာမျိုး မဟုတ် ဘူး။ အခု စစ်ကောင်စီ လက်ထက်မှာကျတော့ သူတို့ကတော့အမျိုးမျိုး လုပ်နေတာပေါ့။ စစ်မှုထမ်းရှိတော့ အဲဒီကောင်တွေအတွက်ပါ အကြုံးဝင်ဖို့ လုပ်နေပုံပေါ်တယ်။ ဘာလို့လဲဆိုတော့ ထွက်လုပ်တဲ့လူတွေက စစ်မှုထမ်းနဲ့ ကိုက်ညီတဲ့ အရွယ်ကောင်းတွေပဲလေ” ဟု ပြောသည်။   စစ်ကောင်စီ လက်အောက်ခံ အလုပ်သမားဝန်ကြီးဌာနက ထိုင်းနိုင်ငံကို သွားရောက်လုပ်ကိုင်ကြမည့် ရွှေ့ပြောင်း အလုပ်သမားများကို တစ်လလျှင် အယောက် ၅၀ သာ ခွင့်ပြုတော့မည်ဖြစ်ကြောင်း မတ်လ ၂၂ ရက်နေ့က ထုတ် ပြန်လိုက်သည်။   စစ်ကောင်စီက ထိုင်းနိုင်ငံထဲ အလုပ်သမား စေလွှတ်မှုဆိုင်ရာ လုပ်ငန်းစဉ်များကို မေလ ၂ ရက်နေ့တွင် စတင် ဆောင်ရွက်ခွင့်ပြုမှာ အခြားနိုင်ငံများနှင့် ပတ်သက်၍လည်း ထပ်မံထုတ်ပြန်သွားရန်ရှိသည်ဟု ဆိုသည်။   ကိုမိုးကျော်က “ကျနော်တို့က တခုပြီးတခု ခက်နေတာ။ သူက အစိုးရမဟုတ်ဘူးလေ။ တခြားနိုင်ငံတွေ လွှတ် လို့ရှိရင်လည်း သူဘာအာမခံချက်မှ ပေးနိုင်တာ မဟုတ်ဘူး။ အရင်ကသူ့လက်ထက်မှာ MOU နဲ့ လွှတ်ထားတဲ့ အလုပ်သမား တွေ အများကြီး ထိုင်း၊ ကိုးရီးယား၊ ဒူဘိုင်း စသဖြင့်ပေါ့ဗျာ့။ အဲလိုလွှတ်ထားတဲ့ အလုပ်သမား တွေရဲ့ အခွင့်ရေးတွေကို သူဖိဖိစီးစီး လုပ်ဆောင်နိုင်သလား။ မလုပ်ဆောင်နိုင်ဘူး။ အခွန်တော့ကောက်မယ် ပြီးရင် စစ်မှုထမ်းရမယ်ဆိုတော့ အခုလည်း ကန့်သတ်ပြန်ပြီ ဘယ်လောက်ပဲ သွားခွင့်ရှိမယ်ပေါ့။ သူလုပ်ချင် သလို လုပ်နေတာ” ဟု ပြောသည်။     ယခင် စစ်အာဏာ မသိမ်းခင်ကာလဖြစ်သည့် ၂၀၁၉ - ၂၀၂၀ ခုနှစ်အတွင်း အလုပ်သမားဦးရေ ၂ သိန်းကျော်အထိ စေလွှတ်ခဲ့သော်လည်း လက်ရှိတွင် လူဦးရေ ကန့်သတ်မှုများအပြင် အချက် ၁၃ ချက်ကို ထည့်သွင်း၍ ထပ်မံ ထုတ်ပြန် ကန့်သတ်လိုက်ခြင်း ဖြစ်သည်။   အဆိုပါ ထုတ်ပြန်ချက်ထဲတွင် အလုပ်ခေါ်စာများ တင်ပြရခြင်း၊ အလုပ်ခေါ်စာများကို စိစစ်ခြင်း၊ အလုပ်ခေါ်စာ မှန်ကန်ကြောင်း အတည်ပြုပြီး ဆောင်ရွက်ခွင့်ပြုခြင်း၊ စာချုပ်ချုပ်ဆိုရန် တင်ပြခြင်း၊ စာချုပ်ချုပ်ဆိုခွင့်ကို စိစစ်ခြင်းနှင့် စာချုပ်ချုပ်ခွင့်ပြုခြင်းတို့ကို လုပ်ရမည် ဖြစ်သည်။   ထို့အပြင် OWIC ကတ်ဖြစ်သည့် ပြည်ပအလုပ်အကိုင် အလုပ်သမား သက်သေခံကတ်ပြား ပြုလုပ်ခွင့် တင်ပြ ခြင်း၊ OWIC ခွင့်ပြုခြင်း၊ အလုပ်သမား စေလွှတ်ခွင့်ပြုရန် တင်ပြခြင်း၊ အလုပ်သမား ဝန်ကြီးဌာနက စိစစ်ခွင့်ပြု ခြင်း၊ ပြည်ပထွက်ခွာမည့် ခွင့်ပြု အလုပ်သမားများ စာရင်းကို လေဆိပ်၊ ရေဆိပ်နှင့် နယ်စပ်ဂိတ်ပေါက်များကို ပေးပို့ခြင်း၊ ပြည်ပစေလွှတ်မှု ပြီးစီးခြင်းဆိုင်ရာ သတင်းပို့ခြင်း၊ အလုပ်သမားပြန်လည် ဝင်ရောက်ခြင်းဆိုပြီး အဆင့်များစွာ သတ်မှတ်ထားသည်။   စစ်ကောင်စီက ထိုင်းနိုင်ငံထဲ အလုပ်သမား စေလွှတ်မှုဆိုင်ရာ လုပ်ငန်းစဉ်များကို မေလဆန်း ၂ ရက်နေ့တွင် စတင် ဆောင်ရွက်ခွင့်ပြုမှာ ဖြစ်ပြီး ဂျပန်၊ ကိုးရီးယား၊ စင်ကာပူ၊ မလေးရှား အစရှိသည့် နိုင်ငံများနှင့် ပတ်သက် သည့် အလုပ်သမား စေလွှတ်မှုဆိုင်ရာ ကန့်သတ်ချက်ကိုလည်ူ ထပ်မံထုတ်ပြန်သွားမည်ဟု ထုတ်ပြန်ထားသည်။

ဓါတ်ပုံ - DVB

စစ်ကောင်စီက ထိုင်းနိုင်ငံသို့သွားမည့် အလုပ်သမားများအပေါ် ကန့်သတ်မှုများ တိုးမြှင့်

စစ်ကောင်စီက ထိုင်းနိုင်ငံသို့သွားမည့် အလုပ်သမားများအပေါ် ကန့်သတ်မှုများ တိုးမြှင့် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၈ ရက်။  စစ်ကောင…

  • April 28, 2025
ထားဝယ် တိုက်ပွဲ အတွင်း စစ်ကောင်စီတပ်ဖွဲ့ဝင် ၁၆ ဦး အလံဖြူထောင် လက်နက်ချ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီ ၂၈ ရက်။   တနင်္သာရီတိုင်း တိုက်ပွဲအတွင်း စစ်ကောင်စီ တပ်ဖွဲ့ဝင် ၁၆ ဦး အလံဖြူထောင် လက်နက်ချခဲ့သည်ဟု ထားဝယ်ပြည်သူ့ လွတ်မြောက်ရေး တပ် TPLFက ပြောသည်။   ထားဝယ်မြို့နှင့် ၇ မိုင်ခန့်အကွာရှိ ဟားလီးကွေ့စခန်းကို တိုက်ခိုက်စဥ် စစ်ကောင်တပ်က ၁၆ ဦး အလံဖြူ ထောင် လက်နက်ချခဲ့ပြီး စခန်းသိမ်းပိုက်နိုင်ခဲ့သည်ဟု