သတင်း

တနင်္သာရီတိုင်း တိုက်ပွဲအတွင်း စစ်မှုထမ်း CDM တစ်ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၄ ရက်။   လောင်းလုံးမြို့နယ်ထဲက ပန်းတင်အင်းတိုက်ပွဲတွင် စစ်မှုထမ်း CDM တစ်ဦးသေဆုံးသွားခဲ့သည်ဟု ကာကွယ်ရေး တပ်ဖွဲ့တာဝန်ရှိသူများက ပြောသည်။   တနင်္သာရီတိုင်း၊ ထားဝယ်ခရိုင်၊ လောင်းလုံးမြို့နယ်၊ ပန်းတင်အင်းကျေးရွာတွင် ဖြစ်ပွားခဲ့သည့် တိုက်ပွဲအတွင်း ပြည်သူ့ကာကွယ်ရေး တပ်မတော်၊ ဒေါနတပ်ခွဲ ၆၊ ဝေဟင်တပ်ဖွဲ့မှ တပ်ဖွဲ့ဝင်တစ်ဦး ဦးခေါင်းကျည်ထိမှန်၍ သေဆုံးခဲ့သည်ဟု ဝေဟင်တပ်ဖွဲ့ တာဝန်ရှိသူက ပြောသည်။   ဒေါန ၆ တပ်ခွဲမှူးက “သူက တိုက်ပွဲကြားထဲမှာ ပိတ်မိနေတဲ့သူတွေကို ဝင်ပြီး ဆွဲထုတ်ပေးနေတာပါ၊ သူဆွဲထုတ် ပေးတဲ့သူတွေကတော့ လွတ်မြောက်ကုန်တယ်၊ သူကတော့ ဆောင်းထားတဲ့ ဦးထုတ်ကို ဖေါက်ပြီး ဦးခေါင်းကို ကျည်ထိပြီး ဆုံးသွားတယ်” ဟု ပြောသည်။   တိုက်ပွဲအတွင်း သေဆုံးသွားသူမှာ စစ်မှုထမ်းသင်တန်းဆင်း အသက် ၂၀ အရွယ် ရဲဘော်ဆပ်ပြာ ဆိုသူဖြစ်ပြီး  ရေဖြူမြို့နယ်၊ ကံပေါက်ဒေသအခြေစိုက် စစ်ကောင်စီ၏ ခလရ ၂၇၃ တပ်ရင်းတွင် တာဝန်ကျစဉ်တွင် ထွက်ပြေး လာကာ ဝေဟင်တပ်ဖွဲ့ထံသို့ ဘက်ပြောင်းခိုလှုံလာသူ ဖြစ်သည်။   ပန်းတင်အင်းကျေးရွာသို့ စစ်ကြောင်းထိုးလာသည့် စစ်ကောင်စီစစ်ကြောင်းနှင့် ဓဝယ်အမျိုးသားလွတ်မြောက် ရေးတပ်တော် - DNLA၏ ဒူရကစစ်ကြောင်း ဦးဆောင်သော ပြည်သူ့ကာကွယ်ရေးပူးပေါင်းတပ်ဖွဲ့များအကြား  ဇူလိုင်လ ၂၉ ရက်နေ့က ဆယ်နာရီခန့်အကြာ တိုက်ပွဲ ပြင်းထန်ခဲ့သည်။   ကံပေါက်ဒေသရှိ ရေကန်တောင်တိုက်ပွဲ မဖြစ်မီ တစ်လခန့်အလို ၂၀၂၄ ခုနှစ် နိုဝင်ဘာလအတွင်း အခြားစစ်မှု ထမ်း သင်တန်းဆင်း ရဲဘော်နှစ်ဦးနှင့်အတူ ရဲဘော်ဆပ်ပြာတို့ ရေကန်တောင်စခန်းမှ ဘက်ပြောင်းခိုလှုံလာခြင်း ဖြစ်ကြောင်း ဒေါန ၆ တပ်ခွဲမှူးက ဆိုသည်။   ပြည်သူ့ကာကွယ်ရေး တပ်ဖွဲ့ဝင်အဖြစ် တာဝန်ထမ်းဆောင်နေသည်မှာ ကိုးလခန့်ရှိနေပြီ ဖြစ်ပြီး ရဲဘော်ဆပ်ပြာ သည် ဝေဟင်တပ်ဖွဲ့ တွင် ပထမဆုံးကျဆုံးသည့် ရဲဘော်တစ်ဦး ဖြစ်သည်။   ရဲဘော်ဆပ်ပြာ၏ စျာပနကို ဇူလိုင်လ ၃၁ ရက်က ဂူသွင်းသင်္ဂြိုဟ်ခဲ့သည်ဟု ဝေဟင်တပ်ဖွဲ့ ဝင်များက ပြော သည်။   ပန်းတင်အင်းရွာတိုက်ပွဲတွင် စစ်တပ်ဘက်မှလည်း ၃၀ ဦးထက်မနည်း ထိခိုက်သေဆုံးသည်ဟု ဒူရက စစ်ကြောင်းက သတင်းထုတ်ပြန်ထားသည်။

တနင်္သာရီတိုင်း တိုက်ပွဲအတွင်း စစ်မှုထမ်း CDM တစ်ဦး သေဆုံး

တနင်္သာရီတိုင်း တိုက်ပွဲအတွင်း စစ်မှုထမ်း CDM တစ်ဦး သေဆုံး  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၄ ရက်။  လောင်းလုံးမြို့နယ်ထဲက ပန်းတင်အ…

