သတင်း

ဘင်္ဂလားဒေ့ရှ်နိုင်ငံ စစ်တကောင်းဒေသတွင် ရိုဟင်ဂျာ ၃၄၅ ဦးကို ရဲတပ်ဖွဲ့ဖမ်းဆီး သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၆ ရက်။ ဘင်္ဂလားဒေ့ရှ်နိုင်ငံ၊ စစ်တကောင်း (Chattogram) ဒေသ၊ ချန်ဒါနိုက်ရှ် (Chandanaish) မြို့နယ်တွင် တရားမဝင် နေထိုင်နေသော ရိုဟင်ဂျာ ၃၄၅ ဦးကို ၂၀၂၆ ခုနှစ်၊ ဖေဖော်ဝါရီလ ၅ ရက်နေ့က ဘင်္ဂလားဒေ့ရှ် လုံခြုံရေးတပ်ဖွဲ့များက ဖမ်းဆီးလိုက်ကြောင်း သိရသည်။ ကြာသပတေးနေ့ အရုဏ်တက်ချိန်တွင် ဘင်္ဂလားဒေ့ရှ် ကြည်းတပ်၊ ရဲတပ်ဖွဲ့နှင့် နယ်ခြားစောင့်တပ် (BGB) တို့ ပူးပေါင်း၍ တစ်အိမ်တက်ဆင်း ရှာဖွေမှုများ ပြုလုပ်ခဲ့ခြင်းဖြစ်သည်။ ဗုဒ္ဓဟူးနေ့ည သန်းခေါင်ယံ အချိန်ကတည်းက လုံခြုံရေး တပ်ဖွဲ့များက ဗမာများ နေထိုင်သော Burma Colony နယ်မြေကို ပိတ်ဆို့ထားခဲ့သည်။ မိုးလင်းစ မနက် ၆ နာရီတွင် လုံခြုံရေး တပ်ဖွဲ့များ က စစ်ဆင်ရေးကို စတင်ပြီး တအိမ်တက်ဆင်း စစ်ဆေးခဲ့ခြင်း ဖြစ်သည်။ အဆိုပါ စစ်ဆင်ရေးအတွင်း တရားဝင်အထောက်အထားမရှိသော အမျိုးသား ၁၇၆ ဦး၊ အမျိုးသမီး ၈၆ ဦးနှင့် ကလေးငယ် ၈၃ ဦးတို့ကို ဖမ်းဆီးခဲ့ခြင်းဖြစ်ကြောင်း Times of Bangladesh သတင်းစာက ဖော်ပြသည်။ ဖမ်းဆီးခံရသူများကို ဥပဒေကြောင်းအရ လိုအပ်သည်များ ဆောင်ရွက်ပြီးနောက် ကော့ဘဇား (Cox’s Bazar) ရှိ ဒုက္ခသည်စခန်းများသို့ ပြန်လည်ပို့ဆောင်သွားမည်ဖြစ်ကြောင်း သက်ဆိုင်ရာ ရဲစခန်းမှူးက ပြောကြားခဲ့သည်။

ဘင်္ဂလားဒေ့ရှ်နိုင်ငံ စစ်တကောင်းဒေသတွင် ရိုဟင်ဂျာ ၃၄၅ ဦးကို ရဲတပ်ဖွဲ့ဖမ်းဆီး

ဘင်္ဂလားဒေ့ရှ်နိုင်ငံ စစ်တကောင်းဒေသတွင် ရိုဟင်ဂျာ ၃၄၅ ဦးကို ရဲတပ်ဖွဲ့ဖမ်းဆီး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၆ ရက်။  ဘင်…

