NMG Doh – Page 106 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Oct 22

ခိုးမှုဖြင့် ဖမ်းဆီးထားသူ သေဆုံးမှုအား သိန်း ၁၅၀ ဖြင့် ကျေအေး သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၂ ရက်။ စစ်ကိုင်းတိုင်း၊ အင်းတော်မြို့နယ်တွင် ဆိုင်ကယ်ခိုးမှု သံသယဖြင့် ဖမ်းဆီးခံရသူ သေဆုံးမှုအား ကျပ်သိန်း ၁၅၀ လျော်ကြေးဖြင့် ကျေအေးလိုက်ခြင်းအပေါ် ဝေဖန်မှုများရှိနေသည်။ အင်းတော်မြို့နယ်တွင် ဆိုင်ကယ်ခိုးမှု သံသယဖြင့် ဒေသခံပြည်သူ့ကာကွယ်ရေးအဖွဲ့ (ပကဖ) က ဖမ်းဆီး ခေါ်ဆောင်သွားပြီးနောက် သေဆုံးခဲ့သည့် အမျိုးသားတစ်ဦး၏ အမှုအား ကျန်ရစ်သူမိသားစုကို ကျပ်သိန်း ၁၅၀ လျော်ကြေးပေး၍ ကျေအေးလိုက်ကြောင်း ဒေသခံသတင်းရင်းမြစ်များ၏ ပြောကြားချက်အရ သိရသည်။ ဖြစ်စဉ်မှာ ပြီးခဲ့သည့် အောက်တိုဘာလ (၁၁) ရက်နေ့က အင်းတော်မြို့နယ် ပကဖအဖွဲ့မှ မော်တိတ်ကျေးရွာနေ အသက် ၃၈ နှစ်အရွယ် ကိုဇော်ထွေး အမည်ရှိ အမျိုးသားကို ဆိုင်ကယ်ခိုးမှု သံသယဖြင့် ဖမ်းဆီးခေါ်ဆောင် သွားခဲ့ခြင်း ဖြစ်သည်။ ထို့နောက် ညသန်းခေါင်ယံ (၁) နာရီဝန်းကျင်ခန့်တွင် ကိုဇော်ထွေး သေဆုံးသွားခဲ့ကြောင်း မိသားစုအား အကြောင်းကြားခဲ့ခြင်း ဖြစ်သည်။ ကိုဇော်ထွေး သေဆုံးစဉ်က ခန္ဓာကိုယ်တွင် ပြင်းပြင်းထန်ထန် ရိုက်နှက်ခံရသည့် ဒဏ်ရာများ တွေ့ရှိရကြောင်း ဒေသခံတစ်ဦးက ပြောသည်။ “ဆိုင်ကယ်ပျောက်မှုနဲ့ ပတ်သက်ပြီးတော့ စစ်မေးစရာရှိတယ်ဆိုပြီး ပကဖအဖွဲ့တွေက ဖမ်းခေါ်သွားတယ်။ ည ၁ နာရီကျော် လောက်ကျတော့ မိသားစုကို အကြောင်းကြားလာတယ်တဲ့။ ခေါင်းမှာလည်း ဒဏ်ရာနက်နက်ကြီး တစ်ခုတွေ့တယ်။ တစ်ကိုယ်လုံးလည်း ညိုမည်းနေတယ်။ မျက်နှာတွေလည်း ညိုမည်း။ အဆုတ်ဘက်မှာလည်း ဒဏ်ရာ တွေ တွေ့တယ်” ဟု ဒေသခံတစ်ဦးက ပြောသည်။ ၎င်း၏ ဦးခေါင်းတွင် ဒဏ်ရာနက်နက်ကြီး တစ်ခုအပြင် တစ်ကိုယ်လုံးနှင့် မျက်နှာများမှာ ညိုမဲနေပြီး အဆုတ် ဘက်တွင်လည်း ဒဏ်ရာများ တွေ့ရသည်ဟု အဆိုပါ ဒေသခံက ဖြည့်စွက်ပြောကြားသည်။ သေဆုံးသူ ကိုဇော်ထွေးတွင် ဇနီးဖြစ်သူနှင့် အသက် (၅) နှစ်၊ (၉) နှစ်အရွယ် သားငယ်နှစ်ဦး ကျန်ရစ်ခဲ့သည်။ ကိုဇော်ထွေး သေဆုံးပြီးနောက် ရက်ပိုင်းအကြာတွင် ကသာခရိုင် ပအဖ (ပြည်သူ့အုပ်ချုပ်ရေးအဖွဲ့) တာဝန်ခံလည်းဖြစ်သည့် သေဆုံးသူ၏ ဦးလေးဖြစ်သူက ကြားဝင်ညှိနှိုင်းပေးခဲ့ကြောင်း သိရသည်။ ညှိနှိုင်းမှု၏ ရလဒ်အရ ပကဖအဖွဲ့နှင့် ကျန်ရစ်သူမိသားစုကြားတွင် ငွေကျပ်သိန်း ၁၅၀ ဖြင့် လျော်ကြေးပေးကာ အမှုအား ကျေအေးလိုက်သည်ဟု ဒေသခံသတင်းရင်းမြစ်က အတည်ပြုခဲ့သည်။ “ဒါက ပြဿနာတစ်ခုကို အရေးမယူဘဲ သိုသိုတိတ်တိတ် ငွေပေးပြီးတော့ ကျေအေးခိုင်းလိုက်တဲ့ သဘောမျိုး ပေါ့” ဟု ဒေသခံတစ်ဦးက ဝေဖန်ပြောဆိုသည်။ အဆိုပါဖြစ်စဉ်နှင့် ပတ်သက်၍ ထိရောက်သည့် စုံစမ်းစစ်ဆေး အရေးယူမှုများ လုပ်ဆောင်ပေးရန်နှင့် တော်လှန်ရေးတပ်ဖွဲ့များ အပေါ် စည်းကမ်းပိုင်းဆိုင်ရာ ပိုမိုထိန်းညှိပေးရန် ဒေသခံများက တောင်းဆိုလိုက်သည်။ အင်းတော်မြို့နယ်ကို ပြီးခဲ့သည့် ဧပြီလ (၈) ရက်နေ့တွင် တော်လှန်ရေး အင်အားစုများက စစ်ကော်မရှင်လက်မှ (၈) လကြာ တိုက်ခိုက်ပြီးနောက် အပြီးသတ်သိမ်းပိုက်နိုင်ခဲ့ခြင်းဖြစ်ပြီး၊ လက်ရှိတွင် အမျိုးသား ညီညွတ်ရေး အစိုးရ (NUG) ၏ အုပ်ချုပ်ရေးယန္တရား လည်ပတ်နေသည်။

