သတင်း

အညာဒေသတွင် ပြင်းထန်သော တိုက်ပွဲများ ဖြစ်လာနိုင်ဟု ABSDF ဥက္ကဌ ပြော သတင်းနှင့် မီဒီယာ ကွန်ရက်။
၂၀၂၅ ခုနှစ် ဧပြီလ ၂၁ ရက်။ အညာဒေသဟု လူသိများသည့် မြန်မာပြည် အတွင်းပိုင်း ဒေသများ၌ ၂၀၂၅ ခုနှစ်အတွင်း တိုက်ပွဲပြင်းထန်စွာ ဖြစ် ပွား လာနိုင်သည်ဟု မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ဥက္ကဋ္ဌ ရဲဘော် သံခဲက ပြောသည်။ ၂၀၂၅ ခုနှစ်၏ အဓိက ပြည်တွင်း စစ်မျက်နှာပြင်မှာ အညာဒေသ ဖြစ်လာနိုင်သလို စစ်အာဏာရှင် ဖြုတ်ချရေးကို အဆုံးအဖြတ်ပေးနိုင်မည့် တိုက်ပွဲများလည်း ပေါ်ပေါက်လာနိုင်သည်ဟု မြန်မာနိုင်ငံ လုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ဥက္ကဋ္ဌ ရဲဘော်သံခဲ က ပြောသည်။ “ကျောင်းသား တပ်မတော် အနေနဲ့ ၂၀၂၅ ဟာ ကျနော်တို့ တိုင်းပြည်အတွက် စစ်အာဏာရှင် ဆန့်ကျင်ရေး လှုပ် ရှားမှုမှာ အချိုးအကွေ့ကြီး တစ်ခုကို ပေးနိုင်တဲ့ ပိုင်းဖြတ်ချက်တစ်ခုကို ရောက်မယ့် အချိန်တစ်ခုလို့လည်း ကျနော်တို့ မြင်တယ်။ အဲဒီဟာနဲ့အတူ စစ်အာဏာရှင် ဆန့်ကျင် တော်လှန်ရေးမှာ ကျနော်တို့တတွေ အဓိက စစ်မျက်နှာဟာ ပြည်တွင်းစစ်မျက်နှာ ဖြစ်လာလိမ့်မယ်လို့ မြင်တယ်။ အဲတော့ ပြည်တွင်းစစ်မျက်နှာလို့ ပြောရင် အခုနက ပြောတဲ့ ဧရာဝတီ ချင်းတွင်း မြေပြန့်ဒေသ ကြီးဟာ စစ်အာဏာရှင် စနစ်နဲ့ ပြည်သူလူထုနဲ့ တကယ့်ကို ရေထဲမိုးထဲ ကျနော်တို့ အဆုံးအဖြတ် ပေးမယ့် တိုက်ပွဲတွေလည်း ပေါ်ပေါက်လာနိုင်ပါတယ်။” စစ်ကိုင်းတိုင်း၊ မကွေးတိုင်း၊ မန္တလေးတိုင်း စသည့် တိုင်းဒေသကြီးများမှာ အညာဒေသထဲတွင် ပါဝင်ပြီး အဆိုပါ တိုင်းဒေသကြီးများထဲ တိုက်ပွဲများ ပြင်းထန်စွာ ဖြစ်ပွားလာနိုင်သည်ဟု ဆိုသည်။ လက်ရှိ ကျောင်းသားတပ်မတော် ABSDF အနေဖြင့် အညာဒေသထဲတွင် စစ်ရေးလှုပ်ရှားမှု ရှိနေပြီး အဆိုပါ ဒေသအတွင်းက သက်ဆိုင်ရာ တော်လှန်ရေး အဖွဲ့အစည်းများနှင့် အတူတကွ ပူးပေါင်းပြီး စစ်အာဏာရှင်ကို တော်လှန်သွားမည်ဟု ဆိုသည်။ ရဲဘော်သံခဲက “ဒါကြောင့်မို့ အညာဒေသမှာ ရှိနေတဲ့ ဒီမိုကရေစီ အင်အားစုတွေ ဒေသန္တရ ကာကွယ်ရေး တပ်ဖွဲ့ ဝင်တွေနဲ့ မက ဒတ ကျောင်းသားတပ်မတော်ဟာ ရင်းရင်းနှီးနှီးလက်တွဲပြီး တိုက်ပွဲဝင်မှာ ဖြစ်သလို ကျနော်တို့ နားလည် ခဲ့တဲ့ နိုင်ငံရေး အသိတွေ ကျနော်တို့ နားလည်ခဲ့တဲ့ လူထု စည်းရုံးရေး အသိတွေ ကျနော်တို့ နားလည်ခဲ့ တဲ့ စစ်ရေး အသိတွေကို ပေါင်းစပ်ဖလှယ်မယ်။ ကျနော်တို့ မျှဝေမယ်။ ကျနော်တို့ အတတ်နိုင်ဆုံး ကျနော်တို့ အားလုံး ကြားမှာ ထိန်းညိပြီးတော့မှ အားလုံးစည်းစည်းလုံးလုံးနဲ့ တိုက်ပွဲဝင်နိုင်ဖို့အတွက် ကြိုးပမ်းသွားမယ်လို့ ဒီနေရာ က နေပြီးမှ ပြောလိုပါတယ်” ဟု ဆက်ပြောသည်။   စစ်အာဏာသိမ်းပြီးနောက် အညာဒေသတွင် စစ်တပ်၏ အခွင့်အရေး ချိုးဖောက်မှုများကို ရပ်တန့်ရန်နှင့် ဒေသခံ ပြည်သူများကို အကာအကွယ်ပေးရန်ဆိုပြီး ဒေသအတွင်း၌ ကာကွယ်ရေးတပ်ဖွဲ့များ အများအပြား ပေါ်ပေါက် လာခဲ့သည်။ အမျိုးသား ညီညွတ်ရေး အစိုးရ NUG လက်အောက်ခံ ပြည်သူ့ ကာကွယ်ရေးတပ်များ ရှိသကဲ့သို့ NUG လက် အောက်က မဟုတ်သော ရပ်ရွာအခြေပြု ဒေသန္တရ ကာကွယ်ရေးတပ်များလည်း ပေါ်ပေါက်လာခဲ့ကြသည်။ တချိန်တည်းမှာပဲ အမျိုးသား ညီညွတ်ရေး အစိုးရ ကာကွယ်ရေး ဝန်ကြီး ဦးရည်မွန်ကလည်း မကြာခင်တွင် အထွေထွေ ထိုးစစ်ကြီးတစ်ရပ် ဆင်နွဲရန် ပြင်ဆင်နေသည်ဟု မတ်လကုန်ပိုင်းက ကျင်းပခဲ့သည့် သင်တန်းဆင်းပွဲ တစ်ခုတွင် ထည့်သွင်း ပြောကြားသွားခဲ့သည်။  

