NMG Doh – Page 194 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

May 16

မြိတ်မြို့က ဇနီးမောင်နှံ အပါအဝင် ဆွေမျိုးတော်စပ်သူ အရပ်သား ၄ ဦးကို စစ်ကောင်စီ ဖမ်း သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၆ ရက်။ မြိတ်မြို့က ဇနီးမောင်နှံ နှစ်ဦးအပါအဝင် အရပ်သား ၄ ဦးကို စစ်ကောင်စီတပ်က ဖမ်းဆီးသွားပြီး အဆက် အသွယ် ပြတ်နေသောကြောင့် မိသားစုဝင်များက စိုးရိမ်နေကြသည်။ မြိတ်မြို့၊ အလယ်ကျွန်းနယ်၊ မြေပန်စရာရပ်ကွက်၊ သင်္ကန်းတောလမ်းတွင် အရပ်သား ၄ ဦးကို စစ်ကောင်စီ တပ်က ဖမ်းဆီးသွားခြင်း ဖြစ်သည်ဟု ရပ်ကွက်သားများက ပြောသည်။ အသက် ၄၀ နှစ်ခန့်အရွယ် ရပ်ကွက်သားတစ်ဦးက “ဒီကနေ့အထိ ဘယ်မှာဖမ်းထားတယ်၊ ဘာကိစ္စနဲ့ ဖမ်းတယ် ဆိုတာကို လုံးဝ အသိမပေးပါဘူး။ သူ့အမျိုးတွေက လိုက် စုံစမ်းနေတာလောက်ပဲ ရတယ်။ ဘာဆိုဘာမှ သဲလွန်စမရဘူး ဖြစ်နေတယ်။ စိတ်ပူနေကြရတာပေါ့” ဟု ပြောသည်။ ၎င်းတို့ ၄ ဦးကို မေလ ၁၂ ရက်နေ့၊ ည ၁၀နာရီခွဲ အချိန်ခန့်က ဖမ်းဆီးသွားခြင်း ဖြစ်ပြီး မေလ ၁၆ ရက်နေ့အထိ အဆက်အသွယ် မရသေးသလို ပြန်လည် လွတ်မြောက်လာခြင်းမျိုးလည်း မရှိသေးဘူးဟု ဆိုကြသည်။ ဖမ်းဆီးခံရသူ ၄ ဦးထဲတွင် ဇနီးမောင်နှံ နှစ်ဦး အပါအဝင် မိန်းမဖြစ်သူ၏ ညီမတော်စပ်သူ တစ်ဦးနှင့် သမီး ဖြစ်သူတို့ပါဝင်သည်ဟု အိမ်နီးချင်းတစ်ဦးက အတည်ပြု ပြောဆိုသည်။ မြိတ်မြို့တွင် စစ်ကောင်စီဘက်မှ ယခုနောက်ပိုင်း ဖမ်းဆီးခြင်းများကို ခပ်စိပ်စိပ် ပြုလုပ်နေပြီး အချို့ကို တော်လှန်ရေး တပ်ဖွဲ့များအား ထောက်ပို့မှုနှင့် ဖမ်းဆီးမှုများ ရှိနေသည့်အပြင် ဖမ်းဆီးခံရသူများထဲမှ အချို့၏ အိမ်များကို ချိပ်ပိတ်ခြင်းမျိုး အထိရှိနေသည်ဟု မြို့ခံများက ဆိုသည်။ ပြီးခဲ့သည့် ဖေဖေါ်ဝါရီလ ၁၉ ရက်နေ့ ညပိုင်းကလည်း မြိတ်မြို့၊ ကလွင်နယ်မြေ၊ ဗန္ဓုလလမ်းထဲရှိ နေအိမ်တစ် ဆောင်မှ ဇနီးမောင်နှံ ၂ ဦးနှင့် ယောက်ကျားဖြစ်သူ၏ ညီမ အပါအဝင် ၃ ဦးကို စစ်ကောင်စီ တပ်ဖွဲ့ဝင်များက ဖမ်းဆီးခေါ်ဆောင် သွားခဲ့သေးသည်ဟု ရပ်ကွက်သားတစ်ဦးက ပြောသည်။ ထိုသို့ ဖမ်းဆီးသွားပြီးနောက် ၁၁ ရက်အကြာတွင် မိန်းမဖြစ်သူကို ပြန်လွှတ်ပေးခဲ့ပြီး မောင်နှမ ၂ ဦးကိုမူအကြမ်းဖက် ထောက်ပံ့မှု ဥပဒေ ၅၀-ည နှင့် ၅၂-ဃ ပုဒ်မ နှစ်ခုဖြင့် မြိတ်မြို့နယ် တရားရုံးတွင် တရားစွဲဆိုထား သည်။

မြိတ်မြို့က ဇနီးမောင်နှံ အပါအဝင် ဆွေမျိုးတော်စပ်သူ အရပ်သား ၄ ဦးကို စစ်ကောင်စီ ဖမ်း

May 16

မယ်လ ခေါ် မယ်ကွီးလု စခန်းကို KNU က တရက်တည်းနှင့် သိမ်းပိုက် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၆ ရက်။ ကရင်အမျိုးသား အစည်းအရုံး KNU တပ်မဟာ ၇ ဖားအံခရိုင် တာကရယ်(ပိုင်ကျုံ)မြို့နယ်မှာ တပ်စွဲထားသည့် စစ်ကောင်စီတပ်၏ မော်ကွီးလု တပ်စခန်းကို မေလ ၁၆ ရက်နေ့ တွင် KNU က သိမ်းပိုက်လိုက်သည်ဟု ထုတ်ပြန်သည်။ KNU လက်အောက်ခံ ကရင်အမျိုးသား လွတ်မြောက်ရေး တပ်မတော် KNLA နှင့် ကရင်အမျိုးသား ကာကွယ်ရေးတပ် KNDO တို့က စစ်ကောင်စီတပ် ခလ၇-၂၄ အခြေစိုက်တပ်စွဲထားသည့် မော်ကွီးလုတပ်စခန်းကို မေလ ၁၆ ရက် နံနက် ၅ နာရီ မိနစ် ၃၀ တွင် တိုက်ခိုက်ပိုက်နိုင်ခဲ့သည်ဟု KNU က ပြောသည်။ အဆိုပါ မော်ကွီးလု တပ်စခန်းသည် ဝေလယ်မူး (မယ်လ)ရွာ အနောက်ဘက်တွင်ရှိပြီး မယ်လစခန်းဟုလည်း ခေါ်သည်။ အဆိုပါ စခန်းကုန်းကို KNU လက်အောက်ခံတပ်များက တစ်ရက်တည်းအတွင်း တိုက်ခိုက်သိမ်းနိုင်ခဲ့သည်ဟု သတင်းရင်းမြစ်များက ဆိုသည်။

