သတင်း

အပစ်ရပ် ထပ်တိုးကြေညာသည့်ရက်တွင် PNLO ဌာနချုပ်နယ်မြေကို စစ်ကောင်စီ လက်နက်ကြီးဖြင့် ပစ်   သတင်းနှင့် မီဒီယာ ကွန်ရက်။ ၂၀၂၅ ခုနှစ် ဧပြီလ ၂၄ ရက်။    အပစ်ရပ် ထပ်တိုးကာလအတွင်း စစ်ကောင်စီက ရှမ်းပြည်တောင်ပိုင်းက ပအိုဝ်းအမျိုးသား လွတ်မြောက်ရေး အဖွဲ့ချုပ် PNLO ဌာနချုပ်အနီးက ကျေးရွာများကို လက်နက်ကြီးများဖြင့် ပစ်ခတ်တိုက်ခိုက်ခံခဲ့ရသည်။   ငလျင်ဘေး ပြန်လည်ထူထောင်ရေး ထပ်တိုးလိုက်သည့် အပစ်ရပ်ကာလ ဧပြီလ ၂၂ ရက်နေ့က လက်နက်ကြီး များဖြင့် ပစ်ခတ်တိုက်ခိုက်ခံခဲ့ရခြင်း ဖြစ်သည်ဟု PNLO သတင်းနှင့် ပြန်ကြားရေး တာဝန်ရှိသူ ခွန်းရိန်းယံက ပြောသည်။   “ဖြစ်စဉ်ကတော့မနေ့ကဖြစ်တာပေါ့နော စစ်ကောင်စီကတော့ သူတို့အပစ်ခတ်ရပ်စဲ ထားတယ်လို့ ကြေညာထား တဲ့ နောက်ဆုံးရက်၊ ပြီးတော့ လကုန်အထိ သူတို့ထပ်ပြီး သက်တမ်းတိုးတဲ့ရက် အဲဒီရက်မှာပဲ သူတို့က ကျနော် တို့ ဌာနချုပ်နားမှာ ရှိတဲ့ ကျေးရွာတွေ နောင်ထောကျေးရွာတွေကို ၈၁ မမတွေ ပြီးတော့ ဟောင်ဝစ်ဇာ လက် နက်ကြီးတွေ သုံးပြီးတော့မှ ပစ်ခတ်တိုက်ခိုက်တယ်။ အနည်းဆုံး ၁၀ ကြိမ်ပေါ့လေ ပေါက်ကွဲတာတွေလည်း ရှိ တယ်။ မပေါက်ကွဲတာတွေလည်း ရှိတယ်၊ ပြည်သူလူထုရဲ့ အိမ်တစ်ချို့ ထိခိုက်တယ် လူထိခိုက်မှုတော့ မရှိပါ ဘူး။”   ငလျင်ကြောင့် ပျက်စီးမှုများရှိခဲ့သည့် ပအိုဝ်းဒေသတွင် ပြန်လည်ထူထောင်ရေး လုပ်ဆောင်နေသည့် အတွက် PNLO ဘက်ကလည်း အပစ်ခတ်ရပ်ထားသည့် ကာလ၌ စစ်ကောင်စီဘက်က တိုက်ခိုက်လာခြင်း ဖြစ်သည်ဟု ခွန်းရိန်းယံက ဆက်ပြောသည်။   “မြေငလျင်လှုပ်ပြီး နောက်ပိုင်းမှာ ပြန်လည် ထူထောင်ရေးတွေ တစ်ချို့ ပအိုဝ်းဒေသမှာလည်း လူသေဆုံးတာ တွေ အိမ်ပြိုတာတွေလည်း ရှိတော့ ကျနော်တို့လည်း စစ်ရေးဖော်ဆောင်မှုတွေ စစ်ရေးပြင်ဆင်မှုတွေ မလုပ်ဘဲ နဲ့ ပြည်သူလူထုတွေရဲ့ ဒုက္ခတွေကို စာနာတဲ့အနေနဲ့ အပစ်ရပ်ထားတာမျိုးတွေ ရှိပါတယ်။ အဓိကက ထိုးစစ်တွေ မလုပ်ကြဘူးပေါ့လေ။ ဒါပေမယ့် စစ်ကောင်စီလည်း အဲ့လိုမျိုး ကြေညာထားတဲ့ အထဲမှာကိုပဲ ကျနော်တို့ကို တိုက်ခိုက်တာတွေတော့ ရှိတာပေါ့နော။”   စစ်ကောင်စီတပ်သည် အပစ်ရပ်ကာလတွင် ယခုကဲ့သို့ ပစ်ခတ်တိုက်ခိုက်မှုများ လုပ်နေခြင်းမှာ တည်ငြိမ်မှုကို အမှန်တကယ် မလိုလားသည့် သဘောမျိုးဖြစ်နေသည်ဟု ဆက်ပြောသည်။   ခွန်းရိန်းယံက “ဒီလုပ်ရပ်တွေက သေချာကြည့်လိုက်ရင် စစ်ကောင်စီက ကျနော်တို့ဒေသမှာပဲ မဟုတ်ဘူး။ တခြားဒေသမှာလည်း အပစ်ရပ်ထားတယ် ဆိုပြီးတော့မှ ဗုံးတွေကြဲတယ်။ ကလေးတွေကစ သေဆုံးရတယ် ဆိုတဲ့ဟာတွေ တွေ့ရတယ်ပေါ့နော်၊ ဒါကိုကြည့်ခြင်းအားဖြင့် စစ်ကောင်စီက ငြိမ်းချမ်းမှု တည်ငြိမ်မှုကို တကယ်လိုလားတာ မဟုတ်ဘူးဆိုတာ တွေ့မြင်ရတဲ့ အနေအထားဖြစ်ပါတယ်” ဟု ပြောသည်။   စစ်ကောင်စီတပ်က ဧပြီလ ၂ ရက်နေ့မှ ဧပြီလ ၂၂ ရက်နေ့ အပစ်ရပ်ကာလ အတွင်း၌လည်း PNLO ဌာနချုပ် ဧရိယာထဲကို လေကြောင်းမှ  လာရောက် ဗုံးကြဲ တိုက်ခိုက်ခြင်းမျိုး ရှိခဲ့သည်ဟု ဆိုသည်။   အပစ်ရပ်ကာလမှာပင် စစ်ကောင်စီက ပအိုဝ်းဒေသ အပါအဝင် စစ်ကိုင်း၊ မကွေး၊ မန္တလေး၊ ကချင်၊ ကရင်၊ ကရင် နီ၊ ချင်း၊ ရခိုင်၊ ရှမ်းမြောက်ဒေသနှင့် နိုင်ငံတဝန်း လက်နက်ကြီးအပြင် လေကြောင်းမှ ဗုံးကြဲ တိုက်ခိုက်မှုများ ပြင်းပြင်းထန်ထန် လုပ်နေသောကြောင့် ၎င်းတို့ကိုယ်တိုင် ကြေညာခဲ့သည့် အပစ်ရပ်ကြေညာမှုကို နေ့စဉ် ချိုးဖောက်နေသည်ဟု တော်လှန်ရေးတပ်ဖွဲ့များက ဆိုသည်။

အပစ်ရပ် ထပ်တိုးကြေညာသည့်ရက်တွင် PNLO ဌာနချုပ်နယ်မြေကို စစ်ကောင်စီ လက်နက်ကြီးဖြင့် ပစ်

အပစ်ရပ် ထပ်တိုးကြေညာသည့်ရက်တွင် PNLO ဌာနချုပ်နယ်မြေကို စစ်ကောင်စီ လက်နက်ကြီးဖြင့် ပစ် သတင်းနှင့် မီဒီယာ ကွန်ရက်။၂၀၂၅ ခုနှစ် ဧပြီလ ၂၄ ရက်။   အပစ်…

