NMG Doh – Page 61 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Mar 27

နီပေါနိုင်ငံတွင် မြေအောက် ရက်ပါဟောင်း တစ်ဦး ဝန်ကြီးချုပ် ဖြစ်လာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၇ ရက်။ နီပေါနိုင်ငံ၏ နိုင်ငံရေးအပြောင်းအလဲနှင့် ဝန်ကြီးချုပ်သစ် နီပေါနိုင်ငံတွင် ကျင်းပပြီးစီးခဲ့သော ရွေးကောက်ပွဲ၌ ရာ့စ်ထရီယာ ဆွာတန်ထြာပါတီ (RSP) မှ အမတ်လောင်း၊ ဘာလန်ဒရာ ရှာ (Balendra Shah) သည် အပြတ်အသတ်အနိုင်ရရှိခဲ့ပြီး ဝန်ကြီးချုပ်အဖြစ် မကြာမီ ကျမ်းသစ္စာဆိုတော့မည်ဖြစ်သည်။ သူသည် Underground ရက်ပ်ပါအဆိုတော်ဟောင်းတစ်ဦးလည်း ဖြစ်သည်။ အင်ဂျင်နီယာဘွဲ့ရတစ်ဦးဖြစ်ပြီး အဂတိလိုက်စားမှုနှင့် လူမှုရေးမမျှတမှုများကို ဝေဖန်ထောက်ပြသည့် ရက်ပ်သီချင်းများဖြင့် လူငယ်ထုအကြား ရေပန်းစားလာသူဖြစ်သည်။ ၎င်းသည် ၂၀၂၂ ခုနှစ်တွင် ခတ္တမန္ဒူမြို့၏ မြို့တော်ဝန်အဖြစ် တစ်သီးပုဂ္ဂလအနိုင်ရရှိခဲ့စဉ်က မြို့သန့်ရှင်းရေးနှင့် အဂတိလိုက်စားမှုတိုက်ဖျက်ရေးတို့ကို ထိရောက်စွာ ဆောင်ရွက်ခဲ့သူဖြစ်သည်။ ယခုရွေးကောက်ပွဲတွင်လည်း အစဉ်အလာကြီးမားသော နိုင်ငံရေးအင်အားစုများကို အနိုင်ယူကာ အလုပ်အကိုင်သစ် ၁.၂ သန်း ဖန်တီးပေးမည်ဟု ကတိပြုထားသည်။ သို့သော် မြို့တော်ဝန်ဘဝက လမ်းဘေးစျေးသည်များကို ကိုင်တွယ်ပုံနှင့် ဆိုရှယ်မီဒီယာပေါ်တွင် အိမ်နီးချင်းနိုင်ငံကြီးများကို ဝေဖန်ရေးသားခဲ့မှုများကြောင့် လူ့အခွင့်အရေးအဖွဲ့များနှင့် နိုင်ငံရေးလေ့လာသူအချို့၏ ဝေဖန်မှုများကိုလည်း ရင်ဆိုင်နေရသည်။ #BalendraShah #RSP #ဘာလန်ဒရာရှာ

နီပေါနိုင်ငံတွင် မြေအောက် ရက်ပါဟောင်း တစ်ဦး ဝန်ကြီးချုပ် ဖြစ်လာ

Mar 27

နှင်ထုတ်သည့် နိုင်ငံခြားသားများကို အမေရိကန်က ကော်စတာရီကာသို့ ပို့မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၇ ရက်။ အမေရိကန်သမ္မတ ဒေါ်နယ်ထရန့်၏ "တတိယနိုင်ငံများသို့ ပြည်နှင်ဒဏ်ပေးခြင်း" (Third-country deportation) မူဝါဒအရ အမေရိကန်မှ နှင်ထုတ်ခံရသည့် အခြားနိုင်ငံသားများကို ကိုစတာရီကာနိုင်ငံက တစ်ပတ်လျှင် ၂၅ ဦးနှုန်းဖြင့် လက်ခံရန် သဘောတူညီခဲ့သည်။ အဆိုပါစီမံချက်ကို အမေရိကန်အထူးကိုယ်စားလှယ် ခရစ္စတီး နုမ်း (Kristi Noem) နှင့် ကိုစတာရီကာအစိုးရတို့ လက်မှတ်ရေးထိုးခဲ့သည်။ ကိုစတာရီကာအစိုးရသည် လက်ခံမည့်သူများကို စီစစ်ပိုင်ခွင့်ရှိပြီး ၎င်းတို့၏ နေရပ်ရင်းနိုင်ငံတွင် ဘေးအန္တရာယ်ရှိနိုင်သူများကိုမူ ပြန်လည်ပို့ဆောင်မည်မဟုတ်ဟု ဆိုသည်။ လူ့အခွင့်အရေးလှုပ်ရှားသူများက ဤလုပ်ရပ်သည် ဒုက္ခသည်များကို အကာအကွယ်မဲ့စေနိုင်ကြောင်း ဝေဖန်ထားကြသည်။ ကိုစတာရီကာနိုင်ငံသည် ပြီးခဲ့သည့်နှစ်ကလည်း ရုရှား၊ တရုတ်နှင့် အာဖဂန်နစ္စတန်နိုင်ငံသား ၂၀၀ ခန့်ကို လက်ခံခဲ့ဖူးပြီး ထိန်းသိမ်းရေးစခန်းများအတွင်း လူ့အခွင့်အရေးချိုးဖောက်မှုများရှိခဲ့သဖြင့် တရားစွဲဆိုမှုများ ဖြစ်ပွားခဲ့သည်။ အမေရိကန်အစိုးရသည် ရဝမ်ဒါ၊ ဟွန်ဒူးရပ်စ်နှင့် တောင်ဆူဒန်အပါအဝင် အခြားနိုင်ငံအချို့နှင့်လည်း အလားတူသဘောတူညီချက်များ ပြုလုပ်ထားသည်။ အမေရိကန်ရောက် မြန်မာနိုင်ငံသားများအနေဖြင့်လည်း ယာယီအကာအကွယ်ပေးထားသည့် TPS စနစ် ရုတ်သိမ်းမှုအပေါ် တရားရုံး၏ ဆိုင်းငံ့မိန့် သက်တမ်းကုန်ဆုံးပါက ယခုကဲ့သို့ တတိယနိုင်ငံများသို့ ပြည်နှင်ဒဏ်ပေးသည့် အစီအစဉ်တွင် ပါဝင်လာနိုင်သည့် အန္တရာယ်ရှိနေကြောင်း သုံးသပ်မှု တချို့ ရှိနေသည်။ #ကိုစတာရီကာ #TPS #KristiNoem #Third_countrydeportation

