ထိုင်းနိုင်ငံ – Page 2 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Tag Archive

Tag: ထိုင်းနိုင်ငံ

ထိုင်းနိုင်ငံတွင် ကာကွယ်ဆေးများ မတိုးနိုင်သော ဗီဇပြောင်းတုပ်ကွေးရောဂါ ကူးစက်ပြန့်နှံ့နေ၊

ချင်းမိုင်မြို့ နေအိမ်မီးလောင်မှုကြောင့် မိသားစုဝင် ၅ ဦး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၈ ရက်။ ထိုင်ဝမ်နိုင်ငံ၊ ချင်းမိုင်မြို့၊ ပါဒဲ့တ်ရပ်ကွက်ရှိ နေအိမ်တစ်လုံးတွင် ဇန်နဝါရီလ ၇ ရက် ညသန်းခေါင်အချိန်၌ မီးလောင်မှုဖြစ်ပွားခဲ့ရာ မိသားစုဝင် (၅) ဦး ဆုံးပါးသွားခဲ့သည်။ သေဆုံးသူများထဲတွင် အသက် (၅) နှစ်အရွယ် အမြွှာညီမငယ်နှစ်ဦး၊ အသက် (၃၈) နှစ်အရွယ် ဇနီးမောင်နှံနှင့် အသက် (၇၀) အရွယ် အဘွားတစ်ဦးတို့ ပါဝင်သည်။ မီးသည် နေအိမ်အောက်ထပ်မှ စတင်လောင်ကျွမ်းခဲ့ခြင်းဖြစ်ပြီး အိမ်တစ်အိမ်လုံး၌ သံပန်းများကို အလုံပိတ်တပ်ဆင်ထားသောကြောင့် အိမ်နီးချင်းများက အချိန်မီ ကယ်တင်နိုင်ခြင်း မရှိခဲ့ပေ။ မီးသတ်တပ်ဖွဲ့ဝင်များ ရောက်ရှိလာချိန်တွင် အပေါ်ထပ်၌ မိသားစုဝင်အားလုံး သတိလစ်နေသည်ကို တွေ့ရှိခဲ့ရပြီး မီးခိုးမွန်း၍ သေဆုံးခဲ့ခြင်းဖြစ်နိုင်သည်ဟု အာဏာပိုင်များက ခန့်မှန်းထားသည်။ ယခုဖြစ်စဉ်သည် နေအိမ်များတွင် လုံခြုံရေးအတွက် သံပန်းများတပ်ဆင်ရာ၌ အရေးပေါ်ထွက်ပေါက် (Fire Escape) ထည့်သွင်းရန် အရေးကြီးကြောင်း သင်ခန်းစာလည်း ဖြစ်သည်။ #ChiangMai #မီးလောင် #ချင်းမိုင်