  • April 24, 2025
စစ်ကောင်စီက နိုင်ငံ၏ လေးပုံ တစ်ပုံ ပင် ထိန်းချုပ်မထားနိုင်တော့ကြောင်း NUG ပြော   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၄ ရက်။   မြန်မာနိုင်ငံ၏ သမိုင်းတစ်လျှောက် စစ်တပ်သည် နွေဦးတော်လှန်ရေး ကာလအတွင်း အကြီးမားဆုံး ရှုံးဆုံးမှုကို ရင်ဆိုင်ကြုံတွေ့နေရပြီး နယ်မြေထိန်းချုပ်နိုင်မှု အနေအထားကလည်း လေးပုံတစ်ပုံပင် မရှိတော့ဘူးဟု အမျိုးသား ညီညွတ်ရေး အစိုးရ NUG ယာယီ သမ္မတ ဒူဝါလရှီးလက ပြောဆိုလိုက်သည်။   ယခုနှစ်တွင် ကျရောက်သည့် မြန်မာ့ရိုးရာ နှစ်သစ်ကူး နှုတ်ခွန်းဆက်မိန့်ခွန်း၌ NUG ယာယီသမ္မတ က ထည့်သွင်း ပြောကြားသွားခြင်း ဖြစ်သည်။   “တော်လှန်ရေး အင်အားစု အသီးသီးရဲ့ စွမ်းဆောင်ရည်တွေနဲ့ ပြည်သူလူထုရဲ့ အားပေးထောက်ခံမှုတွေကြောင့် ဒီကနေ့ အချိန်မှာ စစ်ကောင်စီအနေနဲ့ မြန်မာစစ်သမိုင်းတစ်လျှောက် အကြီးမားဆုံး ရှုံးဆုံးမှုတွေကို ရင်ဆိုင်ကြုံ တွေ့နေကြရပြီဆိုတာ အားလုံးမျက်မြင်ပဲ ဖြစ်ပါတယ်။ နိုင်ငံတဝန်းမှာ စစ်ကောင်စီ ထိန်းချုပ်နိုင်မှုက လေးပုံ တစ်ပုံတောင် မရှိတော့ဘူးဆိုတာကို မြေပြင် အချက်အလက်တွေက ဖော်ပြနေပါတယ်။”   တော်လှန်ရေး ၄ နှစ်တာ ကာလအတွင်း စစ်ကောင်စီကို ရင်ဆိုင်တော်လှန်နိုင်ခြင်းက သက်ဆိုင်ရာ တော်လှန်ရေး အဖွဲ့အစည်းများနှင့် မဟာမိတ် ဆက်ဆံရေးကို အခိုင်အမာ တည်ဆောက်ထားနိုင်ပြီး ပြည်သူလူထု၏ ထောက်ခံ အားပေးမှုကြောင့်ဟု ဆိုသည်။   တစ်ဖက်တွင်လည်း တော်လှန်ရေး ကြာရှည်လာသည်နှင့်အမျှ ပြည်သူများမှာ ပိုမို ထိခိုက်ခံစားနေရပြီး တိုင်းပြည်လည်း နစ်နာနေရသည်ဟု NUG ယာယီ သမ္မတ က ဆက်ပြောသည်။   “တိုင်းပြည်နဲ့ ပြည်သူ့ ဘဏ္ဍာတွေကို ဂုတ်သွေးစုပ်ပြီး ပြည်သူကို စစ်မက်ပြုနေတဲ့ စစ်အုပ်စုကို တိုက်ထုတ်ရတဲ့ တော်လှန်ရေး ဖြစ်သလို စစ်အာဏာရှင်နဲ့ အာဏာရှင်မှန်သမျှကို စစ်အာဏာရှင် အမူအကျင့် အတွေးအခေါ်မှန် သမျှ အဆုံးသတ်ရေးအတွက် ဆင်နွှဲနေရတဲ့ တော်လှန်ရေး ဖြစ်တာကြောင့် ခက်ခဲကြမ်းတမ်းမှုတွေ အများကြီး ရှိတာဆိုတာကိုလည်း အရှိတရားကျကျ ကြည့်မြင်ရမှာ ဖြစ်ပါတယ်။”   ထို့ကြောင့် တော်လှန်ရေးကို အမြန်ဆုံး အဆုံးသတ်နိုင်ရန် သက်ဆိုင်ရာ တော်လှန်ရေး အင်အားစုများ အနေဖြင့် ပိုပြီး ကြိုးစားကြရန် NUG ယာယီ သမ္မတ ဒူဝါလရှီးလက တိုက်တွန်းထားသည်။   “တတ်နိုင်သမျှ ဒီတော်လှန်ရေးကို အမြန်ဆုံးအောင်မြင်အောင် လုပ်ဆောင်ပြီး ပြည်သူလူထု ထမ်းထားရတဲ့ ဝန်ထုပ်ဝန်ပိုးတွေ ပပျောက်သွားအောင် ကြိုးစားကြရမှာ ဖြစ်ပါတယ်။ အထူးသဖြင့် ဒီ ၂၀၂၅ ခုနှစ်ဟာ ကြီးမား တဲ့ တော်လှန်ရေး အလှည့်အပြောင်း ဖြစ်လာစေမယ့်နှစ် ပြည်သူလူထု အတွက် တော်လှန်ရေး အပြီးသတ် အောင်ပွဲ အလင်းရောင်ကို ယူဆောင်သွားနိုင်မယ့် နှစ်ဖြစ်ဖို့ ကျနော်တို့ တော်လှန်ရေး အင်အားစုတွေ အားလုံး ဆထက်တစ်ပိုး ကြိုးစားသွားရမှာ ဖြစ်ပါတယ်။”   စစ်အာဏာသိမ်းပြီးနောက် ပြည်နယ်နှင့် တိုင်းဒေသကြီးတွေမှာ စစ်ကောင်စီတပ်နှင့် တော်လှန်ရေး အင်အား စုများအကြား တိုက်ပွဲများ ပြင်းပြင်းထန်ထန် ဖြစ်ပွားလာခဲ့သည်။ စစ်ရေးပဋိပက္ခများကြားက ပြည်သူများသည် စစ်ကောင်စီတပ်၏ ဖမ်းဆီးနှိပ်စက် သတ်ဖြတ်ခြင်း၊ လူသားဒိုင်း ကာ ပြုလုပ်ခြင်း၊ နေအိမ်များကို မီးရှို့ခြင်း၊ ပြည်သူများ လုပ်ကိုင်စားသောက်နေသည့် နေရာများကို လက်နက် ကြီး ပစ်ခတ်ခြင်းနှင့် ကျေးရွာများထဲမှ မောင်းထုတ်ခြင်း စသည့် လူ့အခွင့်အရေး ချိုးဖောက်မှုများကို ခံစားခဲ့ရ သည်။ လက်ရှိတွင် စစ်ကောင်စီတပ်က ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အရှိန်အဟုန်မြင့် ဆောင်ရွက်ဖို့ရန် တည်ငြိမ်အေးချမ်းရေးကို ရှေးရှု့ပြီး ယာယီ အပစ်ရပ်ထားမည်ဟု ထုတ်ပြန် ထားသည်။ ယာယီ အပစ်ရပ်မည်ဟု ထုတ်ပြန်ထားသော်လည်း လေကြောင်းတိုက်ခိုက်မှု၊ ဒရုန်းနှင့် ဗုံးကြဲ တိုက်ခိုက်မှု၊ လက်နက်ကြီး ပစ်ခတ်မှုများကို စစ်ကောင်စီက ပြည်နယ်နှင့် တိုင်းဒေသကြီးများတွင် နေ့တိုင်း လုပ်ဆောင်နေပြီး တိုက်ပွဲများလည်း ပြင်းထန်စွာ ဆက်လက် ဖြစ်ပွားနေသည်ဟု တော်လှန်ရေး အင်အားစုများက ပြောသည်။

စစ်ကောင်စီက နိုင်ငံ၏ လေးပုံ တစ်ပုံ ပင် ထိန်းချုပ်မထားနိုင်တော့ကြောင်း NUG ပြော

စစ်ကောင်စီက နိုင်ငံ၏ လေးပုံ တစ်ပုံ ပင် ထိန်းချုပ်မထားနိုင်တော့ကြောင်း NUG ပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၄ ရက်။  မြန်မာနိုင်…

