သတင်း

ကျောက်ကြီးမှ နှစ် ၅၀ ကြာ စစ်တပ် ထိန်းချုပ်ထားသော စခန်းကို KNU သိမ်းပိုက်

ကျောက်ကြီးမှ နှစ် ၅၀ ကြာ စစ်တပ် ထိန်းချုပ်ထားသော စခန်းကို KNU သိမ်းပိုက်

ကျောက်ကြီးမှ နှစ် ၅၀ ကြာ စစ်တပ် ထိန်းချုပ်ထားသော စခန်းကို KNU သိမ်းပိုက် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၁၁ ရက်။ ပဲခူးတိုင်း၊ ည…

  • January 11, 2025
ကရင်နီပြည်အတွင်း မူးယစ်မှုမှာ ထိပ်ဆုံး ရာဇဝတ်မှု ဖြစ်နေ

ကရင်နီပြည်အတွင်း မူးယစ်မှုမှာ ထိပ်ဆုံး ရာဇဝတ်မှု ဖြစ်နေ

ကရင်နီပြည်အတွင်း မူးယစ်မှုမှာ ထိပ်ဆုံး ရာဇဝတ်မှု ဖြစ်နေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၁၁ ရက်။  ကရင်နီပြည်အတွင်း ဖမ်းဆီးအရေးယူ…

  • January 11, 2025
မွန်ပြည်နယ်တွင် လွန်ခဲ့သည့် နှစ်အတွင်း လေကြောင်းတိုက်ခိုက်မှု ယခင် ၃ နှစ်တာ စုစုပေါင်းထက် ပိုများ 

မွန်ပြည်နယ်တွင် လွန်ခဲ့သည့် နှစ်အတွင်း လေကြောင်းတိုက်ခိုက်မှု ယခင် ၃ နှစ်တာ စုစုပေါင်းထက် ပိုများ 

မွန်ပြည်နယ်တွင် လွန်ခဲ့သည့် နှစ်အတွင်း လေကြောင်းတိုက်ခိုက်မှု ယခင် ၃ နှစ်တာ စုစုပေါင်းထက် ပိုများ  သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္န…

