NMG Doh – Page 149 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Oct 2

တရုတ်နိုင်ငံတွင် ခွေးစက်ရုပ်များ ကင်းလှည့် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၁ ရက်။ AI နည်းပညာ မြင့်မားလာသည်နှင့် အမျှ AI နည်းပညာသုံး စက်ရုပ်များကိုလည်း တွင်တွင်ကျယ်ကျယ် အသုံးပြုလာနေကြသည်။ အထူးသဖြင့် တရုတ် နိုင်ငံသည် စက်ရုပ် ခွေးများကို အသုံးပြုလာနေသည်။ စက်တင်ဘာလ ၂၉ ရက်တွင် တရုတ်အစိုးရပိုင် ဆင်ဟွာ သတင်းဌာနက တရုတ်နိုင်ငံ ရှန်ဟိုင်းမြို့တွင် စက်ရုပ်ခွေးများကို ကင်းလှည့်ရန်အတွက် တာဝန်ချထားခဲ့သည့် သတင်းများ ထုတ်ပြန်ထားသည်။ ရှန်ဟိုင်းမြို့ Baoshan ရပ်ကွက်ထဲတွင် စက်ရုပ်ခွေးများကို ကင်းလှည့်ရန် တာဝန်ပေးခဲ့ခြင်း ဖြစ်သည်။ စက်ရုပ်ခွေးများက ထမ်းဆောင်ရသည့် တာဝန်များမှာ ကားမရပ်ရနေရာများတွင် ရပ်ထားသည့် ကားများကို ရှာဖွေရန်နှင့် အမှိုက်မပစ်ရ နေရာများတွင် အမှိုက်ပစ်ခြင်းရှိမရှိတို့ကို စောင့်ကြည့်ရခြင်း ဖြစ်သည်။ တရုတ်နိုင်ငံတွင် Unitree နှင့် Deep Robotics ဟု ခေါ်သော ခွေးစက်ရုပ်ထုတ်လုပ်သည့် ကုမ္ပဏီကြီး နှစ်ခု အပြိုင် ရှိနေပြီး ကြမ်းတမ်းခက်ခဲသည့် နေရာများတွင် အလုပ်လုပ်ရန် စမ်းသပ် ထုတ်လုပ်နေကြသည်။ စက်ရုံများ၊ သတ္တုတွင်းများနှင့် လုံခြုံရေး လုပ်ငန်းခွင်များတွင် ကင်းလှည့်ရန်နှင့် စစ်ဆေးရေး လုပ်ငန်းများအတွက် အသုံးပြုကြသည်။ အဆိုပါ စက်ရုပ်ခွေးများက အဆောက်အအုံများပေါ် တက်နိုင်ကြသည်၊ လှေကားများကို တက်နိုင်သည်၊ ချောမွတ်သည့် မျက်နှာပြင်များတွင် လမ်းလျောက်နိုင်ပြီး တည်ငြိမ်ခက်ခဲသည့် လှုပ်ရှားမှုများကို လုပ်ဆောင်နိုင်ကြသည်ဟု ဆိုသည်။

