နိုင်ငံတကာသတင်း

ဥရောပရှိ ဒေးနုဘ် (Danube) မြစ်ရေကျပြီး သမိုင်းဝင် စစ်ကျန် ပစ္စည်းများ ထွက်ပေါ်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၁ ရက်။   အယ်နီညို ရာသီဥတုကြောင့် ဥရောပတိုက်တွင် အပူလှိုင်းဒဏ်နှင့် မိုးခေါင်ရေရှားမှုများကြောင့် မြစ်ရေများ ကျဆင်းသွားခဲ့ပြီး နှစ်ပေါင်းများစွာ မြစ်အောက်တွင် နစ်မြုပ်နေသောရှေးဟောင်း ပစ္စည်းများ ထွက်ပေါ်လာခဲ့သည်။   ဆားဗီးယားနိုင်ငံ အရှေ့ပိုင်းတွင် ‌ဒေးနုဘ် (Danube) မြစ်ရေသည် စံချိန်တင် ကျဆင်းသွားခဲ့ရာ မြစ်ဝှမ်းအောက်တွင် ရာစုနှစ်တစ်ခုနီးပါး မြှုပ်နှံထားခဲ့သည့် ဒုတိယကမ္ဘာစစ်လက်ကျန် နာဇီစစ်သင်္ဘောပျက်အနည်းဆုံး အစီး ၂၀ ၏ ကိုယ်ထည်များနှင့် ရွက်တိုင်ကျိုးများ ရေမျက်နှာပြင်ပေါ်သို့ ပြန်လည်ပေါ်ထွက်လာခဲ့ပါသည်။   ဤဖြစ်စဉ်၏ သမိုင်းကြောင်းမှာ လွန်ခဲ့သော မနှစ်ပေါင်း ၈၀ ကျော် (၁၉၄၄ ခုနှစ်) က စတင်ခဲ့သည်။   ထိုစဉ်က ဆိုဗီယက် တပ်မတော်၏ ထိုးစစ်ကြောင့် အရှေ့ဘက်စစ်မျက်နှာတွင် နာဇီဂျာမနီတပ်များ ဆုတ်ခွာခဲ့ရပြီး ပင်လယ်နက်အခြေစိုက် နာဇီစစ်သင်္ဘော အစင်း ၂၀၀ ခန့်သည် ဒေးနုဘ်မြစ်အတွင်း ပိတ်မိသွားခဲ့သည်။   ၁၉၄၄ ခုနှစ် စက်တင်ဘာလတွင် ဂျာမနီ စစ်သင်္ဘောအုပ်စုမှ ဒုတိယဗိုလ်ချုပ်ကြီး ပေါလ်-ဝီလီ ဇီးဘ် (Paul-Willy Zieb) က ဆိုဗီယက်တပ်များ၏ သိမ်းပိုက်မှုကို တားဆီးရန်နှင့် မြစ်ကြောင်းပိတ်ဆို့ရန်အတွက် မိမိတို့၏ စစ်သင်္ဘော အစင်း ၂၀၀ ကျော်ကို မြစ်အတွင်း သဘာဝအတိုင်း နစ်မြုပ်စေရန် အမိန့်ပေးခဲ့သည်။   ထိုစစ်သင်္ဘောများထဲတွင် မပေါက်ကွဲသေးသည့် ယမ်းဘီလူးများနှင့် လက်နက်ခဲယမ်းများစွာ ပါဝင်နေဆဲဖြစ်သဖြင့် ရေကြောင်းသွားလာရေးအတွက် ဘေးအန္တရာယ်ကြီးမားစွာ ရှိနေဆဲ ဖြစ်သည်။   ဆာဘီးယားအစိုးရက ထိုသင်္ဘောများကို ဆယ်ယူရှင်းလင်းရန် ယူရို သန်း ၃၀ ခန့် အသုံးစရိတ် လျာထားသော်လည်း အန္တရာယ်များလှသည့်အတွက် လုပ်ငန်းစဉ်မှာ အလွန်နှေးကွေးလျက်ရှိသည်။   ယခုနှစ် နွေရာသီ မိုးခေါင်မှုကြောင့် နာဇီစစ်သင်္ဘောများအပြင် အခြားသော သမိုင်းဝင် ရှေးဟောင်းပစ္စည်းများလည်း ဒေးနုဘ် မြစ်ကြောင်းတစ်လျှောက် ပေါ်ထွက်လာခဲ့သည်-   ဟန်ဂေရီ နိုင်ငံ (ဘူဒါပက်စ်)တွင် ဒုတိယကမ္ဘာစစ်လက်ကျန် ဂျာမနီစစ်တပ်သုံး မော်တော်ဆိုင်ကယ် တစ်စီး၊ ဆလိုဗေးကီးယား နိုင်ငံတွင် ပေါင် ၁,၅၄၃ အလေးချိန်ရှိ မပေါက်ကွဲသေးသည့် ဗြိတိသျှစစ်တပ်၏ လေကြောင်းဗုံးတစ်လုံး၊ ဘူဂေးရီးယားနိုင်ငံတွင် ရှေးဟောင်း ရောမဧကရာဇ် ကွန်စတန်တိုင်း တည်ဆောက်ခဲ့သည့် တံတားဟောင်းအကြွင်းအကျန်များနှင့် နှစ်ပေါင်းထောင်ပေါင်းများစွာ သက်တမ်းရှိ မေးမောက် (Woolly Mammoth) ဆင်စွယ်နှင့် အရိုးများ ဖြစ်သည်။   ဥရောပ၏ ဒုတိယအရှည်ဆုံးဖြစ်သော ကီလိုမီတာ ၂,၈၅၀ မြစ်ကြောင်းတစ်လျှောက် ရေကြောင်းခရီးသွား သင်္ဘောများအတွက် ရေနိမ့်ဆင်းမှုသည် အပျော်စီးခရီးစဉ်များ ဖျက်သိမ်းခြင်းနှင့် ခရီးစဉ်ပြောင်းလဲရခြင်းများ ဖြစ်စေခဲ့သည်။   တစ်ဖက်တွင်လည်း ခရီးသွားများအတွက် သဘာဝအလှတရားနောက်ကွယ်မှ ဥရောပ၏ စစ်ပွဲနှင့် သမိုင်းများကို တိုက်ရိုက်မြင်တွေ့ခွင့် ရရှိစေခဲ့သည်။   #Danube