ချင်းမိုင်မြို့ နေအိမ်မီးလောင်မှုကြောင့် မိသားစုဝင် ၅ ဦး သေဆုံး

လူသတ်မှုသံသယရှိသူ မြန်မာနိုင်ငံသားအား ထိုင်းလဝက မှားယွင်းပြန်ပို့ သတင်းနှင့် မီဒီယာ ကွန်ရက်။ ၂၀၂၆ ခုနှစ် ဇန္နဝါရီလ ၅ ရက်။ ထိုင်းနိုင်ငံ၊ မဲဆောက်မြို့တွင် ထိုင်းအမျိုးသမီးတစ်ဦးအား မုဒိမ်းကျင့်သတ်ဖြတ်ခဲ့သည်ဟု သံသယရှိရသူ မြန်မာနိုင်ငံသား ထွန်းသာအောင်အား ထိုင်းလူဝင်မှုကြီးကြပ်ရေးဌာနက မှားယွင်း၍ ပြည်နှင်ဒဏ်ပေးခဲ့သဖြင့် တရားခံမှာ လွတ်မြောက်လျက်ရှိသည်။ ထိုင်းရဲတပ်ဖွဲ့သည် သံသယရှိသူအား နိုဝင်ဘာလ ၁၁ ရက်နေ့တွင် ဖမ်းဆီးရမိခဲ့ပြီး၊ DNA စစ်ဆေးချက်ရလဒ် မထွက်မီ လဝက ရုံးသို့ လွှဲပြောင်းပေးအပ်ခဲ့သည်။ ရဲတပ်ဖွဲ့က ပြည်နှင်ဒဏ်မပေးဘဲ ဆိုင်းငံ့ထားရန် အကြောင်းကြားစာ ပို့ခဲ့သည်ဟု ဆိုသော်လည်း၊ လဝက ဘက်ကမူ အဆိုပါစာကို မရရှိခဲ့သဖြင့် နိုဝင်ဘာလ ၁၆ ရက်နေ့တွင် တရားမဝင်ဝင်ရောက်လာသူ အခြား ၅၀ ဦးနှင့်အတူ မြန်မာနိုင်ငံသို့ ပြန်လည်ပို့ဆောင်ခဲ့ခြင်းဖြစ်သည်။ ဒီဇင်ဘာလ ၁၈ ရက် DNA စစ်ဆေးချက်အရ ဖမ်းဝရမ်းထွက်လာချိန်တွင်မှ တရားခံမှာ လွတ်မြောက်သွားခြင်းဖြစ်ကြောင်း သိရှိခဲ့ရသည်။ ဤဖြစ်ရပ်နှင့် ပတ်သက်၍ ထိုင်းရဲတပ်ဖွဲ့၏ ပေါ့ဆမှုကို လူမှုကွန်ရက်တွင် ဝေဖန်မှုများ မြင့်တက်နေပြီး၊ လဝက အရာရှိများအနေဖြင့် တမင်သက်သက် လွှတ်ပေးခဲ့ခြင်း ရှိ၊ မရှိကို စုံစမ်းရေးကော်မတီဖြင့် စစ်ဆေးလျက်ရှိကြောင်း ဘန်ကောက်ပို့စ် သတင်းတွင် ဖော်ပြထားသည်။

လူသတ်မှုသံသယရှိသူ မြန်မာနိုင်ငံသားအား ထိုင်းလဝက မှားယွင်းပြန်ပို့