နှင်ထုတ်သည့် နိုင်ငံခြားသားများကို အမေရိကန်က ကော်စတာရီကာသို့ ပို့မည်

Mar 27

ဟော်မုဇ်ရေလက်ကြားတွင် အီရန် ဂိတ်ဖွင့်မည် သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၇ ရက်။ အီရန်အစိုးရသည် ကမ္ဘာ့ရေနံတင်ပို့မှုတွင် အဓိကကျသော ဟော်မုဇ်ရေလက်ကြား (Strait of Hormuz) ကို စတင်ထိန်းချုပ်လာပြီး ဖြတ်သန်းသွားလာသည့် သင်္ဘောများထံမှ "ဂိတ်ကြေး" (Toll Fees) ကောက်ခံသည့်စနစ်ကို စတင်ကျင့်သုံးလျက်ရှိသည်။ အဆိုပါရေလက်ကြားကို ဖြတ်သန်းမည့် သင်္ဘောများသည် အီရန်တော်လှန်ရေးအစောင့်တပ် (IRGC) ထံသို့ အချက်အလက်များ ကြိုတင်တင်ပြရသည့်အပြင် အီရန်ရေပိုင်နက်အတွင်းမှသာ ဖြတ်သန်းသွားလာရသဖြင့် တင်းကျပ်သော စောင့်ကြည့်စစ်ဆေးမှုများနှင့် ရင်ဆိုင်နေရသည်။ လက်ရှိတွင် အနည်းဆုံး သင်္ဘောနှစ်စင်းသည် ဖြတ်သန်းခကြေးငွေကို တရုတ်ယွမ်ငွေဖြင့် ပေးဆောင်ခဲ့သည်ဟု AP သတင်းဌာနက ဖော်ပြထားသည်။ စစ်ပွဲ၏ရိုက်ခတ်မှုကြောင့် ရေကြောင်းသွားလာမှု ၉၀ ရာခိုင်နှုန်းခန့် ရပ်ဆိုင်းသွားသဖြင့် ကမ္ဘာ့ရေနံနှင့် သဘာဝဓာတ်ငွေ့စျေးနှုန်းများ အဆမတန်မြင့်တက်လျက်ရှိသည်။ အမေရိကန်သမ္မတ ဒေါ်နယ်ထရန့်က ဟော်မုဇ်ရေလက်ကြားကို အမြန်ဆုံးပြန်လည်ဖွင့်လှစ်ရန် အီရန်အစိုးရထံ ရာဇသံပေးထားသည်။ နောက်ဆုံးသတ်မှတ်ရက်ကို ဧပြီလ ၆ ရက်နေ့အထိ နောက်ဆုတ်ထားသော်လည်း လိုက်နာခြင်းမရှိပါက အီရန်နိုင်ငံရှိ လျှပ်စစ်ဓာတ်အားပေးစက်ရုံများကို ဗုံးကြဲတိုက်ခိုက်မည်ဟု သတိပေးထားသည်။ တစ်ဖက်တွင်လည်း အစ္စရေးနိုင်ငံသည် လက်ဘနွန်တောင်ပိုင်းရှိ ဟဇ်ဘိုလာအဖွဲ့အား တိုက်ခိုက်ရန် စစ်သည်အင်အား တိုးမြှင့်စေလွှတ်လျက်ရှိပြီး အီရန်ဘက်မှ ပစ်ခတ်သော ဒုံးကျည်များကိုလည်း ကြားဖြတ်ပစ်ချလျက်ရှိသည်။ #ဟော်မုဇ်ရေလက်ကြား #အီရန်ဂိတ်ဖွင့် #အီရန်စစ်ပွဲ

