သတင်း

နှစ်ဆန်းတစ်ရက် လွတ်ငြိမ်းတွင် နိုင်ငံရေး အကျဉ်းသား ပါဝင်မှု နည်းပါးလွန်းဟု PPNM ပြော   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။   စစ်ကောင်စီက မြန်မာနှစ်ဆန်းတစ်ရက်နေ့ လွတ်ငြိမ်းချမ်းသာခွင့် ပေးခဲ့ရာတွင် နိုင်ငံရေး အကျဉ်းသားဦးရေ ပါဝင်မှုနှုန်း အဆမတန် နည်းပါးသည်ဟု ထောင်နှင့် နီးစပ်သူများက ပြောသည်။   ယမန်နေ့ ဧပြီလ ၁၇ ရက်နေ့၊ နံနက်ပိုင်းတွင် အကျဉ်းသားစုစုပေါင်း ၄၈၉၃ ဦးအထိ လွတ်ငြိမ်းချမ်းသာခွင့် ပေးခဲ့ ရာ၌ နိုင်ကျဉ်း ၁၀ ရာခိုင်နှုန်းအောက်သာ ပါဝင်ခဲ့သည်ဟု မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများ ကွန်ရက် PPNM တာဝန်ရှိသူက ပြောသည်။   PPNM ဦးဆောင်ကော်မတီဝင်ဖြစ်သူ ကိုသိုက်ထွန်းဦးက “အဓိကတော့ စစ်ကောင်စီက သံတမာန်ရေးရာဖက်မှာ နည်းနည်းလေး နလန်ပြန်ထလာတယ်လို့ ပြောလို့ ရပေမယ့် စစ်ဖက်ရေးရာမှာတော့ အရှုံးနဲ့ ရင်ဆိုင်နေရဆဲ ဖြစ်တယ်။ ဒီလို အခြေအနေမျိုးမှာ အမှန်တရားကို ချစ်မြတ်နိုးပြီးမှ စစ်အာဏာရှင်စနစ်ကို မကြိုက်လို့ တော် လှန်နေတဲ့ သူတွေကို ပြန်လွှတ်ပေးခြင်းအားဖြင့် သူ့အတွက် အကျိုးမရှိနိုင်ဘူး။ ဒါကို သူယူဆတာ ပါဝင်တယ်။ လက်ရှိ  မြေပြင်မှာတောင် ကောင်းကောင်းမထိန်းနိုင်သေးတဲ့ အခြေနေမျိုးမှာ အကျဉ်းထောင်ထဲမှာ ဖမ်းဆီး ထားတဲ့ သူတွေကို ပြန်လွှတ်ပေးဖို့ဟာ သူတို့အတွက် အခက်အခဲများစွာ ဖြစ်နိုင်ပါတယ်။ အထူးသဖြင့် သူတို့ စိုးရိမ်ကြောင့်ကြမှုတွေက သူတို့ကို ပြန်လွှတ်ပေးခြင်းအားဖြင့် စစ်ကောင်စီကို ပြန်တိုက်မှာကို စိုးရိမ်တဲ့အတွက် မလွှတ်ပေးတဲ့ အခြေနေမျိုးလို့ပဲ သုံးသပ်ပါတယ်” ဟု ပြောသည်။   လက်ရှိ ရရှိထားသည့် စာရင်းများအရ သရက်ထောင်တွင် ၂ ဦး၊ သာယာဝတီ အကျဉ်းထောင်တွင် ၂ ဦး၊ တာချီလိတ်ထောင်တွင် ၂ ဦး၊ ဒိုက်ဦးထောင်တွင် ၅ ဦး၊ ရမည်းသင်းထောင်တွင် ၁၅ ဦး၊ မကွေးထောင်တွင် ၁၁ ဦး၊ မိတ္ထီလာထောင်တွင် ၃ ဦး၊ ဘားအံထောင်တွင် ၃ ဦး၊ ပေါင်းတည် ထောင်တွင် ၂ ဦး၊ ထားဝယ်အကျဉ်းထောင်တွင် ၂ ဦး၊ ပြည်အကျဉ်းထောင်တွင် ၉ ဦး၊ ပခုက္ကူအကျဉ်းထောင်တွင် ၅ ဦး ၊ ညောင်ဦးအကျဉ်းထောင်တွင် ၄ ဦး၊ တောင်ငူနှင့် ကလေးထောင်တို့တွင် တစ်ဦးစီ လွတ်မြောက်လာကြသည်ဟု PPNM က ဆိုသည်။   ထို့အပြင် ဧရာတီတိုင်း တစ်တိုင်းလုံးတွင်လည်း ပုသိမ်အကျဉ်းထောင်မှ နိုင်ကျဉ်း တစ်ဦးသာ လွတ်မြောက်လာ ပြီး အခြားထောင်များမှ လွတ်မြောက်လာသည့် စာရင်းများကိုလည်း သတင်းနှင့် မီဒီယာကွန်ရက် သတင်းဌာန အနေဖြင့် စုံစမ်းနေဆဲ ဖြစ်သည်။   “ပြီးခဲ့တဲ့နှစ်ကထက်တောင်မှ နိုင်ကျဉ်းပါတယ်လို့ ပြောလို့ရသေးတယ်။ ပြီးခဲ့တဲ့နှစ်က နိုင်ကျဉ်း သိပ်မတွေ့ရဘူး ပေါ့နော်။ ပါခဲ့ရင်တောင်မှ နည်းတယ်ပေါ့လေ။ ဒီနှစ်လည်း နည်းတာပဲ။ အဲတော့ အာဏာသိမ်းပြီးချိန် အကျဉ်း ထောင်ထဲမှာ လွတ်ငြိမ်းအတွက် စီစဉ်တုန်းကတော့ အခြားရာဇဝတ်အကျဉ်းသား သောင်းဂဏန်းထိကို လွှတ် ပေးခဲ့တယ်။ အဲဒီထဲမှာဆိုရင် သေဒဏ်ကျသူတွေကို လျှော့ရက်တွေအများကြီး ပေးခဲ့တာ နှစ် ၃၀ ကျတဲ့သူတွေ ကိုလည်း ၁၀ နှစ်လောက်အထိ လျှော့ပေးခဲ့တာ အများကြီးပဲပေါ့ ထောင်ခါတဲ့အထိကိုမှ လုပ်ပေးခဲ့တယ်။ အဲ့ဒီ မှာ လွတ်သွားတဲ့ လူဦးရေအစား နိုင်ကျဉ်းတွေ ထည့်ပြီးမှ အခုထိကိုမှ မလွှတ်ပေးတဲ့ အခြေနေကိုတော့ တွေ့ နေရတယ်ဗျာ” ဟု ကိုသိုက်ထွန်းဦးက ဆက်ပြောသည်။   အကျဉ်းထောင်များ၌ နိုင်ကျဉ်း အရေအတွက် များများရှိခြင်းမှာ စစ်ကောင်စီအတွက် နောက်ဆုံးထွက်ပေါက် ဖြစ်နိုင်ချေရှိသဖြင့် လွတ်ငြိမ်းခွင့်၌ ပါဝင်သူ နည်းလာရခြင်း ဖြစ်နိုင်သည်ဟုလည်း နိုင်ကျဉ်းဟောင်းများက သုံးသပ်နေကြသည်။   မတ်လ ၂၈ ရက်နေ့က ဖြစ်ပွားခဲ့သည့် အင်အား ၇.၇ မီတာစကေး ပြင်းအားရှိ မြေငလျင် လှုပ်ခတ်မှုတွင်လည်း မန္တလေးတိုင်း၊ အိုးဘိုအကျဉ်းထောင်တွင် နိုင်ကျဉ်း ၆ ဦးခန့် ထွက်ပြေးခွင့် မရသဖြင့် ထိခိုက်သေဆုံးခဲ့ကြရသည်။

