NMG Doh – Page 92 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Mar 31

ယူကရိန်း သမ္မတက အရှေ့အလယ်ပိုင်း နိုင်ငံများနှင့် ကာကွယ်ရေး သဘောတူညီချက်များ လက်မှတ်ထိုး သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၃၀ ရက်။ ယူကရိန်းသမ္မတ ဗီလိုဒီမာ ဇယ်လန်းစကီးသည် ဂျော်ဒန်ဘုရင် King Abdullah နှင့် တွေ့ဆုံကာ အီရန်လုပ်ဒရုန်းများ၏ တိုက်ခိုက်မှုကို ကာကွယ်နိုင်မည့် လေကြောင်းကာကွယ်ရေး နည်းပညာများ ဖလှယ်ရန် ဆွေးနွေးခဲ့ပါသည်။ ယူကရိန်းသည် ရုရှားနှင့်စစ်ပွဲအတွင်း အီရန်ဒရုန်းများကို နှိမ်နင်းခဲ့သည့် (၄) နှစ်တာ အတွေ့အကြုံရှိသဖြင့် ယင်းကျွမ်းကျင်မှုကို အာရပ်နိုင်ငံများအား ကမ်းလှမ်းခဲ့ခြင်း ဖြစ်ပါသည်။ အပြန်အလှန်အားဖြင့် ယူကရိန်းအတွက် လိုအပ်နေသော စစ်ရေးအကူအညီနှင့် ဘတ်ဂျက်ထောက်ပံ့မှုများ ပြန်လည်ရရှိရန် မျှော်လင့်နေခြင်း ဖြစ်ပါသည်။ အထူးသဖြင့် အမေရိကန်ကိုယ်တိုင် အီရန်စစ်ပွဲတွင် ပါဝင်နေရသဖြင့် ယူကရိန်းအတွက် Patriot ကဲ့သို့သော ဒုံးကျည်အကူအညီများ ပေးအပ်ရန် အခက်အခဲရှိလာနေသည်။ ထိုအခြေအနေတွင် ယူကရိန်းသည် ဂျော်ဒန်၊ ယူအေအီး၊ ကာတာနှင့် ဆော်ဒီအာရေးဗီးယားနိုင်ငံတို့နှင့် ကာကွယ်ရေးဆိုင်ရာ ပူးပေါင်းဆောင်ရွက်မှုများကို တိုးမြှင့်လုပ်ဆောင်လျက် ရှိသည်။ #ယူကရိန်း #အရှေ့အလယ်ပိုင်းနိုင်ငံများ #ကာကွယ်ရေးသဘောတူညီချက်လက်မှတ်ထိုး

ယူကရိန်း သမ္မတက အရှေ့အလယ်ပိုင်း နိုင်ငံများနှင့် ကာကွယ်ရေး သဘောတူညီချက်များ လက်မှတ်ထိုး