မယ်လ ခေါ် မယ်ကွီးလု စခန်းကို KNU က တရက်တည်းနှင့် သိမ်းပိုက်

May 16

အာဏာသိမိးပြီးနောက် သေဆုံးသူ ၆၆၀၀ ကျော်ပြီ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၆ ရက်။ စစ်အာဏာသိမ်းချိန်ကစပြီး ၂၀၂၅ ခုနှစ် မေလ ၁၆ ရက်နေ့အထိ စစ်ကောင်စီနှင့် အပေါင်းအပါများ၏ လက်ချက် ကြောင့် ပြည်သူစုစုပေါင်း ၆၆၈၀ ကျော် သေဆုံးခဲ့ရသည်ဟု နိုင်ငံရေး အကျဉ်းသားများ ကူညီ စောင့်ရှောက်ရေး အသင်း AAPP က ပြောသည်။ AAPP ၏ မေလ ၁၆ ရက်နေ့ (ယနေ့) ထုတ်ပြန်ချက်ထဲတွင် “ဖေဖော်ဝါရီလ ၁ ရက်၊ ၂၀၂၁ ခုနှစ် မတရားစစ် အာဏာလုမှုဖြစ်စဉ် စတင်ချိန်မှ မေလ ၁၆ ရက်၊ ၂၀၂၅ ခုနှစ်အထိ အကြမ်းဖက်စစ်အုပ်စုနှင့် ၎င်း၏လက်ပါး စေများကြောင့် နွေဦးတော်လှန်ရေးကာလအတွင်း သေဆုံးခဲ့ရသည့် ဒီမိုကရေစီရေး လှုပ်ရှားသူများနှင့် ပြည်သူ စုစုပေါင်းမှာ (၆၆၈၇) ဦး ရှိခဲ့ပြီဖြစ်သည်” ဟု ဖော်ပြထားသည်။ နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP မှ ကောက်ယူထားသော သတင်းအချက် အလက်များ အရ ၂၀၂၅ ခုနှစ်၊ ဧပြီလ ၁ ရက်နေ့မှ မေလ ၁၆ ရက်နေ့အထိ နိုင်ငံတဝန်း၌ စစ်ကောင်စီ၏ လက်နက်ကြီးဖြင့် ပစ်ခတ်တိုက်ခိုက်မှုကြောင့် အမျိုးသမီး (၁၀) ဦးနှင့် အမျိုးသား (၁၄) ဦး စုစုပေါင်း (၂၄) ဦး သေဆုံးခဲ့သည်ကို အမည်နှင့်တကွ အတည်ပြုနိုင်ခဲ့ပြီး ထိုအထဲတွင် သက် ၁၈ နှစ်အောက် ကလေးငယ် (၄) ဦး ပါဝင်သည်ဟု AAPP က ဆို သည်။ သေဆုံးသူများအနက် စစ်ကိုင်းတိုင်းနှင့် မကွေးတိုင်းတို့မှာ ၆ ဦးစီဖြင့် သေဆုံးမှု အများဆုံးဒေသဖြစ်သည်ဟု AAPP က ပြောသည်။ ထို့အပြင် အာဏာသိမ်းမှုဖြစ်စဉ်နှင့် ဆက်စပ်၍ ဖမ်းဆီးခံခဲ့ရသူ စုစုပေါင်း ၂၉၁၅၂ ဦးရှိပြီး ထိုအထဲမှ ၂၂၁၂၂ ဦးသည် ထိန်းသိမ်းခံနေရဆဲဖြစ်သည်ဟု AAPP က ဆိုသည်။ ထိန်းသိမ်းခံနေရသူများအနက် ၁၀၇၃၁ ဦးသည် ထောင်ဒဏ်ချမှတ်ခံထားရသည်ဟု AAPP ၏ စာရင်းများအရ သိရသည်။ ယခုအရေအတွက်သည် AAPP က လက်လှမ်းမှီသလောက် ကောက်ယူထားသည့် အရေအတွက်သာ ဖြစ်ပြီး မြေပြင်တွင် ယခုထက် ပိုများနိုင်သည်ဟု AAPP က ဆိုသည်။