  • January 11, 2025
ပုလောတွင် လေကြောင်းတိုက်ခိုက်မှု အပါအဝင် တိုက်ပွဲပြင်းထန်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန်နဝါရီလ ၁၀ ရက်။   မြိတ်ခရိုင်၊ ပုလောမြို့နယ်အတွင်း ဖြစ်ပွားနေသည့် တိုက်ပွဲများအတွင်း စစ်ကောင်စီတပ်က လေကြောင်း တိုက် ခိုက်မှုများ အပြင်းအထန်လုပ်နေသည်ဟု ဒေသခံများက ပြောသည်။   မြိတ် - ပုလော ပြည်ထောင်စု လမ်းမကြီးပေါ်ရှိ ဘုတ်ကျေးရွာ အခြေစိုက် ခလရ - ၁၇ တပ်ရင်းနှင့် စစ်ကောင်စီ တပ် အခြေချတပ်စွဲထားသည့် စက်တော်ရာကျေးရွာတို့အား ပြည်သူ့ကာကွယ်ရေး မဟာမိတ်ပူးပေါင်းတပ်များ က တိုက်ခိုက်ခဲ့ရာ စစ်ကောင်စီမှ လေကြောင်းမှပါ တိုက်ကူခဲ့ကြောင်း မြိတ်ခရိုင် တပ်ရင်း (၁) မှ တာဝန်ရှိသူ တစ်ဦးက ပြောသည်။   စစ်ကောင်စီ၏ ခလရ‌ ၁၇ တပ်ရင်းကို မြိတ်ခရိုင်အမှတ် (၁) တပ်ရင်းနှင့် မဟာမိတ် ပူးပေါင်းတပ်ဖွဲ့များက ဇန္နဝါရီလ ၉ ရက်နေ့၊ နံနက် ၈ နာရီခန့်က တိုက်ခိုက်ခဲ့ခြင်းဖြစ်သည်။   တိုက်ခိုက်မှုအတွင်း စစ်ကောင်စီဘက်မှ ၃ ဦး သေဆုံးခဲ့ပြီး အပြန်အလှန် ပစ်ခတ်မှု ၂ နာရီအတွင်း စစ်ကောင်စီ ဘက်မှ လေကြောင်းဖြင့် ၂ကြိမ်၊ စုစုပေါင်း ဗုံးသီး ၁၆ လုံးအထိ ပစ်ခတ်ကာ ပြန်လည်တိုက်ခိုက်ခဲ့သည်။   တစ်နေ့တည်းမှာပင် စက်တော်ရာကျေးရွာထဲ၌ တပ်စွဲအထိုင်ချထားသည့် စစ်ကောင်စီတပ်ဖွဲ့ကို ကရင်အမျိုးသား  ကာကွယ်ရေးတပ် - KNDO တပ်ရင်း(၇)၊ မြိတ်ခရိုင်အမှတ်(၁)တပ်ရင်းနှင့် ပူးပေါင်းမဟာမိတ်တပ်များက ဝင်ရောက် တိုက်ခိုက်ခဲ့သည်။   တိုက်ပွဲများအတွင် စစ်ကောင်စီဘက်မှ နံနက် ၈ နာရီမှ ညနေ ၆ နာရီခန့်အချိန်ထိ လေကြောင်းတိုက်ခိုက်မှု အကြိမ်ကြိမ် တိုက်ခိုက်ခဲ့ပြီး ဗုံးသီးအလုံးရေ ၇၀ ခန့်အထိ ကြဲချပစ်ကူခဲ့ကြောင်း တိုက်ပွဲအတွင်း ပါဝင်ခဲ့သူ တပ်ဖွဲ့ဝင်တစ်ဦးက ဆိုသည်။   အသက် ၅၀ ခန့်အရွယ် ရွာသားတစ်ဦးက “လေယာဉ်နဲ့ ဗုံးကြဲခဲ့တာကြောင့် စက်တော်ရာရွာထဲက အိမ်‌သုံးလုံးနဲ့ ဘုရားတဝိုက် မီးလောင်တာတွေ ရှိခဲ့တယ်။ လက်ရှိမှာ ထမင်းဆိုင်တစ်ဆိုင်ကို စစ်တပ်က မီးရှို့ထားသေးတယ်လို့ သိရတယ်၊ အပျက်အစီးကတော့ အခြေအနေ မတည်ငြိမ်သေးတော့ အတိအကျ မသိရသေးဘူး” ဟု ပြော သည်။   လက်ရှိတွင် စက်တော်ရာကျေးရွာ၌ စစ်ကောင်စီနှင့် မဟာမိတ်ပူးပေါင်းတပ်ဖွဲ့များအကြား တိုက်ပွဲများ ဆက်လက် ဖြစ်ပွားနေပြီး တိုက်ပွဲကြောင့် ကားလမ်းကိုလည်း ပိတ်ထားသည်ဟု ရွာသားများက ဆိုသည်။   ခလရ ၁၇ တပ်ရင်းကို တိုက်ခိုက်ရာတွင် အပြန်အလှန် ပစ်ခတ်မှု နှစ်နာရီခန့် ကြာမြင့်ခဲ့ပြီး တိုက်ပွဲအတွင်း စစ်ကောင်စီ တပ်သား သုံးဦးကျဆုံးခဲ့ပြီး မဟာမိတ် ပူးပေါင်းတပ်ဖွဲ့များဘက်မှ အထိအခိုက်မရှိ ခွာစစ် ဆင်နိုင်ခဲ့ သည်ဟု မြိတ်ခရိုင် အမှတ် (၁) တပ်ရင်းမှ ဇန္နဝါရီလ ၁၀ ရက်နေ့တွင် သတင်းထုတ်ပြန်ထားသည်။   ကြဲကျေးရွာ၌ တပ်စွဲထားသည့် စစ်ကောင်စီတပ်ဖွဲ့က စစ်ရေးတင်းမာနေသည့် စက်တော်ရာကျေးရွာသို့ အင်အား လာပေါင်းထားပြီး လက်ရှိတွင် တိုက်ပွဲဖြစ်ပွားလျက်ရှိနေပြီး နှစ်ဖက် စစ်ရေးတင်းမာလျက် ရှိနေသည်ဟု မြိတ်ခရိုင်အမှတ် (၁) တပ်ရင်း၏ တာဝန်ရှိသူက ဆိုသည်။   လေကြောင်း တိုက်ခိုက်မှုများကြောင့် ကြဲ၊ စက်တော်ရာနှင့် ဘုတ်ကျေးရွာများမှ ရွာသားများ ဘေးလွတ်ရာသို့ စစ်ဘေးရှောင်နေကြရသည်။

