သတင်း

မြောက်ကိုရီးယား၏ (၉) ကြိမ်မြောက် အလုပ်သမားပါတီ ညီလာခံ မကြာမီ ကျင်းပမည် သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၉ ရက်။ မြောက်ကိုရီးယားနိုင်ငံ၏ အမြင့်ဆုံးမူဝါဒချမှတ်ရာ အလုပ်သမားပါတီ ညီလာခံကို ၅ နှစ်အတွင်း ပထမဆုံးအကြိမ်အဖြစ် ယခုဖေဖော်ဝါရီလနှောင်းပိုင်းတွင် ကျင်းပသွားမည် ဖြစ်သည်။ မြောက်ကိုရီးယား နိုင်ငံသည် ၅ နှစ်တစ်ကြိမ် ကျင်းပသော ကွန်ဂရက်များတွင် နိုင်ငံ၏ နိုင်ငံခြားရေး၊ စီးပွားရေး၊ အုပ်ချုပ်ရေး ဆိုင်ရာ ရှေ့လုပ်ငန်းစဉ်နှင့် မူဝါဒများကို ချမှတ်လေ့ရှိသည်။ လက်ရှိ အထွေထွေအတွင်းရေးမှူးချုပ် ကင်ဂျုံအန်းအား "နိုင်ငံတော်သမ္မတ" ရာထူး ပေးအပ်နိုင်ဖွယ်ရှိကြောင်း ခန့်မှန်းရသည်။ အမေရိကန်နှင့် ဆက်ဆံရေးတွင် နျူကလီးယားဖျက်သိမ်းရေးထက် "ငြိမ်းချမ်းစွာ အတူယှဉ်တွဲနေထိုင်ရေး" လမ်းစဉ်ကို အဆိုပြုလာနိုင်သလို၊ တောင်ကိုရီးယားနှင့် ပတ်သက်၍လည်း ပေါင်းစည်းရေး သို့မဟုတ် ရန်ဘက်နိုင်ငံအဖြစ် ဆက်လက်ရပ်တည်ရေးတို့ကို ပြတ်သားစွာ ချမှတ်လာဖွယ်ရှိသည်။ စစ်ရေး အရမူ နျူကလီးယားလက်နက်နှင့် စစ်လက်နက်ပစ္စည်းများ အဆင့်မြှင့်တင်ရေးအတွက် အဆင့်မြင့် စီမံကိန်းအသစ်များကို အတည်ပြုနိုင်ကြောင်း ပညာရှင်များက သုံးသပ်ထားကြသည်။

မြောက်ကိုရီးယား၏ (၉) ကြိမ်မြောက် အလုပ်သမားပါတီ ညီလာခံ မကြာမီ ကျင်းပမည်

မြောက်ကိုရီးယား၏ (၉) ကြိမ်မြောက် အလုပ်သမားပါတီ ညီလာခံမကြာမီ ကျင်းပမည် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၉ ရက်။  မြောက်ကိုရီးယား…

  • February 9, 2026
အမေရိကန်နှင့် အိန္ဒိယနိုင်ငံတို့၏ ကြားဖြတ်ကုန်သွယ်ရေး သဘောတူညီချက်ကြေညာ သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၉ ရက်။ အမေရိကန်နှင့် အိန္ဒိယနိုင်ငံတို့အကြား လွတ်လပ်သော ကုန်သွယ်ရေး သဘောတူညီချက် (FTA) မရရှိမီ စပ်ကြားတွင် အပြန်အလှန် အကျိုးစီးပွားအတွက် အကောင်အထည်ဖော်မည့် ကြားဖြတ်ကုန်သွယ်ရေး သဘောတူညီချက် (Interim Trade Agreement) ကို ဖေဖော်ဝါရီလ ၆ ရက်နေ့တွင် အိမ်ဖြူတော်က ထုတ်ပြန်ခဲ့သည်။ အမေရိကန်မှ တင်သွင်းသည့် စက်မှုကုန်ပစ္စည်းများနှင့် စိုက်ပျိုးရေးထွက်ကုန်များ (ဝိုင်၊ အခွံမာသီး၊ ပဲဆီ စသည်) အပေါ် အခွန်များကို အိန္ဒိယဘက်မှ လျှော့ချ သို့မဟုတ် ပယ်ဖျက်ပေးမည် ဖြစ်သည်။ ထို့အပြင် ဆေးဘက်ဆိုင်ရာနှင့် နည်းပညာပစ္စည်းများအပေါ် ကန့်သတ်ထားသော လိုင်စင်လုပ်ထုံးလုပ်နည်းများကိုလည်း ဖြေလျှော့ပေးမည်ဖြစ်သည်။ အိန္ဒိယ၏ အဓိကပို့ကုန်များဖြစ်သော ဆေးဝါး၊ ကျောက်မျက်ရတနာနှင့် လေယာဉ်အစိတ်အပိုင်းများအပေါ် အခွန်များကို အမေရိကန်ဘက်မှ ပြန်လည်ဖယ်ရှားပေးမည်ဖြစ်ပြီး၊ သံမဏိနှင့် အလူမီနီယမ် အခွန်အချို့ကိုလည်း လျှော့ချပေးမည် ဖြစ်သည်။ အိန္ဒိယသည် လာမည့် ၅ နှစ်အတွင်း အမေရိကန်ထံမှ ဒေါ်လာ ၅၀၀ ဘီလီယံဖိုးရှိသော စွမ်းအင်၊ လေယာဉ်နှင့် နည်းပညာပစ္စည်းများကို ဝယ်ယူရန် ကတိပြုခဲ့သည်။ ဤသဘောတူညီချက်ကြောင့် အိန္ဒိယနိုင်ငံသည် ဒေသတွင်း၌ အရေးပါသော ကုန်ထုတ်လုပ်မှု ဗဟိုချက်မအဖြစ် ပြောင်းလဲလာနိုင်ကြောင်း ပညာရှင်များက ခန့်မှန်းထားကြသည်။

အမေရိကန်နှင့် အိန္ဒိယနိုင်ငံတို့၏ ကြားဖြတ်ကုန်သွယ်ရေး သဘောတူညီချက်ကြေညာ

အမေရိကန်နှင့် အိန္ဒိယနိုင်ငံတို့၏ ကြားဖြတ်ကုန်သွယ်ရေး သဘောတူညီချက်ကြေညာ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၉ ရက်။  အမေရိကန်နှင့်…