အာဏာသိမ်းပြီးနောက် သေဆုံးသူ ၆၆၀၀ ကျော်ပြီ

May 16

မွန်စစ်ရှောင်များ အကူအညီလိုအပ်နေ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၆ ရက်။ စစ်ကောင်စီတပ်၏ လေကြောင်းတိုက်ခိုက်မှုနှင့် လက်နက်ကြီး မကြာခဏ ပစ်ခတ်မှုကြောင့် KNU ထိန်းချုပ် နယ်မြေ မွန်ပြည်နယ် ကျိုက်ထိုမြို့နယ်၊ ဝင်းကံကျေးရွာအုပ်စုရှိ ကျေးရွာ ၆ ရွာမှ ပြည်သူ ၂၇၀၀ ကျော် တိမ်းရှောင်နေရပြီး အကူအညီများ အရေးပေါ် လိုအပ်နေသည်ဟု KNU တပ်မဟာ ၁ ဒူးသထူခရိုင် က ပြော သည်။ စစ်ကောင်စီတပ်၏ လေကြောင်းနှင့် လက်နက်ကြီး ပစ်ခတ်မှုကြောင့် ဝင်းကံ၊ ဘောကထ၊ ကျောက်ရေတွင်း၊ ကလောမြောင်၊ ရှမ်းစုနှင့် အညာစု ကျေးရွာတို့မှ လူဦးရေ ၂၇၂၁ ဦး ထွက်ပြေးတိမ်းရှောင်နေရပြီး နေထိုင်စား သောက်ရန်နှင့် ကျန်းရေးစောင့်ရှောင်မှုများအတွက် အရေးပေါ် အကူအညီများ လိုအပ်နေသည်ဟု KNU တပ်မဟာ ၁ ဒူးသထူခရိုင်က မေလ ၁၆ ရက်(ယနေ့) တွင် ထုတ်ပြန် ပြောဆိုထားသည်။ KNU က “လူထုနေထိုင်ရာနေရာများထဲသို့ ရည်ရွယ်ချက်ရှိရှိပစ်ခတ်မှု များကြောင့် ဒေသခံပြည်သူများ အသက်အန္တရာယ် စိုးရိမ်ထိပ်လန့်၍ နေအိမ်ဥစ္စာများစွန့်ခွာပြီး တိမ်းရှောင်နေရကာ နေရာထိုင်ခင်း၊ စားနပ်ရိ က္ခာနှင့် ကျန်းမာရေးစောင့်ရှောက်မှုများ လိုအပ်လျှက်ရှိနေသည်” ဟု ပြောသည်။ ထွက်ပြေးတိမ်းရှောင်နေရသည့် အိမ်ခြေ ၆၅၄ စုမှ လူဦးရေ ၂၇၂၁ ဦး အရေးပေါ် အကူအညီ လိုအပ်နေပြီး အမျိုးသား ၁၂၈၃ ဦးနှင့် အမျိုးသမီး ၁၄၃၈ ဦး ဖြစ်သည်ဟု KNU တပ်မဟာ ၁ ဒူးသထူခရိုင် က ပြောသည်။ စစ်ကောင်စီအမြောက်တပ် အမတ ၃၁၀ မှ တိုက်ပွဲဖြစ်ပွားခြင်းမရှိပဲ ကေအဲန်ယူ-ကျိုက်ထိုမြို့နယ်ရှိ ကျေးရွာ များထဲသို့ မေလ (၁၄) ရက်နေ့တွင် မနက် (၈)နာရီ (၂၀)မိနစ်မှ နေ့လည် (၁၁)နာရီ (၃၅)မိနစ်အချိန်ထိ လက်နက် ကြီး ၁၂၀-မမ ၇လုံး ပစ်ခတ်ခဲ့သည်။ ထို့အပြင် ပဲခူးတိုင်း-ဝေါမြို့နယ် ဆင်ရွာတွင် တပ်စွဲထားသော စစ်ကောင်စီတပ်ဖွဲ့မှ လက်နက်ကြီး ၁၂၂-မမ ၄လုံး ပစ်ခတ်ခဲ့သည်ဟု KNU က ဆိုသည်။ ထို့နောက် နေ့လည် ၁၁ နာရီ ၅၂ မိနစ်အချိန်တွင် စစ်ကောင်စီက ဂျက်ဖိုက်တာဖြင့် ရွှေကျင်မြို့နယ် တပ်မဟာ ၃ နယ်မြေထဲကို ဗုံးသီး ၂လုံး ပစ်ခတ်ခဲ့ပြီး နေ့လည် ၁၂ နာရီကျော်တွင် ဂျက်ဖိုက်တာဖြင့် ကျိုက်ထိုမြို့နယ် ကျောက်ဖျာကျေးနယ် ကျေးရွာအုပ်စု အတွင်းသို့ ဗုံးသီး ၁ လုံး ပစ်ခတ်ခဲ့သည်ဟု KNU က ပြောသည်။ ထို့အပြင် မေလ ၁၃ ရက်နေ့ ည ၉ နာရီ (၁၂ မိနစ် အချိန်တွင်လည်း တိုက်ပွဲဖြစ်ပွားခြင်း မရှိပဲ အမတ-၃၁၀ တပ်ရင်းစခန်းမှ ၁၂၂-မမ လက်နက်ကြီး ၃ လုံး ပစ်ခတ်ခဲ့သည်ဟု KNU ၏ ထုတ်ပြန်ချက်အရ သိရသည်။