အညာဒေသတွင် ပြင်းထန်သော တိုက်ပွဲများ ဖြစ်လာနိုင်ဟု ABSDF ဥက္ကဌ ပြော

အညာဒေသတွင် ပြင်းထန်သော တိုက်ပွဲများ ဖြစ်လာနိုင်ဟု ABSDF ဥက္ကဌ ပြော သတင်းနှင့် မီဒီယာ ကွန်ရက်။၂၀၂၅ ခုနှစ် ဧပြီလ ၂၁ ရက်။  အညာဒေသဟု လူသိများသည…

  • April 21, 2025
ဘုရားဖူး ၅၀ ခန့်ဖမ်းဆီးသည်ဆိုခြင်းမှာ မဟုတ်ကြောင်း PDF ငြင်းဆို   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၁ ရက်။   ကျိုက်ထီးရိုး ဘုရားဖူး ၅၀ နီးပါး PDF က ဖမ်းဆီးသွားသည်ဆိုသော စစ်ကောင်စီ၏ ထုတ်ပြန်ချက်ကို PDF တာဝန်ရှိသူများက ငြင်းဆိုလိုက်သည်။   မွန်ပြည်၊ ကျိုက်ထိုမြို့နယ် ကျိုက်ထီးရိုးစေတီကို လာကြသည့် ဘုရားဖူး ၄၈ ဦးကို PDF အဖွဲ့က ဖမ်းဆီးသွား သည် ဆိုသည့် သတင်းမှာ မှန်ကန်မှု မရှိဟု ပြည်သူ့ ကာကွယ်ရေးတပ်ဖွဲ့ PDF က ဧပြီလ ၁၉ ရက်နေ့တွင် ထုတ်ပြန် ငြင်းဆိုလိုက်သည်။   စစ်ကောင်စီ ထိန်းချုပ်ထားသည့် မြန်မာ့အလင်းသတင်းစာ၌ ဧပြီလ ၁၇ ရက်နေ့ ဖော်ပြချက်နှင့် ပတ်သက်ပြီး ပြည်သူ့ကာကွယ်ရေး တပ်ဖွဲ့ (PDF) အမှတ် (၂၇) စစ်ဗျူဟာ တာဝန်ခံ ရဲဘော်အေးမင်းထွန်းက ရုပ်သံနှင့် တကွ ထုတ်ပြန် ရှင်းပြခဲ့သည်။   “ကျနော်တို့ ၁၅ ရက်နေ့မှာပေါ့ ညောင်လေးပင်ကနေပြီးတော့ ပျူစောထီးတွေ ပါလာတဲ့ကား အဲ့ဒီကားတွေက ကျနော်တို့ ကျိုက်ထိုမြို့နယ်၊ ကင်ပွန်းချောင်းကျေးရွာ၊ ကဒက်ချောင်း ရေတံခွန်မှာ ရှိနေတယ်ဆိုတာ သိရတယ် ပေါ့နော်။ သတင်းရတယ်ပေါ့နော်။ အဲ့ဒီသတင်းအရ ဖမ်းဆီးတာ ဖြစ်တယ်။ ကျနော်တို့ကို အနည်းငယ် ခုခံတာ ပေါ့နော်။ ပျူစောထီးခေါင်းဆောင် အပါအဝင်ပေါ့နော်။ အဲ့ချိန်မှာတော့ အကုန်လုံး မသိရသေးဘူး။ အဲ့ဒီမှာ မိသားစုတွေ ပါလာတယ်။ မိသားစုတွေမှာ ကလေးတွေရော မိန်းမတွေရော အားလုံးကို လုံခြုံရေးအရ ခေါ်သွား တာပေါ့နော်။ ဘယ်သူက ပျူစောထီး၊ ဘယ်သူက မိသားစုဝင်ဆိုတာ မသဲကွဲသေးတဲ့အတွက် လတ်တလော ခေါ် ဆောင်သွားတာ ဖြစ်တယ်။”   မြန်မာ့အလင်း သတင်းစာတွင် ဘုရားဖူးလာကြသည့် အမျိုးသား ၂၅ ဦး၊ အမျိုးသမီး ၂၃ ဦး စုစုပေါင်း ၄၈ ဦးမှာ ကင်မွန်းချောင်းကျေးရွာ၊ ကဒက်ချောင်းရှိ ဝါဆိုမိုးစားသောက်ဆိုင်၌ ထမင်းစားနေချိန် PDF အဖွဲ့က ဖမ်းဆီးပြီး ကားပေါ် ခေါ်တင်သွားသည်ဟု ဆိုသည်။   တာဝန်ခံ ရဲဘော်အေးမင်းထွန်းက ပျူစောထီးခေါင်းဆောင် ဦးလှိုင်မင်း၊ ကိုမဲကြီး အပါအဝင် မိသားစုဝင် ၄၈ ဦး ကို ကျိုက်ထိုမြို့နယ် ပြည်သူ့ကာကွယ်ရေးအဖွဲ့က သတင်းအရ သွားရောက်ဖမ်းဆီးခဲ့ပြီး သက်ဆိုင်မှု မရှိသော သူများကို ပြန်လွှတ်ပေးလိုက်ပြီဟု ဆက်ပြောသည်။   “ကျနော်တို့ စစ်ဆေး ပေါ်ပေါက်ချက်တွေအရ ပျူစောထီးခေါင်းဆောင် လှိုင်မင်း ညောင်လေးပင်ကပေါ့၊ သူ အပါ အဝင် ၅ ဦးပေါ့နော် သူ့ဇနီးမယမင်းပေါ့ အဲ့ဒါတွေကိုတော့ ကျနော်တို့ လက်ရှိ ထိန်းသိမ်း စစ်ဆေး နေဆဲ ဖြစ်ပါတယ်။ ကျန်တဲ့ မိသားစုဝင်တွေကိုတော့ ၁၈ ရက်နေ့မှာ ကျနော်တို့ ကောင်းမွန်စွာ ကျွေးမွေး စောင့်ရှောက် ပြီးတော့ ပြန်လွှတ်ပေးလိုက်ပြီ ဖြစ်တယ်ပေါ့နော်။ အပြစ်ရှိတဲ့သူကိုတော့ အပြစ်ရှိတဲ့အတိုင်း စစ်ဆေးဖော်ထုတ် သွားမှာ ဖြစ်တယ်။ ဒါကို ပြည်သူလူထုကို ချပြခြင်း ဖြစ်ပါတယ်။”   ဧပြီလ ၂၁ ရက်နေ့ လက်ရှိအချိန်ထိ ဆက်လက် ဖမ်းဆီးထားသူ ၅ ဦးကို စစ်ဆေးမေးမြန်းနေပြီး စစ်ဆေးမှုများ လုပ်ပြီးပါက အပြစ်ရှိသည့်အတိုင်း အရေးယူသွားရန်လည်း စီစဉ်ထားသည်ဟု ဆိုသည်။   စစ်ကောင်စီ ထောက်ခံသူများနှင့် စစ်လော်ဘီများက အင်တာနက်စာမျက်နှာများတွင် မဟုတ်မမှန် သတင်းများ ကို ဖြန့်ဝေနေသည့်အတွက် ယခုကဲ့သို့ ရှင်းလင်းရခြင်း ဖြစ်သည်ဟု ရဲဘော်အေးမင်းထွန်းက ပြောသည်။

