NMG Doh – Page 47 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
English News
NMG အကြောင်း
Contact

Home
Author Archive

NMG Doh

Author: NMG Doh

Apr 27

နှစ် ၃၀ ကြာ ဆုံးရှုံးခဲ့သော ကဘောတူ စခန်းကို KNU ပြန်သိမ်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၇ ရက်။ ကရင်ပြည်၊ ဖာပွန်တွင် နှစ် ၃၀ ကြာ စစ်တပ် အခြေစိုက်ခဲ့သည့် ကဘောတူစခန်းကို KNU က အပြီးသတ် တိုက်ခိုက် သိမ်းပိုက်နိုင်ခဲ့သည်။ ကရင်အမျိုးသားအစည်းအရုံး (KNU)၊ တပ်မဟာ (၅) နယ်မြေဖြစ်သော ဖာပွန် (မူတြော်) ခရိုင်အတွင်း စစ်တပ် ၏ လမ်းပန်းဆက်သွယ်ရေးနှင့် နယ်မြေလုံခြုံရေးအတွက် ဗျူဟာမြောက် အရေးပါသည့် ကဘောတူစခန်းကို ကရင်အမျိုးသား လွတ်မြောက်ရေး တပ်မတော် (KNLA) ပူးပေါင်းတပ်ဖွဲ့များက ဧပြီလ ၂၅ ရက်နေ့တွင် အပြီး သတ် တိုက်ခိုက်သိမ်းပိုက်နိုင်ခဲ့ခြင်း ဖြစ်သည်။ အဆိုပါ ကဘောတူတပ်စခန်းသည် ဖာပွန်ခရိုင်၊ လူသောမြို့နယ်အတွင်း တည်ရှိပြီး ၁၉၉၇ ခုနှစ်ခန့်မှစ၍ စစ်တပ် က နှစ်ပေါင်း ၃၀ နီးပါး ကျူးကျော်အခြေစိုက်ထားသည့် စခန်းဖြစ်သည်။ စခန်းမကျစေရန် စစ်တပ်ဘက်မှ လေကြောင်းပစ်ကူများ အဆက်မပြတ် ပြုလုပ်ခဲ့သော်လည်း KNLA ပူးပေါင်း တပ်များက ဝိုင်းဝန်းပိတ်ဆို့ကာ သိမ်းပိုက်နိုင်ခဲ့ခြင်း ဖြစ်သည်။ တပ်မဟာ (၅) နယ်မြေတွင်းရှိ သတင်းရင်းမြစ်တစ်ဦးက “ကဘောတူ စခန်းကို သိမ်းလိုက်ပါပြီဗျ။ မြေပြင်မှာ အားလုံးက အောင်ပွဲခံနေကြပြီ။ ဒီစခန်းမသိမ်းခင်က နေ့တိုင်းလိုလို စခက လေယာဉ်နဲ့ ဗုံးကြဲတာရှိတယ်။ သိမ်း တာက ဧ ပြီ ၂၅ ရက်နေ့ ၁၂ ဝန်းကျင်မှာတော့ အပြီးသတ်သိမ်းနိုင်ခဲ့တာပါ” ဟု ပြောသည်။ စခန်းသိမ်းပိုက်မှုအတွင်း လက်နက်မျိုးစုံ ၁၈ လက်ထက်မနည်း သိမ်းဆည်းရမိခဲ့ပြီး ၎င်းအထဲတွင် ငါးကြင်းမြီး ဟုခေါ်သည့် စက်သေနတ် ၂ လက်နှင့် ၆၀ မမ လက်နက်ကြီး ၁ လက်တို့ ပါဝင်ကြောင်း၊ စစ်တပ် လက်အောက်ခံ တပ်သား အချို့၏ အလောင်းများကို တွေ့ရှိရသည့်အပြင် အချို့မှာ ထွက်ပြေးသွားကြကြောင်း ကရင်စစ်ရေးသတင်း ရင်းမြစ်များက ဆိုသည်။ ကဘောတူစခန်းသည် စစ်အာဏာသိမ်းပြီးနောက် ၂၀၂၁ ခုနှစ် စက်တင်ဘာလအတွင်းကလည်း KNU ဘက်မှ ပထမတစ်ကြိမ် တိုက်ခိုက်သိမ်းပိုက်ခဲ့ဖူးသော်လည်း ထိုစဉ်က ပြန်လည်ဆုတ်ခွာပေးခဲ့သဖြင့် စစ်တပ်က နေရာ ပြန်ဝင်ယူကာ တပ်စွဲထားခဲ့ခြင်းဖြစ်သည်။ ယခုတစ်ကြိမ်တွင်မူ ဒေသခံများ၏ လုံခြုံရေးအတွက် အပြီးသတ်တိုက်ခိုက်သိမ်းယူခဲ့ခြင်းဖြစ်ပြီး စခန်း သိမ်း ပိုက်ပြီးနောက် နယ်မြေရှင်းလင်းရေးလုပ်ငန်းများကို ဆက်လက်လုပ်ဆောင်လျက်ရှိသည်။ ဖာပွန် (မူတြော်) ခရိုင်အတွင်း အာဏာသိမ်းပြီးနောက်ပိုင်း KNLA မဟာမိတ်ပူးပေါင်းတပ်များက စစ်တပ် စခန်း ပေါင်း ၇၀ နီးပါးအထိ သိမ်းပိုက်နိုင်ခဲ့ပြီဖြစ်ရာ လက်ရှိတွင် ဖာပွန်ခရိုင်အတွင်း၌ စစ်တပ်၏ ဖာပွန်ဗျူဟာကုန်း အပါအဝင် တပ်စခန်း ၁၀ ခုခန့်သာ ကျန်ရှိတော့သည်ဟု ဆိုသည်။ လက်ရှိတွင် အဆိုပါ ဖာပွန်ဗျူဟာကုန်းကို သိမ်းပိုက်နိုင်ရန် KNLA ဘက်မှ ဆက်လက် ပိတ်ဆို့တိုက်ခိုက်နေပြီး၊ စစ်တပ်ဘက်မှလည်း နယ်ခြားစောင့်တပ် (BGF) အင်အားများကို အသုံးပြု၍ စစ်အင်အားဖြည့်တင်းမှုများ လုပ်ဆောင်နေသဖြင့် ဒေသတွင်း စစ်ရေးတင်းမာမှုများ ပိုမိုပြင်းထန်လာသည်ဟု ဆိုသည်။

