NMG Doh – Page 93 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Mar 27

ထိုင်းနိုင်ငံက ကြက်မွေးမြူမှု တော်လှန်ရေး၊ ဥစားကြက် ၁ သန်း လွတ်လပ်ခွင့်ရတော့မည်။ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၇ ရက်။ ထိုင်းနိုင်ငံရဲ့ ကြက်ဥထုတ်လုပ်ရေးကဏ္ဍမှာ လှောင်အိမ်မဲ့စနစ် (Cage-Free) ပြောင်းလဲကျင့်သုံးပြီး ကြက်မွေးမြူရေး ကဏ္ဍမှာ တော်လှန်ရေး တစ်ရပ်ကို ဆင်နွဲလိုက်ပါတယ်။ ဒါကြောင့် ထိုင်းနိုင်ငံမှာရှိတဲ့ ဥစားကြက် ၁ သန်းဟာ လှောင်အိမ်တွေကနေ လွတ်လပ်ခွင့်ရတော့မှာ ဖြစ်ပါတယ်။ ထိုင်းနိုင်ငံရဲ့ ကြက်ဥထုတ်လုပ်မှုသမိုင်းမှာ ထူးခြားတဲ့ ပြောင်းလဲမှုကြီးတစ်ခု ပေါ်ပေါက်လာပါတယ်။ ၂၀၂၆ ခုနှစ်၊ မတ်လ ၂၆ ရက်နေ့ သတင်းတွေအရ ထိုင်းနိုင်ငံက အကြီးစား ကြက်မွေးမြူရေး လုပ်ငန်းကြီးတွေဟာ သူတို့ရဲ့ ကြက်မကြီးတွေကို လှောင်အိမ်ထဲမှာ ပိတ်မထားတော့ဘဲ လွတ်လပ်စွာ သွားလာနိုင်တဲ့ လှောင်အိမ်မဲ့စနစ် (Cage-Free) ကို ပြောင်းလဲဖို့ ဆုံးဖြတ်လိုက်ကြပါတယ်။ ဆုဖန်ဘူရီ (Suphanburi) ခရိုင်က နာမည်ကြီး ချိုင်ယာပွန်ဆဟာ မွေးမြူရေး လုပ်ငန်း Chaiyapornsaha Farm ဟာ ၂၀၂၇ ခုနှစ်ရောက်ရင် သူတို့ဆီက အစာကျွေးကြက်မကြီး ၁ သန်းစလုံးကို လှောင်အိမ်ထဲက ထုတ်ပေးပြီး လှောင်အိမ်မဲ့စနစ် ၁၀၀% ပြောင်းလဲမယ်လို့ ကတိပြုလိုက်ပါတယ်။ ဒါဟာ အရှေ့တောင်အာရှမှာ ပထမဆုံး စတင်လုပ်ဆောင်တဲ့ ထိုင်းနိုင်ငံရဲ့ အကြီးဆုံး ပြောင်းလဲမှုကြီး ဖြစ်ပါတယ်။ ဒီအပတ်ထဲမှာတင် ကြက်မကြီး ၅၀,၀၀၀ ကို စတင်ပြောင်းလဲပေးနေပြီဖြစ်သလို၊ တခြားကုမ္ပဏီတွေ ဖြစ်တဲ့ Koh-Taew ကုမ္ပဏီနဲ့ Thaweephant Phuket တို့ကလည်း ဒီစနစ်ထဲမှာ ပူးပေါင်းပါဝင်လာကြပါတယ်။ ၂၀၂၆ ခုနှစ်အတွင်းမှာတင် ထိုင်းနိုင်ငံမှာ လှောင်အိမ်မဲ့စနစ်ကို ပြောင်းလဲမယ့် ကြက်မကြီး အရေအတွက်ဟာ ၁ သန်းကျော်အထိ ရှိလာပြီ ဖြစ်ပါတယ်။ ကြက်မကြီးတွေကို လှောင်အိမ်ကျဉ်းကျဉ်းလေးထဲမှာ မထားတော့ဘဲ လွတ်လပ်စွာ လှုပ်ရှားသွားလာခွင့်ပေးတာဟာ သူတို့ရဲ့ ကျန်းမာရေးနဲ့ စိတ်ပျော်ရွှင်မှု (Happy Egg) အတွက် ပိုကောင်းစေတယ်လို့ ဆိုပါတယ်။ ထိုင်းနိုင်ငံ မွေးမြူရေးနှင့် ကုသရေးဦးစီးဌာနကလည်း ခရိုင်ပေါင်း ၁၅ ခုက မွေးမြူရေးခြံ ၉၈ ခြံကို သင်တန်းတွေပေးပြီး လှောင်အိမ်မဲ့စနစ်အတွက် လမ်းညွှန်စာအုပ်တွေ ထုတ်ပေးထားပါတယ်။ "Happy Egg Connect" လို့ခေါ်တဲ့ စနစ်ကတစ်ဆင့် ဒီလိုစနစ်နဲ့ ထုတ်လုပ်တဲ့ ကြက်ဥတွေကို လိုချင်တဲ့ စားသုံးသူတွေ၊ ကုမ္ပဏီတွေနဲ့ တိုက်ရိုက်ချိတ်ဆက်ပေးနိုင်အောင်လည်း လုပ်ဆောင်နေတယ်လို့ ဆိုပါတယ်။ #Cage_Free #HappyEggConnect #ဥစားကြက်