ဘုရားဖူး ၅၀ ခန့်ဖမ်းဆီးသည်ဆိုခြင်းမှာ မဟုတ်ကြောင်း PDF ငြင်းဆို

ဘုရားဖူး ၅၀ ခန့်ဖမ်းဆီးသည်ဆိုခြင်းမှာ မဟုတ်ကြောင်း PDF ငြင်းဆို သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၁ ရက်။  ကျိုက်ထီးရိုး ဘုရားဖူး ၅၀ …

  • April 21, 2025
မြိတ်-ထားဝယ်ခရိုင် ဗဟိုဌာနချုပ်ဟောင်းကို ၁၈ နှစ်အကြာတွင် KNU နှင့် ပူးပေါင်းတပ်များ ပြန်လည်သိမ်းယူ သတင်းနှင့် မီဒီယာ ကွန်ရက်။ ဧပြီလ ၂၁ ရက်၊ ၂၀၂၅ ခုနှစ်။ စစ်ကောင်စီ ဗျူဟာတပ်စခန်း အခြေချထားသည့် ထီးထာကျေးရွာနေရာသည် တနင်္သာရီမြစ်ကမ်းဘေးတွင် တည်ရှိပြီး ယခင်က KNU တပ်မဟာ ၄ မြိတ်-ထားဝယ်ခရိုင် ဗဟိုဌာနချုပ်ဟောင်းနေရာ ဖြစ်သည်။ အဆိုပါ KNU တပ်မဟာ ၄ မြိတ်-ထားဝယ်ခရိုင် ဗဟိုဌာနချုပ်ဟောင်းကို စစ်အာဏာရှင် ဦးသန်းရွှေ လက်ထက် ၁၉၉၇ ခုနှစ်တွင် စစ်တပ်က အပြင်းအထန် ထိုးစစ်ဆင်ကာ တိုက်ခိုက် သိမ်းပိုက်ခဲ့သည်။ ထို့သို့ တိုက်ခိုက်သိမ်းပိုက်ခဲ့ပြီးနောက် ထီးထာတွင် စစ်တပ်က ဗျူဟာစခန်းတစ်ခုအဖြစ် အခိုင်အမာ စခန်းချကာ တပ်စွဲနေထိုင်ခဲ့ကြသည်။ စစ်တပ်က တိုက်ခိုက်သိမ်းယူ တပ်စွဲထားသည့် ထီးထာဗျူဟာ စခန်းကို ၁၈ နှစ်အကြာတွင် ကရင်အမျိုးသား လွတ်မြောက်ရေး တပ်မတော် KNLA ၊ ကရင်အမျိုးသား ကာကွယ်ရေးတပ် KNDO နှင့် နွေဦးတော်လှန်းရေးမှ ပေါ်ပေါက်လာခဲ့ကြသည့် တော်လှန်ရေးတပ်များ ပူးပေါင်းကာ ၂၀၂၅ ခုနှစ် ဧပြီလ ၁၉ ရက်နေ့တွင် ပြန်လည် တိုက်ခိုက် သိမ်းပိုက်ရယူနိုင်ခဲ့ကြသည်။

မြိတ်-ထားဝယ်ခရိုင် ဗဟိုဌာနချုပ်ဟောင်းကို ၁၈ နှစ်အကြာတွင် KNU နှင့် ပူးပေါင်းတပ်များ ပြန်လည်သိမ်းယူ

မြိတ်-ထားဝယ်ခရိုင် ဗဟိုဌာနချုပ်ဟောင်းကို ၂၈ နှစ်အကြာတွင် KNU နှင့် ပူးပေါင်းတပ်များ ပြန်လည်သိမ်းယူ သတင်းနှင့် မီဒီယာ ကွန်ရက်။ဧပြီလ ၂၁ ရက်၊ ၂၀၂၅ ခုန…

  • April 21, 2025
လွိုင်ကော်ထောင်မှ နိုင်ကျဉ်း လွတ်မြောက်ခြင်း မရှိ

လွိုင်ကော်ထောင်မှ နိုင်ကျဉ်း လွတ်မြောက်ခြင်း မရှိ

လွိုင်ကော်ထောင်မှ နိုင်ကျဉ်း လွတ်မြောက်ခြင်း မရှိ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၁ ရက်။  ကရင်နီပြည်၊ လွိုင်ကော် အကျဉ်းထောင်မှ လွတ…