ခိုးမှုဖြင့် ဖမ်းဆီးထားသူ သေဆုံးမှုအား သိန်း ၁၅၀ ဖြင့် ကျေအေး

Oct 21

မြေမြှုပ်မိုင်းအန္တရာယ်မှ လွတ်မြောက်ရန် လုံခြုံသော လမ်းကြောင်း ရွေးချယ်နည်း  သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၁ ရက်။ မိုင်းအန္တရာယ်ကင်းရှင်းဖို့ ဘယ်လို လမ်းကြောင်းတွေ ရွေးချယ်သင့်တယ်ဆိုတာ အသေးစိတ် ပြောပြပါမယ်၊။ အဖြစ်အပျက်လေး နှစ်ခုကို အရင် ပြောပြပါမယ်။ ပထမတစ်ခုက ဦးပလောင် ဆိုတဲ့ လူတယောက်ရဲ့ အဖြစ်အပျက်ပါ။ သူက ကျောက်မဲမြို့က သုဘရာဇာ တစ်ယောက် ဖြစ်ပါတယ်။ သူဟာ စက်တင်ဘာလ ၂၉ ရက်နေ့မနက် ၁၀ နာရီလောက်က အရိုးပြာသွားသွန်ရင်း အေးချမ်းသာ သုဿာန်အနီးမှာ မြေမြှုပ်မိုင်းတစ်ခုကို တိုက်မိပြီး သေဆုံးသွားခဲ့ပါတယ်။ အဲဒီနေ့နေ့လည်ခင်းမှာပဲ မောင်အိုက်လော့ဆိုတဲ့ အသက် ၁၄ နှစ်အရွယ် နွားကျောင်းသားလေး တစ်ယောက်က အဲဒီ သုဿာန် နားမှာပဲ နွားကျောင်းရင်း နောက်ထပ် မိုင်း တစ်လုံးကို မတော်တဆ နင်းမိ/တိုက်မိပြီး သေဆုံးခဲ့ရပြန်ပါတယ်။ သူတို့တွေဟာ ဘယ်လက်နက်ကိုင် အဖွဲ့နဲ့မှ ပတ်သက်သူတွေ မဟုတ်ကြပါဘူး၊ သူတို့ အလုပ်သူတို့လုပ်ရင်း မြေမြုပ်မိုင်းတွေကြောင့် သေဆုံးခဲ့ရတာ ဖြစ်ပါတယ်။ မြန်မာပြည်မှာ မြေမြှုပ်မိုင်း အန္တရာယ် နှင့် ကြုံနေကြရတဲ့ လူတွေက အများကြီးပါ။ ကုလသမဂ္ဂ အေဂျင်စီတွေ ဖြစ်ကြတဲ့ ယူနီဆက်ဖ် UNICEF၊ ယူအန်အိုချာ UNOCHA နဲ့ သတင်းမီဒီယာတွေရဲ့ ထုတ်ပြန်ချက်တွေ အရ ၂၀၂၄ ခုနှစ်နဲ့ ၂၀၂၅ ခုနှစ် အစောပိုင်း ကာလတွေမှာ မြန်မာနိုင်ငံတွင် မြေမြှုပ်မိုင်း ကြောင့်ထိခိုက်မှုနှုန်းဟာ အဆိုးရွားဆုံး အခြေအနေကို ရောက်ရှိခဲ့ပါတယ်။ အဲဒီ အထဲမှာ ရှမ်းပြည်နဲ့ စစ်ကိုင်းတိုင်းဒေသကြီးတို့ဟာ ထိခိုက်မှု အများဆုံး ဖြစ်ပွားခဲ့တဲ့ ဒေသတွေ ထဲမှာ ပါဝင်ပါတယ်။ UNICEF ရဲ့ ထုတ်ပြန်ချက်အရ ၂၀၂၄ ခုနှစ် ပထမ ၉ လအတွင်း မြန်မာနိုင်ငံတွင် မြေမြှုပ်မိုင်းနဲ့ ပေါက်ကွဲ စေတတ်တဲ့ စစ်လက်နက် အကြွင်းအကျန်တွေကြောင့် အရပ်သား ၈၈၉ ယောက် သေဆုံးခဲ့ပါတယ်။ သေဆုံးမှုတွေရဲ့ ၂၅ % ဖြစ်တဲ့ ၂၀၀ ကျော်ဟာ ရှမ်းပြည်မှာ ဖြစ်ပွားခဲ့တာ ဖြစ်ပါတယ်။ စစ်ကိုင်းတိုင်းထဲမှာတော့ ၁၇ % ရှိခဲ့ပါတယ်။ UNOCHA ကတော့ ၂၀၂၃ ခုနှစ်က စာရင်းကို ထုတ်ပြန်ထားပါတယ်။ ၂၀၂၃ ခုနှစ် အတွင်းမှာ မြေမြုပ်မိုင်းကြောင့် ထိခိုက်သေဆုံးသူ ၁,၀၀၀ ကျော်ရှိတယ်လို့ ဖော်ပြထားပါတယ်။ အဲဒီမှာတော့ စစ်ကိုင်းတိုင်းက ၃၅ ရာနှုန်းနဲ့ အများဆုံး ရှမ်းပြည်မှာ ၁၂ ရာနှုန်း ရှိပါတယ်။ ဒီအဖြစ်အပျက်တွေနဲ့ အစီရင်ခံစာတွေက မြေမြှုပ်မိုင်း နှင့် တခြားပေါက်ကွဲစေသော ပစ္စည်း များမှာ အန္တရာယ် ဘယ်လောက် ကြီးနေတယ်ဆိုတာ ဖော်ပြနေပါတယ်။ ဒီလို မြေမြှုပ်မိုင်းတွေရဲ့ အန္တရာယ်ဟာလည်း သွားရင်းလာရင်း နေ့စဉ် တွေ့ကြုံနေကြရတာပါ။ ပထမ အနေနဲ့တော့ မြေမြှုပ်မိုင်းတွေ ဘယ်လို နေရာတွေမှာ တွေ့ကြုံလေ့ ရှိတတ်သလဲ ဆိုတဲ့ အကြောင်း ပြောပြပါ့မယ်။ မိုင်းတွေ အများဆုံး ရှိနေတတ်တဲ့ နေရာတွေကတော့ စစ် စခန်းဟောင်းတွေ၊ စစ်စခန်း မဟုတ်ပေမယ့်လဲ လက်နက်ကိုင် တပ်ဖွဲ့တွေ စခန်းချခဲ့တဲ့နေရာ ဒါမှမဟုတ် တပ်စွဲခဲ့တဲ့ ဒါမှမဟုတ် ကင်းစောင့်ခဲ့တဲ့ နေရာတွေ မှာ သူတို့ရဲ လုံခြုံရေး အတွက် မိုင်းတွေ ထောင်ထားတတ်ပါတယ်။ လမ်းကြောင်းတွေ အနေနဲ့ကတော့ လက်နက်ကိုင်အဖွဲ့တွေ သွားတတ်တဲ့ လမ်းကြောင်းတွေ၊ လမ်းဆုံ လမ်းခွတွေ၊ စစ်ယာဉ်တန်းတွေ မကြာခဏ သွားလာတတ်တဲ့ လမ်းတွေ ဒါမှမဟုတ် လက်နက်ကိုင် တပ်ဖွဲ့တွေ အသုံးပြုလေ့ရှိတဲ့ လမ်းတွေမှာ မိုင်းတွေ ထောင်ထားတတ်ပါတယ်။ သတင်းတွေနဲ့ မှတ်တမ်းတွေ အရဆိုရင် စစ်ရှောင်တွေ ကြုံတွေ့ရတဲ့ အဖြစ်အပျက်တွေ ရှိပါတယ်။ သူတို့ကတော့ စစ်ရှောင်ရင်းကနေ အိမ်တွေမှာ အစားအစာ ဒါမှမဟုတ် အသုံးလိုတဲ့ ပစ္စည်းတွေ သွားယူတတ်ပါတယ်၊ အဲဒီ အချိန်မှာ ရွာထဲမှာ ဖြစ်စေ၊ အိမ် အဝင်အထွက် နေရာတွေ၊ လှေကားရင်းတွေနဲ့ လမ်းတွေမှာ လက်နက်ကိုင် အဖွဲ့တွေ ထောင်ထားတဲ့ မိုင်းတွေ ရှိနေတတ်ပါတယ်။ ဒါ့အပြင် လက်နက်ကိုင်အဖွဲ့တွေ နေထိုင် ဖြတ်သန်းခဲ့ဘူးတဲ့ လယ်တောတွေ ခြံတွေမှာလည်း မြေမြှုပ် မိုင်း အန္တရာယ် ကြုံတွေ နိုင်တတ်တာကြောင်း သတိပြု ရန်လိုအပ်ကြပါတယ်။ အရပ်သားတွေ အထိအခိုက်များလေ့ ရှိတဲ့ နေရာတွေကတော့ စစ်ဘေးရှောင် ရွာသားတွေ နှစ်၊လ၊ရက်ပေါင်းများစွာ စွန့်ပစ်ထားခဲ့တဲ့ ရွာတွေ၊ စိုက်ခင်းနဲ့ သဘာဝ အရင်းအမြစ်တွေ ရှာဖွေတဲ့ နေရာတွေ၊ ထင်းခုတ်၊ ရေရှာ၊ ခြံခုတ်တဲ့ နေရာ တွေ၊ ရေအရင်းအမြစ်ရှိတဲ့ နေရာနဲ့ အဲဒီနေရာတွေကို သွားတဲ့ လမ်းကြောင်းတွေမှာ မြေမြှုပ်မိုင်း နှင့် အခြားမပေါက်ကွဲ သေးသော လက်နက်ကြီး/ငယ် တွေ ရှိနေတတ်ပါသေးတယ်။ တချို့ မြေမြုပ်မိုင်းနှင့် မပေါက်ကွဲ သေးသော ပစ္စည်းတွေကလည်း လူသွားလမ်းဘေးတွေ၊ ချောက်ကမ်းပါးတွေ ခြုံနွယ်ပိတ်ပေါင်း ထူထပ်တဲ့ နေရာတွေမှာ ရှိတတ်ပါတယ်။ ဒါကြောင့် မကြာသေးမီ ကဖြစ်‌စေ၊ လွန်ခဲ့သည့်နှစ် များမှ တိုက်ပွဲ ဖြစ်ပွားခဲ့ဖူးသော နေရာ ‌ဒေသ သည် ဘေးအန္တရာယ်ရှိတဲ့ နေရာတွေမှာ မဖြစ်မနေ သွားလာကြတဲ့အခါ လမ်းကြောင်းရွေးချယ်မှု မှန်ကန်ဖို့က အရေးကြီးလှပါတယ်။ အန္တရာယ်ကင်းဝေးဖို့ ဆိုရင် အခုဖော်ပြတဲ့ အချက်အလက်တွေကို လိုက်နာဖို့ အရေးကြီးပါတယ်။ လမ်းကြောင်း အသစ်တွေကို ရှောင်ပါ၊ ဖြတ်လမ်းတွေ လူသွားလေ့မရှိတဲ့ လမ်းတွေကို ရှောင်ပါ၊ လမ်းသွားတဲ့အခါ လမ်းဘေးကို မရောက်စေပါနဲ့။ လမ်းဘေးမှာရှိတဲ့ မြက်ခင်းတွေ၊ ခြုံပုတ်တွေကို ဖြတ်မသွားသင့်ပါဘူး။ ကတ္တရာလမ်း ဒါမှမဟုတ် အခိုင်အမာရှိတဲ့ လမ်းကို အလယ်ကနေသွားသင့် ပါတယ်။ အကောင်းဆုံးကတော့ ဒေသခံတွေရဲ့ အကြံပြုချက်နှင့် မိုင်းအန္တရယ် အသိပညာပေး နှင့် ပတ်သက်သည့် သတင်းဌာန/ ရေဒီယို များမှ ထုတ်လွှင့်လျက်ရှိသော သတိပေးချက်များကို လိုက်နာသင့်ပါတယ်။ မလိုအပ်ဘဲ ညအခါ လမ်းသွားတာ၊ မြင်ကွင်းမရှင်းတဲ့ အချိန်တွေ၊ မြူနှင်း ထူထပ်တဲ့ အချိန်တွေမှာ လမ်းသွားတာကို ရှောင်သင့်ပါတယ်။ ဖြစ်နိုင်မယ်ဆိုရင်တော့ လူတစ်ယောက်ထဲ မသွားပဲ ဒေသခံ အဖော်တွေနဲ့ သွားသင့်ပါတယ်။ သွားလာတဲ့ လမ်းတလျောက်နဲ့ အနီးဝန်းကျင်မှာရှိတဲ့ ‌ဒေသအလိုက် မိုင်းသတိပေး ဆိုင်းဘုတ်တွေကိုလည်း လိုက်နာ သင့်ပါ တယ်။ မိမိ တို့ ထံ မှ ကျ ကျန်ခဲ့သော ပစ္စည်း မဟုတ်ပါက လုံးဝ လုံးဝ မကောက်ယူသင့်ပါ။ သတိပေး အမှတ်အသားတွေ၊ ဆိုင်းဘုတ်တွေ ဒါမှမဟုတ် ထူးခြားတဲ့ အမှတ်အသားတွေ တွေ့ရင် တားမြစ်ထား တဲ့ နယ်မြေတွေကို မကျော်သွားစေဖို့ သတိပြုသင့်ပါတယ်။ အနှစ်ချုပ်အနေနဲ့ ပြောမယ်ဆိုရင်တော့ လမ်းဘေးက သွားတာ၊ လမ်း အသစ်တွေက သွားတာတွေက အန္တရာယ် များပြီး လူသွားများတဲ့ လမ်းမကြီးတွေနဲ့ ဒေသခံတွေ အကြံပြုတဲ့ လမ်းကြောင်းတွေကိုပဲ အဓိက သွားလာသင့် တဲ့ အကြောင်း တင်ဆက်ပေး လိုက်ရပါတယ်။