  • April 24, 2025
တနင်္သာရီ မြို့နယ်အတွင်း စစ်ကောင်စီတပ်ကို  ပကဖက ဒရုန်းဗုံးဖြင့် တိုက်ခိုက်   သတင်းနှင့် မီဒီယာကွန်ရက်။ ၂၀၂၅ ခုနှစ်၊ ဧပြီလ ၂၄ ရက်။   မြိတ်ခရိုင်၊ တနင်္သာရီမြို့နယ်၊ ဘန်းလမွတ်ကျေးရွာတွင် စစ်ကောင်စီ တပ်ဖွဲ့ကို ပြည်သူ့ ကာကွယ်ရေးအဖွဲ့က ဒရုန်းဖြင့် ဗုံးသီးချတိုက်ခိုက်ခဲ့သည်ဟု ရွာသားများက ပြောသည်။   မြိတ် - တနင်္သာရီသွား ပြည်ထောင်စု လမ်းမကြီးပေါ်ရှိ ဘန်းလမွတ်ကျေးရွာ လမ်းဆုံတွင် စစ်ကောင်စီတပ်ဖွဲ့က လမ်းသွားလမ်းလာ ပြည်သူများကို စစ်ဆေးနေ သည့်အချိန် ဧပြီလ ၂၂ ရက်နေ့၊ နံနက် ၉ နာရီခန့်က တိုက်ခိုက်ခဲ့ ခြင်း ဖြစ်သည်။   တနင်္သာရီမြို့နယ် - ပကဖ ဇုန် (၅) တောဗုံးကြီးတပ်ဖွဲ့၏ ပြန်ကြားရေး တာဝန်ရှိသူက “ဗုံးသီးချတဲ့အချိန်မှာ စစ် ကောင်စီရဲ့ စစ်ဆေးနေတဲ့  ဂိတ်ပေါ်ကို တည့်တည့်ကျသွားတယ်၊ ဒရုန်းကို သေနတ်တွေနဲ့ ဝိုင်းပစ်ကြသေးတယ်၊ မထိပါဘူး၊ စစ်ကောင်စီတပ်ဖွဲ့ရဲ့ထိခိုက်မှုတွေကို လည်းတွေ့ရတယ်၊ စစ်ကောင်စီဘက်က တန်ပြန်ပြီး ဒရုန်းနဲ့ လိုက်ဝဲပြီး ဗုံးသီးချဖို့ လုပ်နေတာကိုလည်း တွေ့ရတယ်” ဟု ပြောသည်။   တိုက်ခိုက်မှုကို တနင်္သာရီမြို့နယ် - ပကဖ ဇုန် ၅ ၏ တောဗုံးကြီးတပ်ဖွဲ့မှ တိုက်ခိုက် ခဲ့ခြင်း ဖြစ်ပြီး ဒရုန်းဖြင့် ဗုံးသီး ၁ လုံး ချပြီး တိုက်ခိုက်ခဲ့သည်ဟု  တိုက်ခိုက်ရာ ပါဝင်ခဲ့သူ တပ်ဖွဲ့ဝင်တစ်ဦးက ဆိုသည်။   တိုက်ခိုက်မှုကြောင့် စစ်ကောင်စီဘက်မှ ထိခိုက်မှုများရှိနိုင်ပြီး အသေးစိတ်ကို အတည်ပြု သတင်းထုတ်ပြန် နိုင်ရန် အတွက် ကြိုးစားနေဆဲ ဖြစ်ပြီး ပြည်သူ့ ကာကွယ်ရေးတပ်ဖွဲ့မှ ထိခိုက်မှုမရှိဘူးဟု ဆိုသည်။   မကြာသေးခင်ကလည်း ရမ်းဖိုကျေးရွာ ဘုန်းကြီးကျောင်းတွင် တပ်စွဲထားသည့် စစ်ကောင်စီ တပ်ဖွဲ့ကို KNDO နှင့် ပြည်သူ့ကာကွယ်ရေး ပူးပေါင်းတပ်ဖွဲ့များက သွားရောက်၍ ဒရုန်းဖြင့် ဗုံးသီးချ တိုက်ခိုက်ခဲ့သေးသည်ဟု တောဗုံးကြီးတပ်ဖွဲ့၏ ပြန်ကြားရေး တာဝန်ရှိသူက ဆိုသည်။   ဘန်းလမွတ်ကျေးရွာအုပ်စု၊ ညောင်ပင်ကုန်းကျေးရွာတွင် အိမ်အချို့မှ သစ်ပြားများကို ခွာယူပြီး စခန်းဆောက်သည့် နေရာများတွင် အသုံးပြုနေကြောင်း ပြောသည်။   ဇဝဲရွာအခြေစိုက် စစ်ကောင်စီ၏ အမှတ် - ၅၅၆ ခြေလျင်တပ်ရင်းမှ တပ်ဖွဲ့ဝင်များသည့် ဘန်းလမွတ်ကျေးရွာ အုပ်စု အတွင်းရှိ လမ်းများတလျှောက်နှင့် ကျေးရွာများတွင် လမ်းကင်းများ အင်အား ရာနှင့်ချီ၍ ချထားကာ ဧပြီလ ၁၈ ရက်နေ့မှ စတင်ပြီး လမ်းသွားလမ်းလာများကို စစ်ဆေး‌လျက်ရှိနေ သည်ဟု  ရွာသားများက ပြော သည်။   ယခုကဲ့သို့ အင်အားတိုးချထားခြင်းမှာ စစ်ကောင်စီ၏ ရိက္ခာယာဉ်တန်း လုံခြုံရေးအတွက်လည်း ဖြစ်နိုင်ပြီး ပြည်ထောင်စု လမ်းပိုင်းကို စိုးမိုးမှုပြုလုပ်နိုင်ရန်ကိုလည်း ကြိုးစားနေခြင်း ဖြစ်နိုင်နေကြောင်း ပြည်သူ့ကာကွယ်ရေး တပ်ဖွဲ့ဝင်တစ်ဦး က ဆိုသည်။   စစ်ကောင်စီဘက်က ပြည်သူများကို အကာအကွယ်ယူပြီး သွားလာခြင်း၊ စစ်ဆေးဖမ်းဆီးခြင်းများ လုပ်လာ နိုင်သဖြင့် မလိုအပ်ဘဲ ခရီးသွားလာခြင်း မလုပ်ကြရန် ပြည်သူ့ကာကွယ်ရေး အဖွဲ့များက အသိပေး တိုက်တွန်း ထားသည်။

တနင်္သာရီ မြို့နယ်အတွင်း စစ်ကောင်စီတပ်ကို  ပကဖက ဒရုန်းဗုံးဖြင့် တိုက်ခိုက်

တနင်္သာရီ မြို့နယ်အတွင်း စစ်ကောင်စီတပ်ကို  ပကဖက ဒရုန်းဗုံးဖြင့် တိုက်ခိုက် သတင်းနှင့် မီဒီယာကွန်ရက်။ ၂၀၂၅ ခုနှစ်၊ ဧပြီလ ၂၄ ရက်။  မြိတ်ခရိုင်၊ တန…