  • August 4, 2025
ကျောက်မဲမြို့ကို စစ်ကော်မရှင်တပ်က လေယာဉ်နှင့် ဗုံးကြဲ၊ ဒေသခံ ၃ ဦးထိမှန် ဒဏ်ရာရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၄ ရက်။   ရှမ်းမြောက်၊ ကျောက်မဲမြို့ကို စစ်ကော်မရှင်တပ်က ဂျက်ဖိုက်တာနှင့် ထပ်မံ ဗုံးကြဲတိုက်ခိုက်ခဲ့ရာ ဒေသခံ အမျိုးသမီး ၃ ဦး ထိမှန်ဒဏ်ရာ ရခဲ့သည်။   ဩဂုတ်လ ၄ ရက်နေ့၊ နံနက် ၁၀ နာရီခွဲအချိန်ခန့်တွင် ကျောက်မဲမြို့၊ ရပ်ကွက် ၆ ရှိ စျေးသစ်အနီးတဝိုက်ကို ပေါင် ၅၀၀ ဗုံးနှင့် ကြဲခဲ့ခြင်း ဖြစ်သည်ဟု ဒေသခ့များက ပြောသည်။   တအာင်း အမျိုးသမီးအဖွဲ့အစည်း TWO တာဝန်ရှိသူတစ်ဦးက “အရပ်သားရှိတဲ့ ရပ်ကွက်ထဲ ကျတာ ထိခိုက်မှု ရှိပါတယ်။ အိမ်တွေ ထိတယ်။ ပြည်သူ ၃ ဦး ထိတယ်။ အမျိုးသမီး ၃ ဦး လို့ သိရပါတယ်။ အရမ်းတော့ မစိုးရိမ် ရဘူးရှင့်” ဟု ပြောသည်။   အဆိုပါ လေကြောင်း ဗုံးကြဲတိုက်ခိုက်ခံရမှုထဲ ကျောက်မဲဒေသခံ အမျိုးသမီး ၃ ဦးထိမှန်ဒဏ်ရာ ရခဲ့သည့်အပြင် ကိုယ်ပိုင်ကျောင်း တစ်ကျောင်းမှ အဆောက်အအုံ၊ ဆေးခန်း တစ်ခု အပြင် နေအိမ် ၃ လုံး ထိမှန်ပျက်စီးသွားခဲ့ သည်။   ဒေသခံအမျိုးသမီး တစ်ဦးက “လေယာဉ်က နေ့တိုင်းလိုလို လာတယ် ဒီရက်ပိုင်းမှာနော်။ ဒီနေ့လာကြဲတာက ကိုယ်ပိုင်ကျောင်းနားပေါ့၊ ဘော်ဒါပေါ့ အဲ့နားမှာကျတာ။ အိမ်မှာတောင် သိပ်မနေရဲဘူး။ တခြားမှာ သွားနေဖို့ ကလည်း မလွယ်ဘူး။ အသံတွေကို အမြဲနားစွင့်နေရတယ်။ အဒေါ်တို့အိမ်မှာက ယောက်ကျားလေး မရှိဘူး။ မိန်းကလေးတွေပဲ အသံကြားတာနဲ့ အရမ်းကြောက်တယ်။ ပြေးလည်းမပြေးတတ်တော့ဘူး” ဟု ပြောသည်။   ယခု ဗုံးကျရောက် ပေါက်ကွဲမှုအတွင်း အသက် ၂၉ နှစ်ရွယ် ဒေါ်မီမီသွေး၊ အသက် ၃၈ နှစ်အရွယ် ဒေါ်မီမီရင်နှင့် အသက် ၆၀ နှစ်အရွယ် ဒေါ်အေးဝင်းတို့ ထိခိုက်ဒဏ်ရာရရှိခဲ့သည်။   ဇူလိုင်လ ပထမပတ်မှ ယခု ဩဂုတ်လ ပထမပတ်အထိ ကျောက်မဲမြို့ကို စစ်ကော်မရှင်တပ်က လေကြောင်းမှ ဗုံးကြဲတိုက်ခိုက်မှု ၈ ကြိမ်လုပ်ခဲ့သည်ဟု တအာင်းတပ် TNLA က ဩဂုတ်လ ၄ ရက်နေ့တွင် ထုတ်ပြန်သည်။   အဆိုပါ လေကြောင်းတိုက်ခိုက်မှု ၈ ကြိမ်အတွင်း သေဆုံးသူ ၃ ဦး ရှိခဲ့ပြီး ၁၇ ဦး ထိမှန်ဒဏ်ရာရခဲ့သည်ဟု TNLA ထုတ်ပြန်ချက်က ဆိုသည်။   ထို့အပြင် နေအိမ် ၄၂ လုံး၊ စာသင်ကျောင်း ၁ ကျောင်းနှင့် ဘုန်းကြီးကျောင်း ၁ ကျောင်းလည်း ဗုံးစထိမှန် ပျက်စီးသွားခဲ့သည်။   စစ်ကော်မရှင်တပ်က တအာင်းတပ်မတော် TNLA က ထိန်းချုပ်ထားသည့် မြို့ရွာများထဲ လေကြောင်း တိုက် ခိုက်မှု၊ လက်နက်ကြီးပစ်ခတ်မှုနှင့် ဒရုန်းသူံး ဗုံးကြဲမှုများ ဆက်တိုက်လုပ်နေပြီး ဇူလိုင်လအတွင်း၌လည်း နောင်ချို၊ ကွတ်ခိုင်၊ သီပေါ၊ မိုင်းလုံ၊ မိုင်းငေါ့နှင့် မိုးကုတ်မြို့တို့ကို လေကြောင်းမှ ဗုံးကြဲတိုက်ခိုက်ခဲ့သည်။

ကျောက်မဲမြို့ကို စစ်ကော်မရှင်တပ်က လေယာဉ်နှင့် ဗုံးကြဲ၊ ဒေသခံ ၃ ဦးထိမှန် ဒဏ်ရာရ

ကျောက်မဲမြို့ကို စစ်ကော်မရှင်တပ်က လေယာဉ်နှင့် ဗုံးကြဲ၊ ဒေသခံ ၃ ဦးထိမှန် ဒဏ်ရာရ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၄ ရက်။ ရှမ်းမြောက်၊…