ထိုင်း-ကမ္ဘောဒီးယား တင်းမာမှုများကြောင့် SEA ဂိမ်းမှ ကမ္ဘောဒီးယားအသင်း နုတ်ထွက် သတင်းနှင့် မီဒီယာကွန်ရက်။ ၂၀၂၅ ခုနှစ် ဒီဇင်ဘာလ ၁၀ ရက်။ ထိုင်းနိုင်ငံက အိမ်ရှင်အဖြစ် လက်ခံကျင်းပနေသော ၃၃ ကြိမ်မြောက် အရှေ့တောင်အာရှ အားကစားပြိုင်ပွဲ (SEA ဂိမ်း) မှ ကမ္ဘောဒီးယား ကစားသမားအားလုံးသည် ယနေ့မနက်ပိုင်းတွင် နုတ်ထွက်သွားခဲ့သည်။ ယင်းသို့ နုတ်ထွက်ရခြင်းမှာ ထိုင်း-ကမ္ဘောဒီးယား နယ်စပ်တွင် တင်းမာမှုများ ပြန်လည်ဖြစ်ပွားလာပြီးနောက် ဒီဇင်ဘာ ၉ ရက်နေ့၌ ထိုင်းနိုင်ငံက ကမ္ဘောဒီးယားနိုင်ငံထဲရှိ ဒုံးကျည် သိုလှောင်စခန်းများကို တိုက်လေယာဉ်များဖြင့် တိုက်ခိုက်ခဲ့ခြင်းကြောင့် ဖြစ်သည်။ ကမ္ဘောဒီးယား အမျိုးသား အိုလံပစ်ကော်မတီ၏ အတွင်းရေးမှူးချုပ် Vath Chamroeun (ဗာ့သ် ချမ်ရုန်) က အရှေ့တောင်အာရှ အားကစားပြိုင်ပွဲ အဖွဲ့ချုပ် (SEAGF) သို့ ယနေ့မနက် ၁၀ နာရီခွဲတွင် နုတ်ထွက်ကြောင်း စာပို့ အကြောင်းကြားခဲ့သည်။ နုတ်ထွက်ရခြင်း၏ အဓိကအကြောင်းရင်းမှာ အားကစားသမားများ၏ ဘေးကင်းလုံခြုံရေးအတွက် စိုးရိမ်မကင်းဖြစ်ရခြင်းနှင့် မိသားစုဝင်များ၏ တောင်းဆိုမှုများကြောင့် ခက်ခဲသော ဆုံးဖြတ်ချက်ကို ချမှတ်ခဲ့ရခြင်းဖြစ်ကြောင်း ကော်မတီက အကြောင်းကြားစာတွင် ဖော်ပြသည်။ နိုဝင်ဘာလ ၂၆ ရက်နေ့ကတည်းက ဘောလုံး၊ ဘောလီဘောနှင့် ကိုယ်ခံပညာ စသည့် အားကစား အမျိုးအစား ၉ မျိုးမှ နုတ်ထွက်ခဲ့ပြီးဖြစ်သည်။ ယခုအခါတွင်မူ ကျန်ရှိနေသော အားကစားသမား ၁၁၀ ဦးလုံး နုတ်ထွက်သွားခြင်းဖြစ်သည်။ ကမ္ဘောဒီးယား အမျိုးသား အိုလံပစ်ကော်မတီသည် နုတ်ထွက်သွားသည့် အားကစားသမား ၁၁၀ အပါအဝင် အားကစားအဖွဲ့ ထွက်ခွာရေးအတွက် SEAGF နှင့် ပူးပေါင်းဆောင်ရွက်သွားမည်ဟုလည်း ပြောကြားခဲ့သည်။