  • April 24, 2025
ထားဝယ်တွင် စစ်ကောင်စီက ၄ ရက်ဆက်တိုက်ဗုံးကြဲ၊ အရပ်သား ထိခိုက်သေဆုံးမှုများရှိ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၃ ရက်။   တနင်္သာရီတိုင်း ထားဝယ်ခရိုင်၊ သရက်ချောင်းတွင် ၄ ရက် ဆက်တိုက် စစ်ကောင်စီတပ်က လေယာဥ်ဖြင့် ဗုံးကြဲတိုက်ခိုက်မှုကြောင့် အရပ်သား ထိခိုက်သေဆုံးမှုများ ရှိနေသည်။   သရက်ချောင်းမြို့နယ် အောက်ဘက်အခြမ်းရှိ ကျေးရွာများကို စစ်ကောင်စီတပ်မှ လေယာဥ်ဖြင့် ၄ ရက် ဆက်တိုက် ဗုံးကြဲတိုက်ခိုက်မှုကြောင့် အရပ်သား ထိခိုက်သေဆုံးမှုများ ရှိနေကြောင်း KNLA တပ်ရင်း ၁၂ မှ တာဝန်ရှိသူတစ်ဦး က ပြောသည်။   တိုက်ပွဲဖြစ်ပွားခြင်း မရှိဘဲ ဧပြီလ ၁၉ ရက်နေ့၊ နံနက် ၁၁ နာရီခန့်ကလည်း ဝင်းဝစခန်း အနီးဝန်းကျင်ရှိ မင်းဒပ်၊ ချောင်းဝပြင်၊ ရငဲရွာများကို ဗုံး ၈ လုံးခန့် ကြဲချတိုက်ခိုက်ခဲ့ရာ အသက် ၇ နှစ်နှင့် အသက် ၅၀ ကျော်အရွယ် မြေးအဖိုးနှစ်ဦးသေဆုံးပြီး လေးဦးဒဏ်ရာရခဲ့သည်။   ဧပြီလ ၁၈ ရက်နေ့က ဝင်းဝနယ်မြေရဲစခန်းကို KNLA နှင့် PDF ပူးပေါင်းတပ်ဖွဲ့များက ပစ်ခတ်တိုက်ခိုက်သဖြင့် နှစ်ဖက်တိုက်ပွဲ ဖြစ်ပွားခဲ့ပြီးနောက် လေကြောင်းပစ်ကူခဲ့သည်။   ဧပြီလ ၂၀ ရက်နေ့ ညပိုင်းမှ ဧပြီလ ၂၁ ရက်နေ့ နံနက် ၄ နာရီခန့်အထိ နှစ်ဖက်ပစ်ခတ်သံများ ညလုံးပေါက် ကြားခဲ့ရသည်ဟု ရွာသားများက ပြောသည်။   ဧပြီလ ၂၁ ရက်နေ့ မွန်းတည့် ၁၂ နာရီခန့်တွင် ဝင်းဝ၊ မင်းဒပ်၊ ကမြိုင်ကျေးရွာများကို စစ်တပ်က လေယာဉ်ဖြင့် ဗုံး ကြဲတိုက်ခိုက်သသလို ည ၁၀ နာရီခွဲတွင်လည်း ဝင်းဝ၊ မင်းဒပ်၊ သဲချောင်းသား ကျေးရွာများဘက်သို့ လေယာဉ် ဖြင့် ဗုံး ၁၅ လုံးခန့် ကြဲချတိုက်ခိုက်ခဲ့ခြင်း ဖြစ်သည်။   KNLA တပ်ရင်း ၁၂ မှ ကစယ်ကျား အထူးတပ်ဖွဲ့၏ တပ်ခွဲမှူးက “စစ်တပ်က လေယာဥ်နဲ့ အကြိမ်ကြိမ်ဗုံးကြဲပေမဲ့ ထိရောက်မှု သိပ်မရှိပါဘူး၊ KNLAတပ်ဖွဲ့ဝင် တစ်ဦးဒဏ်ရာရရှိကာ ပြည်သူနှစ်ဦးသေဆုံးပြီး လေးဦးတော့ ဒဏ်ရာ ရရှိခဲ့တယ်၊ တပ်ဖွဲ့ကို ပြန်ဆုတ်သွားအောင်လို့ ခြိမ်းခြောက်တဲ့သဘောလို့ပဲ ထင်မိတယ်” ဟု ပြောသည်။   ထိခိုက်ဒဏ်ရာရသည့် တပ်ဖွဲ့ဝင်မှာ စိုးရိမ်ရလောက်သည့် အခြေအနေ မရှိဘူးဟု KNLA တပ်ရင်း ၁၂ မှ ကစယ်ကျား အထူးတပ်ဖွဲ့၏ တပ်ခွဲမှူးက ဆိုသည်။   စစ်ကောင်စီတပ်မှ တိုက်ခိုက်ခံရသည့် ဝင်းဝရဲစခန်းနေရာ အနီးရှိ မင်းဒပ်နှင့် သဲချောင်းသားကျေးရွာ အပြင် တိုက်ပွဲဧရိယာအတွင်း မရှိသည့် ကျေးရွာများကိုပါ လေကြောင်းဖြင့် ဗုံးကြဲတိုက်ခိုက်လျက်ရှိ သည်ဟု ဆိုသည်။   လေကြောင်းမှ တိုက်ခိုက်မှုများကြောင့် ဝင်းဝ၊ မင်းဒပ်၊ ဝဲရစ်၊ ကမြိုင်၊ သဲချောင်းသား၊ ချောင်းဝပြင်၊ ရငဲ၊ ကျွဲမင်း ကုန်း စသည့်ကျေးရွာများမှ အမျိုးသမီးများ၊ ကလေးငယ်များ၊ သက်ကြီးရွယ်အိုများ အပါအဝင်  ရွာသားများ ထွက်ပြေး တိမ်းရှောင်နေကြရသည်ဟု ရွာသားများက ပြောသည်။   တိုက်ပွဲနှင့် လေကြောင်း တိုက်ခိုက်မှုများကြောင့် ရန်ကုန်ဘက်မှ လာသည့် ကားများမှာ ထားဝယ်တွင် ပိတ်မိနေ ပြီး မြိတ်ဘက်က တက်လာသည့် ကားများမှာလည်း ပုလောနှင့် ပလောက်မြို့များတွင် ပိတ်မိနေသည် မှာ ၅ ရက် ရှိလာပြီဖြစ်သည်။

ထားဝယ်တွင် စစ်ကောင်စီက ၄ ရက်ဆက်တိုက်ဗုံးကြဲ၊ အရပ်သား ထိခိုက်သေဆုံးမှုများရှိ

ထားဝယ်တွင် စစ်ကောင်စီက ၄ ရက်ဆက်တိုက်ဗုံးကြဲ၊ အရပ်သား ထိခိုက်သေဆုံးမှုများရှိ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၃ ရက်။  တနင်္သာရီတို…

  • April 23, 2025
စစ်ကောင်စီ ဖမ်းသွားသည့် ရွာသားနှစ်ဦး အဆက်အသွယ်မရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီ ၂၃ ရက်။   စစ်ကောင်စီတပ်က လမ်းပြအဖြစ် ဖမ်းသွားသည့် ရွာသားနှစ်ဦး နှစ်ပတ်ကျော်သည်အထိ အဆက်အသွယ် မရသေးဟု မိသားစုနှင့် နီးစပ်သူများက ပြောသည်။   တနင်္သာရီတိုင်း ထားဝယ်ခရိုင်၊ ရေဖြူမြို့နယ်၊ ဇာဒီကျေးရွာအုပ်စု၊ ကျောက်ထရံကျေးရွာတွင် စစ်ကောင်စီ စစ်ကြောင်းမှ  လမ်း ပြအဖြစ် ဖမ်းဆီးခေါ်ဆောင်သွားသည့် ရွာသားနှစ်ဦး သီတင်းနှစ်ပတ်ကျော်သည်အထိ အကျိုးအကြောင်း မသိရ ဘဲ အဆက်အသွယ် ပြတ်နေ၍ မိသားစုဝင်များက စိုးရိမ်နေကြသည်။   အသက် ၅၀ ခန့်အရွယ် ကျောက်ထရံ ရွာသားတစ်ဦးက “ရွာကိုရောက်လာတဲ့ စစ်ကောင်စီ စစ်ကြောင်းက စာ သင်ကျောင်း၊ ဘုန်းကြီးကျောင်းနဲ့ ဘုရားတောင်တွေမှာ လူစုခွဲပြီး ညအိပ်ကြတယ်။ နောက်တစ်ရက် ညနေပိုင်း ပြန်ထွက်မဲ့အချိန်မှာ သူတို့နှစ်ယောက်ကို လမ်းပြပေးဖို့ဆိုပြီး ခေါ်သွားတယ်။ သင်္ကြန်ပြီး ပြန်လွှတ်မယ်လို့ ပြော ပြီးခေါ်သွားတာ။ မောရဝတီရေတပ်ထဲအထိ ပါသွားတယ်လို့ ကြားရတယ်။ အခုထက်ထိ ပြန်မလွှတ်သေး ပါဘူး” ဟု ပြောသည်။   ကျောက်ထရံကျေးရွာတွင် စားသောက်ဆိုင်ဖွင့်ထားသည့် အသက် ၅၀ နှစ်အရွယ် ဦးသန်းသန်း နှင့် ငါးဖမ်းလုပ် ငန်း လုပ်ကိုင်နေသည့် ဖြူနပ်ရွာသား အသက် ၄၀ အရွယ် ကိုနိုင်နိုင်တို့ကို ဧပြီလ ၈ ရက်နေ့ ညနေ ပိုင်းတွင် ဖမ်းဆီးသွားခြင်း ဖြစ်သည်။   စစ်ကောင်စီ စစ်ကြောင်းသည် ဇာဒီကျေးရွာအတွင်း တပ်စွဲထားသည့် အချိန်ကလည်း ခေါင်ပြန်ရွာသား ၃ ဦးနှင့် ဇာဒီရွာသား ၁၀ ဦးထက် မနည်းကို ဖမ်းဆီးခဲ့သော်လည်း စစ်ကြောင်းပြန်ထွက်သည့် ဧပြီလ ၅ ရက်နေ့တွင် ပြန်လွှတ်ပေးခဲ့သည်ဟု ရွာသားများက ဆိုသည်။   ဖမ်းဆီးသွားသူ နှစ်ဦးစလုံးကို မောရဝတီရေတပ်စခန်း အထိ ပါသွားသည်ကိုသာ သိရှိထားရပြီး အဆက်အသွယ်လုံးဝမရသေးသည့် အပေါ် မိသားစုဝင်များက စိတ်ပူစိုးရိမ်နေကြသည်။   ထို့အပြင် ရေဖြူမြို့နယ်၊ နတ်ကြီးစင်ကျေးရွာအုပ်စု စိန်ဘုံကျေးရွာတွင် ဧပြီလ ၂၁ ရက်နေ့ညပိုင်းက စစ်ကောင်စီ တပ်မှ လက်နက်ကြီးဖြင့် ပစ်ခတ်မှုကြောင့် နေအိမ်သုံးလုံး ပြိုသွားကာ ဘုန်းကြီးကျောင်းလည်း ကျည်ထိမှန်ခဲ့ သေးကြောင်း ရွာသားများက ပြောသည်။   စိန်ဘုံကျေးရွာသားများက ဧပြီလ ၂၁ ရက်နေ့ မွန်းလွဲပိုင်း ကတည်းက ကြိုတင် ရှောင်တိမ်းနေကြသဖြင့် လူထိခိုက်မှု မရှိခဲ့ဘူးဟု ရွာသားများက ဆိုသည်။ ဓါတ်ပုံ - (ပုံဟောင်း - Crd)