  • August 4, 2025
ဖားကန့်တိုက်ပွဲအတွင်း ကလေးအပါအဝင် အရပ်သား ၃ ဦး သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၄ ရက်။   ကချင်ပြည်၊ ဖားကန့်မြို့နယ်ထဲ စစ်ကော်မရှင်တပ်နှင့် ကချင်လွတ်လပ်ရေး တပ်မတော် KIA ပူးပေါင်းအဖွဲ့တို့ အကြား တိုက်ပွဲများ ဆက်တိုပ်ဖြစ်နေပြီး အရပ်သား ထိမှန်သေဆုံးမှုများ ရှိနေသည်ဟု ဒေသခံများက ပြောသည်။   ဩဂုတ်လဆန်းမှာ ဩဂုတ်လ ၄ ရက်နေ့အထိ တိုက်ပွဲများ ဆက်တိုက် ဖြစ်နေသည်ဟု ဖားကန့်ဒေသခံများက ပြောသည်။   ဩဂုတ်လ ၃ ရက်နေ့နှင့် ၄ ရက်နေ့ နှစ်ရက်တာ တိုက်ပွဲအတွင်း ကလေးတစ်ယောက် အပါအဝင် အရပ်သား ၃ ဦး သေဆုံးခဲ့ပြီး ၁၀ ဦးထက်မနည်း ထိမှန်ဒဏ်ရာ ရခဲ့သည်ဟု ဖားကန့်ဒေသခံများက ပြောသည်။   ဖားကန့်ဒေသခံ အမျိုးသားတစ်ဦးက “ဗျူဟာကုန်းဘက်နေ လက်နက်ကြီးတွေနဲ့ ပစ်တာ။ အဲ့ဒီ လက်နက်ကြီး က မျောက်ဖြူမော်ရွာကို ကျပြီး အရပ်သားနဲ့ ကလေးသုံးနှစ်အရွယ်ကလေး လက်နက်ကြီးကျည် ထိပြီးသေ သွားတာဗျ။ လူကြီးလည်း တစ်ယောက်သေတယ်။ ဒဏ်ရာရတာက ၇ ယောက်ရှိတယ်။ ၃ ရက်နေ့တုန်းက တစ်ယောက် လက်နက်ကြီးထိပြီး သေတယ်။ သုံးယောက်ဒဏ်ရာရတယ်” ဟု ပြောသည်။   ကချင်လွတ်လပ်ရေး တပ်မတော် KIA နှင့် KPDF ပူးပေါင်းတပ်က ရှရော်ခကျေးရွာရှိ ညောင်ပင်ကုန်းနေရာကို ပြန်လည်ရရှိရေး ထိုးစစ်ဆင်နေပြီး နှစ်ဖက်ကြား တိုက်ပွဲများ ဆက်ဖြစ်နေသည်ဟု ဆိုသည်။   လက်နက်ကြီး လက်နက်ငယ် ပစ်ခတ်မှုများ ဆက်တိုက် ရှိနေပြီး စစ်တပ်က ပစ်လိုက်တဲ့ လက်နက်ကြီးကျည် များမှာ အရပ်သား ပြည်သူများ နေထိုင်သည့်ဘက်ကို ကျရောက်ပေါက်ကွဲမှုများ ဆက်တိုက်ဖြစ်နေသည်ဟု ဆိုကြသည်။   ဩဂုတ်လ ၄ ရက်နေ့မှာတော့ မျောက်ဖြူကျေးရွာက အသက် ၃ နှစ်အရွယ် ကလေးတစ်ဦးနှင့် အသက် ၃၅ နှစ်အရွယ် အမျိုးသားတစ်ဦး ထိမှန်သေဆုံးခဲ့ပြီး ဩဂုတ်လ ၃ ရက်နေ့တွင်မူ ရှရော်ခကျေးရွာမှ အမျိုးသား တစ်ဦး ထိမှန်သေဆုံးခဲ့သေးသည်။   အလားတူ ဆန်းကြွယ်ကျေးရွာတွင်လည်း လက်နက်ကြီးကျရောက် ပေါက်ကွဲခဲ့ခြင်းကြောင့် အသက် ၈၀ ကျော်အရွယ် အဘွားတစ်ဦးအပါအဝင် အရပ်သား ၄ ဦး ထိမှန်ဒဏ်ရာ ရခဲ့သည်ဟု ဖားကန့်မြို့ခံများက ပြော သည်။   စစ်ကော်မရှင်တပ်သည် ပြီးခဲ့သည့် ဧပြီလကတည်းက ဖားကန့်ဒေသထဲသို့ အင်အားအလုံးအရင်းဖြင့် စစ်ကြောင်းများ ခွဲကာ ဝင်ရောက်လာပြီး ဖားကန့်မြို့ကို ပြန်လည်ထိန်းချုပ်နိုင်ရေး ကြိုးပမ်းနေခြင်း ဖြစ်သည်။   မြေပြင်ရှိ စစ်ကော်မရှင် စစ်ကြောင်းအား ဖားကန့်ဗျူဟာကုန်းမှ လက်နက်ကြီး ပစ်ကူမှုများအပြင် လေကြောင်း မှပါ ဗုံးကြဲကာ စစ်ကူပေးနေသည်ဟု ဒေသခံများက ပြောသည်။

ဖားကန့်တိုက်ပွဲအတွင်း ကလေးအပါအဝင် အရပ်သား ၃ ဦး သေဆုံး

ဖားကန့်တိုက်ပွဲအတွင်း ကလေးအပါအဝင် အရပ်သား ၃ ဦး သေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၄ ရက်။ ကချင်ပြည်၊ ဖားကန့်မြို့နယ်ထဲ စစ်ကော်မ…