တရုတ်နိုင်ငံတွင် ခွေးစက်ရုပ်များ ကင်းလှည့်

Oct 2

Gen- Z လှုပ်ရှားမှု မဒါဂတ်စကာတွင် အစိုးရ ပြုတ်ကျ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၂ ရက်။ Gen- Z ခေါ် လူငယ်မျိုးဆက်သစ်လူငယ်များ ဦးဆောင်သည့် တော်လှန်လှုပ်ရှားမှုများ ယခု နှစ်အတွင်း ဆက်တိုက်ဖြစ်ပွားလျက်ရှိသည်။ နီပေါနှင့် ကင်ညာနိုင်ငံများတွင် ဂျန်ဇီ များ၏ ဆန္ဒ ပြပွဲများ အောင်မြင်မှုအချို့ ရရှိပြီးနောက် အခုအခါ မဒါဂါစကာ (Madagascar) ဟု ခေါ်သော ကျွန်းနိုင်ငံ တစ်ခုတွင်လည်း Gen- Z ဦးဆောင်သည့် ဆန္ဒပြပွဲ ဖြစ်ပွားလျက်ရှိသည်။ မဒါဂါစကာ နိုင်ငံမှာ အာဖရိက တိုက်၏ ကမ်းလွန်ပင်လယ်ပြင် နှင့် အိန္ဒိယ သမုဒ္ဒရာထဲရှိ ကျွန်းနိုင်ငံလေး ဖြစ်သည်။ ကမ္ဘာပေါ်ရှိ စတုတ္တ အကြီးဆုံး ကျွန်းပေါ်တွင် ရှိသော နိုင်ငံ ဖြစ်သည်။ မဒါဂါစကာတွင် ရေနှင့် မီး ပြတ်လပ်မှုများ အကြိးအကျယ် ဖြစ်ပြီးသည့် နောက်တွင် Gen-Z များ ဦးဆောင်သည့် ဆန္ဒပြပွဲ ကြီး ဖြစ်ပေါ်ခဲ့ခြင်း ဖြစ်သည်။ ဆန္ဒ ပြပွဲ သုံးရက်မြောက်သည့် နေ့တွင် သမ္မတက ဝန်ကြီးချုပ် ဦးဆောင်သည့် အစိုးရ အဖွဲ့ကို ဖျက်သိမ်း ပေးလိုက်ရသည်။ ကုလသမဂ္ဂ အဖွဲ့အစည်းများ အဆိုအရ ဆန္ဒ ပြသူများဘက်မှလည်း အနည်းဆုံး ၂၂ ဦး သေဆုံးခဲ့ရသည်။ သမ္မတ Andry Rajoelina က ဆန္ဒ ပြသူများအား နားလည်သည်ဟု ပြောလိုက်ပြီး ဆန္ဒပြ လူငယ်များနှင့် တွေ့ဆုံ ဆွေးနွေးရန် နေရာ တစ်ခု ဖန်တီးမည်ဟု ဆိုသည်။ ဆန္ဒ ပြမှုများအတွင်း ဖြစ်ပွားခဲ့သည့် လုယက်မှုများကြောင့် ပျက်စီး ဆုံးရှုံးခဲ့မှုများကိုလည်း ပြန်လျှော်ပေးမည်ဟု ဆိုသည်။ ဆန္ဒ ပြပွဲများကို ရဲများက မျက်ရည်ယို ဗုံးများ ရော်ဘာကျည်များ သုံးပြီး ဖြိုခွဲခဲ့ခြင်းကြောင့် အနည်းဆုံး လူ ၁၀၀ ကျော် ထိခိုက် ဒဏ်ရာရသွားခဲ့သည်။

Gen- Z လှုပ်ရှားမှု မဒါဂတ်စကာတွင် အစိုးရ ပြုတ်ကျ

Oct 2

အမေရိကန် အစိုးရ ရပ်ဆိုင်း သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၁ ရက်။ လွှတ်တော်တွင် ဘတ်ဂျက်ဆိုင်ရာ သဘောတူညီချက် မရသောကြောင့် ၂၀၁၉ နောက်ပိုင်း ပထမဆုံး အကြိမ်အ ဖြစ် အမေရိကန် အစိုးရ လုပ်ငန်းများ စက်တင်ဘာ ၃၀ ရက် အင်္ဂါနေ့ည ညသန်းခေါင် အချိန်က ရပ်ဆိုင်းသွားခဲ့သည်။ လွှတ်တော်တွင် အဓိက ရှေ့မတိုးနောက်မဆုတ် ညှိနှိုင်း၍ မရ ဖြစ်ရသည့် ကိစ္စရပ်များတွင် ကျန်းမာရေး စောင့်ရှောက်မှု ဆိုင်ရာ ဘတ်ဂျက် သတ်မှတ်ရေး လည်း ပါဝင်သည်။ အမေရိကန် နိုင်ငံတွင် အစိုးရ ဘတ်ဂျက်အပေါ် လွှတ်တော်အတွင်း သဘောတူညီချက် မရသဖြင့် ဆက်သုံး၍ မရတော့ပဲ အစိုးရ လုပ်ငန်းများ ရပ်ဆိုင်းသွားခြင်း ဖြစ်သည်။ ထိုသို့ ရပ်ဆိုင်းသွားခြင်းဖြင့် အမေရိကန် အစိုးရ၏ ဝန်ဆောင်မှု လုပ်ငန်းအချို့ ယာယီ ရပ်ဆိုင်းသွားမည် ဖြစ်ပြီး သိန်းနှင့် ချီသည့် အစိုးရ ဝန်ထမ်းများ၏ လစာကို ဆိုင်းငံ့ခံထားရမည် ဖြစ်သည်။ လွှတ်တော် ဘတ်ဂျက် ရုံး၏ ခန့်မှန်းချက်အရ ဖက်ဒရယ် အလုပ်သမား ၇ သိန်း ခွဲခန့် နေ့စဉ် လုပ်အားခ မရပဲ ရှိနေမည်ဖြစ်သည်။ လွှတ်တော်တွင် ဘတ်ဂျက် ကိစ္စ ပြေလည်သွားမှသာ ဆိုင်းငံ့ထားသည့် လုပ်အားခများအား ပြန်လည် ရရှိမည် ဖြစ်သည်။ ၂၀၁၈-၂၀၁၉ ခုနှစ် သမ္မတ ဒေါ်နယ် ထရန့်ရဲ့ ပထမ အကြိမ် သမ္မတ သက်တမ်းအတွင်း အမေရိကန်မှာ အစိုးရ ရပ်ဆိုင်းမှုဖြစ်ပွားခဲ့ပြီး ထိုစဉ်က ရက်ပေါင်း ၃၅ ရက် ကြာမြင့်ခဲ့သည်။