နှစ်ဆန်းတစ်ရက် လွတ်ငြိမ်းတွင် နိုင်ငံရေး အကျဉ်းသား ပါဝင်မှု နည်းပါးလွန်းဟု PPNM ပြော

နှစ်ဆန်းတစ်ရက် လွတ်ငြိမ်းတွင် နိုင်ငံရေး အကျဉ်းသား ပါဝင်မှု နည်းပါးလွန်းဟု PPNM ပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၈ ရက်။  စစ်ကေ…

  • April 18, 2025
မြန်မာအရေး တရုတ် အကဲဖြတ်မှု မှားယွင်းနေကြောင်း KNDF ခေါင်းဆောင်ပြော   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။   တရုတ် အစိုးရသည် မြန်မာပြည်အ‌ရေးနှင့် ပတ်သက်၍ မှားယွင်း အကဲဖြတ်မှုများ ရှိနေပြီး ယင်းအမှားများ အပေါ် အခြေခံ၍ လုပ်ဆောင်နေသည်ဟု ကရင်နီ တော်လှန်ရေး ခေါင်းဆောင်တစ်ဦးက သုံးသပ်ပြောဆို လိုက်သည်။   တရုတ်အစိုးရသည် ရှမ်းမြောက် အပါအဝင် မြန်မာနိုင်ငံ၏ လက်ရှိဖြစ်စဉ်များကို မှားယွင်းစွာ အကဲဖြတ်နေပြီး ပြည်သူလူထု၏ ဆန္ဒနှင့် တိုင်းရင်းသား လက်နက်ကိုင်အဖွဲ့များ၏ အမြင်များကို လျစ်လျူရှုကာ စစ်ကောင်စီ ဘက်မှ ရပ်တည်နေသည်ဟု ကရင်နီ အမျိုးသားများ ကာကွယ်ရေးတပ် (KNDF) ဥက္ကဋ္ဌ ခွန်းဘီထူးက ပြော သည်။   “လက်ရှိ မြန်မာနိုင်ငံရဲ့ ဖြစ်ပေါ်နေတဲ့ အခြေအနေကို အိမ်နီးချင်း တရုတ်နိုင်ငံတို့ကတော့ မှန်ကန်တဲ့ အမြင် မရှိဘူးလို့တော့ သုံးသပ်တာပေါ့။ လူထုတွေရဲ့ သဘောထားပေါ့နော် ပြီးတော့ အင်အားစု အသီးသီးရဲ့ သဘော ထားတွေကို လစ်လျူရှုပြီးမှ အစစအရာရာ မြန်မာနိုင်ငံ တည်ငြိမ်ဖို့ အတွက်ကတော့ စစ်ကောင်စီရှိမှ ရမယ် စစ်ကောင်စီ ဖိနှိပ်နေတာတွေ အားလုံးကတော့ တရားမျှတတယ်ဆိုတဲ့ အမြင်မျိုးနဲ့ပေါ့နော် တရုတ်က စစ်ကောင်စီဖက် ကာပေးနေတဲ့ အနေအထားမျိုး ဖြစ်တယ်ပေါ့နော်။ ဒါက မှားယွင်းတဲ့ လုပ်ငန်းစဉ် ဖြစ်တယ် လို့ ကျနော့် အနေနဲ့ကတော့ မြင်တယ်ပေါ့နော်။”   တရုတ်နိုင်ငံ ကူမင်းမြို့တွင် ပြုလုပ်ခဲ့သည့် ဆွေးနွေးပွဲအပြီး လားရှိုးမြို့မှ ကိုးကန့်တပ် (MNDAA) ပြန်လည် ဆုတ်ခွာရခြင်း နောက်ကွယ်တွင်လည်း တရုတ်နိုင်ငံ၏ နိုင်ငံရေး ဖိအားများ ပါဝင်နေကြောင်း ခွန်းဘီထူးက ဆက်ပြောသည်။   “အားလုံး သုံးသပ်သလို အားလုံးပြောနေသလိုပဲ တရုတ်ရဲ့ ဖိအားပေးမှုကြောင့်မို့လို့ အခုလိုမျိုး လက်လွတ်လိုက် ရတယ်။ နောက် ဒီခွင့်ပြုလိုက်ရတဲ့ဟာမျိုး ရှိနေတယ်။"   လားရှိုးမြို့မှ ဆုတ်ခွာလိုက်ရသည့် အပေါ်တွင်လည်း ကိုးကန့်တပ် အပေါ် အပြစ်မမြင်ဘဲ မဟာမိတ်အဖြစ် ဆက်လက် ပူးပေါင်းဆောင်ရွက်သွားမည်ဟု ပြောသည်။   ခွန်းဘီထူးက "KNDFအနေနဲ့ ကိုးကန့် MNDAA တို့ရဲ့ လုပ်ရပ်ပေါ်မှာ အပြစ်မမြင်ဘူး။ နောက်ပြီးမှ မဟာမိတ် အနေနဲ့လည်း အမြဲတမ်းမြင်တယ်။ နိုင်ငံအတွက် မိတ်ဖက်အဖွဲ့အနေနဲ့လည်း အမြဲတမ်း မြင်တယ်။ အမြဲတမ်း လည်း အားကိုးတယ်။ ပြီးတော့ တစ်နိုင်ငံလုံး ကိစ္စရပ်တွေမှာလည်းပဲ ကိုးကန့်တွေဖက်က ဆက်ပြီးတော့မှ ပါဝင်မယ်လို့တော့ ကျနော့်အနေနဲ့ ယုံကြည်တယ်ပေါ့နော်” ဟု ပြောသည်။   MNDAA သည် ‘၁၀၂၇ စစ်ဆင်ရေး’ ကာလအတွင်း ၂၀၂၄ ခုနှစ်၊ ဩဂုတ်လတွင် စစ်ကောင်စီ၏ အရှေ့မြောက် ပိုင်းတိုင်း စစ်ဌာနချုပ် အခြေစိုက်ရာ လားရှိုးမြို့ကို သိမ်းပိုက်နိုင်ခဲ့သော်လည်း၊ ယခုအခါ တရုတ်၏ ဖိအားများ ကြောင့် မြို့ပေါ်မှ ဆုတ်ခွာရန် သဘောတူညီထားသည်ဟု မြေပြင် သတင်းအရင်းအမြစ်များက ဆိုသည်။   သို့သော် လားရှိုးမြို့ပြင် ပတ်ပတ်လည်ရှိ ကျေးရွာများတွင် MNDAA ၏ တပ်စွဲမှုများ ဆက်လက်ရှိနေဦးမည်ဟု ဆိုသည်။   လားရှိုးမြို့အား ပြန်လည်ရယူရန် စစ်ကောင်စီက စီစဉ်နေသော်လည်း၊ MNDAA၊ စစ်ကောင်စီနှင့် တရုတ်အစိုးရ တို့ဘက်မှ တရားဝင် ထုတ်ပြန်ခြင်း မရှိသေးပေ။   လားရှိုးမြို့သိမ်းပိုက်ရရှိရေး ကိုးကန့်တပ်နှင့်အတူ  KNDF အပြင် အခြားသော မဟာမိတ်တပ်ဖွဲ့ဝင်များ ပူပေါင်းပါဝင် တိုက်ခိုက်ခဲ့ကြခြင်း ဖြစ်သည်။  

မြန်မာအရေး တရုတ် အကဲဖြတ်မှု မှားယွင်းနေကြောင်း KNDF ခေါင်းဆောင်ပြော 

မြန်မာအရေး တရုတ် အကဲဖြတ်မှု မှားယွင်းနေကြောင်း KNDF ခေါင်းဆောင်ပြော  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၈ ရက်။  တရုတ် အစိုးရသည် မြန်မ…

  • April 18, 2025
မြိတ်အကျဉ်းထောင်မှ လွှတ်ပေးသူများတွင် နိုင်ငံရေး အကျဉ်းသား မပါ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။   မြိတ်ခရိုင်၊ မြိတ်မြို့ရှိ မြိတ်အကျဉ်းထောင်မှ လွတ်မြောက်လာသူများထဲတွင် နိုင်ငံရေး အကျဉ်းသား တစ်ဦးမှ ပါရှိခြင်းမရှိဟု အကျဉ်းဦးစီးနှင့် နီးစပ်သူများက ပြောသည်။   မြိတ်မြို့ရှိ အကျဥ်းထောင်မှ မြန်မာနှစ်ဆန်းတစ်ရက်နေ့က နိုင်ငံတော်စီမံ အုပ်ချုပ်ရေး ကောင်စီ၏ အမိန့် အမှတ် (၃၁/ ၂၀၂၅)အရ အကျဉ်းသားများ လွတ်ငြိမ်းချမ်းသာခွင့်ရရှိခဲ့သော်လည်း နိုင်ငံရေး အကျဥ်းသား တစ်ဦးမျှ ပါဝင်လွတ်မြောက်ခဲ့ခြင်း မရှိကြောင်း အကျဥ်းဦးစီးဌာန တာဝန်ရှိသူတစ်ဦးက ပြောသည်။   မြိတ်အကျဉ်းထောင် ၌ ပြစ်ဒဏ်ကျခံနေသည့် အကျဉ်းသား ၁၄ ဦး၊ အကျဉ်းသူ ၃ ဦးနှင့် မြိတ်မြို့နယ် စန္ဒဝတ် ကျေးရွာအုပ်စု ကျောက်ဖြူတောင်ကျေးရွာ ကျောက်ဖြူတောင် ကျောက်ထုတ်လုပ်ရေး စခန်းမှ အကျဉ်းသား ၁၅ ဦး၊ စုစုပေါင်း ၃၂  ဦးအား ရာဇဝတ်ကျင့်ထုံး ဥပဒေပုဒ်မ ၄၀၁၊ ပုဒ်မခွဲ (၁) အရ လွတ်ငြိမ်းချမ်းသာခွင့် ရရှိ၍ ပြန်လည် လွှတ် ပေးခဲ့ကြသည်။   ကံမော်ကျေးရွာမှ အသက် ၅၀ ခန့်အရွယ် နိုင်ငံရေးအကျဥ်းသား တစ်ဦး၏ ဖခင်ဖြစ်သူက “အရင် လွတ်ငြိမ်းတွေ မှာ မပါတော့ ဒီတပတ်တော့ နိုင်ကျဥ်းတွေလည်း ပါတယ်လို့ ကြားရလို့ အလုပ်တွေ ပစ်ထားပြီး လာစောင့်နေ တာ၊ အခုတော့ နိုင်ကျဥ်းတွေ မပါပြန်ဘူးဗျာ၊ ပင်လယ်ဘက်ကနေ အပြေးအလွှားလာ စောင့်နေရတာ၊ အမှုက နိုင်ငံရေးအမှု ၅၀၅-က နဲ့ မတရားစွပ်စွဲခံနေရတာပါ” ဟု ပြောသည်။   စစ်ကောင်စီမှ ရာဇဝတ်ကျင့်ထုံး ဥပဒေပုဒ်မ ၄၀၁၊ ပုဒ်မခွဲ (၁) အရ ကျခံဖို့ကျန်ရှိသည့် ပြစ်ဒဏ်၏ ခြောက်ပုံ တစ်ပုံကို လွတ်ငြိမ်းချမ်းသာခွင့် ပြုကြောင်း ဧပြီလ ၁၇ ရက်နေ့၊ နံနက်ပိုင်းတွင် ထုတ်ပြန်ခဲ့သည်။   တစ်နိုင်ငံလုံး၌ရှိသည့် အကျဥ်းထောင်များမှ အကျဥ်းသားနှင့် အကျဥ်းသူ ၄၈၉၃ ဦးကို လွတ်ငြိမ်းခွင့်ထဲတွင် ပါဝင်သည်ဟု ထုတ်ပြန်ချက်တွင် ဖေါ်ပြထားသည်။   ထို့အပြင် နိုင်ငံခြားသား အကျဉ်းသား၊ အကျဉ်းသူ ၁၃ ဦးကိုလည်း ပြစ်ဒဏ်လွတ်ငြိမ်းခွင့် ပြုပြီး ပြည်နှင်ဒဏ်ပေး လိုက်ကြောင်း စစ်ကောင်စီက ထုတ်ပြန်ထားသည်။   အလားတူ ထားဝယ်အကျဥ်းထောင်မှ အကျဥ်းသား၊ အကျဥ်းသူ ၂၃ ဦးကို လွှတ်ပေးခဲ့ရာတွင်လည်း  နိုင်ငံရေး အကျဉ်းသားတစ်ဦးသာ ပါဝင်ခဲ့ကြောင်း နီးစပ်သူများက ဆိုသည်။   လွတ်မြောက်လာသူ အားလုံးနီးပါးမှာ ခိုးမှု၊ လုယက်မှု အပါဝင် ရာဇဝတ်မှုများနှင့် ထောင်ကျနေကြသူများ ဖြစ်ကြကြောင်း အကျဥ်းသား မိသားစုဝင်တစ်ဦးက ဆိုသည်။   ထားဝယ် အကျဉ်းထောင်မှ လွတ်မြောက်လာသည့် နိုင်ငံရေး အကျဥ်းသား တစ်ဦးမှာ ၅၀၅ - က ပုဒ်မဖြင့် ထောင်ကျခံနေရသည့် ကိုကျော်သူရ‌အောင် ဖြစ်ပြီး လွတ်မြောက်ရက် နီးကပ်နေသူ တစ်ဦးဖြစ်သည်။   နိုင်ကျဉ်း ကိုကျော်သူရအောင်မှာ မေလ အတွင်း၌ လွတ်ရက်စေ့ကာ လွတ်မြောက်တော့မည့် အကျဉ်းသား တစ်ဦး ဖြစ်သည်။   စစ်ကောင်စီက နိုင်ငံတစ်ဝန်းရှိ အကျဥ်းထောင်များမှ အကျဥ်းသား၊ အကျဉ်းသူများကို လွတ်ငြိမ်းခွင့်ပြုရာတွင် နိုင်ငံရေးအကျဥ်းသား ပါဝင်မှု အလွန်နည်းသည့်အပြင် အချို့သော အကျဉ်းထောင်များတွင် နိုင်ငံရေး အကျဉ်းသားများ လုံးဝ မပါဝင်ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဥ်းသားများကွန်ယက် (PPNM) က ထုတ်ပြန်ထားသည်။   ၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်အာဏာသိမ်းပြီးသည့်နောက်မှ ယခုနှစ် ဧပြီလ ၁၁ ရက်နေ့အထိ  ၄ နှစ် ကျော် ကာလအတွင်း အာဏာသိမ်းဖြစ်စဉ်နှင့် ဆက်စပ်၍ ဖမ်းဆီးခံရသူ စုစုပေါင်း ၂၉,၀၃၀ ဦးရှိနေပြီး ထို အထဲ မှ ၂၂,၁၉၇ ဦးမှာ ထိန်းသိမ်းခံနေရဆဲ ဖြစ်ကာ ထိန်းသိမ်းခံနေရသူများ အနက်မှ ၁၀,၇၆၉ ဦးမှာ ထောင်ဒဏ် ချမှတ်ခံထားရသည်ဟု နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) ၏ စာရင်းများ အရ သိရသည်။

