TNLA – Page 3 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Tag Archive

Tag: TNLA

သီပေါမြို့ကို စစ်တပ်က တစ်နှစ်အကြာ၌ ပြန်လည်သိမ်းပိုက်၊ TNLA တပ်ဆုတ်၍ မြို့ပြင်၌ တိုက်ပွဲပြင်းထန်ဆဲ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၀ ရက်။ ရှမ်းပြည် မြောက်ပိုင်း၌ တအာင်းတပ် (TNLA) ထိန်းချုပ်ထားသော သီပေါမြို့ကို စစ်ကော်မရှင် တပ်ဖွဲ့ဝင်များက တစ်နှစ်ခန့်အကြာတွင် ပြန်လည်သိမ်းပိုက်လိုက်ကြောင်း TNLA က အတည်ပြုခဲ့သည်။ TNLA ပြောရေးဆိုခွင့်ရှိသူ လွေးယေဦး၏ ပြောဆိုချက်အရ စစ်ကော်မရှင်တပ်များ မြို့တွင်းသို့ ဝင်ရောက်နိုင်ခဲ့ သဖြင့် TNLA တပ်ဖွဲ့များမှာ မြို့ပြင်ဘက်သို့ တပ်ဆုတ်ခဲ့ရကြောင်း သိရသည်။ စစ်ကော်မရှင်တပ်ဘက်ကမူ ၎င်းတို့၏ စစ်ကြောင်းများ မြို့တွင်းဝင်ရောက်သည့် ဓာတ်ပုံများကို အောက်တိုဘာ လ (၁၇) ရက်နေ့တွင် ထုတ်ပြန်ကာ မြို့ကို ပြန်လည်သိမ်းပိုက်ကြောင်း ကြေညာခဲ့သည်။ စစ်ကော်မရှင်တပ်က TNLA ပူးပေါင်းတပ်ဖွဲ့များသည် မြို့ပေါ်ရှိ အကျဉ်းဦးစီးဌာန၊ အထွေထွေအုပ်ချုပ်ရေးမှူးရုံး၊ မြေစာရင်းရုံးနှင့် သီပေါဟိုတယ် အပါအဝင် ဌာနဆိုင်ရာရုံးအချို့ကို မီးရှို့ဖျက်ဆီးပြီး ထွက်ပြေးသွားခဲ့သဖြင့် ရှင်းလင်းရေး ဝင်ရောက်ခဲ့သည်ဟု စွပ်စွဲဖော်ပြသည်။ လေ့လာသူများ၏ အမြင်အရ စစ်ကော်မရှင်တပ်၏ ယခု နယ်မြေ ပြန်လည်ထိုးစစ်ဆင်နိုင်မှုသည် တရုတ်အစိုးရ ၏ ဖိအားပေးမှုကြောင့် ၁၀၂၇ စစ်ဆင်ရေး ရပ်ဆိုင်းလိုက်ရသည့် နောက်ဆက်တွဲ အခြေအနေ တစ်ရပ်ဖြစ်သည်။ စစ်ကော်မရှင်တပ်သည် ဇူလိုင်လ (၁၆) ရက်နေ့တွင် နောင်ချိုမြို့၊ အောက်တိုဘာလ (၁) ရက်နေ့တွင် ကျောက်မဲမြို့တို့ကို ပြန်လည်ရယူခဲ့ပြီးနောက် သီပေါမြို့ကိုပါ ထပ်မံသိမ်းပိုက်နိုင်ခဲ့ခြင်းဖြစ်သည်။ လက်ရှိတွင် သီပေါမြို့ပြင်ဘက်ရှိ ခမရ ၅၀၃ နှင့် ၅၀၄ ဘက်၌ တိုက်ပွဲများ ဆက်လက်ပြင်းထန်နေဆဲ ဖြစ်ကြောင်း TNLA က အတည်ပြုထားသည်။ ထို့အပြင် စစ်ကော်မရှင်တပ်သည် TNLA ထိန်းချုပ်နယ်မြေ ဖြစ်သည့် မိုးကုတ်မြို့ဘက်ကိုပါ စစ်ကြောင်းထိုး နေပြီး၊ မန်တုံ၊ မိုင်းငေါ့၊ နမ့်ဆန်၊ နမ္မတူ၊ မိုးမိတ်နှင့် မိုးကုတ်မြို့များကို နေ့စဉ်နီးပါး လေကြောင်းမှ ဗုံးကြဲတိုက်ခိုက် မှုများ ပြုလုပ်လျက်ရှိသည်။

သီပေါမြို့ကို စစ်တပ်က တစ်နှစ်အကြာ၌ ပြန်လည်သိမ်းပိုက်၊ TNLA တပ်ဆုတ်၍ မြို့ပြင်၌ တိုက်ပွဲပြင်းထန်ဆဲ  

ကျောက်မဲတိုက်ပွဲအတွင်း အရပ်သား ၁၅ ဦးထက်မနည်း သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၃ ရက်။ ရှမ်းပြည်မြောက်ပိုင်း၊ ကျောက်မဲမြို့ကို စစ်ကော်မရှင်တပ်ထံ လက်လွှတ်ခဲ့ရသည့် တိုက်ပွဲများအတွင်း အရပ်သားပြည်သူ ၁၅ ဦးထက်မနည်း သေဆုံးခဲ့ကြောင်း ဒေသတွင်း အရပ်ဘက် အဖွဲ့အစည်းများက ပြောသည်။ ကျောက်မဲမြို့သည် ဩဂုတ်လ ၁၆ ရက်နေ့မှ စက်တင်ဘာလ ၁ ရက်နေ့အထိ စစ်တပ်၏ ထိုးစစ်ဆင်မှု အပြင်း အထန် ခံခဲ့ရပြီးနောက် စစ်ကော်မရှင်တပ်က မြို့ကို ပြန်လည်ထိန်းချုပ်ခဲ့ခြင်းဖြစ်သည်။ တိုက်ပွဲကာလအတွင်း စစ်ကော်မရှင်တပ်သည် မြေပြင်ထိုးစစ်အပြင် လေကြောင်း၊ ဒရုန်းနှင့် လက်နက်ကြီး ပစ်ခတ်မှုများကို အလွန်အကျွံ အသုံးပြုခဲ့ကြောင်း တအာင်းတပ် (TNLA) ဘက်က ဆိုသည်။ TNLA ပြောခွင့်ရသူ လွေးယေဦး ကမူ ၎င်းတို့အနေဖြင့် ကျောက်မဲမြို့ကို လက်လွှတ်ခဲ့ရခြင်းသည် အဓိက အားဖြင့် စစ်ကောင်စီ၏ လက်နက်ခဲယမ်းနှင့် တပ်သားအင်အား အလွန်အကျွံသုံးစွဲမှု၊ ပြည်သူ့စစ်မှုထမ်းများကို အသုံးချမှု တို့အပြင် တရုတ်နိုင်ငံ၏ ဖိအားပေးမှုများကြောင့်ဟု ဆိုသည်။ ထို့အပြင် TNLA ဘက်တွင် လက်နက်ခဲယမ်းနှင့် တပ်သားအင်အား ကန့်သတ်ချက်များ ရှိလာခြင်းကြောင့် ဖြစ်ကြောင်း လွေးယေဦးက ပြောသည်။ နောင်ချိုဘက်မှ ထိုးစစ်ဆင်လာသော ခြေမြန်တပ်မ ၁၁၊ ၅၅ နှင့် ရမခ လက်အောက်ခံ စကခ ၁ တပ်ဖွဲ့ဝင်များက ဩဂုတ်လလယ်မှစ၍ ကျောက်မဲမြို့နယ်ထဲက ထန်းတပင်ရွာကို စတိုက်ပြီး ထိုးစစ်ဆင်ခဲ့ခြင်း ဖြစ်သည်။ စက်တင်ဘာလ ၁ ရက်နေ့တွင် စစ်ကောင်စီတပ်သည် မြို့မရဲစခန်းအပါအဝင် ရပ်ကွက် ၉ ခုလုံးကို ပြန်လည် ထိန်းချုပ်ခဲ့သည်။ သို့သော်လည်း ကျောက်မဲ - နမ့်ဆန် အထွက်ရှိ ခမရ ၅၀၆၊ ၅၀၇ နှင့် စကခ ၁ စခန်းများကိုမူ TNLA က ဆက်လက် ထိန်းချုပ်ထားဆဲ ဖြစ်သည်။