ဟော်မုဇ်ရေလက်ကြားတွင် အီရန် ဂိတ်ဖွင့်မည်

Mar 27

ထိုင်းနိုင်ငံက ကြက်မွေးမြူမှု တော်လှန်ရေး၊ ဥစားကြက် ၁ သန်း လွတ်လပ်ခွင့်ရတော့မည်။ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၇ ရက်။ ထိုင်းနိုင်ငံရဲ့ ကြက်ဥထုတ်လုပ်ရေးကဏ္ဍမှာ လှောင်အိမ်မဲ့စနစ် (Cage-Free) ပြောင်းလဲကျင့်သုံးပြီး ကြက်မွေးမြူရေး ကဏ္ဍမှာ တော်လှန်ရေး တစ်ရပ်ကို ဆင်နွဲလိုက်ပါတယ်။ ဒါကြောင့် ထိုင်းနိုင်ငံမှာရှိတဲ့ ဥစားကြက် ၁ သန်းဟာ လှောင်အိမ်တွေကနေ လွတ်လပ်ခွင့်ရတော့မှာ ဖြစ်ပါတယ်။ ထိုင်းနိုင်ငံရဲ့ ကြက်ဥထုတ်လုပ်မှုသမိုင်းမှာ ထူးခြားတဲ့ ပြောင်းလဲမှုကြီးတစ်ခု ပေါ်ပေါက်လာပါတယ်။ ၂၀၂၆ ခုနှစ်၊ မတ်လ ၂၆ ရက်နေ့ သတင်းတွေအရ ထိုင်းနိုင်ငံက အကြီးစား ကြက်မွေးမြူရေး လုပ်ငန်းကြီးတွေဟာ သူတို့ရဲ့ ကြက်မကြီးတွေကို လှောင်အိမ်ထဲမှာ ပိတ်မထားတော့ဘဲ လွတ်လပ်စွာ သွားလာနိုင်တဲ့ လှောင်အိမ်မဲ့စနစ် (Cage-Free) ကို ပြောင်းလဲဖို့ ဆုံးဖြတ်လိုက်ကြပါတယ်။ ဆုဖန်ဘူရီ (Suphanburi) ခရိုင်က နာမည်ကြီး ချိုင်ယာပွန်ဆဟာ မွေးမြူရေး လုပ်ငန်း Chaiyapornsaha Farm ဟာ ၂၀၂၇ ခုနှစ်ရောက်ရင် သူတို့ဆီက အစာကျွေးကြက်မကြီး ၁ သန်းစလုံးကို လှောင်အိမ်ထဲက ထုတ်ပေးပြီး လှောင်အိမ်မဲ့စနစ် ၁၀၀% ပြောင်းလဲမယ်လို့ ကတိပြုလိုက်ပါတယ်။ ဒါဟာ အရှေ့တောင်အာရှမှာ ပထမဆုံး စတင်လုပ်ဆောင်တဲ့ ထိုင်းနိုင်ငံရဲ့ အကြီးဆုံး ပြောင်းလဲမှုကြီး ဖြစ်ပါတယ်။ ဒီအပတ်ထဲမှာတင် ကြက်မကြီး ၅၀,၀၀၀ ကို စတင်ပြောင်းလဲပေးနေပြီဖြစ်သလို၊ တခြားကုမ္ပဏီတွေ ဖြစ်တဲ့ Koh-Taew ကုမ္ပဏီနဲ့ Thaweephant Phuket တို့ကလည်း ဒီစနစ်ထဲမှာ ပူးပေါင်းပါဝင်လာကြပါတယ်။ ၂၀၂၆ ခုနှစ်အတွင်းမှာတင် ထိုင်းနိုင်ငံမှာ လှောင်အိမ်မဲ့စနစ်ကို ပြောင်းလဲမယ့် ကြက်မကြီး အရေအတွက်ဟာ ၁ သန်းကျော်အထိ ရှိလာပြီ ဖြစ်ပါတယ်။ ကြက်မကြီးတွေကို လှောင်အိမ်ကျဉ်းကျဉ်းလေးထဲမှာ မထားတော့ဘဲ လွတ်လပ်စွာ လှုပ်ရှားသွားလာခွင့်ပေးတာဟာ သူတို့ရဲ့ ကျန်းမာရေးနဲ့ စိတ်ပျော်ရွှင်မှု (Happy Egg) အတွက် ပိုကောင်းစေတယ်လို့ ဆိုပါတယ်။ ထိုင်းနိုင်ငံ မွေးမြူရေးနှင့် ကုသရေးဦးစီးဌာနကလည်း ခရိုင်ပေါင်း ၁၅ ခုက မွေးမြူရေးခြံ ၉၈ ခြံကို သင်တန်းတွေပေးပြီး လှောင်အိမ်မဲ့စနစ်အတွက် လမ်းညွှန်စာအုပ်တွေ ထုတ်ပေးထားပါတယ်။ "Happy Egg Connect" လို့ခေါ်တဲ့ စနစ်ကတစ်ဆင့် ဒီလိုစနစ်နဲ့ ထုတ်လုပ်တဲ့ ကြက်ဥတွေကို လိုချင်တဲ့ စားသုံးသူတွေ၊ ကုမ္ပဏီတွေနဲ့ တိုက်ရိုက်ချိတ်ဆက်ပေးနိုင်အောင်လည်း လုပ်ဆောင်နေတယ်လို့ ဆိုပါတယ်။ #Cage_Free #HappyEggConnect #ဥစားကြက်