Mar 31

ထိုင်းနိုင်ငံတွင် အပူညွှန်းကိန်း ၆၀ ဒီဂရီ အထိ တက်နိုင်ကြောင်း သတိပေး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၃၁ ရက်။ ထိုင်းနိုင်ငံ ဒစ်ဂျစ်တယ်စီးပွားရေးနှင့် လူမှုအဖွဲ့အစည်းဝန်ကြီးဌာန (DES) သည် ဧပြီလဆန်းပိုင်းအတွင်း အပူညွှန်းကိန်း (Heat Index) သည် အန္တရာယ်ရှိသော အဆင့်ဖြစ်သည့် 60°C အထိ မြင့်တက်လာနိုင်ကြောင်း အများပြည်သူသို့ အသိပေးချက် ထုတ်ပြန်ထားသည်။ အပူညွှန်းကိန်းဆိုသည်မှာ ပတ်ဝန်းကျင်အပူချိန်နှင့် စိုထိုင်းဆ ပေါင်းစပ်မှုကြောင့် လူ့ခန္ဓာကိုယ်မှ အမှန်တကယ် ခံစားရသည့် အပူရှိန် (Real Feel) ကို ဆိုလိုခြင်းဖြစ်ပါသည်။ အန္တရာယ်ရှိသောအုပ်စုများဖြစ်သည့် သက်ကြီးရွယ်အိုများ၊ ကလေးငယ်များ၊ ကိုယ်ဝန်ဆောင်များ၊ နာတာရှည်ရောဂါအခံရှိသူများ၊ အဝလွန်သူများ၊ အပြင်ထွက်အလုပ်လုပ်ရသူများနှင့် အချို့သော ဆေးဝါး (သွေးတိုးကျဆေး၊ ဆီးဆေး) ပုံမှန်သောက်သုံးနေရသူများ အထူးသတိပြုရန် လိုအပ်သည်ဟု သတိပေးထားသည်။ ဘေးအန္တရာယ် လျှော့ချရေးအတွက် နေ့လယ် ၁ နာရီမှ ညနေ ၄ နာရီအထိ ပြင်ပလှုပ်ရှားမှုများကို အတတ်နိုင်ဆုံး ရှောင်ကြဉ်ရန်၊ ရေငတ်သည်အထိ မစောင့်ဘဲ တစ်နေ့လျှင် ရေအနည်းဆုံး ၈ ဖန်ခွက် သောက်သုံးရန်၊ အရက်နှင့် အချိုကဲသော ဆိုဒါ ဖျော်ရည်များကို ရှောင်ကြဉ်ရန် တိုက်တွန်းထားသည်။ ထို့အပြင် လေဝင်လေထွက်ကောင်းသော အဝတ်အစားများ ဝတ်ဆင်ရန်နှင့် အပြင်ထွက်ပါက ထီး၊ ဦးထုပ် အသုံးပြုရန် နှင့် ပြင်ပတွင် အလုပ်လုပ်ရသူများအနေဖြင့် တစ်ဦးနှင့်တစ်ဦး အပူဒဏ်ကြောင့် မူးမော်ခြင်းရှိ၊ မရှိ အပြန်အလှန် စောင့်ကြည့်ကူညီပေးရန် တိုက်တွန်းထားသည်။

ထိုင်းနိုင်ငံတွင် အပူညွှန်းကိန်း ၆၀ ဒီဂရီ အထိ တက်နိုင်ကြောင်း သတိပေး

Mar 31

အမေရိကန်စစ်လေယာဉ်များအား စပိန်လေပိုင်နက်ဖြတ်သန်းခွင့် ပိတ်ပင် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၃၁ ရက်။ စပိန်အစိုးရသည် အီရန်စစ်ပွဲတွင် ပါဝင်ပတ်သက်နေသည့် အမေရိကန်စစ်လေယာဉ်များအတွက် ၎င်းတို့၏ လေပိုင်နက်နှင့် စစ်အခြေစိုက်စခန်းများ အသုံးပြုခွင့်ကို တရားဝင်ပိတ်ပင် တားမြစ်လိုက်သည်။ စပိန်နိုင်ငံရှိ Morón နှင့် Rota စစ်အခြေစိုက်စခန်းများကို အီရန်စစ်ပွဲနှင့် သက်ဆိုင်သည့် မည်သည့်လုပ်ငန်းစဉ်အတွက်မျှ အသုံးပြုခွင့်ပေးမည်မဟုတ်ကြောင်း စပိန်ကာကွယ်ရေးဝန်ကြီးဌာနက အတည်ပြုပြောကြားခဲ့သည်။ ဆီဖြည့်လေယာဉ်များအပါအဝင် အမေရိကန်စစ်ဆင်ရေးနှင့် ပတ်သက်သည့် ပျံသန်းမှုအစီအစဉ် အားလုံးကို ပယ်ချခဲ့သဖြင့် ဗြိတိန်မှ ထွက်ခွာလာသော အမေရိကန်ဗုံးကြဲလေယာဉ်များသည် စပိန်လေပိုင်နက်ကို ရှောင်ကွင်း၍ အတ္တလန္တိတ်သမုဒ္ဒရာဘက်မှ ပတ်၍ ပျံသန်းနေရသည်။ စပိန်ဝန်ကြီးချုပ် ပတ်ဒရို ဆန်းချက်ဇ်က ၎င်းတို့နိုင်ငံအနေဖြင့် ဥပဒေမဲ့စစ်ပွဲတွင် ပါဝင်မည်မဟုတ်ကြောင်းနှင့် "စစ်ကို အလိုမရှိ" (No to War) မူဝါဒကို ကိုင်စွဲထားကြောင်း ထုတ်ဖော်ပြောကြားခဲ့ပါသည်။ စပိန်၏ ကန့်ကွက်မှုအပေါ် အမေရိကန်သမ္မတ ထရမ့်က စပိန်နိုင်ငံအပေါ် ကုန်သွယ်ရေးပိတ်ဆို့မှုများ ပြုလုပ်မည်ဟု ခြိမ်းခြောက်ထားသည်။ အီရန်ဘက်ကမူ စပိန်က နိုင်ငံတကာ ဥပဒေကို လိုက်နာမှု ရှိသဖြင့် စပိန်သင်္ဘောများကို ဟော်မုဇ်ရေလက်ကြားမှ ဖြတ်သန်းခွင့်ပြုမည်ဟု လမ်းဖွင့်ပေးထားသည်။ #စပိန်လေပိုင်နက် #အီရန်စစ်ပွဲ #Morón #Rota