အမေရိကန် အစိုးရ ရပ်ဆိုင်း

Oct 2

ထိုင်းနိုင်ငံရှိ မြန်မာဒုက္ခသည်များ စခန်းအပြင်တွင် တစ်နှစ် တရားဝင်အလုပ်လုပ်ခွင့် စတင်ရရှိ   သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၂ ရက်။ ထိုင်း-မြန်မာ နယ်စပ်တစ်လျှောက်ရှိ ဒုက္ခသည်စခန်း ၉ ခုမှ မြန်မာစစ်ရှောင်ဒုက္ခသည်များသည် အောက်တို ဘာလ ၁ ရက်နေ့မှ စတင်၍ ထိုင်းနိုင်ငံတွင် စခန်းအပြင်၌ တစ်နှစ်တာ တရားဝင် အလုပ်လုပ်ခွင့် စတင်ရရှိပြီ ဖြစ်သည်။ ထိုင်းနိုင်ငံ၏ တာ့ခ်၊ မယ်ဟောင်ဆောင်၊ ကန်ချနဘူရီနှင့် ရတ်ချာဘူရီခရိုင်များရှိ ဒုက္ခသည်စခန်းများမှ မြန်မာဒုက္ခသည်များကို စခန်းအပြင်ဘက်တွင် အလုပ်လုပ်ကိုင်ခွင့် ပေးခဲ့ခြင်းဖြစ်ကြောင်း ထိုင်းသတင်းများက ဖော်ပြသည်။ ထိုင်းအလုပ်ရှင်များသည် ဆောက်လုပ်ရေး၊ စိုက်ပျိုးရေး၊ မွေးမြူရေး၊ ငါးဖမ်းလုပ်ငန်းနှင့် လျှပ်စစ်ပစ္စည်း ရောင်းချသည့် လုပ်ငန်းများတွင် အလုပ်ခေါ်ယူရန် စိတ်ဝင်စားမှုရှိနေကြောင်း ထိုင်းအလုပ်သမားဝန်ကြီးဌာန အကြီးအကဲက ပြောကြားသည်။ စခန်းအပြင်ထွက်၍ အလုပ်လုပ်မည့် ဒုက္ခသည်များသည် ဆေးစစ်မှုခံယူရမည်ဖြစ်ပြီး ၎င်းတို့သည် ဒုက္ခသည် စခန်းများမှ မထွက်ခွာမီ တစ်နှစ်တာ ကာလအတွက် အလုပ်လုပ်ခွင့်ပြုသည့် ခွင့်ပြုချက်ကို ရရှိမည်ဖြစ်သည်။ ထိုင်းဝန်ကြီးချုပ် မစ္စတာ အနုတင်က ထိုင်းနိုင်ငံသည် လူသားချင်းစာနာထောက်ထားမှုဆိုင်ရာ မူဝါဒများကို လိုက်နာပြီး ဒုက္ခသည်များအတွက် ဥပဒေနှင့်အညီ အခွင့်အလမ်းသစ်များ ဖွင့်လှစ်ပေးခြင်းဖြစ်ကြောင်း ပြောသည်။ အဆိုပါ အလုပ်လုပ်ခွင့်ပေးသည့် အစီအစဉ်သည် ၄၁ နှစ်အတွင်း ပထမဆုံးအကြိမ် ဖြစ်သည်ဟု ထိုင်းရွှေ့ပြောင်း နေထိုင်မှု ပြုပြင်ပြောင်းလဲရေးအဖွဲ့ အကြံပေးက ပြောဆိုထားသည်။

