NMG Doh – Page 114 – Network Media Group

NMG Doh

Author: NMG Doh

Oct 3

ရွှေဘိုမြို့တွင် လက်နက်ကြီးကျည်ကျရောက်၍ ကိုရင် ၄ ပါး ပျံလွန်၊ ဘုန်းကြီး ၇ ပါး ဒဏ်ရာရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၃ ရက်။ စစ်ကိုင်းတိုင်း၊ ရွှေဘိုမြို့နယ်တွင် စစ်ကော်မရှင်တပ်၏ လက်နက်ကြီး ပစ်ခတ်မှုကြောင့် အသက် ၁၄ နှစ်အရွယ် ကိုရင်ငယ် ၄ ပါး ပျံလွန်တော်မူခဲ့ပြီး ဘုန်းကြီး ၇ ပါး ထိမှန်ဒဏ်ရာ ရရှိခဲ့ကြောင်း ဒေသခံများထံမှ သိရသည်။ အောက်တိုဘာလ ၂ ရက်နေ့ နံနက် ၁၁ နာရီခန့်တွင် ရွှေဘိုမြို့တောင်ဘက် ၁ မိုင်ခန့်အကွာ၌ စစ်ကော်မရှင် တပ် နှင့် ဒေသကာကွယ်ရေးအဖွဲ့များ အကြား တိုက်ပွဲဖြစ်ပွားနေစဉ် လက်နက်ကြီးကျည်သည် သမိုင်းဝင် အောင်မြေ ဘုန်းကြီးကျောင်းအတွင်း ကျရောက် ပေါက်ကွဲခဲ့ခြင်း ဖြစ်သည်။ ပျံလွန်တော်မူခဲ့သော ကိုရင်ငယ်များမှာမှာ ရှင်ဉာဏိက၊ ရှင်ဥတ္တမ၊ ရှင်ဝိမလ တို့အပါအဝင် လေးပါးလုံးမှာ အသက် ၁၄ နှစ် ဝန်းကျင်များ ဖြစ်ကြသည်။ ထို့အပြင် ကျောင်းတိုက်အတွင်းရှိ ဘုန်းကြီး ၇ ပါးမှာလည်း ထိမှန်ဒဏ်ရာများ ရရှိခဲ့သည်။ ရွှေဘိုမြို့အဝင်မုဒ်ဦးမှတစ်ဆင့် ခတဂဏန်းရွာသို့ ဝင်ရောက်လာသော စစ်ကော်မရှင် တပ်ဖွဲ့ဝင်များနှင့် ဒေသကာကွယ်ရေးတပ်ဖွဲ့များ ထိတွေ့တိုက်ပွဲ ဖြစ်ပွားခဲ့ခြင်း ဖြစ်ပြီး၊ ရွှေဘိုမြို့ ကညနတွင် တပ်စွဲထားသည့် စစ်ကော်မရှင်တပ်က ၁၂၀ မမ လက်နက်ကြီးများဖြင့် အဆက်မပြတ် ပစ်ကူပေးနေခဲ့ကြောင်း ဒေသခံများက ပြောသည်။ လက်ရှိတွင် တိုက်ပွဲများကြောင့် ရွှေဘို-မန္တလေး လမ်းပိုင်ကို ယာယီအသုံးမပြုရန် ရွှေဘိုမြို့နယ် သတင်းမှန် ပြန်ကြားရေးအဖွဲ့က ထုတ်ပြန်အသိပေးထားသည်။

ရွှေဘိုမြို့တွင် လက်နက်ကြီးကျည်ကျရောက်၍ ကိုရင် ၄ ပါး ပျံလွန်၊ ဘုန်းကြီး ၇ ပါး ဒဏ်ရာရ  