မြေမြှုပ်မိုင်းအန္တရာယ်မှ လွတ်မြောက်ရန် လုံခြုံသော လမ်းကြောင်း ရွေးချယ်နည်း 

Oct 21

ကန်ချနဘူရီ၌ တရားမဝင် မြန်မာ (၁၆၂) ဦး ဖမ်းမိ၊ (၁၈) နှစ်အောက် လူငယ် (၁၁) ဦး ပါဝင်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၁ ရက်။ ထိုင်း - မြန်မာနယ်စပ်၌ ပွဲစားမှောင်ခိုလမ်းကြောင်းဖြင့် ဝင်လာသည့် တရားမဝင် မြန်မာ (၁၆၂) ဦး ဖမ်းမိ၊ လူငယ် (၁၁) ဦး ပါဝင်သည်ဟု ထိုင်းသတင်းများက ဖော်ပြသည်။ ထိုင်းနိုင်ငံထဲသို့ တရားမဝင် လမ်းကြောင်းများမှတစ်ဆင့် ဝင်ရောက်လာသည့် မြန်မာနိုင်ငံသားများ ဆက်တိုက် ဖမ်းဆီးခံနေရခြင်း ဖြစ်သည်။ ပန်းရောင်ကတ်လုပ်ပေးမည့် သတင်းကြောင့် မရှိမဲ့ရှိမဲ့ ငွေကြေးများကို စုဆောင်း၍ တရားဝင် အလုပ်လုပ်ခွင့် ရရန် မျှော်လင့်ချက်ဖြင့် တရားမဝင် လမ်းကြောင်းများမှ ဆက်တိုက် ဝင်ရောက်လာနေကြခြင်းဖြစ်သည်။ ပန်းရောင်ကတ် လုပ်ပေးမည့် အစီအစဉ်ကလည်း ရပ်တန့်သွားသလို အဖမ်းအဆီးများကလည်း များပြားလာ သည်။ အောက်တိုဘာလ (၁၉) ရက်နေ့၊ နံနက်ပိုင်းတွင် ထိုင်း-မြန်မာနယ်စပ် ကန်ချနဘူရီခရိုင်၌ တရားမဝင် ဝင်ရောက်လာသည့် မြန်မာနိုင်ငံသား (၁၆၂) ယောက် ကို ထိုင်းအာဏာပိုင်များက ဖမ်းဆီးမိခဲ့သည်။ အထူး စိုးရိမ်ဖွယ်အခြေအနေမှာ ဖမ်းဆီးခံရသူများထဲတွင် အသက် (၁၈) နှစ် မပြည့်သေးသည့် လူငယ် (၁၁) ယောက် ပါဝင်နေခြင်းပင် ဖြစ်သည်။ ကန်ချနဘူရီခရိုင် အုပ်ချုပ်ရေးမှူး၊ ထိုင်းစစ်တပ်နှင့် ရဲအဖွဲ့များ ပူးပေါင်းကာ ရွာအစပ် တောထဲတွင် ပုန်းအောင်းနေသည့် မြန်မာနိုင်ငံသားများကို ဖမ်းဆီးခဲ့ခြင်းဖြစ်သည်။ ဖမ်းဆီးခံရသူ စုစုပေါင်း (၁၆၂) ဦးတွင် အမျိုးသား (၉၂) ဦး၊ အမျိုးသမီး (၅၇) ဦးနှင့် အသက် (၁၅) နှစ်မှ (၁၈) နှစ်ကြား လူငယ် (၁၁) ဦးတို့ ပါဝင်သည်။ ၎င်းတို့သည် မြန်မာနိုင်ငံ နယ်စပ်မြို့ဖြစ်သည့် ဘုရားသုံးဆူမှ တစ်ဆင့် ရေလမ်း၊ ကားလမ်းနှင့် တောလမ်းများကဲ့ သို့သော တရားမဝင် လမ်းကြောင်းများအတိုင်း ထိုင်းနိုင်ငံထဲသို့ ဝင်ရောက်လာခဲ့ကြခြင်းဖြစ်ပြီး၊ နောက်ထပ်လာရောက် ခေါ်ဆောင်မည့် ပွဲစားများကို စောင့်ဆိုင်းနေစဉ် အဖမ်းခံရခြင်းဖြစ်သည်။ ၎င်းတို့သည် ထိုင်းနိုင်ငံ သို့မဟုတ် မလေးရှားနိုင်ငံတို့တွင် အလုပ်လုပ်ကိုင်ရန် မျှော်လင့်ချက်ဖြင့် လာရောက်ခဲ့ကြ ခြင်းဖြစ်ပြီး၊ ပွဲစားများကို တစ်ဦးလျှင် ထိုင်းဘတ် ၂၀,၀၀၀ မှ ၂၄,၀၀၀ အထိ ပေးချေခဲ့ရသည်ဟု ထွက်ဆိုကြသည်။ ဖမ်းဆီးခံရသူ (၁၆၂) ဦးကို ကန်ချနဘူရီ ရဲစခန်း၌ ထိန်းသိမ်းပြီး ဥပဒေအရ ဆက်လက်ဆောင်ရွက်နေသည်။ အသက်မပြည့်သေးသည့် လူငယ်များ အပါအဝင် ရွှေ့ပြောင်းလုပ်သားများ၏ ဘဝသည် ပွဲစားများ၏ အန္တရာယ်နှင့် နယ်စပ်ဖြတ်ကျော်မှု အန္တရာယ်များကြားတွင် အမြဲတစေ မရေရာမှုများနှင့် ရင်ဆိုင်နေရသည်။