ပုလောတွင် လေကြောင်းတိုက်ခိုက်မှု အပါအဝင် တိုက်ပွဲပြင်းထန်

ပုလောတွင် လေကြောင်းတိုက်ခိုက်မှု အပါအဝင် တိုက်ပွဲပြင်းထန် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန်နဝါရီလ ၁၀ ရက်။ မြိတ်ခရိုင်၊ ပုလောမြို့နယ်အတွ…

  • January 10, 2025
စစ်ကောင်စီစစ်ကြောင်းက ရွာသားသုံးဦးကို ဖမ်းဆီးရိုက်နှက်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန္နဝါရီလ ၁၀ ရက်။   မြိတ်ခရိုင်၊ မြိတ်မြို့နယ်အတွင်းရှိ မဇောကျေးရွာအုပ်စု၊ သကန်ကျေးရွာဟောင်းဘက်သို့ စစ်ကြောင်းထိုး ရောက်ရှိလာသည့် စစ်ကောင်စီတပ်ဖွဲ့က ရွာသားသုံးဦးကို ဖမ်းဆီးရိုက်နှက်ခဲ့သည်ဟု ရွာသားများက ပြောသည်။   ရိုက်နှက် စစ်ဆေးခြင်း ခံခဲ့ရသူများမှာ ရာဘာခြံတွင် အလုပ်လုပ်ကိုင်နေသူ၊ စိုက်ခင်းတွင် အလုပ်လုပ်နေသူနှင့် ကွမ်းခြံ၌ အလုပ်လုပ်နေသည့်သူများ ဖြစ်ကြပြီး စစ်ကြောင်းဝင်လာသည့် လမ်းတလျှောက် ဖမ်းဆီးခေါ်ဆောင် ခြင်းကို ခံခဲ့ရသည်။   အသက် ၄၀ ခန့်အရွယ် ရွာသားတစ်ဦးက “ကိုယ်ခန္ဓာတွေမှာလည်း ရိုက်နှက်ခံထားရတဲ့ ဒဏ်ရာတွေ တွေ့ရ တယ်၊ စစ်ဖိနပ်တွေနဲ့လည်း ကန်ခံထိထားတော့ မျက်နှာတွေလည်း ဖူးယောင်နေကြတယ်” ဟု ပြောသည်။   ရွာသားများအား ဖမ်းဆီးရိုက်နှက်ခဲ့သည့် စစ်ကောင်စီ စစ်ကြောင်းမှာ ဇန္နဝါရီလ ၁၀ ရက်နေ့၊ နံနက် ၈ နာရီ အချိန်ခန့်က တုံးဗျောငယ်ကျေးရွာမှ တောလမ်းအတိုင်း စစ်ကြောင်းထိုး ရောက်ရှိလာကြခြင်း ဖြစ် သည်။   စစ်ကောင်စီ စစ်ကြောင်းက အင်အား ၇၀ ခန့် ပါဝင်ပြီး သကန်ကျေးရွာဟောင်း အနီးတွင် အလုပ်လုပ်ကိုင်နေသူ အသက် ၃၀ ခန့်အရွယ်၊ ရွာသား ၃ ဦးကို ဖမ်းဆီးပြီး ရိုက်နှက်စစ်ဆေးခဲ့ခြင်း ဖြစ်ကြောင်း ရွာသားတစ်ဦးက ပြောသည်။   ထိုစစ်ကြောင်းမှာ ဇန္နဝါရီလ ၁၀ ရက်နေ့၊ ညနေပိုင်း ၃ နာရီအချိန်ခန့်တွင် သကန်ကျေးရွာဟောင်းမှ ပြန်လည် ထွက်ခွာသွားချိန်ကြမှ ဖမ်းဆီးရိုက်နှက်ခံထားရသည့် ရွာသားသုံးဦးကို ပြန်လွှတ်ပေးထားခဲ့ကြောင်း ရွာသားများက ဆိုသည်။   စစ်ကောင်စီ စစ်ကြောင်းက သကန်ကျေးရွာဟောင်းမှ ထွက်ခွာရာတွင်လည်း ကျေးရွာအနီး ရှိ ရော်ဘာ ဥယျာဥ်ခြံ သုံး ကားနှစ်စီးကိုပါ ချောဆွဲ၍ ကြေးနန်းတိုင်ကျေးရွာဘက်သို့ ထွက်ခွာသွားကြသည်။   ဇန္နဝါရီလ ၄ ရက်နေ့၊ ညပိုင်းက သကန်တောင်ပုကျေးရွာမှ ရာအိမ်မှူးတစ်ဦး အသတ်ခံရပြီး ကတည်းက မဇော ကျေးရွာအုပ်စု အတွင်းရှိ ရွာများကို အဆိုပါ စစ်ကောင်စီက စစ်ကြောင်းထိုးနေခြင်း ဖြစ်ကြောင်း ရွာသားများက ပြောသည်။

