သတင်း

ငွေကောက်ပြန်လာသည့် စခန်းမှူးအပါ ရဲသုံးဦး တိုက်ခိုက်ခံရပြီး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၁ ရက်။   ကော့သောင်းခရိုင်အတွင်း လစဥ်ကြေးကောက် ပြန်လာသည့်ရဲကား တိုက်ခိုက်ခံရပြီး ရဲစခန်းမှူးအပါသုံးဦး သေဆုံးခဲ့သည်။   ကော့သောင်းခရိုင်၊ ခမောက်ကြီးမြို့နယ်၊ ဖော့သုတ်ကျေးရွာ သင်္ချိုင်းအနီးတွင် လစဥ်ကြေးကောက်ခံရာမှ ပြန် လာသည့် မာရမ်းတိုက်နယ် ရဲစခန်းမှူးနှင့်အဖွဲ့ကို ကော့သောင်းမြို့နယ် ပြည်သူ့ကာကွယ်ရေးအဖွဲ့ (ပကဖ)မှ ခြုံခို တိုက်ခိုက်ခဲ့သည်ဟု ပကဖ တာဝန်ရှိသူတစ်ဦးက ပြောသည်။   ကော့သောင်းမြို့နယ် ပြည်သူ့ကာကွယ်ရေးတပ်ဖွဲ့ - ပကဖ တာဝန်ရှိသူက “ဆိုင်ကယ်နဲ့ နှစ်ယောက်က အရှေ့က လာတယ်။ နောက်ကကားပေါ်မှာက စခန်းမှူးနဲ့ ၃ ယောက်စီးလာကြတာ။ ဆိုင်ကယ်နဲ့ ၂ ယောက်မှာ တစ်ယောက်က ဒဏ်ရာရပြီး နှစ်ယောက်စလုံးက လွတ်သွားတယ်။ ကားကိုပဲ အဓိက ထားပစ်တာဆိုတော့ ကား ပေါ်ကလူ အကုန် သေသွားတာ။ ကားက‌လည်း ချောက်ထဲ ထိုးကျသွားတာမို့ ပစ္စည်းတွေပဲ သိမ်းလာတာ” ဟု ပြောသည်။   ထိုသို့ တိုက်ခိုက်ခံရမှုကြောင့် ထိုင်း - မြန်မာ နယ်စပ် ရှမ်းကိုးကျေးရွာ အခြေစိုက် မာရမ်းရဲစခန်းမှူး ရဲအုပ် မင်းအောင်စိုး၊ ဒုရဲအုပ် မျိုးလင်းကို နှင့် ဒုတပ်ကြပ် စည်သူတို့ ၃ ဦး သေဆုံးခဲ့ပြီး တပ်ကြပ်ကြီး မောင်တူး (ဒဏ် ရာရရှိ) နှင့် ရဲတပ်သား တစ်ဦးတို့ နှစ်ဦးမှာ ထွက်ပြေးလွတ်မြောက် သွားခဲ့ကြောင်း ဧပြီလ ၁၀ ရက်နေ့တွင် ကော့သောင်း ပကဖ အဖွဲ့က သတင်းထုတ်ပြန်ထားသည်။   တိုက်ခိုက်မှုကို ဧပြီလ ၉ ရက်နေ့ ညနေ ၄ နာရီခန့်က ပြုလုပ်ခဲ့ခြင်းဖြစ်ပြီး