ထိုင်းနိုင်ငံက ကြက်မွေးမြူမှု တော်လှန်ရေး၊ ဥစားကြက် ၁ သန်း လွတ်လပ်ခွင့်ရတော့မည်။

Mar 27

ပထမဆုံး အမျိုးသမီးဂိုဏ်းချုပ်ဆရာတော်ကြီး သိက္ခာတင် အခန်းအနားကျင်းပ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ အင်္ဂလန်သာသနာပြုအသင်း (Church of England) ၏ သမိုင်းတစ်လျှောက် ပထမဆုံးသော အမျိုးသမီးဂိုဏ်းချုပ်ဆရာတော်ကြီး (Archbishop of Canterbury) အဖြစ် စာရာ မူလာလီ (Sarah Mullally) ၏ သိက္ခာတင်အခမ်းအနားကို မတ်လ ၂၅ ရက်နေ့က ကန်တာဘူရီ ကသီဒရယ်ဘုရားကျောင်း၌ ကျင်းပခဲ့သည်။ ထိုအခန်းအနားအပြီးတွင် စာရာမူလာလီသည် ကမ္ဘာတစ်ဝှမ်းက အင်္ဂလီကန် ဘာသာဝင် ၈၅ သန်း၏ ဝိဉာဉ်ရေးရာ ခေါင်းဆောင်သစ် ဖြစ်လာခဲ့သည်။ ယင်းသည် အင်္ဂလိကန် သာသနာ၏ သမိုင်းတစ်လျောက်တွင် ပထမဆုံး အမျိုးသမီး ဂိုဏ်ချုပ် ပေါ်ထွက်လာခြင်း ဖြစ်သည်။ အဆိုပါ သိက္ခာတင်ပွဲ အခမ်းအနားသို့ ဗြိတိန်တော်ဝင်မိသားစုဝင်များနှင့် အစိုးရခေါင်းဆောင်များ တက်ရောက်ခဲ့ကြပြီး၊ ဂိုဏ်းချုပ်ဆရာတော်ကြီးက မြန်မာနိုင်ငံအပါအဝင် ကမ္ဘာတစ်ဝန်းရှိ စစ်ဒဏ်သင့်ဒေသများတွင် ငြိမ်းချမ်းရေးရရှိစေရန် ဆုတောင်းပေးခဲ့သည်။ စာရာ မူလာလီအနေဖြင့် အသင်းတော်အတွင်း အမှန်တရားနှင့် တရားမျှတမှုတို့အပေါ် ခိုင်မာစွာ ရပ်တည်သွားမည်ဖြစ်ကြောင်း ကတိပြုခဲ့သည်။

ပထမဆုံး အမျိုးသမီးဂိုဏ်းချုပ်ဆရာတော်ကြီး သိက္ခာတင် အခန်းအနားကျင်းပ

Mar 27

ဘီလာရုစ်နှင့် မြောက်ကိုရီးယား ခေါင်းဆောင်များတွေ့ဆုံ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ ရုရှားသမ္မတ ပူတင်၏ ရင်းနှီးသော မဟာမိတ်များဖြစ်ကြသည့် ဘီလာရုစ်သမ္မတ လူကာရှန်ကိုနှင့် မြောက်ကိုရီးယားခေါင်းဆောင် ကင်ဂျုံအန်းတို့သည် မတ်လ ၂၆ ရက်နေ့က ပြုံယန်းမြို့၌ တွေ့ဆုံခဲ့ကြသည်။ ဘီလာရုစ် သမ္မတ၏ ခရီးစဉ်အတွင်း နှစ်နိုင်ငံချစ်ကြည်ရေးနှင့် ပူးပေါင်းဆောင်ရွက်ရေးစာချုပ်ကို လက်မှတ်ရေးထိုးရန် ရှိနေပြီး အစားအသောက်နှင့် ဆေးဝါးကဏ္ဍများတွင် ကုန်သွယ်မှုတိုးမြှင့်ရန် ဆွေးနွေးခဲ့ကြသည်။ အဆိုပါနိုင်ငံနှစ်ခုစလုံးသည် ကုလသမဂ္ဂ၏ ပိတ်ဆို့မှုကို ခံထားရသော်လည်း အမေရိကန်သမ္မတ ဒေါ်နယ်ထရန့်နှင့် ဆက်ဆံရေး တည်ဆောက်ထားသည့် နိုင်ငံများလည်း ဖြစ်သည်။