ဥရောပရှိ ဒေးနုဘ် (Danube) မြစ်ရေကျပြီး သမိုင်းဝင် စစ်ကျန် ပစ္စည်းများ ထွက်ပေါ်

ဥရောပရှိ ဒေးနုဘ် (Danube) မြစ်ရေကျပြီး သမိုင်းဝင် စစ်ကျန် ပစ္စည်းများ ထွက်ပေါ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၁ ရက်။  အယ်နီ…

  • August 21, 2026
အယ်လ်နီညိုကြောင့် ပနားမားတူမြောင်း သင်္ဘောသွားလာမှု လျော့ချမည်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၁ ရက်။   အဓိက ကုန်သွယ်ရေး ရေကြောင်းလမ်းကြောင်းတစ်ခုဖြစ်သည့် ပါနားမားတူးမြောင်းအတွင်း နေ့စဉ် သင်္ဘောဖြတ်သန်းသွားလာမှုကို လာမည့် စက်တင်ဘာလ ၃ ရက်နေ့မှစ၍ လျှော့ချ ကန့်သတ်သွားမည်ဖြစ်ကြောင်း ပါနားမားတူးမြောင်း အာဏာပိုင်အဖွဲ့ (Panama Canal Authority) က ကြာသပတေးနေ့တွင် ထုတ်ပြန်ကြေညာခဲ့သည်။   ဤသို့ လျော့ချရခြင်းမှာ အယ်လ်နီညို ရာသီဥတုဖြစ်စဉ်ကြောင့် ကြုံတွေ့နေရသည့် ပြင်းထန်သော မိုးခေါင်ရေရှားမှု ကြောင့် ဖြစ်သည်ဟု အာဏာပိုင်အဖွဲ့က ပြောသည်   အဆိုပါ ကန့်သတ်ချက်များအရ လက်ရှိတွင် တစ်ရက်လျှင် သင်္ဘော ၃၆ စီး ဖြတ်သန်းခွင့်ပြုထားရာမှ ၃၄ စီးသို့ လျှော့ချမည်ဖြစ်ပြီး စက်တင်ဘာလ ၁၅ ရက်နေ့မှစ၍ ၃၂ စီးအထိ ထပ်မံ လျှော့ချသွားမည်ဖြစ်သည်။   အပူပိုင်း ပစိဖိတ်သမုဒ္ဒရာ၏ ဗဟိုနှင့် အရှေ့ပိုင်းဒေသများတွင် ပင်လယ်ရေမျက်နှာပြင် အပူချိန်မြင့်တက်ကာ ကမ္ဘာတစ်ဝန်း လေထုဖိအားနှင့် မိုးရေချိန် အပြောင်းအလဲများကို ဖြစ်ပေါ်စေသည့် အယ်လ်နီညို ဖြစ်စဉ်ကြောင့် ဗဟိုအမေရိက ဒေသအတွင်း ပြင်းထန်သော မိုးခေါင်ရေရှားမှုနှင့် ရင်ဆိုင်နေရခြင်းဖြစ်သည်။   အာတလန္တိတ်နှင့် ပစိဖိတ်သမုဒ္ဒရာတို့ကို ဆက်သွယ်ထားသည့် ပါနားမားတူးမြောင်းသည် ကမ္ဘာ့ ရေကြောင်းကုန်သွယ်မှု၏ ၅ ရာခိုင်နှုန်းနှင့် အမေရိကန် ပြည်ထောင်စု၏ ကွန်တိန်နာ ကုန်စည်ပို့ဆောင်မှု ၄၀ ရာခိုင်နှုန်းခန့်ကို စီမံခန့်ခွဲပေးနေသည့် မဟာဗျူဟာမြောက် ရေကြောင်းလမ်း ဖြစ်သည်။   တူးမြောင်း လည်ပတ်နိုင်ရေးအတွက် မူလက သဘာဝရေကန်ကြီး နှစ်ခုအတွင်း စုစည်းရရှိသည့် မိုးရေကို အဓိက အသုံးပြုရခြင်းဖြစ်သည်။   တူးမြောင်း ရေဝေရေလဲဒေသများတွင် ခန့်မှန်းထားသည်ထက် မိုးရေချိန် နည်းပါးခဲ့သဖြင့် ရေကြောင်းလမ်း ရေရှည်တည်တံ့ခိုင်မြဲရေးအတွက် ယခုကဲ့သို့ အရေးယူဆောင်ရွက်ရခြင်းဖြစ်ကြောင်း တူးမြောင်းအာဏာပိုင်များက ပြောကြားသည်။   ယင်းမတိုင်မီကလည်း အကြီးစား သင်္ဘောကြီးများအတွက် ရေစိမ်ဝင်မှု အနက် (Draft) ကို လျှော့ချခြင်းအပါအဝင် အခြား ရေထုထိန်းသိမ်းရေး အစီအမံများကို လုပ်ဆောင်ခဲ့ပြီးဖြစ်သည်။   အယ်လ်နီညို ဖြစ်စဉ်သည် ပုံမှန်အားဖြင့် ၂ နှစ်မှ ၇ နှစ်အတွင်း တစ်ကြိမ် ဖြစ်ပွားလေ့ရှိပြီး ယခုနှစ် အယ်လ်နီညိုသည် စံချိန်တင် အပြင်းထန်ဆုံးဖြစ်စဉ်များထဲမှ တစ်ခု ဖြစ်လာဖွယ်ရှိသည်။   ပြီးခဲ့သည့် ဗုဒ္ဓဟူးနေ့ကလည်း ဗဟိုအမေရိကနိုင်ငံတစ်ခုဖြစ်သည့် ဟွန်ဒူးရပ်စ်အစိုးရက နိုင်ငံဧရိယာ၏ ၈၀ ရာခိုင်နှုန်းကို မိုးခေါင်ရေရှားမှု သတိပေးချက် ထုတ်ပြန်ခဲ့သည်။   #ပနားမားတူးမြောင်း #အယ်လ်နီညို

အယ်လ်နီညိုကြောင့် ပနားမားတူမြောင်း သင်္ဘောသွားလာမှု လျော့ချမည်

အယ်လ်နီညိုကြောင့် ပနားမားတူမြောင်း သင်္ဘောသွားလာမှု လျော့ချမည် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၁ ရက်။  အဓိက ကုန်သွယ်ရေး ရေကြ…

  • August 21, 2026
အချိုရည် သောက်သူများ အစာအိမ်ကင်ဆာ ဖြစ်နိုင်ချေ ၃ ဆပို 

အချိုရည် သောက်သူများ အစာအိမ်ကင်ဆာ ဖြစ်နိုင်ချေ ၃ ဆပို 

အချိုရည် သောက်သူများ အစာအိမ်ကင်ဆာ ဖြစ်နိုင်ချေ ၃ ဆပို  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၀ ရက်။  သကြားပါဝင်သည့် အချိုရည်များ သ…