  • February 9, 2026
ရွေးကောက်ပွဲရလဒ်များကြောင့် ထိုင်းနှင့် ဂျပန် စတော့ဈေးကွက်များ ထိုးတက် သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၉ ရက်။ ထိုင်းနှင့် ဂျပန်နိုင်ငံတို့တွင် ကျင်းပခဲ့သော ရွေးကောက်ပွဲများ၌ အာဏာရပါတီများ အပြတ်အသတ် အနိုင်ရရှိခဲ့ခြင်းကြောင့် ရင်းနှီးမြှုပ်နှံသူများအကြား ယုံကြည်မှု မြင့်တက်လာပြီး စတော့ဈေးကွက်များ သိသိသာသာ ထိုးတက်သွားခဲ့သည်။ ++ ထိုင်းနိုင်ငံအခြေအနေ +++ ထိုင်းအထွေထွေရွေးကောက်ပွဲတွင် အိမ်စောင့်အစိုးရအဖွဲ့၌ အဓိကပါဝင်သည့် ဘူမ်ဂျိုင်ထိုင်း (Bhumjaithai) ပါတီက အပြတ်အသတ် အနိုင်ရရှိခဲ့သည်။ ထိုသို့ နိုင်ငံရေးအရ တည်ငြိမ်မှုရှိမည်ဟု အာမခံချက်ရရှိသွားခြင်းကြောင့် တနင်္လာနေ့နံနက်ပိုင်းတွင် ထိုင်းရှယ်ယာဈေးကွက် အညွှန်းကိန်း (SET Index) သည် ၃ ရာခိုင်နှုန်းကျော် (၄၀.၇၄ ပွိုင့်) အထိ မြင့်တက်သွားခဲ့သည်။ အကျိုးအမြတ် အများဆုံးရရှိခဲ့သော ကုမ္ပဏီများမှာ ထိုင်းလေဆိပ်လုပ်ငန်း (AOT)၊ Delta Electronics၊ Krungthai Bank (KTB)၊ PTT ရေနံကုမ္ပဏီနှင့် CPALL တို့ဖြစ်ပြီး၊ အထူးသဖြင့် AOT ၏ ရှယ်ယာဈေးနှုန်းမှာ ၁၀.၈၅ ရာခိုင်နှုန်းအထိ စံချိန်တင် မြင့်တက်ခဲ့သည်။ +++ ဂျပန်နိုင်ငံအခြေအနေ +++ ဂျပန်နိုင်ငံတွင်လည်း ဝန်ကြီးချုပ် စနာအဲ တာကာအီချီ ဦးဆောင်သည့် LDP ပါတီသည် အောက်လွှတ်တော် အမတ်နေရာ ၄၆၅ နေရာအနက် ၃၁၆ နေရာအထိ အနိုင်ရရှိကာ သမိုင်းဝင် အောင်ပွဲခံခဲ့သည်။ ၎င်းသည် ၁၉၄၇ ခုနှစ်နောက်ပိုင်း ဂျပန်နိုင်ငံရေးသမိုင်းတွင် တစ်ပါတီတည်းက လွှတ်တော်၏ သုံးပုံနှစ်ပုံကို ပထမဆုံးအကြိမ် ထိန်းချုပ်နိုင်ခြင်း ဖြစ်သည်။ ရလဒ်အနေဖြင့် ဂျပန် Nikkei အညွှန်းကိန်းသည် ၅ ရာခိုင်နှုန်းကျော် ခုန်တက်သွားပြီး သမိုင်းတစ်လျှောက် ပထမဆုံးအကြိမ်အဖြစ် ၅၇,၀၀၀ ပွိုင့်ကို ကျော်ဖြတ်သွားခဲ့သည်။ ဝန်ကြီးချုပ် တာကာအီချီအနေဖြင့် လက်ရှိအစိုးရအဖွဲ့ကို ဆက်လက်ထိန်းသိမ်းကာ ထိုးစစ်ဆင်သည့် ဘဏ္ဍာရေးမူဝါဒများဖြင့် စီးပွားရေးကို မြှင့်တင်သွားမည်ဟု ပြောကြားခဲ့သည်။

ရွေးကောက်ပွဲရလဒ်များကြောင့် ထိုင်းနှင့် ဂျပန် စတော့ဈေးကွက်များ ထိုးတက်

ရွေးကောက်ပွဲရလဒ်များကြောင့် ထိုင်းနှင့် ဂျပန် စတော့ဈေးကွက်များ ထိုးတက် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၉ ရက်။  ထိုင်းနှင့် ဂျ…

