သတင်း

တံတားဦးလေဆိပ် တိုက်ခိုက်ခံရပြီးနောက် တိုက်ပွဲများပြင်းထန်ကာ လေကြောင်းလိုင်းများ ရပ်ဆိုင်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၁ ရက်။ မန္တလေးမြို့၊ တံတားဦး လေတပ်စခန်းအတွင်း ရပ်နားထားသည့် စစ်အုပ်စု၏ တိုက်လေယာဉ်များကို တော် လှန်ရေးတပ်ဖွဲ့များက Suicide ဒရုန်းများဖြင့် ဝင်ရောက်တိုက်ခိုက်ခဲ့ပြီးနောက် အဆိုပါ ဒေသဝန်းကျင်တွင် စစ် အုပ်စုတပ်၏ စစ်ကြောင်းထိုးမှုများ ရှိလာသကဲ့သို့ မန္တလေး အပြည်ပြည်ဆိုင်ရာ လေဆိပ်ကိုလည်း ယာယီ ပိတ် သိမ်းလိုက်သည်။ စက်တင်ဘာလ ၁၀ ရက်နေ့တွင် ပြည်သူ့ကာကွယ်ရေးတပ်မတော် (PDF) အမည်ဖြင့် တော်လှန်ရေးတပ်ဖွဲ့များ၏ FPV Suicide ဒရုန်းများဖြင့် တိုက်ခိုက်မှုကြောင့် တိုက်လေယာဉ် ၄ စင်း ထိခိုက်ခဲ့ပြီး ၂ စင်း ပေါက်ကွဲသွားသည် ဟု စစ်ရေးသတင်းရင်းမြစ်များက ဆိုသည်။ ယခုဖြစ်စဉ်သည် မြန်မာနိုင်ငံတွင် ပထမဆုံးအကြိမ် လေတပ်စခန်းအတွင်း ရပ်ထားသည့် တိုက်လေယာဉ်များကို ဒရုန်းဖြင့် အောင်မြင်စွာ တိုက်ခိုက်နိုင်ခဲ့သည့် စစ်ဆင်ရေးလည်း ဖြစ်သည်။ အဆိုပါ တိုက်ခိုက်မှုဖြစ်ပွားပြီးနောက် စစ်အုပ်စုတပ်က တံတားဦးနှင့် နွားထိုးကြီးမြို့နယ်အတွင်းရှိ ကျေးရွာများ သို့ စစ်ကြောင်းထိုးလာသဖြင့် မြို့သာလမ်းပေါ်ရှိ သစ်တောဖျားနှင့် နွားခြံကြီးကျေးရွာတို့တွင် စစ်အုပ်စုတပ်နှင့် တော်လှန်ရေးတပ်ဖွဲ့များအကြား တိုက်ပွဲများ ပြင်းထန်နေသည်။ ဒေသခံ စစ်ရေးသတင်းရင်းမြစ်တစ်ဦးက “လေတပ်ထဲက တိုက်လေယာဉ်တွေ ဒရုန်းနဲ့ တိုက်ခိုက်ခံရပြီးတဲ့ နောက် စစ်အုပ်စုက လေဆိပ်ပတ်ဝန်းကျင်နဲ့ အနီးအနားရွာတွေကို စစ်ကြောင်းတွေ ချက်ချင်းဖြန့်ပြီး ထိုးလာ တာပါ။ မြို့သာလမ်းပေါ်မှာတော့ နှစ်ဘက် ထိတွေ့တိုက်ပွဲတွေ အပြင်းအထန် ဖြစ်နေတယ်” ဟု ပြောသည်။ အခြားတစ်ဖက်တွင်လည်း လုံခြုံရေးအရ မန္တလေး အပြည်ပြည်ဆိုင်ရာ လေဆိပ်ကို စက်တင်ဘာ ၁၂ ရက်အထိ ဝင်ထွက်ခွင့် ပိတ်ထားသကဲ့သို့ MAI လေကြောင်းလိုင်းအပါအဝင် ခရီးသည်တင် လေကြောင်းလိုင်းများသည် မန္တလေးမှ ထွက်ခွာမည့် ပြည်တွင်း/ပြည်ပ ခရီးစဉ်အားလုံးကို ယာယီရပ်ဆိုင်းလိုက်သည်။ မန္တလေးမြို့ရှိ ခရီးသွားအေဂျင်စီ တာဝန်ရှိသူတစ်ဦးက “လေဆိပ်ပိတ်လိုက်ရတော့ စက်တင်ဘာ ၁၀ ရက်နေ့ ကတည်းက ပျံသန်းမယ့် ခရီးစဉ်တွေ အကုန်ဖျက်လိုက်ရတယ်။ အရေးကြီး စီးပွားရေးနဲ့ ကျန်းမာရေး ခရီးစဉ် သွားမယ့်သူတွေ တော်တော်လေး အခက်တွေ့ကြရတယ်။ ပြင်ဦးလွင် အနီးစခန်းဘက် ပြောင်းပြေးဆွဲဖို့နဲ့ လက်မှတ်ခ ပြန်အမ်းပေးဖို့တော့ လေကြောင်းလိုင်းတွေက စီစဉ်ပေးနေပါတယ်” ဟု ပြောသည်။ လေကြောင်းလိုင်းများက မန္တလေးမှ ပျံသန်းမည့် ပြည်တွင်းခရီးစဉ်များကို ပြင်ဦးလွင် အနီးစခန်း လေဆိပ်သို့ ပြောင်းလဲပြေးဆွဲပေးမည် ဖြစ်ပြီး ခရီးသည်များအနေဖြင့် လက်မှတ်ခ အပြည့်အဝ ပြန်လည်ထုတ်ယူခြင်း သို့မဟုတ် ခရီးစဉ် အခမဲ့ ပြောင်းလဲခြင်းများ ပြုလုပ်နိုင်ကြောင်း ခရီးသွားလုပ်ငန်း အေဂျင်စီအချို့က ထုတ်ပြန် ထားသည်။ လေဆိပ်နှင့် နီးစပ်သည့် ဒေသခံတစ်ဦးကလည်း “လေဆိပ်ကို ပိတ်လိုက်တာဟာ ခရီးသည်တွေ ဆိုက်ရောက်လို့ ထိခိုက်တာမျိုးမဟုတ်ဘဲ လုံခြုံရေးစိုးရိမ်လို့ ကြိုတင်ပိတ်လိုက်တာပါ။ လက်ရှိမှာတော့ လေဆိပ်တစ်ခုလုံးကို စစ်အုပ်စုက လုံခြုံရေး တင်းကျပ်ထားတယ်” ဟု ပြောသည်။ တံတားဦး အပြည်ပြည်ဆိုင်ရာ လေဆိပ်သည် အာဏာသိမ်းပြီးနောက်ပိုင်း စစ်အုပ်စု၏ ဂျက်ဖိုက်တာများနှင့် Y-12 လေယာဉ်များ အဓိက အသုံးပြုနေရာစခန်းဖြစ်ပြီး အဆိုပါ တိုက်ခိုက်မှုကြောင့် လေကြောင်းလိုင်းများ ဖျက် ဆီးခဲ့ရသဖြင့် ခရီးသည်များ လုပ်ငန်းပိုင်းဆိုင်ရာ ထိခိုက်နစ်နာမှုများ ရှိခဲ့သည်။ စစ်အုပ်စုဘက်ကမူ ဒရုန်းများကို လေကြောင်းရန် ကာကွယ်ရေးစနစ်ဖြင့် ဟန့်တားနိုင်ခဲ့သဖြင့် ထိခိုက်မှုမရှိဟု ငြင်းဆိုထားသော်လည်း ထွက်ပေါ်လာသည့် ရုပ်သံမှတ်တမ်းများတွင် လေယာဉ်ရုံအတွင်းရှိ တိုက်လေယာဉ်ကို ဒရုန်းဖြင့် တိုက်ခိုက်ခဲ့သည်ကို တွေ့ရသည်။ #တံတားဦးလေဆိပ်

တံတားဦး လေတပ်စခန်း တိုက်ခိုက်ခံရမှုတွင် ဗိုလ်မှူးကြီးတစ်ဦး အပါအဝင် ၅ ဦး သေဆုံး

တံတားဦး လေတပ်စခန်း တိုက်ခိုက်ခံရမှုတွင် ဗိုလ်မှူးကြီးတစ်ဦး အပါအဝင် ၅ ဦး သေဆုံး သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁၁ ရက်။ မန္တလေးတ…

