သတင်း

ရေဖြူတွင် စစ်ကူလာသည့် စစ်ကောင်စီ စစ်ကြောင်း တိုက်ခိုက်ခံရ၊ ဗိုလ်မှူးတစ်ဦးအပါအဝင် ၄ ဦး သေဆုံး   သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။   ကရင်အမျိုးသား အစည်းအရုံး KNU နှင့် ပူးပေါင်းတပ်ဖွဲ့များက ရေဖြူမြို့နယ်တွင် ဗိုလ်မှူးတစ်ဦး အပါအဝင် ၄ ဦး သေဆုံး ၄ ဦးကို အရှင်ဖမ်းမိခဲ့ကြသည်။   ရေဖြူမြို့နယ်ထဲက ထိုင်း - မြန်မာနယ်စပ်ရှိ နတ်အိမ်တောင်စခန်းကို စစ်ကူလာသည့် စစ်ကြောင်းကို တိုက်ခိုက်ခဲ့ ရာ တပ်ခွဲမှူး ဗိုလ်မှူးတစ်ဦး အပါအဝင် ၄ ဦး၊ သေဆုံးပြီး ၄ ဦး အရှင်ဖမ်းမိခဲ့သည်ဟု KNU ၏ မြိတ် - ထားဝယ် ခရိုင်မှ တာဝန်ရှိသူတစ်ဦးက ပြောသည်။   အရှင်ဖမ်းမိသူများထဲ တစ်ဦးမှာ တိုက်ပွဲအတွင်း ပြင်းထန်ဒဏ်ရာများ ရရှိထား၍ ဆေးကုသမှု ပေးနေရသည်ဟု KNU မြိတ် - ထားဝယ် ခရိုင်မှ တာဝန်ရှိသူက ပြောသည်။   KNU တပ်မဟာ ၄ တာဝန်ရှိသူက “ဒဏ်ရာနဲ့သူကိုတော့ ဆေးကုသ ပေးထားပြီး ဖမ်းမိထားတဲ့ သူတွေအကုန် လုံးကို နိုင်ငံတကာ စစ်သုံ့ပန်း ကျင့်ဝတ်တွေနဲ့အညီ စောင့်ရှောက်ထားပါတယ်၊ ပူးပေါင်း တပ်ဖွဲ့ဝင်တွေဘက်က တော့ အထိအခိုက် မရှိပါဘူး” ဟု ပြောသည်။   ထိုင်း - မြန်မာနယ်စပ်ရှိ နတ်အိမ်တောင်စခန်းကို စစ်ကူလာသည့် စစ်ကြောင်းအား KNLA နှင့် မဟာမိတ် ပူးပေါင်းတပ်များက တိုက်ခိုက်ခဲ့ရာ တပ်ခွဲမှူး ဗိုလ်မှူး အောင်ကိုဟိန်း အပါအဝင် ၄ ဦး သေဆုံးခဲ့ပြီး သေနတ် ၂ လက်ကို သိမ်းဆည်းရရှိခဲ့ခြင်း ဖြစ်သည်။   ဇူလိုင်လ ၁၁ ရက်နေ့ နှင့် ဇူလိုင်လ ၁၂ ရက်နေ့တွင် နတ်အိမ်တောင်စခန်းသို့ စစ်ကြောင်းထိုး ဝင်ရောက်လာသည့် ကမ်းရိုးတန်းတိုင်း စစ်ဌာနချုပ်လက်အောက်ခံ ကလိန်အောင်တပ်နယ်မှ တပ်ရင်း ၅ ရင်းဖြင့် ပူးပေါင်းထားသည့် စစ်ကြောင်းကို KNLA နှင့် မဟာမိတ် ပူးပေါင်းတပ်များက တိုက်ခိုက်ခဲ့ခြင်း ဖြစ်သည်။   အလားတူ ဇူလိုင်လ ၁၄ ရက်နေ့ နှင့် ၁၅ ရက်နေ့တွင်လည်း အဆိုပါ စစ်ကြောင်းအား KNLA တပ်မဟာ ၄၊ တပ်မဟာ ၆၊ အထူးဗျူဟာ ၂ နှင့် ပူးပေါင်းတပ်ဖွဲ့များက လိုက်လံတိုက်ခိုက်ခဲ့သေးကြောင်း ပူးပေါင်းတပ်ဖွဲ့ဝင် တစ်ဦးက ဆိုသည်။   ထိုသို့ လိုက်လံ တိုက်ခိုက်ခဲ့ရာတွင် စစ်ကောင်စီ တပ်သား ၄ ဦးကို အရှင်ဖမ်းမိခဲ့သည့် အပြင် လက်နက်ခဲယမ်း များကိုလည်း သိမ်းဆည်းရမိခဲ့သည်။   စစ်ကောင်စီ၏ စစ်ကြောင်းတွင် ကမ်းရိုးတမ်း စစ်ဌာနချုပ် လက်အောက်ခံ ခလရ - ၂၇၃၊ ခလရ - ၂၈၂၊ ခမရ - ၄ဝ၈၊ ခမရ - ၄၀၉ နှင့် ခမရ - ၄၁ဝ စသည့် တပ်ရင်း ၅ ရင်းဖြင့် ဖွဲ့စည်းထားသည်။ အဆိုပါ စစ်ကြောင်းမှာ ဇူလိုင်လ ပထမပတ်မှ စတင်ပြီး နတ်အိမ်တောင်စခန်း ဧရိယာထဲသို့ စစ်ကြောင်းထိုး နေခြင်း ဖြစ်သည်။

ရေဖြူတွင် စစ်ကူလာသည့် စစ်ကောင်စီ စစ်ကြောင်း တိုက်ခိုက်ခံရ၊ ဗိုလ်မှူးတစ်ဦးအပါအဝင် ၄ ဦး သေဆုံး 

ရေဖြူတွင် စစ်ကူလာသည့် စစ်ကောင်စီ စစ်ကြောင်း တိုက်ခိုက်ခံရ၊ ဗိုလ်မှူးတစ်ဦးအပါအဝင် ၄ ဦး သေဆုံး  သတင်းနှင့်မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၁၆ ရက်…