  • August 20, 2026
ဓာတ်ဆီပြတ်လပ်မှုကြောင့် မော်စကိုနှင့် ရုရှားတစ်ဝှမ်း ရောင်းချမှု ကန့်သတ်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၀ ရက်။   မော်စကိုမြို့အပါအဝင် ရုရှားနိုင်ငံတစ်ဝှမ်းတွင် စက်သုံးဆီ လိုအပ်ချက် မြင့်မားနေခြင်းကြောင့် ဆီဆိုင်အများစု၌ ဓာတ်ဆီ ရောင်းချမှုကို ကန့်သတ်ချက်များ ပြန်လည်ထုတ်ပြန်လိုက်သည်။   ယူကရိန်း၏ ဒရုန်းနှင့် လေကြောင်းတိုက်ခိုက်မှုများကြောင့် ရုရှားနိုင်ငံအတွင်းရှိ ရေနံချက်စက်ရုံများ ထိခိုက်ခဲ့သည့်အပြင် နွေရာသီ ခရီးသွားလာမှု လိုအပ်ချက် မြင့်မားခြင်းတို့ကြောင့် ဆီပြတ်လပ်မှုများ ကြုံတွေ့နေရခြင်းဖြစ်သည်။   စက်သုံးဆီ ရောင်းချမှု ကန့်သတ်ချက်များသည် ကုမ္ပဏီအလိုက် ကွဲပြားမှုရှိသည်။   Rosneft ကုမ္ပဏီက တစ်နိုင်ငံလုံးရှိ ဆီဆိုင်များတွင် ယာဉ်တစ်စီးလျှင် ဓာတ်ဆီ ၃၀ လီတာနှုန်း ကန့်သတ်ရောင်းချပေးနေပြီး ဒီဇယ်ကိုမူ ကန့်သတ်ထားခြင်း မရှိပေ။   Gazprom Neft ကုမ္ပဏီ၏ အော်တိုမက်တစ် စက်သုံးဆီဆိုင်များတွင် ဓာတ်ဆီနှင့် ဒီဇယ်ကို တစ်ဦးလျှင် ၄၀ လီတာနှုန်း ကန့်သတ်ထားကာ သာမန်ဆိုင်များတွင် ဓာတ်ဆီကို ယာဉ်တစ်စီးလျှင် ၆၀ လီတာအထိ ကန့်သတ်ထားသည်။   Tatneft ကုမ္ပဏီကမူ ဓာတ်ဆီကို ယာဉ်တစ်စီးလျှင် ၅၀ လီတာနှုန်း ကန့်သတ်ထားသည်။   ပြည်တွင်း စက်သုံးဆီ လုံလောက်မှုရှိစေရန်အတွက် ရုရှားအစိုးရသည် ဓာတ်ဆီနှင့် ဒီဇယ် ပြည်ပတင်ပို့မှုကို ပိတ်ပင်ထားသည်။   ထို့အပြင် စက်သုံးဆီ အရည်အသွေး သတ်မှတ်ချက်များကို လျှော့ချကာ ပြည်ပမှ စက်သုံးဆီ ပြန်လည်တင်သွင်းမှုများ စတင်ပြုလုပ်နေသည်။ #Russia #FuelCrisis

ဓာတ်ဆီပြတ်လပ်မှုကြောင့် မော်စကိုနှင့် ရုရှားတစ်ဝှမ်း ရောင်းချမှု ကန့်သတ်

ဓာတ်ဆီပြတ်လပ်မှုကြောင့် မော်စကိုနှင့် ရုရှားတစ်ဝှမ်း ရောင်းချမှု ကန့်သတ် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၀ ရက်။  မော်စကိုမြို့အပါ…