  • April 21, 2025
ထိုင်းနယ်စပ် ကုန်သွယ်ရေး လမ်းကြောင်းပေါ်ရှိ ဗျူဟာ စခန်းအား KNU သိမ်းပိုက်၊ ဗျူဟာမှူး အသေဖမ်းမိ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၁ ရက်။   ထိုင်း - မြန်မာ နယ်စပ် ထားဝယ်အနီး ထီးခီး- မေတ္တာ နယ်စပ်လမ်းရှိ အခိုင်အမာ တပ်စွဲထားသည့် စစ်ကောင်စီ၏ ထီးထဗျူဟာစခန်းကို ပြည်သူ့ ကာကွယ် ရေး ပူးပေါင်းတပ်ဖွဲ့များက တိုက်ခိုက်သိမ်းပိုက် လိုက်ပြီး ဗျူဟာမှူးကိုလည်း အသေမိခဲ့သည်ဟု KNU တပ်မဟာ ၄ မြိတ် - ထားဝယ်ခရိုင် တာဝန်ရှိသူက အတည်ပြု ပြောသည်။   နယ်စပ်မျဥ်းနှင့် ၆ မိုင်ခန့်ကွာဝေးပြီး စစ်ကောင်စီတပ် အင်အား ၁၀၀ ကျော်ရှိသည့် ထီးထဗျူဟာစခန်းကုန်းကို ကရင်အမျိုးသား လွတ်မြောက်ရေး တပ်မတော် KNLA နှင့် ပြည်သူ့ကာကွယ်ရေး ပူးပေါင်းတပ်များက ဧပြီလ ၁၂ ရက်နေ့မှ စတင်တိုက်ခိုက်ခဲ့ခြင်း ဖြစ်သည်။   ထို့နောက် တစ်ပတ်အကြာ ဧပြီလ ၁၉ ရက်နေ့၊ ညနေ ၄နာရီကျော်တွင် အပြီးသတ် သိမ်းပိုက်နိုင်ခဲ့ခြင်း ဖြစ် သည်။   KNU တပ်မဟာ ၄ မြိတ် - ထား ဝယ်ခရိုင်၏ အတွင်းရေးမှူး ပဒိုအယ်နားက “တိုက်ပွဲစဖြစ်ပြီ ဆိုကတည်းက တောက်လျှောက် လေယာဥ်နဲ့ ဗုံးလာကြဲတယ်၊ တစ်ရက်ကို လေးငါးကြိမ် လောက်ကြဲတာ၊ ဟယ်လီကော်ပတာ နဲ့ စစ်ကူလည်း လာပို့သေးတယ်” ဟု ပြောသည်။   စတင်တိုက်ခိုက်ခဲ့ပြီး ၅ ရက်အကြာ ဧပြီလ ၁၇ ရက်နေ့က ထီးထကျေးရွာအနီးရှိ ပထမစခန်းမှ လက်နက်ကြီး ကုန်းကို စတင်သိမ်းပိုက်ခဲ့ပြီးနောက် ဧပြီလ ၁၉ရက်နေ့တွင် ကျန်ရှိသည့် စခန်းကုန်းနှစ်ခုကို တိုက်ခိုက် သိမ်းပိုက် ခဲ့ခြင်း ဖြစ်သည်ဟု တိုက်ခိုက်ရာတွင်ပါဝင်ခဲ့သူ ပူးပေါင်းတပ်ဖွဲ့ဝင် တစ်ဦးက ဆိုသည်။   ထီးထဗျူဟာစခန်းကုန်း တိုက်ပွဲတွင် ကမ်းရိုးတန်း တိုင်းစစ်ဌာနချုပ် (ကရခ) စစ်ဗျူဟာ (၁) ဗျူဟာမှူးကို အသေ ရရှိထားသည်ဟု ဆိုသည်။ မူလက ဗျူဟာမှူးကို အရှင်ဖမ်းမိခဲ့သော်လည်း စစ်ဆေးမေးမြန်းနေချိန်တွင် အန္တရာယ် ရှိလောက်သည့် အပြုအမူ လုပ်ခဲ့သောကြောင့် လုံခြုံရေး ယူနေသည့် ရဲဘော်က ဗျူဟာမှူးကို ပစ်သတ် ခဲ့ရခြင်း ဖြစ်သည်ဟု ဆိုသည်။   အဆိုပါ စခန်းသိမ်းတိုက်ပွဲအတွင်း ပြည်သူ့ကာကွယ်ရေး ပူးပေါင်းတပ်ဖွဲ့များဘက်မှ တပ်ဖွဲ့ဝင် တစ်ဦးကျဆုံးပြီး ထိခိုက် ဒဏ်ရာရရှိသူများလည်း ရှိနေသည်။   ဖမ်းဆီးမိသည့် စစ်သုံ့ပန်း အရေအတွက်နှင့် သိမ်းဆည်းရရှိသည့် လက်နက်ခဲယမ်း အသေးစိတ်စာရင်းကို KNU/KNLA နှင့် PDF ပူးပေါင်းတပ်ဖွဲ့များဘက်မှ တရားဝင် ထုတ်ပြန်ပေးသွားမည် ဖြစ်ကြောင်း KNU တပ်မဟာ ၄ မြိတ် - ထားဝယ်ခရိုင်၏ အတွင်းရေးမှူး ဆိုသည်။   စခန်းကုန်းကို ကာကွယ်နိုင်ရန်အတွက် ပိတ်ဆို့တိုက်ခိုက်ခံရသည့် အချိန်မှစ၍ ယနေ့ထိတိုင်အောင် စစ်ကောင်စီ မှ Mi-17 ရဟတ်ယာဥ်၊ K-8W ဂျက်ဖိုက်တာနှင့် Y-12 လေယာဥ်များကို အသုံးပြုပြီး နေ့စဥ်နီးပါး ဗုံးများကြဲချ ကာ လေကြောင်း တိုက်ခိုက်မှုများဖြင့် အပြင်းအထန်ကာကွယ်နေရသည့် ကြားမှ စခန်းကုန်းကို လက်လွှတ် လိုက်ရခြင်းဖြစ်သည်။   ထီးထဗျူဟာကုန်းစခန်း သိမ်းပိုက်ခဲ့သည့် ညနေပိုင်းမှာပင် ထီးခီးနယ်စပ်ဂိတ်ရှိ စစ်ကောင်စီစခန်းဘက်မှလည်း ပစ်ခတ်သံများ ထွက်ပေါ်နေခြင်းများကြောင့် ထီးထ၊ ထီးခီးကျေးရွာ အနီးတစ်ဝိုက်မှရွာသားများ ထိုင်းနိုင်ငံနယ် စပ်ဘက်သို့ ထွက်ပြေးတိမ်းရှောင်နေကြရသည် ဟု ရွာသားများက ပြောသည်။   ထီးထဗျူဟာစခန်းကုန်းသည် ထီးခီးနယ်စပ်စခန်းနှင့် ထီးခီး - မေတ္တာနယ် စပ်ကုန်သွယ်ရေး လမ်းအတွက် အ ရေးပါသည့် စခန်းကုန်းတစ်ခုဖြစ်ပြီး ၁၉၉၇ ခုနှစ်ကတည်းက အခိုင်အမာတပ်စွဲထားသည့် စခန်းတစ်ခုဖြစ်သည်။   ပြီးခဲ့သည့် ၂၀၂၄ ခုနစ် ဧပြီလလယ်ပိုင်းကလည်း ထီးထဗျူဟာစခန်းကုန်းကို အင်အားဖြည့်တင်းရန်လာသည့် စစ်ကောင်စီ စစ်ကြောင်းကို KNLA နှင့် ပြည်သူ့ကာကွယ်ရေး ပူးပေါင်းတပ်ဖွဲ့များက တိုက်ခိုက်ခဲ့ရာ စစ်ကောင်စီ ဗိုလ်မှူးတစ်ဦး အပါအဝင် ၅၄ ဦး လက်နက်ချ အညံ့ခံခဲ့ဖူးသေးသည်။   တနင်္သာရီတိုင်းအတွင်း ပြီးခဲ့သည့် ၂၀၂၄ခုနှစ် အစပိုင်းမှ စတင်ပြီး စခန်းသိမ်းတိုက်ပွဲများ ဆက်တိုက်ရှိလာခဲ့ရာ လက်ရှိတွင် စခန်းကြီး၊ စခန်းငယ် စုစုပေါင်း ၁၃ ခုထက် မနည်းကို KNLA နှင့် ပြည်သူ့ကာကွယ်ရေး ပူးပေါင်း တပ်များက သိမ်းပိုက်ထားပြီး စခန်းအချို့ကိုမူ ဖျက်ဆီးထားခဲ့ကြသည်။   တိုက်ခိုက်သိမ်းပိုက်ထားခဲ့သည့် စခန်းများမှာ ကျောက်ထုစခန်း၊ မောထစခန်း၊ ရောင်းမော် ပျူစောထီးစခန်း၊ မင်းသမီးခီးစခန်း၊ ပဲဒက်စခန်း၊ ကျောက်ဆည်ပျူစောထီးစခန်း၊ 1020 တောင်စခန်း၊ အောင်သာရဝစခန်း၊ မိုက်ခရိုဝေ့ဖ် တာဝါတိုင် (ကော့သောင်း-ဘုတ်ပြင်း) စခန်း၊ ရွှေဂူတံတား စစ်ဆေးရေးဂိတ်နှင့် ရေကန်တောင်ပေါ် ရှိ စစ်ကောင်စီ ဆက်သွယ်ရေး မိုက်ခရိုဝေ့စခန်းကုန်းတို့ ဖြစ်ကြသည်။