  • February 9, 2026
ကြံ့ခိုင်ရေး နိုင်သော်လည်း ရွေးကောက်ပွဲ တရားဝင်မှုမရှိဟု ဝေဖန်ခံရ သတင်းနှင့်မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၉ ရက်။ စစ်ကော်မရှင်က ကျင်းပသည့် အထွေထွေ ရွေးကောက်ပွဲ အပိုင်း ၃ ပိုင်း အပြီးတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP) က လွှတ်တော် နေရာအများစု အနိုင်ရသော်လည်း ရွေးကောက်မှာ တရားမျှတမှု မရှိကြောင်းနှင့် တရားဝင်မှု မရှိကြောင်း သတင်းအယ်ဒီတာများက ထောက်ပြသည်။ စစ်ကော်မရှင်က ကျင်းပခဲ့သည့် အထွေထွေရွေးကောက်ပွဲ အပိုင်း ၃ ပိုင်းပေါင်းတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) က အမတ်နေရာအားလုံး၏ ၇၂ ရာခိုင်နှုန်းကို အပြတ်အသတ် အနိုင်ရရှိခဲ့ကြောင်း Data for Myanmar (D4M) ၏ ဖေဖော်ဝါရီ ၈ ရက်ထုတ် အစီရင်ခံစာတွင် ဖော်ပြထားသည်။ အစီရင်ခံစာအရ လွှတ်တော်သုံးရပ်အတွက် ရွေးကောက်တင်မြှောက်ခဲ့သည့် ကိုယ်စားလှယ် ၁,၀၂၅ ဦးအနက် ကြံ့ခိုင်ရေးပါတီက ၇၃၉ ဦးအထိ အနိုင်ရရှိခဲ့ခြင်းဖြစ်သည်။ သံလွင်တိုမ်း သတင်းဌာနက အယ်ဒီတာချုပ် ကိုကိုဇော်က “နေရာတိုင်းမှာ ကြိုတင်မဲနဲ့ အနိုင်ယူတဲ့အပြင်ကို တစ်ဦးချင်းကို ခြိမ်းခြောက်မှုတွေနဲ့ မဲပေးခိုင်းတဲ့ အခြေအနေ မျိုးတွေ ရှိခဲ့တယ်” ဟု ပြောသည်။ စစ်ကော်မရှင်ဘက်က မြို့နယ် ၆၁ မြို့နယ်၌ မဲပေးသူ ၅၆ ရာခိုင်နှုန်းကျော်ရှိခဲ့သည်ဟု ထုတ်ပြန်ထားသော်လည်း မြေပြင်တွင်မူ ပဋိပက္ခပေါင်းစုံနှင့် ရင်ဆိုင်ခဲ့ရသည်။ ကန္တာရဝတီတိုင်း (မ်) သတင်းဌာနက သတင်းအယ်ဒီတာ နော်ဒွေးအယ်ခူ က “ဒီရွေးကောက်ပွဲကို စိတ်အားထက် သန်စွာနဲ့ လူထုကနေ မဲပေးခဲ့တယ် ဆိုတဲ့ ပုံစံမျိုးနဲ့ လူထုတွေက သွားတာတော့ မဟုတ်ဘူးပေါ့နော်။ ဖြစ်လာ မယ့် အကျိုးဆက်တွေကို လူထုတွေက စိုးရိမ်ကြောက်လန့်နေရာတာပေါ့နော်။ ဒီဒေသခံတစ်ယောက်နဲ့ ချိက် ဆက်မှု အရဆိုရင် မဲသွားပေးတယ်ပေါ့နော် သွားတဲ့အချိန်မှာ လူအများကြီးပေါ့နော်။ ဒီလောက်များ မယ်လို့ မထင်ဘူးပေါ့နော် သူက အဲ့လိုမျိုးပြောတယ်” ဟု လွိုင်ကော်မြို့က အခြေအနေကို ပြောပြသည်။ နော်ဒွေးအယ်ခူက “နောက် ဘာလို့ ကိုယ်တိုင်ကလည်း မဲ သွားပေးရလဲဆိုရင် အခုနကပြောသလို ဖိအားပေးမှု တွေ ကြောက်တယ်။ လူထုတွေက မဲရုံမှာ မြန်မြန်မဲသွားပေးပြီးရင် ပြီးသွားပြီပေါ့နော်။ ခနနေ နေမြင့်လို့မှ လက်နက်ကြီးတွေ ကျလာမလား ဒီလိုမျိုးတွေပေါ့နော်။ တော်လှန်ရေးဘက်ကလည်း သတိပေးမှုတွေ ရှိတယ် နော်။ အဲ့လိုပြောကြတယ်” ဟု ဆက်ပြောသည်။ ရွေးကောက်ပွဲ ကျင်းပချိန်အတွင်း ဗုံးပေါက်ကွဲမှုနှင့် ပစ်ခတ်မှုဖြစ်စဉ်ပေါင်း ၁၁၀ ကျော် ရှိခဲ့ပြီး မဲရုံများနှင့် ရွေးကောက်ပွဲရုံးများ ပစ်မှတ်ထား တိုက်ခိုက်ခံခဲ့ရသည်။ ရွေးကောက်ပွဲကို လက်မခံသည့် ပြည်သူများကလည်း ‘အသံတိတ်သပိတ်’ များ ပြုလုပ်ခြင်း၊ မြို့နယ်အသီးသီး၌ ဆန့်ကျင်ဆန္ဒပြခြင်းများဖြင့် ကန့်ကွက်ခဲ့ကြသည်။ အခြားတစ်ဖက်တွင်လည်း ယခုရွေးကောက်ပွဲ၏ နောက်ကွယ်၌ တရုတ်နိုင်ငံ၏ ကြီးမားသော တွန်းအားနှင့် ဖိအားများ ပါဝင်နေကြောင်း တက်ကြွလှုပ်ရှားသူများက ထောက်ပြကြသည်။ အထူးသဖြင့် တရုတ်နိုင်ငံ၏ One Belt One Road (BRI) စီမံကိန်းများနှင့် မြစ်ဆုံရေကာတာ စီမံကိန်းများကို ပြန်လည်အသက်သွင်းရန်အတွက် စစ်ကော်မရှင်အပေါ် ဖိအားပေးခဲ့ခြင်းဖြစ်သည်ဟု ဝေဖန်မှုများ ထွက်ပေါ်နေ ခြင်းဖြစ်သည်။ ကချင်အမျိုးသမီး အစည်းအရုံး-ထိုင်းနိုင်ငံ (KWAT) မှ စည်းရုံးလှုံ့ဆော်ရေးအဖွဲ့ တာဝန်ခံ ဆန်ထွယ်က “စစ်ကော်မရှင်ရဲ့ ရွေးကောက်ပွဲကို ကြည့်ရတာတော့ တရုတ်ပြည်က ထုတ်လုပ်တဲ့ ရွေးကောက်ပွဲလို့တောင် ပြောလို့ရတယ်။ ကျွန်မတို့ရဲ့ ကချင်ဒေသ မြစ်ဆုံ Dam ကို ပြန်လုပ်ဖို့ ဖိအားပေးနေတာတွေ၊ လူတွေလွှတ်နေ တာတွေ ရှိတယ်။ ဒါတွေက အလဲအလှယ်လုပ်တဲ့ ပုံစံမျိုး ဖြစ်နေလို့ Made in China Election လို့ ပြောလို့ ရတာပါ” ဟု သုံးသပ်ပြောဆိုထားသည်။ စစ်ကော်မရှင်က ရွေးကောက်ပွဲ အောင်မြင်စွာ ကျင်းပနိုင်ခဲ့သည်ဟု ဆိုနေသော်လည်း မြေပြင်အခြေအနေအရ လုံခြုံရေးစိန်ခေါ်မှုများ၊ လူထု၏ ကန့်ကွက်မှုများနှင့် နိုင်ငံတကာ၏ လက်မခံမှုများကြောင့် ဤရွေးကောက်ပွဲ၏ တရားဝင်မှုမှာ များစွာ မေးခွန်းထုတ်စရာ ဖြစ်နေကြောင်း Data for Myanmar ၏ အစီရင်ခံစာက အကျဉ်းချုပ် ထောက်ပြထားပါသည်။

ကြံ့ခိုင်ရေး နိုင်သော်လည်း ရွေးကောက်ပွဲ တရားဝင်မှုမရှိဟု ဝေဖန်ခံရ

ကြံ့ခိုင်ရေး နိုင်သော်လည်း ရွေးကောက်ပွဲတရားဝင်မှုမရှိဟု ဝေဖန်ခံရ သတင်းနှင့်မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၉ ရက်။ စစ်ကော်မရှင်က ကျင်းပသည…