  • August 20, 2026
ထိုင်း-မြန်မာ နယ်စပ်ဖြတ်ကျော် ရာဇဝတ်မှုများ နှိမ်နင်းရန် စစ်ဦးစီးချုပ်များဆွေးနွေး   သတင်းနှင့် မီဒီယာ ကွန်ရက်
၂၀၂၆ ခုနှစ်၊ ဩဂုတ်လ ၂၀ ရက်။   ထိုင်းတပ်မတော် ကာကွယ်ရေးဦးစီးချုပ် ဗိုလ်ချုပ်ကြီး ဥခရစ် ဘွန်တာနွန် (Ukrit Boontanon) နှင့် မြန်မာတပ်မတော် ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး ဦးဆောင်သော ကိုယ်စားလှယ်အဖွဲ့တို့သည် ဩဂုတ်လ ၁၉ ရက် မွန်းလွဲပိုင်းတွင် တရားဝင် တွေ့ဆုံဆွေးနွေးခဲ့ကြသည်။   ဆွေးနွေးပွဲတွင် ကျားဖြန့် လိမ်လည်မှုများ၊ လူကုန်ကူးမှုနှင့် မူးယစ်ဆေးဝါး ရောင်းဝယ်မှု စသည့် နယ်စပ်ဖြတ်ကျော် ရာဇဝတ်မှုများကို ပူးပေါင်းနှိမ်နင်းရေး အပါအဝင် တောမီး၊ မြူခိုးနှင့် ရေကြီးမှု စသည့် သဘာဝဘေးအန္တရာယ် ပူးပေါင်းဖြေရှင်းရေး ကိစ္စရပ်များကို ဆွေးနွေးခဲ့ကြသည်။   မြန်မာစစ်သည်များ ထိုင်းဘာသာစကား ပိုမိုကျွမ်းကျင်စေရန်နှင့် တပ်မတော်နှစ်ရပ်ကြား နားလည်မှု ပိုမိုရရှိစေရန်အတွက် အဆင့်မြင့် ပညာရေးနှင့် သင်တန်းများ ပေးအပ်ရန် မြန်မာဘက်က အဆိုပြုခဲ့သည်။     ထိုင်းဘက်ကလည်း စစ်ဘက်ဆိုင်ရာ လေ့ကျင့်ရေး သင်တန်းများတွင် မြန်မာစစ်အရာရှိများ ဆက်လက်ပါဝင်ရေးကို ကြိုဆိုခဲ့သည်။   ထို့အပြင် နယ်စပ်ဒေသ တည်ငြိမ်ရေးအတွက် မြို့နယ်၊ ဒေသဆိုင်ရာနှင့် အဆင့်မြင့်အရာရှိကြီးများ ကော်မတီ (TBC၊ RBC နှင့် HLC) စသည့် နယ်စပ်ကော်မတီ ယန္တရားများကို အသုံးပြု၍ နယ်စပ်ဒေသအား ငြိမ်းချမ်းရေးနှင့် ဖွံ့ဖြိုးတိုးတက်ရေးဇုန် ဖြစ်လာစေရန် ဆွေးနွေးခဲ့ကြကြောင်း Transborder News ဝက်ဘ်ဆိုက်တွင် ဖော်ပြထားသည်။   မြန်မာတပ်မတော် ကာကွယ်ရေးဦးစီးချုပ်သည် ထိုင်းကာကွယ်ရေးဝန်ကြီး ဒုတိယဗိုလ်ချုပ်ကြီး Adul Boonthamcharoen နှင့်လည်း သီးခြားတွေ့ဆုံခဲ့ပြီး ဩဂုတ်လ ၂၀ ရက်မှ ၂၁ ရက်အထိ ကျင်းပသည့် (၉) ကြိမ်မြောက် ထိုင်း-မြန်မာ အဆင့်မြင့်အရာရှိကြီးများ ကော်မတီ အစည်းအဝေးသို့လည်း တက်ရောက်လျှက်ရှိသည်။   #Ukrit_Boontanon #ဗိုလ်ချုပ်ကြီး ရဲဝင်းဦး

ထိုင်း-မြန်မာ နယ်စပ်ဖြတ်ကျော်ရာဇဝတ်မှုများ နှိမ်နင်းရန် စစ်ဦးစီးချုပ်များဆွေးနွေး

ထိုင်း-မြန်မာ နယ်စပ်ဖြတ်ကျော်ရာဇဝတ်မှုများ နှိမ်နင်းရန် စစ်ဦးစီးချုပ်များဆွေးနွေး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၀ ရက်။  ထိုင်းတ…

  • August 20, 2026
ဗြိတိန်တွင် ခိုလှုံခွင့်တောင်းခံသူများ လိုက်နာရန် ပြုမူနေထိုင်မှု လမ်းညွှန်ချက် ထုတ်ပြန်   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၂၀ ရက်။   ဗြိတိန်နိုင်ငံ ပြည်ထဲရေးဝန်ကြီးဌာန (Home Office) သည် နိုင်ငံအတွင်း ရောက်ရှိနေသည့် ခိုလှုံခွင့်တောင်းခံသူများ လိုက်နာရမည့် ပြုမူနေထိုင်ရေးဆိုင်ရာ လမ်းညွှန်စာအုပ်ငယ်ကို ထုတ်ပြန်လိုက်သည်။   စာမျက်နှာ (၉) မျက်နှာပါဝင်သည့် အဆိုပါ လမ်းညွှန်တွင် ဗြိတိန်နိုင်ငံ၏ ဥပဒေနှင့် ဓလေ့ထုံးစံများသည် လျှောက်ထားသူများ၏ မိခင်နိုင်ငံများနှင့် ကွဲပြားနိုင် သဖြင့် ပြည်သူ့နီတိ၊ အမျိုးသားနှင့် အမျိုးသမီး တန်းတူအခွင့်အရေး၊ လိင်ပိုင်းဆိုင်ရာ သဘောတူညီချက် စသည့် အကြောင်းအရာများကို အဓိက ထည့်သွင်းဖော်ပြထားသည်။   အထူးသဖြင့် ပြည်သူ့နီတိနယ်ပယ်တွင် လမ်းသွားလမ်းလာများကို လှောင်ပြောင်ခြင်း သို့မဟုတ် လိင်ပိုင်းဆိုင်ရာ ရာဂပါသည့် စကားများ ပြောဆိုခြင်း မပြုရန် တားမြစ်ထားသည်။   ထို့အပြင် ဗြိတိန်နိုင်ငံတွင် အမျိုးသမီးများသည် အမျိုးသားများ၏ ခွင့်ပြုချက်မလိုဘဲ အလုပ်လုပ်ပိုင်ခွင့်၊ ပညာသင်ယူပိုင်ခွင့်နှင့် ခရီးသွားလာပိုင်ခွင့် အပြည့်အဝရှိကြောင်း အသိပေးထားသည်။   အဆိုပါ ဥပဒေနှင့် လမ်းညွှန်ချက်များကို ဖောက်ဖျက်ပါက ရဲတပ်ဖွဲ့၏ အရေးယူမှုကို ခံရမည့်အပြင် ခိုလှုံခွင့် ထောက်ပံ့ကြေးများ ဆုံးရှုံးခြင်း၊ ခိုလှုံခွင့် လျှောက်ထားမှုကို ထိခိုက်ခြင်းနှင့် ပြည်နှင်ဒဏ်ပေးခံရခြင်းတို့ ကြုံတွေ့ရနိုင်ကြောင်း ပြည်ထဲရေးဝန်ကြီးဌာနက သတိပေးထားသည်။   ယခု ထုတ်ပြန်ချက်အပေါ် အတိုက်အခံ ကွန်ဆာဗေးတစ်ပါတီနှင့် Reform UK ပါတီတို့က ဝေဖန်ခဲ့ပြီး ဥပဒေချိုးဖောက်သူများကို သင်တန်းပေးနေရုံဖြင့် မလုံလောက်ဘဲ ပြည်နှင်ဒဏ် ချက်ချင်းပေးသင့်ကြောင်း ပြောကြားခဲ့သည်။   ပြည်ထဲရေးဝန်ကြီးဌာန၏ စာရင်းများအရ ၂၀၂၅ ခုနှစ် ဧပြီလမှ ၂၀၂၆ ခုနှစ် မတ်လအထိ ဗြိတိန်တွင် ခိုလှုံခွင့်လျှောက်ထားသူ ၉၃,၀၀၀ ကျော်ရှိခဲ့ကာ ယခင်နှစ်ထက် ၁၂ ရာခိုင်နှုန်း လျော့ကျသွားကြောင်းနှင့် တရားမဝင် လာရောက်သူများနှင့် ရာဇဝတ်မှုကျူးလွန်သူ အမြောက်အမြားကို မူလနိုင်ငံများသို့ ပြန်လည်နှင်ထုတ်ခဲ့ပြီးဖြစ်သည်။ #UKHomeOffice

ဗြိတိန်တွင် ခိုလှုံခွင့်တောင်းခံသူများ လိုက်နာရန် ပြုမူနေထိုင်မှု လမ်းညွှန်ချက် ထုတ်ပြန်

ဗြိတိန်တွင် ခိုလှုံခွင့်တောင်းခံသူများ လိုက်နာရန် ပြုမူနေထိုင်မှု လမ်းညွှန်ချက် ထုတ်ပြန် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၀ ရက်။  …

