သတင်း

ဟော်မုဇ် တည်ငြိမ်ရေး ဥရောပနှင့် ဂျပန် ကြိုးပမ်းမည်   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၀ ရက်။     ဥရောပ ထိပ်သီးနိုင်ငံ အချို့နှင့် ဂျပန် နိုင်ငံတို့ ပူးတွဲ၍ ဟော်မုဇ် ရေလက်ကြား သင်္ဘောများ သွားလာနိုင်ရေးနှင့် ပတ်သက်၍ ကြေညာချက် ထုတ်ပြန်ခဲ့ကြသည်။   ဗြိတိန်၊ ပြင်သစ်၊ ဂျာမနီ၊ အီတလီ၊ နယ်သာလန်နှင့် ဂျပန်နိုင်ငံတို့သည် စွမ်းအင်ဈေးကွက် တည်ငြိမ်စေရန်နှင့် ဟော်မုဇ်ရေလက်ကြားအတွင်း သင်္ဘောများ ဘေးကင်းစွာ ဖြတ်သန်းနိုင်ရေးအတွက် ပူးပေါင်းဆောင်ရွက်သွားမည်ဟု မတ်လ ၁၉ ရက်တွင် ပူးတွဲကြေညာချက် ထုတ်ပြန်ခဲ့ခြင်း ဖြစ်သည်။   အဆိုပါနိုင်ငံများသည် အီရန်၏ တိုက်ခိုက်မှုများကို ရှုတ်ချထားခဲ့သည်။   စွမ်းအင်ဈေးနှုန်း ထိန်းညှိရန်အတွက် ရေနံထုတ်လုပ်သည့် နိုင်ငံအချို့နှင့် ပူးပေါင်းကာ ထုတ်လုပ်မှုတိုးမြှင့်ရန်နှင့် မဟာဗျူဟာမြောက် ရေနံအရန်သင့်စုဆောင်းမှု (SPR) များကို ထုတ်ယူသုံးစွဲခြင်းအား ကြိုဆိုကြောင်း ဖော်ပြထားသည်။   ထို့ပြင် ဟော်မုဇ်ရေလက်ကြားအတွင်း ဘေးကင်းစွာ သွားလာနိုင်ရေးအတွက် ကြိုတင်ပြင်ဆင်မှုများ လုပ်ဆောင်နေသည့် နိုင်ငံများ၏ ကတိပြုချက်များကိုလည်း ကြိုဆိုခဲ့ကြပါသည်။   #EU #ဥရောပသမဂ္ဂ #ဟော်မုဇ်ရေလက်ကြား #Strait_of_Hormuz

ဟော်မုဇ် တည်ငြိမ်ရေး ဥရောပနှင့် ဂျပန် ကြိုးပမ်းမည်

ဟော်မုဇ် တည်ငြိမ်ရေး ဥရောပနှင့် ဂျပန် ကြိုးပမ်းမည် သတင်းနှင့် မီဒီယာ ကွန်ရက်။၂၀၂၆ ခုနှစ်၊ မတ်လ ၂၀ ရက်။  ဥရောပ ထိပ်သီးနိုင်ငံ အချို့နှင့် ဂျပန် န…

  • March 20, 2026
F-35 ကိုယ်ပျောက်လေယာဉ်ကို အီရန် ထိအောင် ပစ်နိုင်ခဲ့ပုံရ   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၂၀ ရက်။   အရှေ့အလယ်ပိုင်းတွင် တိုက်ပွဲဝင်မစ်ရှင် ဆောင်ရွက်နေသည့် အမေရိကန်၏ အဆင့်မြင့်ဆုံး F-35 ကိုယ်ပျောက်တိုက်လေယာဉ်တစ်စင်းသည် အီရန်ဘက်မှ ပစ်ခတ်မှုကြောင့် ထိမှန်ပျက်စီးကာ အရေးပေါ် ဆင်းသက်ခဲ့ရကြောင်း CNN သတင်းတွင် ဖော်ပြသည်။   အမေရိကန် အလယ်ပိုင်းစစ်ဌာနချုပ် (USCENTCOM) ၏ ပြောရေးဆိုခွင့်ရှိသူ ဗိုလ်ကြီး တင်မ် ဟော့ကင်းက ၎င်းသည် ပဉ္စမမျိုးဆက် ကိုယ်ပျောက်တိုက်လေယာဉ်ဖြစ်ပြီး အီရန်ကောင်းကင်ယံ၌ မစ်ရှင်ဆောင်ရွက်စဉ် ထိမှန်ခဲ့ခြင်းဖြစ်ကြောင်း အတည်ပြုသည်။   လေယာဉ်မှူးမှာ ဘေးကင်းကြောင်းလည်း ထုတ်ပြန်ထားသည်။   ယခု ဖြစ်ရပ်သည် သည် စစ်ပွဲစတင်ပြီးနောက် အီရန်ဘက်မှ အမေရိကန်လေယာဉ်ကို ပထမဆုံးအကြိမ် ထိမှန်အောင် ပစ်ခတ်နိုင်ခြင်း ဖြစ်သည်။   စစ်ပွဲအတွင်း အမေရိကန်သည် F-15 တိုက်လေယာဉ် သုံးစင်းနှင့် KC-135 ဆီဖြည့်လေယာဉ်တစ်စင်းတို့ကိုလည်း အခြားအကြောင်းရင်းများဖြင့် ဆုံးရှုံးခဲ့ဖူးသည်။   အမေရိကန် ကာကွယ်ရေးဝန်ကြီး ပိထ် ဟက်ဆက်သ် က အီရန်၏ လေကြောင်းကာကွယ်ရေးစနစ်များ ပျက်စီးသွားပြီဟု ပြောကြားထားပြီးနောက်မှ  အဆင့်မြင့် F-35 ထိမှန်ခဲ့ခြင်ဖြစ်သည်။   #F_35 #USCENTCOM #အီရန်စစ်ပွဲ

