NMG Doh – Page 91 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Apr 3

တရုတ်ကို လက်လှမ်းမီသည့် ပြည်တွင်း ထုတ် ဒုံးကျည်များ ဂျပန် တပ်ဖြန့်၊ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၃ ရက်။ ဂျပန်နိုင်ငံက ပြည်တွင်းဖြစ် တာဝေးပစ်ဒုံးကျည်များကို ပထမဆုံးအကြိမ် တပ်ဖြန့်ချထားလိုက်သည်။ ဂျပန်နိုင်ငံသည် ၎င်း၏ကိုယ်ပိုင်နည်းပညာဖြင့် တီထွင်ထုတ်လုပ်ထားသော အဝေးပစ် ဒုံးကျည်နှစ်မျိုးဖြစ်သည့် Type-25 ကမ်းခြေအခြေစိုက် သင်္ဘောဖျက်ဒုံးကျည် နှင့် Type-25 အရှိန်ပြင်း ပျံသန်းတိုက်ခိုက်ရေးဒုံးကျည် (HVGP) တို့ကို ကာကွယ်ရေးတပ်ဖွဲ့များထံ တရားဝင်လွှဲပြောင်းကာ စတင်တပ်ဖြန့်ချထားလိုက်ပြီ ဖြစ်သည်။ Type-25 သင်္ဘောဖျက်ဒုံးကျည်ကို ကူမာမိုတို (Kumamoto) ခရိုင်ရှိ Camp Kengun စခန်းတွင် တပ်ဖြန့်ထားသည်။ Camp Kengun စခန်းသည် ဂျပန် နိုင်ငံ တောင်ပိုင်း ကျူးရူးကျွန်း အလယ်ပိုင်းတွင် ရှိပြီး တရုတ်နိုင်ငံ ရှန်ဟိုင်းမြို့နှင့်မိုင် ၅၄၀ ခန့်ဝေးပြီး ထိုင်ဝမ်ကျွန်းနှင့် မိုင် ၇၅၀ ခန့်ဝေးသည်။ ၎င်းသည် ကီလိုမီတာ ၁,၀၀၀ ခန့်အထိ ပစ်ခတ်နိုင်စွမ်း ရှိသဖြင့် တရုတ် ကမ်းရိုးတန်း ပစ်မှတ်များကိုသာမက မြောက်ကိုရီးယား တစ်နိုင်ငံလုံးကိုပါ လက်လှမ်း မီသည့် ဒုံးကျည်များ ဖြစ်လာသည်။ Type-25 HVGP ဒုံးကျည်ကိုတော့ ဂျပန်နိုင်ငံ၏ အဓိက ကျွန်းဖြစ်သော ဟွန်ရှူးကျွန်းရှိ ရှီဇူအိုကာ (Shizuoka) ခရိုင်ရှိ ဖူဂျီတောင်ခြေ (Camp Fuji) အနီးတွင် တပ်ဖြန့်ထားသည်။ ၎င်းသည် အသံထက်မြန်သော အရှိန်ဖြင့် ပုံသေမဟုတ်သော လမ်းကြောင်းများမှ ပျံသန်းနိုင်သဖြင့် ရန်သူ့ကာကွယ်ရေးစနစ်များက ကြားဖြတ်ဟန့်တားရန် အလွန်ခက်ခဲသည်။ ယင်းသည် ဂျပန် နိုင်ငံ အလယ်ဗဟိုတွင် တည်ရှိပြီး ကာကွယ်ရေး အတွက် အဓိက ရည်ရွယ်ထားရှိခြင်း ဖြစ်သည်ဟု စစ်ရေး သုံးသပ်သူများက ဆိုသည်။ ဤလုပ်ဆောင်ချက်သည် ဂျပန်နိုင်ငံ၏ တန်ပြန်တိုက်ခိုက်နိုင်စွမ်း (Counterstrike Capability) ကို လက်တွေ့စတင်လိုက်ခြင်း ဖြစ်သည်။ တရုတ်နိုင်ငံ၏ စစ်ရေးလှုပ်ရှားမှုများနှင့် မြောက်ကိုရီးယား၏ ဒုံးကျည်စမ်းသပ်မှုများကြောင့် ဒေသတွင်း တင်းမာမှုများ မြင့်တက်နေချိန်တွင် ဂျပန်နိုင်ငံက ယခုကဲ့သို့ တာဝေးမှ ကြိုတင်ဟန့်တားနိုင်သည့် စွမ်းရည်ကို မြှင့်တင်လိုက်ခြင်း ဖြစ်သည်။ ယခုဒုံးကျည်များကို ယခင်က အဆင့်မြှင့်တင်ထားသော Type-12 သင်္ဘောဖျက်ဒုံးကျည်နှင့် ကျွန်းစုကာကွယ်ရေး အရှိန်ပြင်းဒုံးကျည်များအဖြစ် လူသိများခဲ့သော်လည်း ယခုအခါ Type-25 အဖြစ် တရားဝင်အမည်ပြောင်းကာ တပ်ဖြန့်လိုက်ခြင်းဖြစ်သည်။ မကြာသေးမီကလည်း ဂျပန်နိုင်ငံ၏ Chokai စစ်သင်္ဘောကို အမေရိကန်လုပ် Tomahawk ဒုံးကျည်များ ပစ်ခတ်နိုင်ရန် အဆင့်မြှင့်တင်မှုများ ပြုလုပ်ခဲ့ပြီး ဖြစ်သည်။ #Tomahawk #Japan #Kumamoto #Camp Kengun #HVGP