ထိုင်းနယ်စပ် ကုန်သွယ်ရေး လမ်းကြောင်းပေါ်ရှိ ဗျူဟာ စခန်းအား KNU သိမ်းပိုက်၊ ဗျူဟာမှူး အသေဖမ်းမိ

ထိုင်းနယ်စပ် ကုန်သွယ်ရေး လမ်းကြောင်းပေါ်ရှိ ဗျူဟာ စခန်းအား KNU သိမ်းပိုက်၊ ဗျူဟာမှူး အသေဖမ်းမိ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၁ ရက်။…

  • April 21, 2025
ဆန်သည်လာသည့် သားအဖ ဖမ်းခံရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၁ ရက်။   မြိတ်ခရိုင်၊ မြိတ်မြို့နယ်ရှိ စစ်ကောင်စီ၏ ကြေးနန်းတိုင်တံတား စစ်ဆေးရေးဂိတ်တွင် ဆန်အိတ် တင်ဆောင်လာ သည့် သားအဖ ၂ ဦးအား စစ်ကောင်စီ တပ်ဖွဲ့များက ဖမ်းဆီးလိုက်သည်ဟု ရွာသားများက ပြောသည်။   တနင်္သာရီတိုင်း မြိတ်မြို့ရှိ သစ်ခွဲစက်ရုံသို့ သစ်တင်ပို့ပြီးနောက် အပြန်တွင် ကြေးနန်းတိုင်တံတား စစ်ဆေးရေးဂိတ်၌ ဧပြီလ ၁၅ ရက်နေ့ နံနက်ပိုင်းက ဖမ်းဆီးခံရခြင်း ဖြစ် သည်။   အေးသာယာရွာသစ်မှ အသက် ၄၀ ခန့်အရွယ် ရွာသားတစ်ဦးက “မြိတ်က အပြန်ဆိုပေမဲ့ ကြေးနန်းတိုင် စစ် ဆေးရေး ဂိတ်က စစ်ဆေးပြီး လွှတ်လိုက်ပြီးမှ၊ ခုံမော်ရွာရောက်တော့ ပျူစောထီးအဖွဲ့နဲ့ ဆုံပြီး ထပ်အစစ်ခံရ တယ်၊ ဆန်အိတ်တွေပါလာတယ် သွားမရဘူး၊ ပြန်လှည့်ဆိုလို့ မြိတ်ကိုအပြန် ကြေးနန်းတိုင်ဂိတ်က ပြန်ဖမ်း လိုက်တာ” ဟု ပြောသည်။   ဖမ်းဆီးခံရသူများဖြစ်သည့် အသက် ၄၂ နှစ်အရွယ် ကိုမြတ်ကိုကိုနှင့် ဆယ်ကျော်သက်အရွယ် သားဖြစ်သူတို့မှာ မြိတ်ဒေသခံများ ဖြစ်ကြပြီး သစ်လုပ်ငန်းလုပ်ကိုင်နေကာ တနင်္သာရီမြို့နယ်အတွင်းရှိ အေးသာယာရွာသစ်တွင်  မိသားစုလိုက် အခြေချ ပြောင်းရွေ့နေထိုင်ကြခြင်း ဖြစ်သည်။   အဖမ်းခံရသည့် သားအဖနှစ်ဦးသည် နှစ်ပေါင်းများစွာကပင် သစ်တင်ပို့သည့် အလုပ်ကို လုပ်ကိုင်နေခြင်းဖြစ်ပြီး စစ်အာဏာ သိမ်းပြီးကာလများနှင့် တိုက်ပွဲများ အကြားတွင်လည်း ပုံမှန်ဖြတ်သန်းသွားလာနေသူများ ဖြစ်ကြ ကြောင်း ရွာသားများက ဆိုသည်။   ဖမ်းဆီးခံရသည့် ကိုမြတ်ကိုကိုတို့ သားအဖ ၂ဦးကို မြိတ်လေတပ်စခန်းကို ခေါ်ဆောင်သွားသည်ဟု သိရှိရပြီး လက်ရှိအချိန်ထိ မိသားစုဝင်များနှင့် တွေ့ဆုံခွင့် မရရှိသေးဘူးဟု ဆိုသည်။   ပြီးခဲ့သည့် မတ်လ ၇ ရက်နေ့ကလည်း ကြေးနန်းတိုင်တံတား စစ်ဆေးရေးဂိတ်တွင် မြိတ်ဘက်မှ တနင်္သာရီ မြို့နယ်၊ မော်တုန်းကျေးရွာများဘက်သို့ ကုန်ပစ္စည်း ပို့ဆောင်နေသည့် ကုန်ကားတစ်စီးနှင့် အမျိုးသားနှစ်ဦး ဖမ်းဆီးခံခဲ့ရပြီး လက်ရှိအချိန်ထိ ပြန်မလွတ်သေးကြောင်း မော်တုန်းရွာသားများက ပြောသည်။   မတ်လအတွင်းမှာပင် ကြေးနန်းတိုင်တံတား စစ်ကောင်စီ စစ်ဆေးရေးဂိတ်တွင် ဆန်အိတ် တင်ဆောင်လာခြင်း ကြောင့် ဖမ်းဆီးခံထားရသည့် ကုန်ကား ၅ စီးထက် မနည်းရှိနေပြီး ကားသမားများပါ ဖမ်းဆီးခံရသည်။   အဆိုပါ ကားသမားများလည်း ယနေ့အချိန်ထိ ပြန်လည်လွတ်မြောက်ခြင်း မရှိသေးဟု နီးစပ်သူများက ပြောသည်။

ဆန်သည်လာသည့် သားအဖ ဖမ်းခံရ

ဆန်သည်လာသည့် သားအဖ ဖမ်းခံရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဧပြီလ ၂၁ ရက်။ မြိတ်ခရိုင်၊ မြိတ်မြို့နယ်ရှိ စစ်ကောင်စီ၏ ကြေးနန်းတိုင်တံတား စစ်…