F-35 ကိုယ်ပျောက်လေယာဉ်ကို အီရန် ထိအောင် ပစ်နိုင်ခဲ့ပုံရ 

F-35 ကိုယ်ပျောက်လေယာဉ်ကို အီရန် ထိအောင် ပစ်နိုင်ခဲ့ပုံရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ မတ်လ ၂၀ ရက်။  အရှေ့အလယ်ပိုင်းတွင် တိုက်ပွဲဝင်မစ်ရ…

  • March 20, 2026
မတ်လအတွင်း သင်္ဘော ၁၀၀ ခန့်သာ ဟော်မုဇ် ရေလက်ကြားကို ဖြတ်သန်းနိုင်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ မတ်လ ၂၀ ရက်။   အီရန်စစ်ပွဲ စတင်ခဲ့သည့် ဖေဖော်ဝါရီ ၂၈ ရက်နောက်ပိုင်း ကမ္ဘာ့အလုပ်အရှုပ်ဆုံး ရေကြောင်းလမ်းဖြစ်သည့် ဟော်မုဇ်ရေလက်ကြား (Strait of Hormuz) တွင် သွားလာမှု ၉၅ ရာခိုင်နှုန်းခန့် ထိုးကျသွားကြောင်း နိုင်ငံတကာ သတင်းများတွင် ဖော်ပြထားသည်။   မတ်လအတွင်း သင်္ဘော ၁၀၀ နီးပါးသာ ဖြတ်သန်းနိုင်ခဲ့ပြီး တစ်ရက်လျှင် ပျမ်းမျှသင်္ဘော ၅ စင်းမှ ၆ စင်းခန့်သာ သွားလာနိုင်တော့သည်။       အဆိုပါသင်္ဘောများအနက် အီရန်အလံတင်သင်္ဘော ၁၄ စင်း၊ တရုတ်ကုမ္ပဏီပိုင် ၉ စင်းနှင့် အိန္ဒိယသို့ ဦးတည်သည့် သင်္ဘော ၆ စင်း ပါဝင်သည်ဟု BBC သတင်းဌာနက အတည်ပြုသည်။   တိုက်ခိုက်ခံရမည့် အန္တရာယ်ကြောင့် သင်္ဘောများသည် အပြည်ပြည်ဆိုင်ရာ ရေကြောင်းလမ်းအစား အီရန်ကမ်းခြေဘက်သို့ ကပ်၍ သွားလာနေရသည်။   ကမ္ဘာ့ရေနံတင်သင်္ဘော ၂၅ ရာခိုင်နှုန်းခန့် ဖြတ်သန်းရာ ဤရေလက်ကြား၌ သွားလာရေး ခက်ခဲနေခြင်းကြောင့် ရေနံဈေးနှုန်းများ မြင့်တက်လျက်ရှိသည်။   ထို့ပြင် အစ္စရေးက အီရန်၏ South Pars ဓာတ်ငွေ့သိုက်ကို တိုက်ခိုက်ခဲ့ခြင်းအား လက်တုံ့ပြန်သည့်အနေဖြင့် အီရန်က အမေရိကန်မဟာမိတ်များ၏ စွမ်းအင်အရင်းအမြစ်များကို တိုက်ခိုက်လာခြင်းကြောင့် ရေနံဈေးနှုန်းမှာ ထပ်မံမြင့်တက်ခဲ့သည်။   တိုက်ခိုက်မှုများကြောင့် ကာတာနိုင်ငံ၏ LNG တင်ပို့မှုမှာလည်း ၁၇ ရာခိုင်နှုန်းအထိ ထိခိုက်လျက်ရှိသည်။   #South_Pars #LNG #Strait_of_Hormuz