စစ်ကောင်စီစစ်ကြောင်းက ရွာသားသုံးဦးကို ဖမ်းဆီးရိုက်နှက်

စစ်ကောင်စီစစ်ကြောင်းက ရွာသားသုံးဦးကို ဖမ်းဆီးရိုက်နှက် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၁၀ ရက်။ မြိတ်ခရိုင်၊ မြိတ်မြို့နယ်အတွင်း…

  • January 10, 2025
စရဖရုံး တိုက်ခိုက်ခံရပြီးနောက် စစ်တပ်က ပုလောမြို့ခံ အမျိုးသားများကို အဓမ္မ စစ်သားစုဆောင်းနေ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန္နဝါရီလ ၁၀ ရက်။   မြိတ်ခရိုင်၊ ပုလောမြို့ပေါ်ရှိ အမှတ် - ၂ ရပ်ကွက်က စစ်ဘက်ရေးရာ လုံခြုံရေးတပ်ဖွဲ့ - စရဖရုံး တိုက်ခိုက် ခံရပြီးနောက် ဖမ်းဆီးခံရသူများအထဲမှ အမျိုးသမီးများ ပြန်လည်လွတ်မြောက်လာပြီး အမျိုးသားများမှာ အဓမ္မ စစ်သားစုဆောင်းခြင်း ခံလိုက်ရသည်ဟု မြို့ခံများက ပြောသည်။   ပုလောမြို့မှ CDM ကျောင်းဆရာမ နှစ်ဦးနှင့် မြို့ပေါ်ဈေးတွင် ကြက်သားရောင်းချနေသူ အမျိုးသမီးတစ်ဦးတို့ကို စစ်ကောင်စီတပ်က ဇန္နဝါရီလ ၇ ရက်နေ့၊ နံနက်ပိုင်းက ဖမ်းဆီးသွားသည်။   ထို့အပြင် အမှတ် - ၂ ရပ်ကွက်မှ အမျိုးသား ၁၀ ဦးနှင့် ပုလော မြို့မဈေးထဲတွင် အရက်မူးပြီး အိပ်ပျော်နေသည့် အမျိုးသားလေးဦးကိုလည်း တစ်ရက်တည်းမှာပင် ဖမ်းဆီးခဲ့ကြသည်။   ဖမ်းဆီးခံရသူများထဲက CDM ကျောင်းဆရာမ ဒေါ်သန်းသန်းစိုးနှင့် ဒေါ်နန္ဒာမျိုး၊ စျေးတွင် ကြက်သားရောင်းချပြီး ပုလောမြို့ပေါ်တွင် ရွှေ့ပြောင်းနေထိုင်သည့် လှည်းကျောင်းဝကျေးရွာသူ ဒေါ်အိ တို့ကိုမူ အဖမ်းခံရပြီး သုံးရက် အကြာ ဇန္နဝါရီလ ၉ ရက်နေ့တွင် ပြန်လွှတ်ပေးခဲ့သည်ဟု အမှတ် - ၂ ရပ်ကွက်နေ အမျိုးသားတစ်ဦးက ဆိုသည်။   အမျိုးသမီးများနှင့် အတူ ဖမ်းဆီးခြင်းခံရသည့် အမှတ် - ၂ ရပ်ကွက်မှ အမျိုးသား ၁၀ ဦးနှင့် အရက်မူးပြီး အိပ် ပျော်နေသည့် လေးဦးကို ပြန်လွှတ်ပေးခြင်းမရှိဘဲ ရေလမ်းမှတဆင့် မြိတ်သို့ စစ်သားစုဆောင်းရန် ပို့ဆောင် လိုက်ကြသည်။   အသက် ၄၅ နှစ်အရွယ် မြို့ခံအမျိုးသားတစ်ဦးက “မိန်းမတွေကို ပြန်လွှတ်ပေးပြီး ယောက်ကျားတွေကိုတော့ စစ်မှုထမ်းဖို့ မြိတ်ကို ပို့လိုက်တာဟာ ရည်ရွယ်ချက်ရှိရှိနဲ့ စစ်သားစုဆောင်းဖို့ အကွက်ချပြီး တမင် ဖမ်းလိုက် တာ ပါ” ဟု ပြောသည်။   ဇန္နဝါရီလ ၆ ရက်နေ့ ညက စရဖရုံး တိုက်ခိုက်ခံရပြီး နောက်တစ်နေ့တွင် ရုံးအနီးရှိ လမ်းသွယ်များကို ဝင်ထွက် သွားလာခွင့် ပိတ်ထားပြီး စစ်တပ်မှ ဖမ်းဆီးခဲ့ခြင်းဖြစ်ကြောင်း ရပ်ကွက်နေ ပြည်သူများက ဆိုသည်။   စရဖရုံးကို မီးရှို့ဖျက်ဆီးခံရသည့်နေ့မှ စတင်ပြီး စစ်ကောင်စီတပ်က ကားသုံးစီးဖြင့် မြို့ပေါ်တွင် နေ့ရောညပါ ကင်းလှည့် စစ်ဆေးနေကြခြင်း ဖြစ်သည်။   အလားတူ ဇန္နဝါရီလ ၄ ရက်နေ့၊ ညကလည်း ပုလောမြို့ပေါ်တွင် စစ်ဘေးလာရှောင်နေကြသည့် ပုလောကုန်း ကျေးရွာသား အမျိုးသား ၅ ဦး၊ ပုလောမြို့ အမှတ် (၃) ရပ်ကွက်က ၄ ဦး၊ အမှတ် (၄) ရပ်ကွက်မှ ၃ ဦး စုစုပေါင်း ၁၂ ဦးတို့ကို စစ်ကောင်စီတပ်က အတင်းအဓမ္မ စစ်သား စုဆောင်းခဲ့သေးကြောင်း မြို့ခံများက ပြောသည်။   ဖမ်းဆီးခံခဲ့ရသူများကို ဇန္နဝါရီလ ၅ ရက်နေ့၊ နေ့လည် ၁၂ နာရီ အချိန်ခန့်က ပုလောမြို့မှ မြိတ်မြို့သို့ ရေလမ်းခရီး မှ ပို့ဆောင်လိုက်ကြသည်ဟု ဆိုသည်။

စရဖရုံး တိုက်ခိုက်ခံရပြီးနောက် စစ်တပ်က ပုလောမြို့ခံ အမျိုးသားများကို အဓမ္မ စစ်သားစုဆောင်းနေ

စရဖရုံး တိုက်ခိုက်ခံရပြီးနောက် စစ်တပ်က ပုလောမြို့ခံ အမျိုးသားများကို အဓမ္မ စစ်သားစုဆောင်းနေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၁၀ ရက်…