မွန်စစ်ရှောင်များ အကူအညီလိုအပ်နေ

May 15

ကချင်လွတ်လပ်ရေး အဖွဲ့ KIO ဥက္ကဋ္ဌဟောင်း လညော်ဇောင်းခရားကွယ်လွန် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၅ ရက်။ ကချင်လွတ်လပ်ရေး အဖွဲ့ KIO ဥက္ကဋ္ဌဟောင်း လညော်ဇောင်းခရားသည် မေလ ၁၅ ရက် (ယနေ့) တွင် ကွယ်လွန် သွားသည်ဟု လိုင်ဇာဒေသခံများက ပြောသည်။ လူကြီးရောဂါဖြင့် ကွယ်လွန်သွားခြင်းဖြစ်ပြီး ကွယ်လွန်ချိန်တွင် အသက် ၈၇ ရှိပြီဖြစ်သည်။ လိုင်ဇာဒေသခံတစ်ဦးက “ဒီမနက် ၇း၁၅ မိနစ်မှာ ခရစ်တော်ထံ အိပ်ပျော်သွားတာ ဟုတ်တယ်။ လူကြီးရောဂါပဲ။ ကျန်းမာရေး မကောင်းတာတော့ ကြာပြီ” ဟု ပြောသည်။ KIO ဥက္ကဋ္ဌဟောင်း လညော်ဇောင်းခရားသည် ကချင်လွတ်လပ်ရေး အဖွဲ့ KIO ထဲသို့ ၁၉၆၃ ခုနှစ် ဩဂုတ်လ ၈ ရက်နေ့တွင် ဝင်ရောက်လာခဲ့သည်။ ထို့နောက် အဖွဲ့အစည်းက ပေးအပ်ခဲ့သည့် တာဝန်များကို ရာထူးအဆင့်ဆင့်ဖြင့် ထမ်းဆောင်လာခဲပြီး ၂၀၀၆ ခုနှစ်မှ ၂၀၁၈ ခုနှစ်အထိတွင် KIO ဥက္ကဋ္ဌ ရာထူးကို တာဝန်ယူ ထမ်းဆောင်ခဲ့သည်ဟု သိရသည်။ တာဝန်ထမ်းဆောင်ခဲ့သည့် ကာလအတွင်း KIO ဥက္ကဋ္ဌဟောင်း လညော်ဇောင်းခရား၏ ထူးခြားသည့် လုပ်ဆောင် ချက်များနှင့် ပတ်သက်၍ KIO/KIA နှင့် နီးစပ်သူ လိုင်ဇာဒေသခံတစ်ဦးက ၎င်း၏ အမြင်ကို ယခုကဲ့သို့ ပြော သည်။ ၎င်းက “KIO က အပစ်ရပ်ထားတဲ့ ၁၇ နှစ်အတောအတွင်းမှာ သူ ဥက္ကဋ္ဌတက်ပြီး သိပ်မကြာသေးခင်မှာပဲ အစိုးရ က တပ်မတော်အောက်ပေါ့ BGF လုပ်ဖို့ KIO ကို တိုက်တွန်းတယ်။ အဲဒါ KIO က လက်မခံဘူး။ လက်မခံတော့ အဲဒါ ၂၀၁၁ မှာ တကျော့ပြန်စစ်ပွဲ ဖြစ်တယ်။ တကျော့ပြန်စစ်ပွဲ အတောအတွင်းမှာလည်းသူက ဥက္ကဋ္ဌ ပီပီပေါ့ လေနော အဲဒီအချိန်တုန်းက ဥက္ကဋ္ဌ ပီပီ မားမားမတ်မတ် ရပ်တည်ခဲ့တယ်။ ပြီးတော့ UNFC ကို တည်ထောင်တဲ့ နေရာမှာ လည်း သူမားမားမတ်မတ် လုပ်ပေးခဲ့တယ်ပေါ့ UNFC ကို လုပ်ပေးခဲ့တယ်။ အဲဒါက သူ့ရဲ့ ထူး ခြားတဲ့ တာဝန်ထမ်းဆောင်ခဲ့အချိန်မှာ ထူးခြားတဲ့ ဥစ္စာတွေပဲ” ဟု ပြောသည်။ ထို့အပြင် စစ်ရေး နိုင်ငံရေးတွင် ပါဝင်လုပ်ဆောင်ခဲ့သည့် အခြေအနေများနှင့် ပတ်သက်၍ အဆိုပါ လိုင်ဇာ ဒေသခံက ယခုကဲ့သို့ ဆက်ပြောသည်။ “ပြီးကျတော့ သူက အခုလက်ရှိ အချိန်အထိ KIO က ကျင့်သုံးနေတဲ့ ဒီ KIO ရဲ့ နိုင်ငံရေး ရည်မှန်းချက်ပေါ့လေ ကျနော်တို့ ကချင်လိုကျတော့ နဂေါ်မုန်းဆာ လို့ခေါ်တာပေါ့ အဲဒီရေးတဲ့အထဲမှာလည်း သူပါတယ်။ အဲတော့သူက ဒီပေါ်လစီပိုင်းအရရော ဒီ နိုင်ငံပိုင်းရေးအရ ပြီးရင် စစ်ရေးပိုင်းအရ အားလုံးကို ဖိဖိစီးစီးသူတာဝန်ထမ်းဆောင်စဉ် မှာတော့ လုပ်ဆောင်ခဲ့တာပေါ့။ အဲဒါသူ့ရဲ့ ထူးခြားချက်ဟုတ်တယ်။ဒါ ကျနော်အမြင်ကို ပြောတာပါ” ဟု ပြောသည်။ တော်လှန်ရေး တာဝန်များကို အဆင့်ဆင့် တာဝန်ယူ ထမ်းဆောင်ခဲ့သော KIO ဥက္ကဋ္ဌဟောင်း လညော်ဇောင်း ခရား သည် အဖွဲ့အစည်းက ပေးအပ်လာသည့် တာဝန်များကို တာဝန်ကျေပွန်စွာ ထမ်းဆောင် သူဖြစ်ပြီး သူကွယ် လွန်ချိန်အထိ သူယုံကြည့်ချက်အတိုင်း မားမားမတ်မတ် ရပ်တည် အသက်ရှင်သူ ဖြစ်သည်ဟု KIO/KIA နှင့် နီးစပ်သူများက ပြောသည်။