ထိုင်းနိုင်ငံက ကြက်မွေးမြူမှု တော်လှန်ရေး၊ ဥစားကြက် ၁ သန်း လွတ်လပ်ခွင့်ရတော့မည်။

Mar 27

ပထမဆုံး အမျိုးသမီးဂိုဏ်းချုပ်ဆရာတော်ကြီး သိက္ခာတင် အခန်းအနားကျင်းပ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ အင်္ဂလန်သာသနာပြုအသင်း (Church of England) ၏ သမိုင်းတစ်လျှောက် ပထမဆုံးသော အမျိုးသမီးဂိုဏ်းချုပ်ဆရာတော်ကြီး (Archbishop of Canterbury) အဖြစ် စာရာ မူလာလီ (Sarah Mullally) ၏ သိက္ခာတင်အခမ်းအနားကို မတ်လ ၂၅ ရက်နေ့က ကန်တာဘူရီ ကသီဒရယ်ဘုရားကျောင်း၌ ကျင်းပခဲ့သည်။ ထိုအခန်းအနားအပြီးတွင် စာရာမူလာလီသည် ကမ္ဘာတစ်ဝှမ်းက အင်္ဂလီကန် ဘာသာဝင် ၈၅ သန်း၏ ဝိဉာဉ်ရေးရာ ခေါင်းဆောင်သစ် ဖြစ်လာခဲ့သည်။ ယင်းသည် အင်္ဂလိကန် သာသနာ၏ သမိုင်းတစ်လျောက်တွင် ပထမဆုံး အမျိုးသမီး ဂိုဏ်ချုပ် ပေါ်ထွက်လာခြင်း ဖြစ်သည်။ အဆိုပါ သိက္ခာတင်ပွဲ အခမ်းအနားသို့ ဗြိတိန်တော်ဝင်မိသားစုဝင်များနှင့် အစိုးရခေါင်းဆောင်များ တက်ရောက်ခဲ့ကြပြီး၊ ဂိုဏ်းချုပ်ဆရာတော်ကြီးက မြန်မာနိုင်ငံအပါအဝင် ကမ္ဘာတစ်ဝန်းရှိ စစ်ဒဏ်သင့်ဒေသများတွင် ငြိမ်းချမ်းရေးရရှိစေရန် ဆုတောင်းပေးခဲ့သည်။ စာရာ မူလာလီအနေဖြင့် အသင်းတော်အတွင်း အမှန်တရားနှင့် တရားမျှတမှုတို့အပေါ် ခိုင်မာစွာ ရပ်တည်သွားမည်ဖြစ်ကြောင်း ကတိပြုခဲ့သည်။

ပထမဆုံး အမျိုးသမီးဂိုဏ်းချုပ်ဆရာတော်ကြီး သိက္ခာတင် အခန်းအနားကျင်းပ

Mar 27

ဘီလာရုစ်နှင့် မြောက်ကိုရီးယား ခေါင်းဆောင်များတွေ့ဆုံ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ ရုရှားသမ္မတ ပူတင်၏ ရင်းနှီးသော မဟာမိတ်များဖြစ်ကြသည့် ဘီလာရုစ်သမ္မတ လူကာရှန်ကိုနှင့် မြောက်ကိုရီးယားခေါင်းဆောင် ကင်ဂျုံအန်းတို့သည် မတ်လ ၂၆ ရက်နေ့က ပြုံယန်းမြို့၌ တွေ့ဆုံခဲ့ကြသည်။ ဘီလာရုစ် သမ္မတ၏ ခရီးစဉ်အတွင်း နှစ်နိုင်ငံချစ်ကြည်ရေးနှင့် ပူးပေါင်းဆောင်ရွက်ရေးစာချုပ်ကို လက်မှတ်ရေးထိုးရန် ရှိနေပြီး အစားအသောက်နှင့် ဆေးဝါးကဏ္ဍများတွင် ကုန်သွယ်မှုတိုးမြှင့်ရန် ဆွေးနွေးခဲ့ကြသည်။ အဆိုပါနိုင်ငံနှစ်ခုစလုံးသည် ကုလသမဂ္ဂ၏ ပိတ်ဆို့မှုကို ခံထားရသော်လည်း အမေရိကန်သမ္မတ ဒေါ်နယ်ထရန့်နှင့် ဆက်ဆံရေး တည်ဆောက်ထားသည့် နိုင်ငံများလည်း ဖြစ်သည်။

ဘီလာရုစ်နှင့် မြောက်ကိုရီးယား ခေါင်းဆောင်များတွေ့ဆုံ

Mar 27

မြန်မာစစ်ကော်မရှင်၏ လက်နက်ဝယ်ယူရေးကွန်ရက်ကို ဖော်ထုတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ မြန်မာစစ်တပ်အတွက် လက်နက်ပွဲစားလုပ်ကိုင်ပေးနေသော Synpex Shwe (SS) ကုမ္ပဏီသည် အီရန်လုပ်ဒရုန်းများတွင် အသုံးပြုသည့် အင်ဂျင်များ ဝယ်ယူမှု၌ ပါဝင်ပတ်သက်နေကြောင်း Conflict Armament Research (CAR) နှင့် Justice For Myanmar (JFM) တို့က ထုတ်ပြန်ကြေညာသည်။ အီရတ်-ဆီရီးယားနယ်စပ်တွင် သိမ်းဆည်းရမိသော Sayyad-107 ဒရုန်းအင်ဂျင်မှာ Synpex Shwe ၏ စင်ကာပူအခြေစိုက် ကုမ္ပဏီခွဲမှတစ်ဆင့် မှာယူခဲ့ခြင်းဖြစ်ကာ ၂၀၂၀ မှ ၂၀၂၃ ခုနှစ်အတွင်း အင်ဂျင်အလုံးပေါင်း ၃၀၀ ကျော်ကို အကြိမ်ကြိမ် ခွဲဝေတင်သွင်းခဲ့ခြင်းဖြစ်သည်ဟု ဆိုသည်။ Synpex Shwe သည် စစ်အာဏာသိမ်းပြီးနောက်ပိုင်း မြန်မာလေတပ်အတွက် Mi-17 ရဟတ်ယာဉ်အပိုပစ္စည်းများကို ရုရှားနိုင်ငံမှလည်းကောင်း၊ ဒရုန်းထိန်းချုပ်ရေးစနစ်များကို တူရကီ၊ ဗီယက်နမ်နှင့် အိန္ဒိယနိုင်ငံတို့မှလည်းကောင်း အဓိကတင်သွင်းပေးနေသည့် ပွဲစားကုမ္ပဏီဖြစ်သည်။ အဆိုပါကုမ္ပဏီသည် နိုင်ငံတကာ၏ ပိတ်ဆို့အရေးယူမှုများကို ရှောင်လွှဲရန်အတွက် ၎င်း၏အမည်ကို SS Techniques နှင့် SS Tech Learn ဟု အဆင့်ဆင့်ပြောင်းလဲခဲ့သည့်အပြင် ထိုင်းနိုင်ငံတွင်လည်း SS Affluence အမည်ဖြင့် ကုမ္ပဏီသစ်ဖွင့်လှစ်ကာ လုပ်ငန်းများ ဆက်လက်လုပ်ကိုင်လျက်ရှိသည်။ JFM အဖွဲ့က ယင်းကုမ္ပဏီကွန်ရက်တစ်ခုလုံးနှင့် ဒါရိုက်တာ ၇ ဦးစလုံးကို ထိရောက်စွာ ဒဏ်ခတ်ပိတ်ဆို့ရန် တောင်းဆိုထားသည်။