အေးချမ်းသာကျေးရွာမှ ဆက်ကြေးကောက်ပြီး ကားဖြင့် ပြန်လာသည့် ရဲစခန်းမှူး ရဲအုပ် မင်းအောင်စိုး အပါအဝင် ရဲငါးဦးကို တိုက်ခိုက်ခဲ့ခြင်းဖြစ်သည်။   တိုက်ခိုက်မှု အတွင်းမှ ၄၀ မမ ၁ လက်၊ ဗုံးသီး ၁၀ လုံး၊ AK အမျိုးအစား သေနတ် ၂ လက်၊ AK ကျည်ဘောက် ၅ ခု၊ ကျည်ဆံ ၉၄ တောင့်၊ ၉ မမ ပစ္စတို သေနတ် ၁ လက်၊ ကျည်ဆံ ၅၀ တောင့်၊ ၆ လုံးပြူး သေနတ် ၁ လက်၊ ပွိုင့် ၃၈ အမျိုးအစား သေနတ် ၁ လက်၊ လက်ပစ်ဗုံး ၃ လုံး၊ လက်ကိုင်ဖုန်း ၄ လုံးနှင့် ငွေ ၂၅၀၀၀ ကျပ် တို့ကို သိမ်း ဆည်း ရရှိခဲ့ကြောင်း  ထုတ်ပြန်ချက်တွင် ဖေါ်ပြထားသည်။   တိုက်ခိုက်ခံရသည့် ရဲတပ်ဖွဲ့မှာ အေးချမ်းသာကျေးရွာရှိ လူကုန်ကူးသူများ၊ ရာဘာ အဝယ်ဒိုင်များနှင့် မူးယစ် ဆေးဝါး ရောင်းဝယ်သူများထံမှ လစဉ် ငွေကြေးကောက်ယူလျက် ရှိနေသည့် အဖွဲ့ဖြစ်သည်ဟု ဒေသခံများက ဆိုသည်။   ခြုံခိုတိုက်ခိုက်ခဲ့ပြီးနောက် ၎င်းတို့ ပကဖ အဖွဲ့မှာ ထိခိုက်မှုမရှိဘဲ ပြန်လည်ဆုတ်ခွာနိုင်ခဲ့ သည်ဟု ကော့သောင်း မြို့နယ် ပြည်သူ့ကာကွယ်ရေးတပ်ဖွဲ့ - ပကဖ တာဝန်ရှိသူက သည်။   ၂၀၂၄ ခုနှစ်၊ ဖေဖေါ်ဝါရီလ ၁ ရက်နေ့ကလည်း ဆိပ်ဖူးကျေးရွာမှ လုပ်ငန်းရှင်များနှင့် ကျေးရွာသားများထံမှ လ စဥ်ကြေး ပေးဆောင်ရန် ပြောကြားပြီး ပြန်လာသည့် ရဲတပ်ကြပ် နေစိုးဦးနှင့် အပေါင်းပါတစ်ဦးတို့မှာ ပြည်သူ့ ကာကွယ်ရေးတပ်ဖွဲ့၏ ချောင်းမြောင်းပစ်ခတ်မှု ခံရပြီး သေဆုံးခဲ့သေးသည်။   ရှမ်းကိုးကျေးရွာ အုပ်စုရှိ မာရမ်းကျေးရွာနှင့် ဖော့သုတ်ကျေးရွာတို့မှာ ထိုင်း-မြန်မာ နယ်စပ် ရနောင်းခရိုင်နှင့် ကပ်လျက် ပါချန်မြစ်နံဘေးတွင် တည်ရှိနေသည့် ကျေးရွာများ ဖြစ်ကြသည်။