  • February 6, 2026
အမေရိကန်နဲ့ အာဂျင်တီးနား လွတ်လပ်စွာ ကုန်သွယ်ရေး သဘောတူညီချက် လက်မှတ်ထိုး သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၆ ရက်။ အာဂျင်တီးနားနိုင်ငံနှင့် အမေရိကန်ပြည်ထောင်စုတို့အကြား လွတ်လပ်စွာကုန်သွယ်မှု သဘောတူညီချက် (Free Trade Deal) ကို ၂၀၂၆ ခုနှစ်၊ ဖေဖော်ဝါရီလ ၅ ရက် (ကြာသပတေးနေ့) တွင် အောင်မြင်စွာ လက်မှတ်ရေးထိုးနိုင်ခဲ့သည်။ အဆိုပါ သဘောတူညီချက်သည် အာဂျင်တီးနားသမ္မတ ဟာဗီယာ မီလိုင်း (Javier Milei) အတွက် ၎င်း၏နိုင်ငံစီးပွားရေးကို ကမ္ဘာ့ဈေးကွက်သို့ ဖွင့်လှစ်ပေးလိုက်သည့် ကြီးမားသော အောင်ပွဲတစ်ခုဖြစ်ပြီး သမ္မတ ဒေါ်နယ်ထရန့်နှင့် ၎င်းတို့အကြားရှိ ခိုင်မာသော မဟာမိတ်ဆက်ဆံရေးကိုလည်း ပေါ်လွင်စေခဲ့သည်။ ယခု သဘောတူညီချက်အရ အာဂျင်တီးနားအစိုးရသည် အမေရိကန်ပြည်ထောင်စုမှ တင်သွင်းသော နွား၊ နို့ထွက်ပစ္စည်း၊ ဆေးဝါး၊ ဓာတုပစ္စည်း၊ စက်ယန္တရား၊ ဆေးဘက်ဆိုင်ရာပစ္စည်းများနှင့် မော်တော်ယာဉ်များအပေါ် ကန့်သတ်ချက်များကို လျှော့ချပေးမည် ဖြစ်သည်။ အလားတူ အမေရိကန်ဘက်ကလည်း အာဂျင်တီးနားနိုင်ငံမှ ထွက်ရှိသည့် သဘာဝသယံဇာတအချို့နှင့် ဆေးဝါးဖော်စပ်ရာတွင် အသုံးပြုသော ကုန်ကြမ်းပစ္စည်းများကို အခွန်ကင်းလွတ်ခွင့် ပေးအပ်မည်ဖြစ်သည်။ သမ္မတထရန့်သည် ပြီးခဲ့သည့်နှစ်အတွင်း အာဂျင်တီးနား၏ စီးပွားရေးအကျပ်အတည်းကို ကူညီရန်အတွက် အမေရိကန်ဒေါ်လာ ၂၀ ဘီလီယံ ပံ့ပိုးပေးခဲ့သည့်အပြင်၊ အာဂျင်တီးနား၏ ငွေတိုက်စာချုပ်များကိုလည်း အမေရိကန်ဘဏ္ဍာရေးဌာနမှ တိုက်ရိုက်ဝယ်ယူပေးခဲ့သည်။ ထိုကဲ့သို့ ထူးခြားသော ငွေကြေးပံ့ပိုးမှုများကြောင့် အာဂျင်တီးနား၏ စီးပွားရေးမှာ ပြန်လည်တည်ငြိမ်လာခဲ့သည်။ သမ္မတ မီလိုင်းသည် ၂၀၂၃ ခုနှစ် သမ္မတ ဖြစ်လာချိန်မှ စ၍ အာဂျင်တီးနား၏ နိုင်ငံခြားရေးမူဝါဒကို အမေရိကန်နှင့် တစ်သားတည်းဖြစ်စေရန် ပြောင်းလဲခဲ့ပြီး လွန်ခဲ့သည့် ၂ နှစ်အတွင်း အမေရိကန်ပြည်ထောင်စုသို့ ၁၂ ကြိမ်ထက်မက သွားရောက်ခဲ့သည်။ ထို့အပြင် လာမည့်အပတ်တွင် သမ္မတထရန့်၏ မာ-အာ-လဂိုး (Mar-a-Lago) အပန်းဖြေစခန်း၌ ကျင်းပမည့် ဂါလာပွဲတွင်လည်း မိန့်ခွန်းပြောကြားရန် အစီအစဉ်ရှိကြောင်း သိရသည်။ အမေရိကန်အစိုးရ၏ အာဂျင်တီးနားအပေါ် ထူးထူးခြားခြား ငွေကြေးပံ့ပိုးမှုများအပေါ် အမေရိကန်နိုင်ငံရေးလောကအတွင်း ဝေဖန်မှုအချို့ ရှိနေသည်။ တစ်ဖက်တွင်လည်း အာဂျင်တီးနားပြည်တွင်းရှိ စက်မှုလုပ်ငန်းရှင်များက အမေရိကန်သွင်းကုန်များ အလုံးအရင်းနှင့် ဝင်ရောက်လာပါက ဒေသတွင်း ထွက်ကုန်များ ယှဉ်ပြိုင်နိုင်စွမ်း ကျဆင်းသွားမည်ကို စိုးရိမ်လျက်ရှိကြသည်။

အမေရိကန်နဲ့ အာဂျင်တီးနား လွတ်လပ်စွာ ကုန်သွယ်ရေး သဘောတူညီချက် လက်မှတ်ထိုး

အမေရိကန်နဲ့ အာဂျင်တီးနား လွတ်လပ်စွာ ကုန်သွယ်ရေး သဘောတူညီချက် လက်မှတ်ထိုး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၆ ရက်။  အာဂျင်တ…