ကျောက်မဲတိုက်ပွဲအတွင်း အရပ်သား ၁၅ ဦးထက်မနည်း သေဆုံး  

မဟာမိတ်ဆက်ဆံရေး ခိုင်မာပြီး လူထု ထောက်ခံမှု ရှိမှသာ သိမ်းပိုက်မြို့ရွာများ ရေရှည်ထိန်းနိုင်မည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၉ ရက်။ တော်လှန်ရေး တပ်ဖွဲ့များ အကြားတွင် ပိုမို ခိုင်မာသော မဟာမိတ် ဆက်ဆံရေးနှင့် ပြည်သူများ၏ ထောက်ခံမှုကို ရရှိအောင် လုပ်ဆောင်နိုင်မှသာ သိမ်းပိုက်ထိန်းချုပ်ထားသည့် မြို့ရွာများကို ရေရှည်ထိန်းထားနိုင်မည်ဟု နိုင်ငံတကာ မြန်မာသတင်း BNI သုတေသန လုပ်ငန်းစဉ် က ပြောသည်။ နိုင်ငံတကာ မြန်မာ့သတင်း BNI ၏ မြန်မာ့ငြိမ်းချမ်းရေး စောင့်ကြည့်ရေးအဖွဲ့ BNI-MPM က ဩဂုတ်လ ၂၆ ရက်နေ့က လုပ်ခဲ့သည့် “မြန်မာ့ငြိမ်းချမ်းရေး လုပ်ငန်းစဥ်ကို ပုံဖော်ခြင်း ရည်ညွှန်း အကိုးအကား ၂၀၂၄-၂၀၂၅” စာအုပ်မိတ်ဆက်သည့် အခမ်းအနားတွင် BNI-MPM က ပြောဆိုလိုက်ခြင်း ဖြစ်သည်။ BNI-MPM တာဝန်ခံ ကိုနှင်းကိုဦးက “ စစ်ရေးစစ်ရာက ကိုယ်ကအနိုင်ရတယ် အောင်မြင်မှုတွေရတယ် ဆိုပေမဲ့ ပြည်သူလူထုရဲ့ နှလုံးသားထဲက ထောက်ခံမှု ရရှိရေးကတော့ တော်တော်သိမ်မွေ့တဲ့ လုပ်ငန်းစဉ်တွေ ဖြစ်တယ် ပေါ့နော်။ ဒါကြောင့်မို့လို့ ဒီမြို့သိမ်းဖြစ်စဉ်တွေမှာ အဓိကသိမ်းပိုက်ထားတဲ့မြို့တွေအနေနဲ့ ပြည်သူ လူ ထုရဲ့ မျက်နှာကို ကြည့်ဖို့ ပြည်သူလူထုရဲ့ ထောက်ခံမှုရရှိရေးအတွက် ကြိုးပမ်းမှုကို ဦးတည်သင့် တယ်ပေါ့ နော်။ နောက်တစ်ခုက တော်လှန်ရေး အဖွဲ့ဝင်အချင်းချင်း ပိုခိုင်မာအောင်လုပ်ဖို့ လိုအပ်တယ်ဆို တာမျိုးတွေ တွေ့ရပါ တယ်” ဟုပြောသည်။ ၂၀၂၁ ဖေဖော်ဝါရီလ ၁ ရက်နေ့တွင် စစ်တပ်က အာဏာသိမ်းပြီးနောက် တော်လှန်ရေး အဖွဲ့အစည်းများက စစ်အုပ်စု၏ နယ်မြေအများအပြားကို တိုက်ခိုက်သိမ်းပိုက်ထားသည်။ တိုက်ခိုက် သိမ်းပိုက်ထားသည့် ဒေသများတွင် နယ်မြေ အငြင်းပွားဆိုင်ရာ ကိစ္စရပ်များနှင့် လက်နက်ကိုင် အဖွဲ့အ စည်း အချင်းချင်းကြားတွင် သော်လည်းကောင်း၊ ဒေသခံ ပြည်သူများနှင့် လက်နက်ကိုင် တော်လှန်ရေး အဖွဲ့အ စည်းများကြား၌ သော်လည်းကောင်း မသင့်မြတ်မှု များစွာ ရှိလာခဲ့သည်။ ထိုအခြေအနေ အောက်တွင် တိုက်ခိုက်သိမ်းပိုက်ထားသည့် နယ်မြေများကို ရေရှည်ထိန်းထားနိုင်ရေးမှာ ခက်ခဲ သည်ဟု BNI-MPM က ဆိုသည်။ တစ်ဖက်တွင်လည်း တော်လှန်ရေး အင်အားစုများ အနေဖြင့် ၎င်းတို့သိမ်းပိုက်ထားသည့် မြို့ရွာများကို ရေရှည် ထိန်းထားနိုင်ရန် စစ်ကော်မရှင်တပ်၏ လေကြောင်း တိုက်ခိုက်မှုများသည် ကြီးမားသည့် စိန်ခေါ်မှု တစ်ရပ် အဖြစ်ရှိနေသည်ဟု ကိုနှင်းကိုဦးက ဆက်ပြောသည်။ “အဓိက ဒီမြို့သိမ်းဖြစ်စဉ်တွေကို ကျနော်တို့ ကြည့်လို့ရှိရင် အရင်ဆုံး ကျနော်တို့ သတိထားရမှာက တော်လှန်ရေ အင်အားစုတွေ အနေနဲ့ ထိန်းချုပ် သိမ်းပိုက်ထားတယ်ဆိုတာ တကယ်တမ်းတော့ တစ်ဖက်က ကြည့်ရင်လည်း စိန်ခေါ်မှုအများကြီးရှိတယ်။ ဥပမာ သိမ်းတာကလွယ်တယ် ဒါပေမဲ့ ရေရှည်ထိန်းချုပ် နိုင်ရေးက အများကြီးစိန်ခေါ်မှုရှိတယ်။ အဲ့ဒီထဲမှာမှ စစ်အုပ်စုရဲ့ လေကြောင်းရန်က စိန်ခေါ်မှု အကြီးဆုံး ဖြစ်နေတာပေါ့နော်။” လက်ရှိတွင် စစ်ကော်မရှင်တပ်သည် တော်လှန်ရေးတပ်များ ထိန်းချုပ်သိမ်းပိုက်ထားသည့် ပြည်နယ်နှင့် တိုင်းဒေ သကြီးများရှိ မြို့ရွာများကို လေကြောင်းမှတစ်ဆင့် ဗုံးကြဲတိုက်ခိုက်မှုများကို ဆက်တိုက်လုပ်ဆောင် လျက်ရှိ သည်။ လေကြောင်းတိုက်ခိုက်မှုများကြောင့် ပြည်သူလူထုများ ထိမှန်သေဆုံး ဒဏ်ရာရရှိခြင်း၊ လူနေအဆောက် အအုံ များ၊ ဆေးရုံများ၊ စာသင်ကျောင်များ၊ ဘုန်းကြီးကျောင်းများနှင့် ခရစ်ယာန် ဘုရားကျောင်းများ ထိမှန်ပျက် စီးခဲ့ရသည်။ တော်လှန်ရေးတပ်များထိန်းချုပ်ထားသည့် နယ်မြေအချို့အား ပြန်လည်လက်လွှတ်လိုက်ရသည့် အခြေအနေကို တအာင်းအမျိုးသား လွတ်မြောက်ရေး တပ်မတော် PSLF/TNLA ပြောခွင့်ရ လွေးယေဦးက ဩဂုတ်လ ၅ ရက်နေ့ တွင် လုပ်ခဲ့သည့် အွန်လိုင်းသတင်းစာရှင်းလင်းပွဲတွင် ယခုကဲ့သို့ ပြောသည်။ “အဓိကကတော့ တိုက်ပွဲတွေဖြစ်ပွားနေတဲ့အချိန်မှာ စစ်ကောင်စီသည်တိုက်ပွဲဖြစ်ပွားခြင်းမရှိသည့်နေရာကို အရပ်သားတွေကိုပဲ ရည်ရွယ်ချက်ရှိရှိ ပစ်မှတ်ထားပြီးတော့မှ တိုက်ခိုက်တာ အရပ်သားတွေကို ဗုံးကြဲ တိုက်ခိုက်တာ အရပ်သားတွေ သေကြေတာ ပျက်စီးစေတာ အဲ့လိုမျိုးတွေလုပ်လာတဲ့အတွက်ကြောင့် ကျမတို့ PSLF/TNLA အနေနဲ့ အရပ်သားတွေ ထိခိုက်နစ်နာမှုမရှိအောင် အရပ်သားတွေ ဒီထက်ပိုပြီးတော့မှ သေကြေ ပျက်စီးမှုမရှိအောင်ဆိုပြီမှ ဗဟိုကော်မတီကနေတစ်ဆင့် ဆုံးဖြတ်ချက်ချမှတ်ပြီးတော့မှ ပြန်လည် ဆုတ်ခွာတာ ဖြစ်ပါတယ်။ တစ်ခြားသောအကြောင်းအရာတွေကတော့ မရှိဘူးပေါ့နော်။” ကိုးကန့်တပ်ဖွဲ့ MNDAA က လားရှိုးမြို့ကို ၂၀၂၄ ခုနှစ် ဩဂုတ်လ ၃ ရက်နေ့တွင် သိမ်းပိုက်နိုင်ခဲ့ပြီး တရုတ်၏ ဖိအားကြောင့် ယခုနှစ် ဧပြီလတွင်း စစ်ကော်မရှင်က လားရှိုးမြို့ကို ပြန်လည်ထိန်းချုပ်နိုင်ခဲ့သည်။ ထို့အတူ ယခုနှစ်အတွင်း စစ်ကော်မရှင်တပ်သည် တော်လှန်ရေးတပ်များ ထိန်းချုပ်ထားသည့် ရှမ်းပြည်နယ် မြောက်ပိုင်း နောင်ချိုမြို့ကို ဇူလိုင်လ ၁၅ ရက်နေ့ ၊ ရှမ်းပြည်နယ်တောင်ပိုင်း မိုးဗြဲမြို့နယ်ကို ဇူလိုင်လ ၆ ရက်နေ့ နှင့် ဇူလိုင်လ ၂၂ရက်နေ့၌ မန္တလေးတိုင်းရှိ သပိတ်ကျင်း စသည့်မြို့များကို ပြန်လည်သိမ်းပိုက် နိုင်ခဲ့သည်။ BNI-Myanmar Peace Monitor ၏ မှတ်တမ်းအရ စစ်အာဏာသိမ်းမှု လေးနှစ်တာကာလအတွင်း တော်လှန် ရေး အင်အားစုများက မြို့ပေါင်း ၉၅ မြို့ကို ထိန်းချုပ်နိုင်ခဲ့သည်။ လေးနှစ်ကျော် ကြာမြင့်ပြီ ဖြစ်သည့် နွေဦးတော်လှန်ရေးသည် စစ်ရေးအောင်မြင်မှုများနှင့် နယ်မြေများ စိုးမိုး ထိန်းချုပ်လာနိုင်သည့် အနေအထားများအောက်တွင် ရှိလာနေပြီ ဖြစ်သည်။ အဆိုပါ အနေအထားအောက်မှ တိုင်းရင်းသား လူမျိုးပေါင်းစုံပါဝင်သည့် ဖက်ဒရယ်ဒီမို ကရေစီ ပြည်ထောင်စု ပေါ်ပေါက်ရေးအတွက် အင်းအားစုအားလုံး ပူးပေါင်းပါဝင်မှုနှင့် စုစည်းညီညွှတ်မှုက အထူးလိုအပ်နေသည်ဟု BNI-MPM ၏ “စစ်အုပ်စု၏ ရွေးကောက်ပွဲ အစီအစဉ်၊ ပြည်သူလူထု၏ အကြပ်အတည်းနှင့် နွေဦးတော်လှန်ရေး လမ်းဆုံလမ်းခွ” စာအုပ်တွင် ထည့်သွင်း ဖော်ပြထားသည်။ Photo - Mai A Hein (၂၀၂၄ ခုနှစ် ဇူလိုင်လ ၂၄ ရက်နေ့က တအာင်းအမျိုးသား လွတ်မြောက် ရေးတပ်မတော် (TNLA) ပူးပေါင်းတပ်များက မန္တလေးတိုင်း မိုးကုတ်မြို့အတွင်းသို့ ဝင်ရောက်လာသည်ကို တွေ့ရစဉ်)

မဟာမိတ်ဆက်ဆံရေး ခိုင်မာပြီး လူထု ထောက်ခံမှု ရှိမှသာ သိမ်းပိုက်မြို့ရွာများ ရေရှည်ထိန်းနိုင်မည်