  • April 21, 2025
ငလျင်ဒဏ်သင့် ပြည်သူများ နောက်ဆက်တွဲ ကျန်းမာရေး ထိခိုက်မှုများ ရှိလာနေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။   ငလျင်ဒဏ် အပြင်းအထန် ခံစားခဲ့ရသော စစ်ကိုင်း၊ မန္တလေးနှင့် နေပြည်တော်တို့တွင် နောက်ဆက်တွဲ ကျန်းမာ ရေး ထိခိုက်မှုများ ရှိလာသည်ဟု ကျန်းမာရေးဝန်ထမ်းများက ပြောသည်။   အထူးသဖြင့် နောက်ဆက်တွဲ ကျန်းမာရေး ထိခိုက်မှုကို အသက် ၅ နှစ်အောက် ကလေးငယ်များ ပိုခံစားနေကြရ သည်ဟု စစ်ကိုင်းမြို့တွင် အခမဲ့ ဆေးကုသပေးနေသော ဆေးခန်းတစ်ခုက အမည်မဖော်လိုသော အမျိုးသမီး ကျန်းမာရေးဝန်ထမ်းတစ်ဦးက ပြောသည်။   “နောက်ဆက်တွဲ အနေနဲ့က အခုလောလောဆယ်ပေါ့နော် ဆေးရုံမှာရော ဆေးခန်းမှာရော တွေ့နေရတာက ကလေးတွေက အန်တယ်။ ရေပြဿနာကြောင့်မို့လို့ ဝမ်းလျောတာ ရှိတယ်။ နောက်တစ်ခုက ကျတော့ အပြင်မှာ အိပ်ရတော့ အပူရှပ်ပြီး ဖျားတာမျိုးပေါ့။ နောက်ပြီးတော့ ပါးတွေ ပါးဆောင်တွေ ယောင်တာမျိုးပေါ့ အဲလိုမျိုးတော့ ရှိတယ်ရှင့်။”   ထိုလက္ခဏာများအနက် အော့အန်မှုက အများဆုံး ဖြစ်ပွားနေပြီး ပြင်ပဆေးခန်းတွင် ကုသရန်လည်း ခက်ခဲသော ကလေးများအား ဆေးရုံသို့ လွဲပြောင်းရသည့် အခြေအနေထိ ဖြစ်ပွားနေသည်ဟု ဆက်ပြောသည်။   “အခုအဖြစ်များတာတော့ အန်တာပေါ့နော်။ တစ်ချို့ကကျတော့ အရမ်းအန်ပြီးတော့ ဆေးသောက်တာ လုံးဝ မဝင်လို့ Saline ချိတ်ရတာမျိုးပေါ့။ တစ်နေ့ကဆိုရင် ကလေးတွေ ၆ ယောက်လောက်ပေါ့ ညကိုဆို ၆ ယောက် လောက် ဆေးရုံရောက်သွားတယ်။ အန်တဲ့ case တစ်ခုတည်းကြောင့်မို့လို့ပေါ့ ကလေးတွေက အဲ့လိုမျိုးပေါ့။”   လက်ရှိအချိန်တွင် ကလေးငယ်များ သေဆုံးသည်အထိ ဖြစ်ပွားခြင်း မရှိသေးသော်လည်း ဆက်လက် ဖြစ်ပွားမှု များ ရှိနေသည်ဟု မြေပြင်ရှိ လူမှုကူညီရေး အသင်းအဖွဲ့ဝင်များက ဆိုသည်။   ငလျင် လှုပ်ခတ်မှုနောက်ပိုင်း စစ်ကိုင်းမြို့တွင် ဆေးခန်းများနှင့် ဆေးဆိုင်အများစု ပိတ်ထားရသောကြောင့် အခမဲ့ ဖွင့်လှစ်ထားသော ဆေးခန်းများတွင်သာ လာရောက် ပြသမှုများရှိနေသည်ဟု ဆိုသည်။   ထိုဆေးခန်းတွင် စစ်ကိုင်းမြို့နှင့် အနီးနားဝန်းကျင်မှ လာရောက် ပြသကြပြီး တစ်ရက်အတွင်း ကလေးငယ် အယောက် ၅၀ မှ ၆၀ ခန့်အထိ လာရောက်ကုသနေကြသည်ဟု အဆိုပါဆေးခန်း တာဝန်ရှိသူများက ပြောသည်။   လက်ရှိတွင်လည်း လျှပ်စစ်မီးနှင့် ရေ ပုံမှန် မရရှိသေးသောကြောင့် ဆေးကုသမှုအပိုင်းတွင်လည်း အခက်အခဲ များ ရှိနေသည်ဟု ဆိုသည်။   အချိန်ကြာလာသည်နှင့်အမျှ လူမှုကူညီရေး အသင်းအဖွဲ့ဝင်များ၊ ကျန်းမာရေးဝန်ထမ်းများ ခြေကုန်လက်ပန်း ကျမှုများ ရှိလာနေသော်လည်း လူနာများ၏ လိုအပ်ချက်အရ အချိန် အကန့်အသတ်ဖြင့် အခမဲ့ဆေးခန်းများကို ဆက်လက် ဖွင့်လှစ်ထားပေးမည်ဟု ဆိုသည်။   ငလျင်လှုပ်ခတ်ပြီးနောက် ကျန်းမာရေးနှင့် ပတ်သက်ပြီး ဝမ်းပျက်ဝမ်းလျောကဲ့သို့သော နောက်ဆက်တွဲ ကူးစက် ရောဂါများလည်း ဖြစ်ပွားလာနိုင်သောကြောင့် သတိပြုနေထိုင်ကြရန်လည်း ကျန်းမာရေး ပညာရှင်များက သတိပေးထားသည်။

ငလျင်ဒဏ်သင့် ပြည်သူများ နောက်ဆက်တွဲ ကျန်းမာရေး ထိခိုက်မှုများ ရှိလာနေ

ငလျင်ဒဏ်သင့် ပြည်သူများ နောက်ဆက်တွဲ ကျန်းမာရေး ထိခိုက်မှုများ ရှိလာနေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။  ငလျင်ဒဏ် အပြင်းအထန်…