နှစ် ၃၀ ကြာ ဆုံးရှုံးခဲ့သော ကဘောတူ စခန်းကို KNU ပြန်သိမ်း

Apr 27

ခေါင်လန်ဖူးရှိ ပြည်သူ့စစ်များ အများအပြား ထွက်ပြေးနေဟု KIO ပြောခွင့်ရပြော သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၇ ရက်။ ကချင်ပြည် မြောက်ဖျားပိုင်း၊ ခေါင်လန်ဖူးဒေသတွင် လှုပ်ရှားနေသည့် စစ်တပ် လက်အောက်ခံ ပြည်သူ့စစ် အဖွဲ့ဝင်များသည် ထွက်ပြေးမှုများ ဆက်တိုက်ရှိနေကြောင်း ကချင်လွတ်လပ်ရေးအဖွဲ့ (KIO) ပြောရေးဆိုခွင့်ရှိသူ ဗိုလ်မှူးကြီးနော်ဘူက ပြောသည်။ အဆိုပါ ထွက်ပြေးနေသည့် ပြည်သူ့စစ်များသည် ပူတာအိုအခြေစိုက် တန်ဂူးတန် ပြည်သူ့စစ်အဖွဲ့ဝင်များ ဖြစ်ကြ ပြီး ၎င်းတို့သည် ရှေ့တန်းစစ်မျက်နှာပြင်များတွင် စစ်တပ်နှင့်အတူ ကချင်လွတ်လပ်ရေး တပ်မတော် KIA ပူးပေါင်းတပ်များကို ရင်ဆိုင်ရန် စေလွှတ်ခံထားရသူများ ဖြစ်သည်။ သို့သော်လည်း လက်ရှိတွင် စစ်ရေးအခြေအနေနှင့် စစ်တပ်၏ ဖိအားများကြောင့် ၎င်းတို့မှာ စစ်မတိုက်လိုတော့ ဘဲ တောလမ်းများမှတစ်ဆင့် ထွက်ပြေးနေကြခြင်း ဖြစ်သည်။ ဗိုလ်မှူးကြီးနော်ဘူက “တချို့ ပြည်သူစစ်တွေ တော်တော်များများကတော့ စစ်မတိုက်ချင်လို့ ထွက်ပြေးသွားတဲ့ သတင်းတွေ တော်တော်များများ ထွက်နေပါတယ်။ သူတို့ရဲ့ ပူတာအိုတို့ မချမ်းဘော့တို့ပေါ့နော် သူတို့အိမ်တွေကို ပြန်ဖို့လည်း အခက်အခဲရှိပါတယ်။ ပြန်ရင်လည်း ပြန်ဖမ်းမှာကို သူတို့လည်း စိုးရိမ်နေတယ်” ဟု ပြောသည်။ ခေါင်လန်ဖူးဒေသသည် မြန်မာနိုင်ငံ မြောက်ဘက်ဆုံး ပူတာအို ခရိုင်အတွင်းရှိ မြို့နယ် တစ်ခု ဖြစ်ပြီး လမ်းပမ်းဆက်သွယ်ရေး အလွန်ခက်ခဲသည့် တောင်ပေါ်ဒေသဖြစ်သဖြင့် ထွက်ပြေးသည့် ပြည်သူ့စစ်များမှာ နေရပ်သို့ ပြန်လည်ရောက်ရှိရန် လမ်းခရီးတွင် အခက်အခဲများစွာ ကြုံတွေ့နေရသည့်အပြင်၊ နေရပ်ပြန်ရောက်ပါကလည်း စစ်တပ်၏ ပြန်လည်ဖမ်းဆီးခြင်း ခံရမည်ကို စိုးရိမ်နေကြခြင်း ဖြစ်သည်။ လက်ရှိ ခေါင်လန်ဖူးဒေသတွင် ဧပြီလအတွင်း မြေပြင်တိုက်ပွဲ ပြင်းပြင်းထန်ထန် မရှိသေးသော်လည်း စစ်တပ် ဘက်မှ ဒရုန်းများဖြင့် ကင်းထောက်ခြင်းနှင့် လက်နက်ကြီးများဖြင့် ရမ်းသန်းပစ်ခတ်ခြင်းများကို လုပ်ဆောင်နေ ကြောင်း ဆိုသည်။ “ခေါင်လန်ဖူးဖက်မှာကတော့ ဒီဧပြီလအတောအတွင်းမှာတော့ သိပ်ပြင်းထန်တဲ့ တိုက်ပွဲကတော့ မရှိဘူး။ အချင်းချင်း ရမ်းပြီးမှ လက်နက်ကြီးနဲ့ ပစ်တာတွေ၊ ဒရုန်းနဲ့ စောင့်ပြီးမှ ပစ်တာတွေတော့ရှိပါတယ်။ မြေပြင် တိုက်ပွဲ ပြင်းပြင်းထန်ထန်ကတော့ မရှိပါဘူး” ဟု ဗိုလ်မှူးကြီးနော်ဘူက ပြောသည်။ ပြည်သူ့စစ်အဖွဲ့ဝင်များမှာမူ KIA ပူးပေါင်းတပ်များ၏ အချိန်မရွေး ဝင်ရောက်တိုက်ခိုက်နိုင်သည့် အခြေအနေနှင့် စစ်တပ်၏ အတင်းအကျပ် ခိုင်းစေမှုများကြားတွင် စိုးရိမ်ကြောက်လန့်နေသည့် အနေအထားရှိကြောင်း ဒေသခံ များ၏ ပြောပြချက်ကို ကိုးကား၍ KIO က ဆိုသည်။ အလားတူ ကချင်ပြည်၊ တနိုင်းဒေသရှိ ပယင်းမှော်ဘက်တွင်လည်း KIA နှင့် ပူးပေါင်းတပ်များက စစ်တပ်၏ အခိုင်အမာစခန်းများကို ထိုးစစ်ဆင်လျက်ရှိရာ ဧပြီလ ၂၄ ရက်နေ့အထိ တိုက်ပွဲများ ဆက်လက် ပြင်းထန်နေ သည်။ နန်ဗျူချောင်းတစ်ကြောရှိ စစ်တပ်၏ ရှေ့တန်းကာကင်းစခန်း ၂ ခုကို ပူးပေါင်းတပ်များက သိမ်းပိုက်နိုင်ခဲ့ သော်လည်း အခိုင်အမာစခန်းကြီးများမှာမူ ကျန်ရှိနေသေးကြောင်း KIO က ဆိုသည်။ ကချင်ပြည်အတွင်း KIA ၏ ဗျူဟာမြောက် ထိုးစစ်များကြောင့် စစ်တပ် လက်အောက်ခံ ပြည်သူ့စစ် တပ်ဖွဲ့ဝင် များအတွင်း စိတ်ဓာတ်ပျက်ပြားမှုများ ပိုမိုများပြားလာနေပြီး ယခုကဲ့သို့ စွန့်ခွာထွက်ပြေးမှုများမှာ ရှေ့တန်း စစ်မျက်နှာပြင်များတွင် ပိုမိုထင်ရှားလာနေသည်ဟု ဒေသတွင်း စစ်ရေးလေ့လာသူများက ဆိုသည်။ #KIA #KIO #ခေါင်လန်ဖူး #ပူတာအို #ပြည်သူ့စစ်