ခရိုင်ပြည်သူ့လွတ်မြောက်ရေး တပ် TPLF တာဝန်ရှိသူက ပြောသည်။   မောင်မယ်မယ်ရှောင်ကျေးရွာရှိ ဟားလီးကွေ့  စစ်ကောင်စီစခန်းကို ဧပြီလ ၂၆ ရက်နေ့၊ နံနက် ၆ နာရီ အချိန်ခန့် က ပြည်သူ့ကာကွယ်ရေး ပူး‌ပေါင်းတပ်ဖွဲ့များက စတင် တိုက်ခိုက်ခဲ့ခြင်းဖြစ်ပြီး ညနေ ၅ နာရီခန့်တွင် စခန်းတစ်ခု လုံးကို သိမ်းပိုက်နိုင်ခဲ့ခြင်း ဖြစ်သည်။   ထားဝယ် - ရန်ကုန် ကားလမ်းမပေါ်ရှိ ဟားလီးကွေ့စခန်းသည် စစ်ဘေးရှောင်နေသည့် လူမရှိသည့် နေအိမ်များ ကို ခြေကုတ်ယူပြီး ဘန်ကာများ၊ ဆက်သွယ်ရေး မြောင်းများဖြင့် ပြီးခဲ့သည့် ၂၀၂၄ ခုနှစ် စက်တင်ဘာလခန့်မှ စတင်၍ အင်အား ၂၀ ခန့်ဖြင့် တပ်စွဲထားသည့် စစ်ကောင်စီ ဂိတ်စခန်း တစ်ခုဖြစ်သည်။   ထားဝယ်ပြည်သူ့လွတ်မြောက်ရေးတပ် - TPLF မှ တာဝန်ရှိသူတစ်ဦးက “စခန်းထဲက စစ်ကောင်စီတပ်သား ၁၆ ဦးက အလံဖြူထောင်ပြီး လက်နက်ချတယ်၊ စခန်းကိုလည်း မီးရှို့ခဲ့တယ်၊ လက်နက်တွေလည်း ရတယ်၊ စာရင်း အတိအကျတော့ မသိရသေးဘူး၊ ပူးပေါင်းတပ်ဖွဲ့ဘက်ကလည်း ထိခိုက်မှု တစ်ချို့ရှိပေမဲ့ စာရင်းယူနေတုန်းပါ။ လက်ရှိတော့ စခန်းက ပြန်ဆုတ်လိုက်ပါပြီ” ဟု ပြောသည်။   ဟားလီးကွေ့စခန်းသည် ရန်ကုန် - ထားဝယ် ကားလမ်းပေါ်တွင် သွားလာနေသည့်ယာဥ်များကို စစ်ဆေးငွေညှစ် နေသော ဂိတ်ဖြစ်‌ပြီး ပြည်သူ့ကာကွယ်ရေး တပ်ဖွဲ့များကလည်း စခန်းဂိတ်ကို မကြာခဏ လာရောက် ပစ်ခတ် ခဲ့ဖူးသည်ဟု တိုက်ခိုက်ရာတွင်ပါဝင်ခဲ့သူ တပ်ဖွဲ့ဝင်တစ်ဦးက ဆိုသည်။   ဟားလီးကွေ့စခန်းကို တိုက်ခိုက်နေချိန် နံနက် ၉ နာရီခန့်တွင် စစ်ကောင်စီဘက်မှ လေယာဥ်ဖြင့် နှစ်ကြိမ် လာ‌ ရောက် ဗုံးကြဲတိုက်ခိုက်ခဲ့ပြီး သပြေချောင်းအခြေစိုက် စစ်ကောင်စီတပ်ရင်း ဘက်မှလည်း မောင်မယ်ရှောင် ကျေးရွာနှင့် ဟားလီးကွေ့စခန်း တစ်ဝိုက်ကို လက်နက်ကြီးများနှင့် တစ်နေကုန် ပစ်ကူခဲ့သည်ဟု ဆိုသည်။   လေကြောင်းဖြင့် ဗုံးလာကြဲတာကြောင့် ဇဟာကျေးရွာ ဘုန်းကြီးကျောင်းအနီး ကျရောက်ပေါက်ကွဲခဲ့ပြီး