ထိုင်းနိုင်ငံရှိ မြန်မာဒုက္ခသည်များ စခန်းအပြင်တွင် တစ်နှစ် တရားဝင်အလုပ်လုပ်ခွင့် စတင်ရရှိ  

Oct 2

ကချင်ပြည်၊ ဗန်းမော်တိုက်ပွဲ ပြင်းထန်၊ စစ်ရေးအရေးပါသော စခန်းတချို့ကို KIA ပြန်လည်သိမ်းယူ   သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၂ ရက်။ ကချင်ပြည်၊ ဗန်းမော်မြို့နယ်တွင် စစ်ကောင်စီတပ်နှင့် ကချင်လွတ်လပ်ရေး တပ်မတော် (KIA) တို့အကြား တိုက်ပွဲများ ပြင်းထန်နေပြီး စစ်ရေးအရ အရေးပါသော စခန်းအချို့ကို KIA က ပြန်လည်ထိန်းချုပ်ထားနိုင်ခဲ့ သည်။ အောက်တိုဘာလ ၁ ရက်နေ့တွင် ဗန်းမော်မြို့နယ်ရှိ သုံးမိုင်ရွှေပြည်သာ KBC ဘုရားကျောင်းကုန်းကို KIA နှင့် ပူးပေါင်းအဖွဲ့က ပြန်လည်ထိန်းချုပ်ခဲ့ပြီး ယနေ့တိုင် တိုက်ပွဲများ ဆက်လက်ဖြစ်ပွားနေကြောင်း သိရသည်။ ဗန်းမော်ဒေသတွင် တပ်စခန်းများကို နှစ်ဖက်အပြန်အလှန် သိမ်းယူနေသည့် ပုံစံမျိုးဖြစ်နေပြီး၊ စစ်ရေးအရ အရေးပါသော အခြားစခန်းများကိုလည်း KIA က ပြန်လည်ထိန်းချုပ်နိုင်ခဲ့သော်လည်း အခြေအနေအရ နေရာအတိအကျ ဖော်ပြရန် အဆင်မပြေသေးကြောင်း မြေပြင်သတင်းအရင်းအမြစ်က ပြောသည်။ နှစ်ဖက်တိုက်ပွဲများအတွင်း အကျအဆုံးများလည်း များပြားနေသည်ဟု ဆိုသည်။ KIA သည် ဗန်းမော်မြို့ကို သိမ်းပိုက်နိုင်ရေးအတွက် နေရာယူထားပြီး နောက်မဆုတ်ဘဲ တောင့်ခံနေသလို၊ စစ်ကောင်စီတပ်ကလည်း ဩဂုတ်လကတည်းက လေကြောင်း၊ ရေကြောင်းမှ စစ်အင်အား၊ လက်နက်နှင့် ရိက္ခာများ ဖြည့်တင်းကာ ဗန်းမော်မြို့ကို အပြည့်အဝ ပြန်လည်ထိန်းချုပ်နိုင်ရန် ထိုးစစ်ကြီးများ ဆင်နွှဲနေခြင်းကြောင့် ဩဂုတ်လမှ စ၍ တိုက်ပွဲများ ဆက်တိုက် ပြင်းထန်နေခြင်းဖြစ်သည်။

ကချင်ပြည်၊ ဗန်းမော်တိုက်ပွဲ ပြင်းထန်၊ စစ်ရေးအရေးပါသော စခန်းတချို့ကို KIA ပြန်လည်သိမ်းယူ  