ဘီလာရုစ်နှင့် မြောက်ကိုရီးယား ခေါင်းဆောင်များတွေ့ဆုံ

Mar 27

မြန်မာစစ်ကော်မရှင်၏ လက်နက်ဝယ်ယူရေးကွန်ရက်ကို ဖော်ထုတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ မြန်မာစစ်တပ်အတွက် လက်နက်ပွဲစားလုပ်ကိုင်ပေးနေသော Synpex Shwe (SS) ကုမ္ပဏီသည် အီရန်လုပ်ဒရုန်းများတွင် အသုံးပြုသည့် အင်ဂျင်များ ဝယ်ယူမှု၌ ပါဝင်ပတ်သက်နေကြောင်း Conflict Armament Research (CAR) နှင့် Justice For Myanmar (JFM) တို့က ထုတ်ပြန်ကြေညာသည်။ အီရတ်-ဆီရီးယားနယ်စပ်တွင် သိမ်းဆည်းရမိသော Sayyad-107 ဒရုန်းအင်ဂျင်မှာ Synpex Shwe ၏ စင်ကာပူအခြေစိုက် ကုမ္ပဏီခွဲမှတစ်ဆင့် မှာယူခဲ့ခြင်းဖြစ်ကာ ၂၀၂၀ မှ ၂၀၂၃ ခုနှစ်အတွင်း အင်ဂျင်အလုံးပေါင်း ၃၀၀ ကျော်ကို အကြိမ်ကြိမ် ခွဲဝေတင်သွင်းခဲ့ခြင်းဖြစ်သည်ဟု ဆိုသည်။ Synpex Shwe သည် စစ်အာဏာသိမ်းပြီးနောက်ပိုင်း မြန်မာလေတပ်အတွက် Mi-17 ရဟတ်ယာဉ်အပိုပစ္စည်းများကို ရုရှားနိုင်ငံမှလည်းကောင်း၊ ဒရုန်းထိန်းချုပ်ရေးစနစ်များကို တူရကီ၊ ဗီယက်နမ်နှင့် အိန္ဒိယနိုင်ငံတို့မှလည်းကောင်း အဓိကတင်သွင်းပေးနေသည့် ပွဲစားကုမ္ပဏီဖြစ်သည်။ အဆိုပါကုမ္ပဏီသည် နိုင်ငံတကာ၏ ပိတ်ဆို့အရေးယူမှုများကို ရှောင်လွှဲရန်အတွက် ၎င်း၏အမည်ကို SS Techniques နှင့် SS Tech Learn ဟု အဆင့်ဆင့်ပြောင်းလဲခဲ့သည့်အပြင် ထိုင်းနိုင်ငံတွင်လည်း SS Affluence အမည်ဖြင့် ကုမ္ပဏီသစ်ဖွင့်လှစ်ကာ လုပ်ငန်းများ ဆက်လက်လုပ်ကိုင်လျက်ရှိသည်။ JFM အဖွဲ့က ယင်းကုမ္ပဏီကွန်ရက်တစ်ခုလုံးနှင့် ဒါရိုက်တာ ၇ ဦးစလုံးကို ထိရောက်စွာ ဒဏ်ခတ်ပိတ်ဆို့ရန် တောင်းဆိုထားသည်။