မြိတ်အကျဉ်းထောင်မှ လွှတ်ပေးသူများတွင် နိုင်ငံရေး အကျဉ်းသား မပါ

သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၈ ရက်။  မြိတ်ခရိုင်၊ မြိတ်မြို့ရှိ မြိတ်အကျဉ်းထောင်မှ လွတ်မြောက်လာသူများထဲတွင် နိုင်ငံရေး အကျဉ်းသား တ…

  • April 18, 2025
တနင်္သာရီတိုင်းအတွင်း ပျူစောထီးစခန်းတစ်ခုအား လက်နက်ကိုင်အဖွဲ့တစ်ဖွဲ့က ဝင်တိုက်၊ ပျူစောထီးခေါင်းဆောင် သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်နေ့။   တနင်္သာရီတိုင်း၊ ဘုတ်ပြင်းမြို့နယ် အတွင်းရှိ ပျူစောထီး စခန်းအား လက်နက်ကိုင်အဖွဲ့တစ်ဖွဲ့မှ ဝင်ရောက်တိုက်ခိုက်ခဲ့ရာ ပျူစောထီးခေါင်းဆောင် တစ်ဦး သေဆုံးသွား သည်ဟု ရွာသားများက ပြောသည်။   တောင်ငယ်ကျေးရွာအခြေစိုက် ရွှေဂဲညိုကျေးရွာမှ အသက် ၄၀ နှစ်အရွယ် ပျူစောထီးခေါင်းဆောင် ဦးဌေးဝင်းမှာ လှည့်ကင်းလှည့်လည်ရန် ဆောင်ရွက်နေစဥ် ဧပြီလ ၁၆ ရက်နေ့၊ နံနက် ၃နာရီ အချိန်က သေနတ်ဖြင့် ပစ်ခတ်ခံရပြီး ပွဲချင်းပြီး သေဆုံးသွားခြင်း ဖြစ်သည်။   အသက် ၅၀ ခန့် အရွယ် ရွာသားတစ်ဦးက “ပျူစောထီးအဖွဲ့ကို လက်နက်ကိုင်ဆောင်ထားတဲ့ အဖွဲ့ကပစ်တာ အချက်ပေါင်း မနည်းဘူး၊ ပျူစောထီးခေါင်းဆောင် တစ်ယောက်ကိုပဲ ရွေးပြီးပစ်သွားတာ၊ ကျန်တဲ့ ပျူစောထီး တွေက လက်နက်ထားပြီး ထွက်ပြေးသွားကြတယ်။ ပစ်တဲ့အဖွဲ့က ပြန်သွားတဲ့အချိန် သေနတ် ၁၀ လက်ကို လည်း သိမ်းယူသွားတယ်” ဟု ပြောသည်။   ယင်းပစ်ခတ်မှုကို တနင်္သာရီမြို့နယ် ပြည်သူ့ကာကွယ်ရေးအဖွဲ့ (ပ.က.ဖ) တိုက်ခိုက်ရေးအဖွဲ့ မှ ဝင်ရောက် ရှင်းလင်းပစ်ခတ်ခဲ့ခြင်း ဖြစ်ကြောင်း ဧပြီလ ၁၇ ရက်နေ့ နံနက်ပိုင်းတွင် ထုတ်ပြန်ထားသည်။   ပြည်သူ့ကာကွယ်ရေးအဖွဲ့မှ တပ်ဖွဲ့ဝင်တစ်ဦး ပေါင်တွင် ကျည်ရှပ်ထိမှန် (မစိုးရိမ်ရ) ဒဏ်ရာရရှိခဲ့ပြီး ပြန်လည် ဆုတ်ခွာနိုင်ခဲ့ကြောင်း ဆိုသည်။   ပစ်ခတ်ရှင်းလင်းခဲ့စဥ် AK - ၅ လက်၊ ကာဘိုင် - ၁ လက် ၊  M 16 - ၃ လက် ၊ 79 -  ၁ လက်နှင့်အတူ 40 mm ကျည် ၅ လုံး ၊ M 16 ကျည် ၂၀ ထောင့်၊ ကာဘိုင်ကျည် ၇ထောင့် ၊ အီကွေးမင်း - ၁  စုံ ၊ M 16 ကျည်ဘောက် ၂ ခု၊ စကားပြောကြောင်း စက် ၁ လုံး နှင့်ဆက်စပ်ပစ္စည်းများ သိမ်းဆည်းရမိခဲ့ကြောင်း ထုတ်ပြန်ချက်အတွင်း ဖေါ်ပြထားသည်။   ပျူစောထီးခေါင်းဆောင် ဦးဌေးဝင်းသည် ဘုတ်ပြင်းမြို့နယ် တောင်ငယ်ကျေးရွာဇာတိဖြစ်ပြီး ၂၀၂၄ ခုနှစ် နှစ် အလယ်ပိုင်းတွင် ရွှေဂဲညိုကျေးရွာသို့ ပြောင်းရွှေ့ကာ တာဝန်‌ထမ်းဆောင်နေပြီး ငါးဖမ်းလှေများကို ဆက်ကြေးကောက်ခံသူ တစ်ဦးဖြစ်သည်။   အလားတူ ညအချိန် အပြင်မထွက်ရန် ရွာသားများအား ခြိမ်းခြောက်အမိန့်ထုတ်သူလည်း ဖြစ်သည်ဟု ရွာသားများက ဆိုသည်။   ပျူစောထီး ခေါင်းဆောင်၏ ရုပ်အလောင်းကို ဘုတ်ပြင်းမြို့ဆေးရုံသို့ လှေဖြင့်သယ်ယူသွားသည်ဟု နီးစပ်သူများ က ဆိုသည်။   ဘုတ်ပြင်းမြို့နယ်အတွင်း စစ်ကောင်စီ လက်အောက်ခံ ပျူစောထီး အင်အားကောင်းသည့် ကျေးရွာများထဲတွင် ရွှေဂဲညိုရွာနှင့် ချောင်းကဖီး‌ကျေးရွာ ပါဝင်သည်။

တနင်္သာရီတိုင်းအတွင်း ပျူစောထီးစခန်းတစ်ခုအား လက်နက်ကိုင်အဖွဲ့တစ်ဖွဲ့က ဝင်တိုက်၊ ပျူစောထီးခေါင်းဆောင် သေဆုံး

သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၈ ရက်နေ့။  တနင်္သာရီတိုင်း၊ ဘုတ်ပြင်းမြို့နယ် အတွင်းရှိ ပျူစောထီး စခန်းအား လက်နက်ကိုင်အဖွဲ့တစ်ဖွဲ့မှ …