ငွေကောက်ပြန်လာသည့် စခန်းမှူးအပါ ရဲသုံးဦး တိုက်ခိုက်ခံရပြီး သေဆုံး

ငွေကောက်ပြန်လာသည့် စခန်းမှူးအပါ ရဲသုံးဦး တိုက်ခိုက်ခံရပြီး သေဆုံး  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၁၁ ရက်။  ကော့သောင်းခရိုင်အတွင်း …

  • April 11, 2025
ငလျင် ထူထောင်ရေး အဖွဲ့အစည်းများအား စစ်ကောင်စီ စစ်ဆေးမှု တင်းကြပ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၉ ရက်။   ရှမ်းပြည် တောင်ပိုင်းရှိ ငလျင်ဘေးသင့်ဒေသများတွင် ပြန်လည်ထူထောင်ရေး ဆောင်ရွက်နေသည့် အဖွဲ့အစည်း များကို စစ်ကောင်စီတပ်များက အစစ်အဆေး တင်းကြပ်နေသည်ဟု ပရဟိတအသင်းဝင် အချို့က ပြောသည်။   ငလျင်ဘေး ကူညီဆောင်ရွက်သူများကို ဖုန်း၊ တက်ပလက်၊ ကွန်ပြူတာများဖြင့် တိုက်ဆိုင်စစ်ဆေးပြီး စစ်မှုထမ်း စာရင်းပါ/မပါ စစ်ဆေးခြင်း၊ လှူဒါန်းထားသည့် ပစ္စည်းများအပေါ် ငွေကြေးတောင်းခံခြင်းများ လုပ်နေခြင်း ဖြစ်သည်။   ကလောဒေသတွင်း ငလျင်ဘေး ပြန်လည်ထူထောင်ရေး ကူညီဆောင်ရွက်နေသူ တစ်ဦးက “ပိုက်ဆံကတော့ ဂိတ် တိုင်း ပေးရတယ်။ အရင်ကတော့ ပင်မဂိတ်ကြီးတွေပဲ တောင်းတာ။ အခုက ဂိတ်တိုင်းမှာ တောင်းနေတာ။ ပစ္စည်းတွေ ဖောက်စစ်တယ်။ ဘာမှမပါမှန်းလည်း သိရော တောင်းတော့တာပဲ။ အလှူရှင်တွေမှာ ပစ္စည်း ပြန် ထုတ်ပိုးရတာနဲ့ နှောင့်နှေးကြန့်ကြာမှု ဖြစ်ကုန်ရော” ဟု ပြောသည်။   လက်ရှိ တောင်းရမ်းနေသည့် ဂိတ်များမှာ ပင်းတယ - ရွာငံမြို့လမ်းတစ်လျှောက်ရှိ ဂိတ်များ၊ တောင်ကြီး - အင်းလေး (အင်းလေးကန်ပတ်လမ်း အနောက်လမ်း၊ အရှေ့လမ်း) လမ်းတစ်လျှောက်ရှိ ဂိတ်များ ဖြစ်ပြီး အိမ်စီးကားများကိုပါ တောင်းရမ်းနေခြင်း ဖြစ်သည်ဟု ဆိုသည်။   ထို့အပြင် ပရဟိတအဖွဲ့များမှ လှူဒါန်းထားသည့် ပစ္စည်းများအား ၎င်းတို့မှ လှူဒါန်းထားသယောင် ဓါတ်ပုံရိုက်ယူ ခြင်း၊ ကယ်ဆယ်ရေး လုပ်နေသည့် အဖွဲ့များကြားတွင် ရောယောင်၍ ကယ်ဆယ်ရေး လုပ်နေသယောင် ဟန်ရေး ပြခြင်းများလည်း ပြုလုပ်နေသည်ဟု ဆိုကြသည်။   ပရဟိတအဖွဲ့အစည်း တာဝန်ခံများ အနေဖြင့် အဆိုပါ လုပ်ရပ်များမှာ ၎င်းတို့အတွက် ထိခိုက်မှု မရှိသော်လည်း စစ်မှုထမ်းအတွက်ပါ တိုက်ဆိုင် စစ်ဆေးနေခြင်းကြောင့် အသက်အရွယ် အကျုံးဝင်နေသည့် လူငယ်များ အနေဖြင့် သတိ ဝိရိယ ရှိကြရန် ဌာနဆိုင်ရာနှင့် နီးစပ်သည့် ဒေသတွင်း ငလျင်ဘေး ကူညီဆောင်ရွက်နေသူ တစ်ဦးက တိုက်တွန်း သည်။   “တက်ပလက် စစ်တာက မြင်းကျဒိုးပြီး နောက်တစ်ဂိတ်။ ဘယ်ဖက်မှာ သူတို့ စခန်းကြီးကြီး ရှိတယ်။ အဲမှာ X-Ray လည်း ဖြတ်ရတယ်။ လူငယ်တွေဆို သေချာကို စစ်တာ။ ပေးရတာတော့ သောင်းဂဏန်းပဲ။ ဒါပေမယ့် လှူဖွယ်ပစ္စည်းပေါ် ထပ်ကောက်ရင်တော့ သိန်းဂဏန်း အသာလေးပဲ။”   အလားတူ ၂၀၂၄ ခုနှစ် စက်တင်ဘာလ၊ ရေဘေးကြုံခဲ့ရစဉ်သည့် အချိန်များတွင်လည်း စစ်ကောင်စီတပ်များက ဟိုပုံးမြို့နယ်၊ မဲနယ်တောင်တစ်ကြောနှင့် ညောင်ရွှေမြို့နယ်၊ အင်းလေးဒေသများ၌ လှူဖွယ်ပစ္စည်းများအပေါ် ငွေကြေးကောက်ခံခြင်းများ ပြုလုပ်ခဲ့သေးသည်။   ရှမ်းပြည် တောင်ပိုင်းရှိ ကလော၊ အောင်ပန်း၊ အင်းလေး စသည့်ဒေသများတွင် ယခင်က ရေဘေးကြုံခဲ့ဖူးသည့် အပြင် ၂၀၂၅ ခုနှစ်တွင်လည်း ငလျင်ဘေးကြောင့် လူနေအိမ် ထောင်ချီ ပျက်စီးခဲ့ရသည် ဖြစ်ရာ လက်ရှိ ပြန်လည် ထူထောင်ရေး ကာလအတွက် အကူအညီများ ပိုမိုလိုအပ်လျက်ရှိသည်။