မြန်မာစစ်ကော်မရှင်၏ လက်နက်ဝယ်ယူရေးကွန်ရက်ကို ဖော်ထုတ်

Mar 27

အမေရိကန် အဆိုပြုချက် အီရန် ပယ်ချက်၊ အီရန် စစ်ပွဲ ဆက်လက် ပြင်းထန်ဆဲ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ အမေရိကန်အစိုးရမှ အချက် ၁၅ ချက်ပါဝင်သော ငြိမ်းချမ်းရေးအဆိုပြုလွှာကို တင်ပြခဲ့သော်လည်း အီရန်အစိုးရက ယင်းအဆိုပြုချက်သည် လက်တွေ့မကျဘဲ တစ်ဖက်သတ်ဆန်လွန်းသည်ဟုဆိုကာ ပယ်ချခဲ့သည်။ အမေရိကန်အလယ်ပိုင်းစစ်ဌာနချုပ် (CENTCOM) ၏ ထုတ်ပြန်ချက်အရ အရှေ့အလယ်ပိုင်းဒေသတွင် အမေရိကန်တပ်ဖွဲ့ဝင် ၅၀,၀၀၀ ကျော်၊ လေယာဉ်တင်သင်္ဘော ၂ စင်း၊ တိုက်လေယာဉ် ၂၀၀ ကျော်နှင့် အထူးတပ်ဖွဲ့ဝင်များကို ဖြန့်ကြက်ချထားကြောင်း အတည်ပြုသည်။ အမေရိကန်က ထောင်နှင့် ချီသော ကမ်းတက် မရိန်းတပ်ဖွဲ့များ နှင့် လေထီးခုန် တပ်သား များကို ထပ်မံ စေလွှတ်ထားသည်။ လက်ရှိတွင် ဟော်မုဇ်ရေလက်ကြား၌ သင်္ဘောအစီးရေ ၂,၀၀၀ ခန့်နှင့် သင်္ဘောသား ၂၀,၀၀၀ ခန့် ပိတ်မိနေသဖြင့် လူသားချင်းစာနာမှုဆိုင်ရာ အခက်အခဲများ ကြုံတွေ့နေရကာ ရေကြောင်းသွားလာမှု ပြန်လည်ကောင်းမွန်စေရန် ပြင်သစ်နိုင်ငံက ကြားဝင်ညှိနှိုင်းမှုများ ပြုလုပ်လျက်ရှိသည်။ ကူဝိတ်နိုင်ငံရှိ လေဆိပ်လောင်စာဆီကန်တစ်ခု ဒရုန်းဖြင့် တိုက်ခိုက်ခံရမှုကြောင့် မီးလောင်မှုဖြစ်ပွားခဲ့သကဲ့သို့၊ ဆော်ဒီအာရေဗျနိုင်ငံကလည်း ၎င်း၏ရေနံစက်ရုံများကို ဦးတည်တိုက်ခိုက်လာသော ဒရုန်း ၃၂ စင်းနှင့် ဒုံးကျည် ၁ စင်းကို ကြားဖြတ်ပစ်ချခဲ့ရသည်။ တစ်ဖက်တွင်လည်း အစ္စရေးစစ်တပ်သည် လက်ဘနွန်တောင်ပိုင်းအတွင်းသို့ ၃၀ ကီလိုမီတာခန့် ကျူးကျော်ဝင်ရောက်ကာ "လုံခြုံရေးဇုန်" အဖြစ် သတ်မှတ်ရန် ပြင်ဆင်လျက်ရှိသည်။ မတ်လ ၂ ရက်နေ့မှစတင်သော တိုက်ပွဲများကြောင့် လက်ဘနွန်တွင် သေဆုံးသူ ၁,၀၇၂ ဦးနှင့် ဒဏ်ရာရရှိသူ ၃,၀၀၀ နီးပါး ရှိလာပြီဖြစ်သည်။ စစ်ပွဲ၏ ရိုက်ခတ်မှုကြောင့် ကမ္ဘာ့ရေနံစျေးနှုန်းများ မတည်မငြိမ်ဖြစ်ပေါ်နေပြီး သီရိလင်္ကာနိုင်ငံတွင် လျှပ်စစ်ဓာတ်အားချွေတာရေးအတွက် လမ်းမီးနှင့် ဆိုင်းဘုတ်မီးများကို ပိတ်ထားရန် အမိန့်ထုတ်ပြန်ထားရသလို၊ ဖိလစ်ပိုင်နိုင်ငံကလည်း နိုင်ငံတော်အဆင့် စွမ်းအင်အရေးပေါ်အခြေအနေ ကြေညာထားရသည်။