တအာင်းတပ် ထိန်းချုပ်ထားသည့် ကျောက်မဲနှင့် မိုးကုတ်မြို့ကို စစ်တပ်က လေကြောင်းမှ ဗုံးကြဲတိုက်ခိုက် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၂၆ ရက်။ ရှမ်းမြောက်နှင့် မန္တလေးတိုင်းထဲရှိ တအာင်းတပ် TNLA က ထိန်းချုပ်ထားသည့် မြို့တို့ကို စစ်ကော်မရှင်တပ်က လေကြောင်းမှ ဗုံးကြဲတိုက်ခိုက်မှုခဲ့ရာ ကိုရင် ၃ ပါး နှင့် အရပ်သား ၃ ဦး ထိမှန်ဒဏ်ရာ ရခဲ့သည်။ တအာင်းတပ် TNLA သိမ်းထားသည့် ရှမ်းပြည်မြောက်ပိုင်းက ကျောက်မဲမြို့နယ် လေကြောင်းမှ ဗုံးကြဲတိုက်ခိုက် ခံရမှုထဲ ကိုရင် ၃ ပါးနှင့် အမျိုးသား ၁ ဦး ထိမှန်ဒဏ်ရာရခဲ့သည်။ ဩဂုတ် ၂၅ ရက်နေ့၊ နံနက် ၁၁ နာရီကျော်အချိန်ခန့်တွင် ကျောက်မဲမြို့နယ်၊ ပိန္နဲကုန်းရပ်ကွက်၊ ဝါဆိုကျောင်း ဘက်ကို တိုက်ပွဲဖြစ်ပွားခြင်းမျိုး မရှိဘဲ လေကြောင်းမှ ဗုံးကြဲသွားခြင်း ဖြစ်သည်ဟု တအာင်းတပ် TNLA က ထုတ်ပြန်သည်။ အလားတူ နေအိမ် ၂၂ လုံး၊ ကျောင်းဆောင် ၄ ဆောင်နှင့် ကားနှစ်စီးလည်း ထိမှန်ပျက်စီးသွားသည်ဟု TNLA က ဆိုသည်။ “ပလောင်တပ်က ဝင်လို့ လေကြောင်းကနေ တိုက်တယ် အဲ့လိုပြောကြတယ်။ ဘာမှ မဆိုင်ဘူး တကယ်တော့ စစ်တပ်က ကြဲချင်လို့ကို ကြဲတာ။ ဝါဆိုကျောင်းဘက်မှာ တိုက်ပွဲလည်း မရှိဘူး။ အဲ့ဒါကို လေယာဉ်နဲ့ ဗုံးကြဲသွား တာ။ အဲ့မှာ ကျောင်းက သာမဏေပေါ့ ကိုရင် ၃ ပါး ဒဏ်ရာရတယ်။ ပြည်သူတွေထဲက ထိတာလည်း ရှိတယ်။ အိမ်အပျက်အစီးလည်း များတယ်” ဟု ဒေသခံ အမျိုးသမီးတစ်ဦးက ပြောသည်။ ထို့အပြင် ကျောက်မဲနှင့် နောင်ချိုမြို့နယ် အစပ်က အသက် ၁၂၅ နှစ်ကျော် သက်တမ်းရှိသည့် ဂုတ်ထိပ်တံတားမှာ လည်း ဩဂုတ်လ ၂၄ ရက်နေ့၊ နံနက်ပိုင်းတွင် ဖျက်ဆီးခံလိုက်ရသည်။ အဆိုပါ ကိစ္စနှင့် ပတ်သက်၍လည်း စစ်ကော်မရှင်တပ်နှင့် တအာင်းတပ် TNLA တို့က အပြန်အလှန် စွပ်စွဲနေကြ သည်။ ထို့အပြင် ဩဂုတ်လ ၂၅ ရက်နေ့ ည ၁၁ နာရီအချိန်ခန့်တွင် တအာင်းတပ် (TNLA) ထိန်းချုပ်ထားသည့် မိုးကုတ် မြို့ကို စစ်တပ်က လေကြောင်းမှ ထပ်မံ ဗုံးကြဲတိုက်ခိုက်ခဲ့သည်။ မန္တလေးတိုင်း၊ မိုးကုတ်မြို့နယ်ထဲက စည်ပင်သာယာရပ်ကွက်ကို တိုက်ပွဲမရှိဘဲ လေကြောင်းမှ ဗုံးကြဲခဲ့ခြင်း ကြောင့် အရပ်သား ၁ ဦး ထိခိုက်ဒဏ်ရာရပြီး နေအိမ် ၅ လုံး ထိမှန်ပျက်စီးခဲ့သည်ဟု တအာင်းတပ်က ဩဂုတ်လ ၂၆ ရက်နေ့တွင် သတင်း ထုတ်ပြန်ထားသည်။ မိုးကုတ်ဒေသခံ အမျိုးသမီးတစ်ဦးက “အခုကလေ အသံကြားရင်ကို ဘယ်ပြေးလို့ ပြေးရမှန်း မသိတော့ဘူး။ မိုးကုတ် လေကြာင်းတိုက်ခိုက်မှုက အရှေ့ပိုင်း စည်ပင်သာယာရပ်ကွက်ပေါ့နော်။ ဂေါ်ရခါးဘုရားကျောင်း ရှေ့မှာ ကျတာပါ” ဟု ပြောသည်။ သြဂုတ်လအတွင်း စစ်တပ်က မိုးကုတ်မြို့ကို လေကြောင်းမှ အကြိမ်ကြိမ် ဗုံးကြဲ တိုက်ခိုက်ခဲ့ခြင်းကြောင့် ကလေးနှင့် အမျိုးသမီး အပါအဝင် လူပေါင်း ၄၀ ကျော် သေဆုံးခဲ့ပြီး ဖြစ်သည်။ ထိုသို့ လေကြောင်းမှ တိုက်ခိုက်မှုမျာကြောင့် ထိခိုက်ဒဏ်ရာရသူလည်း အယောက် ၂၀ ကျော်သွားပြီ ဟု မိုးကုတ် ဒေသခံများက ပြောသည်။ စစ်တပ်က နောင်ချိုမြို့ကို ပြန်ထိန်းချုပ်အပြီး မိုးကုတ်၊ ကျောက်မဲ၊ သီပေါမြို့နယ်တို့ကို မြေပြင် စစ်ကြောင်း အပြင် လေကြောင်းကနေပါ ဗုံးကြဲတိုက်ခိုက် ဖိအားပေးနေသည်ဟု လေ့လာသူများ သုံးသပ်ပြောဆိုနေကြ သည်။

တအာင်းတပ် ထိန်းချုပ်ထားသည့် ကျောက်မဲနှင့် မိုးကုတ်မြို့ကို စစ်တပ်က လေကြောင်းမှ ဗုံးကြဲတိုက်ခိုက်