  • July 17, 2025
စစ်ကောင်စီ ဒရုန်းကြောင့် PDF တစ်ဦး အပါအဝင် အရပ်သားများ ထိခိုက်သေဆုံး   သတင်းနှင့်မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။   ပုလောမြို့နယ်ထဲ စစ်ကောင်စီတပ်က လက်နက်ကြီးဖြင့် ပစ်ခတ်ပြီး ဒရုန်းဖြင့် ဗုံးသီးချ တိုက်ခိုက်ခဲ့မှုများကြောင့် PDF တစ်ဦး၊ ရွာသားတစ်ဦး သေဆုံးပြီး ၃ ဦး ထိခိုက်ဒဏ်ရာ ရှိခဲ့သည်ဟုရွာသားများက ပြောသည်။   ပုလောမြို့နယ်ထဲက ရှပ်ပုံကျေးရွာအုပ်စု အတွင်းရှိ ဆီတောင်ကျေးရွာဘက်သို့ ဇူလိုင်လ ၁၄ ရက်နေ့၊ ညနေ ၄ နာရီခွဲ အချိန်ခန့်က ဒရုန်းဖြင့် ဗုံးသီးချ တိုက်ခိုက်ခဲ့ပြီးနောက် ဝါးတန်းရပ်ကွက်ကိုလည်း လက်နက်ကြီးဖြင့် ပစ်ခတ်ခဲ့သည်။   ပုလောမြို့နယ် ပြည်သူ့အုပ်ချုပ်ရေးအဖွဲ့ (ပအဖ) တာဝန်ရှိသူ တစ်ဦးက “ဆီတောင်ရွာဘက်ကို ဒရုန်းနဲ့ ဗုံးသီးချ လိုက်လို့ အဖွားတစ်ယောက် ထိခိုက်ဒဏ်ရာရသွားတယ်။ စစ်ကောင်စီက ညနေ ၅ နာရီလောက်မှာ ရှပ်ပုံ ဝါးတန်းကို လက်နက်ကြီး နှစ်လုံးပစ်လိုက်တာ ယောက်ကျားလေး တစ်ယောက် သေဆုံးပြီး မိန်းကလေး နှစ်ယောက် ထိခိုက်ဒဏ်ရာရခဲ့သေးတယ်” ဟု ပြောသည်။   ဇူလိုင်လ ၁၃ ရက်နေ့တွင်လည်း စစ်ကောင်စီတပ်၏ ဒရုန်းဖြင့် ဗုံးကြဲတိုက်ခိုက်မှုများကြောင့် ပုလောမြို့နယ်၊ ရှပ်ပုံကျေးရွာအုပ်စုအတွင်းရှိ အထဲစုရပ်ကွက်မှ အသက် ၄၀ ခန့်အရွယ် အမျိုးသားတစ်ဦး ဒဏ်ရာရရှိခဲ့ကာ ပုလော ဆေးရုံ၌ တင်ထားရသည်ဟု ရွာသားတစ်ဦးက ပြောသည်။   အလားတူ ဇူလိုင်လ ၁၂ ရက်နေ့ကလည်း ဒရုန်းဖြင့် ဗုံးသီးချ တိုက်ခိုက်မှုများနှင့် လက်နက်ကြီး ပစ်ခတ်မှုများထဲ ပြည်သူ့ကာကွယ်ရေး တပ်မတော်၊ မြိတ်ခရိုင် တပ်ရင်း (၁) က PDF တပ်ဖွဲ့ဝင်တစ်ဦး ဗုံးသီး ထိမှန်ပြီး သေဆုံးခဲ့သည်။   ရှပ်ပုံကျေးရွာအနီးတွင် စစ်ကောင်စီတပ်ဖွဲ့မှ အင်အား ဖြည့်တင်းထားသည့်အပြင် ပြည်သူ့ကာကွယ်ရေး ပူးပေါင်းတပ်များ ဘက်မှလည်း အသင့်ပြင်ဆင်ထားသဖြင့် နှစ်ဘက်ကြား စစ်ရေးတင်းမာနေသည့် အခြေအနေတွင်ရှိသည်ဟု ရွာသားများက ဆိုသည်။   ရှပ်ပုံကျေးရွာ အနီးဝန်းကျင်တွင် စစ်ကောင်စီ စစ်ကြောင်းရှိနေကာ ဒရုန်းဖြင့် ဗုံးသီးချ တိုက်ခိုက်မှုများ ဆက် တိုက်ပြုလုပ်နေသဖြင့် ရွာသားအများစုမှာ ဘေးလွတ်ရာသို့ ထွက်ပြေး တိမ်းရှောင်နေကြပြီး အနည်းငယ်သာ ကျေးရွာ၌ ကျန်ရှိနေသည်။ ထွက်ပြေး တိမ်းရှောင်နေရသည့် ရွာသားများမှာ လတ်တလောတွင် အစားအသောက်၊ ဆေးဝါးများနှင့် အမိုးအ ကာများလာ်း လိုအပ်ကြသည်ဟု ရွာသားတစ်ဦးက ဆိုသည်။   ရှပ်ပုံကျေးရွာနှင့် အနီးဝန်းကျင်တွင် တိုက်ပွဲများဖြစ်ပွားလာချိန်၌ ရွာသားများမှာ ဘေးလွှတ်ရာသို့ တိမ်းရှောင် လေ့ရှိကြပြီး တိုက်ပွဲများ ငြိမ်သက်သွားမှသာ ကျေးရွာအတွင်း ပြန်လာ နေထိုင်လေ့ရှိကြကြောင်း ဆိုကြသည်။   ဓါတ်ပုံ - ပုံဟောင်း (ရှပ်ပုံကျေးရွာအား စစ်တပ်မှ မီးရှို့ခဲ့သည့်ပုံ)

စစ်ကောင်စီ ဒရုန်းကြောင့် PDF တစ်ဦး အပါအဝင် အရပ်သားများ ထိခိုက်သေဆုံး

စစ်ကောင်စီ ဒရုန်းကြောင့် PDF တစ်ဦး အပါအဝင် အရပ်သားများ ထိခိုက်သေဆုံး သတင်းနှင့်မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၁၆ ရက်။ ပုလောမြို့နယ်ထဲ စစ်က…