Oct 2

မင်းသား ဗီဂျေး မဲဆွယ်ပွဲ လူပိ သေဆုံးသူ အများအပြားရှိ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂ ရက်။ အိန္ဒိယ ရုပ်ရှင်တွေ ကြည့်တဲ့ပရိဿတ်တွေကတော့ ထိပ်တန်း မင်းသား ဗီဂျေး (Vijay) ကို သိကြမယ် ထင်ပါတယ်။ သူဟာ ဟိုးအရင် တခေတ်က မင်းသားကြီး အမီတာဘ် ဘာချန် လိုပဲ အိန္ဒိယမင်းသားတွေထဲမှာ နာမည်အကြီးဆုံး ဖြစ်ပြီး နိုင်ငံရေးထဲမှာ ပါဝင်လာတဲ့ မင်းသား ဖြစ်ပါတယ်။ တမီလ် ရုပ်ရှင်လောကရဲ့ အကျော်ကြားဆုံး ကြယ်ပွင့်တွေထဲက တစ်ဦးလည်း ဖြစ်သလို အိန္ဒိယ နိုင်ငံရဲ့ ဝင်ငွေအကောင်းဆုံး ရုပ်ရှင်မင်းသား ဖြစ်ပါတယ်။ သူဟာ တမီးလ်နာဒူး ပြည်နယ်မှာ နိုင်ငံရေး ပါတီ တစ်ခုကို ထူထောင်ထားပါတယ်။ TVK လို့ အတိုကောက်ခေါ်တဲ့ သူ့ပါတီအတွက် မကြာသေးခင်ကတော့ မဲဆွယ်တရားပွဲတွေ ကျင်းပနေခဲ့ပါတယ်။ ရုပ်ရှင်လုပ်ငန်းမှာ ပရိဿတ်အားကောင်းကောင်းရထားတဲ့ Vijay ဟာ သူ့ပရိဿတ်တွေကို သူ့ပါတီရဲ့ အမာခံတွေ အဖြစ်လည်း ပြောင်းလဲနိုင်ခဲ့ပါတယ်။ ဒါပေမယ့် စက်တင်ဘာလ နောက်ဆုံးအပတ်ထဲမှာ လုပ်ခဲ့တဲ့ သူ့ရဲ့ မဲဆွယ် တရားဟောပွဲမှာတော့ တက်ရောက်ကြတဲ့ လူတွေ များလွန်းလို့ လူတွေ ကြပ်သိပ်ပြီး သေဆုံးမှုတွေ ဖြစ်ခဲ့ရပါတယ်။ ထောင်နဲ့ သောင်းနဲ့ ချီတဲ့ပရိဿတ်တွေကြားမှာ လူညပ်ပြီး အနည်းဆုံး လူ ၃၉ ဦး သေဆုံးခဲ့ပါတယ်။ အဲဒီအဖြစ်အပျက် အပြီးမှာတော့ Vijay က သူ့ရဲ့ တရားပွဲတွေကို နှစ်ပတ် ရပ်နားထားမယ်လို့ ကြေညာထားခဲ့ပါတယ်။

မင်းသား ဗီဂျေး မဲဆွယ်ပွဲ လူပိ သေဆုံးသူ အများအပြားရှိ

Oct 2

ဆွီဒင်က ကမ္ဘာတစ်ဝှမ်း လူသားချင်းစာနာမှု အတွက် ဒေါ်လာ ၈ ၂ သန်း ကူမည် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂ ရက်။ ဆွီဒင် အစိုးရက ကမ္ဘာတစ်ဝှမ်း အကြပ်အတည်းများအတွက် ဆွီဒင်ခရိုနာ ၇၇၅ သန်းကို အကူအညီ အသစ်အဖြစ် ပံ့ပိုးမည်ဟု စက်တင်ဘာလ ၂၉ ရက်နေ့က ကြေညာသည်။ အဆိုပါ ပမာဏသည် အမေရိကန် ဒေါ်လာ ၈၂ သန်း ကျော်ဖြစ်သည်။ ဦးစားပေး သတ်မှတ်ထားသည့် နိုင်ငံ ဆယ်နိုင်ငံတွင် မြန်မာနိုင်ငံလည်း ပါဝင်သည်။ ဆွီဒင် နိုင်ငံတကာ ဖွံ့ဖြိုးရေး ကော်ပိုရေးရှင်း အေဂျင်စီ (SIDA) ၏ ထုတ်ပြန်ချက်အရ ၂၀၂၅ မကုန်ခင်တွင် မြန်မာနိုင်ငံအတွက် လူသားချင်းစာနာသည့် အကူအညီ အနေဖြင့် ဆွီဒင် ဒေါ်လာ ၂၃ သန်း (အမေရိကန် ဒေါ်လာ ၂ သန်းခွဲလောက်) ပေးအပ်သွားမည်ဟု ဆိုသည်။ ယူကရိန်း အတွက် ရံပုံငွေ လိုအပ်ခြင်းကြောင့် မြန်မာနိုင်ငံအတွက် ပေးနေသည် အကူအညီများကို ၂၀၂၆ ခုနှစ် ဇွန်လကုန်တွင် ဖြတ်တောက်သွားမည် ဖြစ်ကြောင်း ဆွီဒင်နိုင်ငံက စက်တင်ဘာလ ၁၁ ရက်နေ့ကတော့ ထုတ်ပြန်ထားသည်။