ခေါင်လန်ဖူးရှိ ပြည်သူ့စစ်များ အများအပြား ထွက်ပြေးနေဟု KIO ပြောခွင့်ရပြော

Apr 27

အီရန်တွင် ရေနံများ ထားစရာ မရှိဖြစ်နေ သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဧပြီလ ၂၇ ရက်။ အမေရိကန်သမ္မတ ဒေါ်နယ်ထရန့်၏ အီရန်အပေါ် ရေတပ်ပိတ်ဆို့မှုများကြောင့် အီရန်၏ ရေနံတင်ပို့မှုကဏ္ဍတွင် ကြီးမားသော အကျပ်အတည်းများ ဆိုက်ရောက်နေသည်။ လက်ရှိတွင် အီရန်၏ အဓိကရေနံအချက်အခြာ ခါ့ဂ်ကျွန်း (Kharg Island) ရှိ သိုလှောင်ကန်များမှာ ရက်ပိုင်းအတွင်း ပြည့်လျှံတော့မည့် အခြေအနေတွင် ရှိနေသည်။ အမေရိကန်ရေတပ်သည် ဟော်မုဇ်ရေလက်ကြားတွင်သာမက စင်ကာပူ၊ အိန္ဒိယ၊ မလေးရှားနှင့် သီရိလင်္ကာ အနီးတစ်ဝိုက်တွင် အီရန်ရေနံသင်္ဘောများကို တင်းကျပ်စွာ စောင့်ကြည့်ဖမ်းဆီးနေသည်။ အီရန်အစိုးရသည် ရေနံများကို သိုလှောင်ရန်အတွက် သက်တမ်းရင့် Nasha အမည်ရှိ ရေနံတင်သင်္ဘောကြီးကို အရေးပေါ် ပြန်လည်အသုံးပြုနေရသည်။ အမေရိကန်သည် လေယာဉ်တင်သင်္ဘော USS George H.W. Bush အပါအဝင် စုစုပေါင်း သင်္ဘော ၃ စီးဖြင့် အီရန်ကို စစ်ရေးအရ ဖိအားပေးထားသည်။ သမ္မတ ထရန့်က အီရန်အနေဖြင့် ငြိမ်းချမ်းရေးဆွေးနွေးပွဲများသို့ မလာရောက်ပါက ကျန်ရှိနေသည့် ပစ်မှတ်များကို စစ်ရေးအရ ဆက်လက်တိုက်ခိုက်သွားမည်ဟု သတိပေးချက် ထုတ်ပြန်ထားသည်။ #အီရန်စစ်ပွဲ #ရေနံစျေး

အီရန်တွင် ရေနံများ ထားစရာ မရှိဖြစ်နေ

Apr 27

အသေခံဗုံးခွဲတိုက်ခိုက်မှုကြောင့် မာလီ အာဏာသိမ်း အစိုးရ ကာကွယ်ရေးဝန်ကြီး သေဆုံး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၇ ရက်။ အာဖရိကအနောက်ပိုင်း မာလီနိုင်ငံတွင် စနေနေ့က အသေခံဗုံးခွဲတိုက်ခိုက်မှုတစ်ခု ဖြစ်ပွားခဲ့ရာ ကာကွယ်ရေးဝန်ကြီး ဆာဒီယို ကာမရာ (Sadio Camara) သေဆုံးသွားကြောင်း အစိုးရရုပ်သံက အတည်ပြုထုတ်ပြန်သည်။ အယ်လ်ကိုင်းဒါးနှင့် ဆက်နွှယ်သည့် စစ်သွေးကြွအုပ်စုတစ်စုသည် မြို့တော် ဘာမာကိုအနီးရှိ ဝန်ကြီး၏နေအိမ်ကို ဗုံးအပြည့်တင်ဆောင်ထားသည့် ကားဖြင့် ဝင်ရောက်တိုက်ခိုက်ခဲ့ခြင်းဖြစ်သည်။ ဝန်ကြီး ကာမရာသည် ပြန်လည်ခုခံပစ်ခတ်ခဲ့သော်လည်း ရရှိသောဒဏ်ရာများဖြင့် ဆေးရုံတွင် ကွယ်လွန်ခဲ့ပြီး၊ ၎င်း၏ မိသားစုဝင် ၃ ဦးလည်း အသက်ဆုံးရှုံးခဲ့သည်။ စစ်အစိုးရခေါင်းဆောင် ဗိုလ်ချုပ်ကြီး အစီမီ ဂွီတာ (Assimi Goita) ၏ နေအိမ်ကိုလည်း ပစ်မှတ်ထားခံခဲ့ရသော်လည်း ၎င်းကို ဘေးကင်းရာသို့ အချိန်မီ ရွှေ့ပြောင်းနိုင်ခဲ့သည်။ မာလီစစ်အစိုးရသည် ပဋိပက္ခချုပ်ငြိမ်းအောင် လုပ်ဆောင်မည်ဟု ကြွေးကျော်ခဲ့ပြီး ရုရှားကြေးစားစစ်သားများကို အသုံးပြု၍ သူပုန်များကို နှိမ်နင်းနေသော်လည်း လက်ရှိတွင် ဂျီဟတ်အုပ်စုများနှင့် ခွဲထွက်ရေးသူပုန်များ၏ တိုက်ခိုက်မှုမှာ ပိုမိုပြင်းထန်လာနေသည်။