  • July 17, 2025
ဖားကန့်အား နေ့စဉ်ရက်ဆက် ဗုံးကြဲနေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။   ကချင်ပြည်၊ ဖားကန့်မြို့နယ်အား စစ်ကောင်စီတပ်က ယခုရက်ပိုင်းအတွင်း လေကြောင်းမှ ဗုံးကြဲတိုက်ခိုက်မှုများ ဆက်တိုက်လုပ်နေသည်ဟု မြို့ခံများက ပြောသည်။   တိုက်ပွဲများ၊ စစ်ရေးပဋိပက္ခများ ဆက်ဖြစ်နေသော ဖားကန့်ဒေသတွင်း၌ လေကြောင်း တိုက်ခိုက်မှုများ အပြင် မြေပြင်တွင်လည်း တိုက်ပွဲများ ဆက်ဖြစ်နေသည်။   ဒေသခံ အမျိုးသားတစ်ဦးက “လမောင်ကုန်းနဲ့ မော်မောင်းကုန်းကို ဒီနေ့ မနက် ၁၁ နာရီခွဲကျော် ၁၁း၄၀ လောက်မှာ လေယာဉ်နဲ့ လာပြီး ဗုံးကြဲသွားတာပါ။ လာပစ်တာက ဂျက်ဖိုက်တာနဲ့ဗျ။ မော်မောင်းလျှံရွာ ဘုန်း ကြီးကျောင်းနဲ့ ကုမ္ပဏီကြားကို နှစ်ကြိမ်ပစ်သွားတာပါ” ဟု ဇူလိုင်လ ၁၅ ရက်နေ့ လေကြောင်း တိုက်ခိုက်မှုနှင့် ပတ်သက်၍ ပြောသည်။   အရပ်သား ဖမ်းဆီးခံရမှုများနှင့် ပစ်သတ်ခံရသည့် အခြေအနေများလည်း ဆက်ရှိနေသည်ဟု ဒေသခံများက ပြောသည်။   အလားတူ ဖားကန့် လေကြောင်း တိုက်ခိုက်ခံရမှုထဲ ဇူလိုင်လ ၁၃ ရက်နေ့တွင် မော်မောင်းကုန်းကျေးရွာ စာသင် ကျောင်း ထိမှန် ပျက်ဆီးသွားခဲ့သေးသည်ဟု ဆိုကြသည်။   ဖားကန့် ဒေသခံ အမျိုးသမီးတစ်ဦးက “ဒီနေ့လည်း ကျမတို့ ထွက်ပြေးနေရတာ ဟုတ်တယ်။ အော် ဟိုး ဒီမော် မောင်းကုန်းရွာ ကျောင်းလား အဲ့ဒါက ၁၃ ရက်နေ့ လေယာဉ်နဲ့ လာပစ်သွားတာ။ အထက (ခွဲ) ပေါ့။ ကျောင်း ဆောင်တွေ အမိုးတွေ ပျက်ကုန်တယ်။ အားလုံးက သတိနဲ့ နေပေမယ့် သူတို့က ရွာတွေမှာ တော်လှန်ရေး အဖွဲ့ တွေ ရှိတယ်ထင်ပြီး လာကြဲတာလို့ ပြောနေကြတာတော့ ရှိတယ်” ဟု ပြောသည်။   ထို့အပြင် ဖားကန့်မြို့နယ်ထဲက မှော်ဝမ်းလေး၊ မော်မောင်းလယန်၊ အင်မားယန်နှင့် ရှရော်ခ ညောင်ပင်ကုန်း ကျေးရွာများ အနီးဝန်းကျင်၌လည်း စစ်ကောင်စီတပ်နှင့် ကချင်လွတ်လပ်ရေး တပ်မတော် KIA ပူးပေါင်းအဖွဲ့တို့ ကြား တိုက်ပွဲများ ဆက်ဖြစ်နေသည်။   အဆိုပါ ဖားကန့်ဒေသခံ အမျိုးသမီးက “အေး တိုက်ပွဲလည်း နေ့တိုင်းလိုလို ဖြစ်တယ်။ အသံက နေ့တိုင်းကြားရ တယ်။ ဒီတစ်ရက် နှစ်ရက်က ပိုအသံကြားရတယ်။ လမ်းတွေကလည်း တချို့နေရာတွေက ပိတ်ထားတော့ မြစ် ကြီးနားဘက် ပြေးဖို့ကလည်း အဆင်မပြေသေးဘူး။ ဖားကန့်ထဲမှာပဲ ပတ်ပြီး ရှောင်နေတာမျိုး ဟုတ်တယ်” ဟု ပြောသည်။   မြေပြင် စစ်ရေး သတင်း အရင်းအမြစ်တစ်ဦး၏ အတည်ပြုပြောဆိုချက်အရ အင်းတော်ကြီး - ဖားကန့် လမ်းပိုင်းတွင် ဇူလိုင်လ ၁၅ ရက်နေ့၌ တိုက်ပွဲများ ပြင်းထန်နေသည်ဟု သိရသည်။   စစ်ကောင်စီတပ်သည် ဖားကန့်ဗျူဟာကုန်း အတွက် အရေးပါသည့် လမောင်ကုန်းနှင့် မော်မောင်းကုန်းကို ပြန်လည် ရရှိရေး ယခုရက်ပိုင်းတွင် လေကြောင်း၊ ဒရုန်း အပြင် လက်နက်ကြီး ပစ်ကူများဖြင့် ဆက်တိုက် ထိုးစစ်ဆင်နေခြင်း ဖြစ်သည်။   တိုက်ပွဲများ၊ လေကြောင်းမှ တိုက်ခိုက်မှုများအပြင် လက်သည်မပေါ်သည့် ပစ်သတ်ခံရမှုများလည်း ဇူလိုင်လ ဒုတိယပတ်ထိ ရှိခဲ့သည်။   ဇူလိုင်လ ၁၂ ရက်နေ့က အမှိုက်ပုံကျေးရွာ ဥက္ကဋ္ဌဟောင်း ဦးမင်းစိုးဦး နှင့် ဂွေခါ အုပ်ချုပ်ရေးမှူး ဦးဘရန်မွန်းတို့ နှစ်ဦးလည်း ပစ်သတ်ခံလိုက်ရသည်။   ဓါတ်ပုံ - ပုံဟောင်း  

ဖားကန့်အား နေ့စဉ်ရက်ဆက် ဗုံးကြဲနေ

ဖားကန့်အား နေ့စဉ်ရက်ဆက် ဗုံးကြဲနေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၁၆ ရက်။  ကချင်ပြည်၊ ဖားကန့်မြို့နယ်အား စစ်ကောင်စီတပ်က ယခုရက်ပိ…

  • July 16, 2025
မန္တလေး-မြစ်ကြီးနား လမ်း ၆ ရက် ခရီးသွားနေရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။   ကချင်ပြည်၏ အဓိက ကုန်စည်စီးဆင်းရာ လမ်းကြောင်းဖြစ်သော မန္တလေး - မြစ်ကြီးနား လမ်းပိုင်းများ ပျက်စီးနေသဖြင့် ၅ ညအိပ် ၆ ရက်ခရီးအထိ အချိန်ကြာမြင့်လာသည် ဟု ကားသမားများနှင့် ခရီးသွားများက ပြောသည်။   အဆိုပါ လမ်းမကြီးကို စစ်ကောင်စီတပ်က ပိတ်ထားသဖြင့် ကားများမှာ မြေသားတောလမ်းမှ သွားနေရသဖြင့် မိုးရွာသည့် အချိန်တိုင်း၌ ယာဥ်တန်း ရာကြီးပိုင်းခန့် အထိ ပိတ်မိ လေ့ရှိသည်ဟု ကားသမားနှင့် ခရီးသွားများ က ဆိုသည်။   ကားသမားတစ်ဦးက “မိုးတွင်းဆိုတော့ ကား အသွားအလာကလည်း ပြန်များတော့ မြေတွေက ပျော့တော့ ကား အကြီးတွေ သွားရင် ချိုင့်တွေ ဖြစ်သွားတာ။ ကားအကြီးတွေက မရုန်းနိုင်ဘဲ ပိတ်နေတာတို့ ဆိုရင် ကြာသွား ရော။ အဲ့ကား ပြန်ထွက်ပြီ ဆိုရင်တောင် နောက်မှာ တန်းစီနေတဲ့ ယာဥ်တန်းက မနည်းဘူး။ ပြောမယ် ဆိုရင် တော့ လမ်းမကောင်းတော့ ကားပိတ်တာပေါ့။ ဥပမာ စပိတ်တာကို ကြုံတဲ့ကားကတော့ ပိတ်တာက ၃ ရက်၊ သွားတာက ၂ ရက်ဆိုတော့ ၅ ညလောက် အိပ်ပြီး ၆ ရက်လောက် သွားနေရတာ” ဟု ပြောသည်။   မိုင် ၄၀ ကျော် ရှည်လျားသော အဆိုပါ တောလမ်းကို အသုံးပြုသွားလာနေရသည်မှာ ပြီးခဲ့သည့် ၂၀၂၄ ခုနှစ် အင်းတော်မြို့သိမ်း တိုက်ပွဲ စတင်ချိန်မှ ယနေ့အချိန်ထိ ဖြစ်သည်။   ယခုနှစ် ဧပြီလ ၇ ရက်နေ့က အင်းတော်မြို့ကို ကာကွယ်ရေး ပူးပေါင်းတပ်တို့က အပြီးသတ် သိမ်းပိုက်လိုက်ပြီးချိန် တွင် တိုက်ပွဲကြောင့် ပိတ်ထားသည့် ကားလမ်းမ လမ်းပိုင်းအချို့ကို ကာကွယ်ရေး ပူးပေါင်းတပ်ဖွဲ့ ဘက်က ပြန်ဖွင့် ပေးခဲ့သည်။   သို့သော့် ကန့်ဘလူမြို့နယ် တစ်ဝိုက်အား ထိန်းချုပ်ထားဆဲ ဖြစ်သည့် စစ်ကောင်စီတပ်က ၎င်းတို့ ထိန်းချုပ်ထား သည့် နေရာမှ စ၍ လမ်းအား ပြန်ပိတ်ခဲ့သဖြင့် ခရီးသွားများနှင့် ကားသမားများမှာ တောလမ်းကို ယနေ့အချိန်ထိ အသုံးပြုနေရဆဲ ဖြစ်သည်။   စစ်ကိုင်းနှင့် ကချင်အစပ်မှ ကာကွယ်ရေးတပ်ဖွဲ့ဝင် တစ်ဦးက “ကန့်ဘလူက စံပါယ်နံ့သာက မြစ်ကြီးနား - မန္တလေး ခရီးတစ်ထောက်နားတဲ့ နေရာကို စစ်တပ်က ပိတ်ချလိုက် ပြီး ပေးမဖြတ်‌တော့ အဲ့ဒီရွာကို ကွင်းရတာ။ ကွင်းတဲ့လမ်းက မိုင် ၄၀ ကျော် ရှိတယ်။ အဲ့ဒီလမ်းက မိုးရွာရင်လစ် ပြီ။ မြေသားလမ်း မြေစေးတွေဆိုတော့ မိုးရွာရင်သွားပြီ” ဟု လမ်းပိုင်းအခြေအနေကို ရှင်းပြသည်။   ယခုရက်ပိုင်း အတွင်း မန္တလေး - မြစ်ကြီးနား လမ်းပိုင်း၌ ယာဥ် ထောင်နှင့်ချီ ပိတ်မိနေဆဲ ဖြစ်ပြီး မိုးဆက် တိုက် ရွာသွန်းနေဆဲ ဖြစ်သဖြင့် အရေးပေါ်ကိစ္စ မရှိလျှင် ခရီးမထွက်ကြဖို့ ကားသမားများက တိုက်တွန်းထားသည်။   လမ်းခရီး ကြန့်ကြာနေမှုများကြောင့် မန္တလေးမှ သယ်ယူလာသည့် သားငါးနှင့် ကုန်စိမ်း များမှာ ပုပ်သိုး ပျက်စီးကုန်သည်ဟု ကားသမားများက ပြောသည်။   ထို့အပြင် တရုတ်နှင့် ကချင်အစပ်က နယ်စပ်ဒေသ တိုက်ပွဲများကြောင့် တရုတ်ပြည်မှ ကုန်စည် အဝင်လည်း မရှိတော့သည့် အတွက် ကချင်ပြည် တစ်ဝှမ်း ကုန်ဈေးနှုန်းများ ဆက်တိုက် မြင့်တက်နေသည်။   မြို့တော် မြစ်ကြီးနားတွင် ဝက်သား တစ်ပိဿာကို ကျပ် ၅သောင်းနှုန်းထိ ပေးဝယ်နေရသည်မှာ တစ်နှစ်ပြည့် တော့မည်ဟု ဒေသခံများက ဆိုသည်။   ဓာတ်ပုံ (မန္တလေး - မြစ်ကြီးနား လမ်းပိုင်းက ပေကြီးကွင်း လမ်းနေရာအချို့)

မန္တလေး-မြစ်ကြီးနား လမ်း ၆ ရက် ခရီးသွားနေရ 

မန္တလေး-မြစ်ကြီးနား လမ်း ၆ ရက် ခရီးသွားနေရ  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၁၆ ရက်။  ကချင်ပြည်၏ အဓိက ကုန်စည်စီးဆင်းရာ လမ်းကြောင်…

  • July 16, 2025
ရှမ်းမြောက် ဗုံးကြဲမှု အရပ်သား ထိခိုက်မှုများရှိနေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။   ရှမ်းမြောက်ဒေသထဲက သီပေါမြို့နှင့် မိုင်းငေါ့မြို့နယ်တို့အား စစ်ကောင်စီတပ်က လေကြောင်းမှ ဗုံးကြဲတိုက်ခိုက် ခဲ့ရာ အရပ်သား ထိမှန်သေဆုံးမှုများ ရှိခဲ့သည်။   မိုင်းငေါမြို့နယ်ထဲက မန်ပင့်တံတားကို စစ်တပ်က လေကြောင်းမှ ဗုံးကြဲတိုက်ခိုက်မှုကြောင့် ခရီးသွားပြည်သူ တစ်ဦး သေဆုံးခဲ့ပြီး၊ ၃ ဦး ထိမှန် ဒဏ်ရာ ရရှိခဲ့သည် ဟု တအာင်းတပ်မတော် TNLA က ထုတ်ပြန်ထားသည်။

 ဇူလိုင်လ ၁၅ ရက်နေ့၊ နေ့လည် ၁၂ နာရီ၊ ၅၀ မိနစ် အချိန်တွင် စစ်ကောင်စီတပ်က မိုင်းငေါ့မြို့နယ်ထဲက မန်ပင့် တံတားနား တဝိုက်ကို ပေါင်း ၂၅၀ ဗုံး နှစ်လုံး လာကြဲသွားခြင်း ဖြစ်သည်။   မြေပြင် သတင်းအရင်းအမြစ် တစ်ဦးက “စစ်ကောင်စီက ဂျက်ဖိုက်တာနဲ့ ဗုံးကြဲသွားတာ။ ပေါင် ၂၅၀ ဗုံးနော် နှစ်လုံး လာကြဲတယ်။ ဗုံးက မန်ပင့်တံတားနားမှာ ကျပေါက်တော့ အပျက်အစီးရှိတယ်။ ဒီတံတားက မိုင်းငေါ့ - ကျောက်မဲ အထွက်ပေါ့နော်။ ဗုံးကြောင့် ဒီမန်ပင့်တံတားလည်း ဗုံးစထိမှန်ပြီး ပျက်စီးသွားတယ်” ဟု ပြော သည်။   အလားတူ ရှမ်းမြောက်ဒေသထဲ သီပေါမြို့ကိုလည်း စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ ဒေသခံ နှစ်ဦး သေဆုံးခဲ့ပြီး ၅ ဦး ထိမှန်ဒဏ်ရာ ရခဲ့သည်။   ဒေသခံ အမျိုးသား နှစ်ဦး ပွဲချင်းပြီး သေဆုံးခဲ့သည့်အပြင် အမျိုးသမီးတစ်ဦး၊ အမျိုးသား ၄ ဦး ထိမှန်ဒဏ်ရာ ရခဲ့သည်ဟု သီပေါမြို့ခံများက ပြောသည်။   သီပေါမြို့ပေါ်က တောင်မြို့ရပ်ကွက်ကို ဇူလိုင်လ ၁၄ ရက်နေ့၊ ညနေ ၆ နာရီအချိန်ခန့်တွင် လေယာဉ်ဖြင့် ဗုံးကြဲ တိုက်ခိုက်ခဲ့ခြင်း ဖြစ်သည်။   သီပေါ ဒေသခံတစ်ဦးက “ကျနော်တို့ သီပေါ တောင်မြို့ရပ်ကွက်မှာ ကျတာ။ သေတာက အမျိုးသား နှစ်ယောက်နော်။ သေသွားတဲ့ နှစ်ယောက်က ဒီရွှေလုံးအလှပြင်ဆိုင် ပိုင်ရှင်နဲ့ ဆိုင်ရှေ့မှာရှိနေတဲ့ ဆိုင်ကယ် ကယ်ရီသမားပေါ့နော်။ သေသွားတဲ့လူတွေကလည်း ကိုယ့်အသိတွေပဲ။ စိတ်မကောင်းဘူးဗျာ” ဟု ပြောသည်။   ထို့အပြင် လေကြောင်း ဗုံးကြဲတိုက်ခိုက်ခံရမှုထဲ၌ နေအိမ် ၅ လုံးလည်း ထိမှန်ပျက်စီးသွားခဲ့သည်။   သီပေါမြို့အား ဇူလိုင်လ ၁၄ ရက်နေ့ လေကြောင်းတိုက်ခိုက်မှုမှာ ယခုလအတွင်း ဒုတိယအကြိမ်ဖြစ်ပြီး ဇူလိုင် ၄ ရက်ကလည်း သီပေါမြို့ကို စစ်တပ်က ဂျက်ဖိုက်တာဖြင့် ပေါင် ၂၅၀ ဗုံး ၂ လုံး ကြဲချတိုက်ခိုက်ခဲ့ရာ အစိုးရ အဆောက်အအုံ ၅ လုံးနှင့် နေအိမ် ၈ လုံးထက်မနည်း ထိမှန်ပျက်စီးခဲ့သည်။   ဇွန်လ ၂၉ ရက်နေ့မှ ဇူလိုင်လ ၁၄ ရက်နေ့အထိ စစ်ကောင်စီတပ်က၏ လေကြောင်းဗုံးကြဲမှုများမှာ ကျောက်မဲမြို့ အား ၆ ကြိမ်၊ နောင်ချိုမြို့နယ်၌ တစ်ကြိမ်၊ မိုးကုတ်မြို့ကို နှစ်ကြိမ်နှင့် သီပေါမြို့ကို ၂ ကြိမ် တိုက်ခိုက်ခဲ့သည်ဟု တအာင်းတပ် TNLA ထုတ်ပြန်ထားသည်။