ထိုင်း-ကမ္ဘောဒီးယား တင်းမာမှုများကြောင့် SEA ဂိမ်းမှ ကမ္ဘောဒီးယားအသင်း နုတ်ထွက်

ကန်ချနဘူရီ၌ တရားမဝင် မြန်မာ (၁၆၂) ဦး ဖမ်းမိ၊ (၁၈) နှစ်အောက် လူငယ် (၁၁) ဦး ပါဝင်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၁ ရက်။ ထိုင်း - မြန်မာနယ်စပ်၌ ပွဲစားမှောင်ခိုလမ်းကြောင်းဖြင့် ဝင်လာသည့် တရားမဝင် မြန်မာ (၁၆၂) ဦး ဖမ်းမိ၊ လူငယ် (၁၁) ဦး ပါဝင်သည်ဟု ထိုင်းသတင်းများက ဖော်ပြသည်။ ထိုင်းနိုင်ငံထဲသို့ တရားမဝင် လမ်းကြောင်းများမှတစ်ဆင့် ဝင်ရောက်လာသည့် မြန်မာနိုင်ငံသားများ ဆက်တိုက် ဖမ်းဆီးခံနေရခြင်း ဖြစ်သည်။ ပန်းရောင်ကတ်လုပ်ပေးမည့် သတင်းကြောင့် မရှိမဲ့ရှိမဲ့ ငွေကြေးများကို စုဆောင်း၍ တရားဝင် အလုပ်လုပ်ခွင့် ရရန် မျှော်လင့်ချက်ဖြင့် တရားမဝင် လမ်းကြောင်းများမှ ဆက်တိုက် ဝင်ရောက်လာနေကြခြင်းဖြစ်သည်။ ပန်းရောင်ကတ် လုပ်ပေးမည့် အစီအစဉ်ကလည်း ရပ်တန့်သွားသလို အဖမ်းအဆီးများကလည်း များပြားလာ သည်။ အောက်တိုဘာလ (၁၉) ရက်နေ့၊ နံနက်ပိုင်းတွင် ထိုင်း-မြန်မာနယ်စပ် ကန်ချနဘူရီခရိုင်၌ တရားမဝင် ဝင်ရောက်လာသည့် မြန်မာနိုင်ငံသား (၁၆၂) ယောက် ကို ထိုင်းအာဏာပိုင်များက ဖမ်းဆီးမိခဲ့သည်။ အထူး စိုးရိမ်ဖွယ်အခြေအနေမှာ ဖမ်းဆီးခံရသူများထဲတွင် အသက် (၁၈) နှစ် မပြည့်သေးသည့် လူငယ် (၁၁) ယောက် ပါဝင်နေခြင်းပင် ဖြစ်သည်။ ကန်ချနဘူရီခရိုင် အုပ်ချုပ်ရေးမှူး၊ ထိုင်းစစ်တပ်နှင့် ရဲအဖွဲ့များ ပူးပေါင်းကာ ရွာအစပ် တောထဲတွင် ပုန်းအောင်းနေသည့် မြန်မာနိုင်ငံသားများကို ဖမ်းဆီးခဲ့ခြင်းဖြစ်သည်။ ဖမ်းဆီးခံရသူ စုစုပေါင်း (၁၆၂) ဦးတွင် အမျိုးသား (၉၂) ဦး၊ အမျိုးသမီး (၅၇) ဦးနှင့် အသက် (၁၅) နှစ်မှ (၁၈) နှစ်ကြား လူငယ် (၁၁) ဦးတို့ ပါဝင်သည်။ ၎င်းတို့သည် မြန်မာနိုင်ငံ နယ်စပ်မြို့ဖြစ်သည့် ဘုရားသုံးဆူမှ တစ်ဆင့် ရေလမ်း၊ ကားလမ်းနှင့် တောလမ်းများကဲ့ သို့သော တရားမဝင် လမ်းကြောင်းများအတိုင်း ထိုင်းနိုင်ငံထဲသို့ ဝင်ရောက်လာခဲ့ကြခြင်းဖြစ်ပြီး၊ နောက်ထပ်လာရောက် ခေါ်ဆောင်မည့် ပွဲစားများကို စောင့်ဆိုင်းနေစဉ် အဖမ်းခံရခြင်းဖြစ်သည်။ ၎င်းတို့သည် ထိုင်းနိုင်ငံ သို့မဟုတ် မလေးရှားနိုင်ငံတို့တွင် အလုပ်လုပ်ကိုင်ရန် မျှော်လင့်ချက်ဖြင့် လာရောက်ခဲ့ကြ ခြင်းဖြစ်ပြီး၊ ပွဲစားများကို တစ်ဦးလျှင် ထိုင်းဘတ် ၂၀,၀၀၀ မှ ၂၄,၀၀၀ အထိ ပေးချေခဲ့ရသည်ဟု ထွက်ဆိုကြသည်။ ဖမ်းဆီးခံရသူ (၁၆၂) ဦးကို ကန်ချနဘူရီ ရဲစခန်း၌ ထိန်းသိမ်းပြီး ဥပဒေအရ ဆက်လက်ဆောင်ရွက်နေသည်။ အသက်မပြည့်သေးသည့် လူငယ်များ အပါအဝင် ရွှေ့ပြောင်းလုပ်သားများ၏ ဘဝသည် ပွဲစားများ၏ အန္တရာယ်နှင့် နယ်စပ်ဖြတ်ကျော်မှု အန္တရာယ်များကြားတွင် အမြဲတစေ မရေရာမှုများနှင့် ရင်ဆိုင်နေရသည်။