  • September 11, 2026
အရပ်သား အုပ်ချုပ်ရေးနှင့် စီးပွားရေးတွင် ပါဝင်မည်မဟုတ်ဟု KNDF ဥက္ကဋ္ဌ ပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၁ ရက်။ အရပ်သား အုပ်ချုပ်ရေးနှင့် စီးပွားရေး လုပ်ငန်းများတွင် ပါဝင်ပတ်သက်မည် မဟုတ်ဘဲ လူထုကို အကာအကွယ် ပေးသည့် တပ်တစ်ခုဖြစ်အောင် တည်ဆောက်သွားမည်ဟု ကရင်နီအမျိုးသားများ ကာကွယ်ရေးတပ် (KNDF) ဥက္ကဋ္ဌ ခွန်းဘီထူးက ပြောသည်။ ပြီးခဲ့သည့် ဩဂုတ်လ ၂၈ ရက်နှင့် ၂၉ ရက်နေ့တွင် ပြုလုပ်ခဲ့သည့် KNDF ၏ ပထမအကြိမ် ညီလာခံ မိန့်ခွန်း အတွင်း KNDF ဥက္ကဋ္ဌ ခွန်းဘီထူးက ထိုသို့ ထည့်သွင်းပြောဆိုခဲ့ခြင်းဖြစ်သည်။ KNDF ဥက္ကဋ္ဌ ခွန်းဘီထူးက “အရပ်သားအုပ်ချုပ်ရေးကို ဝင်မစွတ်ဖက်မှု အရပ်သားတွေရဲ့ အခန်းကဏ္ဍကို ကျနော်တို့ ဝင်မစွတ်ဖက်ပဲနဲ့ စီးပွားရေးတွေကို ဝင်မစွတ်ဖက်ပဲနဲ့ တပ်ရဲ့ တည်မြဲရေးက အခြေခံ အကျဆုံး အုပ်မြစ်က တပ်စနစ်တကျရှိဖို့ပဲ ဖြစ်ပါတယ်။ ဒါကကျနော်တို့ စစ်ရေးအရပ်ဖက်ဖြစ်မယ်လို့ ကျနော်ယုံကြည် ပါတယ်” ဟု ပြောသည်။ ထို့ပြင် တပ်တည်ဆောက်ရာတွင်လည်း KNDF ရဲဘော်များကို မှားယွင်းသည့် နိုင်ငံရေး လမ်းကြောင်းပေါ်သို့ ခေါ်မသွားဘဲ အားလုံးလိုလားသည့် ဒီမိုကရေစီ၊ တန်းတူရည်တူရှိရေးနှင့် ခွဲခြားဆက်ဆံမှု မရှိသည့် တိုင်းပြည်၊ အာဏာရှင်မရှိသည့် တိုင်းပြည်ဖြစ်အောင် ဆက်လက် လုပ်ဆောင်သွားမည်ဟု ဆိုသည်။ ထို့အတူ KNDF ၏ ရှေ့လုပ်ငန်းစဉ် တစ်ခုဖြစ်သည့် ပြည်နယ်အတွင်းရှိ တပ်များအားလုံး စုစည်း၍ ပြည်နယ်တပ် တစ်ခုတည်း ပေါ်ပေါက်ရေးကိုလည်း ဆက်လက် လုပ်ဆောင်သွားမည်ဖြစ်ကြောင်း ဆိုသည်။ ခွန်းဘီထူးက “ပြည်နယ်တပ်ပေါ်ပေါက်ရေး ပြည်နယ်တပ် ရပ်တည်ရေးကို ကျနော်တို့ ဆက်လက်သွားမယ်လို့ ကျနော်တို့ ဗဟိုကော်မတီဖက်က ဆုံးဖြတ်ထားတာတွေ ရှိပါတယ်။ ဒီဟာက ကျနော်တို့ ပြည်နယ်မှာရှိနေတဲ့ နိုင်ငံရေး အင်အားစုတွေနဲ့အတူတူ ယုံယုံကြည်ကြည်နဲ့ ပူးပေါင်းဆောင်ရွက်နိုင်မှသာလျှင် ကျနော်တို့ ဒီ ပြည် နယ်တပ်ကို တည်ဆောက်နိုင်မှာ ဖြစ်တယ်။ အထူးသဖြင့် အရပ်သားတွေကို ကျနော်တို့က ကာကွယ်စောင့် ရှောက်ပြီးမှ ကိုယ်ကျိုးအတွက်ကို တော်လှန်ရေးလုပ်တဲ့ တပ်ဖွဲ့မဟုတ်ဘူး။ ကိုယ်ကျိုးအတွက် ကို ကျနော်တို့ နိုင်ငံရေး တည်ဆောက်နေတဲ့ အဖွဲ့အစည်းတစ်ရပ် မဟုတ်ဘူးဆိုတာကို ပြသနိုင်တဲ့နေ့ အထူးသဖြင့် လူထုတွေ ဖက်က အားကိုးယုံကြည်ရတဲ့ နေ့ကျရင် ကျနော်တို့ ပြည်နယ်တပ် ပေါ်ပေါက်ရေးက အင်မတန် ခရီးရောက် လာပါလိမ့်မယ်” ဟု ပြောသည်။ တပ်တည်ဆောက်ရေးကို လုပ်ဆောင်နေသည့် အခြားတစ်ဖက်တွင်လည်း တော်လှန်ရေး အင်အားများကို ပိုမို အားကောင်းစေမည့် မဟာမိတ် တည်ဆောက်ရေးကို အလေးထား လုပ်ဆောင်သွားမည်ဟု ၎င်းက ဆိုသည်။ နှစ်ရက်တာ ပြုလုပ်ခဲ့သည့် ပထမအကြိမ် KNDF ညီလာခံသို့ KNDF ဗဟိုကော်မတီဝင်များ၊ စစ်ဒေသမှူးများ၊ ဌာနမှူးများ၊ တပ်ရင်းမှူးများ၊ ရုံးဦးစီးမှူးများနှင့် တပ်ဖွဲ့ဝင် အမျိုးသား ၉၁ ဦး၊ အမျိုးသမီး ၁၄ ဦး စုစုပေါင်း ၁၀၅ ဦး တက်ရောက်ခဲ့ကြသည်။ အဆိုပါ ညီလာခံတွင် ယခင်ကာလ လုပ်ငန်းစဉ်များနှင့် စစ်ရေး၊ နိုင်ငံရေး ရပ်တည်ချက်များကို ပြန်လည်သုံးသပ် ခဲ့ကြပြီး အနာဂတ် တပ်တည်ဆောက်မှုဆိုင်ရာ ရှေ့လုပ်ငန်းစဉ်များ၊ စစ်ရေးနှင့် နိုင်ငံရေး ဦးတည်ချက်များကို ဆုံးဖြတ် ချမှတ်ခဲ့ကြသည်။ #KNDF #ခွန်းဘီထူး

အရပ်သား အုပ်ချုပ်ရေးနှင့် စီးပွားရေးတွင် ပါဝင်မည်မဟုတ်ဟု KNDF ဥက္ကဋ္ဌ ပြော

အရပ်သား အုပ်ချုပ်ရေးနှင့် စီးပွားရေးတွင် ပါဝင်မည်မဟုတ်ဟု KNDF ဥက္ကဋ္ဌ ပြော သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁၁ ရက်။ အရပ်သား အုပ်…