အမေရိကန်စစ်လေယာဉ်များအား စပိန်လေပိုင်နက်ဖြတ်သန်းခွင့် ပိတ်ပင်

Mar 31

ဟူသီသူပုန်များ စစ်ထဲပါလာ၍ ရေနံဈေး ထပ်တက် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၃၁ ရက်။ အီရန်နှင့် ဖြစ်ပွားနေသော စစ်ပွဲအတွင်း ယီမင်အခြေစိုက် ဟူသီ (Houthi) လက်နက်ကိုင်အဖွဲ့ ပါဝင်ပတ်သက်လာခြင်းကြောင့် နောက်ထပ် ကမ္ဘာ့ရေနံလမ်းကြောင်းများ ပိတ်ဆို့နိုင်သည့် အန္တရာယ်နှင့် ရင်ဆိုင်နေရသည်။ ဟူသီအဖွဲ့သည် ပင်လယ်နီ (Red Sea) အတွင်းရှိ အချက်အခြာကျသော သင်္ဘောလမ်းကြောင်းများ အနီးတွင် တည်ရှိနေသဖြင့် ၎င်းတို့စစ်ပွဲအတွင်း ပါဝင် လှုပ်ရှားလာမည် ဆိုပါက ရေနံစိမ်းဈေးကွက်ကို ထပ်မံ ထိခိုက်စေနိုင်သည့် အခြေအနေ ဖြစ်နေသည်။ ဟူသီအဖွဲ့ စစ်ပွဲအတွင်း ပါဝင်လာနိုင်သည့် သတင်းများကြောင့် ကမ္ဘာ့ရေနံစျေးနှုန်းသည် တစ်စည်လျှင် အမေရိကန်ဒေါ်လာ ၁၁၆ အထိ မြင့်တက်သွားခဲ့သည်။ အီရန်က ဟော်မုဇ် ရေလက်ကြား (Strait of Hormuz) ကို ပိတ်ဆို့ထားသကဲ့သို့ ဟူသီအဖွဲ့ကလည်း ဘပ်လ်အယ်လ်မန်ဒက် (Bab al-Mandeb) ရေလက်ကြားကို ထပ်မံပိတ်ဆို့ရန် ခြိမ်းခြောက်နေသည်။ ဟူသီအဖွဲ့သည် အစ္စရေးနိုင်ငံသို့ ဒုံးကျည်များဖြင့် စမ်းသပ်ပစ်ခတ်ခဲ့သည့်အပြင် အမေရိကန်နှင့် အစ္စရေးတို့ကိုပါ တိုက်ခိုက်မည်ဟု ထုတ်ပြန်ကြေညာထားသည်။ ထို့ပြင် အမေရိကန်၏ မဟာမိတ်များဖြစ်သော ဆော်ဒီအာရေဗျနှင့် ယူအေအီးနိုင်ငံများပါ တိုက်ခိုက်ခံရနိုင်ခြေရှိသဖြင့် စစ်ပွဲပိုမိုကျယ်ပြန့်လာနိုင်သည့် အလားအလာလည်း ရှိနေသည်။ အီရန်ကျောထောက်နောက်ခံပြု "Axis of Resistance" အဖွဲ့ဝင်ဖြစ်သော ဟူသီအဖွဲ့ကို ၂၀၂၅ ခုနှစ်တွင် အမေရိကန်သမ္မတ ထရမ့်က အကြမ်းဖက်အဖွဲ့အဖြစ် သတ်မှတ်ကာ လေကြောင်းတိုက်ခိုက်မှုများ ပြုလုပ်ခဲ့ဖူးသည်။ အပစ်အခတ် ရပ်စဲထားခဲ့သော်လည်း ယခုအခါ နှစ်ဖက်တင်းမာမှုများ တစ်ကျော့ပြန် ပြင်းထန်လာခြင်း ဖြစ်ပါသည်။