  • February 6, 2026
မလေးရှား ဈေးဝယ် စင်တာတစ်ခုကို လ.ဝ.က ရဲများဝင်စီးပြီး မြန်မာ အပါအဝင် တရားဝင် လက်မှတ်မရှိသည့် အလုပ်သမား ၁၅၀ ကျော်ကို ဖမ်းဆီး သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၆ ရက်။ မလေးရှားနိုင်ငံ၊ ကွာလာလမ်ပူမြို့အနီးရှိ ချားရပ်စ် (Cheras) နယ်မြေအတွင်းရှိ ဈေးဝယ်စင်တာတစ်ခု၌ လူဝင်မှုကြီးကြပ်ရေးဌာနက ဝင်ရောက်စီးနင်းမှုတစ်ရပ် လုပ်ဆောင်ခဲ့ရာ မြန်မာနိုင်ငံသားများ အပါအဝင် နိုင်ငံခြားသား အလုပ်သမား ၁၅၂ ဦးကို ဖမ်းဆီးရမိခဲ့ကြောင်း ဘနားမား (Bernama) သတင်းဌာနက ဖော်ပြသည်။ မလေးရှားလူဝင်မှုကြီးကြပ်ရေးဌာနသည် ကြာသပတေးနေ့ (ဖေဖော်ဝါရီ ၅ ရက်) ည ၈ နာရီဝန်းကျင်တွင် Ops Selera နှင့် Ops Sapu (ဆီလားရာ နဲ့ ဆာပူး စစ်ဆင်ရေး) ဟု အမည်ပေးထားသော စစ်ဆင်ရေးများကို လုပ်ဆောင်ခဲ့ခြင်းဖြစ်သည်။ အဆိုပါစီးနင်းမှုတွင် ထူးခြားချက်အနေဖြင့် လူအုပ်ကြားထဲသို့ ရောနှောထွက်ပြေးရန် ကြိုးပမ်းသူများကို တိကျစွာ ခြေရာခံနိုင်ရန်အတွက် အပူလှိုင်းဖမ်းဒရုန်း (Thermal Drone) နည်းပညာကို အသုံးပြု၍ ဖမ်းဆီးခဲ့ခြင်း ဖြစ်သည်။ အဆိုပါ ဈေးဝယ်စင်တာအတွင်းရှိ စားသောက်ဆိုင်များတွင် တရားမဝင်နိုင်ငံခြားသား အလုပ်သမားများ အများအပြား ရှိနေကြောင်း ပြည်သူများ၏ တိုင်ကြားချက်အရ အာဏာပိုင်များက တစ်ပတ်ကြာ ထောက်လှမ်းရေးလုပ်ငန်းများ လုပ်ဆောင်ခဲ့ကြသည်။ စုစုပေါင်း လူဦးရေ ၈၉၀ နီးပါးကို စစ်ဆေးခဲ့ရာတွင် အထောက်အထား မပြည့်စုံသူ အမျိုးသား ၈၂ ဦးနှင့် အမျိုးသမီး ၇၀ ဦး (စုစုပေါင်း ၁၅၂ ဦး) ကို စစ်ဆေးတွေ့ရှိခဲ့ခြင်း ဖြစ်သည်။ ၎င်းတို့တွင် မြန်မာ၊ တရုတ်၊ အင်ဒိုနီးရှားနှင့် ဘင်္ဂလားဒေ့ရှ် နိုင်ငံသားများ ပါဝင်ကြောင်း သိရသည်။ ဖမ်းဆီးခံရသူများကို တရားဝင် ခရီးသွားလာခွင့် အထောက်အထား (Passport/Visa) မရှိခြင်း၊ လုပ်ငန်းခွင်ပါမစ် စည်းကမ်းချက်များ ချိုးဖောက်ခြင်း။ ဗီဇာသက်တမ်း ကျော်လွန်နေထိုင်ခြင်း (Overstay)နှင့် အစိုးရက အသိအမှတ်မပြုထားသော ကတ်ပြားများကို ကိုင်ဆောင်ခြင်း အမှုများဖြင့် ဖမ်းဆီးထားသည်။ လက်ရှိတွင် ဖမ်းဆီးခံရသူအားလုံးကို Beranang လူဝင်မှုကြီးကြပ်ရေး ထိန်းသိမ်းရေးစခန်းသို့ ပို့ဆောင်ထားပြီး ဥပဒေအရ ဆက်လက်အရေးယူ ဆောင်ရွက်သွားမည် ဖြစ်သည်။ လက်ရှိကာလတွင် တရုတ်နှစ်သစ်ကူး ပွဲတော်နီးကပ်လာပြီ ဖြစ်သောကြောင့် မလေးရှားလူဝင်မှုကြီးကြပ်ရေးဌာနသည် နိုင်ငံတစ်ဝန်း၌ စစ်ဆေးမှုများကို အရှိန်အဟုန်မြှင့် လုပ်ဆောင်လျက်ရှိသည်။ ညဈေးတန်းများ၊ TBS ကားဂိတ်ကြီးများကဲ့သို့သော အများပြည်သူနှင့် သက်ဆိုင်သည့် နေရာများတွင် ရှောင်တခင် စစ်ဆေးမှုများ ပြုလုပ်နေသကဲ့သို့ Klang (ကလန်း)၊ Nilai (နီလိုင်း) နှင့် Johor (ဂျိုဟိုး) ဒေသများရှိ စက်ရုံများကိုလည်း ဝင်ရောက်စီးနင်းမှုများ ခပ်စိပ်စိပ် ပြုလုပ်လျက်ရှိသည်။ သို့ဖြစ်ပါ၍ မလေးရှားရောက် မြန်မာနိုင်ငံသားများအနေဖြင့် လူစည်ကားရာ နေရာများနှင့် ဈေးဝယ်စင်တာများသို့ သွားလာရာတွင် မိမိတို့၏ အထောက်အထား စာရွက်စာတမ်းများ (Passport/Permit) ကို လက်ဝယ်မြဲမြံစွာ ဆောင်ထားကြပါရန် တိုက်တွန်းနှိုးဆော်ထားသည်။

မလေးရှား ဈေးဝယ် စင်တာတစ်ခုကို လ.ဝ.က ရဲများဝင်စီးပြီး မြန်မာ အပါအဝင် တရားဝင် လက်မှတ်မရှိသည့် အလုပ်သမား ၁၅၀ ကျော်ကို ဖမ်းဆီး

မလေးရှား ဈေးဝယ် စင်တာတစ်ခုကို လ.ဝ.က ရဲများဝင်စီးပြီး မြန်မာ အပါအဝင် တရားဝင် လက်မှတ်မရှိသည့် အလုပ်သမား ၁၅၀ ကျော်ကို ဖမ်းဆီး  သတင်းနှင့် မီဒီယာ ကွန်ရ…