ရှမ်းမြောက် ဗုံးကြဲမှု အရပ်သား ထိခိုက်မှုများရှိနေ

ရှမ်းမြောက် ဗုံးကြဲမှု အရပ်သား ထိခိုက်မှုများရှိနေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၁၆ ရက်။  ရှမ်းမြောက်ဒေသထဲက သီပေါမြို့နှင့် မိ…

  • July 16, 2025
မန္တလေး-မြစ်ကြီးနားလမ်းပိုင်း လေကြောင်းတိုက်ခိုက်မှုကြောင့် အရပ်သား ထိခိုက်မှုရှိ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။   မန္တလေး - မြစ်ကြီးနား လမ်းပိုင်းနေရာ အချို့ လေကြောင်း တိုက်ခိုက်ခံရသဖြင့် အရပ်သား ထိမှန် သေဆုံးမှုများ ရှိခဲ့သည်။   စစ်ကောင်စီတပ်သည် မန္တလေး - မြစ်ကြီးနား လမ်းပိုင်းနေရာ အချို့ကို နှစ်ပတ်အတွင်း နှစ်ကြိမ်တိုင်တိုင် ဂျက်ဖိုက်တာဖြင့် လေကြောင်းမှ တိုက်ခိုက်ခဲ့ရာ ထိခိုက်သေဆုံး ပျက်စီးမှုများ ရှိခဲ့သည်ဟု ကာကွယ်ရေး တပ်ဖွဲ့ များက ထုတ်ပြန်သည်။   မန္တလေး - မြစ်ကြီးနား လမ်းပိုင်းရှိ ကောလင်းမြို့၊ ဒိုးပင်ကျေးရွာအနီးကို ဇူလိုင်လ ၁၄ ရက်နေ့က လေကြောင်းမှ ဗုံးကြဲတိုက်ခိုက်ခဲ့သဖြင့် ကလေးတစ်ဦး အပါအဝင် အရပ်သား ၄ ဦး ထိခိုက်ဒဏ်ရာရခဲ့သည်။   အလားတူ စက်သုံးဆီတင်ကား ၂ စီး နှင့် ထမင်းဆိုင်တစ်ဆိုင်ပါ မီးလောင်ပျက်စီးသွားသည်ဟု မြေပြင် သတင်း အရင်းအမြစ်များက အတည်ပြု ပြောဆိုသည်။   စစ်ကိုင်းနှင့် ကချင်အစပ်ဒေသခရှိ ကာကွယ်ရေးတပ်ဖွဲ့ဝင် တစ်ဦးက “သူတို့က ပစ်ချင်တဲ့ နေရာကို ပစ်တာ။ ပွင့်ပွင့်လင်းလင်း ပြောရရင် ဘာရယ်ကြောင့်တော့ မဟုတ်ဘူး။ သူတို့ ပစ်ချင်ရင် ပစ်တာပေါ့။ ပြီးရင် ဖြစ်နိုင် တာက ကာကွယ်ရေးတပ်တွေရဲ့ ဂိတ်တွေကို ပစ်တာ ဖြစ်နိုင်တယ်။ အခုက Starlink ကလည်း နေရာတိုင်းမှာ ရှိတော့ သတင်းပေးရတာက လွယ်တယ်။ ကျနော်တို့ ပင်လည်ဘူးမှာ ဆိုရင် မုံရွာကနေ ဆံပင်လာဝယ်တယ် ဆို ပြီး ထောက်လှမ်း လာတာတွေ ရှိတယ်” ဟု လေကြောင်းတိုက်ခိုက်ခံရမှု အပေါ် သုံးသပ်ပြောဆိုသည်။   ထို့အပြင် ဇူလိုင်လ ၄ ရက်နေ့ကလည်း မန္တလေး - မြစ်ကြီးနား လမ်းပိုင်းရှိ ကန့်ဘလူမြို့နယ်၊ သီရိမွန်ကျေးရွာ လမ်းဆုံကို ဂျက်ဖိုက်တာဖြင့် ဗုံး ၃ လုံး ကြဲချခဲ့ရာ အရပ်သား ၂ ဦး သေဆုံးခဲ့ရသည်ဟု Kawlin Revolution-KR အဖွဲ့က သတင်း ထုတ်ပြန်ထားသည်။   အဆိုပါ လေကြောင်းတိုက်ခိုက်ခံခဲ့ရသည့် ဖြစ်စဥ်နှစ်ခုတွင် သေဆုံးဒဏ်ရာ ရရှိမှုနှင့် ပျက်စီးမှုများသည် လက်ရှိ ထုတ်ပြန်ထားသည့် ကိန်းဂဏန်းထက် ပိုများနိုင်သည်ဟု ဆိုကြသည်။   စစ်ကောင်စီ၏ ဝါဒဖြန့်သည့် တယ်လီဂရမ် ချန်နယ်လ်များတွင်မူ ကောလင်းမြို့နယ်၊ ဒိုးပင်ကျေးရွာက KIA နှင့် PDF ထောက်ပို့စခန်းကို လေကြောင်းမှ ပစ်ခတ်ရှင်းလင်းခဲ့သည်ဟု ရေးသားထားသည်။   ကာကွယ်ရေး တပ်ဖွဲ့ဝင်များ၏ ပြောပြချက်အရ လေကြောင်း ပစ်ခတ်ခံရသည့် ကန့်ဘလူမြို့နယ်နှင့် ကောလင်းမြို့နယ် တစ်ဝိုက်တွင် မြေပြင်၌ နှစ်ဖက်ကြား တိုက်ပွဲ တစ်စုံတစ်ရာ ဖြစ်ပွားခြင်းမျိုး မရှိဘူးဟု သိရသည်။   မန္တလေး - မြစ်ကြီးနား လမ်းပိုင်း ကားသမားတစ်ဦးက “ကောလင်းဘက်တွေ၊ ကန့်ဘလူဘက်တွေမှာတော့ ကျနော်တို့ သွားနေတဲ့ လမ်းကြောင်းကတော့ မကြုံဖူးဘူးပေါ့လေ။ ဒါပေမဲ့ တခြား လမ်းပိုင်းတွေမှာ ဖြစ်တာ ကတော့ အဲ့လို ကြားရတာတွေတော့ ရှိတယ်” ဟု ဆိုသည်။   လေကြောင်းမှ တိုက်ခိုက်ခြင်းခံခဲ့ရသည့် ကောာလင်းမြို့ကို ပြီးခဲ့သည့် ၂၀၂၃ ခုနှစ်က ကာကွယ်ရေး ပူးပေါင်း တပ်တို့က သိမ်းပိုက်နိုင်ခဲ့ပြီး ၂၀၂၄ ခုနှစ်၊ နှစ်ဆန်းပိုင်းတွင် ပြန်လက်လွှတ်ခဲ့ရသည်။   ကန့်ဘလူမြို့နယ်၏ ဒေသ တစ်ချို့တစ်ဝက်ကိုမူ စစ်ကောင်စီတပ်နှင့် ဘုန်းကြီးဦးဝါသဝ ဦးဆောင်သည့် ပျူစော ထီး ပူးပေါင်းတပ်တို့က ထိန်းချုပ်ထားပြီး ကာကွယ်ရေး ပူးပေါင်းတပ်များက ထိန်းချုပ်ထားသည့် ဒေသများ လည်းရှိသည်။   စစ်ကောင်စီတပ်သည် ကောလင်းမြို့၊ ကန့်ဘလူမြို့ အပါအဝင် စစ်ကိုင်းနှင့် ကချင်အစပ်က ထီးချိုင့်မြို့၊ ပင်လည် ဘူးမြို့၊ ဗန်းမောက်မြို့ နှင့် ကသာမြို့တို့၌ ထိတွေ့ တိုက်ပွဲများ မရှိသော်လည်း မကြာခဏ လေကြောင်းအသုံးပြု တိုက်ခိုက်လေ့ ရှိသည်။   ဓာတ်ပုံ- ကောလင်းမြို့နယ် ဒိုးပင်ကျေးရွာအနီး လေကြောင်းမှ တိုက်ခိုက်ခံရသည့် အခြေအနေ