အသေခံဗုံးခွဲတိုက်ခိုက်မှုကြောင့် မာလီ အာဏာသိမ်း အစိုးရ ကာကွယ်ရေးဝန်ကြီး သေဆုံး

Apr 27

တရုတ်နိုင်ငံခြားရေး ဝန်ကြီးက နယ်မြေတည်တံ့ရေး အာမခံ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၇ ရက်။ တရုတ်နိုင်ငံခြားရေးဝန်ကြီး ဝမ်ယိရဲ့ ခရီးစဉ်အတွင်း မြန်မာနိုင်ငံ၏ ရပ်တည်မှုနှင့် တည်ငြိမ်မှုအပေါ် တရုတ်၏ အာမခံချက်ကို အဓိကထားပြီး ပြောကြားခဲ့သည်ဟု တရုတ် အစိုးရပိုင် CGTN သတင်းဌာနက ဖော်ပြသည်။ တရုတ်နိုင်ငံခြားရေးဝန်ကြီး ဝမ်ယိသည် မြန်မာနိုင်ငံသို့ ရောက်ရှိစဉ်အတွင်း စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံကာ မြန်မာနိုင်ငံ၏ အချုပ်အခြာအာဏာ တည်တံ့ခိုင်မြဲရေးနှင့် ပြည်တွင်းတည်ငြိမ်ရေးဆိုင်ရာ ကိစ္စရပ်များကို ဆွေးနွေးခဲ့ကြောင်း CGTN သတင်းတွင် ဖော်ပြသည်။ တရုတ်နိုင်ငံအနေဖြင့် မြန်မာနိုင်ငံ၏ ကိုယ်ပိုင်ပြဋ္ဌာန်းခွင့်ကို လေးစားပြီး ပြင်ပစွက်ဖက်မှုမရှိဘဲ ရပ်တည်နိုင်ရေးအတွက် ခိုင်မာစွာ ထောက်ခံသွားမည်ဖြစ်ကြောင်း ဝမ်ယိက ပြောကြားခဲ့သည်။ ထို့အပြင် မြန်မာနိုင်ငံ နယ်မြေအစိတ်အပိုင်းများ ပြိုကွဲမသွားစေရန်နှင့် အမျိုးသားပြန်လည်သင့်မြတ်ရေး ရရှိစေရန် တတ်နိုင်သမျှ ကူညီသွားမည်ဟု ကတိပြုခဲ့သည်။ စစ်ကောင်စီဥက္ကဋ္ဌကလည်း "တရုတ်တစ်နိုင်ငံတည်းမူဝါဒ" ကို ဆက်လက်ထောက်ခံပြီး တရုတ်-မြန်မာ စီးပွားရေးစင်္ကြံ (CMEC) စီမံကိန်းများကို အရှိန်မြှင့် ဆောင်ရွက်သွားမည်ဖြစ်ကြောင်း ပြန်လည်ပြောကြားခဲ့သည်။ ထို့အပြင် အွန်လိုင်းလောင်းကစားနှင့် လိမ်လည်မှုများအား နှိမ်နင်းရန်နှင့် တရုတ်ဝန်ထမ်းများ၏ လုံခြုံရေးကို အာမခံရန် ကတိပြုခဲ့သည်။ ဝမ်ယိသည် ကမ္ဘောဒီးယားနှင့် ထိုင်းနိုင်ငံ ခရီးစဉ်များအပြီးတွင် မြန်မာနိုင်ငံသို့ ဝင်ရောက်ခဲ့ခြင်းဖြစ်သည်။

တရုတ်နိုင်ငံခြားရေး ဝန်ကြီးက နယ်မြေတည်တံ့ရေး အာမခံ

Apr 27

သမ္မတ ထရန့်အား လုပ်ကြံရန် ကြိုးပမ်းသူမှာ မဟာဘွဲ့ရ အင်ဂျင်နီယာ ကျောင်းဆရာဖြစ် သတင်းနှင့် မီဒီယာ ကွန်ရက်။  ၂၀၂၆ ခုနှစ်၊ ဧပြီလ ၂၇ ရက်။ အိမ်ဖြူတော်သတင်းထောက်များအသင်း (WHCA) ၏ နှစ်ပတ်လည် ညစာစားပွဲတွင် အမေရိကန်သမ္မတ ဒေါ်နယ်ထရန့်အား လုပ်ကြံရန် ကြိုးပမ်းမှုဖြင့် အသက် ၃၁ နှစ်အရွယ် ကယ်လီဖိုးနီးယားပြည်နယ်သား ကိုးလ် တောမတ်စ် အလန် (Cole Tomas Allen) ကို ဖမ်းဆီးထိန်းသိမ်းလိုက်သည်။ ကိုးလ် အလန်သည် ကယ်လီဖိုးနီးယား စက်မှုတက္ကသိုလ် (Caltech) ဆင်း စက်မှုအင်ဂျင်နီယာတစ်ဦးဖြစ်ပြီး ကွန်ပျူတာသိပ္ပံ မဟာဘွဲ့ရရှိထားသူ ဖြစ်သည်။ ၎င်းသည် နာဆာ (NASA) တွင် အလုပ်သင်ဆင်းခဲ့ဖူးသည့်အပြင် ဗီဒီယိုဂိမ်းထုတ်လုပ်သူနှင့် အထက်တန်းပြဆရာတစ်ဦးအဖြစ် လုပ်ကိုင်နေသူဖြစ်ကာ ၂၀၂၄ ခုနှစ်၊ ဒီဇင်ဘာလတွင် "တစ်လတာ အကောင်းဆုံးကျောင်းဆရာ" ဆုကိုပင် ရရှိထားသူဖြစ်သည်။ စုံစမ်းစစ်ဆေးချက်များအရ ၎င်းသည် တိုက်ခိုက်မှုမစတင်မီ ၁၀ မိနစ်အလိုတွင် မိသားစုထံသို့ တောင်းပန်စာတစ်စောင် ပေးပို့ခဲ့သည်။ ထိုစာတွင် လက်ရှိအစိုးရ၏ လုပ်ဆောင်ချက်များအပေါ် ပြင်းထန်စွာ မကျေနပ်ကြောင်းနှင့် အစိုးရအဖွဲ့ဝင်များကို ရာထူးအဆင့်အလိုက် ပစ်မှတ်ထားတိုက်ခိုက်ရန် ၎င်းတွင် တာဝန်ရှိသည်ဟု ခံယူထားကြောင်း ဖော်ပြထားသည်။ ၎င်းသည် လော့စ်အိန်ဂျလိစ်မှ ဝါရှင်တန်ဒီစီသို့ ရထားဖြင့် လာရောက်ခဲ့ခြင်းဖြစ်ပြီး၊ ပြောင်းချောသေနတ် တစ်လက်၊ ပစ္စတိုတစ်လက်နှင့် ဓားများကို ကိုင်ဆောင်ကာ လုံခြုံရေးဂိတ်ကို ကျော်ဖြတ်ဝင်ရောက်ရန် ကြိုးပမ်းစဉ် ဖမ်းဆီးခံခဲ့ရခြင်း ဖြစ်သည်။