  • February 6, 2026
ဖလော်ရီဒါ ပြည်နယ် အိုမားဟားမြို့မှ ကရင် အမည်နှင့် လူငယ် တစ်ဦး ပြန်ပေးမှုဖြင့် ဖမ်းခံရ   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၅ ရက်။ အမေရိကန်ပြည်ထောင်စုတွင် အသက် ၁၉ နှစ်အရွယ် ကရင်နွယ်ဖွား လူငယ်တစ်ဦးဖြစ်သူ Hser Mu Lah Say (ဆာမူးလာစေး) ဆိုသူသည် အွန်လိုင်းဂိမ်းမှတစ်ဆင့် ကလေးငယ်များကို ဖြားယောင်းသွေးဆောင်၍ ပြန်ပေးဆွဲခဲ့သည့်အတွက် ဖမ်းဆီးအရေးယူခံရသည်။ ဖလော်ရီဒါပြည်နယ်မှ အသက် ၁၂ နှစ်နှင့် ၁၅ နှစ်အရွယ်ရှိ ညီအစ်မနှစ်ဦးမှာ ပြီးခဲ့သည့် စနေနေ့ညက ပျောက်ဆုံးသွားခဲ့ရာမှ ဂျော်ဂျီယာပြည်နယ်တွင် ပြန်လည်တွေ့ရှိခဲ့ခြင်း ဖြစ်သည်။ မာတင်ကောင်တီ ရဲအရာရှိရုံး၏ ထုတ်ပြန်ချက်အရ အဆိုပါမိန်းကလေးငယ်များသည် "Roblox" ဂိမ်းနှင့် Snapchat တို့မှတစ်ဆင့် သံသယရှိသူ လူငယ်နှင့် ရင်းနှီးခဲ့ကြခြင်းဖြစ်သည်။ သံသယရှိသူသည် ကလေးငယ်များကို ခေါ်ဆောင်ရန် အိုမားဟားမြို့မှ ဖလော်ရီဒါသို့ ကားမောင်းလာခဲ့ပြီး ပြည်နယ်ကျော် ခေါ်ဆောင်ရန် ကြိုးပမ်းစဉ် ဂျော်ဂျီယာပြည်နယ် လမ်းကင်းလှည့်ရဲတပ်ဖွဲ့၏ တားဆီးခြင်းကို ခံခဲ့ရသည်။ လက်ရှိတွင် မိန်းကလေးငယ်များမှာ ဘေးကင်းလုံခြုံစွာ ရှိနေပြီး၊ သံသယရှိသူ ဆာမူးလာဆေးကိုမူ ပြန်ပေးဆွဲမှု အပါအဝင် စွဲချက်များစွာဖြင့် ဖမ်းဆီးထိန်းသိမ်းထားပြီ ဖြစ်သည်။

ဖလော်ရီဒါ ပြည်နယ် အိုမားဟားမြို့မှ ကရင် အမည်နှင့် လူငယ် တစ်ဦး ပြန်ပေးမှုဖြင့် ဖမ်းခံရ

ဖလော်ရီဒါ ပြည်နယ် အိုမားဟားမြို့မှ ကရင် အမည်နှင့် လူငယ် တစ်ဦး ပြန်ပေးမှုဖြင့် ဖမ်းခံရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၅ ရက်။  …

  • February 5, 2026
ရုရှားနှင့် မြန်မာစစ်ကောင်စီအကြား ၅ နှစ်သက်တမ်းရှိ စစ်ရေးစာချုပ် ချုပ်ဆို   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၅ ရက်။ ရုရှားနိုင်ငံနှင့် မြန်မာစစ်ကောင်စီတို့အကြား ၂၀၃၀ ပြည့်နှစ်အထိ အကျုံးဝင်မည့် ၅ နှစ်သက်တမ်းရှိ စစ်ဘက်ဆိုင်ရာ ပူးပေါင်းဆောင်ရွက်ရေး သဘောတူညီချက်ကို လက်မှတ်ရေးထိုးခဲ့ကြောင်း ရုရှားအခြေစိုက် TASS သတင်းဌာနက ဖော်ပြခဲ့သည်။ ရုရှားလုံခြုံရေးကောင်စီ အတွင်းရေးမှူး ဆာဂေးရွှိုင်ဂူ မြန်မာနိုင်ငံသို့ လာရောက်သည့် ခရီးစဉ်အတွင်း ဤစာချုပ်ကို ချုပ်ဆိုခဲ့ခြင်းဖြစ်သည်။ အဆိုပါ သဘောတူညီချက်အရ ရုရှားနိုင်ငံသည် မြန်မာနိုင်ငံအား စစ်ရေးဘက်တွင်သာမက နိုင်ငံတကာမျက်နှာစာ၌ စစ်ကောင်စီဘက်မှ ရပ်တည်ပေးရန်အပါအဝင် ဘက်စုံကူညီမှုများ ပေးအပ်သွားမည်ဖြစ်သည်။ ပူးပေါင်းဆောင်ရွက်မှုများတွင် ထောက်လှမ်းရေး၊ လုံခြုံရေး၊ ဆိုက်ဘာတိုက်ခိုက်မှု ကာကွယ်ရေးနှင့် ငွေကြေးခဝါချမှု တိုက်ဖျက်ရေးတို့ ပါဝင်သည်။ ထို့အပြင် နျူကလီးယားနှင့် စွမ်းအင်ကဏ္ဍဆိုင်ရာ သင်တန်းများ ပေးအပ်ခြင်းနှင့် ရုရှား၏ ဂြိုဟ်တုနည်းပညာများကို အသုံးပြုနိုင်ရေးအတွက်လည်း အပြန်အလှန် သဘောတူညီခဲ့ကြသည်။

ရုရှားနှင့် မြန်မာစစ်ကောင်စီအကြား ၅ နှစ်သက်တမ်းရှိ စစ်ရေးစာချုပ် ချုပ်ဆို

ရုရှားနှင့် မြန်မာစစ်ကော်််််မရှင်ရှငရှရအကြား ၅ နှစ်သက်တမ်းရှိ စစ်ရေးစာချုပ် ချုပ်ဆို သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၅ ရက်။  …