မန္တလေး-မြစ်ကြီးနားလမ်းပိုင်း လေကြောင်းတိုက်ခိုက်မှုကြောင့် အရပ်သား ထိခိုက်မှုရှိ

မန္တလေး-မြစ်ကြီးနားလမ်းပိုင်း လေကြောင်းတိုက်ခိုက်မှုကြောင့် အရပ်သား ထိခိုက်မှုရှိ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၁၆ ရက်။ မန္တလေ…

  • July 16, 2025
မော်ချီးသတ္တုတွင်းဒေသ လေကြောင်းမှ ၂ ကြိမ်တိုက်ခံရ၊ လူ ၅ ဦး ဒဏ်ရာ ပြင်းထန်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၆ ရက်။    မော်ချီးသတ္တုတွင်းဒေသတွင် ၂၄ နာရီအတွင်း ၂ ကြိမ်မြောက် လေကြောင်းတိုက်ခိုက်ခံရပြီး လူ ၅ ဦး ပြင်းထန် ဒဏ်ရာရများ ရရှိခဲ့ သည်။   ကရင်နီပြည်ထဲက သတ္တုတူးဖော်ရေးလုပ်ငန်းမြို့ဖြစ်သည့် မော်ချီးမြို့ကို စစ်ကောင်စီက လေကြောင်းမှ ထပ်မံတိုက်ခိုက်ခဲ့ရာ အရပ်သား ၅ ဦး ထိခိုက်မှု ရှိသည်ဟု ကရင်နီပြည် ကြားကာလ အုပ်ချုပ်ရေးကောင်စီ (IEC) အတွင်းရေးမှူး ၂ ဦးဗညားက အတည်ပြု ပြောဆိုသည်။   မော်ချီးမြို့အား စစ်ကောင်စီက ၂၄ နာရီအတွင်း ၂ ကြိမ်မြောက် လေကြောင်း တိုက်ခိုက်ခဲ့ခြင်း ဖြစ်ပြီး ယခု ဇူလိုင်လအတွင်း၌ ၃ ကြိမ်မြောက် တိုက်ခိုက်ခြင်း ဖြစ်သည်။   ၂၀၂၅ ခုနှစ်အတွင်း မော်ချီးမြို့မှာ လေကြောင်းမှ တိုက်ခိုက်ခံရမှု ၉ ကြိမ်ရှိပြီ ဖြစ်သည်ဟု ကရင်နီဒေသတွင်းရှိ လူ့အခွင့်အရေး လေ့လာစောင့်ကြည့်နေသူများက ပြောသည်။   မော်ချီးမြို့အနီးတစ်ဝိုက်တွင် စစ်ရေး လှုပ်ရှားနေသည့် မြေပြင် သတင်းအရင်းအမြစ် တစ်ဦးက “ကျနော်တို့ တစ်လေးလုံး စတော့ ဖားဆောင်းမှာက ခလရ ၁၃၄၊ ၁၃၅ ပဲကျန်တယ်။ အခုက ၁၃၄ ပါ သိမ်းနိုင်ပြီဆိုတော့ မကြာခင် ၁၃၅ လည်း ရတော့မယ်။ အဲ့ဒါကြောင့် သူတို့က မော်ချီးကို မဲနေတာ။ မော်ချီးထိရင် တော်လှန်ရေး တပ်တွေ ဆုတ်မယ်လို့ သူတို့ တွေးတာပေါ့။ ဖားဆောင်းလည်း နေ့တိုင်းကြဲတာပဲ။ လူမရှိတော့ သတင်းတွေ မတက်ကြတာ” ဟု ပြောသည်။ မော်ချီးမြို့ရှိ သတ္တုတွင်းလုပ်ငန်း အနီးတစ်ဝိုက် နေရာများကို ဇူလိုင်လ ၁၅ ရက်နေ့၊ နံနက်အစောပိုင်း ၁ နာရီ အချိန်ခန့်တွင် တိုက်ပွဲဖြစ်ပွားခြင်းမရှိဘဲ Y12 ဂျက်ဖိုက်တာဖြင့် ဗုံးသီး ၃ လုံး ကြဲချ တိုက်ခိုက်ခဲ့ခြင်း ဖြစ်သည်။   လေကြောင်း တိုက်ခိုက်မှုအတွင်း အမျိုးသား တစ်ဦးနှင့် အမျိုးသမီး ၄ ဦး ထိခိုက်မှုရှိခဲ့ပြီး လူနေအိမ် တစ်လုံး လည်း မီးလောင်ပြာကျ ပျက်စီးခဲ့ရသည်ဟု ဒေသတွင်း နေထိုင်သူများက ပြောသည်။   မော်ချီးမြို့တွင် ခေတ္တခိုလှုံနေသူ တစ်ဦးက “မနေ့လည်း ကြဲတယ်ဆိုတော့ လေယာဉ်လာတာနဲ့ ကျဉ်းထဲ ဝင်ပြေး ကြတယ်လေ။ ကြုံရတာများပြီဆိုတော့ နည်းနည်းပါးပါးပဲ ထိတယ်။ လူသေတာတော့ ဒီနေ့ မရှိဘူး။ ဒဏ်ရာ ကတော့ ပြင်းတဲ့လူများတယ် ပြောတယ်။ စိုးရိမ်ရတာလည်း ပါတယ်” ဟု ပြောသည်။   ဇူလိုင်လ ၁၄ ရက်နေ့၊ နေ့လည် ၂ နာရီဝန်းကျင် အချိန်ခန့်ကလည်း မော်ချီးဒေသရှိ တောင်ပေါ်ကျေးရွာ၊ စက် ဆရာကွေ့နေရာအား လေကြောင်းမှ ဗုံးကြဲတိုက်ခိုက်ခံရမှုထဲ အရပ်သား ၆ ဦး သေဆုံးပြီး ၃ ဦး ပြင်းထန် ဒဏ်ရာ များ ရရှိခဲ့သည်။   အဆိုပါ လေကြောင်း တိုက်ခိုက်ခံရမှုထဲ လူနေအိမ် ၅ လုံး မီးလောင်ပြာကျ ပျက်စီးသွားခဲ့သည်။   အလားတူ ကရင်နီပြည်၊ ဒီးမော့ဆိုမြို့နယ် အနောက်ခြမ်းရှိ စစ်ဘေးရှောင်စခန်းကိုလည်း ဇူလိုင်လ ၁၄ ရက်နေ့၌ စစ်ကောင်စီက လေကြောင်းမှ တိုက်ခိုက်ခဲ့ရာ ဆေးပေးခန်း ၂ အဆောက်အအုံနှင့် ကားတစ်စီး မီးလောင်ပြာကျ ပျက်စီးခဲ့သည်ဟု မြေပြင်ရှိ သတင်း အရင်းအမြစ်များက ပြောသည်။