TNLA တပ်အတွင်း အခြား တိုင်းရင်းသားများပါ လာရောက် ပူးပေါင်း သတင်းနှင့် မီဒီယာကွန်ရက်။ ၂၀၂၅ ခုနှစ်၊ ဩဂုတ်လ ၆ ရက်။ တအာင်း (ပလောင်) လူမျိုးများ အပြင် အခြားတိုင်းရင်းသား လူမျိုးစုများကလည်း ၎င်းတို့၏ တပ်တွင် ဆန္ဒ အလျောက် ပါဝင် စစ်မှုထမ်းလာကြကြောင်း တအာင်းအမျိုးသား လွတ်မြောက်ရေး တပ်မတော် (TNLA) က ပြောသည်။ အထူးသဖြင့် မိုးကုတ်၊ မိုးမိတ်ကဲ့သို့ လူမျိုးပေါင်းစုံနေထိုင်သည့် ဒေသများတွင် တအာင်းလူမျိုး မဟုတ်သည့် အခြားသော လူမျိုးစုများက တပ်ဖွဲ့ဝင်အဖြစ် ပါဝင်လာမှုများ ရှိနေကြောင်း တအာင်းတပ် TNLA ၏ ပြောရေး ဆိုခွင့်ရှိသူ လွေးယေဦးက ပြောသည်။ “တခြား လူမျိုးစုတွေလည်း ပါဝင်လာတာ တွေ့ရပါတယ်။ အထူးသဖြင့် မိုးကုတ် မိုးမိတ်လို ဒေသမျိုးဆိုရင် တအာင်းလူမျိုးစု မဟုတ်တဲ့ သူတွေလည်း ပါဝင်လာတာ တွေ့ရပါတယ်။ ဒီအပေါ်မှာလည်း ကျမတို့ ကြိုဆို ပြီးတော့ ဆောင်ရွက်တာတွေလည်း ရှိပါတယ်” ဟု ဩဂုတ်လ ၅ ရက်နေ့က ပြုလုပ်သော online သတင်းစာ ရှင်းလင်းပွဲတွင် လွေးယေဦးက ပြောဆိုလိုက်ခြင်း ဖြစ်သည်။ TNLA ၏ စစ်မှုထမ်းဥပဒေသည် တအာင်းလူမျိုးများကိုသာ အဓိက ရည်ရွယ်သော်လည်း အခြားသော တိုင်းရင်း သား လူမျိုးစုများ အနေဖြင့် ၎င်းတို့ ဆန္ဒရှိပါက သက်ဆိုင်ရာ ရပ်ကွက်ထောက်ခံစာနှင့် တကွ စနစ်တကျ စိစစ် လက်ခံပေးလျက်ရှိကြောင်း လွေးယေဦးက ဆက် ပြောသည်။ “ကျမတို့ PSLF/TNLA သည် လက်ရှိ လောလောဆယ်မှာတော့ မူအရ ဒီဥပဒေအရ သတ်မှတ်ထားတာကတော့ ကျမတို့သည် ဒီတအာင်းလူမျိုးကိုပဲ ၁၈ နှစ်ပြည့်ပြီးတဲ့ သူတွေကိုပဲ ဒီတရား ဥပဒေအရ ကျနော်တို့ ကောက်ခံနေ တာ ဖြစ်ပါတယ်။ တခြား လူမျိုးစုတွေကတော့ သူတို့ရဲ့ ဒီပါဝင်လာနိုင်မှုကတော့ ကျနော်တို့ ကြိုးပမ်းတာမျိုး တွေ ရှိပါတယ်။” တအာင်းတပ် TNLA သည် မိုးကုတ်မြို့ရှိ ဂေါ်ရခါးလူမျိုးများအား အတင်းအကျပ် စစ်သား စုဆောင်းနေသည် ဆိုသော သတင်းများ ထွက်ပေါ်နေခြင်းနှင့် ပတ်သက်၍လည်း ၎င်းက ဒေသလုံခြုံရေးအတွက် ပူးပေါင်းပါဝင်ရန် လူမျိုးစု ခေါင်းဆောင်များနှင့် ညှိနှိုင်းဆွေးနွေးခြင်းသာ ဖြစ်ပြီး အတင်းအကျပ် စုဆောင်းခြင်းမျိုး မရှိဘူးဟု ဆိုသည်။ TNLA အနေဖြင့် တော်လှန်ရေး ရည်မှန်းချက်တူသည့် မည်သည့် လူမျိုးစုကိုမဆို ဆန္ဒအလျောက် ပူးပေါင်း ပါဝင် လာမှုအား ကြိုဆိုလျက်ရှိပြီး ဒေသတည်ငြိမ်ရေးနှင့် တရားဥပဒေ စိုးမိုးရေး လုပ်ငန်းများတွင် အတူတကွ လက်တွဲ ဆောင်ရွက်သွားမည်ဟု ဆိုသည်။ ညီနောင်မဟာမိတ်သုံးဖွဲ့၏ ‘၁၀၂၇’ စစ်ဆင်ရေး နောက်ပိုင်း တအာင်းတပ် TNLA သည် ရှမ်းပြည်မြောက်ပိုင်းရှိ မြို့နယ် အများအပြားကို ထိန်းချုပ်နိုင်ခဲ့သော်လည်း၊ လက်ရှိတွင် စစ်ကော်မရှင်တပ်၏ ပြန်လည်ထိုးစစ်များကို ပြင်းထန်စွာ ရင်ဆိုင်နေရသည်။ အထူးသဖြင့် လတ်တလောတွင် နောင်ချိုမြို့ကို စစ်ကော်မရှင်က လေကြောင်းတိုက်ခိုက်မှုနှင့်အတူ အဓမ္မ စုဆောင်းထားသည့် စစ်မှုထမ်း အင်အား အလုံးအရင်းသုံးကာ ပြန်လည် သိမ်းပိုက်ခဲ့ခြင်းသည် TNLA အတွက် စစ်ရေးအရ ဖိအားတစ်ခုဖြစ်စေခဲ့သည်။ ထို့အပြင် ကျောက်မဲ၊ သီပေါနှင့် မိုးကုတ်ကဲ့သို့သော မြို့များ၏ အနီးဝန်းကျင်တွင်လည်း တိုက်ပွဲများ ဆက်လက် ဖြစ်ပွားနေပြီး နှစ်ဖက်စလုံးမှ မဟာဗျူဟာကျသည့် နယ်မြေများကို ထိန်းချုပ်နိုင်ရန် အပြန်အလှန် ကြိုးပမ်းနေ သည့်အတွက် ဒေသတွင်း နှစ်ဘက်ကြား စစ်ရေးတင်းမာမှုများ မြင့်တက်နေသည်။