  • April 18, 2025
ကယန်း အမျိုးသားနေ့ ပွဲကျင်းပရာ ကွင်းအနီး စစ်ကောင်စီ ဗုံးကြဲ၊ အရပ်သား ၂ ဦး ဒဏ်ရာရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၁ ရက်။   ကယန်း အမျိုးသားနေ့ ကျင်းပသည့် ဘောလုံးကွင်း အနီးကို ကယန်း အမျိုးသားနေ့ဖြစ်သည့် ဧပြီ ၁၀ ရက်နေ့တွင် စစ်ကောင်စီက ပေါင် ၂၀၀ ဗုံး နှစ်လုံး ကြဲချခဲ့သည်ဟု ရွာသားများက ပြောသည်။   ရှမ်း-ကရင်နီ အစပ်၊ ရှမ်းပြည်တောင်းပိုင်းရှိ ဖယ်ခုံမြို့နယ်ထဲက သိကျိတ်ကျေးရွာကို စစ်ကောင်စီက လေကြောင်းမှ ဗုံးကြဲတိုက်ခိုက်မှုထဲ ဒေသခံအရပ်သား ၂ ဦး ထိမှန်ဒဏ်ရာ ရရှိခဲ့သည်။   ဖယ်ခုံမြို့နယ်၊ သိကျိတ်ကျေးရွာကို ဧပြီလ ၁၀ ရက်နေ့၊ ည ၁၁ နာရီ ၄၅ မိနစ်အချိန်တွင် ပေါင် ၂၀၀ ဗုံး ၂လုံး လာရောက်ကြဲချ တိုက်ခိုက်ခဲ့ခြင်း ဖြစ်သည်ဟု ရွာသားများက ပြောသည်။   သိကျိတ်ရွာသား တစ်ဦးက “ည ၁၁ နာရီ ၄၅ မိနစ်မှာပါ ခင်ဗျ။ ကယန်းအမျိုးသားနေ့ ကျင်းပတဲ့ ဘောလုံး ကွင်းရဲ့ ဘေးနားမှာပါ။ ပေါင် ၂၀၀ ဗုံးနဲ့ပေါ့ ၂ လုံး။ အရပ်သား နေအိမ်တစ်လုံးတော့ ထိခိုက် ပျက်စီးသွားတာ ပေါ့။ အိမ်ရှင်တို့ကတော့ အိပ်နေတုန်းပဲ ဗုံးစ မှန်တာကြောင့် နေအိမ်အုတ်ပြိုလို့ ဖိတာမျိုးနဲ့ ဒဏ်ရာတော့ အနည်းငယ်ရပါတယ်။ ၂ ယောက်ထိခိုက်ဒဏ်ရာရတယ်“ ဟ ုပြောသည်။   ဧပြီလ ၁၀ ရက်နေ့တွင် ကျရောက်သည့် ၂၅ ကြိမ်မြောက် ကယန်းအမျိုးသားနေ့ ငွေရတုသဘင် အခမ်းအနားကို ဖယ်ခုံမြို့နယ်၊ သိကျိတ်ကျေးရွာတွင် ပြုလုပ်ခဲ့ရာ အခမ်းအနားပြုလုပ်ခဲ့သည့် ဘောလုံကွင်းနေရာနှင့် အနီးဝန်း ကျင်ကို စစ်တပ်က လေကြောင်းမှ ဗုံးကြဲခဲ့ခြင်း ဖြစ်သည်။   စစ်ကောင်စီတပ်မှ တိုက်ပွဲဖြစ်ပွားခြင်း မရှိဘဲ လေကြောင်းမှ ဗုံးကြဲတိုက်ခိုက်မှုပြုလုပ်ခဲ့သည့် အပေါ် သိကျိတ် ရွာသားက ယခုကဲ့သို့ ဆက်ပြောသည်။   “ဒီဒေသကတော့ တိုက်ပွဲဖြစ်တာတော့ မရှိဘူး။ ဒါပေမယ့် ကျနော်တို့ဒေသက နေပြည်တော်နဲ့ အနီးကပ်ပဲ ဖြစ် တယ်။ ဒါကတော့ သူတို့ရည်ရွယ်ချက်ရှိရှိ လုပ်တဲ့လုပ်ရပ်ဖြစ်တယ်လို့ မြင်တယ်။ ကျနော်တို့ လူထုတွေက ကယန်း အမျိုးသားနေ့ကို သိုက်သိုက်မြိုက် မြိုက် ကျင်းပတာတွေကို သူတို့က နှောင့်ယှက်ချင်တာမျိုးပဲလို့ မြင်တယ်။”   ကရင်နီပြည်တွင် မတ်လ ၂၈ ရက်နေ့က လှုပ်ခတ်ခဲ့သည့် မြေငလျင်ဒဏ် ကြုံတွေ့ရပြီးနောက် စစ်ကောင်စီ၏ လေကြောင်းနှင့် လက်နက်ကြီးများဖြင့် ပစ်ခတ်တိုက်ခိုက်မှုကြောင့် အရပ်သားပြည်သူ ၅ ဦး သေဆုံးခဲ့ပြီး နေအိမ် ၆လုံး ပျက်စီးခဲ့သည်ဟု ကရင်နီပြည် ကြာကာလ အုပ်ချုပ်ရေးကောင်စီ IEC အတွင်းရေးမှူး - ၂ ဦးဗညားက ပြောသည်။   စစ်ကောင်စီတပ်သည် မြန်မာနိုင်ငံတစ်ဝှမ်း ငလျင်ဘေးကြောင့် ဧပြီလ ၂ ရက်နေ့မှ ဧပြီလ ၂၂ ရက်နေ့အထိ အပစ်ခတ်ရပ်စဲကြောင်း ကြေညာထားသော်လည်း ထုတ်ပြန်ထားသည့် ကြေညာချက်အတိုင်း လိုက်နာ ဆောင် ရွက်ခြင်း မရှိဘဲ လေကြောင်းမှ ဗုံးကြဲတိုက်ခိုက်မှုများကို နေ့စဥ်ဆက်တိုက် လုပ်ဆောင်နေသည် ဟု ကရင်နီ အမျိုးသားများ ကာကွယ်ရေးတပ် KNDF က ပြောသည်။

ကယန်း အမျိုးသားနေ့ ပွဲကျင်းပရာ ကွင်းအနီး စစ်ကောင်စီ ဗုံးကြဲ၊ အရပ်သား ၂ ဦး ဒဏ်ရာရ

ကယန်း အမျိုးသားနေ့ ပွဲကျင်းပရာ ကွင်းအနီး စစ်ကောင်စီ ဗုံးကြဲ၊ အရပ်သား ၂ ဦး ဒဏ်ရာရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၁ ရက်။  ကယန်း အမျ…

  • April 11, 2025
ရှမ်းတောင် ငလျင် ဒဏ်သင့်သူများ အကူအညီ ရရှိမှု နည်းပါး

ရှမ်းတောင် ငလျင် ဒဏ်သင့်သူများ အကူအညီ ရရှိမှု နည်းပါး

ရှမ်းတောင် ငလျင် ဒဏ်သင့်သူများ အကူအညီ ရရှိမှု နည်းပါး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၁ ရက်။  စစ်ကိုင်းငလျင်ကြောင့် ထိခ…