မြန်မာစစ်ကော်မရှင်၏ လက်နက်ဝယ်ယူရေးကွန်ရက်ကို ဖော်ထုတ်

Mar 27

အမေရိကန် အဆိုပြုချက် အီရန် ပယ်ချက်၊ အီရန် စစ်ပွဲ ဆက်လက် ပြင်းထန်ဆဲ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ အမေရိကန်အစိုးရမှ အချက် ၁၅ ချက်ပါဝင်သော ငြိမ်းချမ်းရေးအဆိုပြုလွှာကို တင်ပြခဲ့သော်လည်း အီရန်အစိုးရက ယင်းအဆိုပြုချက်သည် လက်တွေ့မကျဘဲ တစ်ဖက်သတ်ဆန်လွန်းသည်ဟုဆိုကာ ပယ်ချခဲ့သည်။ အမေရိကန်အလယ်ပိုင်းစစ်ဌာနချုပ် (CENTCOM) ၏ ထုတ်ပြန်ချက်အရ အရှေ့အလယ်ပိုင်းဒေသတွင် အမေရိကန်တပ်ဖွဲ့ဝင် ၅၀,၀၀၀ ကျော်၊ လေယာဉ်တင်သင်္ဘော ၂ စင်း၊ တိုက်လေယာဉ် ၂၀၀ ကျော်နှင့် အထူးတပ်ဖွဲ့ဝင်များကို ဖြန့်ကြက်ချထားကြောင်း အတည်ပြုသည်။ အမေရိကန်က ထောင်နှင့် ချီသော ကမ်းတက် မရိန်းတပ်ဖွဲ့များ နှင့် လေထီးခုန် တပ်သား များကို ထပ်မံ စေလွှတ်ထားသည်။ လက်ရှိတွင် ဟော်မုဇ်ရေလက်ကြား၌ သင်္ဘောအစီးရေ ၂,၀၀၀ ခန့်နှင့် သင်္ဘောသား ၂၀,၀၀၀ ခန့် ပိတ်မိနေသဖြင့် လူသားချင်းစာနာမှုဆိုင်ရာ အခက်အခဲများ ကြုံတွေ့နေရကာ ရေကြောင်းသွားလာမှု ပြန်လည်ကောင်းမွန်စေရန် ပြင်သစ်နိုင်ငံက ကြားဝင်ညှိနှိုင်းမှုများ ပြုလုပ်လျက်ရှိသည်။ ကူဝိတ်နိုင်ငံရှိ လေဆိပ်လောင်စာဆီကန်တစ်ခု ဒရုန်းဖြင့် တိုက်ခိုက်ခံရမှုကြောင့် မီးလောင်မှုဖြစ်ပွားခဲ့သကဲ့သို့၊ ဆော်ဒီအာရေဗျနိုင်ငံကလည်း ၎င်း၏ရေနံစက်ရုံများကို ဦးတည်တိုက်ခိုက်လာသော ဒရုန်း ၃၂ စင်းနှင့် ဒုံးကျည် ၁ စင်းကို ကြားဖြတ်ပစ်ချခဲ့ရသည်။ တစ်ဖက်တွင်လည်း အစ္စရေးစစ်တပ်သည် လက်ဘနွန်တောင်ပိုင်းအတွင်းသို့ ၃၀ ကီလိုမီတာခန့် ကျူးကျော်ဝင်ရောက်ကာ "လုံခြုံရေးဇုန်" အဖြစ် သတ်မှတ်ရန် ပြင်ဆင်လျက်ရှိသည်။ မတ်လ ၂ ရက်နေ့မှစတင်သော တိုက်ပွဲများကြောင့် လက်ဘနွန်တွင် သေဆုံးသူ ၁,၀၇၂ ဦးနှင့် ဒဏ်ရာရရှိသူ ၃,၀၀၀ နီးပါး ရှိလာပြီဖြစ်သည်။ စစ်ပွဲ၏ ရိုက်ခတ်မှုကြောင့် ကမ္ဘာ့ရေနံစျေးနှုန်းများ မတည်မငြိမ်ဖြစ်ပေါ်နေပြီး သီရိလင်္ကာနိုင်ငံတွင် လျှပ်စစ်ဓာတ်အားချွေတာရေးအတွက် လမ်းမီးနှင့် ဆိုင်းဘုတ်မီးများကို ပိတ်ထားရန် အမိန့်ထုတ်ပြန်ထားရသလို၊ ဖိလစ်ပိုင်နိုင်ငံကလည်း နိုင်ငံတော်အဆင့် စွမ်းအင်အရေးပေါ်အခြေအနေ ကြေညာထားရသည်။