  • September 11, 2026
စစ်သင်္ဘောအချို့ ဖျက်ဆီးခံရပြီးနောက် ဗန်းမော်နှင့် ရွှေကူတွင် တိုက်ပွဲများ ပိုမိုပြင်းထန်လာ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၁ ရက်။ ကချင်ပြည်၊ ရွှေကူနှင့် ဗန်းမော်မြို့နယ်အတွင်း သို့ စစ်တပ်က စစ်အင်အားဖြည့်တင်းမှုများနှင့် မြေပြင်ထိုးစစ်များ ပြုလုပ်လာသောကြောင့် နှစ်ဖက်စစ်ရေးတင်းမာကာ တိုက်ပွဲများ ပြင်းထန်စွာ ဖြစ်ပွားလျက်ရှိကြောင်း ကချင် လွတ်လပ်ရေးအဖွဲ့ (KIO/KIA) က ပြောသည်။ စစ်တပ်သည် ရွှေကူနှင့် ဗန်းမော်မြို့နယ်များသို့ ဧရာဝတီမြစ်ကြောင်းအတိုင်း ရေလမ်းမှတစ်ဆင့် လူသူ၊ လက် နက်၊ ခဲယမ်းမီးကျောက်နှင့် ရိက္ခာများကို ထောက်ပံ့ပို့ဆောင်နေသည့်အပြင် လေကြောင်းတိုက်ခိုက်မှုများနှင့် မြေပြင်ထိုးစစ်များကိုပါ အရှိန်မြှင့်လုပ်ဆောင်လာခြင်းဖြစ်သည်။ KIO/KIA ပြောရေးဆိုခွင့်ရှိသူ ဗိုလ်မှူးကြီးနော်ဘူက “ကချင်ပြည်နယ်တစ်ခုလုံးရဲ့ အခြေအနေကို ကြည့်မယ် ဆိုရင်တော့ ရွှေကူ၊ ဗန်းမော် အဲဒီရေကြောင်းတစ်ကြောမှာတော့ တိုက်ပွဲတွေ ရှိပါတယ်။ မြေပြင်တိုက်ပွဲရော နောက် လေကြောင်းနဲ့ပစ်တဲ့ တိုက်ပွဲတွေရှိပါတယ်။ ကချင်ပြည်နယ်မှာတော့ အခုလောလောဆယ် အဲဒီနေရာမှာ ပိုပြီးမှ ပြင်းထန်တဲ့ တိုက်ပွဲတွေရှိပါတယ်။ မြေပြင်တိုက်ပွဲကတော့ ဇင်းဘုံ၊ စင်းခန်းဖက်မှာ ခဏခဏ ရှိပါတယ်။ ဇင်းဘုံဆိုတဲ့ နေရာမှာ မြေပြင်တိုက်ပွဲ ထိတွေ့ရင်ဆိုင်တိုက်ပွဲတွေ ရှိပါတယ်။ ခုနပြောတဲ့ ရွှေကူ၊ ဗန်းမော်ဖက်မှာ စစ်ရေးတင်းမာတဲ့ အနေအထား ဖြစ်ပါတယ်” ဟု ပြောသည်။ ရေကြောင်းမှတစ်ဆင့် ဗန်းမော်မြို့သို့ တက်လာသည့် စစ်တပ်၏ စစ်သင်္ဘောနှင့် ကုန်တင်သင်္ဘောအချို့ကို ကချင် လွတ်လပ်ရေးတပ်မတော် (KIA) နှင့် ပူးပေါင်းတပ်များက ကြားဖြတ်တိုက်ခိုက် ဖျက်ဆီးနိုင်ခဲ့ခြင်း ဖြစ်သည်။ သင်္ဘောများ တိုက်ခိုက်ခံရမှု အခြေအနေနှင့် ပတ်သက်၍ ဗိုလ်မှူးကြီးနော်ဘူက “ပထမအသုတ် ၁၄ စီးလို့ ပြောတာပေါ့နော်။ ခြောက်စီး၊ ခုနှစ်စီးကတော့ ဗန်းမော်ဖက်မှာ ပြန်ဝင်တာ။ ကျန်တဲ့ဟာကတော့ လမ်းမှာ ပျောက်သွားတာ KIA နဲ့ ပူးပေါင်းတပ်တွေရဲ့ တိုက်ခိုက်ခံပြီးမှ မီးလောင်တာတွေ ရေနစ်သွားတာတွေ ရှိပါ တယ်။ နောက်ဒုတိယအသုတ်ကတော့ သုံးစီးလို့ ပြောတယ်။ ငါးစီးလို့လည်း ပြောတယ်။ အဲဒါကတော့ ရွှေကူ ရောက်တယ်။ ရွှေကူမှာ ပစ္စည်းတင်တဲ့ သင်္ဘောတစ်စီးကို ပစ်ခတ်ခံလို့ မီးလောင်သွားတယ်။ အဲဒါကို သွား ကယ်ဖို့ မနေ့က ဗန်းမော်ဖက်မှာ ရောက်လာတဲ့ သင်္ဘောတွေ ပြန်ပြီးမှ ဆင်းတယ်။ စုန်ဆင်းပြီးမှ သွားကြိုဖို့၊ သွားကယ်ဖို့ ၄ စီးရှိပါတယ်။ အဲဒါကို လမ်းမှာ တိုက်ခိုက်ပြီးမှ မီးလောင်တာတွေ ရေထဲမှာ မြုပ်သွားတာတွေ ဆိုတော့ ၄ စီးက ပျောက်သွားတာ ဖြစ်ပါတယ်” ဟု ဆက် ပြောသည်။ မိုးတွင်းကာလတွင် အခြားထောက်ပံ့ပို့ဆောင်ရေး လမ်းကြောင်းများကို အသုံးပြုရန် ခက်ခဲသောကြောင့် စစ်တပ် အနေဖြင့် ရေလမ်းကြောင်းတစ်ခုတည်းကိုသာ အဓိကထား၍ အင်အားဖြည့်တင်းနေခြင်း ဖြစ်သည်။ ထို့ပြင် ဗန်းမော်မြို့ကို အလုံးစုံ ပြန်လည်ထိန်းချုပ်နိုင်ရန်အတွက် စစ်အင်အားဖြည့်တင်းမှုများနှင့်အတူ လေကြောင်းမှ ဗုံးကြဲတိုက်ခိုက်ခြင်း၊ မြေပြင်ထိုးစစ်ဆင်ခြင်းများကို ပြင်းပြင်းထန်ထန် ပြုလုပ်လျက်ရှိသည်။ လက်ရှိတွင် ကချင်ပြည် အတွင်းရှိ ဗန်းမော်၊ ရွှေကူနှင့် ဝိုင်းမော်မြို့နယ်တို့၌ စစ်ရေးတင်းမာမှုများ ဆက်လက်ရှိ နေသော်လည်း ယခင်က တိုက်ပွဲပြင်းထန်ခဲ့သည့် ဖားကန့်၊ ပူတာအိုနှင့် ခေါင်လန်ဖူး စသည့် ဒေသများတွင်မူ တိုက်ပွဲများ ငြိမ်သက်နေကြောင်း KIO/KIA က ပြောသည်။ #ကချင်တိုက်ပွဲ #ရွှေကူ #ဗန်းမော်

စစ်သင်္ဘောအချို့ ဖျက်ဆီးခံရပြီးနောက် ဗန်းမော်နှင့် ရွှေကူတွင် တိုက်ပွဲများ ပိုမိုပြင်းထန်လာ

စစ်သင်္ဘောအချို့ ဖျက်ဆီးခံရပြီးနောက် ဗန်းမော်နှင့် ရွှေကူတွင် တိုက်ပွဲများ ပိုမိုပြင်းထန်လာ သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁၁ ရက်…

  • September 11, 2026
ငြိမ်းချမ်းရေး ဆွေးနွေးမှုများတွင် SCEF မူအတိုင်းသာ သွားမည်ဟုဆို သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၁ ရက်။ ဖက်ဒရယ် ဒီမိုကရေစီ ပြည်ထောင်စု ပေါ်ထွန်းရေး ဦးဆောင်ကောင်စီ (SCEF) တွင် ပါဝင်သည့် တိုင်းရင်းသား လက်နက်ကိုင် တော်လှန်ရေး အဖွဲ့အစည်းများသည် စစ်အုပ်စု၏ ငြိမ်းချမ်းရေး တွေ့ဆုံဆွေးနွေးရန် ချည်းကပ်မှု များကို လက်မခံဘဲ SCEF ၏ နိုင်ငံရေး ဦးတည်ချက်အတိုင်း ခိုင်ခိုင်မာမာ ဆက်လက် ရပ်တည်သွားမည် ဖြစ်ကြောင်း ပြောသည်။ SCEF အဖွဲ့ဝင်ဖြစ်သည့် ချင်းအမျိုးသားတပ်ဦး (CNF/CNA) ကို စစ်အုပ်စုက ကြားလူတစ်ဆင့် ငြိမ်းချမ်းရေး ဆွေးနွေးရန် ချည်းကပ်မှုများ ရှိခဲ့သော်လည်း အဆိုပါ ကမ်းလှမ်းမှုကို လက်မခံဘဲ ပယ်ချခဲ့ကြောင်း ဆိုသည်။ ချင်းပြည် ချင်းလဲန်းကောင်စီ/ ချင်းပြည်အစိုးရ နိုင်ငံခြားရေးဝန်ကြီးဌာန ဝန်ကြီး ဒေါက်တာ ရွှေခါးရ် က “အိုင်လ် ဇောအထိ လူလွတ်ပြီးတော့ Third Party သက်ဆိုင်ရာကနေတစ်ဆင့် ချည်းကပ်တာမျိုးတော့ ရှိတယ်။ အဲဒီ အချိန်တုန်းကတော့ ကံကောင်းစွာနဲ့ပဲ ဒီ CB နဲ့ CC နဲ့ အစည်းအဝေးလည်း ရှိနေတော့ အဲဒီမှာကတော့ ကျနော် တို့ ထုတ်ပြန်တာ တစ်ခုရှိတယ်။ ကျနော်တို့ CB နဲ့ CC ပူးပေါင်းဆောင်ရွက်မှု အရင်လုပ်ပြီးတော့မှပဲ ဒီကိစ္စတွေ ကိုတော့ ကျနော်တို့ Respond လုပ်ပါမယ်ဆိုပြီးတော့ သူတို့ တုန့်ပြန်တာ ကျနော် တို့ ကြားသိရတယ်” ဟု ပြောသည်။ ၎င်းက ဆက်လက်၍ “အခု မင်းအောင်လှိုင် ငြိမ်းချမ်းရေး ခေါ်နေတဲ့ဟာက ငြိမ်းချမ်းရေးမှ မဟုတ်တာ တကယ့် ငြိမ်းချမ်းရေး ခေါ်ချင်ရင်တော့ တကယ့် ငြိမ်းချမ်းရေးယူချင်ရင်တော့ ကျယ်ကျယ်ပြန့်ပြန့်နဲ့ Inclusive နဲ့ ခေါ်သင့်တာ EAOs ပဲ ခေါ်ပြီးတော့ ကျန်တဲ့ လူကို မခေါ်ဘူးဆိုတဲ့ ပုံစံမျိုးက မဖြစ်သင့်ဘူးလေ။ ဆိုတော့ အဲဒါကြောင့် SCEF ရဲ့ option ကိုပဲ ကျနော်တို့ဖက်ကတော့ ခိုင်ခိုင်မာမာ ရပ်တည်ပေးတယ်ဆိုတဲ့ ဟာကို ကျနော်တို့ ပြောချင်ပါတယ်” ဟု ဆက် ပြောသည်။ အဆိုပါ ပြောဆိုချက်ကို ဩဂုတ်လ ၂၈ ရက်နေ့က ပြုလုပ်ခဲ့သည့် ‘ချင်းပြည်သူတို့၏ ကိုယ်ပိုင်ပြဋ္ဌာန်းခွင့်ကို ကျင့်သုံးပြီး နှစ်နှစ်ခွဲကာလအတွင်း အုပ်ချုပ်ရေးဖော်ဆောင်မှု အစီရင်ခံစာ’ သတင်းရှင်းလင်းပွဲတွင် ဒေါက်တာ ရွှေခါးရ် က ထည့်သွင်း ပြောဆိုခဲ့ခြင်းဖြစ်သည်။ ထို့ပြင် SCEF အဖွဲ့ဝင် ကချင်လွတ်လပ်ရေးအဖွဲ့ (KIO/KIA) သို့လည်း စစ်အုပ်စုက စက်တင်ဘာလ ၄ ရက်နေ့ တွင် ငြိမ်းချမ်းရေး ဆွေးနွေးရန် ဖိတ်ကြားခဲ့သည်ဟူသော သတင်းများနှင့် ပတ်သက်၍ KIO/KIA သတင်းနှင့် ပြန်ကြားရေးတာဝန်ခံ ဗိုလ်မှူးကြီး နော်ဘူ က “ကျနော်ဖြေ ဖူးပါတယ်။ ကျနော်ခင်ဗျားကိုလည်း ဖြေဖူးပါ တယ်။ အခုထက်ထိလည်း ကျနော် မကြားသိရပါဘူး” ဟု ပြောသည်။ စစ်အုပ်စု၏ သွေးခွဲဆွေးနွေးမည့် နည်းဗျူဟာအတိုင်း တစ်ဖွဲ့ချင်းစီ တွေ့ဆုံဆွေးနွေးရန် ကမ်းလှမ်းလာပါက လက်ခံမည် မဟုတ်သော်လည်း ပဋိပက္ခတွင် ပါဝင်သက်ဆိုင်သူ အားလုံးပါဝင်သည့် တကယ့် နိုင်ငံရေးဆွေးနွေးပွဲ ဖြစ်ပါက ပူးပေါင်းပါဝင်ရန် အသင့်ရှိကြောင်း ဗိုလ်မှူးကြီးနော်ဘူ က သတင်းနှင့် မီဒီယာ ကွန်ရက် (NMG) သို့ အတည်ပြုခဲ့ဖူးသည်။ ဗိုလ်မှူးကြီးနော်ဘူက “ကျနော်တို့ KIO ရဲ့ ဆွေးနွေးရေးနဲ့ ပတ်သက်လို့ တကယ့် မြန်မာနိုင်ငံရဲ့ နိုင်ငံရေး အခြေ အနေတွေကို ပြောင်းလဲနိုင်တဲ့ ဆွေးနွေးပွဲ ဖြစ်မယ်ဆိုလို့ရှိရင်တော့ ကျနော်တို့ ပါဝင်ဖို့ အမြဲတမ်း အဆင်သင့် ဖြစ်ပါတယ်။ အားလုံးပါဝင်ပြီးမှ မြန်မာနိုင်ငံတစ်ခုလုံးရဲ့ နိုင်ငံရေး အခြေအနေ ရှင်းလင်းတဲ့ နိုင်ငံရေး ဆွေးနွေး ပွဲဆိုလို့ရှိရင် တော့ ကျနော်တို့ လက်ခံတယ်လို့ ပြောလိုတာပါ” ဟု ပြောသည်။ အလားတူ ကရင်နီအမျိုးသား တိုးတက်ရေးပါတီ (KNPP) အနေဖြင့်လည်း စစ်တပ်ကို နိုင်ငံရေးတွင် ပါဝင်ခွင့်ပြု ထားသည့် ၂၀၀၈ ဖွဲ့စည်းပုံအခြေခံဥပဒေနှင့် NCA ကို အခြေခံသည့် မည်သည့် တွေ့ဆုံဆွေးနွေးမှုကိုမျှ လက်ခံ မည်မဟုတ်ကြောင်း ထုတ်ဖော်ပြောဆိုထားပြီး ကရင်အမျိုးသား အစည်းအရုံး (KNU) ကလည်း စစ်အုပ်စု၏ ငြိမ်းချမ်းရေး ဖိတ်ခေါ်မှုများကို လက်ခံမည်မဟုတ်ကြောင်း တရားဝင် ထုတ်ပြန်ထားသည်။ ပြီးခဲ့သည့် မတ်လ ၃၀ ရက်နေ့တွင် NUG၊ CRPH နှင့် တော်လှန်ရေးအဖွဲ့အစည်းများဖြစ်ကြသည့် KIO/KIA၊ KNU၊ CNF/CNA၊ KNPP/KA တို့ ပူးပေါင်း၍ စစ်ရေး၊ နိုင်ငံရေး၊ ဖက်ဒရယ်ရေးနှင့် ဖွဲ့စည်းပုံဆိုင်ရာ ကိစ္စရပ်များ ကို ဦးဆောင်လမ်းညွှန်ရန် SCEF ကို ဖွဲ့စည်းခဲ့ခြင်း ဖြစ်သည်။ SCEF ၏ ဦးတည်ချက် ၆ ရပ်တွင် စစ်အာဏာသိမ်းမှုကို ဖယ်ရှားရန်၊ စစ်တပ်၏ နိုင်ငံရေးတွင် ပါဝင်နေမှုကို အပြီးတိုင် အဆုံးသတ်ရန်၊ လက်နက်ကိုင်တပ်များ အားလုံးကို ဒီမိုကရေစီနည်းကျ ရွေးကောက်ခံ အရပ်သား အစိုးရ အုပ်ချုပ်မှုအောက်တွင် ထားရှိရန်နှင့် ၂၀၀၈ ဖွဲ့စည်းပုံအခြေခံဥပဒေကို အပြီးတိုင် ဖျက်သိမ်းရန် စသည့် အချက်များ ပါဝင်သည်။ ထို့ပြင် ဖက်ဒရယ် ဒီမိုကရေစီ ဖွဲ့စည်းပုံအခြေခံဥပဒေသစ် ရေးဆွဲကာ ပြည်ထောင်စုသစ် တည်ဆောက်ရေးနှင့် အသွင်ကူးပြောင်းရေးကာလ တရားမျှတမှု ဖော်ဆောင်ရေး လုပ်ငန်းစဉ်များကိုလည်း ထည့်သွင်း ပြဋ္ဌာန်းထား သည်။ ဓါတ်ပုံ - SCEF (ပုံဟောင်း) #SCEF #KIA #KNU #KNPP #CNF

ငြိမ်းချမ်းရေး ဆွေးနွေးမှုများတွင် SCEF မူအတိုင်းသာ သွားမည်ဟုဆို

ငြိမ်းချမ်းရေး ဆွေးနွေးမှုများတွင် SCEF မူအတိုင်းသာ သွားမည်ဟုဆို သတင်းနှင့်မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁၁ ရက်။ ဖက်ဒရယ် ဒီမိုကရေစီ ပြည်…