  • January 10, 2025
ပုသိမ်မြို့နယ်ထဲက မကျီးဇင်ကျေးရွာကို ကြည်း၊ ရေ၊ လေ ပူးပေါင်းတိုက်ခိုက်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန္နဝါရီလ ၁၀ ရက်။   ဧရာဝတီတိုင်း၊ ပုသိမ်မြို့နယ်ထဲက မကျီးဇင်ကျေးရွာကို AA နှင့် ပူးပေါင်းအဖွဲ့က သိမ်းပိုက်ပြီးနောက် စစ်ကောင် စီ ကြည်း၊ ရေ၊ လေ တပ်များက ပူးပေါင်းကာ ပြန်လည် တိုက်ခိုက်နေသည်ဟု ဒေသခံများက ပြောသည်။   မကျီးဇင်ကျေးရွာကို အာရက္ခတပ်တော် (AA) နှင့် ပူးပေါင်းတပ်ဖွဲ့များက ဇန္နဝါရီလ ၉  ရက်နေ့တွင် တိုက်ခိုက်ခဲ့ ရာ ထိုနေ့ ညနေပိုင်းတွင် အဆိုပါကျေးရွာရှိ ရဲစခန်းမှ စစ်သားနှင့် ရဲတပ်ဖွဲ့ဝင်များ ဆုတ်ခွာသွားသဖြင့် ပူးပေါင်း တပ်ဖွဲ့က သိမ်းပိုက်နိုင်ခဲ့သည်ဟု မကျီးဇင်ဒေသခံအချို့ကပြောသည်။   မကျီးဇင်ကျေးရွာအုပ်စုပ်ထဲက ဂျိုင်လယ်ကျေးရွာမှ မျက်မြင်တွေ့ရှိသူတစ်ဦးက “ညဘက်မှာ Y 8 လာပြီး ဗုံးကြဲ သွားတယ်။ အခုမနက်ပိုင်းမှာ ရေတပ်က သ‌င်္ဘော ၈ စီးက ရင်ပေါင်တန်းပြီး ရွာကို အ‌မြောက်တွေနဲ့ ပစ် တာ။ ကမ်းထိုး တစ်စီးလည်း စစ်သားတွေနဲ့ အသင့်ရှိနေတာ မြင်ရတယ်။ ကြည်း၊ ရေ၊ လေ ပူးပေါင်းပြီး တိုက် မယ့် သဘောပဲ” ဟု ပြောသည်။   ထို့နောက် နံနက် ၁၁ နာရီအချိန်ခန့်တွင် မကျီးဇင်ကျေးရွာအတွင်းရှိ ‌ကျောင်းသစ် ဘုန်းကြီးကျောင်း၊ ရဲစခန်း၊ အထက်တန်းကျောင်းနှင့် ဆေးရုံတို့မှာ စစ်ကောင်စီရေတပ်၏ ပစ်ခတ်မှုကြောင့် ပျက်စီးခဲ့သည်။   ကျေးရွာအတွင်း ကျန်ရှိနေသူတစ်ဦးက “မနေ့က စစ်သားတွေ ရဲတွေ ပြေးသွားတော့ မြေထိုးစက် ၂စီး ကားပေါ် မှာ စက်သေနတ်ပါတဲ့ ကား ၂စီးနဲ့ အတွဲလိုက်ပစ်တဲ့ ဟောင်ဝစ်ဇာကြီးထင်တယ် ကျန်နေခဲ့တယ်” ဟု