အမေရိကန် အဆိုပြုချက် အီရန် ပယ်ချက်၊ အီရန် စစ်ပွဲ ဆက်လက် ပြင်းထန်ဆဲ

Mar 26

နိုင်ငံကူးလက်မှတ် ဥပဒေသစ်က နိုင်ကျဉ်းများ၏ လွတ်လပ်စွာ သွားလာခွင့်အား ခြိမ်းခြောက်နေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ နိုင်ငံကူးလက်မှတ် ဥပဒေသစ်ဖြင့် နိုင်ကျဉ်းဟောင်းများကို စစ်ကော်မရှင်က ပိတ်ဆို့ခြိမ်းခြောက်လိုက်သည်ဟု နိုင်ကျဉ်းအရေး လှုပ်ရှားသူများက ပြောသည်။ နိုင်ငံကူး လက်မှတ် ဥပဒေသစ်သည် နိုင်ငံရေး အကျဉ်းသားဟောင်းများ၏ ဘဝပြန်လည်ထူထောင်ရေးနှင့် လုံခြုံရေးဆိုင်ရာ စိန်ခေါ်မှုများကို တရားဝင် ဖန်တီးလိုက်ခြင်း ဖြစ်ကြောင်း နိုင်ကျဉ်းအရေးလှုပ်ရှားသူများက ဝေဖန်ထောက်ပြလိုက်သည်။ မတ်လ ၁၇ ရက်နေ့တွင် ထုတ်ပြန်ခဲ့သည့် အဆိုပါ ဥပဒေသစ်အရ နိုင်ငံတော်လုံခြုံရေးနှင့် အကျိုးစီးပွားကို နှောင့်ယှက်သူဟု ယူဆရသူများ၊ ဥပဒေပုဒ်မ ၄၀၁ (၁) အရ လွတ်ငြိမ်းခွင့် ရထားသူများနှင့် တရားရုံး၏ ခံဝန် ချုပ်ကာလ မပြည့်သေးသူများကို နိုင်ငံကူးလက်မှတ် (Passport) ထုတ်ပေးရန် ငြင်းပယ်နိုင်ကြောင်း ပြဋ္ဌာန်း ထားသည်။ အဆိုပါ အချက်သည် မြန်မာနိုင်ငံတစ်ဝန်းရှိ အကျဉ်းထောင်များမှ ပြန်လည်လွတ်မြောက်လာသည့် နိုင်ငံရေး အကျဉ်းသားများကို ပစ်မှတ်ထား ကန့်သတ်လိုက်ခြင်းဖြစ်ကြောင်း နိုင်ငံရေးအကျဉ်းသူများအဖွဲ့ (WOPP) က ဆိုသည်။ WOPP ၏ ဦးဆောင်တာဝန်ခံ မဇူးဇူးမေယွန်းက “ကျမတို့လွတ်လာတဲ့ နိုင်ငံရေး အကျဉ်းသားတွေ အနေနဲ့ လုံခြုံရေး အရမ်းအရေးကြီး လာတယ်ပေါ့နော်။ ပြည်ပထွက်ခွင့်တွေ ပိတ်ပင်တဲ့အတွက် သူများနိုင်ငံမှာ တရား မဝင် နေထိုင်ရတာတွေ များလာတယ်ပေါ့နော်။ အဲ့ဒီအတွက်လည်း နိုင်ငံရေး အကျဉ်းသား ပိုပြီးတော့ စိတ်ပိုင်း ဆိုင်ရာအပြင် လုံခြုံရေးပိုင်း ဆိုင်ရာတွေမှာပါ ခက်ခဲလာတာ ဖြစ်ပါတယ်” ဟု ပြောသည်။ ထို့အပြင် နိုင်ကျဉ်းဟောင်းများသည် PSMS (Person Scrutinization and Monitoring System) စနစ်ဖြင့် ဆက်လက်စောင့်ကြည့်ခံနေရပြီး ယခင်စွဲချက်ဟောင်းများကြောင့် လူမှုဘဝရပ်တည်ရေးနှင့် အသက်မွေးဝမ်း ကျောင်း လုပ်ငန်းများတွင်ပါ အခက်အခဲဖြစ်ပေါ်နေရသည်ဟု ဆိုသည်။ ၎င်းတို့သည် အဖမ်းခံရစဉ်ကပင် မှတ်ပုံတင် (ID) များ သိမ်းဆည်းခံရခြင်းနှင့် နိုင်ငံကူးလက်မှတ် လုပ်ခွင့် ငြင်း ပယ်ခံရခြင်း တို့ကို ကြုံတွေ့ခဲ့ရပြီး ယခုအခါတွင်မူ ဥပဒေဖြင့် ပေါ်ပေါ်ထင်ထင် ချိုးဖောက်လာခြင်း ဖြစ်ကြောင်း မဇူးဇူးမေယွန်းက ဆက်ပြောသည်။ “ဒါက တရားဝင် ထုတ်ပြန်လိုက်တာပေါ့နော်။ တရားဝင် ထုတ်မပြန်ခင် ကျမတို့ နိုင်ငံရေး အကျဉ်းသားတွေကို ပြည်ပထွက်ခွင့် ပိတ်ပင်တာမျိုးတွေ ဖမ်းဆီးတဲ့အချိန်မှာ ကျမတို့ရဲ့ ID တွေ အကုန်လုံးကို သူတို့က သိမ်းတယ်။ ပြီးရင် ပြန်မပေးဘူးပေါ့နော်။ ပြန်လုပ်ရတဲ့ အခါမျိုးမှာလည်း အရမ်းခက်ခဲတယ်ပေါ့နော်။ Passport တွေဆို လည်း လုပ်ခွင့်မပေးတာမျိုး ကျမတို့ ကိုယ်တိုင်လည်း ကြုံခဲ့ရတယ်ပေါ့နော်။ ဒီလိုမျိုးတွေ လုပ်နေတာကို အခုဆိုလို့ရှိရင် ပေါ်ပေါ်ထင်ထင်နဲ့ လူ့အခွင့်အရေး ချိုးဖောက်လာတာ ဖြစ်တယ်။” အလားတူ ကရင်နီနိုင်ငံရေး အကျဉ်းသားများ အစည်းအရုံး (KPPA) ဒု - ဥက္ကဋ္ဌ ထားဖိုးကလည်း ဤဥပဒေသစ် ကြောင့် နိုင်ငံရေးတက်ကြွလှုပ်ရှားသူများ၏ လွတ်လပ်စွာ သွားလာခွင့် လုံးဝပိတ်ပင်ခံလိုက်ရကြောင်း ထောက်ပြသည်။ ၎င်းက “အမျိုးသားလုံးခြုံရေး နိုင်ငံအကျိုးစီးပွားကို ဖျက်ဆီးလိုသူလို့ ယူဆနိုင်တဲ့ သူကို နိုင်ငံကူးလက်မှတ် မထုတ် ပေးဘူး ပြောတာကိုး။ အခုအချိန်မှာ ကျနော်တို့ ပြည်နယ်မှာက ရွေးကောက်ပွဲ ကိစ္စလောက် ပြောတာ နဲ့တင် ဖမ်းဆီးခံရတဲ့ အခြေအနေမှာ ရှိတဲ့အချိန်မှာ နိုင်ငံရေးအကျဉ်းသားဟောင်းဆိုတဲ့ နာမည်နဲ့ တွဲပါလာသူ တစ်ယောက် အတွက်ဆိုရင် တော်တော်ကြီးကို ကြီးမားတဲ့ အခက်အခဲတစ်ခု ဖြစ်သွားတယ်” ဟု ပြောသည်။ ထို့အပြင် ကရင်နီပြည်အတွင်းရှိ ပြည်သူများအတွက် (၂/) မှတ်ပုံတင် ကိုင်ဆောင်သူဖြစ်ရုံမျှဖြင့် နိုင်ငံကူး လက်မှတ်ရရှိရန် ပိုမိုစစ်ဆေးခံနေရသည့် အခြေအနေများကြောင့် နိုင်ကျဉ်းဟောင်းများအတွက် ပိုမိုဆိုးရွားနေ ကြောင်း ထားဖိုးက ဆက်ပြောသည်။ “ပတ်စ်ပို့စ် နိုင်ငံကူးလက်မှတ်နဲ့ ပတ်သက်ပြီးတော့ အကြားမှာ သူတို့ပိတ်ပင်တားဆီးတာ အများကြီး ရှိခဲ့တယ်။ ဥပမာ ၂/ ဆို မထုတ်ပေး တာတွေ ပိုပြီး စစ်ဆေးတာတွေ ဖြစ်ခဲ့တာပဲ။ အခုက ကျနော်တို့ ကရင်နီပြည်ကနေ ထွက်လာတဲ့ နိုင်ငံရေး အကျဉ်းသားဟောင်းတွေ အတွက်ဆိုရင် ကရင်နီပြည်က ဖြစ်တယ်ဆိုတဲ့ အချက်နဲ့ကို တော်တော်ကြီးကို နိုင်ငံကူးလက်မှတ် ရရှိဖို့ အခက်အခဲ ဖြစ်နေပြီ။” မြန်မာနိုင်ငံကူးလက်မှတ် ဆိုင်ရာ ဥပဒေသစ်သည် နိုင်ငံရေးအရ ဆန့်ကျင်သူများကို စနစ်တကျ ဖိနှိပ်ခြင်းဖြစ်ပြီး နိုင်ငံရေး အကျဉ်းသားဟောင်းများ၏ ဘဝပြန်လည်ထူထောင်ရေးကို တားဆီးထားခြင်း ဖြစ်သည်။ ထို့ကြောင့် ပြန်လည် လွတ်မြောက်လာသူများ အနေဖြင့် ပြည်တွင်းပြည်ပ ခရီးသွားလာမှုနှင့် ကိုယ်ရေး အချက် အလက် အသုံးပြုမှုများတွင် ကြုံတွေ့လာနိုင်သည့် လုံခြုံရေးအန္တရာယ်များကို အထူးသတိထားကြရန် နိုင်ငံရေး အကျဉ်းသူများအဖွဲ့ (WOPP) က မတ်လ ၂၆ ရက်နေ့တွင် ထုတ်ပြန်သတိပေးထားသည်။ ဓာတ်ပုံ - မြန်မာနိုင်ငံကူးလက်မှတ် ထုတ်ပေးရေးရုံး ရန်ကုန် ရန်ကင်း (Facebook) #နိုင်ငံကူးလက်မှတ် #နိုင်ငံကူးလက်မှတ်ဥပဒေသစ် #WOPP #ထားဖိုး #KPPA #နိုင်ကျဉ်း