TNLA တပ်အတွင်း အခြား တိုင်းရင်းသားများပါ လာရောက် ပူးပေါင်း

ဖိအားများကို မဟာမိတ်များနှင့် ပူးပေါင်း ရင်ဆိုင်သွားမည်ဟု TNLA ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၆ ရက်။ စစ်ကော်မရှင်နှင့် တရုတ်၏ ဖိအားများအား ရင်ဆိုင်နိုင်ရန် မဟာမိတ် တော်လှန်ရေး အင်အားစုများ၏ အကူအညီ လိုအပ်သည်ဟု တအာင်းအမျိုးသား လွတ်မြောက်ရေး တပ်မတော် (PSLF/TNLA) က ပြောသည်။ ဩဂုတ်လ ၅ ရက်နေ့တွင် ပြုလုပ်သည့် တအာင်းတပ် PSLF/TNLA ၏ သတင်းစာရှင်းလင်းပွဲတွင် ပြောရေး ဆိုခွင့်ရှိသူ လွေးယေဦးက ပြောဆိုလိုက်ခြင်း ဖြစ်သည်။ “ဒီမြို့တွေကို ထိန်းချုပ်နိုင်ဖို့ ကျမတို့ဘက်ကလည်း ပြင်ဆင်မှုတွေ ထားရှိပါတယ်။ လိုအပ်တဲ့ အကူအညီတွေ လည်း ကျမတို့ဘက်ကနေ ရယူပါတယ်။ ဒီနိုင်ငံရေးမှာပဲ ပြောပြော၊ စစ်ရေးမှာပဲ ပြောပြော မဟာမိတ်ရဲ့ ပူးပေါင်း ပါဝင်မှုကတော့ အရမ်း အရေးကြီးပါတယ်။ ကျမတို့ ဒီအဖွဲ့အစည်း တစ်ဖွဲ့တည်းကတော့ တစ်ချို့ ကိစ္စ တွေမှာ တစ်ဖွဲ့တည်း လုပ်ဖို့ကတော့ နည်းနည်းလေး ခက်ခဲနေတာမျိုးဆိုတော့ အားလုံးကတော့ ဒီမဟာမိတ်ရဲ့ ပူးပေါင်း ပါဝင်မှုတွေနဲ့ပဲ ကြိုးပမ်း ဆောင်ရွက်နေတာ ဖြစ်ပါတယ်။” ပြီးခဲ့သည့် ဇူလိုင်လ ၁၆ ရက်နေ့တွင် စစ်ကော်မရှင်တပ်များက နောင်ချိုမြို့ကို ပြန်လည်ထိုးစစ်ဆင် သိမ်းပိုက်ခဲ့ ပြီးနောက် တအာင်းတပ် TNLA ဘက်မှ ယခုကဲ့သို့ ပြောဆိုလာခြင်း ဖြစ်သည်။ စစ်ကော်မရှင်တပ်က နောင်ချိုမြို့တွင် ၎င်းတို့၏ အုပ်ချုပ်ရေးယန္တရားများ ပြန်လည်ပတ်နေပြီ ဖြစ်၍ နောင်ချို မြို့ကို အခြေစိုက်စခန်းအဖြစ် အသုံးပြုကာ တအာင်းတပ် TNLA က ထိန်းချုပ်ထားသည့် ကျောက်မဲ၊ သီပေါနှင့် မိုးကုတ်မြို့များသို့ ဆက်လက် ထိုးစစ်ဆင်လာနိုင်ကြောင်း စစ်ရေးသုံးသပ်သူများ သုံးသပ်နေကြသည်။ လက်ရှိတွင် နောင်ချို - မိုးကုတ်လမ်းပိုင်း နေရာများတွင် စစ်ကော်မရှင်တပ်များနှင့် တအာင်း TNLA အပါအဝင် တိုင်းရင်းသား လက်နက်ကိုင် တပ်ဖွဲ့များ အကြား တိုက်ပွဲများ ဆက်လက် ဖြစ်ပွားနေဆဲဖြစ်ကြောင်း ဒေသတွင်း သတင်းများက ဆိုသည်။ TNLA ၏ ပြောရေးဆိုခွင့်ရှိသူ လွေးယေဦးက ၎င်းတို့အနေဖြင့် တော်လှန်ရေး ပန်းတိုင်နှင့် ရည်မှန်းချက်တူသည့် မည်သည့် အဖွဲ့အစည်းနှင့်မဆို ပူးပေါင်း ဆောင်ရွက်သွားရန် အသင့်ရှိသည်ဟု ဆက်ပြောသည်။ “ကျမတို့နဲ့ တော်လှန်ရေး ပန်းတိုင် ရည်မှန်းချက်တူတဲ့၊ သဘောထား တိုက်ဆိုင်တဲ့ အဖွဲ့အစည်းတွေ၊ အင်အားစု တွေနဲ့တော့ ပူးပေါင်းဖို့ရှိပါတယ်။ ကျမတို့ ၁၀၂၇ စစ်ဆင်ရေး အပိုင်း (၁ - ၂) ဖော်ဆောင်နေတဲ့ အချိန်မှာလည်း ဒီတော်လှန်ရေး အင်အားစုတွေကို ဖိတ်ခေါ်တာမျိုးတွေ ရှိပါတယ်။ တစ်ချို့ကလည်း ပါဝင်လာကြသလို တစ်ချို့ ကလည်း ဒီအခြေအနေ အရပ်ရပ်ကြောင့် မပါဝင်နိုင်သေးတာတွေလည်း တွေ့ရပါတယ်။” တအာင်းတပ်မတော် TNLA အနေဖြင့် ကျန်ရှိနေ မြို့များကို ဆက်လက် ထိန်းချုပ်ထားရန်ရန် လိုအပ်သည့် ပြင်ဆင်မှုများနှင့် အကူအညီများ ရယူသွားမည် ဖြစ်ပြီး မဟာမိတ်အားလုံး၏ ပူးပေါင်းပါဝင်မှုကို ရရှိရန် ဆက်လက် ကြိုးပမ်းနေသည်ဟုလည်း ထုတ်ဖော် ပြောဆိုထားသည်။ တရုတ်နိုင်ငံ၊ ကူမင်းမြို့၌ ပြုလုပ်ခဲ့သည့် ဧပြီလ ၂၈ ရက်နေ့မှ ၂၉ ရက်နေ့ အတွင်း စစ်ကော်မရှင်နှင့် တအာင်း အမျိုးသား လွတ်မြောက်ရေး တပ်မတော် (TNLA) တွေ့ဆုံမှု၌ ကျောက်မဲ၊ နောင်ချို၊ သီပေါ၊ မိုးကုတ်၊ မိုးမိတ်မြို့ တို့အား ပြန်ပေးရန် စစ်ကော်မရှင်က တောင်းဆိုခဲ့သည်။ ယခု ဩဂုတ်လ အတွင်း၌လည်း တရုတ်၏ ကြားဝင် ဆောင်ရွက်ပေးမှုဖြင့် တအာင်းတပ် TNLA နှင့် စစ်ကော် မရှင်တို့ ထပ်မံတွေ့ဆုံရန်ရှိနေသည်ဟု လွေးယေဦးက အတည်ပြုပြောဆိုသည်။