မတ်လအတွင်း သင်္ဘော ၁၀၀ ခန့်သာ ဟော်မုဇ် ရေလက်ကြားကို ဖြတ်သန်းနိုင် 

မတ်လအတွင်း သင်္ဘော ၁၀၀ ခန့်သာ ဟော်မုဇ် ရေလက်ကြားကို ဖြတ်သန်းနိုင် သတင်းနှင့် မီဒီယာ ကွန်ရက်။၂၀၂၆ ခုနှစ်၊ မတ်လ ၂၀ ရက်။  အီရန်စစ်ပွဲ စတင်ခဲ့သ…

  • March 20, 2026
၇၃ ဘီလီယံတန်ဖိုးရှိ စီမံကိန်း သစ် ၃ ခု လုပ်ရန် ဂျပန်-အမေရိကန် သဘောတူ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ မတ်လ ၂၀ ရက်။   ဝါရှင်တန်ဒီစီ၌ ကျင်းပခဲ့သည့် ဂျပန်ဝန်ကြီးချုပ် စနိုင်း တာကာအီချီ (Sanae Takaichi) နှင့် အမေရိကန်သမ္မတ ဒေါ်နယ်ထရန့် တို့၏ ထိပ်သီးဆွေးနွေးပွဲတွင် စုစုပေါင်းတန်ဖိုး အမေရိကန်ဒေါ်လာ ၇၃ ဘီလီယံရှိမည့် စီးပွားရေးစီမံကိန်းသစ် (၃) ခုကို အကောင်အထည်ဖော်မည်ဟု ထုတ်ဖော်ပြောကြားခဲ့သည်။   ဤရင်းနှီးမြှုပ်နှံမှုသည် လွန်ခဲ့သည့်နှစ်က ကုန်သွယ်ရေးအခွန် သက်သာခွင့်ရရှိရန်အတွက် ဂျပန်နိုင်ငံက ကတိပြုထားသည့် ဒေါ်လာ ၅၅၀ ဘီလီယံ ရင်းနှီးမြှုပ်နှံမှု အစီအစဉ်၏ တစ်စိတ်တစ်ပိုင်း ဖြစ်သည်။   အဆိုပါ စီမံကိန်းများတွင် အဓိကအားဖြင့် GE Vernova နှင့် Hitachi ကုမ္ပဏီတို့ ပူးပေါင်း၍ တန်နက်ဆီ (Tennessee) နှင့် အလာဘားမား (Alabama) ပြည်နယ်များတွင် ဒေါ်လာ ၄၀ ဘီလီယံ ကုန်ကျမည့် မျိုးဆက်သစ် နျူကလီးယားဓာတ်ပေါင်းဖိုများ တည်ဆောက်ရေး ပါဝင်သည်။   ၎င်းစီမံကိန်းသည် အမေရိကန်ပြည်သူများအတွက် လျှပ်စစ်ဈေးနှုန်း တည်ငြိမ်စေရန်နှင့် နည်းပညာပြိုင်ဆိုင်မှုတွင် အသာစီးရရှိရန် ရည်ရွယ်သည်။   ထို့ပြင် ပင်ဆယ်ဗေးနီးယား (Pennsylvania) နှင့် တက္ကဆက် (Texas) ပြည်နယ်များ၌ သဘာဝဓာတ်ငွေ့သုံး လျှပ်စစ်ထုတ်လုပ်ရေးစက်ရုံများ တည်ဆောက်မည်ဖြစ်သကဲ့သို့၊ ဂျပန်နိုင်ငံအနီး ပင်လယ်ရေအောက်ရှိ မြေရှားသတ္တု (Rare Earth) ပါဝင်သော ရွှံ့နွံများ ဖော်ထုတ်ရေးအတွက်လည်း နှစ်နိုင်ငံ ပူးပေါင်းဆောင်ရွက်ရန် နားလည်မှုစာချွန်လွှာ (MoU) ရေးထိုးခဲ့သည်။   အမေရိကန်တရားရုံးချုပ်က သမ္မတထရန့်၏ အခွန်တိုးမြှင့်မှုများကို ပယ်ချခဲ့သော်လည်း ဂျပန်နိုင်ငံအနေဖြင့် ဇူလိုင်လက သဘောတူညီချက်များအတိုင်း ဆက်လက်ဆောင်ရွက်သွားမည်ဟု ကတိပြုခဲ့သည်။   #Rare_Earth #မြေရှားသတ္တု #Hitachi # GE_Vernova #Sanae_Takaichi #ဒေါ်နယ်ထရန့်