  • September 11, 2026
မောတောင်နယ်စပ်ဂိတ် ပြန်ဖွင့်ပါကလည်း လုံခြုံရေးပြဿနာများအတွက် ကုန်သည်များ စိုးရိမ် သတင်းနှင့် မီဒီယာ ကွန်ရက်။ ၂၀၂၆ ခုနှစ် စက်တင်ဘာလ ၁၀ ရက်။ မြန်မာ-ထိုင်း နယ်စပ်ရှိ မောတောင်နယ်စပ်ဂိတ် ပြန်လည်ဖွင့်လှစ်နိုင်ရေးအတွက် မြိတ်ခရိုင် အုပ်ချုပ်ရေးမှူးနှင့် ထိုင်းနိုင်ငံ ပရာကျွတ်ခီရီခန်ခရိုင် ခရိုင်ဝန်တို့ စက်တင်ဘာလ ၉ ရက် နံနက်ပိုင်းက မြိတ်မြို့ရှိ Grand Jade Hotel ၌ တွေ့ဆုံဆွေးနွေးခဲ့ကြကြောင်း စစ်အုပ်စုက ထုတ်ပြန်သည်။ အဆိုပါ တွေ့ဆုံမှုတွင် မြိတ်ခရိုင်နှင့် ပရာကျွတ်ခီရီခန်ခရိုင်အကြား ကုန်သွယ်ရေးကဏ္ဍ ဖွံ့ဖြိုးတိုးတက်ရေး အတွက် ရေထွက်ပစ္စည်းများ ကူးသန်းရောင်းဝယ်ရေး၊ လူသုံးကုန်ပစ္စည်း ကုန်သွယ်မှုဆိုင်ရာ ကိစ္စရပ်များနှင့် မောတောင်ဂိတ်အား အမြဲတမ်း နယ်စပ်ဂိတ်အဖြစ် အဆင့်မြှင့်တင် ဖွင့်လှစ်ရေးတို့ကို နှစ်ဘက် အပြန်အလှန် ဆွေးနွေးခဲ့ကြခြင်း ဖြစ်သည်။ သို့သော်လည်း မြိတ်-မောတောင် လမ်းကြောင်းတစ်လျှောက်တွင် တိုက်ပွဲများ မကြာခဏ ဖြစ်ပွားနေသဖြင့် ဂိတ်ပြန်ဖွင့်ပါကလည်း အခက်အခဲများစွာ ရှိလာနိုင်သည်ဟု မောတောင်မြို့ခံတစ်ဦးက ဆိုသည်။ “မြိတ် - မောတောင်လမ်းပိုင်းက အေးချမ်းနေတာလည်း မဟုတ်ဘူး။ လမ်းတစ်လျှောက်လုံးမှာ တိုက်ပွဲတွေက မကြာခဏလိုလို ဖြစ်နေတာ။ ဖွင့်ဖြစ်တယ်ဆိုရင်လည်း လမ်းတွေမှာ ဂိတ်တွေ အထပ်ထပ်ချရမယ်၊ အဲဒီဂိတ် တွေက ငွေကြေးကောက်ကြဦးမှာ သေချာတယ်။ ဂိတ်ကြေး ပေးရတာနဲ့တင် ကုန်သည်တွေ အမြတ်ကျန်မှာ မဟုတ်ဘူး” ဟု ပြောသည်။ မောတောင်နယ်စပ်ဂိတ်ကို မကြာခဏဆိုသလို ပြန်ဖွင့်မည်ဟု ပြောဆိုကြသော်လည်း လက်ရှိအချိန်အထိ ယာယီ ကုန်သွယ်ရေးအဖြစ် ခဏသာ ဖွင့်လှစ်နိုင်ခဲ့ပြီး တရားဝင် ပုံမှန်ဖွင့်လှစ်နိုင်ခြင်း မရှိသေးပေ။ မောတောင် နယ်စပ်မြို့ကို လွန်ခဲ့သည့် ၂၀၂၆ ခုနှစ် မေလအတွင်းက စစ်အုပ်စုတပ်က ပြန်လည်ထိန်းချုပ်ခဲ့ခြင်း ဖြစ်သည်။ မောတောင်နယ်စပ်ဂိတ်သည် မြိတ်မြို့ဘက်မှ ရေထွက်ကုန်များနှင့် တနင်္သာရီမြို့နယ်မှ ခြံထွက်သီးနှံ များကို ထိုင်းနိုင်ငံ ပရာကျွတ်မြို့ဘက်သို့ တင်ပို့ရာတွင် အနီးဆုံး လမ်းကြောင်းဖြစ်သော်လည်း စစ်အာဏာသိမ်းပြီး နောက်ပိုင်း ကုန်သွယ်မှု သိသိသာသာ လော့နည်းသွားခဲ့သည်။ ထိုင်း-မြန်မာ နယ်စပ်တစ်လျှောက်တွင် မောတောင်အပြင် မြဝတီ၊ တာချီလိတ်၊ ကော့သောင်း၊ ထီးခီး၊ မယ်စဲ့ စသည့် ကုန်သွယ်ရေးစခန်းများ ရှိသော်လည်း တိုက်ပွဲများကြောင့် လမ်းပိုင်း ပိတ်ဆို့မှုများ ရှိနေသည်။ အဓိက နယ်စပ်ကုန်သွယ်ရေးစခန်း ဖြစ်သည့် မြဝတီ ပုံမှန်မဖွင့်နိုင်သည့် အခြေအနေတွင် တာချီလိတ်လမ်းနှင့် ရနောင်း-ကော့သောင်း ပင်လယ်ရေကြောင်းလမ်းများကို အစားထိုး အသုံးပြုနေရသည်ဟု ဘုရင့်နောင် အခြေ စိုက် ရေထွက်ကုန်ပစ္စည်း ရောင်းဝယ်ရေး လုပ်ငန်းရှင်တစ်ဦးက ရှင်းပြသည်။ #မောတောင်နယ်စပ်

မောတောင်နယ်စပ်ဂိတ် ပြန်ဖွင့်ပါကလည်း လုံခြုံရေးပြဿနာများအတွက် ကုန်သည်များ စိုးရိမ်

မောတောင်နယ်စပ်ဂိတ် ပြန်ဖွင့်ပါကလည်း လုံခြုံရေးပြဿနာများအတွက် ကုန်သည်များ စိုးရိမ် သတင်းနှင့် မီဒီယာ ကွန်ရက်။ ၂၀၂၆ ခုနှစ် စက်တင်ဘာလ ၁၀ ရက်။ မြန်မ…

  • September 11, 2026
စစ်တွေ-ပုဏ္ဏားကျွန်း တိုက်ပွဲနောက်ပိုင်း စစ်အုပ်စု လေကြောင်းတိုက်ခိုက်မှုများ ပြုလုပ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၁ ရက်။ ရခိုင်ပြည်၊ စစ်တွေ-ပုဏ္ဏားကျွန်း အစပ်တိုက်ပွဲများတွင် အထိနာ၍ ပြန်ဆုတ်နေရသည့် စစ်အုပ်စုတပ်သည် တိုက်ပွဲဖြစ်ပွားရာနှင့် ၁၀ မိုင်ကျော် ကွာဝေးသည့် ပုဏ္ဏားကျွန်းမြို့နယ် ကျောက်ဆိပ်ကျေးရွာရှိ စစ်ဘေးရှောင် စခန်းကို တိုက်ခိုက်ခဲ့ရာ အရပ်သားထိခိုက်သေဆုံးမှုများ ရှိခဲ့သည်။ စက်တင်ဘာလ ၁၁ ရက်နေ့၊ နံနက်ပိုင်း၌ စစ်အုပ်စုတပ်က ကျောက်ဆိပ်ကျေးရွာရှိ စစ်ဘေးရှောင်စခန်းကို FPV ဒရုန်းဖြင့် ဗုံးကြဲခဲ့ရာ အသက် ၆၃ နှစ်အရွယ် စစ်ရှောင်အမျိုးသမီးတစ်ဦး သေဆုံးသွားခဲ့သည်။ စက်တင်ဘာလ ၄ ရက်ကတည်းက စစ်တွေမြို့ဘက်မှ ပုဏ္ဏားကျွန်းဘက်သို့ ထိုးစစ်ဆင်လာသည့် စစ်အုပ်စုတပ် သည် အာရက္ခတပ်တော် (AA) ၏ ခုခံမှုကြောင့် အကျအဆုံးများကာ ပြန်လည်ဆုတ်ခွာနေရချိန်တွင် အပြစ်မဲ့ အရပ်သားပြည်သူများရှိရာ ဒေသများကို အခုလို ပစ်မှတ်ထား တိုက်ခိုက်လာခြင်းဖြစ်သည်။ ကျောက်ဆိပ်ရွာ ဒေသခံအမျိုးသားတစ်ဦးက “သူတို့ မြေပြင်တိုက်ပွဲမှာ အထိနာပြီး ပြန်ဆုတ်သွားရတဲ့ အချိန် ကျမှ စစ်ရေးနဲ့ ဘာမှမဆိုင်တဲ့ စစ်ရှောင်တွေရှိတဲ့ ရွာကို ဒရုန်းနဲ့ လာကြဲတာပါ။ တိုက်ပွဲဖြစ်တဲ့နေရာနဲ့လည်း ၁၀ မိုင်ကျော်ဝေးတယ်။ ဒါဟာ အပြစ်မဲ့ပြည်သူတွေကို ဗြောင်ကျကျ ပစ်မှတ်ထား တိုက်ခိုက်တာ” ဟု ပြောသည်။ ထို့ပြင် စက်တင်ဘာလ ၁၀ ရက် ည ၉ နာရီ ၄၀ မိနစ်ခန့်ကလည်း ဂွမြို့နယ်၊ ကျိန္တလီမြို့ကို စစ်အုပ်စုတပ်က ဂျက် ဖိုက်တာ တိုက်လေယာဉ်ဖြင့် ဗုံးကြဲတိုက်ခိုက်ခဲ့သဖြင့် ဒေသခံ အရပ်သားများ ထိခိုက်သေဆုံးမှုများ ရှိနေသည်။ သို့သော် ဒေသအတွင်း ဖုန်းနှင့် အင်တာနက်လိုင်းများ ပြတ်တောက်နေသဖြင့် အသေးစိတ် ထိခိုက်ပျက်စီးမှု စာရင်းကို အတည်ပြုနိုင်ရန် အခက်အခဲ ဖြစ်ပေါ်နေသည်။ စစ်အုပ်စုတပ်သည် စက်တင်ဘာလ ၇ ရက်နေ့ကလည်း သံတွဲမြို့နှင့် ကျောက်ကြီးကျေးရွာ စာသင်ကျောင်းအနီး ကို ဂျက်ဖိုက်တာဖြင့် နှစ်ကြိမ်တိုင်တိုင် ဗုံးကြဲခဲ့သဖြင့် အမျိုးသမီးတစ်ဦး သေဆုံးကာ ၃ ဦး ဒဏ်ရာရရှိပြီး နေအိမ်အဆောက်အအုံများ ပျက်စီးခဲ့ရကြောင်း AA ၏ ထုတ်ပြန်ချက်တွင် ဖော်ပြထားသည်။ စစ်ရေးသတင်းရင်းမြစ်တစ်ခုက “စစ်အုပ်စုက ရခိုင်တောင်ပိုင်းနဲ့ မြောက်ပိုင်းမှာ စစ်ကြောင်းထိုးဖို့ ကြိုးစားပေ မဲ့ မြေပြင်မှာ လုံးဝ မတိုးနိုင်ဘဲ အထိနာနေတာပါ။ ဒါကြောင့် မြို့နယ်အသီးသီး က စာသင်ကျောင်းတွေ၊ စစ်ရှောင်စခန်းတွေနဲ့ လူနေကျေးရွာတွေကို လေကြောင်း၊ ဒရုန်းတွေနဲ့ တောက်လျှောက် ပစ်မှတ်ထား တိုက် ခိုက်ပြီး ထိတ်လန့်အောင် လုပ်နေတာ ဖြစ်တယ်” ဟု ပြောသည်။ လက်ရှိတွင် ရခိုင်ပြည်အတွင်း ဂွ၊ သံတွဲ၊ ပုဏ္ဏားကျွန်းနှင့် စစ်တွေ အစပ်နယ်မြေများ၌ စစ်အုပ်စု၏ လေကြောင်း တိုက်ခိုက်မှုနှင့် လက်နက်ကြီး ပစ်ခတ်မှုများကြောင့် အရပ်သား ထိခိုက်သေဆုံးမှုများ တစ်နေ့ထက်တစ်နေ့ မြင့်တက်လာနေသည်ဟု ဒေသခံများနှင့် ဒေသတွင်းရှိ လူမှုကယ်ဆယ်ရေးအဖွဲ့ဝင်များက ပြောသည်။ #စစ်တွေ #ပုဏ္ဏားကျွန်း