ဆွီဒင်က ကမ္ဘာတစ်ဝှမ်း လူသားချင်းစာနာမှု အတွက် ဒေါ်လာ ၈ ၂ သန်း ကူမည်

Oct 2

ရုရှား၏ တစ္ဆေ သင်္ဘောကို ပြင်သစ် စီးနင်း သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂ ရက်။ ရုရှားနိုင်ငံရဲ့ ရေနံတွေ တင်ဆောင်ပေးနေသည်ဟု သံသယ ရှိသည့် တစ္ဆေသင်္ဘော တစ်စီးကို ပြင်သစ် ရေတပ်က ဝင်ရောက်စီးနင်းပြီး အဆင့်မြင့် သင်္ဘော အရာရှိ နှစ်ဦးကို ထိန်းသိမ်းလိုက်သည်။ ပြင်သစ် အထူးတပ်ဖွဲ့များက နိုင်ငံတကာ ရေပိုင်နက်ထဲတွင် ရုရှားပိုင်ရေနံတွေကို သယ်ပို့နေတယ်လို့ ယူဆရသည့် “တစ္ဆေသင်္ဘော”ကို စီးနင်းခဲ့ခြင်း ဖြစ်သည်။ မကြာသေးခင်က ဒိန်းမတ်နိုင်ငံအပေါ်တွင် ဖြစ်ပွားခဲ့သော ဒရုန်းပျံသန်းမှုတွင် အဆိုပါ သင်္ဘော ပါဝင်ပတ်သက်မှု ရှိသည်ဟု ပြင်သစ်က သံသယ ရှိနေပြီး အဆိုပါ သင်္ဘောသည် “ပြင်းထန်သည့် ရန်လိုမှု” များတွင် ပါဝင် ပါတ်သက်နေသည်ဟု ပြင်သစ် သမ္မတက ပြောသည်။ အဆိုပါ သင်္ဘောသည် ဒိန်းမတ်မှ စက်တင်ဘာ ၂၂ ရက်နှင့် ၂၅ ရက်ကြားတွင် ထွက်ခွာလာခြင်း ဖြစ်သည်ဟု သင်္ဘောစောင့်ကြည့်ရေး အချက်အလက်များကို ကိုးကားပြီး AFP သတင်းဌာနက ထုတ်ပြန်ထားသည်။ ဘီနင် Benin နိုင်ငံ အလံ လွှင့်ထူထားသည့် Boracay (ဘိုရာကေး) အမည်နှင့် သင်္ဘောကို ဥရောပ သမဂ္ဂက အမည်ပျက်စာရင်းတွင် ထည့်သွင်းထားခဲ့သည်။ အခုတော့ ပြင်သစ်ပိုင် Brest မြို့ ရှိ တရားရေး ဝန်ထမ်းများက ပြင်သစ်ရေတပ်၏ စွပ်စွဲချက်များအပေါ် အခြေခံ၍ ဖမ်းဆီးထားသော သင်္ဘောကို တရားစွဲဆိုနိုင်ရန် စုံစမ်းစစ်ဆေးမှုများ လုပ်ဆောင်နေသည်။

ရုရှား၏ တစ္ဆေ သင်္ဘောကို ပြင်သစ် စီးနင်း

Oct 2

ကမ္ဘာ့ ကုန်သွယ်ရေးမှာ ဗျူဟာမြောက် လက်နက် ဖြစ်လာတဲ့ ပဲပုပ် သတင်းနှင့် မီဒီယာ ကွန်ရက် ၂၀၂၅ ခုနှစ်၊ အောက်တိုဘာလ ၂ ရက်။ ပဲပုပ် ခေါ် ပဲပိစပ်ကို တရုတ်နိုင်ငံက ဆွေးနွေးညှိနှိုင်းရေး နည်းဗျူဟာ အဖြစ် အသုံးပြုနေသည်ဟု အမေရိကန် သမ္မတ ဒေါ်နယ်ထရန့်က ပြောလိုက်သည် တရုတ်-အမေရိကန် ကုန်သွယ်စစ်အတွင်း တရုတ်ကုန်သည်များက အမေရိကန်မှ ပဲပိစပ် ခေါ် ပဲပုပ် တင်သွင်းခြင်းကို ရပ်ဆိုင်းထားသည့်အတွက် အမေရိကန် လယ်သမားများမှာ ဒေါ်လာ ဘီလီယံနှင့်ချီပြီး ဆုံးရှုံးနေရသည်။ ပဲပိစပ်ကို အမေရိကန် လယ်သမားများက ဆောင်းဦး ရာသီတွင် ရိတ်သိမ်သောကြောင့် ယခု အချိန်သည် အဓိက ရောင်းချသည့် ရာသီ ဖြစ်သည်။ ကမ္ဘာတွင် ပဲပိစပ်အများဆုံးတင်သွင်းသည့် တရုတ်က ယခုနှစ်တွင် အမေရိကန်မှ မဝယ်ပဲ တောင်အမေရိက ဈေးကွက်ဘက်သို့ လှည့်သွားခဲ့ခြင်းကြောင့် ဖြစ်သည်။ အမေရိကန် သမ္မတ ဒေါ်နယ်ထရန့်က တရုတ် သမ္မတ ရှီကျင့်ပင်နှင့် လာမည့် ရက်သတ္တပတ် ၄ ပတ် အကြာတွင် တွေ့ဆုံဖို့ ရှိနေရာ ထိုတွေ့ဆုံပွဲတွင် ပဲပိစပ် ကိစ္စသည် ဆွေးနွေးပွဲ၏ အဓိက ခေါင်းစဉ် ဖြစ်လာမည်ဟု ဆိုသည်။