၇၃ ဘီလီယံတန်ဖိုးရှိ စီမံကိန်း သစ် ၃ ခု လုပ်ရန် ဂျပန်-အမေရိကန် သဘောတူ 

၇၃ ဘီလီယံတန်ဖိုးရှိ စီမံကိန်း သစ် ၃ ခု လုပ်ရန် ဂျပန်-အမေရိကန် သဘောတူ သတင်းနှင့် မီဒီယာ ကွန်ရက်။၂၀၂၆ ခုနှစ်၊ မတ်လ ၂၀ ရက်။  ဝါရှင်တန်ဒီစီ၌ ကျ…

  • March 20, 2026
အစိုးရ ဆန့်ကျင်ဆန္ဒပြသူ ၃ ဦးကို အီရန် သေဒဏ် စီရင်   သတင်းနှင့် မီဒီယာ ကွန်ရက်။
၂၀၂၆  ခုနှစ်၊ မတ်လ ၂၀ ရက်။   အီရန်အစိုးရဆန့်ကျင်ရေး ဆန္ဒပြပွဲများတွင် ပါဝင်မှုဖြင့် ဖမ်းဆီးခံထားရသူများအနက် ဆယ်ကျော်သက် လူငယ်တစ်ဦးအပါအဝင် အမျိုးသား သုံးဦးကို အီရန်အာဏာပိုင်များက ပထမဆုံးအကြိမ်အဖြစ် ကွပ်မျက်လိုက်သည်။   ဇန်နဝါရီလအတွင်းက ဖြစ်ပွားခဲ့သော အစိုးရဆန့်ကျင်ရေး ဆန္ဒပြပွဲများအတွင်း ရဲအရာရှိများကို သတ်ဖြတ်ခဲ့သည်ဟု စွပ်စွဲခံရသူ အမျိုးသား သုံးဦးကို အီရန်အာဏာပိုင်များက ကြာသပတေးနေ့ နံနက်ပိုင်းတွင် ကွပ်မျက်လိုက်ကြောင်း နိုင်ငံပိုင်သတင်းဌာနများက ဖော်ပြသည်။   ယခု အရေးယူမှုမှာ အဆိုပါဆန္ဒပြပွဲများနှင့် ဆက်နွှယ်၍ ပထမဆုံးအကြိမ်အဖြစ် သေဒဏ်စီရင်ခြင်း ဖြစ်သည်။   ကွပ်မျက်ခံရသူ သုံးဦးထဲတွင် အီရန်အမျိုးသား နပန်းအသင်းဝင် လူငယ်တစ်ဦးဖြစ်သူ ဆာလေး မိုဟာမက်ဒီ (Saleh Mohammadi) အပါအဝင် မယ်ဒီ ဂါစီမီ (Mehdi Ghasemi) နှင့် ဆာအိဒ် ဒါဗူဒီ (Saeed Davoudi) တို့ ပါဝင်သည်။   ၎င်းတို့အား ကွန်မ် (Qom) ပြည်နယ်တွင် ရဲအရာရှိ နှစ်ဦးကို သတ်ဖြတ်မှု၊ "ဘုရားသခင်ကို ဆန့်ကျင်တိုက်ခိုက်မှု " စသည့် ပြစ်ချက်များဖြင့် အီရန်တရားရုံးချုပ်က သေဒဏ်အတည်ပြုခဲ့ခြင်း ဖြစ်သည်။   လူ့အခွင့်အရေးအဖွဲ့များ၏ အဆိုအရ အဆိုပါ အမျိုးသား သုံးဦးသည် ညှဉ်းပန်းနှိပ်စက်ခံရမှုကြောင့် ပြစ်မှုကို ဝန်ခံခဲ့ခြင်းဖြစ်ပြီး တရားမျှတသည့် စစ်ဆေးစီရင်မှု မရရှိခဲ့ဘဲ ကွပ်မျက်ခံခဲ့ရခြင်းဖြစ်သည်ဟု ဆိုသည်။   အီရန်ငွေကြေးတန်ဖိုး ကျဆင်းမှုနှင့် လူနေမှုစရိတ် မြင့်မားလာမှုကြောင့် ဒီဇင်ဘာလတွင် စတင်ခဲ့သည့် ဆန္ဒပြပွဲများသည် နိုင်ငံတစ်ဝန်းရှိ မြို့ပေါင်း ၁၈၀ ခန့်သို့ လျင်မြန်စွာ ကူးစက်ခဲ့ပြီး နိုင်ငံရေးပြုပြင်ပြောင်းလဲမှု တောင်းဆိုချက်များအထိ ကျယ်ပြန့်လာခဲ့သည်။   အမေရိကန်အခြေစိုက် လူ့အခွင့်အရေးအဖွဲ့ (Hrana) ၏ အဆိုအရ ဇန်နဝါရီလ နှိမ်နင်းမှုအတွင်း ကလေးငယ် ၂၃၆ ဦး အပါအဝင် လူပေါင်း ၇,၀၀၀ ခန့် သေဆုံးခဲ့သည်။   အီရန်နိုင်ငံသားနှင့် ဆွီဒင်နိုင်ငံသား နှစ်နိုင်ငံသားအဖြစ် ခံယူထားသူ ကုရုရှ် ကေဗာနီ (Kouroush Keyvani) ကို နောက်တရက်တွင် အစ္စရေးအတွက် သူလျှိုလုပ်မှုဖြင့် မကွပ်မျက်မီတွင် ယခုစီရင်မှုများ ပေါ်ပေါက်လာခြင်း ဖြစ်သည်။   ဆွီဒင်နိုင်ငံခြားရေးဝန်ကြီးက အဆိုပါ စီရင်မှုသည် တရားဥပဒေကြောင်းအရ ခိုင်လုံမှုရှိမရှိကြောင်း  လုံခြုံမှုမရှိကြောင်း ဝေဖန်ရှုတ်ချခဲ့သည်။   အမေရိကန်သမ္မတ ဒေါ်နယ်ထရန့်က ဆန္ဒပြသူများကို ကွပ်မျက်ပါက ပြင်းထန်သော အရေးယူမှုများ လုပ်ဆောင်မည်ဟု သတိပေးခဲ့သော်လည်း အီရန်ဘက်က ငြင်းဆိုခဲ့သည်။   #ဆာလေးမိုဟာမက်ဒီ #SalehMohammadi #မယ်ဒီဂါစီမီ #MehdiGhasemi #ဆာအိဒ်ဒါဗူဒီ #SaeedDavoudi