တရုတ်ကို လက်လှမ်းမီသည့် ပြည်တွင်း ထုတ် ဒုံးကျည်များ ဂျပန် တပ်ဖြန့်၊

Apr 3

အီရန် စစ်ပွဲတွင် AI များ အရေးပါလာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၃ ရက်။ အီရန်စစ်ပွဲအတွင်းမှာ အမေရိကန်စစ်တပ်ဟာ ပစ်မှတ်တွေကို စက္ကန့်ပိုင်းအတွင်း ရှာဖွေဖော်ထုတ်နိုင်ဖို့ AI စနစ်တွေကို အားကိုးလာသလို၊ တစ်ဖက်မှာလည်း လူမှုကွန်ရက်ပေါ်မှာ AI နဲ့ ဖန်တီးထားတဲ့ သတင်းမှားတွေက လူထုတွေကို ဝေဝါးစေပါတယ်။ အမေရိကန်စစ်တပ်ဟာ Palantir ကုမ္ပဏီထုတ် Maven Smart System ကို အသုံးပြုပြီး အီရန်နိုင်ငံအတွင်းက ပစ်မှတ်ပေါင်း ၁၁,၀၀၀ ကျော်ကို ဗုံးကြဲတိုက်ခိုက်ခဲ့တယ် လို့ ဘီဘီစီ သတင်းတပုဒ်မှာ ဖော်ပြပါတယ်။ ဒီစနစ်ဟာ ဒရုန်းဗီဒီယိုတွေ၊ ဂြိုဟ်တုဓာတ်ပုံတွေနဲ့ ထောက်လှမ်းရေးသတင်းတွေကို ပေါင်းစပ်ပြီး ဘယ်နေရာကို တိုက်ခိုက်ရမလဲဆိုတာ အကြံပြုပေးတာပါ။ ဒါပေမယ့် Palantir UK ကုမ္ပဏီ အကြီးအကဲ လူးဝစ် မော့စ်လေ Louis Mosley ကတော့ နောက်ဆုံးဆုံးဖြတ်ချက်ကို လူတွေက ပဲ ချမှတ်တာဖြစ်ပြီး AI ကတော့ အချက်အလက် အမြောက်အမြားကို လူသားတွေ တစ်ခုချင်း လိုက်မကြည့်နိုင်ခင် အမြန်ဆုံး စုစည်းပေးတာပဲ ဖြစ်တယ် လို့ ရှင်းပြပါတယ်။ အမေရိကန် အရှေ့အလယ်ပိုင်း စစ်ဌာနချုပ် အကြီးအကဲလေတပ်ဗိုလ်ချုပ် ဘရက်ဒ် ကူးပါး (Adm Brad Cooper) ကတော့ AI က ခေါင်းဆောင်တွေကို သတင်းအချက်အလက်တွေကြားက အမှိုက်တွေကို ဖယ်ထုတ်ပေးပြီး ရန်သူက တုံ့ပြန်ဖို့ မပြင်နိုင်ခင်မှာ ပိုမိုမြန်ဆန်၊ ပိုမိုကောင်းမွန်တဲ့ ဆုံးဖြတ်ချက်တွေကို ချနိုင်အောင် ကူညီပေးတာ ဖြစ်တယ်လို့ ဆိုပါတယ်။ ဒါပေမယ့်လည်း AI ကြောင့် စစ်ဆင်ရေးတွေဟာ "အတွေးထက် ပိုမြန်တဲ့နှုန်း" နဲ့ ဖြစ်ပေါ်နေတာကြောင့် လူသားတွေအနေနဲ့ ပစ်မှတ်ဟာ တကယ်ပဲ စစ်ရေးပစ်မှတ် ဟုတ်၊ မဟုတ် ပြန်လည်စစ်ဆေးဖို့ အချိန်မရတော့မှာကို ပညာရှင်တွေက စိုးရိမ်နေကြတယ်လို့ ဘီဘီစီ သတင်းတပုဒ်မှာ ဖော်ပြပါတယ်။ မတ်လဆန်းပိုင်းက အီရန်နိုင်ငံ မီနပ်ဘ် (Minab) မြို့က ကျောင်းတစ်ကျောင်း ဗုံးကြဲခံရပြီး ကလေးငယ် ၁၁၀ အပါအဝင် ၁၆၈ ဦး သေဆုံးခဲ့ရမှုဟာ AI ကြောင့် မှားယွင်းတဲ့ ပစ်မှတ်ကို ရွေးချယ်မိတာလားဆိုတဲ့ မေးခွန်းတွေလည်း ထွက်ပေါ်နေပါတယ်။ ဘီဘီစီ ကမ္ဘာတဝှမ်း အစီအစဉ်က သတင်းတပုဒ်မှာ ဘုရင်မ မေရီ တက္ကသိုလ်က ပါမောက္ခတယောက်ကို ကိုးကား ဖော်ပြထားပါတယ်။ Prof Elke Schwarz က AI အပေါ် အလွန်အကျွံ အားကိုးလာရင် လူသားတွေရဲ့ ဝေဖန်ပိုင်းခြားနိုင်စွမ်း လျော့နည်းသွားပြီး အရပ်သားတွေ သေဆုံးဖို့ အခွင့်အလမ်း ပိုများလာစေနိုင်တယ်လို့ ထောက်ပြထားပါတယ်။ စစ်မြေပြင်က ပစ်မှတ်ရှာရာမှာ AI ကို အသုံးပြုနေသလို အင်တာနက်ပေါ်မှာလည်း AI နဲ့ ဖန်တီးထားတဲ့ ဗီဒီယိုအတုတွေ ပျံ့နှံ့နေပါတယ်။ အမေရိကန်စစ်သားတွေကို အီရန်က ဖမ်းဆီးထားတဲ့ပုံစံတွေ၊ အစ္စရေး လေဆိပ်တွေ ဗုံးကြဲခံရတဲ့ ပုံစံတွေကို AI နဲ့ လက်ရာမြောက်စွာ ဖန်တီးပြီး ဝါဒဖြန့်နေကြတာပါ။ အင်္ဂလန်နိုင်ငံ ဘာကလေ တက္ကသိုလ်က ပါမောက္ခ ဟာနီ ဖာရစ် Hany Farid က အရင်က အတုတွေက အနည်းအကျဉ်းသာ ဖြစ်ပြီး ချက်ချင်း သိသာတယ်၊ အခုက အတုတွေ ရာနဲ့ ချီလာပြီး အစစ်နဲ့ တူတာကြောင့် လူတွေကလည်း ထပ်ဆင့် ဝေမျှနေကြတယ်လို့ ထောက်ပြထားပါတယ်။ အနာဂတ် စစ်ပွဲတွေမှာ AI ဟာ မလွဲမသွေ ပါလာတော့မှာ ဖြစ်ပေမယ့် AI ကြောင့် သတင်းအမှားတွေကို အမှန်မထင်ဖို့နဲ့ အရပ်သား ထိခိုက်မှုတွေကို ကာကွယ်ဖို့ကတော့ မေးခွန်းထုတ်စရာ ဖြစ်နေဆဲ ဖြစ်ပါတယ်။