ဇနီးမောင်နှံနှစ်ဦး သေဆုံးခဲ့ကာ ဘုန်းကြီးနှစ်ပါး ထိခိုက်ဒဏ်ရာများ ရရှိခဲ့ကြသည်။   ထို့အပြင် တိုက်ပွဲအတွင်း စစ်ကောင်စီတပ်သား လေးဦး သေဆုံးခဲ့ပြီး စခန်းကို အုပ်ချုပ်သည့် ဗိုလ်ကြီးဖြစ်သူမှာ စခန်းသိမ်းပိုက်ခံရ အပြီး၌ သေနတ်ဖြင့် ပစ်သတ်ကာ အဆုံးစီရင်သွားခဲ့သည်ဟု TPLF မှ တာဝန်ရှိသူတစ်ဦးက ဆိုသည်။   စခန်းသိမ်းတိုက်ပွဲကို ကရင်အမျိုးသား လွတ်မြောက်ရေး တပ်မတော် (KNLA)၊ ထားဝယ် ပြည်သူ့ လွတ်မြောက် ရေးတပ် - TPLF၊ ဓဝယ်အမျိုးသား လွတ်မြောက်ရေး တပ်တော် - (DNLA) အပါအဝင် ပြည်သူ့ကာကွယ်ရေးပူးပေါင်းတပ်ဖွဲ့များက ပုးပေါင်း စစ်ဆင်ရေူ လုပ်ခဲ့ခြင်းဖြစ်သည်။   ပြီးခဲ့သည့် ဧပြီလ ၁၉ ရက်နေ့ကလည်း ထားဝယ်ခရိုင် အတွင်းရှိ တပ်မဟာ (၄)နယ်မြေမှ စစ်ကောင်စီ၏ ဗျူဟာ စခန်းတစ်ခု ဖြစ်သည့် ထီးထစခန်းကို ကရင်အမျိုးသား လွတ်မြောက်ရေး တပ်မတော် (KNLA) နှင့် ပြည်သူ့ ကာကွယ်ရေး ပူးပေါင်းတပ်ဖွဲ့များက သိမ်းပိုက်ခဲ့သေးသည်။   တိုက်ပွဲအတွင်းမှ ဗျူဟာမှူး အပါဝင် စစ်ကောင်စီတပ်ဖွဲ့ဝင် ရာနှင့်ချီသေဆုံးခဲ့ပြီး လက်နက်ခဲယမ်း အများအပြား ကိုလည်း သိမ်းဆည်းရမိခဲ့သည်။   ယခုနှစ် သင်္ကြန်ကာလမှ စတင်ပြီး ပြည်သူ့ကာကွယ်ရေး ပူးပေါင်းတပ်ဖွဲ့များနှင့် စစ်ကောင်စီတို့ ကြား စစ်ရေး တင်းမာနေပြီး နေ့စဥ်နီးပါး လေကြောင်းမှ တိုက်ခိုက်မှုများလည်း ရှိနေပြီး ၁၀ ရက် အတွင်း၌ ထားဝယ်ခရိုင် အတွင်း စစ်ဘေးရှောင်နေရသူ တစ်သောင်းကျော်အထိ ရှိလာနေသည်ဟု ဒေါန-တနင်္သာရီ စစ်ဘေးရှောင်များ အ ထောက်အကူပြုရေး အဖွဲ့ထံမှ သိရသည်။

ထားဝယ် တိုက်ပွဲ အတွင်း စစ်ကောင်စီတပ်ဖွဲ့ဝင် ၁၆ ဦး အလံဖြူထောင် လက်နက်ချ

ထားဝယ် တိုက်ပွဲ အတွင်း စစ်ကောင်စီတပ်ဖွဲ့ဝင် ၁၆ ဦး အလံဖြူထောင် လက်နက်ချ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီ ၂၈ ရက်။  တနင်္သာရီတိုင်း တို…

  • April 28, 2025