ဖိအားများကို မဟာမိတ်များနှင့် ပူးပေါင်း ရင်ဆိုင်သွားမည်ဟု TNLA ပြော

နောင်ချိုတွင် တိုက်ပွဲများ ဆက်လက်ပြင်းထန်နေမည် ဖြစ်၍ စစ်ရေးသတိရှိကြရန် TNLA သတိပေး သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၇ ရက်။ စစ်ကောင်စီတပ်က ထိန်းချုပ်လိုက်သည့် ရှမ်းမြောက်ဒေသ၊ နောင်ချိုမြို့တွင်း တိုက်ပွဲများ ဆက်လက် ပြင်းထန် အုံးမည်ဖြစ်၍ ပြည်သူများ စစ်ရေးသတိရှိကြရန် တအာင်းတပ် TNLA အသိပေး ထုတ်ပြန်သည်။ နောင်ချိုမြို့မှာ တိုက်ပွဲတွေ ဆက်လက်ပြင်းထန်နေမှာ ဖြစ်၍ တိုက်ပွဲများကြား မိဘပြည်သူလူထု ကြားညှပ် ခြင်းမျိုး၊ ပိတ်မိခြင်းမျိုးတို့ ဖြစ်စေရန် လုံခြုံရေးသတိထားပြီး နေထိုင်သွားလာကြဖို့နှင့် လေကြောင်း အန္တရာယ် ကာကွယ်ရေး လမ်းညွှန်ချက်များ လိုက်နာကြဖို့ လိုအပ်သည်ဟု TNLA က အသိပေးဖော်ပြလိုက်သည်။ အဆိုပါ အသိပေး ထုတ်ပြန်ချက်ကို တအာင်းတပ်မတော် TNLA က ဇူလိုင်လ ၁၆ ရက်နေ့တွင် ထုတ်ပြန်လိုက် ခြင်း ဖြစ်သည်။ မြေပြင်က အခြေအနေနှင့် ပတ်သက်၍ ဒေသခံတစ်ဦးက “ဇူလိုင်လ ၁၂ ရက်နေ့ည၊ ၁၃ ရက်နေ့လောက်စပြီး မြို့ထဲကို စစ်တပ်က ဝင်လာပြီပေါ့နော်” ဟု ပြောသည်။ စစ်ကောင်စီတပ်က နောင်ချိုမြို့အတွင်းကို ဇူလိုင် ၁၃ ရက်နေ့က စတင်၍ ဝင်ရောက်လာခဲ့ခြင်း ဖြစ်သည်ဟု ဒေသခံ အချို့က ပြောသည်။ နောင်ချိုမြို့ အနီးကပ် ရောက်လာနေသော်လည်း စိုးရိမ်မှု မရှိကြရန် တအာင်းတပ် TNLA ပြောရေးဆိုခွင့်ရှိသူ လွေးယေဦး ပြောဆိုထားသည်။ ဇူလိုင်လ ၅ ရက်နေ့က ပြုလုပ်ခဲ့သည့် အွန်လိုင်း သတင်းစာရှင်းလင်းပွဲတွင် လွေးယေဦးက “ဒီလိုမျိုး နောင်ချို ကို လက်လွှတ်ပေးရတာမျိုး၊ ဆုံးဖြတ်ချက်ချထားတာမျိုးတွေလည်း မရှိသေးဘူး ပေါ့နော်။ ကျမတို့က လက်ရှိ ကတော့ အကောင်းဆုံးနဲ့ ကျမတို့ ရှိတဲ့ ဒီခုခံကာကွယ်မှုကိုလည်း ကျမတို့ ပြင်ဆင်ထားပါတယ်” ဟု ပြောသည်။ ဇူလိုင်လ ၁၆ ရက်နေ့တွင် နောင်ချိုမြို့ပေါ်ရှိ အစိုးရဌာနဆိုင်ရာရုံးများနှင့် နေရာအများအပြားကို စစ်ကောင်စီက ထိန်းချုပ်နိုင်ခဲ့သည်။ နောင်ချိုမြို့ကို ပြန်ရရေး ၁ နှစ်နီးပါး တိုက်ခိုက်ခဲ့ရသည်ဟုလည်း စစ်ကောင်စီက ထုတ်ပြန်ထားသည်။ နောင်ချိုမြို့ကို ပြန်လည်ထိန်းချုပ်နိုင်ရေး အမှတ် ၂ စစ်ဆင်ရေးအထူးအဖွဲ့မှူး ဒုဗိုလ်ချုပ်ကြီး နိုင်နိုင်ဦး ဦးဆောင် ကွပ်ကဲပြီး စစ်ကူစစ်ကြောင်းများအပြင် လေကြောင်း၊ လက်နက်ကြီးပစ်ကူ၊ ကွန်မန်ဒိုအဖွဲ့၊ မြေပြင်အဖွဲ့များနှင့် တိုက်ယူခဲ့ရသည်ဟု ဆိုသည်။ ထို့အပြင် အကြမ်းဖက်ချေမှုန်းရေး စစ်ဆင်ရေး (Counter-Terrorism Operation) ဖော်ဆောင်ပြီး ၁၁ လကြာ တိုက်ယူခဲ့ရခြင်း ဖြစ်သည်ဟု စစ်ကောင်စီက ဇူလိုင်လ ၁၇ ရက်နေ့တွင် ထုတ်ပြန်သည်။

နောင်ချိုတွင် တိုက်ပွဲများ ဆက်လက်ပြင်းထန်နေမည် ဖြစ်၍ စစ်ရေးသတိရှိကြရန် TNLA သတိပေး