အီရန် စစ်ပွဲတွင် AI များ အရေးပါလာ

Apr 2

၅၄ နှစ်အကြာတွင် လကမ္ဘာသို့ လူသားများ ပြန်သွားပြီ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂ ရက်။ အမေရိကန်အာကာသအေဂျင်စီ (NASA) သည် လူသားများကို လကမ္ဘာဆီသို့ ပြန်လည်စေလွှတ်မည့် သမိုင်းဝင် အာတီမစ် ၂ (Artemis II) ခရီးစဉ်ကို ဖလော်ရီဒါပြည်နယ်ရှိ ကနေဒီအာကာသစခန်းမှ ဧပြီလ ၁ ရက်နေ့တွင် အောင်မြင်စွာ လွှတ်တင်နိုင်ခဲ့သည်။ ဤသည်မှာ လွန်ခဲ့သော နှစ်ပေါင်း ၅၀ ကျော်က အပိုလို (Apollo) စီမံကိန်းနောက်ပိုင်း လူသားများ လကမ္ဘာသို့ ပထမဆုံးအကြိမ် ပြန်လည်ခရီးနှင်ခြင်းဖြစ်သည်။ အာတီမစ် ၂ ခရီးစဉ်တွင် အမေရိကန်အာကာသယာဉ်မှူး ၃ ဦးနှင့် ကနေဒါအာကာသယာဉ်မှူး ၁ ဦး၊ စုစုပေါင်း ၄ ဦး ပါဝင်ပြီး လကမ္ဘာကို ပတ်၍ ၁၀ ရက်ကြာ ခရီးနှင်ကြမည်ဖြစ်သည်။ ယခင်က နည်းပညာပိုင်းနှင့် လောင်စာဆီ ယိုစိမ့်မှုအခက်အခဲများကြောင့် ကြန့်ကြာခဲ့ရသော်လည်း ယခုအကြိမ်တွင်မူ အဆင်ပြေချောမွေ့စွာ လွှတ်တင်နိုင်ခဲ့ခြင်းဖြစ်သည်။ အာကာသယာဉ်သည် လကမ္ဘာကို ပတ်ပြီးနောက် ကမ္ဘာ့ဆွဲအားကို အသုံးပြု၍ ပစိဖိတ်သမုဒ္ဒရာ အတွင်းသို့ ပြန်လည်ဆင်းသက်မည်ဖြစ်သည်။ ဤစီမံကိန်းသည် နောင်တွင် လပေါ်၌ လူသားများ အခြေချနေထိုင်ရန်နှင့် အင်္ဂါဂြိုဟ် (Mars) သို့ ခရီးနှင်နိုင်ရန်အတွက် အလွန်အရေးပါသော ခြေလှမ်းတစ်ခုဖြစ်သည်ဟု နာဆာက ပြောသည်။ NASA သိပ္ပံပညာရှင်များက ယခုခရီးစဉ်ကို မျိုးဆက်သစ်တို့အတွက် "မျက်မှောက်ခေတ်၏ အပိုလိုစီမံကိန်း" အဖြစ် တင်စားပြောဆိုခဲ့ကြသည်။