သမ္မတ ထရန့်အား လုပ်ကြံရန် ကြိုးပမ်းသူမှာ မဟာဘွဲ့ရ အင်ဂျင်နီယာ ကျောင်းဆရာဖြစ်

Apr 27

ရုရှား အကူအညီဖြင့် လုပ်ဆောင်မည့် ထားဝယ် စီမံကိန်းများ အလုပ်ဖြစ်ရန် အလားအလာနည်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၇ ရက်။ ထားဝယ်ရေနက်ဆိပ်ကမ်း စီမံကိန်းအား ရုရှား အကူအညီဖြင့် အသက်သွင်းရန် စစ်အုပ်စုက ကြိုးပမ်းနေမှုမှာ လက်တွေ့၌ မဖြစ်နိုင်ဟု အရပ်ဘက် အဖွဲ့အစည်းများက ပြောသည်။ ထားဝယ်ရေနက်ဆိပ်ကမ်း စီမံကိန်းနယ်မြေအတွင်းရှိ ဗျူဟာမြောက် ပြည်ထောင်စုလမ်းမကြီးအား တော်လှန် ရေး တပ်ဖွဲ့များက ထိန်းချုပ်ထားသဖြင့် ရုရှားနိုင်ငံ၏ အကူအညီဖြင့် စစ်အုပ်စုက ပြန်လည်အသက်သွင်းမည့် ကိစ္စမှာ လက်တွေ့၌ ဖြစ်မြောက်လာနိုင်ခြေမရှိကြောင်း ဒေသတွင်း လူ့အခွင့်အရေးလှုပ်ရှားသူများနှင့် အရပ်ဘက် အဖွဲ့အစည်းများက ပြောသည်။ စစ်အုပ်စု၏ စွမ်းအင်ဝန်ကြီး ဦးကိုကိုလွင်သည် ဧပြီလ ၁၇ ရက်နေ့က ရုရှားနိုင်ငံသို့ ရောက်ရှိစဉ်အတွင်း Inter RAO ကုမ္ပဏီနှင့် တွေ့ဆုံ၍ ထားဝယ်ရေနက်ဆိပ်ကမ်း၌ ကျောက်မီးသွေးသုံး လျှပ်စစ်ဓာတ်အားပေးစက်ရုံ၊ ရေနံချက်စက်ရုံနှင့် LNG ဆိပ်ကမ်းများ တည်ဆောက်နိုင်ရေး ဆွေးနွေးခဲ့ခြင်းဖြစ်သည်။ ထို့ပြင် ရုရှားမှ မြန်မာသို့ ရေနံစိမ်းနှင့် ဓာတ်မြေဩဇာများ သက်သာသောဈေးနှုန်းဖြင့် တင်ပို့နိုင်ရန် စီးပွားရေးနှင့် နည်းပညာဆိုင်ရာ ပူးပေါင်းဆောင်ရွက်မှုစာချွန်လွှာ (MoC) ကိုလည်း လက်မှတ်ရေးထိုးခဲ့သည်။ ယခင်အစိုးရ လက်ထက်ကတည်းက ဒေသခံများ ပြင်းပြင်းထန်ထန် ကန့်ကွက်ခဲ့သည့် စီမံကိန်းများကို စစ်တပ် က ပြန်လည်စတင်ရန် ပြင်ဆင်နေသည့်အပေါ် ထားဝယ်အမျိုးသမီးသမဂ္ဂ အထွေထွေအတွင်းရေးမှူး-၁ မယ်းသီတာက ယခုကဲ့သို့ ပြောသည်။ “ကျောက်မီးသွေး လျှပ်စစ်ဓာတ်အားပေးစက်ရုံ ထောင်ဖို့ တောက်လျှောက် အရင်အစိုးရလက်ထက်ကတည်းက ဒီလိုမျိုးလုပ်ခဲ့တာရှိတယ်။ ဒါပေမဲ့ ဒေသခံတွေကလည်း ဒီဟာတွေနဲ့ ပတ်သက်ပြီး တောက်လျှောက် ကန့်ကွက်ခဲ့လို့ပဲ ရပ်သွားခဲ့တာပေါ့နော်။ လူထုက ဒီဟာနဲ့ ပတ်သက်လာရင်တော့ ငြိမ်နေမှာ မဟုတ်ဘူးပေါ့နော်။ သူတို့ စီမံကိန်း အကောင်အထည်ဖော်ဖို့ကျတော့ သူတို့ထင်သလိုတော့ မလွယ်ကူလောက်ဘူးလို့ သုံးသပ်မိတာပေါ့နော်” ဟု မယ်သီတာက ပြောသည်။ စစ်အုပ်စုသည် နိုင်ငံခြားဝင်ငွေရရှိရန် ရည်ရွယ်ချက်ဖြင့် နယ်မြေရှင်းလင်းရေးများ လုပ်ဆောင်ခဲ့သော်လည်း လက်ရှိအချိန်အထိ စီမံကိန်းနယ်မြေမှာ တည်ငြိမ်မှုမရှိသေးကြောင်း လူ့အခွင့်အရေး မှတ်တမ်းကွန်ရက် မြန်မာနိုင်ငံ (ND-Burma) ၏ ပြောရေးဆိုခွင့်ရှိသူ နိုင်အဲမွန်က ထောက်ပြသည်။ နိုင်အဲမွန်က “သူတို့ပြန်ပြီးတော့ ဖော်ဆောင်ချင်တာ မနှစ်တစ်နှစ်ကတည်းက။ အခုရုရှားရဲ့ အကူအညီတွေနဲ့ စက်မှုစွမ်းအားတွေ ပြန်ပြီးတော့ ဖော်ဆောင်မယ် နိုင်ငံခြားဝင်ငွေရအောင် လုပ်မယ်ဆိုတဲ့ ရည်ရွယ်ချက်နဲ့ နယ် မြေ ရှင်းလင်းရေးတွေ လုပ်ခဲ့တာ။ ဒါပေမဲ့ ဒီနေ့ကာလအထိ အဲ့ဒီနေရာက တကယ် တည်ငြိမ်တဲ့နေရာ မဖြစ် ဘူး။ ဆိုတော့ လွယ်လွယ်တော့ သူတို့ လုပ်လို့ ရလိမ့်မယ်လို့မထင်ဘူး” ဟု ပြောသည်။ စီမံကိန်းကို ပြန်လည်စတင်မည်ဟု စစ်အုပ်စုက ကြေညာပြီးနောက်ပိုင်း နဘုလယ်ဒေသရှိ ကျေးရွာများ အတွင်း သို့ စစ်တပ်က အင်အားအလုံးအရင်းဖြင့် စစ်ကြောင်းထိုးလာသဖြင့် ဒေသခံထောင်နှင့်ချီ မှာ ဘေးလွှတ်ရာသို့ ထွက်ပြေးတိမ်းရှောင်နေရသည်။ ဒေါနတနင်္သာရီ-စစ်ဘေးရှောင်များ အထောက်အကူပြုရေးအဖွဲ့မှ ကိုယောနသံက “စီမံကိန်းကို ပြန်စတင်မယ် လို့ စစ်တပ်ဘက်က ပြောလာတာတွေရှိတော့ ဒီဒေသတစ်ဝိုက်ကို ထိန်းချုပ်နိုင်ရေးအတွက် စစ်တပ်ဘက်က စစ်အင်အား အလုံးအရင်း အသုံးပြုပြီးတော့မှ စစ်ကြောင်းထိုးတာ၊ ရေကြောင်းနဲ့ လေကြောင်း ပစ်ကူတွေနဲ့ပါ တိုက်ခိုက်တာမျိုးတွေလုပ်ပြီး တော်လှန်ရေးတပ်ဖွဲ့တွေနဲ့ စစ်ရေးတင်းမာမှုတွေ အရင်ကထက် ပိုပြီးတော့ မြင့်မားလာမှာကိုတော့ ဒေသခံပြည်သူတွေအနေနဲ့ စိုးရိမ်နေကြတာ ရှိပါတယ်” ဟု ပြောသည်။ လက်ရှိတွင် အင်အား ၁၂၀ ခန့်ပါဝင်သော စစ်တပ် စစ်ကြောင်းသည် နဘုလယ်ဒေသရှိ ကျေးရွာများအတွင်း တစ်ရွာဝင်တစ်ရွာထွက် ဝင်ရောက်စီးနင်းမှုများ လုပ်ဆောင်နေပြီး ဧပြီလ ၂၀ ရက်နေ့ကလည်း ထိန်ကြီးကျေးရွာ ရှိ မင်္ဂလာဆောင်တစ်ခုကို ဝင်ရောက်စီးနင်းကာ ဒေသခံ ၂၀ ကျော်ကို ခေတ္တဖမ်းဆီးထိန်းသိမ်းခဲ့သေးသည်။ ထားဝယ်အမျိုးသမီးသမဂ္ဂကမူ ယခုအခင်းအကျင်းအရ စီမံကိန်းကြောင့် ပြည်သူများ ပိုမိုထိခိုက်လာနိုင်သဖြင့် နိုင်ငံတကာမှ ဝိုင်းဝန်းဖိအားပေးရန်နှင့် ဒေသတွင်း တော်လှန်ရေးအင်အားစုများအနေဖြင့်လည်း ပြည်သူလူထုကို မျက်နှာမူသည့် တူညီသောအသံဖြင့် ကန့်ကွက်ပေးကြရန် တိုက်တွန်းထားသည်။ စာရွက်ပေါ်မှ သဘောတူညီချက်များသည် မြေပြင်စစ်ရေးနှင့် လူထုကန့်ကွက်မှုများကြားတွင် လက်တွေ့ ဖြစ်လာရန် ခက်ခဲနေဦးမည်ဖြစ်ကြောင်း အရပ်ဘက်အဖွဲ့အစည်းများက ထောက်ပြပြောဆိုထားသည်။ #ထားဝယ်ရေနက်ဆိပ်ကမ်းစီမံကိန်း