အမေရိကန် အဆိုပြုချက် အီရန် ပယ်ချက်၊ အီရန် စစ်ပွဲ ဆက်လက် ပြင်းထန်ဆဲ

Mar 26

နိုင်ငံကူးလက်မှတ် ဥပဒေသစ်က နိုင်ကျဉ်းများ၏ လွတ်လပ်စွာ သွားလာခွင့်အား ခြိမ်းခြောက်နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ နိုင်ငံကူးလက်မှတ် ဥပဒေသစ်ဖြင့် နိုင်ကျဉ်းဟောင်းများကို စစ်ကော်မရှင်က ပိတ်ဆို့ခြိမ်းခြောက်လိုက်သည်ဟု နိုင်ကျဉ်းအရေး လှုပ်ရှားသူများက ပြောသည်။ နိုင်ငံကူး လက်မှတ် ဥပဒေသစ်သည် နိုင်ငံရေး အကျဉ်းသားဟောင်းများ၏ ဘဝပြန်လည်ထူထောင်ရေးနှင့် လုံခြုံရေးဆိုင်ရာ စိန်ခေါ်မှုများကို တရားဝင် ဖန်တီးလိုက်ခြင်း ဖြစ်ကြောင်း နိုင်ကျဉ်းအရေးလှုပ်ရှားသူများက ဝေဖန်ထောက်ပြလိုက်သည်။ မတ်လ ၁၇ ရက်နေ့တွင် ထုတ်ပြန်ခဲ့သည့် အဆိုပါ ဥပဒေသစ်အရ နိုင်ငံတော်လုံခြုံရေးနှင့် အကျိုးစီးပွားကို နှောင့်ယှက်သူဟု ယူဆရသူများ၊ ဥပဒေပုဒ်မ ၄၀၁ (၁) အရ လွတ်ငြိမ်းခွင့် ရထားသူများနှင့် တရားရုံး၏ ခံဝန် ချုပ်ကာလ မပြည့်သေးသူများကို နိုင်ငံကူးလက်မှတ် (Passport) ထုတ်ပေးရန် ငြင်းပယ်နိုင်ကြောင်း ပြဋ္ဌာန်း ထားသည်။ အဆိုပါ အချက်သည် မြန်မာနိုင်ငံတစ်ဝန်းရှိ အကျဉ်းထောင်များမှ ပြန်လည်လွတ်မြောက်လာသည့် နိုင်ငံရေး အကျဉ်းသားများကို ပစ်မှတ်ထား ကန့်သတ်လိုက်ခြင်းဖြစ်ကြောင်း နိုင်ငံရေးအကျဉ်းသူများအဖွဲ့ (WOPP) က ဆိုသည်။ WOPP ၏ ဦးဆောင်တာဝန်ခံ မဇူးဇူးမေယွန်းက “ကျမတို့လွတ်လာတဲ့ နိုင်ငံရေး အကျဉ်းသားတွေ အနေနဲ့ လုံခြုံရေး အရမ်းအရေးကြီး လာတယ်ပေါ့နော်။ ပြည်ပထွက်ခွင့်တွေ ပိတ်ပင်တဲ့အတွက် သူများနိုင်ငံမှာ တရား မဝင် နေထိုင်ရတာတွေ များလာတယ်ပေါ့နော်။ အဲ့ဒီအတွက်လည်း နိုင်ငံရေး အကျဉ်းသား ပိုပြီးတော့ စိတ်ပိုင်း ဆိုင်ရာအပြင် လုံခြုံရေးပိုင်း ဆိုင်ရာတွေမှာပါ ခက်ခဲလာတာ ဖြစ်ပါတယ်” ဟု ပြောသည်။ ထို့အပြင် နိုင်ကျဉ်းဟောင်းများသည် PSMS (Person Scrutinization and Monitoring System) စနစ်ဖြင့် ဆက်လက်စောင့်ကြည့်ခံနေရပြီး ယခင်စွဲချက်ဟောင်းများကြောင့် လူမှုဘဝရပ်တည်ရေးနှင့် အသက်မွေးဝမ်း ကျောင်း လုပ်ငန်းများတွင်ပါ အခက်အခဲဖြစ်ပေါ်နေရသည်ဟု ဆိုသည်။ ၎င်းတို့သည် အဖမ်းခံရစဉ်ကပင် မှတ်ပုံတင် (ID) များ သိမ်းဆည်းခံရခြင်းနှင့် နိုင်ငံကူးလက်မှတ် လုပ်ခွင့် ငြင်း ပယ်ခံရခြင်း တို့ကို ကြုံတွေ့ခဲ့ရပြီး ယခုအခါတွင်မူ ဥပဒေဖြင့် ပေါ်ပေါ်ထင်ထင် ချိုးဖောက်လာခြင်း ဖြစ်ကြောင်း မဇူးဇူးမေယွန်းက ဆက်ပြောသည်။ “ဒါက တရားဝင် ထုတ်ပြန်လိုက်တာပေါ့နော်။ တရားဝင် ထုတ်မပြန်ခင် ကျမတို့ နိုင်ငံရေး အကျဉ်းသားတွေကို ပြည်ပထွက်ခွင့် ပိတ်ပင်တာမျိုးတွေ ဖမ်းဆီးတဲ့အချိန်မှာ ကျမတို့ရဲ့ ID တွေ အကုန်လုံးကို သူတို့က သိမ်းတယ်။ ပြီးရင် ပြန်မပေးဘူးပေါ့နော်။ ပြန်လုပ်ရတဲ့ အခါမျိုးမှာလည်း အရမ်းခက်ခဲတယ်ပေါ့နော်။ Passport တွေဆို လည်း လုပ်ခွင့်မပေးတာမျိုး ကျမတို့ ကိုယ်တိုင်လည်း ကြုံခဲ့ရတယ်ပေါ့နော်။ ဒီလိုမျိုးတွေ လုပ်နေတာကို အခုဆိုလို့ရှိရင် ပေါ်ပေါ်ထင်ထင်နဲ့ လူ့အခွင့်အရေး ချိုးဖောက်လာတာ ဖြစ်တယ်။” အလားတူ ကရင်နီနိုင်ငံရေး အကျဉ်းသားများ အစည်းအရုံး (KPPA) ဒု - ဥက္ကဋ္ဌ ထားဖိုးကလည်း ဤဥပဒေသစ် ကြောင့် နိုင်ငံရေးတက်ကြွလှုပ်ရှားသူများ၏ လွတ်လပ်စွာ သွားလာခွင့် လုံးဝပိတ်ပင်ခံလိုက်ရကြောင်း ထောက်ပြသည်။ ၎င်းက “အမျိုးသားလုံးခြုံရေး နိုင်ငံအကျိုးစီးပွားကို ဖျက်ဆီးလိုသူလို့ ယူဆနိုင်တဲ့ သူကို နိုင်ငံကူးလက်မှတ် မထုတ် ပေးဘူး ပြောတာကိုး။ အခုအချိန်မှာ ကျနော်တို့ ပြည်နယ်မှာက ရွေးကောက်ပွဲ ကိစ္စလောက် ပြောတာ နဲ့တင် ဖမ်းဆီးခံရတဲ့ အခြေအနေမှာ ရှိတဲ့အချိန်မှာ နိုင်ငံရေးအကျဉ်းသားဟောင်းဆိုတဲ့ နာမည်နဲ့ တွဲပါလာသူ တစ်ယောက် အတွက်ဆိုရင် တော်တော်ကြီးကို ကြီးမားတဲ့ အခက်အခဲတစ်ခု ဖြစ်သွားတယ်” ဟု ပြောသည်။ ထို့အပြင် ကရင်နီပြည်အတွင်းရှိ ပြည်သူများအတွက် (၂/) မှတ်ပုံတင် ကိုင်ဆောင်သူဖြစ်ရုံမျှဖြင့် နိုင်ငံကူး လက်မှတ်ရရှိရန် ပိုမိုစစ်ဆေးခံနေရသည့် အခြေအနေများကြောင့် နိုင်ကျဉ်းဟောင်းများအတွက် ပိုမိုဆိုးရွားနေ ကြောင်း ထားဖိုးက ဆက်ပြောသည်။ “ပတ်စ်ပို့စ် နိုင်ငံကူးလက်မှတ်နဲ့ ပတ်သက်ပြီးတော့ အကြားမှာ သူတို့ပိတ်ပင်တားဆီးတာ အများကြီး ရှိခဲ့တယ်။ ဥပမာ ၂/ ဆို မထုတ်ပေး တာတွေ ပိုပြီး စစ်ဆေးတာတွေ ဖြစ်ခဲ့တာပဲ။ အခုက ကျနော်တို့ ကရင်နီပြည်ကနေ ထွက်လာတဲ့ နိုင်ငံရေး အကျဉ်းသားဟောင်းတွေ အတွက်ဆိုရင် ကရင်နီပြည်က ဖြစ်တယ်ဆိုတဲ့ အချက်နဲ့ကို တော်တော်ကြီးကို နိုင်ငံကူးလက်မှတ် ရရှိဖို့ အခက်အခဲ ဖြစ်နေပြီ။” မြန်မာနိုင်ငံကူးလက်မှတ် ဆိုင်ရာ ဥပဒေသစ်သည် နိုင်ငံရေးအရ ဆန့်ကျင်သူများကို စနစ်တကျ ဖိနှိပ်ခြင်းဖြစ်ပြီး နိုင်ငံရေး အကျဉ်းသားဟောင်းများ၏ ဘဝပြန်လည်ထူထောင်ရေးကို တားဆီးထားခြင်း ဖြစ်သည်။ ထို့ကြောင့် ပြန်လည် လွတ်မြောက်လာသူများ အနေဖြင့် ပြည်တွင်းပြည်ပ ခရီးသွားလာမှုနှင့် ကိုယ်ရေး အချက် အလက် အသုံးပြုမှုများတွင် ကြုံတွေ့လာနိုင်သည့် လုံခြုံရေးအန္တရာယ်များကို အထူးသတိထားကြရန် နိုင်ငံရေး အကျဉ်းသူများအဖွဲ့ (WOPP) က မတ်လ ၂၆ ရက်နေ့တွင် ထုတ်ပြန်သတိပေးထားသည်။ ဓာတ်ပုံ - မြန်မာနိုင်ငံကူးလက်မှတ် ထုတ်ပေးရေးရုံး ရန်ကုန် ရန်ကင်း (Facebook) #နိုင်ငံကူးလက်မှတ် #နိုင်ငံကူးလက်မှတ်ဥပဒေသစ် #WOPP #ထားဖိုး #KPPA #နိုင်ကျဉ်း