အစိုးရ ဆန့်ကျင်ဆန္ဒပြသူ ၃ ဦးကို အီရန် သေဒဏ် စီရင်

အစိုးရ ဆန့်ကျင်ဆန္ဒပြသူ ၃ ဦးကို အီရန် သေဒဏ် စီရင်  သတင်းနှင့် မီဒီယာ ကွန်ရက်။၂၀၂၆  ခုနှစ်၊ မတ်လ ၂၀ ရက်။  အီရန်အစိုးရဆန့်ကျင်ရေး ဆန္ဒပြ…

  • March 20, 2026
စွမ်းအင်အရင်းအမြစ်များကို တိုက်ခိုက်သည့် အဆင့်သစ် သို့ ရောက်သွားပြီဟု အီရန်ကြေညာ   သတင်းနှင့် မီဒီယာကွန်ရက်။
၂၀၂၆ ခုနှစ် မတ်လ ၁၉ ရက်။   စစ်ပွဲသည် စွမ်းအင်အရင်းအမြစ်များကို တိုက်ခိုက်သည့် အဆင့်သစ်သို့ ရောက်ရှိသွားပြီဖြစ်ကြောင်း အီရန်က ပြောကြားသည်ဟု တရုတ်အစိုးရပိုင် ဆင်ဟွာသတင်းဌာနက ဖော်ပြသည်။   ဗုဒ္ဓဟူးနေ့က အစ္စရေးတို့က အီရန်၏ အကြီးမားဆုံး South Pars သဘာဝဓာတ်ငွေ့အရင်းအမြစ်များကို တိုက်ခိုက်ပြီးနောက်တွင် အီရန်က ကာတာနှင့် ဆော်ဒီအာရေးဗီးယားရှိ စွမ်းအင်အရင်းအမြစ်များကို ပြန်လည်တိုက်ခိုက်ခဲ့ခြင်းဖြစ်သည်။   အီရန်နိုင်ငံရှိ အဓိက ဓာတ်ငွေ့သိုက်တစ်ခုကို အစ္စရေးက တိုက်ခိုက်ခဲ့မှုနှင့် ပတ်သက်၍ အမေရိကန်ပြည်ထောင်စုအနေဖြင့် "ဘာမျှမသိရှိခဲ့ကြောင်း" သမ္မတ ဒေါ်နယ်ထရန့်က ပြောကြားလိုက်ပြီး၊ ကာတာနိုင်ငံအပေါ် ထပ်မံ၍ လက်တုံ့ပြန်တိုက်ခိုက်ခြင်းမျိုး မပြုလုပ်ရန် အီရန်အစိုးရ (တီဟီရန်) ကို သတိပေးလိုက်သည်ဟု ဘီဘီစီသတင်းတွင် ဖော်ပြထားသည်။   အဆိုပါ ဓာတ်ငွေ့သိုက်ကို တိုက်ခိုက်ခဲ့မှုအပေါ် အစ္စရေးဘက်က တရားဝင်အတည်ပြုခြင်း မရှိသေးသော်လည်း၊ အမေရိကန်သမ္မတကမူ ၎င်း၏မဟာမိတ်ဖြစ်သူ အစ္စရေးသည် အရှေ့အလယ်ပိုင်းတွင် ဖြစ်ပွားခဲ့သော အခြေအနေများအပေါ် ဒေါသထွက်ကာ အီရန်ကို ပြင်းထန်စွာ တုံ့ပြန်တိုက်ခိုက်ခဲ့ခြင်းဖြစ်သည်ဟု ဆိုသည်။       အီရန်အစ္စလာမ်မစ်တော်လှန်ရေးအစောင့်တပ် (IRGC) က မတ် ၁၉ ရက်တွင် ကြေညာချက်ထုတ်ပြန်ရာ၌ အီရန်နှင့် အမေရိကန်၊ အစ္စရေးတို့၏ စစ်ပွဲသည် “အဆင့်သစ်” သို့ ရောက်ရှိပြီဟု ဖော်ပြထားကြောင်း ဆင်ဟွာသတင်းဌာနက ဖော်ပြသည်။   တိုက်ခိုက်မှုများ အပြင်းအထန်လုပ်ဆောင်ခဲ့ရာ အရှေ့အလယ်ပိုင်းဒေသရှိ အမေရိကန်နှင့်ဆက်စပ်သည့် ရေနံအဆောက်အအုံများကို အီရန်ဘက်က “မီးရှို့ဖျက်ဆီး” ခဲ့သည်ဟု ဆိုသည်။   ထို့အပြင် ထိပ်ဖူးများစွာပါဝင်သည့် ဒုံးကျည်တစ်စင်းသည်လည်း အစ္စရေးနိုင်ငံတောင်ပိုင်းရှိ စစ်ရေးဖြန့်ကြက်မှုစင်တာကို ထိမှန်ခဲ့ကြောင်း ကြေညာချက်တွင် ပြောကြားထားသည်။   အီရန်၏ အခြေခံအဆောက်အအုံများကို ကာကွယ်ထိန်းသိမ်းရန်အတွက် အီရန်အနေဖြင့် အမေရိကန်နှင့် အမေရိကန်ရှယ်ယာ ပါဝင်ပတ်သက်နေသည့် စွမ်းအင်အဆောက်အအုံများကို မဖြစ်မနေတိုက်ခိုက်ရခြင်းဖြစ်ကြောင်း ကြေညာချက်တွင် ဖော်ပြထားသည်။   တဆက်တည်းမှာပင် ဆော်ဒီအာရေးဗီးယားနိုင်ငံရှိ ပင်လယ်နီ (Red Sea) ဆိပ်ကမ်းမြို့ဖြစ်သော ရန်ဗူး (Yanbu) ရှိ ဆော်ဒီအာရမ်ကို (Saudi Aramco) ၏ SAMREF ရေနံချက်စက်ရုံကို ကြာသပတေးနေ့တွင် လေကြောင်းမှ တိုက်ခိုက်ခဲ့သည်ဟု စက်မှုကဏ္ဍ သတင်းရင်းမြစ်တစ်ခုကို ကိုးကား၍ ရိုက်တာသတင်းဌာနက ထုတ်ပြန်သည်။   အဆိုပါတိုက်ခိုက်မှုသည် အမေရိကန်နှင့် အစ္စရေးတို့က အီရန်၏ စွမ်းအင်ဆိုင်ရာနေရာများကို တိုက်ခိုက်ခဲ့ခြင်းအပေါ် တုံ့ပြန်သည့်အနေဖြင့် ကာတာနှင့် ယူအေအီး (UAE) ရှိ စွမ်းအင်အဆောက်အအုံများကို တိုက်ခိုက်ခဲ့ပြီးနောက် ထပ်မံဖြစ်ပွားလာခြင်းဖြစ်သည်။   IRGC သည် Saudi Aramco နှင့် Exxon Mobil တို့ ဖက်စပ်ပိုင်ဆိုင်သော SAMREF အပါအဝင် ဆော်ဒီ၊ ယူအေအီးနှင့် ကာတာနိုင်ငံတို့ရှိ ရေနံအဆောက်အအုံအချို့မှ လူများအား ဘေးလွတ်ရာသို့ ရှောင်တိမ်းကြရန် ကြိုတင်သတိပေးချက် ထုတ်ပြန်ခဲ့သည်။