  • August 4, 2025
စစ်ကော်မရှင်တပ် ရွာသားတစ်ဦးကို ပစ်သတ်ကာ ၁၀ ကို ဖမ်းဆီးသွား   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ သြဂုတ်လ ၂ ရက်။   လောင်းလုံးမြို့နယ်ထဲက ပန်းတင်အင်းကျေးရွာ မြောက်ပိုင်းတွင် စစ်ကော်မရှင် တပ်ဖွဲ့က နေအိမ် ၁၀ ကျော်ကို မီးရှို့ဖျက်ဆီးခဲ့ပြီးနောက် ရွာသားတစ်ဦးကို ပစ်သတ်သွားဟည်။   ထို့အပြင် ရွာသား ၁၀ ဦးကိုပါ စစ်ကော်မရှင်တပ်က ဖမ်းဆီးခေါ်ဆောင်သွားသည်ဟု ရွာသားများက ပြောသည်။   ပစ်သတ်ခံရသူမှာ ရေဖြူမြို့နယ်၊ မူးဒူးဒေသခံ ခမ်းမဲ ဆိုသူ လူငယ်အမျိုးသားဖြစ်ပြီး ပန်းတင်အင်းကျေးရွာသူ နှင့် အိမ်ထောင်ကျပြီး ရွာတွင် နေထိုင်သူဖြစ်ကြောင်း ဆိုသည်။   ဇူလိုင်လ ၂၉ ရက်နေ့ နံနက်ပိုင်းက စတင်ပြီး အင်အား ၇၀ ခန့်ရှိ စစ်ကော်မရှင်တပ် စစ်ကြောင်းကို ထားဝယ်အမျိုးသားလွတ်မြောက်ရေး တပ်တော် - DNLA တပ်ဖွဲ့နှင် ပူးပေါင်း မဟာမိတ် တော်လှန်ရေးတပ်ဖွဲ့များက ပန်းတင် အင်းကျေးရွာ မြောက်ပိုင်းရှိ ကွက်သစ်စာသင်ကျောင်း အနီးတွင် ဝင်ရောက်တိုက်ခိုက်ခဲ့ခြင်း ဖြစ်သည်။   ထိုနေ့က နှစ်ဖက်တိုက်ပွဲမှာ အချိန်အားဖြင့် ၁၀ နာရီကျော်ကြာ ဖြစ်ခဲ့ပြီးနောက် စစ်ကော်မရှင်တပ်က ကွက်သစ် ဘောလုံးကွင်း အနီးရှိသည့် နေအိမ် ၁၀ ကျော်ကို မီးရှို့ခဲ့ကာ လူငယ်အမျိုးသား တစ်ဦးကိုလည်း  ပစ်သတ်သွားခဲ့ခြင်း ဖြစ်သည်။   အသက် ၄၀ ခန့်အရွယ် အမျိုးသမီးတစ်ဦးက “ဘော်လုံးကွင်းအနားက အိမ် ၁၁ ဆောင်နဲ့ ရွာအထဲက တစ်ဆောင် ကို မီးရှို့ဖျက်ဆီးခဲ့တယ်။ အိမ်တွေမှာရှိနေတဲ့ ငွေကြေး ကျပ်သိန်းသုံးရာကျော်ကိုလည်း စစ်တပ်က ယူသွားတယ်” ဟု ပြောသည်။   အလားတူ ငွေကြေား ကျပ်သိန်းငါးဆယ်နှင့် သိန်းခြောက်ဆယ်ကျော် ပါသွားသည့် အိမ်များလည်း ရှိနေကာ သိန်း ၁၀၀ ကျော်အထိ ပါသွားသည့် အိမ်များပင်ရှိနေကြောင်း ရွာသားများက ဆိုသည်။   မီးရှို့ခံလိုက်ရသည့် နေအိမ်များ အနက် နေအိမ်တစ်ဆောင်တွင်မူ မိုးအကုန်တွင် အလှူလုပ်ရန် စုဆောင်းထား သည့် ငွေကျပ် သိန်း ၃၀၀ နှင့် ရွှေသား ၃၅ ကျပ်သားမှာ မီးလောင်ရာတွင် ပါသွားခဲ့သည်။   သို့သော် ရွှေမှာ အရည်ပျော်ပြီး အခဲအတိုင်း ပြန်လည်ရရှိခဲ့ကာ ငွေသားပိုက်ဆံများ မီးလောင်ဆုံးရှုံးသွားခဲ့သည် ဟု ရွာသားများက ပြောသည်။   တိုက်ပွဲ ဖြစ်ပွားပြီးသည့်နောက် စစ်ကော်မရှင်တပ် စစ်ကြောင်းက ပန်းတင်အင်းကျေးရွာသို့ အင်အား ဖြည့်တင်း လာသည့် အင်အား ၅၀ ခန့်ပါ စစ်ကြောင်းနှင့်အတူ ဇူလိုင်လ ၃၀ ရက်နေ့ ညနေ ၄ နာရီခန့်က ထားဝယ် ရေနက်ဆိပ်ကမ်းရှိ ယာယီစခန်းဘက်သို့ ထွက်ခွာသွားသည်ဟု ရွာသားများက ဆိုသည်။   ရေနက်ဆိပ်ကမ်း ယာယီစခန်းသို့ ထွက်ခွာချိန်တွင်ရွာသား ၁၀ ဦးကို စစ်ကောင်စီစစ်ကြောင်းမှ ဖမ်းဆီးခေါ် ဆောင်သွားခဲ့သည်။   ဖမ်းဆီး ခေါ်ဆောင်သွားခြင်းခံရသည့် ရွာသားများမှာ သြဂုတ်လ  ၁ ရက်နေ့ ညနေပိုင်းအချိန်ထိ ပြန်လည်လွတ်မြောက်လာခြင်း မရှိသေးကြောင်း ရွာသားများက ပြောသည်။

စစ်ကော်မရှင်တပ် ရွာသားတစ်ဦးကို ပစ်သတ်ကာ ၁၀ ကို ဖမ်းဆီးသွား

စစ်ကော်မရှင်တပ် ရွာသားတစ်ဦးကို ပစ်သတ်ကာ ၁၀ ကို ဖမ်းဆီးသွား သတင်းနှင့် မီဒီယာ ကွန်ရက်။၂၀၂၅ ခုနှစ်၊ သြဂုတ်လ ၂ ရက်။ လောင်းလုံးမြို့နယ်ထဲက ပန်းတင်အင…

  • August 2, 2025
စစ် ကော်မရှင်တပ်က တစ်ရက်အတွင်း ပလမြို့ကို လေကြောင်းဖြင့် သုံးကြိမ် ဗုံးကြဲ

 သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ သြဂုတ်လ ၂ ရက်။   ပုလောမြို့နယ်၊ ပလမြို့တွင် စစ်ကော်မရှင်တပ်နှင့် ပြည်သူ့ကာကွယ်ရေးတပ်တို့ကြား တိုက်ပွဲများ ပြင်းထန်စွာ ဖြစ်ပွားနေပြီး စစ်တပ်က လေကြောင်းဖြင့်ပါ သုံးကြိမ်ဗုံးကြဲကာ တိုက်ခိုက်ခဲ့သည်ဟု မြို့ခံများက ပြောသည်။   ဩဂုတ်လ ၁ ရက်နေ့ မွန်းတည့်ချိန်မှ စ၍ ညနေပိုင်း ၄ နာရီဝန်းကျင်ထိ စစ်ကော်မရှင်တပ်က လေကြောင်းမှ ဂျက်တိုက်လေယာဉ်ဖြင့် နှစ်ကြိမ် ဗုံးကြဲတိုက်ခိုက်ကာ ရဟတ်ယာဉ်ဖြင့်လည်း တစ်ကြိမ် ဗုံးကြဲတိုက်ခိုက်ခဲ့ခြင်း ဖြစ်သည်။   အသက် ၅၀ ခန့်အရွယ် စစ်ရှောင်နေရသူ မြို့ခံတစ်ဦးက “လေကြောင်းကနေ ဗုံးနဲ့ကြဲတာ သုံးကြိမ်ရှိပြီ၊ လူထိ ခိုက်တာတော့ မသိရသေးဘူး တိုက်ပွဲက ဖြစ်နေသေးတော့ စစ်ရှောင်နေရပြီးပုန်းနေကြရတယ်၊ အိမ်နှစ်ဆောင် လည်း မီးလောင်နေတယ်လို့ ကြားသိနေရတယ်၊ ဘယ်သူမှ သွားကြည့်မရဲဘူး အားလုံးက အသက်လုနေကြရတဲ့ အချိန်မှာ” ဟု ပြောသည်။   ဗုံးကြဲတိုက်ခိုက်ခဲ့ခြင်းကြောင့် ပလမြို့ပေါ်ရှိ လူနေအိမ်နှစ်ဆောင် မီးလောင်ပျက်စီးခဲ့ကြောင်း မြို့ခံများက ဆို သည်။   ပလမြို့အတွင်းရှိ စစ်ကော်မရှင်တပ်ဖွဲ့က တွေ့မြင်သမျှ ပြည်သူများကို သေနတ်ဖြင့် ပစ်ခတ်လျက်ရှိနေသည့် အပြင် လေကြောင်းမှလည်း နေ့စဥ်ဆက်တိုက် ဗုံးကြဲနေသည့်အတွက် မြိုခံများမှာ ဘေးလွတ်ရာသို့ ထွက်ပြေး တိမ်းရှောင် နေကြရသည်။   စစ်ကော်မရှင်တပ်၏ လေကြောင်းမှ ပထမအကြိမ်တွင် ဂျက်တိုက်လေယာဉ်ဖြင့် ဗုံး ၂ လုံး၊ ဒုတိယအကြိမ်၌ ရဟတ်ယာဉ်ဖြင့် ဗုံး ၁၅ လုံးနှင့် တတိယအကြိမ်တွင် ဂျက်တိုက်လေယာဉ်ဖြင့် ဗုံး ၂ လုံး လာကြဲသွားသည်ဟု မြို့ခံများက ပြောသည်။   ပလမြို့နှင့် အနီးတဝိုက်ရှိ ကျေးရွာများတွင် ဇူလိုင်လ ၂၄ ရက်နေ့မှ ဩဂုတ်လ ၁ ရက်နေ့အထိ စစ်ကော်မရှင် တပ်နှင့် ပြည်သူ့ကာကွယ်ရေးတပ်ဖွဲ့များ အကြား တိုက်ပွဲများ ပြင်းထန်စွာ ဖြစ်ပွားနေပြီး လေကြောင်းမှ ဗုံးကြဲတိုက်ခိုက်မှုများကိုလည်း နေ့စဥ်နီးပါး လုပ်နေသည်ဟု ဆိုကြသည်။   လေကြောင်း တိုက်ခိုက်မှုများကြောင့် ရွာသား ၆ ဦး သေဆုံးခဲ့ပြီး ဘုန်းကြီး ၂ ပါး ပျံလွန်တော်မူခဲ့သည့်အပြင် ပြည်သူ ၁၀ ဦး ထက်မနည်း ဒဏ်ရာရရှိခဲ့သည်။

စစ်ကော်မရှင်တပ်က တစ်ရက်အတွင်း ပလမြို့ကို လေကြောင်းဖြင့် သုံးကြိမ် ဗုံးကြဲ

စစ်ကော်မရှင်တပ်က တစ်ရက်အတွင်း ပလမြို့ကို လေကြောင်းဖြင့် သုံးကြိမ် ဗုံးကြဲ သတင်းနှင့် မီဒီယာ ကွန်ရက်။၂၀၂၅ ခုနှစ်၊ သြဂုတ်လ ၂ ရက်။ ပုလောမြို့နယ်၊ ပ…

  • August 2, 2025
ဒေသတွင်း တိုက်ပွဲဖြစ်ပွားနေချိန် မြိတ်တွင် အင်တာနက်လိုင်းကို လျော့ချ ဖြတ်တောက်ထား   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ သြဂုတ်လ ၂ ရက်။   မြိတ်ခရိုင် ပုလောမြို့နယ်အတွင်း စစ်ကော်မရှင်တပ်နှင့် ပြည်သူ့ကာကွယ်ရေး ပူးပေါင်းတပ်ဖွဲ့တို့ အကြား တိုက်ပွဲ များ ဖြစ်ပွားနေချိန် မြိတ်မြို့တွင် အင်တာနက်လိုင်းများကို သိသိသာသာ လျော့ချ ဖြတ်တောက်ခြင်းများကို ပြုလုပ်လျက်ရှိလာနေသည်ဟု  မြို့ခံများက ပြောသည်။   တိုက်ပွဲများ စတင်ဖြစ်ပွားခဲ့သည့် ဇူလိုင်လ ၂၄ ရက်နေ့မှ စတင်ပြီး မြိတ်မြို့ပေါ်ရှိ အင်တာနက် wifi လိုင်းများကို လိုင်းလျော့ချသောကြောင့် Mytel wifi ကို အသုံးပြု၍ မရတော့သည်ဘူးဟု ပြောသည်။   မြို့သစ်ရပ်ကွက်တွင် နေထိုင်သူ အသက် ၃၅ နှစ်အရွယ် အမျိုးသားတစ်ဦးက “Mytel wifi လိုင်းက သုံးလို့မရ တာ တပတ်ကျော်ပြီ။ ကျန်တဲ့လိုင်းတွေကိုလည်း ပုံမှန်ထက် လိုင်းကိုလျော့ထားတယ်၊ ဒေတာနဲ့သုံးတာလည်း အဆင်မပြေဘူး လိုင်းကတက်လိုက်ကျလိုက်နဲ့ စိတ်ဆင်းရဲရတယ်၊ MPT ဖုန်းလိုင်းတစ်ခုပဲ နည်းနည်းရတယ် ကျန်တဲ့ ဖုန်းလိုင်းတွေ အကုန်လုံး သုံးစားလို့မရဘူး” ဟု ပြောသည်။   ထို့အပြင် ဖုန်းဒေတာနှင့် အသုံးပြုရသည့် အင်တာနက်လိုင်းများကိုပါ လျှော့ချထားသောကြောင့် အင်တာနက်ကို အသုံးပြုပြီး လုပ်ကိုင်ရသည့် လုပ်ငန်းပိုင်းဆိုင်ရာများမှာလည်း အခက်အခဲများ ရင်ဆိုင်နေရကြောင်း မြို့သစ် ရပ်ကွက်နေ ပြည်သူများက ဆိုသည်။   ပြီးခဲ့သည့် ဇူလိုင်လ ၂၄ ရက်နေ့က စပြီး ပုလောမြို့နယ်အတွင်း စစ်ကော်မရှင်တပ်၏ လေကြောင်း တိုက်ခိုက်မှု အပါအဝင် ဒရုန်းနှင့် လက်နက်ကြီး ပစ်ခတ်ခြင်းများကို ဆက်တိုက် လုပ်နေခဲ့သည်။   အဆိုပါ ပစ်ခတ်တိုက်ခိုက်မှုများထဲ ပြည်သူ ၆ ဦး သေဆုံးခဲ့ပြီး ဘုန်းကြီး ၂ ပါး ပျံလွန်တော်မူခဲ့သည့် အပြင် ပြည်သူ ၁၀ ဦးထက်မနည်းလည်း ထိမှန် ဒဏ်ရာများ ရရှိထားသည်။