စစ်ကောင်စီက နိုင်ငံ၏ လေးပုံ တစ်ပုံ ပင် ထိန်းချုပ်မထားနိုင်တော့ကြောင်း NUG ပြော သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဧပြီလ ၂၄ ရက်။ မြန်မာနိုင်ငံ၏ သမိုင်းတစ်လျှောက် စစ်တပ်သည် နွေဦးတော်လှန်ရေး ကာလအတွင်း အကြီးမားဆုံး ရှုံးဆုံးမှုကို ရင်ဆိုင်ကြုံတွေ့နေရပြီး နယ်မြေထိန်းချုပ်နိုင်မှု အနေအထားကလည်း လေးပုံတစ်ပုံပင် မရှိတော့ဘူးဟု အမျိုးသား ညီညွတ်ရေး အစိုးရ NUG ယာယီ သမ္မတ ဒူဝါလရှီးလက ပြောဆိုလိုက်သည်။ ယခုနှစ်တွင် ကျရောက်သည့် မြန်မာ့ရိုးရာ နှစ်သစ်ကူး နှုတ်ခွန်းဆက်မိန့်ခွန်း၌ NUG ယာယီသမ္မတ က ထည့်သွင်း ပြောကြားသွားခြင်း ဖြစ်သည်။ “တော်လှန်ရေး အင်အားစု အသီးသီးရဲ့ စွမ်းဆောင်ရည်တွေနဲ့ ပြည်သူလူထုရဲ့ အားပေးထောက်ခံမှုတွေကြောင့် ဒီကနေ့ အချိန်မှာ စစ်ကောင်စီအနေနဲ့ မြန်မာစစ်သမိုင်းတစ်လျှောက် အကြီးမားဆုံး ရှုံးဆုံးမှုတွေကို ရင်ဆိုင်ကြုံ တွေ့နေကြရပြီဆိုတာ အားလုံးမျက်မြင်ပဲ ဖြစ်ပါတယ်။ နိုင်ငံတဝန်းမှာ စစ်ကောင်စီ ထိန်းချုပ်နိုင်မှုက လေးပုံ တစ်ပုံတောင် မရှိတော့ဘူးဆိုတာကို မြေပြင် အချက်အလက်တွေက ဖော်ပြနေပါတယ်။” တော်လှန်ရေး ၄ နှစ်တာ ကာလအတွင်း စစ်ကောင်စီကို ရင်ဆိုင်တော်လှန်နိုင်ခြင်းက သက်ဆိုင်ရာ တော်လှန်ရေး အဖွဲ့အစည်းများနှင့် မဟာမိတ် ဆက်ဆံရေးကို အခိုင်အမာ တည်ဆောက်ထားနိုင်ပြီး ပြည်သူလူထု၏ ထောက်ခံ အားပေးမှုကြောင့်ဟု ဆိုသည်။ တစ်ဖက်တွင်လည်း တော်လှန်ရေး ကြာရှည်လာသည်နှင့်အမျှ ပြည်သူများမှာ ပိုမို ထိခိုက်ခံစားနေရပြီး တိုင်းပြည်လည်း နစ်နာနေရသည်ဟု NUG ယာယီ သမ္မတ က ဆက်ပြောသည်။ “တိုင်းပြည်နဲ့ ပြည်သူ့ ဘဏ္ဍာတွေကို ဂုတ်သွေးစုပ်ပြီး ပြည်သူကို စစ်မက်ပြုနေတဲ့ စစ်အုပ်စုကို တိုက်ထုတ်ရတဲ့ တော်လှန်ရေး ဖြစ်သလို စစ်အာဏာရှင်နဲ့ အာဏာရှင်မှန်သမျှကို စစ်အာဏာရှင် အမူအကျင့် အတွေးအခေါ်မှန် သမျှ အဆုံးသတ်ရေးအတွက် ဆင်နွှဲနေရတဲ့ တော်လှန်ရေး ဖြစ်တာကြောင့် ခက်ခဲကြမ်းတမ်းမှုတွေ အများကြီး ရှိတာဆိုတာကိုလည်း အရှိတရားကျကျ ကြည့်မြင်ရမှာ ဖြစ်ပါတယ်။” ထို့ကြောင့် တော်လှန်ရေးကို အမြန်ဆုံး အဆုံးသတ်နိုင်ရန် သက်ဆိုင်ရာ တော်လှန်ရေး အင်အားစုများ အနေဖြင့် ပိုပြီး ကြိုးစားကြရန် NUG ယာယီ သမ္မတ ဒူဝါလရှီးလက တိုက်တွန်းထားသည်။ “တတ်နိုင်သမျှ ဒီတော်လှန်ရေးကို အမြန်ဆုံးအောင်မြင်အောင် လုပ်ဆောင်ပြီး ပြည်သူလူထု ထမ်းထားရတဲ့ ဝန်ထုပ်ဝန်ပိုးတွေ ပပျောက်သွားအောင် ကြိုးစားကြရမှာ ဖြစ်ပါတယ်။ အထူးသဖြင့် ဒီ ၂၀၂၅ ခုနှစ်ဟာ ကြီးမား တဲ့ တော်လှန်ရေး အလှည့်အပြောင်း ဖြစ်လာစေမယ့်နှစ် ပြည်သူလူထု အတွက် တော်လှန်ရေး အပြီးသတ် အောင်ပွဲ အလင်းရောင်ကို ယူဆောင်သွားနိုင်မယ့် နှစ်ဖြစ်ဖို့ ကျနော်တို့ တော်လှန်ရေး အင်အားစုတွေ အားလုံး ဆထက်တစ်ပိုး ကြိုးစားသွားရမှာ ဖြစ်ပါတယ်။” စစ်အာဏာသိမ်းပြီးနောက် ပြည်နယ်နှင့် တိုင်းဒေသကြီးတွေမှာ စစ်ကောင်စီတပ်နှင့် တော်လှန်ရေး အင်အား စုများအကြား တိုက်ပွဲများ ပြင်းပြင်းထန်ထန် ဖြစ်ပွားလာခဲ့သည်။ စစ်ရေးပဋိပက္ခများကြားက ပြည်သူများသည် စစ်ကောင်စီတပ်၏ ဖမ်းဆီးနှိပ်စက် သတ်ဖြတ်ခြင်း၊ လူသားဒိုင်း ကာ ပြုလုပ်ခြင်း၊ နေအိမ်များကို မီးရှို့ခြင်း၊ ပြည်သူများ လုပ်ကိုင်စားသောက်နေသည့် နေရာများကို လက်နက် ကြီး ပစ်ခတ်ခြင်းနှင့် ကျေးရွာများထဲမှ မောင်းထုတ်ခြင်း စသည့် လူ့အခွင့်အရေး ချိုးဖောက်မှုများကို ခံစားခဲ့ရ သည်။ လက်ရှိတွင် စစ်ကောင်စီတပ်က ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အရှိန်အဟုန်မြင့် ဆောင်ရွက်ဖို့ရန် တည်ငြိမ်အေးချမ်းရေးကို ရှေးရှု့ပြီး ယာယီ အပစ်ရပ်ထားမည်ဟု ထုတ်ပြန် ထားသည်။ ယာယီ အပစ်ရပ်မည်ဟု ထုတ်ပြန်ထားသော်လည်း လေကြောင်းတိုက်ခိုက်မှု၊ ဒရုန်းနှင့် ဗုံးကြဲ တိုက်ခိုက်မှု၊ လက်နက်ကြီး ပစ်ခတ်မှုများကို စစ်ကောင်စီက ပြည်နယ်နှင့် တိုင်းဒေသကြီးများတွင် နေ့တိုင်း လုပ်ဆောင်နေပြီး တိုက်ပွဲများလည်း ပြင်းထန်စွာ ဆက်လက် ဖြစ်ပွားနေသည်ဟု တော်လှန်ရေး အင်အားစုများက ပြောသည်။

စစ်ကောင်စီက နိုင်ငံ၏ လေးပုံ တစ်ပုံ ပင် ထိန်းချုပ်မထားနိုင်တော့ကြောင်း NUG ပြော

MNDAA က အပစ်ရပ်၊ တရုတ်နဲ့ ပေါင်းပြီး နိုင်ငံရေး ဆွေးနွေးပွဲတွေ လုပ်မည်ဟု ထုတ်ပြန်

MNDAA က အပစ်ရပ်၊ တရုတ်နဲ့ ပေါင်းပြီး နိုင်ငံရေး ဆွေးနွေးပွဲတွေ လုပ်မည်ဟု ထုတ်ပြန်

« Prev 1 2 3 4 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

ပြင်သစ်နှင့်စပိန်တွင် တောမီးများ လောင်ကျွမ်းဆဲဖြစ်ပြီး အပူလှိုင်းသစ် ကြောင့် စိုးရိမ်မှု မြင့်တက် — July 28, 2026 12:41 pm
တောင်ကိုရီးယား သမ္မတဟောင်းအား မဟုတ်မမှန် ပြောဆိုမှုဖြင့် ဆိုင်းငံ့ထောင်ဒဏ် ချမှတ် — July 28, 2026 12:33 pm
ယူကရိန်း သမ္မတက ဗြိတိန် ဝန်ကြီးချုပ်သစ်အား တွေ့ဆုံ နှုတ်ဆက်၊ ဗြိတိန်က အီလက်ထရောနစ် စစ်ဆင်ရေး နည်းပညာ မူပိုင်ခွင့် မျှဝေမည် — July 28, 2026 12:26 pm

Recent Posts

ကျောက်တော်မြို့နယ်တွင် ရေကြီးပြီးနောက် ငှက်ဖျားရောဂါကူးစက်မှု များပြားနေ
ကရင်နီပြည် ဒီးမော့ဆိုတွင် တိုက်ပွဲများ ပြင်းထန်နေ
မြဝတီနယ်စပ်တွင် တိုက်ပွဲပြင်းထန်နေပြီး ဗုံးကြဲမှုကြောင့် ကျောင်းထိုင်ဆရာတော် ပျံလွန်တော်မူ
မင်းပြားနှင့် ပေါက်တောမြို့များကို ရှေးရခိုင်ခေတ် အမည်များသို့ AA တရားဝင် အမည်ပြောင်းလဲ
NDAA က မန္တလေးတိုင်း ပကဖတာဝန်ခံ ကိုဝဏ္ဏအောင်ကို မိုင်းလားတွင် ဖမ်းဆီးပြီး စစ်တပ်ထံ လွှဲပြောင်း

Archives

Archives

×Close