ကန်ချနဘူရီ၌ တရားမဝင် မြန်မာ (၁၆၂) ဦး ဖမ်းမိ၊ (၁၈) နှစ်အောက် လူငယ် (၁၁) ဦး ပါဝင်  

Oct 21

ရခိုင်ပင်လယ်ပြင်၌ ညအချိန် ငါးဖမ်းဆီးမှုများကို AA က လုံခြုံရေးအရ အချိန်ကန့်သတ် တားမြစ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၁ ရက်။ ရခိုင်ပြည်၊ သံတွဲမြို့နှင့် ဂွမြို့နယ်အနီး ပင်လယ်ပြင်တွင် ဒေသခံပြည်သူများ၏ လုံခြုံရေးအတွက် အာရက္ခတပ် တော် (AA) က ညအချိန် ငါးဖမ်းဆီးမှုများကို တားမြစ်လိုက်သည်။ ယင်းတားမြစ်ချက်ကို အောက်တိုဘာလ (၁၉) ရက်နေ့က စတင်၍ ညနေ (၆) နာရီမှ မနက် (၆) နာရီအတွင်း လုံးဝ ငါးမဖမ်းရန် ထုတ်ပြန်ထားခြင်းဖြစ်သည်။ AA ၏ ထုတ်ပြန်ချက်အရ စစ်ကော်မရှင်တပ်သည် တိုက်ပွဲဖြစ်ပွားနေသော ကျောက်ဖြူနှင့် စစ်တွေမြို့များသို့ ရေကြောင်းမှ စစ်အင်အားဖြည့်တင်းမှုများ ပိုမိုလုပ်ဆောင်လာသည့်အပြင် AA က သိမ်းပိုက်ထားသည့် မြို့အချို့ကို ပြန်လည်ရယူရန်အတွက်လည်း ရေကြောင်းပြင်ဆင်မှုများ ပိုလုပ်လာနေကြောင်း သိရသည်။ စစ်ကော်မရှင်တပ်၏ ရေယာဉ်များသည် ပင်လယ်ပြင်၌ ပြည်သူများကို တွေ့ပါက ဖမ်းဆီးသတ်ဖြတ်လေ့ရှိသည့် အပြင်၊ ငါးဖမ်းခွင့်ပေးထားသည့် ရေယာဉ်များကို အကာအကွယ်ယူကာ စစ်ရေးဖြည့်တင်း လှုပ်ရှားလာနိုင်သည့် အခြေအနေများကြောင့် ယခုကဲ့သို့ ငါးဖမ်းခြင်းကို ကန့်သတ်လိုက်ရခြင်း ဖြစ်ကြောင်း AA က ဆိုသည်။ AA အနေဖြင့် ရေလုပ်ငန်းကို အဓိက မှီခိုလုပ်ကိုင်နေရသည့် ပြည်သူများ၏ စားဝတ်နေရေး အခက်အခဲကို နားလည်သောကြောင့် ယခင်က အချိန်အကန့်အသတ်မရှိ ခွင့်ပြုထားခဲ့သော်လည်း လက်ရှိတွင် စစ်ရေးအခြေအနေအရ ပိတ်ပင်လိုက်ရခြင်းဖြစ်သည်ဟု ဆိုသည်။ ယခုအမိန့်ကို ပြန်လည်ရုပ်သိမ်းကြောင်း မကြေညာမချင်း ညအချိန် လုံးဝ ငါးမဖမ်းကြရန် AA က သတိပေး ထားပြီး၊ နေ့ခင်းပိုင်း ငါးဖမ်းရာတွင်လည်း ကမ်းဝေးသို့ မထွက်ကြရန်နှင့် စစ်ရေယာဉ်များ မြင်ပါက ကမ်းစပ်/ကမ်းနီးကို အမြန်ဆုံး ဆိုက်ကပ်ကြရန် သတိပေးထားသည်။

ရခိုင်ပင်လယ်ပြင်၌ ညအချိန် ငါးဖမ်းဆီးမှုများကို AA က လုံခြုံရေးအရ အချိန်ကန့်သတ် တားမြစ်  

Oct 21

စွယ်တော်ကုန်းစခန်းကို စစ်တပ် ပြန်လည်ထိန်းချုပ်ထားသော်လည်း လေးကေကော်ကိုမူ မထိန်းချုပ်နိုင်သေး   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၁ ရက်။ ကရင်ပြည်နယ်၊ မြဝတီမြို့နယ်၊ လေးကေကော်မြို့သစ် အနီးရှိ စစ်ရေးအရ အရေးပါသော စွယ်တော်ကုန်းစခန်း ကို စစ်တပ်က ပြန်လည် ထိန်းချုပ်လိုက်ပြီ ဖြစ်သော်လည်း မြို့ကိုမူ အပြည့်အဝ ထိန်းချုပ်နိုင်ခြင်း မရှိသေးပေ။ အဆိုပါစခန်းကို စစ်ကော်မရှင်တပ်က အောက်တိုဘာလ (၁၈) ရက်နေ့တွင် ပြန်ထိန်းချုပ်ခဲ့ခြင်းဖြစ်သည်ဟု ကရင်အမျိုးသား လွတ်မြောက်ရေးတပ် (KNLA) စစ်ရေး အရင်းအမြစ်များက ပြောသည်။ KNLA နှင့် ပူးပေါင်းတပ်များက တစ်နှစ်ကြာ ထိန်းချုပ်ထားခဲ့ပြီးနောက် မြဝတီတောင်ပိုင်းကို စစ်ကြောင်း ထိုးခြင်းဖြင့် ပြန်လည်ရယူခဲ့ခြင်းဖြစ်သည်။ ထို့အပြင် လေးကေ့ကော်မြို့သစ် ရပ်ကွက် (၄) ကိုပါ စစ်ကော်မရှင်တပ်က ဝင်ရောက်လာနေသည်ဟု မြေပြင် သတင်းအရင်းအမြစ်က ပြောသည်။ စစ်ကော်မရှင်တပ်သည် ကရင်နယ်ခြားစောင့်တပ် (BGF) နှင့် ပူးပေါင်း၍ အောက်တိုဘာလဆန်းမှစ၍ လေးကေကော်ဒေသကို ထိုးစစ်ဆင်လာခဲ့ခြင်း ဖြစ်သည်။ စွယ်တော်ကုန်းသည် မြဝတီတစ်မြို့လုံးကို အပေါ်စီးမှ မြင်ရသဖြင့် စစ်ရေးဗျူဟာအရ အထူးအရေးပါသော စခန်းဖြစ်သည်။ သို့သော် တော်လှန်ရေးပူးပေါင်းတပ်များက စခန်းကို သိမ်းယူပြီးနောက် စစ်ကော်မရှင်တပ် တပ်စွဲမထားနိုင်ရန် တောင်ကြော တစ်ခုလုံးကို မြေအပြောင်းရှင်းပြီး ကွင်းပြင်အဖြစ် ပြုလုပ်ထားခဲ့သည်ဟု တော်လှန်ရေးတပ်ဖွဲ့ တာဝန်ရှိသူက ပြောသည်။ ထို့ကြောင့် စစ်ကော်မရှင်တပ်သည် စွယ်တော်ကုန်းကို ပြန်လည်ထိန်းချုပ်နိုင်ခဲ့သော်လည်း ထိုနေရာ၌ တပ်စွဲနေထိုင်နိုင်ခြင်းတော့ မရှိသေးကြောင်း ဆိုသည်။ စစ်ကော်မရှင်တပ်သည် စွယ်တော်ကုန်းစခန်းနှင့် မြို့သစ် ရပ်ကွက်အချို့ကို ပြန်လည်ထိန်းချုပ်နိုင်ခဲ့သော်လည်း လေးကေကော်မြို့ တစ်မြို့လုံးကို အပြည့်အဝ ထိန်းချုပ်နိုင်ခြင်းမျိုးတော့ မရှိသေးကြောင်း သိရသည်။ လတ်တလောတွင် စစ်ကော်မရှင်တပ်/BGF ပူးပေါင်းတပ်များသည် လေးကေကော်ဒေသအပြင် ဖလူး၊ မင်းလက်ပံ၊ အင်ကြင်းမြိုင်စသည့် ဒေသများကို စစ်ဆင်နေသည်။ အလားတူ KNLA နှင့် ပူးပေါင်းတပ်များကလည်း အနီးပတ်ဝန်းကျင်နေရာများမှ နေ၍ တန်ပြန်ဖြတ်တောက် တိုက်ခိုက်နေဆဲဖြစ်သည်။ အဆိုပါ တိုက်ပွဲများထဲ မြေပြင်၌ နှစ်ဖက် ထိခိုက်ကျဆုံးမှုများ ရှိနေသည်။