စွမ်းအင်အရင်းအမြစ်များကို တိုက်ခိုက်သည့် အဆင့်သစ် သို့ ရောက်သွားပြီဟု အီရန်ကြေညာ

စွမ်းအင်အရင်းအမြစ်များကို တိုက်ခိုက်သည့် အဆင့်သစ် သို့ ရောက်သွားပြီဟု အီရန်ကြေညာ သတင်းနှင့် မီဒီယာကွန်ရက်။၂၀၂၆ ခုနှစ် မတ်လ ၁၉ ရက်။  စစ်ပွဲသ…

  • March 19, 2026
Fullbright ပညာသင်ဆု လျှောက်ထားနိုင်ကြောင်း ရန်ကုန် သံရုံးကြေညာ   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ မတ်လ ၁၉ ရက်။   ရန်ကုန်မြို့ရှိ အမေရိကန်သံရုံးသည် ကမ္ဘာ့အထင်ကရ Fulbright Foreign Student Program (မဟာဘွဲ့ ပညာသင်ဆု) ကို မြန်မာကျောင်းသားများနှင့် ပညာရှင်များအတွက် ပြန်လည်လျှောက်ထားနိုင်ပြီဖြစ်ကြောင်း ကြေညာခဲ့သည်။   အဆိုပါပညာသင်ဆုသည် ဆေးပညာလက်တွေ့ကုသမှုမှလွဲ၍ ကျန်ဘာသာရပ်များအတွက် ကျောင်းလခ၊ နေထိုင်စားစရိတ်၊ လေယာဉ်လက်မှတ်နှင့် ကျန်းမာရေးအာမခံစရိတ်အားလုံးကို အပြည့်အဝ ထောက်ပံ့ပေးမည် ဖြစ်သည်။ လျှောက်ထားသူများသည် အနည်းဆုံး ဘွဲ့တစ်ခုရရှိထားသည့် မြန်မာနိုင်ငံသားဖြစ်ရမည်ဖြစ်ပြီး၊ TOEFL သို့မဟုတ် IELTS ရမှတ် ကောင်းမွန်ရမည့်အပြင် လုပ်ငန်းအတွေ့အကြုံ (၂) နှစ်ရှိသူများကို ဦးစားပေးမည်ဖြစ်သည်။   လျှောက်လွှာများကို မေလ ၁ ရက်နေ့ နောက်ဆုံးထား တင်သွင်းရမည်ဖြစ်ပြီး၊ ရွေးချယ်ခံရသူများသည် ပညာသင်ယူပြီးပါက မြန်မာနိုင်ငံသို့ ပြန်လည်လာရောက်၍ နိုင်ငံဖွံ့ဖြိုးတိုးတက်ရေးအတွက် အကျိုးပြုရန် ခံဝန်လက်မှတ် ထိုးရမည် ဖြစ်ပါသည်။   #Fullbrightပညာသင်ဆု #FulbrightForeignStudentProgram #TOEFL #IELTS

Fullbright ပညာသင်ဆု လျှောက်ထားနိုင်ကြောင်း ရန်ကုန် သံရုံးကြေညာ

Fullbright ပညာသင်ဆု လျှောက်ထားနိုင်ကြောင်း ရန်ကုန် သံရုံးကြေညာ သတင်းနှင့် မီဒီယာ ကွန်ရက်။၂၀၂၆ ခုနှစ်၊ မတ်လ ၁၉ ရက်။  ရန်ကုန်မြို့ရှိ အမေရိကန…

  • March 19, 2026
ဂျပန်နှင့် အမေရိကန် ပေါင်း၍ မြေရှားသတ္တု တူးဖော်မည်     သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ မတ်လ ၁၉ ရက်။   ဂျပန်နိုင်ငံ အနီး မြေရှားသတ္တု (Rare Earth) ကြွယ်ဝသော ပင်လယ်ရေအောက်ရွှံ့နွံများ ဖော်ထုတ်ရေးအတွက် ဂျပန်နှင့် အမေရိကန်အစိုးရတို့ ပူးပေါင်းဆောင်ရွက်ရန် သဘောတူညီခဲ့ကြောင်း နစ်ကေးသတင်းစာက ဖော်ပြသည်။   ဝါရှင်တန်ဒီစီတွင် ကျင်းပမည့် ဂျပန်ဝန်ကြီးချုပ် ဆာနိုင်း တာကာအီချီ (Sanae Takaichi) နှင့် သမ္မတ ဒေါ်နယ်ထရန့်တို့၏ ထိပ်သီးဆွေးနွေးပွဲတွင် အဆိုပါ နားလည်မှုစာချွန်လွှာ (MoU) ကို လက်မှတ်ရေးထိုးမည် ဖြစ်သည်။   နှစ်နိုင်ငံပူးပေါင်း၍ လုပ်ငန်းအဖွဲ့ (Working Group) တစ်ခု ဖွဲ့စည်းကာ မီနာမီ-တိုရီရှီးမား (Minami-Torishima) ကျွန်းအနီးရှိ မြေရှားသတ္တုနှင့် မဂ္ဂနိစ် (Manganese) ကဲ့သို့သော ရှားပါးသတ္တုများ ဖော်ထုတ်ခြင်း၊ အချက်အလက်ဖလှယ်ခြင်းနှင့် စက်ပစ္စည်းအခြေခံအဆောက်အအုံများကို အပြန်အလှန် အသုံးပြုခြင်းတို့ လုပ်ဆောင်သွားမည်ဖြစ်သည်။   ဤလုပ်ဆောင်ချက်သည် ကမ္ဘာ့မြေရှားသတ္တုထုတ်လုပ်မှုကို ထိန်းချုပ်ထားသည့် တရုတ်နိုင်ငံ၏ စီးပွားရေးအရ ဖိအားပေးမှုများကို တုံ့ပြန်ရန်နှင့် ကိုယ်ပိုင်အရင်းအမြစ် ရှာဖွေရန်အတွက် မဟာဗျူဟာမြောက် ခြေလှမ်းတစ်ရပ် ဖြစ်သည်။ #JapanRareEarth #AmericaJapan #မြေရှားသတ္တုတူးဖော်ရေး #အမေရိကန်ဂျပန်သဘောတူညီမှု