နိုင်ငံကူးလက်မှတ် ဥပဒေသစ်က နိုင်ကျဉ်းများ၏ လွတ်လပ်စွာ သွားလာခွင့်အား ခြိမ်းခြောက်နေ

« Prev 1 … 59 60 61 62 63 … 1,082 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

စလော့ဂိမ်း သိန်း ၁၅၀ ရှုံးသဖြင့် ယာဉ်မောင်းတစ်ဦး အဆုံးစီရင်
မောင်တောမြို့နယ်အတွင်း ထိုးဖောက်လာသည့် ARSA အဖွဲ့ နှင့် AA တိုက်ပွဲဖြစ်
အီရန် ခေါင်းဆောင်ကြီး အယာတိုလာ ခါမေနီအတွက် ရက်ရှည်ဈာပနအခမ်းအနားများ ပြင်ဆင်
TikTok တိုက်ရိုက်ထုတ်လွှင့်မှုအတွင်း နမ်းခဲ့သည့် အင်ဒိုနီးရှားစုံတွဲတစ်တွဲကို ကြိမ်ဒဏ် ၂၁ ချက်စီ အပြစ်ပေး
တားမြစ်ချက်ကို မလိုက်နာသည့် ရှေးရိုးစွဲ SSPX အဖွဲ့ကို ဗာတီကန် သာသနာ ထုတ်ပယ်

Archives

Archives

×Close