  • February 5, 2026
ဒေါ်နယ်ထရမ့်နှင့် ရှီကျင်းပင် ကုန်သွယ်ရေး၊ ထိုင်ဝမ် အရေးများ တယ်လီဖုန်းဖြင့် ဆွေးနွေး   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၅ ရက်။ အမေရိကန်ပြည်ထောင်စုနှင့် တရုတ်နိုင်ငံတို့အကြား တင်းမာမှုများ လျှော့ပါးစေရန် ရည်ရွယ်၍ အမေရိကန်သမ္မတ ဒေါ်နယ်ထရမ့်နှင့် တရုတ်သမ္မတ ရှီကျင့်ဖျင်တို့သည် ၂၀၂၆ ခုနှစ်၊ ဖေဖော်ဝါရီလ ၄ ရက် (ဗုဒ္ဓဟူးနေ့) တွင် တယ်လီဖုန်းဖြင့် ဆက်သွယ်ဆွေးနွေးခဲ့ကြသည်။ အဆိုပါဆွေးနွေးမှုတွင် ပဲပိစပ်ကုန်သွယ်မှုနှင့် တိုင်ဝမ်အရေးတို့မှာ အဓိကအချက်များ ဖြစ်ခဲ့သည်။ တရုတ်နိုင်ငံအနေဖြင့် အမေရိကန်ထံမှ ပဲပိစပ်ဝယ်ယူမှုကို ယခင်တန်ချိန် ၁၂ သန်းမှ တန်ချိန် သန်း ၂၀ အထိ တိုးမြှင့်ရန် စဉ်းစားနေပြီး၊ ယင်းမှာ လာမည့် ဧပြီလတွင် ပြုလုပ်မည့် သမ္မတထရမ့်၏ ဘေဂျင်းခရီးစဉ်မတိုင်မီ ပြသသော ချစ်ကြည်ရေးလက္ခဏာတစ်ခုဖြစ်သည်။ သို့သော် အမေရိကန်က တိုင်ဝမ်သို့ ဒေါ်လာ ၁၁.၁ ဘီလီယံဖိုး လက်နက်ရောင်းချရန် စီစဉ်နေမှုကိုမူ သတိထားကိုင်တွယ်ရန် တရုတ်ဘက်က သတိပေးခဲ့သည်။ ထို့အပြင် နှစ်နိုင်ငံခေါင်းဆောင်များသည် အီရန်အရေး၊ ရုရှား-ယူကရိန်းစစ်ပွဲနှင့် စွမ်းအင်ကဏ္ဍများကိုလည်း ထည့်သွင်းဆွေးနွေးခဲ့ကြသည်။ အထူးခြားဆုံးအချက်မှာ သမ္မတ ရှီကျင့်ဖျင်သည် သမ္မတထရမ့်နှင့် မဆွေးနွေးမီ နာရီပိုင်းအလိုတွင် ရုရှားသမ္မတ ဗလာဒီမာပူတင်နှင့် ဗီဒီယိုကွန်ဖရင့်ဖြင့် ဆွေးနွေးခဲ့ပြီး ပူတင်အား တရုတ်နိုင်ငံသို့ လာရောက်ရန် ဖိတ်ကြားခဲ့ခြင်းဖြစ်သည်။ ဤလုပ်ရပ်သည် တရုတ်နိုင်ငံအနေဖြင့် အမေရိကန်နှင့် ဆက်ဆံရေးပြေလည်အောင် ကြိုးပမ်းနေသော်လည်း ရုရှားနှင့် မဟာဗျူဟာမြောက် မဟာမိတ်အဖြစ် ခိုင်မာစွာ ဆက်လက်ရပ်တည်နေကြောင်း ပြသလိုက်ခြင်း ဖြစ်သည်။

ဒေါ်နယ်ထရမ့်နှင့် ရှီကျင်းပင် ကုန်သွယ်ရေး၊ ထိုင်ဝမ် အရေးများ တယ်လီဖုန်းဖြင့် ဆွေးနွေး

ဒေါ်နယ်ထရမ့်နှင့် ရှီကျင်းပင် ကုန်သွယ်ရေး၊ ထိုင်ဝမ် အရေးများ တယ်လီဖုန်းဖြင့် ဆွေးနွေး  သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၅ ရက်။  …