၅၄ နှစ်အကြာတွင် လကမ္ဘာသို့ လူသားများ ပြန်သွားပြီ

Apr 2

ငွေလိမ်ဂိုဏ်းခေါင်းဆောင်တစ်ဦးကို ကမ္ဘောဒီးယားမှ တရုတ်သို့လွှဲပြောင်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂ ရက်။ ကမ္ဘောဒီးယားနိုင်ငံတွင် အခြေစိုက်ကာ နိုင်ငံဖြတ်ကျော် ငွေကြေးခဝါချမှုနှင့် အွန်လိုင်းလိမ်လည်မှုများ ကျူးလွန်ခဲ့သည်ဟု စွပ်စွဲခံရသော ဂိုဏ်းခေါင်းဆောင် တစ်ဦးဖြစ်သော လီရှောင်း (Li Xiong) ကို ကမ္ဘောဒီးယားအစိုးရက ဖမ်းဆီး၍ တရုတ်နိုင်ငံသို့ လွှဲပြောင်းပေးအပ်လိုက်သည်။ လီရှောင်းသည် ကမ္ဘောဒီးယားနိုင်ငံရှိ နာမည်ကြီးငွေကြေးဝန်ဆောင်မှုလုပ်ငန်းဖြစ်သော ဟွေယွန်းပေး (Huione Pay) ၏ ဥက္ကဋ္ဌဟောင်းဖြစ်သည်။ ပြီးခဲ့သည့် ဇန်နဝါရီလက ဖမ်းဆီးခံခဲ့ရသည့် စီးပွားရေးသမား ချန်ကျိ (Chen Zhi) ၏ ရာဇဝတ်ဂိုဏ်းတွင် အဓိကအဖွဲ့ဝင်တစ်ဦးအဖြစ် စွပ်စွဲခံထားရသူဖြစ်သည်။ အမေရိကန်ဘဏ္ဍာရေးဝန်ကြီးဌာန၏ ထုတ်ပြန်ချက်အရ ဟွေယွန်းအုပ်စု (Huione Group) သည် ၂၀၂၁ ခုနှစ်မှ ၂၀၂၅ ခုနှစ်အတွင်း အွန်လိုင်းလိမ်လည်မှု (ကျားဖြန့်) လုပ်ငန်းများမှရရှိသော တရားမဝင်ငွေကြေး အမေရိကန်ဒေါ်လာ ၄ ဘီလီယံခန့်ကို ခဝါချပေးခဲ့သည်။ ချန်ကျိ ပိုင်ဆိုင်သည့် ပရင့်စ်အုပ်စု (Prince Group) ကို အမေရိကန်နှင့် ဗြိတိန်နိုင်ငံတို့က "နိုင်ငံဖြတ်ကျော် ရာဇဝတ်အင်ပါယာ" အဖြစ် သတ်မှတ်ထားသော်လည်း အဆိုပါအဖွဲ့ဘက်ကမူ ၎င်းတို့သည် လီရှောင်းနှင့် ပတ်သက်မှုမရှိကြောင်း ငြင်းဆိုထားသည်။ ကမ္ဘောဒီးယားအစိုးရ ပြောရေးဆိုခွင့်ရှိသူကမူ ယခုဖမ်းဆီးမှုသည် ကမ္ဘောဒီးယားနိုင်ငံအတွင်း အွန်လိုင်းလိမ်လည်မှုများကို အပြတ်အသတ်နှိမ်နင်းမည့် ရပ်တည်ချက်ကို ပြသခြင်းဖြစ်ကြောင်း ပြောကြားခဲ့သည်။