ဂျပန်နှင့် အမေရိကန် ပေါင်း၍ မြေရှားသတ္တု တူးဖော်မည်

ဂျပန်နှင့် အမေရိကန် ပေါင်း၍ မြေရှားသတ္တု တူးဖော်မည် သတင်းနှင့် မီဒီယာ ကွန်ရက်။၂၀၂၆ ခုနှစ်၊ မတ်လ ၁၉ ရက်။  ဂျပန်နိုင်ငံ အနီး မြေရှားသတ္တု (Rare Ea…

  • March 19, 2026
ဒေါ်နယ်ထရမ့် တရုတ်ခရီးစဉ် ရွှေ့ဆိုင်း   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ မတ်လ ၁၉ ရက်။ အမေရိကန်သမ္မတ ဒေါ်နယ်ထရန့်သည် မတ်လ ၃၁ ရက်မှ ဧပြီလ ၂ ရက်နေ့အထိ သွားရောက်ရန် စီစဉ်ထားသည့် ပေကျင်းခရီးစဉ်ကို ရွှေ့ဆိုင်းလိုက်ကြောင်း အိမ်ဖြူတော်က ကြေညာခဲ့သည်။   ဤခရီးစဉ်သည် သမ္မတ၏ ဒုတိယသက်တမ်းအတွင်း ပထမဆုံးသော တရုတ်ပြည်ခရီးစဉ်ဖြစ်ပြီး ထိုင်ဝမ်အရေး၊ ကုန်သွယ်ရေးအခွန်နှင့် နည်းပညာပစ္စည်း တင်ပို့မှုဆိုင်ရာကိစ္စရပ်များကို ဆွေးနွေးရန် လျာထားခြင်းဖြစ်သည်။   အမေရိကန်အစိုးရအနေဖြင့် ခရီးစဉ်အချိန်ဇယားအား ပြန်လည်ညှိနှိုင်းနေပြီး တရုတ်ဘက်ကလည်း လက်ခံထားကြောင်း ဆိုသော်လည်း၊ တရုတ်အာဏာပိုင်များက ဤရွှေ့ဆိုင်းမှုသည် ဟော်မုဇ်ရေလက်ကြားကိစ္စ အကူအညီတောင်းခံမှုနှင့် မသက်ဆိုင်ကြောင်း တုံ့ပြန်ထားသည်။   သမ္မတထရန့်က အဆိုပါခရီးစဉ်ကို နောက်ထပ် ၅ ပတ်မှ ၆ ပတ်ခန့်အကြာတွင် ပြန်လည်လုပ်ဆောင်သွားရန် မျှော်မှန်းထားသည်။ #အမေရိကန်သမ္မတဒေါ်နယ်ထရန့်တရုတ်ခရီးစဉ် #အမေရိကန်အစိုးရ

ဒေါ်နယ်ထရမ့် တရုတ်ခရီးစဉ် ရွှေ့ဆိုင်း 

ဒေါ်နယ်ထရမ့် တရုတ်ခရီးစဉ် ရွှေ့ဆိုင်း  သတင်းနှင့် မီဒီယာ ကွန်ရက်။၂၀၂၆ ခုနှစ်၊ မတ်လ ၁၉ ရက်။  အမေရိကန်သမ္မတ ဒေါ်နယ်ထရန့်သည် မတ်လ ၃၁ ရက်မှ ဧပြ…

  • March 19, 2026
×Close