  • February 5, 2026
နျူကလီးယား မပြန့်ပွားရေး စာချုပ် သက်တမ်းကုန်သွားပြီ သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၅ ရက်။ ကမ္ဘာ့အင်အားကြီးနိုင်ငံများဖြစ်ကြသော အမေရိကန်ပြည်ထောင်စုနှင့် ရုရှားနိုင်ငံတို့အကြား ချုပ်ဆိုထားသည့် "မဟာဗျူဟာမြောက် လက်နက်များ လျှော့ချရေးစာချုပ်" သို့မဟုတ် New START (New Strategic Arms Reduction Treaty) သည် ယနေ့ ၂၀၂၆ ခုနှစ်၊ ဖေဖော်ဝါရီလ ၅ ရက်နေ့တွင် သက်တမ်းကုန်ဆုံးသွားပြီ ဖြစ်သည်။ ဤသို့ နျူကလီးယားလက်နက် ထိန်းချုပ်ရေးဆိုင်ရာ နောက်ဆုံးလက်ကျန်စာချုပ် ပျက်ပြားသွားခြင်းကြောင့် ကမ္ဘာ့နိုင်ငံများအကြား လက်နက်အပြိုင်အဆိုင် ထုတ်လုပ်လာမည့်အရေးကို နိုင်ငံတကာခေါင်းဆောင်များနှင့် စစ်ဘက်ဆိုင်ရာပညာရှင်များက များစွာစိုးရိမ်လျက်ရှိကြသည်။ မဟာဗျူဟာမြောက် လက်နက်များ လျှော့ချရေးစာချုပ် (START) ကို ၁၉၉၁ ခုနှစ်တွင် ဆိုဗီယက်ယူနီယံနှင့် အမေရိကန်ပြည်ထောင်စုတို့အကြား ပထမဆုံးအကြိမ် လက်မှတ်ရေးထိုးခဲ့ကြသည်။ ဆိုဗီယက်ယူနီယံ ပြိုကွဲပြီးနောက် ၂၀၁၀ ပြည့်နှစ်၊ ဧပြီလ ၈ ရက်နေ့တွင် အမေရိကန်သမ္မတ ဘာရက်အိုဘားမားနှင့် ရုရှားသမ္မတ ဒီမီထရီမက်ဗီဒက်တို့က ချက်သမ္မတနိုင်ငံ၊ ပရဂ်မြို့၌ စာချုပ်သစ်ကို ထပ်မံလက်မှတ်ရေးထိုးခဲ့ကြရာမှ "New START" ဟု အမည်တွင်လာခဲ့ခြင်း ဖြစ်သည်။ အဆိုပါစာချုပ်၏ အဓိကသဘောတူညီချက်မှာ နှစ်နိုင်ငံလုံးတွင် တပ်ဆင်ထားသည့် နျူကလီးယားထိပ်ဖူး အရေအတွက်ကို ၁,၅၀၀ ထက် မကျော်လွန်စေရန်နှင့် တစ်ဖက်နိုင်ငံ၏ လက်နက်အခြေအနေကို အပြန်အလှန် သွားရောက်ကြည့်ရှု စစ်ဆေးနိုင်ရန်ဖြစ်သည်။ ယင်းသည် ကမ္ဘာ့နျူကလီးယားစစ်ပွဲ မဖြစ်ပွားစေရန် ထိန်းကျောင်းပေးထားသော အဓိကကျသည့် ယန္တရားတစ်ခုလည်း ဖြစ်သည်။ စာချုပ်သက်တမ်း ကုန်ဆုံးသွားခြင်းကြောင့် နျူကလီးယားလက်နက်ဆိုင်ရာ ပွင့်လင်းမြင်သာမှုများ ပျောက်ကွယ်သွားပြီး နိုင်ငံကြီးများအကြား သံသယများ ပိုမိုကြီးထွားလာနိုင်ကြောင်း ပညာရှင်များက ထောက်ပြကြသည်။ တစ်ဖက်နိုင်ငံ၏ လှုပ်ရှားမှုများကို မသိရှိနိုင်တော့သည့်အတွက် အမှားအယွင်းတစ်ခုခုကြောင့်ဖြစ်စေ၊ မှားယွင်းသော ဆုံးဖြတ်ချက်ကြောင့်ဖြစ်စေ နျူကလီးယားစစ်ပွဲအထိ ဦးတည်သွားနိုင်သည့် အန္တရာယ်ရှိနေသည်။ ရုရှားသမ္မတဟောင်း ဒီမီထရီမက်ဗီဒက်က ဤစာချုပ်ပျက်ပြားခြင်းသည် လူတိုင်းအတွက် ထိတ်လန့်စရာဖြစ်ကြောင်းနှင့် ကမ္ဘာစစ်အထိ ဦးတည်သွားနိုင်ကြောင်း သတိပေးထားသည်။ ရုရှားနိုင်ငံခြားရေးဝန်ကြီးဌာနကမူ ၎င်းတို့၏ အမျိုးသားလုံခြုံရေးအတွက် လိုအပ်သော စစ်ဘက်ဆိုင်ရာ အစီအမံများကို ဆက်လက်လုပ်ဆောင်သွားမည်ဟု ထုတ်ပြန်ထားသည်။ တစ်ဖက်တွင်လည်း အမေရိကန်သမ္မတ ဒေါ်နယ်ထရမ့်က စာချုပ်သက်တမ်းကုန်ဆုံးသွားခြင်းအပေါ် စိုးရိမ်မှုမရှိဘဲ ယခုထက် ပိုမိုကောင်းမွန်သည့် စာချုပ်သစ်ကို ထပ်မံချုပ်ဆိုနိုင်မည်ဟု ယုံကြည်နေသည်။ သို့သော် သမ္မတထရမ့်အနေဖြင့် စာချုပ်သစ်တွင် တရုတ်နိုင်ငံကိုပါ ပါဝင်စေလိုသော်လည်း တရုတ်ဘက်က စိတ်ဝင်စားမှုမရှိခြင်းနှင့် စာချုပ်သစ်ချုပ်ဆိုရန် အချိန်ကြာမြင့်နိုင်ခြင်းတို့ကြောင့် လက်နက်ထိန်းချုပ်မှုမဲ့နေသည့် ယခုကာလသည် အလွန်အန္တရာယ်ကြီးမားနေသည်ဟု ဝေဖန်မှုများရှိနေသည်။ ထို့အတူ ပုပ်ရဟန်းမင်းကြီး လီယို (Pope Leo) ကလည်း လက်နက်ပြိုင်ဆိုင်မှုအသစ်ကို ရှောင်ရှားရန်နှင့် စာချုပ်သစ်အတွက် အစွမ်းကုန်ကြိုးစားကြရန် တိုက်တွန်းမိန့်ကြားထားသည်။ လက်ရှိကမ္ဘာ့နျူကလီးယား အခြေအနေ ၂၀၂၅ ခုနှစ်၊ ခန့်မှန်းချက်များအရ ကမ္ဘာပေါ်တွင် ရုရှားနိုင်ငံသည် နျူကလီးယားထိပ်ဖူး ၅,၄၅၉ ခုဖြင့် အများဆုံးပိုင်ဆိုင်ထားပြီး၊ အမေရိကန်ပြည်ထောင်စုက ၅,၁၇၇ ခု၊ တရုတ်နိုင်ငံက ၆၀၀ ခု စသည်ဖြင့် အစဉ်လိုက် ပိုင်ဆိုင်ထားကြသည်။ နိုင်ငံ နျူကလီးယားထိပ်ဖူး အရေအတွက် (စုစုပေါင်း) ရုရှား ၅,၄၅၉ အမေရိကန် ၅,၁၇၇ တရုတ် ၆၀၀ ပြင်သစ် ၂၉၀ ဗြိတိန် ၂၂၅ အိန္ဒိယ ၁၈၀ ပါကစ္စတန် ၁၇၀ အစ္စရေး ၉၀ မြောက်ကိုရီးယား ၅၀ (၂၀၂၅ ခုနှစ်ခန့်မှန်းစာရင်းအရ) ကမ္ဘာပေါ်တွင် နိုင်ငံအလိုက် နျူကလီးယား ထိပ်ဖူး ပိုင်ဆိုင်မှု ဇယား   လက်ရှိတွင် အမေရိကန်၊ ရုရှားနှင့် တရုတ်တို့သည် အသံထက်မြန်သည့် ဒုံးကျည်များ (Hypersonic missiles) နှင့် အဆင့်မြင့် ရေအောက်ဒရုန်းများကဲ့သို့သော ခေတ်မီနျူကလီးယားနည်းပညာများကို အပြိုင်အဆိုင် တိုးမြှင့်ထုတ်လုပ်နေကြသည်။ နိဂုံးချုပ်အားဖြင့် နျူကလီးယားအင်အားကြီးနိုင်ငံများအကြား လက်နက်ထိန်းချုပ်ရေးစာချုပ်များ မရှိတော့ခြင်းသည် ကမ္ဘာကြီးကို မတည်ငြိမ်မှုများနှင့် အန္တရာယ်များပြည့်နှက်နေသော ခေတ်သစ်တစ်ခုအတွင်းသို့ တွန်းပို့လိုက်ခြင်းဖြစ်ကြောင်း ပညာရှင်များက တညီတညွတ်တည်း သုံးသပ်ထားကြပါသည်။