  • April 11, 2025
စစ်ကောင်စီတပ်ဖွဲ့တွင် တရုတ်ဒရုန်းပညာရှင်များ ပါဝင်နေကြောင်း KNU တပ်မဟာ ၄ ပြော   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၁ ရက်။   ကရင်အမျိုးသား အစည်းအရုံး KNU တပ်မဟာ ၄ တွင် တရုတ်ဒရုန်း ပညာရှင်များ စစ်ကောင်စီတပ်ဖွဲ့များနှင့် ပူးပေါင်း ပြီး စစ်ရေး လှုပ်ရှားမှုများကို လုပ်ဆောင်နေသည်ဟု KNU တပ်မဟာ ၄ က ပြောသည်။   မတ်လ ၉ ရက်နေ့က တရုတ်ဒရုန်း ပညာရှင်များသည် ခမရ ၅၇၁ သို့ ရောက်ရှိလာပြီးနောက် စစ်ကောင်စီနှင့် ပူးပေါင်းပြီး စစ်ရေးလှုပ်ရှားမှုများကို လုပ်ဆောင်ခဲ့သည်ဟု KNU တပ်မဟာ ၄ မြိတ်-ထားဝယ် ခရိုင် အတွင်း ရေးမှူး ပဒိုစောအယ်နာ က ပြောသည်။   ၎င်း “မြိတ်-ထားဝယ်ခရိုင် တပ်မဟာ ၄ မောတောင်လမ်း တနင်္သာရီမြို့နယ်ပေါ့နော်။ ကျနော်တို့ရဲ့ မြို့နယ်တပ် ရင်း တပ်ဖွဲ့တွေရဲ့ ဖော်ပြချက်အရ ထောက်လှမ်းရေး သတင်းတွေအရ သူတို့ ၅ ယောက် ရောက်လာတယ် ပေါ့နော်။ ၉ ရက်နေ့က ဒီဟာတွေကို အတိအကျ အတည်ပြုလို့ မရပေမယ့် ကျနော်တို့ သုံးသပ်တာက စစ်တပ် ဟာ ဒရုန်း အသုံးပြုမှုများတယ်။ ပြီးတော့ ကင်းထောက်ဒရုန်းတွေ အသုံးပြုတာများတယ်။ ပြီးတော့ သူတို့ အမြဲတမ်း (ဗုံး) ကြဲချတယ်” ဟု ပြောသည်။   တရုတ်ဒရုန်း ပညာရှင်များ မရောက်မီနှင့် ရောက်လာပြီးနောက် အခြေအနေကို ပဒိုစောအယ်နာက ယခုကဲ့သို့ ဆက်ပြောသည်။   ပဒိုစောအယ်နာက “အဲဒါကြောင့် ကျနော်တို့ အရင်ကနဲ့ အခုကို ပြန်ကြည့်မယ်ဆိုရင် စစ်တပ်ရဲ့ ဒရုန်း အသုံးပြု မှုဟာ များလာတယ်။ ပြီးတော့ သူတို့ နည်းပညာတွေ ကောင်းလာတာ တွေ့လာရတယ်။ ပြီးတော့ ကျနော်တို့ ထောက်လှမ်းရေးတွေရဲ့ သတင်းတွေအရကတော့ တရုတ်ဟာ စစ်ကောင်စီကို အဓိက ကင်းထောက်ဖို့အတွက် ပါဝင်ကူညီနေတယ်ပေါ့နော်” ဟုပြောသည်။   စစ်ကောင်စီတပ်က KNU တပ်မဟာ ၄ ရှိ တော်လှန်ရေး တပ်ဖွဲ့များကို ဒရုန်းအသုံးပြုပြီး ပြင်းပြင်းထန်ထန် တိုက်ခိုက်နေသည့် အပေါ် ပဒိုစောအယ်နာက ယခုကဲ့သို့ သုံးသပ်သည်။   “နယ်မြေစိုးမိုးဖို့နဲ့ ထိန်းချုပ်နိုင်ဖို့အတွက် ဖြစ်တယ်။ မောတောင်လမ်း မောတောင်နယ်စပ်ဟာ ထိုင်းနယ်စပ် ကနေ မြိတ်အထိ ကုန်သွယ်ရေး လမ်းကြောင်းဖြစ်တဲ့အတွက် သူတို့ ရည်ရွယ်ချက်က အဲဒါပဲ။”   KNU တပ်မဟာ ၄ တွင် ဖြစ်ပွားနေသည့် တိုက်ပွဲများအတွင်း စစ်ကောင်စီသည် ဒရုန်းအသုံးပြုမှု ပိုမိုများလာ သည် သာမက လေကြောင်း တိုက်ခိုက်မှုများကိုလည်း နေ့စဉ်လုပ်ဆောင်နေသည်ဟု KNU တပ်မဟာ ၄ က ဆိုသည်။   လက်ရှိတွင် တိုက်ပွဲနေ့စဉ် ဖြစ်ပွားနေပြီး ဧပြီလ ၈ ရက်နေ့မှ ၁၀ ရက်နေ့အတွင်း စစ်ကောင်စီ တပ်ဖွဲ့ဝင် ၁၂ ဦး ထိခိုက်ဒဏ်ရာ ရရှိခဲ့သည်ဟု KNU တပ်မဟာ ၄ က ပြောသည်။   စစ်ကောင်စီသည် ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အရှိန်အဟုန် မြင့် ဆောင်ရွက်ရန်နှင့် တည်ငြိမ်အေးချမ်းရေးကို ရှေ့ရှူးပြီး ဧပြီလ ၂ ရက်နေ့မှ ၂၂ ရက်နေ့အထိ ယာယီ အပစ်ရပ် မည်ဟု ထုတ်ပြန်ထားသည်။   ယာယီ အပစ်ရပ်မည်ဟု ထုတ်ပြန်ထားသော်လည်း လေကြောင်းတိုက်ခိုက်မှု၊ ဒရုန်းဖြင့် ဗုံးကြဲ တိုက်ခိုက်မှု၊ လက်နက်ကြီး ပစ်ခတ်မှုများကို စစ်ကောင်စီက ပြည်နယ်နှင့် တိုင်းဒေသကြီးများတွင် နေ့တိုင်း လုပ်ဆောင်နေပြီး တိုက်ပွဲ များလည်း ဆက်လက် ဖြစ်ပွားနေသည်ဟု တော်လှန်ရေး အင်အားစုများက ပြောသည်။   ဓါတ်ပုံ - Crd (ပုံဟောင်း)

စစ်ကောင်စီတပ်ဖွဲ့တွင် တရုတ်ဒရုန်းပညာရှင်များ ပါဝင်နေကြောင်း KNU တပ်မဟာ ၄ ပြော

စစ်ကောင်စီတပ်ဖွဲ့တွင် တရုတ်ဒရုန်းပညာရှင်များ ပါဝင်နေကြောင်း KNU တပ်မဟာ ၄ ပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၁ ရက်။  ကရင်အမျိုးသာ…