  • February 9, 2026
သံတွဲမြို့ကို စစ်ကော်မရှင် လေကြောင်းမှ ဗုံးကြဲ၊ အရပ်သား ၂ ဦး ဒဏ်ရာရပြီး နေအိမ်များ ပျက်စီး

 သတင်းနှင့်မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၉ ရက်။ အာရက္ခတပ်တော် (AA) ထိန်းချုပ်ထားသည့် ရခိုင်ပြည်၊ သံတွဲမြို့ပေါ်ရှိ လူနေရပ်ကွက်တစ်ခု အတွင်းသို့ စစ်ကော်မရှင်တပ်က လေကြောင်းမှ ဗုံးကြဲတိုက်ခိုက်ခဲ့ရာ အရပ်သား ၂ ဦး ထိခိုက်ဒဏ်ရာရရှိပြီး နေအိမ် ၉ လုံး ပျက်စီးဆုံးရှုံးခဲ့သည်ဟု ဒေသခံများက ပြောသည်။ ဖေဖော်ဝါရီလ ၈ ရက်နေ့၊ နေ့လယ် ၁ နာရီခွဲခန့်တွင် စစ်ကော်မရှင်၏ ဂျက်ဖိုက်တာတစ်စီးသည် သံတွဲမြို့၊ အမှတ် (၃) ရပ်ကွက်အတွင်းသို့ ဗုံးကြဲချခဲ့ခြင်းဖြစ်သည်။ အဆိုပါ တိုက်ခိုက်မှုကြောင့် အသက် ၅၀ ဝန်းကျင်အရွယ်ရှိ ဦးအောင်သန်းလင်းနှင့် ဦးသက်အောင်တို့ ဒဏ်ရာရ ရှိခဲ့ပြီး၊ ဦးသက်အောင်မှာ ဦးခေါင်းတွင် ပြင်းထန်ဒဏ်ရာရရှိခဲ့သဖြင့် အရေးပေါ်ဆေးကုသမှု ခံယူနေရသည်။ သံတွဲမြို့ခံတစ်ဦးက “ဗုံးက ဗိုလ်ချုပ်လမ်းနားက အိမ်တွေပေါ် တည့်တည့်ကျတာ။ အိမ်တွေတော်တော်ကို ပျက်စီးသွားတယ်။ ဒီနေ့က လေယာဉ်နဲ့ပါ ဝဲပြီးပစ်တာဆိုတော့ မြို့ခံတွေလည်း တော်တော်လေးကိုမှ လန့်သွား ကြတယ်။ မြို့ထဲမှာ လူတွေမနေရဲအောင် တမင်တကာ ခြောက်လှန့်နေတဲ့သဘောပဲ” ဟု ပြောသည်။ သံတွဲမြို့နယ်အတွင်းရှိ ငပလီမြို့တွင်လည်း ပြီးခဲ့သည့် ဒီဇင်ဘာလကုန်ပိုင်းက လေကြောင်းတိုက်ခိုက်ခံရမှု ကြောင့် ကလေးငယ်များ အပါအဝင် ၉ ဦး သေဆုံးခဲ့ရပြီး၊ ရာစုနှစ်နှင့်ချီ သက်တမ်းရှိသည့် ရှေးဟောင်း နေအိမ် အချို့လည်း ပျက်စီးဆုံးရှုံးခဲ့ရဖူးသည်။ လက်ရှိတွင် စစ်ကော်မရှင်သည် ရခိုင်ပြည်အတွင်းက လက်လွှတ်လိုက်ရသည့် မြို့ရွာများကို ပြန်လည် သိမ်းပိုက် နိုင်ရန် လေကြောင်း အင်အားသာမက ရေတပ်သင်္ဘောများပေါ်မှပါ လက်နက်ကြီးများဖြင့် မကြာခဏ ပစ်ခတ်နေသည်ဟု ဒေသခံများက ပြောသည်။ သံတွဲဒေသခံတစ်ဦးက “သူတို့က မြေပြင်မှာ စစ်ရှုံးနေတော့ လေယာဉ်နဲ့ရော၊ သင်္ဘောနဲ့ရော ပတ်ရမ်းနေတာ။ ဘယ်အချိန် ဗုံးကျလာမလဲဆိုတာကိုပဲ ထိုင်စောင့်နေရသလို ဖြစ်နေတယ်” ဟု ပြောသည်။ ယခုကဲ့သို့ သံတွဲမြို့ကို ပစ်မှတ်ထား တိုက်ခိုက်နေချိန်မှာပင် စစ်ကော်မရှင်တပ်သည် ရခိုင်ပြည် အတွင်းရှိ အခြား သော မြို့နယ်များကိုလည်း လေကြောင်းနှင့် ရေတပ်အင်အား အသုံးပြုကာ ထိုးစစ်ဆင်ရန် ပြင်ဆင်လျက်ရှိ သည်။ 
ထို့ကြောင့် ရခိုင်တစ်ပြည်နယ်လုံးရှိ အရပ်သားပြည်သူများ အနေဖြင့် လုံခြုံရေးသတိ အမြဲရှိကြရန် အာရက္ခတပ် တော် (AA) က အထူးသတိပေး နှိုးဆော်ထားသည်။

ဓါတ်ပုံ - Arakan Princess Media

သံတွဲမြို့ကို စစ်ကော်မရှင် လေကြောင်းမှ ဗုံးကြဲ၊ အရပ်သား ၂ ဦး ဒဏ်ရာရပြီး နေအိမ်များ ပျက်စီး



သံတွဲမြို့ကို စစ်ကော်မရှင် လေကြောင်းမှ ဗုံးကြဲ၊ အရပ်သား ၂ ဦး ဒဏ်ရာရပြီး နေအိမ်များ ပျက်စီး သတင်းနှင့်မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၉ ရက်။…

  • February 9, 2026
တအာင်းဒေသတွင် ၃ နှစ်အတွင်း အရပ်သား ၉၀၀ နီးပါး ထိခိုက်နစ်နာဟု TWO ပြော