ဒေသတစ်ခုလုံး လွတ်မြောက်ပြီးနောက် တပြည်လုံး လွတ်မြောက်ရေး တိုက်ပွဲ ဆက်ဝင်မည်ဟု CDF မင်းတပ်ပြော   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၆ ရက်။   နွေဦးတော်လှန်ရေး ၄ နှစ်ပြည့်တွင် မင်းတပ်ဒေသတစ်ခုလုံး စစ်အာဏာရှင် လက်အောက်မှ လွတ်မြောက်ခဲ့ သော်လည်း ချင်းပြည်တစ်ခုလုံး လွတ်မြောက်ရေး ဆက်လုပ်ဆောင်သွားရအုံးမည်ဟု ချင်းကာကွယ်ရေးတပ်ဖွဲ့ CDF - မင်းတပ် စစ်ဦးစီးချုပ်က ပြောဆိုလိုက်သည်။   ချင်းကာကွယ်ရေးတပ်ဖွဲ့ CDF မင်းတပ်၏ တော်လှန်ရေး ၄ နှစ်ပြည့်နေ့ (ဧပြီလ ၂၄ ရက်နေ့) အထိမ်းအမှတ် မိန့်ခွန်းထဲတွင် CDF မင်းတပ်  စစ်ဦးစီးချုပ် ဆလိုင်း ထန်းချွမ်ဖေ က ထည့်သွင်း ပြောဆိုသွားခြင်း ဖြစ်သည်။   “ကျနော်တို့ ဒီ ၄ နှစ်ပြည့်တော်လှန်းကိုလည်း ကျနော်တို့ ခမ်းခမ်းနားနားနဲ့ မလုပ်ခဲ့ပါဘူး။ ကျနော်တို့ ရှေ့ဆက် ရမယ့် အနာဂတ်အတွက် ကျနော်တို့ ပေးဆပ်ခဲ့တဲ့ သမိုင်းကို မမေ့မလျော့ပဲနဲ့ ကျနော်တို့ရဲ့ နှလုံးသားထဲမှာ ကဗ္ဗည်းထိုးခြင်းအားဖြင့်သာ ကျနော်တို့ရဲ့ စစ်မှန်တဲ့ ၄ နှစ်ပြည့် အခမ်းအနားပဲ ဖြစ်ပါတယ်။ အဲဒါကြောင့် ဆက်ပြီးတော့ ကျနော်တို့ ၅ နှစ်ပြည့်မှာလည်း ကျနော်တို့ ချင်းပြည်နယ် တစ်ပြည်နယ်လုံး လွတ်မြောက် ရမယ်။ ထိုနည်းတူစွာပဲ ကျနော်တို့ ဒေသတွင်းမှာ ရှိနေကြတဲ့ ကျနော်တို့ ဒေသအတွင်းမှာ ရှိနေကြတဲ့ ကျနော် တို့နဲ့ ချိတ်ဆက်နေကြတဲ့ ဒေသအသီးသီးမှာလည်း စစ်အာဏာရှင်စနစ်က လွတ်မြောက်ပြီးတော့ ကျနော်တို့ အားလုံးလိုချင်နေတဲ့ ပန်းတိုင်ကိုယ့်ကြမ္မာကိုယ် ဖန်တီးခွင့် အပြည့်အဝရှိတဲ့ ပန်းတိုင်ကို ဆက်ပြီးတော့ ချီတက်ရမှာ ဖြစ်ပါတယ်”   CDF မင်းတပ်အနေဖြင့် တော်လှန်ရေးကို ၂၀၂၁ ခုနှစ် ဧပြီလ ၂၄ ရက်နေ့မှာ စတင်ခဲ့ပြီး တော်လှန်ရေး ၄ နှစ်တာ ကာလအတွင်း အသက် ခန္ဓာပေးဆပ်ခဲ့ကြသည့် သူရဲကောင်းများကို ဦးညွတ်ဂုဏ်ပြုသည်ဟု CDF မင်းတပ်  စစ်ဦးစီးချုပ် က ပြောသည်။   ၄ နှစ်ပြည့်ကာလတွင် မင်းတပ်ဒေသတစ်ခုလုံး စစ်အာဏာရှင် လက်အောက်ကနေ လွတ်မြောက်ခဲ့ပြီဟု ဆို သည်။   သို့သော် တစ်ပြည်နယ်လုံး အတိုင်းအတာနှင့် စစ်အာဏာရှင် လက်အောက်မှ လွတ်မြောက်အောင် ဆက်လက် လုပ်ဆောင်သွားရမည့် စစ်ဆင်ရေးကိစ္စရပ်များနှင့် ပတ်သက်၍ ဆလိုင်းထန်းချွမ်ဖေက ယခုကဲ့သို ဆက် ပြော သည်။   “၅ နှစ်ပြည့်မှာတော့ ကျနော်တို့ လိုချင်တဲ့ ပန်းတိုင်ရောက်ဖို့အတွက် ဒီလာမယ့် ၁ နှစ်အတွင်းမှာလည်း ကြိုးစား ပြီးတော့ ကျနော်တို့ တော်လှန်ရေးကို ဆက်လုပ်သွားမှာ ဖြစ်ပါတယ်။ အဲကြောင့် အခုလက်ရှိ အောင်မြင်နေတဲ့ ချင်းညီနောင် စစ်ဆင်ရေးကိုလည်း ဆက်ပြီးတော့ ဝန်းရံပံ့ပိုးပေးကြပါ။ ကျနော်တို့ ချင်းညီနောင်ဟာ ဆက်ပြီး တော့ ဖော်ဆောင်ရမယ့် တီးတိန်စစ်ဆင်ရေး ထိုနည်းတူပဲ ကျနော်တို့ ချင်းပြည်နယ် အတွင်းမှာ ရှိနေသေးတဲ့ ဟားခါး ထန်တလန် စသည့် မြို့တွေ လွတ်မြောက်ရေးအတွက်လည်း ကျနော်တို့ စွမ်းစွမ်းတမံ ပူးပေါင်း ဆောင်ရွက်သွားမှာ ဖြစ်ပါတယ်”   ထို့အပြင် ချင်းပြည် တစ်ခုလုံးသာမက တစ်နိုင်ငံလုံး စစ်အာဏာရှင် လက်အောက်မှ လွတ်မြောက်အောင် သက်ဆိုင်ရာ တော်လှန်ရေး အဖွဲ့များနှင့်လည်း ပူးပေါင်း လုပ်ဆောင်သွားမည်ဟု ဆိုသည်။   ချင်းညီနောင်အဖွဲ့ဝင် ချင်းကာကွယ်ရေးတပ် CDF မင်းတပ်၏ တော်လှန်ရေး ၄ နှစ်တာ ကာလအတွင်း အောင် မြင်မှုများမှာ အဖက်ဖက်မှ ပံ့ပိုးကူညီသူများနှင့် မဟာမိတ် အဖွဲ့များ၏ မှန်ကန်သည့် စေတနာထားမှုနှင့် အပြည့် အဝ ရပ်တည်ပေးမှုတို့ကြောင့် ဖြစ်သည်ဟု ဆလိုင်းထန်းချွမ်ဖေ ပြောသည်။   ထို့ကြောင့် ချင်းပြည်နယ်တစ်ခုလုံး လွတ်မြောက်အောင် ဆက်လက်တိုက်ပွဲဝင်သွား ရမှာဖြစ်ပြီး လက်နက်ခဲ ယမ်းနှင့် စားနပ်ရိက္ခာ လိုအပ်မှုများကိုလည်း မိဘပြည်သူတို့အနေဖြင့် ဆက်ပြီး ဝန်းရံပေးကြဖို့ CDF မင်းတပ် စစ်ဦးစီးချုပ်က မေတ္တာရပ်ခံ တောင်းဆိုထားသည်။

ဒေသတစ်ခုလုံး လွတ်မြောက်ပြီးနောက် တပြည်လုံး လွတ်မြောက်ရေး တိုက်ပွဲ ဆက်ဝင်မည်ဟု CDF မင်းတပ်ပြော 