Oct 2

ရှမ်းမြောက်၊ နမ္မတူမြို့ လေကြောင်းတိုက်ခိုက်ခံရ၊ စစ်ရှောင်များနှင့် အရပ်သား ၄ ဦး သေဆုံး သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာ ၂ ရက်။ ရှမ်းပြည် မြောက်ပိုင်း၊ ကျောက်မဲခရိုင်မှ စစ်ဘေးရှောင်ပြည်သူများ ခိုလှုံနေသည့် နမ္မတူမြို့သည် စစ်ကော်မရှင်တပ်၏ လေကြောင်း တိုက်ခိုက်မှုကြောင့် အရပ်သား ၄ ဦး သေဆုံးပြီး ၇ ဦး ဒဏ်ရာရရှိခဲ့သည်။ အောက်တိုဘာလ ၂ ရက်နေ့ နံနက် ၇ နာရီခန့်တွင် စစ်ကော်မရှင်တပ်က နမ္မတူမြို့နှင့် မန်တုံမြို့တို့ကို လေယာဉ် ဖြင့် ပေါင် ၅၀၀ ဗုံးများဖြင့် လူနေရပ်ကွက်ထဲ ကြဲချတိုက်ခိုက်ခဲ့ကြောင်း ဒေသခံများက ပြောသည်။ နမ္မတူမြို့ လေကြောင်းတိုက်ခိုက်မှုတွင် ပွဲချင်းပြီး ၂ ဦး သေဆုံးခဲ့ပြီး၊ ဆေးရုံအရောက်တွင် ၁ ဦး၊ နံနက် ၁၀ နာရီခန့်တွင် ဆေးကုသမှုခံယူနေသူ အမျိုးသား ၁ ဦး ထပ်မံသေဆုံးခဲ့ရာ စုစုပေါင်း သေဆုံးသူ ၄ ဦး ရှိခဲ့သည်။ ကလေးများ အပါအဝင် ၇ ဦး ထိခိုက်ဒဏ်ရာရရှိခဲ့ပြီး ကလေးတစ်ဦး ပျောက်ဆုံးနေကြောင်းလည်း သိရသည်။ သေဆုံးသူများထဲတွင် ကျောက်မဲနှင့် နောင်ပိန်ဒေသများမှ စစ်ဘေးရှောင်လာသူများလည်း ပါဝင်ကြောင်း သိရသည်။ ကိုယ့်ရပ်ကိုယ့်ရွာ မဟုတ်သည့် နေရာ၌ စစ်ဘေးရှောင်ရင်း ယခုကဲ့သို့ အဖြစ်ဆိုးနှင့် ထပ်မံကြုံတွေ့ရခြင်း အတွက် ဒေသခံများနှင့် စစ်ရှောင်များအကြား ဝမ်းနည်းပူဆွေးမှုများ ဖြစ်ပေါ်ခဲ့ပြီး ထိုနံနက်ခင်းသည် ငိုသံများ ဖြင့် ပြည့်နှက်ခဲ့ကြောင်း ဒေသခံများက ပြောသည်။ နမ္မတူကို ဗုံးကြဲပြီး နာရီဝက်ခန့်အကြာတွင် မန်တုံမြို့ကိုလည်း ထပ်မံတိုက်ခိုက်ခဲ့ကြောင်း သတင်းရရှိသည်။

ရှမ်းမြောက်၊ နမ္မတူမြို့ လေကြောင်းတိုက်ခိုက်ခံရ၊ စစ်ရှောင်များနှင့် အရပ်သား ၄ ဦး သေဆုံး