ကမ္ဘာ့ ကုန်သွယ်ရေးမှာ ဗျူဟာမြောက် လက်နက် ဖြစ်လာတဲ့ ပဲပုပ်

Oct 2

စစ်ကော်မရှင်နှင့် ပတ်သက်သည့် ဖမ်းဆီးကားများကို ယာဉ်ထိန်းရဲ‌များ ပြန်ပေးရ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂ ရက်။ ရှမ်းပြည်၏ မြို့တော် တောင်ကြီးတွင် ယာဉ်ထိန်းရဲများက ဖမ်းဆီးထားသည့် လိုင်စင်မဲ့ ကားများထဲမှ စစ်ကော် မရှင်နှင့် ပတ်သက်ဆက်နွယ်သည့် ကားများကို ဒဏ်ကြေးကောက်ယူခြင်း မရှိဘဲ ပြန်လည်ထုတ်ပေးခဲ့သည်ဟု စောင့်ကြည့်လေ့လာသည့် မြို့နေပြည်သူများက ပြောသည်။ မြို့မြောက်ဘက်အထွက် စဝ်စံထွန်းဆေးရုံ အနီးတစ်ဝိုက်နေရာနှင့် မြို့တောင်ဘက်အထွက် စူဠာမုနိဘုရားအနီး၊ နီလာရိုးမ စက်သုံးဆီအရောင်းဆိုင်ရှေ့၊ ၃ လမ်းဆုံ နေရာများတွင် ကားအစီးရေပေါင်း ၈၀ ကျော်ကို စက်တင်ဘာ လ ၃၀ ရက်နေ့တွင် စစ်ကော်မရှင်တပ်နှင့် လက်အောက်ခံ ယာဉ်ထိန်းရဲများက ဖမ်းဆီးခဲ့ခြင်း ဖြစ်သည်။ ဖမ်းဆီးရမိသည့် ကားများအနက် စစ်ကော်မရှင်တပ်၊ ရဲတပ်ဖွဲ့နှင့် ယာဉ်ထိန်းရဲ စသည့် ပြည်ထဲရေး ဌာနဆိုင်ရာ ဝန်ထမ်းများနှင့် ပတ်သက် ဆက်နွယ်သော ကားအစီးရေ ၃၀ ခန့်ကို ထိုနေ့ ညနေ ၅ နာရီခန့်တွင် ယာဉ်ထိန်းရဲရုံးမှ ပြန်ထုတ်ပေးခဲ့သော်လည်း Non CDM ဝန်ထမ်းများနှင့် ပြည်သူပိုင် ကားများမှာ ပါဝင်ခြင်း မရှိဘူးဟု ဆိုသည်။ လိုင်စင်မဲ့ကား သိမ်းဆည်းခံရသည့် အမျိုးသားတစ်ဦးက “ရှမ်းကျောင်းရှေ့က မော်တော်ပီကယ် ရုံးမှာပဲ ထုတ် ပေးလိုက်တာ။ သူတို့နဲ့ ပတ်သက်တဲ့ ကားတွေပဲပေါ့။ သီတင်းကျွတ်ရှေ့၊ တန်ဆောင်တိုင်ရှေ့ ဖမ်းတာကိုက ထုံးစံ ဖြစ်နေပြီ။ ပြောချင်တာက ကျနော်တို့ အပြစ်ရှိရင်ဖမ်း၊ ဌာနဆိုင်ရာတွေလည်း ဒီလိုပဲ ဖြစ်ရမှာပေါ့။ အခုက ပြည်သူတွေ ကျီးလန့်စာ စားနေရတဲ့ဘဝ” ဟု ပြောသည်။ မြို့ဝင်ပေါက် ၂ ပေါက်တွင် ပိတ်ဆို့ဖမ်းဆီးသည်ဖြစ်ရာ ဗိုလ်ချုပ်လမ်းမကြီးအတိုင်း မောင်းနှင်ကြမည့် ညောင်ရွှေ၊ ဟိုပုံး၊ ဆီဆိုင် စသည့်မြို့များမှ တက်လာသည့် လိုင်စင်မဲ့ကားများမှာ ပြန်လှည့်ရန်ပင် အလျင်မမီဘဲ ဖမ်းဆီးခံလိုက်ရခြင်း ဖြစ်သည်။ စစ်ကော်မရှင်က ပြန်လည်ထုတ်ပေးသည့် ကားအများစုမှာ တိုယိုတာထုတ် Wish, Crown, Alphard နဲ့ ဟွန်ဒါ ထုတ် GE6, GP1, GK3, Freed, Hijet တို့ဖြစ်ပြီး ကျန်သည့် ပြည်သူပိုင် ကားများမှာ သိန်း ၃၀ ဖြင့် ပြန်ရွေးရမည် ဟုလည်း မြို့နေပြည်သူများ အကြားတွင် ပြောဆိုမှုများ ရှိနေသည်။ ဖမ်းဆီးခံရသည့် လိုင်စင်မဲ့ ယာဉ်များနှင့် ပတ်သက်၍ စောင့်ကြည့်နေသူ တစ်ဦးက “အခု ပြန်ထုတ်ပေးတာက ကျောင်းဆရာတွေတောင် မပါဘူး။ စစ်တပ်၊ ရဲနဲ့ ပတ်သက်တာလောက်ပဲ။ ကျန်တာက ထုံးစံအတိုင်း တစ်လ ၁၀ ရက်လောက် ထားပြီးမှ ပိုက်ဆံနဲ့ ရွေးခိုင်းမှာပေါ့။ သူခိုးဖမ်းမိတဲ့ W (လိုင်စင်မဲ့) တွေလည်း ပြန်ထုတ်ပေး တယ်။ ပြီးမှ ပြန်ဖမ်းတာ” ဟု ပြောသည်။ ဖမ်းဆီးခံရသည့် လိုင်စင်မဲ့ယာဉ်အချို့မှာ ပအိုဝ်းကိုယ်ပိုင် အုပ်ချုပ်ခွင့်ရ ဒေသများမှ ပအိုဝ်းပြည်သူ့စစ်အဖွဲ့ (PNA) ထံ အခွန်ပေးဆောင်ထားသော်လည်း တစ်စုံတစ်ရာ တာဝန်ယူ ဖြေရှင်းပေးမှု မရှိဘူးဟု ဆိုသည်။ မေလ ၂၁ ရက်နေ့တွင် ကျင်းပသည့် နေပြည်တော်အစည်းအဝေး၌ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က လိုင်စင်မဲ့ယာဉ်များအား ပြင်းပြင်းထန်ထန် အရေးယူရန် မှာကြားခဲ့ပြီးနောက် ရှမ်းတောင် ဒေသတွင်လည်း ယခုကဲ့သို့ ဖမ်းဆီးမှုများ မကြာခဏ ကြုံနေရသည်ဟု ဒေသခံများက ဆိုသည်။ မေလ ၃၀ ရက်နေ့ကလည်း တောင်ကြီးမြို့၊ ဘုရားဖြူရပ်ကွက် အတက်၊ ထွန်းဆေးရုံအနီး ၄ လမ်းဆုံတွင် ပိတ်ဆို့ ဖမ်းဆီးမှုကြောင့် လိုင်စင်မဲ့ကားပေါင်း ၁၀၀ ကျော် ဆုံးရှုံးခဲ့ရဖူးသည်။ တောင်ကြီးမြို့တွင် ယခင် စစ်အာဏာ မသိမ်းမီ ကာလများကတည်းက သီတင်းကျွတ်၊ တန်ဆောင်တိုင်၊ နှစ်သစ် ကူး စသည့် အခါကြီး ရက်ကြီးများ နီးကပ်သည့် ကာလများ၌ လိုင်စင်မဲ့ယာဉ်များကို ဖမ်းဆီးလေ့ ရှိသော်လည်း ၂၀၂၅ ခုနှစ်အတွင်း အစီးရေ ရာချီဖမ်းဆီးမှုမှာ ပထမဆုံးအကြိမ် ဖြစ်သည်ဟု မြို့နေပြည်သူများ ပြောသည်။