ငွေလိမ်ဂိုဏ်းခေါင်းဆောင်တစ်ဦးကို ကမ္ဘောဒီးယားမှ တရုတ်သို့လွှဲပြောင်း

Apr 2

အီရန် စစ်ရုတ်သိမ်းတော့မည်၊ အီရန်အား ကျောက်ခေတ်ပြန်ရောက်အောင် ဗုံးကြဲမည်ဟု ထရန့်ပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂ ရက်။ အမေရိကန်သမ္မတ ဒေါ်နယ်ထရန့်သည် အီရန်နိုင်ငံရှိ အမေရိကန်တပ်ဖွဲ့ဝင်များကို အမြန်ဆုံး ပြန်လည်ရုပ်သိမ်းတော့မည်ဖြစ်ကြောင်း ဧပြီလ ၁ ရက် (ဗုဒ္ဓဟူးနေ့) ညပိုင်းတွင် ပြည်သူလူထုသို့ ပြောကြားသည့် မိန့်ခွန်း၌ ထည့်သွင်းပြောကြားခဲ့သည်။ သို့သော် အမေရိကန်တပ်များ မဆုတ်ခွာမီ ရှေ့လာမည့် သီတင်းပတ်များအတွင်း အီရန်နိုင်ငံ၏ အခြေခံအဆောက်အအုံများကို "ကျောက်ခေတ်သို့ ပြန်ရောက်သွားစေလောက်သည်အထိ" ပြင်းထန်စွာ ဗုံးကြဲတိုက်ခိုက်သွားမည်ဟု ခြိမ်းခြောက်လိုက်သည်။ သမ္မတထရန့်က ယခုစစ်ပွဲကြောင့် အီရန်နိုင်ငံတွင် "အုပ်ချုပ်သူအပြောင်းအလဲ (Regime Change)" ဖြစ်ပေါ်ခဲ့ပြီးဖြစ်ကြောင်း၊ အီရန်အမြင့်ဆုံးခေါင်းဆောင် အယာတိုလာ အလီခါမေနီ သေဆုံးပြီးနောက် ၎င်း၏သားဖြစ်သူ မော့ဂျ်တာဘာ ခါမေနီ (Mojtaba Khamenei) က ဆက်ခံလိုက်ခြင်းကို ရည်ညွှန်း၍ ပြောဆိုခဲ့သည်။ ထို့အပြင် အီရန်၏ နျူကလီးယားအဆောက်အအုံများကို ဖျက်ဆီးနိုင်ခဲ့သဖြင့် အီရန်သည် နျူကလီးယားလက်နက် ထုတ်လုပ်နိုင်စွမ်း မရှိတော့ကြောင်းလည်း ၎င်းက ဆိုသည်။ မိန့်ခွန်းအတွင်း သမ္မတထရန့်သည် နေတိုး (NATO) မဟာမိတ်အဖွဲ့ကို ပြင်းပြင်းထန်ထန် ဝေဖန်ခဲ့ပြီး၊ ဟော်မုဇ် (Hormuz) ရေလက်ကြား လုံခြုံရေးအတွက် ပူးပေါင်းဆောင်ရွက်ရန် ငြင်းဆန်ခဲ့သည့်အပေါ် အခြေခံ၍ အမေရိကန်အနေဖြင့် NATO အဖွဲ့မှ နုတ်ထွက်ရန်အထိ စဉ်းစားနေကြောင်း ထုတ်ဖော်ပြောကြားခဲ့သည်။ အကယ်၍ အီရန်ခေါင်းဆောင်သစ်များက အမေရိကန်၏ လိုလားချက်များကို သဘောမတူပါက အီရန်နိုင်ငံရှိ လျှပ်စစ်ဓာတ်အားပေးစက်ရုံများနှင့် ရေနံမြေများကို တစ်ပြိုင်နက်တည်း ဗုံးကြဲဖျက်ဆီးကာ စီးပွားရေး ပျက်သုဉ်းအောင် လုပ်ဆောင်သွားမည်ဟု ခြိမ်းခြောက်လိုက်သည်။ ထိုမျှသာမက နောင်တွင်လည်း လိုအပ်သည့် ပစ်မှတ်များကို ဆက်လက်ရွေးချယ်တိုက်ခိုက်သွားမည်ဟု မိန့်ခွန်းတွင် ထည့်သွင်း ပြောကြားခဲ့သည်။

အီရန် စစ်ရုတ်သိမ်းတော့မည်၊ အီရန်အား ကျောက်ခေတ်ပြန်ရောက်အောင် ဗုံးကြဲမည်ဟု ထရန့်ပြော