စစ်ကောင်စီ ဖမ်းသွားသည့် ရွာသားနှစ်ဦး အဆက်အသွယ်မရ

စစ်ကောင်စီ ဖမ်းသွားသည့် ရွာသားနှစ်ဦး အဆက်အသွယ်မရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီ ၂၃ ရက်။  စစ်ကောင်စီတပ်က လမ်းပြအဖြစ် ဖမ်းသွားသည့် ရွ…

  • April 23, 2025
အညာ ပြည်သူတွေ သတင်းအချက်အလက်တွေကို Starlink မှ ရယူနေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၃ ရက်။   စစ်တပ်က အာဏာသိမ်းပြီးနောက် ဖုန်းလိုင်းနှင့် အင်တာနက် ဖြတ်တောက်ခံထားရသည့် အညာဒေသက ပြည်သူများသည် ဒေသတွင်းနှင့် နိုင်ငံတဝန်းက သတင်းအချက်အလက်များ ရရှိရန် ခက်ခဲနေမှုများကို စစ်ကောင်စီ ထိန်းချုပ်မထားသည့် ဂြိုလ်တု အင်တာနက်မှ တဆင့် ရယူနေနိုင်ကြပြီ ဟု ABSDF ဥက္ကဋ္ဌ က ပြောဆိုလိုက်သည်။   ဖုန်းလိုင်းနှင့် အင်တာနက် ဖြတ်တောက်မှုကြားက ပြည်သူများအနေနဲ့ ၎င်းတို့သိချင်သည့် သတင်းအချက် အလက်များ ရယူနေရသည့် အခြေအနေနှင့် ပတ်သက်၍ အညာဒေသကို ရောက်ခဲ့သည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ဥက္ကဋ္ဌ ရဲဘော်သံခဲက ယခုကဲ့သို့ ပြောသည်။   “ကျနော်တွေ့တဲ့ လူထုကြားထဲမှာ တီဗွီကြည့်တဲ့ လူတန်းစား မရှိတော့ဘူးနော်။ နောက်တစ်ခုက လူတန်းစားဆို တဲ့ နေရာမှာ တီဗွီကြည့်တဲ့ တီဗွီပေါ်မှာ မှီပြီးတော့ သတင်းယူ ကြတော့မယ့် ဆိုတဲ့ အခြေအနေ တော်တော်ရှား သွားပြီ။ အဲတော့ ဘာလုပ်လဲဆိုတော့ သက်ကြီးရွယ်အိုပဲ ဖြစ်ဖြစ် ကျနော်တို့ ဒီ အခုပြောသလို အလယ်တန်း အထက်တန်း ကျနော်တို့ ဒီအရွယ်တွေက အစပေါ့နော်။ ကျနော်တို့ အားလုံးအိမ်တိုင်း ကိုယ်စီမှာတော့ အခု ပြောနေတဲ့ ဒီတယ်လီဖုန်း ဒါမှမဟုတ် တက်ပလက်လို ဟာမျိုးတွေနဲ့ ဆက်သွယ်မှု စနစ်ကို သတင်းအချက် အလက် ဒီသူတို့အတွက် ရယူတဲ့ပုံစံပေါ့ အဲဒီဖက်ကို ပြောင်းသွားတာ တွေ့ရတယ်။ တီဗွီကြည့်တဲ့နေရာက ဘောလုံးပွဲ ကြည့်တဲ့နေရာ ဖြစ်နေတယ်။ သတင်းကြည့်တဲ့ နေရာမဟုတ်ဘူး။ ကြည့်တဲ့လူရှိတယ် နည်းတယ်။”   အညာပြည်သူများသည် ဖုန်းလိုင်းနှင့် အင်တာနက် ဖြတ်တောက်မှုကြောင့် သတင်းအချက်အလက် ရယူရန် ခက် ခဲမှုများကို အချိန်အတော် ကြာကြာ ကြုံတွေ့ခဲ့ရပြီး လက်ရှိတွင်မူ စစ်တပ် ထိန်းချုပ်မှုအောက်က မဟုတ်သည့် Starlink အင်တာနက်ကို အသုံးပြီး သတင်းအချက်အလက်များ ပြန်လည်ရယူနေပြီဟု ဆက်ပြောသည်။   ရဲဘော်သံခဲက “ကျနော်ပြောတာက အများစုက သတင်းပေါ်မှာ မှီခိုနေတာကတော့ အခုပြောနေတဲ့ satellite စင်တာတွေက ကျနော်တို့ လူထုအတွက် သတင်းအချက်အလက် စုဆောင်းတဲ့နေရာ နောက်တစ်ခုက တော့ အချင်းချင်း ဆက်သွယ်တဲ့နေရာ နောက်မိသားစု အချင်းချင်းပဲ ဖြစ်ဖြစ် နောက်ဝေးကွာနေတဲ့ နိုင်ငံခြားကို လည်း ဆက်လို့ရတယ်” ဟု ပြောသည်။   ကလေးမှ လူကြီးအဆုံး ဖုန်းများ၊ tablet များအား အသုံးပြု၍ Star link အင်တာနက်ကို အသုံးပြီး အဝေး ရောက် မိသားစုဝင်များနှင့် ဆက်သွယ်ခြင်းနှင့် သတင်း အချက်အလက်များ ရယူနေကြသည်ဟု ရဲဘော်သံခဲက ဆက်ပြောသည်။   “အခုမြန်မာပြည်ထဲမှာ အချင်းချင်းလည်း ဆက်လို့ရတယ်ဆိုတဲ့ အခါကျတော့ တွေ့တာကျတော့ ဘယ်လို ပြော မလဲဆိုရင် တစ်ချို့နေရာတွေမှာတော့ အခု သက်ကြီးရွယ်အို ဥပမာ ထားပါတော့ အဖေ အမေလိုဟာမျိုး ဖြစ်မယ်။ အသက် ၇၀ လိုဟာမျိုး ၂ ယောက်လာပြီးတော့ ထိုင်နေရင် ဒါက ဂိမ်းဆော့တာ မဟုတ်တာတော့ သေချာတယ်။ ဒါ သူတို့စကားပြောနေတာက အဝေးကို ရောက်နေတဲ့ သူတို့ သားသမီးတွေနဲ့ စကားပြော နေ တယ်။ အလားတူပဲ ဒီလူငယ်တွေဆိုရင်လည်း အဲဒီမှာ သူတို့ ဝါသနာပါတာတွေ လေ့လာတယ်။ တစ်တော့လား ဒီလိုဟာမျိုးတွေနဲ့ သူတို့ဆော့ရင်ဆော့မယ်။ သူတို့ အချင်းချင်းကြားမှာ သတင်းအချက်အလက်တွေကို ပြောဆို နေတာတွေရှိတယ်” ဟု ဆက်ပြောသည်။   စစ်အာဏာသိမ်းပြီးနောက် စစ်ကောင်စီက သတင်းအမှောင်ချဖို့ရန်အတွက် ဖုန်းလိုင်းနှင့် အင်တာနက်လိုင်းတို့ကို ပြည်နယ်နှင့် တိုင်းဒေသကြီး တော်တော်များများ၌ ဖြတ်တောက်ခဲ့ပြီး လူ့အခွင့်အရေး ချိုးဖောက်မှုများကို ကျယ် ကျယ်ပြန့်ပြန့် ကျူးလွန်ခဲ့သည်ဟု လူ့အခွင့်အရေး လှုပ်ရှားသူများနှင့် ပြည်သူတွေက ဆိုသည်။   ဖုန်းလိုင်းနှင့် အင်တာနက်လိုင်း ဖြတ်တောက်မှုများကြောင့် အညာဒေသက ပြည်သူများသည် သတင်းအချက် အလက် ရယူရန် အခက်အခဲများ ရှိလာသည့်အပြင် အွန်လိုင်းမှ စျေးရောင်းသူများ၊ အွန်လိုင်းကနေတဆင့် လုပ် ဆောင်ရသည့် ငွေသွင်း ငွေထုတ် လုပ်ငန်းများလည်း ရပ်တန့်သွားခဲ့သည်။   လက်ရှိတွင်မ အညာဒေသက ပြည်သူများသည် Starlink အင်တာနက်ကို အသုံးပြု၍ ရလာသည့်အတွက် ၎င်းတို့ သိချင်သည့် ဒေသတွင်းနှင့် နိုင်ငံတဝန်းက နိုင်ငံရေး၊ စီးပွားရေး၊ လူမှုရေး၊ လူ့အခွင့်အရေး ချိုးဖောက်မှု အစရှိ သည့် သတင်းများကို ပြန်ပြီးရယူနိုင်ကြပြီ ဖြစ်၍ ပြည်သူများ အချင်းချင်းကြားတွင်မလည်း သတင်း ဖလှယ်မှု များကို လုပ်ဆောင်နေကြပြီဟု ရဲဘော်သံခဲက ပြောသည်။   ဓါတ်ပုံ - ပြန်/ဆက်