Oct 1

အမေရိကန်မှာ သောင်းကျန်းနေတဲ့ ရှဉ့်ကလေး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၃၀ ရက်။ လမ်းမတွေဘေးက ဓါတ်ကြိုးတွေပေါ်မှာ သစ်ပင်တွေပေါ်မှာ ခုန်လိုက်ပြေးလိုက် သွားနေတဲ့ အမွှေးဖွားဖွား အကောင်လေးတွေ တွေ့ဘူးမှာပါ။ အဲဒီ ရှဉ့်လေးတွေ တွေ့ရင် ချစ်စနိုးလေး ကြည့်တတ်ကြပါတယ်။ ဒါပေမယ့် အမေရိကန် နိုင်ငံမှာတော့ အဲ့လို ရှဉ့်လေး တစ်ကောင်အတွက် သတိပေးချက်တွေ ထုတ်ပြန်ထားရပါတယ်။ အမေရိကန် ကယ်လီဖိုးနီးယားပြည်နယ် ဆန် ရေဖယ်လ် (San Rafael) နဲ့ လူးကပ်စ် ဗယ်လီ (Lucas Valley) နေရာတွေမှာ ကြော်ညာလေးတွေ ကပ်ထားတာ တွေ့ရပါတယ်။ ကြော်ညာလေးတွေထဲမှာတော့ ဒေါသထွက်နေတဲ့ ရှဉ့်တကောင်က လူတွေကို တိုက်ခိုက်လေ့ရှိနေတာမို့ သတိထားကြဖို့ သတိပေးထားပါတယ်။ လူတွေ မွေးထားခဲ့တယ်လို့ ယုံကြည်ရတဲ့ ရှဉ့်ငယ်လေးတစ်ကောင် ဟာ လူတွေကို လိုက်လိုက် ကိုက်နေလို့ အနည်းဆုံး လူ ၂ ယောက်ကို ဆေးရုံက အရေးပေါ် လူနာခန်းကို ပို့လိုက်ရတယ်လို့ တောရိုင်း တိရစ္ဆာန် ကျွမ်းကျင်သူတွေက ပြောပါတယ်။ အဲဒီ သတိပေးကြော်ငြာထဲမှာက “စိတ်အလွန် ဆိုးနေတဲ့ ရှဉ့်” တကောင်က လူတွေကို တိုက်ခိုက်နေတယ်၊ “အဲဒီရှဉ့်ဟာ ဘယ်ကမှန်းမသိ ထွက်လာပြီး လူတွေကို တိုက်ခိုက်တတ်တယ်” လို့ ရေးထားပါတယ်။ WildCare လို့ခေါ်တဲ့ တောရိုင်း တိရစ္ဆာန် ကယ်ဆယ်ရေး ဌာနက ဆက်သွယ်ရေး ဒါရိုက်တာ အယ်လီဆင် ဟာမန့်စ် (Alison Hermance) ကတော့ လူသားတွေ လက်သပ်မွေးထားတဲ့ ရှဉ့်ဆိုတာ သေချာတယ်လို့ ပြောပါတယ်။

အမေရိကန်မှာ သောင်းကျန်းနေတဲ့ ရှဉ့်ကလေး

Oct 1

မော်လ်ဒိုဗာ ပြည်သူများက ဥရောပနှင့် ပေါင်းရန် မဲပေး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၃၀ ရက်။ မော်လ်ဒိုဗာ ဟု ခေါ်သည့် နိုင်ငံလေးရှိ ပြည်သူများက ရုရှားအပေါ် ကြောက်ရွံ့မှုကို ထင်ထင်ရှားရှား ပြခဲ့ကြသည်။ ဥရောပနဲ့ ယူကရိန်းကြားမှာ ရှိတဲ့ မော်လ်ဒိုဗာ လို့ခေါ်တဲ့ အရှေ့ ဥရောပ နိုင်ငံငယ်လေးတွင် ရွေးကောက်ပွဲ ကျင်းပခဲ့ကြသည်။ နိုင်ငံရေး အင်အားစု နှစ်ခု ရှိနေပြီး လက်ရှိ အာဏာရ PAS ပါတီက ဥရောပနဲ့ ပေါင်းချင်ပြီး အတိုက်အခံများအထဲတွင် ရုရှားဘက်လိုက်လိုသူများ ရှိနေခဲ့သည်။ စက်တင်ဘာ ၂၈ ရက်က ကျင်းပခဲ့သည့် ရွေးကောက်ပွဲ ရလာဒ်များ ယနေ့ ထွက်ပေါ်လာပြီ ဖြစ်သည်။ မော်လ်ဒိုဗာ ပြည်သူများက ဥရောပနဲ့ နီးစပ်ရန် လိုလားသည်ဆိုသည်ကို ပြတ်ပြတ်သားသား ပြသခဲ့ကြသည်။ ရုရှား၏ စွက်ဖက် ဝါဒဖြန့်မှုများ ရှိနေကြောင်း စွပ်စွဲချက်များ ကြားမှပင် ဥရောပ လိုလားသည့် PAS ပါတီက ပါလီမာန်နေရာ အများစုကို အပြတ်အသတ် ဆက်လက် ရယူနိုင်ခဲ့သည်။ ထင်ရှားတဲ့ PAS ပါတီ ကိုယ်စားလှယ် Radu Marian က တော့ သူ၏ Facebook စာမျက်နှာတွင် မော်လ်ဒိုဗာ ၃ - ပူတင် ၀ ဟု တင်ထားခဲ့သည်။