  • April 18, 2025
မကွေးထောင် ပစ်ခတ်မှု နိုင်ကျဉ်း နှစ်ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅  ခုနှစ်၊ ဧပြီလ ၁၈ ရက်။   မကွေးတိုင်း၊ မကွေးအကျဉ်းထောင် အနီးတစ်ဝိုက် နေရာများ၌ စစ်ကောင်စီတပ်နှင့် ဒေသတွင်း PDF တို့ ထိတွေ့တိုက်ပွဲ ဖြစ်ပွားခဲ့ပြီး အကျဉ်းဦးစီး ဝန်ထမ်းများ၏ ပစ်ခတ်မှုကြောင့် နိုင်ငံရေး အကျဉ်းသား ၂ ဦး သေဆုံးသည်ဟု ထောင်နှင့် နီးစပ်သူများက ပြောသည်။   စစ်ကောင်စီ လက်အောက်ခံ အကျဉ်းဦးစီးဌာန ဝန်ထမ်းများမှ ထောင်ဗူးဝနှင့် ကင်းမျှော်စင်တို့တွင် နေရာယူ၍ ပစ်ခတ်မှုကြောင့် ထိခိုက်သေဆုံးခဲ့ခြင်း ဖြစ်သည်ဟု မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများ ကွန်ရက် PPNM တာဝန်ရှိသူက ပြောသည်။   PPNM ဦးဆောင်ကော်မတီဝင်ဖြစ်သူ ကိုသိုက်ထွန်းဦးက “ဖြစ်စဉ်က သင်္ကြန်ပိတ်ရက်ဖြစ်တော့ မိသားစုဝင်တွေ ကို အသိပေးအကြောင်းကြားဖို့ ခဲယဉ်းနိုင်လိမ့်မယ်လို့ သုံးသပ်တယ်။ မိသားစုဝင်တွေနဲ့ သတင်းပေးပို့ခဲ့ခြင်း၊ အကြောင်းကြားခဲ့ခြင်း ရှိ/မရှိ ဆိုတာကိုတော့ မသိရသေးပါဘူး။ သေချာတာက ရုံးပိတ်ရက်ဖြစ်တော့ ထောင်ရဲ့ လုပ်ထုံးလုပ်နည်းနဲ့ပဲ သဂြိုဟ်ဖြစ်ဖို့ များပါတယ်။ ဘာလို့လဲဆိုတော့ သူတို့ ပစ်ခတ်မှုကြောင့် သေဆုံးသွားတဲ့ သူတွေကိုတော့ ပြင်ပပြည်သူတွေ သိရှိအောင် ပြမှာမဟုတ်ဘူးပေါ့” ဟု သုံးသပ်သည်။   ဧပြီလ ၁၃ ရက်နေ့ ပစ်ခတ်မှုထဲ ထောင်တွင်း ဓမ္မာရုံ၌ အနားယူနေသည့် စောရွှေအောင် အပါအဝင် နိုင်ကျဉ်း ၂ ဦး သေဆုံးခဲ့ပြီး ၅ ဦးထက်မနည်း ဆေးကုသမှု ခံယူနေကြရသည်။   ထို့အပြင် ၂၀၂၂ ခုနှစ် မတ်လ ၁၄ ရက်နေ့က ဖမ်းခံထားရသည့် တောင်တွင်းကြီးမြို့နယ် ကိုယ်စားပြု၊ အမျိုးသား ဒီမိုကရေစီ အဖွဲ့ချုပ် (NLD) ပါတီ၏ အမတ်ဖြစ်သူ ဦးဝင်းမြင့်လှိုင်မှာလည်း ပစ်ခတ်မှုအတွင်း ထိခိုက်မှုရှိပြီး တိုက်ပိတ်ခံထားရသည်ဟု ဆိုသည်။   စစ်တပ်က အာဏာသိမ်းပြီးနောက်ပိုင်း ထောင်အနီးတစ်ဝိုက်နေများ၌ ထိတွေ့မှု ဖြစ်ပွားပါက ထောင်တံခါးများ ကို သော့ခတ်ထားလေ့ရှိသည်ဟု ကိုသိုက်ထွန်းဦးက ၎င်းကြုံတွေ့ဖူးသည့် အခြေအနေများကို ဝေမျှသည်။   ကိုသိုက်ထွန်းဦးက “အဓိက ဖြစ်တာတော့ သေနတ်ဖောက်ပြီ ဆိုတာနဲ့တင် ကျနော်တို့ ထောင်တံခါး ပိတ်ခဲ့တာ တို့၊ အကျဉ်းသားအားလုံးကို ထောင်ထဲ ဝင်ခိုင်းပြီးမှ ချက်ချင်းပိတ်တာမျိုးတို့ ဒါကို ကျနော်တို့ ကြုံခဲ့ရတဲ့ အခြေအနေတွေ ရှိပါတယ်ဗျာ” ဟု ပြောသည်။   PPNM မှ နိုင်ကျဉ်းထိခိုက်မှု အသေးစိတ် သိရှိရန်အတွက် စုံစမ်းနေဆဲဖြစ်ပြီး ထောင်ဝန်ထမ်း အများစုမှာလည်း ပြင်းပြင်းထန်ထန် ထိခိုက်မှုရှိသည်ဟု ဆိုသည်။   လက်ရှိတွင် စစ်ကောင်စီဖက်မှ သတင်းဖုံးဖိထားပြီး ထောင်တွင်း စုံစမ်းစစ်ဆေးမှု ပြုလုပ်နေကြသည်ဟု အကျဉ်းထောင်နှင့် နီးစပ်သူများကြားတွင် ပြောဆိုနေကြသည်။

မကွေးထောင် ပစ်ခတ်မှု နိုင်ကျဉ်း နှစ်ဦး သေဆုံး 

မကွေးထောင် ပစ်ခတ်မှု နိုင်ကျဉ်း နှစ်ဦး သေဆုံး  သတင်းနှင့် မီဒီယာ ကွန်ရက်။ ၂၀၂၅  ခုနှစ်၊ ဧပြီလ ၁၈ ရက်။  မကွေးတိုင်း၊ မကွေးအကျဉ်းထောင် အနီးတစ်ဝိုက…