  • April 11, 2025
 ချင်းညီနောင် အဖွဲ့က ဖလမ်းမြို့သိမ်းပြီး စစ်အာဏာရှင် အမြစ်ပြတ်ရေး ဆက်လက်တိုက်ပွဲဝင်မည်ဟု ကြေညာ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၁ ရက်။   ဖလမ်းမြို့ကို အောင်မြင်စွာ သိမ်းပိုက်နိုင်ခဲ့ပြီးနောက် ချင်းပြည် အပါအဝင် တစ်နိုင်ငံလုံးရှိ စစ်အာဏာရှင် အမြစ် ပြတ်ရေးအတွက် မဟာမိတ်များနှင့်အတူ ဆက်လက်ပူးပေါင်း တိုက်ပွဲဝင်သွားမည်ဟု ချင်းညီနောင်အဖွဲ့ (CB) က ပြောဆိုလိုက်သည်။   ချင်းညီနောင်အဖွဲ့ ပြောရေးဆိုခွင့်ရှိသူ ဆလိုင်းယောမာန်က “ချင်းပြည်အနေနဲ့ရော တစ်နိုင်ငံလုံး အတိုင်းအတာ အနေနဲ့ရော မဟာမိတ်တွေနဲ့ လက်တွဲပြီး စစ်အာဏာရှင် အမြစ်ပြုတ်ဖို့ ဆက်လက်တိုက်ပွဲဝင်သွားမှာပါ” ဟု ပြောသည်။   ချင်းညီနောင်အဖွဲ့ (CB) သည် မဟာမိတ်များ၏ အကူညီများဖြင့် ချင်းပြည် အတွင်းရှိ မင်းတပ်၊ ကန်ပက်လက်၊ မတူပီ၊ ကျင်ဒွေးမြို့များကို သိမ်းပိုက်ထားပြီးနောက် ဖလမ်းမြို့ကိုလည်း ဆက်လက် သိမ်းပိုက်နိုင်ခဲ့ခြင်း ဖြစ်သည်ဟု ဆိုသည်။   ဆလိုင်းယောမာန်က “မဟာမိတ်‌တွေရှိထားခြင်း မဟာမိတ်တွေ ပူးပေါင်းခြင်း အားဖြင့်ပေါ့နော် ချင်းညီနောင် အနေနဲ့ ဒီဟာတွေကို သိမ်းနိုင်တာ ဖြစ်တယ်ပေါ့နော်။ ဆိုတော့ ဒါတစ်ရာခိုင်နှုန်း အပြည့် ဖြစ်တယ်ပေါ့နော်။ မြို့သိမ်းတယ်ဆိုတာ ရေရှည် ခက်ခက်ခဲခဲ တိုက်ပွဲဝင်ရတဲ့ ကာလဆိုတော့လေနော်” ဟု ဆက်ပြောသည်။   ချင်းညီနောင် စစ်ဆင်ရေး (Operation CB) အဖြစ် ဖလမ်းမြို့သိမ်း စစ်ဆင်ရေးကို ၂ဝ၂၄ ခုနှစ်၊ နိုဝင်ဘာလ ၉ ရက်နေ့တွင် စတင်ခဲ့ရာ ၂၀၂၅ ခုနှစ်၊ ဧပြီလ ၉ ရက်နေ့တွင် ဖလမ်းမြို့နယ် တစ်ခုလုံး စစ်ကောင်စီ ကင်းစင်သော နယ်မြေအဖြစ် ဖော်ဆောင်နိုင်ခဲ့ကြောင်း ဧပြီလ ၉ ရက်နေ့တွင် ထုတ်ပြန်ထားသည်။   ၅ လကြာ အချိန်ယူ တိုက်ခိုက်ခဲ့ရသော ဖလမ်းမြို့သိမ်း တိုက်ပွဲအတွက် အာရက္ခတပ်တော် AA မှ လက်နက် ခဲယမ်းများနှင့် စစ်ရေး အကြံပြုချက်များရရှိခဲ့ပြီး စစ်ဆင်ရေး ဆောင်ရွက်ရာတွင် စစ်တပ်က အာဏာသိမ်းပြီး နောက် ဖွဲ့စည်းပေါ်ပေါက်လာသော တော်လှန်ရေးတပ်ဖွဲ့များ၏ အကူအညီဖြင့် ဖလမ်းမြို့အား သိမ်းပိုက်နိုင်ခဲ့ သည်ဟု ဆလိုင်းယောမာန်က ဆက်ပြောသည်။   “မဟာမိတ်‌တွေဆီကတော့ တောက်လျောက် ဖလမ်းမြို့သိမ်းတိုက်ပွဲမှာ ထုတ်ပြန်ထားတဲ့ အတိုင်း မဟာမိတ်‌ တွေကဒီ ၁၅ ဖွဲ့ ၁၆ ဖွဲ့လောက်ပေါ့နော် တော်တော်များများ မဟာမိတ်တွေပါတယ် ပေါ့နော်။ AA တွေကတော့ လက်နက်ခဲယမ်း ကူညီတယ်။ စစ်ရေးအကြံဉာဏ် ပေးတာမျိုးတွေ ကူညီခဲ့တယ်ပေါ့နော်။”   ဖလမ်းမြို့သိမ်း တိုက်ပွဲအတွင်း ချင်းညီနောင်အဖွဲ့ အပါအဝင် 96 Soldiers PDF, Anti-Fascist Internationalist Front (AIF), Burma National Revolutionary Army (BNRA), Burmese Revolutionary Technical Front (BRTF :), Generation Z Army (GZA), Giant Revolution Force (GRF), Harmonious Northern Brothers (HNB), Kalay Revolution Force (KRF), Kalay Urban Guerrilla (Kalay UG), Myingyan Black Tiger (MBT), National Liberation Army (NLA), Revolution Ambulance Wolf (RAW Medical Team), Sagaing Federal Troop (SFT- :), Yaw Defense Force (YDF), Zo Army (ZA), ကလေးခရိုင် ပကဖနှင့် Drone အဖွဲ့တို့ ပါဝင် ကူညီတိုက်ခိုက်ခဲ့ကြသည်ဟု ထုတ်ပြန်ထားသည်။   စစ်ကောင်စီဖက်ကလည်း ဖလမ်းမြို့ မကျစေရေးအတွက် ရှိရင်း ခလရ (၂၆၈) တပ်ရင်း အင်အားအပြင် ၂ဝ၂၄ ဒီဇင်ဘာလတွင် ခလရ (၈၉) မှ စစ်ကူ အင်အား (၁ဝဝ) ဝန်းကျင်နှင့် ၂ဝ၂၅ မတ်လတွင် တပ်မ (၇၇) လက်အောက်ခံ ခလရ (၃၉၁) မှ စစ်ကူအင်အား (၁ဝဝ) ခန့်ဖြင့် အင်အားအကြိမ်ကြိမ် ထပ်မံဖြည့်တင်းခဲ့သည်ဟု ဆိုသည်။   စစ်ကောင်စီက လေကြောင်းတိုက်ခိုက်မှု အကြိမ်ရေပေါင်း ၁ဝဝဝ ကျော်ဖြင့် အပြင်းအထန် ခုခံခဲ့ သော်လည်း ၂၀၂၅ ခုနှစ်၊ ဧပြီလ ၉ ရက်နေ့တွင် ဖလမ်းမြို့နယ် တစ်ခုလုံး စစ်ကောင်စီ ကင်းစင်သော နယ်မြေ အဖြစ် ဖော်ဆောင်နိုင်ခဲ့သည်ဟု ချင်းညီနောင်အဖွဲ့ CB က ထုတ်ပြန်ထားသည်။

 ချင်းညီနောင် အဖွဲ့က ဖလမ်းမြို့သိမ်းပြီး စစ်အာဏာရှင် အမြစ်ပြတ်ရေး ဆက်လက်တိုက်ပွဲဝင်မည်ဟု ကြေညာ

 ချင်းညီနောင် အဖွဲ့က ဖလမ်းမြို့သိမ်းပြီး စစ်အာဏာရှင် အမြစ်ပြတ်ရေး ဆက်လက်တိုက်ပွဲဝင်မည်ဟု ကြေညာ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၁ ရက်။…