 သတင်းနှင့်မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၉ ရက်။ ရှမ်းပြည်မြောက်ပိုင်း၊ တအာင်းဒေသအတွင်း စစ်ကော်မရှင်၏ ရည်ရွယ်ချက်ရှိရှိ ပစ်မှတ်ထား တိုက်ခိုက်မှုများ ကြောင့် အမျိုးသမီးနှင့် ကလေးငယ်များ အပါအဝင် အရပ်သား ၉၀၀ နီးပါး ထိခိုက်နစ်နာခဲ့ရကြောင်း တအာင်း အမျိုးသမီးအဖွဲ့အစည်း (TWO) က ပြောသည်။   ‘လုံခြုံမှု ကင်းမဲ့သော ဘဝများ’ အမည်ရှိ အစီရင်ခံစာတစ်ရပ် ထုတ်ပြန်ကာ သတိပေးပြောဆိုလိုက်ခြင်း ဖြစ်သည်။ ပြီးခဲ့သည့် ၂၀၂၁ ခုနှစ်မှ ၂၀၂၄ ခုနှစ်အထိ ၃ နှစ်တာအတွင်း စစ်ကော်မရှင်တပ်သည် လေကြောင်းမှ ဗုံးကြဲခြင်း၊ လက်နက်ကြီးဖြင့် အဆင်အခြင်မဲ့ ပစ်ခတ်ခြင်း အပါအဝင် လူ့အခွင့်အရေး ချိုးဖောက်မှုပေါင်း ၂၈၀ ကျော် ကျူးလွန်ခဲ့ကြောင်း TWO ၏ မှတ်တမ်းများအရ သိရသည်။ အဆိုပါ ဖြစ်စဉ်များအနက် လက်နက်ကြီးကြောင့် ထိခိုက်ရသူ ၂၆၀ ကျော်နှင့် လေကြောင်းတိုက်ခိုက်မှုကြောင့် ထိခိုက်ရသူ ၂၇၀ ကျော်အထိ ရှိခဲ့သည်။ ကွက်ခိုင်မြို့ခံ အမျိုးသမီးတစ်ဦးက “အာဏာသိမ်းပြီး နောက်ပိုင်း အခြေအနေကို ပြောရမယ်ဆိုရင် ကျမတို့ ရွာထဲကို လက်နက်ကြီးတွေ ကျလာတာက တိုက်ပွဲဖြစ်နေလို့ မဟုတ်ဘူး။ ရည်ရွယ်ချက်ရှိရှိ ပစ်နေတာ။ အိမ်ထဲမှာ ထိုင်နေရင်းနဲ့တင် ဗုံးစထိပြီး သေတဲ့သူသေ၊ ဒဏ်ရာရတဲ့သူရနဲ့။ ကလေးတွေဆိုရင် လေယာဉ်သံ ကြားတာနဲ့တင် တုန်နေကြပြီ။ ဘယ်အချိန် ကိုယ့်အလှည့် ရောက်မလဲဆိုတာပဲ ကြောက်နေရတာ” ဟု ပြောသည်။ စစ်ကော်မရှင်တပ်သည် အရပ်သားများကို လူသားဒိုင်းအဖြစ် အသုံးပြုခြင်း၊ မတရား ဖမ်းဆီးညှဉ်းပန်းခြင်းနှင့် အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှုများကိုပါ စနစ်တကျ ကျူးလွန်နေကြောင်း အစီရင်ခံစာက ထောက်ပြထားသည်။ လက်ရှိတွင် တိုက်ပွဲများကြောင့် တအာင်းဒေသ၌ စစ်ဘေးရှောင်ဦးရေ ၁ သိန်းကျော်အထိ ရှိလာနေပြီး အရေး ပေါ် လူသားချင်းစာနာမှု အကူအညီများ ပြတ်လပ်နေသည့် အခြေအနေဖြစ်ကြောင်း ထောက်ပြထားသည်။ “အခုက စားဖို့သောက်ဖို့ထက် လုံခြုံရေးက အဓိက ဖြစ်နေတာ။ တိုက်ပွဲတွေ ရပ်သွားရင်လည်း လူက အမြဲ စိတ်ခြောက်ခြားနေတာ။ ညဘက်ဆိုလည်း ကောင်းကောင်းမအိပ်ရဘူး။ လေယာဉ်လာမလား၊ လက်နက် ကြီးကျမလားနဲ့။ ဒဏ်ရာရတဲ့သူတွေဆိုလည်း ဆေးကုဖို့က အရမ်းခက်ခဲတယ်။ လမ်းတွေပိတ်ထားတော့ မြို့ပေါ်တက်ဖို့က မလွယ်ဘူး” ဟု မိုးကုတ်မြို့က စစ်ရှောင်တစ်ဦးက ဟု ပြောသည်။ တအာင်းအမျိုးသမီးအဖွဲ့အစည်း (TWO) က နိုင်ငံတကာ အသိုက်အဝန်းအနေဖြင့် စစ်ကော်မရှင်ထံသို့ လေယာဉ် ဆီ တင်ပို့ရောင်းချမှုများကို အမြန်ဆုံး ရပ်တန့်ရန်နှင့် ကျူးလွန်ထားသည့် စစ်ရာဇဝတ်မှုများအတွက် ထိရောက် စွာ အရေးယူပေးရန် အလေးအနက် တောင်းဆိုထားသည်။ ၎င်းတို့၏ အစီရင်ခံစာအရ ပြီးခဲ့သည့် ၃ နှစ်အတွင်း တအာင်းဒေသရှိ အရပ်သားများ၏ ဘဝမှာ လုံခြုံမှု ကင်းမဲ့နေပြီး နိုင်ငံတကာ၏ အရေးယူဆောင်ရွက်မှုမှာ အရေးတကြီး လိုအပ်နေကြောင်း ဖော်ပြထားသည်။    

တအာင်းဒေသတွင် ၃ နှစ်အတွင်း အရပ်သား ၉၀၀ နီးပါး ထိခိုက်နစ်နာဟု TWO ပြော



တအာင်းဒေသတွင် ၃ နှစ်အတွင်း အရပ်သား ၉၀၀ နီးပါး ထိခိုက်နစ်နာဟု TWO ပြော သတင်းနှင့်မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၉ ရက်။ ရှမ်းပြည်မြောက်ပိ…