စစ်တွေ-ပုဏ္ဏားကျွန်း တိုက်ပွဲနောက်ပိုင်း စစ်အုပ်စု လေကြောင်းတိုက်ခိုက်မှုများ ပြုလုပ်

စစ်တွေ-ပုဏ္ဏားကျွန်း တိုက်ပွဲနောက်ပိုင်း စစ်အုပ်စု လေကြောင်းတိုက်ခိုက်မှုများ ပြုလုပ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁၁ ရက်။ ရ…

  • September 11, 2026
တံတားဦးလေဆိပ် တိုက်ခိုက်ခံရပြီးနောက် တိုက်ပွဲများပြင်းထန်ကာ လေကြောင်းလိုင်းများ ရပ်ဆိုင်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၁ ရက်။ မန္တလေးမြို့၊ တံတားဦး လေတပ်စခန်းအတွင်း ရပ်နားထားသည့် စစ်အုပ်စု၏ တိုက်လေယာဉ်များကို တော် လှန်ရေးတပ်ဖွဲ့များက Suicide ဒရုန်းများဖြင့် ဝင်ရောက်တိုက်ခိုက်ခဲ့ပြီးနောက် အဆိုပါ ဒေသဝန်းကျင်တွင် စစ် အုပ်စုတပ်၏ စစ်ကြောင်းထိုးမှုများ ရှိလာသကဲ့သို့ မန္တလေး အပြည်ပြည်ဆိုင်ရာ လေဆိပ်ကိုလည်း ယာယီ ပိတ် သိမ်းလိုက်သည်။ စက်တင်ဘာလ ၁၀ ရက်နေ့တွင် ပြည်သူ့ကာကွယ်ရေးတပ်မတော် (PDF) အမည်ဖြင့် တော်လှန်ရေးတပ်ဖွဲ့များ၏ FPV Suicide ဒရုန်းများဖြင့် တိုက်ခိုက်မှုကြောင့် တိုက်လေယာဉ် ၄ စင်း ထိခိုက်ခဲ့ပြီး ၂ စင်း ပေါက်ကွဲသွားသည် ဟု စစ်ရေးသတင်းရင်းမြစ်များက ဆိုသည်။ ယခုဖြစ်စဉ်သည် မြန်မာနိုင်ငံတွင် ပထမဆုံးအကြိမ် လေတပ်စခန်းအတွင်း ရပ်ထားသည့် တိုက်လေယာဉ်များကို ဒရုန်းဖြင့် အောင်မြင်စွာ တိုက်ခိုက်နိုင်ခဲ့သည့် စစ်ဆင်ရေးလည်း ဖြစ်သည်။ အဆိုပါ တိုက်ခိုက်မှုဖြစ်ပွားပြီးနောက် စစ်အုပ်စုတပ်က တံတားဦးနှင့် နွားထိုးကြီးမြို့နယ်အတွင်းရှိ ကျေးရွာများ သို့ စစ်ကြောင်းထိုးလာသဖြင့် မြို့သာလမ်းပေါ်ရှိ သစ်တောဖျားနှင့် နွားခြံကြီးကျေးရွာတို့တွင် စစ်အုပ်စုတပ်နှင့် တော်လှန်ရေးတပ်ဖွဲ့များအကြား တိုက်ပွဲများ ပြင်းထန်နေသည်။ ဒေသခံ စစ်ရေးသတင်းရင်းမြစ်တစ်ဦးက “လေတပ်ထဲက တိုက်လေယာဉ်တွေ ဒရုန်းနဲ့ တိုက်ခိုက်ခံရပြီးတဲ့ နောက် စစ်အုပ်စုက လေဆိပ်ပတ်ဝန်းကျင်နဲ့ အနီးအနားရွာတွေကို စစ်ကြောင်းတွေ ချက်ချင်းဖြန့်ပြီး ထိုးလာ တာပါ။ မြို့သာလမ်းပေါ်မှာတော့ နှစ်ဘက် ထိတွေ့တိုက်ပွဲတွေ အပြင်းအထန် ဖြစ်နေတယ်” ဟု ပြောသည်။ အခြားတစ်ဖက်တွင်လည်း လုံခြုံရေးအရ မန္တလေး အပြည်ပြည်ဆိုင်ရာ လေဆိပ်ကို စက်တင်ဘာ ၁၂ ရက်အထိ ဝင်ထွက်ခွင့် ပိတ်ထားသကဲ့သို့ MAI လေကြောင်းလိုင်းအပါအဝင် ခရီးသည်တင် လေကြောင်းလိုင်းများသည် မန္တလေးမှ ထွက်ခွာမည့် ပြည်တွင်း/ပြည်ပ ခရီးစဉ်အားလုံးကို ယာယီရပ်ဆိုင်းလိုက်သည်။ မန္တလေးမြို့ရှိ ခရီးသွားအေဂျင်စီ တာဝန်ရှိသူတစ်ဦးက “လေဆိပ်ပိတ်လိုက်ရတော့ စက်တင်ဘာ ၁၀ ရက်နေ့ ကတည်းက ပျံသန်းမယ့် ခရီးစဉ်တွေ အကုန်ဖျက်လိုက်ရတယ်။ အရေးကြီး စီးပွားရေးနဲ့ ကျန်းမာရေး ခရီးစဉ် သွားမယ့်သူတွေ တော်တော်လေး အခက်တွေ့ကြရတယ်။ ပြင်ဦးလွင် အနီးစခန်းဘက် ပြောင်းပြေးဆွဲဖို့နဲ့ လက်မှတ်ခ ပြန်အမ်းပေးဖို့တော့ လေကြောင်းလိုင်းတွေက စီစဉ်ပေးနေပါတယ်” ဟု ပြောသည်။ လေကြောင်းလိုင်းများက မန္တလေးမှ ပျံသန်းမည့် ပြည်တွင်းခရီးစဉ်များကို ပြင်ဦးလွင် အနီးစခန်း လေဆိပ်သို့ ပြောင်းလဲပြေးဆွဲပေးမည် ဖြစ်ပြီး ခရီးသည်များအနေဖြင့် လက်မှတ်ခ အပြည့်အဝ ပြန်လည်ထုတ်ယူခြင်း သို့မဟုတ် ခရီးစဉ် အခမဲ့ ပြောင်းလဲခြင်းများ ပြုလုပ်နိုင်ကြောင်း ခရီးသွားလုပ်ငန်း အေဂျင်စီအချို့က ထုတ်ပြန် ထားသည်။ လေဆိပ်နှင့် နီးစပ်သည့် ဒေသခံတစ်ဦးကလည်း “လေဆိပ်ကို ပိတ်လိုက်တာဟာ ခရီးသည်တွေ ဆိုက်ရောက်လို့ ထိခိုက်တာမျိုးမဟုတ်ဘဲ လုံခြုံရေးစိုးရိမ်လို့ ကြိုတင်ပိတ်လိုက်တာပါ။ လက်ရှိမှာတော့ လေဆိပ်တစ်ခုလုံးကို စစ်အုပ်စုက လုံခြုံရေး တင်းကျပ်ထားတယ်” ဟု ပြောသည်။ တံတားဦး အပြည်ပြည်ဆိုင်ရာ လေဆိပ်သည် အာဏာသိမ်းပြီးနောက်ပိုင်း စစ်အုပ်စု၏ ဂျက်ဖိုက်တာများနှင့် Y-12 လေယာဉ်များ အဓိက အသုံးပြုနေရာစခန်းဖြစ်ပြီး အဆိုပါ တိုက်ခိုက်မှုကြောင့် လေကြောင်းလိုင်းများ ဖျက် ဆီးခဲ့ရသဖြင့် ခရီးသည်များ လုပ်ငန်းပိုင်းဆိုင်ရာ ထိခိုက်နစ်နာမှုများ ရှိခဲ့သည်။ စစ်အုပ်စုဘက်ကမူ ဒရုန်းများကို လေကြောင်းရန် ကာကွယ်ရေးစနစ်ဖြင့် ဟန့်တားနိုင်ခဲ့သဖြင့် ထိခိုက်မှုမရှိဟု ငြင်းဆိုထားသော်လည်း ထွက်ပေါ်လာသည့် ရုပ်သံမှတ်တမ်းများတွင် လေယာဉ်ရုံအတွင်းရှိ တိုက်လေယာဉ်ကို ဒရုန်းဖြင့် တိုက်ခိုက်ခဲ့သည်ကို တွေ့ရသည်။ #တံတားဦးလေဆိပ်