  • April 18, 2025
နိုင်ငံတကာ အကူအညီများအား စစ်ကောင်စီ အာဏာတည်မြဲရေးအတွက် သုံးစွဲဟု NUG စွပ်စွဲ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။   နိုင်ငံတကာမှ ပေးအပ်သည့် လူသာချင်းစာနာမှု အကူအညီများကို စစ်ကောင်စီက ၎င်း၏အာဏာ တည်မြဲရေး အတွက်သာ အသုံးပြုနေသည်ဟု အမျိုးသား ညီညွှတ်ရေးအစိုးရ (NUG) က ပြောဆိုလိုက်သည်။   မြန်မာနှစ်ဆန်း ၁ ရက်နေ့၊ ဧပြီလ ၁၇ ရက်နေ့က ပြည်သူများထံသို့ နှစ်သစ်ကူး နှုတ်ခွန်းဆက် မိန့်ခွန်းတွင် (NUG) ယာယီသမ္မတ ဒူဝါလရှီးလက ထောက်ပြ ပြောဆိုလိုက်ခြင်း ဖြစ်သည်။   “ကျနော်တို့ လူထုထိခိုက်ခံစားရမှုကို အကြမ်းဖက် စစ်အုပ်စုက ထပ်မံ အသုံးချခွင့် ရသွားတော့ စိတ်မကောင်း စရာ ကောင်းပါတယ်။ ဒါ့အပြင် လူသားစာနာမှု အကူအညီတွေကို စစ်အုပ်စုက လက်နက်သဖွယ် ကိုင်စွဲအသုံးချ နေပါတယ်။ နိုင်ငံတကာက ပေးအပ်တဲ့ လူသားစာနာမှု အကူအညီတွေဟာ လိုအပ်နေတဲ့ လူထုတွေထံ တိုက်ရိုက် ရောက်ရမှာဖြစ်ပါတယ်။ လူထုကိုဘေးဒုက္ခအန္တာရာယ်မျိုးစုံ ကျရောက်အောင်လုပ်နေတဲ့ စစ်တပ်လက်ထဲ လူသားစာနာမှု အကူအညီ အုပ်စု ကိုယ်ကျိုးအတွက် အသုံးချဖို့ ဘယ်လိုနည်းနဲ့မှ ရောက်မသွားရဘူး ဆိုတာ ကျနော်ရှင်းရှင်းပဲ ပြောကြားချင်ပါတယ်။”   စစ်ကောင်စီသည် ပြည်သူ့ဘဏ္ဍာဖြင့် ဝယ်ယူဖြည့်တင်းထားသည့် အရင်းအမြစ်များကို ငလျင်ဘေးဒုက္ခ ခံစား နေရသည့် ပြည်သူလူထု ကယ်ဆယ်ရေးတွင် အသုံးမပြုဘဲ လေကြောင်း တိုက်ခိုက်ရေးအတွက် အသုံးပြုနေ သည်ကို လူထုအနေဖြင့် ရှင်းလင်းစွာ မြင်နိုင်ရန် လိုအပ်သည် ဟု ပြောသည်။   ယာယီသမ္မတ ဒူဝါလရှီးလက “တိုင်းပြည်က ငလျင်ဘေးဒဏ်ကြီးကို ကြုံတွေ့ခံစား နေရချိန်မှာ ပြည်သူ အချင်း ချင်း ကူညီဖေးမနေကြချိန်မှာ နိုင်ငံတကာ မိတ်ဆွေများက လူ၊ နည်းပညာနဲ့ စာနာမှု အကူအညီ အထောက်အပံ့ တွေနဲ့ စိတ်ရင်းဖြင့် ကူညီနေကြချိန်မှာ စစ်ကောင်စီကတော့ သူ့အာဏာ တည်မြဲရေးအတွက် ကိုယ်ကျိုးစီးပွား အတွက်သာ ကြည့်နေတယ် ဆိုတာကို ရှင်းရှင်းလင်းလင်း မြင်တွေ့ နေကြရပါတယ်။ တိုင်းပြည်က ငလျင်ဘေး ဒဏ်ကြုံတွေ့ခံစား နေရချိန်မှာတောင် လေကြောင်း တိုက်ခိုက်မှုတွေကို ရပ်တန့်ခြင်း မရှိခဲ့ပါဘူး။ ဒါက ဒုက္ခ ရောက်နေတဲ့ ပြည်သူတွေကို ဒုက္ခအပေါ် ဒုက္ခ ထပ်ပေးတာ ဖြစ်ပါတယ်” ဟု ပြောသည်။   စစ်ကောင်စီက လူသာချင်း စာနာမှု အကူအညီများကို နိုင်ငံရေး လက်နက်သဖွယ် ချုပ်ကိုင်အသုံးချမှု မဖြစ်စေ ရန် အာရှနှင့် နိုင်ငံတကာကို အမျိုးသား ညီညွှတ်ရေး အစိုးရ NUG က သတိပေး တောင်းဆိုထားသည်။   လူသားချင်းစာနာမှု အကူအညီကို ကိုယ်ကျိုးအတွက် အသုံးချခြင်းမျိုး မဖြစ်စေဘဲ ဘေးဒဏ်သင့် လူထု တစ်ရပ် လုံးထံ မျှမျှတတနှင့် အလျင်အမြန် ရောက်ရှိရန် ပြည်တွင်း အဝန်းအဝိုင်းများ၊ နိုင်ငံတကာ မိတ်ဆွေများနှင့် NUG က ကြိုးစားပူးပေါင်း ဆောင်ရွက်နေသည်ဟုလည်း ဆိုသည်။   အလားတူ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကလည်း ငလျင်ဘေးသင့် ပြည်သူများ ပြန်လည် ထူထောင်ရေး လုပ်ငန်းအတွက် အမြန်ဆုံး ဆောင်ရွက်ပေးမည်ဟု မြန်မာနှစ်သစ်ကူး နှစ်ဆန်းတစ်ရက်နေ့ နှုတ်ခွန်းဆက် စကားတွင် ထည့်သွင်း ပြောဆိုခဲ့သည်။   စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က “ငလျင်ကြောင့် ပြည်တွင်းတွင် အကူအညီ များစွာ လိုအပ် ခဲ့ပါတယ်။ ပြည်တွင်းပြည်ပ အကူအညီတွေလည်း ဖိတ်ခေါ်ခဲ့သလို ထိုင်းနိုင်ငံမှာကျင်းပတဲ့ ဆဌမ အကြိမ် မြောက် ဘင်းစတက် ထိပ်သီးအစည်းအဝေးကို တက်ရောက်စဉ်မှာလည်း အစည်းအဝေး တက်ရောက်လာတဲ့ နိုင်ငံ ခေါင်းဆောင်များနဲ့ တွေ့ဆုံပြီး မြေငလျင်နဲ့ ပတ်သက်လို့ အကူအညီ တောင်းခံခဲ့ပါတယ်။ ကျနော်တို့ အစိုးရ အနေနဲ့ ငလျင်ဒဏ်ခံဒေသတွေနဲ့ ပြန်လည်တည်ဆောက်ရေးနဲ့ ပြန်လည်ထူထောင်ရေး လုပ်ငန်းတွေကို အမြန်ဆုံး ဆောင်ရွက်ပေးသွားပါမယ်။ မိဘပြည်သူများရဲ့ စုပေါင်းအားနဲ့ ဆောင်ရွက်ရင် ပုံမှန်အခြေအနေကို အမြန်ဆုံး ရောက်ရှိနိုင်မယ်လို့ ယုံကြည်ပါတယ်” ဟု ပြောသည်။   မတ်လ ၂၈ ရက်နေ့က ပြင်းအား ရစ်ချ်တာစကေး ၇ ဒဿမ ၇ အဆင့်ရှိ ငလျင်ဒဏ်ကြောင့် စစ်ကိုင်း၊ မန္တလေး၊ မကွေး၊ ပဲခူးတိုင်းဒေသကြီး၊ နေပြည်တော်၊ ရှမ်းပြည်တို့တွင် လူထုထိခိုက် သေဆုံးမှုနှင့်  အဆောက်အအုံ ထိခိုက်ပျက်စီးမှု များပြားခဲ့သည်။   လက်ရှိ အချိန်တွင် ပြန်လည်ထူထောင်ရေး လုပ်ငန်းများ လုပ်ဆောင်ရန်အတွက် လူသားချင်း စာနာထောက်ထား မှု အကူအညီများ အရေးပေါ် လိုအပ်နေဆဲဖြစ်သည်ဟု မြေပြင်ရှိ လူမှုကူညီရေး အသင်းအဖွဲ့များနှင့် ပြည်သူများ က ဆိုသည်။   ဓါတ်ပုံ - The Korea Post/တပ်မတော် ကာကွယ်ရေး ဦးစီးချုပ်ရုံး

နိုင်ငံတကာ အကူအညီများအား စစ်ကောင်စီ အာဏာတည်မြဲရေးအတွက် သုံးစွဲဟု NUG စွပ်စွဲ

နိုင်ငံတကာ အကူအညီများအား စစ်ကောင်စီ အာဏာတည်မြဲရေးအတွက် သုံးစွဲဟု NUG စွပ်စွဲ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၁၈ ရက်။  နိုင်ငံတကာမှ…

  • April 18, 2025
×Close