  • April 11, 2025
ငလျင် ဘေးဒုက္ခ ကာလအတွင်း ဗုံးကြဲမှုနှင့် လက်နက်ကြီးကြောင့် အရပ်သား ၇၀ ကျော် သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၁ ရက်။   အင်အားပြင်း ငလျင်လှုပ်ခတ်မှု ဘေးသင့်နေချိန်အတွင်း စစ်ကောင်စီ၏ လေကြောင်းနှင့် လက်နက်ကြီးများဖြင့် တိုက်ခိုက်မှုကြောင့် တစ်ပတ်အတွင်း မြန်မာနိုင်ငံတစ်ဝန်း အရပ်သားပြည်သူ ၇၂ ဦး သေဆုံးခဲ့သည်။   စစ်တပ်၏ ပစ်ခတ်မှုများကြောင့် အသက် ၁၈ နှစ်အောက် ကလေးငယ် အပါအဝင်  အရပ်သား ပြည်သူ ၇၂ ဦး အသက်ဆုံးရှုံးခဲ့ပြီး၊ ၉၁ ဦး ထိခိုက်ဒဏ်ရာရရှိခဲ့သည်ဟု အမျိုးသား ညီညွှတ်‌ရေး အစိုးရ (NUG) ၏ လူ့အခွင့် အရေး ဆိုင်ရာ ဝန်ကြီးဌာနက ထုတ်ပြန်သည်။   ငလျင်ဒဏ်ကို အဆိုးရွားဆုံး ခံစားခဲ့ရသည့် စစ်ကိုင်းတိုင်းနှင့် မန္တလေး တိုင်း အပါအဝင် မကွေးတိုင်း၊ ကချင်၊ ကရင်နီနှင့် ရှမ်းပြည်နယ် စသည့် ဒေသ ၁၂ ခုတွင် တစ်ပတ်အတွင်း စစ်တပ်မှ လေကြောင်းနှင့် လက်နက်ကြီးဖြင့် တိုက်ခိုက်မှု စုစုပေါင်း ၉၂ ကြိမ် ပြုလုပ်ခဲ့သည် ဟု NUG က ဆိုသည်။   ကရင်နီပြည်တွင်းက အခြေအနေနှင့် ပတ်သက်၍ IEC အတွင်းရေးမှူး ၂ ဦးဗညားက “မြေငလျင်လှုပ်ပြီး နောက် ပိုင်းပေါ့နော် စစ်ကောင်စီကနေ ကရင်နီမှာ အနည်းဆုံး လူထုပစ်မှတ် ရွာ ၂ ရွာကို  ဗုံးကြဲတိုက်ခိုက်မှုတွေ ရှိတယ် ပေါ့နော်” ဟု ပြောသည်။   ကရင်နီပြည်တွင် မြေငလျင်ဒဏ် ကြုံတွေ့ရပြီးနောက် စစ်ကောင်စီ၏ လေကြောင်းနှင့် လက်နက်ကြီးများဖြင့် တိုက်ခိုက်မှုကြောင့် အရပ်သားပြည်သူ သေဆုံးထိခိုက်မှုနှင့် နေအိမ်ပျက်စီးမှု အခြေအနေကို ကရင်နီပြည် ကြားကာလ အုပ်ချုပ်ရေး ကောင်စီ IEC အတွင်းရေးမှူး - ၂ ဦးဗညားက ယခုကဲ့သို့ ဆက်ပြောသည်။   “ပထမတစ်ခုကတော့ ကလိလျားပေါ့နော် ဖရူဆိုမြို့နယ် ထဲမှာပေါ့နော် အခု အခေါ်အဝေါ်ဆိုရင်တော့ တော်ခူ အုပ်စု ခေါဘော်ကူမြို့နယ်ပေါ့နော် အဲ့မှာက လူထိခိုက်မှုက တစ်ယောက်နဲ့ အိမ်တစ်လုံး ပျက်စီးတယ်ပေါ့နော်။ ပေါင် ၅၀၀နဲ့ ဗုံး ၃လုံး လာကြဲသွားတယ်ပေါ့နော်။ နောက်ပြီးတော့မှ ပီကင်းကောခူပေါ့နော် လွိုင်ကော် - မိုးဗြဲ အစပ်လေးမှာ မနက်ပိုင်းမှာတော့ လက်နက်ကြီးနဲ့ ပစ်ခတ်လို့ ၃ ဦး ထိခိုက်ဒဏ်ရာရ ပြီးတော့မှ ၁ ဦး ဆုံးတယ် ပေါ့နော်။ ပြီး ညနေခင်း ၃နာရီလောက်မှာ နောက်တစ်ကြိမ် လေယဥ်နဲ့ ဗုံးလာကြဲတဲ့အတွက်ကြောင့်မို့လို့  ပြည်သူလူထု ၄ ဦး ဆုံးသွားပါတယ်။ အိမ် အပျက်အစီးကတော့ အဲ့မှာတော့ ၅ လုံး ရှိတယ်ပေါ့နော်။”   မတ်လ ၂၈ ရက်နေ့ မှ ဧပြီလ ၈ ရက်နေ့အထိ မြေငလျင်ဒဏ် ကြုံတွေ့ရပြီးနောက် စစ်ကောင်စီ၏ လေကြောင်း နှင့် လက်နက်ကြီးများဖြင့် တိုက်ခိုက်မှုကြောင့် အသက် ၁၈ နှစ်အောက် ကလေးငယ် ၆ ဦး၊ အမျိုးသမီး အယောက် ၃၀ ဦး အပါအဝင် အရပ်သားပြည်သူ ၇၂ ဦး အသက်ဆုံးရှုံးခဲ့သည်ဟု NUG ၏ လူ့အခွင့်အရေး ဆိုင်ရာ၀န်ကြီးဌာနက အတည်ပြု ရရှိထားသော အချက်အလက်များ အရ သိရသည်။   သို့သော် သေဆုံးထိခိုက်မှုများသည် မြေပြင်တွင် ယခုထက် ပိုမိုများပြားနိုင်ပြီး ထပ်တိုးစာရင်းများ ရှိနိုင်သည်ဟု NUG က ဆိုသည်။   စစ်ကောင်စီသည် မြန်မာနိုင်ငံတစ်ဝှမ်း ငလျင်ဘေးကြောင့် ဧပြီလ ၂ ရက်နေ့မှ ဧပြီလ ၂၂ရက်နေ့အထိ အပစ်အခတ် ရပ်စဲကြောင်း ကြေညာထားသော်လည်း ထုတ်ပြန်ထားသည့် ကြေညာချက်အတိုင်း လိုက်နာ ဆောင်ရွက်ခြင်းမရှိဘဲ လေကြောင်းတိုက်ခိုက်မှုများကို နေ့စဥ် ရက်ဆက် လုပ်ဆောင်နေသည်ဟု ကရင်နီ အမျိုးသားများ ကာကွယ်ရေးတပ် - KNDF ကလည်း ထုတ်ပြန် ပြောဆိုထားသည်။

ငလျင် ဘေးဒုက္ခ ကာလအတွင်း ဗုံးကြဲမှုနှင့် လက်နက်ကြီးကြောင့် အရပ်သား ၇၀ ကျော် သေဆုံး 

ငလျင် ဘေးဒုက္ခ ကာလအတွင်း ဗုံးကြဲမှုနှင့် လက်နက်ကြီးကြောင့် အရပ်သား ၇၀ ကျော် သေဆုံး  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၁ ရက်။  အင်အား…

  • April 11, 2025
×Close