ဒေသတစ်ခုလုံး လွတ်မြောက်ပြီးနောက် တပြည်လုံး လွတ်မြောက်ရေး တိုက်ပွဲ ဆက်ဝင်မည်ဟု CDF မင်းတပ်ပြော  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၆ ရက်။…

  • April 26, 2025
ခဲသတ္တုမိုင်းများကို လေကြောင်းမှ ဗုံးကြဲ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၆ ရက်။   ကရင်နီ ပြည်အတွင်းက စီးပွားရေး လုပ်ငန်းတွေတည်ရှိရာ မော်ချိးဒေသကို စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့သည်။   ဖားဆောင်းမြို့နယ်၊ မော်ချီးဒေသကို စစ်ကောင်စီက လေကြောင်းနှင့် ဗုံးကြဲ တိုက်ခိုက်သည့် အတွက် လူထိခိုက်ဒဏ်ရာ ရရှိခဲ့သည့်အပြင် နေအိမ် အဆောက်အအုံများလည်း ထိမှန် ပျက်စီးခဲ့သည်ဟု မော်ချီး ဒေသခံများက ပြောသည်။   ဧပြီလ ၂၆ ရက်နေ့ (ယနေ့) နေ့လယ်  ၁၂ နာရီခွဲ အချိန်ခန့်တွင် စစ်ကောင်စီတပ်က လေယာဉ်နှင့် လာပြီး ဗုံးကြဲ ချခဲ့ခြင်း ဖြစ်သည်ဟု ဗုံးကြဲခံရသည့် နေရာအနီးဝန်းကျင်တွင် ရှိနေသည့် မော်ချီး ဒေသခံတစ်ဦးက ယခုကဲ့သို့ ပြောသည်။   မော်ချီးဒေသခံ တစ်ဦးက “အပေါ်က ဒီဇယ်ကုန်းမှာ ကြဲသွားတာ သူတို့ ထိတဲ့သူတွေလည်းရှိတယ် ပြောတယ်။ အခြေအနေကတော့ အောက်ရွာ ဒီဇယ်ကုန်းဖက်မှာ သုံးလုံးလောက်ပေါ့နော် လေယာဉ်လာကြဲသွားတယ်။ ပြီးလို့ ရှိရင် အထိအခိုက်တော့ အိမ်တွေဘာတွေတော့ ထိတယ်။ ပြီးလို့ရှိရင် ယောက်ကျား ၂ ယောက် ထိတယ် ပြောတယ်။ အတိအကျတော့ သေသေချာချား မသိရသေးဘူး။ မိုးတွေလည်း အရမ်းရွာတော့ အပေါ်က မိသားစု တွေ ပြန်ဆင်းလာတော့ ပြောပြတာပေါ့” ဟု ပြောသည်။   လေယာဉ်လာကြဲပြီးနောက် မိုးသည်းထန်စွာ ရွာသွန်းလာသောကြောင့် အခြေအနေ အသေးစိတ်ကို မသိရ သေးဘူးဟု ဆိုသည်။   ပြီးခဲ့သည့် ဧပြီလ ၂၄ ရက်နေ့ကလည်း စစ်ကောင်စီက မော်ချီးမြို့ရှိ  ခဲလုပ်ကွက် တစ်ခုထဲ ပေါင် ၅၀၀ ဗုံးနှင့် လာရောက် ကြဲချခဲ့သောကြောင့် အရပ်သား ၅ ယောက် ထိမှန်သေဆုံးခဲ့သည့်အပြင် ၁၀ ယောက်ထက် မနည်း ထိခိုက်ဒဏ်ရာ ရရှိခဲ့သည်ဟု အဆိုပါ မော်ချီးဒေသခံက ဆက်ပြောသည်။   “မနေ့တစ်နေ့က ကြဲတာက ဒီအခု ကျနော်တို့ နေတဲ့ အိမ်အပေါ် တစ်လုံးကျော်နားမှာပေါ့နော။ တရုတ်စက်ရုံမှာ ကြဲသွားတာ။ အဲဒီ တရုတ်စက်ရုံ အလုပ်လုပ်နေတဲ့ အချိန်မှာပဲ ကြဲတော့ တော်တော်များများလည်း ထိတယ်။ တော်တော်များများလည်း သေကြတယ်။ ငါးယောက် ခြောက်ယောက်လောက်တော့ သေတယ်ကြားတယ်။ သူ အဓိက ကြဲတဲ့နေရာတွေကတော့ တရုတ်စက်ရုံတွေပေါ့။ ဒီစက်ရုံမှာ ကြဲတာ ဆိုလို့ရှိရင် သိသလောက်ဆိုရင် တရုတ် လင်မယားပါတယ်။ တရုတ်ပဲ ငါးယောက်လောက်ပါတယ်။”   ထို့အတူ ဧပြီလ ၂၄ ရက်နေ့ နံနက် ၂ နာရီခွဲခန့်တွင်လည်း မယ်စဲ့မြို့နယ်ထဲက နေရာတစ်ခုကို စစ်ကောင်စီက လေကြောင်းဖြင့် ဗုံးကြဲတိုက်ခိုက်ခဲ့သေးသည်ဟု မယ်စဲ့မြို့နယ်ထဲက ဒေသခံတစ်ဦး က ပြောသည်။   ထို့အပြင် စစ်ကောင်စီသည် ပြီးခဲ့သည့် မတ်လ ၇ ရက်နေ့ကလည်း မော်ချီးမြို့အဝင်တွင်ရှိသည့် အမှတ် ၂ ဂိတ် အနီးဝန်းကျင်ကို ဗုံးကြဲတိုက်ခိုက်ခဲ့သောကြောင့် အရပ်သား ၂ ဦးသေဆုံးခဲ့ပြီး ၁၀ ဦးထက်မနည်း ထိခိုက် ဒဏ်ရာ ရရှိခဲ့သည်။

လက်ရှိတွင် စစ်ကောင်စီသည် ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အရှိန်အဟုန်မြင့် ဆောင်ရွက်ရန်နှင့် တည်ငြိမ်အေးချမ်းရေးကို ရှေးရှု့ပြီး ဧပြီလကုန်အထိ ယာယီ အပစ်ရပ်ထား မည်ဟု ထုတ်ပြန်ထားသည်။   ယာယီ အပစ်ရပ်မည်ဟု ထုတ်ပြန်ထားသော်လည်း စစ်ကောင်စီသည် လေကြောင်းအပြင် ဒရုန်းသုံး ဗုံးကြဲ တိုက် ခိုက်မှုများနှင့် လက်နက်ကြီး ပစ်ခတ်မှုများကို နိုင်ငံတဝှမ်း နေ့တိုင်း လုပ်နေပြီး တိုက်ပွဲများလည်း ပြင်းထန်စွာ ဆက်လက် ဖြစ်ပွားနေသည်ဟု တော်လှန်ရေး အင်အားစုများက ပြောသည်။  Photo – ဒေသခံ

ခဲသတ္တုမိုင်းများကို လေကြောင်းမှ ဗုံးကြဲ

ခဲသတ္တုမိုင်းများကို လေကြောင်းမှ ဗုံးကြဲ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၆ ရက်။  ကရင်နီ ပြည်အတွင်းက စီးပွားရေး လုပ်ငန်းတွေတည်ရှိရာ…

  • April 26, 2025
×Close