  • August 20, 2026

အစိုးရ ပိတ်လို့ လူသိပိုများလာတဲ့ အိန္ဒိယ ရုပ်ရှင်ကား

အစိုးရ ပိတ်လို့ လူသိပိုများလာတဲ့ အိန္ဒိယ ရုပ်ရှင်ကား သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၂၀ ရက်။  အိန္ဒိယ နိုင်ငံတွင် လူ့အခွင့်အရ…

  • August 20, 2026
တရုတ်နိုင်ငံခြားရေးဝန်ကြီး ဝမ်ယိ တောင်ကိုရီးယားနှင့် အင်ဒိုနီးရှားသို့ သွားမည်   သတင်းနှင့် မီဒီယာ ကွန်ရက်
၂၀၂၆ ခုနှစ်၊ ဩဂုတ်လ ၁၉ ရက်။   တရုတ်နိုင်ငံခြားရေးဝန်ကြီး ဝမ်ယိ (Wang Yi) သည် တောင်ကိုရီးယားနှင့် အင်ဒိုနီးရှားနိုင်ငံများသို့ ဩဂုတ်လ ၁၉ ရက်မှ ၂၂ ရက်နေ့အထိ သွားရောက်မည့် ၄ ရက်ကြာ တရားဝင် ခရီးစဉ်ကို စတင်လိုက်ပြီကြောင်း ဆင်ဟွာ သတင်းဌာနက ထုတ်ပြန်သည်။   ယင်းခရီးစဉ်သည် ဝမ်ယိအတွက် ၅ နှစ်တာကာလအတွင်း တောင်ကိုရီးယားနိုင်ငံသို့ ပထမဆုံးအကြိမ် သွားရောက်ခြင်းဖြစ်ပြီး ဩဂုတ်လ ၁၉ ရက်မှ ၂၀ ရက်နေ့အထိ သွားရောက်မည် ဖြစ်သည်။   ခရီးစဉ်အတွင်း တောင်ကိုရီးယား သမ္မတ လီဂျေမြောင် (Lee Jae Myung) နှင့် တွေ့ဆုံကာ နှစ်နိုင်ငံ ဆက်ဆံရေးနှင့် ဒေသတွင်း ရေးရာများကို ဆွေးနွေးမည်ဖြစ်သည်။   နိုင်ငံခြားရေးဝန်ကြီး ချိုဟျွန်း (Cho Hyun)၊ အမျိုးသားလုံခြုံရေးအကြံပေး ဝီဆောင်လတ် (Wi Sung-lac) တို့နှင့်လည်း သီးခြားစီ တွေ့ဆုံသွားမည် ဖြစ်သည်။   ယခုခရီးစဉ်သည် နိုဝင်ဘာလအတွင်း တရုတ်နိုင်ငံ၌ ကျင်းပမည့် အာရှ-ပစိဖိတ် စီးပွားရေး ပူးပေါင်းဆောင်ရွက်ရေး (APEC) ထိပ်သီးအစည်းအဝေး မတိုင်မီ နှစ်နိုင်ငံ ဆက်ဆံရေး ပိုမိုကောင်းမွန်စေရန်နှင့် အဆင့်မြင့် ဆွေးနွေးပွဲများအတွက် ပြင်ဆင်ရန် ရည်ရွယ်ခြင်း ဖြစ်သည်။   တောင်ကိုရီးယား ခရီးစဉ်အပြီးတွင် ဝမ်ယိသည် အင်ဒိုနီးရှားနိုင်ငံသို့ ဆက်လက် ထွက်ခွာမည်ဖြစ်သည်။   အင်ဒိုနီးရှား၌ ရောက်ရှိစဉ်အတွင်း တရုတ်-အင်ဒိုနီးရှား ဘက်စုံ စတိုရီဂျစ် ဆွေးနွေးပွဲ မူဘောင်သစ်ကို သဘာပတိအဖြစ် ဦးဆောင်ကျင်းပမည်ဖြစ်သလို၊ တရုတ် ကာကွယ်ရေးဝန်ကြီး ဒေါင်ဂျွန် (Dong Jun) နှင့်အတူ နှစ်နိုင်ငံ နိုင်ငံခြားရေးနှင့် ကာကွယ်ရေး ဝန်ကြီးများအဆင့် (2+2) ဒုတိယအကြိမ် ပူးတွဲဆွေးနွေးပွဲသို့လည်း တက်ရောက်သွားမည်ဖြစ်သည်ဟု ဆိုသည်။   #ဝမ်ယိ #Wang_Yi