စွယ်တော်ကုန်းစခန်းကို စစ်တပ် ပြန်လည်ထိန်းချုပ်ထားသော်လည်း လေးကေကော်ကိုမူ မထိန်းချုပ်နိုင်သေး  

Oct 21

ဖားကန့်ဒေသရှိ KIA တပ်ရင်းဟောင်းကို လေကြောင်းမှ ဗုံးအလုံး (၄၀) ခန့် ကြဲချတိုက်ခိုက်ခံရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၁ ရက်။ ကချင်ပြည်၊ ဖားကန့်ဒေသတွင် ကချင်လွတ်လပ်ရေး တပ်မတော် (KIA) ၏ တပ်မဟာ (၉)၊ တပ်ရင်း (၆) နေရာဟောင်းကို စစ်တပ်က ယနေ့ အောက်တိုဘာလ (၂၁) ရက်နေ့၊ နံနက် (၇) နာရီခွဲခန့်တွင် လေကြောင်းမှ အကြိမ်ပေါင်းများစွာ ဗုံးကြဲတိုက်ခိုက်ခဲ့သည်။ ဒေသခံအမျိုးသားတစ်ဦး၏ ပြောပြချက်အရ စစ်တပ်သုံးလေယာဉ်သည် KIA တပ်ရင်း (၆) နေရာဟောင်း ပတ်ပတ်လည်သို့ လေယာဉ်ဗုံး အလုံးရေ (၄၀) ခန့် လာရောက်ပစ်ချခဲ့ကြောင်း သိရသည်။ ဒေသခံတော်လှန်ရေးအဖွဲ့များကမူ စစ်ကော်မရှင်တပ်သည် ဖားကန့်ဒေသ၌ ရွေးကောက်ပွဲ ကျင်းပနိုင်ရန် အပြင်းအထန် ထိုးစစ်ဆင်နေချိန်တွင် ယခုကဲ့သို့ ဌာနချုပ်နေရာဟောင်းများကိုပါ ပစ်မှတ်ထား ခြိမ်းခြောက် တိုက်ခိုက်လာခြင်း ဖြစ်နိုင်သည်ဟု သုံးသပ်နေကြသည်။ စစ်ကော်မရှင်တပ်သည် ဖားကန့်ဒေသအတွင်း လက်လွတ်ထားရသည့် နေရာများကို ပြန်လည်ရယူရန် မြေပြင် စစ်ကြောင်းများအပြင် လေကြောင်းဖြင့်ပါ ဗုံးကြဲတိုက်ခိုက်မှုများကို ဆက်တိုက်လုပ်ဆောင်နေခြင်းဖြစ်သည်။ ဖားကန့်မြေပြင်၌လည်း ယခုရက်ပိုင်းအတွင်း တိုက်ပွဲများ ဆက်လက် ဖြစ်ပွားနေဆဲ ဖြစ်သည်။ အောက်တိုဘာလ (၂၀) ရက်နေ့ကလည်း ဖားကန့်ရှိ မရှီကထောင်-ယူမာ-ဆိုင်းတောင် (ဆိပ်မူ) ရွာလမ်းမကြီး ပေါ်၌ စစ်ကော်မရှင်တပ်နှင့် ရှမ်းနီပြည်သူ့စစ်အဖွဲ့တို့ စစ်ရေးလှုပ်ရှားလာရာ KIA/PDF ပူးပေါင်းတပ်များက ကြားဖြတ်တိုက်ခိုက်ခဲ့ကြောင်း KPDF တာဝန်ရှိသူတစ်ဦးက ပြောသည်။ ယင်းတိုက်ပွဲကြောင့် ကျေးရွာထဲသို့ လက်နက်ကြီးကျည် ကျရောက်ပေါက်ကွဲမှုများ ရှိခဲ့ပြီး အရပ်သား ထိခိုက်မှု မရှိသော်လည်း အဆောက်အအုံ အချို့ ထိမှန်ပျက်စီးခဲ့ကြောင်း ဒေသခံများက ပြောသည်။

ဖားကန့်ဒေသရှိ KIA တပ်ရင်းဟောင်းကို လေကြောင်းမှ ဗုံးအလုံး (၄၀) ခန့် ကြဲချတိုက်ခိုက်ခံရ 