Apr 1

အီရန် စစ်ပွဲ အတွင်း ဒစ်ဂျစ်တယ် တိုက်ခိုက်မှုများ အရှိန်မြင့်လာ သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၁ ရက်။ လက်ရှိ အီရန်ပဋိပက္ခတွင် လက်နက်ဖြင့် တိုက်ခိုက်မှုများသာမက အင်တာနက်မှတစ်ဆင့် တိုက်ခိုက်သည့် ဆိုင်ဘာစစ်ပွဲ (Cyber Warfare) သည်လည်း အရေးပါသော အခန်းကဏ္ဍမှ ပါဝင်နေသည်။ အီရန်ဒုံးကျည်များကြောင့် အစ္စရေးပြည်သူများ ဗုံးခိုကျင်းအတွင်း ခိုလှုံနေစဉ် ဖုန်းစာတိုများမှတစ်ဆင့် "ဗုံးခိုကျင်းတည်နေရာသိရှိရန်" ဟုဆိုကာ ပေးပို့သော လင့်ခ် များမှတစ်ဆင့် စပိုင်ဝဲ (Spyware) များ ထည့်သွင်းကာ ဖုန်းအတွင်းရှိ ကင်မရာ၊ တည်နေရာနှင့် အချက်အလက်များကို ခိုးယူလျက်ရှိသည်။ ထို့ပြင် အီရန်ထောက်ခံသည့် ဟက်ကာများသည် အမေရိကန်အခြေစိုက် ဆေးဘက်ဆိုင်ရာ ကုမ္ပဏီများ၊ ရေပေးဝေရေးစနစ်၊ ရထားလမ်း၊ ဆေးရုံနှင့် ဒေတာစင်တာ (Data Center) ကဲ့သို့သော အရပ်ဘက် အခြေခံအဆောက်အအုံများကို ပစ်မှတ်ထားတိုက်ခိုက်လာကြသည်။ AI နည်းပညာကို အသုံးပြု၍ သတင်းမှားများ ဖြန့်ဝေခြင်း၊ စစ်သင်္ဘောများ နစ်မြုပ်သွားသည့် ပုံတုများ ဖန်တီးခြင်းနှင့် စစ်မြေပြင်ဗီဒီယိုအစစ်အမှန်များကို အတုအဖြစ် ဝါဒဖြန့်ခြင်းများ လုပ်ဆောင်လျက်ရှိသည်။ အဆိုပါ ခြိမ်းခြောက်မှုများကို တုံ့ပြန်ရန် အမေရိကန်နိုင်ငံခြားရေးဝန်ကြီးဌာနက ဌာနသစ်တစ်ခုကို ဖွင့်လှစ်ဆောင်ရွက်နေရပြီး အမျိုးသားထောက်လှမ်းရေးညွှန်ကြားရေးမှူး တာလ်ဆီ ဂက်ဘာ့ဒ် (Tulsi Gabbard) ကလည်း AI ကို အသုံးပြု၍ ကာကွယ်ရေးလုပ်ငန်းစဉ်များကို လုပ်ဆောင်နေသည်။ အပစ်အခတ်ရပ်စဲရေးရရှိခဲ့လျှင်ပင် ဆိုင်ဘာတိုက်ခိုက်မှုများသည် ဆက်လက်တည်ရှိ နေမည်ဖြစ်သည်ဟု ပညာရှင်များက သုံးသပ်ထားသည်။

အီရန် စစ်ပွဲ အတွင်း ဒစ်ဂျစ်တယ် တိုက်ခိုက်မှုများ အရှိန်မြင့်လာ

Apr 1

အီရန် စစ်ပွဲ အဆုံးသတ်နိုင်ရန် တရုတ်နှင့် ပါကစ္စတန် ကြိုးပမ်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၁ ရက်။ အီရန်စစ်ပွဲ အဆုံးသတ်ရေးအတွက် တရုတ်နိုင်ငံနှင့် ပါကစ္စတန်နိုင်ငံတို့သည် ကြားဝင်စေ့စပ်ပေးသည့် နိုင်ငံများအဖြစ် ဆောင်ရွက်လျက်ရှိသည်။ ပါကစ္စတန်နိုင်ငံခြားရေးဝန်ကြီး အာရှတ်ဒါး (Ishaq Dar) နှင့် တရုတ်နိုင်ငံခြားရေးဝန်ကြီး ဝမ်ယိ (Wang Yi) တို့သည် ဘေဂျင်းမြို့တွင် တွေ့ဆုံ၍ အချက် (၅) ချက်ပါဝင်သော အရှေ့အလယ်ပိုင်း ငြိမ်းချမ်းရေးအဆိုပြုလွှာကို ထုတ်ပြန်ခဲ့ကြသည်။ ပါကစ္စတန်အစိုးရနှင့် စစ်ဘက်ခေါင်းဆောင်များသည် သမ္မတထရမ့်၊ သမ္မတပီဇက်ရှ်ကီယန်တို့နှင့် တိုက်ရိုက်ဆက်သွယ်ကာ သတင်းစကားများ ဖလှယ်ပေးလျက်ရှိသည်။ ၎င်းတို့သည် နှစ်ဖက်စလုံး ချက်ချင်းအပစ်အခတ်ရပ်စဲရန်နှင့် ဟော်မုဇ်ရေလက်ကြားအပါအဝင် ပိတ်ဆို့ခံထားရသော ရေကြောင်းလမ်းများ၏ လုံခြုံရေးကို အကာအကွယ်ပေးရန် တောင်းဆိုထားသည်။ တရုတ်သမ္မတ ရှီကျင့်ဖျင်သည်လည်း ဒေသတွင်းတည်ငြိမ်ရေးနှင့် မိမိတို့၏ အကျိုးစီးပွားအတွက် အပစ်အခတ်ရပ်စဲရေးရရှိရန် အားသွန်ခွန်စိုက် ကြိုးပမ်းလျက်ရှိသည်။ ပါကစ္စတန်နိုင်ငံအနေဖြင့် ရေနံနှင့် သဘာဝဓာတ်ငွေ့လမ်းကြောင်းများ ပိတ်ဆို့ခံရမှုကြောင့် စီးပွားရေးအရ ကြီးမားစွာ ထိခိုက်နစ်နာနေခြင်း၊ အီရန်နှင့် နယ်နိမိတ်ချင်း ထိစပ်နေသဖြင့် စစ်မီးကူးစက်လာနိုင်ခြင်းနှင့် ပြည်တွင်းရှိ ရှီအာ (Shia) မူဆလင်များအကြား ဘာသာရေးအဓိကရုဏ်းများ ဖြစ်ပွားလာနိုင်ခြင်းတို့အပေါ် စိုးရိမ်ပူပန်လျက်ရှိသည်။