ငလျင် ထူထောင်ရေး အဖွဲ့အစည်းများအား စစ်ကောင်စီ စစ်ဆေးမှု တင်းကြပ်

ငလျင် ထူထောင်ရေး အဖွဲ့အစည်းများအား စစ်ကောင်စီ စစ်ဆေးမှု တင်းကြပ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၉ ရက်။  ရှမ်းပြည် တောင်ပိုင်းရှိ င…

  • April 9, 2025
တပ်ပြေးတစ်ဦး PDF သို့ ဘက်ပြောင်းခိုလှုံ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၉ ရက်။   ကော့သောင်းမြို့နယ်အတွင်း စစ်ကောင်စီတပ်မှ ထွက်ပြေးလာသူ တစ်ဦး ဘက်ပြောင်းခိုလှုံလာခဲ့သည်ဟု ကော့သောင်းမြို့နယ် ပြည်သူ့ ကာကွယ်ရေး အဖွဲ့ (ပကဖ) က ပြောသည်။   ဘက်ပြောင်းခိုလှုံလာသူမှာ ခြောက်မိုင်ကျေးရွာ အခြေစိုက် ခမရ ၄၃၁ တပ်ရင်းမှ ထွက်ပြေးလာသူ ဖြစ်သည်။   ကော့သောင်းမြို့နယ် ပကဖ အဖွဲ့ ပြန်ကြားရေး တာဝန်ရှိသူက “ဖုန်းနဲ့ ဆက်သွယ်ပြီး အလင်းဝင်တာပါ၊ သူ့မှာ ခဲယမ်းလက်နက်တော့ မပါဘူး၊ မနက်တန်းစီနေတုန်း ထွက်ပြေးလာတာလို့တော့ ပြောတယ်၊ သူက ဒီနယ်မှာ လမ်းကျွမ်းတော့ လွတ်တာ။ မကျွမ်းကျင်တဲ့ လေးဦးက ပြန်ဖမ်းမိတော့ ရိုက်ပုတ်ပြီး ပြန်ဖမ်းသွားတယ်၊ ထိုင်းက ပြန်ပို့ခံရတဲ့သူ အကုန်လုံးကို စစ်မှုထမ်းစုဆောင်းခံရတာပါ” ဟု ပြောသည်။   ထွက်ပြေး လွတ်မြောက်လာသူသည် အသက် ၂၀ ခန့်အရွယ် ကော့သောင်းနယ်ခံ တစ်ဦး ဖြစ်ပြီး ဧပြီလ ၁ ရက်နေ့က ထွက်ပြေးခိုလှုံလာခြင်း ဖြစ်သည်။   ထိုသူမှာ ထိုင်းနိုင်ငံမှ ပြစ်ဒဏ်ကျခံပြီးနောက် ကော့သောင်းသို့ ပြန်လည်လွှဲပြောင်းပို့ဆောင်ခဲ့ရာတွင် စစ်မှုထမ်းအပတ်စဉ် ၁၁ အတွက် တပ်သားသစ်အဖြစ် စုဆောင်းခံရကာ ခမရ ၄၃၁ တပ်ရင်းသို့ ပို့ဆောင်ခံခဲ့ရခြင်း ဖြစ်သည် ဟု ဆိုသည်။   စစ်ကောင်စီ၏ ခမရ ၄၃၁ တပ်ရင်းမှ ထွက်ပြေးလာသူ ငါးဦးထဲမှ လေးဦး ပြန်လည်ဖမ်းဆီးခံခဲ့ရပြီး ကိုမင်းမင်း တစ်ဦးသာ လွတ်မြောက်လာခြင်းဖြစ်ကြောင်း ကော့သောင်းမြို့နယ် ပကဖအဖွဲ့ ပြန်ကြားရေး တာဝန်ရှိသူက ပြောသည်။   လက်ရှိတွင် ကိုမင်းမင်းကို ကောင်းမွန်စွာ စောင့်ရှောက်ထားသည်ဟု ပကဖ က ပြောသည်။   ပြီးခဲ့သည့် ‌ဖေဖော်ဝါရီလ အတွင်းကလည်း မြိတ်မြို့တိုက်/စည်း (ရွှေဒူး) တပ်ရင်းတွင် စစ်မှုထမ်း စုဆောင်းခံ ထားရသူများ အထဲမှ ၁၆ ဦး ထွက်ပြေးပြီး ၄ ဦး ပြန်လည် ဖမ်းဆီးခံလိုက်ရကာ ၁၀ ဦးလွတ်မြောက်လာသည်ဟု မြိတ် - ပကဖအဖွဲ့ တာဝန်ရှိသူက ဆိုသည်။   ထိုင်းဘက်ခြမ်းမှ ပြစ်ဒဏ်ကျခံပြီး နေရပ်ပြန်၍ အပို့ခံရသူများ အထဲမှ စစ်မှုထမ်း စုဆောင်းခံရသူများကို ခမရ ၄၃၁ တပ်ရင်းမှ တဆင့် ပုလောမြို့ရှိ စစ်ကောင်စီ၏ အမှတ် ၁၂ တန်းမြင့် လေ့ကျင့်ရေးကျောင်းကို ပို့ဆောင်နေ ကြောင်း မြေပြင်ရှိ သတင်းအရင်းအမြစ်များက ဆိုသည်။