ရုရှား အကူအညီဖြင့် လုပ်ဆောင်မည့် ထားဝယ် စီမံကိန်းများ အလုပ်ဖြစ်ရန် အလားအလာနည်း

Apr 27

ဖားကန့်တွင် စစ်ရေးတင်းမာ၊ အရပ်သားများ ထိခိုက်သေဆုံးမှုများ ရှိနေ သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၇ ရက်။ ကချင်ပြည်နယ် ဖားကန့်တွင် စစ်ရေး တင်းမာနေပြီး အရပ်သား ထိခိုက် သေကြေမှုများ ရှိနေသည်ဟု ဒေသခံများက ပြောသည်။ ကချင်ပြည်၊ ဖားကန့်တွင် စစ်တပ်နှင့် ပြည်သူ့စစ် ပူးပေါင်းအဖွဲ့များက စစ်ကြောင်းထိုး ဝင်ရောက်လာပြီးနောက် အရပ်သားပြည်သူများကို ပစ်သတ်မှုများ ဆက်တိုက်ကျူးလွန်နေသဖြင့် ဒေသအတွင်း စစ်ရေးအခြေအနေ အလွန်တင်းမာနေကာ အချိန်မရွေး တိုက်ပွဲကြီးများ ပေါက်ကွဲလာနိုင်ကြောင်း ဒေသခံများက ပြောသည်။ ဧပြီလ ၂၄ ရက်နှင့် ၂၅ ရက်နေ့များအတွင်း ဖားကန့်မြို့နယ်၌ စစ်တပ်၏ ပစ်ခတ်မှုကြောင့် အမျိုးသမီးတစ်ဦး အပါအဝင် အနည်းဆုံး အရပ်သား ၄ ဦး သေဆုံးခဲ့သည်။ ဧပြီလ ၂၄ ရက်နေ့က ဖားကန့်-ကာမိုင်းလမ်းပေါ်ရှိ နန့်ယားကျေးရွာ အနီးတွင် ခရီးသွားကားတစ်စီးကို စစ်တပ်က ပစ်ခတ်ခဲ့ရာ အသက် ၂၆ နှစ်အရွယ် မရွှေဇင်ဦး သေဆုံးခဲ့ပြီး အမျိုးသားတစ်ဦး ပြင်းထန်ဒဏ်ရာ ရရှိခဲ့သည်။ ထို့ပြင် ဧပြီလ ၂၅ ရက်နေ့ မွန်းလွဲပိုင်း၌လည်း လုံးခင်းကျေးရွာအုပ်စု အတွင်းရှိ မှော်ဆီစာနှင့် အောင်သာယာ ကျေးရွာတို့တွင် အမျိုးသား ၃ ဦး ထပ်မံပစ်သတ်ခံခဲ့ရသည်။ ကချင်လွတ်လပ်ရေးအဖွဲ့ (KIO) ပြောရေးဆိုခွင့်ရှိသူ ဗိုလ်မှူးကြီးနော်ဘူက “ဖားကန့်ဖက်မှာ စစ်ရေးလှုပ်ရှားမှု တွေကတော့ နေ့တိုင်းရှိပါတယ်။ အဲဒီလုံးခင်းဖက်က ဆေးဆိုင်တွေ၊ တည်းခိုခန်းတွေ တော်တော်များများမှာ သူတို့ဝင်ပြီးမှ ပြည်သူလူထုတွေကို ဖမ်းသွားတာ။ နောက် သူတို့ မသင်္ကာတဲ့ ရပ်ကွက်ထဲမှာ ဗျူဟာကုန်းကနေ လက်နက်ကြီး ပစ်လို့ ပြည်သူလူထုတွေ ထိခိုက်တာလည်း နေ့တိုင်းလိုရှိပါတယ်။ ဖားကန့်တစ်ခွင်လုံးမှာ အချိန်မရွေးတိုက်ပွဲတွေ ဖြစ်နိုင်တဲ့ အခြေအနေဖြစ်ပါတယ်” ဟု ပြောသည်။ မြေပြင်စစ်ရေး သတင်းရင်းမြစ်များ၏ အဆိုအရ ဧပြီလ ၂၅ ရက်နေ့ မွန်းတည့်ချိန်တွင် လုံးခင်းဂေါက်ကွင်းနှင့် ဆေးရုံဟောင်းတလျှောက် တပ်စွဲထားသည့် စစ်တပ်နှင့် ပြည်သူ့စစ်ပူးပေါင်းအဖွဲ့များကို KIA နှင့် PDF ပူးပေါင်း တပ်များက ဒရုန်းဖြင့် ဗုံးကြဲတိုက်ခိုက်ခဲ့ရာ စစ်တပ်ဘက်မှ သေဆုံးမှုရှိခဲ့ကြောင်း သိရသည်။ အဆိုပါ တိုက်ခိုက်မှုကြောင့် အထိနာသွားသည့် စစ်တပ်က ရမ်းသမ်းပစ်ခတ်မှုများ လုပ်ဆောင်ရာမှ အရပ်သား များ သေဆုံးခဲ့ခြင်း ဖြစ်နိုင်ကြောင်း ဒေသခံများက ပြောသည်။ လက်ရှိတွင် စစ်တပ်သည် ဆုံးရှုံးသွားသော နယ်မြေများကို ပြန်လည်ရယူရန်အတွက် အမှတ် (၃) ဒေသကွပ်ကဲမှု စစ်ဌာနချုပ်နှင့် တပ်မ (၃၃) လက်အောက်ခံတပ်ရင်းများ အပြင် ဝါရာဇွပ်ပြည်သူ့စစ် အင်အားများကိုပါ အသုံးပြု၍ ဖားကန့်ကျောက်စိမ်းမြေ အတွင်းသို့ အလုံးအရင်းဖြင့် စစ်ကြောင်းထိုးနေသည်။ စစ်တပ် စစ်ကြောင်းများ ဆက်တိုက်ဝင်ရောက်လာခြင်းကြောင့် KIA အမှတ် (၆) တပ်ရင်းက ဖားကန့်-နန့်ယား-ကာမိုင်း လမ်းပိုင်းကို ဧပြီ ၂၂ ရက်နေ့မှစတင်ကာ အများပြည်သူ အနေဖြင့် ဖြတ်သန်းသွားလာခြင်း မပြုရန် ရက်အကန့်အသတ်မရှိ ပိတ်ပင်ထားသည်။ ဖားကန့်ဒေသတွင် ပြီးခဲ့သည့် ဖေဖော်ဝါရီလနှင့် ဧပြီလလယ်ပိုင်းကလည်း စစ်တပ်က အရပ်သားများကို ပစ်သတ်၍ လမ်းပေါ်တွင် အလောင်းစွန့်ပစ်ခဲ့သည့် ဖြစ်စဉ်များ ရှိခဲ့ဖူးသည်။ #ဖားကန့်တိုက်ပွဲ #အရပ်သားထိခိုက်မှု