ကန်ချနဘူရီ၌ တရားမဝင် မြန်မာ (၁၆၂) ဦး ဖမ်းမိ၊ (၁၈) နှစ်အောက် လူငယ် (၁၁) ဦး ပါဝင်  

ထိုင်းတွင် နိုင်ငံခြားဧည့်သည်တိုင်း ဘတ် ၃၀၀ အခွန်ပေးရတော့မည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၈ ရက်။ နိုင်ငံခြားခရီးသွားများထံမှ ဝင်ကြေး ဘတ် ၃၀၀ ကောက်ခံမည့် စီမံချက်ကို ထိုင်းနိုင်ငံက မကြာခင် စတင်တော့ မည်။ အဆိုပါ အခွန်ကောက်ခံမှုမှာ နိုင်ငံခြား ခရီးသွားများထံမှ ကောက်ခံသွားမည်ဟု ပြောဆိုထုတ်ပြန်ထားသော ကြောင့် မြန်မာနိုင်ငံသား ခရီးသွားများလည်း အကျုံးဝင်မည် ဖြစ်သည်။ ဘတ် ၃၀၀ အခွန်ကောက်ခံမည့် ကိစ္စကို လေးလအတွင်း အပြီးသတ် အကောင်အထည် ဖော်နိုင်အောင် ရည်ရွယ် ထားသည်ဟု ဘန်ကောက်ပို့စ် သတင်းဌာနက အောက်တိုဘာ လဆန်းတွင် သတင်းဖော်ပြသည်။ ခရီးသွားလာရေးနှင့် အားကစား ဝန်ကြီးဌာန၊ ဝန်ကြီး Atthakorn Sirilatthayakorn က ခရီးသွားများအနေဖြင့် အဆိုပါအခွန် ကို ဝန်ထုပ်ဝန်ပိုးကဲ့သို့ မမြင်ကြရန်နှင့် မိမိတို့ (ခရီးသွားများ) ၏ ဘေးကင်းလုံခြုံရေး (အာမခံအတွက်) နှင့် ခရီးသွား အခြေခံ အဆောက်အအုံများ ဖွံ့ဖြိုးတိုးတက်ရေးအတွက် အသုံးပြုသွားမှာ ဖြစ်ကြောင်း ရှင်းလင်း ပြောဆိုထားသည်။ ထိုအစီအစဉ်မှာ ၂၀၂၅ ခုနှစ် အကုန် (သို့မဟုတ်) ၂၀၂၆ ခုနှစ် အစောပိုင်းတွင် စတင်နိုင်သည်ဟု ထိုင်းသတင်း များက ဆိုသည်။ ကုန်းလမ်းနှင့် ရေကြောင်းမှ ဝင်ရောက်လာသူများအတွက် ဘတ် ၁၅၀ မှ ဘတ် ၃၀၀ ကြား အခွန်ကောက် သွားမှာ ဖြစ်ပြီး ရက် ၃၀ မှ ရက် ၆၀ အတွင်း အကြိမ်များစွာ ဝင်ထွက်ခွင့်ပြုမည့် အစီအစဉ် ဖြစ်သည်ဟု Khaosod သတင်းက ဆိုသည်။ အလားတူ လေယာဉ်ဖြင့် ဝင်လာကြမည့် ဧည့်သည်များမှာမူ ဘတ် ၃၀၀ ပေးဆောင်ရမည် ဖြစ်သည်။ ထိုသို့ အခွန်ကောက်ခံရသည့် အကြောင်းအရင်းမှာ ခရီးသွားများအနေဖြင့် ကျန်းမာရေးစောင့်ရှောက်မှုနှင့် မတော်တဆ ထိခိုက်မှု အာမခံအတွက် အသုံးပြုရန်နှင့် ခရီးသွားလုပ်ငန်း ဖွံ့ဖြိုးတိုးတက်ရေး၊ လုံခြုံရေးပိုင်း၌ တိုးမြင့်သွားမည့် နေရာများ၌ အသုံးပြု ရည်ရွယ်သည်ဟု ဆိုသည်။ သို့သော် အလုပ်ပါမစ် ရှိသောသူ (Work Permit Holders)၊ ထိုင်းနိုင်ငံ တရားဝင် အလုပ်လုပ်နေသည့် သူများ၊ Transit ခရီးသည်များ၊ ထိုင်းနိုင်ငံကို ဖြတ်ပြီး တတိယနိုင်ငံကို ဆက်သွားမည့် ခရီးသည်များ၊ သံတမန် (သို့မ ဟုတ်) အထူးဗီဇာဖြင့် ဝင်ရောက်လာမည့်သူများနှင့် အသက် ၂ နှစ်အောက် ကလေးများက အခွန်ကင်းလွတ်ခွင့် ရမည် ဖြစ်သည်။ အဆိုပါ အစီအစဉ်ကို ၂၀၂၄ ခုနှစ်က စတင်ပြီး ကောက်ခံရန် ရည်ရွယ်ခဲ့သော်လည်း၊ COVID-19 ကပ်ရောဂါနှင့် ထိုင်းနိုင်ငံတွင်း အစိုးရ အပြောင်းအလဲများကြောင့် ရွှေ့ဆိုင်းခဲ့ရသည်ဟု ထိုင်းသတင်းများက ဆိုသည်။