Oct 20

တရားမဝင် ပန်းရောင်ကတ် မျှော်မှန်းသူ မြန်မာရွှေ့ပြောင်းအလုပ်သမား (၁၃၁) ဦး ထိုင်း၌ အဖမ်းခံရ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၀ ရက်။ ထိုင်းနိုင်ငံ၌ တရားဝင် အလုပ်လုပ်ခွင့် ပန်းရောင်ကတ် (ဘတ်အသစ်) ရရှိရန် မျှော်လင့်ချက်ဖြင့် စောင့်ဆိုင်းနေ သည့် မြန်မာနိုင်ငံသား ရွှေ့ပြောင်းအလုပ်သမား (၁၃၁) ဦးသည် အောက်တိုဘာလ (၁၆) ရက်နေ့ ညနေပိုင်းတွင် ထိုင်းရဲများ၏ ဝင်ရောက်ဖမ်းဆီးခြင်းကို ခံခဲ့ရသည်။ ၎င်းတို့အား ဖမ်းဆီးမှုသည် ထိုင်းအစိုးရက တရားမဝင် ရွှေ့ပြောင်းလုပ်သားများအတွက် ပန်းရောင်ကတ်အသစ် ထုတ်ပေးမည့် အစီအစဉ်ကို နယ်စပ်အခြေအနေ မတည်ငြိမ်မှုကြောင့် ယာယီရပ်ဆိုင်းလိုက်ကြောင်း ကြေညာ သည့်နေ့၌ပင် ဖြစ်ပွားခဲ့ခြင်းဖြစ်သည်။ မြန်မာအလုပ်သမားအရေး ကူညီသူများ၏ ပြောကြားချက်အရ အလုပ်သမားများကို ခေါ်ဆောင်လာသည့် မြန်မာပွဲစား အချင်းချင်း အဝေမတည့်ရာမှတစ်ဆင့် ပွဲစားတစ်ဦးက နေရာအတိအကျနှင့် ထိုင်းလူဝင်မှု ကြီးကြပ်ရေးဌာနကို တိုင်ကြားခဲ့သဖြင့် ယခုကဲ့သို့ အစုလိုက်အပြုံလိုက် ဖမ်းဆီးခံရခြင်းဖြစ်ကြောင်း သိရသည်။ ဖမ်းဆီးခံရသူများသည် ပွဲစားများအား ပန်းရောင်ကတ် လုပ်ခအပါအဝင် တစ်ဦးလျှင် ဘတ်ငွေ လေးသောင်း (၄၀,၀၀၀) ခန့် ပေးချေကာ ကန်ချနဘူရီ၊ ရနောင်းနှင့် တာ့ခ်ခရိုင်များမှ တရားမဝင် ဝင်ရောက်လာကြခြင်း ဖြစ်သည်။ ၎င်းတို့သည် စာရွက် စာတမ်းများ စောင့်ဆိုင်းရင်း ဆမွတ်စာခွန်ခရိုင်၊ မဟာချိုင်နယ်မြေရှိ တိုက်တန်းလျား၌ ယာယီ စုစည်းနေထိုင်ခဲ့ကြခြင်း ဖြစ်သည်။ မြန်မာလုပ်သားများသည် လက်ရှိတွင် အကြွေးများဖြင့် ဒုက္ခရောက်ကုန်ကြပြီဟု MHAC မဟာမိတ်အဖွဲ့မှ ဦးဆောင်တာဝန်ခံ ကိုရဲမင်းက ပြောသည်။ ထိုင်းရဲတပ်ဖွဲ့က ဖမ်းဆီးခံရသူများကို ထိုင်းဥပဒေအရ အရေးယူပြီးနောက် မြန်မာနိုင်ငံသို့ ပြန်ပို့သွားမည် ဟု ပြောဆိုထားသည်။ နယ်စပ်မှတစ်ဆင့် ပြန်ပို့ခံရသူများသည် စစ်ကော်မရှင်တပ်၏ ထိန်းချုပ်မှုအောက်သို့ ရောက်ရှိသွားနိုင်သည့် အတွက် ၎င်းတို့၏ အနာဂတ်မှာ မရေရာသည့် အခြေအနေနှင့် ရင်ဆိုင်နေရကြောင်း သတင်းများက ဖော်ပြသည်။ ဤဖြစ်ရပ်သည် တရားမဝင် ရွှေ့ပြောင်းလာသူများ၏ ဘဝအခြေအနေ မည်မျှ ထိလွယ်ရှလွယ်ရှိနေသည်ကို ပြသနေသည်။

တရားမဝင် ပန်းရောင်ကတ် မျှော်မှန်းသူ မြန်မာရွှေ့ပြောင်းအလုပ်သမား (၁၃၁) ဦး ထိုင်း၌ အဖမ်းခံရ

Oct 20

စစ်ကော်မရှင်၏ စစ်မှုထမ်းအင်အားဖြည့်တင်းရေးအတွက် စစ်သင်တန်းကျောင်း (၂၇) ခုအထိ တိုးချဲ့ဖွင့်လှစ်   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၀ ရက်။ မြန်မာ့စစ်ဖက်ရေးရာနှင့် လုံခြုံရေးဆိုင်ရာ လေ့လာရေးအဖွဲ့ (MDSI) ၏ အောက်တိုဘာလ (၁၇) ရက်နေ့ ထုတ်ပြန်ချက်အရ စစ်ကော်မရှင်တပ်သည် မတရားဖမ်းဆီး စုဆောင်းထားသည့် လူငယ်များကို လေ့ကျင့်ပေးနိုင်ရန်အတွက် စစ်သင်တန်းကျောင်းပေါင်း (၂၇) ခုအထိ ထပ်မံ တိုးချဲ့ဖွင့်လှစ်လိုက်ကြောင်း သိရသည်။ ဖမ်းဆီးရရှိမှု အင်အား များပြားလာသည့်အတွက် စစ်တပ်သည် ခြေလျင်အကူလက်နက်ကြီးသင်ကျောင်း (ခအက) နှင့် ရေတပ်လေ့ကျင့်ရေးတပ် (ရလတ ၅၇) တို့ကဲ့သို့သော နေရာများကိုပါ အရန်သင်တန်းကျောင်းများ အဖြစ် အသုံးပြုနေရသည်။ စစ်ကော်မရှင်တပ် စိုးမိုးမှုအားကောင်းသော ရှမ်း၊ ရန်ကုန်၊ မန္တလေးနှင့် ပဲခူးတိုင်းများရှိ စစ်သင်တန်းကျောင်း (၁၅) ခုသည် ပင်မသင်တန်းကျောင်းများ အဖြစ် အခြေခံတပ်သားသစ် သင်တန်းများကို ဖွင့်လှစ်နေသည်။ သို့သော်လည်း တိုက်ပွဲများ ပြင်းထန်နေသည့် သပိတ်ကျင်းနှင့် ရွှေဘိုဒေသများရှိ သင်တန်းကျောင်းအချို့မှာမူ လုံခြုံရေးအရ သင်တန်းများကို ရပ်နားထားရသည်။ စစ်ကော်မရှင်တပ်သည် နောက်ထပ်အပတ်စဉ် ဖြစ်သည့် အပတ်စဉ် (၁၈) ကို မကြာမီ ဖွင့်လှစ်နိုင်ရန် ပြင်ဆင်နေ ကြောင်း MDSI က ဆိုသည်။