တပ်ပြေးတစ်ဦး PDF သို့ ဘက်ပြောင်းခိုလှုံ

တပ်ပြေးတစ်ဦး PDF သို့ ဘက်ပြောင်းခိုလှုံ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၉ ရက်။  ကော့သောင်းမြို့နယ်အတွင်း စစ်ကောင်စီတပ်မှ ထွက်ပြေးလာ…

  • April 9, 2025
စစ်ကောင်စီလက်ချက်ကြောင့် မတ်လအတွင်း အရပ်သား ၅ ဦးသေ၊ ၃၂ ဦး ထိခိုက်ဒဏ်ရာရ ဟု KnHRG ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၉ ရက်။ ကရင်နီပြည်နယ်တွင် စစ်ကောင်စီ၏ လူ့အခွင့်အရေး ချိုးဖောက်မှုကြောင့် မတ်လအတွင်း အရပ်သား ၅ ဦး သေဆုံးပြီး ၃၂ ဦး ထိခိုက်ဒဏ်ရာ ရရှိခဲ့သည်ဟု ကရင်နီ လူ့အခွင့်အရေး အဖွဲ့ KnHRG က ဧပြီလ ၈ ရက်နေ့(ယမန်နေ့) က ထုတ်ပြန်သည်။ စစ်ကောင်စီတပ်၏ လက်နက်ကြီး ပစ်ခတ်မှုကြောင့် ကလေး ၁ ဦး၊ လေကြောင်းတိုက်ခိုက်မှုကြောင့် အမျိုးသမီး ၁ ဦး၊ အမျိုးသား ၁ ဦး၊ မြေမြုပ်မိုင်းကြောင့် အမျိုးသား ၁ ဦးနှင့် ဒရုန်းတိုက်ခိုက်မှုကြောင့် အမျိုးသား ၁ ဦး စုစုပေါင်း ၅ ဦးသေဆုံးခဲ့သည်ဟု KnHRG က ပြုစုထားသည့် စာရင်းအရ သိရသည်။ ထို့အပြင် လက်နက်ကြီးကြောင့် အမျိုးသား ၃ ဦး၊ အမျိုးသမီး ၇ ဦးနှင့် ကလေး ၃ ဦး၊ လေကြောင်းတိုက်ခိုက်မှုကြောင့် အမျိုးသမီး ၂ ဦးနှင့် ကလေး ၁ ဦး တို့အပြင် မြေမြုပ်မိုင်းကြောင့် ကလေး ၁ ဦး ထိခိုက်ဒဏ်ရာ ရရှိခဲ့သည့်အပြင် စုစုပေါင်း အရပ်သား ၃၂ ဦး ထိခိုက်ဒဏ်ရာ ရရှိခဲ့သည်ဟု KnHRG က ဆိုသည်။ မတ်လအတွင်း စစ်ကောင်စီ၏ လက်နက်ကြီး ပစ်ခတ်မှု ၁၂ ခု၊ လေကြောင်းတိုက်ခိုက်မှု ၉ ခု၊ သတ်ဖြတ်ခံရမှု ၁ ခုနှင့် မြေမြုပ်မိုင်းကြောင့် ထိခိုက်သေဆုံးမှု ၄ ခုကို မှတ်တမ်းတင်နိုင်ခဲ့သည်ဟု ကရင်နီလူ့အခွင့်အရေးအဖွဲ့ KnHRG က ပြောသည်။ ထို့အပြင် စစ်ကောင်စီတပ်၏ အနိုင်အထက် ဖမ်းဆီးခံရမှု ၂၀ နှင့် အဆောက်အအုံ ၂၅ ခုနှင့်အထက် ပျက်စီးခဲ့သည်ဟု ဆိုသည်။ လက်ရှိ စာရင်းများသည် KnHRG က ကောက်ယူထားသည့် အချက်အလက်များသာဖြစ်ပြီး မြေပြင်တွင် ယခုထက်များနိုင်သည်ဟု KnHRG က ပြောသည်။