ဒေသတွင်း တိုက်ပွဲဖြစ်ပွားနေချိန် မြိတ်တွင် အင်တာနက်လိုင်းကို လျော့ချ ဖြတ်တောက်ထား

ဒေသတွင်း တိုက်ပွဲဖြစ်ပွားနေချိန် မြိတ်တွင် အင်တာနက်လိုင်းကို လျော့ချ ဖြတ်တောက်ထား သတင်းနှင့် မီဒီယာ ကွန်ရက်။၂၀၂၅ ခုနှစ်၊ သြဂုတ်လ ၂ ရက်။ မြိတ်ခရိ…

  • August 2, 2025

မိုးကုတ်မြို့ အနာက်ပိုင်းကို စစ်တပ်က လေကြောင်းမှ တိုက်ခိုက်မှုထဲ ပြည်သူ ၁၃ ဦး သေဆုံး

မိုးကုတ်မြို့ အနာက်ပိုင်းကို စစ်တပ်က လေကြောင်းမှ တိုက်ခိုက်မှုထဲ ပြည်သူ ၁၃ ဦး သေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၂ ရက်။ မန္တလေ…

  • August 2, 2025
မွန်လူငယ်များ စစ်မှုထမ်းကောက်ယူမည်ကို စိုးရိမ်   သတင်းနဲ့ မီဒီယာ ကွန်ရက်။ ၂၀၂၅ ခုနှစ်၊ ဩဂုတ်လ ၁ ရက်။   မွန်ပြည်၊ သထုံမြို့နယ်တွင် စစ်အုပ်စုခန့် အုပ်ချုပ်ရေးမှူးများမှ အိမ်တိုင်ရာရောက် စစ်မှုထမ်းခေါ်ယူမည်ဟု ပြောဆိုနေသဖြင့် ဒေသခံများ စိုးရိမ်နေကြသည်ဟု မွန်ပြည် လူ့အခွင့်အရေး ဖောင်ဒေးရှင်း (HURFOM) က ပြောသည်။   သထုံမြို့နယ်က ပအိုဝ်းလူမျိုးများ အများစု နေထိုင်သော ကျေးရွာများဖြစ်သည့် နောင်ဘို၊ နောင်ကုလား၊ အလံ တစ်ရာ၊ ဇရစ်ချောင်းနှင့် သာယာကုန်းစသည် ကျေးရွာတို့တွင် စစ်မှုထမ်း အကျုံးဝင်သည့် လူငယ်များကို စစ်အုပ်စု လက်အောက်ခံအဖွဲ့များက ဇူလိုင်လအကုန်တွင် အိမ်တိုင်ရာ အရောက် ခေါ်ယူမည်ဟု ပြောဆိုလာ သဖြင့် ဒေသခံပြည်သူများ စိုးရိမ်နေကြခြင်း ဖြစ်သည်။   မွန်ပြည် လူ့အခွင့်အရေး ဖောင်ဒေးရှင်း ဒါရိုက်တာ နိုင်အဲမွန်က “အရင်တုန်းကဆို ဥပမာ ခရိုင်တစ်ခုလုံးမှာ ဆိုလို့ ရှိရင် လမ်းသွားလမ်းလာ လမ်းမကြီး အသုံးပြုတဲ့ လူငယ်တွေကိုပဲ ပစ်မှတ်ထားတာ။ နောက်ခရီးသွားတွေ ပေါ့ နော်။ အခုက အဲ့လိုမဟုတ်တော့ဘဲနဲ့  အသေးစိတ် တည်နေရာအလိုက် သူတို့လုပ်ပြီးတော့ ဖမ်းလာတဲ့သဘော ဖြစ်တယ်။ အခုလို သတင်းဖြစ်နေတဲ့ အချိန်မှာ ရှောင်နေတဲ့ ကလေးတွေရှိလာပြီ” ဟုပြောသည်။   မွန်ပြည်တွင် စစ်မှုထမ်းသင်တန်းသားသစ် စုဆောင်းရာတွင် အသက် ၁၈ နှစ်မှ အသက် ၃၅နှစ်ကြား ကျန်းမာရေး ကောင်းမွန်သူများနှင့် ပိုက်ဆံမပေးနိုင်သည့် မိသားစုများ၏ ကလေးများက အမြဲပါလေ့ရှိသည်ဟုလည်း နိုင်အဲမွန် က ဆိုသည်။   စစ်မှုထမ်း သင်တန်းသားများ ခေါ်ယူရန်အတွက် စစ်အုပ်စု လက်အောက်ခံ အင်အားစုများ ဖြစ်သည့် ပျူစော ထီး၊ ဒေသဆိုင်ရာ ရပ်ကျေး အုပ်ချုပ်ရေး အဖွဲ့များနှင့် ၎င်းတို့ လေ့ကျင့်သင်ကြားပေးထားသည့် လက်နက်ကိုင် အင်အားစုများက လှုပ်ရှားဆောင်ရွက်နေကြသည် ဟု နိုင်အဲမွန်က ပြောသည်။   ၎င်းတို့မှ စစ်မှုထမ်း သင်တန်းအတွက် လာရောက်ခေါ်ယူချိန်တွင် လူငယ်များ နေအိမ်တွင် မရှိပါက မိသားစုဝင် များကို ဖမ်းဆီးထောင်ချမည်ဟု ခြိမ်းခြောက်မှုများလည်း ရှိနေသည်ဟု HURFOM က ဆိုသည်။   စစ်အုပ်စု သည် စစ်မှုထမ်းသင်တန်း အတွက် သတ်မှတ်ထားသည့် တပ်သား အရေအတွက် ပြည့်မှီရန်နည်း