နိုင်ငံကူးလက်မှတ် ဥပဒေသစ်က နိုင်ကျဉ်းများ၏ လွတ်လပ်စွာ သွားလာခွင့်အား ခြိမ်းခြောက်နေ

Mar 26

စစ်မှုထမ်းကြေး ကောက်ခံနေသည့် အုပ်ချုပ်ရေးမှူး ပစ်သတ်ခံရ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ မြိတ်မြို့နယ်တွင် စစ်မှုထမ်းကြေး ကောက်ခံနေသည့် တောတန်းကျေးရွာ အုပ်ချုပ်ရေးမှူး ပစ်ခတ်သတ်ဖြတ် ခံလိုက်ရသည်ဟု ဒေသခံရွာသားများက ပြောသည်။ မြိတ်မြို့နယ်၊ မဇောကျေးရွာအုပ်စုရှိ တောတန်းကျေးရွာအုပ်ချုပ်ရေးမှူး ဦးအေးသန်းသည် ပြည်ထောင်စု လမ်းမကြီးပေါ်တွင် သေနတ်ဖြင့် ပစ်ခတ်ခံရပြီး နေရာ၌ပင် ပွဲချင်းပြီးသေဆုံးသွားကြောင်း ဒေသခံရွာသား များ၏ ပြောပြချက်အရ သိရသည်။ အဆိုပါ ဖြစ်စဉ်နှင့်ပတ်သက်၍ အသက် ၄၀ ခန့်အရွယ်ရှိ ရွာသားတစ်ဦးက “လကုန်ခါနီးဆိုတော့ ငွေကောက်ဖို့ အတွက် သွားတာပါ။ ငွေကောက်တာ လျော့ပေါ့တာမျိုးမရှိဘူး၊ အတော်ဆိုးတယ်လို့ ရွာသားတွေက ပြောကြ တယ်။ သူ့ကို ဘယ်လက်နက်ကိုင်အဖွဲ့က ပစ်သွားတယ်ဆိုတာတော့ မသိရသေးပါဘူး။ ခေါင်းမှာ ကျည်ထိတဲ့ ဒဏ်ရာနဲ့ သေသွားတယ်” ဟု ပြောသည်။ ဖြစ်စဉ်မှာ မတ်လ ၂၅ ရက်နေ့၊ နံနက် ၇ နာရီခန့်တွင် ခုံမော်ကျေးရွာအနီးရှိ ပြည်ထောင်စု လမ်းမကြီးပေါ်၌ ဖြစ်ပွားခဲ့ခြင်း ဖြစ်ပြီး ဦးအေးသန်းသည် ဦးခေါင်းတွင် သေနတ်ကျည်ဆန် ထိမှန်သည့်ဒဏ်ရာဖြင့် သေဆုံးခဲ့ခြင်း ဖြစ်သည်။ ၎င်းသည် မဇောကျေးရွာအုပ်စုဝင် ကျေးရွာများဖြစ်သည့် ခုံမော်၊ တောတန်းနှင့် သကန်တောင်ပု စသည့်ရွာများ တွင် လစဉ် စစ်မှုထမ်းကြေးများကို ဖိအားပေးကောက်ခံနေသူတစ်ဦးဖြစ်ကြောင်း ဒေသခံများက ဆိုသည်။ စစ်မှုထမ်းကြေးဆိုသည်မှာ စစ်မှု ထမ်းရန် အမည်စာရင်း ပါသူ ကိုယ်စား စစ်မှုထမ်းရန် သဘောတူသည့်သူ (သို့မဟုတ်) အစားထိုးသွားမည့်သူကို ပေးရသည့် ထောက်ပံ့ကြေး သို့မဟုတ် အချို့နေရာများတွင် စစ်မှုထမ်းသွားသည့် သူ၏ မိသားစုကို ကျန်ရစ်သူများက ထောက်ပံ့ကြေးပေးရန် ဆိုသည့် ခေါင်းစဉ်နှင့် ကောက်ခံပါသည်။ ထိုကောက်ခံငွေမှာ တရားဝင် သတ်မှတ်ထားသည့် ငွေမဟုတ်ပဲ တနေရာနှင့် တနေရာ ပမဏ ကွာခြားနိုင်ပါသည်။ သေဆုံးသူ ဦးအေးသန်း၏ ရုပ်အလောင်းကို မဇောအုပ်ချုပ်ရေးမှူးနှင့်အဖွဲ့က မြိတ်မြို့ရှိ စစ်ဆေးရုံသို့ သယ် ဆောင်သွားခဲ့ကြောင်း ရွာသားများက ပြောသည်။ ဦးအေးသန်းသည် ပြီးခဲ့သည့် ၂၀၂၅ ခုနှစ်၊ သြဂုတ်လအတွင်းကလည်း ခုံမော်ကျေးရွာမှ အသက် ၁၈ နှစ်အရွယ် လူငယ်လေးဦးအား စစ်မှုထမ်းစာရင်းတွင် ပါဝင်နေသည်ဟု အကြောင်းပြကာ လူငယ်တစ်ဦးလျှင် ငွေကျပ် ၁၄ သိန်းစီ တောင်းယူခဲ့သည့် သမိုင်းကြောင်းရှိသူဖြစ်ကြောင်း ကျေးရွာသားများက ဆိုသည်။ ၎င်းသည် ပြီးခဲ့သည့်နှစ် သြဂုတ်လ ၂၄ ရက်နေ့ကလည်း ပြည်သူ့ကာကွယ်ရေးအဖွဲ့ တစ်ဖွဲ့၏ ဝင်ရောက် ဖမ်းဆီးခြင်းကို ခံခဲ့ရဖူးသော်လည်း ထိုစဉ်က နေအိမ်တွင် မရှိသဖြင့် လွတ်မြောက်သွားခဲ့ခြင်း ဖြစ်သည်။ လက်ရှိတွင် မြိတ်မြို့နယ်နှင့် ပုလောမြို့နယ်အစပ်ရှိ ကျေးရွာများတွင် စစ်ကော်မရှင်တပ်၏ စစ်မှုထမ်းဥပဒေ အတွက် အုပ်ချုပ်ရေးမှူးများက ငွေကြေးကောက်ခံမှုများ ခပ်စိပ်စိပ် ပြုလုပ်လာနေသဖြင့် ဒေသခံပြည်သူများ အကြား စိုးရိမ်ထိတ်လန့်မှုများ မြင့်တက်လျက်ရှိသည်။ ထိုသို့ ငွေကြေးအတင်းအကြပ် ကောက်ခံမှုများကြောင့် ဒေသခံများနှင့် အုပ်ချုပ်ရေးပိုင်းအကြား တင်းမာမှုများ ရှိနေသကဲ့သို့၊ စစ်ကော်မရှင်၏ ယန္တရားကို အကောင်အထည် ဖော်ပေးနေသည့် အုပ်ချုပ်ရေးမှူးများ ပစ်မှတ်ထား တိုက်ခိုက်ခံရမှုများလည်း ဆက်တိုက်ဆိုသလို ဖြစ်ပွားလျက်ရှိကြောင်း နယ်မြေခံ သတင်းရင်းမြစ်များက ပြောပါသည်။ #စစ်မှုထမ်းဥပဒေ #စစ်မှုထမ်းကြေး #တောတန်းကျေးရွာ #အုပ်ချုပ်ရေးမှူး