အညာ ပြည်သူတွေ သတင်းအချက်အလက်တွေကို Starlink မှ ရယူနေ

အညာ ပြည်သူတွေ သတင်းအချက်အလက်တွေကို Starlink မှ ရယူနေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၃ ရက်။  စစ်တပ်က အာဏာသိမ်းပြီးနောက် ဖုန်းလိုင်…

  • April 23, 2025
နောင်ချို အုမ္မတီးရွာကို စစ်ကောင်စီတပ် ဗုံးကြဲ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၃ ရက်။   ရှမ်းပြည် မြောက်ပိုင်း၊ နောင်ချိုမြို့နယ်ထဲက အုမ္မတိးကျေးရွာကို စစ်ကောင်စီတပ်က လေယာဉ် ဗုံးကြဲ တိုက် ခိုက်ခဲ့သောကြောင့် အရပ်သားနေအိမ်များ ထိမှန်ပျက်စီးခဲ့သည်။   ဧပြီလ ၂၂ ရက်နေ့၊ နံနက် ၁၀ နာရီကျော် အချိန်ခန့်တွင် အုမ္မတီးကျေးရွာထဲကို လေကြောင်းမှ ဗုံးနှစ်ကြိမ် ကြဲချတိုက်ခိုက်ခဲ့သည်ဟု ဒေသခံများက ပြောသည်။   မြေပြင် သတင်းအရင်းအမြစ်တစ်ဦးက “ပျက်စီး ဆုံးရှုံးမှုက အတိအကျတော့ မသိရသေးဘူး။ အိမ် ၅ လုံး - ၆ လုံးတော့ ထိတယ်လို့ ပြောတယ်။ ဂျက်ဖိုက်တာနဲ့ ၁၀ နာရီကျော် ဒီ ၁၀ ခွဲလောက်မှာ ၂ ကြိမ်လာကြဲသွားတာ။ တိုက်ပွဲကလည်း ဖြစ်နေတုန်း။ တော်တော်လေးကို ဖြစ်နေတာ။ ဆက်တိုက်ပဲ အုမ္မတီးရွာဘက်မှာ ပြင်းထန်နေ တယ်” ဟု ပြောသည်။   အရပ်သား ကျေးရွာများအား ရည်ရွယ်ချက် ရှိရှိဖြင့် ဗုံးကြဲ တိုက်ခိုက်မှုများ လုပ်နေခြင်း ဖြစ်သည်ဟု မြေပြင် သတင်းအရင်းအမြစ်များက ဆိုသည်။   စစ်ကောင်စီတပ်မှ အပစ်ရပ် ရက် ၂၀ ပြည့်နေ့တွင် အုမ္မတီးကျေးရွာအား ဂျက်ဖိုက်တာဖြင့် ဗုံး ၂ လုံး လာရောက် ကြဲချတိုက်ခိုက်ခဲ့သည့်အတွက် အရပ်သားပြည်သူနေအိမ် ၅ လုံး ထိမှန်ပျက်စီးခဲ့သည်ဟု တအာင်းအမျိုးသား လွတ်မြောက်ရေး တပ်မတော် PSLF/TNLA က ထုတ်ပြန်ထားသည်။   အလားတူ ဧပြီလ ၂၁ ရက်နေ့ကလည်း တောင်ခမ်းကျေးရွာရှိ ၉ဝ၂ တပ်စခန်းအနီး တိုက်ပွဲဖြစ်ပွားနေချိန် စစ်ကောင်စီတပ်မှ အဆိပ်ငွေ့ဗုံး (၁၅) လုံးလာရောက်ကြဲချခဲ့သည်ဟု PSLF/TNLA က ဆိုသည်။   ထိုအဆိပ်ငွေ့ဗုံးကြောင့် TNLA တပ်ဖွဲ့ဝင် ၁၀ ဦး ထိခိုက်ဒဏ်ရာ ရရှိခဲ့သည်ဟု ဆိုသည်။   TNLA တပ်ဖွဲ့ဝင်များသည် မူးဝေခြင်း၊ အသက်ရှုမြန်ဆန်ခြင်း၊ မအီမသာဖြစ်ခြင်း၊ စိတ်လှုပ်ရှား မြန်ဆန်ခြင်း၊ မောပန်းခြင်း၊ အောက်စီဂျင်ကျခြင်း အစရှိသည့် ဝေဒနာများကို ခံစားနေရပြီး ဆေးကုသမှုခံယူနေကြရသည်။   တောင်းခမ်းကျေးရွာ အနီးအနားက တအာင်းတပ် TNLA နှင့် ဓနုပြည်သူ့ လွတ်မြောက်ရေးတပ် DPLA တပ်ဖွဲ့ ဝင်များ ရှိနိုင်သည်ဟု ယူဆရသော နေရာများကို စစ်ကောင်စီက အဆိပ်ငွေ့ဗုံးများ ကြဲချတိုက်ခိုက်နေ သည်ဟု DPLA ကလည်း ထုတ်ပြန်ထားသည်။   စစ်ကောင်စီက သဘာဝဘေးကြောင့် အပစ်ရပ်ကြောင်း ကြေညာထားပြီး ဧပြီလ ၂၂ ရက်နေ့တွင်လည်း အပစ်ရပ် ကာလ သက်တမ်းတိုးခြင်းများ ဆက်လုပ်နေပေမယ့် နိုင်ငံတဝန်းမှာ လေကြောင်းမှာ ဗုံးကြဲတိုက်ခိုက်မှုများ၊ လက်နက်ကြီးဖြင့် ပစ်ခတ်တိုက်ခိုက်မှုများ ပြင်းပြင်းထန်ထန် ဆက်လုပ်လျှက်ရှိသည်။