မော်ချီးသတ္တုတွင်းဒေသ လေကြောင်းမှ ၂ ကြိမ်တိုက်ခံရ၊ လူ ၅ ဦး ဒဏ်ရာ ပြင်းထန်

မော်ချီးသတ္တုတွင်းဒေသ လေကြောင်းမှ ၂ ကြိမ်တိုက်ခံရ၊ လူ ၅ ဦး ဒဏ်ရာ ပြင်းထန် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၁၆ ရက်။   မော်ချီးသတ္တ…

  • July 16, 2025
တိုက်ပွဲ မဖြစ်ပဲ ဒီးမော့ဆိုနှင့် မော်ချီးတို့ကို ဗုံးကြဲ၊ အရပ်သား ထိခိုက်သေဆုံးမှုများ ရှိ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၅ ရက်။   ကရင်နီပြည်ထဲက ဒီးမော့ဆိုမြို့နယ်နှင့် မော်ချီးမြို့တို့ကို စစ်ကောင်စီက တိုက်ပွဲဖြစ်ပွားခြင်း မရှိဘဲ လေကြောင်း မှ ဗုံးကြဲတိုက်ခိုက်မှုကြောင့် အရပ်သားထိခိုက်သေဆုံးမှုများ ရှိနေသည်။   မော်ချီးမြို့ကို လေကြောင်းမှ ဗုံးကြဲတိုက်ခိုက်ခဲ့ရာ အရပ်သား ၆ ဦးထက်မနည်း သေဆုံးခဲ့ပြီး ၃ ဦး ပြင်းထန် ဒဏ်ရာရရှိသည်ဟု သည်။   စစ်ကောင်စီက ပေါင် ၂၀၀ ဗုံး ၂ လုံးဖြင့် ဇူလိုင်လ ၁၄ ရက်နေ့၊ နေ့လည် ၂ နာရီဝန်းကျင် အချိန်ခန့်၌ ကြဲချခဲ့ခြင်းဖြစ်ပြီး ဗုံးတစ်လုံးမှာ လမ်းမပေါ်သို့ ကျရောက်သော်လည်း ကျန်တစ်လုံးမှာ အမှတ် ၃၊ ၄ အိမ်စုနှင့် ရတနာအောင်မြေ ရပ်ကွက်ရှိ လူနေအိမ်များကြားတွင် ပေါက်ကွဲခဲ့ခြင်း ဖြစ်သည်။   မော်ချီးမြို့အတွင်း ကူညီကယ်ဆယ်ရေး ဆောင်ရွက်နေသူ တစ်ဦးက “လောလောဆယ်တော့ အမျိုးသား တစ် ယောက်။ အမျိုးသမီး ၅ ယောက်။ အတိအကျတော့ မရသေးဘူး။ ဟိုဖက်ခြမ်းက ၁၀ ယောက် ထိတယ်လို့ လည်း ကြားတယ်။ ကျနော်တို့ လူလိုက် ကောက်ပြီးမှပဲ စာရင်းက အတည်ပြုနိုင်မယ်” ဟု ပြောသည်။   လက်ရှိ စာရင်း ကောက်ယူထားသည့် စာရင်းအရ လူနေအိမ် ၅ လုံးခန့် ထိခိုက်ပျက်စီးခဲ့ပြီး အချိန်ကြာလာ သည်နှင့် အမျှ ထိခိုက်သေဆုံးသည့် စာရင်းတိုးလာနိုင်သည် ဟု ဆိုသည်။   အလားတူ ဒီးမော့ဆိုမြို့နယ်၊ အနောက်ဘက်ခြမ်းရှိ စစ်ဘေးရှောင်စခန်းထဲက ဆေးပေးခန်း တစ်ခုအား စစ်ကောင်စီက ဇူလိုင်လ ၁၄ ရက်နေ့၊ နံနက် ၁ နာရီ အချိန်ခန့်တွင် လေကြောင်းမှ တိုက်ခိုက်ခဲ့ရာ အဆောက် အအုံ ၂ ခု၊ ရေချိုးခန်း၊ အိမ်သာနှင့် ကားတစ်စီးတို့ ဗုံးစထိမှန် ပျက်စီးသွားခဲ့သည်။   ဒီးမော့ဆိုမြို့နယ် အနောက်ဘက်ခြမ်းမှ စစ်ဘေးရှောင်တစ်ဦးက “အခုတလော ကြဲပြီဆိုရင် ပေါင် ၂၀၀ တွေပဲ။ တခါခါဆို ၅၀၀။ ကျမတို့ ဒီလောက်ဝေးတာတောင် နားစည်ကွဲမလို ဖြစ်နေတာ။ တကယ်ထိတဲ့ လူဆို မတွေး ရဲဘူး။ သူတို့ ပစ်မှတ်ထားတာက ဆေးရုံနဲ့ စာသင်ကျောင်းပဲ” ဟု ပြောသည်။   ဇူလိုင်လ ၉ ရက်နေ့ကလည်း မော်ချီးမြို့အနီး၊ လိုလော်ထီးကျေးရွာကို လေကြောင်းမှ တိုက်ခိုက်ခဲ့ရာ ကလေး အပါအဝင် အရပ်သား ၅ ဦး သေဆုံးပြီး၊ ၅ ဦး ပြင်းထန်ဒဏ်ရာ ရရှိခဲ့သေးသည်။   ယခု မော်ချီးမြို့ လေကြာင်းတိုက်ခိုက်မှုမှာ ၈ ကြိမ်မြောက် ဖြစ်ပြီး ဒီးမော့ဆိုမြို့နယ်၌ ဇူလိုင်လ အတွင်း ၂ ကြိမ် မြောက် တိုက်ခိုက်ခံရခြင်း ဖြစ်သည်ဟု ဒေသတွင်း အကူအညီပေးနေသူများက ပြောဆိုထားသည်။

တိုက်ပွဲ မဖြစ်ပဲ ဒီးမော့ဆိုနှင့် မော်ချီးတို့ကို ဗုံးကြဲ၊ အရပ်သား ထိခိုက်သေဆုံးမှုများ ရှိ

တိုက်ပွဲ မဖြစ်ပဲ ဒီးမော့ဆိုနှင့် မော်ချီးတို့ကို ဗုံးကြဲ၊ အရပ်သား ထိခိုက်သေဆုံးမှုများ ရှိ သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၅ ရက်။…