ထိုင်းတွင် နိုင်ငံခြားဧည့်သည်တိုင်း ဘတ် ၃၀၀ အခွန်ပေးရတော့မည်

ထိုင်းနိုင်ငံက ကျောင်းသား ဗီဇာ ၁၀,၀၀၀ နီးပါး ပယ်ဖျက် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၂၅ ရက်။ ထိုင်းနိုင်ငံသည် သတ်မှတ်ချက်နှင့် မကိုက်ညီသော ကျောင်းသား ဗီဇာဟု ခေါ်ဆိုကြသော ပညာရေး ဗီဇာ ၁၀,၀၀၀ နီးပါးကို ရုတ်သိမ်းခဲ့သည်ဟု ဆိုသည်။ အဆင့်မြင့်ပညာရေး၊ သိပ္ပံ၊ သုတေသနနဲ့ တီထွင်မှု ဝန်ကြီးဌာန က ဒီဂရီ သင်တန်းမဟုတ်သော ရက်တို ပညာရေး အစီအစဉ်များတွင် စာရင်းသွင်းထားသော ကျောင်းသားများအတွင်းမှ မေလ ၁၄ ရက်နေ့က ထုတ်ပြန်ခဲ့သည့် လုပ်ထုံးလုပ်နည်းများနှင့် မကိုက်ညီသူများ၏ ဗီဇာများကို ပယ်ဖျက်ရန် လူဝင်မှု ကြီးကြပ်ရေး ရဲကို အမိန့်ပေးခဲ့ခြင်း ဖြစ်သည်။ ဝန်ကြီးဌာနအနေနဲ့ လူဝင်မှု ကြီးကြပ်ရေး အာဏာပိုင်တွေနဲ့ ပူးပေါင်းဆောင်ရွက်ပြီး ရက်တို ပညာရေး အစီအစဉ်များကို စောင့်ကြည့်နိုင်မည့် ပြည့်စုံသည့် ဒေတာဘေ့စ် စနစ်တစ်ခုကို အသစ် တည်ဆောက်ထားသည်ဟု အဆင့်မြင့်ပညာရေး ဝန်ကြီးက ပြောသည်။ လုပ်ထုံးလုပ်နည်း အသစ်တွင် ရက်တို ပညာရေး အစီအစဉ်များ လုပ်ဆောင်နေသည့် ပညာရေး အဖွဲ့အစည်းများသည် ကျောင်းသားများ၏ ကျောင်းခေါ်ချိန်ကို စီစစ်နိုင်မည့် အချက်အလက်များ အပါအဝင် လစဉ်အစီရင်ခံစာများကို ပေးပို့ရမည် ဖြစ်သည်။ အဓိကအားဖြင့် ကျောင်းသား ဗီဇာ ရယူပြီး အခြား လုပ်ငန်းများ လုပ်ဆောင်နေခြင်းကို တိုက်ဖျက်ရန် ဖြစ်သည်ဟု ဝန်ကြီးဌာနက ပြောသည်။

ထိုင်းနိုင်ငံက ကျောင်းသား ဗီဇာ ၁၀,၀၀၀ နီးပါး ပယ်ဖျက်

ချင်းမိုင်တွင် ရေကြီးရေလျှံမှုအတွက် ပြင်ဆင်မှုများ လုပ်ဆောင် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၃ ရက်။ ထိုင်းနိုင်ငံ မြောက်ပိုင်း မြို့တော် ချင်းမိုင်တွင် ရေကြီး ရေလျှံမှုများအတွက် ပြင်ဆင်မှုများ လုပ်ဆောင်နေသည်။ အရေးပေါ် ကယ်ဆယ်ရေးအတွက် ဟယ်လီကော်ပတာ တစ်စီး၊ ရေဘေးအတွက် လူ ၂၀,၀၀၀ ခိုလှုံ နိုင်ဖို့အတွက် ယာယီ တည်းခိုနေရာ ၄၀၊ ရေထိပြီး ပျက်စီးမသွားစေရန်အတွက် ကားအစီး ၁၀,၀၀၀ အခမဲ့ ရပ်နားရန်နေရာများ ပြင်ဆင်ထားသည်ဟု ဆိုသည်။ အဓိက လုပ်ဆောင်ချက်များမှာ မြောင်းများ၊ မြစ်များကို ပိတ်ဆို့မှု မရှိအောင် ရှင်းလင်းထားပြီး (Mae Ping) ပင်းမြစ်က ရေတံခါးများကိုလည်း အပြည့် ဖွင့်ထားသည်ဟု ဆိုသည်။ မုန်တိုင်းဝီဖာသည် ကုန်းတွင်းပိုင်းကို ဝင်ရောက်ပြီး အားနည်းသွားမည် ဖြစ်သော်လည်း ထိုင်းနိုင်ငံ အရှေ့မြောက်နှင့် မြောက်ပိုင်းများတွင် မုန်တိုင်း ဝိဖာက ပြတ်ထွက်လာသည့် တိမ်တိုက်များကြောင့် မိုးသည်းထန်စွာ ရွာသွန်းနိုင်သည်ဟု မိုးလေဝသဌာနက ခန့်မှန်းထားသည်။ ဇူလိုင် ၂၃ ရက်နှင့် ၂၄ ရက်တို့တွင် မိုးရွာသွန်းမည်ဟု ခန့်မှန်းထားသော်လည်း အထက်ပိုင်းက စီးဆင်းလာမည့် ရေများကြောင့် ၂၆ ရက်နေ့နှင့် ၂၇ ရက်များတွင်လည်း ရေကြီးရေလျှံမှုများအတွက် စိုးရိမ်ရသည်ဟု ဆိုသည်။ ချင်းမိုင်မြို့ မြူနီစပယ်အနေဖြင့် သဲအိတ်ပေါင်း ၄၀,၀၀၀ ကို မြို့နယ်၊ ရပ်ကွက်အလိုက် ဖြန့်ဝေထားပြီး ရေစုတ်စက် အများအပြားကိုလည်း ဖြန့်ဝေထားသည်။ စစ်ဆင်ရေး ရုံးခန်းနှင့် ဌာနပေါင်းစုံ ပူးတွဲ သတင်းဖြန့်ချီရေး စင်တာကို ၂၄ နာရီ ဖွင့်လှစ်ထားမည်ဟု ဆိုသည်။ မြို့နယ် ၂၅ မြို့နယ်စလုံးသည် လက်ရှိ လုပ်ဆောင်နေသည် စီမံခန့်ခွဲမှုအောက်တွင် လုပ်ငန်းများ လည်ပတ်နေပြီဟုလည်း ထုတ်ပြန်ထားသည်။ အရေးပေါ် အခြေအနေနှင့် ကြုံတွေ့ရသည့် လူများနှင့် ကယ်ဆယ်ရေးအတွက် အကူအညီ လိုအပ်တဲ့သူများအနေဖြင့် Hotline နံပါတ် 1567 ကို ခေါ်ဆိုနိုင်သည်ဟု ဆိုသည်။