ဟူသီသူပုန်များ စစ်ထဲပါလာ၍ ရေနံဈေး ထပ်တက်

Mar 30

သမ္မတ ဒေါ်နယ်ထရန့်အား အမေရိကန် ပြည်သူ သန်းနှင့်ချီ ဆန္ဒပြ သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၃၀ ရက်။ အမေရိကန်ပြည်ထောင်စုအတွင်း၌ သမ္မတ ဒေါ်နယ်ထရန့်ကို မကျေနပ်ကြသည့် ပြည်သူသန်းပေါင်းများစွာသည် မတ်လ ၂၈ ရက်နေ့တွင် "No Kings" အမည်ဖြင့် တစ်နိုင်ငံလုံးအတိုင်းအတာဖြင့် လမ်းပေါ်ထွက် ဆန္ဒပြခဲ့ကြပါသည်။ သမ္မတ ဒေါ်နယ်ထရန့်၏ မူဝါဒများနှင့် အီရန်စစ်ပွဲကြောင့် မြင့်တက်လာသော လူနေမှုစရိတ်၊ လောင်စာဆီစျေးနှုန်းများကို မကျေနပ်ကြခြင်း ဖြစ်ပါသည်။ လော့စ်အိန်ဂျလိစ်နှင့် နယူးယောက်ကဲ့သို့သော မြို့ကြီးများတွင် လူအုပ်ကြီးက တခဲနက် ပါဝင်ခဲ့ကြပြီး ယင်းသည် တစ်နှစ်အတွင်း တတိယအကြိမ်မြောက် အကြီးဆုံးဆန္ဒပြပွဲ ဖြစ်လာခဲ့ပါသည်။ အဆိုပါ ဆန္ဒပြပွဲများတွင် ပါဝင်ကြသူများမှာ အီရန်နှင့်ဖြစ်ပွားနေသော စစ်ပွဲကို ဆန့်ကျင်ရန်နှင့် အဆမတန် မြင့်တက်လာသော စားဝတ်နေရေးစရိတ်များကို ကန့်ကွက်ရန်အတွက် လှုပ်ရှားခဲ့ကြခြင်း ဖြစ်ပါသည်။ မင်နီဆိုတာပြည်နယ်တွင် ပြုလုပ်သည့် ဆန္ဒပြပွဲတွင်မူ ထင်ရှားသော ပုဂ္ဂိုလ်များနှင့် အနုပညာရှင်များ ပါဝင်အားဖြည့်ခဲ့ကြပြီး နာမည်ကျော် အဆိုတော် Bruce Springsteen လည်း ပါဝင်ခဲ့ပါသည်။ ဆန္ဒပြသူများသည် အစိုးရ၏ နိုင်ငံခြားရေးနှင့် စီးပွားရေးမူဝါဒများအပေါ် ပြင်းထန်စွာ ဝေဖန်ကန့်ကွက်ခဲ့ကြပါသည်။