လမ်း အမျိုးမျိုးဖြင့် ဖမ်းဆီးကာ အင်အားဖြည့်တင်းနေကြောင်း အမျိုးသားညီညွတ်ရေး အစိုးရ (NUG) ဝန်ကြီး ချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ယခုကဲ့သို့ ပြောသည်။   “လိုအပ်တဲ့ အရေအတွက် မပြည်မီပါက ဗဟိုအဖွဲ့က သတ်မှတ်ပေးထားတဲ့ နည်းလမ်း တစ်မျိုးမျိုးနဲ့ ရွေးချယ် နိုင်ကြောင်း မိသားစုအတွင်း စစ်မှုထမ်းသူ ရှိလင့်ကစား ကျန်အကျုံးဝင်သူတွေလည်း ခေါ်ယူမှာဖြစ်ကြောင်း စစ်မှုထမ်း ပျက်ကွက်ပါက မိသားစုဝင်တွေကို အရေးယူမှာ ဖြစ်ကြောင်း စစ်မှုထမ်းပြီးသူ အပါအဝင် ဘယ်သူ့ ကိုမဆို အရေးပေါ် အခြေအနေ အကြောင်းပြချက်နဲ့ ဆင့်ခေါ်နိုင်ကြောင်း ပြည်ပ ထွက်ခွင့်တွေကိုလည်း တား မြစ်နိုင်ကြောင်း စစ်သင်တန်းပြီးပါက စစ်ကောင်စီက စေလွှတ်မယ့် ဒေသတွေကို သွားရောက်ရမှာ ဖြစ်ကြောင်း စတဲ့ ဖော်ပြချက်တွေနဲ့ ထင်ရာစိုင်းပြီး နိုင်ငံသားတွေ အပေါ် ရက်စက်တဲ့ နည်းလမ်းနဲ့ အာဏာရှင် လက်ပါးစေ အကြမ်း ဖက်စစ်တပ်ကို အင်အား ဖြည့်တင်းလျက် ရှိပါတယ်။”   မြေပြင်တွင် အလင်းဝင်လာသည့် စုဆောင်းခံ တပ်သားသစ်များ၏ ထွက်ဆိုချက်များအရ စစ်ကောင်စီသည် အဓမ္မ စုဆောင်းခံရသူများအား တိုက်ပွဲအတွင်း ရှေ့ထွက် အသေခံ တပ်သားအဖြစ် အသုံးချလျက် ရှိသကဲ့သို့ မူးယစ်ဆေးဝါးများကို အမိန့်ပေးသုံးစွဲစေပြီး စစ်တိုက်ထွက်ခိုင်းမှုများလည်း ရှိနေသည်ဟု ဦးနေဘုန်းလတ်က ပြောသည်။   စစ်အုပ်စုက စစ်မှုထမ်းတပ်သားသစ်များ စုဆောင်းရန်အတွက် လူငယ်များအား အတင်းအဓမ္မ ဖမ်းဆီး ခေါ်ယူနေသည့်အပေါ်  နိုင်အဲမွန်က ယခုကဲ့သို့ ဆက်ပြောသည်။   “စကစ(စစ်ကောင်စီ) ကနေပြီးတော့ သူ့ရန်သူဖြစ်တဲ့ တော်လှန်ရေး အင်အားစုတွေနဲ့ စစ်ပွဲဖြစ်တဲ့အခါ ဒီလူငယ် တွေကို လူသားဒိုင်းသဖွယ် သုံးနေတဲ့ ကိစ္စတွေ၊ အရှေ့ကနေပြီးတော့ အကာအကွယ် ယူနေတဲ့ကိစ္စတွေနော် ဒါ စစ်ရာဇဝတ်မှု ဖြစ်တယ်။ တစ်ဖက်ပြန်ကြည့်မယ်ဆိုရင် တစ်ချို့ဆိုလို့ရှိရင် အသက်မပြည့်တဲ့ ကလေးတွေ ပါတယ် ဆိုတော့ ဒါ ရည်ရွယ်ချက်ရှိရှိ လူငယ်အင်အားတွေကို ပြုန်းတီးအောင် လုပ်နေတဲ့ ရည်ရွယ်ချက်တစ်ခု ဖြစ်တယ် ဆိုတော့ ဒါ စစ်ရာဇဝတ်မှု မြောက်တယ်။”   မွန်ပြည်တွင် စစ်အုပ်စုမှ စစ်မှုထမ်းသင်တန်းကို အပတ်စဉ် ၁၅ အထိ ဖွင့်လှစ်ခဲ့ပြီး ဖြစ်ရာ ယခုအခါ အပတ် စဉ် (၁၆) စစ်မှုထမ်းသင်တန်းဖွင့်လှစ်နိုင်ရန် အတွက် အရှိန်အဟုန်မြှင့် လုပ်ဆောင်နေသည်ဟု စောင့်ကြည့်နေသူ များက ဆိုသည်။   မွန်ပြည် လူ့အခွင့်အရေး ဖောင်ဒေးရှင်းမှ ပြုစုထားသည့် စာရင်းအရ မွန်ပြည်တွင် စစ်မှုထမ်းသင်တန်း အပတ် စဉ် ၁ မှ  ၁၅ အထိ စစ်မှုထမ်း ခေါ်ယူခံရသူ ၂,၇၀၀ ဦး ရှိပြီဖြစ်သည်ဟု သိရပြောသည်။

မွန်လူငယ်များ စစ်မှုထမ်းကောက်ယူမည်ကို စိုးရိမ်

မွန်လူငယ်များ စစ်မှုထမ်းကောက်ယူမည်ကို စိုးရိမ် သတင်းနဲ့ မီဒီယာ ကွန်ရက်။၂၀၂၅ ခုနှစ်၊ ဩဂုတ်လ ၁ ရက်။  မွန်ပြည်၊ သထုံမြို့နယ်တွင် စစ်အုပ်စုခန့် အုပ်…