ကချင်လွတ်လပ်ရေး အဖွဲ့ KIO ဥက္ကဋ္ဌဟောင်း လညော်ဇောင်းခရားကွယ်လွန်

May 15

KNU တပ်မဟာ ၇ နယ်မြေက တာလယ် ဗျူဟာစခန်းကို KN U သိမ်းပိုက် သတင်းနှင့် မီဒီယာ ကွန်ရက်။ ၂၀၂၅ ခုနှစ် မေလ ၁၅ ရက်။ စစ်ကောင်စီ၏ တညာကျိုး(ခေါ်) တာလယ် ဗျူဟာစခန်းကို မေလ ၁၃ ရက်နေ့က တိုက်ခိုက်သိမ်းပိုက်လိုက် သည်ဟု ကရင်အမျိုးသား အစည်းအရုံး KNU က အတည်ပြု ပြောဆိုလိုက်သည်။ တညာကျိုး(ခေါ်) တာလယ် ဗျူဟာစခန်းကို ကရင်အမျိုးသား လွတ်မြောက်ရေး တပ်မတော် KNLA၊ ကရင်အမျိုးသား ကာကွယ်ရေးတပ် KNDO တို့ က မေလ ၁၃ ရက်နေ့ ည ၇ နာရီတွင် ပြန်လည်တိုက်ခိုက် သိမ်းပိုက်နိုင်ခဲ့သည်ဟု KNU က မေလ ၁၅ ရက်နေ့ (ယနေ့)တွင် အတည်ပြု ထုတ်ပြန်ထားသည်။ စစ်ကောင်စီတပ်၏ တညာကျိုး(ခေါ်) တာလယ် ဗျူဟာစခန်းသည် ဖားအံခရိုင်၊ တာကရယ်(ပိုင်ကျုံ) မြို့နယ်၊ ကာတဲကျေးရွာအနီးတွင် တည်ရှိပြီး ထိုစခန်းတွင် စစ်ကောင်စီတပ် ခလရ−၂၄ နှင့် အမြောက်တပ် အမတ−၃၁၁တို့ အခြေစိုက်သည်ဟု KNU က ပြောသည်။ စခန်းသိမ်းတိုက်ပွဲအတွင်း စစ်ကောင်စီ အမြောက်တပ်မှ ဗိုလ်ကြီး ၁ ဦးအပါအဝင် ၉ ဦးသေဆုံးပြီး ခလရ - ၂၄ ဒုတပ်ရင်းမှူးမှာ ထွက်ပြေးလွတ်မြောက်သွားသည်။ KNLA ပူးပေါင်းတပ်အနေဖြင့် ထွက်ပြေးလွတ်မြောက် သွားသော စစ်ကောင်စီတပ်သားများကို လိုက်လံ ဖမ်းဆီးနေသည်ဟု KNU က ဆိုသည်။ တညာကျိုး(တာလယ်) စခန်းကို (၁၉၈၆) ခုနှစ်တွင် မြန်မာစစ်တပ်မှ စတင်တည်ဆောက်ခဲ့ပြီး ၎င်းတို့ စတင်တည်ဆောက်သည့် အချိန်မှစပြီး အနီးဝန်ကျင်ရှိ ကျေးရွာများမှ ပြည်သူလူထုများအနေဖြင့် လွတ်လပ်စွာ သွားလာလုပ်ကိုင် ရှာဖွေစားသောက်ခွင့်များ ဆုံးရှုံးခဲ့ရသည်ဟု KNU က ဆိုသည်။ အဆိုပါ စစ်ကောင်စီ စခန်းအား ပြန်လည် သိမ်းပိုက်နိုင်ခဲ့သည့်အတွက် အနီးအနားရှိကျေးရွာများအနေဖြင့် မူလူအခြေအနေများအတိုင်း ပြန်လည် လုပ်ကိုင်ရှာဖွေစားသောက် နိုင်တော့မည်ဟု KNU က ပြောသည်။

KNU တပ်မဟာ ၇ နယ်မြေက တာလယ် ဗျူဟာစခန်းကို KN U သိမ်းပိုက်

May 14

ရခိုင်တွင် စစ်ကောင်စီကြောင့် ၂ ရက်အတွင်း အရပ်သား ၁၄ ဦးသေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၄ ရက်။ ရခိုင်ပြည်နယ်တွင် စစ်ကောင်စီတပ်၏ လေကြောင်းတိုက်ခိုက်မှုကြောင့် ၂ ရက်အတွင်း အရပ်သားပြည်သူ ၁၄ ဦးသေဆုံးပြီး ၂၃ ဦး ထိခိုက်ဒဏ်ရာ ရရှိခဲ့သည်ဟု အာရက္ခတပ်တော် ULA/AA က မေလ ၁၄ ရက်နေ့(ယနေ့) ညတွင် သတင်းထုတ်ပြန်သည်။ စစ်ကောင်စီတပ်၏ မေလ ၁၃ ရက်နှင့် ၁၄ ရက်တို့တွင် လုပ်ဆောင်ခဲ့သည့် လေကြောင်းတိုက်ခိုက်မှုများအတွင်း အရပ်သားပြည်သူများ ထိမှန်သေဆုံး ဒဏ်ရာ ရရှိခဲ့ကြသည်ဟု ULA/AA က ဆိုသည်။ စစ်ကောင်စီတပ်သည် မေလ ၁၄ ရက်နေ့ (ယနေ့)တွင် ကျောက်တော်မြို့ရှိ လူနေရပ်ကွက်များထဲကိုလေကြောင်း ကနေ ဗုံးကြဲတိုက်ခိုက်သောကြောင့် အရပ်သား ၂ ဦး သေဆုံးခဲ့သည်ဟု အာရက္ခတပ်တော် AA က ယနေ့ ည သတင်းထုတ်ပြန်ချက်ထဲတွင် ပြောဆိုထားသည်။ အာရက္ခတပ်တော် ULA/AA က “၂၀၂၅ ခုနှစ်၊ မေလ (၁၄) ရက်နေ့၊ ညနေ (၃) နာရီ (၅၁) မိနစ်အချိန်ခန့် တွင်လည်း ဖက်ဆစ်အကြမ်းဖက် စစ်ကောင်စီတပ်မှ ကျောက်တော်မြို့ရှိ လူနေအိမ်ရပ်ကွင်များအတွင်းသို့ ဂျက်ဖိုက်တာ (၁) စီးဖြင့် ထပ်မံဗုံးကြဲတိုက်ခိုက်ခဲ့သောကြောင့် လက်ရှိအချိန်အထိ အပြစ်မဲ့ပြည်သူ (၂) ဦးသေဆုံးခဲ့ပြီး နေအိမ် (၉) လုံးခန့် ပျက်စီးဆုံးရှုံးခဲ့ရသည်” ဟု ပြောသည်။ ကျောက်တော် လေကြောင်းတိုက်ခိုက်ခံရမှုကြောင့် ထိခိုက်သေဆုံးမှု အသေးစိတ် နှင့် နောက်ဆက်တွဲ အခြေအနေများကို ထပ်မံ ဖော်ပြပေးသွားမည်ဟု ULA/AA က ဆိုသည်။ ထို့အပြင် မေလ ၁၃ ရက်နေ့ (ယမန်နေ့)ကလည်း စစ်ကောင်စီတပ်သည် ရသေ့တောင်မြို့နယ် ထွန်းရဝေရွာကို လေကြောင်းဖြင့် ဗုံးကြဲတိုက်ခိုက်သောကြောင့် လူထိခိုက်သေဆုံးခဲ့ရသည့် အခြေအနေများနှင့် ပတ်သက်၍ AA က မေလ ၁၄ ရက်နေ့(ယနေ့) ထုတ်ပြန်ချက်ထဲတွင် ထည့်သွင်း ထုတ်ပြန်ထားသည်။ “၂၀၂၅ ခုနှစ်၊ မေလ (၁၃) ရက်နေ့၊ နံနက် (၁၀) နာရီ (၅) မိနစ်အချိန်တွင် ရသေ့တောင်မြို့နယ်၊ ထွန်းရဝေ ရွာဟောင်း အား ဖက်ဆစ် အကြမ်းဖက် စစ်ကောင်စီတပ်မှ ဂျက်ဖိုက်တာဖြင့် ဗုံးကြဲတိုက်ခိုက်ခဲ့မှုကြောင့် အပြစ်မဲ့အရပ်သား ပြည်သူ (၁၂) ဦးသေဆုံးခဲ့ပြီး (၂၃) ဦးဒဏ်ရာရရှိခဲ့ကာ နေအိမ် (၃၁) လုံး ပျက်ဆီးဆုံးရှုံး ခဲ့ရသည်” ဟု ULA/AA က ထုတ်ပြန်ချက်ထဲတွင် ပြောဆိုထားသည်။ သေဆုံးသူများ၏ စာရင်းကို ULA/AA က နာမည်များနှင့် တကွ ထုတ်ပြန်ထားသည်။ ငလျင်ဒဏ်ကို အပြင်းအထန်ခံစားနေကြရသော ပြည်သူများအတွက် လူသားချင်းစာနာမှုဆိုင်ရာ အကူအညီ များကို ထိရောက်စွာပေးနိုင်ရန်အတွက် ULA/AA အနေဖြင့် တစ်ဖက်သတ် အပစ်ရပ်ကာလကို မေလ (၃၁) ရက်နေ့အထိ တစ်လတာ တိုးမြှင့်ထားသည့်အချိန်ကာလအား အခွင့်ကောင်းယူကာ စစ်ကောင်စီတပ်မှ အပြစ်မဲ့ပြည်သူများအား ယခုကဲ့သို့လာရောက် တိုက်ခိုက်နေမှုများကို ပြင်းထန်စွာရှုတ်ချလိုက်သည်ဟု ULA/AA က ဆိုသည်။ ထို့အပြင် အသက်ဆုံးရှုံးသွားခဲ့ရသော မိဘပြည်သူလူထုများ၏ မိသားစု၊ ဆွေမျိုးများနှင့် ထပ်တူဝမ်းနည်းသည့် အပြင် အပြစ်မဲ့အရပ်သား အာရက္ခပြည်သူများကို အစုလိုက်အပြုံလိုက်သတ်ဖြတ်နေပြီး စစ်ရာဇဝတ်မှုများကို နိုင်ငံအနှံ့ဆက်တိုက် ကျူးလွန်နေသော စစ်ကောင်စီ၏ လုပ်ရပ်ကို ကောင်းစွာမှတ်တမ်းတင်ထားပါသည်ဟု ULA/AA က ပြောသည်။