သမ္မတ ဒေါ်နယ်ထရန့်အား အမေရိကန် ပြည်သူ သန်းနှင့်ချီ ဆန္ဒပြ

Mar 30

အမေရိကန်၏ လေတပ်အဓိက လေယာဉ်များကို အီရန် တိုက်ခိုက် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ မတ်လ ၃၀ ရက်။ အမေရိကန်-အစ္စရေး မဟာမိတ်တပ်များနှင့် အီရန်နိုင်ငံတို့အကြား ဖြစ်ပွားနေသော စစ်ပွဲသည် တစ်လကျော်ကာလသို့ ရောက်ရှိလာခဲ့ပြီး အီရန်နိုင်ငံ၏ တုံ့ပြန်တိုက်ခိုက်မှုများကြောင့် အမေရိကန်ဦးဆောင်သော တပ်ဖွဲ့များ စစ်ရေးအရ အထိနာလျက်ရှိသည်။ ပြီးခဲ့သည့် မတ်လ ၂၇ ရက်နေ့က ဆော်ဒီအာရေးဗီးယားနိုင်ငံရှိ Prince Sultan လေတပ်စခန်းအား အီရန်ဘက်မှ ဒရုန်းနှင့် ဒုံးကျည်များဖြင့် တိုက်ခိုက်ခဲ့ရာ အမေရိကန်၏ အလွန်အရေးပါသော E-3 Sentry (AWACS) အဆင့်မြင့် လေကြောင်းသတိပေးနှင့် ထိန်းချုပ်ရေးလေယာဉ်တစ်စင်း ထိမှန်ပျက်စီးသွားခဲ့ပါသည်။ ယင်းဖြစ်စဉ်သည် အမေရိကန်လေတပ်အတွက် ကောင်းကင်ယံမှ မျက်စိတစ်ဖက် ဆုံးရှုံးသွားသကဲ့သို့ ဖြစ်စေခဲ့ပါသည်။ ပြီးခဲ့သည့် တစ်လအတွင်း ပင်လယ်ကွေ့ဒေသရှိ အခြေစိုက်စခန်းများ တရစပ်တိုက်ခိုက်ခံရမှုကြောင့် KC-135 ဆီဖြည့်လေယာဉ် အများအပြားနှင့် MQ-9 Reaper ဒရုန်း (၁၂) စင်းထက်မနည်း ဆုံးရှုံးခဲ့ရသည်။ ထို့အပြင် အမေရိကန်ဒေါ်လာ သန်း ၈၀၀ ဖိုးခန့်ရှိသော လေကြောင်းကာကွယ်ရေးစနစ်များလည်း ပျက်စီးခဲ့သေးသည်။ အဆိုပါတိုက်ခိုက်မှုများအတွင်း အမေရိကန်စစ်သည် (၁၅) ဦးထက်မနည်း ဒဏ်ရာရရှိခဲ့သည်။ အမေရိကန်နှင့် အစ္စရေးတို့သည် အီရန်အား တိုက်ခိုက်ရာတွင် Tomahawk ဒုံးကျည်အစင်းပေါင်း ၈၅၀ ကျော်ကို အလွန်အကျွံ အသုံးပြုခဲ့ရသဖြင့် လက်ရှိတွင် လက်ကျန်ပမာဏ စိုးရိမ်ရလောက်အောင် နည်းပါးနေပြီ ဖြစ်ပါသည်။ တစ်လကျော်ကြာလာသော စစ်ပွဲအတွင်း အမေရိကန်စစ်သည် ၁၃ ဦး သေဆုံးခဲ့ပြီး အီရန်ဘက်တွင် လူပေါင်း ၁,၉၀၀ နီးပါး သေဆုံးခဲ့ရသည်။ ထို့အပြင် ကမ္ဘာ့ရေနံစျေးနှုန်းသည်လည်း ၄၀ ရာခိုင်နှုန်းခန့်အထိ ထိုးတက်သွားခဲ့ပါသည်။ ပင်တဂွန်စစ်ဌာနချုပ်အနေဖြင့် အီရန်နိုင်ငံရှိ ကျွန်းများနှင့် ကမ်းရိုးတန်းဒေသများကို မြေပြင်မှ ဝင်ရောက်စီးနင်းရန် ပြင်ဆင်မှုများ ရှိနေသည်ဟု နိုင်ငံတကာ သတင်းများတွင် ဖော်ပြသည်။