စစ်ကော်မရှင်၏ စစ်မှုထမ်းအင်အားဖြည့်တင်းရေးအတွက် စစ်သင်တန်းကျောင်း (၂၇) ခုအထိ တိုးချဲ့ဖွင့်လှစ်  

Oct 20

သီပေါမြို့ကို စစ်တပ်က တစ်နှစ်အကြာ၌ ပြန်လည်သိမ်းပိုက်၊ TNLA တပ်ဆုတ်၍ မြို့ပြင်၌ တိုက်ပွဲပြင်းထန်ဆဲ   သတင်းနှင့် မီဒီယာ ကွန်ရက်။ ၂၀၂၅ ခုနှစ်၊ အောက်တိုဘာလ ၂၀ ရက်။ ရှမ်းပြည် မြောက်ပိုင်း၌ တအာင်းတပ် (TNLA) ထိန်းချုပ်ထားသော သီပေါမြို့ကို စစ်ကော်မရှင် တပ်ဖွဲ့ဝင်များက တစ်နှစ်ခန့်အကြာတွင် ပြန်လည်သိမ်းပိုက်လိုက်ကြောင်း TNLA က အတည်ပြုခဲ့သည်။ TNLA ပြောရေးဆိုခွင့်ရှိသူ လွေးယေဦး၏ ပြောဆိုချက်အရ စစ်ကော်မရှင်တပ်များ မြို့တွင်းသို့ ဝင်ရောက်နိုင်ခဲ့ သဖြင့် TNLA တပ်ဖွဲ့များမှာ မြို့ပြင်ဘက်သို့ တပ်ဆုတ်ခဲ့ရကြောင်း သိရသည်။ စစ်ကော်မရှင်တပ်ဘက်ကမူ ၎င်းတို့၏ စစ်ကြောင်းများ မြို့တွင်းဝင်ရောက်သည့် ဓာတ်ပုံများကို အောက်တိုဘာ လ (၁၇) ရက်နေ့တွင် ထုတ်ပြန်ကာ မြို့ကို ပြန်လည်သိမ်းပိုက်ကြောင်း ကြေညာခဲ့သည်။ စစ်ကော်မရှင်တပ်က TNLA ပူးပေါင်းတပ်ဖွဲ့များသည် မြို့ပေါ်ရှိ အကျဉ်းဦးစီးဌာန၊ အထွေထွေအုပ်ချုပ်ရေးမှူးရုံး၊ မြေစာရင်းရုံးနှင့် သီပေါဟိုတယ် အပါအဝင် ဌာနဆိုင်ရာရုံးအချို့ကို မီးရှို့ဖျက်ဆီးပြီး ထွက်ပြေးသွားခဲ့သဖြင့် ရှင်းလင်းရေး ဝင်ရောက်ခဲ့သည်ဟု စွပ်စွဲဖော်ပြသည်။ လေ့လာသူများ၏ အမြင်အရ စစ်ကော်မရှင်တပ်၏ ယခု နယ်မြေ ပြန်လည်ထိုးစစ်ဆင်နိုင်မှုသည် တရုတ်အစိုးရ ၏ ဖိအားပေးမှုကြောင့် ၁၀၂၇ စစ်ဆင်ရေး ရပ်ဆိုင်းလိုက်ရသည့် နောက်ဆက်တွဲ အခြေအနေ တစ်ရပ်ဖြစ်သည်။ စစ်ကော်မရှင်တပ်သည် ဇူလိုင်လ (၁၆) ရက်နေ့တွင် နောင်ချိုမြို့၊ အောက်တိုဘာလ (၁) ရက်နေ့တွင် ကျောက်မဲမြို့တို့ကို ပြန်လည်ရယူခဲ့ပြီးနောက် သီပေါမြို့ကိုပါ ထပ်မံသိမ်းပိုက်နိုင်ခဲ့ခြင်းဖြစ်သည်။ လက်ရှိတွင် သီပေါမြို့ပြင်ဘက်ရှိ ခမရ ၅၀၃ နှင့် ၅၀၄ ဘက်၌ တိုက်ပွဲများ ဆက်လက်ပြင်းထန်နေဆဲ ဖြစ်ကြောင်း TNLA က အတည်ပြုထားသည်။ ထို့အပြင် စစ်ကော်မရှင်တပ်သည် TNLA ထိန်းချုပ်နယ်မြေ ဖြစ်သည့် မိုးကုတ်မြို့ဘက်ကိုပါ စစ်ကြောင်းထိုး နေပြီး၊ မန်တုံ၊ မိုင်းငေါ့၊ နမ့်ဆန်၊ နမ္မတူ၊ မိုးမိတ်နှင့် မိုးကုတ်မြို့များကို နေ့စဉ်နီးပါး လေကြောင်းမှ ဗုံးကြဲတိုက်ခိုက် မှုများ ပြုလုပ်လျက်ရှိသည်။

သီပေါမြို့ကို စစ်တပ်က တစ်နှစ်အကြာ၌ ပြန်လည်သိမ်းပိုက်၊ TNLA တပ်ဆုတ်၍ မြို့ပြင်၌ တိုက်ပွဲပြင်းထန်ဆဲ  

« Prev 1 … 104 105 106 107 108 … 1,047 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

ဒေါ်နယ်ထရန့်ကို ရှီကျင့်ဖျင် ကော်ဇောနီဖြင့် ကြိုဆို
ထိုင်းနိုင်ငံတွင် အရက် သောက်သုံးရောင်းချမှု အပေါ် ထပ်မံတင်းကြပ်
ဖိလစ်ပိုင် လွှတ်တော်အတွင်းမှ ပစ်ခတ်သံများ ကြားရ
ရွှေဆိုင်ပိုင်ရှင်ကို ပစ်သတ်ပြီး ရွှေ ၃ ပိဿာ လုယူသူများ လွတ်မြောက်နေ 
ရွာငံမြို့မရဲစခန်းမှ သက်ငယ်မုဒိန်းမှုတရားခံ လက်ထိပ်ခတ်လျက် ထွက်ပြေးလွတ်မြောက်

Archives

Archives

×Close