စစ်ကော်မရှင်နှင့် ပတ်သက်သည့် ဖမ်းဆီးကားများကို ယာဉ်ထိန်းရဲ‌များ ပြန်ပေးရ

Oct 2

တိုက်ပွဲများဆက်ဖြစ်နေသဖြင့် ဒီးမော့ဆို ပြည်သူများ ထပ်မံ စစ်ရှောင်ရမည်ကို စိုးရိမ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၁ ရက်။ ကရင်နီပြည်၊ ဒီးမော့ဆိုမြို့နယ်အတွင်း စစ်ကော်မရှင်တပ်၏ ထိုးစစ်များကြောင့် နှစ်ဖက်ကြား ထိတွေ့ တိုက်ပွဲ များ ဆက်ဖြစ်နေသည့်အတွက် ဒေသခံများနှင့် စစ်ဘေးရှောင် ပြည်သူများမှာ ထပ်မံ တိမ်းရှောင်ရမည်ကို စိုးရိမ် နေကြသည်။ ကရင်နီပြည်တွင် ရွေးကောက်ပွဲ ဖြစ်မြောက်ရေးအတွက် နယ်မြေများ ပြန်လည်ထိန်းချုပ်နိုင်ရန် ဩဂုတ်လမှ စ၍ စစ်ကော်မရှင်တပ်က ဒီးမော့ဆို - ဖရူဆို လမ်းမကြီးတစ်လျှောက် ထိုးစစ်ဆင်လာသည်။ ထို့ကြောင့် ဒီးမော့ဆိုမြို့နယ် အတွင်း တော်လှန်ရေးတပ်ဖွဲ့များနှင့် စစ်ကော်မရှင်တပ်တို့ အကြား နှစ်ဖက် ထိတွေ့ တိုက်ပွဲများ ယနေ့ချိန်ထိ ဆက်လက် ဖြစ်ပွားနေပြီး ပိုမို ပြင်းထန်လာနေသည်။ ထို့သို့နှစ်ဖက်ထိတွေ့တိုက်ပွဲများ ပြင်းထန်လာသည့်အတွက် စစ်ကော်မရှင်က စစ်ရေးပစ်မှတ် အရပ်သားပစ်မှတ် မခွဲခြားဘဲ လက်နက်ကြီး၊ ဒရုန်းနှင့် လေကြောင်းတိုက်ခိုက်မှုများ ပိုမိုပြုလုပ်လာမည်ကို စိုးရိမ်နေကြသည်ဟု ဒီးမော့ဆို အနောက်ခြမ်းရှိ စစ်ဘေးရှောင်မှ အမျိုးသမီးတစ်ဦးက ယခုကဲ့သို့ ပြောသည်။ “လေယာဉ်ဆိုလည်း နေ့တိုင်းဝဲနေ။ ဒရုန်းသံဆိုလည်း တစ်ခါလေ ကြားတယ်။ လက်နက်ကြီးသံလည်း နေ့တိုင်း လိုလိုကြားတယ်။ စိုးရိမ်စရာတွေတော့ အများကြီးပေါ့နော်။ သူတို့က လျှောက်ကြဲမယ်လို့လည်း ကြားတယ်။ စစ်ရှောင်တို့ ကျောင်းတို့ လိုက်ကြဲမယ်လို့လည်း ကြားတယ်။ အဲ့ဒါကြောင့်မို့လို့ လေယာဉ်လာတယ် ဆိုရင် စိုးရိမ်ရတယ်။ အဓိက ကလေးတွေပေါ့နော်။ ပညာရေး အဓိက ဦးစားပေးချင်တယ်။ ပြီးလို့ရှိရင် ကောင်း ကောင်းနဲ့ ပြီးဆုံးစေချင်တယ်။ အခုက ကျောင်းဖွင့်လိုက် ပိတ်လိုက်ဆိုတော့ သူတို့လည်း ဒီတစ်သက်တော့ ကျောင်းပြီးနိုင်မှာ မဟုတ်ဘူးထင်တယ်။ လေယာဉ်က နေ့တိုင်းဝဲ ကျောင်းက တစ်ချိန်လုံးပိတ် ဆိုတော့ အဆင် မပြေဘူးလေ။” လက်ရှိတွင် လေကြောင်းရန်နှင့် ဒရုန်းသုံး ဗုံးကြဲတိုက်ခိုက်မှုရန်တို့မှ ကာကွယ်နိုင်ရေး ကျောင်းများကို ပိတ်ထား ရသည်ဟု စစ်ရှောင်များက ပြောသည်။ စစ်ရေး အခြေအနေ ပြင်းထန်လာမူကြောင့် ပြည်သူများအနေဖြင့် လုံခြုံရေးအရ တစ်နေရာမှ တစ်နေရာသို့ ပြောင်းရွှေ့သွားလာရေး၊ အလုပ်လုပ်ကိုင်ရန် ခက်ခဲခြင်းတို့နှင့် ရင်ဆိုင်နေကြရသည်ဟု ကရင်နီပြည် ကြားကာလ အုပ်ချုပ်ရေး ကောင်စီ အတွင်းရေးမှူး ၂ ဦးဗညားက ပြောသည်။ “စစ်ရေးက ပိုတင်းမာလာတယ်။ နောက်စစ်ရေးကလည်း ပိုကျယ်ပြန့်လာတယ်ပေါ့နော်။ အဲ့ကြောင့်မို့ လူထု တွေက ပိုပြီးတော့မှ စိုးရိမ်ပူပန်စိတ် ရှိတယ်ပေါ့။ အထူးသဖြင့် ကျန်းမာရေးဆိုင်ရာ အရ သွားလာရတာ အခက် အခဲ ပိုရှိသွားတယ်။ တချို့နေရာဆိုရင် ဥပမာ ဒီးမော့ဆို အရှေ့နဲ့ ဒီးမော့ဆို အနောက် ကူးဆက်သွားဖို့ အရမ်း ခက်ခဲ သွားတယ်ပေါ့နော်။ အဲ့ဒီအတွက်ကြောင့်မို့လို့ ပုံမှန် ကူသန်းရောင်းဝယ်ရေး လုပ်လို့ မရတော့သလို လူနာ တွေကို ပို့တာတွေ လူနာနဲ့ ပတ်သက်ပြီးတော့ ကျန်းမာရေး ဆိုင်ရာ ကုသမှုတွေ နောက်ပြီးတော့မှ သာရေး နာရေး ကိစ္စတွေမှာ သွားလာဆက်ဆံလို့ မရတဲ့ ပုံစံ ဖြစ်သွားတာပေါ့။” စစ်ရေး အခြေအနေအရ ဖရူဆို - ထားလဲ - နန်းဖဲ လမ်းမကြီး အပါအဝင် လမ်းသွယ်များ အားလုံးကို စက်တင် ဘာလ ၂၃ ရက်နေ့မှ စတင်၍ ရက်အကန့်အသတ် မရှိ ပိတ်ထားသည့်အပြင် လွိုင်ကော် - ဒီးမော့ဆို - ဖရူဆို -ဘောလခဲ လမ်းမကြီးကိုလည်း အသုံးပြုသွားလာခြင်း မလုပ်ရန် ကရင်နီ တော်လှန်ရေး အဖွဲ့များက ထုတ်ပြန် ထားသည်။ ဒေသတွင်း ဖြစ်ပွားနေသည့် တိုက်ပွဲများနှင့် စစ်တပ်၏ လေကြောင်း၊ ဒရုန်း၊ လက်နက်ကြီး တိုက်ခိုက်မှု အန္တရာယ်များကြောင့် အကြောက်တရား လွမ်းမိုးပြီး စိုးရိမ်စိတ်နှင့် အသက်ရှင်နေရသည်ဟု စစ်ရှောင်များက ပြောသည်။ စစ်ရှောင်အမျိုးသမီးက “အခုဆို တိုက်ပွဲလည်း ရက်တိုင်းလိုလို ဖြစ်တယ်။ မနက်ဆိုလည်း ဒုန်းဒုန်းဒိုင်းဒိုင်းနဲ့။ လေယာဉ်ဆိုလည်း အမြဲ နားစွင့်ပြီးနေရတယ်။ လက်နက်ကြီးသံလည်း နေ့တိုင်းလိုလို ကြားတယ်။ စိုးရိမ်စရာ တွေတော့ အမျာကြီးပေါ့နော်။ ဟို့တစ်နေ့ကဆိုလည်း လက်နက်ကြီးတွေ ထုလာတယ်။ အစ်မတို့ဆို မအိပ်ဘဲနဲ့ အောက်ပြေးဆင်း ပြီးတော့ ဗုံးခိုကျင်းဘေးမှာ သွားနေ၊ လက်နက်ကြီးလာတော့ တကယ့်ကိုယ့်နားမှာ ကျမယ့် ပုံနဲ့ မီးနီနီနဲ့လာ အဲ့လိုမျိုးဆို ကြောက်ရတယ်။ အခုဆို စစ်သားလည်း တော်တော်လေး နီးလာပြီးကော။ ပြေးစရာနေရာလည်း ကုန်ပြီ မရှိတော့ဘူးလေး” ဟု ပြောသည်။ တိုက်ပွဲ အခြေအနေများကြောင့် လွိုင်နန်းဖမြို့နယ်၊ ဒီးဘောင်းခူမြို့နယ်နှင့် နန်းမယ်ခုံမြို့နယ်အတွင်း အသွားအလာများကို ကန့်သတ်ထားသည်။  စစ်ရေးအရ သွားလာလှုပ်ရှားသည့် တပ်ဖွဲ့များနှင့် အရေးပေါ် ကျန်းမာရေး (နာရေး) လိုအပ်ချက်အရ သွားလာ ရမည့်သူများမှအပ မည်သူမှ လုံခြုံရေးအရ ည ၉ နာရီ မှ နံနက် ၄ နာရီအတွင်း သွားလာလှုပ်ရှားခြင်း မလုပ်ကြ ရန် သက်ဆိုင်ရာ မြို့နယ် ပူးပေါင်း အုပ်ချုပ်ရေး ကော်မတီက စက်တင်ဘာလ ၂၆ ရက်နေ့တွင် ထုတ်ပြန်ထား သည်။ ကရင်နီပြည်ရှိ ပြည်သူလူထုအနေဖြင့် သက်ဆိုင်ရာဒေသတွင်းက တပ်ရင်းတပ်ဖွဲ့များ၏ ထုတ်ပြန်ချက်များကို လိုက်နာကြရန်နှင့် စစ်ရေးသတိ ရှိကြရန်လိုသည်ဟု သတိပေးထားသည်။