  • February 9, 2026
ချင်းပြည်တောင်ပိုင်း လေယာဉ်ဖြင့်ဗုံးကြဲမှုကြောင့် ကလေးငယ်တစ်ဦး သေဦ အရပ်သား ၁၀ ဦးကျော် ဒဏ်ရာရ သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇန္နဝါရီလ ၉ ရက်။ ချင်းပြည်တောင်ပိုင်းကို စစ်ကော်မရှင် လေကြောင်းမှ အပြင်းအထန်ဗုံးကြဲခဲ့ရာ ကလေးငယ်တစ်ဦး သေဆုံးပြီး အရပ်သား ၁၀ ဦးထက်မနည်း ဒဏ်ရာရရှိခဲ့သည်ဟု မြေပြင်သတင်းရင်းမြစ်များက ပြောသည်။ ချင်းပြည် တောင်ပိုင်း၊ ချင်းညီနောင်အဖွဲ့များ ထိန်းချုပ်ထားရာ မတူပီ၊ မင်းတပ်နှင့် ကန်ပက်လက်မြို့နယ်များကို စစ်ကော်မရှင်တပ်က ဖေဖော်ဝါရီ ၈ ရက်တွင် လေကြောင်းမှတစ်ဆင့် တစ်ပြိုင်နက်တည်း ဗုံးကြဲတိုက်ခိုက်ခဲ့ခြင်း ဖြစ်သည်။ အဆိုပါ လေကြောင်းတိုက်ခိုက်မှုထဲ ၁၃ နှစ်အရွယ် ကလေးငယ်တစ်ဦး သေဆုံးပြီး အခြားအရပ်သား ၁၀ ဦးခန့် ထိခိုက်ဒဏ်ရာ ရရှိခဲ့ကြောင်း ဒေသခံသတင်းရင်းမြစ်များက ပြောသည်။ သေဆုံးထိခိုက်မှုများသည် မတူပီမြို့ နယ် အတွင်းက ဖြစ်သည်။ စစ်ကော်မရှင်သည် ယမန်နေ့ နံနက်ပိုင်းမှစတင်ကာ ဂျက်ဖိုက်တာများ အသုံးပြု၍ အဆိုပါ မြို့နယ်သုံးခုစလုံးကို တစ်လှည့်စီ ပစ်မှတ်ထား တိုက်ခိုက်ခဲ့ခြင်းဖြစ်သည်။ အထူးသဖြင့် မတူပီမြို့နယ်အတွင်းရှိ ကျေးရွာတစ်ရွာကို ငါးကြိမ်ထက်မနည်း ဗုံးကြဲခဲ့သဖြင့် ၁၃ နှစ်အရွယ် ကလေးငယ်တစ်ဦး အသက်ဆုံးရှုံးခဲ့ရသည့်အပြင် ဆီသယ်ယာဉ်တစ်စီးနှင့် လူနေအိမ်များပါ မီးလောင်ပျက်စီး ခဲ့ရသည်။ မြေပြင်သတင်းရင်းမြစ်က “စစ်ကောင်စီက လူစုလူဝေးရှိနိုင်တဲ့ နေရာတွေကို ပစ်မှတ်ထားပြီး လေကြောင်းနဲ့ တိုက်ခိုက်နေတာပါ။ ဒါဟာ စစ်ရေးပစ်မှတ် မဟုတ်ဘဲ အရပ်သားတွေကို ရည်ရွယ်ချက်ရှိရှိ ခြောက်လှန့်နေတာ ဖြစ်တယ်” ဟု ပြောသည်။ မင်းတပ်မြို့ပေါ်တွင်လည်း ဗုံးကြဲခံရမှုကြောင့် ပြည်သူ့ဈေးဆိုင်များ၊ ဓမ္မာရုံနှင့် လူထုအခြေပြု အဆောက် အအုံများ ထိခိုက်ပျက်စီးခဲ့သည်။ ထို့အတူ ကန်ပက်လက်မြို့နယ်အတွင်းရှိ အစိုးရရုံးအချို့နှင့် နေအိမ်များလည်း ဗုံးဒဏ်ကြောင့် ပြိုပျက်ခဲ့ရသည်။ မင်းတပ်မြို့မှ ဒေသခံတစ်ဦးက “လေယာဉ်က မတူပီသွားလိုက်၊ ကန်ပက်လက်သွားလိုက်နဲ့ တစ်နေကုန် ဝဲနေ တာ။ ဗုံးသံကြားရင် ပြေးကြရတာပဲ။ တစ်နေကုန် ဗုံးခိုကျင်းထဲ ပြေးပြေးဝင်နေရတာ” ဟု ပြောသည်။ ယခုကဲ့သို့ လေကြောင်းတိုက်ခိုက်မှုများ အပြင် မင်းတပ်မြို့နယ်အတွင်းရှိ ကျေးရွာများ အနီးသို့လည်း စစ်ကော်မရှင်တပ်က လက်နက်ကြီးများဖြင့် မကြာခဏ ရမ်းသန်းပစ်ခတ်နေသဖြင့် စစ်ဘေးရှောင်နေရသည့် ပြည်သူများမှာ လုံခြုံရေးအတွက် အထူးစိုးရိမ်နေကြရသည်။ စစ်ကော်မရှင်တပ်သည် နယ်မြေစိုးမိုးမှု ရရှိရန်ထက် လက်လွှတ်လိုက်ရသည့် မြို့ရွာများမှ ပြည်သူများကို ဒုက္ခပေးရန် လေကြောင်းအင်အားကို အလွန်အကျွံ သုံးစွဲနေကြောင်း ဒေသခံများနှင့် မြေပြင်ရှိ တော်လှန်ရေး တပ်ဖွဲ့ တာဝန်ရှိသူများက ပြောသည်။ ဓာတ်ပုံ- Hkl Mindat

ချင်းပြည်တောင်ပိုင်း လေယာဉ်ဖြင့်ဗုံးကြဲမှုကြောင့် ကလေးငယ်တစ်ဦး သေ၊ အရပ်သား ၁၀ ဦးကျော် ဒဏ်ရာရ

ချင်းပြည်တောင်ပိုင်း လေယာဉ်ဖြင့်ဗုံးကြဲမှုကြောင့် ကလေးငယ်တစ်ဦး သေ၊ အရပ်သား ၁၀ ဦးကျော် ဒဏ်ရာရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္နဝါရီလ ၉ ရက်…