စစ်ကောင်စီလက်ချက်ကြောင့် မတ်လအတွင်း အရပ်သား ၅ ဦးသေ၊ ၃၂ ဦး ထိခိုက်ဒဏ်ရာရ ဟု KnHRG ပြော

စစ်ကောင်စီလက်ချက်ကြောင့် မတ်လအတွင်း အရပ်သား ၅ ဦးသေ၊ ၃၂ ဦး ထိခိုက်ဒဏ်ရာရ ဟု KnHRG ပြော သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၉ ရက်။ ကရင်နီ…

  • April 9, 2025
တနင်္သာရီတိုင်း ကျွန်းစုမြို့နယ်အတွင်း မြစ်ချောင်းအချို့ကို ညဘက် မသွားရန် ပကဖ အမိန့်ထုတ်  

တနင်္သာရီတိုင်း ကျွန်းစုမြို့နယ်အတွင်း မြစ်ချောင်းအချို့ကို ညဘက် မသွားရန် ပကဖ အမိန့်ထုတ်

တနင်္သာရီတိုင်း ကျွန်းစုမြို့နယ်အတွင်း မြစ်ချောင်းအချို့ကို ညဘက် မသွားရန် ပကဖ အမိန့်ထုတ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၈ ရက်။  မြ…

  • April 8, 2025
ရှမ်းမြောက် တောင်းခမ်းတွင် တိုက်ပွဲ ပြင်းထန်၊ လေယာဉ်ဖြင့် ဗုံးကြဲ

ရှမ်းမြောက် တောင်းခမ်းတွင် တိုက်ပွဲ ပြင်းထန်၊ လေယာဉ်ဖြင့် ဗုံးကြဲ

ရှမ်းမြောက် တောင်းခမ်းတွင် တိုက်ပွဲ ပြင်းထန်၊ လေယာဉ်ဖြင့် ဗုံးကြဲ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၇ ရက်။  ရှမ်းပြည် မြောက်ပိုင်း၊ န…

  • April 7, 2025
ငလျင်ကြောင့် အိုးဘိုထောင်မှ နိုင်ငံရေး အကျဉ်းသား အနည်းဆုံး ၆ ဦးသေဆုံး

ငလျင်ကြောင့် အိုးဘိုထောင်မှ နိုင်ငံရေး အကျဉ်းသား အနည်းဆုံး ၆ ဦးသေဆုံး

ငလျင်ကြောင့် အိုးဘိုထောင်မှ နိုင်ငံရေး အကျဉ်းသား အနည်းဆုံး ၆ ဦးသေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၇ ရက်။  မြေငလျင်လှုပ်ခတ်မှုကြ…

  • April 7, 2025
ကရင်နီတွင် ငလျင် အရေးပေါ်တုန့်ပြန်ရေး အဖွဲ့ဖွဲ့စည်း၊ ရှမ်းတောင် ငလျင်သင့် ပြည်သူများအား ကူညီမည်

ကရင်နီတွင် ငလျင် အရေးပေါ်တုန့်ပြန်ရေး အဖွဲ့ဖွဲ့စည်း၊ ရှမ်းတောင် ငလျင်သင့် ပြည်သူများအား ကူညီမည်

ကရင်နီတွင် ငလျင် အရေးပေါ်တုန့်ပြန်ရေး အဖွဲ့ဖွဲ့စည်း၊ ရှမ်းတောင် ငလျင်သင့် ပြည်သူများအား ကူညီမည် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၇ ရက်။…

  • April 7, 2025
ရှမ်းတောင် ငလျင်ဒဏ်သင့် ပြည်သူများအတွက် လက်သမားနှင့် ပစ္စည်းကိရိယာများ လိုအပ်

ရှမ်းတောင် ငလျင်ဒဏ်သင့် ပြည်သူများအတွက် လက်သမားနှင့် ပစ္စည်းကိရိယာများ လိုအပ်

ရှမ်းတောင် ငလျင်ဒဏ်သင့် ပြည်သူများအတွက် လက်သမားနှင့် ပစ္စည်းကိရိယာများ လိုအပ် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၇ ရက်။  ရှမ်းပြည်တောင…

  • April 7, 2025
×Close