ပြော သည်။   စစ်ကောင်စီ တပ်ဖွဲ့ဝင်များက စွန့်ပစ်သွားသည့် လက်နက်ကြီးများနှင့် မြေထိုးစက်များကို အာရက္ခတပ်တော် (AA) နှင့် ပူးပေါင်းတပ်ဖွဲ့များက သိမ်းဆည်းနိုင်ခြင်း မရှိစေရန် လေကြောင်းမှ ဗုံးကြဲဖျက်ဆီးခြင်း၊ ရေတပ်မှ အမြောက်နှင့် ပစ်ခတ်ကာ ဖျက်ဆီးခြင်းတို့ ဖြစ်နိုင်ကြောင်း၊ ထို့အပြင် တံတားကိုလည်း ရည်ရွယ်ချက်ရှိရှိ ချိုးဖျက်ခဲ့ခြင်း ဖြစ်နိုင်သည်ဟု ဒေသခံများက သုံးသပ်ကြသည်။   မကျီးဇင်မှ စစ်ရှောင်လာသူ တစ်ဦးက “ရွာက အိမ်ခြေ ၆၀၀ လောက်ရှိတာ ရွာကြီးပေါ့ အကုန်ပစ်ပြီး ပြေးလာ ခဲ့ရတာ။ ရွာမှာ ကုန်စုံဆိုင်ရောင်းတဲ့ တစ်ယောက်တော့ မပြေးဘဲ ကျန်ခဲ့တာ။ သေလား ရှင်လား မသိ အခုတော့ ဆက်သွယ်လို့ကို မရတော့ဘူး” ဟု ပြောသည်။   ရခိုင်ပြည်နယ် တောင်ဘက်အစွန်ဆုံးဖြစ်သည့် ဂွမြို့ကို အာရက္ခတပ်တော် က ဒီဇင်ဘာလ ၂၉ ရက်နေ့တွင် သိမ်းယူခဲ့ရာ စစ်ကောင်စီတပ်ဖွဲ့ဝင်များက  ဧရာဝတီတိုင်းအတွင်းသို့ဆုတ်ခွာလာကြခြင်း ဖြစ်သည်။ 
ပေါက်တူးချောင်းကျေးရွာမှ စစ်ရှောင်တစ်ဦးက “စစ်သားရောရဲရော အကုန်ပါပဲ အမိန့်မနာခံကြတော့ဘူး။ စိတ် ထင်ရာလုပ်ကြတော့တာ ထိန်းမဲ့သူလဲမရှိဘူးထိန်းလို့လဲမရတော့ဘူး အဲဒီအချိန်ထဲက အန္တရာယ် ကြီးတယ် ဆိုပြီး မိသားစုလိုက် ရွာက ပြေးလာခဲ့တာ” ဟု ပြောသည်။   ရခိုင်ပြည်နယ်နှင့် ဧရာတိုင်းအစပ်ဖြစ်သည့် ပုသိမ်မြို့နယ်အတွင်းမှ ချောင်းဝချိုင်၊ ပေါက်လှချိုင်၊ အမော်ကြီး၊ ကုလားချောင်း၊ ပေါက်တူးချောင်း၊ သံမန်ချိုင်နှင့် မကျီးဇင်ကျေးရွာများမှ စစ်ရှောင်ပြည်သူများမှာ သာပေါင်း၊ ရွှေသောင်ယံ၊ ချောင်းသာနှင့် ပုသိမ်မြို့များသို့ စစ်ရှောင် ရောက်ရှိနေကြသည်။    