တိုက်ပွဲများဆက်ဖြစ်နေသဖြင့် ဒီးမော့ဆို ပြည်သူများ ထပ်မံ စစ်ရှောင်ရမည်ကို စိုးရိမ်

Oct 2

တရုတ်နိုင်ငံတွင် ခွေးစက်ရုပ်များ ကင်းလှည့် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၁ ရက်။ AI နည်းပညာ မြင့်မားလာသည်နှင့် အမျှ AI နည်းပညာသုံး စက်ရုပ်များကိုလည်း တွင်တွင်ကျယ်ကျယ် အသုံးပြုလာနေကြသည်။ အထူးသဖြင့် တရုတ် နိုင်ငံသည် စက်ရုပ် ခွေးများကို အသုံးပြုလာနေသည်။ စက်တင်ဘာလ ၂၉ ရက်တွင် တရုတ်အစိုးရပိုင် ဆင်ဟွာ သတင်းဌာနက တရုတ်နိုင်ငံ ရှန်ဟိုင်းမြို့တွင် စက်ရုပ်ခွေးများကို ကင်းလှည့်ရန်အတွက် တာဝန်ချထားခဲ့သည့် သတင်းများ ထုတ်ပြန်ထားသည်။ ရှန်ဟိုင်းမြို့ Baoshan ရပ်ကွက်ထဲတွင် စက်ရုပ်ခွေးများကို ကင်းလှည့်ရန် တာဝန်ပေးခဲ့ခြင်း ဖြစ်သည်။ စက်ရုပ်ခွေးများက ထမ်းဆောင်ရသည့် တာဝန်များမှာ ကားမရပ်ရနေရာများတွင် ရပ်ထားသည့် ကားများကို ရှာဖွေရန်နှင့် အမှိုက်မပစ်ရ နေရာများတွင် အမှိုက်ပစ်ခြင်းရှိမရှိတို့ကို စောင့်ကြည့်ရခြင်း ဖြစ်သည်။ တရုတ်နိုင်ငံတွင် Unitree နှင့် Deep Robotics ဟု ခေါ်သော ခွေးစက်ရုပ်ထုတ်လုပ်သည့် ကုမ္ပဏီကြီး နှစ်ခု အပြိုင် ရှိနေပြီး ကြမ်းတမ်းခက်ခဲသည့် နေရာများတွင် အလုပ်လုပ်ရန် စမ်းသပ် ထုတ်လုပ်နေကြသည်။ စက်ရုံများ၊ သတ္တုတွင်းများနှင့် လုံခြုံရေး လုပ်ငန်းခွင်များတွင် ကင်းလှည့်ရန်နှင့် စစ်ဆေးရေး လုပ်ငန်းများအတွက် အသုံးပြုကြသည်။ အဆိုပါ စက်ရုပ်ခွေးများက အဆောက်အအုံများပေါ် တက်နိုင်ကြသည်၊ လှေကားများကို တက်နိုင်သည်၊ ချောမွတ်သည့် မျက်နှာပြင်များတွင် လမ်းလျောက်နိုင်ပြီး တည်ငြိမ်ခက်ခဲသည့် လှုပ်ရှားမှုများကို လုပ်ဆောင်နိုင်ကြသည်ဟု ဆိုသည်။