မော်လ်ဒိုဗာ ပြည်သူများက ဥရောပနှင့် ပေါင်းရန် မဲပေး

Oct 1

ကမ္ဘာအနှံ့မှ အမေရိကန် ဗိုလ်ချုပ်များအား ရှောင်တခင် အစည်းအဝေး ဆင့်ခေါ် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ စက်တင်ဘာလ ၃၀ ရက်။ အမေရိကန် စစ်တပ်က မကြုံစဖူး ကမ္ဘာအနှံ့အပြားတွင် တာဝန်ထမ်းဆောင် နေသော ကြယ်တစ်ပွင့် ဗိုလ်ချုပ်နှင့် အထက် အရာရှိကြီးများအား အချိန်တိုအတွင်း အစည်းအဝေး ခေါ်ယူခဲ့သည်။ အစည်းအဝေးကို ဗားဂျီးနီးယား ပြည်နယ် (Viginia) ရှိ မရိန်း တပ်ဖွဲ့ တက္ကသိုလ် (Marine Corps) ၏ ကွမ်တီကို (Quantico) စစ်စခန်းတွင် ပြုလုပ်ခဲ့သည်။ ထူးခြားသည်မှာ ကမ္ဘာအနှံ့ နိုင်ငံပေါင်း ၁၂ နိုင်ငံ ကျော်တွင် တာဝန်ထမ်းဆောင်နေသော စစ်ဗိုလ်ချုပ်များ အားလုံးကို တပတ်အတွင်း အစည်းအဝေး ဆင့်ခေါ်ခဲ့ခြင်း ဖြစ်သည်။ အမေရိကန် စစ်ဌာနချုပ် ပင်တဂွန်က ခေါ်ယူခဲ့သည့် အစည်းအဝေးတွင် ကာကွယ်ရေး ဝန်ကြီး (နာမည်သစ်အရ ဆိုပါက စစ်ဝန်ကြီး) ပိ့တ် ဟက်ဆက်သ် Pete Hegseth သာမက သမ္မတ ဒေါ်နယ်ထရန့်ကလည်း ဗိုလ်ချုပ်များ အားလုံးကို ကိုယ်တိုင်တွေ့ဆုံ စကားပြောခဲ့သည်။ အစည်းအဝေး ကာလမှာ တစ်ရက်သာ ဖြစ်သည်။ တရားဝင် ထုတ်ပြန်ထားသည့် စစ်ဝန်ကြီး၏ မိန့်ခွန်းပါ အကြောင်းအရာများတွင် စစ်သည်တော် စိတ်ဓါတ် ပြန်လည် ထူထောင်ရေး၊ ရုပ်ပိုင်း စိတ်ပိုင်း စံနှုန်း သစ်များ ချမှတ်ရေး နှင့် စစ်ဝန်ကြီးဌာန၏ ဦးစားပေး လုပ်ငန်းစဉ်များကို စစ်ဘက်ခေါင်းဆောင်များအား ရှင်းပြရန် ဖြစ်သည်ဟု ဆိုသည်။ ထိုမျှလောက် များပြားသည့် ဗိုလ်ချုပ်များကို လုံခြုံရေး အန္တရာယ် အဖြစ်ခံပြီး နိုင်ငံရပ်ခြားမှ ရုတ်တရက် ခေါ်ယူခြင်းတွင် အရေးကြီးသည့် လျို့ဝှက်ချက် တစ်စုံတစ်ရာ ရှိနိုင်သည်ဟု သုံးသပ်မှုတွေ ရှိနေသည်။

ကမ္ဘာအနှံ့မှ အမေရိကန် ဗိုလ်ချုပ်များအား ရှောင်တခင် အစည်းအဝေး ဆင့်ခေါ်

« Prev 1 … 147 148 149 150 151 … 1,082 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

သမ္မတတောင်းဆိုမှုကြောင့် အမေရိကန် ကစားသမားရဲ့ ပြစ်ဒဏ်ကို FIFA က ပြင်ဆင်
NATO ထိပ်သီးအစည်းအဝေး မတိုင်မီ တင်းမာမှုများ မြင့်တက်နေ
ယူကရိန်းမြို့တော် ကိဗ်ကို ရုရှားစစ်တပ်က ဒုံးကျည်နှင့် ဒရုန်းများဖြင့် အပြင်းအထန် ဗုံးကြဲတိုက်ခိုက်၊ လူ ၃ ဦး သေဆုံး
အီရန် ခေါင်းဆောင် ဈာပန စီတန်းပွဲများ စတင်
စလော့ဂိမ်း သိန်း ၁၅၀ ရှုံးသဖြင့် ယာဉ်မောင်းတစ်ဦး အဆုံးစီရင်

Archives

Archives

×Close