ပုသိမ်မြို့နယ်ထဲက မကျီးဇင်ကျေးရွာကို ကြည်း၊ ရေ၊ လေ ပူးပေါင်းတိုက်ခိုက်

ပုသိမ်မြို့နယ်ထဲက မကျီးဇင်ကျေးရွာကို ကြည်း၊ ရေ၊ လေ ပူးပေါင်းတိုက်ခိုက် သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၁၀ ရက်။ ဧရာဝတီတိုင်း၊ ပု…

  • January 10, 2025
ရန်ကုန်-ကော့သောင်း လေယာဉ်ခ ဈေးတက်

ရန်ကုန်-ကော့သောင်း လေယာဉ်ခ ဈေးတက်

ရန်ကုန်-ကော့သောင်း လေယာဉ်ခ ဈေးတက် သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ ဇန္နဝါရီလ ၁၀ ရက်။  ရန်ကုန် - ကော့သောင်းခရီးစဉ် လေယာဉ်လက်မှတ်ခများ ဈေးတ…

  • January 10, 2025
ကရင်နီ ပြည်တွင် တိုက်ပွဲ မရှိသည့် အရပ်သားများအား တိုက်ခိုက်မှုများ ပိုများလာနေ

ကရင်နီ ပြည်တွင် တိုက်ပွဲ မရှိသည့် အရပ်သားများအား တိုက်ခိုက်မှုများ ပိုများလာနေ

ကရင်နီ ပြည်တွင် တိုက်ပွဲ မရှိသည့် အရပ်သားများအား တိုက်ခိုက်မှုများ ပိုများလာနေ သတင်းနှင့် မီဒီယာ ကွန်ရက်။၂၀၂၅ ခုနှစ်၊ ဇန္နဝါရီလ ၁၀ ရက်။  ကရင်နီပ…

  • January 10, 2025
×Close