ရခိုင်တွင် စစ်ကောင်စီကြောင့် ၂ ရက်အတွင်း အရပ်သား ၁၄ ဦးသေဆုံး

May 14

ဒီပဲယင်း ဗုံးကြဲမှု ကလေးနှစ်ဦး ထပ်မံသေဆုံး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၄ ရက်။ စစ်ကိုင်းတိုင်း၊ ဒီပဲယင်းမြို့နယ်၊ အိုးထိန်းတွင်းကျေးရွာ စာသင်ကျောင်း လေကြောင်းတိုက်ခိုက်မှုတွင် ဒဏ်ရာ ပြင်းထန်သည့် ကလေး ၂ ဦး ထပ်မံသေဆုံးသွားခဲ့သည်။ မေလ ၁၃ ရက်နေ့ (ယမန်နေ့) ညပိုင်းက အသက် ၈ နှစ်အရွယ် Grade 2 ကျောင်းသား မောင်အောင်ဇေယျ၊ နှင့် မေလ ၂၄ ရက်နေ့ (ယနေ့) နံနက်ပိုင်းတွင် အသက် ၁၁ နှစ်အရွယ် Grade 3 ကျောင်းသူ မပြည့်ပြည့်ငြိမ်းတို့ ထပ်မံ သေဆုံးခဲ့ခြင်းဖြစ်သည်။ ထို့ကြောင့် အဆိုပါ လေကြောင်းတိုက်ခိုက်မှုအတွင်း သေဆုံးခဲ့သူ စုစုပေါင်း ၂၄ ဦးအထိ ရှိလာဖြစ်ဟု မြို့နယ် ဒီပဲယင်းမြို့နယ် ပြည်သူ့အုပ်ချုပ်ရေးအဖွဲ့ တာဝန်ရှိသူက ပြောသည်။ “ကျနော်တို့ ဒီပဲယင်း အိုးထိန်းတွင်းရွာ စာသင်ကျောင်း လေကြောင်း တိုက်ခိုက်ခံရမှုထဲမှာ ဒဏ်ရာ ရထားတဲ့ ကလေးငယ်တွေထဲက ၂ ယောက် ထပ်သေဆုံးသွားတယ်။ ဆိုတော့ ဒီနေ့ နောက်ဆုံး အတည်ပြုနိုင်သလောက် ဆိုရင် ၂၄ ယောက်ရှိသွားပြီ။ အသက်အန္တရာယ်စိုးရိမ်ရတဲ့ ကလေးတွေ ကျန်သေးတယ်ဗျ” ဟု ပြောသည်။ အိုးတိန်တွင်းကျေးရွာရှိ အမျိုးသား ညီညွတ်ရေး အစိုးရ NUG က ဖွင့်ထားသည့် အလယ်တန်းကျောင်း လေကြောင်းမှ ဗုံးကြဲတိုက်ခိုက်ခံရမှုထဲ ထိခိုက်ဒဏ်ရာရသူ အယောက် ၁၀၀ ကျော်ရှိသည့်အနက် အယောက် ၄၀ နီးပါးမှာ အပြင်းအထန် ဒဏ်ရာများရရှိသည်ဟု ဆိုသည်။ ခန္ဓာကိုယ် အစိတ်အပိုင်းများဖြစ်သည့် ခြေထောက်၊ လက် ထိခိုက် ပြတ်တောက်သူများ အပါအဝင် ဒဏ်ရာ ပြင်းထန်သူများအတွက် အရေးပေါ် ဆေးဝါးများ လိုအပ်ချက်နေသည်ဟု မြေပြင်ရှိ သတင်းအရင်းအမြစ်များက ပြောသည်။ အသက်အန္တရာယ်စိုးရိမ်နေရသည့် ကျောင်းသူ/သားများ ရှိနေသေးသည်ဟု ဒီပဲယင်းမြို့နယ် ပြည်သူ့အုပ်ချုပ်ရေး အဖွဲ့ တာဝန်ရှိသူက ပြောသည်။ မြေပြင်တွင် ကယ်ဆယ်ရေး လုပ်နေသူ ဒေသခံအမျိုးသား တစ်ဦးက “ကျနော်တို့ရှေ့မှာပဲ ကိုယ့်ကလေးတွေ အခုလို သေကုန်တာ ဘယ်လိုပြောရမှန်းကို မသိတော့ဘူး။ ကလေးတွေကိုက ကံဆိုးပါတယ်ဗျာ။ တချို့ဆို ခြေတခြား၊ လက်တခြား၊ နားတွေဘာတွေပြတ်၊ မျက်နှာတွေဆို ရစရာကို မရှိတော့တာဗျ။ ဒီကလေးတွေက ဘာအပြစ်ရှိလို့လဲဗျာ၊ တကယ်သတ္တိရှိတဲ့လူတွေက ဒီလို မလုပ်ပါဘူး။ အခုဟာက တော်တော် သူရဲဘောကြောင် တဲ့ လုပ်ရပ်ဗျ။ လေယာဉ်နဲ့ ဗုံးလာကြဲတဲ့ကောင်တွေကို မေးချင်တာ ဒီပုံတွေတွေ့တော့ ဘယ်လို ခံစားရလဲလို့ တော်တော်လူမဆန်တဲ့ လုပ်ရပ်ပါ” ဟု ပြောသည်။ မေလ ၁၂ ရက်နေ့၊ နံနက်ပိုင်းက စာမေးပွဲဖြေရန် ပြင်ဆင်နေသည့် အိုးထိန်းတွင်းကျေးရွာရှိ စာသင်ကျောင်းကို‌ စစ်ကောင်စီတပ်မှ လေကြောင်းမှ ဗုံး ၂ လုံးကြဲချခဲ့ရာ ကျောင်းသူ/သား ၂၀ ဦးနှင့် ဆရာမ ၂ ဦး စုစုပေါင်း ၂၂ ဦး သေဆုံးခဲ့ခြင်း ဖြစ်သည်။ ကုလသမဂ္ဂ UN အတွင်းရေးမှူးချုပ် အန်တိုနီယို ဂူးတားရက်စ်က စာသင်ကျောင်းများမှာ ဗုံးကြဲရမည့် နေရာ မဟုတ်ကြောင်း၊ ကလေးသူငယ်များ အန္တရာယ်ကင်းကင်းနှင့် ပညာသင်ကြားနိုင်စေရေး လက်နက်ကိုင် ပဋိပက္ခ များ ကြားထဲမှ တာဝန်ရှိသူများက ကာကွယ်စောင့်ရှောက်ပေးရမည်ဟု ပြောဆိုလိုက်သည်။ စစ်ကောင်စီကမူ ဒီပဲယင်းမြို့နယ်ထဲက အိုးထိန်းတွင်းကျေးရွာကို လေကြောင်းတိုက်ခိုက်မှု မလုပ်ခဲ့ဘူး ဆိုကာ ငြင်းဆန်နေဆဲ ဖြစ်သည်။