အမေရိကန်၏ လေတပ်အဓိက လေယာဉ်များကို အီရန် တိုက်ခိုက်

Mar 27

နီပေါနိုင်ငံတွင် မြေအောက် ရက်ပါဟောင်း တစ်ဦး ဝန်ကြီးချုပ် ဖြစ်လာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၇ ရက်။ နီပေါနိုင်ငံ၏ နိုင်ငံရေးအပြောင်းအလဲနှင့် ဝန်ကြီးချုပ်သစ် နီပေါနိုင်ငံတွင် ကျင်းပပြီးစီးခဲ့သော ရွေးကောက်ပွဲ၌ ရာ့စ်ထရီယာ ဆွာတန်ထြာပါတီ (RSP) မှ အမတ်လောင်း၊ ဘာလန်ဒရာ ရှာ (Balendra Shah) သည် အပြတ်အသတ်အနိုင်ရရှိခဲ့ပြီး ဝန်ကြီးချုပ်အဖြစ် မကြာမီ ကျမ်းသစ္စာဆိုတော့မည်ဖြစ်သည်။ သူသည် Underground ရက်ပ်ပါအဆိုတော်ဟောင်းတစ်ဦးလည်း ဖြစ်သည်။ အင်ဂျင်နီယာဘွဲ့ရတစ်ဦးဖြစ်ပြီး အဂတိလိုက်စားမှုနှင့် လူမှုရေးမမျှတမှုများကို ဝေဖန်ထောက်ပြသည့် ရက်ပ်သီချင်းများဖြင့် လူငယ်ထုအကြား ရေပန်းစားလာသူဖြစ်သည်။ ၎င်းသည် ၂၀၂၂ ခုနှစ်တွင် ခတ္တမန္ဒူမြို့၏ မြို့တော်ဝန်အဖြစ် တစ်သီးပုဂ္ဂလအနိုင်ရရှိခဲ့စဉ်က မြို့သန့်ရှင်းရေးနှင့် အဂတိလိုက်စားမှုတိုက်ဖျက်ရေးတို့ကို ထိရောက်စွာ ဆောင်ရွက်ခဲ့သူဖြစ်သည်။ ယခုရွေးကောက်ပွဲတွင်လည်း အစဉ်အလာကြီးမားသော နိုင်ငံရေးအင်အားစုများကို အနိုင်ယူကာ အလုပ်အကိုင်သစ် ၁.၂ သန်း ဖန်တီးပေးမည်ဟု ကတိပြုထားသည်။ သို့သော် မြို့တော်ဝန်ဘဝက လမ်းဘေးစျေးသည်များကို ကိုင်တွယ်ပုံနှင့် ဆိုရှယ်မီဒီယာပေါ်တွင် အိမ်နီးချင်းနိုင်ငံကြီးများကို ဝေဖန်ရေးသားခဲ့မှုများကြောင့် လူ့အခွင့်အရေးအဖွဲ့များနှင့် နိုင်ငံရေးလေ့လာသူအချို့၏ ဝေဖန်မှုများကိုလည်း ရင်ဆိုင်နေရသည်။ #BalendraShah #RSP #ဘာလန်ဒရာရှာ