  • February 9, 2026
ဖယ်ခုံ အနောက်ခြမ်း ကျေးရွာများအတွင်း စစ်ကော်မရှင် လက်နက်ကြီးဖြင့်ပစ်၊ အရပ်သား တစ်ဦးသေ သတင်းနှင့်မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၉ ရက်။ ရှမ်းပြည်တောင်ပိုင်း၊ ဖယ်ခုံမြို့နယ် အနောက်ဘက်ခြမ်းရှိ တော်လှန်ရေး တပ်ဖွဲ့များ ထိန်းချုပ်ထားရာ ကယန်းကျေးရွာများအတွင်းသို့ စစ်ကော်မရှင်တပ်က လက်နက်ကြီးဖြင့် ပစ်ခတ်တိုက်ခိုက်ခဲ့ရာ အရပ်သားတစ်ဦး ပွဲချင်းပြီး သေဆုံးသွားသည်။ နေအိမ်၌ ရှိနေသည့် အရပ်သားတစ်ဦး ပွဲချင်းပြီး သေဆုံးကာ နောက်ထပ်တစ်ဦး ပြင်းထန်ဒဏ်ရာရရှိခဲ့ကြောင်း ဒေသခံများနှင့် စစ်ဘေးရှောင်ကူညီသူများက ပြောသည်။ ဖြစ်စဉ်နှင့်ပတ်သက်၍ အနောက်ကယန်းဒေသ၌ ခိုလှုံနေသည့် CDM တစ်ဦးက “ထိတာကတော့ အိမ်မှာ နေရင်း ထိုင်ရင်း ထိတာပါ။ တစ်လုံးပဲ ကျတာလေ။ ဝုန်းဆို တစ်ချက်ပဲ။ ပွဲချင်းပြီးပဲ။ အကုန်လုံး ကျဉ်းထဲ ရောက်တော့ ထပ်မကျတော့ဘူး။ တော်တော်ဆန်းတယ်။ ခါတိုင်းဆို ဆက်တိုက် အတွဲလိုက် ချတာ” ဟု ပြောသည်။ ဖယ်ခုံမြို့အခြေစိုက် ခမရ (၃၃၆) တပ်ရင်းမှနေ၍ ဖေဖော်ဝါရီ ၆ ရက်နေ့ နံနက် ၁၀ နာရီဝန်းကျင်ခန့်တွင် တိုက်ပွဲ ဖြစ်ပွားခြင်းမရှိဘဲ ၁၂၀ မမ လက်နက်ကြီးဖြင့် အရပ်သားများရှိရာသို့ ရည်ရွယ်ချက်ရှိရှိ ဦးတည် ပစ်ခတ်ခဲ့ခြင်း ဖြစ်သည်ဟု ဒေသခံများက ပြောသည်။ အဆိုပါ လက်နက်ကြီးကျည်မှာ ကယန်းကျေးရွာတစ်ရွာအတွင်း ကျရောက်ပေါက်ကွဲခဲ့သဖြင့် အသက် ၅၆ နှစ် အရွယ် ဦးစိုးဏ ဆိုသူ သေဆုံးခဲ့ရပြီး ၎င်းနှင့်အတူရှိနေသည့် အမျိုးသားတစ်ဦးလည်း ပြင်းထန် ဒဏ်ရာများ ရရှိခဲ့သည်။ ဖယ်ခုံမြို့နယ် အနောက်ဘက်ခြမ်း ကျေးရွာများသည် ပြီးခဲ့သည့် ဇန်နဝါရီ ၈ ရက်နေ့ကလည်း လက်နက်ကြီး ပစ် ခတ်ခံရမှုကြောင့် အမျိုးသမီးတစ်ဦး ဒဏ်ရာရရှိခဲ့ဖူးပြီး ယခုအခါ စစ်ကော်မရှင်တပ်က ပအိုဝ်းပြည်သူ့စစ် အဖွဲ့ (PNA) အကူအညီဖြင့် ဒေသအတွင်းသို့ ထပ်မံစစ်ကြောင်းထိုးရန် ပြင်ဆင်နေကြောင်း မြေပြင်သတင်းရင်းမြစ် များက ပြောသည်။ အနောက်ကယန်းဒေသသည် စစ်ဘေးရှောင်စခန်းများစွာ အပြင် ရှမ်း၊ ကရင်နီနှင့် ပြည်မဘက်မှ လာရောက်သည့် တော်လှန်ရေးတပ်ရင်းများ ခိုလှုံရာဒေသလည်းဖြစ်သည်။ စစ်ကော်မရှင်တပ်သည် အဆိုပါဒေသကို ပြန်လည်စိုးမိုးနိုင်ရန်အတွက် လက်နက်ကြီးဖြင့် ပစ်ခတ်ခြင်းနှင့် လေကြောင်းမှ ဗုံးကြဲတိုက်ခိုက်ခြင်းများကို မကြာခဏဆိုသလို ပြုလုပ်လျက်ရှိသည်။  

ဖယ်ခုံ အနောက်ခြမ်း ကျေးရွာများအတွင်း စစ်ကော်မရှင် လက်နက်ကြီးဖြင့်ပစ်၊ အရပ်သား တစ်ဦးသေ

ဖယ်ခုံ အနောက်ခြမ်း ကျေးရွာများအတွင်း စစ်ကော်မရှင် လက်နက်ကြီးဖြင့်ပစ်၊ အရပ်သား တစ်ဦးသေ သတင်းနှင့်မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၉ ရက်။&nbsp…