တရုတ်နိုင်ငံတွင် ခွေးစက်ရုပ်များ ကင်းလှည့်

Oct 2

Gen- Z လှုပ်ရှားမှု မဒါဂတ်စကာတွင် အစိုးရ ပြုတ်ကျ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၂ ရက်။ Gen- Z ခေါ် လူငယ်မျိုးဆက်သစ်လူငယ်များ ဦးဆောင်သည့် တော်လှန်လှုပ်ရှားမှုများ ယခု နှစ်အတွင်း ဆက်တိုက်ဖြစ်ပွားလျက်ရှိသည်။ နီပေါနှင့် ကင်ညာနိုင်ငံများတွင် ဂျန်ဇီ များ၏ ဆန္ဒ ပြပွဲများ အောင်မြင်မှုအချို့ ရရှိပြီးနောက် အခုအခါ မဒါဂါစကာ (Madagascar) ဟု ခေါ်သော ကျွန်းနိုင်ငံ တစ်ခုတွင်လည်း Gen- Z ဦးဆောင်သည့် ဆန္ဒပြပွဲ ဖြစ်ပွားလျက်ရှိသည်။ မဒါဂါစကာ နိုင်ငံမှာ အာဖရိက တိုက်၏ ကမ်းလွန်ပင်လယ်ပြင် နှင့် အိန္ဒိယ သမုဒ္ဒရာထဲရှိ ကျွန်းနိုင်ငံလေး ဖြစ်သည်။ ကမ္ဘာပေါ်ရှိ စတုတ္တ အကြီးဆုံး ကျွန်းပေါ်တွင် ရှိသော နိုင်ငံ ဖြစ်သည်။ မဒါဂါစကာတွင် ရေနှင့် မီး ပြတ်လပ်မှုများ အကြိးအကျယ် ဖြစ်ပြီးသည့် နောက်တွင် Gen-Z များ ဦးဆောင်သည့် ဆန္ဒပြပွဲ ကြီး ဖြစ်ပေါ်ခဲ့ခြင်း ဖြစ်သည်။ ဆန္ဒ ပြပွဲ သုံးရက်မြောက်သည့် နေ့တွင် သမ္မတက ဝန်ကြီးချုပ် ဦးဆောင်သည့် အစိုးရ အဖွဲ့ကို ဖျက်သိမ်း ပေးလိုက်ရသည်။ ကုလသမဂ္ဂ အဖွဲ့အစည်းများ အဆိုအရ ဆန္ဒ ပြသူများဘက်မှလည်း အနည်းဆုံး ၂၂ ဦး သေဆုံးခဲ့ရသည်။ သမ္မတ Andry Rajoelina က ဆန္ဒ ပြသူများအား နားလည်သည်ဟု ပြောလိုက်ပြီး ဆန္ဒပြ လူငယ်များနှင့် တွေ့ဆုံ ဆွေးနွေးရန် နေရာ တစ်ခု ဖန်တီးမည်ဟု ဆိုသည်။ ဆန္ဒ ပြမှုများအတွင်း ဖြစ်ပွားခဲ့သည့် လုယက်မှုများကြောင့် ပျက်စီး ဆုံးရှုံးခဲ့မှုများကိုလည်း ပြန်လျှော်ပေးမည်ဟု ဆိုသည်။ ဆန္ဒ ပြပွဲများကို ရဲများက မျက်ရည်ယို ဗုံးများ ရော်ဘာကျည်များ သုံးပြီး ဖြိုခွဲခဲ့ခြင်းကြောင့် အနည်းဆုံး လူ ၁၀၀ ကျော် ထိခိုက် ဒဏ်ရာရသွားခဲ့သည်။

Gen- Z လှုပ်ရှားမှု မဒါဂတ်စကာတွင် အစိုးရ ပြုတ်ကျ

« Prev 1 … 112 113 114 115 116 … 1,048 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