နီပေါနိုင်ငံတွင် မြေအောက် ရက်ပါဟောင်း တစ်ဦး ဝန်ကြီးချုပ် ဖြစ်လာ

Mar 27

နှင်ထုတ်သည့် နိုင်ငံခြားသားများကို အမေရိကန်က ကော်စတာရီကာသို့ ပို့မည် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၇ ရက်။ အမေရိကန်သမ္မတ ဒေါ်နယ်ထရန့်၏ "တတိယနိုင်ငံများသို့ ပြည်နှင်ဒဏ်ပေးခြင်း" (Third-country deportation) မူဝါဒအရ အမေရိကန်မှ နှင်ထုတ်ခံရသည့် အခြားနိုင်ငံသားများကို ကိုစတာရီကာနိုင်ငံက တစ်ပတ်လျှင် ၂၅ ဦးနှုန်းဖြင့် လက်ခံရန် သဘောတူညီခဲ့သည်။ အဆိုပါစီမံချက်ကို အမေရိကန်အထူးကိုယ်စားလှယ် ခရစ္စတီး နုမ်း (Kristi Noem) နှင့် ကိုစတာရီကာအစိုးရတို့ လက်မှတ်ရေးထိုးခဲ့သည်။ ကိုစတာရီကာအစိုးရသည် လက်ခံမည့်သူများကို စီစစ်ပိုင်ခွင့်ရှိပြီး ၎င်းတို့၏ နေရပ်ရင်းနိုင်ငံတွင် ဘေးအန္တရာယ်ရှိနိုင်သူများကိုမူ ပြန်လည်ပို့ဆောင်မည်မဟုတ်ဟု ဆိုသည်။ လူ့အခွင့်အရေးလှုပ်ရှားသူများက ဤလုပ်ရပ်သည် ဒုက္ခသည်များကို အကာအကွယ်မဲ့စေနိုင်ကြောင်း ဝေဖန်ထားကြသည်။ ကိုစတာရီကာနိုင်ငံသည် ပြီးခဲ့သည့်နှစ်ကလည်း ရုရှား၊ တရုတ်နှင့် အာဖဂန်နစ္စတန်နိုင်ငံသား ၂၀၀ ခန့်ကို လက်ခံခဲ့ဖူးပြီး ထိန်းသိမ်းရေးစခန်းများအတွင်း လူ့အခွင့်အရေးချိုးဖောက်မှုများရှိခဲ့သဖြင့် တရားစွဲဆိုမှုများ ဖြစ်ပွားခဲ့သည်။ အမေရိကန်အစိုးရသည် ရဝမ်ဒါ၊ ဟွန်ဒူးရပ်စ်နှင့် တောင်ဆူဒန်အပါအဝင် အခြားနိုင်ငံအချို့နှင့်လည်း အလားတူသဘောတူညီချက်များ ပြုလုပ်ထားသည်။ အမေရိကန်ရောက် မြန်မာနိုင်ငံသားများအနေဖြင့်လည်း ယာယီအကာအကွယ်ပေးထားသည့် TPS စနစ် ရုတ်သိမ်းမှုအပေါ် တရားရုံး၏ ဆိုင်းငံ့မိန့် သက်တမ်းကုန်ဆုံးပါက ယခုကဲ့သို့ တတိယနိုင်ငံများသို့ ပြည်နှင်ဒဏ်ပေးသည့် အစီအစဉ်တွင် ပါဝင်လာနိုင်သည့် အန္တရာယ်ရှိနေကြောင်း သုံးသပ်မှု တချို့ ရှိနေသည်။ #ကိုစတာရီကာ #TPS #KristiNoem #Third_countrydeportation