နျူကလီးယား မပြန့်ပွားရေး စာချုပ် သက်တမ်းကုန်သွားပြီ

နျူကလီးယား မပြန့်ပွားရေး စာချုပ် သက်တမ်းကုန်သွားပြီ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၅ ရက်။  ကမ္ဘာ့အင်အားကြီးနိုင်ငံများဖ…

  • February 5, 2026
ဖလမ်းသို့တက်လာသည့် စစ်ကူစစ်ကြောင်း ကြားဖြတ်တိုက်ခိုက်ခံရ၊ ၃၀ ကျော်သေဆုံး

 သတင်းနှင့်မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၄ ရက်။ ချင်းပြည် မြောက်ပိုင်း၊ တော်လှန်ရေးတပ်ဖွဲ့များ သိမ်းပိုက်ထားသည့် ဖလမ်းမြို့သို့ စစ်ကူပေးရန် တက်လာသော စစ်ကော်မရှင် စစ်ကြောင်း ကြားဖြတ်တိုက်ခိုက်ခံရပြီး ဗိုလ်မှူးတစ်ဦး အပါအဝင် စစ်ကော်မရှင် တပ်သား ၃၆ ဦး သေဆုံးကာ လက်နက်ခဲယမ်းအမြောက်အမြား သိမ်းဆည်းရမိခဲ့သည်။ ပြီးခဲ့သည့် ဖေဖော်ဝါရီ ၃ ရက်၊ နံနက်ပိုင်းက စစ်ကိုင်းတိုင်း၊ ကလေးမြို့ဘက်မှ ဖလမ်းမြို့သို့ ဦးတည် တက်လာသည့် အင်အား ၂၀၀ ကျော်ပါ စစ်ကော်မရှင် စစ်ကြောင်းကို သိုင်းငင်းနှင့် ဖလမ်းမြို့အကြားတွင် ချင်းညီနောင် (CB) နှင့် ချင်းအမျိုးသားတပ်မတော် (CNA) ပူးပေါင်းတပ်ဖွဲ့များက စောင့်ကြိုတိုက်ခိုက်ခဲ့ခြင်း ဖြစ်သည်။ ၂ နာရီနီးပါး ကြာမြင့်ခဲ့သည့် အဆိုပါ တိုက်ပွဲအတွင်း စစ်ကော်မရှင်ဘက်မှ အလောင်း ၃၆ လောင်းနှင့်အတူ လက်နက် ၃၀ ကျော်ကို ချင်းပူးပေါင်းတပ်ဖွဲ့များက သိမ်းဆည်းရမိခဲ့ပြီး တော်လှန်ရေးရဲဘော် ၄ ဦး ကျဆုံးကာ ၇ ဦး ဒဏ်ရာရရှိခဲ့သည်။ မြေပြင်သတင်းရင်းမြစ်တစ်ဦးက တိုက်ပွဲအခြေအနေနှင့် ပတ်သက်၍ “သူတို့က ဖလမ်းကို ပြန်ရဖို့ အင်အား အလုံးအရင်းနဲ့ စစ်ကူလွှတ်နေတာ။ ဒါပေမဲ့ ကျနော်တို့ဘက်က လမ်းကြောင်းတွေကို ဝိုင်းဝန်းပိတ်ဆို့ထားတော့ သူတို့ ရှေ့မတိုးနိုင်ဘဲ တန့်နေတယ်။ မြေပြင်မှာ အထိနာတော့ လေကြောင်းနဲ့ ဒရုန်းကိုပဲ အလွန်အကျွံသုံးပြီး ပစ်နေပေမဲ့ ဒီနေ့အထိ မြို့နားကိုတောင် သူတို့ မကပ်နိုင်သေးဘူး” ဟု ပြောသည်။ ဖလမ်းမြို့ကို ၂၀၂၅ ခုနှစ် ဧပြီလကတည်းက ချင်းတော်လှန်ရေးတပ်ဖွဲ့များက သိမ်းပိုက်ထားခြင်းဖြစ်ပြီး စစ်ကော်မရှင်တပ်သည် အဆိုပါမြို့ကို ပြန်လည်ရရှိရန် ပြီးခဲ့သည့် အောက်တိုဘာလ ကတည်းက လမ်းကြောင်း နှစ်ခုခွဲကာ အင်အားတစ်ထောင်ကျော်ဖြင့် ထိုးစစ်ဆင်နေခြင်း ဖြစ်သည်။ လက်ရှိတွင် ချင်းပြည်အစိုးရ၊ ကာကွယ်ရေးဝန်ကြီးဌာန၏ ထိန်းချုပ်မှုအောက်ရှိ ပူးပေါင်းတပ်ဖွဲ့များသည် ဖလမ်းမြို့ပတ်ဝန်းကျင်ရှိ စစ်ကော်မရှင်တပ်များကို ပိတ်ဆို့ဖြတ်တောက်ထားဆဲ ဖြစ်ပြီး စစ်ရေးအရှိန်မှာ ဆက်လက် ပြင်းထန်နေဆဲဖြစ်ကြောင်း မြေပြင်သတင်းရင်းမြစ်များက ပြောသည်။