ဖားကန့်တွင် စစ်ရေးတင်းမာ၊ အရပ်သားများ ထိခိုက်သေဆုံးမှုများ ရှိနေ

Apr 27

တနင်္သာရီတိုင်းတွင် စစ်တပ်၏ အခိုင်အမာ စခန်းတစ်ခုကို KNLA ပူးပေါင်းတပ်များ သိမ်းပိုက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဧပြီလ ၂၇ ရက်။ မြိတ်-ကော့သောင်း လမ်းပေါ်ရှိ စစ်တပ်၏ ဘိုဒါးစခန်းကို KNLA ပူးပေါင်းတပ်များ တိုက်ခိုက်သိမ်းပိုက် လိုက်သည်။ တနင်္သာရီတိုင်းဒေသကြီး၊ ဘုတ်ပြင်းမြို့နယ်အတွင်းရှိ မြိတ်-ကော့သောင်း ပြည်ထောင်စုကားလမ်းမပေါ်တွင် အခိုင်အမာတပ်စွဲထားသည့် စစ်တပ်၏ ဘိုဒါးစခန်းကို KNLA နှင့် ပူးပေါင်းတပ်ဖွဲ့များက ၅ ရက်ကြာ တိုက်ခိုက် ပြီးနောက် သိမ်းပိုက်နိုင်ခဲ့ခြင်းသည်။ ဘုတ်ပြင်းမြို့နှင့် ပြည်ကြီးမဏ္ဍိုင်မြို့အကြား အမှတ် (၈) ပြည်ထောင်စုကားလမ်းပေါ်တွင် တည်ရှိပြီး စစ်တပ်က ၂ နှစ်ကျော်ကြာ တပ်စွဲထားသည့် အဆိုပါစခန်းကို ကရင်အမျိုးသား လွတ်မြောက်ရေး တပ်မတော် (KNLA) နှင့် ပြည်သူ့ကာကွယ်ရေး ပူးပေါင်းတပ်ဖွဲ့များက ဧပြီလ ၂၄ ရက်နေ့ ညနေ ၃ နာရီခန့်တွင် သိမ်းပိုက်နိုင်ခဲ့ခြင်း ဖြစ်ကြောင်း KNU တပ်မဟာ (၄) မြိတ်-ထားဝယ်ခရိုင်က ထုတ်ပြန်သည်။ တိုက်ပွဲအခြေအနေနှင့် ပတ်သက်၍ KNU တပ်မဟာ (၄) ၏ အတွင်းရေးမှူး ပဒိုစောအယ်နားက “စခန်းကနေ စစ်တပ်တပ်ဖွဲ့ဝင်တွေ အားလုံး ထွက်ပြေးသွားကြတယ်။ ပူးပေါင်းအဖွဲ့တွေဘက်က ဘာမှထိခိုက်ကျဆုံးမှု မရှိဘူး။ အရပ်သားတွေလည်း ဖမ်းဆီးသတ်ဖြတ်ခံရတာမျိုးတွေလည်း မရှိဘူး” ဟု အတည်ပြုပြောသည်။ ဘိုဒါးစခန်းတွင် စစ်တပ် လက်အောက်ခံ တပ်သားအယောက် ၂၀ ခန့် အခြေစိုက်ထားခြင်း ဖြစ်ပြီး ပူးပေါင် းတပ်ဖွဲ့များဘက်မှ ဒရုန်းဖြင့် ဗုံးသီးချတိုက်ခိုက်မှုများ ပြုလုပ်ခဲ့ရာ စစ်သားများ စခန်းကိုစွန့်ခွာ၍ ထွက်ပြေးသွားကြခြင်းဖြစ်သည်။ အဆိုပါစခန်းကို ဧပြီလ ၂၀ ရက်နေ့ကတည်းက စတင်ထိုးစစ်ဆင်ခဲ့ခြင်းဖြစ်ပြီး တိုက်ပွဲ ၅ ရက်မြောက်နေ့တွင် နယ်မြေရှင်းလင်းရေး လုပ်ဆောင်နိုင်ခဲ့ခြင်း ဖြစ်သည်။ မြိတ်-ကော့သောင်း လမ်းပိုင်းသည် ဒေသတွင်း ကုန်သွယ်ရေးနှင့် စစ်ရေးအရ အလွန်အရေးပါသည့် လမ်းမကြီး ဖြစ်ပြီး ယခုကဲ့သို့ စစ်တပ်၏ အခိုင်အမာစခန်း တစ်ခုကို သိမ်းပိုက်နိုင်ခြင်းသည် တော်လှန်ရေးတပ်ဖွဲ့များ အတွက် လမ်းပိုင်းစိုးမိုးမှုတွင် အားသာချက်တစ်ခု ဖြစ်လာနိုင်ကြောင်း စစ်ရေးလေ့လာသူများက သုံးသပ်ကြ သည်။ လက်ရှိတွင် သိမ်းပိုက်ရရှိထားသည့် ဘိုဒါးစခန်းပတ်ဝန်းကျင်၌ နယ်မြေစိုးမိုးရေးလုပ်ငန်းများ ဆက်လက် ဆောင် ရွက်နေပြီး ဒေသခံပြည်သူများအနေဖြင့် ခရီးသွားလာရာတွင် စစ်ရေးသတိရှိကြရန် တော်လှန်ရေး ပူးပေါင်း တပ်ဖွဲ့များက အသိပေးထားသည်။ #ဘိုဒါးစခန်း #KNUတပ်မဟာ၄ #KNLA #မြိတ်ထားဝယ်ခရိုင်

တနင်္သာရီတိုင်းတွင် စစ်တပ်၏ အခိုင်အမာ စခန်းတစ်ခုကို KNLA ပူးပေါင်းတပ်များ သိမ်းပိုက်

« Prev 1 … 45 46 47 48 49 … 1,081 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

Bloody Ballot Boxes and an Election Under the Shadow of “Made in China” — February 16, 2026 2:29 pm
IDPs Face Severe Medicine Shortages in Paletwa Township — November 7, 2024 3:02 pm
1,000 Displaced Need Urgent Aid in Pinlaung Township, Shan State — October 30, 2024 1:52 pm

Recent Posts

မောင်တောမြို့နယ်အတွင်း ထိုးဖောက်လာသည့် ARSA အဖွဲ့ နှင့် AA တိုက်ပွဲဖြစ်
အီရန် ခေါင်းဆောင်ကြီး အယာတိုလာ ခါမေနီအတွက် ရက်ရှည်ဈာပနအခမ်းအနားများ ပြင်ဆင်
TikTok တိုက်ရိုက်ထုတ်လွှင့်မှုအတွင်း နမ်းခဲ့သည့် အင်ဒိုနီးရှားစုံတွဲတစ်တွဲကို ကြိမ်ဒဏ် ၂၁ ချက်စီ အပြစ်ပေး
တားမြစ်ချက်ကို မလိုက်နာသည့် ရှေးရိုးစွဲ SSPX အဖွဲ့ကို ဗာတီကန် သာသနာ ထုတ်ပယ်
Crypto ငွေကြေးလုပ်ငန်းမှ သမ္မတ ဒေါ်နယ်ထရမ့် ဒေါ်လာ ၁ ဘီလီယံကျော် အမြတ်အစွန်းရ

Archives

Archives

×Close