ချင်းမိုင်တွင် ရေကြီးရေလျှံမှုအတွက် ပြင်ဆင်မှုများ လုပ်ဆောင်

ထိုင်းနှင့် မြန်မာ မိုးလေဝသ ဌာနများ သတိပေးချက်ထုတ်ပြန် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၂၀ ရက်။ ထိုင်းနိုင်ငံနှင့် မြန်မာနိုင်ငံ မိုးလေ ဝသ ဌာနများက မိုးလေ ဝသ အထူး သတင်းများကို ထုတ်ပြန်ထားသည်။ အထူးသဖြင့် တောင်တရုတ်ပင်လယ်တွင် တိုက်ခတ်နေသည့် စူပါတိုင်ဖုန်း ဝီဖာသည် အင်အားပြင်းစွာဖြင့် ဗီယက်နမ်နိုင်ငံ မြောက်ပိုင်းသို့ ဝင်ရောက်ရန် ရှိနေသည်။။ မုန်တိုင်းသည် တစ်နာရီ မိုင် ၁၀၀ (ကီလိုမီတာ ၁၆၀) ခန်အထိ လေတိုက်နှုန်းပြင်းထန်နေသည်။ ၎င်းသည် ၂၀၀၈ ခုနှစ်က မြန်မာနိုင်ငံကို ဝင်ရောက်ခဲ့သည့် နာဂစ် မုန်တိုင်း၏ အရှိန်အဟုန်ခန့်ရှိသည်။ ထိုမုန်တိုင်း၏ အရှိန်ကြောင့် ထိုင်းနိုင်ငံ မြောက်ပိုင်း၊ အနောက်ပိုင်း ဒေသများနှင့် မြန်မာ တစ်နိုင်ငံလုံးတွင် မိုးသည်းထန်စွာ ရွာသွန်းမည့် အခြေအနေရှိသည်ဟု မိုးလေဝသ နှင့် ဇလဗေဒ ဌာနများက ထုတ်ပြန်ထားသည်။ ဇူလိုင် ၂၅ ရက်အထိ မိုးပြင်းထန်နိုင်ပြီး ၂၂-၂၃ ရက်များတွင် အပြင်းထန်ဆုံး ဖြစ်မည်ဟု ဆိုသည်။ ဝီဖာမုန်တိုင်းသည် ကမ်းခြေကို ဝင်ရောက်လာသည့်အချိန်တွင် အားပျော့လာမည် ဖြစ်သော်လည်း အားပြင်းလွန်းသောကြောင့် အရှိန်ပြင်းပြင်း ဆက်ရှိနေအုံးမည်ဖြစ်သည်။ ထိုင်းနိုင်ငံတွင် နန်၊ ဖယောင်း အထက်ပိုင်း၊ ချင်းရိုင်း၊ လန်ပန်၊ ချင်းမိုင်နဲ့ မယ်ဟောင်ဆောင်များကို တဆင့်ပြီး တဆင့် ဗဟိုပြုပြီး ဖြတ်သွားမည်ဟု ဆိုသည်။ မြန်မာနိုင်ငံတွင် တစ်နိုင်ငံလုံး မိုးကြီးနိုင်ပြီး တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ဧရာဝတီတိုင်း၊ ရန်ကုန်တိုင်းနဲ့ ပဲခူးတိုင်းများတွင် မိုးသွန်ချသကဲ့သို့ ရွာသွန်းနိုင်သည်ဟု ပြောသည်။ ထို့ကြောင့် တောင်ပေါ်ဒေသများတွင် တောင်ကျရေနှင့် မြေပြိုမှုများကို သတိထားရမည်ဖြစ်ပြီး မြစ်များ၊ ချောင်းများက ရေကြီးရေလျှံမှုများ ဖြစ်နိုင်သည်ဟု သတိပေးထားသည်။