နောင်ချို အုမ္မတီးရွာကို စစ်ကောင်စီတပ် ဗုံးကြဲ

နောင်ချို အုမ္မတီးရွာကို စစ်ကောင်စီတပ် ဗုံးကြဲ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၃ ရက်။ ရှမ်းပြည် မြောက်ပိုင်း၊ နောင်ချိုမြို့နယ်ထဲက…

  • April 23, 2025
ဗျူဟာကျသော စစ်ကောင်စီနဲ့ ပျူစောထီး စခန်း ၅ ခုကို ချင်းတော်လှန်ရေး အဖွဲ့များ ထိန်းချုပ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၁ ရက်။   စစ်ရေးနှင့် နိုင်ငံရေးအရ အရေးပါသော ကလေး-ဂန့်ဂေါ လမ်းပိုင်းရှိ စစ်ကောင်စီ နှင့် ပျူစောထီး စခန်း ၅ ခုကို စစ်ဆင်ရေးကြီးများအတွင်း သိမ်းပိုက်ထိန်းချုပ်နိုင်ခဲ့သည်ဟု ချင်းတော်လှန်ရေး အဖွဲ့များက ပြောဆိုလိုက် သည်။   ချင်းအမျိုးသား တပ်ဦး CNF/ CNA နှင့် ချင်းပြည် ကာကွယ်ရေး တပ်ဖွဲ့- ကလေး-ကဘော်-ဂန့်ဂေါ (CDF-KKG) တို့ ယနေ့ ဧပြီလ ၂၁ ရက်နေ့ ပူးတွဲပြုလုပ်သော သတင်းစာရှင်းလင်းပွဲတွင် ချင်းအမျိုးသားတပ်ဦး CNF/CNA ပြောရေးဆိုခွင့် ရှိသူ ဆလိုင်းထက်နီက ယခုကဲ့သို့ ပြောဆိုလိုက်ခြင်း ဖြစ်သည်။   “ဂန့်ဂေါနဲ့ ကလေးအကြား မိန်းလမ်းမပေါ်မှာရှိတဲ့အတွက် ကျနော်တို့ ထောက်ပို့အတွက် တင်မကဘူး၊ ပြည်သူ လူထုအတွက် ကုန်စည်စီးဆင်းမှု အင်မတန်မှ အရေးပါတဲ့နေရာဖြစ်ပါတယ်။ နိုင်ငံရေးအရဆိုရင်လည်း ကျနော် တို့ ပြောပြောနေကြတဲ့ ဘူးလက်လှဆွေနေရာကို စစ်ကောင်စီက ရွေးကောက်ပွဲကို ရှောရှောရှူရှူ လုပ်နိုင်မယ် ဆိုပြီး တကယ့်အခိုင်အမာ တည်ဆောက်ထားတဲ့ နေရာလည်း ဖြစ်ပါတယ်။ နိုင်ငံရေးအရသော် လည်းကောင်း၊ စစ်ရေး အရသော်လည်းကောင်း ကျနော်တို့ ချင်းတောင်အထိကို ရိုက်ခတ်လာနိုင်တဲ့ အတွက် ဗျူဟာအရ အင်မတန်မှ အရေးကြီးတဲ့ နေရာ ဖြစ်ပါတယ်။” ချင်းအမျိုးသား တပ်မတော် (CNA) ၏ စစ်ရေးကွပ်ကဲမှုဖြင့် ၂၀၂၅ ခုနှစ် ဖေဖော်ဝါရီလတွင် စတင်ခဲ့သော အဓိက စစ်ဆင်ရေးကာလ အတွင်း ကလေးနှင့် ဂန့်ဂေါအကြားရှိ စစ်ကောင်စီ အခြေစိုက်စခန်းများ ဖြစ်သည့် ကမ်းပါးနီစခန်း၊ မှန်တော၊ အောင်သာယာ (အရှေ့ ၊ အနောက်) နှင့် ပျူစောထီး စိုးမိုးသည့် ကြံသာရွာတို့ကို ၂ လ တာအတွင်း တိုက်ခိုက်သိမ်းပိုက်နိုင်ခဲ့သည်ဟု ပူးတွဲသတင်းစာရှင်းလင်းပွဲတွင် CDF – KKG ဥက္ကဋ္ဌ ဆလိုင်းဇာဘွေထောင် က ပြောသည်။ ထိုတိုက်ပွဲအတွင်း စစ်ကောင်စီတပ်နှင့် ပျူစောထီးတပ်ဖွဲ့ဝင် ၅၀ ကျော် သေဆုံးခဲ့ပြီး ဒုဗိုလ်နှင့် ဒုတပ်ကြပ် အပါအဝင် ၁၀ ဦးကျော်ကို ဖမ်းဆီးရမိထားသည့်အပြင် လက်နက်ခဲယမ်း အများအပြားကိုလည်း သိမ်းဆည်း ရရှိခဲ့ကြသည်။ အလားတူ တော်လှန်ရေး ပူးပေါင်းတပ်ဖွဲ့ဘက်မှလည်း အယောက် ၂၀ ကျော် ကျဆုံးခဲ့ကြောင်းဆိုသည်။ ဆက်လက်၍လည်း ကလေး-ဂန့်ဂေါ လမ်းပိုင်းကို အပြည့်အဝ ထိန်းချုပ်နိုင်ရန် စစ်ဆင်ရေးကို လုပ်သွားမည် ဖြစ်ကြောင်း ဆလိုင်းဇာဘွေထောင်က ပြောသည်။ “ဒီစစ်ဆင်ရေးကို ကျနော်တို့ မနားသေးပါဘူး။ အခုလည်း ဒီမှာ ကျနော်တို့ Stand by နဲ့ ရှိနေဆဲပါ။ ကျနော်တို့ နယ်မြေအတွင်းမှာရှိတဲ့ ကလေး-ဂန့်ဂေါ လမ်းပိုင်းကို ကျနော်တို့ ဒီနှစ်အတွင်း ဒီမိုးရာသီ မတိုင်ခင်မှာ အုပ်ချုပ် နိုင်ဖို့ ဒီတိုက်ပွဲကို ဝင်သွားမှာ ဖြစ်ပါတယ်။” CDF-KKG ၏ ဧပြီလ ၁၉ ရက်နေ့တွင် ထုတ်ပြန်ချက်အရ နှစ်လတာ တိုက်ပွဲကာလအတွင်း တိုက်ပွဲဖြစ်ပွားရာ စစ်မြေပြင်နှင့် တိုက်ပွဲဖြစ်ပွားခြင်း မရှိသည့် ကျေးရွာများသို့ စစ်ကောင်စီဘက် လေကြောင်းဗုံးကြဲ တိုက်ခိုက် မှုပေါင်း အကြိမ်ရေပေါင်း ၁,၀၀၀ ကျော် ပြုလုပ်ခဲ့ကြသည်။ လေကြောင်း တိုက်ခိုက်မှုအတွင်း ဆေးရုံ၊ စာသင်ကျောင်း၊ သာသနိက အဆောက်အအုံနှင့် ပြည်သူ့နေအိမ်ပေါင်း အလုံ ၆၀ ကျော် ထိခိုက်ပျက်စီးခဲ့ကာ ကျေးရွာပေါင်း ၁၂ ရွာခန့်မှ ပြည်သူပေါင်း ၂၀,၀၀၀ ဝန်းကျင် တိမ်းရှောင်ခဲ့ ကြရပြီး တဝက်ကျော်မှာ ယခုတိုင် တိမ်းရှောင်နေကြရဆဲ ဖြစ်ကြောင်း ထုတ်ပြန်ချက်တွင် ဖော်ပြထားသည်။ လေကြောင်းတိုက်ခိုက်မှုအတွင်း အပြစ်မဲ့ပြည်သူ ၁၅ ဦးထက်မနည်း သေဆုံးခဲ့ပြီး ဒဏ်ရာရ ပြည်သူ စုစုပေါင်း အယောက် ၄၀ ကျော်ခန့် ရှိခဲ့ကြောင်းလည်း ဖော်ပြထားသည်။ Major Operations အတွင်း CNA၊ CDF-KKG နှင့်အတူ ကျောင်းသားတပ်မတော် ABSDF၊ CDF – Hakha၊ CDF – Thantlang၊ CDF CDM – Siyin၊ ယောဒေသလွတ်မြောက်ရေး တပ်ပေါင်းစု၊ CDF – Senthang၊ နဂါးညီနောင် စသည့် မဟာမိတ် ပူးပေါင်းတပ်ဖွဲ့များ ပါဝင်တိုက်ခိုက်ခဲ့ကြသည်။  