အီရန် စစ်ပွဲ အဆုံးသတ်နိုင်ရန် တရုတ်နှင့် ပါကစ္စတန် ကြိုးပမ်း

Apr 1

ထိုင်းနိုင်ငံတွင် ယနေ့မှ စ၍ ယာဉ်စည်းကမ်း ဖောက်ဖျက်သူများကို ပြင်းထန်စွာ အရေးယူမည် သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၁ ရက်။ ထိုင်းနိုင်ငံတစ်ဝန်းရှိ ယာဉ်ထိန်းရဲတပ်ဖွဲ့များသည် ၂၀၂၆ ခုနှစ်၊ ဧပြီလ ၁ ရက်နေ့မှစတင်ကာ လမ်းအန္တရာယ်ကင်းရှင်းရေးအတွက် ယာဉ်စည်းကမ်းများကို တင်းကျပ်စွာ စစ်ဆေးအရေးယူလျက်ရှိသည်။ မတ်လ ၃၁ ရက်နေ့တွင် သတိပေးကာလ ကုန်ဆုံးသွားပြီဖြစ်သဖြင့် ယနေ့မှ စ၍ ဒဏ်ကြေးငွေများကိုလည်း သိသိသာသာ တိုးမြှင့်သတ်မှတ်လိုက်သည်။ အရှိန်နှုန်းလွန်ကဲစွာ မောင်းနှင်ခြင်း၊ မီးနီဖြတ်မောင်းခြင်း၊ လူကူးမျဉ်းကြားတွင် ရပ်မပေးခြင်းနှင့် ယာဉ်မောင်းနှင်စဉ် လက်ကိုင်ဖုန်းအသုံးပြုခြင်းတို့အတွက် ဒဏ်ငွေ ဘတ် ၄၀၀၀ အထိ ချမှတ်ထားသည်။ လမ်းပြောင်းပြန်မောင်းနှင်ခြင်း၊ ဆိုင်ကယ်စီးဦးထုပ်မဆောင်းခြင်းနှင့် ယာဉ်မောင်း၊ ခရီးသည်များ ထိုင်ခုံခါးပတ်မပတ်ခြင်းတို့ကိုလည်း စစ်ဆေး အရေးယူသွားမည်ဖြစ်သည်။ အရက်သောက်စား၍ မောင်းနှင်ခြင်းနှင့် အများပြည်သူအန္တရာယ်ဖြစ်စေရန် မောင်းနှင်ခြင်းကိုမူ ဘတ်ငွေ ၂ သောင်း အထိ ငွေဒဏ် သို့မဟုတ် ထောင်ဒဏ် အပြစ်ဒဏ်များ ကျခံစေနိုင်မည်ဖြစ်သည်။ အဆိုပါ တင်းကျပ်သည့် အစီအမံများသည် တစ်နိုင်ငံလုံးအတိုင်းအတာဖြင့် မတော်တဆမှုများကို လျှော့ချရန် ရည်ရွယ်ခြင်းဖြစ်ပြီး ယာဉ်အသွားအလာများသော မြို့ကြီးများနှင့် ခရီးသွားများ စည်ကားရာဒေသများတွင် ပိုမိုအင်တိုက်အားတိုက် ဆောင်ရွက်သွားမည်ဟု ယာဉ်ထိန်း ဌာနများကို ကိုးကား၍ ထိုင်းသတင်းများတွင် ဖော်ပြထားသည်။

ထိုင်းနိုင်ငံတွင် ယနေ့မှ စ၍ ယာဉ်စည်းကမ်း ဖောက်ဖျက်သူများကို ပြင်းထန်စွာ အရေးယူမည်