  • July 15, 2025
စစ်မှုထမ်း ဥပဒေကို အကြောင်းပြ၍ လူထုထံမှ ခြိမ်းခြောက်ငွေညှစ်နေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇူလိုင်လ ၁၅ ရက်။   မွန်ပြည်တွင် စစ်မှုထမ်းဥပဒေကို အကြောင်းပြ၍ ရပ်ကျေးအုပ်ချုပ်ရေး အဖွဲ့များက ပြည်သူများထံမှ ငွေကြေး ကောက်ခံခြင်းနှင့် ခြိမ်းခြောက် ငွေညှစ်ခြင်းများ ကျယ်ကျယ်ပြန့်ပြန့် လုပ်နေကြသည်ဟု မွန်ပြည် လူ့အခွင့် အရေး ဖောင်ဒေးရှင်း (HURFOM) က ပြောသည်။   မော်လမြိုင်မြို့ပေါ်က ရပ်ကွက်များတွင် စစ်မှုထမ်းသွားသူများကို ထောက်ပံ့ရန်ဟု ဆိုကာ အိမ်ထောင်စု တစ်စု လျှင် ငွေကျပ် (၁၀,၀၀၀) မှ (၂၀,၀၀၀) အထိ ကောက်ခံနေပြီး၊ မပေးဆောင်နိုင်ပါက စစ်သင်တန်း တက်ရောက် ရန် စာရင်းပေးရမည်ဟု အုပ်ချုပ်ရေးမှူး အချို့က ခြိမ်းခြောက်ပြောဆိုမှုများ ရှိနေသည်ဟု HURFOM တာဝန်ရှိသူ နှင့် ဒေသခံများက ပြောသည်။   (HURFOM) အဖွဲ့ ဒါရိုက်တာ နိုင်အဲမွန်က “ရှိပြီးသား စစ်မှုထမ်းတွေ၊ စစ်မှုထမ်း မဟုတ်တဲ့ ပြည်သူ့စစ်၊ ပြည်သူ့ လုံခြုံရေး တပ်ဖွဲ့ဝင်တွေ အတွက် စားဖို့သောက်ဖို့၊ uniform၊ လက်နက်ခဲယမ်းက အစ ပြည်သူတွေကနေ ထောက်ပံ့ရမယ်ဆိုတဲ့ သဘောမျိုး အမိန့်ပေး စေခိုင်းတာတွေ ရှိလာတယ်။ ဒါက စစ်မှုထမ်း နောက်ဆက်တွဲ ချိုးဖောက်မှုတွေပေါ့နော်” ဟု ပြောသည်။   မော်လမြိုင်ရှိ ရပ်ကွက် အုပ်ချုပ်ရေးမှူးများကို ပြီးခဲ့သည့် ဇူလိုင်လ ၄ ရက်နေ့မှ ဇူလိုင်လ ၇ ရက်နေ့အထိ စစ်ကောင်စီတပ်မှ အစည်းအဝေး ခေါ်ယူကာ စစ်မှုထမ်း ထောက်ပံ့ကြေး အတွက် လစဉ် ငွေကြေး ကောက်ခံ ရန်နှင့် စစ်သင်တန်းသားများ ပေးပို့ရန် ဖိအားပေးခဲ့ခြင်း ဖြစ်သည်။   ထောက်ပံ့ကြေး ကောက်ခံရာတွင် ရပ်ကွက် အုပ်ချုပ်ရေးမှူးများမှ တစ်ဆင့် ချောင်လည်သည့် မိသားစုများနှင့် စီးပွားရေး လုပ်ငန်းရှင်များကို ပစ်မှတ်ထားကာ ကောက်ခံနေသည်ဟု ဆိုသည်။   ထိုသို့ ကောက်ခံရတွင်လည်း ငွေပမာဏ များပြားစွာ တိုးမြှင့်ကောက်ခံလေ့ ရှိပြီး အချို့ထံမှ သိန်းနှင့်ချီ၍ ကောက်ခံမှုများပင် ရှိနေသည်ဟု နိုင်အဲမွန်က ဆိုသည်။   “ရပ်ကျေး အုပ်ချုပ်ရေးကနေ သူတို့သိတယ်။ ဘယ်အိမ်က၊ ဘယ်ရပ်ကွက်မှာ ဘယ်အိမ်က ချောင်လည်တယ်။ ဘယ်အိမ်က ပေးနိုင်ကမ်းနိုင်တယ်ဆိုတာ သူတို့သိကြတယ်။ သိတဲ့အခါကျတော့ အဲလိုအိမ်မျိုးတွေကို တိုးတိုး ကောက်တယ်။ စတိုးဆိုင်တွေတို့၊ လုပ်ငန်းရှိတဲ့အိမ်တွေ၊ စီးပွားရေး လုပ်တဲ့ အိမ်တွေဆို တိုးကောက်တယ်။ သိန်းနဲ့ချီ ကောက်တာ ရှိတယ်။”   ငွေကြေးများ ကောက်ခံရာတွင် ရပ်ကျေး၊ ထွေအုပ်၊ ဒေသဆိုင်ရာ တပ်ဘက်ဆိုင်ရာ တာဝန်ရှိသူများမှ အဆင့် ဆင့် အခွင့်ကောင်းယူကာ လုပ်ဆောင်နေမှုများ ရှိနေသည်ဟု ဆိုသည်။   လူအင်အား လိုအပ်ချက် မြင့်မားနေသည့် စစ်ကောင်စီသည် မော်လမြိုင်၊ ပေါင်၊ မုဒုံ၊ သံဖြူဇရပ်၊ ကျိုက်မရော၊ ရေးနှင့် ကျိုက်ထိုမြို့နယ်များတွင် လူငယ်များကို အကြောင်းပြချက် အမျိုးမျိုးဖြင့် ဖမ်းဆီးလျက်ရှိသည်ဟု ဒေသခံများက ပြောသည်။   ဒေသအတွင်း မူးယစ်ဆေးဝါး သုံးစွဲနေသည့် လူငယ်များကို ဖမ်းဆီးခြင်း၊ ခိုးမှု၊ လုယက်မှု ကျူးလွန်သူ တစ်ဦးကို ငွေကျပ် (၃၅) သိန်းခန့်မှ ကျပ်သိန်း(၅၀) သိန်းခန့်အထိ ပေးဝယ်ကာ စစ်မှုထမ်းရန် ပို့ဆောင်ခြင်းများလည်း ရှိနေသည်ဟု HURFOM ၏  စာရင်းများတွင် ဖော်ပြထားသည်။   မွန်ပြည်ရှိ မြို့နယ်အသီးသီးက စစ်မှုထမ်း သတ်မှတ်ချက် စာရင်းဝင်သည့် သင်တန်းသား ဦးရေ ၂,၀၀၀ ကျော် အား စစ်မှုထမ်း သင်တန်း အပတ်စဉ် ၁ မှ ၁၂ အတွက် ပို့ဆောင်ခဲ့ပြီးဖြစ်ကာ အပတ်စဉ် ၉ အထိ သင်တန်းဆင်း သူများကို ရှေ့တန်းစစ်မြေပြင်များသို့ ပို့ဆောင်ထားပြီး ဖြစ်သည်။

စစ်မှုထမ်း ဥပဒေကို အကြောင်းပြ၍ လူထုထံမှ ခြိမ်းခြောက်ငွေညှစ်နေ

စစ်မှုထမ်း ဥပဒေကို အကြောင်းပြ၍ လူထုထံမှ ခြိမ်းခြောက်ငွေညှစ်နေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇူလိုင်လ ၁၅ ရက်။  မွန်ပြည်တွင် စစ်မှုထမ်းဥပ…

  • July 15, 2025
×Close