တံတားဦးလေဆိပ် တိုက်ခိုက်ခံရပြီးနောက် တိုက်ပွဲများပြင်းထန်ကာ လေကြောင်းလိုင်းများ ရပ်ဆိုင်း

တံတားဦးလေဆိပ် တိုက်ခိုက်ခံရပြီးနောက် တိုက်ပွဲများပြင်းထန်ကာ လေကြောင်းလိုင်းများ ရပ်ဆိုင်း သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁၁ ရက်။ …

  • September 11, 2026
လေးမျက်နှာ၌ ငဝန်တာဘောင် ပြန်ကျိုးသဖြင့် မြို့ပေါ်သို့ ရေများ ပြန်လည်ဝင်ရောက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၀ ရက်။ ဧရာဝတီတိုင်း၊ လေးမျက်နှာမြို့နယ်တွင် ငဝန်တာကျိုးပေါက်မှုကို တစ်လကျော်ကြာ ပြုပြင်ပြီးနောက် ရေဝင်မှု ထိန်းချုပ်နိုင်ပြီဟု စစ်အုပ်စုက ထုတ်ပြန်ကြေညာခဲ့သော်လည်း ကြေညာပြီး နောက်တစ်ရက်၌ပင် တာဘောင် ထပ်မံကျိုးပေါက်ကာ မြို့ပေါ်ရပ်ကွက်များအတွင်းသို့ ရေများ ပြန်လည်ဝင်ရောက်နေကြောင်း ဒေသခံများနှင့် ကူညီကယ်ဆယ်ရေး အဖွဲ့များက ပြောသည်။ ပြီးခဲ့သည့် ဇူလိုင်လ ၃၀ ရက်ကတည်းက စတင်ကျိုးပေါက်ခဲ့သည့် ငဝန်တာဘောင် ရေဝင်လမ်းကြောင်းကို ပြန်လည်ပိတ်ဆို့နိုင်ပြီဟု စစ်အုပ်စု၏ ဧရာဝတီတိုင်း အစိုးရအဖွဲ့နှင့် စစ်အုပ်စုက စက်တင်ဘာလ ၈ ရက်နေ့တွင် ကြေညာခဲ့ သည်။ သို့သော်လည်း စက်တင်ဘာလ ၉ ရက်နေ့၊ ည ၉ နာရီအချိန်ခန့်တွင် ပြုပြင်ထားသည့် အတွင်းပိုင်း သံတိုင်များ မြစ်ရေစီးအားကြောင့် ကွေးဝင်ပျက်စီးကာ ပေ ၂၀ အကျယ်ခန့် ထပ်မံကျိုးပေါက်ခဲ့ခြင်း ဖြစ်သည်။ တာဘောင် ပြန်ကျိုးသည့် ဖြစ်စဉ်နှင့် ပတ်သက်၍ သတင်းရင်းမြစ်တစ်ဦးက “တာဘောင် ပိတ်တာပြီးလို့ ပြုပြင် တဲ့ အဖွဲ့တွေတောင် ဆင်းမသွားရသေးဘူး၊ မြစ်ရေစီးအားက ပြင်းလွန်းတော့ ရေတားဖို့ စိုက်ထားတဲ့ သံဘောင် တွေ ကွေးထွက်သွားပြီး ပေ ၂၀ လောက် အပေါက်ကြီး ပြန်ဖြစ်သွားတာ” ဟု ပြောသည်။ တာဘောင် ပြန်လည်ကျိုးပေါက်သွားသည့်အတွက် ရေဝင်ပေါက်များ ပိုမိုကျယ်ပြန့်လာပြီး ရေအနက် တစ်ပေ ကျော်အထိ ချက်ချင်း တက်လာကာ ပြီးခဲ့သည့်ရက်ပိုင်းက ရေပြန်ကျသွားသည့် အိုင်သပြုလမ်းဆုံ လမ်းမကြီး အထိ ရေများ ပြန်လည်ကျော်လွန် ဝင်ရောက်လာနေသည်။ ထိုသို့ ရေများ ထပ်မံဝင်ရောက်လာမှုကြောင့် ရေကျချိန်၌ မိမိတို့နေအိမ်များသို့ ပြန်လည်နေထိုင်ကြသည့် အနိမ့် ပိုင်း ရပ်ကွက်သူ ရပ်ကွက်သားများအနေဖြင့် စက်တင်ဘာ ၉ ရက်နေ့ ညပိုင်းမှစ၍ ဘေးလွတ်ရာသို့ အရေးပေါ် ပြန်လည်ပြောင်းရွှေ့နေကြရသည်။ အမည်မဖော်လိုသည့် ကယ်ဆယ်ရေးအဖွဲ့ဝင်တစ်ဦးက “တာဘောင်ကို အပြီးထိန်းချုပ်နိုင်ပြီလို့ ကြေညာတာ ရယ်၊ လက်တွေ့မှာလည်း ရေတားနိုင်တာကို မြင်ရတော့ လူတွေက ရေကျတာနဲ့ အိမ်ပြန်သန့်ရှင်းရေးလုပ် အိမ်ပြန်နေကြမယ်ပေါ့ အဲ့လိုနဲ့ ပြန်ကြတာ။ အခုကျတော့ ရေက ရုတ်တရက် ပြန်တက်လာတော့ ဘာမှ မပြင် ဆင်ရသေးဘဲ ထပ်ပြောင်းရတာပေါ့” ဟု ပြောသည်။ လက်ရှိတွင် ရေဝင်စီးအား တဖြည်းဖြည်း သန်မာလာနေပြီး ရေဘေးသင့်ပြည်သူများကို ကူညီပေးနိုင်ရန် လူမှုကူညီရေး အသင်းအဖွဲ့အချို့က ညတွင်းချင်း လာရောက်စောင့်ဆိုင်း ကူညီပေးနေကြရသည်။ မြေပြင်တွင် ကူညီကယ်ဆယ်ရေး ဆောင်ရွက်နေသူတစ်ဦးကလည်း “အဓိက ကတော့ ရေဝင်ပေါက် ထပ် မကျယ်သွားဖို့ပဲ၊ ရေပေါက်သာ ပိုကျယ်သွားရင် ရေတက်နှုန်းက အများကြီး ပိုမြန်လာမှာ။ လက်ရှိ ရေဝင်နေ တဲ့ အရှိန်နဲ့ ဆိုရင်တော့ အချိန်မီ ပြန်ပိတ်ဖို့က လုံးဝ မလွယ်သေးဘူး” ဟု ပြောသည်။ ငဝန်မြစ်ရေတားဆီးရန် အတွင်းတာဘောင်နှင့် အပြင်တာဘောင် နှစ်ထပ်ပိတ်ဆို့ရေး ဆောင်ရွက်နေခြင်းဖြစ်ပြီး တစ်လနှင့် ၄ ရက်ကျော်ကြာ ပြုပြင်ခဲ့ရသည့် အတွင်းတာဘောင်မှာ မကြာသေးမီကမှ ပြီးစီးခဲ့သော်လည်း ရေစီးအားကြောင့် ချက်ချင်းဆိုသလို ပြန်လည်ပျက်စီးသွားခဲ့ခြင်းဖြစ်သည်။ အဆိုပါ ငဝန်တာကျိုးပေါက်မှုကြောင့် လေးမျက်နှာမြို့နယ် အပါအဝင် ဧရာဝတီတိုင်းအတွင်းရှိ မြို့နယ် ၆ မြို့နယ် မှ ကျေးရွာပေါင်း ရာချီနှင့် ပြည်သူ သိန်းချီ ရေဘေးသင့်ခဲ့ရပြီး လက်ရှိ ထပ်မံကျိုးပေါက်သည့် အခြေအနေနှင့် ပတ်သက်၍ စစ်အုပ်စုဘက်က တစ်စုံတစ်ရာ သတင်းထုတ်ပြန်ထားခြင်း မရှိသေးပေ။ #ငဝန်တာကျိုး

လေးမျက်နှာ၌ ငဝန်တာဘောင် ပြန်ကျိုးသဖြင့် မြို့ပေါ်သို့ ရေများ ပြန်လည်ဝင်ရောက်

လေးမျက်နှာ၌ ငဝန်တာဘောင် ပြန်ကျိုးသဖြင့် မြို့ပေါ်သို့ ရေများ ပြန်လည်ဝင်ရောက် သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁၀ ရက်။ ဧရာဝတီတိုင…

  • September 10, 2026
ဗန်းမော်စစ်ကူ စစ်သင်္ဘောများ ဆက်တိုက် တိုက်ခိုက်ခံရပြီး မီးလောင်ပျက်စီးမှုများပြား သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ စက်တင်ဘာလ ၁၀ ရက်။ ကချင်ပြည်၊ ဗန်းမော် စစ်မြေပြင်သို့ စစ်အင်အားနှင့် ရိက္ခာ ဖြည့်တင်းရန် ကြိုးပမ်းလာသည့် စစ်အုပ်စု၏ ရေယာဉ်များကို ကချင်လွတ်လပ်ရေးတပ်မတော် (KIA) နှင့် ပူးပေါင်းတပ်များက ဆက်တိုက်ပစ်ခတ် တိုက်ခိုက် ခဲ့ရာ စစ်အုပ်စုတပ်၏ သင်္ဘောအများအပြား မီးလောင်ပျက်စီးခဲ့ကြောင်း KIO/KIA နှင့် မြေပြင် သတင်းရင်းမြစ် များ က ပြောသည်။ KIO/KIA ပြန်ကြားရေးတာဝန်ခံ ဗိုလ်မှူးကြီးနော်ဘူက “အခု ၂ သုတ်ရှိပါပြီတက်တာ။ ပထမအသုတ် ၁၄ စီးလို့ ပြောတာပေါ့နော်။ ခြောက်စီး ခုနှစ်စီးကတော့ ဗန်းမော်ဖက်မှာ ပြန်ဝင်တာ။ ကျန်တဲ့ဟာကတော့ လမ်းမှာ ပျောက် သွားတာ KIA နဲ့ ပူးပေါင်းတပ်တွေရဲ့ တိုက်ခိုက်ခံပြီးမှ မီးလောင်တာတွေ ရေနစ်သွားတာတွေ ရှိပါတယ်” ဟု စက်တင်ဘာလ ၁၀ ရက်နေ့တွင် ပြောသည်။ မန္တလေးဘက်မှ ရွှေကူဘက်သို့ ဆန်တက်လာသည့် သင်္ဘောများနှင့် ဗန်းမော်ဘက်မှ ပြန်လည်စုန်ဆင်းလာသည့် သင်္ဘောများကို ရွှေကူမြို့နယ်၊ စင်းခန်း-ဇင်းဘုံ ကျေးရွာ ဝန်းကျင်နှင့် စင်းခန်းတံတား အနီးတို့တွင် KIA ပူးပေါင်း တပ်များက ဒရုန်းများ၊ လက်နက်ကြီးများဖြင့် ပစ်ခတ်တိုက်ခိုက်ခဲ့ခြင်း ဖြစ်သည်။ “နောက်ဒုတိယအသုတ်ကတော့ သုံးစီးလို့ ပြောတယ်။ ငါးစီးလို့လည်း ပြောတယ်။ ဒါပေမယ့် အတိအကျတော့ မသိဘူး။ အဲဒါကတော့ ရွှေကူရောက်တယ်။ ရွှေကူမှာ ပစ္စည်းတင်တဲ့ သင်္ဘောတစ်စီးကို ပစ်ခတ်ခံလို့ မီးလောင် သွားတယ်။ အဲဒါကို သွားကယ်ဖို့ မနေ့က ဗန်းမော်ဖက်မှာ ရောက်လာတဲ့ သင်္ဘောတွေ ပြန်ပြီးမှ ဆင်းတယ်။ စုန်ဆင်းပြီးမှ သွားကြိုဖို့ သွားကယ်ဖို့ ၄ စီးရှိပါတယ်။ အဲဒါကို မနေ့က လမ်းမှာ တိုက်ခိုက်ပြီးမှ မီးလောင်တာ တွေ ရေထဲမှာ မြုပ်သွားတာတွေ ဆိုတော့ ၄ စီးက မနေ့က ပျောက်သွားတာ ဖြစ်ပါတယ်။ အခြေအနေက အဲလိုပါခင်ဗျာ” ဟု ဗိုလ်မှူးကြီးနော်ဘူက ဆက်ပြောသည်။ ထို့ပြင် မန္တလေးမြို့ ဂေါဝိန်ဆိပ်ကမ်းနှင့် ပေပင်ဆိပ်ကမ်းတို့မှ စက်တင်ဘာလ ၄ ရက်တွင် ထွက်ခွာလာသည့် ဒုတိယအကြိမ် ရေကြောင်းစစ်ကြောင်းထဲမှ ရေယာဉ် ၉ စီးအနက်မှ အချို့မှာလည်း မြစ်အထက်ဘက်သို့ ဆက်လက်ဆန်တက်ရန် ကြိုးပမ်းစဉ် တိုက်ခိုက်ခံခဲ့ရခြင်းဖြစ်သည်။ အဆိုပါ ရေကြောင်းစစ်ကြောင်း ရွှေကူသို့ ရောက်ရှိလာသည့် အခြေအနေနှင့် ပတ်သက်၍ ဒေသတွင်း သတင်း ရင်းမြစ်တစ်ဦးက ယခုကဲ့သို့ ပြောသည်။ “စက်တင်ဘာ ၈ ရက်က ရွှေကူကို စစ်သင်္ဘောနဲ့ တွဲတွန်း ရေယာဉ် အပါအဝင် စုစုပေါင်း ၉ စီး ရောက်လာတာ ပါ။ စက်တင်ဘာ ၉ ရက် နေ့လည်ပိုင်းမှာ မြစ်အထက်ဘက်ကို နည်းနည်း ဆန်တက်ဖို့ ကြိုးစားတုန်း ပစ်ခတ်ခံရ ပြီး မီးလောင်သွားတာ” ဟု ပြောသည်။ ဩဂုတ်လကုန်ပိုင်းမှ စက်တင်ဘာလ ၉ ရက်နေ့အထိ သတင်းပတ် နှစ်ပတ်အတွင်း ဗန်းမော်ဘက်သို့ စစ်အင်အားနှင့် ရိက္ခာဖြည့်တင်းရန် လာရောက်သည့် စစ်အုပ်စု၏ တိုက်ခိုက်ရေးနှင့် ကုန်တင်သင်္ဘော ၁၄ စီး ထက်မနည်း ထိခိုက်ပျက်စီးခဲ့သည့်အပြင် စစ်အုပ်စု တပ်ဖွဲ့ဝင်နှင့် မိသားစုဝင် ၁၅၀ နီးပါးကိုလည်း စစ်သုံ့ပန်း အဖြစ် KIA က ဖမ်းဆီးရမိထားသည်။ ဒေသခံတစ်ဦးကလည်း “စက်တင်ဘာ ၈ ရက်နဲ့ ၉ ရက်မှာတင် စုန်ဆင်းလာတဲ့ သင်္ဘောတွေရော၊ ဆန်တက်ဖို့ လုပ်နေတဲ့ သင်္ဘောတွေပါ ဆက်တိုက် တိုက်ခံရတာပါ။ တချို့သင်္ဘောတွေဆို ရေထဲမြုပ်သွားသလို၊ တချို့လည်း မီးတွေလောင်ပြီး မျောသွားတာတွေ ရှိတယ်ဗျ” ဟု ပြောသည်။ စစ်အုပ်စုတပ်သည် ဩဂုတ်လ ၂၁ ရက်က ပထမအကြိမ် စေလွှတ်ခဲ့သည့် ရေယာဉ် ၁၅ စီးပါ ရေယာဉ်တန်း စစ်ကြောင်းတွင်လည်း KIA ၏ တိုက်ခိုက်မှုကြောင့် အများအပြား ပျက်စီးခဲ့ပြီး ရေယာဉ် ၇ စီးခန့်သာ ဗန်းမော်သို့ ရောက်ရှိနိုင်ခဲ့ခြင်း ဖြစ်သည်။ ဧရာဝတီမြစ်ကြောင်းအတွင်း ရွှေကူနှင့် ဗန်းမော်ကြား စစ်အုပ်စုတပ် သင်္ဘောများ ဆက်တိုက် တိုက်ခိုက်ခံရပြီး မီးလောင်ပျက်စီးခဲ့သည့် ဖြစ်စဉ်များနှင့် ပတ်သက်၍ စစ်အုပ်စုဘက်က စက်တင်ဘာလ ၁၀ ရက်နေ့အထိ သတင်းတစ်စုံတစ်ရာ ထုတ်ပြန်ခြင်း မရှိသေးပေ။ ဓါတ်ပုံ - CJ #ဗန်းမော်

ဗန်းမော်စစ်ကူ စစ်သင်္ဘောများ ဆက်တိုက် တိုက်ခိုက်ခံရပြီး မီးလောင်ပျက်စီးမှုများပြား

ဗန်းမော်စစ်ကူ စစ်သင်္ဘောများ ဆက်တိုက် တိုက်ခိုက်ခံရပြီး မီးလောင်ပျက်စီးမှုများပြား သတင်းနှင့် မီဒီယာ ကွန်ရက်။၂၀၂၆ ခုနှစ်၊ စက်တင်ဘာလ ၁၀ ရက်။ ကချင…

  • September 10, 2026
×Close