နှင်ထုတ်သည့် နိုင်ငံခြားသားများကို အမေရိကန်က ကော်စတာရီကာသို့ ပို့မည်

Mar 27

ဟော်မုဇ်ရေလက်ကြားတွင် အီရန် ဂိတ်ဖွင့်မည် သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၇ ရက်။ အီရန်အစိုးရသည် ကမ္ဘာ့ရေနံတင်ပို့မှုတွင် အဓိကကျသော ဟော်မုဇ်ရေလက်ကြား (Strait of Hormuz) ကို စတင်ထိန်းချုပ်လာပြီး ဖြတ်သန်းသွားလာသည့် သင်္ဘောများထံမှ "ဂိတ်ကြေး" (Toll Fees) ကောက်ခံသည့်စနစ်ကို စတင်ကျင့်သုံးလျက်ရှိသည်။ အဆိုပါရေလက်ကြားကို ဖြတ်သန်းမည့် သင်္ဘောများသည် အီရန်တော်လှန်ရေးအစောင့်တပ် (IRGC) ထံသို့ အချက်အလက်များ ကြိုတင်တင်ပြရသည့်အပြင် အီရန်ရေပိုင်နက်အတွင်းမှသာ ဖြတ်သန်းသွားလာရသဖြင့် တင်းကျပ်သော စောင့်ကြည့်စစ်ဆေးမှုများနှင့် ရင်ဆိုင်နေရသည်။ လက်ရှိတွင် အနည်းဆုံး သင်္ဘောနှစ်စင်းသည် ဖြတ်သန်းခကြေးငွေကို တရုတ်ယွမ်ငွေဖြင့် ပေးဆောင်ခဲ့သည်ဟု AP သတင်းဌာနက ဖော်ပြထားသည်။ စစ်ပွဲ၏ရိုက်ခတ်မှုကြောင့် ရေကြောင်းသွားလာမှု ၉၀ ရာခိုင်နှုန်းခန့် ရပ်ဆိုင်းသွားသဖြင့် ကမ္ဘာ့ရေနံနှင့် သဘာဝဓာတ်ငွေ့စျေးနှုန်းများ အဆမတန်မြင့်တက်လျက်ရှိသည်။ အမေရိကန်သမ္မတ ဒေါ်နယ်ထရန့်က ဟော်မုဇ်ရေလက်ကြားကို အမြန်ဆုံးပြန်လည်ဖွင့်လှစ်ရန် အီရန်အစိုးရထံ ရာဇသံပေးထားသည်။ နောက်ဆုံးသတ်မှတ်ရက်ကို ဧပြီလ ၆ ရက်နေ့အထိ နောက်ဆုတ်ထားသော်လည်း လိုက်နာခြင်းမရှိပါက အီရန်နိုင်ငံရှိ လျှပ်စစ်ဓာတ်အားပေးစက်ရုံများကို ဗုံးကြဲတိုက်ခိုက်မည်ဟု သတိပေးထားသည်။ တစ်ဖက်တွင်လည်း အစ္စရေးနိုင်ငံသည် လက်ဘနွန်တောင်ပိုင်းရှိ ဟဇ်ဘိုလာအဖွဲ့အား တိုက်ခိုက်ရန် စစ်သည်အင်အား တိုးမြှင့်စေလွှတ်လျက်ရှိပြီး အီရန်ဘက်မှ ပစ်ခတ်သော ဒုံးကျည်များကိုလည်း ကြားဖြတ်ပစ်ချလျက်ရှိသည်။ #ဟော်မုဇ်ရေလက်ကြား #အီရန်ဂိတ်ဖွင့် #အီရန်စစ်ပွဲ

ဟော်မုဇ်ရေလက်ကြားတွင် အီရန် ဂိတ်ဖွင့်မည်

« Prev 1 … 90 91 92 93 94 … 1,113 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

တရုတ်နိုင်ငံခြားရေးဝန်ကြီး ဝမ်ယိ တောင်ကိုရီးယားနှင့် အင်ဒိုနီးရှားသို့ သွားမည် — August 19, 2026 2:17 pm
ဒုံးကျည်ဖြင့် တိုက်ခိုက်ခံရပြီးနောက် အီရန်အပေါ် UAE က ကုန်သွယ်ရေး ပိတ်ဆို့ — August 19, 2026 2:14 pm
ရုရှားတွင် ဘဏ်အပ်ငွေ ထုတ်ယူမှု စံချိန်တင် မြင့်တက် — August 19, 2026 2:11 pm

Recent Posts

တနင်္သာရီ လောင်းလုံးတွင် စစ်တပ်က ရမ်းသမ်းပစ်ခတ်၍ သားအဖ ၂ ဦး သေဆုံး
ဘန်ကောက် မြန်မာသံရုံးက PV ပတ်စပို့ သက်တမ်းတိုးခြင်း ရုတ်တရက် ရပ်ဆိုင်း
မောင်တော နယ်စပ်နှင့် မြို့တွင်း၌ AA လုံခြုံရေး တင်းကျပ်စွာ တိုးမြှင့်ထား
ပင်လည်ဘူးတွင် စစ်တပ်က ရက်ဆက် ဗုံးကြဲ၍ ကလေးငယ်အပါအဝင် ၉ ဦးထက်မနည်း သေဆုံး
ဝမ်းပျက်ဝမ်းလျှောရောဂါကြောင့် လူသေဆုံးမှု ရှိနေစဉ် စစ်တပ်က စစ်တွေကို လမ်းပိတ်ထား

Archives

Archives

×Close