Apr 1

အီရန် စစ်ပွဲ ၂ ပတ်မှ ၃ ပတ်အတွင်း အဆုံးသတ်မည်ဟု ဒေါ်နယ်ထရန့်ပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၁ ရက်။ အမေရိကန်သမ္မတ ဒေါ်နယ်ထရမ့်သည် အီရန်အစိုးရအနေဖြင့် နျူကလီးယားလက်နက်များ ထုတ်လုပ်နိုင်စွမ်းမရှိကြောင်း အတည်ပြုနိုင်ပါက လာမည့် (၂) ပတ်မှ (၃) ပတ်အတွင်း အီရန်နိုင်ငံရှိ အမေရိကန်တပ်ဖွဲ့ဝင်များကို ပြန်လည်ရုပ်သိမ်းမည်ဟု ထုတ်ဖော်ပြောကြားလိုက်သည်။ အီရန်အစိုးရဘက်မှ စစ်ပွဲအဆုံးသတ်ရန် တောင်းဆိုမှုများ ရှိနေသော်လည်း အမေရိကန်ပြည်ထောင်စု၏ ဆုံးဖြတ်ချက်မှာ အဆိုပါတောင်းဆိုချက်အပေါ် မူတည်မည်မဟုတ်ဘဲ မိမိတို့၏ အချိန်ဇယားအတိုင်းသာ ဆောင်ရွက်သွားမည်ဟု ဆိုသည်။ ထို့ပြင် သမ္မတထရမ့်သည် အီရန်စစ်ပွဲတွင် ပူးပေါင်းပါဝင်ခြင်းမရှိသည့် ယူနိုက်တက်ကင်းဒမ်း (UK) အပါအဝင် ဥရောပမဟာမိတ်နိုင်ငံများကို ပြင်းထန်စွာ ဝေဖန်ခဲ့သည်။ အမေရိကန်ပြည်ထောင်စု အခက်အခဲကြုံတွေ့ရချိန်တွင် ကူညီမှုမရှိခဲ့သည့်အတွက် ဟော်မုဇ်ရေလက်ကြား (Strait of Hormuz) လုံခြုံရေးဆိုင်ရာ ကိစ္စရပ်များတွင် အမေရိကန်က ဆက်လက်ကူညီမည်မဟုတ်ကြောင်းနှင့် အဆိုပါနိုင်ငံများအနေဖြင့် မိမိတို့ဘာသာ ရေနံရှာဖွေသင့်သည်ဟု ပြောကြားခဲ့သည်။ အီရန်သမ္မတ မာဆု ပီဇက်ရှ်ကီယန်ကမူ ရန်သူများဘက်မှ စစ်ပွဲထပ်မံဖြစ်ပွားခြင်းမရှိစေရန် ခိုင်မာသော အာမခံချက်ပေးနိုင်ပါက စစ်ပွဲကို အဆုံးသတ်ရန် အသင့်ရှိကြောင်း ပြောကြားထားသည်။

အီရန် စစ်ပွဲ ၂ ပတ်မှ ၃ ပတ်အတွင်း အဆုံးသတ်မည်ဟု ဒေါ်နယ်ထရန့်ပြော

« Prev 1 … 89 90 91 92 93 … 1,113 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

တရုတ်နိုင်ငံခြားရေးဝန်ကြီး ဝမ်ယိ တောင်ကိုရီးယားနှင့် အင်ဒိုနီးရှားသို့ သွားမည် — August 19, 2026 2:17 pm
ဒုံးကျည်ဖြင့် တိုက်ခိုက်ခံရပြီးနောက် အီရန်အပေါ် UAE က ကုန်သွယ်ရေး ပိတ်ဆို့ — August 19, 2026 2:14 pm
ရုရှားတွင် ဘဏ်အပ်ငွေ ထုတ်ယူမှု စံချိန်တင် မြင့်တက် — August 19, 2026 2:11 pm

Recent Posts

တနင်္သာရီ လောင်းလုံးတွင် စစ်တပ်က ရမ်းသမ်းပစ်ခတ်၍ သားအဖ ၂ ဦး သေဆုံး
ဘန်ကောက် မြန်မာသံရုံးက PV ပတ်စပို့ သက်တမ်းတိုးခြင်း ရုတ်တရက် ရပ်ဆိုင်း
မောင်တော နယ်စပ်နှင့် မြို့တွင်း၌ AA လုံခြုံရေး တင်းကျပ်စွာ တိုးမြှင့်ထား
ပင်လည်ဘူးတွင် စစ်တပ်က ရက်ဆက် ဗုံးကြဲ၍ ကလေးငယ်အပါအဝင် ၉ ဦးထက်မနည်း သေဆုံး
ဝမ်းပျက်ဝမ်းလျှောရောဂါကြောင့် လူသေဆုံးမှု ရှိနေစဉ် စစ်တပ်က စစ်တွေကို လမ်းပိတ်ထား

Archives

Archives

×Close