  • August 1, 2025
ဖားကန့်တွင် လက်နက်ကြီးကျ၊ အမျိုးသမီးတစ်ဦး ထိမှန်သေဆုံး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၃၁ ရက်။   ကချင်ပြည်၊ ဖားကန့်မြို့၊ မှော်စီစာကျေးရွာအုပ်စုထဲက ဖြူစင်ကုန်း ခေါ် မနောကုန်းနေရာတွင် လက်နက်ကြီး ကျရောက်ပေါက်ကွဲခဲ့ပြီး အမျိုးသမီးတစ်ဦး သေဆုံးခဲ့သည်။   ဇူလိုင်လ ၃၀ ရက်နေ့ ည ၉ နာရီအချိန်ခန့်တွင် မည်သည့် အဖွဲ့အစည်းက ပစ်ခတ်လိုက်မှန်းမသိသော လက်နက် ကြီး တစ်လုံးမှာ ဖြူစင်ကုန်းက နေအိမ်တစ်လုံးပေါ် ကျရောက်ပေါက်ကွဲခဲ့ခြင်း ဖြစ်သည်။   ဖားကန့်မြို့ခံ အမျိုးသားတစ်ဦးက “ဘယ်က ပစ်တယ်ဆိုတာမျိုးတော့ ကျနော်တို့က မသိဘူးပေါ့နော်။ မအေ ဖြစ်တဲ့သူက ဆေးရုံကိုပို့တာ လမ်းမှာတင်သေသွားတယ်။ သမီးကတော့ လက်တစ်ဖက် ဖြတ်လိုက်ရတယ်လို့ ပြောတယ်။ မိသားစုဝင်တွေပါ့။ နောက်ထပ်အမျိုးသား တစ်ယောက်လည်း ဒဏ်ရာရတယ်။ တည့်တည့် ထိသွား တဲ့ အိမ်ကတော့ လုံးဝပျက်စီးသွားတယ်။ ဘေးကအိမ်တွေလည်း ပျက်ကုန်တာပါ့” ဟု ပြောသည်။   မိခင်ဖြစ်သူ အမျိုးသမီးမှာ ဆေးရုံသို့ ပို့နေချိန် လမ်း၌ပင် သေဆုံးသွားပြီး သမီးဖြစ်သူမှာ လက်တစ်ဖက် ဖြတ် လိုက်ရသည်ဟု အကူအညီပေးနေသူများက ပြောသည်။   အဆိုပါ နေအိမ်အနီးတွင် ရောက်နေသည့် အမျိုးသား နှစ်ဦးလည်း လက်နက်ကြီး ကျည်စ ထိမှန်ကာ ဒဏ်ရာများ ရရှိခဲ့သေးသည်။   နီးစပ်သူတစ်ဦးက “လုံးခင်းကျေးရွာအုပ်စု မှော်စီစာကျေးရွာအပိုင် ဖြူစင်ကုန်းမှာ ဖြစ်သွားတာ။ ၃၀ ရက်နေ့ ည ၈ နာရီ ၅၀ ပေါ့။ ဖြူစင်ကုန်းရော မနောကုန်းက အတူတူပဲ အခေါ်အဝေါ်လေးကွဲသွားတာပါ။ ဒဏ်ရာရတဲ့ ထဲက မထိုက်ထိုက်ဝင်းက သေသွားတယ်။ သူ့သမီးလေးက လက်ဖြတ်လိုက်ရတယ်။ သမီးလေးက ၁၅ နှစ်ပဲ ရှိသေး တယ်ဗျ” ဟု ပြောသည်။   အလားတူ ဇူလိုင်လ ၃၀ ရက်နေ့၊ နံနက်ပိုင်းတွင် ဖားကန့်မြို့၊ မရှီကထောင်ရပ်ကွက်တွင် မိုင်းပေါက်ကွဲမှု တစ်ခု ဖြစ်ခဲ့ပြီး အမျိုးသားတစ်ဦး သေဆုံးခဲ့သေးသည်ဟု ဒေသခံများက ပြောသည်။   စစ်ကောင်စီတပ်သည် ဖားကန့်မြို့အား ပြန်လည်ထိန်းချုပ်နိုင်ရေး မေလနောက်ဆုံးပတ်မှ စတင်၍ ပြန်လည် ထိုးစစ်ဆင်လာခြင်း ဖြစ်သည်။   ထိုသို့ ထိုးစစ်ဆင်လာပြီးနောက် စစ်ကြောင်းမှာ ခွဲကာ အသုတ်လိုက် ဖားကန့်မြို့ထဲကို ဝင်လာခဲ့သည်။   ထို့နောက် ဖားကန့်မြို့တွင်း၌ တိုက်ပွဲသံများ၊ လက်နက်ကြီး ပစ်ခတ်သံများ၊ ဒရုန်းဖြင့် ပစ်ခတ်မှုနှင့် လေကြောင်း မှ ဗုံးကြဲတိုက်ခိုက်မှုများ ဆက်တိုက် လုပ်နေသည်ဟု ဖားကန့်ဒေသခံများက ပြောသည်။   အလားတူ မြန်မာနိုင်ငံ အလယ်ပိုင်းမှ လာသည့် အသား၊ ငါးနှင့် ကုန်စည်များကို အဓိက အားထားရသော ဖားကန့်မြို့ကို ကုန်စည်အဝင်ကိုပါ ပိတ်ထားလိုက်သောကြောင့် ဒေသခံများ အခက်အခဲများနှင့် ရင်ဆိုင်နေကြရ သည်။   ဇူလိုင်လကုန်ရက် အထိ  ကားမိုင်း - နန့်ယားလမ်းနှင့် အင်းတောင်းကြီး - ဝှေခါလမ်း နှစ်ခုစလုံးကို စစ်ကောင်စီ ဘက်က ဖြတ်သန်းခွင့်ပိတ်ထားဆဲ ဖြစ်သည်။

ဖားကန့်တွင် လက်နက်ကြီးကျ၊ အမျိုးသမီးတစ်ဦး ထိမှန်သေဆုံး

ဖားကန့်တွင် လက်နက်ကြီးကျ၊ အမျိုးသမီးတစ်ဦး ထိမှန်သေဆုံး သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၃၁ ရက်။ ကချင်ပြည်၊ ဖားကန့်မြို့၊ မှော်စီစ…

  • July 31, 2025
×Close