ဗျူဟာကျသော စစ်ကောင်စီနဲ့ ပျူစောထီး စခန်း ၅ ခုကို ချင်းတော်လှန်ရေး အဖွဲ့များ ထိန်းချုပ်

ဗျူဟာကျသော စစ်ကောင်စီနဲ့ ပျူစောထီး စခန်း ၅ ခုကို ချင်းတော်လှန်ရေး အဖွဲ့များ ထိန်းချုပ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၁ ရက်။  စစ်…

  • April 21, 2025
အပစ်ရပ် ကြေညာသော်လည်း ရှမ်း-ကရင်နီ နယ်စပ်တွင် စစ်ကောင်စီက ထိုးစစ်ဆင်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၁ ရက်။   ယာယီ အပစ်ရပ်စဲမည်ဟု စစ်ကောင်စီက ကြေညာထားသော်လည်း ရှမ်း-ကရင်နီ အစပ် မိုးဗြဲဒေသတွင် စစ်ကောင်စီ၏ ထိုးစစ်ဆင်မှုများ ရှိနေသောကြောင့် တိုက်ပွဲများ ဆက်လက်ဖြစ်ပွားနေသည်ဟု ကရင်နီ အမျိုးသားများ ကာကွယ်ရေးတပ် (KNDF) ဥက္ကဋ္ဌ ခွန်းဘီထူးက ပြောကြားသည်။   “မိုးဗြဲမှာလည်း စစ်ကောင်စီရဲ့ ထိုးစစ်တွေ ရှိနေတုန်းပါပဲ။ စစ်ကောင်စီရဲ့ ဖိနှိပ်မှုတွေကို တွန်းလှန်တဲ့အနေနဲ့ ကျွန်တော်တို့တပ်ဖွဲ့တွေကတော့ အမြဲအဆင်သင့်ရှိနေတဲ့ အခြေအနေမျိုး ရှိပါတယ်။ စစ်ရေးကတော့ အခက် အခဲဆုံးနဲ့ အတင်းမာဆုံး အခြေအနေမှာ ရှိနေပါတယ်။”   ဧပြီလ ၁၉ ရက်နေ့၊ နံနက် ၅ နာရီအချိန်ခန့်တွင် စစ်ကောင်စီတပ်သည် အင်အား ၁၀၀ ကျော်ဖြင့် မိုးဗြဲမြို့အတွင်း သို့ ထိုးစစ်ဆင်လာသောကြောင့် တော်လှန်ရေးတပ်ဖွဲ့များနှင့် ထိပ်တိုက်ထိတွေ့မှု ဖြစ်ခဲ့သည်ဟု ရှမ်းတောင် စစ်ဒေသခွဲ၊ အမှတ် (၁) ဗျူဟာက ထုတ်ပြန်သည်။   အဆိုပါ တိုက်ပွဲအတွင်း စစ်ကောင်စီတပ်မှ ၁၅ ဦးထက် မနည်း ပြင်းထန်စွာ ဒဏ်ရာရရှိခဲ့ပြီး အထိနာသော စစ်ကောင်စီတပ်သည် ခမရ (၄၂၂) တပ်ရင်းသို့ ပြန်လည် ဆုတ်ခွာသွားကြောင်း ထုတ်ပြန်ချက်တွင် ဖော်ပြထား သည်။   ထို့အပြင် ဖားဆောင်းနှင့် ဘောလခဲမြို့နယ်တို့တွင်လည်း နှစ်ဖက်ထိတွေ့တိုက်ပွဲများ ဆက်လက်ဖြစ်ပွားနေပြီး စစ်ကောင်စီမှ လေကြောင်း ဗုံးကြဲတိုက်ခိုက်မှုများ ရှိနေကြောင်း တော်လှန်ရေးတပ်ဖွဲ့များထံမှ သိရသည်။   စစ်ကောင်စီသည် ငလျင်ဘေးကြောင့် ဧပြီလ ၂ ရက်နေ့မှ ဧပြီလ ၂၂ ရက်နေ့အထိ အပစ်ရပ်ထားမည်ဟု ကြေညာ ထားသော်လည်း ထိုးစစ်ဆင်မှုနှင့် လေကြောင်း တိုက်ခိုက်မှုများကို ဆက်တိုက် ပြုလုပ်နေသောကြောင့် ထို ယာယီ အပစ်ခတ်ရပ်စဲမှုသည် မှန်ကန်မှုမရှိဘူးဟု ခွန်းဘီထူးက ဆက်ပြောသည်။   “စစ်ကောင်စီက အပစ်ခတ်ရပ်စဲရေး လုပ်တယ်ဆိုတာ မမှန်ပါဘူး။ အားလုံး ပြန်ခြုံကြည့်ရင်တော့ ရက်တိုင်း ဗုံးကြဲနေတာ တွေ့ရပါတယ်။ စစ်ကောင်စီရဲ့ အပစ်ခတ်ရပ်စဲရေးကို ယုံကြည်တဲ့သူကတော့ မျက်စိကန်း နားပင်း နေတဲ့သူတွေ ဖြစ်မယ်။”   ကရင်နီပြည် တစ်ဝှမ်းလုံးတွင် စစ်ကောင်စီဘက်မှ တိုက်ခိုက်မှုများ ရပ်တန့်ထားခြင်းမရှိဘဲ ဆက်လက် လုပ် ဆောင်နေသည့် အခြေအနေများကြောင့် သဘာဝဘေးအန္တရာယ် ကယ်ဆယ်ရေးလုပ်ငန်းများ အပေါ် ချိန်ညှိ၍ အကြမ်းဖက်တိုက်ခိုက်မှုများ ပြုလုပ်လာပါက ပြန်လည် ခုခံတိုက်ခိုက်သွားမည်ဟု ကရင်နီ လက်နက်ကိုင်တပ်ဖွဲ့ ၆ ဖွဲ့ ပါဝင်သော ကရင်နီတပ်ပေါင်းစုံ စစ်ဦးစီးအဖွဲ့ (JCS) က ဧပြီလ ၂ ရက်နေ့တွင် ထုတ်ပြန်ထားသည်။   စစ်ကောင်စီသည် ကရင်နီပြည်အပါအဝင် စစ်ကိုင်း၊ မကွေး၊ မန္တလေး၊ ကချင်၊ ကရင်၊ ချင်း၊ ရခိုင်နှင့် ရှမ်းမြောက် ဒေသ အပါအဝင် နိုင်ငံတဝန်း၌ လေကြောင် းတိုက်ခိုက်မှုများ ဆက်လက်ပြုလုပ်နေပြီး ၎င်းတို့ကိုယ်တိုင် ကြေညာခဲ့သည့် ယာယီအပစ်ရပ်ကြေညာမှုကို နေ့စဉ် ချိုးဖောက်လျက်ရှိကြောင်း တော်လှန်ရေးတပ်ဖွဲ့များက ဆိုသည်။   ငလျင်ကြောင့် ပြည်သူထောင်နှင့်ချီ သေဆုံးခဲ့ပြီးနောက် အပစ်ရပ်ကာလအတွင်း လေကြောင်း တိုက်ခိုက်မှုများ ကြောင့် အပြစ်မဲ့ပြည်သူ ရာနှင့်ချီ ထပ်မံ သေဆုံးထိခိုက်ခဲ့ရကြောင်း သက်ဆိုင်ရာဒေသရှိ တော်လှန်ရေး တပ်ဖွဲ့ များနှင့် ဒေသခံများက ပြောသည်။

အပစ်ရပ် ကြေညာသော်လည်း ရှမ်း-ကရင်နီ နယ်စပ်တွင် စစ်ကောင်စီက ထိုးစစ်ဆင်

အပစ်ရပ် ကြေညာသော်လည်း ရှမ်း-ကရင်နီ နယ်စပ်တွင် စစ်ကောင်စီက ထိုးစစ်ဆင် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၁ ရက်။  ယာယီ အပစ်ရပ်စဲမည်ဟု စ…

  • April 21, 2025
×Close