စစ်မှုထမ်းကြေး ကောက်ခံနေသည့် အုပ်ချုပ်ရေးမှူး ပစ်သတ်ခံရ

Mar 26

ဒီးမော့ဆို မြို့နယ်ရှိ KTV အားလုံး ပိတ်သိမ်းရန် အမိန့်ထုတ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၆ ရက်။ ကရင်နီပြည်၊ ဒီးမော့ဆိုမြို့နယ် အနောက်ခြမ်းရှိ စစ်ဘေးရှောင်စခန်းများနှင့် လူနေအိမ်ခြေများအကြား တရား မဝင်ဖွင့်လှစ်ထားသည့် KTV (ကာရာအိုကေဆိုင်) များအားလုံးကို နန်းမယ်ခုံမြို့နယ် ပူးပေါင်းအုပ်ချုပ် ရေးအဖွဲ့က အပြီးပိုင်ပိတ်သိမ်းလိုက်သည်။ ကရင်နီပြည်တွင် 'တစ်လေးလုံး' စစ်ဆင်ရေးအပြီး ၂၀၂၅ ခုနှစ် ဇူလိုင်လပိုင်းမှ စတင်ကာ ချယ်ရီကုန်းရှိ လူနေ အိမ်များနှင့် စစ်ဘေးရှောင်စခန်းများကြား၌ KTV ဆိုင် ၄ ဆိုင်ခန့် စတင်ပေါ်ပေါက်လာခဲ့ရာမှ လက်ရှိတွင် ဆိုင် ပေါင်း ၁၀ ဆိုင်ထက်မနည်းထိ ရှိလာပြီဟု စစ်ရှောင်များက ပြောသည်။ လူမှုပတ်ဝန်းကျင်အပေါ် သက်ရောက်မှုရှိလာသည့် လုပ်ငန်းများအား ထိန်းကျောင်းနိုင်ရန် နန်းမယ်ခုံ၊ လွိုင်နန်းဖ နှင့် ဒီးဘောင်းခူ မြို့နယ်အုပ်ချုပ်ရေးအဖွဲ့များ၊ ကရင်နီပြည်တပ်ပေါင်းစုံနှင့် ကရင်နီပြည်ရဲတပ်ဖွဲ့ (KSP) တို့ ပူးပေါင်း၍ အရေးပေါ် အစည်းအဝေးတစ်ရပ် ပြုလုပ်ကာ ဆိုင်အားလုံးကို မတ်လ ၁၆ ရက်နေ့ နောက်ဆုံးထား ပိတ်သိမ်းရန် ညွှန်ကြားခဲ့ခြင်း ဖြစ်သည်။ နန်းမယ်ခုံမြို့နယ် ပူးပေါင်းအုပ်ချုပ်ရေးကော်မတီဝင်တစ်ဦးက “အာဏာသိမ်းမှ ဖွင့်တဲ့ KTV တွေပါ။ ယေဘုယျ အားဖြင့် ၂၀၂၂ - ၂၃ မှ ပိုများလာတယ် ခုထိဘဲပေါ့။ လက်ရှိက ၁၀ ဆိုင်၊ ၁၁ ဆိုင်ရှိမယ်။ မကြာသေးခင် တိုးချဲ့ ထားတာ ရှိတယ်။ အခုတော့ အားလုံး တပ်ပေါင်းစုနဲ့ ၃ မြို့နယ် အစည်းဝေး ဆုံးဖြတ်ချက်အရ အကုန်ပိတ်သိမ်း လိုက်ပါပြီ” ဟု ပြောသည်။ ယခုကဲ့သို့ ပိတ်သိမ်းရန် ဆုံးဖြတ်ရခြင်းမှာ ဒေသတွင်းရှိ ပြည်သူများ ဘေးကင်းလုံခြုံစွာ သွားလာနေထိုင်နိုင် ရေးနှင့် တရားဥပဒေစိုးမိုးရေး လုပ်ငန်းများကို ထိရောက်စွာ ဆောင်ရွက်နိုင်ရန်ဖြစ်ကြောင်း ကရင်နီပြည် တပ်ပေါင်းစုံ အဖွဲ့အစည်းက ဆိုသည်။ ဒေသခံများ၏ ပြောကြားချက်အရ ပြီးခဲ့သည့် ဖေဖော်ဝါရီလ ၂၈ ရက်နေ့က KTV ဆိုင်တစ်ခုတွင် အငြင်းပွားမှု ဖြစ်ကာ အချင်းချင်းကြား ပစ်ခတ်မှု တစ်ခု ဖြစ်ပွားခဲ့သည်။ ဒီးမော့ဆိုမြို့နယ် အနောက်ခြမ်းတွင် ခိုလှုံနေသည့် စစ်ဘေးရှောင် အမျိုးသားတစ်ဦးက “ဆူညံသံတွေ မကြားရ တော့ တစ်မျိုး စိတ်ချမ်းသာတာပေါ့နော်။ အခုလို KTV ကို ပိတ်သိမ်းလိုက်တာ တရားဥပဒေ အားကောင်းရေး အတွက် လမ်းစဖြစ်သလို စစ်ဘေးရှောင် ပြည်သူလူထုအတွက် ပြဿနာကို တစ်နည်းတစ်ဖုံ လျော့ချပေး သလို မျိုးလည်း ဖြစ်တယ်လို့ မြင်မိပါတယ်” ဟု ပြောသည်။ ၎င်းက ဆက်လက်၍ “KTV က လမ်းမကြီးဘေးမှာပဲရှိတော့ ကလေးတွေက ကျောင်းသွား ကျောင်းလာရင် အမြင်မတော်ဘူးပေါ့နော်။ ကလေးတွေရဲ့ အကျင့်စာရိတ္တလည်း ပျက်စီးလာမှာကို စိုးရိမ်မိတာပေါ့။ ပြီးတော့ အိမ်ထောင်ရေး ဖောက်ပြန်မှုတွေ အရမ်းများလာတာလည်း KTV ကြောင့်လို့ ပြောလို့ရတာပေါ့။ ဒီးမော့ဆို အနောက်ဘက်ခြမ်းဆို မိသားစု အိမ်ထောင်ရေးပြဿနာတွေ အများရီး ပေါ်လာခဲ့တယ်။ အရင်တစ်ပတ်တုန်း ကဆို KTV က ကောင်မလေးတွေ လုကြရင်းနဲ့ သေနတ်တွေ ဖောက်ကြတယ်ဆိုတော့ ပြည်သူတွေအတွက် လုံခြုံစိတ်ချမှု မရှိဘူးပေါ့နော်” ဟု ပြောသည်။ ကရင်နီပြည် ကြားကာလအုပ်ချုပ်ရေး ကောင်စီ (IEC) အနေဖြင့် တော်လှန်ရေးကာလအတွင်း လူမှုဘဝ လုံခြုံစေ ရန် ၂၀၂၄ ခုနှစ် စက်တင်ဘာလတွင် ကရင်နီပြည် တော်လှန်ရေး တပ်ပေါင်းစုံနှင့် ပူးပေါင်း၍ မူးယစ်ဆေးဝါးနှင့် လိင်ဖျော်ဖြေရေး လုပ်ငန်းများကဲ့သို့ တော်လှန်ရေး လူမှုကျင့်ဝတ်နှင့် မညီသော လုပ်ငန်းများကို တားမြစ်သည့် ‘တရားဥပဒေစိုးမိုးရေးစီမံချက်’ တစ်ရပ်ကို ချမှတ်ထားခဲ့သည်။ ယခုအခါ အဆိုပါ စီမံချက်နှင့်အညီ ‘တရားဥပဒေ စိုးမိုးရေးဆိုင်ရာ အလုပ်အဖွဲ့ (Task Force) နှင့် အထူးတပ်ဖွဲ့ (Special Force)’ တို့ကို ဖွဲ့စည်းကာ လုပ်ပိုင်ခွင့်များ ပေးအပ်ထားပြီး ဖြစ်သဖြင့် နယ်မြေအတွင်း တရားဥပဒေ စိုးမိုးရေးနှင့် ပြည်သူ့လုံခြုံရေးကို ထိရောက်စွာ ဆက်လက် ကိုင်တွယ်ဆောင်ရွက်သွားမည်ဟု ထုတ်ပြန်ထား သည်။ #KTV # TaskForce #KSP #Karenni #ကာရာအိုကေဆိုင်