တရုတ်နိုင်ငံခြားရေးဝန်ကြီး ဝမ်ယိ တောင်ကိုရီးယားနှင့် အင်ဒိုနီးရှားသို့ သွားမည် 

တရုတ်နိုင်ငံခြားရေးဝန်ကြီး ဝမ်ယိ တောင်ကိုရီးယားနှင့် အင်ဒိုနီးရှားသို့ သွားမည်  သတင်းနှင့် မီဒီယာ ကွန်ရက်၂၀၂၆ ခုနှစ်၊ ဩဂုတ်လ ၁၉ ရက်။  တရုတ်…

  • August 19, 2026
ဒုံးကျည်ဖြင့် တိုက်ခိုက်ခံရပြီးနောက် အီရန်အပေါ် UAE က ကုန်သွယ်ရေး ပိတ်ဆို့   သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဩဂုတ်လ ၁၉ ရက်။     အာရပ်စော်ဘွားများ ပြည်ထောင်စု (UAE) က ၎င်း၏ အမျိုးသား လုံခြုံရေးနှင့် ပင်လယ်ရေကြောင်း သွားလာရေးကို ခြိမ်းခြောက်သည့် အီရန်နိုင်ငံ၏ ဒုံးကျည် တိုက်ခိုက်မှုများကို အကြောင်းပြု၍ အီရန်အပေါ် အကန့်အသတ်မရှိ စီးပွားရေးနှင့် ကုန်သွယ်ရေး ပိတ်ဆို့မှုများ စတင်လိုက်ကြောင်း UAE နိုင်ငံခြားရေးဝန်ကြီးဌာနက ထုတ်ပြန်ခဲ့သည်။   UAE ဘက်က အီရန်ဘက်မှ ပစ်ခတ်လိုက်သည့် ဒုံးကျည် နှစ်စင်းကို ရှာဖွေတွေ့ရှိခဲ့ပြီးနောက် အီရန်နှင့် ပြုလုပ်နေသည့် ကုန်သွယ်ရေး၊ ကူးသန်းရောင်းဝယ်ရေးနှင့် ဘဏ္ဍာရေး ဆက်သွယ်ဆောင်ရွက်မှု အားလုံးကို နောက်ထပ် အကြောင်းမပြန်မီအထိ ရပ်ဆိုင်းလိုက်ခြင်း ဖြစ်သည်။   အီရန် နိုင်ငံခြားရေးဝန်ကြီးဌာနကမူ ယင်းစွပ်စွဲချက်သည် အခြေအမြစ်မရှိကြောင်းနှင့် အမေရိကန်-အစ္စရေး စစ်ပွဲအတွင်း ပရိယာယ်ဆင် တိုက်ခိုက်မှုသာ ဖြစ်ကြောင်း ငြင်းဆိုထားသည်။   UAE သည် အီရန်နိုင်ငံ လိုအပ်သည့် သွင်းကုန်များ၏ သုံးပုံတစ်ပုံခန့်ကို ပံ့ပိုးပေးနေသော အဓိက ကုန်သွယ်ဖက် နိုင်ငံဖြစ်သည့်အပြင် နိုင်ငံတကာ စီးပွားရေး ပိတ်ဆို့မှုများကို ရှောင်လွှဲရာ အဓိက ဘဏ္ဍာရေး လမ်းကြောင်းလည်း ဖြစ်သည့်အတွက် ယခု ပိတ်ဆို့မှုသည် အီရန် စီးပွားရေးအပေါ် ပြင်းထန်သော ရိုက်ခတ်မှုများ ရှိလာနိုင်ကြောင်း စီးပွားရေး သုံးသပ်သူများက ထောက်ပြကြသည်။ Photo:AFP   #UAE

ဒုံးကျည်ဖြင့် တိုက်ခိုက်ခံရပြီးနောက် အီရန်အပေါ် UAE က ကုန်သွယ်ရေး ပိတ်ဆို့

ဒုံးကျည်ဖြင့် တိုက်ခိုက်ခံရပြီးနောက် အီရန်အပေါ် UAE က ကုန်သွယ်ရေး ပိတ်ဆို့ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဩဂုတ်လ ၁၉ ရက်။  အာရပ်စော်…

  • August 19, 2026
×Close