ထိုင်းနှင့် မြန်မာ မိုးလေဝသ ဌာနများ သတိပေးချက်ထုတ်ပြန်

သောကြာနေ့ည ရုပ်သံသတင်း (၁၀-၁၀-၂၅)

သောကြာနေ့ည ရုပ်သံသတင်း (၁၀-၁၀-၂၅)

ဒီကနေ့ အစီအစဉ်ထဲမှာတော့ … မိုးမိတ်မှာ ဗုံးကြဲတိုက်ခိုက်ခဲ့လို့ ကလေးတွေ အပါအဝင် အရပ်သားတွေ အသက်ဆုံးရှုံးခဲ့ရပါတယ်။ မွန်နဲ့ တနင်္သာရီမှာလည်း အရပ်သားတွေ လေကြောင်းတိုက်ခိုက်မှု ခံရပါတယ်။ ဖားကန့်မှာ စစ်ကော်မရှင်က ဘာကြောင့် ညမထွက်ရ အမိန့်ထုတ်လိုက်တာပါလဲ

ထိုင်းရောက် အလုပ်သမားတွေအတွက် ပန်းရောင်ကတ် ပြုလုပ်ရမယ့် နေရာတွေက ဘယ်နေရာတွေလဲ၊ ဘယ်လိုလုပ်ရမှာလဲ။ ယူကရိန်းတိုက်ပွဲမှာ လောင်စာ အရင်းအမြစ်တွေကို ဘာလို့ အပြန်အလှန် တိုက်ခိုက်နေကြတာလဲ။ ယူကေက အိန္ဒိယ နိုင်ငံကို အပေါ့စား ဒုံးကျည်တွေ ရောင်းပေးလိုက်ပါတယ်။

ကမ္ဘာကျော် မုဒိမ်းမှုတစ်ခုမှာ အယူခံဝင်တဲ့သူကို တရားရုံးက ဘယ်လို အမိန့်ချမှတ်လိုက်သလဲ … စတာတွေတင်ဆက်ထားပါတယ်။

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

၅၄ နှစ်အကြာတွင် လကမ္ဘာသို့ လူသားများ ပြန်သွားပြီ
ငွေလိမ်ဂိုဏ်းခေါင်းဆောင်တစ်ဦးကို ကမ္ဘောဒီးယားမှ တရုတ်သို့လွှဲပြောင်း
အီရန် စစ်ရုတ်သိမ်းတော့မည်၊ အီရန်အား ကျောက်ခေတ်ပြန်ရောက်အောင် ဗုံးကြဲမည်ဟု ထရန့်ပြော
အီရန် စစ်ပွဲ အတွင်း ဒစ်ဂျစ်တယ် တိုက်ခိုက်မှုများ အရှိန်မြင့်လာ
အီရန် စစ်ပွဲ အဆုံးသတ်နိုင်ရန် တရုတ်နှင့် ပါကစ္စတန် ကြိုးပမ်း

Archives

Archives

×Close