ဒီးမော့ဆို မြို့နယ်ရှိ KTV အားလုံး ပိတ်သိမ်းရန် အမိန့်ထုတ်

Mar 25

ထိုင်း ရေနံတင်သင်္ဘော ဟော်မုဇ် ရေလက်ကြားကို ကျော်ဖြတ် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၂၅ ရက်။ ထိုင်းနိုင်ငံအခြေစိုက် Bangchak Corporation ပိုင် "BGP 3" ဆီတင်သင်္ဘောသည် ဟော်မုဇ်ရေလက်ကြားကို မတ်လ ၂၄ ရက်နေ့တွင် ဘေးကင်းစွာ ဖြတ်သန်းနိုင်ခဲ့သည်။ အဆိုပါ ရေလမ်းကြောင်းတွင် မတ်လ ၁၁ ရက်နေ့က ထိုင်းကုန်တင်သင်္ဘော Mayuree Naree တိုက်ခိုက်ခံရပြီး သင်္ဘောသား ၃ ဦး ပျောက်ဆုံးခဲ့သည့် ဖြစ်စဉ်ရှိခဲ့သော်လည်း ယခုအခါ သံတမန်ရေးရာ ညှိနှိုင်းမှုများဖြင့် ဘေးကင်းစွာ ဖြတ်သန်းနိုင်ခဲ့ခြင်းဖြစ်သည်။ မနေ့က ဖြတ်သန်းခဲ့သော BGP ၃ သင်္ဘောမှာ မတ်လ ၁၁ ရက်ကတည်းက ကျောက်ချ ရပ်နားထားခဲ့သော သင်္ဘောဖြစ်သည်။ ထိုင်းနိုင်ငံခြားရေးဝန်ကြီးဌာနသည် အီရန်နှင့် အိုမန်အစိုးရတို့နှင့် နီးကပ်စွာ ညှိနှိုင်းဆောင်ရွက်ခဲ့သဖြင့် ယခုကဲ့သို့ အဆင်ပြေချောမွေ့ခဲ့ခြင်းဖြစ်ပြီး အီရန်အစိုးရကလည်း ထိုင်းနိုင်ငံနှင့် ချစ်ကြည်ရင်းနှီးမှုကို တန်ဖိုးထားကြောင်း ထုတ်ဖော်ပြောကြားခဲ့သည်။ လက်ရှိတွင် အဆိုပါ ဆီတင်သင်္ဘောသည် အိန္ဒိယသမုဒ္ဒရာအတွင်း ရောက်ရှိနေပြီဖြစ်ပြီး လာမည့် ဧပြီလဆန်းတွင် ထိုင်းနိုင်ငံသို့ ရေနံစိမ်းများ ဘေးကင်းစွာ ပို့ဆောင်နိုင်မည်ဟု ခန့်မှန်းရသည်။ ထို့ပြင် SCG Chemicals ကုမ္ပဏီပိုင် သင်္ဘောတစ်စင်းလည်း ဟော်မုဇ်ရေလက်ကြားကို ထပ်မံဖြတ်သန်းရန် အစီအစဉ်ရှိသည်ဟု ဆိုသည်။ #ထိုင်းရေနံတင်သင်္ဘော #ဟော်မုဇ်ရေလက်ကြား

ထိုင်း ရေနံတင်သင်္ဘော ဟော်မုဇ် ရေလက်ကြားကို ကျော်ဖြတ်

« Prev 1 … 91 92 93 94 95 … 1,113 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

တရုတ်နိုင်ငံခြားရေးဝန်ကြီး ဝမ်ယိ တောင်ကိုရီးယားနှင့် အင်ဒိုနီးရှားသို့ သွားမည် — August 19, 2026 2:17 pm
ဒုံးကျည်ဖြင့် တိုက်ခိုက်ခံရပြီးနောက် အီရန်အပေါ် UAE က ကုန်သွယ်ရေး ပိတ်ဆို့ — August 19, 2026 2:14 pm
ရုရှားတွင် ဘဏ်အပ်ငွေ ထုတ်ယူမှု စံချိန်တင် မြင့်တက် — August 19, 2026 2:11 pm

Recent Posts

တနင်္သာရီ လောင်းလုံးတွင် စစ်တပ်က ရမ်းသမ်းပစ်ခတ်၍ သားအဖ ၂ ဦး သေဆုံး
ဘန်ကောက် မြန်မာသံရုံးက PV ပတ်စပို့ သက်တမ်းတိုးခြင်း ရုတ်တရက် ရပ်ဆိုင်း
မောင်တော နယ်စပ်နှင့် မြို့တွင်း၌ AA လုံခြုံရေး တင်းကျပ်စွာ တိုးမြှင့်ထား
ပင်လည်ဘူးတွင် စစ်တပ်က ရက်ဆက် ဗုံးကြဲ၍ ကလေးငယ်အပါအဝင် ၉ ဦးထက်မနည်း သေဆုံး
ဝမ်းပျက်ဝမ်းလျှောရောဂါကြောင့် လူသေဆုံးမှု ရှိနေစဉ် စစ်တပ်က စစ်တွေကို လမ်းပိတ်ထား

Archives

Archives

×Close