ဒီပဲယင်း ဗုံးကြဲမှု ကလေးနှစ်ဦး ထပ်မံသေဆုံး

May 14

စစ်ကောင်စီ၏ အပစ်ရပ်စဲမှုတွင် ကျင့်ဝတ်စည်းကမ်းများ၊ သဘောတူမှုများ မပါ၍ မခိုင်လုံ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ မေလ ၁၄ ရက်။ စစ်ကောင်စီ၏ အပစ်အခတ်ရပ်စဲရေး ထုတ်ပြန်ကြေညာချက်သည် စစ်မှန်သည့် အပစ်အခတ်ရပ်စဲမှုများတွင် ပါရှိရမည့် ကျင့်ဝတ်စည်းကမ်းများ၊ သဘောတူညီမှုများ မပါရှိဘဲ ဖောက်ဖျက်ရန်လွယ်ကူသည့် အချက်အလက် များကိုသာ ထည့်သွင်းထားသည်ဟု အမျိုးသားညီညွတ်ရေးအစိုးရ (NUG) ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ပြောသည်။ “အခုစစ်အုပ်စုက လုပ်ဆောင်နေတဲ့ အပစ်အခတ်ရပ်စဲရေး ကြေညာချက်တွေဟာ စည်းနှောင်မှုမရှိ ချိုးဖောက်ဖို့ လွယ်ကူတဲ့ အချက်တွေကို ထည့်သွင်းထားတာလည်း သတိပြုကြရမှာ ဖြစ်ပါတယ်။ စစ်မှန်တဲ့ အပစ်အခတ် ရပ်စဲမှုတွေမှာ ကျင့်ဝတ်စည်းကမ်းတွေ သဘောတူညီမှုတွေ လိုအပ်မှာဖြစ်သလို အဲ့ဒီကျင့်ဝတ်တွေ သဘော တူညီချက်တွေကို လိုက်နာဆောင်ရွက်ခြင်းရှိမရှိ သေချာစေဖို့ နိုင်ငံတကာ စောင့်ကြည့် လေ့လာမှုလည်း လိုအပ် မှာ ဖြစ်ပါတယ်။ သဘောတူထားတဲ့ သဘောတူညီမှုတွေကို ချိုးဖောက်ခဲ့မယ်ဆိုရင် ချိုးဖောက်သူတွေကို ဘယ်လို အရေးယူမှာလဲဆိုတဲ့ အရေးယူမှုတွေလည်း ပါဝင်ရမှာဖြစ်ပါတယ်။” စစ်ကောင်စီ၏ မြန်မာနိုင်ငံတစ်ဝန်း အပစ်အခတ်ရပ်စဲရေး ထုတ်ပြန်ကြေညာချက်သည် ဟန်ပြမျှသာဖြစ် သည်ဟု ဦးနေဘုန်းလတ်က မေလ ၁၃ ရက်နေ့ တွင် ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း (Press Briefing) အစီအစဉ်တွင် ထည့်သွင်း ပြောကြားခဲ့သည်။ NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က “အကြမ်းဖက် စစ်တပ်ဟာ ပြည်သူလူထုကို ဦးတည်တဲ့ လေကြောင်းတိုက်ခိုက်မှုတွေ လက်နက်ကြီး ပစ်ခတ်မှုတွေ ရွာတွေကို စစ်ကြောင်းထိုး မီးရှို့တာတွေ စတဲ့ လုပ်ဆောင်ချက်တွေကို နေ့စဉ်ရက်ဆက် လက်တွေ့ လုပ်ဆောင်နေပေမဲ့ တစ်ဖက်မှာတော့ နိုင်ငံတကာမှာ မျက်နှာပန်းလှစေရေး အတွက် ဟန်ပြအပြစ်ခတ် ရပ်စဲရေး ထုတ်ပြန်ချက်တွေကို ထပ်တိုး ထုတ်ပြန်လျက် ရှိနေပါတယ်” ဟု ပြောသည်။ မြန်မာပြည်သူလူထု၏ ဆန္ဒသဘောထားနှင့် အညီ ပေါ်ပေါက်လာသည့် တော်လှန်ရေး အောင်မြင်ရန်အတွက် အပစ်အခတ်ရပ်စဲရေး သက်သက်ဖြင့် အဖြေထွက်နိုင်မည် မဟုတ်ဟုလည်း ဦးနေဘုန်းလတ်က ပြောသည်။ အမျိုးသားညီညွတ်ရေး အစိုးရ (NUG) အနေဖြင့် ဖိအားပေးပြီး အပစ်အခတ်ရပ်စဲရေး ကြိုးပမ်းနေမှုကို လက်ခံမည် မဟုတ်ဘဲ နိုင်ငံတကာ အသိုင်းအဝန်းနှင့် အာဆီယံ အိမ်နီးချင်းနိုင်ငံများ၏ စုစည်းညီညွတ်သည့် ကြိုးပမ်းမှု အတွက်သာ လမ်းဖွင့်ထားကြောင်း ဦးနေဘုန်းလတ် က ဆိုသည်။ “နိုင်ငံတစ်နိုင်ငံက နီးစပ်ရာ ညှိနှိုင်းမှုတွေနဲ့ အကြပ်ကိုင်လို့ရတဲ့ အဖွဲ့အစည်းတွေကို နည်းလမ်းပေါင်းစုံသုံးပြီး အတင်းဖိအားပေးဆွေးနွေးစေပြီး အပစ်အခတ်ရပ်စဲစေမှု နည်းလမ်းကို အသုံးပြုခြင်းဟာလည်း ရေရှည် အတွက် အကျိုးမရှိဘဲ အခြေအနေကို ပိုမိုရှုပ်ထွေးစေတာ၊ တိုင်းရင်းသား အင်အားစုတွေ အချင်းချင်းကြား သွေးကွဲမှုတွေ တင်းမာမှုတွေကို ဖြစ်စေနိုင်ပါတယ်” ဟု ဦးနေဘုန်းလတ်က ပြောသည်။ စစ်ကောင်စီက နိုင်ငံတဝန်း ယာယီ အပစ်အခတ်ရပ်စဲရေးကို မေလ ၃၁ ရက်နေ့အထိ ထပ်မံသက်တမ်းတိုး ထားကြောင်း ကြေညာခဲ့သော်လည်း အရပ်သား ပြည်သူများကို ပစ်မှတ်ထား၍ ဘာသာရေး အဆောက်အအုံ များ၊ စာသင်ကျောင်းများ၊ ဆေးရုံများအား ပစ်မှတ်ထား တိုက်ခိုက်မှု ပိုမိုမြင့်တက်လာသည်ဟု အမျိုးသား ညီညွတ်ရေး အစိုးရက ဆိုသည်။

စစ်ကောင်စီ၏ အပစ်ရပ်စဲမှုတွင် ကျင့်ဝတ်စည်းကမ်းများ၊ သဘောတူမှုများ မပါ၍ မခိုင်လုံ

« Prev 1 … 192 193 194 195 196 … 1,084 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

အိန္ဒိယနှင့် အင်ဒိုနီးရှားတို့ စစ်ရေးနှင့် ကာကွယ်ရေး ပူးပေါင်းဆောင်ရွက်မှု တိုးမြှင့်ရန် သဘောတူ
ထိုင်းနိုင်ငံ၌ ကျင်းပမည့် Tomorrowland ဂီတပွဲတော် လက်မှတ်အားလုံးရောင်းကုန်
တူရကီနိုင်ငံ၌ ကျင်းပနေသည့်နေတိုးထိပ်သီးအစည်းအဝေးကို ရုရှားအနီးကပ်စောင့်ကြည့်
အမေရိကန်စစ်စခန်းများအတွင်း မြေရှားသတ္တုသန့်စင်စက်ရုံများ တည်ဆောက်ခွင့်ပြု
အမေရိကန်က အီရန်အပေါ် လေကြောင်းတိုက်ခိုက်မှုများ ပြန်လည်စတင်

Archives

Archives

×Close