  • February 9, 2026
တောင်ကြီး အားကစားကွင်းဘေး ဆိုင်ခန်းများ ဖယ်ရှားရန် ထပ်မံ သတိပေးခံရ သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၉ ရက်။ ရွေးကောက်ပွဲအပြီး တောင်ကြီး အားကစားကွင်းဘေးရှိ ဆိုင်ခန်း ၁၀၀ ကျော် ဖယ်ရှားရန် ဝန်ကြီးချုပ်က ထပ်မံ ဖိအားပေးလိုက်သည်။ ရှမ်းပြည်နယ်၏ မြို့တော် တောင်ကြီးမြို့၊ ပြည်နယ်အားကစားကွင်း ပတ်ပတ်လည်ရှိ နှစ်ပေါင်း ၂၀ ကျော် သက်တမ်းရှိ ဆိုင်ခန်းပေါင်း ၁၀၀ ကျော်ကို လာမည့် ဖေဖော်ဝါရီ ၂၈ ရက်နေ့ နောက်ဆုံးထား၍ ဖယ်ရှားပေးရန် စစ်ကော်မရှင်ခန့် ပြည်နယ်ဝန်ကြီးချုပ်က တတိယအကြိမ်မြောက် သတိပေး ညွှန်ကြားလိုက်ခြင်း ဖြစ်သည်။ အဆိုပါ သတိပေးညွှန်ကြားချက်ကြောင့် ဆိုင်ခန်းရှင်များ အခက်တွေ့နေကြသည်။ နှစ်ပေါင်း ၂၀ ကျော်ကြာ ရောင်းချလာသည့် ဆိုင်ခန်းရှင်တစ်ဦးက “အခုရောင်းနေတဲ့ ဘောလုံးကွင်းဘေး ဆို တာက မြို့ထဲ၊ အလယ်တည့်တည့် အချက်အချာကျတာပေါ့။ ပြန်ပေးတာက မြို့စွန် ဟိုးရှမ်းကွင်းဘေး နေရာ တွေ။ အဲနား ဘယ်သူမှ မရောက်ဘူး။ ပြန်ပေးတာကလည်း ဖြစ်သလိုပါ။ ဟိုလိုကြီး နင်ကတော့ ပေဘယ် လောက်ရမယ် ဆိုတာမျိုး မဟုတ်ဘူး။ အားလုံး ဦးရာလူ ဖြစ်သလို ချနေကြတာ” ဟု ပြောသည်။ စစ်ကော်မရှင် လက်အောက်ခံ စည်ပင်သာယာရေး ဝန်ကြီးဌာန၏ အဆိုပါ ညွှန်ကြားချက်ကြောင့် ဆိုင်ခန်းနေရာ ရွှေ့ပြောင်းရေးနှင့် ပြန်လည်နေရာချထားရေးတို့ အတွက် အာမခံချက်မရှိဘဲ ဖြစ်သလို နေရာချပေးမှုများအပေါ် လုပ်ငန်းရှင်များက စိုးရိမ်နေကြသည်။ ဖယ်ရှားခံရမည့် ဆိုင်ခန်းစာရင်းတွင် စားသောက်ဆိုင်၊ စတိုးဆိုင်၊ ကိတ်ဆိုင်၊ အထည်ဆိုင်နှင့် မော်တော်ယာဉ် အပိုပစ္စည်းဆိုင်များ ပါဝင်ပြီး အများစုမှာ ပျမ်းမျှ သက်တမ်း ၂၅ နှစ်ခန့် ရှိပြီဖြစ်သည်။ စစ်အာဏာသိမ်းပြီးနောက်ပိုင်း စီးပွားရေး ကျဆင်းမှုဒဏ်ကို အရင်းကျေရုံမျှဖြင့် ရုန်းကန်နေရသည့် ဆိုင်ခန်းရှင် များအတွက် ယခုကဲ့သို့ အတင်းအကျပ် ရွှေ့ပြောင်းခိုင်းမှုမှာ ကြီးမားသော ဝန်ထုပ်ဝန်ပိုး ဖြစ်နေသည်။ မော်တော်ယာဉ်အပိုပစ္စည်းဆိုင် ဖွင့်လှစ်ထားသူတစ်ဦးက “ဒီကာလ ရွှေ့မယ်ဆိုရင် ဆိုင်ခန်းအသစ်ဆောက်ဖို့ ဘာ ညာခဏထား။ ရွှေ့တဲ့စရိတ်နဲ့တင် မနည်းဘူးလေ။ ဒီတခေါက်စာထုတ်တာတော့ တကယ်ဆော်မယ့် အထာပဲ။ ဘူဒိုဇာနဲ့ ထိုးဖျက်မယ်လို့လည်း လာပြောသွားတယ်” ဟု ပြောသည်။ အဆိုပါနေရာတွင် ရေကူးကန်၊ လူငယ်စင်တာနှင့် ကြက်တောင်ကွင်းများ တည်ဆောက်ရန် ပြည်နယ်ဝန်ကြီးချုပ် ဦးအောင်အောင်က လျာထားခြင်း ဖြစ်သည်။ ဇန်နဝါရီလလယ်ပိုင်းက ဆိုင်ခန်းဖျက်သိမ်းမည့် အစီအစဉ်ကို ခေတ္တဆိုင်းငံ့ထားခဲ့သော်လည်း ရွေးကောက်ပွဲ အပြီးတွင် ဆုံးဖြတ်ချက်ကို ပြန်လည်ပြင်ဆင်လိုက်ခြင်း ဖြစ်ကြောင်း ပြည်နယ်ဝန်ကြီးချုပ်ရုံးနှင့် နီးစပ်သူများက ဆိုသည်။ “အစက စာဝိုင်းတင်တော့ သူက မဖျက်တော့ဘူးဆိုပြီး လုပ်လိုက်သေးတယ်။ ဒီရွေးကောက်ပွဲ ရှေ့ကပေါ့။ နောက်ကျတော့ PNO ကို ရှုံးလို့လားမသိဘူး။ ဖျက်မယ်ဆိုပြီး ထပ်ကြေညာလိုက်တာ။” ဟု ဝန်ကြီးချုပ်ရုံးနှင့် နီးစပ်သည့် Non-CDM ဝန်ထမ်း တစ်ဦးက ပြောသည်။ ဝန်ကြီးချုပ် ဦးအောင်အောင်သည် တာဝန်ထမ်းဆောင်စဉ် ကာလအတွင်း တင်ဒါခေါ်ယူမှုများတွင် လာဘ်ပေး လာဘ်ယူမှုများ ပြုလုပ်ခဲ့ကြောင်း ဆောက်လုပ်ရေးကုမ္ပဏီများနှင့် နီးစပ်သူများအကြား ဝေဖန်မှုများ ထွက်ပေါ် နေသည်။ လက်ရှိတွင်လည်း ဦးအောင်အောင် တင်ဒါပေးခဲ့သည့် ကုမ္ပဏီများက တည်ဆောက်ထားသော ကားကြီးကွင်း ဘေးရှိ ဆိုင်ခန်းသစ်များသို့ လုပ်ငန်းရှင်များအား ရွှေ့ပြောင်းစေခြင်းဖြင့် ကိုယ်ကျိုးစီးပွား ရှာဖွေနေခြင်းဖြစ်သည် ဟု ဒေသခံများက ယူဆနေကြသည်။ စည်ပင်သာယာရေး ကော်မတီ အနေဖြင့် ပြီးခဲ့သည့် ဒီဇင်ဘာလ ၃ ရက်နှင့် ဇန်နဝါရီလ ၅ ရက်နေ့တို့တွင် နှစ်ကြိမ်တိုင်တိုင် သတိပေးခဲ့ပြီး ဖြစ်သော်လည်း ဆိုင်ခန်းရှင်များ လိုက်နာမှုမရှိသဖြင့် ယခု တတိယအကြိမ် မြောက် သတိပေးမှုမှာ နောက်ဆုံးဖြစ်ပြီး မလိုက်နာပါက အတင်းအကျပ် ဖယ်ရှားမည်ဟု ဆိုသည်။  

တောင်ကြီး အားကစားကွင်းဘေး ဆိုင်ခန်းများ ဖယ်ရှားရန် ထပ်မံ သတိပေးခံရ

တောင်ကြီး အားကစားကွင်းဘေး ဆိုင်ခန်းများ ဖယ်ရှားရန် ထပ်မံ သတိပေးခံရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၉ ရက်။  ရွေးကောက်ပွဲအ…

  • February 9, 2026
×Close