ဖလမ်းသို့တက်လာသည့် စစ်ကူစစ်ကြောင်း ကြားဖြတ်တိုက်ခိုက်ခံရ၊ ၃၀ ကျော်သေဆုံး



ဖလမ်းသို့တက်လာသည့် စစ်ကူစစ်ကြောင်း ကြားဖြတ်တိုက်ခိုက်ခံရ၊ ၃၀ ကျော်သေဆုံး သတင်းနှင့်မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၄ ရက်။ ချင်းပြည် မြော…

  • February 4, 2026
အစိုးရသစ်မဖွဲ့မီ အာဏာချုပ်ကိုင်နိုင်မည့် အတိုင်ပင်ခံကောင်စီဥပဒေကို စစ်ခေါင်းဆောင်ပြဋ္ဌာန်း

 သတင်းနှင့်မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၄ ရက်။ ယာယီသမ္မတနှင့် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ရွေးကောက်ပွဲအပြီး အစိုးရသစ် အဖွဲ့ မဖွဲ့စည်းမီ လပိုင်းအလို ဖြစ်သော ဖေဖော်ဝါရီလ ၃ ရက်နေ့တွင် ‘ပြည်ထောင်စုအတိုင်ပင်ခံ ကောင်စီ ဥပဒေ’ ကို အတည်ပြုပြဋ္ဌာန်းလိုက်သည်။ အဆိုပါ ဥပဒေသစ်အရ ဖွဲ့စည်းမည့် ပြည်ထောင်စုအတိုင်ပင်ခံ ကောင်စီတွင် ဥက္ကဋ္ဌတစ်ဦးနှင့် အဖွဲ့ဝင်များ ပါဝင်မည်ဖြစ်ပြီး ၎င်းတို့အား နိုင်ငံတော်သမ္မတက ခန့်အပ်တာဝန်ပေးရမည်ဖြစ်သည်။ သို့သော်လည်း လက်ရှိနိုင်ငံရေး အခြေအနေအရ ယင်းကောင်စီ ဥက္ကဋ္ဌနေရာကို ဗိုလ်ချုပ်မှူးကြီး မင်းအောင်လှိုင် ကိုယ်တိုင် ရယူရန် သို့မဟုတ် နောင်တက်လာမည့် အစိုးရအဖွဲ့အပေါ် ဥပဒေကြောင်းအရ လွှမ်းမိုးချုပ်ကိုင်နိုင်ရန် ရည်ရွယ်၍ ဤဥပဒေကို ထုတ်ပြန်ခဲ့ခြင်းဖြစ်ကြောင်း ဝေဖန်မှုများ ထွက်ပေါ်နေသည်။ ယခင် NLD အစိုးရလက်ထက်က ဒေါ်အောင်ဆန်းစုကြည် ရယူခဲ့သည့် နိုင်ငံတော်အတိုင်ပင်ခံ ရာထူးကို ဖွဲ့စည်းပုံ အခြေခံဥပဒေနှင့် မညီဟု ဝေဖန်ကန့်ကွက်ခဲ့သော စစ်ခေါင်းဆောင်သည် ယခုအခါတွင်မူ ၎င်းကိုယ်တိုင် အလားတူပုံစံ ရာထူးသစ်တစ်ခုကို ဥပဒေအသစ်ဖြင့် ဖန်တီးလိုက်ခြင်းလည်း ဖြစ်သည်။ နိုင်ငံရေးအကဲခတ်များက ဤဥပဒေပြဋ္ဌာန်းချက်သည် စစ်ကော်မရှင်က ဦးစီးကျင်းပသည့် ရွေးကောက်ပွဲ အပြီး တွင် အရပ်သားအစိုးရတစ်ရပ် ပေါ်ပေါက်လာစေကာမူ စစ်ခေါင်းဆောင်အနေဖြင့် နိုင်ငံတော်အာဏာကို နောက် ကွယ်မှ ဆက်လက်ချုပ်ကိုင်ထားနိုင်မည့် နိုင်ငံရေးထွက်ပေါက်တစ်ခုအဖြစ် ရှုမြင်နေကြသည်။

အစိုးရသစ်မဖွဲ့မီ အာဏာချုပ်ကိုင်နိုင်မည့် အတိုင်ပင်ခံကောင်စီဥပဒေကို စစ်ခေါင်းဆောင်ပြဋ္ဌာန်း



အစိုးရသစ်မဖွဲ့မီ အာဏာချုပ်ကိုင်နိုင်မည့် အတိုင်ပင်ခံကောင်စီဥပဒေကို စစ်ခေါင်းဆောင်ပြဋ္ဌာန်း သတင်းနှင့်မီဒီယာ ကွန်ရက်။၂၀၂၆ ခုနှစ်၊ ဖေဖော်ဝါရီလ ၄ ရက်။…

  • February 4, 2026
×Close